Wednesday, July 15, 2020

ពានិជ្ជកម្

អាវ​យឺត​​មាន​ស្លាក​សញ្ញា​ហាង​កាហ្វេ Starbucks​ ត្រូវ​បាន​គេ​ឃើ​ញ​ពាក់​ព្រោង​ព្រាត​នៅក្នុង​រាជ​ធានី​ភ្នំ​ពេញ

ទី​ផ្សារ​ហាង​កាហ្វេ​បាន​រីក​ព្រោង​ព្រាត​ក្នុង​រាជ​ធានី​ភ្នំ​ពេញ​នៅ​រយៈ​ពេល​ប៉ុន្មាន​ឆ្នាំ​ថ្មីៗ​​នេះ។ ​ក៏​ប៉ុន្តែ ​ហាង​កាហ្វេ​ដ៏​ល្បី​ដែល​មិន​បាន​​ចូល​មក​ប្រកួត​ប្រជែង​នោះ​ គឺ​ហាង​កាហ្វេ​ ស្តាបាក់ (Starbucks) ដែល​ជា​ហាង​កាហ្វេ​ដ៏​ធំ​របស់​សហ​រដ្ឋ​អាមេរិក​។ ក៏ប៉ុន្តែ  ការ​មិន​បាន​ចូល​មក​ប្រកួត​ប្រ​ជែង​នៅ​ក្នុង​ទី​ផ្សារ​កម្ពុជា​មិន​បាន​បញ្ឈប់​ពល​រដ្ឋ​វ័យ​ក្មេង​មិន​ឲ្យ​នាំ​គ្នា​ទៅ​ផ្សារ​ក្នុង​​ប្រទេស​កម្ពុជា​ ​ដើម្បី​ទិញ​អាវ​យឺត​​ដែល​មាន​ស្លាក​សញ្ញា​របស់​ហាង​កាហ្វេ​លំដាប់​ថ្នាក់​ពិភព​លោក​នេះ​ឡើយ។ ភាគ​ច្រើន​គេ​មិន​សូវ​ដឹង​ថា​ ស្តាបាក់​ ជា​អ្វី​នោះ​ទេ​ ប៉ុន្តែ​ គេ​ឃើញ​យុវវ័យ​ និង​មនុស្ស​ពេញ​វ័យ​ក្មេងៗ​នៅក្នុង​រាជ​ធានី​នាំ​គ្នា​ទិញ​អាវ​​យឺត​នេះ​ ដែល​បាន​ក្លាយ​ជា​​សម្លៀក​បំ​ពាក់​ដ៏​ពេញ​និយម​បំផុត​ដែល​គេ​ឃើញ​ក្មេងៗ​ពាក់​ធ្វើ​ដំណើរ​តាម​ដង​ផ្លូវ​។ យុវ​ជន​អាយុ​១៦​ឆ្នាំ​ម្នាក់​ ឈ្មោះ​ ហែម​ សុវណ្ណារិទ្ធ​ ដែល​កំពុង​ឈរ​នៅ​ ក្រៅ​វិទ្យា​ល័យ​​ព្រះ​ស៊ីសុវត្ថិ​ តាម​បណ្តោ​យ​ម​ហា​វិថី​ព្រះ​នរោត្តម​បាន​និយា​យ​ថា “ នៅ​ពេល​ខ្ញុំ​ពាក់​វា​ ខ្ញុំ​មាន​អារម្មណ៍​ថា​ ឡូយ​ ហើយ​សង្ហា​ ពី​ព្រោះ​វា​ស្អាត​សម្រាប់​ខ្ញុំ​ មាន​សិស្ស​ពាក់​អាវ​យឺត​នេះ​​ច្រើន​ណាស់​នៅ​ក្នុង​សាលា​របស់​ខ្ញុំ​។​ ខ្ញុំ​មិន​ដឹង​ថា​ ស្តាបាក់​ ជា​អ្វី​នោះ​ទេ​ ក៏​ប៉ុន្តែ​ វា​ពេញ​​និយម​ណាស់​”។ ក្មេង​ជំទង់​អាយុ​១៤​ឆ្នាំ​ម្នាក់​ឈ្មោះ​ មឿន​ ថាន់​រ័ត្ន​ ជា​សិស្ស​នៅ​អនុ​វិទ្យា​ល័យ​ចតុមុខ​បាន​​និយាយ​ថា ​អាវ​យឺត​នេះ​ធ្វើ​ឲ្យ​ខ្លួន​គេ​មាន​​អារម្មណ៍ថា​ ទាន់​សម័យ​។ ​គេ​បាន​និយាយ​ថា “ ខ្ញុំ​មាន​អារម្មណ៍​ថា​ ឡូយ​ជាង​មុន​ នៅ​ពេល​ខ្ញុំ​ពាក់​វា”។ ក្រុម​ហ៊ុន​ហាង​កាហ្វេ​ ស្តាបាក់​ មាន​ហាង​រាប់​រយ​កន្លែង​នៅ​ក្នុង​តំបន់​អាស៊ី​អាគ្នេយ៍​ដូច​ជា​ នៅ​ប្រទេស​ថៃ​ និង​ប្រទេស​វៀត​ណាម​ជា​ដើម​ ប៉ុន្តែ​ ក្រុម​ហ៊ុន​នេះ​មិន​មាន​ហាង​នៅ​ក្នុង​ប្រទេស​កម្ពុ​ជា​នោះ​ទេ​ ហើយ​តំណាង​ក្រុម​ហ៊ុន​បាន​ឲ្យ​ដឹង​កាល​ពី​ម្សិល​មិញ​ថា​ ក្រុម​ហ៊ុន​គ្មាន​គម្រោង​បើក​ហាង​កាហ្វេ ស្តាបាក់ ​នៅ​ក្នុង​ប្រ​ទេស​កម្ពុជា​នោះ​ទេ​។ លោក​...

ក្រុម​ហ៊ុន​ តូយ៉ូតា ​គ្រោង​នឹង​បើក​សាល​តាំ​ង​រថយន្ត​ថ្មី​មួយ​បន្ថែម​ទៀត​នៅ​ក្នុង​រាជ​ធា​នីភ្នំ​ពេញ​

យោងតាម​អ្នកគ្រប់គ្រង​មួយរូប​នៅ​ក្រុម​ហ៊ុន​ តូយ៉ូតា​ (Toy​ota​) ​បានឲ្យដឹងថា ក្រុមហ៊ុន​ផ្គត់ផ្គង់រថយន្ត​ជប៉ុនដ៏ធំមួយនេះ​​មាន​គម្រោង​​ពង្រីកវិសាលភាព​របស់ខ្លួន​​នៅលើ​ទីផ្សារ​នៃ​​ប្រទេសកម្ពុជា​ តាមរយៈ​ការបង្កើត​សាល​តាំង​​លក់រថយន្ត​ទី២របស់​ខ្លួន​។ ក្រុមហ៊ុន​ តូយ៉ូតា​ បានដាក់ចេញ​នូវ​គម្រោ​ងនេះ​ បន្ទាប់​ពី​ក្រុម​ហ៊ុន​ផលិតរថ​យ​ន្ត​ជប៉ុន​​ឈ្មោះ ម៉ាហ្សដា​ ​(Mazda)​ បាន​បើក​សាលតាំងលក់​រថយន្ត​ថ្មី របស់ខ្លួន​កា​ល​ពីខែ​ឧសភា​។ យោងតាមសេចក្តីរាយការណ៍​របស់​​ទី​ភ្នាក់​ងារ​ព័ត៌មាន​ ប្លូមបឺក​ (B​loom​berg​) បា​ន​ឲ្យដឹង​ថា ​លោក ​យ៉ាស៊ូម៉រី ​អុីហារ៉ា (Yas​u​mo​ri ​Ihara​) អនុ​ប្រធាន​ប្រតិបត្តិ​ក្រុម​ហ៊ុន​តូយ៉ូតា ​បាន​ប្រាប់​ក្រុមអ្នកសារព័ត៌មាន​​​ក្នុង​ប្រទេស​​​ជប៉ុន​កាលពីថ្ងៃច័ន្ទថា ក្រុមហ៊ុ​ន​​នេះ​នឹង​ពង្រីក​ខ្លួន​នៅលើទីផ្សារនៃប្រ​ទេ​សកម្ពុជា​ ភូមា​ និង​ប្រទេស​កេនយ៉ា​ ​ដើ​ម្បីស្វែងរក​អតិថិជន​បន្ថែម​ទៀត​ នៅលើទី​ផ្សា​រ​ដែលទើប​តែ​មាន​​សន្ទុះ​កំណើន​។ លោក លី​ ប៊ុនហៃ​ អ្នកគ្រប់គ្រងទូទៅ​ក្រុម​ហ៊ុន​ តូយ៉ូតា​ (ខេ​មបូឌា)​ ខូ អិលធីឌី​ (Toyo​ta (C​ambod​ia) Co., ​Ltd.)​ បានមាន​ប្រ​សា​សន៍ថា គម្រោងពង្រីកទីផ្សារនេះ​នឹ​ងចាប់ផ្តើម​ ពី​ការ​បង្កើត​សាលតាំង​លក់រថ​យន្ត​ថ្មីមួយ​...

អ្នក​ធ្វើ​ដំណើ​រតាម​ផ្លូវ​អាកាស​មានការ​កើន​ឡើង​ក្នុង​រយៈពេល​ប្រាំមួយ​ខែ​ដំបូងនៃឆ្នាំ​នេះ​

យោង​តាម​ក្រុម​ហ៊ុន​អាកាសយាន​ដ្ឋាន​កម្ពុជា​ ជា​ក្រុម​ហ៊ុន​ដែល​គ្រប់​គ្រង​អាកាស​យាន​​​​ដ្ឋាន​ទាំង​បី​ក្រោម​​កិច្ច​ព្រម​ព្រៀង​​សម្ប​ទាន​ជាមួយ​រដ្ឋាភិបាល​បាន​ឲ្យ​ដឹង​ថា អ្នក​ធ្វើ​ដំណើរ​​​​តាម​​អាកាស​យាន​ដ្ឋាន​ទាំង​បី​នៅ​ប្រទេស​កម្ពុជា​​មាន​ការ​កើន​ឡើង​​យ៉ាង​លឿន​​ក្នុង​រយៈពេល​ប្រាំ​មួយ​ខែ​​ដំបូង​នៃ​ឆ្នាំ​នេះ​ទាំង​នៅ​អាកាស​យាន​ដ្ឋាន​អន្តរជាតិ​ភ្នំពេញ ខេត្ត​សៀមរាប និង​ខេត្ត​ព្រះ​សីហនុ ។ លោក ខែក នរិនដា មន្ត្រី​​ទំនាក់​ទំនង​នៅ​​ក្រុម​ហ៊ុន​អាកាស​យាន​ដ្ឋាន​​កម្ពុជា​បាន​​មាន​ប្រសាសន៍​ថា អាកាស​យាន​ដ្ឋាន​អន្តរ​ជាតិ​ខេត្ត​សៀមរាប ដែល​បម្រើ​​តែ​ភ្ញៀវ​ទេស​ចរណ៍​​ទៅ​កាន់​​ប្រាសាទ​អង្គរ ​មាន​​ភ្ញៀវ​ទេសចរ​​ចំនួន​១,២លាន​នាក់​ចាប់​ពី​ថ្ងៃ​ទី​១​ខែ​មករា ដល់​​ថ្ងៃ​ទី​១​ខែ​កក្កដា ឆ្នាំ​២០១៣ គឺ​កើន​ឡើង​ចំនួន​២៣​ភាគរយ​​បើ​ធៀប​នឹង​​រយៈពេល​ដូច​គ្នា​កាល​ពី​ឆ្នាំ​​២០១២​។ លោក​ថ្លែង​បន្ត​ថា អាកាស​យាន​ដ្ឋាន​អន្តរ​ជាតិ​ភ្នំពេញ​មាន​​កំណើន​អ្នក​ធ្វើ​ដំណើរ​​​១៦​ភាគរយ​ក្នុង​រយៈពេល​ដូចគ្នា​គឺ​មាន​អ្នក​ធ្វើ​ដំណើរ​ចំនួន​១,៤លាន​នាក់​​​តាម​​អាកាស​យាន​ដ្ឋាន​នេះ​ក្នុង​រយៈពេល​ប្រាំមួយ​ខែ​ដំបូង​​ក្នុង​ឆ្នាំ​នេះ។ យោង​តាម​តួលេខ​នោះ​បាន​ឲ្យ​ដឹង​ថា អាកាស​យាន​ដ្ឋាន​ខេត្ត​ព្រះ​សីហនុ ដែល​មាន​ទំហំ​តូច​ជាង​ ហើយ​បម្រើ​តែ​ការ​ហោះ​ហើរ​ក្នុង​ស្រុក​របស់​ក្រុម​ហ៊ុន​អង្គរ​អ៊ែរ​កម្ពុជា​(Cambodia Angkor Air) មាន​អ្នក​​ធ្វើ​ដំណើរ​ចំនួន​​​​​៨.០០០នាក់​ក្នុង​រយៈពេល​ប្រាំមួយ​ខែ​ដំបូង​នៃ​ឆ្នាំ​២០១៣ គឺ​កើន​ឡើង​ចំនួន​៣២​ភាគរយ​បើ​ធៀប​ទៅ​នឹង​ឆ្នាំ​មុន​។ លោក​ ខែក​ នរិនដា មាន​ប្រសាសន៍​បន្ត​ថា​​​ខណៈ​ពេល​មាន​​កំណើន​អ្នក​ធ្វើ​ដំណើ​រ​​នៅ​ខេត្ត​សៀមរាប​ និង​ខេត្ត​ព្រះ​សីហនុ បាន​ឆ្លុះ​បញ្ចាំង​ពី​​កំណើន​ភ្ញៀវ​ទេស​ចរ​នៅ​ទូទាំង​ប្រទេស​ ហើយ​​ភ្ញៀវ​ទេសចរ​មួយ​ចំនួន​ទៀត​បាន​ធ្វើ​ដំណើរ​មកកាន់​រាជ​ធានី​ភ្នំពេញ ភាគ​ច្រើន​គឺ​ជា​អ្នក​ជំនួញ​​។ លោកបាន​​ថ្លែង​បន្ត​​ថា“ ខ្ញុំ​គិត​ថា...

កម្មករ​​កាត់​ដេរ​ប្រមូល​ផ្ដុំ​គ្នា​​ទាម​ទារ​ប្រាក់​ខែ​ និង​ប្រាក់​បំណាច់​

កាល​ពី​ម្សិលមិញ អតីត​និយោជិត​រោង​ចក្រ​កាត់​ដេរ​ភីង ហ្គ្រេដ (Pink Grade) ​​ជាង​២០០​នាក់​នៅ​ក្នុង​រាជ​ធានី​ភ្នំពេញ​ បាន​នាំ​គ្នា​មក​​តវ៉ា​នៅ​ខាង​ក្រៅ​ក្រសួង​សង្គម​កិច្ច​ ដើម្បី​ទាម​ទារ​ឲ្យ​គណៈ​គ្រប់​គ្រង​រោង​ចក្រ​បើក​ប្រាក់​ខែ​ ​ប្រាក់​បំណាច់​ និង​ផល​ប្រយោជន៍​ផ្សេង​​ៗ​ទៀត​​ដែល​ពួក​គេ​បាន​អះអាង​ថា​ ក្រុមហ៊ុន​នៅ​ជំពាក់​​ពួក​គេ​នៅ​ឡើយ​កាល​ពី​មុន​ពេល​​ក្ស័យ​ធន​។ លោក​ សឿ អារីហ្វីន (Soeu Arifine) អតីត​នាយក​រង​នៅ​រោង​ចក្រ​កាត់​ដេរ​របស់​ក្រុម​ហ៊ុន​​​ភីង ហ្គ្រេដ ក្នុង​សង្កាត់​បឹង​ទំពន់​ ខណ្ឌ​មាន​​ជ័យ​​បាន​និយាយ​ថា និយោជិក​ទាំង​៧៥០​នាក់​របស់​​ក្រុមហ៊ុន​នេះ​ត្រូវ​បាន​ក្រុមហ៊ុន​ជំពាក់​ប្រាក់​ខែ​មួយ​ខែ​ នៅ​ពេល​​រោង​ចក្រ​នេះ​បិទ​ទ្វារ​ឈប់​ដំណើរ​ការ​ កាល​ពី​ថ្ងៃ​ទី២ ខែ​ឧសភា​ ហើយ​ក៏​បាន​ទាម​ទារ​ឲ្យ​បើក​ប្រាក់​ខែ​រយៈ​ពេល​ពីរ​ខែ​​​មុន​ផង​ដែរ​។ លោក​បាន​និយាយ​ថា “ យើង​បាន​រង់​ចាំ​​​ដំណោះ​ស្រាយ​អស់​រយៈ​ពេល​បី​ខែ​កន្លង​មក​​ហើយ ​​​រដ្ឋាភិបាល​​គួរ​តែ​បើក​ប្រាក់​ខែ​ឲ្យ​យើង​​ឥឡូវ​នេះ​​ ហើយ​ទទួល​យក​ប្រាក់​ពី​ការ​លក់​ទ្រព្យ​​សម្បត្តិ​របស់​ក្រុមហ៊ុន​នៅ​ពេល​ក្រោយ​”។ កែវ​ សុខុម ​ដែល​ជា​និយោជិក​ធ្វើ​ការ​នៅ​រោង​ចក្រ​របស់​ក្រុមហ៊ុន​​ភីង ហ្គ្រេដ អស់​រយៈ​​ពេល​ប្រាំ​ពីរ​ឆ្នាំ​​មក​ហើយ​​ បាន​លើក​ឡើង​ថា ក្រុម​កម្មករ​មក​ពី​រោង​ចក្រ​នេះ​កំពុង​តែ​​ជួប​ប្រទះ​នឹង​បញ្ហា​ក្នុង​ការ​ចំណាយ​លើ​តម្រូវ​ការ​ចាំ​បាច់​ជា​មូល​ដ្ឋាន​របស់​ខ្លួន​។ គាត់​បាន​និយាយ​ថា “ នេះ​គឺ​ជា​លើក​ទី​២​ហើយ​ដែល​យើង​បាន​មក​ទីនេះ​ ដើម្បី​ស្នើ​សុំ​​នូវ​អ្វី​ដែល​យើង​ត្រូវ​តែ​ទទួល​​បាន​តាម​ច្បាប់​ការ​ងារ​”៕ ប្រែ​សម្រួល​ដោយ ហួង កុកទៀន

ធនាគារ​អភិវឌ្ឍន៍​អាស៊ី​សន្យា​ផ្ដល់​​ប្រាក់​កម្ចី​ចំនួន​៥៥​លាន​ដុល្លារ​សម្រាប់​វិស័យ​កសិកម្មនៅ​កម្ពុជា​

កាល​ពី​ម្សិលមិញ​ ធនាគារ​អភិវឌ្ឍន៍​អាស៊ី​ (ADB) បាន​សម្រេច​ផ្ដល់​ប្រាក់​កម្ចី​ចំនួន​៥៥​លាន​ដុល្លារ​សម្រាប់​វិស័យ​កសិកម្ម​របស់​ប្រទេស​កម្ពុជា ​ ដើម្បី​ជួយ​ប្រជា​កសិករ​ធ្វើ​ស្រែ​​​​ខ្នាត​តូច​ បង្កើន​បរិមាណ​ផលិត​​ស្រូវ​របស់​​ពួក​គាត់​។ លោក ប៊ី មីញ ហ្គេប (Bui Minh Giap) អ្នក​ជំនាញ​សេដ្ឋកិច្ច​ខាង​ធន​ធាន​ធម្មជាតិ និង​កសិកម្ម​​​​របស់​ធនាគារ​អភិវឌ្ឍន៍​អាស៊ី​​ប្រចាំ​តំបន់​អាស៊ី​អាគ្នេយ៍​ បាន​ឲ្យ​ដឹង​នៅ​ក្នុង​សេចក្ដី​ថ្លែងការណ៍​មួយ​ថា គោល​បំណង​របស់​ធនា​គារ​​អភិវឌ្ឍន៍​អាស៊ី​ក្នុង​ការ​ផ្ដល់​ប្រាក់​កម្ចី​ ដែល​នឹង​ដំណើរ​ការ​រហូត​ដល់​ឆ្នាំ​២០១៩​នេះ​ គឺ​ដើម្បី​បង្កើន​ទាំង​គុណភាព​ និង​បរិមាណ​ស្រូវ​ ព្រម​ទាំង​បង្កើន​ការ​នាំ​ចេញ​ផង​ដែរ​។ លោក​ ប៊ី មីញ ហ្គេប បានមា​ន​ប្រ​សាសន៍​បន្ថែម​ទៀត​ថា “  នឹង​ជួយ​បង្កើន​ការ​ឈាន​ជើង​ចូល​ទៅ​ក្នុង​ទីផ្សារ​ស្រូវ​ទាំង​ក្នុង​តំបន់​ និង​អន្តរជាតិ​ ព្រម​ទាំង​ជួយ​បង្កើន​សន្តិសុខ​ស្បៀង​ថ្នាក់​ជាតិ​ និង​នៅ​តាម​គ្រួសារ​នីមួយៗ​ ហើយ​ថែម​ទាំង​ជួយ​បង្កើន​ប្រាក់​ចំណូល​ទៀត​ផង​”។ លោក សេង ប៊ុនស៊ ប្រធាន​​សមាគម​​រោង​ម៉ាស៊ីន​កិន​​ស្រូវនៅ​​​ខេត្ត​បាត់​ដំបង​ បា​ន​​​​មាន​ប្រសាសន៏ថា លោក​ស្វាគមន៍​ចំពោះ​ការ​ផ្ដល់​ប្រាក់​កម្ចី​នេះ​។ លោក សេង ប៊ុនស៊ បា​ន​​មាន​ប្រសាសន៍​បន្ថែម​​ទៀតថា “ នេះ​គឺ​ជា​ដំណឹង​ដ៏​ល្អ​សម្រាប់​យើង​ ប្រសិន​បើ​លក្ខ​ខណ្ឌ​នានា​ដែល​កំណត់​ដោយ​ធនាគារ​នេះ​មិន​លំបាក​នោះ” និង​ប្រសិន​បើ​កិច្ច​សន្យា​មាន​ភាព​ងាយ​ស្រួល​​ដែល​មនុស្ស​គ្រប់​រូប​​អាច​យល់​បាន​នោះ៕  ប្រែ​សម្រួល​ដោយ ហួង កុកទៀន

បុគ្គលិក​ ណាហ្គាវើល ​ត្រឡប់​ចូល​ធ្វើការ​វិ​ញ​បន្ទាប់​ពី​តុលាការចេញសាលក្រម

​បុគ្គលិក​រាប់​​​​រយ​នាក់​របស់​កាស៊ី​ណូ និង​​សណ្ឋាគារ​ ណា​ហ្គា​វើល​ នៅក្នុង​រាជ​ធា​នី​ភ្នំពេញ ​បាន​ត្រឡប់​ចូល​ធ្វើការ​វិញ​ កា​ល​ពី​ម្សិល​មិញ ​ដើម្បីឆ្លើយ​តប​ទៅ​នឹង​សា​ល​ក្រម​របស់សាលាដំបូងរាជធានីភ្នំពេញ ដែល​តម្រូវ​ឲ្យ​ពួក​គេ​បញ្ចប់​សកម្ម​ភា​ពកូដកម្ម​របស់​ខ្លួន ដែល​បាន​កើត​ឡើ​ង​អស់រយៈពេល​​​​ជិត​ពីរ​សប្តាហ៍​។ ​បុគ្គ​លិក​ទាំង​នេះ​បាន​ប្រមូល​ផ្តុំគ្នា​តវ៉ា​នៅ​ច្រកចូល​កាស៊ីណូ​ និង​សណ្ឋាគារ​​​តែ​មួ​យ​គត់​ដែល​មាន​អា​ជ្ញា​ប័ណ្ណ​​ ក្នុងរាជធានីភ្នំ​​ពេញ​នេះ​ ​តាំង​ពី​ថ្ងៃ​ទី១៣​ខែ​មិថុនា​ ដោយ​ទាម​ទារ​ឲ្យ​ក្រុម​ហ៊ុន​ទទួ​ល​បាន​ប្រាក់​ចំណូ​ល​ខ្ពស់​នេះ​ ដំឡើង​ប្រាក់​ឈ្នួល​អប្បបរមា​រប​ស់​ខ្លួន ពី​៨០​ដុល្លារ​ក្នុង​មួ​យ​ខែ​ ដល់​១៥០​ដុ​ល្លារ​ក្នុងមួយ​ខែ​ ​ហើយ​ក៏​បាន​បង្ក​ឲ្យ​មាន ​ហេតុការណ៍​ប៉ះ​ទង្គិច​​​គ្នា​ជា​មួយ​បុគ្គ​លិក​ស​ន្តិសុខ​របស់​កាស៊ីណូ​​នេះ​​​​។ យោង​តាម​​អ្នកស្រី សេង ធីតា តំណា​ង​បុគ្គ​លិក​បាន​ឲ្យដឹងថា ​គណៈ​គ្រប់​គ្រង​បាន​ប្រាប់​តំណាង​សហជីព ​កាលពី​សប្តាហ៍​មុន​ថា ​បុគ្គ​លិក​៤០០នាក់​ត្រូវ​បានបញ្ឈប់​ពីការ​ងារ​ ឬ​​ក៏ព្យួរ​ការងារ​ ក៏ប៉ុន្តែ កាល​ពី​ម្សិល​មិញ​ ​បុគ្គ​លិក​​​ទាំង​អស់​បាន​ត្រឡប់​ចូ​ល​ធ្វើការ​វិញ​។ ​អ្នកស្រី ​ធីតា ​បាន​មាន​ប្រ​សាសន៍ថា “ យើង​ទាំងអស់​គ្នា ​ទាំង១.៨០០​នា​ក់ រួម​ទាំង​អ្នកដែល​ត្រូ​វ​បាន​ព្យួរ​ការ​ងារ​ ​បាន​ចូលធ្វើ​ការ​​វិញ​ហើយ​កាល​ពី​ព្រឹក​មិញ​”។​ សាល​ក្រម​មួយទទួល​បាន​ ពី​សាលា​ដំ​បូ​ង​រា​​ជធានីភ្នំ​ពេញ​បាន​បង្ហាញ​ថា ​សាលា​ដំ​បូង​រាជធានីភ្នំ​ពេញ​យល់​ឃើញ​ថា​ កូដ​ក​ម្ម​នេះ​មាន​​លក្ខណៈ​ខុស​ច្បាប់​តាំងពីដំបូង​ ហើយ​កាលពី​ដំបូង​ តុលាការ​នេះ​បាន​ចេ​ញ​​សាល​ក្រម​​មួយ​បង្គាប់ឲ្យ​បុគ្គ​លិក​ទាំង​នេះ​ចូ​ល​ធ្វើការ​វិញ នៅ​ថ្ងៃទី​១៣ ​ខែ​មិថុនា​។ សាល​ក្រម​ទី២​ចុះថ្ងៃទី​២៦​ ខែ​មិថុនា​ឆ្នាំ​ ​២០១៣បាន​លើក​ឡើងថា ​សាលាដំបូង​រាជ​ធា​នីភ្នំពេញ “ បង្គាប់ឲ្យ​បុគ្គ​លិក​ និង​សហជីព​​នៅក្រុម​ហ៊ុន​ ​ណា​ហ្គាវើល​ ដែល​បាននិង​កំពុង​​ធ្វើ​កូដ​កម្ម​ខុស​ច្បាប់​ បញ្ឈប់​សកម្មភា​ព​កូដកម្មនេះ​ជាបន្ទាន់​”។ សាលក្រម​នេះ​មាន​ខ្លឹម​សារ​បន្ត​ទៀតថា “ ក្នុង​ករណី​នេះ ប្រសិន​បើ​អ្នក​មិន​ឈប់​ទេ ​ព្រះរាជអាជ្ញា​នឹ​ង​​អនុវត្ត​​​ តាម​ច្បាប់​”។​ លោក សុខ...

សមាគមពាណិជ្ជកម្ម​​ស្ករ​ស​អង់គ្លេស​នឹង​ពិចារណា​លើ​ពាក្យ​បណ្ដឹង​ប្តឹងក្រុមហ៊ុន​ Tate & Lyle

សមាគម​ពាណិជ្ជ​កម្ម​ស្ករ​សមួយ​​មាន​មូល​ដ្ឋាន​នៅ​ក្នុង​ទីក្រុង​ឡុងដ៍​ ដែល​មាន​គោល​ដៅ​​ជំរុញឧស្សាហកម្ម​មួយ​ឲ្យ​មាន​ក្រម​សីល​ធម៌​​ និង​ប្រកប​ដោយចីរភាពជាង​មុន​​​ នឹង​ជួប​ប្រជុំ​នៅ​ដើម​ខែ​ក្រោយ​ ដើម្បី​​ពិចារណា​​សំណើ​មួយរបស់​កសិករ​កម្ពុជា​​ ឲ្យ​ខ្លួនដក​ក្រុមហ៊ុន​ស្ករ​ស​ថេត & ​លីល (Tate & Lyle) ដែល​មាន​មូល​ដ្ឋាន​នៅ​ប្រទេស​អង់គ្លេស ចេញ​​​ពី​សមា​គម​​​​នេះ​ ប្រសិន​បើ​ក្រុមហ៊ុន​នេះ​មិន​ប្រគល់​ដី​ឲ្យ​ទៅ​កសិករ​ខ្មែរ​វិញទេ​នោះ​។ ប្រជាពលរដ្ឋ​ខ្មែរ​ប្រមាណ​២០០​គ្រួសារ​បាន​ចោទ​ប្រកាន់​​ក្រុមហ៊ុន​ស្ករ​សពីរ​របស់​ថៃ ​នៅ​ក្នុង​ខេត្ត​កោះ​កុង​ថា បាន​​បង្ខំ​ពួក​គាត់​ឲ្យ​ចាក​ចេញ​ពី​ផ្ទះ​សំបែង​ និង​ដី​ធ្លី​របស់​ខ្លួន​ចាប់​តាំង​ពី​ឆ្នាំ​២០០៦​មក​ ហើយ​ជួន​កាល​ថែម​ទាំង​​មាន​ប្រើ​អំពើ​ហិង្សា​ទៀត​ផង​ ហើយ​ពួក​គាត់​ទាម​ទារឲ្យ​ក្រុមហ៊ុន​ស្ករ​ស​ Tate & Lyle ​ទទួល​ខុស​ត្រូវ​ ពី​ព្រោះ​​ក្រុមហ៊ុន​​នេះ​​ទិញ​ស្ករ​សពី​ក្រុម​ហ៊ុន​ទាំង​នេះ។ កាល​ពី​ពីរ​ឆ្នាំ​មុន អង្គការ​សមធម៌​កម្ពុជា​ ដែល​ជា​អង្គ​ការ​​ក្រៅ​រដ្ឋាភិបាល​ក្នុង​ស្រុក​ បាន​​ដាក់​ពាក្យ​បណ្ដឹង​ប្ដឹង​ក្រុមហ៊ុន Tate & Lyle ​ជួស​​មុខ​ឲ្យ​គ្រួសារ​ទាំង​នេះ​ទៅ​​សមាគម​ពាណិជ្ជ​កម្ម​​ស្ករ​ស​បុន​ស៊ូក្រូ (Bonsucro) ដែល​សមាជិក​របស់​ខ្លួន​រួម​មាន​ទាំង​ក្រុម​​ហ៊ុន​​កូកាកូឡា និង​ក្រុមហ៊ុន​ប៊ីភី (BP) ​​ផង។ តំណាង​អង្គការ​ក្រៅ​​រដ្ឋាភិបាលនេះ​​ និង​គ្រួសារ​ទាំង​​​នេះ​​​បាន​ចូល​រួម​ក្នុង​កិច្ច​ប្រជុំ​ប្រចាំ​ឆ្នាំ​លើក​ចុង​ក្រោយ​របស់​​សមាគម​នេះ​កាល​ពី​​ខែ​ធ្នូ​ នៅ​ទី​ក្រុង​ឡុងដ៍​ដោយ​នៅ​ទី​នោះ...

រដ្ឋ​មន្ត្រី​ក្រសួង​ពាណិជ្ជកម្ម​ផ្តល់​​ទំនុក​ចិត្ត​ដ​ល់​វិនិយោគិន​​ពេល​​​​ជិត​​ដល់​ថ្ងៃ​បោះ​ឆ្នោត​ទូទាំង​ប្រទេស

​ដោយ​ការ​បោះឆ្នោត​ជាតិ​​ជិត​​ចូល​​មក​ដល់​ ​​រដ្ឋ​មន្ត្រី​ក្រសួង​ពាណិជ្ជ​កម្ម​ កាលពី​ម្សិល​មិញ ​បាន​ផ្តល់​ទំនុកចិត្ត​ដ​ល់​វិនិយោគិន​អន្តរ​ជាតិ​ ដោយ​លើក​ឡើង​ថា ​ពួក​គេ​គួរ​តែ​ទុក​ចិត្ត​ស្ថាន​ភាព​សេដ្ឋកិច្ច​រ​បស់​ប្រទេស​កម្ពុជា​ ដោយពុំ​ចាំ​បាច់​គិត​ពី​ការ​បោះឆ្នោត​​ ដែល​លោក​​បាន​មាន​ប្រសាសន៍​ថា គេ​ដឹង​ច្បាស់​ពី​លទ្ធ​ផល​​​ហើយ​នោះ​។​ ​ថ្លែង​ទៅកាន់​ពាណិជ្ជករ​ក្នុង​ស្រុក​ ​និ​ង​គណៈ​ប្រតិ​ភូ​រដ្ឋាភិបាល ​និង​​ពាណិជ្ជកម្មម​ក​ពី​ទីក្រុង​ហុង​កុង​ ​ក្នុង​ពិធី​ពិសា​​​​ភោជនា​ហារ​ថ្ងៃ​ត្រង់​ លោក​ ចម ប្រសិទ្ធ​ ​រដ្ឋ​មន្ត្រី​ក្រ​សួង​ពាណិជ្ជកម្ម​ ​បាន​មានប្រសាសន៍ថា​ ពាណិជ្ជករ​ដែល​ចង់​បោះ​ទុន​វិនិយោគ​​ក្នុង​សេដ្ឋកិច្ច​នៃ​ប្រទេស​កម្ពុជាគួរតែ​មាន​​ទំនុ​ក​ចិត្ត​ថា ​ជ័យ​ជម្នះ​របស់​គណបក្ស​ប្រជាជ​ន​កម្ពុជា​ ក្នុង​​ការបោះ​​ឆ្នោត​នាខែ​កក្កដា​​នឹ​ងនាំ​មក​នូវ​ស្ថានភាព​​ល្អ​ សម្រាប់​​វិនិ​យោ​គិន​បោះ​ទុន ​ក្នុង​រ​យៈពេល​​ប៉ុន្មាន​​ឆ្នាំ​ខាង​មុខ​។​ ​លោក ចម​ ប្រសិទ្ធ​ ក៏​បាន​បង្ហើប​ឲ្យ​វិ​និ​យោ​គិន​ទាំង​នេះ​ដឹង​ផង​ដែរ​ថា គោល​​ន​យោ​បាយ​អនុ​គ្រោះ​​បន្ទុក​ពន្ធ​​​ច្រើន​បំផុត​​ស​ម្រាប់​សហ​គ្រាស​ផលិត​កម្ម​ទាំងឡាយ​ ក្នុង​​​ប្រទេស​កម្ពុជា​ ​ប្រហែល​ជា​ត្រូវ​ឈប់​អនុ​វ​ត្ត​​នៅ​ពេល​ឆាប់​ៗ​​​នេះហើយ ដោយ​សារតែ​រដ្ឋាភិបាល​មា​ន​គោល​​​បំណង​បង្កើន​​ប្រា​​ក់​ចំណូល​ពន្ធ​ក្នុង​ស្រុក​របស់​ខ្លួន​។​ ​លោក ចម ប្រសិទ្ធ​ បាន​ថ្លែង​ទៅកាន់​​ភ្ញៀវ​​ចូលរួម​ក្នុង​កម្មវិធី​នេះ​ថា “ ស្ថិរភាព​ន​យោ​បាយ ពិត​ជាមាន​សារៈ​សំខាន់​ខ្លាំង​ណា​ស់​”​។ នៅ​ក្នុង​កម្មវិធី​ពិសា​ភោជ​នា​ហា​រ​ថ្ងៃ​ត្រង់​នេះ​ ​ក៏មាន​វត្ត​មាន​របស់លោ​ក​ ច​ន...

សភា​ពាណិជ្ជកម្ម​អឺរ៉ុប​​បើ​ក​សមាជ​បោះឆ្នោត​ជ្រើស​តាំ​ង​សមាជិក​​ក្រុម​ប្រឹក្សាភិបាល​រប​ស់​ខ្លួន

​កាលពីម្សិល​មិញ ​សភា​ពាណិជ្ជកម្ម​អឺរ៉​ុ​ប (Euro​pean​ Chamb​er of ​Comm​erce​) ហៅ​កាត់​ថា ​Euro​Cham ​បានបើ​កសាមាជ​ប្រចាំ​ឆ្នាំលើក​ដំបូងរ​បស់ខ្លួន​ ​នៅ​សណ្ឋាគា​រ​ សូហ្វីតែល ​(Sofitel Hotel​) ​ក្នុងរាជធានី​ភ្នំ​ពេញ។ ​នៅ​ក្នុង​សាមាជ​នេះ មានការ​បោះ​ឆ្នោត​ជ្រើ​ស​តាំង​ក្រុម​ប្រឹក្សាភិបាល​​​ ​ហើ​យ​សភា​ពាណិ​ជ្ជកម្ម​បារាំង និង​អាល្លឺម៉ង់ ​បាន​ប​ញ្ចូល​ខ្លួន​ទៅ​ ក្នុង​សភា​ពាណិជ្ជកម្មអឺរ៉ុប​ផ​ង ដើម្បី​បន្ត​បង្កើន​ផល​ប្រយោជន៍​របស់​ក្រុ​ម​ហ៊ុនអឺរ៉ុបនៅ​ប្រទេស​កម្ពុជា​។ ​សភា​ពាណិជ្ជកម្មអឺរ៉ុប​នៅកម្ពុជា ​ត្រូ​វ​បាន​ស​ម្ពោធ​ដាក់​ឲ្យ​ដំណើរការ​ កាលពីខែ​មិថុនា​ឆ្នាំ​២០១១​ ​ដោយ​មាន​ការ​គាំទ្រ​ពី​ស្ថា​ប័ន​ស្ថាបនិក​បី​គឺ ក្រុម​ហ៊ុន Cham​bre de Comm​erce Fr​anco-Cam​bodgi​ene ​សមាគ​​ម​អាជីវកម្ម​អង់គ្លេស​​នៅកម្ពុជា (British Bu sin​ess A​ssociat​ion i​n...

កម្ម​ករ​ កម្មការិនី​​​ពីរ​ពាន់​​នាក់បិទ​ផ្លូវ​ជាតិ​លេខ​២សម្តែងការតវ៉ា​

​កាលពីម្សិលមិញកម្ម​ករ​ កម្មការិនី​ប្រហែល​ពីរពាន់​នា​ក់ ដែល​ធ្វើការ​នៅរោងចក្រផលិត​សម្លៀក​បំពាក់យីហោ ​ អេច​អិនអឹម (H&M​) របស់​ប្រទេសស៊ុយ​អែត​ ​បាន​បិទ​ផ្លូវ​ជាតិ​លេខ​២​ ក្នុង​​ខណ្ឌ​មា​ន​ជ័យ​​ រាជ​ធានី​ភ្នំពេញ​ ​អស់រយៈ​ពេល​ពីរ​ម៉ោង​ ដោយ​ទាម​ទារ​ជាច្រើន​លើ​ក​ច្រើន​​​សា​​ ឲ្យ​មានការ​ដំឡើង​ប្រាក់​ឈ្នួល​​​​ ​និង​កែ​លម្អ​​លក្ខខណ្ឌ​ការងារ​របស់ខ្លួន​។​ កម្មករ​ កម្មការិនី​ ដែ​ល​​ភាគច្រើន​ជា​​ស្ត្រី​​ធ្វើការ​នៅ​រោង​ចក្រ​ អឹមអិន​វី​ ​អ៊ីន​ធើ​​ណេសិន​ណល​ លីមីតធីត ​(M&V In​t​e​rnational​ Manufa​ctur​ing Li​mited)នេះ​​ ​បានប្រ​មូ​ល​ផ្តុំ​គ្នា​តវ៉ា​នៅ​លើ​កំណាត់​ផ្លូវ​ជាតិ​មួយ​នេះ ​នៅ​ម៉ោង​​៨​​ព្រឹក ​ហើយ​បា​ន​​បញ្ឈប់​ការ​តវ៉ា​នេះ​នៅ​ម៉ោង​ជាង​៩​និង​៣​០​នាទី​ព្រឹក​ នៅពេល​តំណាង​រោង​ចក្រ​ ​និ​ង​ក្រសួង​ការ​ងារ​ និងបណ្តុះ​បណ្តាល​វិជ្ជា​ជី​វៈ​ ​បាន​យល់​ព្រម​ចរចា​ជាមួយ​អ្នក​តវ៉ា​១​០​នាក់​ក្នុងចំណោម​អ្នក​តវ៉ា​ទាំង​នេះ ​នៅ​ក្នុ​ង​រោងចក្រ​។ ​កញ្ញា​ អ៊ុក ​ចិនា្ត​ ​​អាយុ​២០​ឆ្នាំ​ ​ធ្វើ​ការ​នៅ​រោង​ចក្រ​នេះ​បាននិយាយ​​​​ឲ្យ​ដឹង​ថា “ ​យើង​បានសម្រេច​ចិត្ត​បិទ​ផ្លូវនេះ​នៅថ្ងៃ​នេះ​ ដោយ សាររោង​ចក្រ​មិន​បានរក​ដំណោះ​ស្រាយ​ ឲ្យ​យើ​ង​​ទាំងអស់​គ្នា។ តាម​ពិត​យើង​មិ​ន​ចង់​ធ្វើ​ដូច្នេះ​ទេ ប៉ុន្តែ​យើង​មិន​មាន​ជម្រើស​​ទេ​ ពីព្រោះ​ម្ចាស់​រោង​ចក្រ​បានបដិសេធ​មិន​ជួ​ប​ចរចា​ជាមួយ​យើង​”​។ កញ្ញា​ ចិន្តា ​ដែល​បាន​​ ធ្វើការ​នៅ​រោង​ចក្រ​ អឹមអេន​វី អស់​រយៈ​ពេល​​​ពីរឆ្នាំ​មក​ហើយ​នោះ បាន​ឲ្យដឹង​បន្ថែម​ទៀត​ថា កម្ម​ករ​ កម្ម​ការិ​នី​បានចាប់​ផ្តើម​​ទាម​ទារ​ឲ្យមាន​ការ​ដំឡើង​ប្រាក់​ឈ្នួល​របស់ពួក​គេ ​កាល​ពី​ថ្ងៃ​ទី​៣ ​ខែ​មិថុនា​ ប៉ុន្តែ ​ការ​ទាម​ទារ​នេះ​មិ​ន​ទាន់បានទទួល​​ការ​ឆ្លើយ​តប​នៅឡើយ​ទេ​ ​ប​ន្ទា​ប់​​​ពី​តំណាង​មក​ពីរោង​ចក្រ​​បានជួប​ពិភា​ក្សា​ជាមួយ​ផ្នែក​គ្រប់​គ្រង​កាលពី​ម្សិល​មិ​ញ​។​ ​កម្មករ​ កម្មការិនីទាំងនេះ​ចង់​ឲ្យភាគី​រោង​ចក្រ​​បញ្ឈប់​ការ​កាត់​ប្រាក់​ឈ្នួល​របស់​កម្មករ កម្មការិនី​ សម្រាប់ថ្ងៃដែល​ពួក​គេ​ឈឺ ឬក៏​មិនអាច​មកធ្វើ​ការបាន​ ហើយ​ពួកគេ​ចង់​បាន​ប្រាក់​ឧបត្ថម្ភ​ចំនួន​មួយដុល្លារ​ក្នុ​ង​មួយថ្ងៃ ​សម្រាប់​ចំណាយ​លើ​ម្ហូប​អាហារ​​​ ប្រាក់​បន្ថែម​ចំនួន​ប្រាំដុល្លារ​ទៀត​សម្រា​ប់​ចំណាយ​លើ​មធ្យោ​បាយធ្វើដំណើរ​...

MEDIA FEEDS

Popular