Tuesday, January 28, 2020

ព័ត៌មាន

នគរបាល​​​ចាប់​​​ខ្លួន​​​ជ​​​ន​​​ជាតិថៃ​​​ចំនួន​បីនាក់​​​ពី​​​បទនាំ​​​លុយដុល្លារ​​​​ក្លែង​​​ក្លាយ​​​ចូល​​​ក្រុង​​​ប៉ោយប៉ែត

លោក​​​ ហែម មុត មេបញ្ជាការ​​​កង​​​រាជ​​​អាវុធ​​​​ហត្ថ​​​ក្រុង​​​ប៉ោយប៉ែត​​​ បាន​​​លើក​​​ឡើង​​​កាល​​​ពី​ម្សិលមិញ​​​ថា នគរបាល​​​បាន​​​ចាប់​​​ខ្លួន​​​ជន​​​ជាតិ​​​ថៃ​​​ចំនួន​​​បីនាក់​​​នៅ​​​ក្នុង​​​ខេត្ត​​​បន្ទាយមាន​​​ជ័យ​​​ ពីបទ​​​សង្ស័យ​​​ថា បាន​​​នាំ​​​លុយ​​​ក្រដាស​​​១០០​​​ដុល្លារ​​​ក្លែង​​​ក្លាយ​​​ចូល​​​ក្នុង​​​ប្រទេស​​​កម្ពុជា​​​។ ជន​​​សង្ស័យ​​​ គង់ចាយពីវ៉ាត់ ​ប៉ាត់ប៉ាពុន ​(Kongjaipiwat Patpapon) អាយុ​​​៤៣ឆ្នាំ​​​ មួង​វង្ស​​ប៉ាសាកុន (Muangwong Parsakon) អាយុ​​​៤៨​​​ឆ្នាំ ​និង​​​ជន​​​សង្ស័យ​​​ គង់​​​ចាំណុង ​ប្រាវុធ ​(Kongchamnong ​prawut) អាយុ​​​៤៣ឆ្នាំ សុទ្ធ​​​តែ​​​ត្រូវ​​​បាន​​​ចាប់​​​ខ្លួន​​​កាល​​​ពី​​​រសៀលថ្ងៃ​​​ពុធ​​​ ក្នុង​​​ផ្ទះ​​​សំណាក់​​​មួយ​​​ក្នុង​​​សង្កាត់​​​ប៉ោយប៉ែត​​​។លោក​​​ ហែម មុត បាន​​​មាន​​​ប្រសាសន៍​​​ថា “ បុរស​​​ជន​​​ជាតិ​​​ថៃ​​​ទាំង​​​នេះ​​​ ត្រូវ​​​មន្ត្រី​​​កង​​​រាជ​​​អាវុធ​​​ហត្ថ​ ដែល​​​មាន​​​ការ​​​សហការ​​​ជាមួយ​​​ព្រះរាជ​​​អាជ្ញារង​​​អម​​​សាលាដំបូង​​​ខេត្ត​​​ និង​​​មន្ត្រី​​​ធនាគារ​​​បាន​​​​​ចាប់​​​ខ្លួន​​​ ហើយ​​​យើង​​​រឹប​​​អូស​​​បាន​​​ក្រដាស​​​ប្រាក់​​​១០០​​​ដុល្លារ​​ចំនួន​​​៤២៣​​​សន្លឹក​​​”។ លោក​​​ ហែម មុត ​បាន​មាន​​​ប្រសាសន៍​​​បន្ថែម​​​ទៀត​ថា​វា​​​មិន​​​ទាន់​​​ច្បាស់​​​ទេ​​​ថា តើ​​​បុរស​​​ទាំងបីនាក់​​​​នេះ​​​មាន​​​បំណង​​​ប្រើ​​​ប្រាស់​​​ក្រដាសប្រាក់​​​ក្លែង​​​ក្លាយ​​​ទាំង​​​​នេះ​​​បាន​​​ដោយ​​​របៀបណា​​​នោះ​​​។ លោក ផាន់ ភារម្យ ព្រះរាជ​អាជ្ញារង​​​អម​​​សាលាដំបូង​​​ខេត្ត​​​ បាន​​​មាន​​​ប្រសាសន៍​​​ថា ការ​​​សាក​​​សួរ​​​កំពុង​​​បន្ដ ហើយ​​​ជន​​​ជាតិ​​​ថៃ​​​ទាំង​​​បី​រូប​​​នេះ ឥឡូវ​​​កំពុង​​​ឃុំ​​ខ្លួន​​​នៅក្នុង​​​ស្នង​​​ការ​​ដ្ឋាន​​​កង​​​រាជ​​​អាវុធ​​​ហត្ថ​​​ខេត្ត​​​៕ ប្រែសម្រួល​​​ដោយ ស៊ា ស៊ុយឈាង

និស្សិត​ពេទ្យ​ប្រាប់​តុ​លា​ការ​​ថា ​ភាព​តានតឹង​ដោយ​សារ​ការ​ប្រឹង​រៀន​ធ្វើ​ឲ្យ​នាង​បង្ក​គ្រោះថ្នាក់​ចរាចរណ៍

​​កា​ល​ពី​ម្សិល​មិញ សាលា​ដំ​បូ​ង​​​រាជ​ធានី​ភ្នំ​ពេញ​​បា​ន​​បើកសវ​នា​កា​រ​​ជំ​នុំ​ជម្រះ​រឿ​ង​​ក្តី​​​របស់​និស្សិត​​​សាកល​វិទ្យា​ល័យ​វិទ្យា​សាស្ត្រ​សុខា​ភិ​បាលអា​យុ​​២៣ឆ្នាំ​ម្នាក់​ ដែល​​ត្រូ​វ​​បា​ន​ចោទ​ប្រ​កាន់​​ពី​បទ​មនុស្ស​​​ឃាត​​​ដោ​យ​អ​​ចេត​នា​បន្ទាប់​​ពី​នា​ង​​បើក​​រថ​យន្ត​​ម៉ាក​ តូយ៉ូតា កាមរី បង្ក​គ្រោះ​ថ្នាក់​ចរាចរណ៍​​​បណ្តាល​​​ឲ្យក្មេង​ចំ​នួន​​​បី​នាក់​ស្លាប់​​​ ពេល​​​ព្យាយាម​​​​​បើក​​​រត់ពី​កន្លែ​ង​ដែល​​​នាង​​​បង្ក​​​​​​​គ្រោះថ្នាក់​​​ចរាចរណ៍​​​ពីរ​ករណី​​​ទៀត​​​​ ​​កា​ល​ពី​ខែ​​មី​នា។ ​គួររំឭក​​​ថា​​​ នៅថ្ងៃ​​​កើតហេតុ​​​ ឈ្មោះ គាម ​ពិ​សិដ្ឋ ណារីតា ​ជា​និស្សិត​​ឆ្នាំ​ទី​​៦​នៅ​សាក​ល​​វិទ្យា​ល័យវិទ្យា​សាស្ត្រ​សុ​ខា​​ភិ​បា​លក្នុង​​រាជ​​ធានី​​ភ្នំ​ពេញ​ និ​ង​ត្រូវ​​​ជា​កូ​ន​ស្រី​​របស់​មន្ត្រី​ខេត្ត​កណ្តាល​ម្នាក់​ បា​ន​បើក​រថ​យន្ត​បុក​​អ្នក​ជិះ​ម៉ូតូ​​​​​នៅ​​​ពីរ​កន្លែងផ្សេង​គ្នា​​ក្បែ​រ​វិ​មា​ន​ឯក​រាជ្យ​។ ​ដោ​យសារ​​​តែ​ការ​​​បើក​រត់​​​​​ទាំង​​​ស្លន់ស្លោ​​​ ​ណារីតា​​​ បា​ន​​​ជ្រុល​​​ចង្កូត​​​បុករះ​​​រថយន្ត​​​និង​​​ម៉ូតូ​​​ដែល​​​ធ្វើ​​​ដំណើរ​​​បញ្ច្រាសទិសគ្នា​​​ រួច​​​ជ្រុល​ទៅ​​បុក​បង​ប្អូ​ន​ស្រីចំ​នួន​ពីរនាក់​ឈ្មោះ រិន បុប្ផា ​​អា​យ​ុ​​១២ឆ្នាំ និង​​​ឈ្មោះ ​រិន រចនា ​អា​យុ​​៨ឆ្នាំ ព្រមទាំង​​​ក្មេងស្រី​​​ម្នាក់​​​ទៀត​​​ឈ្មោះ ​ស្រុីម ​ប៊ុន​ហុង ​​អា​យុ​៨ឆ្នាំ​។ ​ណារីតា និ​យាយ​ក្នុងតុ​លា​ការ​​ថា “ ​ខ្ញុំ​សោក​​ស្តាយខ្លាំងណាស់​​​​​ចំ​ពោះ​​​​​ការ​​​បង្ក​​​គ្រោ​ះ​​ថ្នាក់​នេះ និង​​សូម​ស្នើ​ឲ្យ​​ចៅ​ក្រមបន្ធូរ​​​​បន្ថយ​​​ទោស​​​ដើម្បី​ឲ្យ​ខ្ញុំ​​​បាន​​​វិល​ទៅ​​​បញ្ចប់​​​ការ​​​សិក្សា​​​វិញ​​​​​”។ នា​ង​បា​ន​និយា​យ​​ថា រាល់លើក​​​ គឺ​​​​​​ឪពុក​មា​​របស់​នា​ងជា​​​អ្នក​​​បើក​​​រថយន្ត​​​​​​​ជូ​ន​​​​នា​ង​​​ទៅ​​​រៀន​​​​​​​ ប៉ុន្តែ​​​ នៅថ្ងៃ​​​កើតហេតុ​​​ នាង​​​បាន​​​កាន់​​​ចង្កូត​​​​រថ​យន្ត​​​​ដោយ​​​ខ្លួន​ឯង​​ ដោយសារ​​​​​នា​ង​ប្រញាប់​ទៅ​​ប្រឡង​។ ​​ដោ​យ​អះអាង​​​ថា​​​ ​​គ្រោះ​ថ្នាក់​​​នេះ​​​​​បង្ក​ឡើង​​​​ដោយសារ​​​នាង​​​មាន​​​​សតិ​អារម្មណ៍​មិន​​នឹង​ន​រ​បណ្តាល​​​មកពី​​​កា​រ​ប្រឹងប្រែង​​​រៀនសូត្រ​​​ដើម្បី​​​​ត្រៀម​ប្រ​ឡង​​​នោះ​​​​​ ណារីតា ​​បា​ន​ផ្តល់​លិខិត​ពេទ្យ​មួ​យ​ច្បាប់​​ដែល​បញ្ជាក់​​​ថា នា​ង​មា​នដុំ​សាច់​​​នៅក្នុង​​​ខួរ​ក្បាល​។ ​ណារីតា និយា​យ​ថា “ ខ្ញុំ​នឿយ​ហត់​ណាស់​ហើយ​ពេល​ខ្លះ​ ខ្ញុំ​​មា​ន​​អា​​រម្មណ៍​​តានតឹង​​​​ពេល​​​ខ្ញុំ​​ខំ​រៀ​ន​​ដើម្បី​ត្រៀម​ខ្លួន​​​សម្រាប់​​​ការ​​​ប្រឡង​​រយៈ​ពេល​​ពីរ​ថ្ងៃ​”។ ​លោក ស៊ុន ប៉ែត...

ក្រុម​​​យុវជន​​​កាកបាទក្រហមធ្វើសកម្មភាព​​​នៅ​​​តាម​​​ដងផ្លូវ​​​​​​ឲ្យ​​​ដោះ​​​​​​ប័ណ្ណ​​​ផ្សព្វ​ផ្សាយ​​​​បារី​​​ចេញ

សមាជិក​​​ចលនា​​​យុវជន​​​កាកបាទ​​​ក្រហម​​​កម្ពុជា ​ពាក់​មួក​​​កាតិប​ពណ៌ផ្ទៃមេឃ និង​​​កន្សែង​​​បង់ក​ពណ៌​​​ក្រហម បាន​​​​ដើរ​តាម​ផ្លូវ​ក្នុង​​រាជ​ធានី​ភ្នំពេញ​កាល​​​ពីម្សិល​​​មិញ​​​ និងបាន​​​ដក​​​ប័ណ្ណ​​​​ផ្សព្វ​​​ផ្សាយ​​​បារី​​​ចេញពី​​​ហាង​​​កាហ្វេ​​​ និង​​​ភោជ​នីយ​​​ដ្ឋាន​​​​​​​​​នានា។ ​​​មន្ត្រី​​​១០រូប​​​មកពីសាលា​​​រាជធានី​​​ និង​មន្ត្រី​​​​ខណ្ឌដូន​​​ពេញ ក៏បាន​​​ចូលរួម​​​ផងដែរ​​​ជា​មួយ​​​នឹងអ្នកធ្វើ​​​យុទ្ធនាការ​​​​​​វ័យក្មេង​​​ទាំង​​​នេះ ​​​ដើម្បី​​​​អនុវត្ត​អនុក្រឹត្យ​​​​ឆ្នាំ២០១២ ដែល​​​ហាម​​​មិន​​​ឲ្យ​​​​​​ផ្សាយ​ពាណិជ្ជ​កម្ម​​​​ថ្នាំជក់។ អង្គការ​​​សុខភាព​​​ពិភពលោក​​​ បាន​​​ផ្តល់​​​រង្វាន់​​​ កាលពី​​​សប្ដាហ៍​​​មុន ដល់​​​រាជធានី​​​ភ្នំពេញ ចំពោះ​​​ការ​​​អនុវត្ត​​​​បាន​​​ជោគជ័យ​​​របស់​​​ខ្លួន​​​​លើ​អនុក្រឹត្យ​​​ស្តី​​​ពី​​​ការ​​​ហាមប្រាម​​​មិន​ឲ្យ​មាន​ការ​ផ្សាយ​ពាណិជ្ជកម​្ម​​​​ថ្នាំ​​​ជក់​​​ ទោះ​​​បី​​​​ជា​​​​​រដ្ឋា​ភិបាល​​​​​​​មិន​​​បាន​​​​​​អនុម័ត​ច្បាប់​មួយ​​ដើម្បី​ពង្រឹង​​បទ​ប្បញ្ញត្តិ​​​​ ដែលមាន​​​ចែង​​​នៅក្នុង​​​​អនុ​សញ្ញា​​​ស្តី​​​ពី​​​ការ​​​​គ្រប់​គ្រង​​​​ថ្នាំ​​​ជក់​​​របស់​​​អង្គការ​​​សុខភាព​ព​​​ិភព​លោក​​​ ដែល​​​ប្រទេស​​​កម្ពុជា​​​បាន​​​ចុះ​​​ហត្ថ​លេខា​​​ កាលពី​​​ឆ្នាំ​​​២០០៥​​​ក៏ដោយ​។ ចាន់ សុគន្ធា មន្ត្រី​​​មួយ​​​រូប​​​នៅ​​សាលា​​​​​រាជ​ធានី ​​​បាន​​​អំពាវ​​​នាវ​​​ដល់​​​ម្ចាស់​​​ហាង​​​មួយ​​​នៅ​​​ខណ្ឌ​​​ដូនពេញ​​​ថា “ សូម​​​​​​ចូល​​​រួម​​​ជាមួយ​​នឹង​​​យុទ្ធនាការ​​​របស់​​​យើង​​​ ដើម្បី​​​ធ្វើឲ្យ​​​ទីក្រុង​​​​​​គ្មាន​​​ផ្សែង​​​បារី​​​ និង​​​សូម​​​អនុញ្ញាត​ឲ្យ​​​យើង​​​ដោះ​​​​​​ប័ណ្ណ​​​​​​ផ្សាយ​ពាណិជ្ជកម្ម​​​​បារី​​​ចេញ”។ ម្ចាស់​​​ហាង​​​នៅ​​​តាម​​​បណ្តោយ​​​ផ្លូវ​​​លេខ​​​៧៥​​​ជា​​​ផ្លូវ​​ម​​​ួយក្នុង​​​ចំណោម​​​ផ្លូវ​​​ជា​​​ច្រើន​​​ដែល​​​អ្នក​​​ធ្វើ​​​យុទ្ធនាការ​​​​យក​ជា​​គោល​​​ដៅ​​​ កាល​ពីម្សិល​មិញ​​​នោះ ភាគ​​​ច្រើន​​​បាន​​​អះ​​​អាង​​​ថា ខ្លួន​​​គាំ​​​ទ្រ​​​កិច្ច​​​ខិត​​​ខំ​​​ប្រឹង​​​ប្រែង​​​របស់​​​យុវជន​​​កាក​បាទ​ក្រហម​​​នេះ និង​អនុញ្ញាត​ឲ្យ​​​គេ​ហែក​ប័ណ្ណ​ផ្សាយ​ពាណិជ្ជ​កម្ម​ចេញ។ ហែម ផល្លី អាយុ​​​២៥ឆ្នាំ ដែល​​​បើក​​​​តូប​លក់​​​បារី​​​​​​តូច​​​មួយ ​​​បាន​​​និយាយថា “ ខ្ញុំ​​​សូម​​​គាំទ្រ​​​យុទ្ធនាការ​​​នេះ​​​ ពីព្រោះ​​​ផ្សែង​​​បារី​​​មិន​​​ល្អ​​​ដល់​​​សុខភាព​​​​​​របស់​​​យើង​​​នោះ​​​ទេ​​​”។ យោង​​​តាម​​​តួលេខ​​​របស់ក្រសួង​​​សុខា​ភិបាល បាន​​​ឲ្យ​​​ដឹងថា កាលពី​​​ឆ្នាំ​​​២០១១ ​អង្គការ​​​​សុខភាព​​​ពិភពលោក​​​ បាន​​​​​ប៉ាន់​ប្រមាណ​​​​ថា ​ប្រជាពលរដ្ឋ​​​ខ្មែរ​​​ប្រហែល​​​១០.០០០នាក់​​​បាន​​​​ស្លាប់​​​ជា​​​រៀង​​​រាល់​​​ឆ្នាំ​​​ដោយ​​​សារ​​​ជំងឺ​​​ដែល​​​ពាក់​​​ព័ន្ធ​​​ទៅ​​​នឹង​​​ការ​​​ប្រើ​ប្រាស់​ថ្នាំ​ជក់​​​​។ ​នៅ​​​ចន្លោះ​​​ពីឆ្នាំ​​​២០០៥​ដល់​ឆ្នាំ​​​២០១០ ការ​​​ប្រើប្រាស់​​​ថ្នាំ​​​ជក់​​​បាន​​​ធ្លាក់​​​ចុះ​​​ពី​​​៤៩ភាគរយ​​មក​​​​៤៣​​​ភាគរយ​​​ ក្នុង​​​ចំណោម​​​បុរស​​​ និង​​​ពី​​​២០​ភាគ​រយ​មក​១៧ភាគរយ​​​ក្នុង​​​ចំណោម​​​ស្ត្រី​​​៕ ប្រែសម្រួលដោយ ស៊ុំ សុខភុំ

មនុស្ស​​ជាង​៧.០០០នាក់​ចុះ​ឈ្មោះធ្វើ​អ្នក​​​សង្កេត​ការណ៍សម្រាប់​ការ​បោះ​ឆ្នោត​នៅ​ពេល​​ខាង​មុខ

គ​ណៈ​កម្មាធិ​ការ​​ជាតិ​រៀប​​ចំ​ការ​​បោះ​ឆ្នោត​ (គ.ជ.ប.) ​បា​ន​ឲ្យ​ដឹង​កា​ល​ពី​ម្សិល​មិញ​ថា មនុស្ស​​​ជា​ង​៧.០០០​នាក់​​ពេល​​នេះ​​បា​ន​ចុះ​ឈ្មោះ​​សង្កេត​ការណ៍​កា​រ​​បោះ​ឆ្នោត​ជ្រើស​​​រេើស​តំ​ណាង​​រាស្ត្រ​​នៅ​ថ្ងៃ​​​ទី​​២៨​ ខែ​កក្ក​ដា ​ដែល​​​ភាគ​ច្រើន​ក្នុង​ចំ​ណោម​​ពួ​ក​គេ​​ជា​​ពល​រដ្ឋ​​ខ្មែរ​។ លោក ទេព នីថា ​អគ្គ​​លេខាធិការ​គណៈ​កម្មាធិ​ការ​​ជាតិ​រៀប​ចំកា​រ​​បោះ​ឆ្នោត​​បា​ន​មា​ន​ប្រ​សាសន៍​ថា ក្នុង​ចំ​ណោម​អ្នក​សង្កេត​ការណ៍​​ចំនួន​​៧.៧៤៦នាក់​​​ដែល​​បាន​ចុះ​ឈ្មោះ​​រួច​​ហើយមា​ន​៧.៧២០​នាក់​ ជា​​ពល​​រដ្ឋ​​ខ្មែរ​ ហើយ​​​អ្នក​​ផ្សេង​ទៀត​​ រួ​ម​មាន​​អ្នក​​សង្កេតការណ​៍​​មក​ពី​ប្រទេ​ស​​ជប៉ុន​​ ឥណ្ឌូណេស៊ី និង​ប្រទេ​ស​ផ្សេងៗ​ទៀត​។ លោក​ ទេព នី​ថា ​​​មា​ន​ប្រ​សាសន៍​ថា“ នេះ​​គ្រាន់​តែ​ជា​​ចំនួន​បណ្តោះ​អា​សន្ន​ប៉ុណ្ណោះ​។ ​អ្នក​សង្កេតការណ៍​អន្តរជាតិ​ ជា​ធម្ម​តា​​មក​នៅ​​ពេល​​ជិត​ដល់​ការ​​បោះ​ឆ្នោត​ ដូច្នេះ​​ចំនួន​​នេះ​នឹង​កើន​​ឡើង​ទៀត​”។ ​អ្នក​សង្កេត​ការណ៍​​​អន្តរជាតិ​ជិត​​៦០០​នាក់​និង​អ្នក​សង្កេតការណ៍​ក្នុង​ស្រុក​ជាង​​៣១.០០០​នាក់​ បា​ន​មក​​​សង្កេត​​ការណ៍បោះ​ឆ្នោត​​ជាតិ​លើក​​មុន​ក្នុង​ឆ្នាំ​​២០០៨។ ​គណ​ៈ​កម្មា​ធិ​កា​រ​​ដើម្បី​បោះ​ឆ្នោត​​ដោយ​សេរី​និង​យុត្តិ​ធម៌​ ​​ដែល​​ជា​​អង​្គការ​ក្រៅ​​រដ្ឋា​ភិ​បាល​ក្នុង​ស្រុក​​​ឃ្លាំ​មើល​ការ​​បោះ​ឆ្នោត​​​បា​ន​​​ឲ្យ​ដឹង​ថា ​កា​រ​បោះ​ឆ្នោត​ឆ្នាំ​នេះ​​​​មាន​​យុត្តិ​ធម៌​​​តិច​​បំផុត​​ក្នុង​រយៈ​ពេល​២០​ឆ្នាំ​នេះ​ និង​បា​ន​រក​ឃើញ​ថា ​មាន​គុណ​​វិបត្តិ​​ជា​ច្រើន​ក្នុង​​កា​រ​ចុះ​ឈ្មោះ​អ្នក​បោះ​ឆ្នោត​ ដែលអា​ច​ធ្វើ​ឲ្យ​អ្នក​​បោះ​ឆ្នោតជាង​​មួយ​លាន​នាក់​បាត់​បង់​សិទ្ធិ​បោះ​ឆ្នោត​​ ជា​ការ​អះ​អាង​ដែល​គ​ណ​ៈ​កម្មា​ធិការ​ជាតិ​​រៀបចំ​ការ​​បោះ​ឆ្នោតបដិ​សេធ។ ​សហភាព​​អឺរ៉ុប ​​ដែល​​បា​ន​បញ្ជូ​ន​​អ្នក​សង្កេត​​ការណ៍​សម្រាប់​ការ​បោះ​ឆ្នោត​​ឆ្នាំ​​២០០៨ ​និង​​​បា​ន​សន្និដ្ឋាន​​ថា កា​រ​បោះ​ឆ្នោត​​​នោះ​​មិន​ស្រប​តា​ម​​​បទ​ដ្ឋាន​​អន្តរជាតិ បា​ន​លើក​ឡើង​ថា​ខ្លួន​នឹង​មិន​បញ្ជូន​​អ្នក​សង្កេត​ការ​ណ៍​នៅ​ពេល​នេះ​ទេ ពី​ព្រោះ​​រដ្ឋា​ភិ​បាល​មិន​បា​ន​អនុវត្ត​​តាម​​​​​​អនុ​សាសន៍​​របស់​​ខ្លួន​​សម្រាប់​ការ​​កែ​ទម្រង់​​​នោះទេ​៕ ប្រែ​សម្រួល​ដោ​យ ចេវ ប៊ុននី​​​​​

លោក ហ៊ុន​​​ សែន​ ​​​រំឭក​​​អ្នក​​​បោះ​​​ឆ្នោត​​​ពី​​​សម័យខ្មៅងងឹត​​​ម្ដង​​​ទៀត​​​ក្នុង​​​ឱកាស​​​សម្ពោធ​​​អគារសាលា​​​រៀន​​​

ខណៈពេល​​​ការបោះ​​​ឆ្នោតជាតិ​​​នៅ​​​ថ្ងៃ​​​ទី​​​២៨ ខែ​​​មិថុនា ជិត​​​មក​​​ដល់ កាល​​​ពី​​​ម្សិល​​​មិញ ​លោក ហ៊ុន សែន បាន​​​សរសើរ​​​គណបក្ស​​​ប្រជាជន​​​កម្ពុជាជា​​​ថ្មី​​​ម្ដង​​​ទៀត​​​ចំពោះ​​​ការ​​​ធ្វើ​​​ឲ្យ​​​ប្រទេស​​​កម្ពុជា មាន​​​សេដ្ឋកិច្ច​​​រីក​​​ចម្រើន ​​​ក្រោយពីសម័យ​​​ខ្មែរ​​​ក្រហម។លោកមាន​ប្រសាសន៍ថា បើគ្មាន​​​គណបក្ស​​​ប្រជា​​​ជន​​​កម្ពុជា​​​​​​ទេនោះ រាជធានី​ភ្នំពេញ​ប្រហែល​  “​​​ ក្លាយ​​​ទៅ​​​ជា​​​ចម្ការ​ដូង​​​​ទៅ​ហើយ​” ។ ថ្លែង​​​សុន្ទរកថា​ពី​​​​​ស្រុក​​​កំចាយមា ខេត្ត​ព្រៃវែង ក្នុង​ពិធី​​​​សម្ពោធអគារ​​​​​​សាលា​រៀន​​​ពីរ​​​ល្វែង​ដែល​ឧបត្ថម្ភ​ដោយ​គណបក្ស​ប្រជា​ជន​កម្ពុជា​​ និង​ដាក់​ឈ្មោះ​តាម​ឈ្មោះ​លោក ​ហ៊ុន សែន និងលោក ជា សុីម ប្រធាន​​​​ព្រឹទ្ធ​សភា ​​​នោះ ​​​លោក​​​នាយក​​​រដ្ឋមន្ត្រី​​​ ហ៊ុន ​សែន ​បាន​​​ធ្វើ​​​ការ​​​ប្រៀបធៀប​​​ថា ប្រទេស​​​កម្ពុជា​​​នា​ពេល​​​បច្ចុប្បន្ន​​​នេះ ខុស​គ្នា​ពី​​​​ប្រទេស​កម្ពុជា​ពេល​​​ទទួល​​​រង​​​ការអន្តរាយ បន្ទាប់ពី​​​ថ្ងៃ៧​មករា ឆ្នាំ​​​១៩៧៩ ពេល​​​របប​​​ ប៉ុល​ពត ​ត្រូវ​បាន​​​​ផ្ដួលរំលំ។ ​​​លោក​​មានប្រសាសន៍​ដោយ​​​​ប្រើ​​​ពាក្យ    “ ​​​ប្រល័យពូជសាសន៍” ជា​​ឧក្រិដ្ឋ​​​​កម្ម​មួយ ​ដែលមិន​​​ត្រូវ​​​បាន​ដាក់​​​​បញ្ចូល​​​នៅ​​​ក្នុង​​​​សេចក្តី​ព្រាង​​​​ច្បាប់​សម្រាប់​ដាក់​ទោស​ព្រហ្ម​ទណ្ឌ​ចំពោះ​​​ការ​​​បដិសេធ​​​ថា​​​មិនមាន​​​ឧក្រិដ្ឋ​​​​កម្ម​ក្នុង​​​​របប​​​នេះ​ថា “ នៅ​​​ពេល​​​នេះ យើង​​​​​អាច​មើល​​​​ឃើញ​​​ស្ថាន​​​ភាព​​​ខុសគ្នា​​​ទាំង​​​ស្រុង ​បើ​​​​ប្រៀប​ធៀប​​​​​​ទៅ​​​នឹង​​​សម័យ​​​រំដោះពី​​​របប​​​ពល​​​ពត​ក្នុង​​​​ឆ្នាំ​​​១៩៧៩”។ លោក​​​នាយក​​​រដ្ឋមន្ត្រី បាន​​​មាន​​​ប្រសា​​​សន៍​ថា “ ដូច​​​ជនរួម​​​ជាតិ​​​ទាំង​​​អស់នៅ​​​ទី​​​នេះបាន​​​ដឹង​​ហើយថា របប​​​ប្រល័យ​​​ពូជ​​​សាសន៍​​​ ប៉ុល​ពត ​បាន​​​បំផ្លិច​​​បំផ្លាញគ្រប់វិស័យ​​​ទាំង​​​អស់ រួម​ទាំង​​​ការ​អប់​រំ ​ដោយ​ការ​បំផ្លាញ​​​​សាលា​​​រៀន ​សម្លាប់​​គ្រូបង្រៀន​​​ និង​​​សិស្ស​” ។ ហើយ​​​នៅ​​​ក្នុង​​​ការ​​​រំឮក​​​​ស្រដៀង​គ្នា​នេះ​​​​អំពី​​​សម័យ​​​កាល​​​ដ៏​​​ខ្មៅងងឹត​​​របស់​​​​​កម្ពុជា ​លោក ​ហ៊ុន សែន ​​​មាន​​​ប្រសាសន៍ថា ប្រសិន​​​បើ​​​កង​កម្លាំង​គាំទ្រ​ដោយ​​​​វៀតណាម​​​ ដែល​​​​ក្រោយ​​មក បាន​​​បង្កើត​​​រដ្ឋា​​​ភិបាល​​​នេះ មិន​​​បាន​​​ដណ្ដើម​​​​យក​​​រាជធានី​​​ភ្នំពេញ​​​ទេ​​​នោះ ​ទីក្រុង​​​នេះ​​​នៅ​​​តែ​​​គ្មាន​​​មនុស្ស​​​​​​រស់​​​នៅ​​​ដដែល ។ លោក​​​មាន​​​ប្រសាសន៍ថា “ រយៈ​ពេល​​​​៣០​​​ឆ្នាំ​​​កន្លង​​​មក​​​នេះ ប្រ​​​សិន​​​បើ​​​គ្មាន​​​ថ្ងៃ​​​៧​​​មករា​​​ទេ​​​នោះ រាជ​​​ធានី​​​ភ្នំពេញ​​​​ប្រហែល​​ក្លាយ​​​ជា​​​ចម្ការដូង​​​​ទៅ​ហើយ​។ប្រជាពលរដ្ឋ​​​ត្រូវ​​​បាន​សម្លាប់។​ប្រហែល​ជាគ្មាន​​​នរណា​​​ម្នាក់​រស់​ទេ​​​​​ដោយ​សារ​របប​​​នេះ បាន​​​ចាប់​​​ផ្ដើម​​​ធ្វើ​​​ការ​​​កម្ទេច​​​​ផ្ទៃ​​​ក្នុង”។ លោកបាន​​​មាន​​​ប្រសាសន៍ថា ដំណើរ​​​ការ​​​អភិវឌ្ឍត្រូវ​​​បាន​​​ធ្វើ​​​ជា​​​ជំហាន​​​ៗ និង​​​បាន​​​បង្ហាញ​​​​​​​អំពី​​​​​​ការរីក​​​ចម្រើន​​​របស់​​​ប្រទេស​​​កម្ពុជា​ទៅ​ជា​ប្រទេស​មាន​​ប្រាក់​ចំណូល​​​​មធ្យម​​​នៅ​​​ឆ្នាំ​​​នេះ​​​។ លោក​​​នាយក​រដ្ឋ​មន្ត្រី  ហ៊ុន សែន បាន​មាន​​​ប្រសាសន៍​​​ថា “ យើង​សង្ឃឹម​​ថា​​​ប្រទេស​​​កម្ពុជា នឹង​​​ក្លាយទៅជា​​​ប្រទេស​​​មាន​​​ប្រាក់​ចំណូល​​​​លើស​​មធ្យម​នៅ​​​ឆ្នាំ​​​២០៣០ ​និង​​​​ក្លាយ​​​​ទៅ​​​ជា​​​ប្រទេស​​​អភិវឌ្ឍន៍​​​មួយនៅ​​​ឆ្នាំ​​​២០៥០”។​ ដើម្បី​ឲ្យ​​​​ប្រទេស​​​កម្ពុជា​មាន​​ប្រាក់ចំណូល​​​ខ្ពស់លើស​​​​មធ្យម​​​នៅក្នុង​​​ឆ្នាំ​​​២០៣០​​​​នោះ ផល​ិត​ផល​​​ក្នុង​​​ស្រុក​​​សរុប ត្រូវ​​​កើន​ឡើង​​​​​ជាង៩,៥ភាគ​​​រយ​ក្នុង​មួយ​ឆ្នាំ​ ចាប់​ពី​​​ពេល​​​នេះទៅ​​៕ ប្រែសម្រួលដោយ ស៊ុំ សុខភុំ

​ការ​ងារ​​ជួស​ជុល​កំណាត់​ផ្លូវ​លេខ​៦៣​ ក្នុង​រាជធានីភ្នំពេញ​ដែល​ខូច​ និងលិច​ទឹក​​​ចាប់ផ្តើម​​​ជា​​​ផ្លូវការ

កាល​ពី​ម្សិល​មិញ​ កម្មករ​បញ្ជា​គ្រឿង​ចក្រ​ធុន​ធ្ងន់​បាន​​​ចាប់​ផ្តើម​ជួសជុល​កំណាត់​ផ្លូវ​លេខ​​​​៦៣ ដែល​ស្ថិត​​​នៅ​​​ក្នុង​ចំណោម​កំណាត់​ផ្លូវ​មាន​ចរាចរណ៍​​មមា​ញឹក​​​​បំផុត​​​ក្នុង​រាជ​ធានី​ភ្នំពេញ​ ដើម្បី​លុប​គ្រលុក​និង​​​ស្នាមប្រេះ​​​ដែល​បានធ្វើឲ្យ​​​​​​​កំណាត់​ផ្លូវ​នេះ​​​មាន​ទឹក​ដក់​​​និង​​​គ្រលុក​​​ច្រើន​​​​​​​ ចាប់​តាំង​ពីវា​​​​ត្រូវ​បាន​​គេ​ជីក​​ដាក់​ប្រព័ន្ធ​លូ​ថ្មី​ កាលពី​ប្រាំមួយ​ខែ​មុន​មក​។ ទី​ភ្នាក់​ងារ​ជប៉ុន​ដើម្បី​កិច្ច​សហ​ប្រតិបត្តិ​ការអន្តរជាតិ​ ហៅ​កាត់​ថា ចៃកា (JICA)​ដែល​ជា​ម្ចាស់​ជំនួយ​សម្រាប់​​​​គម្រោង​ដាក់​ប្រព័ន្ធ​លូ​នេះ​ បាន​ជីក​កំណាត់​​ផ្លូវ​នេះ​ កាលពី​ឆ្នាំមុន​ ដើម្បី​អនុវត្ត​​​គម្រោង​មួយ​​​ ដែល​​​សំដៅ​​​​​កាត់​បន្ថយ​ការ​​​ជន់លិច​ផ្លូវ​ក្នុង​រាជធានី​ភ្នំពេញ​។ ប៉ុន្តែ ចាប់​តាំង​ពី​មានការ​​​គាស់​កាយ​កំណាត់​ផ្លូវ​នេះដើម្បី​​​​ដាក់​លូ​មក វា​​​មិន​​​ត្រូវ​បាន​ចាក់​កៅស៊ូឲ្យ​បាន​សមស្រប​​ទេ​ មូលហេតុ​​​គឺ​ដោយ​​សារ​អង្គការ​ចៃកា និង​សាលា​រាជធានី​​​​ភ្នំពេញ​​​ខ្វែងគំនិត​​គ្នា​ត្រង់​​​ថា​​​ តើ​​ភាគី​​​ណា​​​​ជា​អ្នក​ទទួល​ខុស​ត្រូវ​លើការ​ងារ​ជួសជុល​​កំណាត់​ផ្លូវ​នេះ។ប៉ុន្តែ​​​ នៅ​ឯ​​​កន្លែង​​​​ជួស​ជុល​កំណាត់​ផ្លូវ​លេខ​​៦៣​នេះ កាល​ពី​ម្សិល​មិញ គេ​ឃើញ​កម្មករ​ និង​អ្នក​បើក​រ៉ូល័រ​របស់​​​ក្រុម​ហ៊ុនសំណង់​ លី ឈួង កំពុង​ជួសជុល​កំណាត់​ផ្លូវ​នេះ ចាប់​​ពី​មហាវិថី​ព្រះ​សីហនុ ដល់​ផ្លូវ​លេខ​១៧៨។ ខណៈ​​​កំពុង​ឈរ​ក្បែរ​រ៉ូល័រ​នៅ​ឯ​ការដ្ឋាន​ជួសជុល​​​​​​ផ្លូវនេះ​​​កាលពី​ព្រឹក​ម្សិល​មិញ​​​ អ្នក​គ្រប់​គ្រង​​​​គម្រោង​​​ម្នាក់​​​មក​ពី​ក្រុម​ហ៊ុន​សំណង់​ លី ឈួង បាន​​​ប្រាប់​​​អ្នក​​​យក​​​ព័ត៌មាន​​​ថា ការ​ងារ​​​ជួស​ជុល​កំណាត់​ផ្លូវ​នេះ​បាន​ចាប់​ផ្តើម​ស្រប​តាម​​ផែនការ​ ដែល​ត្រូវបាន​​​កំណត់​​​​​​​ដោយ​​​​ក្រុម​​​ហ៊ុន​​សំណង់​ជប៉ុន សូមី​តុមុ (Sumitomo Construction Company)​ ដែល​​​បាន​ចុះ​កិច្ច​សន្យា​អនុវត្ត​​​​គម្រោង​​ដាក់​ប្រព័ន្ធ​លូ​​​ ដែល​ត្រូវ​​​បាន​ម៉ៅការ​បន្ត​​​ដោយ​​​​​ក្រុម​ហ៊ុន​សំណង់ លី ឈួង​​​​​​នេះ​​​ ។ លោក តូច វណ្ណា...

កងទ័ព​អាកាស​កម្ពុជា​និង​សហរដ្ឋ​អាមេរិក​ ហាត់​ទម្លាក់​ជំនួយ​ពីលើ​អាកាស​ក្នុង​ខេត្តកំពង់​ស្ពឺ​

ខេត្ត​កំពង់​ស្ពឺ៖ កាល​ពី​ម្សិល​មិញ ​កង​ទ័ព​អាកាស​កម្ពុជា​ និង​សហ​រដ្ឋ​អាមេរិក​បាន​ហ្វឹក ហាត់​ទម្លាក់​ជំនួយសិប​្បនិម្មិត​​ចំនួន​៤​កញ្ចប់​ នៅ​​ខេត្ត​កំពង់​ស្ពឺ​ ក្នុង​​ព្រឹត្ត​ិការណ៍​​​ហ្វឹកហាត់​ទម្លាក់​ជំនួយ​​ពី​លើ​​អាកាស​នៅ​តំបន់​បាស៊ីហ្វិក​ឆ្នាំ​២០១៣​ ​រៀង​រាល់​២ឆ្នាំ​ម្តង​ ដែល​មាន​ការ​ចូល​រួម​ពី​​ប្រទេស​ចំនួន​២២​នៅ​ក្នុង​តំបន់​អាស៊ី​បា៉ស៊ីហ្វិក។ លោក វីលៀម ថដ (Willian Todd) ​ឯក​អគ្គ រដ្ឋ​ទូត​សហ​រដ្ឋអាមេរិកបាន​ចូល​រួម​ជាមួយ​នឹង​យុទ្ធ​ជន​និង​យុទ្ធ​នារី​​ជា​ច្រើន​នាក់​ ដែល​បាន​ជួប​ជុំ​គ្នា​នៅ​ក្នុង​វាល​ស្រែ​ក្រោម​ពន្លឺ​ព្រះ​អាទិត្យ​ដ៏​ក្តៅ​នៅ​ពេល​ព្រឹក​ ដើម្បី​ចាំ​មើល​ព្រឹត្តិការណ៍​ហ្វឹក​ហាត់​​ទម្លាក់​ជំនួយ​​សិប្បនិម្មិត​រយៈពេល​ប្រាំ​ថ្ងៃ​​េនះ​ ដើម្បី​ទម្លាក់​ជំនួយ​ចំនួន​បួនកញ្ចប់​ពី​លើ​អាកាស​ទៅ​តំបន់​ជា​គោល​​ដៅ​ក្នុង​ចន្លោះ​ពេល​ប្រាំនាទី​ម្តង​ដោយ​យន្ត​ហោះ​ដឹក​ជញ្ជូន​ធុន C-130 របស់​សហរដ្ឋ​អាមេរិក​ ម៉ាឡេសីុ និង​ថៃ ។លោក វីលៀម​ ថត បាន​មាន​ប្រសាសន៍ថា​  “  អាច​ជំនួយ​សង្គ្រោះ​បន្ទាន់​នៅ​ក្នុង​ស្រុក​ ហើយ​នេះគឺ​ជា​អ្វី​ដែល​សហគមន៍​អន្តរជាតិ​​អាច​ជួយ​បាន​”។ លោក​​បន្ថែម​ថា គោល​បំណង​នៃ​ការ​ហ្វឹក​ហាត់​នេះគឺ​ដើម្បី​កែលម្អ​​សមត្ថភាព​កង​កម្លាំង​ប្រដាប់​អាវុធ​ក្នុង​តំបន់​ ដើម្បី​ដោះស្រាយ​​​ជំនួយ​មនុស្ស​ធម៌​ពេល​មាន​​គ្រោះ​មហន្តរាយ។ លោក វីលៀម ថត ប្រសាសន៍ថា ឧត្តម​​សេនីយ៍ឯក​ សួន...

អតីត​ប្រធាន​​​ពន្ធ​នា​គារស-២១​ត្រូវ​បាន​​បញ្ជូន​ទៅ​​ពន្ធ​នា​គារ​​ខេត្ត​កណ្តាល​

មន្ត្រី​ពន្ធ​នាគារ ​និ​ង​មន្ត្រី​​តុ​លា​កា​រ​​​​​និ​យា​យ​​ថា​ ​​​កាំ​ង ​​ហ្គេកអ៊ាវ ​ហៅ ​ឌុច ​​អតី​ត​ប្រ​​​ធាន​​​ពន្ធ​នា​គា​រ​​ស-២១ ​របស់​ខ្មែរ​ក្រហម​ ត្រូ​វ​បា​ន​នាំ​​​ខ្លួន​កា​ល​​​ពី​ម្សិល​មិញ​​ទៅ​​​​បន្ទ​ប់​​​ដែ​ល​​​សាង​សង់​​ជា​ពិ​សេស​​មួ​យ​​ក្នុ​ង​ពន្ធ​នាគា​រ​​​​ខេត្ត​កណ្តាល​​ដើម្បី​​អនុវត្ត​ទោស​ជាប់​​ពន្ធនាគារ​​មួ​យ​​ជី​វិត​របស់​​គាត់​​​ ពី​បទ​​ឧក្រិដ្ឋ​​​​កម្ម​ប្រឆាំ​ង​​មនុស្ស​​​ជាតិ។ ទណ្ឌិត​​ជាប់​ទោស​​ឧក្រិ​ដ្ឋ​​​​កម្ម​សង្គ្រាម​​​​​វ័​យ​​៧០​ឆ្នាំ​​ ដែលត្រូវ​បា​ន​អង្គ​ជំនុំ​ជម្រះ​តុលាការ​កំពូល​​របស់​សាលាក្តី​ខ្មែរ​ក្រហម​​​​ផ្តន្ទា​​​ទោស​ ​កា​ល​​ពី​ថ្ងៃ​​​ទី​​៣ ខែកុម្ភៈ ​ឆ្នាំ​២០១២​នោះ​ ​ត្រូវ​បា​ន​នា​ំ​​​ខ្លួន​​ពី​​មន្ទីរ​​​ឃុំ​​​ឃាំ​ង​​​នៅ​​អ​ង​្គ​ជំនុំ​ជម្រះ​​​វិ​សាមញ្ញ​​​ក្នុ​ង​តុ​លា​ការ​កម្ពុជា​​ទៅ​កាន់​​ពន្ធ​នា​គារ​ខេត្ត​កណ្តាល​​​ នៅ​វេលា​​មោង​​៧និង​​៥០​នាទី​​ព្រឹក​។ គាត់​​ត្រូ​វ​បាន​​ដឹក​​​ទៅ​​ផ្ទ​ះ​ថ្មី​​​​របស់​​គាត់​​តា​ម​រថយន្ត​​ពណ៌​​ខ្មៅ​​​ និ​ង​កញ្ចក់ខ្មៅ​មួ​យ​គ្រឿង ​​ដោយ​មាន​ការ​អ​ម​​​​ពី​បុ​គ្គលិក​សន្តិ​សុ​ខ​​ប្រដាប់​អា​​វុធ​ចំនួន​បីរ​​ថ​​​យន្ត​​វ៉ែន​​។ ​លោក ​​ចាត ស៊ី​នាង ​ប្រ​​​ធាន​​ពន្ធ​នាគារ​​​មា​ន​​​ប្រ​សាសន៍​ថា បន្ទប់​​ឃុំ​ឃាំង​​​ថ្មី​​​មួ​យ​ត្រូ​វ​បាន​សា​ង​សង់​សម្រាប់ ឌុច តា​ម​​​សំ​ណើ​​​ពី​ព្រះ​​រាជ​​​អា​​ជ្ញា​នៅ​តុ​លា​ការ​​ឧក្រិដ្ឋ​កម្ម​សង្គ្រាម​​នេះ​។ ​លោក ស៊ីនា​ង ​មាន​​ប្រ​សាសន៍​ថា“ យើង​​នឹ​ង​​​​​ឃុំ​ឃាំង​​គាត់​​​​ក្នុ​ង​បន្ទប់​ដាច់​​​​ដោ​យ​​​ឡែក​​​មួ​យ ​​​​ដែល​សាង​​​សង់​សម្រាប់​​តែ​​គាត់​ម្នាក់​ប៉ុណ្ណោះ​។ ​បន្ទប់​ឃុំ​​​ឃាំ​ង​​​របស់​​គាត់​ គឺ​ល្អ​ណាស់​ ​​​ដែល​ក្នុង​នោះ​មា​ន​គ្រែ​​ ​និ​ងពូ​ក​មួយ​ និង​មា​ន​បន្ទ​ប់​​ទឹក​​ឯក​​​ជ​ន​​មួយ​​​​​មាន​​កា​រ​ផ្គត់​ផ្គង់​ទឹក​គ្រ​ប់​​គ្រាន់​។ ថ្វី​បើ​មាន​កា​រ​ឃុំ​ខ្លួន​គាត់​ក្នុង​បន្ទប់​​​​ពិសេស​បែប​នេះ​ក៏​ដោយ...

បក្ស​​សង្គ្រោះ​​ជាតិ​​ថា ការ​​ពិភា​ក្សា​ ​ដេញ​​ដោល​​ស្ដី​ពី​​ច្បាប់​​ឧក្រិដ្ឋ​កម្ម​​​ ខ្មែរ​​ក្រហម​​គួរ​​តែ​​ពន្យារពេល​

គណបក្ស​សង្គ្រោះ​ជាតិ​បាន​​ផ្ញើ​​​លិខិត​មួយ​ច្បាប់​​ជូន​លោក ហេង សំរិន ប្រធាន​រដ្ឋ​សភា​កាល​ពី​ម្សិលមិញ​ ​ស្នើ​​សុំ​ឲ្យ​​ពន្យារ​ពេល​​ការ​​ពិភាក្សា​ដេញ​ដោល​​ច្បាប់​ស្ដី​ពី​ការ​ដាក់​ទោស​​អ្នក​ដែល​មិន​ទទួល​ស្គាល់​ឧក្រិដ្ឋ​កម្ម​ខ្មែរ​ក្រហម​​​រហូត​ដល់​រដ្ឋ​សភា​ថ្មី​ត្រូវ​បាន​បង្កើត​ឡើង​បន្ទាប់​ពី​ការ​បោះ​ឆ្នោត​ជាតិ​​ថ្ងៃ​ទី​២៨ ខែកក្កដាខាង​មុខ​នេះ​។ ការ​ស្នើ​​សុំ​ពី​សមាជិក​សភា​មក​ពី​គណបក្ស​ សម រង្ស៊ី និង​គណបក្ស​សិទ្ធិ​មនុស្ស​ដែលឈរ​ឈ្មោះ​ជា​តំណាង​រាស្ត្រ​របស់​គណបក្ស​សង្គ្រោះ​​ជាតិ​ដែល​ទើប​តែ​បង្កើត​ថ្មី​ក្នុង​ការ​បោះ​ឆ្នោត​​​ពេល​ខាង​មុខ​នេះ​ ត្រូវ​បាន​ធ្វើ​ឡើង​មួយ​ថ្ងៃ​បន្ទាប់​ពី​ពួក​គាត់​​​បាន​ទទួល​ដំណឹង​ថា គណៈ​កម្មាធិការ​អចិន្ត្រៃយ៍​​របស់​រដ្ឋ​សភា​ ដែល​​​មាន​​សមាជិក​​​១២​រូប​សុទ្ធ​តែ​មក​ពី​​​គណបក្ស​ប្រជា​ជន​កម្ពុជា​របស់​លោក​នាយក​រដ្ឋ​មន្ត្រី​ ហ៊ុន សែន បាន​សម្រេច​ដក​សមាជិកភាព​តំណាង​រាស្ត្រ​​ពី​សមាជិកសភា​ចំនួន​២៧​រូប​មក​ពី​គណ​បក្ស​ប្រឆាំង​ទាំង​ពីរ​ គឺ​គណបក្ស​សិទ្ធិមនុស្ស​​ និង​គណបក្ស​ សម រង្ស៊ី។ លិខិត​នេះ​​លើក​ឡើងថា“ យើង​​សូម​​ស្នើ​ឲ្យ​​សម្តេច​ប្រធាន​រដ្ឋ​សភា​​ពន្យារ​ពេល​ការ​ពិភាក្សា​ដេញ​ដោល និង​ការ​អនុម័ត​នៃ​សេច​ក្ដី​​ព្រាង​ច្បាប់​ស្ដីពី​ការ​បដិសេធ​​ថា គ្មាន​ការ​ប្រព្រឹត្ត​​​ឧក្រិដ្ឋ​​កម្ម​អំឡុង​សម័យ​កម្ពុជា​ប្រជា​ធិបតេយ្យ​​រហូត​ដល់​ការ​បោះ​ឆ្នោត​ជាតិ​បាន​បញ្ចប់​រួច​រាល់​ ហេតុ​ដូច្នេះ​រដ្ឋ​សភា​អាច​បង្កើត​​ច្បាប់​​បាន​ត្រឹម​ត្រូវ​”។ លោក​នាយក​រដ្ឋ​មន្ត្រី ហ៊ុន សែន ដំបូងឡើយ​បាន​ផ្ដួច​ផ្ដើម​គំនិត​ឲ្យ​បង្កើត​​ច្បាប់​នេះ​ នៅ​ក្នុង​សុន្ទរកថា​មួយ​ កាល​ពី​ថ្ងៃ​ទី​២៧​ ខែ​ឧសភា បន្ទាប់​ពី​លោក កឹម សុខា ប្រធាន​ស្ដី​ទី​គណបក្ស​សង្គ្រោះ​ជាតិ​ បាន​អះអាង​ថា អំពើ​ឃោរឃៅ​​ដែល​បាន​ប្រព្រឹត្ត​នៅ​ពន្ធនាគារ​ស-២១​របស់​របប​ខ្មែរ​ក្រហម​ តាម​ពិត​​ត្រូវ​បាន​ប្រទេស​​វៀតណាម​ប្រឌិត​ឡើង​។រដ្ឋា​ភិបាល​កម្ពុជា ក្រោយ​មក​បាន​ចេញ​ផ្សាយ​ខ្សែ​អាត់​សំឡេង​របស់​លោក កឹម សុខា​។ លិខិត​របស់​គណបក្ស​សង្គ្រោះ​ជាតិ​ក៏​បាន​ស្នើ​ឲ្យ​មាន​ការ​កែប្រែ​មួយ​ចំនួន​ចំពោះ​សេច​ក្ដី​​ព្រាង​ច្បាប់​​នេះ​​​ផង​ដែរ​ ដើម្បី​​រារាំង​អតីត​​សមា​​​ជិក​ជាន់​ខ្ពស់​របស់​ខ្មែរ​ក្រហម​មិន​ឲ្យ​កាន់​តំណែង​នៅ​ក្នុង​ជួរ​រដ្ឋាភិបាល​។ លិខិត​ដែល​មាន​បំណង​សំដៅ​យ៉ាង​​​ច្បាស់​​ដល់​​មេដឹក​នាំ​កំពូល​ទាំង​បី​រូប​របស់​ប្រទេស​កម្ពុជា​េនះ​​...

នៅ​ទិវា​បរិស្ថាន​ពិភពលោក ក្រុម​​​អ្នក​តវ៉ា​បាន​អំពាវនាវ​ឲ្យ​ជួយ​ថែ​រក្សា​ព្រៃ​​​ឈើ​នៅ​កម្ពុជា

ប្រជាពរដ្ឋ​​​ប្រហែល​​​២០០នាក់​​​ដែល​​​​ចូល រួម​ប្រារព្ធ​​​ទិវារ​​​បរិស្ថាន​​​ពិភព​​​លោក​​​បាន​​​ប្រមូល​​​ផ្តុំគ្នា​​​កាល​​​ពីម្សិលមិញ​​​នៅ​​​មុខ​​​រដ្ឋសភា​​​ដើម្បី​​​ប្រគល់ញត្តិមួយ​​​​​​ស្នើ​សុំ​ឲ្យ​រដ្ឋាភិបាល​​​បញ្ឈប់​​​ការកាប់​​​បំផ្លាញព្រៃ​​​ឈើ​របស់​​​ប្រទេស​​​កម្ពុជា​​​។ ដោយពាក់របាំងមុខ​​​រូបគោ​​​ ឆ្មាព្រៃ ​និង​​សត្វទីទុយ ​​​សមាជិក​​​សហគមន៍​​​ព្រៃឈើ​​​ ​មួយ​ក្រុម​ និងអ្នក​​​ការពារ​​​បរិស្ថាន​​​ជាច្រើន​​​នាក់​បាន​​​​​​ចោទ​​​​រដ្ឋាភិបាល​ថា មិនយក​​​ចិត្ត​​​ទុក​​​ដាក់​​​ចំពោះព្រៃឈើ​​​ ដោយ​​​​ការផ្តល់​​​ដីសម្បទាន​​​សេដ្ឋកិច្ច​​​ទៅឲ្យ​​​ក្រុមហ៊ុន​​​​ដែល​ពាក់ព័ន្ធ​​​ទៅ​​​នឹង​​​ការ​​​កាប់​​​ឈើ​​​​ខុស​​​ច្បាប់។ លោក ថេង សាវឿន​​​ អ្នក​សម្រប​​​សម្រួល​​​របស់​​​សហគមន៍​​​កសិករ​​​កម្ពុជា​​​ ​​​មាន​ប្រសាសន៍​​​ដល់​ឧកញ៉ា​ថា“ កាលពី​​​ពេល​​​មុន​​​ប្រជា​ពល​រដ្ឋ​​​​ចូល​​​ទៅក្នុង​​​ព្រៃ​​​​​​ខ្លាច​​​សត្វ​ខ្លា​​​ ប៉ុន្តែ​​​នៅ​​​ពេល​​​នេះ​​​ពួកគាត់​​​ចូល​​​ព្រៃ​​​​​​ខ្លាច​​​​​​ឧកញ៉ា​ទៅ​វិញ​ និង​ខ្លាច​​ក្រុម​ហ៊ុន​​​របស់​​​ពួកគេ​​​​វាយ​​​ធ្វើបាប​​​ពួកគាត់​​​”។ របាយការណ៍​​​មួយ ដែល​​​ចេញ​​​ផ្សាយ​​​ដោយ​​​​អង្គការ​​​ស្បៀងអាហារពិភព​​​លោក បាន​​​ឲ្យ​​​ដឹងថា ប្រទេសកម្ពុជា បាន​​​បាត់​​​បង់ព្រៃ​​​ឈើ​របស់ខ្លួន​​​ប្រហែល​​​មួយ​​​ភាគ​​​បួន នៅ​​​ក្នុង​​​រយៈ​ពេល​​​៤០​​​ឆ្នាំ​​​មក​​​នេះ បណ្ដាល​​​មក​​​ពីការ​​​អភិ​វឌ្ឍ​ដ៏ឆាប់រហ័ស និង​​​តម្រូវ​​​ការឈើ​​​នៅ​​​​ប្រទេស​​​ចិន។ ​ប្រព័ន្ធ​ផ្សព្វ​ផ្សាយ​រដ្ឋ​​​ក៏​​​បាន​​​រាយការណ៍​​​​ឲ្យ​​​ដឹង​​​ផង​​​ដែរ​​​ថា លោក​នាយករដ្ឋ​មន្ត្រី ​ហ៊ុន ​សែន បានមានប្រសាសន៍ថា គម្រប​ព្រៃ​​​ទំហំ ​១,៥​​​​​​លានហិកតា ត្រូវបាន​​​​​ប្រើ​​​សម្រាប់​​​ដី​​​សម្បទាន​​​សេដ្ឋកិច្ច ហើយ​នៅ​មាន​គម្រប​ព្រៃ​៩,៥លានហិកតា ​នៅ​សល់​ក្នុង​​​​ប្រទេស​​​​នេះ។ ប៉ុន្តែ ​ដោយ​សារ​​​​ដី​សម្បទាន​​​សេដ្ឋកិច្ច ​ទំហំ១,២លានហិកតា ត្រូវបាន​​​ប្រគល់​​​ទៅ​ឲ្យ​​​​​ក្រុមហ៊ុន​​​ចម្ការកៅ​ស៊ូ​នោះ លោក​ ហ៊ុន សែន បាន​មាន​ប្រសាសន៍​ថា តាម​​​​​​ពិត​​​ការ​​​ផ្ដល់​​​ដី​​​ទាំង​​​​នេះ គឺជា​​​គម្រប​ព្រៃ​ទេ​​​​។ លោក ថេង សាវឿន ​​​បាន​​​មាន​​​ប្រសាសន៍​ថា ប្រជាពលរដ្ឋ​​​បាន​​​ប្រមូល​​​ផ្តុំគ្នា​​​ម្តងទៀត​​​នៅឆ្នាំ​​​នេះ ព្រោះ​ញត្តិ​​​​​មួយ​​ស្រដៀង​គ្នា​នេះ​ដែលបាន​​​ប្រគល់​​​ជូន​​​រដ្ឋសភា​​​កាល​​​ពីឆ្នាំ​​​២០១២​​​នោះ មិន​បាន​ទទួល​ការ​ឆ្លើយបត​ទេ។ពេល​​​ឈរ​​​នៅ​ក្បែរ​​​ក្រុមអ្នកតវ៉ា​​​​ដែលកាន់បដា​​​មាន​​​​ខ្លឹមសារ​​​ថា “ រស់នៅ​​​ក្នុងពណ៌​​​បៃតង​​​ រស់នៅ​​​ក្នុងភាព​​​សប្បាយ​​​រីករាយ” ​​​និង​​ “ ​បញ្ឈប់ការ​​​កាប់​​​បំផ្លាញ​​​ព្រៃ​​​ឈើ​​​” នោះ​​​លោកបាន​​​មាន​​​ប្រសាស​​​ន៍ថា “ រដ្ឋសភា​​​មិន​​​បាន​​​បំពេញ​​​កាតព្វ​កិច្ច​​​របស់ខ្លួន​​​ដើម្បី​​​បញ្ឈប់​​​ការកាប់​​​បំផ្លាញ​​​ព្រៃឈើទេ​​​”។ ​​​លោក ថេង សាវឿន​​​ បាន​​​មាន​​​ប្រសាសន៍​ថា​​​ “ យើងបាន​​​សង្កេត​​​ឃើញថា ក្រុមហ៊ុន​​​ដែលទទួលបាន​​​ដី​​​សម្បទាន​​​សេដ្ឋកិច្ច​​​​កំពុង​​​បង្ក​​​ឲ្យ​​​មាន​​​ការ​​​បំផ្លិច​​​បំផ្លាញ​​​​​​ព្រៃ​​​ឈើ​​​​យ៉ាង​ខ្លាំង​ដែល​​​ធ្វើ​​​ឲ្យ​​​ប៉ះពាល់​​​ដល់​​​បរិស្ថាន​​​​​​”។ លោក វ៉ន ប៉ាវ​​​ ដែលបាន​​​ចូលរួម​​​នៅ​​​ក្នុង​​​ការធ្វើ​​​បាតុកម្ម​​​នេះ ​បាន​​​​និយាយ​ថា គន្លឹះ​​​​ក្នុង​ការ​បញ្ឈ​​​ប់ការ​​​កាប់​​​បំផ្លាញ​​​ព្រៃ​​​ឈើ​​​ គឺ​​​ត្រូវ​​​ធ្វើ​តាមច្បាប់ស្ដីពីការ​​​វាយ​​​តម្លៃ​​​លើ​​​ផល​​​ប៉ះ​ពាល់​ដល់​​​បរិស្ថាន​​​​ឲ្យ​បាន​ត្រឹម​ត្រូវ​ នៅ​​​មុន​អនុញ្ញាត​​ឲ្យ​មាន​​​​គម្រោង​​​កសិកម្ម​​​​​​ ​​​ទ្រង់​​​ទ្រាយ​​​ធំ​​​។ ​​​លោក វ៉ន ប៉ាវ​ និយាយ​ថា “ យើង​​ជំរុញ​ឲ្យ​រដ្ឋាភិបាល​​​ត្រួតពិនិត្យ​​​​​​ការ​​​វាយ​​​តម្លៃ​ពី​ផល​​​ប៉ះ​​​ពាល់​​​ដល់បរិស្ថាន​​​ ​មុន​​​ពេល​​​ផ្តល់​​​ដី​​​សម្ប​ទាន​​​​​​​​ទៅ​​​ឲ្យ​​​ក្រុមហ៊ុន​​​​​ដែល​រក​សីុកាប់​​​ឈើ​​​”៕ (រាយ​​​ការ​​​ណ៍​​​បន្ថែមដោយ​​​ Denise Hruby)​​​​​​​​​ ប្រែសម្រួលដោយ ស៊ុំ សុខភុំ

MEDIA FEEDS

Popular

video

ក្រសួងសុខាភិបាលខ្មែររកឃើញបុរសជនជាតិម្នាក់ក្នុងខេត្តព្រះសីហនុ មានជំងឺផ្លូវដង្ហើមកូរ៉ូណាថ្មី

ក្រសួងសុខាភិបាលលោក ប្រកាសថា ជម្ងឺរលាកផ្លូវដង្ហើមប្រភេទថ្មីដែលផ្ទុះឡើងដំបូងក្នុងទីក្រុងវូហានប្រទេសចិននោះ បានរាតត្បាតវៃលុកដល់ខេត្តព្រះសីហនុរបស់ខ្មែរហើយ។ គិតត្រឹមល្ងាចថ្ងៃទី២៧ ខែមករា ឆ្នាំ២០២០នេះ ក្រសួងសុខាភិបាល បានរកឃើញករណីជំងឺផ្លូវដង្ហើមថ្មី ដែលបង្កឡើងដោយវីរុសកូរ៉ូណា នៅលើជនជាតិចិនម្នាក់ ដែលចាកចេញពីប្រទេសចិន ចូលមកកាន់ប្រទេសកម្ពុជា។ នេះបើតាមលោក ម៉ម ប៊ុនហេង រដ្ឋមន្រ្តីក្រសួងសុខាភិបាល ក្នុងសន្និសីទកាសែតនៅព្រលប់ ថ្ងៃទី២៧ ខែមករា ឆ្នាំ២០២០នេះ។ តាមការបញ្ជាក់ពីរដ្ឋមន្រ្តីក្រសួងសុខាភិបាល បានឲ្យដឹងថា អ្នកជំងឺដែលឆ្លងវីរុសកូរ៉ូណាថ្មីនេះ បាននឹងកំពុងដាក់នៅដាច់ដោយឡែកពីគេ។