Wednesday, January 20, 2021

ព័ត៌មាន

អង្គការ​ក្រៅ​រដ្ឋាភិបាល​អំពាវនាវ​ឲ្យ​បញ្ចប់​ការ​ស៊ើប​អង្កេតរបស់នគរបាល​​​ពីការ​ស្ទង់​មតិ​​បោះឆ្នោត​

កាលពី​ម្សិលមិញ​ អង្គការ​មិន​មែន​រដ្ឋា​ភិបាល​ចំនួន​បួន​បាន​អំពាវនាវ​ឲ្យ​រដ្ឋាភិបាល​បញ្ចប់​ការ​ស៊ើប​អង្កេត​របស់​នគរបាលរក​អ្នក​ប្រឌិត​ឯកសារ​ស្ទង់​មតិ​ការ​បោះ​ឆ្នោត​ ដែល​បាន​លើក​ឡើង​ថា គណ​បក្ស​សង្គ្រោះ​ជាតិ​នឹង​ឈ្នះ​ការ​បោះ​ឆ្នោត​​ជាតិ​នៅ​ថ្ងៃ​អាទិត្យ​ខាង​មុខ​នេះ។ កាលពី​សប្ដាហ៍​មុន​ រដ្ឋាភិបាល​បាន​អំពាវ​​​នាវ​​​​ឲ្យ​ចាប់​ខ្លួន​អ្នក​ដែល​ទទួល​ខុស​ត្រូវ​ក្នុង​ការ​ប្រឌិត​ឯកសារ​នេះ​ ដែល​ខ្លួន​បាន​អះអាង​ថា ជា​ព័ត៌មាន​មិន​ពិត​ និង​ជា​ព័ត៌មាន​ដែល​អាច​នាំ​ឲ្យ​មាន​ភាព​វឹកវរ​។ ឯកសារ​នេះ​​ត្រូវ​បាន​ចងក្រង​ព័ត៌​មាន​ ដែល​​​​ដក​ស្រង់​ចេញ​ពី​ការ​ស្ទង់​មតិ​ ដែល​ធ្វើ​ឡើង​ដោយ​វិទ្យាស្ថាន​សា​ធា​រ​ណ​រដ្ឋ​អន្តរ​​​ជាតិ​ ​​​ដែល​មាន​មូលដ្ឋាន​នៅ​ទី​ក្រុង​វ៉ាស៊ីនតោន​​​ ​​​​។ សកម្មជន​គណបក្ស​សង្គ្រោះ​ជាតិ​ពីរ​រូប​ត្រូវ​នគរបាល​ហៅ​មក​សាកសួរ​ពាក់​ព័ន្ធ​ឯកសារ​នេះ​ កាលពី​សប្ដាហ៍​មុន​។ អង្គការ​ច្បាប់​ និង​សិទ្ធិ​មនុស្ស​ចំនួន​បួន​បាន​លើក​ឡើង​នៅ​ក្នុង​សេចក្ដី​ថ្លែង​ការណ៍​មួយ​ដែល​​​​ចេញ​ផ្សាយ​រួម​គ្នា​ដោយ​​គណៈ​កម្មា​ធិ​​​ការ​​​​ខុម​​ហ្វ្រែល​ អង្គការ​លីកាដូ ក្រុម​អ្នក​ច្បាប់​​​​ការពារ​សិទ្ធិ​កម្ពុជា​ និង​មជ្ឈមណ្ឌល​អប់រំ​ច្បាប់​សម្រាប់​សហគមន៍​ថា “ មាន​តែ​ក្នុង​ករណី​​​​ដែល​វិទ្យាស្ថាន​សាធារណរដ្ឋ​អន្តរ​ជាតិ​បាន​ដាក់​ពាក្យ​បណ្ដឹង​ទៅ​តុលាការប៉ុណ្ណោះ ទើប​ ​​​តុលា​ការ​​ស៊ើប​អង្កេត​ករណី​នេះ​បាន”។ អង្គការ​ទាំង​នេះ​បាន​លើក​ឡើង​នៅ​ក្នុង​សេចក្ដី​ថ្លែង​ការណ៍​របស់​ខ្លួន​ថា ទោះ​ជា​យ៉ាង​ណា ...

អំពើហិង្សា​​ទាក់​​ទ​ង​នឹង​​​យុទ្ធ​នា​ការ​​ឃោស​នា​ថយ​​ចុះ ​​តែ​​​ពាក្យ​បណ្តឹង​​កើន​ឡើង​​​ធៀប​​​នឹង​​​ឆ្នាំ​​២០០៨​

​លោក ​ទេព នី​ថា ​អ​គ្គ​​លេខា​​ធិ​ការ​​​នៃ​​គ​ណៈកម្មាធិការ​​​​ជាតិ​​រៀប​ចំ​កា​រ​​បោះ​ឆ្នោ​ត​​​(គ.ជ.ប.)​បា​ន​​​​ឲ្យ​​​ដឹង​​​កា​ល​​​ពី​ម្សិល​មិញ​​ថា  គ.ជ.ប.​​បា​ន​​ទទួល​​ពាក្យ​បណ្តឹង​​​​ជិត​​៤០០​ករណី​​​ទាក់​​​ទ​ង​នឹង​​​យុទ្ធ​នា​កា​រ​​​​ឃោស​​នាបោះ​ឆ្នោត​មុន​កា​រ​​បោះ​​ឆ្នោត​ជ្រើ​ស​តាំង​តំ​ណា​ង​​​រាស្ត្រ​នៅថ្ងៃ​​​អា​ទិត្យ​នេះ។​​​ ​​​​នេះ​​​ជា​កា​រ​កើន​ឡើង​​​​​​​​គួរ​​​ឲ្យ​​​កត់​​​​សម្គាល់​​​ បើ​​​ធៀប​​​នឹង​​​​រយៈ​​ពេល​​ដូចគ្នា​​នៅ​​​ក្នុង​ឆ្នាំ​​២០០៨​។ លោក នី​ថា ​​បា​នបន្ត​​​​ថា ចំ​នួនពាក្យ​បណ្តឹង​​​ដែល​​​បាន​​​​ដាក់​​ទៅ​​គ.ជ.ប. ​និង​គ​ណៈ​​​កម្ម​​កា​រ​​ថ្នាក់​ខេត្ត​និង​​​ថ្នាក់​​​​​​​​​​ឃុំ​​សង្កាត់​​​របស់​​​ខ្លួន​​​គិត​​​​​​មក​ទល់​​​​​​នឹង​​​ពេល​​​​នេះ​មា​នចំ​នួ​ន​​៣៨៨​ករណី​ហើយ​​​ ដោយ​​​ពាក្យ​​​បណ្តឹង​​​ទាំងអស់​​​​​​​ត្រូ​វ​បា​ន​​ដោះស្រាយ​រួច​​​​​​​ លើកលែង​​​តែ​​​ប្រ​ហែល​៥០​​ករណី​​​​ប៉ុណ្ណោះ​​​ ។ ​​លោក​បា​នមាន​​​ប្រសាសន៍​​​​ថា​“ ចំនួ​ន​​​​ពាក្យ​​បណ្តឹង​​​ដែល​​គ.ជ.ប.​​​បា​ន​​​ទទួល ​​​​​គឺ​​​មា​ន​ចំនួន​​​ច្រើន​ជា​ង​​ឆ្នាំ​​២០០៨ ព្រោះ​​ក្នុង​ឆ្នាំ​​២០០៨ ​មា​ន​​​ពាក្យ​​បណ្តឹង​តែ​​២៤៤​ករណី​​ប៉ុណ្ណោះ​​ពេញ​​​មួយ​​​​​​​យុទ្ធ​នា​កា​រឃោស​នា​​បោះ​ឆ្នោត​​រយៈ​​​ពេល​​៣០​ថ្ងៃ​​​”។ ​លោក នី​ថា​ ​បាន​លើក​ឡើង​​​​ថា ​​​យុទ្ធនា​ការ​​​​​​​​ឃោសនា​​​អាណត្តិ​​​នេះ​មា​ន​​កា​រ​ប្រើ​​ហិង្សា​តិ​ច​​​បំ​ផុត​​ ទោះបី​​​ជា​​​​មាន​​​ការ​​​ប៉ះ​​​ទង្គិចគ្នា​​​រវាង​ក្រុម​អ្នក​គាំទ្រ​​​ជា​យុវ​​ជន​​របស់​​គ​ណ​បក្ស​ប្រជា​​ជន​កម្ពុ​​ជា​ និងអ្នក​​គាំ​​ទ្រ​​​​​​ជា​យុវ​​ជន​​របស់​​​​គ​ណ​បក្ស​​សង្គ្រោះ​​ជាតិ​​​នៅ​​​ជិត​​វត្ត​​​ភ្នំ​​​​​ កា​ល​​ពី​ថ្ងៃ​សុក្រ​ ដែល​​​ពេល​​​នោះ​​​​​​មាន​​​ការ​​​បញ្ជូន​​​អ្នក​គាំ​​ទ្រ​​​គណ​​បក្ស​ប្រជា​ជន​​ចំ​នួន​​ប្រាំ​នាក់​​​ទៅ​​មន្ទីរ​​ពេទ្យ​ក៏ដោយ​​​។ ​លោក​ ទេព នីថា បាន​មា​ន​​ប្រ​សាសន៍​បន្ត​ទៀត​ថា​“ យុទ្ធនា​កា​រ​​​​ឃោស​នា​​បោ​ះ​ឆ្នោត​ក្នុង​​​​អា​​​ណត្តិ​នេះ​​ដំ​ណើរ​​ការ​បា​នល្អ​​​​ជាង​​​អាណត្តិ​​​​​​មុន​​​​។ មា​ន​ករណី​​ប្រើ​អ​ំ​ពើ​ហិង្សា​តិច​តួច​  ប៉ុន្តែ​​​​​​វា​​​អាច​​​​គ្រប់​គ្រ​ង​បា​ន​ ហើយ​​​​ជា​​​និច្ច​កា​លវា​​​​​កើត​​​មាន​​​​ឡើង នៅ​​​​ពេល​​​មាន​​​​ការ​​​ប្រមូលផ្តុំ​​​គ្នា​​​ច្រើ​ន​។​​​យុវ​ជ​ន​​​ដែល​​​ចូល​​​រួ​ម ​​ឆាប់​​​ខឹង​​​ណាស់​​​...។ ​ពួ​ក​គេ​​ស្រែ​ក​​ដាក់​គ្នា​​​ទៅ​​វិញ​ទៅមក ​និង​​​យក​​​របស់​​​របរ​​​គប់​​​​​​​គ្នា​​”។ លោក គល់ បញ្ញា នាយក​​​ប្រតិបត្តិ​​​នៃ​​​គណ​ៈ​​កម្មាធិ​ការ​ដើម្បី​កា​រ​​បោះ​ឆ្នោត​ដោយ​សេរី​និង​យុត្តិធម៌​នៅ​កម្ពុជា បាន​​​លើកឡើង​​​កា​ល​ពី​ម្សិល​មិញ​​ថា  ​កា​រ​​​កើន​ឡើង​​​​​​​​នូវ​​​ពាក្យ​បណ្តឹង​ និ​ង​កា​រ​​ថយ​ចុះ​នូវ​​​​​ការ​ប្រើ​​​អ​ំ​ពើ​ហិង្សា​ គឺ​​​​​មា​នទំនាក់​​​ទំនង​​​​នឹង​​​គ្នា​។ ​លោក​​​​មា​ន​​ប្រ​សាស​​ន៍​ថា “ ពាក្យ​បណ្តឹង​​​​​​​​មាន​​​កា​រ​​កើន​ឡើង​ដោយសារ​​​​​ពេល​នេះ​​ប្រជា​​ពល​រដ្ឋ​បាន​​​ដឹង​ពី​​​វិធី​​​​​​​​សាស្ត្រ​​​ក្នុងការ​​​ប្រើ​​​ពាក្យ​បណ្តឹង​​ជំនួស​​​ឲ្យ​​​ការ​​​​​​ប្រើ​អំ​ពើ​ហិង្សា​។ ពេល​​​​ពួ​កគេ​មា​នបញ្ហា​ ​ពួក​គេ​​ប្រើ​​​ពាក្យ​​បណ្តឹង​​​​ដើម្បី​​​​រក​​​ដំណោះ​​​ស្រាយ​​​។ ​ខ្ញុំ​​គិត​​​ថា​ នេះ​​​​ជា​​​​ការ​​​តាំងចិត្ត​​​បែប​ថ្មី​​​​របស់​គ​ណ​​​​បក្ស​​នយោ​បា​យ​​​ទាំងនោះ​​​​​​​”។ ​លោក បញ្ញា ​បា​ន​បន្ថែ​ម​​ថា​ ​​ពាក្យ​បណ្តឹង​​ក៏​កំ​ពុង​ត្រូវ​បា​នប្រើ​​សម្រាប់​ហេតុ​ផល​​​​ផ្សេង​​​ៗ​​​ទៀត​​​ដែល​​​មាន​​​ការ​​​គិត​​​ទុក​​​ជាមុន​​​ផង​​​ដែរ​​​​...

គ.ជ.ប.ច្រាន​ចោល​សំណើ​របស់​លោក សម រង្ស៊ី សុំ​​ឈរ​ឈ្មោះ​​នៅ​ក្នុង​ការ​បោះ​ឆ្នោត​ជាតិ​​​នៅ​​​ខែនេះ​​​

កាល​ពី​ម្សិលមិញ​​ គណៈកម្មាធិការ​ជាតិ​រៀប​​​​​​​ចំ​ការ​បោះ​ឆ្នោត​ គ.ជ.ប. បាន​លើក​ឡើង​ថា  លោក​​​​  សម​  រង្ស៊ី  មេដឹកនាំ​គណបក្ស​ប្រឆាំង​​​​នឹង​មិន​អនុញ្ញាត​ឲ្យ​ចូល​រួម​ប្រកួត​ប្រជែង​នៅ​ក្នុង​ការ​បោះ​ឆ្នោត​ជាតិ​នៅ​ថ្ងៃ​អាទិត្យ​នេះ​ទេ​ ដោយ​ធ្វើ​ឲ្យ​ប្រធាន​គណបក្ស​សង្គ្រោះ​ជាតិ​រូប​នេះ ឆ្លើយ​តប​ថា  គណបក្ស​របស់​លោក​ទំនង​ជានឹង​មិន​ទទួល​ស្គាល់​លទ្ធផល​នៃការ​បោះ​ឆ្នោត​នេះ​ទេ​ ហើយ​បាន​ព្រមាន​ថា នឹង​ធ្វើ​ការ​តវ៉ា​។ កាល​ពីថ្ងៃ​អាទិត្យ លោក​ សម​ រង្ស៊ី បាន​ផ្ញើ​​​​​​​​​លិខិត​មួយ​ច្បាប់​ជូន ​ គ.ជ.ប.​​​​ស្នើសុំ​ឲ្យ​លោក​បាន​ឈរ​ឈ្មោះ​ជាបេក្ខ​ជន​តំណាង​រាស្ត្រ​មណ្ឌល​​​​កណ្តាល​។ បន្ទាប់​ពី​កិច្ច​ប្រជុំ​រយៈ​​​ពេល​​​​មួយ​ថ្ងៃ​កាល​ពីម្សិល​មិញ គ.ជ.ប.​បាន​ឆ្លើយ​​​​តប​នៅ​ក្នុង​សេចក្តី​ថ្លែង​ការណ៍​មួយ​ជូន​ទៅលោក សម រង្ស៊ី ថា សមាជិក​ទាំង​ប្រាំបួន​រូប​​​​របស់​គ.ជ.ប.​​មិន​អាច​ទទួល​​យក​សំណើ​​​របស់​លោក​...

ក្រុម​​គាំទ្រ​ជា​យុវជន​របស់បក្ស​ប្រជា​ជន និង​បក្ស​សង្គ្រោះ​ជាតិ​​ឌឺដង​ពាក្យ​សម្ដី​ តែ​មិន​ប្រើ​ហិង្សា​

នៅ​​​ពេល​​​ក្រុម​​​អ្នក​​​គាំទ្រ​​​របស់​​​គណបក្ស​ប្រជា​​​ជន​កម្ពុជា​និង​គណបក្ស​សង្គ្រោះ​ជាតិ ​​​ប្រមូល​​​ផ្តុំ​​​គ្នា​​​​​​ធ្វើ​​​យុទ្ធនាការ​​​​ឃោសនា​​​ចល័ត​​​​​​​តាម​ដង​ផ្លូវ​នានា​មុន​​​​ការ​បោះ​ឆ្នោត​នៅ​ថ្ងៃ​​​អាទិត្យ​​នោះ​ ការ​​​ប្រឈម​មុខ​ដាក់គ្នា​​​រវាង​​​ភាគី​​​ទាំងពីរ​​​​​​​អាច​និយាយ​​​បាន​​​ថា​​​​​​ មិន​​​ខុស​​​ពី​​​នាដកថា​​​ ក្នុង​​​​នាដកម្ម​​​រឿង​​​​​​ វ៉េសសាយ​​​ ស្តូរី  ​​​(West Side Story) ដែល​​​ពណ៌នា​​​ពី​​​​ការ​​​ប្រឈម​​​មុខ​​​ដាក់គ្នា​​​រវាង​​​ក្រុម​​​​​​ ជែតស៍​​​ (Jets)​​​ និង​​​ក្រុម​​​សាក (Sharks) នោះ​​​ទេ​​​។ ដូចជា​​ក្រុម​ ជែតស៍ ​​​និង​​​ក្រុម​​​ សាក​​​ ដែរ​​​ ​ក្រុម​​​អ្នក​គាំ​ទ្រ​​​​ជា​​​យុវជន​របស់​​​គណបក្ស​ប្រជា​​​ជន​កម្ពុជា​​​​​កំពុង​កាន់​អំណាច​និង​​​​​គណបក្ស​សង្គ្រោះ​ជាតិ​​បាន​សើច​​ចំអក​ឡក​ឡាយ​​ដាក់​គ្នា​ និង​​​ប្រមាថ​​​គ្នា​ទៅ​វិញ​ទៅមក​ ពេល​ពួកគេ​​​ជិះ​​​​ទោចក្រ​​​យាន​​​យន្ត​​​​កាន់​ទង់​គណបក្ស​​​និង​បដា​​​ឃោសនា​​។ អ្នក​​​ចូលរួម​​​ធ្វើ​​​យុទ្ធនាការ​​​​ឃោសនា​ និង​អ្នក​ឃ្លាំ​មើល​ការ​​បោះ​ឆ្នោត​បាន​លើកឡើង​​​​​កាល​ពី​ម្សិលមិញ​ថា​ ការ​​​ប្រមាថ​​​គ្នា​​​​នេះ​​​​​​អាច​​​មាន​​​ភាព​​​ជូរចត់​​​ក៏​​​ពិតមែន​​​ ប៉ុន្តែ​​​វា​​​​​​មិន​​​បាន​​​ឈាន​​​​​​​​​​​​ដល់​​​ការ​​​ប្រើ​​​​អំពើ​ហិង្សា​ទេ​​ ដែល​​​ទិដ្ឋភាព​​​បែប​​​​​​​នេះ​​​​​គឺ​​​ផ្ទុយគ្នា​​​ស្រឡះ​​​ពី​វប្បធម៌​នយោបាយ​របស់​​​អ្នក​​​ធ្វើ​​​​​​យុទ្ធនាការ​​​ឃោសនា​​​​ជំនាន់​មុន។ យុវជន​ ទី ម៉េង អាយុ​១៩ឆ្នាំ ជា​អ្នក​គាំទ្រ​គណបក្ស​ប្រជាជន​កម្ពុជា​ប្រចាំ​នៅ​វត្ត​ភ្នំ​ បាន​និយាយ​អំពី​​​ការ​​​ធ្វើ​​​យុទ្ធនាការ​​​ឃោសនា​​​​​​ឲ្យ​​​​​​​គណបក្ស​ប្រជាជន​កម្ពុជា​ថា​ “ វា​​​សប្បាយ ​​​​​​តែ​​​​​ក៏​​​ពិបាក​​​ដែរ​​​”។ ទី ម៉េង ​និយាយ​ថា ខ្លួន​​​​សប្បាយ​​​នឹង​​​​​​​ការ​ជិះ​​​​ម៉ូតូ​ជុំ​វិញ​​​ក្រុង​ ហើយ​​​ថា​​​ ​​​ការ​​​ឌឺដង​​​គ្នា​​​ជាមួយ​​​​​​ក្រុម​យុវជន​គាំ​ទ្រ​គណបក្ស​សង្គ្រោះ​ជាតិ​​​​​តាម​​​រយៈ​​​ការ​​​ស្រែក​ដាក់គ្នា​​​ថា “ ដូរ​ ​មិន​ដូរ?”​ ​​​ “ អត់ដូរ​​​!”  “ លេខ​៤!” និង​​​​ “ លេខ​៧” ជា​ដើម​ ​​​គឺ​​​ជា​​​រឿង​​​ “ សប្បាយ”។ ​ទីម៉េង​បាន​និយាយ​​​ថា “ ​ប៉ុន្តែ...

អ្នក​គាំទ្រ​គណបក្ស​ប្រជាជន​​រារាំង​អ្នក​គាំទ្រ​គណបក្ស​ប្រឆាំង​មិន​ឲ្យ​ឆ្លង​កាត់​មហាវិថី​ព្រះ​សុរា​ម្រឹត​

អ្នកគាំទ្រ​គណបក្ស​ប្រជា​ជន​កម្ពុជា​បាន​រារាំង​អ្នក​គាំទ្រ​គណបក្ស​ប្រឆាំង​មិន​ឲ្យ​បើក​បរ​ឆ្លងកាត់​កន្លែង​ជួប​ជុំ​គ្នា​របស់​ខ្លួន​នៅ​សួន​មុខ​វត្ត​បទុម​ ក្នុង​រាជ​ធានី​ភ្នំពេញ ដោយ​បាន​វាយ​យានយន្ត​របស់​អ្នក​គាំទ្រ​គណបក្ស​សង្គ្រោះ​ជាតិ​ ឬ​រារាំង​មិន​ឲ្យ​ពួក​គេ​ធ្វើ​ដំណើរ​​​​ឆ្លង​កាត់​ឡើយ  ដែល​ជា​ការ​រំលោភ​ច្បាប់​បោះ​ឆ្នោត​​យ៉ាង​ច្បាស់​ក្រឡែត។ កាលពី​ល្ងាច​ថ្ងៃ​សៅរ៍ ក្រុម​យុវជន​ដែល​ស្លៀក​ឯកសណ្ឋានរបស់​គណបក្ស​ប្រជា​ជន​កម្ពុជា​បាន​ជួ​ប​ជុំ​គ្នា​នៅ​ត្រង់​ចំណុច​ប្រសព្វ​នៃ​មហា​វិថី​ព្រះ​សុធារស និង​មហាវិថី​ព្រះ​សុរាម្រឹត ដោយរារាំង​មិន​ឲ្យ​យាន​យន្ត​ណា​ដែល​មាន​រូប​សញ្ញា​គណបក្ស​ប្រឆាំង​បើក​កាត់​ឡើយ  ជា​ទង្វើ​ដែល​លោក ទេព នីថា អគ្គ​​​​​​លេខាធិការ​គណៈ​កម្មា​ធិ​ការ​ជាតិ​រៀប​ចំ​ការ​បោះ​ឆ្នោត​ (គ.ជ.ប.) បាន​មាន​​ប្រសាសន៍​កាល​​​ពី​ដើម​ខែ​នេះ​ថា ត្រូវ​បាន​ហាម​ឃាត់​នោះ។ នៅ​ក្នុង​ហេតុ​ការ​ណ៍​មួយ យុវជន​គណ​បក្ស​ប្រជាជន​កម្ពុជា​មួយ​ក្រុម​មាន​គ្នា​ប្រាំមួយ​នាក់​បាន​ឡោម​ព័ទ្ធ​ម៉ូតូ​មួយ​គ្រឿង​ ហើយ​បាន​ទាញ​ដៃ​អ្នក​ជិះ​​ម៉ូតូ​នោះ​ចេញ​ពី​ម៉ូតូ​ ហើយ​បាន​​ទាញ​​បង្វិល​ម៉ូតូ​នោះ​ទាំង​បង្ខំ​ឲ្យ​គាត់​ជិះ​ទៅ​ក្រោយ​វិញ​។ នៅ​ក្នុង​ឧបទ្ទវហេតុ​មួយ​ទៀត​ អ្នក​បើក​​​បរ​រថយន្ត​ទំនើប​មួយ​គ្រឿង​ ដែល​បដិសេធ​មិន​ព្រម​ឈប់​​នៅ​ត្រង់​ចំណុច​ត្រួតពិនិត្យ​ក្រៅ​ផ្លូវ​ការ​នោះ​​ ត្រូវ​បាន​យុវជន​គណបក្ស​ប្រជាជន​កម្ពុជា​មួយ​ក្រុម​​ដេញ​តាម​បណ្ដោយ​​​​មហាវិថី​ព្រះ​សុរា​ម្រឹត​ ដែល​បាន​វាយ​រថយន្ត​របស់គាត់ពី​ចំហៀង​។​គេ​ឮ​យុវជន​ម្នាក់​ស្រែក​​​​ថា៖ “ នេះ​គឺ​ជា​ផ្លូវ​របស់​យើង។​...

កូន​ប្រុស​មន្ត្រី​សាលា​រាជ​ធានី​​​ភ្នំ​ពេញ​ម្នាក់​បង្ក​គ្រោះ​​ថ្នាក់​ចរាចរណ៍​បណ្តាល​ឲ្យ​មនុស្ស​បី​នាក់​ស្លាប់

នគរបាល និង សាច់​ញាតិ​ម្នាក់​របស់​ជន​រង​គ្រោះ​ពីរ​នាក់​បាន​ឲ្យ​ដឹង​ថា​ អ្នក​បើក​បរ​រថ យន្ត​​​មួយ​គ្រឿង ម៉ាក រ៉េង​ រ៉ូវើ​ (Range Rover ) បាន​បង្ក​ឲ្យ​​​មនុស្ស​បី​នាក់​​ស្លាប់​ និង​មនុស្ស​បី​នាក់​ផ្សេង​ទៀត​​​រង​របួស​ធ្ងន់​ កាល​ពី​ល្ងាច​ថ្ងៃ​សៅរ៍​ ​នៅ​ពេល​គាត់​បាន​​បាត់​បង់​ការ​គ្រប់​គ្រង​​រថយន្ត​ទំ​នើប​របស់​ខ្លួន​ភ្លាមៗ ​បន្ទាប់​ពី​​ចាក​ចេញ​ពី​ពិធី​ផឹក​ស៊ី​មួយ​កន្លែង​​នៅ​ក្នុង​​ ខណ្ឌ​មាន​​ជ័យ​ ​រាជ​ធានីភ្នំ​ពេញ​ ។ នគរបាល​​បាន​ឲ្យ​​ដឹង​ថា​ ​អ្នក​បើក​បរ​​​​ដែល​​​នគរ​បាល​មិន​​បញ្ចេញ​​ឈ្មោះ​ឲ្យ​​​ដឹង​ ប៉ុន្តែ​​ ត្រូវ​បាន​គេ​ជឿ​ថា​ជា​​កូន​ប្រុស​​របស់​មន្ត្រី​រដ្ឋា​ភិ បាល​ម្នាក់​នៅ​​​រាជ​ធានី​ភ្នំ​ពេញ  ​​ដែល​បាន​ផឹក​ស៊ី​នៅ​មុន​ពេល​​គាត់​បុក​ស្លាប់​​អ្នក​ដំណើរ​មិន​ស្គាល់​​ឈ្មោះ​ម្នាក់​ជា​លើក​ដំបូង​ ​មុន​ពេល​រេ​ចង្កូត​​ទៅ​បុក​​ម៉ូតូ​មួយ​គ្រឿង​ ដែល​​បាន​ធ្វើ​ឲ្យ​​​ស្រ្តី​អាយុ៤២​ឆ្នាំ និង កូន​ស្រី​អាយុ​១៨​ឆ្នាំ​​របស់​គាត់​​​​ស្លាប់​។ លោក ហេង ចាន់​គិរី  ប្រធាន​ការិយា ល័យនគរ​បាល​ចរាចរណ៍​រាជ​ធានី​​បាន​មាន​ប្រសាសន៍​ថា​  ជន​សង្ស័យ​ម្នាក់​​  ដែល​បង្ក​គ្រោះ​ថ្នាក់​ចរាចរណ៍​​បណ្តាល​ឲ្យ​មាន​មនុស្ស​ស្លាប់​នេះត្រូវ​បាន​បញ្ជូន​ទៅ​សាលា​ដំ​បូង​រាជ​ធានី​រួច​ហើយ​ ប៉ុន្តែ​ មិន​អាច​និយាយ​ថា​​  តើ​គាត់​​ត្រូវ​បាន​ចោទ​ប្រ​កាន់​ ឬ ចោទ​ប្រ​កាន់​ពី​បទ​អ្វី​នោះ​ទេ​។ លោកបាន​មាន​ប្រ​សាសន៍​បន្ត​ថា “ គាត់​បាន​បង្ក​ឲ្យ​មាន​គ្រោះ​ថ្នាក់​ចរាចរណ៍ ហើយ​​បាន​បណ្តាល​ឲ្យ​មនុស្ស​បី​នាក់​បាន​ស្លាប់​និង​មនុស្ស​បី​នាក់​ផ្សេង​ទៀត​រង​របួស​ធ្ងន់​”។ យោង​តាម​លោក...

​បក្ស​តូច​ៗ​ខិត​ខំ​ទាក់​ទាញ​ចំណាប់​អារ​ម្មណ៍​​​​​​​តាមរយៈ​​​ការ​​​​ដេញ​ដោលមតិ

តំណាង​យុវជន​មក​ពី​គណបក្ស​ន​យោ​បាយ​​​ចំនួន​​​ប្រាំ​មួយ​​​​​​​ក្នុងចំណោម​គណបក្ស​ន​យោ​បាយ​ទាំង​ប្រាំបី​​ ដែល​​​នឹង​​​​ប្រកួត​ប្រ​ជែង​​​​​ក្នុង​​​ការ​​​បោះ​ឆ្នោតនៅ​​​ថ្ងៃ​អាទិត្យ​​​​នេះ​ ​បាន​​​តទល់​​​គ្នា​​​​​​​​​​​​នៅ​​​ក្នុង​​​ព្រឹតិ​​​្តការណ៍​​​ដេញដោល​​​មតិ​​​តំណាង​​​យុវជន​​​​​​ពហុបក្ស​​​​​​​​​ នៅ​​​​ក្នុង​​​​មជ្ឈ​មណ្ឌល​វប្បធម៌​ភ្នំ​ពេញ​​​​​ កាលពីថ្ងៃ​សៅរ៍​ ​​​។ ​វេទិកា​ជជែក​ដេញដោល​​​​​​​​​​​​​ក្រោមការ​​​​រៀប​​​​ចំ​​របស់​​​​​​​វិទ្យាស្ថាន​សាធារណរដ្ឋ​អន្តរជាតិ​(IRI) ​​​ដែល​មាន​មូលដ្ឋាន​​​​នៅ​​​ក្រុង​វ៉ាសីុនតោន​ និង​​​​ត្រូវបាន​​​ផ្សព្វផ្សាយ​តាមរយៈ​​​​កញ្ចក់​ទូរទស្សន៍​សីុអិុនសីុ (CNC) កាលពី​យប់​មិញ​​នេះ​​​ ​ផ្ដោត​សំខាន់​​​​​លើ​ប្រធាន​បទ​​​ពាក់ព័ន្ធ​​​នឹង​​​​គុណភាព​នៃ​ការ​អប់​រំ​នៅ​ក្នុង​​​ប្រទេស​កម្ពុជា​ និង​បញ្ហា​យុវជន​​​​​អត់​ការងារ​ធ្វើ​​​​ក្នុង​​​កម្រិត​​​ខ្ពស់​​​។ វេទិកា​នេះ​បាន​ចាប់​ផ្ដើម​​​​​​​​​មិនខុស​​​ពី​​​សព្វ​​​ដង​​​​​​​​​​​​ទេ​​​ ដោយ​​​យុវជន​ ហេង​ ​​​សួរ​​​​ អាយុ​៣៥​ឆ្នាំ​ ជា​​​តំណាង​គណបក្ស​ប្រជាជន​កម្ពុជា​ ​បាន​រំឭក​អ្នក​ចូល​រួម​ស្ដាប់​​​​​ ដែល​​​ភាគ​ច្រើន​ស្ថិត​ក្នុង​វ័យ​សិក្សា​នៅ​សាកល​​​វិទ្យាល័យ​ អំពី​តួនាទី​របស់​គណបក្ស​​​​នេះ​​​ក្នុង​ការ​ផ្ដួលរលំ​របប​ខ្មែរ​ក្រហម​​​​កាលពី​៣៤​ឆ្នាំ​មុន​។ លោក​  ហេង​  សួរ  បាន​​​និយាយ​​​ដោយ​​​មាន​​​ការ​​​ទះដៃ​​​អបអរ​​​សាទរ​​​​​​ថា “...

លោក សម រង្ស៊ី ប្រឈម​នឹង​ការ​​រិះ​គន់​ពី​​​ប្រជាជន​​​​​នៅ​ពេល​​​ឃោសនា​​​បោះឆ្នោត​​​​​​តាមខេត្ត

ក្រុង​ព្រះសីហនុ-ការ​ធ្វើ​ដំណើរ​ឃោសនា​​​បោះ​​​ឆ្នោត​​​លឿនៗ​របស់​លោក​  សម  រង្ស៊ី  មេដឹកនាំ​គណបក្ស​ប្រឆាំង​នៅ​តាម​ខេត្ត​ក្នុង​ប្រទេស​កម្ពុជា​​នៅ​មុន​ការ​បោះឆ្នោត​​ជាតិ​នា​ថ្ងៃ​ទី​២៨ ខែ​កក្កដា​ បាន​ទទួល​ការ​ស្វាគមន៍​តិច​តួច​កាលពី​ម្សិល​មិញ​ ជាមួយ​​អ្នក​គាំទ្រ​ ដែល​មាន​ទឹក​ចិត្ត​រីក​រាយ​យ៉ាង​ហោច​ណាស់​៥.០០០​នាក់​ ដែល​បាន​ជួប​ជុំ​គ្នា​នៅ​តាម​ផ្លូវ​នៅ​​​​មុខ​សួន​​​​ឯករាជ្យ​​​​​​​ក្នុង​ក្រុង​ព្រះសីហនុ កាលពី​ម្សិលមិញ​។ ប៉ុន្តែ​​បន្ទាប់​ពី​ការ​ធ្វើ​ដំណើរ​ដែល​បាន​ចាក​ចេញ​កាលពី​ថ្ងៃសៅរ៍ ពី​ក្រុង​កំពង់​ស្ពឺ ជា​មួយ​អ្នក​គាំទ្រ​គណបក្ស​​ប្រហែល​១.៥០០​នាក់​​ជិះ​រថយន្ត​ និង​ម៉ូតូ​​កាត់​ក្រុង​នានា​ នោះ​​​មាន​តែ​មនុស្ស​ដែល​មក​ជាមួយ​លោក​ប៉ុណ្ណោះ បាន​ស្រែក​អបអរ​សាទរ​។ ប្រជាជន​មូលដ្ឋាន​ដែល​ឈរ​មើល​ ដោយ​​​​ស្ងៀមស្ងាត់​ទាំង​នេះ​ គឺ​ជា​ការ​បង្ហាញ​ពី​ការ​​​ងារ​ជាច្រើន​ដែល​លោក​មិន​បាន​ធ្វើ​នៅ​តាម​តំបន់​ជន​បទ​​ ដែល​មាន​​ប្រជាជន​ខ្មែរភាគ​ច្រើន​​​​រស់​នៅ​​និង​មាន​សំឡេង​ឆ្នោត​​ច្រើន។ ប៉ុន្តែ​នៅ​ក្នុង​ខេត្ត​ព្រះសីហនុ កាលពី​រសៀល​​​​​​​ម្សិលមិញ​ គណបក្ស​ប្រឆាំង​នេះ​យ៉ាង​ហោច​ណាស់​ធ្វើ​ឲ្យ​មាន​ការ​ចាប់​អារម្មណ៍​​​​ពី​មនុស្ស​ជា​ច្រើន​ ដែល​បាន​ស្វាគមន៍​នៅ​តាម​​​​ផ្លូវ​ពេល​ធ្វើ​ដំណើរ​​​ឃោសនា​កាត់​ភ្លៀង​រលឹម​ ដោយ​លើក​ឡើង​ថា  ការ​អំពាវនាវ​របស់​ប្រធាន​​គណបក្ស​សង្គ្រោះ​ជាតិ​នៅ​​តែ​អាច​ឮ​ដល់​ក្រៅ​​រាជធានី​ភ្នំពេញ​...

លោក សម រង្ស៊ី ស្នើ​ឲ្យ​ គ.ជ.ប.​អនុញ្ញាត​រូប​គាត់​ឈរ​ឈ្មោះ​បោះ​ឆ្នោត​

លោក សម រង្ស៊ី ​មេ​ដឹក​នាំ​គណបក្ស​ប្រឆាំង​​​​កាល​ពី​ម្សិល​មិញ ​បាន​ផ្ញើ​លិខិត​មួយ​ច្បាប់​ទៅ​ប្រធាន​គណៈកម្មាធិការ​ជាតិ​រៀប​ចំ​ការ​បោះ​ឆ្នោត​ដោយ​ស្នើ​សុំ​ឲ្យ​អនុញ្ញាត​រូប​គាត់​បោះ​ឆ្នោត​ និង​ឈរ​ឈ្មោះ​ជា​បេក្ខជន​ក្នុង​ការ​បោះ​​​​ឆ្នោត​នៅ​ថ្ងៃ​អាទិត្យ​។ លិខិត​ដែល​ចុះ​កាល​បរិច្ឆេទ​ថៃ្ង​ទី​២១​ ខែ​កក្កដា​ ផ្ញើ​ជូន​លោក​ អឹុម សួស្ដី និង​ដែល​ចុះ​ហត្ថលេខា​ដោយ​លោក សម រង្ស៊ី នោះ បាន​ស្នើ​សុំ​ឲ្យ​បញ្ចូល​ឈ្មោះ​របស់​គាត់​ក្នុង​បញ្ជី​ និង​​​​​អនុញ្ញាត​ឲ្យរូប​គាត់​ឈរ​ឈ្មោះ​ជា​បេក្ខ​​​ជន​តំណាង​រាស្ត្រ​នៅ​មណ្ឌល​​ខេត្ត​កណ្ដាល។ លិខិត​នោះ​មាន​សេចក្ដី​ថា “ ខ្ញុំ​សូមស្នើឲ្យ​​ ឯកឧត្ដម ពិចារណា​ក្នុង​ការ​បញ្ចូល​ឈ្មោះ​របស់​ខ្ញុំ​ក្នុង​បញ្ជី​​​ឈ្មោះ​អ្នក​បោះ​ឆ្នោត​​ផ្លូវ​ការ​ និង​បញ្ជី​ឈ្មោះ​បេក្ខជន​តំណាង​រាស្ត្រ​សម្រាប់​ការ​បោះ​ឆ្នោត​អាណត្តិ​ទី​៥​ នៅ​ថ្ងៃ​ទី​២៨​ ខែ​កក្កដា”។ ​លិខិត​នោះ​ក៏​បាន​ចម្លង​ជូន​ទៅ​លោក​នាយក​រដ្ឋ​មន្ត្រី​...

ឧទ្ធម្ភាគចក្រ​យោ​ធា​ថ្មី​​ពីរ​គ្រឿង​ដែល​​​កម្ពុ​ជាទិញ​ពី​​​ប្រទេស​ចិន​ចាប់​ផ្តើមសាក​ល្បង​​ហោះហើរ​

​ក្រសួង​ការពារ​ជាតិ​ នៃប្រទេស​កម្ពុ​ជា​ បាន​​បញ្ជាក់​កា​ល​ពីម្សិលមិញថា ​ខ្លួន​បា​ន​ទទួល​ឧទ្ធម្ភាគចក្រ​យោធា​ប្រភេទ​ Z-9 ចំ​នួ​ន​ពីរ​គ្រឿង​ ពី​ប្រ​ទេ​ស​ចិន​ ហើយ​១០​គ្រឿ​ង​ទៀត​​នឹងត្រូ​វ​បា​ន​បញ្ជូន​មក​ដល់​នៅ​ខែក្រោយ​ ដើម្បី​បំ​ពេញ​កិច្ច​ព្រម​ព្រៀង​ប្រាក់​កម្ចី​ជា​ច្រើន​លា​ន​ដុល្លារ​​ ដែល​ប្រទេ​ស​ទាំងពី​របាន​ចុះ​ហត្ថលេខា​ កាលពីខែ​សី​ហា​ឆ្នាំ​២០​១១​។​ ​លោក ទៀ បាញ់ រដ្ឋ​មន្ត្រី​ក្រសួង​ការ​ពារ​ជាតិបាន​ឲ្យដឹង​កាលពីម្សិល​មិញថា ​ក​ង​យុទ្ធ​ពល​ខេរ​ភូមិន្ទ​ ​បាន​សាក​ល្បង​ហោះ​ហើរ​ឧទ្ធម្ភាគ​​ចក្រ​​ថ្មី​ទាំង​ពីរ​នេះ​ហើយ​។​​​​ ស​កម្ម​ភា​ព​​ហោះ​ហើរ​ត្រូវ​បាន​គេ​ឃើញ​នៅក្នុង​បរិវេណ​​មូល​ដ្ឋាន​ទ័ព្ទអាកាស​ ក្នុង​រា​ជ​ធានីភ្នំ​ពេញ​ កាល​ពី​ព្រឹក​ថ្ងៃសុក្រ​សប្តា​ហ៍​មុន​ នៅមុន​ការ​មក​វិល​​​មក​​ដល់​របស់​​លោ​ក សម រង្ស៊ី​ មេ​ដឹក​នាំ​គណ​បក្ស​ប្រ​ឆាំ​ង​ ប​ន្ទាប់​ពី​លោក​បាន​រស់​នៅ​ក្រៅ​ប្រទេស​ អ​ស់​រយៈ​ពេល​បួនឆ្នាំ​។ ​លោក​បាន​មានប្រសាសន៍​ថា “ ​យើង​ត្រូ​វ​​តែ​សាកល្ប​ង​ហោះ​ហើរ​ឧទ្ធម្ភាគច​ក្រ​​ទាំង​​នេះ​ ទោះបីជា​ពួក​វា​ថ្មីក៏ដោយ​។​យើង​បាន​សាកល្បង​ហោះហើរ​ កាលពី​ថ្ងៃ​​សុក្រ​ ​ដើម្បី​ឲ្យ​ដឹងពី​ដំណើរ​ការ​ម៉ាស៊ីន​របស់​វា ​និង​ដើម្បី​ធ្វើ​ឲ្យ​ប្រាកដថា ​ផ្នែក​បច្ចេក​ទេស​នៅ​ក្នុង​ឧទ្ធម្ភាគចក្រ​ទាំងនេះ​ មិន​មា​ន​បញ្ហា​ ហើយ​ដំណើរ​ការ​ល្អ”។​លោក​បាន​ឲ្យដឹង​បន្ថែម​ទៀតថា ​ឧទ្ធម្ភាគ​ចក្រ​​​ផលិត​នៅ​ប្រទេស​ចិន​ ទាំង​នេះ​ត្រូវ​បាន​បំពាក់​ដោ​យ​បច្ចេក​វិទ្យា ​ដែល​អាច​មើល​ឃើ​ញ​ពេល​យប់​បាន ជា​ហេតុ​នាំ​ឲ្យ​អាកាស​យា​និក​អាច​ធ្វើ​ប្រតិ​បត្តិ​ការ​​នៅពេល​យប់​បាន​។​ ឧទ្ធម្ភាគចក្រ​ប្រភទ​ Z-9 ​អាច​ត្រូ​វ​បាន​ប្រើ​ប្រាស់​ក្នុង​គោល​បំណងជា​ច្រើន​​​ ​និង​ត្រូវ​បាន​ផលិត​ក្រោម​អាជ្ញា​ប័ណ្ណ​ចេញ​ដោយ​​សា​ជីវ​កម្ម​ផលិត​យន្ត​ហោះ​ ហាប៊ីន (Har​bin ​Airc​raft ​Manuf​actur​ing Corp​oratio​n) ​នៅ​ប្រទេស​​ចិន​ ដោយ​យក​ម៉ូដ​តាម​ឧ​ត្ថម្ភ​ភាគ​ចក្រ​ ​ដូហ្វំាង ​(Dau​phin​)​ ​ផលិត​ដោ​យ​ជន​ជាតិ​បារាំង​។ ​យន្ត​ហោះ​ទាំង​នេះ​អា​ច​ត្រូវ​បាន​បំពា​ក់​ដោយ​​គ្រឿង​សព្វា​វុធ​​សម្រាប់​បាញ់​​ប្រហារ​ ក៏​ប៉ុ​ន្តែ ​កង​យុទ្ធ​ពល​ខេមរ​ភូមិន្ទ​ បាន​ឲ្យដឹង​ថា ​ខ្លួនចង់​ប្រើប្រា​ស់​ឧទ្ធម្ភាគ​ចក្រ​ទាំងនេះ​ ក្នុ​ង​គោល​បំណ​ង​​​​មនុស្ស​ធម៌​។​ ​លោក​នាយ​ឧត្ត​សេនីយ៍​ ទៀ​ បាញ់​ បា​ន​មាន​ប្រសាសន៍ថា “ ពួក​វា​អាចនឹងត្រូវ​បា​ន​ប្រើ​ប្រាស់​ សម្រាប់​គោល​គោល​បំណ​ង​ជា​ច្រើន​ដូចជា ប្រតិ​បត្តិការ​ជួយ​សង្គ្រោះ ដឹក​សម្ភារ​​ផ្សេង​ៗ​។ល។​”។ ​ ឧទ្ធម្ភាគចក្រ​ថ្មីប្រភេទ​ Z-9 ទាំង​នេះ​ត្រូវ​បាន​ទិញ​ តាម​រយៈ​កិច្ច​ព្រម​​ព្រៀង​​ប្រា​ក់​​កម្ចី​ចំនួន​១៩៥,៥​លានដុល្លារ​ ជាមួយសម​ភា​គី​ចិន​ ដែល​ត្រូវ​បាន​ចុះ​ហត្ថលេខា​ដោយ​លោក​ ​​នាយករដ្ឋ​មន្ត្រី​...

MEDIA FEEDS

Popular

video

សហរដ្ឋអាមេរិក ផ្តល់ជំនួយជាង៤០ម៉ឺនដុល្លារ ដល់កម្ពុជាសម្រាប់អភិរក្សប្រាសាទចំនួន២

សហរដ្ឋអាមេរិក បានសម្រេចផ្តល់ជំនួយជាង៤០ម៉ឺនដុល្លារដល់កម្ពុជា សម្រាប់គម្រោងការអភិរក្សប្រាសាទព្រះវិហារ និងប្រាសាទបាក់ខែង។ សេចក្តីប្រកាសព័ត៌មានរួមរបស់ស្ថានទូតអាមេរិកប្រចាំនៅកម្ពុជា និងក្រសួងវប្បធម៌ និងវិចិត្រសិល្បៈ កាលពីចុងសប្តាហ៍មុន ឱ្យដឹងថា ស្ថានទូតសហរដ្ឋអាមេរិកប្រចាំនៅកម្ពុជា បានអនុម័តលើជំនួយជាថវិកាចំនួន១២ម៉ឺនដុល្លារ ជូនដល់អាជ្ញាធរជាតិព្រះវិហារ។ ថវិកានេះ ដើម្បីអភិរក្សជណ្តើរខាងជើងនៃប្រាសាទដែលត្រូវបានសាងសង់  ឡើងនៅសតវត្សទី១១ និងជួសជុលឡើងវិញប្រព័ន្ធបង្ហូរទឹកសម័យបុរាណនៅសង្ខាងនៃជណ្តើរផងដែរ។