លោក ហ៊ុន សែន ថាការបោះបង្គោលព្រំដែនកម្ពុជា-វៀតណាមកើនដល់៩០%
លោក ហ៊ុន សែន ថ្លែងថា កម្ពុជា-វៀតណាមបោះបង្គោលព្រំដែនកើនដល់ ៩០% ហើយដោយនៅសល់ ១០% ទៀត កំពុងចរចាបោះបញ្ចប់។
ក្នុងពិធីជួបសំណេះសំណាលជាមួយពលរដ្ឋខ្មែររស់នៅសហរដ្ឋអាមេរិក និងកាណាដា នាព្រឹកថ្ងៃទី១២ ខែឧសភា ឆ្នាំ២០២២ លោកនាយករដ្ឋមន្ត្រី ហ៊ុន សែន ថ្លែងថា ក្នុងឆ្នាំ២០១៩ កម្ពុជា-វៀតណាមបោះបង្គោលព្រំដែនបានតែ ៨៤% ប៉ុន្តែរយៈពេល ២ឆ្នាំមកនេះ ប្រទេសទាំងពីរបានបោះបង្គោលព្រំដែនបានចំនួន...
លោក ហ៊ុន សែន ថាមិនបានចោទអាមេរិកជួយលោក កឹម សុខា ផ្តួលរំលំរដ្ឋាភិបាលទេ
លោកនាយករដ្ឋមន្ត្រី ហ៊ុន សែន បដិសេធថា លោកមិនបានចោទអាមេរិកនៅពីក្រោយសំណុំរឿងលោក កឹម សុខា នោះទេ ខណៈអនុរដ្ឋមន្ត្រីក្រសួងការបរទេសសហរដ្ឋអាមេរិក អ្នកស្រី Wendy Sherman បារម្ភអំពីដំណើរការសវនាការសំណុំរឿងរបស់លោក កឹម សុខា។
លោក កឹម សុខា ប្រធានគណបក្សសង្គ្រោះជាតិ ត្រូវបានរដ្ឋាភិបាលចោទប្រកាន់ពីបទរួមគំនិតជាមួយបរទេស ក្នុងគម្រោងមួយដែលរដ្ឋាភិបាលរបស់លោក ហ៊ុន សែន ហៅថា «ការប៉ុនប៉ងផ្ដួលរំលំរដ្ឋាភិបាល»...
តំបន់ព្រៃព្រះរការរងការកាប់បំផ្លាញព្រៃឈើយ៉ាងអណាធិបតេយ្យក្នុងរយៈពេល៧ឆ្នាំចុងក្រោយ
សហគមន៍ព្រៃព្រះរការ អះអាងថា ក្នុងរយៈពេល ៧ឆ្នាំកន្លងមកនេះ ដើមឈើធំៗនៅក្នុងដែនជម្រកសត្វព្រៃព្រះរការ ត្រូវបានកាប់បំផ្លាញយ៉ាងអណាធិបតេយ្យចាប់តាំងពីក្រសួងបរិស្ថាន ហាមឃាត់មិនឲ្យប្រជាសហគមន៍ចូលរួមការពារព្រៃឈើ។
ប្រជាសហគមន៍ការពារព្រៃព្រះរការ លោក ស៊ុត សាវន បានថ្លែងថា ព្រៃព្រះរការត្រូវបានកាប់យ៉ាងអណាធិបតេយ្យចាប់តាំងពីក្រសួងបរិស្ថាន ហាមឃាត់មិនឲ្យសហគមន៍ចូលរួមការពារព្រៃឈើចាប់តាំងឆ្នាំ២០១៩ កន្លងមក។
លោកសម្ដែងការសោកស្ដាយដែលក្រសួងមិនអនុញ្ញាតឲ្យប្រជាសហគមន៍ បានរួមចំណែកការពារនូវទ្រព្យសម្បត្តិជាតិ បែរជាបណ្ដោយឲ្យក្រុមឈ្មួញជាច្រើននាំគ្នាសម្រុកចូលក្នុងព្រៃ ដើម្បីកាប់ឈើយ៉ាងអណាធិបតេយ្យទៅវិញ។
ចំណែកឯអ្នកស្រី ជួន ឃឹម ប្រជាសហគមន៍រស់នៅភូមិម្លូព្រៃ ឃុំម្លូព្រៃ ស្រុកឆែប ខេត្តព្រះវិហារ បានថ្លែងថា...
អតីតមន្ត្រីបក្សប្រឆាំងថាការជេរលោក ហ៊ុន សែន កន្លងមកគឺតាមការញុះញង់របស់លោក សម រង្ស៊ី
អតីតអនុប្រធានផ្នែករដ្ឋបាលគ្រប់គ្រងនៃគណបក្សសង្គ្រោះជាតិប្រចាំសហរដ្ឋអាមេរិក (CNRP-A) បានចេញលិខិតសុំទោសជាសាធារណៈ ដោយអះអាងថា ការជេរប្រមាថទៅលើមេដឹកនាំបក្សកាន់អំណាច លោក ហ៊ុន សែន កន្លងមក គឺដោយសារតែលោកទទួលបានព័ត៌មានមិនគ្រប់ជ្រុងជ្រោយ និងជឿតាមការញុះញង់របស់អតីតមេដឹកនាំបក្សប្រឆាំង លោក សម រង្ស៊ី។
អតីតអនុប្រធានផ្នែករដ្ឋបាលគ្រប់គ្រងនៃគណបក្សសង្គ្រោះជាតិប្រចាំនៅទីក្រុងឡងប៊ិច រដ្ឋកាលីហ្វ័រនីញ៉ា សហរដ្ឋអាមេរិក គឺលោក យង់ ប្រេឌី ណុយ (Brady Young Noy) បានចេញលិខិតសុំទោសជាសាធារណៈ...
សភាអាមេរិកអនុម័តកញ្ចប់ថវិកា ៤០ពាន់លានដុល្លារសម្រាប់ជួយអ៊ុយក្រែនធ្វើសង្គ្រាមជាមួយរុស្ស៊ី
តាមសំណើរបស់លោកប្រធានាធិបតី ចូ បៃដិន ដែលសុំថវិកា ៣៣ពាន់លានដុល្លារ គឺទីបំផុតសភាសហរដ្ឋអាមេរិក បានអនុម័តដោយសំឡេងភាគច្រើនលើសលប់ គឺបង្កើនដល់ទៅ ៤០ពាន់លានដុល្លារអាមេរិក។
តាមទីភ្នាក់ងារសារព័ត៌មាន Reuters សមាជិកសភាសហរដ្ឋអាមេរិក បានអនុម័តលើគម្រោងកញ្ចប់ថវិកានេះកាលពីថ្ងៃទី១០ ឧសភា គឺពីរសប្ដាហ៍បន្ទាប់ពីលោកប្រធានាធិបតី ចូ បៃដិន បានបញ្ជូនសំណើរបស់សេតវិមានចូលមកក្នុងសភានូវទំហំសាច់ប្រាក់ត្រឹម ៣៣ពាន់លានដុល្លារ។
សំឡេងឆ្នោត គឺ ៣៦៨សំឡេងគាំទ្រ និង ៥៧សំឡេងជំទាស់។ គម្រោងស្នើថវិកា នឹងបញ្ជូនទៅព្រឹទ្ធសភានៅថ្ងៃទី១១...
សហភាពអឺរ៉ុបជំរុញឱ្យកម្ពុជាផ្តល់ដំណោះស្រាយបន្ទាន់លើសំណុំរឿងលោក កឹម សុខា
អនុប្រធានសហភាពអឺរ៉ុប ជំរុញឱ្យរដ្ឋាភិបាលកម្ពុជាផ្តល់ដំណោះស្រាយបន្ទាន់លើសំណុំរឿងប្រធានគណបក្សសង្គ្រោះជាតិ លោក កឹម សុខា និងធានាឱ្យបាននូវការបោះឆ្នោតតាមបែបប្រជាធិបតេយ្យនៅឆ្នាំ២០២២ ខាងមុខនេះ តាមរយៈនៃការបើកឱ្យមានគណបក្សប្រឆាំងមួយដែលមានតម្លៃផ្លូវច្បាប់ពេញលេញ។
អនុប្រធានសហភាពអឺរ៉ុប ដែលតំណាងឱ្យរដ្ឋសមាជិកទាំង ២៧រដ្ឋក្នុងសហគមន៍អឺរ៉ុប លោក ចូសឹប បូរ៉ែល (Josep Borrell) បានលើកឡើងក្នុងកិច្ចប្រជុំដេញដោលរបស់សភាអឺរ៉ុប កាលពីថ្ងៃទី៥ ខែឧសភា ឆ្នាំ២០២២ ថា សហភាពអឺរ៉ុបបានបើកចំហក្នុងការចូលរួមឡើងវិញរបស់កម្ពុជាលើការពិភាក្សាអំពីប្រព័ន្ធអនុគ្រោះពន្ធ EBA ប្រសិនបើមានការកែលំអឱ្យបានកាន់តែល្អប្រសើរច្រើនឡើងលើបញ្ហានៃលំហលទ្ធិប្រជាធិបតេយ្យនៅកម្ពុជាសព្វថ្ងៃនេះ។
តំណាងសហភាពអឺរ៉ុប លើកឡើងថា...
អ្នកតស៊ូមតិ៖ លោក ហ៊ុន សែន នឹងរងភាពអាម៉ាស់ធ្ងន់ធ្ងរជុំវិញកិច្ចប្រជុំអាស៊ាន-អាមេរិក
ក្រុមអ្នកតស៊ូមតិរស់នៅក្រៅស្រុក លើកឡើងថា លោក ហ៊ុន សែន នឹងរងនូវភាពអាម៉ាស់ក្នុងកិច្ចប្រជុំកំពូលអាស៊ាន-អាមេរិក ដោយសារសហរដ្ឋអាមេរិកបានទម្លាក់តម្លៃទំនាក់ទំនងការទូតរវាងកម្ពុជា និងអាមេរិកយ៉ាងធ្ងន់ធ្ងរ ព្រោះមិនបានរៀបចំឱ្យមានជំនួបទ្វេភាគីរវាងសហប្រធានទាំងពីរ។
អ្នកវិភាគនយោបាយ សង្គម និងជាអនុប្រធានក្រុមប្រឹក្សាភិបាលនៃចលនាពលរដ្ឋដើម្បីប្រជាធិបតេយ្យ លោក គឹម សុខ បានលើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីរាត្រីថ្ងៃទី១០ ឧសភា ថា...
IDEA TALK៖ តើយុវជនចង់ឃើញនយោបាយការបរទេសរបស់កម្ពុជាមានទិសដៅបែបណា?
កម្មវិធី Idea Talk សម្រាប់រាត្រីថ្ងៃទី១១ ខែឧសភា ឆ្នាំ២០២២ ស្តីអំពី៖ «តើយុវជនចង់ឃើញនយោបាយការបរទេសរបស់កម្ពុជាមានទិសដៅបែបណា?»។
អ្នកឃ្លាំមើល៖ ក្រោយកិច្ចប្រជុំអាស៊ាន-អាមេរិក ទំនាក់ទំនងកម្ពុជា-អាមេរិកនៅតែគ្មានភាពល្អប្រសើរ
អ្នកឃ្លាំមើលស្ថានការណ៍កម្ពុជា ព្យាករថា ក្រោយកិច្ចប្រជុំកំពូលពិសេសអាស៊ាន-អាមេរិកខាងមុខ នោះទំនាក់ទំនងកម្ពុជា-អាមេរិកនៅតែមិនអាចស្ដារឱ្យមានភាពល្អប្រសើរឡើងវិញបាន ដោយសារតែមេដឹកនាំខ្មែរកំពុងឈានជើងចូលកាន់តែជ្រៅក្នុងនយោបាយរបស់មហាអំណាចកុម្មុយនីស្តចិន។
អ្នកតាមដានស្ថានការណ៍កម្ពុជា លោក សុខ សុគន្ធ បានលើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីរាត្រីថ្ងៃទី៩ ឧសភា ថា សហរដ្ឋអាមេរិកគ្មានគោលបំណងកេងចំណេញ ឬមានផែនការបំផ្លាញនយោបាយកម្ពុជានោះទេ ប៉ុន្តែកម្ពុជាខ្លួនឯងប៉ុណ្ណោះដែលតែងបំផ្លាញខ្លួនឯងតាមរយៈនៃការដឹកនាំរបស់មេដឹកនាំដែលដឹងគុណអ្នកបំផ្លាញខ្លួន ដូចជាវៀតណាម និងចិន ហើយនាំគ្នាស្អប់...
លោក កឹម សុខា ថាសហគមន៍អន្តរជាតិផ្តល់តម្លៃដល់លោកដោយសារមិនរត់ចោលស្រុក
មេដឹកនាំបក្សប្រឆាំងដែលកំពុងរងការរឹតត្បិតសេរីភាពពីបក្សកាន់អំណាច លោក កឹម សុខា អះអាងថា ជំនួបរបស់លោកជាមួយតំណាងទូតនៃប្រទេសជាមិត្តកម្ពុជាកន្លងមក គឺបណ្តាប្រទេសទាំងនោះបានផ្តល់តម្លៃដល់រូបលោកដែលមិនរត់ចោលមាតុភូមិកម្ពុជា ដើម្បីស្វែងរកដំណោះស្រាយក្នុងការស្ដារលទ្ធិប្រជាធិបតេយ្យតាមរយៈនៃការប្រកាន់យកនូវគោលការណ៍អហិង្សា។
ប្រធានគណបក្សសង្គ្រោះជាតិដែលមិនទាន់មានសេរីភាពពេញលេញឡើងវិញ លោក កឹម សុខា បានសរសេរលើទំព័រហ្វេសប៊ុករបស់លោក បន្ទាប់ពីជួបពិភាក្សាជាមួយឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក Patrick Murphy នៅថ្ងៃទី១១ ឧសភា ថា ក្នុងជំនួបនេះ លោកបានពិភាក្សាផ្លាស់ប្ដូរទស្សនៈគ្នាជុំវិញបច្ចុប្បន្នភាពនៃព្រឹត្តិការណ៍សំខាន់ៗដែលកំពុងកើតមាននៅសហភាពអឺរ៉ុប សហរដ្ឋអាមេរិក និងនៅកម្ពុជា នាពេលថ្មីៗនេះ។
មេដឹកនាំបក្សប្រឆាំងរូបនេះអះអាងថា...