CATEGORY
ព័ត៌មានជាតិ
ធនាគារពិភពលោកនិយាយថា កម្ពុជាចាំបាច់ត្រូវពង្រឹងវិស័យទេសចរណ៍ និងកសិកម្ម
វិស័យសំណង់បានជែងដាច់វិស័យទេសចរណ៍ និងវិស័យកសិកម្មរហូតក្លាយជាវិស័យធំបំផុតទី២របស់កម្ពុជា ដោយវិស័យកាត់ដេរនៅតែជាវិស័យកំពូលដដែល នេះបើយោងតាមរបាយការណ៍មួយចេញផ្សាយកាលពីម្សិលមិញដោយធនាគារពិភពលោក ដែលនិយាយថា កម្ពុជាចាំបាច់ត្រូវផ្ដល់កញ្ចប់សេវាកម្មទេសចរណ៍បន្ថែមទៀត ជួសជុលផ្លូវថ្នល់ឡើងវិញ បន្ទាបថ្លៃអគ្គិសនី និងបង្កើនការប្រើប្រាស់ម៉ាស៊ីនធ្វើការជំនួសមនុស្សនៅក្នុងអាជីវកម្ម...
កាលពីម្សិលមិញ លោក ផៃ ស៊ីផាន អ្នកនាំពាក្យទីស្ដីការគណៈរដ្ឋមន្ត្រីបានផ្លាស់ប្តូរជំហរលើការអត្ថាធិប្បាយដែលលោកបានលើកឡើងកាលពីសប្ដាហ៍មុន នៅពេលលោកបានមានប្រសាសន៍ថា លោកស្រី ម៉ម សុម៉ាលី...
កញ្ញា ស៊ន សៀវមី ដែលជាជើងឯកតេក្វាន់ដូកម្ពុជាទទួលបានការស្វាគមន៍ក្នុងនាមជាវីរនារីនៅពេលនាងបានត្រឡប់មកដល់រាជធានីភ្នំពេញវិញពីប្រទេសកូរ៉េខាងត្បូងកាលពីយប់ថ្ងៃអាទិត្យ ជាមួយនឹងមេដាយមាសកីឡាអាស៊ីជាលើកដំបូង ដែលប្រទេសកម្ពុជាមិនដែលធ្លាប់ទទួលបានជាច្រើនឆ្នាំមកហើយ។
កញ្ញា ស៊ន សៀវមី បានយកឈ្នះគូប្រកួតមកពីប្រទេសអ៊ូសបេគីស្ថាន អីុរ៉ង់ និងប្រទេសហ្វីលីពីន ដោយទទួលបានមេដាយមាសតេក្វាន់ដូប្រភេទទម្ងន់ក្រោម៧៣គីឡូក្រាមផ្នែកនារី។
នៅពេលនាងបានចុះពីយន្តហោះ ដែលហោះហើរពីទីក្រុងអីុនឈុន មកកាលពីយប់ថ្ងៃអាទិត្យ កញ្ញា ស៊ន សៀវមី ដែលមានទឹកភ្នែករលីងរលោងត្រូវបានស្វាគមន៍ដោយអ្នកយកព័ត៌មាននិងអ្នកគាំទ្ររាប់រយនាក់ មុនពេលត្រូវបាននាំដោយក្បូនរថយន្តអមដោយម៉ូតូទៅកាន់វិមានសន្តិភាពរបស់លោកនាយករដ្ឋមន្ត្រី ហ៊ុន សែន ដើម្បីជួបជាមួយលោកនាយករដ្ឋមន្ត្រីដោយផ្ទាល់នៅទីនោះ។
កញ្ញា ស៊ន សៀវមី បាននិយាយបន្ទាប់ពីមកដល់អាកាសយានដ្ឋានអន្តរជាតិភ្នំពេញថា "ខ្ញុំមានអារម្មណ៍រំភើបខ្លាំងណាស់ ដែលពលរដ្ឋជាច្រើនមកទទួលខ្ញុំ ខ្ញុំនិយាយអ្វីមិនចេញទេឥឡូវនេះ ប៉ុន្តែ ខ្ញុំចង់និយាយថា កម្ពុជាមិនខ្សោយទេ"។
នៅឯវិមានសន្តិភាព លោក ហ៊ុន សែន បានសរសើរដល់ កញ្ញា ស៊ន សៀវមី ជាស្ត្រីទី១ ដែលនាំមេដាយមាសមកឲ្យប្រទេសកម្ពុជាជាលើកដំបូងក្នុងរយៈពេលជាច្រើនឆ្នាំមកនេះ ហើយបានប្រកាសថា ក្រសួងអប់រំ យុវជន និងកីឡានឹងឲ្យនាងជាប់ការប្រឡងបាក់ឌុបដោយស្វ័យប្រវត្តិ ដែលនាងបានប្រឡងធ្លាក់កាលពីពេលថ្មីៗនេះ។
លោកនាយករដ្ឋមន្ត្រីបានមានប្រសាសន៍ថា "ថ្ងៃនេះ យប់នេះ ប្រទេសកម្ពុជារបស់យើងមានមោទនភាពយ៉ាងខ្លាំង ដែលមិនដែលធ្លាប់មានពីមុនមក។ រហូតមកទល់នឹងពេលនេះយើងទទួលបានមេដាយមាសត្រឹមតែ៦ប៉ុណ្ណោះ ក្នុងរយៈពេល៦០ឆ្នាំកន្លងមកនេះ ដែលមានន័យថា ជាមធ្យមយើងទទួលបានមេដាយមាសមួយក្នុងរាល់១០ឆ្នាំម្តង ប៉ុន្តែ រឿងសំខាន់បំផុតនោះ គឺថានៅក្នុងឆ្នាំ២០១៤នេះ យើងទទួលបានមេដាយមាសមួយដែល កញ្ញា ស៊ន សៀវមី ជាអ្នកដណ្ដើមបាន"។ លោកនាយករដ្ឋមន្ត្រីបានបន្ថែមថា ប្រសិនបើពលរដ្ឋខ្មែរម្នាក់ណាឈ្នះមេដាយមាសនៅក្នុងការប្រកួតកីឡាអូឡាំពិក មិនថា កីឡាករ ឬកីឡាការិនីទេនឹងទទួលបានកិត្តិយសដោយមានក្បួនរថយន្ត និងក្បួនម៉ូតូចំនួន១២គ្រឿងអម ពោលគឺមានចំនួនទ្វេដងលើក្បួនដែលអមដំណើរ កញ្ញា ស៊ន សៀវមី ពីអាកាសយានដ្ឋាន។
នៅពេលនិយាយក្នុងសន្និសីទកាសែតនៅទីស្នាក់ការរបស់គណៈកម្មាធិការជាតិអូឡាំពិកកម្ពុជា កាលពីព្រឹកម្សិលមិញ កញ្ញា ស៊ន សៀវមី បាននិយាយអំពីក្តីរំភើបរបស់នាងដែលទទួលបានមេដាយមាស។ នាងបាននិយាយថា "ខ្ញុំហាក់បីដូចជាមិនសូវជឿជាក់លើខ្លួនឯងទេ ប៉ុន្តែដោយសារមានការគាំទ្រពីពលរដ្ឋរបស់យើង និងអ្នកឧបត្ថម្ភ ទើបខ្ញុំមានថ្ងៃនេះ"។
នាងបាននិយាយបន្តទៀតថា "ខ្ញុំចង់លើកទង់ជាតិកម្ពុជាឲ្យខ្ពស់ជាងទង់ជាតិរបស់ប្រទេសផ្សេងៗ ហើយខ្ញុំចង់ឲ្យមនុស្សគ្រប់រូបបានស្តាប់ភ្លេងជាតិរបស់កម្ពុជា ហេតុដូច្នេះ គេនឹងស្គាល់កម្ពុជា"។កញ្ញា ស៊ន សៀវមី បានបន្ថែមទៀតថា ឥឡូវនេះនាងកំពុងសម្លឹងលើទីក្រុង រីយ៉ូ ដឺហ្សាណេរូ ជាកន្លែងប្រារព្ធកីឡាអូឡាំពិករដូវក្តៅលើកក្រោយនៅក្នុងឆ្នាំ២០១៦បន្តទៀត។
លោក វ៉ាត ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានលើកឡើងថា ជ័យជម្នះជាប្រវត្តិសាស្ត្ររបស់កញ្ញា ស៊ន សៀវមី នឹងត្រូវគេចងចាំជារៀងរហូត។ លោកបានមានប្រសាសន៍ថា "យើងបានដាក់ចេញនូវផែនការយុត្តិសាស្ត្រមួយក្នុងឆ្នាំ២០១០ដើម្បីទទួលបានយ៉ាងហោចណាស់ក៏មេដាយមួយដែរ នៅក្នុងការប្រកួតកីឡាអាស៊ី នៅក្នុងឆ្នាំ២០១៤នេះ ដើម្បីបន្តអភិវឌ្ឍវិស័យកីឡា"៕ស៊ុយឈាង
យោងតាមមន្ត្រីនគរបាលជាន់ខ្ពស់បានឲ្យដឹងកាលពីម្សិលមិញថា កងរាជអាវុធហត្ថ និងនគរបាលរាជធានីជាង៣.៥០០នាក់ នឹងត្រូវដាក់ពង្រាយឲ្យល្បាតអំឡុងពិធីបុណ្យអុំទូកក្នុងឆ្នាំនេះ ដែលនឹងត្រូវប្រារព្ធក្នុងរាជធានីភ្នំពេញជាលើកដំបូងចាប់តាំងពីឆ្នាំ២០១០មក ដែលពេលនោះមនុស្សចំនួន៣៥៣នាក់បានស្លាប់នៅក្នុងការផ្អើលរត់ជាន់គ្នាមួយលើស្ពានទៅកាន់កោះពេជ្រ។
ពិធីបុណ្យដែលជាធម្មតាទាក់ទាញពលរដ្ឋប្រហែល១លាននាក់មករាជធានីភ្នំពេញនឹងត្រូវប្រារព្ធឡើងនៅក្នុងឆ្នាំនេះចាប់ពីថ្ងៃទី៥ដល់ថ្ងៃទី៧ ខែវិច្ឆិកា។ ពិធីបុណ្យនេះត្រូវបានលុបចោលចំនួនបីឆ្នាំកន្លងមកហើយ ដោយសារតែទឹកជំនន់ និងការយាងចូលទិវង្គតរបស់សម្តេចឪ នរោត្តម សីហនុ។
ឧត្តមសេនីយ៍ត្រី ខេង ទីតូ អ្នកនាំពាក្យកងរាជអាវុធហត្ថលើផ្ទៃប្រទេសបានឲ្យដឹងថាមន្ត្រីកងរាជអាវុធហត្ថចំនួន១.៥០០នាក់ នឹងត្រូវដាក់ពង្រាយដើម្បីធានាឲ្យបានថា ពិធីបុណ្យអំុទូកឆ្នាំនេះប្រព្រឹត្តទៅដោយគ្មានបញ្ហា។
ឧត្តមសេនីយ៍ត្រីបានមានប្រសាសន៍ថា "ខ្ញុំគិតថា ចំនួនពលរដ្ឋដែលនឹងមកចូលរួមពិធីបុណ្យអុំទូកនឹងកើនឡើង ព្រោះយើងមិនបានប្រារព្ធពិធីបុណ្យអុំទូកនេះអស់រយៈពេលពីរបីឆ្នាំមកហើយ។ យើងសង្ឃឹមថា នឹងមិនកើតឡើងម្តងទៀតទេ"។
ឧត្តមសេនីយ៍ឯក ជួន សុវណ្ណ ស្នងការនគរបាលរាជធានីភ្នំពេញបានលើកឡើងថា នគរបាលរាជធានីជាង២.០០០នាក់ ក៏នឹងត្រូវដាក់ពង្រាយដែរ។ លោកបានមានប្រសាសន៍ថា "ខ្ញុំគិតថា បើប្រៀបធៀបទៅនឹងពិធីបុណ្យអុំទូកឆ្នាំមុនយើងអាចត្រៀមកម្លាំងរបស់យើងបានប្រសើរជាងមុន"៕ស៊ុយឈាង
ក្រុមអ្នកតវ៉ាទាមទារឲ្យរដ្ឋាភិបាលបញ្ចប់ការបណ្ដេញចេញ អំឡុងទិវាលំនៅដ្ឋានពិភពលោក
អ្នកតវ៉ាជាង១.៥០០នាក់មកពីទូទាំងប្រទេស បានប្រារព្ធទិវាលំនៅដ្ឋានពិភពលោករបស់អង្គការសហប្រជាជាតិនៅក្នុងរាជធានីភ្នំពេញកាលពីម្សិលមិញ ដោយហែក្បួនទាមទារឲ្យរដ្ឋាភិបាលបញ្ឈប់ការបណ្ដេញចេញពីដីធ្លី និងផ្ទះសំបែង ហើយផ្ដល់សំណងសមរម្យដល់អ្នកដែលត្រូវបានបណ្ដេញចេញរួចហើយ។
ក្រុមនេះបានប្រមូលផ្ដុំគ្នាកាលពីព្រឹកម្សិលមិញនៅអតីតតំបន់ដីក្រហមក្នុងខណ្ឌចំការមន ទីដែលការបណ្ដេញចេញដ៏ហិង្សាបំផុតមួយនៅក្នុងប្រវត្តិសាស្ត្រថ្មីៗនេះរបស់រាជធានីភ្នំពេញ បានកើតឡើងកាលពីឆ្នាំ២០០៩។
បន្ទាប់ពីព្រះសង្ឃ និងសកម្មជនថ្លែងសុន្ទរកថារួច ក្រុមអ្នកតវ៉ាបានសែងផ្ទះឈើតូចមួយ...
សមាជិកសហជីពរាប់ពាន់នាក់ ដែលនាំគ្នាតវ៉ាប្រឆាំងនឹងការបណ្ដេញចេញពីការងាររបស់ខ្លួន បានប៉ះទង្គិចជាមួយអ្នកគ្រប់គ្រងនៅរោងចក្រស្បែកជើងមួយក្នុងខេត្តកំពង់ចាមកាលពីព្រឹកម្សិលមិញ ដោយធ្វើឲ្យអ្នកគ្រប់គ្រងជនជាតិតៃវ៉ាន់ យ៉ាងតិចចំនួនពីរនាក់បានរងរបួសក្បាល។
កម្មករប្រហែល២.០០០នាក់ ដែលត្រូវបានបណ្តេញចេញពីរោងចក្រស្បែកជើង Juhui នៅក្នុងស្រុកជើងព្រៃ កាលពីខែមុនជុំវិញការតវ៉ា ដែលបានបន្តអស់រយៈពេលជាងមួយខែមកនេះបាននាំគ្នាសម្រុកចូលទៅក្នុងរោងចក្រ ហើយចាប់ផ្តើមគប់ដុំថ្មដាក់អ្នកគ្រប់គ្រងជនជាតិតៃវ៉ាន់មុនពេលកងសន្តិសុខធ្វើអន្តរាគមន៍។
យោងតាមលោក ខុន ខូយ អ្នកឃ្លាំមើលនៅអង្គការសិទ្ធិមនុស្សលីកាដូប្រចាំខេត្តកំពង់ចាមបានឲ្យដឹងថា នៅម៉ោងប្រហែល៨ព្រឹក កម្មករបានសម្រុកចូលតាមច្រកទ្វារមួយ ដែលយាមដោយសន្តិសុខ ហើយបានចាប់ផ្តើមឈ្លោះប្រកែកជាមួយអតីតអ្នកគ្រប់គ្រងរបស់ខ្លួន។
លោក ខូយ បានមានប្រសាសន៍ថា "នៅក្នុងបរិវេណរោងចក្រពួកគាត់បានឈ្លោះប្រកែកពាក្យសម្តីជាមួយអ្នកគ្រប់គ្រងជនជាតិតៃវ៉ាន់។ កងរាជអាវុធហត្ថ និងនគរបាលបង្ក្រាបបាតុកម្មប្រហែល១០០នាក់បានទៅការពារនៅជុំវិញការិយាល័យរបស់អ្នកគ្រប់គ្រងរោងចក្រ និងបរិវេណរោងចក្រ ដើម្បីរារាំងកុំឲ្យកម្មករតវ៉ា និងគប់ដុំថ្ម"។
សម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា (សីុខៅឌូ) បានរៀបចំកូដកម្មនៅរោងចក្រចាប់តាំងពីថ្ងៃទី១ ខែកញ្ញាមកម្លេ៉ះ នៅពេលកម្មករចំនួនប្រមាណ៥.០០០នាក់បានដើរចេញពីការងារជុំវិញការទាមទារចំនួន១៥ចំណុចរបស់ខ្លួន។
កាលពីថ្ងៃទី១៦ ខែកញ្ញា អ្នកគ្រប់គ្រងរោងចក្រស្បែកជើង Juhui បានបណ្តេញកម្មករពីការងារដោយសារពួកគាត់បដិសេធមិនព្រមគោរពតាមសេចក្ដីបង្គាប់របស់តុលាការ ដែលបង្គាប់ឲ្យពួកគាត់បញ្ឈប់ការតវ៉ា ហើយត្រឡប់មកធ្វើការងារវិញ ប៉ុន្តែ បានទទួលកម្មករប្រហែល៣.០០០នាក់ឲ្យធ្វើការវិញ បន្ទាប់ពីពិធីបុណ្យភ្ជុំបិណ្ឌត្រូវបានបញ្ចប់កាលពីខែមុន។
សមាជិកស៊ីខៅឌូ បានលើកឡើងថា ពួកគាត់ត្រូវបានបណ្តេញចេញពីការងារដោយសារទំនាក់ទំនងរបស់ពួកគាត់ជាមួយសហជីព។
ហែល សុខលីន អាយុ២៣ឆ្នាំ ជាកម្មករនៅរោងចក្រស្បែកជើង Juhui ដែលបានចូលរួមការតវ៉ាកាលពីម្សិលមិញ បាននិយាយថា សមាជិកសហជីពដែលត្រូវគេបណ្តេញពីការងារលែងមានការអត់ធ្មត់ទៀតហើយ។ សុខលីន បាននិយាយថា "កម្មករលែងខ្វល់ទៀតហើយប្រសិនបើមានអំពើហិង្សានោះ ព្រោះរោងចក្របានរំលោភច្បាប់ការងារ។ យើងគ្រាន់តែទាមទារប្រាក់ឧបត្ថម្ភ និងផលប្រយោជន៍ផ្សេងៗប៉ុណ្ណោះ ប៉ុន្តែ ពួកគេបានបណ្តេញយើងចេញពីការងារ ហើយបានរារាំងមិនឲ្យសមាជិកស៊ីខៅឌូ ធ្វើការនៅរោងចក្រវិញឡើយ"។
សុខលីន បានទទួលស្គាល់ថា កម្មករពិតជាបានគប់ដុំថ្មដាក់អ្នកគ្រប់គ្រងរោងចក្រមែន ប៉ុន្តែ បានអះអាងថា វាគ្រាន់តែជាការការពារខ្លួនប៉ុណ្ណោះ ព្រោះអ្នកគ្រប់គ្រងជនជាតិតៃវ៉ាន់ម្នាក់បានវាយមកលើពួកគាត់មុន ដោយទះកំផ្លៀងកម្មការិនីម្នាក់។ សុខលីន បាននិយាយបន្តថា "កម្មករបាននាំគ្នាព័ទ្ធអ្នកគ្រប់គ្រងជនជាតិតៃវ៉ាន់នៅពេលកម្មករម្នាក់ស្រែកថា ចិនកំពុងវ៉ៃខ្មែរ"។ សុខលីន ក៏បានលើកឡើងដែរថា កម្មករមួយចំនួនបានបិទផ្លូវទៅកាន់រោងចក្រ ដែលរារាំងមិនឲ្យរថយន្តសង្គ្រោះបន្ទាន់ចូលទៅដឹកអ្នកគ្រប់គ្រងរោងចក្រដែលរងរបួស។ លោក ជឹម សេងហុង ស្នងការរងនគរបាលខេត្តបានឲ្យដឹងថា ប្រសិនបើកងសន្តិសុខមិនបានធ្វើអន្តរាគមន៍ទេនោះ អំពើហិង្សានឹងកើតឡើងកាន់តែខ្លាំង។
លោកបានមានប្រសាសន៍ថា "អំឡុងការប៉ះទង្គិចគ្នារវាងកម្មករ និងរោងចក្រ អ្នកគ្រប់គ្រងរោងចក្រតៃវ៉ាន់ពីរនាក់បានរងរបួសក្បាល ប៉ុន្តែ ពួកគេមិនបានទទួលការព្យាបាលត្រឹមត្រូវទេ គឺបានត្រឹមតែរុំរបួសប៉ុណ្ណោះ"។ លោកបានបន្ថែមថា នគរបាលមិនបានចាប់ខ្លួននរណាម្នាក់ទេ។ លោកបានមានប្រសាសន៍បន្តថា "មានមនុស្សជាច្រើនដែលយើងមិនស្គាល់ថា នរណាជាអ្នកគប់ដុំថ្មនោះឡើយ"។
លោក ឃុន សុខុម បុគ្គលិកស៊ីខៅឌូ ដែលអង្កេតការតវ៉ាក្នុងខេត្តកំពង់ចាមកាលពីម្សិលមិញ បានឲ្យដឹងថា កម្មការិនីយ៉ាងតិចបួននាក់ ក៏បានរងរបួសស្រាលត្រង់ក្បាល និងមុខដែរ។
លោក ហេត ហ៊ុន តំណាងស៊ីខៅឌូ នៅរោងចក្រនេះបានលើកឡើងថា អំពើហិង្សាកើតឡើង គឺដោយសារតែអ្នកគ្រប់គ្រងរោងចក្រ "មើលងាយ" កម្មករ។ លោកបាននិយាយថា "នៅពេលកម្មករចូលទៅក្នុងរោងចក្រ អ្នកគ្រប់គ្រងជនជាតិតៃវ៉ាន់បានចាប់ក្របួចកអាវរបស់កម្មការិនីម្នាក់ ហើយទះកំផ្លៀងនាង ដោយធ្វើឲ្យកម្មករផ្សេងទៀតផ្ទុះកំហឹង"។
លោក ចេង ហៀង ប្រធានមន្ទីរការងារខេត្តបានឲ្យដឹងថា បន្ទាប់ពីការតវ៉ាបានបញ្ចប់មន្ទីររបស់លោកបានសម្របសម្រួលឲ្យមានការចរចារវាងតំណាងសហជីព និងរោងចក្រ ប៉ុន្តែ ថា នៅមិនទាន់មានដំណោះស្រាយនៅឡើយទេ។
លោកបានមានប្រសាសន៍ថា "ភាគីទាំងពីរបានឯកភាពបន្តការចរចាម្តងទៀតនៅរោងចក្រនៅថ្ងៃទី១០ ខែតុលា។ សមាជិកសហជីពបានយល់ព្រមបញ្ឈប់ការតវ៉ារហូតដល់ថ្ងៃនោះ ហើយរោងចក្របានយល់ព្រមមិនបង្ខំឲ្យកម្មករ ដែលខ្លួននៅជួលនៅឡើយនោះឲ្យមកធ្វើការឡើយ"។ តំណាងរោងចក្រស្បែកជើង Juhui មិនអាចទាក់ទងសុំការធ្វើអត្ថាធិប្បាយបានទេ៕ស៊ុយឈាង
អាណិកជនខ្មែររស់នៅអាមេរិកបដិសេធថា ខ្លួនគ្មានបានធ្វើអ្វីខុសឡើយ
បុរសអាណិកជនខ្មែររស់នៅអាមេរិកម្នាក់ ដែលអាជ្ញាធរកម្ពុជាតាមចាប់ខ្លួនពីបទគំរាមសម្លាប់មេដឹកនាំរបស់ប្រទេសកម្ពុជាបានចេញមកការពារខ្លួននៅលើបណ្ដាញអុីនធើណិត ដោយបដិសេធថា ខ្លួនគ្មានធ្វើអ្វីខុសទេ ហើយបានអំពាវនាវឲ្យលោក កឹម សុខា អនុប្រធានគណបក្សសង្គ្រោះជាតិជួយ។
លោក សំរិទ្ធី...
ប្ដីដែលមានចិត្តប្រចណ្ឌចាក់សម្លាប់មន្ត្រីនគរបាលម្នាក់នៅខេត្តបាត់ដំបង
អាជ្ញាធរមូលដ្ឋានបានឲ្យដឹងកាលពីម្សិលមិញថា បុរសម្នាក់បានចាក់សម្លាប់មន្ត្រីនគរបាលឃុំម្នាក់ ដែលខ្លួនសង្ស័យថា លួចមានសាហាយស្មន់ជាមួយប្រពន្ធរបស់ខ្លួន ក្នុងក្រុងបាត់ដំបងកាលពីថ្ងៃសុក្រ។
យោងតាមលោក ចិត្រ វណ្ណី នាយរងនគរបាលយុត្តិធម៌ក្នុងខេត្តបាត់ដំបងបានឲ្យដឹងថា លោក...
ការខិតខំប្រឹងប្រែងរួមគ្នារបស់មន្ត្រីរដ្ឋបាលព្រៃឈើនៅក្នុងខេត្តចំនួនពីរ បានឈានដល់ការចាប់ខ្លួនបុរសម្នាក់ ដែលដឹកឈើគ្រញូងខុសច្បាប់ទម្ងន់៤៥០គីឡូក្រាមនៅក្នុងរថយន្តភីកអាប់របស់ខ្លួនកាលពីថ្ងៃសៅរ៍ នៅក្នុងខេត្តសៀមរាប។
លោក សំរិទ្ធ សុខុម ព្រះរាជអាជ្ញារងបានមានប្រសាសន៍ថា ស៊ុន ប៊ុនរិទ្ធ...
ក្រុមមន្ត្រីបាននិយាយថា នគរបាលបានចាប់ខ្លួនបុរសជនជាតិថៃពីរនាក់ ដែលប្រដាប់ដោយកាំភ្លើងច្នៃ និងគ្រាប់កង់សម្រាប់បាញ់សត្វជាង២០០គ្រាប់កាលពីព្រឹកម្សិលមិញ នៅក្នុងខេត្តព្រះវិហារ បន្ទាប់ពីទាហានកម្ពុជាបានឃើញពួកគេបាញ់សត្វដោយខុសច្បាប់។
លោក ឈួ ប៊ុនសុង មេបញ្ជាការកងរាជអាវុធហត្ថស្រុកជាំក្សាន្តបានមានប្រសាសន៍ថា ទាហានកម្ពុជាបានឃើញ...