CATEGORY
ព័ត៌មានជាតិ
ជំនួយការម្នាក់ក្នុងចំណោមជំនួយការផ្ទាល់របស់លោក កឹម សុខា អនុប្រធានគណបក្សសង្គ្រោះជាតិ ប្រឈមនឹងវិធានការវិន័យពីគណបក្សប្រឆាំងមួយនេះ បន្ទាប់ពីជំនួយការរូបនេះបានចោទប្រកាន់លោក កឹម សុខា កាលពីថ្ងៃសៅរ៍ថាបានរិះគន់លោក...
កោះដំឡូង, ឈូងសមុទ្រថៃ-សំឡេងជជែកសប្បាយរីករាយខ្ញៀវខ្ញារជាភាសារុស្ស៊ីបានរសាត់កាត់ផ្ទៃសមុទ្រខៀវស្រងាត់ និងស្រូបបាត់ទៅក្នុងព្រៃកោងកាងដែលដុះហ៊ុមព័ទ្ធកោះខ្មែរដាច់ស្រយាលនេះ។
បន្ទាប់មកទូកបានមុជងើបបាស់បើកកាត់ផ្ទៃទឹកសំដៅទៅផែថ្ម ហើយបុរសស្ត្រីជាច្រើននាក់ដែលកម្តៅខ្លួនដោយស្រាវ៉ូដកា និងកម្តៅថ្ងៃ បានលោតចេញពីទូកហើយដើរទៅផែមាត់ឆ្នេរ។
បុរសៗមានរាងមាំនិងដុះពោះស៊្អុយៗដោយសារស្រាបៀរ ប៉ុន្តែសុទ្ធសឹងតែមានដុះរោមនិងសាក់លើខ្លួន។ ចំណែកស្រីៗវិញពាក់គ្រឿងអលង្ការ ពាក់វ៉ែនតាធំៗ...
មនុស្សបីនាក់បាត់បង់ជីវិតនៅពេលនាវាកម្ពុជាលិចនៅឆ្នេរសមុទ្រជប៉ុន
យោងតាមការចុះផ្សាយរបស់ទីភ្នាក់ងារសារព័ត៌មានបានឲ្យដឹងថា មនុស្សបីនាក់បានបាត់បង់ជីវិតកាលពីថ្ងៃសុក្រ នៅពេលនាវាដឹកទំនិញមួយគ្រឿងដែលបង្ហូតទង់ជាតិកម្ពុជាបានលិចនៅឆ្នេរសមុទ្រជប៉ុន។
ទាំងទីភ្នាក់ងារសារព័ត៌មានសីុនហួរ របស់ប្រទេសចិន និងទីភ្នាក់ងារសារព័ត៌មានបារាំង(AFP) បានចុះផ្សាយថា មានមនុស្សចំនួន១០នាក់ជិះនៅលើនាវាទម្ងន់១.៩១៥តោននេះនៅពេលវាលិចកាលពីល្ងាចថ្ងៃព្រហស្បតិ៍នៅឯឆ្នេរសមុទ្រនៃតំបន់អាអូមូរី (Aomori) នៅសមុទ្រជប៉ុន។
នាវិកទាំង១០នាក់ត្រូវបានស្រង់ចេញពីទឹក និងបញ្ជូនទៅកាន់មន្ទីរពេទ្យមួយក្នុងមូលដ្ឋាន ហើយនាវិកបីនាក់បានស្លាប់នៅទីនោះ។ទីភ្នាក់ងារព័ត៌មាន AFP បានចុះផ្សាយថា ពីរនាក់ក្នុងចំណោមជនរងគ្រោះទាំងនោះជាជនជាតិចិន ហើយម្នាក់ទៀតជាជនជាតិភូមា។
តែទោះជាយ៉ាងណា ទីភ្នាក់ងារសារព័ត៌មានស៊ីនហួរ បានចុះផ្សាយថា នាវិកទី៣ ដែលបានបាត់បង់ជីវិតគឺជាជនជាតិខ្មែរ។ "ជនរងគ្រោះពីរនាក់មកពីប្រទេសចិន និងម្នាក់ទៀតមកពីប្រទេសកម្ពុជា។ នាវិកជនជាតិបង់ក្លាដែស ពីរនាក់ និងនាវិកជនជាតិចិនប្រាំនាក់ទៀតត្រូវបានជួយសង្គ្រោះ"។
ក្រសួងការបរទេសកម្ពុជាមិនអាចទាក់ទងសុំការបំភ្លឺបានទេ។ កាលពីឆ្នាំ២០០៣ រដ្ឋាភិបាលបានលក់សិទ្ធិចុះបញ្ជីនាវាដែលបង្ហូតទង់ជាតិកម្ពុជា ឲ្យទៅក្រុមហ៊ុនមួយដែលមានមូលដ្ឋាននៅក្នុងប្រទេសកូរ៉េខាងត្បូង។
សូមបញ្ជាក់ថា នាវាជាច្រើនដែលបង្ហូតទង់ជាតិកម្ពុជាបានលិច ឬជាប់ពាក់ព័ន្ធនឹងឧបទ្ទវហេតុនាវាចរណ៍ក្នុងរយៈពេលមួយទសវត្សរ៍មកនេះ៕សុខុម
តុលាការកំពូលសម្រេចតម្កល់សាលដីកាផ្តន្ទាទោសលោក ឈូក បណ្ឌិត
កាលពីថ្ងៃសុក្រ តុលាការកំពូលបានតម្កល់សាលដីកាផ្ដន្ទាទោសរបស់សាលាឧទ្ធរណ៍នៅក្នុងសំណុំរឿងលោក ឈូក បណ្ឌិត អតីតអភិបាលក្រុងបាវិត ដែលពេលនេះកំពុងគេចខ្លួននៅឡើយ និងត្រូវបានផ្ដន្ទាទោសកំបាំងមុខឲ្យជាប់ពន្ធនាគាររយៈពេល១៨ខែ ពីបទបាញ់ប្រហារកម្មការិនីរោងចក្របីនាក់អំឡុងការតវ៉ាមួួយកាលពីខែកុម្ភៈ ឆ្នាំ២០១២។
កម្មការិនីទាំងបីនាក់នេះបានចូលស្ដាប់សវនាការក្នុងតុលាការកំពូលកាលពីម្សិលមិញ ដោយសុំឲ្យតុលាការផ្តន្ទាទោសលោក ឈូក បណ្ឌិត ធ្ងន់ធ្ងរ និងសុំដំឡើងប្រាក់សំណងសរុបបញ្ចូលគ្នាពីចំនួន៩.៥០០ដុល្លារដែលសាលាដំបូងខេត្តស្វាយរៀង សម្រេចបង្គាប់ឲ្យលោក ឈូក បណ្ឌិត បង់ឲ្យពួកគេ ឲ្យដល់ចំនួនសរុប១៤០.០០០ដុល្លារ។
កាលពីខែវិច្ឆិកាឆ្នាំមុន សាលាឧទ្ធរណ៍បានតម្កល់សាលក្រមរបស់សាលាដំបូងដែលបានរកឃើញថា លោក ឈូក បណ្ឌិត ដែលពេលនោះមានឋានៈជាអភិបាលក្រុងបាវិត បានបាញ់ប្រហារលើក្រុមកម្មករដែលកំពុងធ្វើការតវ៉ានៅតំបន់សេដ្ឋកិច្ចពិសេសមួយកន្លែងក្នុងក្រុងនេះ បណ្តាលឲ្យស្ត្រីបីនាក់នេះរងរបួស។
ចៅក្រម តាំង ស៊ុនឡាយ នៅសាលាឧទ្ធរណ៍បានបកស្រាយអំពីសេចក្តីសម្រេចរក្សាទោសស្រាលនេះថា ការបាញ់ប្រហារទៅលើកម្មការិនីទាំងនោះ គឺជាឧបទ្ទវហេតុ។ ចៅក្រមរូបនេះមានប្រសាសន៍ទៀតថា "តុលាការយល់ថា ឈូក បណ្ឌិត គ្មានបំណងបាញ់កម្មការិនីទាំងបីនាក់ទេ ពីព្រោះគាត់មិនស្គាល់កម្មការិនីទាំងនោះឡើយ"។
កាលពីថ្ងៃសុក្រ ចៅក្រម ច័ន្ទ រង្សី នៅតុលាការកំពូលបានមានប្រសាសន៍ថា តុលាការកំពូលបានយល់ស្របតាម។ "សាលដីការបស់សាលាឧទ្ធរណ៍ត្រូវបានតម្កល់"។លោកបានបន្ថែមថា សំណើរបស់ជនរងគ្រោះសុំសំណងបន្ថែម ដើម្បីចេញថ្លៃការបន្តព្យាបាលរបួសរបស់ពួកគេ ត្រូវបានច្រានចោល។លោកបានលើកឡើងទៀតថា "តុលាការយល់ថា ជនរងគ្រោះកំពុងទាមទារសំណងសម្រាប់អនាគត ប៉ុន្តែ តុលាការមិនអាចពិចារណាការទាមទាររឿងនេះបានទេ"។
ពីរខែក្រោយពីការបាញ់ប្រហារនោះ លោក ឈូក បណ្ឌិត ត្រូវបានចោទប្រកាន់ពីបទបាញ់កម្មការិនីទាំងបីនាក់ "ដោយអចេតនា"។ ប៉ុន្តែ កាលពីខែធ្នូឆ្នាំ២០១២ តុលាការបានដកការចោទប្រកាន់ទាំងអស់លើអតីតអភិបាលក្រុងរូបនេះដោយគ្មានការពន្យល់បកស្រាយ ហើយងាកទៅចោទប្រកាន់លោក ស ចន្ថា មន្ត្រីនគរបាលក្រុងបាវិត ពីបទបាញ់ប្រហារជំនួសវិញ។
ចំពេលសាធារណជនធ្វើការតវ៉ា និងអះអាងថា លោក ឈូក បណ្ឌិត ត្រូវបានការពារដោយក្រុមអ្នកមានអំណាចនៅក្នុងជួរគណបក្សប្រជាជនកម្ពុជានោះ នៅខែមករាឆ្នាំ២០១៣ លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ បានបង្គាប់ឲ្យសាលាឧទ្ធរណ៍បើកការសើុបអង្កេតសំណុំរឿងនេះឡើងវិញ។
ពេលនោះសវនាការជាថ្មីនៅសាលាដំបូងខេត្តបានរកឃើញថា លោក ឈូក បណ្ឌិត ជាប់ពិរុទ្ធភាពពីបទបាញ់ប្រហារស្ត្រីទាំងនេះដោយអចេតនា ហើយបានច្រានចោលបទចោទប្រកាន់ដូចគ្នាលើលោក ស ចន្ថា មន្ត្រីនគរបាល ដោយផ្តន្ទាទោសលោកពីបទរក្សាទុកនិងប្រើប្រាស់អាវុធខុសច្បាប់ជំនួសវិញ។
ចៅក្រម ច័ន្ទ រង្សី បានមានប្រសាសន៍កាលពម្សិលមិញថា ការផ្តន្ទាទោសលោក ស ចន្ថាថា ក៏ត្រូវបានតម្កល់ដែរ។
លោក ស៊ុន ប៉ុណ្ណារិទ្ធ មេធាវីការពារលោក ឈូក បណ្ឌិត បានមានប្រសាសន៍បន្ទាប់ពីតុលាការកំពូលចេញសេចក្តីសម្រេចថា តុលាការកំពូលមិនបានពិចារណា "អង្គហេតុពិតប្រាកដ" នៃសំណុំរឿងនេះឲ្យបានល្អិតល្អន់ទេ។ លោកមានប្រសាសន៍ទៀតថា " លោក ឈូក បណ្ឌិត កូនក្តីរបស់ខ្ញុំមិនបានបាញ់ជនរងគ្រោះទាំងនោះទេ។ តាមរយៈការតម្កល់សាលដីកាផ្តន្ទាទោសនេះបង្ហាញថា តុលាការមិនបានពិចារណាអំពីអង្គហេតុពិតប្រាកដទេ។ វាអយុត្តិធម៌ណាស់សម្រាប់កូនក្តីរបស់ខ្ញុំ"។
លោក ស៊ុន ប៊ុណ្ណារិទ្ធ បានមានប្រសាសន៍ថា លោកនឹងពិចារណាជំហានបន្ទាប់ នៅពេលទទួលបានសេចក្តីសម្រេចផ្លូវការពីតុលាការកំពូល។ លោកបានបន្ថែមថា លោកមិនដឹងថា កូនក្តីរបស់លោកកំពុងលាក់ខ្លួននៅទីណាទេ។ លោកបានបន្តថា "ខ្ញុំមិនដឹងថា គាត់នៅទីណាទេ បើខ្ញុំដឹងខ្ញុំទូរស័ព្ទហៅគាត់ឲ្យចូលរួមការកាត់ក្តីនេះបាត់ទៅហើយ"។
កម្មការិនី នុត សាខន អាយុ២៥ឆ្នាំ ដែលក្នុងចំណោមកម្មការិនី រងការបាញ់ប្រហារពីលោក ឈូក បណ្ឌិត បាននិយាយបន្ទាប់ពីតុលាការកំពូលចេញសេចក្តីសម្រេចកាលពីថ្ងៃសុក្រថា បុរសដែលបាញ់នាងមួយគ្រាប់ពីក្រោយខ្នង បានគេចរួចពីពន្ធនាការដោយសារតែគាត់មានខ្នងបង្អែកក្រាស់។
នាងនិយាយទៀតថា "ខ្ញុំគិតថា លោក ឈូក បណ្ឌិត មានអ្នកមានអំណាចនៅពីក្រោយគាត់។ ពួកគេឲ្យគាត់នៅក្រៅពន្ធនាគារ។ បើគាត់ជាមនុស្សធម្មតា ម្លេ៉ះគាត់ត្រូវចាប់ខ្លួនជាយូរមកហើយ"។
កម្មការិនី កែវ នី អាយុ២២ឆ្នាំ ជាជនរងគ្រោះម្នាក់ទៀតបាននិយាយបន្ទាប់ពីតុលាការកំពូលចេញសេចក្តីសម្រេចនេះថា នៅក្នុងប្រទេសកម្ពុជាគ្មានតុលាការណាមួយអាចផ្តល់យុត្តិធម៌ដល់នាង និងជនរងគ្រោះជាមួយនាងបានឡើយ។ នាងនិយាយថា "ពីតុលាការខេត្តស្វាយវៀង មកដល់សាលាឧទ្ធរណ៍ និងរហូតដល់តុលាការកំពូល នៅតែគ្មានយុត្តិធម៌សម្រាប់យើង។ ដូច្នេះខ្ញុំអស់សង្ឃឹមហើយ ពីព្រោះយើងគឺជាអ្នកក្រ"។
នាង កែវ នី និយាយបន្តថា ជិតបីឆ្នាំបន្ទាប់ពីហេតុការណ៍បាញ់ប្រហារនោះ និងក្រោយពីប្រើគ្រប់មធ្យោបាយផ្លូវច្បាប់ នាងនៅតែភ័យខ្លាចចំពោះបុរសដែលបានបាញ់ប្រហារនាង។ នាងនិយាយថា "យើងភ័យខ្លាចលោក ឈូក បណ្ឌិត មកសងសឹកយើង"៕សុខុម
គណបក្សប្រជាជនកម្ពុជា និងគណបក្សសង្គ្រោះជាតិ បានជាប់គាំងជាថ្មីម្តងទៀតនៅក្នុងការចរចារបស់ខ្លួនជុំវិញច្បាប់ស្តីពីការបោះឆ្នោតដែលត្រូវបានពិនិត្យផ្ទៀងផ្ទាត់កាលពីថ្ងៃសុក្រ នៅពេលគណបក្សទាំងពីរមិនយល់ស្របគ្នាលើរបៀបចុះឈ្មោះអ្នកបោះឆ្នោតដើម្បីបោះឆ្នោតនាពេលអនាគត។
នៅក្នុងជំនួបចរចាមួយរបស់ក្រុមការងារដែលមានពីរគណបក្សចូលរួមនៅរដ្ឋសភា គណបក្សប្រជាជនកម្ពុជា បានស្នើឡើងថា អ្នកបោះឆ្នោតគួរតែប្រើប្រាស់អត្តសញ្ញាណប័ណ្ណដែលរដ្ឋាភិបាលចេញឲ្យនៅតាមការិយាល័យបោះឆ្នោត ចំណែកឯគណបក្សសង្គ្រោះជាតិបានជំរុញឲ្យគណៈកម្មាធិការជាតិរៀបចំការបោះឆ្នោត (គ.ជ.ប.) ធ្វើជាអ្នកចេញប័ណ្ណកំណត់អត្តសញ្ញាណដល់អ្នកបោះឆ្នោត។
លោក គួយ ប៊ុនរឿន ប្រធានគណៈប្រតិភូរបស់គណបក្សសង្គ្រោះជាតិនៅក្នុងការចរចាេនះបានមានប្រសាសន៍ថា គណបក្សប្រឆាំងចង់ឃើញការវិលទៅរកប្រព័ន្ធចុះឈ្មោះតាមបែកមជ្ឈការ ដែលធ្លាប់បានប្រើប្រាស់អំឡុងការបោះឆ្នោតឆ្នាំ១៩៩៣ ដែលទទួលបានការឧបត្ថម្ភពីអង្គការសហប្រជាជាតិ។
លោកបានមានប្រសាសន៍ថា "យើងបានស្នើសុំការព្រមព្រៀងរួមគ្នាដែលចែងថា អ្នកបោះឆ្នោតទាំងអស់ដែលមានឈ្មោះបោះឆ្នោតនៅក្នុងបញ្ជីបោះឆ្នោត ត្រូវទទួលប័ណ្ណបោះឆ្នោតចេញដោយ គ.ជ.ប.”។
តែទោះជាយ៉ាងណា ឧបនាយករដ្ឋមន្ត្រី ប៊ិន ឈិន និងជាអ្នកដឹកនាំក្រុមចរចាសម្រាប់គណបក្សកាន់អំណាច បានមានប្រសាសន៍ថា គណបក្សប្រជាជនកម្ពុជាជឿថា អត្តសញ្ញាណប័ណ្ណដែលចេញដោយក្រសួងមហាផ្ទៃ គឺជាភ័ស្តុតាងបញ្ជាក់អត្តសញ្ញាណគ្រប់គ្រាន់នៅថ្ងៃបោះឆ្នោតមកដល់។
លោកបានមានប្រសាសន៍ថា "សម្រាប់មាត្រានេះ យើងមិនយល់ស្របទេ។ ពួកគេចង់ចេញប័ណ្ណបោះឆ្នោតប្រភេទផ្សេងៗដូចដែលយើងធ្លាប់បានធ្វើអំឡុងសម័យអ៊ុនតាក់ នៅពេលពួកគេចេញទៅចុះឈ្មោះ ហើយមិនបានប្រើប្រាស់អត្តសញ្ញាណប័ណ្ណទេ។ ប័ណ្ណបោះឆ្នោតគ្រាន់តែថតចម្លងព័ត៌មានទាំងអស់ចេញពីអត្តសញ្ញាណប័ណ្ណប៉ុណ្ណោះ ដូច្នេះវាអាចបណ្តាលឲ្យសរសេរឈ្មោះខុស ហើយពេលនោះប្រជាពលរដ្ឋនឹងមិនអាចបោះឆ្នោតបានទេដោយសារឈ្មោះរបស់គាត់ខុស"។
ប៉ុន្តែលោក គួយ ប៊ុនរឿន បានមានប្រសាសន៍ថា នៅក្នុងប្រទេស មានប្រជាពលរដ្ឋច្រើនណាស់ដែលមិនទាន់មានអត្តសញ្ញាណប័ណ្ណនៅឡើយ ដោយសារតែការិយាធិបតេយ្យដ៏យឺតយ៉ាវ។
លោកបានមានប្រសាសន៍អំពីសំណើរបស់គណបក្សប្រជាជនកម្ពុជាថា "ប្រសិនបើក្រសួងមានសមត្ថកិច្ចជំរុញឲ្យពលរដ្ឋខ្មែរគ្រប់រូបដែលគ្រប់អាយុបោះឆ្នោត មានអត្តសញ្ញាណប័ណ្ណគ្រប់ៗគ្នា នោះយើងនឹងពិចារណាអំពីវា។ ប៉ុន្តែ រហូតមកទល់ពេលេនះប្រជាពលរដ្ឋជាច្រើនត្អួញត្អែរអំពីការលំបាកក្នុងការធ្វើអត្តសញ្ញាណប័ណ្ណ"៕សុខុម
តុលាការបដិសេធការសុំនៅក្រៅឃុំរបស់សកម្មជនបក្សប្រឆាំងជាថ្មីម្តងទៀត
ជាថ្មីម្តងទៀត តុលាការក្រុងភ្នំពេញបានបដិសេធការសុំនៅក្រៅឃុំរបស់សកម្មជននិងមន្ត្រីគណបក្សប្រឆាំងប្រាំនាក់ ដែលជាប់ពន្ធនាគារពីបទចូលរួម"កុបកម្ម" ជាច្រើនខែ តាំងពីកើតមានអំពើហិង្សាពីការតវ៉ាថ្ងៃទី១៥ខែកក្កដាក្នុងក្រុងភ្នំពេញ។
នៅដើមខែនេះ តុលាការបានចេញដីកាកោះហៅសមាជិកប្រាំនាក់របស់គណបក្សសង្គ្រោះជាតិឲ្យបង្ហាញមុខនៅតុលាការ សម្រាប់សវនាការទាក់ទិននឹងកុបកម្ម ដែលបានកើតឡើងក្នុងការតវ៉ាដឹកនាំដោយបក្សប្រឆាំងនៅជិតទីលានប្រជាធិបតេយ្យ។
សមាជិកទាំងប្រាំនាក់ មានទាំងមន្ត្រីជាន់ខ្ពស់គណបក្សប្រឆាំង...
រដ្ឋមន្ត្រីក្រសួងសង្គមកិច្ចយល់ព្រមកែលម្អស្ថានភាពនៅមណ្ឌលឃុំឃាំងព្រៃស្ពឺ
បន្ទាប់ពីត្រូវក្រុមតំណាងរាស្ត្រចោទសួរនៅឯរដ្ឋសភាកាលពីម្សិលមិញ លោក វង សូត្រ រដ្ឋមន្ត្រីក្រសួងសង្គមកិច្ចបានយល់ព្រមបង្កើនថវិការបបអាហារប្រចាំថ្ងៃសម្រាប់អ្នកជាប់ឃុំនៅមណ្ឌលបណ្ដុះបណ្ដាលវិជ្ជាជីវៈក្នុងខណ្ឌពោធិ៍សែនជ័យ រាជធានីភ្នំពេញ និងធ្វើការកែលម្អចំណុចផ្សេងៗទៀត ប៉ុន្តែភាគច្រើនមិនបានផ្ដល់សេចក្ដីលម្អិតច្បាស់លាស់ទេ។
លោក វង...
សមត្ថកិច្ចស្វែងរកចាប់អ្នកនេសាទវៀតណាមពីបទរំលោភនិងធ្វើឃាតក្មេងស្រីអាយុ១០ឆ្នាំ
ប៉ូលិសនៅខេត្តពោធិ៍សាត់បាននិយាយកាលពីថ្ងៃព្រហស្បតិ៍ថា ពួកគេបានកំណត់អត្តសញ្ញាណអ្នកនេសាទវៀតណាមបីនាក់ជាជនសង្ស័យសំខាន់ក្នុងការចាប់រំលោភនិងធ្វើឃាតក្មេងស្រីអាយុ១០ឆ្នាំម្នាក់កាលពីដើមខែនេះនៅស្រុកក្រគរ។ អ្នកទាំងបីស្ថិតនៅក្រៅឃុំនៅឡើយ។
កាលពីថ្ងៃទី១៦ខែធ្នូ ពីរថ្ងៃបន្ទាប់ពីក្មេងស្រីនេះបាត់ខ្លួន អ្នកភូមិមួយក្រុមបានប្រទះឃើញសពរបស់នាងអណ្តែតក្នុងបឹងទន្លេសាបនៅឃុំអន្សាចំបក់។ បន្ទាប់ពីពិនិត្យសពក្មេងស្រីនេះរួច ប៉ូលិសបានកំណត់ថា ក្មេងស្រីនេះត្រូវបានគេរំលោភនិងសម្លាប់ចោល។
ស្នងការរងខេត្តលោក កែវ...
កងរក្សាសន្តិភាពត្រឡប់ពីបំពេញបេសកកម្មនៅក្នុងប្រទេសលីបង់
មុនពិធីកាលពីម្សិលមិញនៅមូលដ្ឋានទ័ពអាកាសក្នុងរាជធានីភ្នំពេញ ដើម្បីស្វាគមន៍កងរក្សាសន្តិភាពជិត២០០នាក់ ដែលត្រឡប់មកដល់ប្រទេសកម្ពុជាវិញកាលពីយប់ថ្ងៃពុធ បន្ទាប់ពីបំពេញបេសកកម្មអស់រយៈពេលប្រហែល១ឆ្នាំនៅក្នុងប្រទេសលីបង់ មេបញ្ជាការអង្គភាពដែលបញ្ជូនកងរក្សាសន្តិភាពទៅបំពេញបេសកកម្មនេះបានរៀបរាប់ថា ប្រទេសលីបង់ជាប៉ុស្តិ៍ "ដ៏ល្អបំផុតមួយ"។
ដោយកងរក្សាសន្តិភាពកម្ពុជាបានទៅបំពេញបេសកកម្មនៅក្នុងប្រទេសមួយចំនួន រួួមមានដូចជា ប្រទេសម៉ាលី...
កាលពីម្សិលមិញ សាលាដំបូងរាជធានីភ្នំពេញ បានផ្ដន្ទាទោសបុរសបីនាក់ ដោយមានពីរនាក់ត្រូវផ្ដន្ទាទោសកំបាំងមុខនោះឲ្យជាប់ពន្ធនាគារអស់មួយជីវិត ពីបទប្រព្រឹត្តអំពើមនុស្សឃាតដ៏ព្រៃផ្សៃលើស្ត្រីអ្នកជំនួញជនជាតិចិនម្នាក់កាលពីថ្ងៃទី២ ខែឧសភា នៅក្នុងផ្ទះរបស់គាត់ដែលជារោងចក្រផលិតមួកតូចមួយក្នុងខណ្ឌពោធិ៍សែនជ័យ។
អំឡុងពេលបើកសវនាការកាលពីថ្ងៃច័ន្ទ សយ ហួង...