CATEGORY
ព័ត៌មានជាតិ
ឧកញ៉ាលេចធ្លោម្នាក់ត្រូវបាញ់សម្លាប់ក្នុងហេតុការណ៍តាមបាញ់ប្រហារមួយ
យោងតាមនគរបាលបានឲ្យដឹងថា អ្នកជំនួញដ៏លេចធ្លោម្នាក់នៅក្នុងរាជធានីភ្នំពេញ បានស្លាប់បន្ទាប់ពីខ្មាន់កាំភ្លើងមិនស្គាល់អត្តសញ្ញាណម្នាក់បាញ់ត្រូវចំនួនប្រាំមួយគ្រាប់នៅខាងក្រៅហាងលក់ផ្លែឈើមួយក្នុងខណ្ឌចំមន កាលពីថ្ងៃសៅរ៍។
នគរបាលបានឲ្យដឹងថា លោកឧកញ៉ា អុឹង ម៉េងជឺ អាយុ៥៣ឆ្នាំ ម្ចាស់ក្រុមហ៊ុនផ្គត់ផ្គង់សម្ភារសំណង់ទើបតែចុះពីរថយន្តម៉ាក...
លោក ហ៊ុន សែន បកស្រាយចំពោះកិច្ចព្រមព្រៀងទទួលជនភៀសខ្លួនជាមួយអូស្ត្រាលី
ជាថ្មីម្ដងទៀត លោកនាយករដ្ឋមន្ត្រី ហ៊ុន សែន បាននិយាយការពារសេចក្ដីសម្រេចរបស់រដ្ឋាភិបាលក្នុងការតាំងទីលំនៅថ្មីដល់អ្នកស្វែងរកសិទ្ធិជ្រកកោន ដែលត្រូវបានស្ទាក់ចាប់ដោយអាជ្ញាធរអូស្ត្រាលី ហើយបានឃុំខ្លួននៅលើប្រទេសដែនកោះណូរូ នៅពេលនេះនៅក្នុងលិខិតមួយច្បាប់ផ្ញើជូនលោក ហេង...
វាមានរយៈពេលបួនឆ្នាំហើយគិតមកទល់ពេលនេះ ដែលជនរងគ្រោះចំនួន៣៥៣នាក់ ដែលភាគច្រើនជាបុរស និងស្ត្រីវ័យក្មេងបានស្លាប់នៅថ្ងៃផ្តាច់ព្រ័ត្រនៃពិធីបុណ្យអុំទូក ដោយសារការផ្អើលរត់ជាន់គ្នាលើស្ពានដ៏តូចចង្អៀតមួយឆ្លងទៅកោះពេជ្រ។
ខួបរំឭកហេតុការណ៍សោកនាដកម្មដែលរដ្ឋាភិបាលបាននិយាយថា ជាគ្រោះថ្នាក់បាត់បង់ជីវិតមនុស្សច្រើនបំផុតក្នុងពេលតែមួយចាប់តាំងពីរបបខ្មែរក្រហមដួលរលំមកនេះ ត្រូវបានប្រារព្ធឡើងកាលពីថ្ងៃសុក្រ ដោយមន្ត្រីគណបក្សសង្គ្រោះជាតិ ក្រុមគ្រួសារជនរងគ្រោះ និងព្រះសង្ឃដែលបានជួបជុំគ្នានៅស្តូបរំឭកវិញ្ញាណក្ខន្ធកោះពេជ្រដើម្បីធ្វើពិធីបង្សុកូលឧទ្ទិសដល់អ្នកស្លាប់។
ចំណែកឯសាលារាជធានីគ្រោងរៀបចំជាវិធីរំឭកវិញ្ញាណក្ខន្ធដាច់ដោយឡែកមួយនៅថ្ងៃសៅរ៍នេះ។
លោកស្រី មូរ សុខហួរ តំណាងរាស្ត្រគណបក្សសង្គ្រោះជាតិ ដែលបានចូលរួមក្នុងពិធីកាលពីថ្ងៃសុក្រ ជាមួយលោក សម រង្ស៊ី ប្រធានគណបក្សនេះ បានមានប្រសាសន៍បន្ទាប់ពីពិធីនេះថា "យើងបានឧទ្ទិសដល់ហេតុការណ៍សោកនាដកម្មនៃការរត់ជាន់លើបុរស ស្ត្រី និងកុមារជាង៣០០នាក់ ដែលបានបាត់បង់ជីវិត ជារឿងដែលយើងអាចទប់ស្កាត់បាន ហើយរហូតមកទល់ពេលនេះ ការសើុបអង្កេតមិនទាន់រកបានចម្លើយដែលយើងអាចទទួលយកបាននៅឡើយទេ"។
អាជ្ញាធរបានរងការចោទប្រកាន់ថាមានការធ្វេសប្រហែសក្រោយពីសោកនាដកម្មនេះចំពោះការមិនបានគ្រប់គ្រងហ្វូងមនុស្សយ៉ាងច្រើនកកកុញដែលនាំគ្នាសម្រុកទៅកោះពេជ្រនៅយប់នោះ។ ទោះជាយ៉ាងណា ការសើុបអង្កេតមួយដែលរដ្ឋាភិបាលចេញបញ្ជា បានរកឃើញថា ការរត់ជាន់គ្នានោះបង្កឡើងដោយការភ័យស្លន់ស្លោថា ស្ពានជិតបាក់ ហើយចាប់តាំងពីពេលនោះមកគ្មាននរណាម្នាក់ត្រូវបានចាប់ឲ្យទទួលខុសត្រូវចំពោះសោកនាដកម្មនោះឡើយ។
នៅទីបំផុត សាលារាជធានីបានវាយកម្ទេចស្ពាននោះចោល ហើយបានសាងសង់ស្ពានបេតុងដ៏រឹងមាំចំនួនពីរជំនួសស្ពានចាស់។ ប៉ុន្តែ ការព្យាយាមរបស់តំណាងរាស្ត្រគណបក្សប្រឆាំង ដើម្បីចាប់ផ្តើមធ្វើការសើុបអង្កេតឯករាជ្យជាលើកទី២ក្នុងបំណងស្វែងរកឫសគល់ដែលនាំឲ្យមានការរត់ជាន់គ្នានោះ ត្រូវបានគណបក្សកាន់អំណាចច្រានចោល។
អ្នកស្រី សោម សុភាព អាយុ៤៦ឆ្នាំដែលបានបាត់បង់ជីវិតកូនប្រុសអាយុ១៩ឆ្នាំឈ្មោះ ចាន់ សុវណ្ណរិទ្ធ នៅក្នុងហេតុការណ៍រត់ជាន់គ្នានោះ និងដែលមានគម្រោងចូលរួមពិធីនៅថ្ងៃនេះ បាននិយាយថា ចាប់តាំងពីទទួលបានសំណង១៤.០០០ដុល្លារ ចំពោះការបាត់បង់ជីវិតកូនប្រុសរួចមក អ្នកស្រីទទួលបានព័ត៌មានតិចតួចណាស់ពីអាជ្ញាធរ។
អ្នកស្រីនិយាយថា "ខ្ញុំបារម្ភថា ពួកគេនឹងបំភ្លេចវាចោល ហើយខ្ញុំចង់ឲ្យធ្វើពិធីនេះរហូត"។ អ្នកស្រីលើកឡើងទៀតថា រៀងរាល់ខែវិច្ឆិកា គឺជាពេលកើតទុក្ខក្រៀមក្រំសម្រាប់អ្នកស្រី ដោយសារតែអ្នកស្រីនឹកឃើញដល់កូនប្រុសច្បងរបស់ខ្លួន។ អ្នកស្រីបាននិយាយថា "ពេលខ្ញុំចេញពីធ្វើការត្រឡប់មកដល់ផ្ទះវិញ ហើយសម្លឹងទៅគ្រែ ខ្ញុំស្រមៃឃើញគេកំពុងអង្គុយរង់ចាំខ្ញុំ។ បើគេនៅរស់ គេនឹងមានអាយុជាង២០ឆ្នាំ ហើយប្រហែលជាមានសង្សារច្រើន ឬប្រហែលជាខ្ញុំមានកូនប្រសាផងក៏មិនដឹង"។
លោក ខាត់ ឆន អាយុ៥៣ឆ្នាំ ដែលកូនប្រុសវ័យ១២ឆ្នាំរបស់គាត់ឈ្មោះ ឆិល ឆាត បានស្លាប់ក្នុងហេតុការណ៍នោះ ក៏មានគម្រោងចូលរួមក្នុងពិធីនៅថ្ងៃនេះដែរ។ គាត់និយាយថា មានរបស់មួយចំនួនដែលធ្វើឲ្យគាត់ឈឺចាប់ពេលសម្លឹងមើលវា ហើយការសម្លឹងមើលក្មេងដទៃធំដឹងក្តី ធ្វើឲ្យគាត់នឹកឃើញដល់កូនប្រុសរបស់ខ្លួន។
គាត់បាននិយាយទៀតថា "ពេលខ្ញុំឃើញកង់របស់វា សៀវភៅរបស់វា និងអ្វីៗដែលកូនប្រុសរបស់ខ្ញុំធ្លាប់លេង ទឹកភ្នែករបស់ខ្ញុំក៏ស្រក់ចុះដោយមិនដឹងខ្លួន។ ខ្ញុំបានរក្សាទុកអ្វីគ្រប់យ៉ាងដែលជារបស់កូនប្រុសខ្ញុំ ខ្ញុំនឹងមិនលក់វាទេ"៕សុខុម (រាយការណ៍បន្ថែមដោយ Holly Robertson)
ជនភៀសខ្លួននៅប្រទេសកម្ពុជាកំពុងប្រឈមនឹងស្ថានភាពរស់នៅដ៏លំបាក
យោងតាមការសើុបអង្កេតមួយធ្វើឡើងដោយអង្គការសិទ្ធិមនុស្ស Human Rights Watch បានឲ្យដឹងថា ការរំលោភបំពាន ការរើសអើង និងការគំរាមកំហែងកំពុងរង់ចាំជនភៀសខ្លួនដែលត្រូវបញ្ជូនពីប្រទេសកោះណូរូមកប្រទេសកម្ពុជាក្រោមកិច្ចព្រមព្រៀងមានទឹកប្រាក់៣៥លានដុល្លារ ដែលចុះហត្ថលេខាដោយលោក ស ខេង រដ្ឋមន្ត្រីក្រសួងមហាផ្ទៃកាលពីខែកញ្ញា ដើម្បីទទួលយកជនស្វែងរកសិទ្ធិជ្រកកោនពីប្រទេសអូស្ត្រាលី។
ក្នុងការសម្ភាសជាបន្តបន្ទាប់ ដែលធ្វើឡើងកាលពីសប្តាហ៍មុន ជនភៀសខ្លួន១០នាក់ដែលសព្វថ្ងៃកំពុងរស់នៅក្នុងប្រទេសកម្ពុជា បានប្រាប់អង្គការតស៊ូមតិនេះថា ពួកគេពិបាករកការងារធ្វើ ត្រូវគេបដិសេធមិនឲ្យចូលរៀន និងទទួលការព្យាបាលសុខភាពគ្មានស្តង់ដារ។
ជនភៀសខ្លួនម្នាក់ ដែលសុំមិនប្រាប់ឈ្មោះ បានឲ្យដឹងក្នុងរបាយការណ៍អង្គការសិទ្ធិមនុស្សនេះ "យើងរស់នៅទីនេះជាងពីរឆ្នាំមកហើយ ហើយយើងមិនមានប្រាក់ និងគ្មានអ្វីហូបគ្រប់គ្រាន់ទេ"។
ជនភៀសខ្លួនរូបនេះបាននិយាយទុកជាសារមួយផ្តាំផ្ញើទៅអ្នកទាំងឡាយ ដែលកំពុងត្រូវប្រទេសអូស្ត្រាលីបំពេញបែបបទឲ្យថា "នេះជាប្រទេសពុករលួយ។ អ្នករកការធ្វើមិនបានទេ។ រង់ចាំនៅប្រទេសណូរូប្រសើរជាង។ ការរស់នៅអន់ណាស់ក្នុងប្រទេសកម្ពុជា។ គ្មានអនាគតទេ។ យើងអាចរស់រានមានជីវិតមែន ប៉ុន្តែ បានតែប៉ុណ្ណឹងទេ"។
យោងតាមរបាយការណ៍ចេញកាលពីថ្ងៃសុក្រឲ្យដឹងថា ការលំបាកជាច្រើនចំពោះមុខជនស្វែងរកសិទ្ធិជ្រកកោន គឺជាលទ្ធផលផ្ទាល់នៃការខកខានរបស់រដ្ឋាភិបាលមិនផ្តល់ឲ្យពួកគេនូវប័ណ្ណស្នាក់នៅ ឬឯកសារសញ្ជាតិ ទុកឲ្យពួកគេមិនអាចធ្វើកិច្ចការដូចជា ការបើកគណនីធនាគារ ឬទិញស៊ីមកាតទូរស័ព្ទបានឡើយ។
ជនភៀសខ្លួនម្នាក់ទៀត ដែលសុំមិនប្រាប់ឈ្មោះដែរបាននិយាយថា "ខ្ញុំបានព្យាយាមរកការងារធ្វើជាកម្មករនៅសណ្ឋាគារ និងភោជនីយដ្ឋាន ប៉ុន្តែ គ្មាននរណាជួលខ្ញុំទេ ដោយសារខ្ញុំមិនមានឯកសារត្រឹមត្រូវ"។
នៅក្នុងចំណាត់ការដ៏ចម្រូងចម្រាសមួយ ប្រទេសទាំងពីរបានចុះអនុស្សរណៈនៃការយោគយល់មួយកាលពីខែកញ្ញា ដែលមានខ្លឹមសារថា ជនភៀសខ្លួនមួយចំនួនដែលស្វែងរកសិទ្ធិជ្រកកោននៅប្រទេសអូស្ត្រាលី នឹងត្រូវគេបញ្ជូនមកប្រទេសកម្ពុជាជាជំនួសវិញប៉ុន្តែផ្អែកលើការស្ម័គ្រចិត្តតែប៉ុណ្ណោះ។
ទោះជាមានការអះអាងនៅពេលនោះថា ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) នឹងជួយអនុវត្តកិច្ចព្រមព្រៀង ដែលរួមបញ្ចូលទឹកប្រាក់៣៥លានដុល្លារបន្ថែមជាជំនួយអភិវឌ្ឍន៍ពីប្រទេសអូស្ត្រាលីសម្រាប់រយៈពេលបួនឆ្នាំក្តី ក៏ UNHCR បានបដិសេធថាមិនជាប់ពាក់ព័ន្ធក្នុងកិច្ចព្រមព្រៀងនេះទេ ផ្ទុយទៅវិញបានហៅកិច្ចព្រមព្រៀងនេះថា "ជាការគួរឲ្យព្រួយបារម្ភខ្លាំង"។
អង្គការសិទ្ធិមនុស្ស HRW បានលើកឡើងក្នុងរបាយការណ៍របស់ខ្លួនថា ជនភៀសខ្លួន៦៣នាក់ដែលនៅក្នុងប្រទេសកម្ពុជាស្រាប់ កំពុងរស់នៅក្នុងស្ថានភាពគ្រោះថ្នាក់បំផុត។
អ្នកស្រី Elaine Pearson នាយិកាអង្គការសិទ្ធិមនុស្ស...
លោក សម រង្ស៊ី ប្រធានគណបក្សសង្គ្រោះជាតិបានមានប្រសាសន៍កាលពីថ្ងៃសុក្រថា គណបក្សលោកនឹងព្យាយាមជួយដោះលែងលោក មាជ សុវណ្ណារ៉ា មន្ត្រីគណបក្សនេះដែលកំពុងជាប់ពន្ធនាគារ តាមរយៈការដំឡើងតំណែងលោកឲ្យក្លាយជាតំណាងរាស្ត្រដើម្បីឲ្យលោកទទួលបានអភ័យឯកសិទ្ធិសភា។
លោក មាជ សុវណ្ណារ៉ា ដែលជាប្រធាននាយកដ្ឋានព័ត៌មានរបស់គណបក្សសង្គ្រោះជាតិត្រូវបានចាប់ខ្លួននៅក្នុងរាជធានីភ្នំពេញកាលពីថ្ងៃទី១១ ខែវិច្ឆិកា តាមដីកាឃាត់ខ្លួនរបស់តុលាការពីបទ "ចូលរួមកុបកម្ម" ជាបទចោទប្រកាន់មួយដែលពាក់ព័ន្ធនឹងហេតុការណ៍ប៉ះទង្គិចហិង្សាអំឡុងពេលតវ៉ាមួយនៅជិតទីលានប្រជាធិបតេយ្យកាលពីថ្ងៃទី១៥ ខែកក្កដា។
លោក សម រង្ស៊ី បានមានប្រសាសន៍ថា "យើងនឹងរៀបចំឲ្យលោក មាជ សុវណ្ណារ៉ា ទទួលយកមុខតំណែងជាសមាជិកសភា ពីព្រោះពេលនេះគាត់មិនទាន់ជាប់ឆ្នោតនៅឡើយទេ ប៉ុន្តែ មានមនុស្សម្នាក់ផ្សេងទៀតដែលគាត់អាចជំនួសបាន"។
ដើម្បីឲ្យលោក មាជ សុវណ្ណារ៉ា អាចក្លាយជាតំណាងរាស្ត្របាន តំណាងរាស្ត្រមួយរូបក្នុងចំណោមតំណាងរាស្ត្រពីររូបរបស់គណបក្សសង្គ្រោះជាតិមកពីខេត្តបន្ទាយមានជ័យ កន្លែងដែលលោក មាជ សុវណ្ណារ៉ា ជាប់ជាបេក្ខជនលេខរៀងទី៣នៅក្នុងការបោះឆ្នោតជ្រើសតាំងតំណាងរាស្ត្រកាលពីឆ្នាំមុន ត្រូវតែលាលែងពីតំណែង។
លោក សម រង្ស៊ី បានមានប្រសាសន៍ថា លោក យន់ ថារ៉ូ ដែលបច្ចុប្បន្នជាសមាជិកសភាទី២នៅក្នុងខេត្តនេះ នឹងត្រូវស្នើឲ្យទទួលយកសំណើនេះ។ លោកមានប្រសាសន៍ទៀតថា "យើងកំពុងចរចាជាមួយគាត់ បញ្ចុះបញ្ចូលឲ្យគាត់ជួយសង្គ្រោះសហសេវិករបស់គាត់ដើម្បីឲ្យយើងអាចរកមុខតំណែងសមរម្យមួយទៀតសម្រាប់តំណាងរាស្ត្ររូបនោះ"។ លោកបានបន្ថែមថា ដំណើរការនេះអាចនឹងត្រូវការពេលវេលាខ្លះ។
ប៉ុន្តែ លោកបានមានប្រសាសន៍ថា ផែនការនេះប្រាកដជាបានផល ដោយលោកបានលើកឡើងពីស្ថានភាពរបស់តំណាងរាស្ត្រប្រាំពីររូបរបស់គណបក្សសង្គ្រោះជាតិ ដែលត្រូវបានចាប់ខ្លួនដែរជុំវិញហេតុការណ៍ប៉ះទង្គិចគ្នាកាលពីថ្ងៃទី១៥ ខែកក្កដា និងដែលត្រូវបានដោះលែងវិញ បន្ទាប់ពីលោកបានចុះកិច្ចព្រមព្រៀងមួយកាលពីថ្ងៃទី២២ ខែកក្កដា ជាមួយលោកនាយករដ្ឋមន្ត្រី ហ៊ុន សែន ដើម្បីបញ្ចប់ការធ្វើពហិការមិនចូលសភារបស់គណបក្សប្រឆាំង។
លោកបានមានប្រសាសន៍ទៀតថា "នេះគឺជាច្បាប់ ជាវិធានដែល ទទួលស្គាល់ រដ្ឋសភា និងរដ្ឋាភិបាលក៏ទទួលស្គាល់ នៅពេលយើងមានអភ័យឯកសិទ្ធិពាក់ព័ន្ធមុខតំណែងរបស់តំណាងរាស្ត្រយើង ពេលនោះដំណើរការរបស់តុលាការត្រូវតែបញ្ឈប់។ បើតំណាងរាស្ត្ររូបនោះជាប់ពន្ធនាគារ ត្រូវតែដោះលែងរូបគាត់វិញ"។
នៅក្នុងសុន្ទរកថាមួយកាលពីថ្ងៃព្រហស្បតិ៍លោក ហ៊ុន សែន បានមានប្រសាសន៍ថា "កិច្ចព្រមព្រៀងកាលពីថ្ងៃទី២២ ខែកក្កដា មិនបានបញ្ចប់រឿងក្តីនៅតុលាការទេ" ហើយមានប្រសាសន៍ថា តំណាងរាស្ត្រទាំងនោះនឹងត្រូវនាំខ្លួនមកកាត់ទោស ពេលអស់អភ័យឯកសិទ្ធិ"។
លោក សុខ សំអឿន មេធាវីការពារសិទ្ធិមនុស្សដ៏លេចធ្លោមួយរូប បានមានប្រសាសន៍ថា តាមផ្លូវច្បាប់ ផែនការរបស់គណបក្សប្រឆាំងគួរតែអាចទៅរួច។សំដៅដល់ប្រភេទបទល្មើសដែលអាចដកអភ័យឯកសិទ្ធិតំណាងរាស្ត្របាន លោកបានមានប្រសាសន៍ថា "ខ្ញុំគិតថា ពួកគាត់អាចធ្វើបែបនោះបាន ពីព្រោះនេះមិនមែនជាបទឧក្រិដ្ឋ ហើយក៏មិនមែនជាបទល្មើសជាក់ស្តែង"។
ទោះជាយ៉ាងណា លោក ព្រុំ សុខា រដ្ឋលេខាធិការក្រសួងមហាផ្ទៃ ដែលជាបុគ្គលដ៏សំខាន់នៅក្នុងការចរចានយោបាយជាមួយគណបក្សសង្គ្រោះជាតិក្នុងរយៈពេលមួយឆ្នាំមកនេះ បានមានប្រសាសន៍ថា វាឆាប់រហ័សពេកដូច្នេះមិនអាចនិយាយបានថា តើចំណាត់ការនេះនឹងឈានដល់ការដោះលែងលោក មាជ សុវណ្ណារ៉ា ឬយ៉ាងណាទេ ។ លោកបានមានប្រសាសន៍បន្តថា "វាឆាប់រហ័សពេកក្នុងការនិយាយអំពីបញ្ហានេះ"៕សុខុម
អគ្គិសនីកម្ពុជាថាគ្មានថាមពលពីទំនប់វារីអគ្គិសនីខេត្តកោះកុងបានបាត់បង់ទេ
អគ្គិសនីកម្ពុជាបានចេញសេចក្តីប្រកាសព័ត៌មានមួយកាលពីថ្ងៃព្រហស្បតិ៍ ដោយបដិសេធការអះអាងដែលថា អគ្គិសនីដែលផលិតបានដោយទំនប់វារីអគ្គិសនីស្ទឹងតាតៃកម្លាំង២៤៦មេហ្គាវ៉ាត់ក្នុងខេត្តកោះកុងមិនទាន់បានប្រើប្រាស់ ហើយបានអះអាងថា គម្រោងនេះកំពុងស្ថិតក្នុង"ដំណាក់កាលសាកល្បង"។
សេចក្តីប្រកាសព័ត៌មានចេញដោយអគ្គិសនីកម្ពុជា (EdC) ផ្ទុយពីការអះអាងធ្វើឡើងដោយលោក អិុត...
នគរបាលអាំងទែប៉ូលជួយតាមប្រមាញ់ចោរបរទេសលួចបំណែកសរីរាង្គមនុស្ស
មន្ត្រីមួយរូបនៅការិយាល័យអាំងទែប៉ូលរបស់កម្ពុជា បានបញ្ជាក់កាលពីម្សិលមិញថា អាជ្ញាធរថៃ បានទាក់ទងមកការិយាល័យរបស់លោកដើម្បីសុំជំនួយតាមស្វែងរកជនជាតិអាមេរិកពីរនាក់ ដែលជាប់ចោទថាបានប៉ុនប៉ងដឹកជញ្ជូនបំណែកសរីរាង្គមនុស្ស ដែលពួកគេបានលួចពីក្រុងបាងកក ឆ្ពោះទៅប្រទេសកំណើតរបស់ពួកគេ។
លោក លីម សុខារស្មី...
បន្ទាប់ពីការចរចាដ៏តានតឹងរាប់ខែ ដែលទីបំផុតធ្វើឲ្យក្រសួងការងារបានកំណត់ប្រាក់ខែគោលនៅក្នុងវិស័យកាត់ដេរត្រឹម១២៨ដុល្លារកាលពីសប្តាហ៍មុនរួចមក ឥឡូវនេះមានលេចឡើងនូវការពិភាក្សាដេញដោលទាក់ទិននឹងបញ្ហាថា តើកម្មករកាត់ដេរនឹងទទួលបានប្រាក់ខែទាំងអស់ប៉ុន្មាននៅចុងខែនីមួយៗបន្ទាប់ពីមានការដំឡើងប្រាក់ខែនេះរួច។
ប្រាក់ខែគោលសម្រាប់កម្មករនៅក្នុងវិស័យកាត់ដេរ ដែលជាវិស័យដ៏សំខាន់នៅក្នុងប្រទេសកម្ពុជានឹងត្រូវបានដំឡើង២៨ភាគរយពីលើប្រាក់ខែបច្ចុប្បន្ន១០០ដុល្លារ ចាប់ពីថ្ងៃទី១ ខែមករាឆ្នាំក្រោយទៅ។ ប៉ុន្តែ វាមានការប៉ាន់ប្រមាណផ្សេងៗគ្នាលើប្រាក់ខែជាមធ្យមរបស់កម្មករដែលរួមទាំងប្រាក់បន្ថែមម៉ោង និងប្រាក់ឧបត្ថម្ភផ្សេងៗផងនោះ ។
នៅក្នុងពេលថ្មីៗនេះ សមាគមរោងចក្រកាត់ដេរនៅកម្ពុជា (GMAC) ដែលជាតំណាងរោងចក្រប្រមាណ៥០០នៅក្នុងប្រទេសកម្ពុជាបានបន្តយុទ្ធនាការប្រឆាំង នឹងការដំឡើងប្រាក់ខែនេះ ដោយចុះផ្សាយតាមកាសែត និងធ្វើការលើកឡើងនៅលើបណ្តាញទំនាក់ទំនងសង្គមទាក់ទិននឹងអ្វីដែលខ្លួនហៅថា ប្រាក់ខែជាមធ្យមពិតប្រាកដ ដែលកម្មករកាត់ដេរទទួលបាន។
GMAC បានអះអាងថា ជាមធ្យមកម្មករនឹងទទួលបានប្រាក់ខែពី២២៥ដុល្លារដល់២៥០ដុល្លារនៅពេលបូករួមទាំងប្រាក់បន្ថែមម៉ោង និងប្រាក់អតីតភាពការងារផងនោះ។
GMAC បានគណនាថា បន្ទាប់ពីបន្ថែមប្រាក់សម្រាប់ការធ្វើដំណើរចំនួនប្រាំពីរដុល្លារ ប្រាក់សម្រាប់ថ្លៃស្នាក់នៅប្រចាំខែ និងលុយព្រីម ១០ដុល្លារ ទៀតនោះ កម្មករនឹងទទួលបានប្រាក់ខែប្រហែល១៤៥ដុល្លារក្នុងមួយខែ។ ហើយនៅមានប្រាក់បន្ថែមម៉ោង២ម៉ោងក្នុងមួយថ្ងៃ និងប្រាក់អតីតភាពការងារបន្ថែមទៀតផងដែរ។
GMAC បានលើកឡើងនៅក្នុងសេចក្តីថ្លែងការណ៍កាលពីថ្ងៃអង្គារថា "សម្រាប់វិស័យឧស្សាហកម្មកាត់ដេរនេះវិញ ប្រាក់ខែគោលថ្មីនេះធ្វើឲ្យប្រទេសកម្ពុជាមានការលំបាកកាន់តែខ្លាំងក្នុងការប្រកួតប្រជែងជាមួយរោងចក្រកាត់ដេរផ្សេងៗទៀតទូទាំងពិភពលោក ដែលអាចនាំចេញសម្លៀកបំពាក់របស់ខ្លួនចេញប្រកបដោយប្រសិទ្ធិភាពនោះ"។
GMAC ក៏បានអំពាវនាវសុំឲ្យមានប្រព័ន្ធអនុគ្រោះពន្ធថ្មីដើម្បីឲ្យវាស្របទៅនឹងការដំឡើងប្រាក់ខែគោលថ្មីនេះជាមួយនឹងការធ្វើឲ្យហេដ្ឋារចនាសម្ព័ន្ធកាន់តែប្រសើរឡើងផងដែរ។
ទោះជាយ៉ាងណា លោកស្រី Jill Tucker អ្នកគ្រប់គ្រងបច្ចេកទេសនៃកម្មវិធីរោងចក្រល្អប្រសើរនៅកម្ពុជារបស់អង្គការពលកម្មអន្តរជាតិ (ILO) បានលើកឡើងថា ការគណនារបស់ GMAC មិនបានពិចារណាលើកត្តាសំខាន់ៗមួយចំនួនឡើយ ហើយរដ្ឋាភិបាលមិនបានបញ្ជាក់ថា ប្រាក់ខែនឹងត្រូវដំឡើងចំនួន២៨ដុល្លារដល់កម្មករទាំងអស់នោះទេ គឺមានន័យថា មានតែកម្មករដែលមានប្រាក់ខែទាបតែប៉ុណ្ណោះ ដែលទំនងជាត្រូវដំឡើងប្រាក់ខែឲ្យនោះ។
លោកស្រីបានមានប្រសាសន៍ថា "ការដំឡើងប្រាក់ខែចុងក្រោយ ពិតជាមានលាយលក្ខណ៍នៅក្នុងប្រកាស ដែលថា កម្មករទាំងអស់នឹងទទួលបានប្រាក់បន្ថែមជាង២០ដុល្លារពិតមែន ប៉ុន្តែ វាមិនត្រូវលាយលក្ខណ៍ត្រង់ចំណុចនេះទេ ហេតុដូច្នេះខ្ញុំគិតថា វាអាស្រ័យលើរោងចក្រក្នុងការធ្វើការសម្រេចដូច្នេះ"។
លោកស្រី Tucker បានលើកឡើងទៀតថា ILO បានគណនាថា ប្រាក់ខែជាមធ្យមក្នុងពេលបច្ចុប្បន្នរបស់កម្មករ គឺ១៦៥ដុល្លារ។ លោកស្រីបានបន្ថែមថា លោកស្រីគិតថា អ្នកបញ្ជាទិញនឹងមិនដកការបញ្ជាទិញរបស់ខ្លួនពីរោងចក្រនៅកម្ពុជានោះទេ បន្ទាប់ពីមានការដំឡើងប្រាក់ខែរួចនោះ។ លោកស្រីបានមានប្រសាសន៍បន្ថែមទៀតថា "រាល់លើកឲ្យតែមានការដំឡើងប្រាក់ខែនៅកម្ពុជា សមាគមរោងចក្រកាត់ដេរនៅកម្ពុជាតែងតែលើកឡើងថា មេឃនឹងរលំ ហើយអ្វីៗនឹងត្រូវចប់។ រហូតមកទល់ពេលនេះមិនទាន់ឃើញទៅជាស្អីទេ ហើយខ្ញុំជឿជាក់ថា លើកនេះក៏អត់មានអ្វីកើតឡើងដែរ"៕ស៊ុយឈាង
នគរបាលស្វែងរកជនសង្ស័យវាយប្រហារដោយទឹកអាស៊ីត
យោងតាមនគរបាលបានឲ្យដឹងថា មនុស្សពីរនាក់ដែលជាប់សង្ស័យថា បានជះទឹកអាស៊ីតដាក់ស្ត្រីម្នាក់ខណៈដែលគាត់កំពុងបញ្ចុកអាហារកូនស្រីរបស់ខ្លួននៅផ្សារទន្លាប់ ស្ថិតក្នុងស្រុកគិរីវង់ ខេត្តតាកែវ កាលពីថ្ងៃពុធនោះ កំពុងរត់គេចខ្លួន។
អ្នកស្រី មួង ស្រីមុំ...
នគរបាលចាប់ខ្លួនបុរសប្រាំបួននាក់ពីបទរំលោភបូកលើស្ត្រីអាយុ២០ឆ្នាំម្នាក់
នគរបាលបានឲ្យដឹងថា បុរសប្រាំបីនាក់ដែលតាមចោទថា បានផ្លាស់ប្តូរគ្នារំលោភស្ត្រីអាយុ២០ឆ្នាំម្នាក់នៅក្នុងព្រៃមួយក្នុងខេត្តកំពង់ឆ្នាំងនោះ ត្រូវបានចាប់ខ្លួនកាលពីថ្ងៃពុធ ចំណែកបុរសទី៩ម្នាក់ទៀត ត្រូវបានចាប់ខ្លួនកាលពីម្សិលមិញពីបទប៉ុនប៉ងរំលោភ។
លោក ហ៊ុ៊ល វាសនា អធិការនគរបាលស្រុកកំពង់ត្រឡាចកន្លែងដែលការរំលោភបូកបានកើតឡើងបានមានប្រសាសន៍ថា "បុរសប្រាំបីនាក់បានរំលោភនាង ដោយផ្លាស់ប្តូរគ្នារយៈពេលប្រហែល៣០នាទី"។
យោងតាមលោក វាសនា បានឲ្យដឹងថា បុរសម្នាក់ក្នុងចំណោមបុរសប្រាំបីនាក់គឺឈ្មោះ ទិត្យ ប៉ូ អាយុ២០ឆ្នាំ បានចាប់ផ្តើមរាវរកលេខទូរស័ព្ទកាលពីថ្ងៃទី៥ ខែវិច្ឆិកា ដោយសង្ឃឹមថា នឹងចំនារីម្នាក់ដែលចង់និយាយជាមួយខ្លួន។ ទីបំផុតស្ត្រីវ័យក្មេងអាយុ១៩ឆ្នាំម្នាក់បានលើកទូរស័ព្ទ ហើយអ្នកទាំងពីរបានចំណាយពេលពីរសប្តាហ៍ក្រោយនិយាយទូរស័ព្ទជាមួយគ្នា។លោកបានមានប្រសាសន៍ថា កាលពីថ្ងៃពុធ ស្ត្រីវ័យក្មេងរូបនេះបានយល់ព្រមទៅជួប ឈ្មោះ ប៉ូ ដោយផ្ទាល់។
លោក វាសនា បានមានប្រសាសន៍ថា ដោយទៅជាមួយបុរសប្រាំនាក់ទៀត ឈ្មោះ ប៉ូ បានជួបជាមួយស្ត្រីអាយុ១៩ឆ្នាំនោះនៅខាងក្រៅរោងចក្រកាត់ដេរដែលនាងធ្វើការនៅម៉ៅងប្រហែល៤ល្ងាច។ លោកបានមានប្រសាសន៍ថា ស្ត្រីរូបនេះបានសុំនាំមិត្តភក្តិរបស់ខ្លួនពីរនាក់ទៀតទៅជាមួយដែរ ហើយបន្ទាប់មកបុរសមួយក្រុមនេះបានជិះម៉ូតូទៅលេងបឹងចាន់កៀកក្បែរនោះ។
អធិការនគរបាលរូបនេះបានមានប្រសាសន៍ថា បន្ទាប់ពីទៅលេងបឹងនោះរយៈពេលពីរបីម៉ោង បុរសបីនាក់ទៀតបានមកចូលរួមក្នុងក្រុមនេះដែរ។
លោក វាសនា បានមានប្រសាសន៍ថា "ជនរងគ្រោះមានការបារម្ភ ហើយបានសុំឲ្យជនសង្ស័យទាំងនោះឌុបនាងមកផ្ទះវិញ។ ពួកគេ ចង់នៅបន្តិចទៀត ប៉ុន្តែនាងបាននិយាយថា នាងនឹងដើរទៅផ្ទះ បើមិនជូននាងទៅ"។
លោក វាសនា បានមានប្រសាសន៍ថា ត្រង់ចំណុចនេះ ក្រុមនេះបានបំបែកគ្នា ដោយជនរងគ្រោះជិះម៉ូតូជាមួួយ សាអែល អាយុ១៩ឆ្នាំ និង លី វណ្ណី អាយុ២០ឆ្នាំ។ ពួកគេបានឌុបនាងទៅកន្លែងព្រៃ ដែលពួកគេបានជួបគ្នាម្តងទៀតជាមួយបុរសផ្សេងទៀត។
លោកបានមានប្រសាសន៍ថា "ជនសង្ស័យទាំងនោះបានខ្ទប់មាត់ជនរងគ្រោះ ហើយទាញនាងចុះពីម៉ូតូ"។ លោកបានបន្ថែមថា បុរសទាំងនោះបានចាប់ផ្តើមរំលោភនាងរយៈពេលជាងកន្លះម៉ោង។
លោក វាសនា បានមានប្រសាសន៍ថា "ស្ត្រីពីរនាក់ទៀតត្រូវបានឌុបទៅដោយគ្មានគោលដៅច្បាស់លាស់ឡើយ ដោយ លី ខែក អាយុ១៨ឆ្នាំ ដែលត្រូវបានចោទប្រកាន់ពីបទប៉ុនប៉ងរំលោភ ប៉ុន្តែទីបំផុតពួកគេបានទាមទារចង់ដឹងថា តើមិត្តភក្តិរបស់ខ្លួននៅឯណា។
លោកបានមានប្រសាសន៍ថា បន្ទាប់មកឈ្មោះ ខែក បានឌុបពួកគេទៅកន្លែងដែលមានការរំលោភ ដែលជនរងគ្រោះត្រូវគេប្រទះឃើញអាក្រាតកាយ និងអង្គុយយំ ហើយជនរំលោភនាងប្រាំបីនាក់អង្គុយជុំវិញនាង។
លោកបានមានប្រសាសន៍ថា បន្ទាប់មកបុរសទាំងនេះបានឌុបស្ត្រីទាំងបីនាក់ទៅផ្ទះជនរងគ្រោះដែលអ្នកទាំងបីបានប្រាប់ម្តាយជនរងគ្រោះពីអ្វីដែលបានកើតឡើង។ លោកបានថ្លែងថា បន្ទាប់មកស្ត្រីជាម្តាយបានទាក់ទងនគរបាលឃុំដែលបានសហការជាមួយនគរបាលស្រុកដើម្បីចាប់ខ្លួនជនសង្ស័យ។
លោក វាសនា បានមានប្រសាសន៍ថា "នៅពេលពួកគេត្រូវបានចាប់ខ្លួនពួកគេគិតថា ពួកគេអាចបង់ប្រាក់ឲ្យនគរបាល ហើយករណីនេះនឹងត្រូវស្ងប់ស្ងាត់"។ លោកបានបន្ថែមថា បុរសទាំងប្រាំបួននាក់កំពុងត្រូវបានឃុំខ្លួននៅស្នងការដ្ឋាននគរបាលខេត្ត។
លោក ប្រាក់ វុទ្ធី ស្នងការនគរបាលខេត្តបានមានប្រសាសន៍ថា លោកធ្លាប់ជួបករណីស្រដៀងគ្នានេះពីមុនមក ដែលក្នុងនោះស្ត្រីគឺជាគោលដៅរបស់បុរសតាមរយៈការរាវលេខទូរស័ព្ទ។ លោក ប្រាក់ វុទ្ធី បានមានប្រសាសន៍កាលពីម្សិលមិញថា "ករណីទាំងនេះមិនគួរឲ្យជឿ។ ជនរងគ្រោះឆោតល្ងង់ ហើយមិនគិតអំពីផលវិបាក"៕សារុន