Friday, October 30, 2020

ព័ត៌មាន

​ចំនួន​កម្មករ​រោង​ចក្រ​ដួល​សន្លប់​នៅ​តាម​​រោង​ចក្រ​ទាំង​២៤​កន្លែង បាន​ថយ​ចុះ​នៅ​ក្នុង​ឆ្នាំ​២០១២

មន្ត្រី​​​ក្រសួង​​​ការងារ​​​មួយ​​​រូប បាន​​ឲ្យ​​​ដឹង​​​កាល​​​ពីសប្ដា​ហ៍​មុន​ថា កម្មករ​​​រោង​​​ចក្រ​​​កាត់​ដេរ​ជាង១.៦០០​​​នាក់​​​មក​ពីរោង​​​ចក្រ​​​​​​ចំនួន​​​២៤​​​ បាន​​​ដួល​​​សន្លប់​​​នៅ​​​ក្នុង​​​ឆ្នាំ​​​២០១២ គឺ​តិច​​​ជាង​ឆ្នាំ​២០១១ ដែល​មាន​​​​កម្មករ​​​រោង​​​ចក្រ​​​កាត់​​​​ដេរសន្លប់​​​​​​​ចំនួន​​​១.៩០០​​​នាក់។ ឧស្សាហកម្ម​​​កាត់ដេរ​​​​កម្ពុជា បាន​​​ចាប់​​​ផ្ដើម​​​ជួប​​​ប្រទះ​នូវ​ការ​​​ដួល​​​សន្លប់​​​កម្មករ​​​ជា​​​ច្រើន​​​​ដង​នៅ​​​ក្នុង​​​ឆ្នាំ​​​២០១១ ជា​​​ហេតុ​ការណ៍​​​ ដែល​​​ក្រុម​​​អ្នក​​​ជំនាញ​​​មាន​​​ជំនឿ​​​ថា ភាគ​​​ច្រើន​​​បណ្ដាល​​​​មក​​​ពី​​​ជំងឺ​​​ផ្លូវ​​​ចិត្ត​​ ប៉ុន្តែ អាច​​​បណ្ដាល​​​មក​​​ពី​​​កង្វះ អាហារូបត្ថម្ភ និង​​​លក្ខខណ្ឌ​​​ការ​​​ងារ​​​ផ្សេង​​​ៗ​​​ទៀត​​​ដែរ។ ​​​ទោះ​​​បី​​​ជា​​​​​​​​​ចំនួន​​​កម្មករ​​​ដួល​​​សន្លប់​ថយ​ចុះ​​​​ក៏​​​ដោយ ក៏​​​លោក ម៉េង ហុង ប្រធាន​​​នាយក​​​​​ដ្ឋាន​​​អធិការ​​​កិច្ច​ និង​​​កិច្ច​​​ការ​​​​​ច្បាប់​​​របស់​​​ក្រសួង​​​ការ​​​ងារបាន​​​មាន​​​ប្រសាសន៍​​​ថា ចំនួន​​​រោង​​​ចក្រ ដែល​​​​​​ជួប​​​ប្រទះ​​​​ហេតុ​ការណ៍​​​​នេះ ​មាន​​​ការ​​​កើន​​​ឡើង។ លោក ម៉េង ហុង បាន​មាន​ប្រសាសន៍​ទៀតថា “ ក្នុង​ឆ្នាំ​២០១២ តួ​លេខ​សរុប​ គឺ​មាន​​២៤​រោង​ចក្រ ដែល​មាន​កម្មករ​ដួល​សន្លប់ ហើយ​ចំនួន​កម្មករ​ដួល​សន្លប់​មាន​​ចំនួន​១.៦៨៦​នាក់។នៅ​ឆ្នាំ​២០១១​មាន​រោង​ចក្រ​​ចំនួន​១២​ ដែល​មាន​កម្មករ​ចំនួន​១.៩៧៣​​នាក់​ បាន​ដួល​សន្លប់”។ លោក​​បាន​មាន​ប្រសាសន៍​ថា ការ​ថយ​ចុះ​ចំនួន​កម្មករ​​ដួល​សន្លប់​នេះ​អាច​បណ្តាល​មកពី​​កម្មវិធី​អប់រំ​មួយ ដែល​ក្រសួង​ការងារ បាន​​ចាប់​ផ្ដើម​ធ្វើ​កាល​ពី​ខែ​តុលា។ក្រុម​មន្ត្រី​បាន​ទៅ​ពិនិត្យ​រោង​ចក្រ​​ប្រហែល​១០០​ ដើម្បី​និយាយ​​ប្រាប់កម្មករ អ្នក​គ្រប់​គ្រង​កម្មករ និង​ប្រធាន​ក្រុម​​អំពី​សុវត្ថិ​ភាព​ចំណីអាហារ ការ​ធ្វើ​ឲ្យ​មាន​លក្ខខណ្ឌ​ការងារ​ល្អ​ប្រសើរ និង​មិន​ធ្វើ​ការ​ងារ​ថែម​ម៉ោង​ច្រើន​ហួស​ហេតុ។​ក្រុម​មន្ត្រី​ទាំង​នោះ ក៏​បាន​ណែ​នាំ​កម្មករ​ឲ្យ​យល់​ពី​បាតុភូត​នៃ​ជំងឺ​ផ្លូវ​ចិត្ត​ផងដែរ។ លោកបាន​មាន​ប្រសាសន៍​ថា “ប្រ​សិន​បើ​មាន​ការ​ងារ​ថែម​ម៉ោង​ច្រើន​ហួស​ហេតុ បន្ទាប់​មក​បន្ទុក​ការ​ងារ​នេះ​ធ្លាក់​មក​លើ​កម្មករ​ផង​ដែរ ដែល​ជា​ហេតុ​បណ្ដាល​ឲ្យ​កម្មករ​ដួល​សន្លប់”។ សហជីព​សេរី​កម្មករ​បង្ហាញ​ថា​ ​​ចំនួន​កម្មករ​​ដួល​សន្លប់​​មាន​ច្រើន​ណាស់​នៅ​ក្នុង​ឆ្នាំ​២០១២​​គឺ​មាន​ចំនួន២.១០៧​នាក់​​ដែល​បាន​ដួល​សន្លប់​នៅ​​តាម​​រោង​ចក្រ​ចំនួ​​២៩។​ រោង​ចក្រដែល​មាន​​កម្មករ​ដួល​សន្លប់​​លើស​ពី​​ម្នាក់​នៅ​ឆ្នាំ​នេះ គឺ​​​រោង​ចក្រ​កាត់ដេរ​ Sabrina កម្ពុជា នៅ​ខេត្ត​កំពង់ស្ពឺ ដែល​ផលិត​សម្លៀក​បំពាក់ឲ្យ​​​ក្រុម​ហ៊ុន Nike និង​ក្រុម​ហ៊ុន​M&Vអន្តរជាតិ​នៅ​ខេត្ត​កំពង់​ឆ្នាំង​ ដែល​ផលិត​សម្លៀក​បំពាក់​ឲ្យ​ក្រុមហ៊ុន H&M និង​ក្រុម​ហ៊ុន Gap។ ក្រុម​ហ៊ុន Sabrina បាន​ជួប​ប្រ​ទះ​​ឧប្បត្តិ​ហេតុ​បួន​លើក​​​ដាច់​ដោយ​ឡែក​ពី​គ្នា ដែល​​មាន​កម្មករ​សន្លប់​​ចំនួន៣៤០​នាក់ ហើយ​ក្រុមហ៊ុន M&V ​មាន​កម្មករ​ដួល​សន្លប់​​ប្រាំ​លើក​​មាន​ចំនួន​​ជាង​៧០​នាក់។ លោក...

ការបាញ់បោះ​អានាធិបតេយ្យ​នៅ​កណ្តាល​អធ្រាត្រ​ ក្នុង​រាជាធានីភ្នំពេញ​ បង្ក​​ឲ្យ​មានភាព​ចលាចល

នគរបាល ​និង​មន្ដ្រី​តុលាការ​បាន​ឲ្យ​ដឹង​ថា​ ការបាញ់បោះយ៉ាង​អានាធិបតេយ្យ​នៅ​កណ្តាល​​អធ្រាត្រ កាល​ពី​យប់​ថ្ងៃ​សុក្រ​ឈាន​ចូល​ព្រឹក​ថ្ងៃ​សៅរ៍​ នៅ​តាម​បណ្តោយ​មហាវិថី​ ព្រះ​មុនីរ៉េត​​​​បាន​កើត​ឡើង​បន្ទាប់​ពី​បុរស​​​បួន​នាក់ដែល​ស្រវឹង​ស្រា​យ៉ាង​ជោក​ជាំ​បាន​ជិះ​​​រថយន្ត​ពីរ​គ្រឿង​ផ្សេង​គ្នា​​បាន​បាញ់​កាំ​ភ្លើង​ឡើង​ទៅ​លើ​ជា​​ការ​លេង​សើច​។ យោងតាមលោក ពង្ស សាវរិទ្ធ មេបញ្ជា​ការរាជ​អាវុធហត្ថ​រាជធានី​ភ្នំ​ពេញ​ឲ្យ​ដឹង​ថា​ បុរស​ទាំង​បួន​នាក់​នោះ​បាន​បន្ត​ការ​បាញ់​បោះ​​យ៉ាង​អនាធិបតេយ្យ​​នេះ​ជា​ង​មួយ​គីឡូ​ម៉ែត្រ​ ចាប់​ពី​ក្បែរ​ស្តាត​អូឡាំពិក​ ហើយ​ពួក​គេ​​បើក​រថយន្ត​កាត់តាម​ខាង​មុខ​​​សាលា​ដំបូង​រាជធានី​ភ្នំ​ពេញ​ ហើយ​ចុង​ក្រោយ​បត់​តាម​មហា​វិថី​ព្រះ​​នរោត្តម ​សីហនុ​ ហើយ​​ចុង​ក្រោយ​បំផុត​​កង​កម្លាំង​នគរបាល​​បាន​ចាប់​ខ្លួនពួក​គេ​បាន​​នៅ​ជិត​វត្ត​ មហា​មន្ត្រី​។ យោង​តាម​​មន្ដ្រីនគរបាល​ខណ្ឌ​៧​មករា​​​ម្នាក់​​ ដែល​សុំ​​មិន​​បញ្ចេញ​​ឈ្មោះ​​ដោយ​​សារ​លោក​មិន​ត្រូវបាន​អនុញ្ញាត​ឲ្យ​និយាយ​ជា​មួយ​អ្នក​យក​ព័ត៌មាន​បាន​ឲ្យ​ដឹង​ថា ឈ្មោះ​របស់​បុរស​ទាំង​បួន​នាក់​នោះ​មិន​ត្រូវ​បាន​គេ​​ប្រាប់​ឲ្យ​ដឹង​ទេ​ ប៉ុន្តែ​​បុរស​ម្នាក់​ក្នុង​ចំណោម​​បុរស​​ទាំង​បួន​នាក់​នោះ​​បាន​រង​របួស​ដោយ​សារ​គ្រាប់​កាំភ្លើង​​ផ្លាត​ត្រូវ​ ហើយ​ត្រូវ​បាន​​សាលា​ដំបូង​រាជធានី​ភ្នំ​ពេញ​អនុញ្ញាតឲ្យ​​​បញ្ជូន​​ទៅ​ព្យាបាល​នៅ​ប្រ​ទេស​វៀត​ណាម​។​ រូបថត​នៃ​ឧបទ្ទវហេតុ​នេះ​ ដែល​បាន​ផ្សព្វផ្សាយ​​លើ​គេហទំព័រ​ព័ត៌មាន​ក្នុង​ស្រុក​បាន​​បង្ហាញ​ថា ​​បុរស​ទាំង​នោះ​​ និង​រថយន្ត​របស់​ពួក​គេ​ប្រឡាក់​ដោយ​ឈាម​។ លោក សាវរិទ្ធ បាន​មានប្រសាសន៍បន្តថា​ “បុរស​ទាំង​បួន​នាក់​នោះ​ស្រវឹង​ស្រា​យ៉ាង​ខ្លាំង​​ហើយ​បាន​បាញ់​កាំ​ភ្លើង​របស់​ពួក​គេជា​ការ​​លេង​សើច​​​ នៅ​ពេល​ពួក​គេ​បាន​បើក​រថយន្ត​​​តាម​​មហាវិថី​ព្រះមុនីរ៉េត​​ក្នុង​ខណ្ឌ៧មករា​។ ពួកគេ​បាន​បង្កឲ្យ​មានការ​​ចលាចល​នៅ​តាម​ដង​ផ្លូវ​ក្នុង​រាជធានី​ភ្នំ​ពេញ​​ និង​បាន​ធ្វើ​ឲ្យ​កង​កម្លាំង​នគរបាល​ និង​កង​កម្លាំង​​រាជ​អាវុធ​ហត្ថ​ដេញ​តាម​ពួកគេ​រហូត​ទាល់​តែ​ទី​បំផុត​យើង​​អាច​ចាប់​ខ្លួន​ពួកគេ​បាន”​។ លោកបានមាន​ប្រសាសន៍ថា នគរ​បាល​បានដក​ហូត​យក​កាំ​ភ្លើង ដែល​ពួកគេ​បាន​បាញ់​បោះ​នោះ ​ព្រម​ទាំង​រថយន្ត​​ស៊េរី​ទំនើប​របស់​ពួកគេ​ម៉ាក​កាឌីឡាក់​អេស្កាឡេត (Cadillac Esclade) និង​ អុីសសិនមីនី (Essen Mini) ផងដែរ។ លោកមាន​ប្រ​សាសន៍​បន្តថា ទោះ​បី​ជា​បុរស​​បី​នាក់​ក្នុង​ចំណោម​​បុរស​​ទាំង​បួន​នាក់នោះ​​ត្រូវ​បាន​បញ្ចូន​ទៅ​សាលា​ដំបូង​រាជធានី​ភ្នំពេញ​ ដើម្បី​​សាកសួរ​ដោយ​ ​ លោក ហៀង សុភ័ក្ដ្រ ព្រះរាជអា​ជ្ញា​​រង​អម​សាលា​ដំបូង​រាជធានីភ្នំពេញក៏​ដោយ ​ក៏​​អ្នក​ទាំង​បីនាក់​នោះ នៅ​មិន​ទាន់ត្រូវ​​បាន​ចោទ​ប្រកាន់​នៅ​ឡើយ​ទេ។ លោកបាន​មានប្រសាសន៍ថា “យើង​មិន​ទាន់​បញ្ចប់​ការ​សាក​សួរ​ពួកគេ​នៅ​ឡើយ​ទេ ហើយ​ដូច្នេះ​ពួកគេ​មិន​ទាន់​ត្រូវ​បាន​ចោទ​​ប្រកាន់​ឡើយ”។ លោក​បាន​បដិសេធ​មិន​បញ្ចេញ​ឈ្មោះឬអាយុ​របស់​បុរស​ដែល​ពាក់​ព័ន្ធនឹងការ​បាញ់​បោះយ៉ាង​អានាធិបតេយ្យ​​ទាំងនោះ​ទេ។ លោក យ៉េន សាន...

ព័ត៌មាន​ស្ដីពីការ​ឃុំ​ខ្លួន​ពាណិជ្ជករ​ជន​ជាតិរុស្ស៊ីម្នាក់​ នៅ​ក្នុង​ប្រទេស​កម្ពុជា មាន​ភាពមិន​ស្រប​​គ្នា​

យោង​តាម​សេចក្ដី​ថ្លែង​ការណ៍​មួយ​នៅ​លើ​គេហទំព័រ​ក្រសួង​មហាផ្ទៃ​រុស្ស៊ី​ បាន​បង្ហាញ​ថា ក្រុមហ៊ុន​របស់​ពាណិជ្ជករ​ជន​ជាតិ​រុស្ស៊ី​ម្នាក់​ឈ្មោះ​ សឺហ្គេ​ ប៉ូលុនស្គី (Sergei Polonsky) ដែល​បច្ចុប្បន្ន​កំពុង​ត្រូវ​អាជ្ញាធរ​កម្ពុជា​ឃុំ​ខ្លួន​ បន្ទាប់​ពី​មាន​ឧបទ្ទវហេតុ​​ក្នុង​សមុទ្រ​​ខេត្ត​ព្រះសីហនុ​ កាល​ពី​សប្ដាហ៍​មុន​ កំពុងស្ថិត​នៅ​ក្រោម​ការ​ស៊ើប​អង្កេត​របស់​ក្រសួង​មហាផ្ទៃ​រុស្ស៊ី ​ចំពោះ​ការ​ឆបោក​។ លោក​ ម៉ុង មុន្នី​ចរិយា ព្រះ​រាជ​អាជ្ញា​សាលា​ដំបូង​ខេត្ត​ព្រះសីហនុ បាន​មាន​ប្រសាសន៍​ថា លោក ប៉ូលុនស្គី​ អាយុ​៤០​ឆ្នាំ​ ដែល​ធ្លាប់​ជា​អ្នក​មាន​ជាង​គេ​ម្នាក់​ នៅ​ប្រទេស​រុស្ស៊ី ស្ថិត​នៅ​ក្នុង​ចំណោម​មនុស្ស​បី​នាក់​ ដែល​ត្រូវ​បាន​ចោទ​ប្រកាន់​កាល​ពី​ថ្ងៃ​ពុធ​ ពី​បទ​​ប្រើ​អំពើ​ហិង្សា​ដោយ​ចេតនា​ បន្ទាប់​ពី​មាន​ឧបទ្ទវហេតុ​​មួយ​បាន​កើ​ត​ឡើង​កាល​ពី​ថ្ងៃ​ទី​៣០​ ខែ​ធ្នូ។ ក៏​ប៉ុន្ដែ នគរបាល​កម្ពុជា​ និង​តំណាង​​របស់​លោក ប៉ូលុន​ស្គី បាន​ផ្ដល់​ព័ត៌មាន​ផ្ទុយ​គ្នា​ទាំង​ស្រុង​​ពី​ព័ត៌មាន​​ដែល​ឈាន​ដល់​ការ​ឃុំ​ខ្លួន​របស់​បុរស​រូប​នេះ​។ លោក​ ប៉ូលុនស្គី​ ត្រូវ​បាន​ចោទ​ប្រកាន់​ថា បាន​បោះ​បង់​ចោល​ក្រុមហ៊ុន​អចលន​ទ្រព្យ​ដែល​កំពុង​ជាប់​បំណុល​គេ​មួយ​នៅក្នុង​​ប្រទេស​រុស្ស៊ី ហើយ​បាន​រត់​មក​ជ្រក​កោន​លើ​​កោះ​ឯកជន​តូច​មួយ​ ក្នុង​ដែន​ទឹក​កម្ពុជា​...

អង្គរក្ស​​​ បាញ់​​​និស្សិត​​​ស្ម័គ្រ​​​ចិត្ត​​​ម្នាក់​​​ បន្ទាប់​​​ពី​​​មាន​​​ជម្លោះ​​​ពាក្យ​​​សម្ដី​​​នៅ​​​ក្លឹប​​​រាត្រីមួយ​​​កន្លែង​​​

កង​​​រាជ​​​អាវុធ​​​ហត្ថ បាន​​​ឲ្យ​​​ដឹង​​​កាល​​​ពី​​​ម្សិល​​​មិញថា បុរស​​​អាយុ៣៨​​​ឆ្នាំ​​​ម្នាក់ ត្រូវ​​​បាន​​​ចាប់​​​ខ្លួន កាល​​​ពីព្រឹក​​​ព្រលឹម ថ្ងៃ​​​សៅរ៍ បន្ទាប់​​​ពី​​​​​​បាន​​​បាញ់​​​និស្សិត​​​ម្នាក់​​​ក្នុង​​​ចំណោម​​​ក្រុម​​​និស្សិត​​​​​​ចុះ​​​វាស់​​​វែង​​​ដី​​​ធ្លី​​​របស់​​​លោក នាយក​​​រដ្ឋ​​​មន្ត្រី ​ហ៊ុន សែន ត្រូវ​​​ចំ​​​ភ្លៅខាង​​​ស្ដាំ នៅ​​​ខាង​​​ក្រៅ ​ក្លឹប​​​រាត្រី​​​មួយ​​​​​​នៅ​​​ក្នុង​​​​​សង្កាត់ទឹកថ្លា ក្នុង​​​ខណ្ឌ​​​សែន​​​សុខ​​​ រាជធានី​​​ភ្នំ​​​ពេញ​​​ ។ លោក ពង្ស សាវរិទ្ធិ មេបញ្ជាការ​រង​​​កង​​​​រាជ​​​អាវុធ​​​ហត្ថ​​​រាជធានី​​​ភ្នំ​​​ពេញ ថ្លែង​​​ថា ជន​​​​សង្ស័យ​​​នេះ ឈ្មោះ ​ខូក ​សាវឿន ​​​​ជា​​​អង្គរក្ស​​​​​​​​​​របស់​​​អ្នក​​​ជំនួញ​​​ស្ដុក​​​ស្ដម្ភ​​​ម្នាក់ បានបាញ់​​​យុវ​​​ជន​​​ស្ម័គ្រ​​​ចិត្ត​​​​​​ឈ្មោះ សៅ ​​ប៊ុនថេន អាយុ​​​២១​​​ឆ្នាំ ពេល លោក ​​​ប៊ុន​ថេន ​បាន​​​ដាល់​​​​​​មិត្ត​​​ស្រី របស់​​​​លោក ​សាវឿន បន្ទាប់​​​ពី នាង បាន​​​ចោទ​​​លោកថា​​​ បាន​​​រាំ​​​ជាន់​​​ជើង​​​នាង​​​នៅ​​​លើ​​​ឆាក​​​​។ លោក ​​​សាវរិទ្ធិ បាន​​​មាន​​​ប្រសាស​​​ន៍​​​បន្ត​​​​​​ថា “ បុរស​​​ទាំង​​​ពីរ​​​នាក់​​​នេះ​​​ជា​​​មិត្ត​​​នឹង​​​គ្នា ​ប៉ុន្តែ ​ជម្លោះ​​​ពាក្យ​​​សម្ដី​​​នេះ បាន​​​កើត​​​ឡើងនៅ​​​ពេល​​​​ពួក​​​គេ​​​ទាំង​​​ពីរ​​​នាក់​​​ស្រវឹង​​​ស្រា”។ លោកបាន​​​មាន​​​ប្រ​​​សាសន៍​​​បន្ត​ទៀត​ថា ​លោក ហៀង សុភក្ត្រ​ ព្រះរាជអាជ្ញា​អម​​​​សាលា​​​ដំបូង​​​រាជធានី ​​​បានមាន​​​ប្រសាសន៍​​​ថាសាលា​​​​ដំបូងរាជធានី​​​ភ្នំ​​​ពេញ​​​ បាន​​​ចោទ​​​ប្រកាន់​​​​លោក ខូក សាវឿន កាល​​​ពី​​​ល្ងាច​​​ថ្ងៃ​​​សៅរ៍​​​ពី​​​បទ​​​​បង្ក​​​ហិង​​​្សា និង​​​​​​ប្រើ​​​ប្រាស់​​​​​​​​​អាវុធ​​​​​​ខុស​​​ច្បាប់​។ ​​​បច្ចុប្បន្ននេះ​​​​​​​​​អង្គរក្សរូប​​​​​​នេះ អាច​​​នឹង​​​​​​ប្រឈម​​​ទោស​​​​​​ជាប់​​​ពន្ធនាគារ​​​រយៈ​​​ពេល​​​ពី​​​ប្រាំ​​​មួយ​​​ឆ្នាំ​​​ទៅ​​​​​​ប្រាំ​​​មួយ​​​ឆ្នាំ​​​កន្លះ ប្រសិន​​​បើ​តុលាការ​​​​​​រក​​​ឃើញ​​​ថា​​​ មានពិរុទ្ធភាព​​​​​​នោះ​​​៕ សុខភុំ

ចាប់​ខ្លួន​ជនសង្ស័យ៨០​នាក់​ ពាក់​ព័ន្ធ​នឹង​សកម្ម​ភាព​​ជំរិត​ទារ​ប្រា​ក់​តាមបណ្ដាញអុី​ន​ធើណិត​​

នគរ​បាល​បាន​ឲ្យ​ដឹង​កាល​ពី​ថ្ងៃ​អាទិ​ត្យថា​  ជនជាតិចិនតៃវ៉ាន់​និង​ចិន​ដីគោក​ចំនួន​៨០​នាក​់​ត្រូវ​បាន​ចាប់​ខ្លួន​នៅ​ទីកន្លែ​ង​ផ្សេ​ង​គ្នា​ក្នុង​រាជធានី​ភ្នំ​ពេញ​កាល​ពី​ថ្ងៃ​សៅរ៍​ ដោយ​សង្ស័យ​ថា ​បាន​ធ្វើ​សកម្មភាព​​ជំរិត​ទា​រ​ប្រាក់​តាម​ប្រព័ន្ធ​អុីនធើណិត​។ លោកឧត្តម​សេនីយ៍ទោ ​ឆាយ ​សុីណា​រិទ្ធ ​ប្រធាន​នាយក​ដ្ឋាន​សន្តិសុខ​ផ្ទៃ​ក្នុង​នៃ​ក្រសួង​មហាផ្ទៃ​​បាន​មាន​ប្រសាសន៍​ថា ជនជាតិចិន​តៃវ៉ាន់​៦៧​នាក់​ និងជនជាតិ​ចិ​ន​ដី​គោក​១៣​នាក់​ផ្សេងទៀត​រួម​ទាំង​​​ស្ត្រី​១២​នាក់​ផងនោះ​ត្រូវ​បាន​ចាប់​ខ្លួន​​នៅ​ទីតាំង​ប្រាំពីរ​កន្លែង​ផ្សេងគ្នានៅ​ក្នុង​រាជធានី​ភ្នំ​ពេញ​។ លោកឧត្តម​សេនីយ៍ ​សុីណារិទ្ធ​ បាន​មាន​ប្រសាសន៍​ថា “ នគរបាល​ចិន​បាន​ផ្តល់​ព័ត៌​មាន​ឲ្យ​យើង​ ហើយ​កំពុង​តែ​សហការ​ជា​មួយ​បណ្តាប្រទេស​ផ្សេងៗទៀត​នៅ​ទូ​ទាំង​តំបន់​ដូចជា​ប្រទេសស្ រីលង្កា ម៉ាឡេ​សុី​ សិង្ហបុរី និង​​ប្រទេស​វៀតណាម​”។ ការ​ចាប់​ខ្លួន​នេះ​ធ្វើ​ឡើង​ បន្ទាប់​ពី​នគរ​បាល​បាន​ចាប់​ខ្លួន​​ជុំ​វិញ​ករណី​ស្រ​ដៀង​គ្នា​នេះ​ជាបន្ត​បន្ទាប់​នៅ​ក្នុង​ប្រទេស​កម្ពុ​ជា​ និង​​​តាមបណ្តាប្រទេសផ្សេងៗ​ទៀត​នៅ​ក្នុង​តំ​បន់​អាសុី​អាគ្នេយ៍។អំពើ​ទុច្ចរិត​​ខាង​លើ​នេះ​គឺ​ពាក់​ព័ន្ធ​នឹង​ការ​ប្រើ​ប្រាស់​បច្ចេកវិទ្យា​VOIP ​ដើម្បី​ទូរស័ព្ទ​ទៅ​សាច់​ញាតិ​​នៅ​ប្រទេសចិន​និងនៅ​កោះ​តៃ​វ៉ាន់​ ហើយ​ប្រើ​​ប្រា​ស់ឧបាយកល​ផ្សេងៗ​ដើម្បី​បោក​បញ្ឆោតនិង​គំរាមទារប្រាក់ដោយ​ប​ញ្ចុះ​បញ្ចូល​អ្នក​ទាំង​នោះ​ឲ្យ​ចំណាយ​ប្រាក់​វិនិយោគ​លើ​គម្រោង​វិ​និយោគ​ក្លែងក្លាយ​។ កាល​ពី​ខែ​ឧ​សភា​ឆ្នាំ​មុន នគរ​បាល​បាន​ចាប់​ខ្លួន​ជនជាតិ​តៃវ៉ាន់​៤៥​នាក់​ និង​បាន​បញ្ជូន​ចេញ​ពី​ប្រទេស​កម្ពុជា​ដោយ​សារតែ​មាន​ជាប់​ពាក់​ព័ន្ធ​ជាមួយ​ក្រុម​ជំរិតទារប្រាក់​តាម​ប្រព័ន្ធ​អុីនធើណិត​ បន្ទាប់​ពី​ស្ថានទូតចិន​ទទួល​បាន​ព័ត៌​មាន ​ហើ​យ​បានទាក់​ទង​មក​អាជ្ញា​ធរ​កម្ពុជា​។ កាលពីខែ​កញ្ញា​ ជនជាតិ​ចិន​ដីគោក ​និងចិន​​តៃវ៉ាន់​ចំនួន៦០​នាក់​ត្រូវ​បាន​ចាប់​ខ្លួន​ពាក់​ព័ន្ធ​ផែនការ​​ស្រដៀង​គ្នា​នេះ ខណៈ​ពេល​ដែលមាន​មនុស្ស​សរុប​១៨៦​នាក់​ត្រូវ​បាន​ចាប់​បញ្ជូន​ខ្លួន​ចេញ​កាល​ពី​ខែ​មិថុនា​ឆ្នាំ​២០១១​។ លោកឧត្តម​សេនីយ៍ទោ សុីណារិទ្ធ​ មាន​ប្រាសាសន៍​ថា ជនសង្ស័យចុង​ក្រោយ​គេ​ទាំង​​នេះ​បច្ចុប្បន្ន​កំពុង​ត្រូវ​បាន​ឃុំ​ខ្លួននៅ​ការិ​យា​ល័យ​នគរបាល​អន្តោប្រវេសន៍ ដោយ​ក្រុម​មន្ត្រី​កំពុង​រង់ចាំ​បទ​បញ្ជា​ដើម្បី​បញ្ជូន​ពួកគេ​ទៅ​ប្រទេស​កំណើត​របស់​ខ្លួន​វិញ​។ លោក ម៉េង សុភាព ​ក្រឡាបញ្ជី​សាលា​ដំបូង​រាជ​ធានី​ភ្នំ​ពេញ​បាន​មាន​ប្រសាសន៍​ថា “​យើង​បាន បញ្ជូន​​​របាយការណ៍​ស្តីពី​ជន​សង្ស័​យ​ជាជនជាតិ​ចិន​ទាំង​នេះទៅ​ស្ថានទូត​ចិន​រួច​ហើយ​ ហើយ​កំពុង​រង់​ចាំ​ការ​ឆ្លើ​យ​តប​”៕​ សូនី​​​​​​​​​​​​​  

លោក ហ៊ុន សែន ថា មន្ត្រី​​​ជាន់​​​ខ្ពស់ គួរ​ឆ្លើយ​​​សំណួរ​នៅ​​​រដ្ឋសភា

លោកនាយក​​​រដ្ឋមន្ត្រី ហ៊ុន សែន បាន​​​មាន​​​​ប្រសាសន៍​​​កាល​​​ពីថ្ងៃ​​​សុក្រ​​​ថា ក្រុម​​​មន្ត្រ​​​ី​​​ជាន់​​​ខ្ពស់​​​គួរ​​​តែ​​​ត្រៀម​​​ខ្លួន​​​ឆ្លើយ​​​សំណួរ​​​​​​របស់​​​​សមាជិក​​​សភាមក​​​ពី​​​គណបក្ស​​​ប្រឆាំង​​​នៅ​​​ក្នុង​​​រដ្ឋ​​​សភា ដើម្បីធានាថា ​​​សភា​​​​​​កម្ពុជា​បាន​​​បំពេ​​​ញ​​​តួនាទី​​​របស់​​​ខ្លួន​​​​ក្នុង​​នាម​ជា​​សមាជិក​​ចូល​រួម​កិច្ច​​​​​ពិភាក្សា​​​។ អំឡុង​​​ពេល​​​កិច្ច​​​ប្រជុំ​​​មួយនៅ​​​ទី​​​ស្ដី​​​ការ​​​គណៈរដ្ឋមន្ត្រី​​​ លោក ហ៊ុន សែន មិន​​​បានលើក​​​​ឡើង​​​ល ម្អិត​​​​​​ថា រដ្ឋ​​​មន្ត្រី​​​រូប​​​ណា គួរ​​​ត្រៀម​ខ្លួន​​​​ឆ្លើយ​​​សំណួរទាំង​​​នេះ​​​ទេ។ប៉ុន្តែ​​​ប្រសាសន៍​​​របស់​​​លោក ហ៊ុន សែន ធ្វើ​​​ឡើង​​​បន្ទាប់​​​ពី​​​លោក សុន ឆ័យ​ សមាជិក​​​សភា​​​មក​​​ពី​​​គណ​បក្ស​​​​ប្រឆាំង​​​ បានផ្ញើ​​​លិខិត​​​មួយ​​​ច្បាប់​​​​ជូន​រដ្ឋសភា​ស្នើ​​​​សុំ​​​ឲ្យ​​​លោក ឌិត មុន្ទី ប្រធាន​​​​​​តុលាការ​​​កំពូល​ចូល​​​​រដ្ឋសភា ដើម្បី​​​ឆ្លើយ​​​សំណួរ​​​អំពី​​​សេច​​​ក្ដី​​​សម្រេច​​​​​​​​​ដ៏​​​ចម្រូង​​​ចម្រាស​​របស់​តុលាការ​​​​កាល​​​ពី​​​ពេល​​​ថ្មីៗ​​​នេះ​​​។ លោក សុន ឆ័យ​ ក៏​​​បាន​​​សុំឲ្យ​​​លោក ស៊ុយ​​​សែម រដ្ឋមន្ត្រី​​​ក្រសួង​​​ឧស្សាហកម្ម រ៉ែ និង​​​ថាម​​​ពលឆ្លើយ​​​សំណួរ​​​នៅ​​​ក្នុង​​​រដ្ឋ​​​សភា​​​ផង​​​ដែរ​​​អំពី​​​តម្លា​​​ភាព​​​នៃ​​​​​ការ​ប្រគល់​កិច្ច​​​សន្យា​ទៅ​ឲ្យ​​ក្រុម​ហ៊ុន​​​​វារី​​​អគ្គិស នី និង រ៉ែ​​​​​​ធំ ៗ​ ព្រម​​​​ទាំង​​​លោក ​ស ​ខេង រដ្ឋ​​​មន្ត្រី​​​ក្រសួង​​​មហា​​​ផ្ទៃ ឲ្យ​​​ឆ្លើយ​​​សំណួរ​​​​​ពាក់​​​ព័ន្ធ​​​នឹងតម្លៃ​​​ខ្ពស់​​​ក្នុង​​​ការ​​​ធ្វើ​​​លិខិត​​​ឆ្លង​​​ដែន​​។ លោក ផៃ សុីផាន អ្នក​​​នាំ​​​ពាក្យ​​​​​​ទី​​​ស្ដី​​​​​​​​​ការ​គណៈ​រដ្ឋមន្ត្រីបាន​​​មាន​​​ប្រសាសន៍​​​ថា “សម្ដេច ហ៊ុន សែន បាន​​​មាន​​​ប្រសាសន៍ថា រដ្ឋ​​​មន្ត្រី ​ត្រូវ​​​តែ​​​ត្រៀម​​​ឆ្លើយ​​​សំណួរ​​​ទាំង​​​អស់​​​នៅ​​​រដ្ឋសភា ប៉ុន្តែ  សម្ដេច​​​មិន​​​​​​​​​បាន​​​ផ្ដល់​​​សេច​​​ក្ដី​​​លម្អិតបន្ថែម​​​​ទៀត​​​​ទេ។ អ្វីដែល​​​សម្ដេច​ ហ៊ុន ​សែន ​មាន​​​ប្រសាសន៍គឺ ដើម្បី​​​ជំុរុញ​និង​​​ពង្រឹង​​​ការ​ងារ​​​របស់​​​រដ្ឋមន្ត្រី​​​ទាំង​​​អស់ ដោយ​ការ​​​​ប្រាប់​​​រដ្ឋ​​​មន្ត្រី​​​​ទាំង​អស់​ឲ្យ​​​មាន​​​ការ​​​ទទួល​​​ខុស​ត្រូវ​​​ថែម​ទៀត”។ អ្នក​​​សង្កេត​​​ការ​​​ណ៍រដ្ឋ​​​សភា បាន​​​ឲ្យ​​​ដឹង​​​ថា រដ្ឋ​​​សភាមិន​​​សូវ​​​មាន​​​ការ​​​ពិភាក្សា​​​ដេញ​​​ដោល​​​និង​​​សកម្ម​​​ភាព​​​ប៉ុន្មាន​​​​​​នោះ​​​ទេ គ្រាន់​​​តែជា​​​ស្ថាប័ន​​​​​​ប្រថាប់​​​ត្រា​​​របស់​​​គណបក្ស​​​កាន់​​​​អំណាច​​​ប៉ុណ្ណោះ។ នៅក្នុង​​​របាយ​​​ការណ៍​​​មួយ​​​ស្ដី​​​ពី​​រដ្ឋ​​​​សភា​ ដែល​​​ចេញ​​​ផ្សាយ​​​កាល​​​ពី​​​ឆ្នាំ​​​២០១១​​​នោះ ​លោក សុរិយា ស៊ូបេឌី (Surya Subedi) ប្រេសិត​​​​​​​អង្គការ​​​សហ​​​ប្រជាជាតិទទួល​​​បន្ទុក​​​​សិទិ្ធ​​​មនុស្សបាន​​​មាន​​​ប្រសាសន៍​​​ថា “ បន្ទាប់​​​ពី​​​គណបក្ស​​​ប្រជា​​​ជន​​​កម្ពុជា ដែល​​​កំពុង​​​កាន់​​​អំណាច ទទួល​​​បាន​​​អាសនច្រើន​​​ជាង​​​ពីរ​​​ភាគ​​​បី​​​នៅ​​​ក្នុង​​​រដ្ឋ​​​សភា នៅ​​​ក្នុង​​​ការ​​​បោះ​​​ឆ្នោត​​​សាកល​​​ចុង​​​ក្រោយ​​​នេះ តួនាទី​​​និង​​​ការងារ​​​របស់​​​រដ្ឋសភា​ក្នុងនាម​ជា​ក្រុម​ពិភាក្សា​ដេញ​ដោល​នោះ​ ហាក់​​​ដូច​​​ជា​​​​កំពុង​ធ្លាក់​ចុះ​”។ លោក គាំ កុសល ប្រធាន​​​ខុទ្ទ​កាល័យរបស់​​​លោក ហេង សំរិន ប្រធានរដ្ឋសភា​​​ បាន​​​មាន​​​ប្រសាសន៍​​​ថា រដ្ឋសភាបាន​​​ប្រគល់​​​លិខិត​​​របស់​​​លោក សុន ឆ័យ​ ជូន​​​ទៅ​​​មន្ត្រី​​​​ពាក់​​​ព័ន្ធ​​​រួច​​​ហើយ ប៉ុន្តែ មិនទាន់បាន​​​ទទួល​​​​ការ​ឆ្លើយ​តប​​​​នោះទេ។​ លោកឧត្ដម​​​សេនីយ៍ឯក ខៀវ សុភ័គ អ្នក​​​​នាំ​​​​ពាក្យ​​​ក្រសួង​​​មហា​​​ផ្ទៃ ​​​​មាន​​​ប្រសាសន៍​​​ថា​លោក​ ស ​ខេង​ បាន​​​ត្រៀម​​​ខ្លួន ​ឆ្លើយ​​​សំណួរ​​​នៅ​​​ក្នុង​​​រដ្ឋ​​​សភា​​​រួច​​​ហើយ។ លោក ឧត្ដមសេនីយ៍ឯក ខៀវ សុភ័គ បាន​​​មាន​​​ប្រសាសន៍​​​​​​ថា “លោក ស ខេង បាន​​​ត្រៀម​ចម្លើយ​​​របស់​​​លោក រួច​​​រាល់​​​ហើយ ប៉ុន្តែ ខ្ញុំ​​​មិន​​​បាន​​​ដឹងអំពី​​​កាល​​​បរិច្ឆេទ​ដែល​​​​លោក​ត្រូវ​ចូល​​ទៅ​រដ្ឋសភា​ ​ព្រម​ទាំង​​​​ឆ្លើយ​​​សំណួរយ៉ាង​​​ដូច​​​ម្ដេច​​​នោះ​​​ទេ”។ លោក យឹម សុវណ្ណ អ្នក​​​នាំ​​​ពាក្យ​គណ​បក្ស​​​ប្រឆាំង​​​មាន​​​ប្រសាសន៍​​​ថា ​លោក ​សូម​​​ស្វាគមន៍​​​ក្រុម​​​មន្ត្រី​​​ជាន់​​​ខ្ពស់ ដែល​​​ឆ្លើយ​​​សំណួរ​​​​នៅ​​​ក្នុង​​​រដ្ឋសភា ប៉ុន្តែ ជារឿយក្រុម​មន្ត្រី​ទាំង​នោះ​គ្រាន់​​​តែ​​​អាន​​​​ចម្លើយ ​ដែល​​​​បាន​ត្រៀម​​​ទុក​​​ជា​​​មុន​​​ប៉ុណ្ណោះ។ លោក យឹម សុវណ្ណ បាន​​​មាន​​​ប្រ​​​សាសន៍​​​ថា​ “យើង​​​សង្ឃឹម​​​ថា រដ្ឋា​​​ភិបាលនឹង​​​មិន​​​ឆ្លើយ​ទេ គឺ​គ្រាន់​តែ​អាន​​​​​​​ចម្លើយ​ដែល​​​​បាន​ត្រៀម​​​ទុក​​​​​​ជា​​​មុន​​​​ប៉ុណ្ណោះ”៕សុខភុំ

អាមេរិក​​ថា ​អវត្ត​មាន​របស់​លោក​ សម រង្ស៊ី ក្នុង​​ការ​បោះ​ឆ្នោត​ជាតិ​ជា​ការ​គួរ​ឲ្យ​សង្ស័យ​

ក្រសួង​ការ​បរទេស​សហរដ្ឋ​អាមេរិក​លើក​ឡើង​ថា ការ​ដក​បេក្ខភាព​មេ​ដឹក​នាំ​គណ​បក្ស​ប្រឆាំង​ គឺ​លោក សម រង្ស៊ី ​​មិន​ឲ្យ​ចូល​រួម​ក្នុង​​ការ​បោះឆ្នោត​ជាតិ​ នៅខែ​កក្កដា ឆ្នាំ​២០១៣​ ​​ធ្វើ​​ឲ្យ​មាន​​មន្ទិល​សង្ស័យ​​​លើ​​​ភាព​ស្រប​ច្បាប់​នៃ​​ដំណើរ​ការ​ប្រជា​ធិបតេយ្យ​​​​នៅ​​ក្នុង​ប្រទេស​កម្ពុជា​។ គណៈកម្មាធិការ​ជាតិ​រៀប​ចំការ​បោះ​ឆ្នោត​ (គ.ជ.ប.) បាន​បញ្ជាក់​កាល​ពី​សប្ដាហ៍​មុន​ថា ឈ្មោះ​របស់​លោក សម រង្ស៊ី មិន​មាន​​នៅ​ក្នុង​​បញ្ជី​ឈ្មោះ​​បោះ​ឆ្នោត​ជាតិ នៅ​ខែ​កក្កដា​ឆ្នាំ​២០១៣ ទេ​ ហើយ​ការ​លុប​ឈ្មោះ​នេះ​​ធ្វើ​ឲ្យ​លោក​មិន​​អាច​​ឈរ​​ឈ្មោះ​​ក្នុង​ការ​បោះ​ឆ្នោត​​​នេះ​បាន​ទេ ដោយសារ​លោក​មាន​ឋានៈ​ជា​​ឧក្រិដ្ឋជន​។ អ្នក​នាំពាក្យ​ក្រសួងការ​បរទេស​សហរដ្ឋ​អាមេរិក លោកស្រី វិកតូរីយ៉ា នូឡែន (Victoria Nuland) បាន​លើក​ឡើង​អំឡុង​សន្និសីទ​កាសែត​នៅទី​​ក្រុង​វ៉ាស៊ីនតោន កាល​ពីថ្ងៃ​សុក្រថា “ យើង​មាន​ការ​ខក​ចិត្ត​​ចំពោះ​ការ​ប្រកាស​របស់​គណៈ​កម្មាធិការ​ជាតិ​រៀប​ចំការ​បោះ​ឆ្នោត​ កាលពី​​ពេល​ថ្មី​ៗ​នេះ​ដែល​បញ្ជាក់​​​ថា​​ ឈ្មោះ​​របស់​លោក សម រង្ស៊ី ត្រូវ​បាន​លុប​ចេញ​ពី​បញ្ជី​ឈ្មោះ​​បោះ​ឆ្នោត​ជាតិ នៅ​ខែកក្កដា ឆ្នាំ​២០១៣​ហើយ​ ដោយសារ​លោក​ជាប់​ទោស​ឧក្រិដ្ឋ​ ​ដែល​​​ក្រុម​អ្នក​សង្កេត​​ ការ​ណ៍...

អង្គការ​សេដាក​ទិញ​ម៉ាស៊ីន​កិន​ស្រូវ​ ដោយ​សង្ឃឹម​ថា​ នឹង​អាច​បង្កើន​ការ​នាំ​អង្ករចេញ​ទៅ​អាមេរិក​បាន​ទ្វេដង

ក្រុម​មន្ត្រី​បាន​ឲ្យ​ដឹង​កាល​ពី​ថ្ងៃ​ព្រហស្បតិ៍​ថា​ មជ្ឈមណ្ឌល​អភិវឌ្ឍន៍​កសិកម្ម​កម្ពុជា​ ឬ​ហៅ​​កាត់​ថា​ អង្គារ​សេដាក​ បាន​ចំណាយ​ថវិកា​ចំនួន​​៥០០.០០០​ដុល្លារ ដើម្បី​សាង​សង់​រោង​ម៉ាស៊ីន​​កិន​ស្រូវ​មួយ​កន្លែង​នៅ​ខណ្ឌ​ពោធិ៍​សែន​ជ័យ​ រាជ​ធានី​ភ្នំ​ពេញ​ ដោយ​សង្ឃឹម​ថា​ នឹង​អាច​នាំ​អង្ករ​ចេញ​ទៅ​បរទេស​បាន​កាន់​តែ​ច្រើន។ លោក​ យ៉ង​ សាំងកុមារ​ ប្រធាន​អង្គការ​សេដាក​​មាន​ប្រសាសន៍​ថា​ “ យើង​សង្ឃឹម​ថា​ នៅ​ឆ្នាំ​២០១៣​ យើង​នឹង​អាច​នាំ​អង្ករ​ចេញ​ទៅ​កាន់​សហរដ្ឋ​អា​មេរិក​បាន​ចន្លោះ​ពី​២០០​តោន​ ទៅ​៣០០​តោន​  ពី​ព្រោះ​ឥឡូវ​នេះ​យើង​​មានរោង​ម៉ាស៊ីន​កិន​ស្រូវ​ផ្ទាល់​ខ្លួន​”។​ លោក​បាន​បន្ថែម​ទៀត​ថា​ អង្គការ​សេដាក​នាំ​អង្ករ​ចេញ​ទៅ​កាន់​សហរដ្ឋ​អា​មេិក​បាន​ជាង​១០០​តោន​កាល​ពី​ឆ្នាំ​មុន​ ដោយ​គ្មាន​រោង​ម៉ាស៊ីន​កិន​ស្រូវ​ផ្ទាល់​ខ្លួន។ លោក​ យ៉ង​ សាំងកុមារ​ បាន​ឲ្យ​ដឹង​ថា​   អង្គការ​សេដាក​បាន​ទិញ​ម៉ា​ស៊ីន​កិន​ស្រូវ​ពី​ក្រុម​ហ៊ុន​ផលិត​ម៉ាស៊ីន​កិន​ស្រូវ​ជប៉ុន​ តៃវ៉ា​ សេគី​ ខប​ (Taiwa Seiki Corp)។ លោក​បាន​មាន​ប្រសាសន៍​ថា​ “ នៅ​ក្នុង​រយៈ​ពេល​១០​ឆ្នាំ​ខាង​មុខ​ យើង​សង្ឃឹម​ថា​ នឹង​អាច​សាង​សង់​រោង​ម៉ាស៊ីន​កិន​ស្រូវ​បាន​ចំនួន​១០០​កន្លែង​នៅ​ទូទាំង​ប្រទេស​...​ដើម្បី​បង្កើន​ការ​នាំ​ចេញ​អង្ករ​”។ លោក​ក៏​បាន​ឲ្យ​ដឹង​ផង​ដែរ​ថា​ អង្គការ​សេដាក​ កំពុង​តែ​ជួយ​ជ្រោម​ជ្រែង​ដល់​ស្រុក​មួយ​ចំនួន​នៅ​ក្នុង​ខេត្ត​ព្រៃ​វែង​ និង​ខេត្ត​តាកែវ​ ដើម្បី​ទិញ​ម៉ាស៊ីន​កិន​ស្រូវ​ផ្ទាល់​ខ្លួន​នៅ​ដំណាច់​​ឆ្នាំ​២០១៣​។ លោក​ យ៉ង​ សាំងកុមារ​ បាន​បន្ត​ទៀត​ថា​ “ដំបូង​យើង​នឹង​ជួយ​សាង​សង់​រោង​ម៉ាស៊ីន​កិន​ស្រូវ​ក្នុង​ស្រុក​កំចាយ​មារ​ និង​ស្រុក​ស៊ីធរ​កណ្តាល​ ​ខេត្ត​ព្រៃ​វែង​ជា​មុន​សិន​ ហើយ​បន្ទាប់​​មក​ទៀត​នៅ​ស្រុក​ត្រាំ​កក់​ ខេត្ត​តាកែវ​។​ យើង​​សង្ឃឹម​ថា​ នឹង​អាច​បញ្ចប់​រួច​រាល់​នៅ​ដំណាច់​ឆ្នាំ​២០១៣​នេះ​”។​ លោក​បាន​បន្ថែម​ទៀត​ថា​ ស្រុក​នីមួយៗ​ប្រហែល​ជា​ត្រូវ​ចំណាយ​ថវិកា​អស់​ប្រហែល​២៥០.០០០​ដុល្លារ​ ដើម្បី​ទិញ​ម៉ាស៊ីន​កិន​ស្រូវមួយ​គ្រឿង។ លោក​ យ៉ង​ សាំង​កុមារ​ បាន​មាន​ប្រសា​សន៍​ថា​ នៅ​ឆ្នាំ​២០១៤​ អង្គការ​សេដាក​សង្ឃឹម​​ថា​ នឹង​អាច​នាំ​ចេញ​អង្ករ​បាន​ចំនួន​៥.០០០​តោន​ នៅ​ក្នុងឆ្នាំ​២០១៥​អាចនាំ​ចេញ​បាន​១០.០០០​តោន​ ហើយ​នៅ​ឆ្នាំ​២០២២ ​នឹង​អាច​នាំ​ចេញ​បាន​ចំនួន​១០០.០០០​តោន។ អ្នក​ស្រី​ សៅ​ សាមឿន​ ម្ចាស់​រោង​ម៉ាស៊ីន​កិន​ស្រូវ​​ក្នុង​ស្រុក​កំចាយ​មារ​ បាន​ឲ្យ​ដឹង​ថា​...

ក្រុម​ហ៊ុន​អចល​ន​ទ្រព្យ​បង្ហាញ​ថា​ អ្នក​ទិញ​ខន់ដូ​ភាគ​ច្រើន​គឺ​ជា​អ្នក​រក​ស៊ី​ទិញ​ដូរ​ ដើម្បី​រក​ប្រាក់​ចំណេញ​ភ្លាមៗ

ក្រុម​ហ៊ុន​អចល​ន​ទ្រព្យ​ឈាន​មុខ​គេ​មួយ​បាន​ឲ្យ​ដឹង​ថា​ ខណៈ​ដែល​ចំនួន​អគារ​ខន់ដូ​ ដែល​កំពុង​លេច​ឡើង​ព្រោង​ព្រាត​នៅ​ក្នុង​រាជ​ធានី​ភ្នំ​ពេញ​ ត្រូវ​បាន​លក់​ដាច់​យ៉ាង​ច្រើន​នោះ​ អតិថិ​ជន​ទិញ​​ខន់ដូ​ទាំង​នេះ​ភាគ​ច្រើន​​​គឺ​ជា​អ្នក​រក​ស៊ី​ទិញ​ដូរ​ ដើម្បី​ទទួល​បាន​ប្រាក់​ចំណេញ​ភ្លាមៗតែប៉ុណ្ណោះ។ របាយ​ការណ៍​មួយ​ ដែល​ចេញ​ដោយ​ក្រុម​​ហ៊ុន​អចល​ន​ទ្រព្យ​អន្តរជាតិ​ CBRE​​ បង្ហាញ​ថា​ ទីផ្សារ​អចល​ន​ទ្រព្យ​នៅ​រាជ​ធានី​ភ្នំ​ពេញ​កាល​ពី​ឆ្នាំ​២០១២​មាន​ការ​កើន​ឡើង​ខ្លាំង​ ហើយ​របាយការណ៍​នេះ​ចង្អុល​បង្ហាញ​ចំពោះ “ ការ​រីក​លូត​លាស់​” ខាង​វិស័យ​ជួល​ផ្ទះ​ល្វែង។ របាយការណ៍​នេះ​បាន​បង្ហាញ​ថា​ ការ​ហូរ​ចូល​​ជន​ជាតិ​ជប៉ុន​មក​កាន់​ប្រទេស​កម្ពុជា​ បន្ទាប់​ពី​មាន​វិនិយោគ​ទុន​ជប៉ុន​ចូលមក​ក្នុង​ប្រទេស​កម្ពុជា​មាន​ន័យ​ថា​ ៩០​ភាគ​រយ​នៃ​ផ្ទះល្វែង​មាន​អ្នក​ទៅ​រស់​នៅ​ ជា​ពិសេស​គឺ​អគារ​ផ្ទះ​ល្វែង​នៅ​សង្កាត់​បឹង​កេង​កង​១។ បន្ទាប់​ពី​មាន​អនុក្រឹត្យ​ឆ្នាំ​២០១០​ ដែល​អនុញ្ញាតឲ្យ​ជន​បរទេស​អាច​ទទួល​បាន​កម្ម​សិទ្ធ​ិគ្រប់​គ្រង​អគារ​ជាន់​លើ​បន្ទាប់​ពី​ជាន់​ផ្ទាល់​ដី​បាន​រួច​មក​ មាន​អគារ​ខន់ដូ​រាប់​រយ​អគារ​ត្រូវ​បាន​សាង​សង់​ នៅ​ក្នុង​រាជ​ធានី​ភ្នំ​ពេញ។​ យោង​តាម​ក្រុម​ហ៊ុន​ CBRE​ បាន​ឲ្យ​ដឹង​ថា​ ខន់ដូ​ថ្មីៗ​ចំនួន​៦៣៦​បន្ទប់​ត្រូវ​បាន​ដាក់​​លក់​កាល​ពី​ឆ្នាំ​២០១២។ របាយការណ៍​នេះ​បាន​បង្ហាញ​ថា​ ចំនួន​៦៦​​ភាគរយនៃ​ខន់​ដូ​ទាំង​នោះ​ត្រូវ​បាន​លក់​ដាច់​ ពោល​គឺ​មាន​ការ​កើន​ឡើង​ចំនួន​៥,១​ភាគ​រយ​ បើ​ធៀប​នឹង​ឆ្នាំ​២០១១។ ក៏​ប៉ុន្តែ​ របាយការណ៍​បង្ហាញ​ថា​ “ ទីផ្សារ​អចល​ន​ទ្រព្យ​” នៅ​តែ​គ្រប​ដណ្តប់​ដោយ​ខន់ដូ​ ដែល​ត្រូវ​បាន​លក់​ទៅ​ឲ្យ​អ្នក​រក​ស៊ី​ទិញ​ដូរ​ ដើម្បី​ទទួល​បាន​ប្រាក់​ចំណេញ​ភ្លាមៗ​ ទាំង​មិន​ទាន់​សាង​សង់​រួច​ ដោយ​ជា​រឿយៗ​តែង​តែ​មាន​ការ​បញ្ចុះ​តម្លៃ។ របាយការណ៍​បង្ហាញ​ថា​ “ ការ​ធ្វើ​បែប​នេះ​​បាន​ធ្វើ​ឲ្យ​ខន់ដូ​ ដែល​ត្រូវ​បាន​សាងសង់​រួច​​​មាន​អត្រា​អ្នក​ចូល​ទៅ​រស់​នៅទាប” ​ ហើយ​របាយ​ការណ៍​នេះ​បាន​កត់​សម្គាល់​ថា​ មិន​យូរ​ប៉ុន្មាន​ អ្នក​ទិញ​ទាំង​នេះ​នឹង​ខិត​ខំ​ស្វះ​ស្វែង​រក​លក់​អចល​ន​ទ្រព្យ​របស់​ខ្លួន​ចេញ​ ដែល​ការ​ធ្វើ​ដូច្នេះ​នឹង​ធ្វើ​ឲ្យ​មាន​ទីផ្សារ​ “ ដែល​មាន​ការ​​ប្រកួត​ប្រជែង​ខ្លាំង​”។ ក៏​ប៉ុន្តែ​ ក្រុម​ហ៊ុន​ CBRE​ ពិត​ជា​ព្យាករ​ថា​ តម្រូវ​ការ​ខន់ដូ​មុខ​ជា​នឹង​កើន​ឡើង​នៅ​ក្នុង​ឆ្នាំ​២០១៣​នេះ។ របាយការ ណ៍​នេះ​បាន​ចេញ​​នូវ​ការ​ព្យាករ​ដូច្នេះ​ថា​ “ នៅ​ពេល​ទីក្រុង​កាន់​តែ​​រីក​ធំទៅ​ ហើយ​​ធ្វើ​ឲ្យ​ដី​ឡើង​ថ្លៃ​ នោះ​ទី​ផ្សារ​​នៅក្នុង​ស្រុក ​មុខ​ជា​នឹង​ចាប់​ផ្តើម​សម្លឹង​រក​ទិញ​​ខន់​ដូ​ជា​មិន​ខាន​”។ លោក​ ស៊ឹង ប៊ុណ្ណា​ នាយក​ក្រុម​ហ៊ុនអចល​ន​​ទ្រព្យ​ ប៊ុណ្ណា​ រៀលធី​ គ្រុប​ (Bonna Realty Group)​ ​មាន​ប្រសាសន៍​ថា​ អ្នក​អភិ​វឌ្ឍ​ និង​អ្នក​ទិញ​គួរ​តែ​មាន​ការ​ប្រយ័ត្ន​ប្រយែង​អំពី​ការ​រក​ស៊ី​ប្រថុយ​ខាង​ខន់ដូ​។ លោក​បាន​មាន​ប្រសាសន៍​ថា​ “ នៅ​ពេល​ណា​ពួក​គាត់​ទិញ​ខុស​ពី​តម្លៃ​ទី​ផ្សារ​ធម្មតា​...

បុរស​ជនជាតិ​អង់គ្លេស​ម្នាក់​ត្រូវ​គេគប់​ដំថ្ម​ចំមុខក្នុង​រាជធានី​ភ្នំពេញ ដោយ​មិន​ដឹង​មូល​ហេតុ​

នៅ​ពេល​លោក ជេសុន វូតតុន (Jason Wootton) អាយុ​៣២ឆ្នាំ​ បាន​មក​ដល់ប្រទេស​កម្ពុជា​ដោយ​មាន​បំណង​ស្នាក់​នៅ​ទី​នេះ​ជា​ច្រើន​ឆ្នាំ​ លោក​មិន​ដែល​ធ្លាប់​គិត​ថា បាន​ជួប​ប្រទះ​រឿង​គួរ​ឲ្យ​តក់​ស្លុតដូចដែល​លោកបាន​ជួប​នេះ​​នោះ​ទេ ហេតុ​ដូច្នេះ​ហើយ​គ្រួសារ​របស់​លោកបាន​អង្វរឲ្យ​លោក​ចាក​ចេញ​ពី​ប្រទេស​កម្ពុជា​វិញ បន្ទាប់​ពី​ស្នាក់​នៅ​បាន​ត្រឹម​តែ​បួន​ខែ​នោះ​។ ប៉ុន្តែ កាល​ពី​ថ្ងៃ​ពុធ បុរស​ជន​ជាតិ​អង់គ្លេស​​រូប​នេះ​ បាន​ក្លាយ​ទៅ​ជា​ជន​រង​គ្រោះ​ដោយ​សារគេគប់ដំុ​ថ្ម​ ដោយមិន​ដឹង​មូលហេតុ នៅ​ក្នុងសង្កាត់​បឹង​កក់​១​។ គេ​មិន​ដឹង​ច្បាស់​ថា ដោយ​សារ​តែមូលហេតុ​អ្វី​នោះ​ទេ​ ហើយ​ខ្សែ​ជីវិត​របស់​លោក​នៅ​ក្នុង​រាជ​ធានី​ភ្នំពេញ​បាន​ក្លាយ​ទៅ​ជា​អាប់​អួ។ លោក វូតតុន កំពុង​តែដើរ​តាម​បណ្តោយ​​ផ្លូវ​២៤៤​ កែង​មហា​វិថី​ព្រះ​នរោត្តម​ ជាមួយ​សត្វ​សុនខ​របស់​លោក​ កាល​ពី​ថ្ងៃ​ពុធ នៅ​ម៉ោង៥និង​៣០​នាទី​ល្ងាច នៅ​ពេល​នោះ​យុវជន​ពីរនាក់​បាន​បើក​ម៉ូតូ​មក​ក្បែរ​គាត់​ ហើយ​យុវជន​ម្នាក់​ដែល​ជិះ​នៅ​ខាង​ក្រោយ​បាន​យក​ដំុថ្ម​​ធំ​មួយ​ដំុ​គប់​ទៅ​លើ​មុខ​របស់​គាត់។ នេះ​ជាការ​គប់​មួយ ដោយ​ប្រើ​កម្លាំង​យ៉ាង​ខ្លាំង ដែល​បាន​ធ្វើ​ឲ្យ​ស្បែក​នៅ​លើ​ថ្ងាសរបស់​​លោក វូតតុន ​ដាច់​រលាត់​ដល់​លលាដ៍ក្បាល​ ហើយ​​ហូរ​ឈាមសស្រាក់​តាម​មុខ​របួស​។ លោក វូតតុន ដែលក៏ជា​កីឡាករបាល់​ឱប​​ដ៏មាំមួន​មួយ​រូប បាន​​និយាយថា “ ​​ខ្ញុំ​មិន​ដែល​ជួប​ប្រទះឈាម​ ដែល​ហូរ​មក​យ៉ាង​ច្រើន​ដូចនេះ​ទេ ហើយ​ខ្ញុំ​ក៏មិន​ដែល​ជួប​ការ​វាយ​ប្រហារ​ដ៏ខ្លាំងបែបនេះ​ដែរ”។ សន្តិសុខ​ម្នាក់នៅ​ក្បែរ​នោះ​​ ​បាន​រត់​ទៅ​ជួយ​ និង​នាំ​លោក​ទៅ​កាន់​មន្ទីរ​ពេទ្យ​រ៉ូយ៉ាល់​រតនៈ​នៅ​ក្នុង​ខណ្ឌទួល​គោក​...

MEDIA FEEDS

Popular

video

ភាគទី២៖ តើសាច់ញាតិប្រមុខរដ្ឋាភិបាលខ្មែរ រកស៊ីអ្វីហេត្វអ្វីមានលុយច្រើនម៉្លេះ?

អង្គការក្រៅរដ្ឋាភិបាលអាមេរិកាំង ឃ្លាំមើលសិទ្ធិមនុស្ស Human Rights Watch ផ្នែកកិច្ចការអាស៊ី បានផ្សាយសេច ក្តីរាយការណ៍ថ្មីបន្ថែមលើសេចក្តីរាយការណ៍របស់ខ្លួនពី មុន មានចំ ណងជើងថា៖ ឧត្តមសេនីយ៍គគ្រក់បីដំប (Dirty Dozen) ជុំវិញលោក ហ៊ុន សែន កាលពីថ្ងៃទី២២ តុលា កន្លងទៅ ដោយផ្តោតលើឧត្តមសេនីយ៍ខ្លះ ដែលមានសម្បត្តិទ្រព្យមហាសាល។ ឧត្តមសេនីយ៍...