លោក យ៉េង វីរៈ លាឈប់ពីប្រធានគណបក្សប្រជាធិបតេយ្យមូលដ្ឋានដោយសារដល់អាណត្តិ
គណបក្សប្រជាធិបតេយ្យមូលដ្ឋាន បានធ្វើសមាជដើម្បីបោះឆ្នោតជ្រើសរើសក្បាលម៉ាស៊ីនដឹកនាំបក្សជាផ្លូវការកាលពីថ្ងៃទី៧ ខែមេសា ដោយសារលោក យ៉េង វីរៈ បានដកខ្លួនចេញពីប្រធានប្រតិបត្តិគណបក្សនេះ ក្រោមហេតុផលដល់កំណត់អាណត្តិត្រឹម ១០ឆ្នាំ។
តាមរយៈការធ្វើសមាជដើម្បីបោះឆ្នោតជ្រើសរើសប្រធានគណៈកម្មាធិការទាំង ៣ របស់គណបក្ស កាលពីថ្ងៃទី៧ ខែមេសា ឆ្នាំ២០២៤ លោក យ៉េង វីរៈ បានដកខ្លួនចេញពីប្រធានប្រតិបត្តិគណបក្ស ចំណែកអ្នកស្រី ប្រុក វ៉ាន្នី បានដកខ្លួនចេញពីប្រធានគណៈកម្មាធិការដោះស្រាយវិវាទ និងវិន័យ។
យោងតាមគណនីហ្វេសប៊ុករបស់គណបក្សប្រជាធិបតេយ្យមូលដ្ឋាន បានសរសេរថា...
សង្គមស៊ីវិលជំរុញឱ្យអាជ្ញាធរមានសមត្ថកិច្ចស្រាវជ្រាវឱ្យច្បាស់លាស់ជុំវិញការចាប់ខ្លួនលោក កើត សារ៉ាយ
មន្ត្រីជាន់ខ្ពស់អង្គការក្រៅរដ្ឋាភិបាល ជំរុញឱ្យអាជ្ញាធរមានសមត្ថកិច្ច បើកការស្រាវជ្រាវ និងសាកសួរពលរដ្ឋឱ្យបានច្បាស់លាស់ ជុំវិញការចាប់ខ្លួនប្រធានសមាគមសម្ព័ន្ធនិស្សិតបញ្ញវន្តកម្ពុជាលោក កើត សារ៉ាយ នៅពេលនេះ ប្រសិនបើសមត្ថកិច្ចចង់ដឹងការពិតថាបានញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គមមែនឬក៏អត់នោះ។
មន្ត្រីជាន់ខ្ពស់ទទួលបន្ទុកផ្នែកការងាររបស់មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស លោក ឃុន ថារ៉ូ សរសេរលើគណនីហ្វេសប៊ុករបស់លោកនៅថ្ងៃទី៨ ខែមេសា នេះថា ការចោទប្រកាន់ពីបទញុះញង់ដែលចាត់ទុកជាត្រឹមត្រូវ លុះត្រាតែអ្នកផ្ដើមគំនិតបានជំរុញ ឬអុជអាលឱ្យអ្នកប្រព្រឹត្ត ធ្វើតាមការចង្អុលបង្ហាញរបស់អ្នកផ្តើមគំនិតនោះ ខណៈលោក កើត សារ៉ាយ មិនបានប្រព្រឹត្តអំពើបែបនេះដូចការចោទប្រកាន់ឡើយ។
លោក...
ក្រុមអ្នកតស៊ូមតិ៖ កិច្ចប្រជុំរបស់សាលារាជធានីជាមួយប្រធានបក្សកម្លាំងជាតិគឺជារូបភាពគំរាមកំហែងសិទ្ធិសេរីភាពបញ្ចេញមតិ
ក្រុមអ្នកតស៊ូមតិកម្ពុជា (CAT) ចាត់ទុកកិច្ចប្រជុំដែលរៀបចំដោយសាលាក្រុងភ្នំពេញ ដែលមានសមាសភាពចូលរួមដោយអាជ្ញាធរមានសមត្ថកិច្ចជិត ២០អង្គភាព តទល់ជាមួយនឹងប្រធានគណបក្សកម្លាំងជាតិតែម្នាក់ គឺជារូបភាពគំរាមកំហែង និងបំភិតបំភ័យ ជុំវិញការអនុវត្តសិទ្ធិសេរីភាពបញ្ចេញមតិនៅកម្ពុជាសព្វថ្ងៃនេះ។
ក្រុមអ្នកតស៊ូមតិកម្ពុជា សរសេរលើទំព័រហ្វេសប៊ុកផ្លូវការរបស់ខ្លួននៅថ្ងៃទី៨ ខែមេសា ឆ្នាំ២០២៤ នេះថា ជារឿងដែលហួសចិត្ត និងគួរឱ្យអស់សំណើចជាទីបំផុត ដែលសាលាក្រុងភ្នំពេញអញ្ជើញឱ្យប្រធានគណបក្សកម្លាំងជាតិ លោក ស៊ុន ចន្ធី ចូលរួមក្នុងកិច្ចប្រជុំមួយដែលតទល់នឹងមន្ត្រីចំនួន ១៦អង្គភាព និងស្ថាប័ន ដោយគ្រាន់តែដើម្បីពិភាក្សាលើការជូនដំណឹងធ្វើបាតុកម្មនៅទីលានប្រជាធិបតេយ្យ ក្នុងបំណងទាមទារឱ្យដោះលែងសមាជិកគណបក្សកម្លាំងជាតិ...
សហគមន៍ព្រៃឡង់ខេត្តព្រះវិហាររកឃើញបទល្មើសកាប់ឈើខុសច្បាប់ជិត ១០កន្លែងដោយគ្មានការបង្ក្រាបពីអាជ្ញាធរ
បណ្ដាញសហគមន៍ព្រៃឡង់ខេត្តព្រះវិហារ បង្ហាញពីបទល្មើសកាប់ឈើខុសច្បាប់ក្នុងតំបន់អភិរក្សសត្វព្រៃព្រៃឡង់ ដែលកំពុងកើតមានជិត ១០កន្លែង។
ពួកគេបានរកឃើញដើមឈើធំៗជាច្រើនត្រូវបានកាប់រំលំ និងដឹកជញ្ជូនចេញយ៉ាងអនាធិបតេយ្យ ដោយគ្មានការចុះយាមល្បាតពីអាជ្ញាធរមានសមត្ថកិច្ច ឬអាជ្ញាធរឧទ្យានុរក្សឡើយ បន្ទាប់ពីពួកគេបានចុះស៊ើបអង្កេតបទល្មើសព្រៃឈើក្នុងតំបន់ព្រៃឡង់រយៈពេល ៣យប់ ៤ថ្ងៃរួចមក។
បណ្ដាញសហគមន៍ព្រៃឡង់ខេត្តព្រះវិហារ សរសេរលើទំព័រហ្វេសប៊ុករបស់ខ្លួនកាលពីថ្ងៃទី៧ ខែមេសា ឆ្នាំ២០២៤ នេះថា ពួកគេបានចុះស៊ើបអង្កេតបទល្មើសព្រៃឈើក្នុងតំបន់ព្រៃឡង់រយៈពេល ៣យប់ ៤ថ្ងៃ ចាប់ពីថ្ងៃទី៤ ដល់ថ្ងៃទី៧ ខែមេសា ឆ្នាំ២០២៤ ក្នុងនោះ ពួកគេបានរកឃើញបទល្មើសជាច្រើនករណី ដូចជា...
កិច្ចសម្ភាសន៍ពិសេសជាមួយលោក ហុង លីម អតីតតំណាងរាស្ត្រអូស្ត្រាលីដើមកំណើតខ្មែរ
លោក ហុង លីម គឺជាអតីតតំណាងរាស្ត្រអូស្ត្រាលីដើមកំណើតខ្មែរ ហើយលោកក៏ជាតំណាងរាស្ត្រអូស្ត្រាលីជនជាតិអាស៊ីដំបូងគេបង្អស់ប្រចាំរដ្ឋវីកថូវៀ (Victoria)។ លោក ហុង លីម មានដើមកំណើតមកពីឃុំព្រែកគយ ស្រុកស្អាង ខេត្តកណ្តាល ប្រទេសកម្ពុជា។
លោកជាបញ្ញវន្តជាន់ខ្ពស់មួយរូបក្នុងសម័យសាធារណរដ្ឋខ្មែរនៅអំឡុងឆ្នាំ១៩៧០។ ដោយសារលោកពូកែ និងមានជំនាញខ្ពស់ខាងភាសាអង់គ្លេស លោកក៏បានប្រឡងជាប់អាហារូបករណ៍មកបន្តការសិក្សានៅប្រទេសអូស្ត្រាលី នៅអំឡុងឆ្នាំ១៩៧០។ នៅក្នុងប្រទេសអូស្ត្រាលី លោកបានបន្តការសិក្សាថ្នាក់បរិញ្ញាបត្រខាងផ្នែកវិទ្យាសាស្ត្រនយោបាយ ដែលបានបញ្ចប់នៅអំឡុងឆ្នាំ១៩៧៥។
ក្រោយបញ្ចប់ការសិក្សា លោក ហុង លីម ក៏មានបំណងត្រឡប់ទៅជួយទឹកដីកំណើតរបស់លោកវិញដែរ...
ក្រុមអ្នកវិភាគថាដំណោះស្រាយវិបត្តិនយោបាយស្រុកខ្មែរ គឺត្រូវតែមាន ហ៊ុន សែន សម រង្ស៊ី កឹម សុខា
ក្រុមអ្នកវិភាគនយោបាយ លើកឡើងថា ដើម្បីដោះស្រាយវិបត្តិនយោបាយរបស់កម្ពុជាដែលកំពុងជាប់គាំងសព្វថ្ងៃនេះ គឺត្រូវតែមានការចូលរួមពីមេដឹកនាំបក្សកាន់អំណាចលោក ហ៊ុន សែន ប្រធានគណបក្សសង្គ្រោះជាតិលោក កឹម សុខា និងអតីតមេដឹកនាំបក្សប្រឆាំងលោក សម រង្ស៊ី ផ្សះផ្សាគ្នាដោយការចូលនិវត្តន៍ពីនយោបាយ និងទុកការងារឱ្យអ្នកបន្តវេន ឬកូនៗរបស់ពួកគេបន្តផែនការដឹកនាំប្រទេសទៅថ្ងៃមុខ។
អ្នកវិភាគនយោបាយ និងជាប្រធានវេទិកាពលរដ្ឋលោក គឹម សុខ បានសរសេរលើគណនីហ្វេសប៊ុករបស់លោកកាលពីថ្ងៃទី៤ ខែមេសា ឆ្នាំ២០២៤ ថា វិធីដោះស្រាយវិបត្តិនយោបាយរបស់កម្ពុជា គឺមានតែអ្នកនយោបាយចាស់ៗផ្សះផ្សាគ្នាដោយការចូលនិវត្តន៍ពីនយោបាយ...
នាយករដ្ឋមន្ត្រីកូនរក្សាបន្តការអនុវត្តអភិក្រម ៥ប្រការពីឪពុក តើអាចធ្វើបានប៉ុនណា?
នាយករដ្ឋមន្ត្រីថ្មីតត្រកូល លោក ហ៊ុន ម៉ាណែត លើកឡើងថា អភិក្រមទាំង ៥ ពីអតីតនាយករដ្ឋមន្ត្រីលោក ហ៊ុន សែន ដែលជាឪពុក នៅតែមានតម្លៃក្នុងការដាស់តឿនថ្នាក់ដឹកនាំ និងមន្ត្រីគ្រប់កម្រិត ឱ្យពិនិត្យ និងកែលម្អខ្លួនឱ្យស័ក្តិសមជាមន្ត្រីបម្រើប្រជាពលរដ្ឋ។
កូនប្រុសស្នងអំណាចពីលោក ហ៊ុន សែន គឺលោក ហ៊ុន ម៉ាណែត លើកឡើងក្នុងពិធីបិទសន្និបាតបូកសរុបការងារឆ្នាំ២០២៣ និងលើកទិសដៅការងារសម្រាប់ឆ្នាំ២០២៤ នៃក្រសួងមុខងារសាធារណៈ កាលពីថ្ងៃទី០៤...
ប្រធានព្រឹទ្ធសភាថ្មីលោក ហ៊ុន សែន តែងតាំងទីប្រឹក្សាច្រើនមិនខុសពីកូនជានាយករដ្ឋមន្ត្រីថ្មី
ព្រះមហាក្សត្រខ្មែរ ព្រះបាទសម្តេចព្រះបរមនាថ នរោត្តម សីហមុនី សម្រេចត្រាស់បង្គាប់តែងតាំងទីប្រឹក្សាសម្រាប់ប្រធានព្រឹទ្ធសភាអាណត្តិថ្មីចំនួន ៧៣នាក់ តាមសំណើទូលថ្វាយពីមេដឹកនាំបក្សកាន់អំណាចលោក ហ៊ុន សែន ដែលអ្នកខ្លះមានឋានៈស្មើនឹងទេសរដ្ឋមន្ត្រី រដ្ឋមន្ត្រី រដ្ឋលេខាធិការ អនុរដ្ឋលេខាធិការដែលមានចំនួនលើសទីប្រឹក្សារបស់ប្រធានព្រឹទ្ធសភាអាណត្តិទី៤ ទ្វេដង។
ព្រះមហាក្សត្រខ្មែរសម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យកាលពីថ្ងៃទី៤ ខែមេសា ឆ្នាំ២០២៤ ក្រៅពីត្រាស់បង្គាប់តែងតាំងទីប្រឹក្សាចំនួន ៧៣នាក់ ព្រះអង្គតែងតាំងនាយក និងនាយករងខុទ្ទកាល័យចំនួន ៦នាក់...
លោក ហ៊ុន សែន ដែលទើបតែកាន់តំណែងជាប្រធានព្រឹទ្ធសភាបានពីរថ្ងៃក្លាយជាប្រមុខរដ្ឋស្តីទី
អតីតនាយករដ្ឋមន្ត្រី ហ៊ុន សែន ដែលទើបតែកាន់តំណែងជាប្រធានព្រឹទ្ធសភាទើបតែបានពីរថ្ងៃដែលស្ទើរតែរៀបឫកមិនទាន់ផងនោះ បានទទួលភារៈបំពេញមុខនាទីជាប្រមុខរដ្ឋស្តីទី បន្ទាប់ពីព្រះករុណាព្រះមហាក្សត្រ ព្រះបាទសម្តេច ព្រះបរមនាថ នរោត្តម សីហមុនី ស្តេចយាងទៅបំពេញព្រះរាជទស្សនកិច្ចនៅប្រទេសជប៉ុន។
នៅក្នុងព្រះរាជសារចុះថ្ងៃទី៤ ខែមេសា ឆ្នាំ២០២៤ ព្រះករុណា ព្រះមហាក្សត្រ ព្រះបាទសម្តេចព្រះបរមនាថ នរោត្តម សីហមុនី ស្តេចមានព្រះរាជចំណារអំពីព្រះរាជដំណើរទស្សនកិច្ចរបស់ព្រះអង្គនៅប្រទេសជប៉ុន ចាប់ពីថ្ងៃទី៥ ខែមេសា។ នៅក្នុងព្រះរាជចំណារនោះ ព្រះអង្គពុំបានបញ្ជាក់អំពីកាលបរិច្ឆេទនៃការយាងវិលត្រឡប់មកមាតុប្រទេសវិញនៅពេលណានោះឡើយ។
ព្រះរាជទស្សនកិច្ចរបស់ព្រះអង្គនៅប្រទេសជប៉ុន នេះ...
រុស្ស៊ីថាខ្លួននៅតែប្រកាន់ជំហរមិនធ្វើសង្គ្រាមជាមួយសមាជិក NATO ខណៈ NATO រំលឹកខួប៧៥ឆ្នាំ
អនុរដ្ឋមន្ត្រីការបរទេសរុស្ស៊ី លោក Alexander Grushko បាននិយាយក្នុងបទសម្ភាសន៍មួយដែលចេញផ្សាយនាថ្ងៃព្រហស្បតិ៍ ទី៤ មេសា នេះថា ទំនាក់ទំនងរុស្ស៊ី និង NATO កំពុងបន្តធ្លាក់ដុនដាបខ្លាំង ប៉ុន្តែទីក្រុងមូស្គូ មិនមានចេតនាធ្វើសង្គ្រាមជាមួយសមាជិកណាមួយនៃបក្សសម្ព័ន្ធយោធាអាត្លង់ទិចខាងជើងនោះទេ។
តាមទីភ្នាក់ងារសារព័ត៌មាន Reuters ការបញ្ជាក់ជំហររបស់ទីក្រុងមូស្គូ ធ្វើឡើងនៅថ្ងៃទី៤ មេសា នេះ គឺចំពេលខួបទី៧៥ឆ្នាំ នៃការបង្កើតអង្គការ NATO។ ការប្រារព្ធខួប ៧៥ឆ្នាំនៃការបង្កើតអង្គការ...