CATEGORY
ព័ត៌មានជាតិ
ប្រពន្ធសកម្មជនម្នាក់និយាយថា គណបក្សសង្គ្រោះជាតិធ្វើមិនដឹងមិនឮ
ប្រពន្ធរបស់លោក អ៊ុក ពេជ្រសំណាង ដែលត្រូវបានចោទប្រកាន់ពីបទប្រើអំពើហិង្សាដោយចេតនា ហើយបង្កការបំផ្លាញទ្រព្យសម្បត្តិសាធារណៈ បន្ទាប់ពីបើករ៉ឺម៉កម៉ូតូកង់បីរបស់ខ្លួនកាត់របាំងផ្លូវអំឡុងការតវ៉ាមួយក្នុងរាជធានីភ្នំពេញកាលពីសប្ដាហ៍មុននោះ បាននិយាយកាលពីម្សិលមិញថា អ្នកស្រីគិតថាគណបក្សសង្គ្រោះជាតិ "...
កាលពីម្សិលមិញ ក្រសួងឧស្សាហកម្ម និងសិប្បកម្មបានឲ្យដឹងថា សភាពាណិជ្ជកម្មកម្ពុជាជាស្ថាប័នបញ្ចុះបញ្ចូលវិស័យឯកជនដ៏សំខាន់បំផុតនៅក្នុងប្រទេសកម្ពុជាគួរតែខិតខំប្រឹងប្រែងបន្ថែមទៀតសម្រាប់សហគ្រិននៅក្នុងប្រទេស។
លោក ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្មបាននិយាយបន្ទាប់ពីការបោះឆ្នោតជ្រើសរើសប្រធានសម្ព័ន្ធសមាគមសហគ្រាសធន់តូច និងមធ្យមនៅកម្ពុជា...
អ្នករត់តាក់ស៊ីក្រុងប៉ោយប៉ែតតវ៉ាជុំវិញការបង្កើតប៉ុស្តិ៍ត្រួតពិនិត្យថ្មី
កាលពីម្សិលមិញ អ្នករត់តាក់ស៊ីជាច្រើននាក់ក្នុងក្រុងប៉ោយប៉ែតបានធ្វើការតវ៉ាប្រឆាំងនឹងការបង្កើតប៉ុស្តិ៍ត្រួតពិនិត្យថ្មី ដែលពួកគេត្រូវបានបង្ខំឲ្យបង់ប្រាក់សំណូកជាច្រើនក្នុងការដឹកទំនិញដែលត្រូវបានរត់ពន្ធកាត់ព្រំដែនពីប្រទេសថៃ។
យោងតាមលោក ឌិន ពុទ្ធី ប្រធានសមាគមអភិវឌ្ឍន៍សេដ្ឋកិច្ចក្រៅប្រព័ន្ធ ដែលតំណាងឲ្យអ្នករត់តាក់ស៊ីបានឲ្យដឹងថា អ្នករត់តាក់ស៊ីមួយក្រុមបានបិទផ្លូវជាតិលេខ៥ ក្នុងខេត្តបន្ទាយមានជ័យរយៈពេល១ម៉ោងកាលពីម្សិលមិញ...
នគរបាលចាប់ខ្លួនមនុស្សប្រាំនាក់ជុំវិញការសម្លាប់បុរសម្នាក់ដែលសង្ស័យថា ចេះអំពើអាបធ្មប់
នគរបាលបាននិយាយថា បងប្អូនបង្កើតពីរនាក់ត្រូវបានចាប់ខ្លួនក្នុងខេត្តកំពង់ស្ពឺកាលពីម្សិលមិញ ជុំវិញការសម្លាប់បុរសអាយុ៣៥ឆ្នាំម្នាក់ ដែលពួកគេជឿថា ចេះអំពើអាបធ្មប់ ដោយធ្វើឲ្យម្តាយរបស់ពួកគេស្លាប់ជាមួយមិត្តភក្តិរបស់ពួកគេបីនាក់ទៀត ដែលត្រូវចោទប្រកាន់ថា បានជួួយក្នុងការប្រព្រឹត្តបទឧក្រិដ្ឋនេះ។ បងប្អូនប្រុសទី៣ដែលជាជនសង្ស័យសំខាន់ក្នុងអំពើមនុស្សឃាតនេះកំពុងរត់គេចខ្លួននៅឡើយ។
យោងតាមលោក សំ សាក់ អនុប្រធានការិយាល័យនគរបាលព្រហ្មទណ្ឌខេត្តបានឲ្យដឹងថា ស៊ុំ រឹក ត្រូវបានសម្លាប់នៅមុខផ្ទះរបស់ខ្លួនស្ថិតនៅក្នុងឃុំរលាំងគ្រើល ស្រុកសំរោងទង នៅម៉ោងប្រហែល១០យប់ថ្ងៃអាទិត្យ។
លោក សំ សាក់ បានមានប្រសាសន៍ថា បងប្អូនប្រុសទាំងបីនាក់នេះឈ្មោះ កុយ ម៉ក់ អាយុ២៣ឆ្នាំ កុយ ម៉ាន អាយុ២៩ឆ្នាំ និង កុយ ម៉ែន អាយុ៣៤ឆ្នាំ បានសមគំនិតគ្នាសម្លាប់ ស៊ុំ រឹក ដែលពួកគេសង្ស័យថា "ធ្វើអំពើ" ឲ្យម្តាយរបស់ខ្លួនស្លាប់កាលពីប្រាំពីរថ្ងៃមុន ខណៈពេលពួកគេផឹកស្រាស្រវឹងជោកជាមួយមិត្តភក្តិរបស់ខ្លួនឈ្មោះ ឃឹម សារ៉ាន់ និង ពុំ ស៊ូ ដែលអ្នកទាំងពីរនេះអាយុ២០ឆ្នាំដូចគ្នា និង ស៊ុន សៅ អាយុ២៤ឆ្នាំ នៅព្រឹកថ្ងៃកើតមានបទឧក្រិដ្ឋនោះ។
លោកបានមានប្រសាសន៍ថា បុរសទាំងអស់លើកលែងតែឈ្មោះ កុយ ម៉ាន ដែលជាបងប្អូនប្រុសកណ្តាលត្រូវបានចាប់ខ្លួនកាលពីម្សិលមិញ ហើយបានសារភាពថា ពួកគេពិតជាជាប់ពាក់ព័ន្ធក្នុងអំពើមនុស្សឃាតនេះ។
លោកបានមានប្រសាសន៍ថា "ជនសង្ស័យសំខាន់ឈ្មោះ កុយ ម៉ាន បានប្រើកាំបិតផ្គាក់អារកជនរងគ្រោះ"។ លោកបានបន្ថែមថា ឃឹម សារ៉ាន់ បានជួយចាប់ជនរងគ្រោះចំណែកឯ កុយ ម៉ាន បានអារក ចំណែកឯ ពុំ ស៊ូ ជាអ្នកយាមផ្លូវ ហើយ ស៊ុន សៅ ជាអ្នកបើកម៉ូតូឌុបពួកគេគេចខ្លួន។
លោក សំ សាក់ បានមានប្រសាសន៍ថា អ្នកស្រី មុំ រ៉េម ត្រូវជាម្តាយរបស់ពួកគេបានធ្លាក់ខ្លួនឈឺប្រហែលបីសប្តាហ៍កន្លងមក ប៉ុន្តែ ថា គ្រូពេទ្យបានប្រាប់ថា គាត់មានសុខភាពល្អទេ។ បន្ទាប់មកគ្រូខ្មែរបានអះអាងថា គាត់មានសញ្ញាថា "ត្រូវអំពើគេ"។ លោកបានមានប្រសាសន៍ថា "បន្ទាប់ពីម្តាយរបស់ កុយ ម៉ាន ដែលជាជនសង្ស័យបានស្លាប់ ជននេះបានឮថា ជនរងគ្រោះជាអ្នកចេះអំពើអាបធ្មប់ ហើយជននេះចង់ធ្វើការសងសឹក ហើយបានជ្រើសរើសថ្ងៃទី៧ បន្ទាប់ពីម្តាយរបស់ខ្លួនស្លាប់ទៅ ដើម្បីសម្លាប់បុរសរូបនោះ"។
លោក សយ សុខខេង នាយប៉ុស្តិ៍ឃុំបានអះអាងថា អំពើមនុស្សឃាតនេះបានកើតឡើងមែន ប៉ុន្តែ បានមានប្រសាសន៍ថា ស៊ុំ រឹក មិនដែលត្រូវបានគេចោទថា ជាអ្នកចេះអំពើអាបធ្មប់ទេពីមុនមក។
ការស្លាប់ ស៊ុំ រឹក កើតឡើងតែបីថ្ងៃប៉ុណ្ណោះ បន្ទាប់ពីមនុស្សបីនាក់ក្នុងខេត្តក្រចេះតាមចោទថា បានសម្លាប់ស្ត្រីអាយុ៣២ឆ្នាំម្នាក់ ដែលគេជឿថា ជាអ្នកចេះអំពើអាបធ្មប់ ដែលបានធ្វើឲ្យមនុស្សជាច្រើននាក់ស្លាប់យ៉ាងអាថ៌កំបាំងនៅក្នុងសហគមន៍របស់ពួកគេ។
លោក ចក់ ណែម អាយុ២៦ឆ្នាំ ត្រៃ អេន អាយុ៥៦ឆ្នាំ និងអ្នកស្រី យ៉យ អន អាយុ៥៨ឆ្នាំ ដែលជាអ្នកសមគំនិតត្រូវបានចោទ ប្រកាន់កាលពីថ្ងៃសៅរ៍ ពីបទសម្លាប់អ្នកស្រី អ៊ុំ ផាតមុំ ជាជនជាតិដើមភាគតិចព្នង មកពីខេត្តមណ្ឌលគិរី នៅក្នុងស្រុកសំបូរខេត្តក្រចេះ៕សារុន
អ្នកនៅរស់ពីរបបខ្មែរក្រហមម្នាក់ដែលបានចូលរួមក្នុងនាមជាភាគីដើមបណ្ដឹងរដ្ឋប្បវេណីនៅអង្គជំនុំជម្រះវិសាមញ្ញក្នុងតុលាការកម្ពុជា បានធ្វើការតវ៉ាដែលមានតែម្នាក់ឯងគត់កាលពីម្សិលមិញប្រឆាំងនឹងការផ្ដន្ទាទោស នួន ជា និងលោក ខៀវ សំផន កាលពីខែសីហា ពីបទឧក្រិដ្ឋកម្មប្រឆាំងមនុស្សជាតិ។
អ្នកតវ៉ាឈ្មោះ...
ពលរដ្ឋត្រូវគេបណ្តេញចេញចុះកិច្ចព្រមព្រៀងទទួលសំណងដែលពួកគេមិនអាចអានបាននិងគ្មានមេធាវី
គ្រួសារមួយចំនួនដែលពាក់ព័ន្ធក្នុងជម្លោះដីធ្លីដ៏អូសបន្លាយជាមួយក្រុមហ៊ុនចម្ការអំពៅ២កន្លែងរបស់ថៃក្នុងខេត្តកោះកុង និយាយថា ពួកគេបានរងគំនាបកាលពីចុងសប្តាហ៍ឲ្យចុះហត្ថលេខាកិច្ចព្រមព្រៀងទទួលសំណងជាមួយក្រុមហ៊ុន គឺជាកិច្ចព្រមព្រៀងដែលពួកគេមិនចេះអាន ត្បិតកិច្ចព្រមព្រៀងទាំងនោះសរសេរជាភាសាថៃ ហើយក៏គ្មានមេធាវីរបស់ខ្លួនចូលរួមទៀតផង។
ក្រុមសិទ្ធិមនុស្សបានឲ្យដឹងថា ប្រជាពលរដ្ឋជាង៤០០គ្រួសារបានបាត់បង់ផ្ទះសំបែង ឬស្រែចម្ការរបស់ខ្លួន ចាប់តាំងពីចម្ការអំពៅទាំងនេះបង្កើតឡើងកាលពីឆ្នាំ២០០៦...
សមាជិកនៃចលនារណសិរ្សរំដោះជាតិខ្មែរត្រូវបានចោទប្រកាន់ពីបទញុះញង់ឲ្យកើតមានអំពើហិង្សា
កាលពីថ្ងៃសៅរ៍ សាលាដំបូងរាជធានីភ្នំពេញបានចោទប្រកាន់សមាជិកចំនួន១០នាក់នៃចលនារណសិរ្សរំដោះជាតិខ្មែរ ជាក្រុមតស៊ូមតិផ្នែកនយោបាយមួយដែលប្រឆាំងដាច់អហង្ការចំពោះគណបក្សប្រជាជនកម្ពុជា ពីបទរៀបចំផែនការញុះញង់ឲ្យកើតមានអំពើហិង្សាក្រោយការចាប់ខ្លួនពួកគេកាលពីសប្ដាហ៍មុន។
លោក មាស ច័ន្ទពិសិដ្ឋ ព្រះរាជអាជ្ញារងអមសាលាដំបូងរាជធានីភ្នំពេញបានឲ្យដឹងថា ក្រុមនេះដែលភាគច្រើនជាកសិករ និងកម្មករត្រូវបានចោទប្រកាន់ពីបទរៀបចំផែនការផ្ដួលរំលំរដ្ឋាភិបាលតាមរយៈការចែកខិត្តប័ណ្ណអុជអាល...
ក្រុមមន្ត្រីបានឲ្យដឹងកាលពីម្សិលមិញថា អ្នកទោសម្នាក់ដែលបានលួចរត់ចេញជាមួយអ្នកទោសប្រាំនាក់ទៀតពីពន្ធនាគារខេត្តរតនគិរីកាលពីសប្ដាហ៍មុននោះ ត្រូវនគរបាលចាប់បានវិញនៅក្នុងខេត្តក្រចេះកាលពីថ្ងៃសុក្រ។
លោក ទិត្យ សាឃឿន ស្នងការរងនគរបាលខេត្តរតនគិរីទទួលបន្ទុកព្រហ្មទណ្ឌកម្រិតធ្ងន់បានមានប្រសាសន៍ថា នគរបាលទទួលបានតម្រុយកាលពីថ្ងៃសុក្រថា អ្នកទោសម្នាក់ក្នុងចំណោមអ្នកទោសទាំងនោះគឺឈ្មោះ ស៊ី ណយ...
ក្រុមមន្ត្រីបានឲ្យដឹងកាលពីម្សិលមិញថា សាលាដំបូងខេត្តក្រចេះកាលពីថ្ងៃសៅរ៍បានចោទប្រកាន់មនុស្សបីនាក់ពីបទសម្លាប់ស្ត្រីអាយុ៣២ឆ្នាំម្នាក់យ៉ាងព្រៃផ្សៃ ដែលពួកគេជឿថា ចេះអំពើអាបធ្មប់ ដោយធ្វើឲ្យមនុស្សស្លាប់ដ៏អាថ៌កំបាំងជាច្រើននាក់នៅក្នុងសហគមន៍របស់ខ្លួន ចំណែកជនសង្ស័យទី៤ម្នាក់ទៀតកំពុងរត់គេចខ្លួន។
យោងតាមលោក ឈិន សំបូរ អធិការរងនគរបាលស្រុកបានឲ្យដឹងថា...
ក្រសួងការបរទេសរិះគន់ប្រទេសថៃជុំវិញការបាញ់សម្លាប់ពលរដ្ឋខ្មែរ
កាលពីថ្ងៃសុក្រ ក្រសួងការបរទេសបានរិះគន់រដ្ឋាភិបាលថៃយ៉ាងខ្លាំងចំពោះការបាញ់សម្លាប់ពលរដ្ឋខ្មែរម្នាក់ដែលតាមព័ត៌មានថា បានប៉ុនប៉ងប្លន់ម៉ូតូមួយគ្រឿងឆ្លងព្រំដែនកាលពីមួយថ្ងៃមុន។
ការរិះគន់នេះធ្វើឡើងនៅថ្ងៃតែមួយដែលក្រសួងបានប្រកាសពីដំណើរទស្សនកិច្ចផ្លូវរដ្ឋលើកដំបូងរបស់លោក ប្រាយុទ្ធ ចាន់អូចា នាយករដ្ឋមន្ត្រីថៃ។
មន្ត្រីទំនាក់ទំនងព្រំដែននៅច្រកព្រំដែនអូរស្មាច់ក្នុងខេត្តឧត្តរមានជ័យកាលពីថ្ងៃសុក្របានអះអាងថា លោក សឿន វ៉ន អាយុ២១ឆ្នាំ ត្រូវទាហានថៃបាញ់ស្លាប់អំឡុងហេតុការណ៍ដែលគេអះអាងថា ជាអំពើប្លន់នោះ។
នៅក្នុងសេចក្តីថ្លែងការណ៍ផ្ញើជូនស្ថានទូតថៃប្រចាំរាជធានីភ្នំពេញដែលបោះត្រាថា "បន្ទាន់" នោះ ក្រសួងការបរទេសបានរិះគន់ពីការបាញ់នេះ។
សេចក្តីថ្លែងការណ៍ដដែលនេះមានខ្លឹមសារថា "រាជរដ្ឋាភិបាលកម្ពុជាតវ៉ាប្រឆាំងដាច់ខាតចំពោះទង្វើឃោរឃៅបែបនេះពីសំណាក់ទាហានថៃដែលរំលោភគោលការណ៍មនុស្សធម៌និងស្មារតីនៃភាពជាប្រទេសជិតខាង និងមិត្តភាពដ៏ល្អរវាងកម្ពុជានិងថៃ ហើយសូមស្នើម្តងហើយម្តងទៀតដល់អាជ្ញាធរថៃពាក់ព័ន្ធទាំងអស់ចៀសវាងការប្រើអំពើហិង្សាដោយការបាញ់សម្លាប់ ប៉ុន្តែសូមប្រើវិធានការច្បាប់ប្រឆាំងនឹងជនដៃដល់វិញ"។
រៀងរាល់ឆ្នាំ ពលរដ្ឋខ្មែរជាច្រើននាក់ត្រូវទាហាននិងនគរបាលព្រំដែនថៃបាញ់ ខណៈដែលកាប់ឈើខុសច្បាប់ឆ្លងព្រំដែន។ កម្ពុជាបានជំរុញដដែលៗឲ្យទាហានថៃចាប់ខ្លួននិងផ្តន្ទាទោសអ្នកកាប់ឈើទាំងនោះជំនួសឲ្យការបាញ់សម្លាប់។
កាលពីថ្ងៃសុក្រផងដែរ ក្រសួងការបរទេសបានចេញសេចក្តីថ្លែងការណ៍ពីរដាច់ដោយឡែកពីគ្នាដោយប្រកាសពីដំណើរទស្សនកិច្ចរបស់លោក តាណាសាក់ ប៉ាទីម៉ាប្រាកន រដ្ឋមន្ត្រីក្រសួងការបរទេសថៃនៅថ្ងៃពុធ និងថ្ងៃព្រហស្បតិ៍ និងដំណើរទស្សនកិច្ចលើកដំបូងរបស់លោក ប្រាយុទ្ធ នាយករដ្ឋមន្ត្រីថៃនៅថ្ងៃព្រហស្បតិ៍ និងថ្ងៃសុក្រ។
ក្រសួងបានលើកឡើងថា លោក ប្រាយុទ្ធ នឹងចូលគាល់ព្រះមហាក្សត្រ នរោត្តម សីហមុនី ហើយបន្ទាប់មកជួបពិភាក្សាការងារជាមួយលោក នាយករដ្ឋមន្ត្រី ហ៊ុន សែន និងបន្ទាប់មកនាយករដ្ឋមន្ត្រីទាំងពីរនឹងចុះហត្ថលេខាលើអនុស្សរណៈនៃការយោគយល់គ្នាទាក់ទងទេសចរណ៍ ការជួញដូរមនុស្ស និងផ្លូវរថភ្លើងតភា្ជាប់ប្រទេសទាំងពីរ។
នៅពេលត្រូវបានទាក់ទងកាលពីម្សិលមិញ លោក កុយ គួង អ្នកនាំពាក្យក្រសួងការបរទេសបានមានប្រសាសន៍ថា លោកមិនមានព័ត៌មានលម្អិតអំពីកិច្ចព្រមព្រៀងនេះទេ ហើយមិនដឹងថា តើការបាញ់សម្លាប់លោក សឿន វ៉ន នេះនឹងត្រូវលើកយកមកពិភាក្សាឬយ៉ាងណានោះឡើយ។
លោក ង៉ោ ម៉េងជ្រុន អភិបាលក្រុងប៉ោយប៉ែត ទីដែលផ្លូវរថភ្លើងកម្ពុជា និងថៃជួបគ្នានោះបានមានប្រសាសន៍ថា រដ្ឋមន្ត្រីក្រសួងដឹកជញ្ជូននៃប្រទេសទាំងពីរបានធ្វើដំណើរទៅព្រំដែននេះកាលពីខែមុនដើម្បីចូលរួមពិធីបើកការដ្ឋាន៕សារុន