CATEGORY
ពាណិជ្ជកម្ម
ប្រជាកសិករខ្មែរចុះកិច្ចព្រមព្រៀងនាំអង្ករចេញទៅអឺរ៉ុបនិងអាមេរិក
ប្រជាកសិករធ្វើស្រែសរីរាង្គជាង១.០០០នាក់នៅខេត្តព្រះវិហារ កាលពីម្សិលមិញបានចុះកិច្ចសន្យាមួយ ដើម្បីផលិតអង្ករផ្កាម្លិះប្រហែល២.៥០០តោន សម្រាប់ក្រុមហ៊ុនក្នុងស្រុក Amru Rice នាំចេញទៅអឺរ៉ុប និងសហរដ្ឋអាមេរិក។
លោក អ៊ុក...
ការនាំចេញអង្កររបស់កម្ពុជាទៅតំបន់អឺរ៉ុបមានការកើនឡើង
ការនាំចូលអង្កររបស់សហភាពអឺរ៉ុបពីប្រទេសអភិវឌ្ឍន៍តិចតួចជាពិសេសគឺប្រទេសកម្ពុជានោះបានកើនឡើង៥១ភាគរយបើធៀបនឹងឆ្នាំមុន។ តួលេខនេះជាតួលេខមួយ ដែលទីភ្នាក់ងារស្រូវអង្ករជាតិអីុតាលី ចាត់ទុកថា "ជាទិន្នន័យថ្មីមិនល្អ" នៅក្នុងការខិតខំប្រឹងប្រែងរបស់ខ្លួន ដើម្បីដកចេញនូវការនាំចេញរួចពន្ធ។
យោងតាមទិន្នន័យចេញដោយគណៈកម្មការអឺរ៉ុប សហភាពអឺរ៉ុបបាននាំចូលអង្ករចំនួន២៥៤.៤៣៦តោន ពីប្រទេសកម្ពុជា និងពីប្រទេសភូមាចាប់ពីខែកញ្ញាឆ្នាំ២០១៣ដល់ខែកក្កដា ឆ្នាំនេះ បើធៀបនឹងរយៈពេលដូចគ្នាកាលពីឆ្នាំមុនដែលមានចំនួន១៦៨.៨៣២តោននោះ។ ចំណែកឯការនាំចេញរបស់ប្រទេសកម្ពុជាមានប្រមាណ៩៧ភាគរយ ពោលគឺស្មើនឹង២៤៦.៩៥៤តោន។
តួលេខនេះត្រូវបានបង្ហាញ បន្ទាប់ពីមានការបិទច្រកនាំចូលសំខាន់ៗនៅក្នុងប្រទេសអូស្ត្រាលី ដោយកសិករ និងសមាជិកនៃសហជីពកសិកម្មកាលពីខែមុន នៅក្នុងការតវ៉ាប្រឆាំងនឹងកិច្ចព្រមព្រៀង "អ្វីៗទាំងអស់លើកលែងតែសព្វាវុធ" របស់សហភាពអឺរ៉ុបដែលអនុញ្ញាតឲ្យអង្ករកម្ពុជាត្រូវបាននាំចេញដោយរួចពន្ធទៅកាន់ទីផ្សារអឺរ៉ុបនោះ។
លោក Roberto Carriere ប្រធានសមាគមរោងម៉ាស៊ីនកិនស្រូវអីុតាលីបានលើកឡើងថា ទោះបីជាមានការគាំទ្រពីអ្នកនយោបាយអីុតាលីក្រោយពីមានការតវ៉ាកាលពីខែកក្កដា ក៏ដោយ ក៏ការនាំចូលអង្ករពីប្រទេសកម្ពុជាទំនងជានៅតែកើនឡើង ហើយបានដាក់សម្ពាធបន្ថែមលើឧស្សាហកម្មស្រូវអង្កររបស់អីុតាលី ខណៈកសិករអីុតាលីកំពុងជួបការលំបាកដោយសារអង្ករនាំចូលមានតម្លៃថោកជាង។
លោក Carriere បានលើកឡើងតាមរយៈអីុម៉េលថា "អ្នកនយោបាយអីុតាលី "នៅក្នុងសភារបស់យើងក្នុងតំបន់ស្រូវអង្កររបស់យើង និងសភាសហភាពអឺរ៉ុប"កំពុងចាប់អារម្មណ៍លើបញ្ហារបស់យើង ហើយពួកគេមានចិត្តចង់ដោះស្រាយបញ្ហានេះ"។
លោកបានបន្ថែមថា "ខ្ញុំគិតថា គ្មានឱកាសដើម្បីបញ្ឈប់ការនាំចូលដែលកំពុងតែកើនឡើងនោះទេ ប្រសិនបើគណៈកម្មការមិនអនុម័តនូវខមួយដែលមានចែងពីការគាំពារ ដើម្បីដោះស្រាយពន្ធនាំចូល"។
លោក Carriere បានលើកឡើងទៀតថា ទីភ្នាក់ងារស្រូវអង្ករកម្ពុជាបានធ្វើឯកសារព្រាងមួយស្តីពីកម្ពុជា ហើយនឹងដាក់ជូនក្រសួងអភិវឌ្ឍន៍សេដ្ឋកិច្ចអីុតាលី ដើម្បីរៀបចំកិច្ចប្រជុំទាក់ទិននឹងឧស្សាហកម្មស្រូវអង្ករក្នុងគោលបំណងពិភាក្សាពីការការពារវិស័យនេះ។
លោក ដេវីដ វាន នាយកប្រតិបត្តិក្រុមហ៊ុនរោងម៉ាស៊ីនកិនស្រូវ និងនាំចេញ Boost Riche បានលើកឡើងថា ទាក់ទិននឹងខ្លឹមសារនៃឯកសារនោះ វាមានការគំរាមកំហែងតិចតួចដល់កសិករ រោងមា៉ស៊ីនកិនស្រូវ និងអ្នកនាំចេញរបស់ប្រទេសកម្ពុជា។
លោកបានមានប្រសាសន៍ថា "យើងមិនដឹងថា ក្នុងឯកសារនោះមានអត្ថន័យអ្វីឡើយ ព្រោះវាគឺជារឿងផ្ទៃក្នុងរបស់ពួកគេ។ យើងមិនចាប់អារម្មណ៍ខ្លាំងនោះទេ ហើយយើងក៏មិនមានប្រតិកម្មលើសកម្មភាពរបស់ពួកគេដែរ លុះត្រាតែសហភាពអឺរ៉ុបមានប្រតិកម្មចំពោះបណ្តឹងរបស់ពួកគេ"។
កាលពីខែមុនអ្នកនាំពាក្យរបស់សហភាពអឺរ៉ុបទទួលបន្ទុកផ្នែកអភិវឌ្ឍន៍ជនបទ និងកសិកម្មបានបញ្ជាក់ពីគោលជំហរស្មារតីគោរពតាមកិច្ចព្រមព្រៀងពាណិជ្ជកម្មរួចពន្ធរបស់សហភាពអឺរ៉ុប ហើយលោកបានលើកឡើងថា ការដកចេញនូចកិច្ចព្រមព្រៀងនេះ "គឺមិនស្ថិតក្នុងរបៀបវារៈទេ"។
លោក គឹម សាវុធ ប្រធានក្រុមហ៊ុនខ្មែរហ្វូ៊ត (Khmer Food) ដែលនាំចេញអង្ករបានលើកឡើងថា ប្រសិនបើវិស័យស្រូវអង្កររបស់អីុតាលីជួបបញ្ហានោះ មានកសិករជាច្រើននៅទីនេះដែលរីករាយនឹងជួយ។
លោក សាវុធ បានមានប្រសាសន៍ថា "ប្រសិនបើប្រទេសអីុតាលីព្រួយបារម្ភខ្លាចក្រែងប្រជាពលរដ្ឋរបស់ខ្លួនចាកចេញពីដីស្រែ អ៊ីចឹង អាចមកជួបខ្ញុំដើម្បីពិភាក្សាគ្នា។ យើងអាចបញ្ជូនកសិកររបស់យើងទៅធ្វើការនៅទីនោះ។គ្រាន់តែផ្តល់ទិដ្ឋាការដល់ពួកគេទៅជាការស្រេច ហើយកសិកររបស់យើងអាចរស់បានដោយមិនចាំបាច់មានប្រាក់ឧបត្ថម្ភធន ឬអ្វីផ្សេងទៀតឡើយ៕គឹមហឿន
វិនិយោគិនតៃវ៉ាន់មិនបារម្ភនឹងរឿងនយោបាយ
ក្រុមហ៊ុនពាណិជ្ជកម្មតៃវ៉ាន់ជាច្រើនដែលសម្លឹងមើលឱកាសបោះទុនវិនិយោគក្នុងប្រទេសកម្ពុជា ហាក់ដូចជាមិនបារម្ភនឹងការសន្យារបស់លោកនាយករដ្ឋមន្ត្រី ហ៊ុន សែន កាលពីខែមុន ថានឹងរារាំងផែនការរបស់ការិយាល័យពាណិជ្ជកម្មតៃវ៉ាន់ក្នុងក្រុងភ្នំពេញ ជាការបង្ហាញសាមគ្គីភាពជាមួយរដ្ឋាភិបាលក្រុងប៉េកាំងទេ។
អំឡុងទស្សនកិច្ច បេសកកម្មពាណិជ្ចកម្មតៃវ៉ាន់ប្រចាំឆ្នាំលើកទី៤នៅកម្ពុជា នៅសណ្ឋាគារអិនធើខុនធីណិនថលក្នុងក្រុងភ្នំពេញកាលពីម្សិលមិញ...
ក្រុមហ៊ុនខេមបូឌា បាយ័ន អ៊ែរឡាញ (Cambodia Bayon Airlines) ជាក្រុមហ៊ុនអាកាសចរណ៍ដំបូងរបស់ចិន ដែលបង្កើតឡើងនៅបរទេស បានសម្ពោធជាផ្លូវការនៅក្នុងរាជធានីភ្នំពេញកាលពីម្សិលមិញ...
កសិករងាកទៅដាំដំណាំម្រេចដើម្បីបង្កើនប្រាក់ចំណូល
យោងតាមអ្នកដាំដំណាំម្រេចបានឲ្យដឹងថា អ្នកចម្ការនៅតាមបណ្តាខេត្តដែលដាំដំណាំម្រេចក្នុងប្រទេសកម្ពុជា កំពុងបង្កើនការដាំដំណាំដែលផ្តល់ប្រាក់ចំណេញច្រើននេះកាន់តែខ្លាំងឡើង ក្នុងពេលដែលតម្លៃកៅស៊ូនៅលើទីផ្សារពិភពលោកបានធ្លាក់ចុះក្នុងពេលជាង៦ខែនេះ ដោយដីដែលត្រូវដាំម្រេចបានកើនឡើងទ្វេដងក្នុងតំបន់មួយចំនួន។
យោងតាមលោក យិន សុផា នាយកប្រតិបត្តិក្រុមហ៊ុនអភិវឌ្ឍន៍ដំណាំម្រេចដា-មេមត់បានឲ្យដឹងថា នៅឃុំដា...
ក្រុមហ៊ុនកូរ៉េខាងត្បូងបង្កើតរោងចក្រផលិតអំពូលភ្លើងសន្សំថាមពល
មន្ត្រីបាននិយាយថា កាលពីម្សិលមិញក្រុមហ៊ុនកូរ៉េខាងត្បូងមួយបានបញ្ចប់គម្រោងដាក់ភ្លើងសន្សំថាមពលបំភ្លឺតាមផ្លូវ ក្នុងតម្លៃ១០០.០០០ដុល្លារ នៅក្នុងខេត្តពោធិ៍សាត់ ហើយបាននិយាយថា ខ្លួននឹងវិនិយោគ១០០លានដុល្លារដើម្បីសាងសង់រោងចក្រផលិតប្រព័ន្ធភ្លើងនេះ។
លោក ស៊ុយ សែម រដ្ឋមន្ត្រីក្រសួងរ៉ែ...
បញ្ញត្តិករទូរគមនាគមន៍កម្ពុជាមិនអាចទម្លាយភាពទាល់ច្រករវាងqb និង Smart
យោងតាមប្រភពពាក់ព័ន្ធផ្ទាល់នឹងកិច្ចប្រជុំបានឲ្យដឹងថា កាលពីម្សិលមិញនាយកប្រតិបត្តិក្រុមហ៊ុនទូរស័ព្ទចល័ត qb និង Smart បានជួបជាមួយក្រុមមន្ត្រីមកពីបញ្ញត្តិករទូរគមនាគមន៍កម្ពុជា (TRC) ក្នុងកិច្ចប្រឹងប្រែងដើម្បីដោះស្រាយជម្លោះកំពុងកើតមានរបស់ក្រុមហ៊ុនទាំងពីរ ប៉ុន្តែមិនបានឈានដល់កិច្ចព្រមព្រៀងទេ។
លោក...
បញ្ញត្តិករចង់ឲ្យក្រុមហ៊ុនqb និងក្រុមហ៊ុន Smart ដោះស្រាយបញ្ហា
មន្ត្រីបញ្ញត្តិករទូរគមនាគមន៍កម្ពុជា (TRC) ម្នាក់បាននិយាយកាលពីម្សិលមិញថា បញ្ញត្តិករទូរគមនាគមន៍កម្ពុជាចង់ឲ្យក្រុមហ៊ុនទូរស័ព្ទចល័ត qb និងក្រុមហ៊ុនទូរស័ព្ទ Smart ដោះស្រាយជម្លោះក្រៅតុលាការ ហើយបានជូនដំណឹងដល់ក្រសួងប្រៃសណីយ៍ និងទូរគមនាគមន៍អំពីគោលបំណងរបស់ខ្លួនក្នុងការសម្របសម្រួលការចរចារវាងក្រុមហ៊ុនទាំងពីរនេះ។
លោក អ៊ុក ដូរ៉ានី (AukDorany) ជាសមាជិកទី២នៃ TRC បានមានប្រសាសន៍ថា " យើងមិនចង់ដោះស្រាយរឿងនេះនៅតុលាការទេ។យើងចង់ព្យាយាមដោះស្រាយបញ្ហានេះជាមួយបញ្ញត្តិករ។ យើងមានផែនការធ្វើការចរចារវាងក្រុមហ៊ុន qb និងក្រុមហ៊ុន Smart”។
លោក ដូរ៉ានី បានឲ្យដឹងទៀតថា TRC បានបញ្ជូនលិខិតមួយច្បាប់កាលពីម្សិលមិញ ទៅក្រសួងប្រៃសណីយ៍ និងទូរគមនាគមន៍ ដោយជូនដំណឹងអំពីផែនការរបស់បញ្ញត្តិករក្នុងការដោះស្រាយជម្លោះនេះនៅក្រៅតុលាការ។ លោកបានមានប្រសាសន៍ថា "លិខិតផ្ញើទៅក្រសួងជូនដំណឹងដល់រដ្ឋមន្ត្រីថា យើងនឹងអញ្ជើញក្រុមហ៊ុនទាំងពីរមកចរចា។ លិខិតនោះចុះហត្ថលេខាដោយប្រធាន TRC នៅថ្ងៃនេះ និងត្រូវបញ្ជូននៅថ្ងៃនេះ"។
ក្រុមហ៊ុន qb ជាក្រុមហ៊ុនមួយក្នុងចំណោមក្រុមហ៊ុនទូរស័ព្ទចល័តតូចបំផុតនៅកម្ពុជាបានចោទប្រកាន់ក្រុមហ៊ុន Smart ដែលជាក្រុមហ៊ុនធំបំផុតទី២គិតតាមចំនួនអតិថិជននៅកម្ពុជា ថាបានបង្ខូចកិត្តិនាម និងធ្វើឲ្យខូចផលប្រយោជន៍ហិរញ្ញវត្ថុរបស់ខ្លួន បន្ទាប់ពីក្រុមហ៊ុនទាំងពីរនេះបានបញ្ចប់កិច្ចព្រមព្រៀងមានយូរមកហើយ ដែលអនុញ្ញាតឲ្យអតិថិជន qb “ ប្រើសេវា រូ៉មីង" តាមប្រព័ន្ធទូរស័ព្ទរបស់ក្រុមហ៊ុន Smart ។
មុនពេលមានការបញ្ចប់កិច្ចព្រមព្រៀងនេះ ក្រុមហ៊ុន qb បានចាប់ផ្តើមទទួលការហៅទូរស័ព្ទពីអតិថិជន ដែលបានប្រាប់ក្រុមហ៊ុននេះថា ក្រុមហ៊ុន Smart កំពុងតែទាក់ទងពួកគេឲ្យប្តូរទៅប្រើប្រព័ន្ធទូរស័ព្ទ...
ត្រីវៀតណាមមានចំនួនយ៉ាងច្រើននៅក្នុងប្រទេសកម្ពុជា
នៅមជ្ឈមណ្ឌលចែកចាយត្រីច្រាំងចម្រេះក្នុងខណ្ឌប្ញស្សីកែវ រាជធានីភ្នំពេញ អ្នកជួញដូរត្រីជាច្រើននាំគ្នាចាប់យកត្រីផ្ទក់ចេញពីធុងដ៏ធំមួយ ហើយយកដាក់ចូលក្នុងកញ្ឆេ។
តាំងពីបានចាប់ផ្តើមអាជីវកម្មក្នុងឆ្នាំ២០១២រហូតមក អ្នករកសីុផ្នែកចែកចាយត្រីម្នាក់ឈ្មោះ ភី វាសនា បាននិងកំពុងទិញត្រីផ្ទក់នាំចូលពីប្រទេសវៀតណាមបន្ថែមលើត្រីផ្សេងៗទៀតដែលមានទម្ងន់សរុបជិតមួយតោន ដើម្បីយកទៅលក់ជារៀងរាល់ថ្ងៃ។
លោកបាននិយាយកាលពីដើមសប្តាហ៍នេះថា " នៅក្នុងប្រទេសកម្ពុជាយើងមិនមានត្រីទេ។ បើយើងមានត្រី ខ្ញុំមិនចាំបាច់ទិញត្រីវៀតណាមទៅលក់ទេ"។ ក៏ប៉ុន្តែ ប្រទេសកម្ពុជាពិតជាមានត្រី ហើយមានច្រើនទៀតផង។
តំបន់ត្រីទឹកសាបក្នុងប្រទេសកម្ពុជាដែលស្ថិតក្នុងចំណោមតំបន់សម្បូរត្រីច្រើនបំផុតនៅក្នុងពិភពលោកដោយសារតែមានជង្រុកត្រីនៅជុំវិញបឹងទន្លេសាប និងទន្លេជាច្រើនទៀតនៅក្នុងប្រទេសនេះ ត្រូវបានគេប្រើប្រាស់ដើម្បីទាញប្រយោជន៍យ៉ាងច្រើនពីផែនដី នេះបើយោងតាមអង្គការស្រាវជ្រាវអំពីត្រីមួយដែលមានមូលដ្ឋាននៅប្រទេសម៉ាឡេស៊ី គឺអង្គការ វើលហ្វីស(World Fish) ។
ប្រទេសកម្ពុជាឈរនៅចំណាត់ថ្នាក់ទី៤នៅក្នុងពិភពលោក បន្ទាប់ពីប្រទេសចិន ឥណ្ឌា និងប្រទេសបង់ក្លាដេស ក្នុងផ្នែកផលិតភាពនៃការចាប់ត្រីទឹកសាប នេះបើយោងតាមអង្គការ វើល ហ្វីស ។
លោក អាលែន ប្រូ៊ក នាយកអង្គការ វើល ហ្វីស ប្រចាំមហាតំបន់ទន្លេមេគង្គបានមានប្រសាសន៍ថា " យើងមានភាពអំណោយផលផ្នែកត្រីធម្មជាតិនៅក្នុងប្រទេសកម្ពុជា។ តាមពិតទៅមានត្រីធម្មជាតិយ៉ាងច្រើន"។
យោងតាមទិន្នន័យជលផលបានបង្ហាញថា ត្រីប្រហែល៥០០ពាន់តោនកើតតាមធម្មជាតិក្នុងមួយឆ្នាំៗ ក៏ប៉ុន្តែ ត្រីធម្មជាតិភាគច្រើននៅប្រទេសកម្ពុជាត្រូវបាននាំចេញដោយគេចពន្ធទៅក្រៅប្រទេស។ នេះមានន័យថា សកម្មភាពពាណិជ្ជកម្មត្រីធម្មជាតិមិនត្រូវបានឆ្លុះបញ្ចាំងតាមរយៈតួលេខផ្លូវការរបស់រដ្ឋាភិបាលទេ នេះបើយោងតាមលោក យុត សេងឡុង ប្រធានគ្រប់គ្រងកម្មវិធីអង្គការក្រុមការងារសម្ព័ន្ធអភិរក្សជលផល។
នៅក្នុងត្រីមាសដំបូងនៃឆ្នាំនេះតម្លៃនាំចេញត្រីកើនឡើង២៦ភាគរយពី២០៣.៣០៩ដុល្លារក្នុងឆ្នាំ២០១៣ដល់២៥៦.១៧៣ដុល្លារក្នុងឆ្នាំនេះ តម្លៃនាំចេញត្រីកាលពីឆ្នាំមុនមានចំនួន៩៣៤.៨២៤ដុល្លារ ឬស្មើមួយភាគនៃទំនិញនាំចេញដែលមានតម្លៃជិត៧.០០០លានដុល្លារ។
ភាគច្រើនក្នុងចំណោមត្រីនៅក្នុងប្រទេសកម្ពុជាកំពុងត្រូវបានចាប់នៅក្នុងដែនទឹកនៃប្រទេសនេះ ហើយនាំចេញទៅទីផ្សារនៅប្រទេសវៀតណាមនេះបើយោងតាមលោក សេងឡុង។
លោកបានមានប្រសាសន៍ថា សកម្មភាពនេសាទត្រីខុសច្បាប់កំពុងកើនឡើងជាពិសេសនៅពេលយប់ និងនៅកន្លែងដែលស្ថិតនៅឆ្ងាយពីភ្នែករបស់សហគមន៍ និងសង្គមសីុវិល។ ពួកគេប្រើប្រាស់បច្ចេកទេសនេសាទត្រីស្របច្បាប់ផង និងខុសច្បាប់ផង"។ លោក សេងឡុង បានឲ្យដឹងទៀតថា ក្រុមអ្នកនេសាទត្រីដែលមានឧបករណ៍ទំនើបៗ និងថ្លៃៗ ដែលភាគច្រើនមកពីប្រទេសវៀតណាម តែងតែផ្តល់ប្រាក់សំណូកប្រហែល៥០០ដុល្លារដល់អាជ្ញាធរដើម្បីកុំឲ្យបើកភ្នែកជាហេតុបណ្តាលឲ្យសកម្មភាពនេសាទត្រីទ្រង់ទ្រាយតូចរងផលប៉ះពាល់។
អ្នកនេសាទតូចតាចពេលខ្លះប្រឈមនឹងបញ្ហាក្នុងការនេសាទរបស់ខ្លួន។ កាលពីខែឧសភា មានជនជាតិវៀតណាម១៣នាក់ត្រូវបានអ្នកនេសាទត្រីខ្មែរចាប់ខ្លួន ហើយបានសហការជាមួយទូកនេសាទតូចៗចំនួន៧០គ្រឿងដើម្បីព័ទ្ធទូកដែលមានបណ្តោយ២២ម៉ែត្រមកពីប្រទេសវៀតណាមក្នុងគោលបំណងធ្វើសកម្មភាពនេសាទត្រីពេលយប់ក្នុងប្រទេសកម្ពុជា។
នៅយប់មួយក្រុមអ្នកនេសាទត្រីមានគ្នាពីប្រាំនាក់ទៅ១០នាក់អាចចាប់ត្រីបានយ៉ាងច្រើនដោយគិតជាតម្លៃបានប្រហែល៥.០០០ដុល្លារ ហើយក៏ត្រឡប់ទៅប្រទេសវៀតណាមវិញ នេះបើយោងតាមលោក សេងឡុង ។
មន្ត្រីជាច្រើននៅរដ្ឋបាលជលផលនៃក្រសួងរុក្ខាប្រមាញ់ និងនេសាទ បានបដិសេធមិនធ្វើសេចក្តីអត្ថាធិប្បាយ ចំណែកឯជំនួយការផ្ទាល់លោក ណៅ ធួក អគ្គនាយករដ្ឋបាលជលផលបានបដិសេធសំណើរសុំធ្វើកិច្ចសម្ភាស។
ក្នុងពេលដែលត្រីខ្មែរកំពុងត្រូវបាននាំចេញទៅក្រៅប្រទេសតម្រូវការត្រីនៅក្នុងប្រទេសបានឆ្លើយតបភាគច្រើនដោយកសិដ្ឋានចិញ្ចឹមត្រីក្នុងប្រទេសវៀតណាម។
សម្រាប់អ្នកលក់ត្រី ដូចជាលោក វាសនា ជាដើមត្រីចិញ្ចឹមក្នុងប្រទេសកម្ពុជាជាទូទៅមានតម្លៃខ្ពស់ណាស់នៅពេលយកទៅលក់ក្នុងទីផ្សារក្នុងស្រុក។ លោកទិញត្រីផ្ទក់ពីកសិដ្ឋានចិញ្ចឹមត្រីរបស់វៀតណាមក្នុងតម្លៃ១,៨ដុល្លារក្នុងមួយគីឡូក្រាម ហើយលក់ចេញវិញក្នុងតម្លៃប្រហែល២,២ដុល្លារ ចំណែកឯត្រីធម្មជាតិក្នុងប្រទេសកម្ពុជាលោកត្រូវចំណាយប្រាក់២,៦ដុល្លារក្នុងមួយគីឡូក្រាមដើម្បីទិញវា។
លោកបាននិយាយថា " ត្រីធម្មជាតិរបស់កម្ពុជាមានតម្លៃថ្លៃជាងត្រីរបស់វៀតណាម។ អ៊ីចឹងហើយបានជាខ្ញុំទិញត្រីមកពីវៀតណាមយកទៅលក់"។
រំហូរចូលត្រីចិញ្ចឹមដែលមានតម្លៃថោក មកពីទូទាំងតំបន់ព្រំដែនក៏កំពុងតែដាក់សម្ពាធទៅលើនិន្នាការពង្រីកកសិដ្ឋានចិញ្ចឹមត្រីក្នុងប្រទេសកម្ពុជាផងដែរ។
នៅកសិដ្ឋានចិញ្ចឹមត្រីមួយក្នុងខណ្ឌប្ញស្សីកែវ មានត្រីងាប់អណ្តែតលើផ្ទៃទឹកស្រះដែលមិនត្រូវបានប្រើប្រាស់មួយ។ អ្នកស្រី ស្រី ម៉ៅ ម្ចាស់កសិដ្ឋាននេះបាននិយាយថា អ្នកស្រីត្រូវតែកាត់បន្ថយសកម្មភាពអាជីវកម្មរបស់អ្នកស្រីដោយសារតែតម្រូវការធ្លាក់ចុះ។
ពីឆ្នាំ២០០៨ដល់ឆ្នាំ២០១២ អ្នកស្រីម៉ៅ អាចរកចំណូលបានប្រហែល១៧,៥ដុល្លារក្នុងមួយថ្ងៃពីការលក់កូនត្រីឲ្យទៅអ្នកចិញ្ចឹមត្រីផ្សេងៗទៀត។ ក៏ប៉ុន្តែ តាំងពីពាក់កណ្តាលឆ្នាំ២០១២មកអ្នកស្រីបានឲ្យដឹងថា ចំណូលពីការលក់របស់អ្នកស្រីបានធ្លាក់ចុះដល់២,៥ដុល្លារក្នុងមួយថ្ងៃ ហើយពេលខ្លះស្ទើរតែគ្មានទៀតផង។
ដើម្បីដោះស្រាយថ្លៃជួលស្រះចិញ្ចឹមត្រីចំនួន៣.០០០ដុល្លារក្នុងមួយឆ្នាំសម្រាប់កសិដ្ឋានដែលមានទំហំ២១៥ម៉ែត្រក្រឡារបស់អ្នកស្រី អ្នកស្រី ម៉ៅ ត្រូវតែបញ្ឈប់កម្មករចំនួនប្រាំពីរនាក់ដែលអ្នកស្រីធ្លាប់ទទួលឲ្យធ្វើការ។
អ្នកស្រីបានមានប្រសាសន៍ថា " អាជីវកម្មរបស់យើងកំពុងតែធ្លាក់ចុះ ឯអតិថិជនរបស់ខ្ញុំក៏បានឈប់ចិញ្ចឹមត្រីផងដែរ"។
លោក ណៃ តាន់ណារិទ្ធ អាយុ៤២ឆ្នាំជាពេទ្យវះកាត់មួយរូបដែលមានកសិដ្ឋានចិញ្ចឹមត្រីទំហំពីរហិកតានៅតំបន់ជាយក្រុងរាជធានីភ្នំពេញ បានឲ្យដឹងថា ថ្លៃដើមសម្រាប់ដំណើរការកសិដ្ឋានចិញ្ចឹមត្រីកំពុងកើនឡើងចំណីត្រី៤០០តោនដែលលោកទិញជារៀងរាល់ឆ្នាំដើម្បីចិញ្ចឹមត្រីនៅកសិដ្ឋានរបស់លោកមានតម្លៃ០,២៥ដុល្លារក្នុងមួយគីឡូក្រាមក្នុងឆ្នាំនេះ ពោលគឺកើនឡើងពី០,២១ដុល្លារក្នុងមួយគីឡូក្រាមកាលពីឆ្នាំមុន។
លោក ណៃ តាន់ណារិទ្ធ បានលើកឡើងថា អ្នកចិញ្ចឹមត្រីវៀតណាមប្រើប្រាស់វិធីចិញ្ចឹមត្រីតាមបែបកែច្នៃដើម្បីចិញ្ចឹមត្រីឲ្យឆាប់ទទួលបានផលសម្រាប់នាំចេញជាហេតុបណ្តាលឲ្យអ្នកចិញ្ចឹមត្រីនៅក្នុងប្រទេសកម្ពុជាជួបការលំបាកក្នុងការទ្រទ្រង់អាជីវកម្ម។
លោកបានមានប្រសាសន៍ថា " ត្រីវៀតណាមមិនមានគុណភាពល្អដូចត្រីខ្មែរទេពីព្រោះពួកគេប្រើចំណីមិនមែនធម្មជាតិក្នុងការចិញ្ចឹមត្រី។ អ៊ីចឹងហើយបានជាពួកគេឆាប់បានទទួលផលក្នុងរយៈពេលពីរខែ ហើយបានប្រមូលយកលក់ ក៏ប៉ុន្តែត្រីរបស់ខ្ញុំត្រូវចំណាយពេលប្រហែល២ឆ្នាំទើបអាចធំធាត់ល្អ"។
លោក ប្រ៊ូក នៅអង្គការWorldFish បានមានប្រសាសន៍ថាផលិតកម្មវារីវប្បកម្មសរុបពិតជាមានកំណើនប្រមាណពី១០ភាគរយទៅ១៥ភាគរយឬប្រមាណ៩០.០០០តោនក្នុងមួយឆ្នាំ។ក៏ប៉ុន្តែ អ្នកចិញ្ចឹមត្រីនៅប្រទេសកម្ពុជាមានការការចាញ់ប្រៀបច្រើនក្នុងការប្រកួតប្រជែងរបស់ខ្លួនជាមួយអ្នកចិញ្ចឹមត្រីឆ្លងដែន។
លោកប្រ៊ូក បានមានប្រសាសន៍ថា“ ប្រសិនបើមានចំនួនត្រីច្រើនកំពុងនាំចូលឬទម្លាក់ចោលនៅក្នុងប្រទេសកម្ពុជាពេលនោះវានឹងបំផ្លាញឧស្សាហកម្មដែលកំពុងចាប់កំណើត”។
លោកបានបន្ថែមថា" អាចនិយាយបានថាយើងគួរតែប្រកួតប្រជែងជាមួយពួកគេឲ្យមានប្រសិទ្ធភាពថែមទៀត។ប៉ុន្តែមានប្រព័ន្ធបច្ចេកវិទ្យាខ្ពស់ហើយប្រទេសនេះក៏នៅជិតផងដែរ។ខ្ញុំនឹងមិនផ្តល់អនុសាសន៍អំពីការយកពន្ធឆ្លងដែនទេពីព្រោះវាជាការឆ្លើយតបទៅវិញទៅមក”។
វិស័យជលផលគឺជាប្រភពសំខាន់មួយនៃប្រាក់ចំណូលនិងជាអាហារសម្រាប់ប្រជាពលរដ្ឋជាង៦លាននាក់និងចូលរួមចំណែកជាង១០ភាគរយក្នុងផលិតផលក្នុងស្រុកសរុបនេះបើយោងតាមរបាយការណ៍ឆ្នាំ២០១០របស់អង្គការ...
មន្ត្រីក្រសួងពាណិជ្ជកម្មបានលើកឡើងកាលពីម្សិលមិញថា សេចក្តីព្រាងច្បាប់មួយស្តីពីពាណិជ្ជកម្មអេឡិចត្រូនិក ដែលនឹងធ្វើនិយ័តកម្មលើពាណិជ្ជកម្មអេឡិចត្រូនិកនៅក្នុងប្រទេសកម្ពុជា នឹងធ្លាក់ដល់ដៃទីស្តីការគណៈរដ្ឋមន្ត្រីនៅខែសីហា ក្រោយពីមានការពិនិត្យផ្ទៀងផ្ទាត់ដោយស្ថាប័នរដ្ឋចំនួនពីរផ្សេងទៀត។
លោក ឱម តារារិទ្ធ ប្រធាននាយកដ្ឋានច្បាប់នៃក្រសួងពាណិជ្ជកម្ម បានមានប្រសាសន៍ថា សេចក្តីព្រាងច្បាប់ដែលមាន១២ជំពូក និងមាត្រាចំនួន៨១នេះ កំពុងរង់ចាំការផ្តល់មតិយោបល់ពីក្រសួងប្រៃសណីយ៍ និងទូរគមនាគមន៍ និងធនាគារជាតិនៃកម្ពុជា។
លោកមានប្រសាសន៍ថា " យើងត្រូវបញ្ជូនសេចក្តីព្រាងច្បាប់នេះទៅស្ថាប័នពាក់ព័ន្ធសំខាន់ៗចំនួនពីរ" ដោយរំពឹងនឹងទទួលបានមតិយោបល់ពីស្ថាប័នទាំងពីរនោះនៅខែកក្កដា។ លោកបានបន្តថា ច្បាប់នេះនឹងធ្វើឲ្យសកម្មភាពពាណិជ្ជកម្មតាមបណ្តាញអេឡិចត្រូនិកនៅលើទីផ្សារក្នុងស្រុក និងទីផ្សារអន្តរជាតិប្រសើរឡើង។
លោកបានមានប្រសាសន៍បន្ថែមទៀតថា "យើងនឹងមានលទ្ធភាពពង្រីកវិសាលភាពនៃការជួញដូរទំនិញតាមរយៈប្រព័ន្ធអេឡិចត្រូនិកនេះ។ យើងក៏អាចធ្វើឲ្យអ្នកទិញជាជនបរទេសស្គាល់ផលិតផលក្នុងស្រុករបស់យើងកាន់តែច្បាស់និងបង្កើនការបញ្ជាទិញផងដែរ"។
នៅក្នុងអាស៊ាន មានតែប្រទេសកម្ពុជា ឡាវ និងហ្វីលីពីន ប៉ុណ្ណោះដែលមិនទាន់មានច្បាប់ពាណិជ្ជកម្មអេឡិចត្រូនិក ទោះបីជាប្រទេសទាំងនេះបានព្រមព្រៀងអនុម័តច្បាប់នេះនៅក្នុងឆ្នាំ២០០៨ក៏ដោយ។
លោក អិុន ចាន់នី ប្រធាននាយកប្រតិបត្តិនៃធនាគារអេសីុលីដា ភីអិលសីុ បានមានប្រសាសន៍ថា ច្បាប់នេះនឹងជួយកាត់បន្ថយពេលវេលានៅក្នុងការដំណើរការឯកសារក្នុងវិស័យធនាគារ និងប្រតិបត្តិការពាណិជ្ជកម្មផ្សេងៗទៀតនៅក្នុងប្រទេស។
លោកមានប្រសាសន៍ទៀតថា " វានឹងជួយយើងឲ្យទទួលបានព័ត៌មានពាណិជ្ជកម្ម និងចុះបញ្ជីឆាប់រហ័ស។ពាណិជ្ជកម្មអេឡិចត្រូនិក គឺលឿនណាស់សម្រាប់ធនាគារ ប្រសិនបើពួកគេចង់បន្ថែមទុនវិនិយោគ ឬកែប្រែលក្ខខណ្ឌមួយចំនួននោះ"។
ឧកញ៉ា លឹម ប៊ុនហេង ប្រធានក្រុមហ៊ុន ឡូរ៉ង់ និងជាប្រធានសមាគមនាំចេញអង្ករកម្ពុជាបានស្វាគមន៍ច្បាប់ដែលគេទន្ទឹងរង់ចាំជាយូរមកហើយនេះ ពីព្រោះវានឹងជួយកាត់បន្ថយការចំណាយលើការធ្វើដំណើរ ហើយនឹងជួយបង្កើនការនាំចេញអង្ករពីប្រទេសកម្ពុជា។
លោកបានបន្តថា " នៅពេលការចំណាយរបស់យើងត្រូវបានបន្ថយ យើងនឹងមានលទ្ធភាពបង្កើនការនាំចេញរបស់យើង"។
លោក កែន រដ្ឋា អ្នកនាំពាក្យក្រសួងពាណិជ្ជកម្មបានមានប្រសាសន៍ថា ក្រសួងក៏កំពុងធ្វើសេចក្តីព្រាងច្បាប់ស្តីពីការការពារអ្នកប្រើប្រាស់ និងច្បាប់ស្តីពីការប្រកួតប្រជែងផងដែរ ដែលគ្រោងនឹងបញ្ចប់នៅខែក្រោយ។ លោកបានបញ្ជាក់ថា ធនាគារពិភពលោកបានផ្តល់មូលនិធិ១២០.០០០ដុល្លារសម្រាប់ដំណើរការព្រាងច្បាប់ពាណិជ្ជកម្មអេឡិចត្រូនិក។
លោក ឱម តារារិទ្ធ បានមានប្រសាសន៍ថា ធនាគារពិភពលោកបានផ្អឹបមូលនិធិទុកកាលពីឆ្នាំ២០១១ដោយសារការដោះស្រាយរបស់រដ្ឋាភិបាលចំពោះការបណ្តេញប្រជាពលរដ្ឋចេញពីដីធ្លីនៅក្នុងរាជធានីភ្នំពេញ ប៉ុន្តែ បានបន្ត "គម្រោងតូចៗ"៕សុខុម