ក្រសួងមហាផ្ទៃអនុញ្ញាតឱ្យតំណាងគណបក្សភ្លើងទៀនចូលជួបរឿងលិខិតចុះបញ្ជីច្បាប់ដើម
ក្រសួងមហាផ្ទៃអនុញ្ញាតឲ្យតំណាងគណបក្សភ្លើងទៀនចំនួន ៥រូបចូលជួបបន្ទាប់ពីបានដាក់សំណើកាលពីថ្ងៃទី៧ ខែកញ្ញា ឆ្នាំ២០២៣ ដើម្បីសុំឲ្យរដ្ឋមន្ត្រីក្រសួងមួយនេះជួយផ្ដល់លិខិតចុះបញ្ជីច្បាប់ដើមរបស់គណបក្ស។
ថ្នាក់ដឹកនាំរបស់គណបក្សភ្លើងទៀន បានដាក់លិខិតជាថ្មីទៀតនេះដោយស្នើសុំជួបរដ្ឋមន្ត្រីក្រសួងមហាផ្ទៃ ធ្វើឡើងបន្ទាប់ពីគណៈកម្មាធិការជាតិរៀបចំការបោះឆ្នោត មិនឲ្យចូលរួមការបោះឆ្នោតកាលពីថ្ងៃទី២៣ ខែកក្កដា ឆ្នាំ២០២៣។
ក្នុងលិខិតចុះថ្ងៃទី១៩ ខែកញ្ញា ឆ្នាំ២០២៣ ក្រសួងមហាផ្ទៃអនុញ្ញាតឲ្យតំណាងគណបក្សភ្លើងទៀនចំនួន ៥រូបចូលជួបតំណាងក្រសួងមហាផ្ទៃ នៅថ្ងៃទី២១ ខែកញ្ញា នេះ នៅសាលប្រជុំ «ខេត្តស្ទឹងត្រែង» នៃអគារទីស្ដីការក្រសួងមហាផ្ទៃ។
ការសម្រេចអនុញ្ញាតឲ្យតំណាងគណបក្សភ្លើងទៀនចូលជួបនេះ ធ្វើឡើងបន្ទាប់ពីក្រសួងមហាផ្ទៃបានបដិសេធសំណើសុំជួបជាមួយរដ្ឋមន្ត្រីក្រសួងមួយនេះនៅមុនការបោះឆ្នោត កាលពីខែកក្កដា និងកាលពីដើមខែសីហា កន្លងទៅ...
អ្នកឃ្លាំមើលរិះគន់ថាបង្កងប៉ាក៤៥គីឡូក្រាមដាក់លក់ក្នុងស្រុកក៏លក់អស់ដែរ មិនបាច់នាំចេញទៅចិនទេ
ក្រុមអ្នកឃ្លាំមើលនិយាយថា ក្រសួងកសិកម្មហាក់សម្ដែងនូវមោទនភាពខ្លាំងចំពោះជោគជ័យពីការនាំចេញបង្កងកណ្តូប ឬបង្កងប៉ាកជាង ៤០គីឡូក្រាម (៤៥គីឡូក្រាម) ទៅកាន់ទីផ្សារប្រទេសចិន ប៉ុន្តែក្រសួងក៏ត្រូវថ្លឹងថ្លែងដែរថា ចិនបានរកចំណូលពីកម្ពុជាបានដល់ទៅជាង ៦ពាន់លានដុល្លារអាមេរិកឯណោះត្រឹមតែរយៈពេល ៧ខែនៅដើមឆ្នាំ២០២៣ នេះ។
អ្នកផ្តល់ប្រឹក្សាផ្នែកអភិវឌ្ឍន៍ផ្នត់គំនិត និងការស្រាវជ្រាវលោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី២០ កញ្ញា នេះថា ប្រសិនបើក្រសួងកសិកម្មផ្សព្វផ្សាយការនាំចេញបង្កងប៉ាកនេះក្នុងន័យថា ទទួលបានជោគជ័យក្នុងការពិសោធនាំចេញវារីរស់ នោះគឺជាខ្លឹមសារសមរម្យជាង...
អ្នកជំនាញផ្នែកច្បាប់ទាមទារឱ្យអគ្គនាយកពន្ធដារពន្យល់ឱ្យច្បាស់អំពីពន្ធចំណេញមូលធនដែលគ្រោងប្រមូលនៅឆ្នាំ២០២៤
អ្នកជំនាញផ្នែកច្បាប់កម្ពុជា ទាមទារឱ្យអគ្គនាយកនៃអគ្គនាយកដ្ឋានពន្ធដារកម្ពុជា ពន្យល់ឱ្យបានច្បាស់ជុំវិញគម្រោងអនុវត្តពន្ធលើប្រាក់ចំណេញមូលធននៅដើមឆ្នាំ២០២៤ ខាងមុខនេះ ដោយសារតែការបកស្រាយរបស់លោក គង់ វិបុល លើករណីនេះមិនដាច់ស្រេច ដែលធ្វើឱ្យពលរដ្ឋនៅតែមានចម្ងល់។
លោកមេធាវី ផែង ហេង បានសរសេរលើគណនីហ្វេសប៊ុករបស់លោកកាលពីថ្ងៃទី១៩ ខែកញ្ញា ឆ្នាំ២០២៣ នេះ ដោយដកស្រង់ចម្ងល់របស់ពលរដ្ឋដែលប្រតិកម្មទៅនឹងការលើកឡើងរបស់លោក គង់ វិបុល ជុំវិញការអនុវត្តពន្ធមូលធនដែលយកគំរូតាមប្រទេសបារាំង និងប្រទេសអូស្ត្រាលី ដែលត្រូវកំណត់ត្រឹមតែ ២០% នៃប្រាក់ចំណេញពីការលក់អចលនទ្រព្យរបស់ពលរដ្ឋខ្មែរ។
លោក ផែង...
CCIM ប្រកាសមិនជាប់ពាក់ព័ន្ធនឹងដំណើរការផ្សាយឡើងវិញរបស់ VOD នៅអាមេរិក
មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ CCIM ប្រកាសមិនជាប់ពាក់ព័ន្ធនឹងដំណើរការផ្សាយឡើងវិញរបស់វិទ្យុសំឡេងប្រជាធិបតេយ្យ (VOD) នៅទីក្រុងតាកូម៉ា នៃរដ្ឋវ៉ាស៊ីនតោន សហរដ្ឋអាមេរិកនោះឡើយ។
CCIM ចេញផ្សាយសេចក្តីថ្លែងការណ៍របស់ខ្លួននៅថ្ងៃទី២០ ខែកញ្ញា នេះថា វិទ្យុសំឡេងប្រជាធិបតេយ្យ VOD ដែលស្ថិតក្រោមការគ្រប់គ្រងរបស់ CCIM ត្រូវបានក្រសួងព័ត៌មានដកអាជ្ញាប័ណ្ណ និងបញ្ឈប់ការផ្សាយកាលពីថ្ងៃទី១៣ ខែកុម្ភៈ ឆ្នាំ២០២៣ ហើយគេហទំព័ររបស់ VOD ទាំងភាសាខ្មែរ និងអង់គ្លេស ក៏ត្រូវបានរាំងខ្ទប់ (Block)...
IDEA TALK៖ ដំណើរការបង្កើតសារព័ត៌មានសំឡេងប្រជាធិបតេយ្យជីវិតទីពីរក្នុងសហរដ្ឋអាមេរិក
កម្មវិធី Idea Talk សម្រាប់រាត្រីថ្ងៃទី២០ ខែកញ្ញា ឆ្នាំ២០២៣ ស្តីអំពី៖ «ដំណើរការបង្កើតសារព័ត៌មានសំឡេងប្រជាធិបតេយ្យជីវិតទីពីរក្នុងសហរដ្ឋអាមេរិក»។
ICJ ចាប់ផ្ដើមជំនុំជម្រះក្ដីសំណុំរឿងប្រល័យពូជសាសន៍ប្រឆាំងរបបដឹកនាំរបស់លោក ពូទីន
យោងតាមការចុះផ្សាយមួយរបស់បណ្ដាញផ្សាយព័ត៌មាន BBC បានឱ្យដឹងថា តុលាការយុត្តិធម៌អន្តរជាតិ ICJ ចាប់ផ្ដើមបើកសំណុំរឿងប្រឆាំងរបបនៅក្រុងមូស្គូ ដោយការបើកសវនាការជំនុំជម្រះក្ដីករណីប្រល័យពូជសាសន៍ទៅលើជាតិសាសន៍អ៊ុយក្រែន។
តាមប្រភពដដែលនេះ តុលាការអន្តរជាតិដែលមានមូលដ្ឋាននៅក្រុងឡាអេ ប្រទេសហុឡង់ដ៍ បានបើកសវនាការចាប់តាំងពីនៅថ្ងៃចន្ទ ទី១៨ កញ្ញា នេះ ដោយមានចៅក្រមទាំង ១៥រូបនឹងស្តាប់អំណះអំណាងរបស់ភាគីរុស្ស៊ី។
ជាមួយគ្នានេះ នៅថ្ងៃទី១៩ គឺដល់វេនដើមចោទ គឺភាគីអ៊ុយក្រែន ដែលនឹងត្រូវឡើងមកការពារបណ្ដឹងរបស់ខ្លួនដែលប្ដឹងរុស្ស៊ី។ បន្ថែមពីនេះ នៅថ្ងៃពុធ ទី២០ កញ្ញា ចៅក្រមទាំង...
រដ្ឋាភិបាលឱ្យឡើងប្រាក់ឈ្នួលកម្មករ ២ដុល្លារ ស្របនឹងការចង់បានរបស់និយោជកព្រមឡើង ១,៥ដុល្លារ
សហជីពសុំដំឡើងប្រាក់ឈ្នួលកម្មករ ១៣ដុល្លារ តែរដ្ឋាភិបាលយល់ព្រមឲ្យឡើងតែ ២ដុល្លារជាតួលេខប្រហាក់ប្រហែលនឹងការចង់បានរបស់និយោជក ដែលព្រមឡើងត្រឹមតែ ១ដុល្លារ ៥០សេនប៉ុណ្ណោះ ខណៈកិច្ចប្រជុំពិភាក្សាសម្រេចនឹងធ្វើនៅថ្ងៃទី២៨ ខែកញ្ញា ខាងមុខនេះ។
សេចក្ដីប្រកាសព័ត៌មានចុះថ្ងៃទី១៨ ខែកញ្ញា ឆ្នាំ២០២៣ របស់ក្រសួងការងារ និងបណ្ដុះបណ្ដាលវិជ្ជាជីវៈ ឲ្យដឹងថា នៅក្នុងកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាលើកទី៥ នាថ្ងៃទី១៨ ខែកញ្ញា នេះមានតំណាងសហជីពចូលរួមចំនួន ១៧រូប និងភាគីនិយោជក រួមទាំងភាគីរដ្ឋាភិបាល។
ក្នុងកិច្ចប្រជុំនោះ ភាគីទាំងអស់បានលើកយកតួលេខប្រាក់ឈ្នួលកម្មករផ្សេងៗគ្នា ដោយភាគីតំណាងកម្មករ...
មន្ត្រីបក្សប្រឆាំងរិះគន់ការធ្វើកំណែទម្រង់របស់រដ្ឋាភិបាលថ្មីគឺគ្រាន់តែធ្វើឱ្យល្អមើល
ក្រុមអ្នករិះគន់ច្រានចោលការធ្វើកំណែទម្រង់របស់រដ្ឋាភិបាលថ្មី ដែលកំពុងដឹកនាំដោយលោក ហ៊ុន ម៉ាណែត ថាជារឿងដែលមិនអាចទៅរួច គឺគ្រាន់តែធ្វើឲ្យល្អមើលតែប៉ុណ្ណោះ ត្បិតរដ្ឋាភិបាលដែលរីកប៉ោងក្បាលធំនេះ គឺដោយសារតែការតែងតាំងសមាជិកជាន់ខ្ពស់របស់ខ្លួនតាមសែស្រឡាយបក្ខពួកតែប៉ុណ្ណោះ។
តំណាងរាស្ត្រអតីតគណបក្សសង្គ្រោះជាតិលោក អ៊ុំ សំអាន លើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីរាត្រីថ្ងៃទី១៨ ខែកញ្ញា ថា ការប្រកាសធ្វើកំណែទម្រង់របស់លោក ហ៊ុន ម៉ាណែត គ្រាន់តែធ្វើឱ្យល្អមើល...
អ្នកឃ្លាំមើលជំរុញឱ្យលោក នេត សាវឿន ស៊ើបអង្កេតលើសាច់ញាតិនិងមន្ត្រីធំៗដើម្បីទប់ស្កាត់បទល្មើសគ្រឿងញៀន
អ្នកឃ្លាំមើលជំរុញឲ្យអាជ្ញាធរគ្រឿងញៀន លោក នេត សាវឿន បើកការស៊ើបអង្កេតវះកាត់សាច់ញាតិ និងមន្ត្រីធំៗដូចជាឧកញ៉ា ហ៊ុន តូ ឧកញ៉ា ហ៊ុន ជា និងឧកញ៉ា ម៉ុង ឫទ្ធី ទើបអាចទប់ស្កាត់បទល្មើសនេះមានប្រសិទ្ធភាព។
ការជំរុញនេះ ធ្វើឡើងបន្ទាប់ពីអាជ្ញាធរជាតិប្រយុទ្ធប្រឆាំងគ្រឿងញៀនបង្ហាញរបាយការណ៍នៃការបង្ក្រាបបទល្មើសគ្រឿងញៀនចាប់ពីដើមឆ្នាំ២០២៣ រហូតមកដល់បច្ចុប្បន្នបានជាង ៤ពាន់ករណី ក្នុងនោះមានសារធាតុញៀនជាង ២តោន និងសារធាតុគីមីផ្សំប្រមាណ ៩០០គីឡូក្រាម ដោយឃាត់ខ្លួនមនុស្សចំនួនជាង ១ម៉ឺននាក់...
VOD ប្រកាសចាប់ផ្តើមដំណើរការសកម្មភាពផ្សាយរបស់ខ្លួនឡើងវិញនៅដើមខែក្រោយពីក្រៅប្រទេស
វិទ្យុសំឡេងប្រជាធិបតេយ្យ (Voice of Democracy) ដែលហៅកាត់ថា (VOD) ប្រកាសចាប់ផ្តើមដំណើរការសកម្មភាពរបស់ខ្លួនឡើងវិញនៅដើមខែក្រោយ បន្ទាប់ពីត្រូវបានបិទខ្ទប់ពីសំណាក់រដ្ឋាភិបាលកម្ពុជាអស់រយៈពេល ៨ខែកន្លងមក។
សារព័ត៌មានសំឡេងប្រជាធិបតេយ្យ វីអូឌី (VOD) បានចេញសេចក្តីប្រកាសព័ត៌មានស្ដីពីការចាប់ផ្តើមដំណើរការផ្សព្វផ្សាយព័ត៌មានរបស់ខ្លួនឡើងវិញនៅថ្ងៃទី១៩ ខែកញ្ញា ឆ្នាំ២០២៣ នេះថា ខ្លួននឹងចាប់ផ្តើមជីវិតទីពីរដោយដាក់ដំណើរការផ្សាយព័ត៌មានសាជាថ្មីចាប់ពីថ្ងៃទី២ ខែតុលា ឆ្នាំ២០២៣ តាមបណ្ដាញសង្គម Facebook, YouTube និង Tik Tok...