Friday, August 14, 2020

ព័ត៌មាន

ភរិយា​អភិបាល​​ខេត្ត​ប៉ៃលិន​ទទួល​​ផល​​ពី​កិច្ច​ព្រម​ព្រៀង​កាស៊ីណូ​​

ឯកសារ​នៅទី​ភ្នាក់​ងារ​និយ័តករ​ហិរញ្ញ​វត្ថុ​អា​មេរិក​​​បង្ហាញ​ថា បន្ទាប់​ពី​​មាន​ការ​រក​ស៊ីរួម​ក្នុង​​ទី​ផ្សា​រ​កាស៊ី​ណូ​នៅក្នុង​ប្រទេស​កម្ពុជា​កាលពី​ខែ​ឧសភា​ ឆ្នាំ ២០១១ ក្រុមហ៊ុន​អ៊ីន​ធើថេនមិន​ ហ្គេមមីង អាស៊ី (Entertainment Gaming Asia) ដែល​ជា​ក្រុម​ហ៊ុន​ល្បែង​ឧបត្ថម្ភ​​ដោយ​ក្រុម​ហ៊ុននៅទីក្រុង​ម៉ាកាវ​ បាន​សន្យា​ប្រគល់​ប្រាក់​រាប់​សែន​ដុល្លារ​ទៅ​ឲ្យ​ភរិយា​របស់​អភិបាល​ខេត្ត​ប៉ៃលិន​ ដើម្បី​ជួលដីសម្រាប់​សាង​សង់​កាស៊ី​ណូ​ថ្មីមួយ​។ ក្រុមហ៊ុន​​អ៊ីនធើថេនមិន​ ហ្គេមមីង អាស៊ី គឺ​ជា​ផ្នែកមួយ​នៃ​ក្រុមហ៊ុន​មែល​កូ គ្រុប​ ​(Melco Group) នៅ​ក្រុង​ម៉ាកាវ ប៉ុន្តែ ចុះបញ្ជី​នៅ​អាមេរិក​ ដូច្នេះ​ហើយ​ត្រូវ​អនុវត្តតាម​ច្បាប់​អាមេរិក​។ ក្រុមហ៊ុននេះ​បានបើក​កាស៊ីណូ​ឌ្រីម​វើល​ប៉ៃលិន​ជា​ផ្លូវការ​កាលពី​​ខែឧសភា​ ឆ្នាំ​២០១២​ ជា​កាស៊ីណូ​មួយ​ដែលមាន​តុ​លេង​ល្បែង​ផ្ទាល់​ចំនួន​២៦​ និង​ស្លុតម៉ាស៊ីន​ចំនួន​៥៨​គ្រឿង​ដែល​ពឹង​ផ្អែកលើ​ភ្ញៀវ​ថៃ​ដែល​ឆ្លងដែនចូលមកលេង​។ ក្រៅ​ពី​កាស៊ីណូ​ឌ្រីម​វើល​ប៉ៃលិន​ ក្រុម​ហ៊ុននេះ​បាន​បើក​កន្លែ​ង​លេង​ស្លុត​ម៉ាស៊ីន​ចំនួន​៣០០​កៅអី​​ នៅ​ក្នុង​ក្រុង​ប៉ោយប៉ែត​​កាលពី​ខែឧសភា​។ ក្រុមហ៊ុន​​អ៊ីនធើថេនមិន​ ហ្គេម​មីង អាស៊ី ក៏​មានគម្រោង​បើក​កាស៊ីណូ​​មួយ​ទៀត​ក្នុង​ខេត្ត​កំពត ​​ផ្គត់​ផ្គង់​ស្លុត​ម៉ាស៊ីន​​ទៅ​ឲ្យ​កាស៊ីណូ​ផ្សេង​ទៀតនៅ​កម្ពុជា និង​ផលិត​​​កាក់​​សម្រាប់​លេង​​ល្បែង​ផងដែរ​។ យោង​តាម​ឯកសារ​នៅ​គណៈកម្មការ​មូល​បត្រ​ និងទី​ផ្សារ​ភាគ​ហ៊ុន​​នៅអាមេរិក​ ក្រុម​ហ៊ុន​អ៊ីនធើថេនមិន​ ហ្គេមមីង អាស៊ី កាលពី​ខែ​ឧសភា​ ឆ្នាំ​២០១១ បាន​ចុះ​ហត្ថលេខ​លើ​កិច្ច​ព្រម​ព្រៀង​មួយ​ដើម្បីសាង​សង់​កាស៊ីណូ​លើកដំបូង​​នៅលើ​ដី​មួយ​កន្លែង​នៅ​ប៉ៃលិន​​ដែល​ជួ​លពី​អ្នក​ស្រី បាន​ ស្រីមុំ​។ អ្នក​ស្រី​ បាន​ ស្រីមុំ គឺ​ជា​ភរិយា​របស់​លោក ​អ៊ី ឈាន ដែល​​មាន​តួនាទី​ជា​អភិបាល​ខេត្ត​ប៉ៃលិន​ជាង​មួយ​ទសវត្សរ៍​មក​ហើយ និង​ជា​អតីតប្រធាន​​កង​ការ​ពារ​របស់​ ប៉ុល ពត មេ​ដឹក​នាំ​ខ្មែរ​ក្រហម​។ អ្នក​ស្រី ស្រីមុំ គឺ​ជា​សមាជិក​​សភា​ជាប់​ឆ្នោត​មក​ពី​គណបក្ស​ប្រជា​ជន​កម្ពុជា​នៅ​មណ្ឌល​ប៉ៃលិន​​ ដែល​បាន​​ឈ្នះ​អាសនៈ​តែ​មួយ​គត់​ប្រចាំមណ្ឌលនេះ​នៅ​ក្នុង​ការបោះ​ឆ្នោតជាតិ​កាល​ពីខែ​មុន​​។​​ នៅ​ក្នុង​កិច្ច​ព្រម​ព្រៀង​នោះ​មាន​ឈ្មោះ​ក្រុមហ៊ុន​ថ្មីមួយ​ គឺ​ក្រុមហ៊ុន​ឌ្រីម​វើល​ ឡេសឺ (ប៉ៃលិន​) លីមីត​ធីត មានប្រធាន​ឈ្មោះ​ គ្លែ​រេន ជុង​ និង​អ្នក​ស្រី ស្រីមុំ និង​មាន​និយាយ​ពី​​ការ​បង់​ប្រាក់​ទៅ​ឲ្យ​ម្ចាស់​ដី​នេះ​ផង​។ យោង​តាម​កិច្ច​ព្រម​ព្រៀង​របស់​ភាគ​ហ៊ុន​នៅ​គណៈកម្មការ​មូល​បត្រ​ និងទី​ផ្សារ​ភាគ​​ហ៊ុន​​នៅ​អាមេរិក​​​កាល​ពី​ឆ្នាំ​២០១១​បង្ហាញ​ថា “ក្រុមហ៊ុន​អុីនធើថេនមិន​ ហ្គេមមីង អាស៊ី ​នឹង​បង់​លុយ​តែ​មួយ​ដង​គត់​ទៅ​ឲ្យអ្នក​ស្រី​​ បាន ស្រីមុំ ចំនួន​​១៨០​.០០០​ដុល្លារ​”។ កិច្ច​ព្រម​ព្រៀង​នៅ​ខែ​ឧសភា ឆ្នាំ​២០១១​នេះ​ ក៏​ចែង​ដែរ​ថា អ្នក​ស្រី ស្រីមុំ នឹង​ទទួល​បាន​​ភាគហ៊ុន៤៥​ភាគរយ​​ពី​ប្រាក់​ចំណេញ​​របស់​កាស៊ីណូ​នេះ​។ ប៉ុន្តែ ពី​រ​ខែ​ក្រោយ​ពី​មាន​កិច្ច​ព្រម​ព្រៀង​នោះ​ ក្រុមហ៊ុន​អ៊ីនធើថេនមិន​ ហ្គេមមីង អាស៊ី បាន​ប្រកាស​ថា ភាគី​ទាំង​អស់​បាន​ព្រម​ព្រៀង​លើ​លក្ខខណ្ឌ​ដែល​បាន​កែ​ប្រែ​ គឺ​​នៅ​ក្នុង​នោះ​អ្នក​ស្រី​ ស្រីមុំ នឹង​ទទួល​បាន​​ប្រាក់​ចំណេញ​តែ​២០​ភាគរយ​ប៉ុណ្ណោះ ប៉ុន្តែ បង្កើន​ថ្លៃ​ជួលដី​ដល់​​៥.០០០​ដុល្លារ​ក្នុង​មួយ​ខែ​។​ រហូត​មក​ទល់​ពេលនេះ ការ​កាត់​បន្ថយ​ភាគ​ហ៊ុន​របស់​​អ្នក​ស្រី​ ស្រីមុំ នៅ​កាស៊ីណូ​នេះ​​​មាន​ន័យ​ថា​ ក្រុម​ហ៊ុន​នេះ​មិន​ទាន់​ចំណេញ​​ទេ​។ ក្រុមហ៊ុន​អ៊ីនធើថេនមិន​ ហ្គេម​មីង អាស៊ី ​​បាន​ប្រកាស​នៅ​ខែ​នេះ​ថា ប្រាក់​ចំណូល​​នៅ​កាស៊ីណូ​ឌ្រីម​វើល​ប៉ៃលិន​មិន​ទាន់​​ស្មើ​ថ្លៃ​ចំណាយ​ទេ​ ប៉ុន្តែ បាន​លើក​ឡើង​ថា ខ្លួន​មាន​គម្រោង​ដក​តុ​លេង​ល្បែង​ផ្ទាល់​មួយចំនួន​ចេញ​ពី​កាស៊ីណូនេះ​ ហើយ​ផ្តោ​ត​​ទៅ​លើ​​​​​​ក្រុម​​ហ៊ុន​ដែល​មាន​ប្រាក់​ចំណូល​​​ខ្ពស់​ ​ទើប​​អាច​ស្រង់​ដើម​បាន​វិញ​នៅ​ចុង​ឆ្នាំនេះ​។ ទោះ​ជា​យ៉ាង​ណា​  យោង​តាម​របាយ​ការណ៍​​​ហិរញ្ញ​វត្ថុ​ប្រចាំ​ត្រីមាស​នៅ​គណៈ​កម្មការ​មូល​​​បត្រ​ និង​ទី​ផ្សារ​ភាគហ៊ុន​ នៅ​ខែ​នេះ​ ក្រុម​ហ៊ុន​អ៊ីនធើថេនមិន​ ហ្គេមមីង អាស៊ី ​បាន​​បង់​ប្រាក់​ជាង​៥០០​.០០០​ដុល្លារ​​​នៅ​ក្នុង​កិច្ច​ព្រម​ព្រៀង​ជួលដី​ដែល​ត្រូវ​បង់​ប្រាក់​ជា​មុន​ទៅ​ឲ្យ​អ្នក​ស្រី​ ស្រី​មុំ រួច​ហើយ​សម្រាប់​សិទ្ធិ​ជួល​ដី​របស់​អ្នក​ស្រី​។ មិន​មាន​ការ​លើក​ឡើង​ថា ​កិច្ច​ព្រម​ព្រៀង​ជួលដីនេះ​បំពាន​ច្បាប់​ណាមួយ​នោះ​ទេ។ ប៉ុន្តែ កា​រ​ចុះ​បញ្ជី​របស់​ក្រុមហ៊ុន​អ៊ីនធើថេនមិន​​ ហ្គេមមីង អាស៊ី ​​នៅ​គណៈ​កម្មការ​មូល​បត្រ​និង​ទី​ផ្សារ​ភាគហ៊ុន​នេះ​ មាន​ន័យ​ថា ក្រុម​ហ៊ុន​នេះ​​ត្រូវ​អនុវត្ត​តាមច្បាប​​របស់​អាមេរិក​ស្តី​ពី​អំពើ​ពុករលួយ​នៅ​បរទេស​​ដែល​គេ​អាច​យក​​មក​ប្រើ​ប្រាស់​ដើម្បី​កាត់​ទោស​ក្រុមហ៊ុន​ណា​មួយ​​ដែល​ប្រើ​ប្រាស់​ទឹក​ប្រាក់​ដើម្បី​ទទួល​បាន​ការ​គាំទ្រ​ពី​មន្ត្រីនៅ​ក្រៅ​ប្រទេស​។ ការណែនាំ​មួយ​ពី​ក្រសួង​យុត្តិធម៌​អាមេ​រិក​​​ទៅ​អង្គ​ភាព​ប្រឆាំង​អំពើ​ពុករលួយ​ក្រៅ​ប្រទេស​​របស់​សហ​រដ្ឋ​អាមេរិកនិយាយ​ថា “ជា​ពិសេស​​​ច្បាប់​ប្រឆាំង​អំពើ​ពុករលួយនៅ​ក្រៅ​ប្រទេស​នេះ​ចែ​ង​ពី​ការ​ប្រគល់​ប្រាក់​ទៅឲ្យ​ជន​ណា​ម្នាក់​នៅ​ពេលដែលដឹងថា ប្រាក់​​ទាំង​អស់​ ឬ​ផ្នែកណាមួយ​នៃ​ប្រាក់​បែប​នេះ​ ឬ​វត្ថុ​មាន​តម្លៃណាមួយ​ដែល​គេ​សន្យា​ដោយ​ផ្ទាល់​ ឬ​ដោយ​ប្រយោល​ទៅឲ្យ​មន្ត្រី​បរទេស​ណាមួយ​”។ អ្នកស្រី ត្រាស៊ី ម៉ែងហ្គីនី អនុប្រធាន​​ក្រុមហ៊ុន​អ៊ីនធើថេនមិន​ ហ្គេមមីង អាស៊ី ​​បាន​​បដិសេធ​មិន​ធ្វើ​អត្ថាធិប្បាយ​អំពី​កិច្ច​ព្រម​ព្រៀង​ជួលដីនេះ​ទេ។ អ្នក​ស្រី ម៉ែងហ្គីនី បាន​លើកឡើង​តាម​អ៊ីម៉េល​ថា “យើង​មិន​មាន​ពេលធ្វើ​អត្ថាធិ​ប្បាយ​ទេ​”។ នៅ​ពេលទាក់​ទង​នៅ​សប្ដាហ៍នេះ លោក អ៊ីឈាន បាន​បញ្ជាក់​ថា គ្មាន​អ្វីខុសឆ្គង​ចំពោះ​​ការ​ជួលដីពី​ភរិយា​គាត់​ទេ។ លោក​មាន​ប្រសាសន៍​ថា “វា​ជា​ការ​ត្រឹម​ត្រូវ​ដែលពួកគេ​ជួល​ដី​ពី​ប្រពន្ធ​របស់​ខ្ញុំ​។ ពួក​គេ​​បាន​ជួលដីនេះ​​រយៈ​ពេលពីរឆ្នាំ​មក​ហើយ​”​។ លោក​បានមាន​ប្រសាសន៍​ថា កាស៊ីណូ​នេះ​ទទួល​បាន​ការ​អនុម័ត​យល់​ព្រមពេញ​លេញ​ពី​​រដ្ឋាភិបាល​​ ហើយ​លោក​គ្មានតួនាទី​ក្នុង​ការ​សម្រេច​ចេញ​អាជ្ញាប័ណ្ណ​នោះ​ទេ។ លោក​ អ៊ី ឈាន បាន​មាន​ប្រសាសន៍ថា គ្មាន​អ្វីមិនសម​ស្រប​​ទេដែលភរិយា​របស់​អភិបាលខេត្ត​មាន​ភាគហ៊ុនក្នុង​ការ​រក​ស៊ី​។ លោក​បាន​មាន​ប្រសាសន៍​​ថា “អ្នក​ស្រីគឺ​ជា​​អ្នកជំនួញធម្មតា​ម្នាក់​។ គាត់​មិន​មែន​ជា​មន្ត្រី​រាជ​ការទេ”។ លោកបាន​បន្ថែម​ថា ដី​ជួលទៅ​ឲ្យ​ក្រុមហ៊ុន​អុីនធើថេនមិន​ ហ្គេម​មីង អាស៊ី នេះ​គឺ​ជាដីដូន​តា​ដែល​អ្នក​ស្រី​ ស្រីមុំ កាន់​កាប់​តាំង​ពី​ឆ្នាំ១៩៩៦​មក​។ កាស៊ីណូ​នៅ​ប៉ៃលិននេះ​មិន​មែន​ជា​ក្រុម​ហ៊ុន​តែ​មួយ​ដែលចុះបញ្ជីនៅ​អាមេរិក​មាន​ទំនាក់​ទំនង​ល្អ​ជាមួយ​ប្រជា​ពល​រដ្ឋខ្មែរ​នោះ​ទេ​។ ទីតាំង​របស់​កាស៊ីណូឌ្រីមវើលប៉ោយ​ប៉ែតរបស់​ក្រុមហ៊ុន​នេះ​ ត្រូវ​បាន​ជួល​ពី​លោក​ កុក អាន ​ជា​អ្នក​ជំនួញ​ល្បី​ឈ្មោះ​ម្នាក់​ក្នុងកិច្ច​ព្រម​ព្រៀង​ស្រដៀង​គ្នានេះ​ដែល​​ ផ្ដល់​​ហ៊ុន​ចំនួន​​៤០​ភាគរយ​នៃ​រំហូរ​សាច់​ប្រាក់​ទៅ​ឲ្យ​លោក​ កុក អាន ម្ចាស់​ក្រោន កាស៊ី​ណូ​ (Crown Casino) នៅប៉ោយប៉ែត​​។ លោក កុក អាន ត្រូវ​បាន​ចាត់​ទុក​នៅ​ក្នុង​សារ​ទូរលេខ​សម្ងាត់​របស់​ស្ថាន​ទូត​អាមេរិក​ដែល​​វិបសាយ​វីគីលិក បាន​បញ្ចេញ​នោះថាជា​ស្ដេច​​ល្បែង​នៅ​កម្ពុជា​​។ ក្រុមហ៊ុន​អុីនធើថេនមិន​ ហ្គេមមីង អាស៊ី ​មាន​ស្លុត​ម៉ាស៊ីននៅ​កាស៊ីណូ​ណា​ហ្គា​វើល​ ជា​កាស៊ី​មាន​អាជ្ញាប័ណ្ណ​តែមួយ​គត់​នៅ​ក្នុង​រាជ​ធានី​ភ្នំពេញ​ និង​នៅ​កាស៊ីណូ​​ឋាន​សួគ៌​បូកគោ​ក្នុង​ខេត្ត​កំពត​​ដែល​បាន​បើក​កាលពី​ឆ្នាំ​មុន​​ ដោយ​ក្រុមហ៊ុន សូគីមិុច របស់​លោក សុខ គង់។ ក្រុមហ៊ុន​អ៊ិនធើថេនមិន​ ហ្គេមមីង អាស៊ី ​ដែល​ចុះ​បញ្ជី​នៅ ​លើ​ទី​ផ្សារ​ NASDAQ Capital Market  ក្នុង​បុរី​​ញូវយ៉ក​ត្រូវ​បាន​កាន់កាប់​ទាំង​ស្រុង​ដោយ​ក្រុមហ៊ុន​ ម៉ែលកូ អ៊ិន​ធើ​ណេសិនណល ឌីវែលលុបមិន​ លីមីតធីត ដែល​មាន​លោក​ ឡូរេន ហូ កូន​ប្រុស​របស់​លោក​ ស្ដេន​ លីហូ មហាសេដ្ឋី​ល្បែង​នៅ​ម៉ាកាវ​ និង​ហុងកុង​ ជា​ប្រធាន​។ ក្នុង​ប្រទេស​​កម្ពុជា​ វា​ជា​ការ​ធម្មតា​ដែល​ភរិយា​របស់​មន្ត្រី​មាន​ភាគ​ហ៊ុន​នៅ​ក្នុង​អាជីវកម្ម​​នានា។ ក្រុមហ៊ុនរ៉ែ អូហ្សិត មីនណើរ៉ល កំពុង​ស្ថិត​នៅ​ក្រោម​ការ​ស៊ើប​អង្កេត​ពី​នគរ​បាល​អូស្ត្រាលី​​ពាក់​ព័ន្ធ​នឹង​​​កិច្ច​ព្រម​ព្រៀង​មួយ​នៅ​កម្ពុជាដែលគេ​សង្ស័យ​ថា បាន​បំពាន​ច្បាប់​ប្រឆាំង​អំពើ​ពុក​រលួយ​ស្រដៀង​គ្នា​នេះ​។​ក្រុមហ៊ុនរ៉ែ អូហ្សិត មីនណើរ៉ល ដែល​កំពុង​រុក​រក​រ៉ែមាស​នៅ​ក្នុង​ខេត្ត​មណ្ឌល​គិរី​ កាល​ពី​ឆ្នាំ​២០០៩ បាន​ទិញយក​​ក្រុមហ៊ុន​ដែល​មាន​ដៃ​គូ​ចម្រុះ​​មួយ ហើយ​ម្ចាស់​ភាគ​ហ៊ុន​របស់​ក្រុមហ៊ុន​នោះ រួម​ទាំង​ភរិយា​របស់​មន្ត្រី​នៅ​ក្រសួង​ឧស្សាហកម្ម​រ៉ែ និង​ថាមពល​​ផង​ដែរ។ ការ​ជាប់​ពាក់​ព័ន្ធ​របស់​ក្រុមហ៊ុន​អ៊ិន​ធើ​ថេនមិន​​ ហ្គេមមីង អាស៊ី ​​ជាមួយ​​​លោក អ៊ិឈាន​ ក៏​បង្ហាញ​ពី​តួនាទី​ដ៏​មាន​អំណាច​ដែល​អតីត​កម្មាភិបាល​ខ្មែរ​ក្រហម​ដ៏​ឃោរ​ឃៅ​នេះ​បាន​កាន់​កាប់​នៅ​ប៉ៃលិន​ ​និងដែល​ត្រូវ​បាន​បង្កើត​ឡើង​ក្រោយ​​ឆ្នាំ​១៩៩៦​ដែល​​ពេល​នោះ​​រដ្ឋាភិបាល​ក្រុង​ភ្នំពេញ​ស្រូប​យក​​មនុស្ស​មួយ​ក្រុម​ធំ​ពី​ក្រុម​​កុម្មុយនីស្ដ​នេះ​​​។ អនុប្រធាន​របស់​លោក អ៊ិ ឈាន គឺ​លោក​ អៀង​ វុធ ​កូន​ប្រុស​របស់​សព​ អៀង សារី រដ្ឋ​មន្ត្រី​ការបរទេស​នៃ​របប​ខ្មែរ​ក្រហម​​ដែល​ត្រូវ​បាន​នាំ​មក​កាត់​ទោស​ពី​បទ​ឧក្រិដ្ឋ​កម្ម​សង្គ្រាម​​ និង​ឧក្រិដ្ឋ​កម្ម​​ប្រឆាំង​មនុស្ស​ជាតិ​​មុន​ពេលគាត់​ស្លាប់​កាលពី​ខែ​មីនា។ លោក ឆាំង យុ នាយក​​ប្រតិបត្តិ​មជ្ឈ​មណ្ឌល​​ឯកសារ​កម្ពុជា​ បាន​មាន​ប្រសាសន៍​ថា ​គេល្បី​ជា​យូរ​មក​ហើយ​ថា ​លោក អ៊ី ឈាន គឺជា​កង​ការ​ពារ​របស់​ ប៉ុល ពត និង​មាន​សារៈ​សំខាន់​ក្នុង​ចំណោម​កង​កម្លាំង​ខ្មែរ​ក្រហម​ដែល​បាន​​ប្រយុទ្ធ​ជា​មួយ​រដ្ឋាភិបាល​នៅ​ទសវត្សរ៍​ឆ្នាំ​១៩៩០​​ពី​ភាគ​ពាយព្យ​នៃ​ប្រទេស​កម្ពុជា​។ លោក ឆាំង យុ ​មាន​​ប្រសាសន៍​ថា “នៅ​​​ទី​​បំផុត គាត់​បាន​ទៅ​ដល់​​ទី​នោះ​​។ គាត់​បាន​ផ្ដាច់​​ខ្លួន​ពី​ អៀង សារី ​”។ លោក​បាន​ពន្យល់​ថា ការ​ដឹក​នាំ​របស់​លោក អ៊ីឈាន នៅ​ប៉ៃលិន​ គឺជា​ផ្នែកមួយ​នៃ​ការ​ផ្ដាច់​ខ្លួន​ដែល​មាន​កម្មា​ភិបាល​ និង​ទាហាន​ជាន់​ខ្ពស់​ជា​ច្រើន​ចូល​រួម​ជាមួយ​រដ្ឋាភិបាលនៅ​​ក្នុង​ឆ្នាំ១៩៩៦​៕ ប្រែ​​​សម្រួល​​​ដោយ មូល គឹមហឿន  

សមត្ថកិច្ច​រារាំង​អ្នក​ភូមិ​មិន​ឲ្យ​ចូលរួម​វេទិ​កា​សាធារណៈរបស់​គណបក្ស​ប្រឆាំង

យោង​តាម​លោក​ស្រី មូរ សុខហួរ​ បេក្ខ​ជន​តំណាង​រាស្ត្រ​គណបក្ស​ប្រឆាំង​ ដែលបាន​រៀបចំ​វេទិកាសាធារណៈបាន​ឲ្យ​ដឹង​ថា មន្ត្រី​នគរបាល​ប្រហែល​៥០​នាក់​បាន​រារាំង​អ្នក​ភូមិ​មិនឲ្យ​ចូល​រួម​នៅ​ក្នុង​វេទិកា​សាធារណៈ​មួយ​ដែល​រៀប​ចំឡើង​ដើម្បីពិភាក្សា​អំពី​ភាព​មិន​ប្រក្រតី​នៃ​ការ​បោះ​ឆ្នោត​ នៅ​ក្នុង​ខេត្ត​បាត់​ដំបង​កាល​ពី​ម្សិលមិញ​​។ លោក​ស្រី មូរ សុខហួរ បាន​មាន​ប្រសា​សន៍​​កាល​ពី​ម្សិលមិញ​ថា វេទិកា​នេះ​ត្រូវ​បាន​រៀប​​​ចំ​ឡើង​នៅ​ក្នុង​ភូមិ​តូច​មួយស្ថិត​នៅ​​ក្នុង​សង្កាត់​អូរ​ចារ​ ក្រុង​បាត់​ដំបង​ដើម្បី​ពិភាក្សា​អំពី​ភាព​មិន​ប្រក្រតី​ពាក់​ព័ន្ធ​នឹង​​ការ​បោះ​ឆ្នោត ប៉ុន្តែ​ចៅសង្កាត់​ក្នុង​មូល​ដ្ឋាន​នេះ​បាន​ប្រាប់​លោក​ស្រី​ថា ពួក​គាត់​មិន​អាច​រៀប​ចំ​វេទិកា​នេះ​បាន​ទេ។ លោក​ស្រី​បាន​មាន​ប្រសាសន៍​ថា “គេ​បាន​ប្រាប់​ពួកយើង​ថា យើង​មិន​អាច​រៀប​ចំ​វេទិកា​នេះ​បាន​ទេ​ ហើយ​នៅពេលនោះ​នគរ​បាល​បាន​​ចាប់​ផ្ដើម​រារាំង​អ្នក​ភូមិ​ដែល​មក​ពី​តំបន់នានា​នៅ​ក្នុង​ភូមិមិនឲ្យ​ធ្វើ​ដំណើរ​​មក​កាន់​កន្លែង​ដែល​យើង​បាន​រៀប​ចំ​វេទិកា​នៅ​ក្នុង​ផ្ទះ​ឯកជន​មួយឡើយ​”។ លោក​ស្រី​ មូរ​ សុខហួរ បាន​ពន្យល់​ថា ពី​ដំបូង​ សមត្ថកិច្ច​ប្រើ​ខែល​របស់​ខ្លួន​រុញ​ច្រាន​អ្នក​ភូមិ​ចេញ ​ពេលដែល​ពួក​គាត់​ព្យាយាម​ចូល​ទៅ​ក្នុង​ផ្ទះ​នោះ ដោយ​ធ្វើ​ឲ្យ​អ្នក​ភូមិ​មួយ​ចំនួន​រង​របួស​​ ហើយ​បន្ទាប់​មក​សមត្ថកិច្ចនៅ​តែ​ឈរជើងនៅ​ខាង​ក្រៅ​ដើម្បី​ឃ្លាំ​មើល​វេទិកា​នេះ​ដដែល បន្ទាប់​ពី​អ្នក​ភូមិ​បាន​សម្រុក​​ចូល​ទៅខាង​ក្នុង​។ លោក​ស្រី​បាន​មាន​ប្រសាសន៍​ថា​ “នគរ​បាល​ស្ថិត​នៅ​ខាង​ក្រៅកន្លែង​រៀបចំ​វេទិកា​ដដែល ហើយ​បាន​ថត​រូប​អ្នក​ភូមិ​គ្រប់​គ្នា​ដែល​បាន​ចូល​រួមក្នុង​​វេទិកានេះ ហើយ​ថត​រូបអ្នកភូមិណា​ដែល​​ឡើង​និយាយ”។ លោក​ មួន សារ៉ាត់ សកម្មជន​គណ​បក្ស​សង្គ្រោះ​ជាតិ​នៅ​ក្នុង​ខេត្ត​បាត់​ដំបង​ បាន​មានប្រសាសន៍​ខាង​ក្រៅ​វេទិកា​កាល​ពី​ម្សិល​មិញថា នគរបាល​បាន​បន្ត​បិទ​ផ្លូវ​ចូលទៅ​កាន់​ផ្ទះដែល​ជា​កន្លែង​​រៀប​ចំ​វេទិកា​នោះ​ បន្ទាប់​ពី​អ្នក​ភូមិ​បាន​សម្រុក​ចូលទៅ​ខាង​ក្នុង​។ លោក​បាន​មាន​ប្រសាសន៍​ថា​ “មាន​ជម្លោះ​បន្តិចបន្តួច ហើយ​ឥឡូវ​នេះ​  ​បាន​មក​ចូល​រួមហើយ​ ប៉ុន្តែ​ នៅ​តែ​មានការ​បិទ​ផ្លូវ​ផ្សេង​ទៀត​ដដែល​ ហើយ​ពួក​គេ​មិន​អនុញ្ញាត​ឲ្យ​នរណា​ម្នាក់​ដើរ​កាត់​មកកាន់ទី​នេះ​ឡើយ​”។ លោក​ ទូច រ៉ា អធិការ​នគរបាល​ក្រុង​បាត់​ដំបង​ បាន​មាន​ប្រសាសន៍​ថា វេទិកា​នេះ​ត្រូវ​បាន​រៀប​ចំ​ឡើង​ដោយ​ខុស​ច្បាប់ ពី​ព្រោះ​អ្នក​រៀប​ចំ​មិន​បាន​សុំ​ការ​អនុញ្ញាត​ពី​អាជ្ញាធរ​ឲ្យ​បាន​ត្រឹម​ត្រូវ​ឡើយ។ លោក​បាន​មាន​ប្រសាសន៍​ថា “ពួក​គាត់​បាន​មក​ជួបជុំគ្នាដោយ​គ្មាន​​សុំការ​អនុញ្ញាត​ឡើយ​។ ពួក​គាត់​បាន​ស្នើ​សុំ​អាជ្ញាធរ​​សង្កាត់​ ហើយ​អាជ្ញាធរ​សង្កាត់​បាន​ប្រាប់​ពួក​គាត់​ឲ្យ​ទៅ​សុំ​អាជ្ញាធរ​ខេត្ត​ ហើយ​ពួក​គាត់​មិន​បាន​ធ្វើ​តាមឡើយ”។ លោក​ ទូច រ៉ា បាន​បន្ថែម​ថា នគរ​បាល​ប្រហែល​៥០​នាក់​ ត្រូវបាន​ដាក់​ពង្រាយ​នៅ​កន្លែង​រៀប​ចំ​វេទិកា​នោះ​ក្រែង​លោ​មាន​បញ្ហា​​កើត​ឡើង​។ លោកបាន​មាន​ប្រសាសន៍​ថា “យើង​បាន​ធ្វើ​ដំណើរ​ទៅ​កាន់​ទី​នោះ​តាំង​ពី​ម៉ោង​៧ និង​៣០​នាទី​ព្រឹក ហើយ​យើង​បាន​អនុ​ញ្ញាត​​ឲ្យ​ពួក​គាត់​រៀប​ចំវេទិកា​នោះ​។ យើង​​​ឈរ​ជើង​នៅ​ខាង​​ក្រៅ​​ក្រែង​លោ​មាន​​បញ្ហាអ្វី​កើត​ឡើង​”​។​លោកបដិសេធ​ថា នគរបាលមិន​​​បាន​វា​យអ្នក​ភូមិទេ”។​ លោក​បាន​មាន​ប្រសាសន៍​បន្ថែម​ថា “ បាន​ដើរ​ចូល​ទៅ​ក្នុង​ផ្ទះ​នោះ​ ហើយ​បានរុញ​ច្រាន​នគរបាល​ ហើយ​ពួក​គាត់​បែរ​ជានិយាយ​ថា​ នគរ​បាល​បាន​វាយ​ពួក​គាត់​ទៅ​វិញ​។ ខ្ញុំ​មិន​យល់​ពី​អ្វីដែល​ពួក​គាត់​បាន​ធ្វើ​ឡើយ​”។ លោក គឹម ជង ចៅ​សង្កាត់​អូរ​ចារ​ បាន​យល់​ស្រប​ថា វេទិកា​នេះ​ត្រូវ​បាន​រៀប​ចំ​ឡើង​ដោយ​ខុស​ច្បាប់​​​​​ ដោយ​មាន​ប្រសាសន៍​ថា អ្នក​រៀប​ចំ​កម្មវិធី​មាន​ការ​យល់​ច្រឡំ​ ដោយ​បាន​មកទាក់​ទង​​សុំ​ការ​អនុញ្ញាត​ពី​រូប​លោក​ទៅវិញ​។ លោក​បាន​មាន​ប្រសាសន៍​ថា “ខ្ញុំ​មិន​មាន​សិទ្ធិ​អនុញ្ញាតទេ ពី​ព្រោះ​វា​គឺ​ជា​វេទិ​កា​ទ្រង់​ទ្រាយ​ធំ​​ដោយ​មាន​ប្រជា​ជន​ច្រើន​មក​ចូល​រួម​...

អ្នក​ជំនាញច្បាប់ច្រានចោលការ​គំរាម​ចាត់​វិធាន​ការ​ផ្លូវ​ច្បាប់​របស់​បក្សប្រជាជន

កាល​ពីម្សិលមិញ​ អ្នក​ជំនាញ​ផ្នែក​ច្បាប់​បាន​ច្រាន​ចោល​ការ​ព្រមាន​របស់​គណបក្ស​ប្រជាជន​កម្ពុជា​កាល​ពីថ្ងៃ​អង្គារ​ថា ​អាច​មាន​ការ​​ចាត់​វិធាន​ការ​ផ្លូវ​ច្បាប់​ប្រឆាំង​គណ​បក្ស​សង្គ្រោះ​ជាតិ​ប្រសិន​បើគណ​បក្ស​នេះ​មិន​ព្រម​​ឈប់​និយាយថា គណ​បក្ស​កំពុង​កាន់​អំណាច​​គ្រប់​គ្រង​គណៈកម្មា​ធិការ​ជាតិ​រៀប​ចំការ​បោះឆ្នោត​ (គ.ជ.ប.)។ លោក ផៃ ស៊ី​ផាន​ អ្នក​នាំ​ពាក្យ​ទីស្តី​ការ​គណៈ​​រដ្ឋមន្ត្រី​​បាន​មាន​ប្រសាសន៍​កាល​ពី​ថ្ងៃ​អង្គារ​ថា ការ​អះអាង​របស់​គណបក្ស​សង្គ្រោះ ​​ជាតិ​ដែលថា គ.ជ.ប. ជា​ឧប​ករណ៍​របស់​គណ បក្ស​ប្រជាជន​កម្ពុជា​នោះ​ គឺជា “​ការ​និយាយ​បរិហារ​កេរ្តិ៍”។ ប៉ុន្តែ លោក សុក សំអឿន នាយក​ប្រតិ​បត្តិ​​ក្រុម​អ្នក​ច្បាប់​ការ​ពារ​សិទ្ធិ​កម្ពុជា​​បាន​មាន​ប្រសាសន៍​កាលពីម្សិល​មិញថា  គណបក្ស​សង្គ្រោះ​​ជាតិ​អាច​ការ​ពារ​ខ្លួន​​ចំពោះ​ការ​ចោទ​​ប្រកាន់​បែប​នេះបាន​ដោយ​ស្រួល​។ ​លោក​បាន​មាន​ប្រសា​សន៍​ថា “តាម​ច្បាប់​បរិហារ​កេរ្តិ៍​របស់​ប្រទេស​កម្ពុជា ប្រសិន​បើ​គណបក្ស​សង្គ្រោះ​ជាតិ​មាន​ភ័ស្តុ​តាង​តែ​មួយ​ដើម្បី​គាំទ្រ​ការ​អះអាង​របស់​ខ្លួន​  គណបក្ស​នេះ​គឺ​ជាអ្នក​ឈ្នះ​នៅ​ក្នុង​រឿង​ក្តី​នេះ​”។ លោក​​មាន​ប្រសាសន៍ថា “ឧទា​ហរ​ណ៍​ ប្រសិន​បើ​គណបក្ស​សង្គ្រោះ​ជាតិ​អាច​បង្ហាញ​ថា មាន​​តែ​មន្ត្រី គ.ជ.ប. មួយ​រូប​​ប៉ុណ្ណោះ គឺ​ជា​ស​មាជិក​របស់​គណ​បក្ស​ប្រជាជន​ឬ​ថា ​សមា​ជិក​​ម្នាក់​បាន​ធ្វើ​អ្វីៗដើម្បី​ជួយ​គណបក្ស​ប្រជា​ជន​ឲ្យ​ឈ្នះ​ឆ្នោត​នោះ​ ដូច្នេះ​ហើយ​​គេ​នឹង​​ពេញ​​ចិត្ត​ដោយ​សារ​មិន​មាន​​ការ​បរិហា​រកេរ្តិ៍​ឡើយ​។ ខ្ញុំ​​គិត​ថា វា​ជា​ករណី​ងាយ​ស្រួល​បំផុត​​សម្រាប់​គណបក្ស​សង្គ្រោះ​ជាតិ​ត្រូវ​បង្ហាញ​”។ គ.ជ.ប. ដែល​មាន​សមាជិក​ប្រាំបួន​រូប​មាន​ទំនាក់​ទង​​មិន​អាច​ប្រកែក​បា​ន​ចំពោះ​គណ​បក្ស​​​ប្រជាជន​កម្ពុជា។ តួយ៉ាង ​លោក​ អ៊ឹម​ សួស្តី ប្រធាន​ ​គ.ជ.ប. គឺ​ជា​ប្អូន​ប្រុស​របស់​លោក​ អ៊ឹម សិទ្ធី​ រដ្ឋ​មន្ត្រី​ក្រសួង​អប់​រំមក​ពី​គណបក្ស​ប្រជាជន​កម្ពុជា ហើយ​លោក​ធ្លាប់​ធ្វើ​ជា​អនុប្រធាន​សមា​គម​យុវជន​របស់​គណ​បក្ស​ប្រជា​ជន​កម្ពុជា​ទៀត​ផង​។ កង្វល់​ជុំវិញ​ឯករាជភាព​របស់​ គ.ជ.ប. ក៏​ត្រូវ​បាន​​លើក​ឡើង​ដោយ​លោក​ សុរិយា ស៊ូបេឌី (Surya Subedi) អ្នក​ធ្វើ​​របាយ​ការណ៍​ពិសេស​ផ្នែក​សិទ្ធិមនុស្ស​របស់​អង្គការ​សហ​ប្រជាជាតិ​ប្រចាំ​ប្រទេស​កម្ពុជា​។ លោក​ គល់​ បញ្ញា នាយក​ប្រតិបត្តិ​គណៈ​កម្មាធិការ​ដើម្បី​ការ​បោះឆ្នោត​ដោយ​សេរី និង​​យុត្តិធម៌​នៅកម្ពុជា ដែល​នៅ​ខែ​តុលា​លោក​​​មាន​គម្រោង​ចេញ​ផ្សាយ​របាយ​ការណ៍​​ពេញលេញ​ស្តី​ពី​សមាស​ភាព​ ការ​ជ្រើ​សរើស​ និង​ការ​អនុ​វត្ត​របស់​ គ.ជ.ប.​ នោះ​បាន​មាន​ប្រសា​សន៍​ថា ការ​ជ្រើ​សតាំង​សមាជិក​ គ.ជ.ប. ​​ត្រូវ​បាន​គ្រប់​គ្រង​ទាំង​ស្រុង​ដោយ​គណ​បក្ស​កំពុង​កាន់​​អំណាច​។ លោក​បាន​ថ្លែង​ថា “ការ​ជ្រើ​ស​រើស​សមា​ជិក​ គ.ជ.ប. ទាំងអស់ឆ្លង​កាត់​ក្រសួង​​មហាផ្ទៃ​...

អ្នក​សង្កេត​ការណ៍​អំពាវនាវ​ឲ្យ​រាប់​សន្លឹក​ឆ្នោត​ឡើង​វិញ​នៅ​មណ្ឌល​​ខេត្ត​កណ្ដាល​

​​កាល​ពី​ម្សិល​មិញ​​ អ្នក​សង្កេត​ការណ៍​បោះឆ្នោតបាន​ចេញ​សេចក្ដី​ថ្លែង​ការណ៍​រួម​មួយ​ពាក់​ព័ន្ធ​នឹង​​លទ្ធផល​​​នៃ​ការ​បោះ​ឆ្នោត​ជាតិ​ដែល​មាន​ជម្លោះ​ ដោយ​អំពាវ​នាវ​ឲ្យ​មាន​ការ​រាប់​សន្លឹក​ឆ្នោត​ឡើង​វិញ​នៅ​ក្នុង​ក្រុង​តាខ្មៅ​ ខេត្ត​កណ្ដាល​ ដែល​​កើត​មាន​ភាព​​មិន​ប្រក្រតី​យ៉ាង​ច្រើន​។​ អង្គការ​ Situation Room ជា​សម្ពន្ធ​នៃ​អង្គការ​ក្រៅ​រដ្ឋាភិបាល​ និង​អ្នក​ឃ្លាំ​មើល​ការ​បោះឆ្នោត​ ដែល​ត្រូវ​បាន​បង្កើត​ឡើង​ ដើម្បី​​ត្រួត​ពិនិត្យ​​ការ​បោះឆ្នោត​​ជាតិ​ កាល​ពី​ថ្ងៃ​ទី​២៨ ខែកក្កដា បាន​រក​ឃើញ​ភាព​មិន​ប្រក្រតី​ជាង​១០.០០០​ករណី​នៅ​ទូទាំង​ប្រទេស​ ប៉ុន្តែ​ខេត្ត​កណ្ដាល​គឺ​ជា​ខេត្ត​ ដែល​មាន​របាយ​ការណ៍​ថា កើត​មាន​ភាព​មិន​ប្រក្រតី​ច្រើន​ជាង​​គេ​។ ខេត្ត​កណ្ដាល​នេះ​ គឺ​ជា​ខេត្ត​ដែល​លោក​​នាយក​រដ្ឋ​មន្ត្រី​ ហ៊ុន សែន​ ​បាន​ឈរ​ឈ្មោះ​ជា​បេក្ខជន​តំណាង​រាស្ត្រ​របស់​គណ​បក្ស​ប្រជា​ជន​កម្ពុជា​នៅ​លេខ​រៀង​លំដាប់​ទី​១។ សេចក្ដី​ថ្លែង​ការណ៍​នេះ​បាន​លើក​ឡើង​ថា “ភាព​មិន​ប្រក្រតី​នៅ​ក្នុង​ខេត្ត​កណ្ដាល​ គឺ​​គួរ​ឲ្យ​ព្រួយបារម្ភ​ខ្លាំង​ណាស់​ ជាពិសេស​នៅ​ការិយាល័យ​បោះឆ្នោត​លេខ​១២០៤ ​នៅ​ក្នុង​ភូមិ​ស្អាង​ភ្នំ​ ស្រុក​ស្អាង​ ដែល​ត្រូវ​បាន​បិទ​​នៅ​មុន​  រសៀល​”។ សេចក្ដី​ថ្លែង​ការណ៍​នេះ​បាន​លើក​ឡើង​បន្ថែម​ថា ទម្រង់​១១០៨ ដែល​គេ​ប្រើ​សម្រាប់​​កត់​ត្រា​សំឡេង​​ឆ្នោត​ ត្រូវ​បានគេ​​ប្ដឹង​ពី​​ការិ​យា​ល័យ​បោះ​ឆ្នោត​​​មួយ​​ទៀត​ក្នុង​ក្រុង​តាខ្មៅ​។ សេចក្ដី​ថ្លែង​ការណ៍​នេះ​បាន​លើក​ឡើង​បន្ត​ទៀត​ថា “​ ចង់​ស្នើ​ឲ្យ​ក្រុម​ប្រឹក្សា​ធម្មនុញ្ញ និង​គណៈ​កម្មាធិ​ការ​ជាតិ​រៀប​ចំ​ការ​បោះឆ្នោត​  (គ.ជ.ប.​) ត្រួត​ពិនិត្យ​ការិយាល័យ​បោះឆ្នោត​​លេខ​១២០៤ ហើយ​រាប់​សន្លឹក​ឆ្នោត​​នៅ​ក្នុង​សង្កាត់​តាខ្មៅ​ឡើង​វិញ​”។ លោក ទេព​ នីថា អគ្គលេខាធិការ ​​គ.ជ.ប. បាន​លើក​ឡើង​ម្ដង​ទៀតកាល​ពី​ម្សិលមិញ​ថា គ.ជ.ប.​ លែង​ជាប់​ពាក់​ព័ន្ធ​នៅ​ក្នុង​ដំណើរ​ការ​ ដោះ​ស្រាយ​ពាក្យ​បណ្ដឹង​ទៀត​ហើយ​។ លោក​បាន​មាន​ប្រសាសន៍​ថា “ក្រុម​ប្រឹក្សា​ធម្មនុញ្ញ​ឥឡូវ​នេះ​កំពុង​តែ​ដោះ​ស្រាយ​បញ្ហា​ទាំង​នេះ​ វា​ស្ថិត​​នៅ​ក្រៅ​​​សមត្ថកិច្ច​របស់​ គ.ជ.ប.​”។ លោក​បាន​បន្ថែម​ថា​ “សន្លឹក​ឆ្នោត​​ត្រូវ​បាន​រាប់​រួច​ហើយ​ រីឯ​លទ្ធផល​បឋម​នៃ​ការ​បោះឆ្នោត​​ក៏​ត្រូវ​បាន​ចេញ​រួច​ហើយ​ដែរ​ ហើយ​ឥឡូវ​នេះ​​យើង​កំពុង​តែ​រង់​ចាំ​ក្រុម​ប្រឹក្សា​ធម្មនុញ្ញ​ធ្វើ​ការ​”។ សេចក្ដី​ថ្លែង​ការណ៍​រួម​នេះ​បាន​លើក​ឡើង​ថា ក្នុង​ចំណោម​ភាព​មិនប្រក្រតី​ជាង​១០.០០០​ករណី​ ដែល​កើត​មាននៅ​ថ្ងៃ​បោះ​ឆ្នោត​ មាន​​៤៨​ភាគ​រយ​​​ គឺ​ជា​ករណី​ ដែល​ប្រជា​ពល​រដ្ឋ​​បាន​ទៅ​ដល់​ការិយាល័យ​បោះ​ឆ្នោ​ត​រួច​ហើយ​ ប៉ុន្តែ​មិន​មាន​សិទ្ធិ​បោះ​ឆ្នោត​ឡើយ​ ដោយ​សារ​តែ​ឈ្មោះ​របស់​ពួក​គាត់​​បាន​បាត់​ពី​បញ្ជី​ឈ្មោះ​បោះឆ្នោត​ ឬ​ក៏​មាន​​ទិន្នន័យ​មិន​ត្រឹម​ត្រូវ​ស្ដី​ពី​ឯកសារ​​បញ្ជាក់​ពី​អត្តសញ្ញាណ។ គណបក្ស​សង្គ្រោះ​ជាតិ​​បាន​ច្រាន​ចោល​លទ្ធផល​បឋម​នៃ​ការ​បោះឆ្នោ​ត ដែល​បង្ហាញ​ថា គណបក្ស​ប្រជាជន​កម្ពុជា​ទទួល​បាន​៦៨អាសនៈ​ រីឯ​គណបក្ស​សង្គ្រោះ​ជាតិ​​ទទួល​បាន​៥៥​អាសនៈ​។ គណបក្ស​សង្គ្រោះ​ជាតិ​​បាន​ចោទ​ប្រកាន់​ថា មាន​ការ​​លួច​បន្លំ​សន្លឹក​ឆ្នោត​​ច្រើន​ ហើយ​​បាន​អះអាង​ថា ខ្លួន​ពិត​ជា​ឈ្នះ​ការ​បោះឆ្នោ​តនេះ​។ គណបក្ស​ប្រឆាំង​បាន​ស្នើ​ឲ្យ​មាន​ការ​ស៊ើប​​អង្កេត​ឯក​រាជ្យ​លើ​ភាព​មិន​ប្រក្រតី​ទាំង​នេះ​ ហើយ​បាន​គំរាម​ធ្វើ​មហាបាតុកម្ម​​ ប្រសិន​បើ​​​ការ​ស៊ើប​អង្កេត​​ឯករាជ្យមិន​​ត្រូវ​បាន​ធ្វើ​ឡើង​ក្នុង​ពេល​ឆាប់ៗ។​​ ហើយ​ការ​​គំរាម​នេះ​​បាន​ធ្វើ​ឲ្យ​រដ្ឋាភិបាល​ដាក់​ពង្រាយ​នគរបាល​និង​យោធា​​នៅ​ក្នុង​និង​ជុំ​វិញ​រាជធានី​ ជា​បញ្ហា​មួយ​ទៀត​ដែល​អង្គការ​ Situation Room បាន​លើក​ឡើង​កាល​ពី​ម្សិលមិញ​។ សេចក្ដី​ថ្លែង​ការ​ណ៍​នេះ​បាន​លើក​ឡើង​ថា “  ចង់​ស្នើ​ឲ្យ​រដ្ឋាភិបាល​​ដកចេញ​វិញ​នូវ​​កង​កម្លាំង​ប្រដាប់​អាវុធ​ និង​អាវុធ​នានា​ ដែល​ត្រូវ​បាន​ដាក់​ពង្រាយ​ ដើម្បី​​បំភិត​បំភ័យ​​ប្រជា​ពលរដ្ឋ​​”៕ ប្រែសម្រួលដោយ ស៊ា ស៊ុយឈាង​

​វិនិយោគិន​អាមេរិក​​រួញ​រា​ក្នុង​ការ​វិនិយោគ​នៅ​​ប្រទេស​កម្ពុជា​ដោយ​សារ​អំពើ​ពុក​រលួយ​

ការ​សិក្សា​ថ្មី​មួយ​ទៅ​លើប្រតិបត្តិករ​ក្រុម​ហ៊ុន​​អាមេរិក​ចំនួន​៤៧៥​​នាក់​នៅ​ក្នុង​តំបន់​អាស៊ាន​​បង្ហាញ​ថា ទោះ​បី​ជាក្រុម​ហ៊ុន​ដែល​គ្រប់​គ្រង​ដោយ​អាមេរិក​នៅ​ក្នុង​ប្រទេស​កម្ពុជា​​មាន​សុទិដ្ឋិនិយម​អំពី​សេដ្ឋកិច្ច​ក្នុង​ប្រទេស​នេះ​ក៏​ដោយ​ ក៏គោល​ដៅ​វិនិយោគ​នៅ​ក្នុងប្រទេស​នេះនៅ​មាន​តិច​ជាង​ប្រទេស​ភាគ​ច្រើន​នៅ​​ជិត​ខាង​ខ្លួនដែរ​ ដោយ​សារ​គេ​ដឹង​ថា មាន​​អំពើ​ពុក​រលួយ​ច្រើន។ ការ​ស្ទង់​មតិ​​លើ​ទស្សន​វិស័យ​ពាណិជ្ជកម្ម​​ឆ្នាំ​២០១៣ ដល់ឆ្នាំ២០១៤​ ដែល​ធ្វើ​ឡើង​រួម​​​​​​​គ្នា​រវាង​សភា​ពាណិជ្ជកម្ម​អាមេរិក​ប្រចាំ​​ប្រទេស​សឹង្ហ​បូរី​ និង​ក្រសួង​ពាណិជ្ជកម្ម​សហ​​​រដ្ឋ​អាមេរិក​បាន​លើក​ឡើង​ពី​ផលប្រយោជន៍​ជាច្រើន​​ក្នុង​ការ​ធ្វើ​ជំនួញ​នៅ​ក្នុង​ប្រទេស​កម្ពុជា​ ដូចជា តម្លៃ​ពលកម្ម​ទាប​ សន្តិសុខ​ផ្ទាល់​ខ្លួន និងឥរិយាបថ​ល្អ​​ចំពោះ​សហរដ្ឋ​អាមេរិក​។ សម្រាប់​ក្រុម​ហ៊ុន​ទាំង​ឡាយ​ណា​ដែល​កំពុង​​ប្រតិបត្តិការ​នៅ​ក្នុង​ប្រទេស​កម្ពុជា​រួច​​ហើយ​នោះ​​ផល​ចំណេញ​គឺ​មាន​សញ្ញា​ជា​វិជ្ជ​​​មាន​ដោយ​មាន​អ្នក​ឆ្លើយ​សំណួរ​ចំនួន​៧៥​ភាគ​រយ​បាន​លើក​ឡើង​ថា ពួកគេ​រំពឹង​ថា ផល​​​​ចំណេញ​ ​នឹងមាន​ការ​កើន​ឡើង​នៅ​ឆ្នាំ​២០១៣​​​នេះ​ ហើយ​ព្យាករ​សម្រាប់​ឆ្នាំ​២០១៤​ថា នឹង​មានការ​កើន​ឡើង​ចំនួន​៩០ភាគរយ​។ បុគ្គលិក​បរទេស​​នៅ​ក្នុង​ប្រទេស​កម្ពុជា​ក៏​បាន​បញ្ជាក់​ពី​ការ​ពេញ​ចិត្តចំពោះ​ការ​រស់​នៅ​ផង​ដែរ​ ដោយ​មាន​​៩០ភាគរយ​ បាន​ព្យាយាម​​​​​​​បន្ត​ការ​ស្នាក់​នៅ​របស់​ខ្លួន​ ក្នុង​ប្រទេស​កម្ពុជា​ ​ជា​ចំនួន​ភាគរយ​ខ្ពស់​បំផុត​នៅ​ក្នុង​តំបន់​អាស៊ី​ទាំង​មូល។ រីឯ​ក្រុមហ៊ុន​​បរទេស​មួយ​ចំនួន​ទៀត​​ដែល​មិន​មាន​មូល​ដ្ឋាន​នៅ​ក្នុង​ប្រទេស​កម្ពុជា​មិន​មាន​ចំណាប់​អារម្មណ៍​ចំពោះ​ការ​ធ្វើ​វិនិ​​​យោគ​​​​នៅ​ក្នុង​ប្រទេស​កម្ពុជា​ទេ​ ដែល​​ប្រទេស​នេះ​ស្ថិត​នៅ​លំដាប់​​លេខ​រៀង​ទី​៨​ក្នុង​ចំណោម​ប្រទេស​ជា​សមាជិក​អាស៊ាន​ទាំង​១០​គឺ​នៅ​ពី​​​ក្រោយ​ប្រទេស​ឡាវ​ និង​ប្រទេស​ប្រ៊ុយ​​​ណេ។ មូល​ហេតុ​ដែល​លើក​ឡើង​ដោយ​ក្រុម​ហ៊ុន​ទាំង​នោះ​គឺ​ដោយ​សារ​កង្វះ​កម្មករ​​ជំនាញ...

រដ្ឋមន្ត្រីការបរទេសចិន​ទទួល​ស្គាល់​ថាបក្ស​ប្រជាជន​ជា​អ្នក​ឈ­្នះឆ្នោត

ក្រុម​មន្ត្រី​បាន​និយាយថា លោក​ វ៉ាង យី រដ្ឋ​មន្ត្រី​ក្រសួង​ការ​បរទេស​ចិន​កាល​ពីម្សិល​មិញ​បាន​ទទួល​ស្គាល់​​ជ័យ​ជម្នះ​របស់​គណបក្ស​ប្រជាជន​កម្ពុជា​ក្នុងការ​បោះឆ្នោត​ជាតិ​កាល​ពី​​​ថ្ងៃទី​២៨​ខែ​កក្កដា​ បន្ទាប់​ពី​មាន​ការ​​ជួប​ពិភាក្សា​​​ជាមួយ​លោក​នាយក​រដ្ឋមន្ត្រី​ ហ៊ុន សែន និង​លោក​ ហោ ណាំហុង​ រដ្ឋ​មន្ត្រី​ក្រសួង​ការបរ​ទេស​កម្ពុជា​នៅក្នុង​រាជធានី​ភ្នំពេញ​។ បើ​តាម​​លទ្ធផល​បឋម​​ដែល​ គ.ជ.ប. និង​គណបក្ស​ប្រជាជន​កម្ពុជាបាន​ផ្សព្វ​ផ្សាយ​​ គឺគណបក្ស​​ប្រជាជន​កម្ពុជា​ឈ្នះបាន​៦៨​អាសនៈ​ទល់​នឹង​៥៥​អាសនៈ​ គឺ​បង្ហាញ​ពីការ​ធ្លាក់ចុះសំឡេង​គាំទ្រ​របស់​លោក ហ៊ុន សែន ចាប់​តាំង​ពី​ការ​បោះ​ឆ្នោតឆ្នាំ១៩៩៣ ​ដែល​រៀបចំ​ដោយ​អង្គការ​សហប្រជាជាតិ​​មក​។​ ប៉ុន្តែ គណបក្ស​ប្រឆាំង​ គឺ​គណបក្ស​សង្គ្រោះ​ជាតិ​ដែល​បាន​អះអាង​ថា មាន​ភាព​មិន​ប្រក្រតី​ច្រើន​នៅ​ក្នុង​ការ​បោះឆ្នោត​នេះ​បាន​តវ៉ា​នឹង​លទ្ធផល​នេះ​ ហើយ​ទាំង​សហ​រដ្ឋ​អាមេរិក​ និង​សហ​ភាពអឺរ៉ុប​បាន​អំពាវ​នាវ​ឲ្យមាន​ការ​ស៊ើប​អង្កេត​ដោយ​ឯករាជ្យ​លើ​ការ​បោះ​ឆ្នោត​​នេះ​មុន​ពេល​ខ្លួន​ទទួល​ស្គាល់​លទ្ធផល​នៃការ​បោះឆ្នោត​នេះ​។ លោក​ វ៉ាង យី បាន​មាន​ប្រសាសន៍ថា “នៅ​​​​ក្នុងការ​បោះប្នោ​តនេះ​គណបក្សប្រជា​ជន​កម្ពុជា​​ដែល​ជាគណបក្ស​កាន់​អំណាច​​ទទួលបាន​សំឡេង​ភាគ​ច្រើន​ដាច់​ខាត​នៅ​​រដ្ឋ​សភា​ ហើយ​មេដឹកនាំ​ចិន​បាន​សរសេរ​លិខិត​អបអរ​សាទរ​មេដឹកនាំ​គណបក្ស​ប្រជាជន​កម្ពុជា​។ នៅ​ថ្ងៃ​នេះ ខ្ញុំ​សូម​ជូន​ពរ​ និង​អប​អរ​សាទរ​សម្តេច​តេជោ​  ”។ លោក វ៉ាង​ ក៏បាន​អំពាវ​នាវឲ្យរក​ដំណោះ​​ស្រាយ​ឲ្យបានឆាប់​​ចំពោះស្ថានភាព​​នយោ​បាយ​នៅ​កម្ពុជា​ដែល​មាន​ការ​បង្កើន​សន្តិសុខ​នៅក្នុង​រាជធានី​ភ្នំពេញ​នៅពេល​ដែល​គណ​បក្ស​សង្គ្រោះជាតិ​និយាយថា  ខ្លួន​នឹង​ធ្វើ​មហា​​បាតុកម្ម​ ប្រសិន​បើ​ពុំមាន​ការ​ដោះ​ស្រាយ​​ពាក្យ​បណ្តឹង​របស់​ខ្លួន​អំពី​​លទ្ធ​ផល​បោះឆ្នោត​​នេះឲ្យ​បាន​ត្រឹម​ត្រូវ​នោះទេ​។ លោក​បាន​មាន​ប្រសាសន៍ថា “ប្រទេស​ចិន​គឺជា​មិត្ត​ភក្តិ​ដ៏ល្អមួយ​របស់​កម្ពុជា​។ យើង​សង្ឃឹមថា ភាគី​កម្ពុជា​ទាំង​អស់​នឹង​ចរចារក​​ដំណោះស្រាយ​ដោយ​សន្តិវិធី​ដើម្បី​បង្កើត​រដ្ឋ​សភា និង​រដ្ឋាភិបាល​ថ្មី​ឲ្យ​បាន​ឆាប់រហាស់​តាម​ដែល​អាច​ធ្វើ​ទៅបាន​”។ លោក វ៉ាង យី គឺជា​មន្ត្រី​ការ​ទូត​ជាន់​ខ្ពស់បរទេសទី​១​ដែល​បាន​មក​ធ្វើ​ទស្សនកិច្ច​នៅ​ប្រទេស​កម្ពុជា​ចាប់​តាំង​ពី​មាន​ជម្លោះ​នៃ​ការ​បោះ​ឆ្នោត​នេះ​មក​ ហើយការ​ធ្វើ​ទស្សនកិច្ច​របស់​លោក​​ ក៏ធ្វើ​ឡើង​បន្ទាប់​ពី​លោក​ លី ខឹឈាង​ នាយក​រដ្ឋ​មន្ត្រី​ចិន​បាន​សរសេរ​លិខិត​​អបអរ​សាទរ​​លោក ហ៊ុន​ សែន បន្ទាប់​ពី​ការ​បោះឆ្នោត​។ បន្ទាប់​ពីការ​ពិភាក្សារវាង​លោក​ ហ៊ុន សែន និង​លោក​ វ៉ាង​ យី កាល​ពីម្សិល​មិញ​នៅ​ខុទ្ទកាល័យ​​នាយក​រដ្ឋ​មន្ត្រី​ ហ៊ុន សែន ​រួចមកលោក​ ប្រាក់​ សុខុន រដ្ឋ​លេខាធិការ​នៃ​ទីស្តី​ការ​គណៈរដ្ឋមន្ត្រី​​បាន​ប្រាប់​អ្នក​យក​ព័ត៌មាន​ថា​ លោក​ទាំង​ពីរ​មិន​បាន​ពិភាក្សា​ពី​   ការ​ពង្រឹង​​ទំនាក់​ទំនង​ថែម​ទៀត​រវាង​ប្រទេស​​ទាំង​ពីរ​នោះ​ទេ​ ។ លោក​ ប្រាក់​ សុខុន បាន​មាន​ប្រសាសន៍​ថា “មេដឹកនាំចិន​បាន​អបអរសាទរ​​គណបក្ស​ប្រជា​ជន​កម្ពុជា​​ចំពោះការ​បោះឆ្នោត​ និង​ការ​ទទួល​បាន​សំឡេង​ភាគច្រើន​ដាច់​​នៅ​ក្នុងការ​បោះឆ្នោត​នេះ។ យោង​តាម​លោក​ ប្រាក់​ សុខុន បាន​ឲ្យ​ដឹង​ថា លោក​ វ៉ាង ដែល​បាន​អញ្ជើញ​មក​ប្រទេស​កម្ពុជា​តាមការ​អញ្ជើញ​របស់​លោក​ ហោ ណាំហុង​ ក៏បាន​កោត​សរសើរ​ការ​ដឹក​នាំ​របស់​លោក​ ហ៊ុន​ សែន នៅ​ក្នុងការ​ពង្រឹង​ទំនាក់​ទំនង​រវាង​កម្ពុជា និង​ចិន​ផង​ដែរ។ លោក ប្រាក់ សុខុន ​មាន​ប្រសាសន៍​ថា “ប្រទេស​របស់​យើង​គឺជា​មិត្ត​ភក្តិ​ល្អ​ អ្នក​ជិត​ខាង​ល្អ​ ហើយ​ស្ថិត​នៅក្រោម​ការ​ដឹក​នាំ​របស់​ប្រទេស​ទាំង​ពីរ​ យើង​មាន​ទំនាក់​ទំនង​ល្អ​​ មាន​ការ​ទុកចិត្ត​ និង​គាំទ្រ​គ្នា​ទៅ​វិញ​ទៅ​មក​”។ នៅ​ពេល​សួរ​ថា តើ​មេដឹកនាំ​ទាំង​ពីរ​បាន​ពិភាក្សា​អំពីភាព​ទាល់​ច្រក​ផ្នែក​នយោបាយ​នៅ​កម្ពុជា​នា​ពេល​បច្ចុប្បន្ន​ដែរ​ ឬ​អត់​នោះ​​លោក​ ប្រាក់​ សុខុន បាន​មាន​ប្រសាសន៍ថាលោក​ វ៉ាង បាន​បញ្ជាក់​ពីការ​វិវឌ្ឍ​ទៅ​រក​ដំណោះ​ស្រាយ​ដោយ​សន្តិវិធី​។ លោក​ ប្រាក់ សុខុនថាបានបន្តថា “នេះ​គឺ​ជា​បញ្ហា​ផ្ទៃ​ក្នុង​របស់​ប្រទេស​​កម្ពុជា​ ខ្ញុំជឿថា ចិន​គ្មាន​បំណង​ផ្តល់​អនុសាសន៍​ដល់​កម្ពុជា​អំពី​វិធី​រក​ដំណោះស្រាយ​នោះ​ទេ​។ ពួក​គេ​គាំទ្រ​កម្ពុជា​ ​ដូច្នេះ​ប៉ុណ្ណឹង​វា​ជាសារ​មួយ​គ្រប់​គ្រាន់​ទៅ​ហើយ​”។ លោក ឡៅ ម៉ុង​ហៃ​ អ្នក​វិភាគនយោ​បាយ​​ឯករាជ្យ​​បាន​មាន​ប្រសាសន៍ថា ​ការ​បង្ហាញ​ពី​ការ​គាំទ្រ​ដោយ​ចំហ​របស់​ចិន​ចំពោះ​គណ​បក្ស​កាន់​អំណាច​នេះ ​​គឺ​ដើម្បី​​ពង្រឹង​​គណ​បក្ស​​ប្រជាជន​កម្ពុជា​​​ដែល​​មាន​បញ្ហា​​ច្រើន​ បន្ទាប់​ពី​ខ្លួន​បាន​បាត់​បង់​អាសនៈ​នៅ​ក្នុងការ​បោះឆ្នោត​នេះ ។ លោក​បាន​បន្តថា “វត្តមាន​​និង​ការ​ពិភាក្សា​របស់​ថ្នាក់​ដឹកនាំ​នេះ ព្រម​ទាំង​អ្វីៗទាំង​​អស់​ហាក់​ដូចជា​ផ្តល់​ទំនុក​ចិត្ត​ថែម​ទៀត​ដល់​នាយក​រដ្ឋមន្ត្រី​របស់​យើង​ និង​​គណ​បក្ស​​របស់​គាត់​”។ លោក​បាន​មាន​ប្រសាសន៍បន្ត​ទៀតដែល​​សំដៅ​​ដល់​ប្រទេស​ចិន​ថា “ក្រោយ​ពីការ​បោះ​ឆ្នោត​​នេះ​ មិន​មាន​​រដ្ឋាភិ​បាល​បរទេស​ច្រើន​ចេញ​មក​គាំទ្រ​ទេ​។​យ៉ាង​ហោច​ណាស់​ពួក​គេ​មាន​មហា​អំណាច​មួយ​ចេញ​មុខ​គាំទ្រ​ដែរ”។ សហរដ្ឋ​អាមេរិក​រួម​ជាមួយ​នឹង​សហ​ភាព​អឺរ៉ុប និង​អូស្ត្រាលី​បាន​អំពាវ​នាវ​ឲ្យ​មាន​ការ​ស៊ើបអង្កេត​ដោយ​តម្លាភាព និង​គួរ​ឲ្យទុក​ចិត្ត​លើក​ការអះអាង​អំពីការ​លួច​បន្លំ​ក្នុង​ការ​បោះ​ឆ្នោត​។ កម្ពុជា​បានឆ្លើយ​តប​វិញ​​ដោយការ​ពន្យារ​ពេល​កម្មវិធី​ទទួល​ជំនួយ​យោធា​មួយ​ចំនួន​ជាមួយសហ​រដ្ឋ​​អាមេរិក​ និង​អូស្ត្រាលី​ ប៉ុន្តែ ក្រុម​មន្ត្រី​បាន​បញ្ជាក់​ថា ទំនាក់​ទំន​ង​នៅ​មាន​ជា​ធម្មតា​។ ផ្ទុយ​ទៅវិញ ភ្លាមៗ​បន្ទាប់​ពីការ​បោះ​ឆ្នោត​​នោះ​ប្រទេស​ចិន​បាន​ផ្តល់​កាំភ្លើង​ និង​គ្រាប់​ឲ្យ​នគរបាល​កម្ពុជា​ និង​បាន​ចុះ​ហត្ថ​លេ​ខា​សន្យា​​ផ្តល់​លុយ​ជាច្រើន​ទៀត​ បន្ទាប់​ពី​មាន​​កម្ចី​ការ​ប្រាក់​ទាប ​និង​ជំនួយ​យោធា​រាប់រយ​លាន​​ដុល្លារ​នៅ​ក្នុង​រយៈ​ពេល​ប៉ុន្មាន​ឆ្នាំ​ថ្មី​ៗ​នេះ​។ កាល​ពីថ្ងៃទី​១១​ ខែ​សីហា​ ឯកអគ្គ​រដ្ឋ​ទូត​ចិន​បាន​យល់​ព្រម​ផ្តល់​កម្ចី​ចំនួន​១២១​លាន​ដុល្លារ​​សម្រាប់​គម្រោង​ធារាសាស្ត្រ​មួយ​ និង​បណ្តាញបញ្ជូន​​ថាម​ពល​អគ្គិសនី​។ លោក ឡៅ​  ម៉ុង​ហៃ​ បាន​មាន​ប្រសាសន៍​ថា ទស្សនកិច្ច​របស់​លោក វ៉ាង យី គឺជា​សញ្ញា​មួយ​បង្ហាញ​ថា គណ​បក្ស​​ប្រជា​ជន​​កម្ពុជា​​អាច​ពឹង​ផ្អែក​លើការ​គាំទ្រ​របស់​ចិន​ ចាប់​តាំង​ពី​កម្ពុជា​បាន​ក្លាយ​ជា​សម្ពន្ធមិត្ត​ដ៏​សំខាន់​មួយ​របស់​ចិន​នៅ​ក្នុង​តំបន់​ ​បន្ទាប់​ពី​អាមេរិក​​ប៉ុន​ប៉ង​យក​ឥទ្ធិពល​នៅ​អាស៊ីក្នុង​វិស័យ​សន្តិសុខ​ និង​ពាណិជ្ជកម្ម​។ លោក​បាន​មាន​ប្រសាសន៍ថា “វា​មាន​ការ​ពាក់​ព័ន្ធ​ច្រើន​ណាស់​នឹង​បញ្ហា​នយោ​បាយ​​នៅក្នុង​​តំបន់​​នេះ។ អាមេរិក​បាន​ដាក់​សម្ពាធ​ជាច្រើន​មក​លើ​នាយក​រដ្ឋ​មន្ត្រី និង​គណបក្ស​របស់​លោក​”។ លោក​បាន​មាន​ប្រសាសន៍​បន្តទៀតថា “​បន្ថែម​ពី​លើ​នេះ ​អ្នក​បោះឆ្នោត​ដែល​បង្ហាញពី​ការ​មិន​ពេញ​​ចិត្ត​ចំពោះ​គណបក្សកាន់​អំណាច​​​យូរនោះ បង្កឲ្យមានការ​ព្រួយ​បារម្ភ​ពី​​បក្ស​កុម្មុយនីស្ត​ចិន​​ដែល​មាន​បក្ស​តែ​មួយ​។ លោក​បាន​ឲ្យ​ដឹង​ទៀត​ថា “មាន​ការ​ធ្លាក់ចុះ​លទ្ធិប្រជា​ធិបតេយ្យ​នៅ​អាស៊ី ហើយ​វា​នឹង​រាល​ដាល​ថែម​ទៀត”៕ ប្រែសម្រួល​ដោយ មូល គឹមហឿន

សមត្ថកិច្ចកំពុង​ស្វែង​រក​​ជន​សង្ស័យ​​​ពាក់​ព័ន្ធ​នឹង​​ការកាត់តខ្សែ​អាត់​សំឡេង​​​

មន្ត្រី​មួយ​រូប​បាន​លើក​ឡើង​កាល​ពី​ម្សិល​មិញ​ថា នគរបាល​​កំពុង​តែ​ស្វែង​រក​​មនុស្ស​ ដែល​​ទទួល​ខុសត្រូវ​ចំពោះការ​​បង្កើត​ និង​បង្ហោះ​ខ្សែ​អាត់​សំឡេង​​តាម​អ៊ីនធើណិត​ ដែល​​លោក​​​​​នាយក​រដ្ឋ​មន្ត្រី​ ហ៊ុន សែន​ ទំនង​ជា​បាន​​សារភាព​ថា គណបក្ស​របស់​លោក​​បាន​​ចាញ់​​ការ​បោះឆ្នោត​ជាតិ​កាល​ពី​ខែ​មុន​។ នៅ​ក្នុង​ខ្សែ​អាត់​សំឡេង​​ ដែល​បង្ហោះ​នៅ​លើ​គេហទំព័រ​​ហ្វេស​ប៊ុក​ គេ​ឮ​លោក​ ហ៊ុន សែន​ បាន​មាន​ប្រសាសន៍​ថា “គណ​បក្ស​​ប្រជាជន​កម្ពុជា​​បាន​ចាញ់​​​ឆ្នោត​​ទៅ​ហើយ​” ហើយ​បាន​អំពាវនាវ​ឲ្យ​មន្ត្រី​ថ្នាក់​ក្រោម​ទទួល​​ស្គាល់​ការ​ពិត​នេះ​។ កាល​ពី​ថ្ងៃ​អង្គារ គណបក្ស​ប្រជាជន​កម្ពុជា​​​​​កំពុង​កាន់​អំណាច​​​បាន​អំពាវនាវ​​ឲ្យ​ស្វែង​រក​​ជន​ណា​ ដែល​បាន​​កាត់​ត​ខ្សែ​អាត់​​សំឡេង​​ទាក់​ទិន​នឹង​សុន្ទរកថា​កាល​ពី​ខែ​ឧសភា​ ដែល​​លោក​ ហ៊ុន សែន​ បាន​លើក​ឡើង​​ពី​ព្រះ​អង្គ​ម្ចាស់​​ ស៊ីសុវត្ថិ​​ ធម្មិកោ បេក្ខជន​ឈរ​ឈ្មោះ​ជា​​តំណាង​រាស្ត្រ​របស់​គណបក្ស​ប្រឆាំង​​យក​មក​ដាក់​ទោស​។ លោកឧត្តម​សេនីយ៍ឯក​ ខៀវ​ សុភ័គ​ អ្នក​នាំ​ពាក្យ​ក្រសួង​មហាផ្ទៃ​បាន​​ថ្លែង​​ថា ទោះ​បី​ជា​​គ្មាន​​ពាក្យ​ណ្ដឹង​ផ្លូវ​ការ​​​ក៏ដោយ​ ក៏​ការ​ស៊ើប​អង្កេត​​​នៅ​តែ​ត្រូវ​​ធ្វើ​ឡើង​ដែរ​។ លោក​បាន​មាន​ប្រសាសន៍​ដោយ​មិន​លើក​ឡើង​ថា តើ​នគរបាល​​នឹង​ត្រូវ​​ស្វែង​រក​ជន​កាត់​​ត​ខ្សែ​អាត់​សំឡេង​នេះ​​ដោយ​របៀប​​ណា​​ថា  “មាន​ការ​ស៊ើ​ប​អង្កេត​​លើ​​បញ្ហា​នេះ​” ។ លោក​បាន​ថ្លែង​ថា “មាន​តែ​អ្នក​ស៊ើប​អង្កេត​ជំនាញ​ទេ​​ ដែល​ដឹង​ពី​​ ”។ លោក​ឧត្តម​សេនីយ៍​ឯក ខៀវ សុភ័គ បាន​មាន​ប្រសាសន៍​ថា “ ទង្វើ​នេះ​​ចូល​​ក្នុង​ច្បាប់​​ស្ដីពី​​ការ​ផ្ដល់​ព័ត៌មាន​​មិន​ពិត​​”។​ លោក​បាន​បន្ត​ថា “ប្រទេស​កម្ពុជា​គ្មាន​ច្បាប់​ស្ដី​អំពី​​បណ្ដាញ​ភ្ជាប់​ទំនាក់​ទំនង​សង្គម​និង​ហ្វេសប៊ុក​ឡើយ​”។ លោក​ សុក សំអឿន មេធាវី និង​​ជា​នាយក​​ប្រតិបត្តិ​នៃ​ក្រុម​អ្នក​ច្បាប់​ការពារ​សិទ្ធិ​កម្ពុជា ដែល​ជា​អង្គការ​ផ្ដល់​ជំនួយ​ផ្នែក​ច្បាប់​ បាន​មាន​​ប្រសាសន៍​ថា  ការ​ចោទ​ប្រកាន់​ពី​បទ​​ផ្ដល់​​ព័ត៌​មាន​មិន​ពិត​អាច​នឹង​កើត​មាន​ ប្រសិន​បើ​កេរ្តិ៍​ឈ្មោះ​របស់​នរណា​ម្នាក់​ត្រូវ​បាន​ធ្វើ​ឲ្យ​ខូច​ ដោយសារ​តែ​ការលើក​ឡើង​មិន​ពិត​។ ​ទោះ​ជាយ៉ាង​ណា លោក​បាន​មាន​​ប្រសា​សន៍​ថា អត្ថបទ​អម​នឹង​ខ្សែ​អាត់​នេះ​ចាំបាច់​ត្រូវ​តែ​មាន​ ដើម្បី​ចោទ​ប្រកាន់​លើ​អ្នក​កាត់​ត​ខ្សែអាត់សំឡេង​​ ដោយ​សារ​តែ​ខ្លឹម​សារ​របស់​​​ខ្សែ​អាត់​នេះ​ គឺ​ត្រូវ​បាន​គេ​កាត់​ត​ឡើង​​ដោយ​​ភាព​ប៉ិនប្រសប់បំផុត​។ លោក សុក សំអឿន ​បាន​មាន​ប្រសាសន៍​បន្ថែម​ទៀត​ថា “ការ​ថត​ចម្លង​  គឺ​វា​មិន​អី​ទេ ប៉ុន្តែ​ប្រសិន​បើ​  សរសេរ ​អ្វីៗ​នៅ​តាម​គេហ​ទំព័រ​ហ្វេសប៊ុក​នោះ ​វា​អាច​ជា​​ការ​ផ្ដល់​ព័ត៌​មាន​​​មិន​ពិត​”៕ ប្រែសម្រួលដោយ ស៊ា ស៊ុយឈាង

មានករណីបាត់​រថយន្ត​​រាប់​រយគ្រឿងពាក់​ព័ន្ធ​នឹង​ហាង​បញ្ចាំ​ក្លែង​ក្លាយ​

នគរ​បាល​បាន​និយាយ​កា​លពីម្សិល​មិញ​ថា យ៉ាង​ហោច​ណាស់​ប្រជា​ពល​រដ្ឋ​១២៥​នាក់​អះអាង​ថា បាន​បាត់​រថ​យន្ត​របស់​ខ្លួន​បន្ទាប់​ពីមានការ​​អនុញ្ញាត​ឲ្យ​​ក្រុម​ហ៊ុ​ន​ក្លែង​ក្លាយមួយ​ជួល​​រថយន្ត​​ទាំង​នោះ​ ហើយ ក្រោយ​​ មក​ទើប​ដឹងថា រថយន្ត​ទាំង​នោះ​ត្រូវ​បាន​លក់​ទៅឲ្យ​ហាង​បញ្ចាំ​មួយ​នៅ​ក្នុង​​ខណ្ឌ​ប្ញស្សីកែវ​ រាជធានី​ភ្នំពេញ។ ម្ចាស់​រថយន្ត​ ៦០​នាក់​បាន​មក​ជួប​ជុំ​គ្នា​នៅ​ហាង​បញ្ចាំ​ លីហួរ កាល​ពីម្សិលមិញ​បន្ទាប់​ពី​បានទទួល​ឯកសារ​ដែល​បង្ហាញថា ប្តី​ប្រពន្ធ​ពីរ​នាក់​ឈ្មោះ យូ សុឃុន និង​ កែវ​ ស្រីនិត ដែល​បាន​ប្រាប់​គេ​ថា ពួកគេ​គឺជាបុគ្គលិកធ្វើ​ការ​នៅក្រុម​ហ៊ុន​ទេស​ចរណ៍​​មួយនោះ​ បាន​លក់​រថយន្ត​ទាំងនេះ​បន្ត​ទៀត​។ លោក​ ហ៊ុយ​ ហ៊ាន មេប៉ុស្តិ៍សង្កាត់​ទួល​​សង្កែ​បាន​មាន​ប្រសាសន៍ថា “ យើង​ដឹង​ថា ប្រជា​ពល​រដ្ឋ​១២៥​នាក់​បាន​បាត់​​រថ​យន្ត​របស់​ខ្លួន​ ហើយ​ថា មាន​រថយន្ត​សរុបចំនួន​​២១០​គ្រឿង​​ទៀត​បាន​បាត់​បន្ទាប់​ពី​ប្តី​ប្រពន្ធ​ពីរនាក់​បាន​ជួល​ទៅ​ឲ្យ​ក្រុម​ហ៊ុន​ទេស​ចរណ៍​ឯកជន​មួយ​”។ ជន​រង​គ្រោះ​អះអាង​ថា ពួកគាត់​ត្រូវ​បាន​ទាក់​ទង​ដោយ​ប្តីប្រពន្ធនេះ ហើយ​បានសួរ​​ពួកគាត់​ថា តើ​រថ​យន្ត​ទាំង​នេះ​អាចប្រើ​ប្រាស់សម្រាប់​រយៈ​ពេល​កំណត់​ដើម្បី​ជួល​ទៅ​ឲ្យ​ភ្ញៀវ​ទេស​ចរ​​បាន​ឬទេ។ នៅ​ពេល​ចុះ​ហត្ថ​លេខា​លើកិច្ច​សន្យារួច​ ម្ចាស់​រថយន្ត​បាន ​ប្រគល់​​រថយន្ត​របស់​ខ្លួន​ ហើយ​ទទួល​បាន​ប្រាក់​ប្រចាំខែ។ ទោះ​ជាយ៉ាង​ណា ​ហេតុការណ៍​នេះ​បាន​ផ្ទុះឡើង​កាល​ពីម្សិលមិញ​ បន្ទាប់​ពី​មាន​ការ​ឈប់​​បង់ប្រាក់ ហើយ​ប្រជា​ពល​រដ្ឋ​ដែល​មាន​កំហឹង​បាន​ទៅ​កាន់​ផ្ទះ​របស់​បុគ្គលិក​នោះ​ ហើយ​ពួកគាត់​បាន​រក​ឃើញ​បង្កាន់​ដៃ​បញ្ចាំ​រថយន្ត​ជាច្រើន​។ លោក ហ៊ុយ ហ៊ាន​ បាន​មាន​​ប្រសាសន៍​ថា “ពួកគាត់​បាន​ទៅ​ហាង​បញ្ចាំ ពីព្រោះ ​​​​ពួក​គាត់​ចង់​ដឹង​ថា តើ​ជន​សង្ស័យ​ទាំង​នេះ​បាន​យក​រថយន្ត​ទាំងនោះ​ទៅ​បញ្ចាំ​មែន ឬ​មិន​មែន។ ប៉ុន្តែ ពួក​គាត់​មិន​បាន​រក​​ឃើញ​អ្វី​ឡើយ​ បន្ទាប់​ពីធ្វើ​ការ​ប្រៀបធៀប​ជាមួយ​ស្លាក​លេខ​រថយន្ត​”។​ ក្នុងចំណោម​ជន​រង​គ្រោះ​ទាំង​នោះ​មាន​លោក ចាន់​ ជា មេភូមិ​អន្លង់​ក្ងាន​​ដែល​បាន​មាន​ប្រសាសន៍ថា លោក​បាន​ជួល​រថ​យន្ត​របស់​លោក​ ម៉ាក...

ការ​ធ្វើតេស្ត​បញ្ជាក់ថា ​ក្មេងប្រុស​ទី​១៧ម្នាក់ទៀត​កើត​ជំងឺគ្រុន​ផ្តាសាយបក្សី

ក្មេងប្រុសអាយុ​៦ឆ្នាំ​​ម្នាក់​មក​ពី​ខេត្ត​កណ្ដាល​​បាន​ជា​សះ​ស្បើយ​វិញ​ហើយ​បន្ទាប់​ពី​​បាន​ក្លាយ​ជា​មនុស្ស​ទី​១៧​ដែល​បាន​​ឆ្លង​​មេរោគ​គ្រុន​ផ្ដាសាយ​បក្សី​ H5N1ក្នុង​ឆ្នាំ​នេះ​ ហើយ​​​ជំងឺ​​គ្រុន​ផ្ដាសាយ​បក្សី​នេះ​បាន​ផ្ទុះ​ឡើង​​ខ្លាំង​​ក្លាបំផុត​មិន​ធ្លាប់​មាន​នៅ​​កម្ពុជា​​។ យោង​តាម​សេចក្ដី​ថ្លែង​ការណ៍​មួយ​ចេញ​ផ្សាយ​កាលពី​ម្សិលមិញដោយអង្គការ​សុខ​​​ភាព​ពិភពលោក​ និង​ក្រសួង​សុខាភិបាល​ឲ្យ​ដឹង​ថា ក្មេង​ប្រុស​រូបនេះ​គឺ​ជា​មនុស្ស​​ម្នាក់​ក្នុង​ចំណោម​អ្នក​ឆ្លងជំងឺ​គ្រុន​ផ្ដាសាយ​បក្សី​​​ប្រាំ​ពីរ​ករណី​ដែល​បាន​រួច​ជីវិត​ពី​ជំងឺ​​គ្រុន​ផ្ដាសាយ​បក្សី​នេះ។ ករណី​ឆ្លង​ជំងឺ​គ្រុនផ្ដាសាយ​បក្សី​ ទី១៧​ នេះគឺ​ក្មេង​ប្រុស​អាយុ​៦​ឆ្នាំម្នាក់​មក​ពី​ភូមិ​ព្រៃ​តា​ថុក​ ឃុំ​ព្រែក​ស្លែង ​ស្រុក​កណ្ដាល​ស្ទឹង​ ខេត្ត​កណ្ដាល​ ត្រូវ​បាន​វិទ្យាស្ថាន​ប៉ាស្ទ័រ​​​បញ្ជាក់​ថា បាន​ឆ្លង​ជំងឺ​គ្រុន​ផ្ដាសាយ​បក្សី​ H5N1​​​​នេះ​​​កាល​ពី​ថ្ងៃ​ទី​១៧ ខែ​សីហា ឆ្នាំ​២០១៣។ សេចក្ដី​ថ្លែង​ការណ៍ដដែល​នេះ​បន្ត​ថា ​ក្មេង​ប្រុស​នេះ​បាន​កើត​ជំងឺគ្រុនក្តៅកាលពី​ថ្ងៃ​ទី​២១ ខែ​កក្កដា​ ហើយ​ឪពុក​ម្ដាយ​​របស់​ក្មេង​ប្រុស​នេះ​បាន​ព្យាយាម​ព្យាបាល​ដោយ​ទិញ​ថ្នាំ​​ពី​ឱសថ​ស្ថាន​នៅ​ក្នុង​ភូមិ​។​ក្មេង​ប្រុស​​នេះ​ត្រូវ​បាន​ព្យាបាល​ក្នុង​មូលដ្ឋាន ​​មុន​ពេល​​ធ្វើ​តេស្ត​​សំណាក​ឈាម​​ដែល​បញ្ជាក់​ថា​   មាន​ឆ្លង​មេរោគ​គ្រុន​ផ្ដាសាយ​​​​​​​​​​​​​បក្សី​  ហើយ​ឥឡូវ​នេះ​​បាន​ជា​សះ​ស្បើយ​វិញ​ហើយ។​ក្មេង​ប្រុស​​នេះ​បាន​ប៉ះ​ពាល់​ជាមួយ​សត្វ​មាន់ទា​ដែល​ឈឺ​​។ កាលពី​ថ្ងៃអាទិត្យ​ ក្មេង​ប្រុស​អាយុ​៩​ឆ្នាំ​ម្នាក់​មក​ពី​ស្រុក​សង្កែ ខេត្ត​បាត់​ដំបង​ បាន​ស្លាប់​​​​​​​ដោយ​សារ​ជំងឺ​គ្រុន​ផ្ដាសាយ​បក្សី​ ហើយ​​ជា​ជនរងគ្រោះទី​១០​ដែលបាន​ស្លាប់​ដោយ​សារ​​​​​​​ជំងឺ​​នេះនៅ​ក្នុង​ឆ្នាំ​នេះ​៕ ប្រែសម្រួលដោយ ឃិន ណៃ​​

ក្រុម​ប្រឹក្សា​ធម្មនុញ្ញច្រាន​ចោល​បណ្ដឹងចំនួន​ពីរ​ទៀត​របស់​គណបក្ស​សង្គ្រោះ​ជាតិ

កាល​ពី​ម្សិលមិញ ​ក្រុម​ប្រឹក្សា​ធម្មនុញ្ញ​កម្ពុជា​ បាន​ផ្ញើ​លិខិត​ពីរ​ច្បាប់​ទៅ​​បក្ស​សង្គ្រោះ​ជាតិ​ ស្តីពី​​​ការ​​​តម្កល់​ការ​ច្រានចោល​​​​របស់​គណៈ​​កម្មា​ធិការ​ជាតិ​រៀប​ចំ​ការ​បោះ​ឆ្នោត​ (គជ.ប.) ​នូវ​​​បណ្តឹង​ចំនួន​ពីរ​របស់​គណ​បក្ស​ប្រឆាំង ដែល​បណ្តឹង​មួយ​ក្នុង​ចំណោម​នោះ​ ត្រូវ​​​​ក្រុម​​​ប្រឹក្សា​​​​នេះ​​​​​បញ្ជាក់​​​ថា​​​ ត្រូវបាន​ច្រាន​ចោល ដោយ​​​សារ​​​វា​ត្រូវ​បាន​ដាក់​ជូន​ដោយ​មិន​ត្រឹម​​ត្រូវ។ លិខិត​ទីពីរ ដែល​​​​ក្រុម​ប្រឹក្សា​នេះ​​​ផ្ញើ​​​ជូន​លោក រស់ ស៊ូ ​តំណាង​គណ​បក្ស​សង្គ្រោះ​ជាតិ​​ប្រចាំ​រាជ​ធានី​ភ្នំ​ពេញមាន​ខ្លឹមសារ​ថា ក្រុម​ប្រឹក្សា​ធម្ម​នុញ្ញ​យល់​ស្រប​ចំពោះ​ការ​ច្រាន​ចោលរបស់​ គ.ជ.ប. កាលពី​​​ថ្ងៃ​ទី​១០ ខែ​សីហា ​នូវ​​​ពាក្យ​បណ្តឹង​មួយរបស់​​​​គណ​បក្ស​សង្គ្រោះ​ជាតិ​​​​​ស្តីពី​ភាព​មិន​ប្រក្រតី​​​​​ក្នុង​​​ការ​​​បោះឆ្នោត​​​ ដោយ​បាន​​​លើក​ឡើង​ថា “ សេចក្តី​សម្រេច​នេះ​គឺ​​​ស្រប​តាម​នីតិវិធីច្បាប់​ត្រឹម​ត្រូវ”។ កាល​ពី​ថ្ងៃ​អង្គារ ​​ក្រុម​ប្រឹក្សា​ធម្ម​នុញ្ញ​បាន​ច្រាន​ចោល​បណ្តឹង​បួន​ទៀត​របស់​គណ​បក្ស​សង្គ្រោះ​ជាតិ។​ តំណាង​ម្នាក់​របស់​អគ្គលេខា​ធិការ​ដ្ឋាន​នៃ​ក្រុម​ប្រឹក្សា​ធម្ម​នុញ្ញ​ ដែល​បាន​​​បដិសេធ​មិន​បញ្ចេញ​ឈ្មោះ​​ដោយ​សារ​ខ្លួន​​​មិន​ត្រូវ​បាន​អនុញ្ញាតឲ្យ​និយាយ​ជាមួយ​ប្រព័ន្ធ​​​​ផ្សព្វផ្សាយ​​​ បាន​បញ្ជាក់​កាល​ពី​ម្សិលមិញថា ក្រុម​​​ប្រឹក្សា​​​នេះ​​​បានទទួល​ពាក្យ​បណ្តឹង​ចំនួន​១៥​ករណី​ស្តីពី​​​ភាព​មិន​ប្រក្រតី​អំឡុង​ពេល​​​បោះ​ឆ្នោត​ដែល​បក្ស​សង្គ្រោះ​ជាតិ​​​​​បាន​​​ដាក់​ប្តឹងកាលពី​​​​ដើម​សប្តាហ៍​នេះ គឺ​មុន​កាល​កំណត់​​សម្រាប់​​​ការ​ដាក់​ពាក្យ​បណ្តឹង​​​ពី​​​​គណ​បក្ស​នយោ​បាយ​នានា​​​នៅ​​​ថ្ងៃ​នេះ​​​​បន្តិច​​​ប៉ុណ្ណោះ​​​​​។ មន្ត្រី​រូប​នេះ​បាន​ឲ្យ​​​ដឹង​​​ថា “ពាក្យ​បណ្តឹង​​​ប្រឆាំង​​​នឹង​​​លទ្ធ​ផល​​​​បណ្តោះ​អាសន្ន​​​​នៃ​​​ការ​​​បោះឆ្នោត​គឺ​​​ធ្វើ​​​ឡើង​​​​ដោយ​បក្ស​សង្គ្រោះ​​ជាតិ​​​​តែ​​​មួយ​​​ប៉ុណ្ណោះ” ដោយ​​​​​​​បន្ថែម​ថា កាល​​​បរិច្ឆេទ​​​សម្រាប់​​​ការ​​​ដោះស្រាយ​​​ពាក្យ​​​​បណ្តឹង​​​​គឺ​​​មិន​ទាន់​ត្រូវ​បាន​កំណត់​​​​នៅ​ឡើយ​ទេ៕ ប្រែសម្រួល​ដោយ ចេវ ប៊ុននី​​

MEDIA FEEDS

Popular

ឥណ្ឌា និង​ចិន​បើក​ការចរចា​ញឹកញាប់ តែ​ឥណ្ឌា​នៅតែ​មិន​ទុកចិត្ត​ដោយ​បញ្ជា​ឱ្យ​កងទ័ពត្រៀម​សង្រ្គាម​ជាមួយ​ចិន

​បេសកជន​ការទូត និង​យោធា​នៃ​ប្រទេស​ចិន​-និង​ឥណ្ឌា​តែងតែ​ជួប​ប្រជុំ​នឹងគ្នា​ជា​ញឹកញាប់ បន្ទាប់ពី​មានការ​ប៉ះទង្គិច​គ្នា​កាលពី​ថ្ងៃទី១៥មិថុនា​ក្នុង​ជម្លោះ​ព្រំដែន​នៃ​ប្រទេស​ទាំងពីរ។តាម​ការសង្កេត​ស្ថានភាព​ព្រំដែន​ឥណ្ឌា​-ចិន ទោះបី​មាន​សភាព​ស្ងប់ស្ងាត់​ក៏ដោយ​ប៉ុន្ដែ​កងទ័ព​ចិន និង​ឥណ្ឌា​នៅតែ​ត្រៀម​ដើម្បី​ប្រយុទ្ធ​គ្នា។ នៅ​ថ្ងៃទី១៣សីហា​នេះ ឯង​អគ្គរដ្ឋទូត​ឥណ្ឌា លោក Vikram Misri ប្រចាំ​នៅ​ប្រទេស​ចិន​ត្រូវ​បាន​មន្ត្រី​ជាន់ខ្ពស់​បក្ស​កុម្មុយនិស្ត​ចិន​លោក Liu Jianchao ទទួលបន្ទុក​កិច្ចការ​បរទេស...