CATEGORY
ព័ត៌មានជាតិ
អ្នកទោសនៅពន្ធនាគារព្រៃសគ្មានទឹកប្រើប្រាស់ដោយសារការជួសជុលផ្លូវធ្វើឲ្យបែកទុយោទឹក
ក្រុមមន្ត្រីបាននិយាយកាលពីម្សិលមិញថា ពន្ធនាគារព្រៃសនៅរាជធានីភ្នំពេញបានទិញរថយន្តដឹកទឹកសម្រាប់អ្នកទោស ដោយសារកម្មករស្ថាបនាផ្លូវបានធ្វើឲ្យបែកទុយោទឹកដែលតភ្ជាប់ទៅពន្ធនាគារនេះកាលពីសប្ដាហ៍មុន។
លោក ខាត់ សុខៃ ចៅសង្កាត់ព្រៃសបានមានប្រសាសន៍ថា ក្រុមហ៊ុនដែលសាលារាជធានីភ្នំពេញបានជួលឲ្យជួសជុលផ្លូវនៅម្ដុំពន្ធនាគារ បានធ្វើឲ្យបែកទុុយោទឹកដោយចៃដន្យ។
លោក សុខៃ...
ទាហានថៃចាប់ខ្លួនអាជីវករខ្មែរនៅតាមព្រំដែន
ទាហានថៃបានចាប់ខ្លួនអាជីវករខ្មែរនៅតាមព្រំដែនចំនួន១៦នាក់ដាក់ពន្ធនាគារកាលពីចុងសប្ដាហ៍ បន្ទាប់ពីពួកគេត្រូវបានតាមទាន់ពេលកំពុងដឹកស្បែកជើង និងសម្លៀកបំពាក់ខុសច្បាប់ ដែលមានយីហោចុះបញ្ជីត្រឹមត្រូវឆ្លងកាត់ច្រកទ្វារព្រំដែនប៉ោយបែ៉ត កាលពីថ្ងៃសៅរ៍។
លោក ង៉ោ ម៉េងជ្រួន អភិបាលក្រុងប៉ោយប៉ែត បាននិយាយថា...
សាលារាជធានីរារាំងមិនឲ្យសកម្មជនជិះកង់ធ្វើយុទ្ធនាការប្រឆាំងទំនប់វារីអគ្គិសនីនៅកោះកុង
កាលពីម្សិលមិញ កងកម្លាំងសន្តិសុខក្រុងភ្នំពេញបានរារាំងសកម្មជនមិនឲ្យជិះកង់នៅក្នុងទីក្រុងធ្វើយុទ្ធនាការប្រឆាំងការសាងសង់ទំនប់វារីអគ្គិសនីនៅក្នុងខេត្តកោះកុង ដោយអះអាងថា អ្នករៀបចំមិនបានស្នើសុំការអនុញ្ញាតពីសាលារាជធានីទេ។
អង្គការ Mother Nature បានធ្វើយុទ្ធនាការតាងនាមឲ្យសហគមន៍ជនជាតិដើមភាគតិចជង នៅក្នុងខេត្តកោះកុង ដែលចង់ឲ្យរដ្ឋាភិបាលលុបចោលគម្រោងរបស់ខ្លួនសម្រាប់ទំនប់ស្ទឹងអារ៉ែងកម្លាំង១០៨មេហ្គាវ៉ាត់។...
នៅកាច់ជ្រុងផ្លូវអ៊ូអរមួយកន្លែងក្រោយផ្សារអូរប្ញស្សីក្នុងរាជធានីភ្នំពេញ បុរសម្នាក់ធ្វើនំរ៉ូទីយ៉ាងផ្ចិតផ្ចង់មួយហើយមួយទៀតនៅរទេះលក់នំថ្មីចែសរបស់គាត់កាលពីថ្ងៃសុក្រ ខណៈដែលបងប្អូនជីដូនមួយរបស់គាត់វេចខ្ចប់នំឲ្យម៉ូយ។
ប៉ុន្តែ ការធ្វើដំណើររបស់គាត់មកដល់កាច់ជ្រុងផ្លូវនេះ ទីដែលនំរ៉ូទីរបស់គាត់ត្រូវបានដាក់ទឹកដោះគោខាប់បន្តិច និងម្សៅសូកូឡាផងនោះ គឺជាការធ្វើដំណើរដ៏យូរនិងលំបាក ហើយប្រើពេលជាច្រើនឆ្នាំទៀតផង។
បុរសរូបនេះនិងជីដូនមួយរបស់គាត់ ដែលសុទ្ធតែជាជនមូស្លីមរ៉ូហ៊ីងយ៉ាមកពីប្រទេសភូមា បានមកដល់កម្ពុជាកាលពីឆ្នាំ២០១០ បន្ទាប់ពីចំណាយពេលមួយឆ្នាំដ៏លំបាកនៅប្រទេសថៃ។ បើទោះជាអ្នកទាំងពីរទទួលបានឋានៈជនភៀសខ្លួននៅទីនេះកាលពីចុងឆ្នាំមុនហើយក្តី ក៏ជីវិតនៅតែជួបការលំបាកក្នុងប្រទេសមួយដែលដោះស្រាយមិនបានល្អជាមួយពលរដ្ឋបែបនេះ។
ជនភៀសខ្លួន រ៉ូហ៊ីងយ៉ា រូបនេះ ដែលសុំមិនប្រាប់ឈ្មោះដោយសារស្ថានការលំបាករបស់ខ្លួននោះ បាននិយាយថា "តើខ្ញុំសប្បាយឬ? រាល់ថ្ងៃខ្ញុំប្រឈមនឹងបញ្ហាជាច្រើនជាមួយសហគមន៍មូលដ្ឋាន ក៏ដូចជា អាជ្ញាធរដែរ។ ខ្ញុំបង់លុយច្រើនណាស់ ទាំងបង់ទៅឲ្យអាជ្ញាធរ និងកន្លែងនៅលើផ្លូវនេះទៀត"។ គាត់បាននិយាយអំពីការរស់នៅក្នុងប្រទេសកម្ពុជាថា "មានការលំបាកច្រើនណាស់។ វាមិនងាយស្រួលទេ"។
ការងារតូចតាច ដូចជា ការទៅធនាគារដកលុយ ឬទិញស៊ីមកាតទូរស័ព្ទជាដើម អាចជាកិច្ចការដ៏លំបាកសម្រាប់គាត់ ពីព្រោះឯកសារតែមួយគត់ដែលគាត់មានគឺលិខិតបញ្ជាក់ជនភៀសខ្លួន។ បើមានជម្រើស គាត់នឹងតាំងទីលំនៅថ្មីភ្លាមៗតាមដែលអាចធ្វើទៅបាន។ ឱកាសធានាទៅរស់នៅគឺប្រទេសកាណាដា ប៉ុន្តែ គាត់មិនទាន់បានឮដំណឹងត្រឡប់មកវិញទេ។
ភ័ព្វវាសនាស្រដៀងគ្នាទំនងជាកំពុងរង់ចាំអ្នកទាំងឡាយដែលអាចមកដល់ទីនេះ ប្រសិនបើកិច្ចព្រមព្រៀងដែលជិតកើតមានឡើងរវាងរដ្ឋាភិបាលអូស្ត្រាលី និងរដ្ឋាភិបាលកម្ពុជាត្រូវចុះហត្ថលេខា ពេលនោះហើយជនភៀសខ្លួនសព្វថ្ងៃដែលត្រូវគេឃុំខ្លួនលើប្រទេសដែនកោះណូរូ នៅមហាសមុទ្រប៉ាស៊ីហ្វិកខាងត្បូង ត្រូវមកតាំងលំនៅជាថ្មីនៅប្រទេសកម្ពុជា។
ដេនីស ខូកឡាន នាយកអង្គការ Jesuit Refugee Service (JRS) បានបើកកិច្ចប្រជុំមួយកាលពីថ្ងៃសុក្រ ដើម្បីលើកឡើងនូវកង្វល់អំពីកិច្ចព្រមព្រៀងជិតកើតមានឡើងនេះ។ ដោយគ្មានស្ថាប័នរដ្ឋាភិបាលណាមានភារកិច្ចយកអាសាជនភៀសខ្លួន និងធនធានតិចតួចដែលមានសម្រាប់ជនភៀសខ្លួនដែលនឹងមកដល់នោះ វាច្បាស់ណាស់ដែលអ្នកស្វែងរកសិទ្ធិជ្រកកោន និងជនភៀសខ្លួននៅទីនេះពឹងផ្អែកលើអង្គការ JRS យ៉ាងណានោះ ដើម្បីបានតាំងលំនៅក្នុងប្រទេសនេះ។
បន្ថែមទៅនឹងលិខិតស្នាម JRS ជួយជនភៀសខ្លួនថ្មី...
កាលពីម្សិលមិញ ទីស្តីការគណៈរដ្ឋមន្ត្រីបានអនុម័តសេចក្ដីព្រាងច្បាប់ចរាចរណ៍ថ្មីមួយក្នុងគោលបំណងធ្វើឲ្យប្រសើរឡើងនូវសុវត្ថិភាពតាមដងផ្លូវដ៏គ្រោះថ្នាក់ក្នុងប្រទេសកម្ពុជា ដោយពេលនេះរង់ចាំតែការអនុម័តពីរដ្ឋសភាប៉ុណ្ណោះ។
យោងតាមលោក ឈួន វន់ អគ្គលេខារងនៃអគ្គលេខាធិការដ្ឋាន នៃគណៈកម្មាធិការជាតិសុវត្ថិភាពចរាចរណ៍ផ្លូវគោក (NRSC) បានឲ្យដឹងថា សេចក្តីព្រាងច្បាប់ដែលរួមមានទាំងការធ្វើវិសោធនកម្មមាត្រាចំនួន៦៤ ការបន្ថែមមាត្រាថ្មីចំនួន១៥ និងការដកមាត្រាចំនួន១៨ចេញដែរនេះ នឹងត្រូវបញ្ជូនទៅរដ្ឋសភា "ឲ្យបានឆាប់ដែលអាចធ្វើទៅបាន"។
អ្នកបើកបរពេលស្រវឹងនឹងប្រឈមការពិន័យធ្ងន់ធ្ងរតាមច្បាប់ថ្មីនេះ ពី១.០០០ដុល្លារទៅជិត៤.០០០ដុល្លារ ហើយអ្នកដំណើរតាមម៉ូតូទាំងអស់ដែលត្រូវបានកំណត់ឲ្យជិះត្រឹមតែមនុស្សពេញវ័យពីរនាក់ និងកុមារម្នាក់សម្រាប់ម៉ូតូមួយគ្រឿង នឹងត្រូវតម្រូវឲ្យពាក់មួកការពារសុវត្ថិភាពទាំងអស់គ្នា។
លោក ឈួន វន់ ដែលគណៈកម្មាធិការរបស់លោកជាអ្នកទទួលខុសត្រូវចំពោះការពិនិត្យមើលការអនុវត្តច្បាប់ចរាចរណ៍ បានមានប្រសាសន៍ថា "ខ្ញុំគិតថា សេចក្តីព្រាងច្បាប់ចរាចរណ៍ថ្មីនេះនឹងឆ្លើយតបទៅនឹងសេចក្តីត្រូវការរបស់ប្រជាពលរដ្ឋ និងជំរុញការអនុវត្តច្បាប់ដើម្បីកាត់បន្ថយការស្លាប់ដោយសារគ្រោះថ្នាក់ចរាចរណ៍"។
លោកបានមានប្រសាសន៍ទៀតថា នៅពេលច្បាប់នេះចូលជាធរមាន ការទទួលខុសត្រូវលើគណៈកម្មាធិការជាតិសុវត្ថិភាពចរាចរណ៍ផ្លូវគោកនេះ នឹងត្រូវផ្លាស់ប្តូរពីក្រសួងសាធារណការ និងដឹកជញ្ជូន ទៅក្រសួងមហាផ្ទៃ ដោយលោក ស ខេង រដ្ឋមន្ត្រីក្រសួងមហាផ្ទៃនឹងក្លាយជាប្រធានថ្មីរបស់គណៈកម្មាធិការនេះ ជំនួសលោក ត្រាំ អីុវតឹក រដ្ឋមន្ត្រីក្រសួងសាធារណការ និងដឹកជញ្ជូន ដែលជាប្រធានបច្ចុប្បន្ន។
លោកមានប្រសាសន៍ថា "យើងចង់ឲ្យគណៈកម្មាធិការនេះនៅក្រោមឆត្រតែមួយដើម្បីងាយស្រួលសម្របសម្រួល"។ លោកបានគូសបញ្ជាក់ថា ក្រសួងមហាផ្ទៃគឺជាអ្នកទទួលខុសត្រូវរួចទៅហើយចំពោះមន្ត្រីទទួលបន្ទុកអនុវត្តច្បាប់នៅនឹងកន្លែង។
កាលពីខែមីនា លោកនាយករដ្ឋមន្ត្រី ហ៊ុន សែន បានលើកឡើងក្នុងសុន្ទរកថាផ្សាយតាមទូរទស្សន៍ថា បច្ចុប្បន្ន ក្នុងមួយឆ្នាំៗប្រជាពលរដ្ឋកម្ពុជាស្លាប់ដោយសារគ្រោះថ្នាក់ចរាចរណ៍ច្រើនជាងចំនួនអ្នកស្លាប់ដោយសារសង្គ្រាមស៊ីវិលក្រោយរបបខ្មែរក្រហមដួលរលំទៅទៀត។
លោកបានមានប្រសាសន៍ថា "សូម្បីអំឡុងឆ្នាំមានសង្គ្រាមមនុស្សមិនស្លាប់រាល់ថ្ងៃទេ ហើយពេលនេះជាមធ្យមមានមនុស្សលើសពីប្រាំនាក់ស្លាប់ជារៀងរាល់ថ្ងៃនៅក្នុងប្រទេសកម្ពុជាដោយសារគ្រោះថ្នាក់ចរាចរណ៍។ ក្នុងរយៈពេល១០ថ្ងៃ មនុស្សពី៥០នាក់ទៅ៦០នាក់ស្លាប់។ ប្រហែល៦០០នាក់នឹងស្លាប់រាល់១០០ថ្ងៃម្តង ហើយក្នុងមួយឆ្នាំមានជាង២.០០០នាក់ស្លាប់ជាមួយនឹងអ្នករបួសជាង១០.០០០នាក់បន្ថែមទៀត"។
លោក អ៊ា ចរិយា អ្នកប្រឹក្សាផ្នែកសុវត្ថិភាពផ្លូវថ្នល់ និងជាអតីតប្រធានកម្មវិធីសុវត្ថិភាពចរាចរណ៍ផ្លូវគោក នៅអង្គការ Handicap International ប្រចាំកម្ពុជាបានលើកឡើងថា សេចក្តីព្រាងច្បាប់ចរាចរណ៍នេះមានសក្ដានុពលធ្វើឲ្យសុវត្ថិភាពផ្លូវថ្នល់ប្រសើរឡើងប្រសិនបើត្រូវបានអនុវត្តពិតប្រាកដដោយមន្ត្រីនគរបាលចរាចរដែលល្បីខាងទទួលការសូកប៉ាន់ជាជាងការចេញបង្កាន់ដៃពិន័យផ្លូវការ។
លោកបានលើកឡើងតាមអីុម៉េលមួយថា "នឹងគ្មានគ្រឿងលើកទឹកចិត្តបន្ថែមសម្រាប់នគរបាលចរាចរ ទេ ប៉ុន្តែ អ្វីដែលនឹងធ្វើឲ្យមានការផ្លាស់ប្តូរនោះ គឺច្បាប់ចរាចរណ៍ថ្មីនេះ ដែលនឹងផ្លាស់ប្តូរប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក ពីរដ្ឋមន្ត្រីក្រសួងសាធារណការ និងដឹកជញ្ជូន ទៅរដ្ឋមន្ត្រីក្រសួងមហាផ្ទៃ ដែលគ្រប់គ្រងនគរបាលចរាចរដោយផ្ទាល់។ កត្តានេះធ្វើឲ្យយើងមានក្តីសង្ឃឹមថា ការអនុវត្តច្បាប់នឹងប្រសើរឡើង"។
ប៉ុន្តែ នៅក្នុងរាជធានីភ្នំពេញកាលពីម្សិលមិញ នគរបាលចរាចរម្នាក់ដែលសុំមិនបញ្ចេញឈ្មោះដោយសារខ្លាចបាត់បង់ការងារបាននិយាយថា វានឹងគ្មានការផ្លាស់ប្តូរដោយសារអ្នកដែលធ្វើជាប្រធានគណៈកម្មាធិការនេះទេ។
នគរបាលចរាចរដែលទទួលបានប្រាក់ខែត្រឹមជាង១០០ដុល្លាររូបនេះ បានលើកឡើងថា "នគរបាលចរាចរនឹងនៅតែទទួលការសូកប៉ាន់ ពីព្រោះវាជាបញ្ហាជីវភាព។ អស់លោកត្រូវយល់ថា មនុស្សមានសេចក្តីថ្លៃថ្នូររបស់ខ្លួន ហើយពួកគេនឹងមិនទទួលការសូកប៉ាន់ទេ ប្រសិនបើពួកគេមានប្រាក់ខែសមរម្យ"។
លោក សុន ឆ័យ តំណាងរាស្ត្រគណបក្សសង្គ្រោះជាតិដែលបានមានប្រសាសន៍ថា លោកមិនទាន់បានអានសេចក្ដីព្រាងច្បាប់នេះនៅឡើយនោះមានមន្ទិលថា វានឹងធ្វើឲ្យប៉ះពាល់ដល់ការធ្វើគោលនយោបាយស្ដីពីសុវត្ថិភាពផ្លូវថ្នល់។ លោកបានមានប្រសាសន៍ទៀតថា "វានឹងគ្មានការផ្លាស់ប្ដូរទេ។ ការអនុវត្តច្បាប់នៅនឹងកន្លែងគឺមន្ត្រីនគរបាលចរាចរជាអ្នកអនុវត្ត ដូច្នេះវានឹងនៅតែជាបញ្ហាធំ"៕ សុខុម (រាយការណ៍បន្ថែមដោយ Alex Consiglio)
លោក សម រង្ស៊ី ចុះសួរសុខទុក្ខសហគមន៍ដែលមានវិវាទដីធ្លីមួយទៀត
លោក សម រង្ស៊ី ប្រធានគណបក្សសង្គ្រោះជាតិបានបន្តចុះទៅសហគមន៍ដែលរងគ្រោះដោយសារវិវាទដីធ្លីពីមួយទៅមួយ ដែលបានធ្វើដំណើរមកកាន់រាជធានីភ្នំពេញដើម្បីស្វែងរកជំនួយអន្តរាគមន៍កាលពីថ្ងៃសុក្រ ដោយលោកចុះសួរសុខទុក្ខអ្នកភូមិមកពីស្រុកស្នួលខេត្តក្រចេះ ដែលមានវិវាទដីធ្លីជាមួយក្រុមហ៊ុនកសិកម្មមួយរបស់កូរ៉េខាងត្បូង។
ការចុះសួរសុខទុក្ខរបស់មេដឹកនាំគណបក្សប្រឆាំងរូបនេះនៅវត្តសាមគ្គីរង្សី ដែលស្ថិតនៅជាយរាជធានីភ្នំពេញ កន្លែងដែលអ្នកភូមិខេត្តក្រចេះស្នាក់នៅរយៈពេលពីរសប្ដាហ៍នេះធ្វើឡើងមួយថ្ងៃបន្ទាប់ពីលោកបានចុះសួរសុកទុក្ខអ្នកភូមិខេត្តកំពង់ឆ្នាំងដែលបាននាំគ្នាដើរមកកាន់រាជធានីភ្នំពេញកាលពីដើមសប្ដាហ៍នេះ ដើម្បីស្វែងរកជំនួយអន្តរាគមន៍នៅក្នុងវិវាទដីធ្លីរបស់ពួកគាត់ជាមួយភរិយាលោក ស៊ុយ សែម រដ្ឋមន្ត្រីក្រសួងរ៉ែ និងថាមពល។
អ្នកភូមិខេត្តក្រចេះទាំងនេះដែលបានជួបជាមួយលោក សម រង្ស៊ី កាលពីថ្ងៃសុក្រ បាននិយាយថាពួកគាត់បានទទួលប័ណ្ណកម្មសិទ្ធិដីនោះកាលពីឆ្នាំ២០១២ ប៉ុន្តែ ត្រូវគេយកទៅវិញ បន្ទាប់ពីក្រុមហ៊ុន Horizon Agriculture Development ដែលនិយាយថា ខ្លួនបានទិញដីនោះកាលពីឆ្នាំ២០១០បានដាក់ពាក្យបណ្ដឹងទៅមន្ត្រីខេត្ត។
អ្នកភូមិទាំងនេះបានធ្វើញត្តិចំនួន៣លើករួចមកហើយក្នុងខែនេះដាក់ជូនទៅខុទ្ទកាល័យរបស់លោកនាយករដ្ឋមន្ត្រី ហ៊ុន សែន ដើម្បីសុំជំនួយអន្តរាគមន៍ ពីព្រោះក្រុមយុវនិស្សិតស្ម័គ្រចិត្តដែលធ្វើការក្នុងគម្រោងផ្ដល់ប័ណ្ណកម្មសិទ្ធិដីធ្លីរបស់លោកនាយករដ្ឋមន្ត្រីបានវាស់វែងដីនោះឲ្យពួកគាត់កាលពីឆ្នាំ២០១២។
លោក សម រង្ស៊ី បានមានប្រសាសន៍ទៅកាន់ប្រជាពលរដ្ឋ ដែលជួបជុំគ្នានៅវត្តសាមគ្គីរង្ស៊ីថា "យើងនឹងជួយគាំទ្រអ្នកភូមិទាំងអស់ឲ្យទទួលបានដីរបស់ពួកគាត់វិញ។ ទោះបីជាខ្ញុំជាតំណាងរាស្ត្រខេត្តកំពង់ចាមក្តី ក៏ខ្ញុំនៅតែធ្វើការការពារប្រជាពលរដ្ឋទាំងអស់ដែរ"។
អ្នកភូមិម្នាក់ឈ្មោះ អ៊ាក សម្បត្តិ បាននិយាយថា ការចុះសួរសុខទុក្ខរបស់លោក សម រង្ស៊ី បានធ្វើឲ្យគាត់សប្បាយចិត្តយ៉ាងខ្លាំង។ គាត់និយាយទៀតថា "យើងសប្បាយចិត្តណាស់ដែលជួបគាត់នៅថ្ងៃនេះ។ ក្តីសង្ឃឹមចុងក្រោយរបស់ខ្ញុំគឺពឹងលើលោក សម រង្ស៊ី ហើយគាត់អាចជួយយើងបាន ហើយគាត់មានអំណាចអំពាវនាវឲ្យអភិបាលខេត្តបញ្ចប់បញ្ហារបស់យើង"៕សុខុម
អ្នករួមគំនិតចំនួនប្រាំនាក់ ដែលបញ្ជូនស្ត្រីកម្ពុជាយ៉ាងតិច១០នាក់ឲ្យទៅរៀបការជាមួយបុរសនៅក្នុងប្រទេសចិនត្រូវសាលាដំបូងរាជធានីភ្នំពេញផ្ដន្ទាទោសឲ្យជាប់ពន្ធនាគារតាមច្បាប់ប្រឆាំងការជួញដូរមនុស្សកាលពីម្សិលមិញ នេះគឺជាករណីថ្មីបំផុតនៃករណីស្រដៀងគ្នាដែលមានការកើនឡើងជាបន្តបន្ទាប់។
ជនរងគ្រោះដែលមិនបានបង្ហាញខ្លួនក្នុងតុលាការកាលពីម្សិលមិញ ត្រូវមេខ្យល់ក្នុងប្រទេសកម្ពុជាសន្យាថា នឹងផ្ដល់ការងារល្អឲ្យ និងឲ្យរៀបការជាមួយប្ដីដែលមានទ្រព្យសម្បត្តិស្តុកស្ដម្ភនៅក្នុងប្រទេសចិន ប៉ុន្តែ ផ្ទុយទៅវិញត្រូវបានគេលក់ទៅឲ្យបុរសជនជាតិចិនដែលរំលោភ រំលោភបំពាន បង្ខាំង ហើយក្នុងករណីខ្លះលក់ស្ត្រីកម្ពុជាបន្ត។ នេះបើយោងតាមសំដីជនរងគ្រោះប្រាប់តុលាការ និងអង្គការសិទ្ធិមនុស្ស។
ជនជាតិចិនឈ្មោះ Tao Ye Hong អាយុ៣៥ឆ្នាំ និងប្រពន្ធជនជាតិខ្មែររបស់ខ្លួនឈ្មោះ និន ចេងលី អាយុ៣១ឆ្នាំ ក៏ដូចជា បុរសជនជាតិខ្មែរឈ្មោះ នេត សុគី អាយុ៣២ឆ្នាំម្នាក់ទៀតត្រូវបានផ្ដន្ទាទោសឲ្យជាប់ពន្ធនាគាររយៈពេលប្រាំពីរឆ្នាំ ដោយលោកចៅក្រម គឹម រ័ត្នណារិន ។ លោកចៅក្រមបានមានប្រសាសន៍ថា "ពួកគេត្រូវផ្ដន្ទាទោសឲ្យជាប់ពន្ធនាគាររយៈពេលប្រាំពីរឆ្នាំតាមច្បាប់ប្រឆាំងការជួញដូរមនុស្ស និងច្បាប់ប្រឆាំងការកេងប្រវ័ញ្ចផ្លូវភេទ"។
ហើយជនដែលត្រូវបានផ្ដន្ទាទោសកាលពីម្សិលមិញ ពីបទជាប់ពាក់ព័ន្ធក្នុងក្រុមនេះដែរនោះ គឺស្ត្រីកម្ពុជាឈ្មោះ ស្រឿង ណារ៉ា អាយុ៤០ឆ្នាំ និង ដួង ស្វិត អាយុ៦៣ឆ្នាំ ដែលត្រូវផ្ដន្ទាទោសកំបាំងមុខ។ ជនទាំងពីរនេះត្រូវផ្តន្ទាទោសរយៈពេលពីរឆ្នាំក្នុងម្នាក់ៗ ហើយតុលាការបានចេញដីកាចាប់ខ្លួន ដួង ស្វិត ។
ចៅក្រមក៏បានបង្គាប់ឲ្យ ចេងលី និង ណារ៉ា បង់ប្រាក់ចំនួន៥.០០០ដុល្លារក្នុងម្នាក់ៗទៅឲ្យជនរងគ្រោះទាំងពីរនាក់ ដែលមានឈ្មោះ អេង លីណា និង ហៃ សុភា ផងដែរ។ លោកក៏បានបង្គាប់ឲ្យ ដួង ស្វិត បង់ប្រាក់សំណងជំងឺចិត្តចំនួន២.០០០ដុល្លារ ទៅឲ្យស្ត្រីជនរងគ្រោះ សុភា ដែរ។
នៅពេលបើកសវនាការជំនុំជម្រះរឿងក្ដីនេះកាលពីខែកក្កដា ជនរងគ្រោះម្នាក់ទៀតអាយុ២៩ឆ្នាំ ដែលមិនត្រូវបានប្រាប់ពីរអត្តសញ្ញាណបាននិយាយថា មេខ្យល់បានមកភូមិរបស់នាង ហើយប្រាប់ពីរឿងស្ត្រីកម្ពុជាដែលកាក់កបនៅក្នុងប្រទេសចិន ហើយបន្ទាប់មកបានឲ្យលុយទៅក្រុមគ្រួសារនាង៥០០ដុល្លារមុនពេលរៀបចំឲ្យនាងទៅប្រទេសចិន។
នៅពេលទៅដល់ប្រទេសចិន នាងត្រូវបានគេលក់ឲ្យទៅបុរសជនជាតិចិនម្នាក់ ដែលរំលោភនាង ហើយបន្ទាប់មកបានលក់នាងឲ្យទៅបុរសម្នាក់ ដែលបានរំលោភនាងដូចគ្នា។
នាងបានប្រាប់តុលាការថា "ខ្ញុំត្រូវបានគេលក់ពីផ្ទះមួយទៅផ្ទះមួយដូចសត្វធាតុអ៊ីចឹង"។ ចេងលី បានបដិសេធការចោទប្រកាន់ទាំងនេះ ដោយនិយាយថា ខ្លួន និងប្តីត្រូវជនរងគ្រោះដែលចង់រកការងារធ្វើនៅប្រទេសចិនមករកដោយខ្លួនឯង ហើយថា ខ្លួនគ្រាន់តែជួយសម្របសម្រួលឲ្យពួកគេមានការងារប៉ុណ្ណោះ។
Toa Ye...
នគរបាលឆ្មក់ចូលហាងអុិនធើណិតកាហ្វេចំនួនពីរក្នុងក្រុងបាត់ដំបង
ម្ចាស់ហាងអុីនធើណិតកាហ្វេចំនួនពីរនាក់ត្រូវបានដោះលែងពីកន្លែងឃុំខ្លួនរបស់នគរបាលកាលពីម្សិលមិញ បន្ទាប់ពីពួកគេយល់ព្រមបិទហាងរបស់ខ្លួនក្នុងក្រុងបាត់ដំបង ក្រោយពីនគរបាលបានឆ្មក់ចូលហាងទាំងនោះ បន្ទាប់ពីមានការត្អូញត្អែរពីអាណាព្យាបាលសិស្ស។
រដ្ឋាភិបាលបានហាមមិនឲ្យបើកហាងអុីនធើណិតកាហ្វេ កន្លែងដែលសិស្សជាច្រើនបានចំណាយពេលរាប់ម៉ោងលេងហ្គេមតាមប្រព័ន្ធអុីនធើណិតឥតឈប់ឈរនោះ ក្នុងចម្ងាយប្រហែល៥០០ម៉ែត្រពីសាលារៀន កាលពីខែវិច្ឆិកា ឆ្នាំ២០១៣។
សេចក្ដីប្រកាសដែលចុះហត្ថលេខាដោយលោក ប្រាក់ សុខុន...
មន្ត្រីមួយរូបនៅក្រសួងរ៉ែ និងថាមពល បានលើកឡើងកាលពីម្សិលមិញថា ទំនប់វារីអគ្គិសនីទី៦របស់ចិន នៅក្នុងខេត្តកោះកុង បានចាប់ផ្ដើមដំណើរការម៉ាស៊ីនភ្លើងមួយគ្រឿងក្នុងចំណោមម៉ាស៊ីនភ្លើងបីគ្រឿងជាការសាកល្បងកាលពីថ្ងៃពុធ។
លោក អិុត ប្រាំង រដ្ឋលេខាធិការក្រសួងរ៉ែ និងថាមពល បានមានប្រសាសន៍ថា អាជ្ញាធរអគ្គិសនីកម្ពុជានឹងធ្វើការវាយតម្លៃលើទំនប់វារីអគ្គិសនីនេះ អំឡុងដំណាក់កាលសាកល្បងនេះ។ លោកបានលើកឡើងថា ប្រសិនបើអ្វីៗដំណើរការតាមការគ្រោងទុក គេរំពឹងថា ទំនប់វារីអគ្គិសនីនេះនឹងបំពេញការខ្វះខាតនៅក្នុងការផ្គត់ផ្គង់ថាមពលអគ្គិសនីក្នុងប្រទេសកម្ពុជា ហើយនឹងធ្វើឲ្យតម្លៃអគ្គិសនីធ្លាក់ចុះ។
លោកបានមានប្រសាសន៍បន្ថែមទៀតថា "ទំនប់វារីអគ្គិសនីនៅតាតៃកំពុងធ្វើតេស្តសាកល្បង។ ប្រសិនបើគ្មានបញ្ហាអ្វីទេនោះ វាជាការប្រសើរណាស់សម្រាប់ការផ្គត់ផ្គង់អគ្គិសនីនៅក្នុងប្រទេសកម្ពុជា ពីព្រោះយើងខ្វះអគ្គិសនីដោយសារតម្រូវការកើនឡើងរាល់ថ្ងៃ ដោយសារសកម្មភាពសាងសង់ និងនៅតាមលំនៅដ្ឋានប្រជាពលរដ្ឋ។ នៅពេលទំនប់នេះដំណើរការពេញលេញ យើងនឹងមានថាមពលដ៏ច្រើនសម្រាប់ផ្គត់ផ្គង់ ហើយតម្លៃនឹងចុះថោក"។
ក្រុមហ៊ុន China National Heavy Machinery Corporation បានចាប់ផ្ដើមសាងសង់ទំនប់វារីអគ្គិសនីកម្លាំង២៤៦មេហ្គាវ៉ាត់នេះនៅឆ្នាំ២០១០ ដោយចំណាយអស់ទឹកប្រាក់ប្រមាណ៥៤០លានដុល្លារ។ នៅទីបំផុត ម៉ាស៊ីនភ្លើងបីគ្រឿង ដែលក្នុងមួយគ្រឿងៗមានសមត្ថភាពផលិតអគ្គិសនីបាន៨២មេហ្គាវ៉ាត់ នឹងដាក់ឲ្យដំណើរការនៅទំនប់វារីអគ្គិសនីនេះ នេះបើយោងតាមសេចក្ដីរាយការណ៍ដោយទីភ្នាក់ងារសារព័ត៌មានស៊ីនហួ របស់ប្រទេសចិន។
យោងតាមទិន្នន័យទទួលបានពីទីភ្នាក់ងារសារព័ត៌មានស៊ីនហួ និងក្រសួងរ៉ែ និងថាមពល បង្ហាញថា ប្រទេសចិនគឺជាអ្នកវិនិយោគធំបំផុតលើទំនប់វារីអគ្គិសនីនៅក្នុងប្រទេសកម្ពុជា ដោយបានបោះទុនរហូតដល់ទៅ១,៦ពាន់លានដុល្លារ ដើម្បីផលិតអគ្គិសនី ដែលមានកម្លាំងសរុប៨២៨មេហ្គាវ៉ាត់។
ទំនប់វារីអគ្គិសនីរបស់ចិននៅក្នុងប្រទេសកម្ពុជាបានរងការរិះគន់យ៉ាងខ្លាំងម្ដងហើយម្ដងទៀតចំពោះការជម្លៀសប្រជាពលរដ្ឋចេញពីលំនៅដ្ឋាន និងការធ្វើឲ្យប៉ះពាល់ដល់បរិស្ថាន។ ទោះជាយ៉ាងណា លោក អាឡិច ហ្គនហ្សាឡេស ដេវីដសុន (Alex Gonzalez Davidson) ស្ថាបនិកអង្គការ...
នគរបាលចោទប្រកាន់មនុស្ស៦នាក់ពីបទមនុស្សឃាតជុំវិញវិវាទដីធ្លី
មន្ត្រីនគរបាលមូលដ្ឋានបាននិយាយថា កាលពីម្សិលមិញមនុស្សប្រាំមួយនាក់ត្រូវបានចោទប្រកាន់ពីបទសម្លាប់ម្ចាស់ចម្ការកៅស៊ូម្នាក់ ដែលពួកគេមានជម្លោះជាមួយពាក់ព័ន្ធការអះអាងសិទ្ធិកាន់កាប់ដីនៅក្នុងខេត្តរតនគិរី។
លោក សៀង លី អាយុ៥០ឆ្នាំត្រូវបានកាប់មួយកាំបិតផ្គាក់ចំកញ្ចឹងក ហើយបានស្លាប់កាលពីថ្ងៃច័ន្ទ គឺពីរថ្ងៃបន្ទាប់ពីមានជម្លោះជាមួយម្ចាស់ចម្ការកៅស៊ូឯកជននៅជាប់គ្នាក្នុងស្រុកអណ្ដូងមាស។
លោក ម៉ៅ...