Wednesday, June 3, 2020

ព័ត៌មាន

លោក​ សម រង្ស៊ី ស្នើសុំ​ឲ្យ​ក្រុមប្រឹក្សា​ធម្ម​នុញ្ញ​ផ្តល់​សិទ្ធិ​​ឲ្យ​លោក​​បាន​បោះឆ្នោត​និង​ឈរ​ឈ្មោះ​វិញ​

កាលពី​ម្សិលមិញ​ លោក សម រង្ស៊ី មេដឹក​នាំ​​គណបក្ស​ប្រឆាំង​បាន​សុំ​ឲ្យ​ក្រុម​ប្រឹក្សា​ធម្មនុញ្ញ​ ​​​​ផ្ដល់​សិទ្ធិ​ឲ្យ​​លោក​​បាន​​បោះឆ្នោត​ និង​ឈរ​ឈ្មោះ​​ជា​បេក្ខជន​សម្រាប់​​ការ​បោះឆ្នោត​នៅ​​​ថ្ងៃ​អាទិត្យ​ខាង​មុខ​នេះ​វិញ​ ជា​សិទ្ធិ​ដែល​លោក​​បាន​បាត់​បង់​ ដោយ​សារ​តែ​ការ​ផ្ដន្ទា​ទោស​ព្រហ្មទណ្ឌ​ ដែល​​ព្រះ​មហាក្សត្រ​នរោត្តម​ សីហ​មុនី បាន​ព្រះ​រាជ​ទាន​លើក​លែង​ទោស​កាល​ពី​ពេល​ថ្មីៗ​នេះ​។ លោក​ សម រង្ស៊ី បាន​សរសេរ​លិខិត​មួយ​ច្បាប់​ផ្ញើ​ជូន​លោក​ ឯក​ សំអុល​ ប្រធាន​ក្រុម​ប្រឹក្សា​ធម្មនុញ្ញ​ កាលពី​ម្សិលមិញ​ថា “ ខ្ញុំ​សូម​ស្នើ​ឲ្យ​ក្រុម​ប្រឹក្សា​ធម្មនុញ្ញ​កម្ពុជា​ចេញ​សេចក្ដី​សម្រេច​​ឲ្យ​ខ្ញុំបាន​ចុះឈ្មោះ​​បោះឆ្នោត​ និង​ផ្ដល់​សិទ្ធិ​ឲ្យ​ខ្ញុំ​ឈរ​ឈ្មោះ​ជា​បេក្ខជន​វិញ​”។ ចាប់​តាំង​ពី​​ព្រះ​មហាក្សត្រ​ នរោត្តម​ សីហ​​មុនី​ បាន​ព្រះរាជ​ទាន​លើក​លែង​ទោស​ជាប់​ពន្ធនាការ​រយៈ​ពេល​១១​ឆ្នាំ​របស់​លោក​ សម រង្ស៊ី កាលពី​ថ្ងៃ​ទី​១២ ខែ​កក្កដា ប្រធាន​គណ​បក្ស​សង្គ្រោះ​ជាតិ​រូប​នេះ​បាន​វិល​ត្រឡប់​ពី​ការ​និរទេស​ខ្លួន​ឯង​មក​ប្រទេស​កម្ពុជា​វិញ​ ហើយ​បាន​សុំ​ឲ្យ​បន្ថែម​ឈ្មោះរបស់​លោក​ក្នុង​បញ្ជី​ឈ្មោះ​បោះឆ្នោត​ និង​បញ្ជីឈ្មោះ​បេក្ខជន​។ នៅ​ក្នុង​លិខិត​របស់​លោក​ លោក សម រង្ស៊ី បាន​សរសេរ​ថា ដោយសារ​ទោស​ជាប់​ពន្ធនាគារ​របស់​លោក​ត្រូវ​បាន​លើក​លែង​ហើយ​នោះ​ សេចក្ដី​សម្រេច​កាលពី​ខែ​វិច្ឆិកា...

ក្រុមហ៊ុន​​​ស្ករស​​​អង់គ្លេស​​​ស៊ើប​​​អង្កេត​​​ពី​​​ការ​​​ប្រើ​​​កម្លាំង​​​ពល​​​កម្ម​​​កុមារ​​​នៅ​​​​​​ចម្ការ​​​ក្នុង​​​ខេត្ត​​​កោះកុង​​​

កាល​​​ពី​​​ម្សិលមិញ​​​ក្រុមហ៊ុន​​​ស្ករស​​​អង់គ្លេស​​​​​​​​​ Tate & Lyle បាន​​​ឲ្យ​​​ដឹង​​​ថា ខ្លួន​​​កំពុង​​​ស៊ើប​​​អង្កេត​​​ការ​​​ចោទ​​​ប្រកាន់​​​ថ្មីៗ​​​នេះ​​​ អំពី​​​ការ​​​ប្រើ​​​កម្លាំង​​​ពលកម្ម​​​កុមារ​​​នៅ​​​ចម្ការ​​​អំពៅចំនួន​​​ពីរ​​​ក្នុង​​​ខេត្ត​​​កោះកុង​​​ ដែល​​​ជា​​​កន្លែង​​​ខ្លួន​​​បាន​​​និង​​​កំពុង​​​ទិញ​​​ស្ករស​​​ ចាប់​​​តាំង​​​ពី​​​ឆ្នាំ​​​២០១០​​​មក​​​ ហើយ​​​បាន​​​បន្ទោស​​​អង្គការ​​​ក្រៅ​​​រដ្ឋាភិបាល​​​ដែល​​​មិន​​​បាន​​​ជូន​​​ដំណឹង​​​ដល់​​​ខ្លួន​​​អំពី​​​រឿង​​​នេះ​​​ឲ្យ​​​បាន​​​ឆាប​​​់​​​បន្តិច​​​។ ការ​​​ចោទ​​​ប្រកាន់​​​អំពី​​​ការ​​​ប្រើ​​​កម្លាំង​​​ពល​​​កម្ម​​​កុមារ​​​ បាន​​​បែក​​​ធ្លាយ​​​ជា​​​សាធារណៈ​​​ដោយ​​​សារ​​​អត្ថបទ​​​ចេញ​​​ផ្សាយ​​​កាល​​​ពី​​​ថ្ងៃ​​​ទី​​​១៩​​​ ខែ​​​កក្កដា របស់​​​កាសែត​​​ ឌឹ ហ្គាឌៀន។ បន្ទាប់​​​ពី​​​ក្រុមហ៊ុន​​​ Tate & Lyle បាន​​​​​​គំរាម​​​ប្ដឹង​​​ការសែត​​​នេះ​​​ពាក់​​​ព័ន្ធ​​​នឹង​​​រូប​​​ភាព​​​វីដេអូ​​​អម​​​ជាមួយ​​​នឹង​​អត្ថបទ​​​​​​ដែល​​​បង្ហាញ​​​ឲ្យ​​​ឃើញ​​​កុមារ​​​ធ្វើ​​​ការ​​​នៅ​​​ក្នុង​​​ចម្ការ​​​​​​របស់​​​ថៃ​​​ទាំង​​​នោះ​​​រួច​​​ អង្គការ​​​ក្រៅ​​​រដ្ឋាភិបាល​​​ក្នុង​​​ស្រុក​​​ បាន​​​ចេញ​​​សេចក្ដី​​​ថ្លែងការណ៍​​​រួ​​​ម​​​គ្នា​​​​​​​​​ដើម្បី​​​ការ​​​ពារ​​​អ្នក​​​ថត​​​រូប​​​ភាព​​​វីដេអូ​​​នោះ​​​ផង​​​ និង​​​ដើម្បី​​​សម្ដែង​​​ការ​​​គាំ​​​ទ្រ​​​ចំពោះ​​ការ​​​ចេញ​​​ផ្សាយ​​​អត្ថបទ​​​របស់​​​កាសែត​​​នោះ​​​ផង​​​។ ក្រុមហ៊ុន Tate & Lyle  បាន​​​បន្ទោស​​​ថា អង្គ​​​ការ​​​ក្រៅ​​​រដ្ឋាភិបាល​​​ទាំង​​​នោះ​​​គួរ​​​តែ​​​បង្ហាញ​​​ភ័ស្តុតាង​​​ឲ្យ​​​ក្រុមហ៊ុន​​​បាន​​​ឃើញ​​​ឆាប់​​​ជាង​​​នេះ​​​។ អ្នក​​​នាំ​​​ពាក្យ​​​ក្រុមហ៊ុន Tate & Lyle ​​​...

ការ​​​និយាយ​​​ឡក​​​ឡាយ​​​​​​ដាក់​​​គ្នា​​​​​​​​​ប្រែ​​​ក្លាយ​​​ជាអំពើ​​​ហិង្សា​​​ ខណៈ​​​ថ្ងៃ​​​បោះ​​​ឆ្នោត​​​កាន់​​​តែ​​​ខិត​​​ជិត​​​មក​​​ដល់​​​

ការ​​​និយាយ​​​ឡក​​​ឡាយ​​​ដាក់​​​គ្នា​​​​​​​​​រវាង​​​អ្នក​​​គាំទ្រ​​​​​គណបក្ស​​​ប្រជាជន​​​កម្ពុជា និង​​​អ្នក​​​គាំទ្រ​​​គណបក្ស​​​សង្គ្រោះ​​​ជាតិ​​​បាន​​​ប្រែក្លាយ​​​ទៅ​​​ជាអំពើ​​​ហិង្សា​​​កាល​​​ពីម្សិល​​​មិញ​​​ ខណៈ​​អ្នក​​​គាំទ្រ​​​មក​​​ពី​​​គណបក្ស​​​ទាំង​​​ពីរ​​​បាន​​​ប៉ះ​​​ទង្គិច​​​គ្នា​​​នៅ​​​ខណ្ឌ​​​ប្ញស្សី​​​កែវ ដោយ​​​បណ្តាល​​​ឲ្យ​​​មន្ត្រី​​​នគរបាល​​​ម្នាក់​​​រង​​​របួស​​​ក្បាល​​​ដោយសារ​​​គេ​​​គប់​​​ដុំថ្ម​​​មក​​​ត្រូវ​​​​​​​​​​​​។ ការ​​​ប៉ះ​​​ទង្គិច​​​គ្នា​​​នេះ​​​​​​បាន​​​កើត​​​ឡើង​​​​​​មួយ​​​ថ្ងៃ​​​ បន្ទាប់​​​ពី​​​ យុវជន ហែម វុត្ថា អាយុ​​​២១​​​ឆ្នាំ​​​ ដែល​​​ជា​​​អ្នក​​​គាំទ្រ​​​គណបក្ស​​​សង្គ្រោះ​​​ជាតិ​​​បាន​​​ចូល​សម្រាកនៅ​​​​​​មន្ទីរ​​​ពេទ្យ​​​​​​កា​​​ល​​​ពី​​​យប់​​​ថ្ងៃ​​​​អង្គារ​​​ បន្ទាប់ពី​​​រូប​គេ​រងការ​​​​​​វាយប្រហារ​​​ដោយ​​​ដំឥដ្ឋ​​​​​​ចំ​​​ក្បាល​​​ផ្នែក​​​ខាង​​​ក្រោយ​​​​​​​​​​​​​​​ក្នុង​​​ហេតុ​​​ការណ៍​​​ប៉ះ​​​ទង្គិច​​​គ្នា​​​មួ​​​យ​​​នៅ​​​ខណ្ឌ​​​មាន​​​ជ័យ។ លោក​​​ ខាំ ហ៊ុន អាយុ​​​៥៣​​​ឆ្នាំ​​​​​​ នាយ​​​រង​​​ប៉ុស្តិ៍​​​​​​បាន​​​ចាក​​​ចេញ​​​ដោយ​​​មាន​​​ស្នាម​​​រង​​​របួស​​​នៅ​​​លើ​​​ថ្ងាស​​​កាល​​​ពីម្សិល​​​មិញ​​​ បន្ទាប់​​​​​​ពីមានការ​​​ឈ្លោះ​​​ប្រកែក​​​គ្នា​​​មួយរវាង​​​ស្ត្រី​​​វ័យ​​​ក្មេង​​​ពីរ​​​នាក់​​​ដែល​​​ជា​​​អ្នក​​​គាំទ្រ​​​គណបក្ស​​​ដ៏ស្មោះ​​​ស្ម័គ្រ​​​​​​នៅ​​​ក្នុង​​​ខណ្ឌ​​​ប្ញស្សី​​​កែវ​​​។ កញ្ញា ស៊ុន​​​ ហារ៉ានី អាយុ​​​២៣​​​ឆ្នាំ​​​ជាស្ត្រី​​​វ័យ​​​ក្មេង​​​ម្នាក់​​​​​​ក្នុង​​​ចំណោម​​​ស្ត្រី​​​វ័យក្មេង​​​ដែល​​​ស្មោះ​​​ស្ម័គ្រ​​​​​​នឹង​​​គណបក្ស​​​ប្រជាជន​​​កម្ពុជា​​​នោះ ​​​បាន​​​និយាយថា ក្បួន​​​ដង្ហែ​​​របស់​​​អ្នក​​​ធ្វើ​​​យុទ្ធនាការ​​​ឃោសនា​​របស់​​​គណបក្ស​​​សង្គ្រោះ​​​​​​ជាតិ​​​​​​បាន​​​ធ្វើ​​​ដំណើរ​​​ឆ្លង​​​កាត់​​​សង្កាត់​​​ច្រាំង​​​ចម្រេះ​​​​​​​​​​២ ដែល​​​ជាសង្កាត់​​​ពោរពេញ​​​ទៅ​​​ដោយ​​​​​​ការ​​​តុប​​​តែង​​​ស្លាក​​​សញ្ញា​​​របស់​​​គណបក្ស​​​ប្រជា​​​ជន​​​កម្ពុជា​​​ និង​​​មាន​​​បងប្អូន​​​ខ្មែរ​​​អីុស្លាម​​​ជា​​​ច្រើន​​​​​​រស់​​​នៅ​​​​​​ ហើយ​​​នៅ​​​ពេល​​​នោះ​​​អ្នក​​​គាំទ្រ​​​គណ​​​បក្ស​​​​ប្រឆាំង​​​បាន​​​ញុះញង់​​​ឲ្យ​​​មនុស្ស​​​ជា​​​ច្រើន​​​និយាយ​​​​ពាក្យ​​​ថា...

រដ្ឋាភិបាល​បដិសេធចំពោះការ​អះអាង​ថា​​ នគរបាល​និង​យោធា​បំភិត​បំភ័យដល់​​​​អ្នក​បោះ​ឆ្នោត

កាលពី​ម្សិល​មិញ រដ្ឋាភិ​បាល​បាន​បដិ​សេធ​​​ការ​ចោ​ទ​ប្រកាន់​ដែល​បាន​លើក​ឡើង​នៅ​ក្នុង​សេច​ក្តី​ថ្លែង​ការ​ណ៍​មួយ​ដែល​ចេញ​ផ្សាយ​ដោយ​អង្គការ​ឃ្លាំ​មើល​សិទ្ធិមនុស្ស​ (Human Right Watch) កាលពី​ថ្ងៃ​ច័ន្ទ​ដែល​បាន​ចោទ​ប្រកាន់​នគរ​បាល​និង​យោធា​ជាន់​ខ្ពស់​ថា បាន​ធ្វើ​ការ​បំភិត​បំភ័យ​ដល់​បរិយា​កាស​សម្រាប់​អ្នក​បោះ​ឆ្នោត​ដោយ​ធ្វើ​យុទ្ធនាការ​ឃោស​នា​ឲ្យ​គណបក្ស​ប្រជា​ជន​​កំពុង​កាន់​អំណាច។ សេចក្តី​ថ្លែង​ការ​ណ៍​របស់​អង្គការ​ឃ្លាំ​មើល​សិទ្ធិមនុស្ស​បានបញ្ចេញ​ឈ្មោះ​លោក ប៉ុល សារឿន អគ្គ​មេបញ្ជា​ការ​កង​យោធ​ពល​ខេមរភូមិន្ទ និង​លោក ហ៊ីង​ ប៊ុន​ហៀង អគ្គ​មេ​​​បញ្ជាការ​រង​ លោក​​​  គន់  គីម នាយសេនាធិ ការ​​ ចម្រុះ និង​លោក ហ៊ុន ម៉ាណែត កូន​ប្រុស​​​លោក​​​នាយក​រដ្ឋមន្ត្រី ហ៊ុន សែន ថា​បាន​ធ្វើ​យុទ្ធនា​​ការ​ឃោសនា​បោះ​ឆ្នោត​ឲ្យ​គណបក្ស​ប្រជា​ជន​​កាល​ពី​ឧសភា និង​ខែ​មិថុនា។ ប៉ុន្តែ​លោក ផៃ...

តុលាការ​​កំ​ពូល​​បើក​សវ​នា​​ការ​លើ​​​បណ្តឹង​​​សាទុក្ខ​របស់​​​​​អតីតប្រធាន​កង​​​​អង្គ​រក្សរបស់​​​​​ លោក ជា ស៊ីម

​កា​ល​​ពី​ម្សិល​មិញ ​តុ​លា​ការ​​កំ​​ពូ​ល​​​បា​ន​​​បើក​​​សវ​នា​ការលើ​​​បណ្តឹង​​​​​សាទុក្ខ​​​​របស់​​​អតីត​ឧត្ត​ម​​សេនីយ៍ឯក​កងយោធពល​ខេមរភូមិន្ទ​​ ឈឿន ​​​​ចាន់​​ថ​ន ​​អតីតប្រធា​ន​​កង​អង្គ​រក្ស​​របស់​លោក ​​ជា ស៊ី​ម ​ប្រធា​ន​​ព្រឹទ្ធ​សភា ដែលកំពុងតែ​​​​​​ជា​​ប់​​ពន្ធ​​​​នាគារ​​រយៈ​​​ពេលជា​ច្រើន​ឆ្នាំ​ ពី​បទ​លក់​​និ​ង​​​បំផ្លាញ​​​​ទ្រព្យ​សម្បត្តិ​រដ្ឋ​  ​​​ក្លែង​បន្លំ​ឯក​​សារនិង​​​​ប្រើ​​​អា​វុធ​​​​ខុស​​ច្បាប់​។ ​​ក្នុ​ង​​ខែ​​កុម្ភៈ​​ឆ្នាំ​​២០១២ ​លោក ​ចាន់​ថន ​ត្រូវ​​​បា​ន​តុ​លាការ​​យោ​ធា​​ផ្តន្ទា​​​ទោស​ដាក់​ពន្ធនា​​​​គារ​​រយៈ​ពេល​​២៦ឆ្នាំ​​​ពី​បទ​រំ​លោភ​លើ​​​សេ​ច​ក្តី​​​ទុ​ក្ខ​ចិត្ត​ ​និង​បទ​​​លក់​​និង​​បំ​ផ្លាញ​​​ទ្រព្យ​សម្បត្តិ​​យោ​ធា​​​​ដោយ​ខុស​​ច្បាប់​។ ក្នុង​​​ខែ​​​​​នោះ​​​​ សាលា​​​ដំ​បូ​​ង​​​​​​​រាជ​ធា​​នី​​ភ្នំ​​ពេញ​​​បា​ន​ផ្ត​ន្ទា​​​ទោស​លោក​ឲ្យ​ជាប់​ពន្ធ​នា​គារ​រៈពេល​១០ឆ្នាំ​​ថែម​ទៀត ពី​បទ​កាន់​​​​​​កាប់​​​អា​​វុធ​​​ខុស​​ច្បាប់​ ​បញ្ជា​ឲ្យ​​ប្រើ​​អា​វុធ​​​ដោយ​​​​​​​​​គ្មាន​កា​រ​​អនុញ្ញាត​​​ត្រឹម​ត្រូ​វ​ ក្លែ​ង​បន្លំ​​ឯក​​​​សារ​​ និង​ប្រើ​​​ឯក​សារ​ក្លែ​ង​បន្លំ​។ ​​​ទោស​​​ទាំ​ង​​​ពីរ​នេះ​​​ត្រូ​វ​​​បា​ន​​​សាលា​ឧទ្ធរណ៍​​​តម្កល់​កា​ល​​ពី​ក្នុ​ង​ខែ​កុម្ភៈ​ ​ដោ​យ​​​​ចៅ​ក្រមបាន​​​​ច្រាន​​​​​ចោល​​កា​រ​​អះ​​អា​ង​​​​របស់​លោក ចាន់​ថន ​​​ដែល​​​​ថា​​ លោក​មា​ន​​​សិទ្ធិ​ប្រើ​​​អា​​វុធ​​ទាំង​​​នោះ​​​ព្រោះ​​​វា​​​​ជាកម្ម​​​សិទ្ធិ​​​​​​របស់​​អង្គ​ភាព​​​​កង​​​អង្គ​​​រក្ស​​​របស់​លោក​ ជា...

​​​ស្ត្រី​​​ពីរ​​​នាក់​​​​​​​ត្រូវ​​​ចោរ​ប្លន់​និង​រឹត​ក​សម្លាប់​​​​នៅ​​​ខណ្ឌ​​​ពោធិ៍​​​សែន​​​ជ័យ​​​

សាកសព​​​ស្ត្រី​​​វ័យ​​​ក្មេង​​​ពីរនាក់​​​ដែល​​​បាន​​​បាត់​​​ខ្លួន​​​កាល​​​ពីព្រឹក​​​ថ្ងៃ​​​ច័ន្ទ ត្រូវ​​​បាន​​​គេ​​​ប្រទះ​​ឃើញ​​​ដោយ​​​ចង​​​ភ្ជាប់​​​គ្នា​​​ និង​​​ត្រូវ​​​គេ​​​ទម្លាក់​​​ចោល​​​នៅ​​​ដីឡូ​​​ទំនេរ​​​មួយ​​​កន្លែង​​​​​​ក្នុង​​​ខណ្ឌ​​​ពោធិ៍​​​សែន​​​ជ័យ​​​ កា​​​លពីព្រឹក​​​ម្សិលមិញ​​​ ហើយគឺ​​​ជា​​​ហេតុ​​​ការ​​​ណ៍​​​មួយ​​​ដែល​​​នគរបាល​​​ជឿ​​​ជាក់​​​ថា ​​​​​​ជា​​​អំពើ​​​ប្លន់​​​​​​។ អ្នក​​​ដំណើរ​​​ឆ្លង​​​កាត់​​​បាន​​​ប្រទះ​​​ឃើញ​​​សាក​​​សព​​​ដ៏គួរ​​​ឲ្យ​​​រន្ធត់​​​​​​ទាំង​​​ពីរ​​​នៅ​​​ម៉ោង​​​ ៧ និង​​​​​​៤៥​​​នាទី​​​ព្រឹក​​​​​​ចម្ងាយ​​​ប្រហែល​​​១.៥០០​​​ម៉ែត្រ​​​​​​ពី​​​ប៉ុស្តិ៍​​​នគរបាល​​​​​​សង្កាត់​​​ក្រាំង​​​ធ្នង់​​​​​ ហើយ​​​បន្ទាប់​​​មក​​​បាន​​​នាំ​​​នគរបាល​​​​​​ទៅ​​​ត្រួត​​​ពិនិត្យ​​​សាក​​​សព​​​ទាំង​​​ពីរ  ម្នាក់ឈ្មោះ វ៉ន លក្ខិណា​​​ ​​​អាយុ​​​២១​​​ឆ្នាំ​​​​​​ និង​​​ម្នាក់​​​ទៀតត្រូវ​​​ជា​​​​​​ប្អូន​​​ជីដូន​​​មួយ​​​​​​ឈ្មោះ ជួ​​​ប ស្រី​​​លក្ខណ៍ អាយុ​​​១៩​​​ឆ្នាំ ​​​ដែ​​​ល​​​ត្រូវ​​​គេវាយ​​​ដំ​​​ និង​​​ចង​​​ភ្ជាប់​​​គ្នា​​​។ លោក​​​ ម៉ក់​​​ មីុ នាយប៉ុស្តិ៍​​​នគរបាល​​​សង្កាត់​​​ក្រាំង​​​ធ្នង់​​​​​​ បាន​​​លើក​​​ឡើង​​​ថា “...

លោក សម រង្ស៊ី ទាក់​​​ទាញ​​​មនុស្សជាង​​​ពីរម៉ឺន​​​នាក់​​​នៅ​​​ខេត្ត​សៀមរាប

ក្រុង​​​សៀមរាប​​​/ក្រុងកំពង់ធំ-កាល​​​ពី​​​ថ្ងៃ​​​ម្សិលមិញ​​​ លោក សម រង្ស៊ី និង​​​លោក កឹម សុខា ​​​មេដឹក​​​នាំ​​​គណបក្ស​​​សង្គ្រោះ​​​ជាតិ​​​ បាន​​​ដឹក​​​នាំ​​​ការ​​​ដង្ហែ​​​ក្បួន​​​​​​ឃោស​​​​​​នា​​​បោះ​​​ឆ្នោត​​​ដែល​​​មាន​​​ការ​​​ចូល​​​​​​រួម​​​ពី​​​អ្នក​​​គាំទ្រ​​​ជា​​​ង​​​ពីរម៉ឺន​​​នាក់​​​តាម​​​ដង​​​ផ្លូវ​​​នានា​​​ក្នុង​​​ក្រុង​​​សៀម​​​រាប។ នេះ​​​ជា​​​ការ​​​ដង្ហែ​​​ក្បួន​​​ធំបំផុត​​​ទី២​​​របស់​​​គណបក្ស​​​នេះ​​​ ចាប់​​​តាំង​​​ពី​​​លោក សម រង្ស៊ី បាន​​​វិល​​​មក​​​ដល់​​​ប្រទេស​​​កម្ពុជា​​​វិញ​​​កាល​​​ពី​​​ថ្ងៃ​​​សុក្រ​​​។ ថ្លែង​​​នៅផ្សារ​​​​​​លើ​​​ធំថ្មី​​​ ដែល​​​ជា​​​ផ្សារ​​​ស្ថិត​​​នៅ ចំ​​​កណ្ដាល​​​ក្រុង​​​សៀម​​​រាប​​​ លោក សម រង្ស៊ី បាន​​​ប្រាប់​​​អ្នក​​​ចូល​​​រួម​​​ស្ដាប់​​​ថា ប្រជា​​​ជន​​​ខ្មែរ​​​ចាំ​​​បាច់​​​ត្រូវ​​​យក​​​អង្គរ​​​វត្ត​​​ពី​​​វៀតណាម​​​វិញ។ លោក សម រង្ស៊ី បាន​​​ថ្លែង​​​ថា“ យើង​​​ចាំ...

យោធា​កម្ពុជាត្រូវ​បាន​ស្នើ​សុំឲ្យ​ធានាចំពោះ​មុខ​សាធារណ​ជន​​ថា​គ្មាន​រដ្ឋប្រហារក្រោយ​បោះ​ឆ្នោត​

កាល​ពី​ម្សិលមិញ​ បណ្ដា​អង្គការ​សង្គម​ស៊ីវិល​ និង​គណបក្ស​ប្រឆាំង​ បាន​អំពាវ​នាវ​​ឲ្យ​យោធា​​​ចេញ​សេចក្ដី​ថ្លែង​ការណ៍​មួយ​ច្រាន​ចោល​ការ​អះ​អាង​របស់​​ម្ចាស់​ស្ថានីយ​វិទ្យុ​ដ៏​ពេញ​និយម​មួយដែល​ថា យោធា​នឹង​ធ្វើ​រដ្ឋ​ប្រហារ​ទម្លាក់​​គណបក្ស​ប្រឆាំង​ចេញ​ពី​អំណាច​ ប្រសិន​បើ​គណ​បក្ស​ប្រឆាំង​ទទួល​ជ័យ​ជម្នះ​នៅ​ក្នុង​ការ​បោះ​ឆ្នោត​ជាតិ​​នៅថ្ងៃ​អាទិត្យ​នេះ​។ ការ​អំពាវនាវ​នេះ​ធ្វើ​ឡើង​បន្ទាប់ពី​លោក សេង​ ប៊ុន​វ៉េង​ ហៅ អាចារ្យ​អេ ដែល​បាន​បង្កើត​​វិទ្យុ​អេប៊ីស៊ី ឡើង​កាល​ពី​ឆ្នាំ​២០០៨ បាន​លើក​ឡើង​ម្តង​ទៀត​​ក្នុង​កម្មវិធីផ្សាយ​ពេល​ព្រឹក​ម្សិលមិញ​ នូវ​ការ​ព្រមាន​របស់​លោក​កាល​ពី​ថ្ងៃ​អង្គារ​ថា យោធា​នឹង​ធ្វើ​រដ្ឋ​ប្រហារ​ ប្រសិន​បើ​គណបក្ស​សង្គ្រោះ​ជាតិ​ឈ្នះ​ការ​បោះឆ្នោត​។ លោក​បាន​និយាយ​អំឡុង​កម្មវិធី​ផ្សាយ​ពេល​ព្រឹក​ព្រលឹម​កាល​ពី​ម្សិល​មិញ​ថា“ បីខែ​បន្ទាប់​ពី​  ឈាម​នឹង​ហូរ​ដាប​ពេញ​ផ្លូវ​។អ្នក​ដែល​តស៊ូ​ដណ្ដើម​អំណាច​នៅ​ក្នុង​ជួរ​រដ្ឋាភិ​បាល​របស់​លោក​ សម រង្ស៊ី  អ្នក​ដែល​មិន​ទទួល​បាន​តួនាទី​ នឹង​ចូល​រួម​ជា​ទាហាន​រត់​ចោល​ជួរ​ ដើម្បី​ធ្វើ​រដ្ឋ​ប្រហារ​”។ លោក​បាន​លើក​ឡើង​ទៀតថា “នៅ​ពេល​​នោះ​ខ្ញុំ​នឹង​ចាក​ចេញ​ពី​ប្រទេសនេះ​ ហើយ​វិនិយោគិននឹង​ចាក​ចេញ​ពី​ប្រទេស​របស់​យើង​ ហើយ​ប្រទេស​របស់​យើង​​នឹង​រង​ការ​បំផ្លាញ​ទាំងស្រុង​”។ លោក គល់​ បញ្ញា ប្រធានគណៈកម្មាធិការ​ដើម្បី​ការ​បោះឆ្នោត​​ដោយ​សេរី​ និង​យុត្តធម៌​នៅ​កម្ពុជា​ហៅ​កាត់​ថា ខុមហ្វ្រែល​ បាន​មាន​ប្រសាសន៍ថា ដើម្បី​ធ្វើ​ឲ្យ​ប្រាកដ​ថា​ការ​បោះ​ឆ្នោត​នៅ​ថ្ងៃ​អាទិត្យ​នេះ​មាន​ភាព​ស្រប​ច្បាប់ កងយោធពល​ខេមរភូមិន្ទ​គួរ​តែ​ចេញ​សេចក្ដី​ថ្លែង​ការណ៍​មួយ ដើម្បី​​ធ្វើ​ឲ្យ​​​​អ្ន​ក​បោះ​ឆ្នោត​ស្ងប់​អារម្មណ៍​​ថា ការ​អះ​អាង​របស់​លោក សេង ​ប៊ុនវ៉េង មិន​មែន​ជា​ការ​ពិត​។ លោក​​មាន​ប្រសាសន៍​ថា “ប្រសិន​បើ​មាន​ការ​ចោទ​ប្រកាន់​បែប​នេះ​មែន យោធា​គួរ​តែ​ឆ្លើយ​តប​ដើម្បីធ្វើ​ឲ្យ​អ្នក​បោះឆ្នោត​ស្ងប់​អារម្មណ៍​ និង​ធ្វើ​ឲ្យ​ពួកគាត់​យល់​ថាខ្លួន​មាន​សេរី​ភាព​​ក្នុង​ការ​បញ្ចេញ​មតិ​។ការ​អត្ថាធិ​ប្បាយ​ទាំង​នេះ​បង្ក​ការ​ភ័យ​ខ្លាច​និង​រារាំង​អ្នក​បោះ​ឆ្នោត​មិន​ឲ្យ​បញ្ចេញ​មតិ​ដោយ​សេរី”។ លោក​ សុន ឆ័យ អ្នក​នាំពាក្យ​​គណ​បក្ស​សង្គ្រោះ​ជាតិ​ ក៏​បាន​មាន​ប្រសាសន៍​ដែរ​ថា យោធា​គួរ​តែ​ធានា​អះអាង​ចំពោះ​​​​អ្នក​បោះ​ឆ្នោតជា​សាធារណៈ​​ថា ខ្លួន​នឹង​គោរព​តាម​​លទ្ធ​ផល​​​នៃ​ការ​បោះឆ្នោត​នៅ​ថ្ងៃ​អាទិត្យ​នេះ ហើយ​បម្រើ​រដ្ឋាភិបាល​ មិន​ថា​រដ្ឋាភិបាល​នោះ​​បង្កើត​​ឡើង​ដោយ​គណ​បក្ស​ណាមួយ​ឡើយ​។ លោក​បាន​មាន​ប្រសាសន៍​ថា “យោ​ធា​​មិន​​គួរ​សម្ងំ​នៅ​ស្ងៀម ឬ​នៅក្រោមឥទ្ធិ​ពល​គេ​​តទៅ​ទៀតទេ។ពួក​គេ​ជា​កង​ទ័ព​របស់​ប្រទេស​ មិន​មែន​ជា​កង​ទ័ព​របស់​គណបក្ស​កាន់​អំណាច​​ឡើយ​។ អគ្គ​មេ​បញ្ជាការ​គួរ​តែ​និយាយ​អ្វី​ម្យ៉ាង​។ ប្រសិន​បើ​ក្រសួង​ការពារ​ជាតិ​ជា​ផ្នែក​មួយ​របស់​គណបក្ស​ប្រជាជន​កម្ពុជា​ នោះ​គឺ​ជា​រឿង​មួយ​ ប៉ុន្តែ​អគ្គមេបញ្ជា​ការ​គួរ​តែ​បង្ហាញ​​អព្យាក្រឹត​ភាព​របស់​ខ្លួន​”។ ទោះ​ជា​យ៉ាង​ណា​ លោក​ ប៉ុល សារឿន អគ្គ​មេបញ្ជាការ​កង​យោធពល​ខេមរភូមិន្ទ​បាន​បង្វែរ​សំណួរ​ទៅ​មន្ត្រី​ក្រសួង​ការពារ​ជាតិ​ ប៉ុន្តែ​លោក​បាន​មាន​ប្រសាសន៍​ថា លោក​​បាន​ឮ​ការ​ចាក់ផ្សាយ​បង្ក​រឿងនេះ​​តាម​វិទ្យុ​អេប៊ីស៊ី។ ឧត្តម​សេនីយ៍ទោ​មួយ​រូប​​នៅ​ក្រសួង​ការ​ពារជាតិ​ ដែល​សុំ​មិន​បញ្ចេញ​ឈ្មោះ​បាន​លើក​​ឡើង​ថា ការ​​អត្ថាធិប្បាយ​របស់​លោក​ សេង...

គណបក្ស​​​សង្គ្រោះ​​​ជាតិ​​​ផ្ដោត​​​លើ​​​ការ​​​បង្ហាញ​​​​​​ពី​​​សាមគ្គី​​​ភាព​​​អំឡុង​​​សប្ដាហ៍​​​ចុង​​​ក្រោយ​​​នៃ​​​យុទ្ធនាការ​​​

បាត់ដំបង/បន្ទាយមានជ័យ-ខណៈ​​​លោក សម រង្ស៊ី ថ្លែង​​​ទៅ​​​កាន់​​​ប្រជា​​​ជន​​​ និង​​​អ្នក​​​គាំ​​​ទ្រ​​​រាប់​​​រយ​​​នាក់​​​នៅ​​​ក្រុង​​​សិរីសោភ័ណ​ លោក កឹម សុខា បាន​​​ឈរ​​​​​​​ថត​​​រូប​​​​ជាមួយ​​​យុវវ័យ​​​ដែល​​​មាន​​​ចិត្ត​​​រំភើប​​​រីករាយ​​​នៅ​​​ក្បែរ​​​គ្នា​​​នោះ​​​។​​​​​ អំឡុង​​​ការ​​​ថ្លែង​​​សុន្ទរកថា​​​នៅ​​​រង្វង់​​​មូល​​​ប្រចាំ​​​ក្រុង​​​បាត់​​​ដំបង​​​ ដោយ​​​មាន​​​ការ​​​ចូល​​​រួម​​​ពី​​​អ្នក​​​គាំ​​​ទ្រ​​​គណបក្ស​​​សង្គ្រោះ​​​ជាតិ​​​ប្រហែល​​​មួយ​​​ម៉ឺន​​​នាក់​​​ លោក កឹម សុខា បាន​​​ថ្លែង​​​ត្រឹម​​​​​​តែ​​​ប្រហែល​​​ប្រាំ​​​នាទី​​​ប៉ុណ្ណោះ​​​​​​មុន​​​ពេល​​​ហុច​​​ឧគ្ឃោសនសព្ទ​​​ទៅ​​​លោក សម រង្ស៊ី ដែល​​​បាន​​​ថ្លែង​​​អស់​​​រយៈ​​​ពេល​​​ជិត​​​មួយ​​​ម៉ោង​​​។ វា​​​ជា​​​ការ​​​ផ្លាស់​​​ប្ដូរ​​​គួរ​​​ឲ្យ​​​កត់​​​សម្គាល់​​​មួយ​​​បើ​​​​​ធៀប​​​នឹង​​​សប្ដាហ៍​​​មុន​​​ ពេល​​​លោក​​​ កឹម សុខា ដែល​​​ជា​​​ប្រធាន​​​ស្ដីទី​​​នៃ​​​គណបក្ស​​​សង្គ្រោះ​​​ជាតិ​​​ ម​​​ុន​​​ការ​​​វិល​​​ត្រឡប់​​​របស់​​​លោក សម រង្ស៊ី...

កោះ​ពេជ្រ មាន​ការ​អភិវឌ្ឍ​ច្រើន ប៉ុន្តែព័ត៌មាន​​​លម្អិត​​​ស្តី​​​ពី​​​គម្រោង​​​អភិវឌ្ឍន៍​​​​​​នេះ​​​ត្រូវ​​​បាន​​​លាក់​​​បាំង​​​ជិត​​​

អាជី​វកម្ម​កំពុង​​មាន​ការ​រីក​ចម្រើន​​នៅ លើ​កោះពេជ្រ។​ចាប់​តាំង​ពី​ការ​អភិវឌ្ឍ​​បាន​ចាប់​ផ្តើម​ក្នុង​ឆ្នាំ​២០០៦​ និងដែល​​ប្រ​ជាពល​រដ្ឋ​ប្រ​មាណ​៣០០គ្រួសារ​ត្រូវ​បានបណ្តេញ​​ចេញ​ពី​កោះពេជ្រ  ដែល​ជា​កោះ​​ចម្ការ​នា​ពេល​​​​នោះមក​​​  បាន​ប្រែ​ក្លាយបន្តិច​ម្តងៗ​ជា​និមិត្ត​សញ្ញា​នៃ​​ពាណិជ្ជ​កម្ម​ទំនើប​នៅ​ក្នុងរាជ​ធានី​ភ្នំពេញ។ បច្ចុប្បន្ន កោះ​ពេជ្រ  មាន​បុរី​វីរជន ​​និង​ទី លាន​វាយ​កូន​ហ្គុលហ្វ៍​  Elite Gold Club និង​ស្ថានីយ​ពន្លត់​អគ្គិភ័យ​មួយគួរ​ជា​ទី​មោទន​​ ហើយ​មិន​យូរ​ប៉ុន្មាន​នឹង​ធ្វើឲ្យ​​រមណីយដ្ឋាន​មាត់​ទឹកបែប​អឺរ៉ុប ​ក្នុង​រាជ​ធានី​ភ្នំពេញ​នេះ​ពេញ​ទៅ​ដោយ​កន្លែង​ទទួល​ទាន​អាហារ​ ប្រណីតៗ អគារ​លំ​នៅ​ដ្ឋាន​រួម​ (ខុនដូ) នា​មាត់​ទន្លេ​ និង​សួន​កម្សាន្ត។ ក្រុម​ហ៊ុន​អភិវឌ្ឍ​កោះ​ពេជ្រ ដែល​មាន​ឈ្មោះ​ថា Overseas Cambodia Investment Corp. ក៏​កំពុង​ពង្រីកទំហំ​​កោះ​នេះ​៥០០ម៉ែត្រ​ចូល​ទៅក្នុង​​ចំណុច​ប្រសព្វ​នៃ​ទន្លេ​មេគង្គ និង​ទន្លេ​បាសាក់​ផង​ដែរ​ ដើម្បីបង្កើត​ទី​ធ្លា​សម្រាប់​សង់​អគារខ្ពស់​កប់​ពពក​​មួយ​កម្ពស់​៥៥៥​ម៉ែត្រ​ ដែល​នឹង​ក្លាយ​ជា​អគារ​ខ្ពស់​បំផុត​ទី​២ក្នុង​ពិភព​លោក​ បន្ទាប់ពី​អគារ​ បឺច ខាលីហ្វា (Burj Khalifa) ក្នុង​ក្រុង​ឌូបៃ ប្រទេស​អារ៉ាប៊ី...

MEDIA FEEDS

Popular

video

IDEA TALK៖ ជីវភាពសហគមន៍ព្រៃឡង់កំពុងមានការប្រែប្រួលយ៉ាងណា?

កម្មវិធី Idea Talk សំរាប់រាត្រីថ្ងៃទី០២ ខែមិថុនា ឆ្នាំ២០២០ ស្តីអំពី៖ ជីវភាពសហគមន៍ព្រៃឡង់កំពុងមានការប្រែប្រួលយ៉ាងណាដែរ ស្របពេលដែលធនធានធម្មជាតិត្រូវបានគេដកហូតពីតំបន់នេះយ៉ាងធ្ងន់ធ្ងរនោះ?