ភ្នាក់ងារ UN ព្រមានពីការកើនឡើងនៃការវាយប្រហារលើប្រព័ន្ធផ្សព្វផ្សាយនៅកម្ពុជា
ការិយាល័យសិទ្ធិមនុស្សរបស់អង្គការសហប្រជាជាតិ លើកឡើងថា ការកើនឡើងនៃការវាយប្រហារលើប្រព័ន្ធផ្សព្វផ្សាយ គឺជាការគំរាមកំហែងដល់លទ្ធិប្រជាធិបតេយ្យនៅប្រទេសកម្ពុជា។
របាយការណ៍របស់ការិយាល័យសិទ្ធិមនុស្សនៃអង្គការសហប្រជាជាតិក្នុងទីក្រុងហ្សឺណែវ ប្រទេសស្វីស បានចេញនាថ្ងៃទី០៣ ខែសីហា ឆ្នាំ២០២២ ឲ្យដឹងថា អស់រយៈពេលជាច្រើនឆ្នាំមកនេះ អាជ្ញាធរនៅកម្ពុជាបានអនុម័តយ៉ាងសកម្មនូវច្បាប់ដែលបានរឹតបន្តឹងលើលំហសេរីភាពពលរដ្ឋទូទៅ ហើយជាពិសេសលើសេរីភាពសារព័ត៌មាន។
ចំពោះច្បាប់ និងឯកសារច្បាប់ផ្សេងទៀត រដ្ឋាភិបាលកម្ពុជាបានអនុម័តនោះ បានផ្តល់អំណាចដល់អាជ្ញាធរក្នុងការរឹតត្បិតដាក់អ្នកសារព័ត៌មាន ព្រមទាំងអ្នកផ្សេងទៀតឲ្យស្ថិតនៅក្រោមការឃ្លាំមើល និងបានពង្រីកសមត្ថភាពរបស់រដ្ឋាភិបាលដើម្បីកាត់បន្ថយការងារប្រព័ន្ធផ្សព្វផ្សាយ និងសេរីភាពក្នុងការបញ្ចេញមតិតាមរយៈប្រព័ន្ធតុលាការ។
របាយការណ៍ដដែលបញ្ជាក់ថា អ្នកសារព័ត៌មាននៅកម្ពុជាបច្ចុប្បន្នកំពុងទទួលរងនូវការបៀតបៀន សម្ពាធតាមទម្រង់ផ្សេងៗ និងអំពើហិង្សាកាន់តែច្រើន ស្របពេលដែលមានការរឹតត្បិតកាន់តែខ្លាំងលើលំហសេរីភាពរបស់ពលរដ្ឋ និងសេរីភាពសារព័ត៌មាននៅក្នុងប្រទេស។ ករណីនេះវាជាឧបសគ្គជាក់លាក់ដែលបុគ្គលិកសារព័ត៌មានជាស្ត្រីជួបប្រទះ...
ទស្សនកិច្ចរបស់លោក Blinken បញ្ជាក់ពីការប្ដេជ្ញាចិត្តចំពោះអាស៊ាននិងទំនាក់ទំនងកម្ពុជា-អាមេរិក
ស្ថានទូតសហរដ្ឋអាមេរិកប្រចាំកម្ពុជា បញ្ជាក់ថា ទស្សនកិច្ចរបស់រដ្ឋមន្ត្រីការបរទេសអាមេរិក លោក Antony Blinken ក្នុងកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ នៅកម្ពុជា ដើម្បីបញ្ជាក់ពីការប្ដេជ្ញាចិត្តរបស់សហរដ្ឋអាមេរិកចំពោះមជ្ឈត្តភាពរបស់អាស៊ាន និងកិច្ចខិតខំប្រឹងប្រែងរបស់អាមេរិកក្នុងការពង្រឹងនូវទំនាក់ទំនងទ្វេភាគីកម្ពុជា និងអាមេរិក។
ស្ថានទូតសហរដ្ឋអាមេរិកប្រចាំកម្ពុជា បានសរសេរលើទំព័រហ្វេសប៊ុករបស់ខ្លួននៅថ្ងៃទី៤ ខែសីហា ឆ្នាំ២០២២ នេះថា រដ្ឋមន្ត្រីការបរទេសអាមេរិក លោក Antony Blinken នឹងចូលរួមកិច្ចប្រជុំថ្នាក់រដ្ឋមន្ត្រីការបរទេស និងកិច្ចប្រជុំពាក់ព័ន្ធអាស៊ាន ព្រមទាំងមានជំនួបជាលក្ខណៈទ្វេភាគីជាមួយបុរសខ្លាំង លោក ហ៊ុន...
រដ្ឋាភិបាលកម្ពុជាប្រកាសប្រកាន់ខ្ជាប់នូវគោលនយោបាយចិនតែមួយឥតងាករេ
ក្រសួងការបរទេសកម្ពុជា បង្ហាញជំហរយ៉ាងម៉ឺងម៉ាត់ថា រដ្ឋាភិបាលកម្ពុជានឹងប្រកាន់ខ្ជាប់នូវគោលនយោបាយចិនតែមួយដោយឥតងាករេ និងចាត់ទុកបញ្ហានានាពាក់ព័ន្ធនឹងហុងកុង តៃវ៉ាន់ ទីបេ និងស៊ីនជាំង គឺជាកិច្ចការផ្ទៃក្នុងរបស់សាធារណរដ្ឋប្រជាមានិតចិន។
ក្រសួងការបរទេស និងសហប្រតិបត្តិការកម្ពុជា បានចេញសេចក្តីថ្លែងការណ៍កាលពីថ្ងៃទី៣ ខែសីហា ឆ្នាំ២០២២ នេះដោយបង្ហាញនូវការព្រួយបារម្ភយ៉ាងខ្លាំងចំពោះភាពតានតឹងថ្មីៗនៅច្រកសមុទ្រតៃវ៉ាន់ និងស្នើសុំឲ្យគ្រប់ភាគីពាក់ព័ន្ធ គោរពចំពោះកិច្ចព្រមព្រៀងទាំងឡាយដែលត្រូវបានចុះហត្ថលេខារវាងសាធារណរដ្ឋប្រជាមានិតចិន និងសហរដ្ឋអាមេរិក ដែលបានចែងក្នុងសេចក្តីថ្លែងការណ៍រួមកាលពីពេលកន្លងទៅរវាងភាគីទាំងពីរ។
ក្រសួងការបរទេសកម្ពុជា អំពាវនាវឱ្យភាគីពាក់ព័ន្ធទាំងអស់ស្វះស្វែងរកដំណោះស្រាយប្រកបដោយសន្តិវិធី និងរក្សានូវស្ថានភាពដើម ចៀសវាងការបង្កហេតុមិនប្រក្រតីណាមួយនៅច្រកសមុទ្រតៃវ៉ាន់នេះ ដើម្បីបុព្វហេតុក្នុងការរក្សានូវសន្តិភាព ស្ថិរភាព វឌ្ឍនភាព និងវិបុលភាពនៅក្នុងតំបន់...
IDEA TALK៖ តើសន្តិសុខ និងសណ្ដាប់ធ្នាប់នៅតំបន់ឥណ្ឌូ-ប៉ាស៊ីហ្វិកកំពុងមានការវិវឌ្ឍបែបណាដែរ?
កម្មវិធី Idea Talk សម្រាប់រាត្រីថ្ងៃទី០៤ ខែសីហា ឆ្នាំ២០២២ ស្តីអំពី៖ «តើសន្តិសុខ និងសណ្ដាប់ធ្នាប់នៅតំបន់ឥណ្ឌូ-ប៉ាស៊ីហ្វិកកំពុងមានការវិវឌ្ឍបែបណាដែរ?»។
ក្រុមយុវជនពហិការមិនគាំទ្រអាជីវកម្មឧកញ៉ា ឡេង ណាវ៉ាត្រា បន្ទាប់ពីក្រុមហ៊ុននេះឈូសឆាយដីព្រៃភ្នំតាម៉ៅ
សកម្មជនដែលស្រឡាញ់បរិស្ថាន នាំគ្នាធ្វើពហិការលើបណ្ដាញសង្គមហ្វេសប៊ុកដោយអំពាវនាវឲ្យពលរដ្ឋ និងយុវជនចូលរួមពហិការឈប់គាំទ្រគ្រប់ផលិតផលទាំងអស់របស់ក្រុមហ៊ុន Leng Navatra Group របស់ឧកញ៉ា ឡេង ណាវ៉ាត្រា ដើម្បីចូលរួមសង្គ្រោះដីព្រៃភ្នំតាម៉ៅ ដោយសារក្រុមហ៊ុនមួយនេះកំពុងឈូសឆាយដីព្រៃភ្នំតាម៉ៅ ទំហំ ១៥០០ហិកតារដើម្បីធ្វើការអភិវឌ្ឍ។
សកម្មជនបរិស្ថាន កញ្ញា ភួន កែវរស្មី បានសរសេរលើហ្វេសប៊ុករបស់ខ្លួនដោយភ្ជាប់ជាមួយឈ្មោះឧកញ៉ា ឡេង ណាវ៉ាត្រា ថា កញ្ញាឈប់គាំទ្រ ប្រើប្រាស់ និងឈប់ទិញអាជីវកម្មឧកញ៉ា ឡេង...
មន្ត្រី៖ កម្ពុជាជំពាក់បរទេសជិត១ម៉ឺនលានដុល្លារអាមេរិក ហើយនៅអាចខ្ចីបន្ថែមទៀត
អគ្គលេខាធិការក្រសួងសេដ្ឋកិច្ច និងហិរញ្ញវត្ថុ អះអាងថា កម្ពុជាបានជំពាក់បំណុលបរទេសជិត ១ម៉ឺនលានដុល្លារអាមេរិកហើយ ប៉ុន្តែត្រូវស្ថាប័នអន្តជាតិធំៗវាយតម្លៃថា ស្ថានភាពបំណុលស្ថិតក្នុងទំហំបែបនេះមិនមានហានិភ័យ ឬបារម្ភពីបំណុលវ័ណ្ឌកនោះទេ។
អគ្គលេខាធិការក្រសួងសេដ្ឋកិច្ច និងហិរញ្ញវត្ថុ លោក មាស សុខសេនសាន បានអះអាងនៅក្នុងសន្និសីទសារព័ត៌មានស្ដីពីសមិទ្ធផលសម្រេចបានរយៈពេល ៥ឆ្នាំរបស់ក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី២ ខែសីហា ឆ្នាំ២០២២ ថា រដ្ឋាភិបាលកម្ពុជាបានគ្រប់គ្រងបំណុលទាំងនេះយ៉ាងម៉ត់ចត់បំផុត ហើយការខ្ចីក៏ធ្វើឡើងដោយមានគោលដៅច្បាស់លាស់ផងដែរ ពោលគឺកម្ចីនេះត្រូវបានយកមកប្រើប្រាស់ប្រកបដោយតម្លាភាព និងប្រសិទ្ធភាពរហូតមក។
លោក មាស...
លោក ហ៊ុន សែន ថាវៀតណាមជាទីផ្សារដ៏សំខាន់ក្នុងការទទួលកសិផលនាំចេញពីកម្ពុជា
លោកនាយករដ្ឋមន្ត្រី ហ៊ុន សែន អះអាងថា ប្រទេសវៀតណាម ជាទីផ្សារដ៏សំខាន់សម្រាប់ទទួលយកកសិផលនាំចេញពីប្រទេសកម្ពុជា ដែលបានរួមចំណែកជួយឲ្យកម្ពុជាកាន់តែរីកចម្រើន។
ការលើកឡើងរបស់លោក ហ៊ុន សែន ក្នុងជំនួបជាមួយសមាជិកគណៈកម្មាធិការកណ្តាលបក្សកុម្មុយនីស្តវៀតណាម សមាជិកាគណៈកម្មាធិការអចិន្ត្រៃយ៍ អ្នកស្រី ង្វៀន ធីថាញ់ នៅទីស្ដីការគណៈរដ្ឋមន្ត្រីនាថ្ងៃទី២ ខែសីហា ឆ្នាំ២០២២។
ក្នុងជំនួបទ្វេភាគីនោះ លោក ហ៊ុន សែន បានលើកឡើងថា ការរីកចម្រើនរបស់វៀតណាម បានរួមចំណែកជួយដល់ការរីកចម្រើនរបស់កម្ពុជា ដោយសារទំនាក់ទំនងល្អនៃប្រទេសទាំងពីរ...
លោក ហ៊ុន សែន ថាកិច្ចព្រមព្រៀងឯកច្ឆន្ទ៥ចំណុចរបស់អាស៊ានមិនមានភាពជឿនលឿន
បុរសខ្លាំងកម្ពុជា លោក ហ៊ុន សែន អះអាងថា ក្នុងនាមកម្ពុជាជាប្រធានអាស៊ាន មិនអាចធ្វើឱ្យកិច្ចព្រមព្រៀងឯកច្ឆន្ទទាំង ៥ចំណុចរបស់អាស៊ានដែលតម្រូវឱ្យរបបសឹកភូមាយកទៅអនុវត្ត ឲ្យមានភាពជឿនលឿនតាមអ្វីដែលប្រទេសជាសមាជិកអាស៊ានចង់បាននោះទេ។
ការអះអាងរបស់លោក ហ៊ុន សែន ធ្វើឡើងនៅក្នុងពិធីបើកកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ ដែលកម្ពុជាធ្វើជាម្ចាស់ផ្ទះនៅថ្ងៃទី៣ ដល់ថ្ងៃទី៥ ខែសីហា ឆ្នាំ២០២២ ដោយមានការចូលរួមពីអគ្គលេខាធិការអាស៊ាន និងរដ្ឋមន្ត្រីការបរទេសអាស៊ានចំនួន ៩រូប លើកលែងតែរដ្ឋមន្ត្រីការបរទេសមីយ៉ាន់ម៉ា ដែលមិនត្រូវបានអញ្ជើញឱ្យចូលរួម។
លោក ហ៊ុន សែន អះអាងថា...
អ្នកវិភាគថាទស្សនកិច្ចរបស់ប្រធានសភាអាមេរិកទៅកោះតៃវ៉ាន់ជាការព្រមានដោយផ្ទាល់ទៅចិន
ក្រុមអ្នកឃ្លាំមើលនិយាយថា ដំណើរទស្សនកិច្ចរបស់ប្រធានសភាសហរដ្ឋអាមេរិក អ្នកស្រី Nancy Pelosi ទៅកាន់កោះតៃវ៉ាន់ គឺជាការបង្ហាញអំពីគោលជំហររបស់អាមេរិកក្នុងការរៀបចំសណ្ដាប់ធ្នាប់ពិភពលោកក្នុងបរិបទថ្មី និងជាការព្រមានដោយផ្ទាល់ទៅកាន់ប្រធានាធិបតីចិន លោក ស៊ី ជិនពីង។
អនុប្រធានវេទិកាពលរដ្ឋ លោក ម៉ែន ណាត ប្រាប់ The Cambodia Daily នៅថ្ងៃទី៣ សីហា នេះថា ដំណើរទស្សនកិច្ចរបស់ប្រធានសភាសហរដ្ឋអាមេរិក អ្នកស្រី Nancy...
IDEA TALK៖ តើការប្រជែងយកតំណែងសមាជិកសភាសហព័ន្ធអាមេរិកាំងរបស់ជនជាតិអាស៊ីក្នុងនយោបាយអាមេរិកាំង ផ្តល់ប្រយោជន៍បែបណាដល់សហគមន៍ខ្មែរ?
កម្មវិធី Idea Talk សម្រាប់រាត្រីថ្ងៃទី០៣ ខែសីហា ឆ្នាំ២០២២ ស្តីអំពី៖ «តើការប្រជែងយកតំណែងសមាជិកសភាសហព័ន្ធអាមេរិកាំងរបស់ជនជាតិអាស៊ីក្នុងនយោបាយអាមេរិកាំង ផ្តល់ប្រយោជន៍បែបណាដល់សហគមន៍ខ្មែរ?»។