Friday, November 15, 2019

ព័ត៌មាន

អភិបាល​រាជ​ធានី​ថ្មី​សន្យាដោះ​ស្រាយ​ជម្លោះ​​ដី​ធ្លី​​ដ៏​រុាំរៃ ដែល​កើត ​មាន​រវាង​អ្នក​ភូមិ​ និង​ក្រុមហ៊ុន​

អភិបាល​រាជ​ធានី​ភ្នំពេញ​ថ្មី​ បាន​យក​ពិធី​ស្បថ​ចូល​កាន់​តំណែង​កាល​ពីថ្ងៃ​សុក្រ​ ដើម្បី​សន្យា​យ៉ាង​ម៉ឺង​ម៉ាត់​ ក្នុង​ការ​ដោះ​ស្រាយ ​ជម្លោះ​​ដី​ធ្លីមួយ​ចំនួន ក្នុង​ចំណោម​ជម្លោះដី​ធ្លី​​​​រ៉ាំ​រ៉ៃ ដែល​មាន​គេ​ដឹង​ឮ​ច្រើននៅ​ក្នុង​រាជ​ធានី​ភ្នំពេញ​។ កាល​ពី​ថ្ងៃ​សុក្រ លោក ប៉ា សុជាតិវង្ស បាន​ឡើង​ជំនួស​តំណែង​​លោក​ កែប ជុតិមា អតី​ត​អភិបាល​រាជ​ធានី​ភ្នំពេញជា​ផ្លូវ​ការ​​។ លោក​ កែប​ ជុតិមា ​បាន​បម្រើ​ការ​ជា​អភិបាល​រាជ​ធានី​ភ្នំពេញ​អស់​រយៈ​ពេល​១០​ឆ្នាំ​មក​ហើយ ហើយ​​រដ្ឋបាល​របស់​លោក ​ទំនង​ជា​គេ​ចង​ចាំ​មិន​ភ្លេច​​ចំពោះ​ការ​ចាក់​​ដី​​លុប​បឹង​កក់​ និង​​ការ​បណ្ដេញ​ចេញ​ពី​ដី​ធ្លី​ដោយ​ហិង្សា​​នៅ​ទី​នោះ​ និង​នៅ​សហគមន៍​បុរី​កីឡា​ ដែល​អ្នក​ដែល​បាត់​បង់​ដី​ធ្លី​​នៅទី​នោះ​ នៅ​តែ​បន្ដ​ការ​តវ៉ា​ជា​ប្រចាំ​ នៅ​ក្នុង​រាជ​ធានី​ភ្នំពេញ​។ លោក ប៉ា សុជាតិវង្ស ​ជា​អតីត​អភិបាល​​រង​រាជ​ធានី​ភ្នំពេញ បាន​មាន​ប្រសាសន៍​នៅ​ក្នុង​ពិធី​ស្បថ​ចូល​កាន់​តំណែង នៅ​ឯ​សាលា​រាជ​ធានី​ភ្នំពេញ ដែល​មាន​ការ​ចូល​រួម​​ពី​លោក ស ខេង រដ្ឋ​មន្ត្រី...

ក្រុម​ហ៊ុន​ទូរស័ព្ទ​ចល័ត​ទាំង​ប្រាំបី​គ្រោង​ជួប​ប្រជុំ​ជា​មួយ​បញ្ញត្តិករ​ទូរគមនា​គមន៍​កម្ពុជា​នៅ​ថ្ងៃ​ច័ន្ទ

មន្ត្រី​មួយ​រូប​បាន​បញ្ជាក់​កាល​ពី​ម្សិល​មិញ​ថា​ ក្រុម​ហ៊ុន​បម្រើ​សេវា​ទូរ​ស័ព្ទ​ចល័ត​ទាំង​ប្រាំបី​នៅ​ក្នុង​ប្រទេស​កម្ពុជា​ គ្រោង​ជួប​ប្រជុំ​ជា​មួយ​បញ្ញត្តិ​ករ​ទូរគមនាគមន៍​កម្ពុជា​នៅ​ថ្ងៃ​ច័ន្ទ​ខាង​មុខ​នេះ​ ដើម្បី​ត្រួត​ពិនិត្យ​ឡើង​វិញ​នូវ​ច្បាប់​កាល​ពី​ឆ្នាំ​២០០៩​ ដែល​បាន​កំណត់​នូវ​តម្លៃ​អប្បបរមា​សម្រាប់​ការ​ហៅ​ទូរស័ព្ទ។ លោក​ ឡាយ​ ម៉ារីវ៉ូ​ អនុ​ប្រធាន​បញ្ញត្តិករ​ទូរគមនាគមន៍​កម្ពុជា​ បាន​មាន​ប្រសាសន៍​ថា​ “​ យើង​បាន​ផ្ញើ​លិខិត​អញ្ជើញ​ទៅ​ឲ្យ​ក្រុម​ហ៊ុន​...។​ កិច្ច​ប្រជុំ​នេះ​គ្រោង​ពិភាក្សា​អំពី​តម្លៃ​ និង​ដើម្បី​ព្យាយាម​កំណត់​អត្រា​ទាប​ជាង​មុន​”។ តម្លៃ​អប្បបរមា​នា​ពេល​បច្ចុប្បន្ន​មាន​កម្រិត​៤,៥​សេន​ក្នុង​មួយ​នាទី​សម្រាប់​ការ​ហៅ​ទូរស័ព្ទ​ក្នុង​ប្រព័ន្ធ​ និង​មាន​កម្រិត​៥,៩៥​សេន​សម្រាប់​ការ​ហៅ​ឆ្លង​ប្រព័ន្ធ។​ កាលពី​ថ្ងៃ​ទី២៦​ខែ​មេសា​ បញ្ញត្តិករ​ទូរគមនាគមន៍​កម្ពុជា​ បាន​បញ្ជា​ឲ្យ​ក្រុម​ហ៊ុន​បម្រើ​សេវា​ទូរ​ស័ព្ទ​ចល័ត​ទាំង​អស់​អនុវត្ត​តាម​ច្បាប់​ ហើយ​នៅ​ក្នុង​សប្តាហ៍​នេះ​ ក្រុម​ហ៊ុន​បម្រើ​សេវា​ទូរ​ស័ព្ទ​ចល័ត​ធំ​ជាង​គេ​ចំនួន​ពីរ​នៅ​ក្នុង​ប្រទេស​កម្ពុជា​ គឺ​ក្រុម​ហ៊ុន​ ស្មាត​ (Smart)​ និង​ក្រុម​ហ៊ុន​ ម៉ូប៊ីថែល​ (MobiTel)​មាន​ភាព​ប្រទាញ​ប្រទង់​ជា​មួយ​គ្នា​ជុំ​វិញ​បញ្ហា​ថា​ តើ​ក្រុម​ហ៊ុន​ទាំង​អស់​នៅ​ក្នុង​ទីផ្សារ​គួរ​តែ​ត្រូវ​គោរព​តាម​ការ​កំណត់​​តម្លៃ​អប្បបរមា​ ឬ​ក៏​អត់។ លោក​ ថូម៉ាស​ ហាន់​ (Thomas Hundt)​...

អ្នក​សង្កេត​ការណ៍​អំពាវ​នាវ​ឲ្យ​មាន​តំ​ណាងចម្រុះបក្ស​​ក្នុង​គណៈកម្មាធិការ​ជាតិ​រៀបចំការ​បោះ​ឆ្នោត​

​​ដោយ​សារតែ​មន្ត្រី​រៀប​ចំ​ការ​បោះ​ឆ្នោត​ភាគ​ច្រើន​ជា​អ្នក​គាំ​ទ្រ​គណបក្ស​ប្រជា​ជន​កម្ពុជា​របស់​លោក​នាយក​រដ្ឋ​មន្ត្រី​ ហ៊ុន សែន​ នោះ​ កាល​ពី​ម្សិល​មិញ​ អ្នក​សង្កេត​ការណ៍​បោះ​ឆ្នោត​ឯក​រាជ្យ​​បាន​អំពាវ​នាវ​ឲ្យ​​​មាន​អ្នក​សង្កេត​ការណ៍​មក​ពី​គ្រប់​គណបក្ស​​ អំឡុង​ពេល​បោះ​ឆ្នោត​ជាតិ​ក្នុង​ខែ​កក្កដា។ ​អង្គការ​ខុម​ហ្វ្រែល​ និង​អង្គការ​​និកហ្វិក​ បាន​អំពាវ​នាវ​ឲ្យ​មាន​ការ​កែ​ទម្រង់​គណៈ​កម្មាធិការ​​​រៀប​ចំ​ការ​បោះ​ឆ្នោត​ឃុំ-សង្កាត់​ ដើម្បី​ធានា​ថា គ្រប់​គណបក្ស​ទាំង​​អស់​មាន​តំណាង​របស់​ខ្លួន​នៅ​​ក្នុង​គណៈ​កម្មាធិការ​ជាតិ​រៀប​ចំ​ការ​បោះ​ឆ្នោត។​ ​លោក ធន សារាយ ប្រធាន​អង្គការ​ខុម​ហ្វ្រែល​និងជា​ប្រធាន​អង្គការ​សិទ្ធិ​មនុស្ស​អាដហុក​បាន​មានប្រសាសន៍​ថា “ យើង​ទាម​ទារ​ឲ្យ​មានសមាជិក​​មក​ពី​គ្រប់​គណបក្ស​នយោ​បាយ​​នៅ​ក្នុង​គណៈ​កម្មា​ធិការ​រៀប​ចំ​ការ​បោះ​ឆ្នោត​ថ្នាក់​ឃុំ-សង្កាត់...មិន​មែន​មាន​​តែ​មួយ​គណបក្ស​នោះទេ”។​​​លោក​​បន្ដ​ថា “ ប្រសិន​បើ​សំណើ​របស់​យើង​មិន​ត្រូវ​បាន​គេ​​ទទួល​យក​ទេ​នោះ លទ្ធផល​នៃ​ការ​បោះ​ឆ្នោត​ក៏​​មិន​អាច​ទទួល​យក​បាន​ដែរ”។​ គណៈកម្មាធិការរៀប​ចំការ​បោះ​ឆ្នោត​ឃុំ-សង្កាត់ ខេត្ត​-ក្រុង និង​ថ្នាក់​ជាតិ​​ត្រូវ​បាន​គណ​បក្ស​ប្រឆាំង​​រិះ​គន់​ម្ដង​ហើយ​ម្ដង​ទៀត​ ដែល​​​ចោទ​​​គណៈកម្មាធិការ​ទាំង​នេះថា បក្ខ​ពួក​និយម​ និង​បាន​អំពាវ​នាវ​ឲ្យ​មាន​តម្លាភាព​ថែម​​ទៀត​ ព្រម​ទាំង​សេើរើ​បញ្ជី​ឈ្មោះ​បោះ​ឆ្នោត​ថ្នាក់​ជាតិឡើង​វិញ​ ព្រោះ​វា​បាន​ធ្វើ​ឲ្យ​ប៉ះ​ពាល់​ដល់​ការ​បោះ​ឆ្នោត។​ ​អង្គការ​ខុម​ហ្វ្រែល​ និង​អង្គការ​និកហ្វិក​បាន​លើក​ឡើង​នៅ​ក្នុង​សេចក្ដី​ថ្លែង​ការណ៍​មួយ​ថា“ យើង​មាន​ជំនឿ​យ៉ាង​មុត​មាំ​ថា គណៈ​ កម្មាធិការជាតិ​រៀប​ចំ​ការ​បោះ​ឆ្នោត​គួរ​តែ​ពិភាក្សា​ឲ្យ​បាន​ល្អិត​ល្អន់​ជា​មួយ​គណបក្ស​នយោ​បាយទាំង​អស់ និង​អង្គការ​សង្គម​ស៊ីវិល ​​នានា​ ដើម្បី​ធានាថា ​មាន​ដំណោះ​ស្រាយ​សម​​ស្រប​ចំពោះ​​​អនុសាសន៍​ខាង​លើ។​ប្រសិន​បើ​សំណើ​ទាំង​នេះ​មិន​ត្រូវ​បាន​ដោះ​ស្រាយ​មុន​ថ្ងៃ​បោះឆ្នោត​ទេ យើង​បារម្ភ​ថា​​ ការ​បោះ​ឆ្នោត​នាពេល​ខាង​មុខ​នេះ​នឹង​ធ្វើ​ឲ្យ​បាត់​បង់​ទំនុកចិត្ត​និង​​ការ​ទទួល​ស្គាល់​ពី​អ្នក​ជាប់​ពាក់​ព័ន្ធ​ក្នុង​ស្រុក​និង​អន្តរ​ជាតិ”។​ ​អ្នក​សង្កេត​ការណ៍​ក៏​បាន​ស្នើ​ឲ្យ​មាន​ការ​បង្កើត​“ គណៈកម្មាធិការ​ពិសេស​មួយ​” ដើម្បី​ត្រួត​ពិនិត្យ​ការ​កែ​ទម្រង់​តាម​ការ​អំពាវ​នាវ​​នេះ​ផង​ដែរ។​ ​កាល​ពី​ខែ​មុន ​សមាជិក​គណបក្ស​សង្គ្រោះ​​ជាតិ​ជា​ច្រើន​ពាន់​នាក់​បាន​ជួប​ជុំ​គ្នា​នៅ​ក្នុង​​សួន​សេរី​ភាព​ ដោយ​បាន​អំពាវ​នាវ​ឲ្យ​មាន​ការ​ពន្យារ​ពេល​នៃ​ការ​បោះ​ឆ្នោត​នេះ​​​រហូត​ដល់​​​មាន​កំណែ​ទម្រង់​នៅ​ក្នុង​គណៈ​កម្មា​ធិការ​ជាតិ​រៀប​ចំ​ការ​បោះ​ឆ្នោត​​នេះ​សិន។ ​លោក យ៉ែម បុញ្ញរិទ្ធ​ អ្នក​នាំ​ពាក្យ​គណ​បក្ស​សង្គ្រោះ​ជាតិ​​ថ្លែង​​ថា គណបក្ស​នេះ​នឹង​ធ្វើ​ការ​តវ៉ា​មួយ​ផ្សេង​ទៀត​នៅ​ខែ​នេះ។​  ពេល​ទាក់​ទង​តាម​ទូរ​ស័ព្ទ​កាល​ពី​ម្សិល​មិញ លោក ទេព នីថា អគ្គលេខា​ធិការ​គណៈ​កម្មាធិការ​ជាតិ​​រៀប​ចំ​ការ​បោះ​ឆ្នោត​ថ្លែង​​ថា គណៈកម្មាធិការ​ជាតិ​​រៀប​ចំ​ការ​បោះ​ឆ្នោតបាន​សម្រេច​អនុញ្ញាត​​ឲ្យ​សមាជិក​គណបក្ស​នយោ​បាយ​មក​ពី​គ្រប់​គណបក្ស​មាន​វត្ត​មាន​នៅ​ការិយាល័យ​​បោះ​ឆ្នោតនៅ​ថ្ងៃ​បោះ​ឆ្នោត។​ ​លោក​បាន​មានប្រសាសន៍​ថា“ យើង​បាន​អនុញ្ញាត​ឲ្យ​តំណាង​មក​ពី​គ្រប់​គណ​បក្ស​ និង​អង្គការ​ក្រៅ​រដ្ឋាភិ​បាល​នានា​ធ្វើ​ជា​អ្នក​ឃ្លាំ​មើល​ដំណើរ​ការ​​បោះ​ឆ្នោត​...

ក្រុ​ម​វិ​ស្វករ​ធ្វើការ​នៅ​ស្ពាន​អ្នក​លឿង ខេត្ត​កណ្ដាល​ តវ៉ា​​ជំទាស់​នឹង​កា​រ​បង់​ពន្ធ​​លើ​ប្រាក់​​ចំ​ណូល

វិស្វ​ករ​​ជា​ង​​៥០នាក់​​ដែល​ក្រុ​ម​​ហ៊ុ​ន​​​សំ​ណង់​សូ៊មីតូម៉ូ ​មីត​ស៊ូ (Sumitomo Mitsui) ​​របស់​ជប៉ុន ជួ​ល​​ឲ្យសាង​សង់​ស្ពាន​​អ្នក​លឿង​នៅ​ក្នុង​ខេត្ត​កណ្តាល​នោះ​ បា​ន​​ធ្វើ​កា​រ​តវ៉ា​​កា​ល​​ពី​​ថ្ងៃ​​​ពុធ​​​ចំ​ពោះ​កា​រ​បង់​​ពន្ធ​​លើ​ប្រាក់​​ចំ​ណូល​​ចំ​នួ​ន​​១០ភាគ​​រយ​ ហើយ​កំពុង​​តែគំ​រា​ម​​ធ្វើ​កូដកម្ម​​​​​ម្តង​​ទៀត ប្រ​សិន​បើ​និ​យោ​​ជក​​​របស់​​ខ្លួន​មិន​ព្រ​ម​​សង​​​​ពួ​ក​គេ​វិញ​​ទេ​នោះ​។ ការ​ធ្វើ​បាតុ​កម្ម​​ចំ​​ថ្ងៃ​ទី​១​ខែ​​ឧសភា​របស់​​វិស្វ​ករ​​ចំ​នួ​ន​​៥៤​នាក់​​នៅ​ក្នុង​ស្រុក​លើក​ដែក​នេះ​ គឺ​​​ជា​​កា​រត​វ៉ា​ចុ​ង​ក្រោយ​ក្នុង​ចំណោម​កា​រ​​តវ៉ា​ជាបន្ត​បន្ទាប់​​​ពី​សំណាក់​​កម្មករ​ ដែល​មិន​ចង់​​បង់​ពន្ធ​លើប្រាក់​ខែ​​របស់​ខ្លួ​ន និង​ធ្វើ​ឡើង​​ នៅ​ពេល​មា​ន​​គំ​នា​ប​កាន់​តែ​ខ្លាំ​ង​ឡើង​​ទៅ​លើ​​រដ្ឋា​​ភិ​បាល​​កុំ​ឲ្យ​ពឹង​​ផ្អែ​ក​លើ​​ជំ​នួយ​បរទេស​ខ្លាំង​ពេក​​ និង​ឲ្យ​ប្រមូល​​ប្រាក់​ចំ​ណូល​​ពន្ធ​ឲ្យ​បា​ន​ច្រើន​ថែម​​​ទៀត​។ ​យោង​តា​ម​លោក ឆ សី​ហា ​វិស្វ​ករនៅ​ក្រុមហ៊ុន ស៊ូមីតូម៉ូ ​​បា​នឲ្យ​ដឹង​ថា កា​រ​កាត់​ពន្ធ​​១០​ភាគ​​រយ​ពី​ប្រាក់​ខែ​៤០០​ដុល្លារ​របស់​​គាត់​​ ត្រូវ​បា​ន​​អនុ​វត្ត​​រយៈ​ពេល​​២ឆ្នាំ​មក​ហើយ​។​លោក​ក៏​បា​ន​​លើក​ឡើង​ផង​ដែរ​​​ថា មន្ត្រី​​នៅ​ក្រុម​ហ៊ុន​ ស៊ូ​មី​តូ​ម៉ូ បា​ន​ប្រាប់​បុគ្គលិ​កម្តងហើយ​ម្តង​ទៀត​​ថា ​​ក្រុម​ហ​៊ុន​​​នឹ​ង​បើក​ប្រាក់​កាត់​ពន្ធ​នោះ​ឲ្យ​​ពួក​គេ​​វិញ​។ លោក សី​ហា​ មា​ន​ប្រ​សាស​ន៍​ថា​ “ ​យើង​បា​ន​សម្រេច​​ធ្វើ​កា​រ​តវ៉ា​ ពី​ព្រោះ​​​ពួ​ក​​យើង​ទាំង​អស់​គ្នា បា​ននិង​កំ​ពុង​រង់​ចាំ​​រយៈ​ពេល​ពីរឆ្នាំ​ហើយ​មក​ទល់​ពេល​នេះ​ ប៉ុន្តែ​ក្រុម​​ហ៊ុន​មិន​បា​ន​ឆ្លើយ​តប​​ប្រាប់យើង​​អំ​ពី​កា​រ​កាត់​ប្រាក់​ខែ​នេះ​ទេ​”។ លោក​បន្ថែម​​ថា ពួ​ក​គេ​បា​ន​វិល​ទៅ​ធ្វើ​កា​រ​​វិញ​កា​ល​ពី​ម្សិល​មិញ​ ​ព្រោះ​ក្រុម​ហ៊ុន​​បា​ន​សន្យា​​ដោះ​ស្រាយ​​ការ​ទាម​ទារ​​​​របស់​​ពួ​ក​គេ​នៅ​ថ្ងៃ​នេះ​។  ​លោក សីហា បា​ន​​ឲ្យ​ដឹង​ទៀត​ថា “ យើង​នឹង​តវ៉ា​​​ជំទាស់​នឹង​ក្រុ​ម​ហ៊ុ​ន​នេះ​ ប្រ​សិន​បើ​​ពួ​កគេ​គ្មាន​​ដំ​ណោះ​ស្រាយ​សម្រាប់​​យើង ទេ​”។ ​កា​ល​ពី​ខែ​មុន...

អ្នក​​​បើករថយន្ដ​​​ដឹក​​​អ្នក​​​ដំណើរ​​​អំពាវនាវ​​ឲ្យ​រដ្ឋាភិបាល​​​ជួយ​​​​​​​​​រក​​​កន្លែង​​​ចត​​​រថយន្ដ​​ក្នុង​​​រាជធានីភ្នំពេញ

យោង​តាម​អ្នក​បើក​បរ​រថយន្ត​​ដឹក​​ភ្ញៀវ​ទេសចរ​បាន​ឲ្យ​ដឹងថា ទោះ​​​បី​​​ជាមាន​​​​​​ទេសចរ​កាន់​តែ​ច្រើន​​​​មក​​​ទស្សនារាជធានី​​​ភ្នំពេញ​​​ក៏ដោយ ក៏រថយន្ដ​​​​​​ ដែលដឹក​ភ្ញៀវ​​​​ទេសចរ​ទៅ​លេង​នៅ​រមនីយដ្ឋាន​​​​ធំៗ​នៅ​ក្នុង​រាជធានី​​នេះ​​កំពុង​មាន​ការ​លំបាក​​​​ស្វែង​​​រក​​​​កន្លែង​​​​ចត​​​រថយន្ដដែ​រ ហើយ​​​មន្ត្រីសា​​​លា​​​រាជធានី​​​បាន​​​​និយាយ​ថា ខ្លួន​​​មិន​​​អាច​​​រក​​​ដំណោះ​​​ស្រាយ​​​បាន​​​ភ្លាមៗ​​​នោះ​​​ទេ ។ លោក ជិន ហ៊ាន អាយុ៤៥​​​ឆ្នាំ ដែល​​​បាន​​​បើក​​​រថយន្ដ​​​ដឹក​​​អ្នក​​​ដំណើរ​​​អស់​​​រយៈ​​​ពេល​​​ប្រាំមួយ​​​ឆ្នាំ​​​ឲ្យ​​​ក្រុមហ៊ុន​​​ដឹក​​​អ្នក​​​ដំណើរ​​​អូឡាំពិក អុិកប្រេស លីម៉ូសុីន​​​នោះ​​​​​​និយាយ​​​ថា ​ដំណើរ​ទេសចរ​មាន​ការ​លំបាក​ណាស់ ព្រោះ​​​​រថយន្ដ​​​ក្រុង​​​បង្ខំ​​​ចិត្ត​​​​​​ចត​​នៅ​​​ឆ្ងាយ​​​ពី​​​​តំបន់​​​​ទេសចរណ៍​​ ដែល​​​​ភ្ញៀវ​ទៅ​លេង​។ គាត់​បាននិយាយថា “ ពិបាក​រកកន្លែង​ចត​នៅ​ជិត​តំបន់​ទេសចរណ៍​ណាស់​​ ដូច្នេះ​ហើយ​​វា​ខាត​ពេល​ក្នុង​ការ​​ស្វែង​រក​កន្លែង​ចត​ គឺ​មាន​ន័យ​ថា ត្រូវ​ចំណាយ​ពេល​យូរ​ជាង​​ការ​គ្រោង​​ទុក​សម្រាប់​ភ្ញៀវ​ទៅ​លេង​ទី​នោះ”។ ​​​លោក ជិន ហ៊ាន បាន​​​អំពាវនាវ​​​សុំ​​​ឲ្យ​រដ្ឋា​ភិបាល​​​ជួយ​​ដោះ​ស្រាយ​បញ្ហា​េនះ​​ ជា​​​ការ​​​ស្នើ​សុំ​​​មួយ ដែល​​​អ្នក​​​បើក​​​រថយន្ដ​​​ផ្សេង​​​ៗ​​​ទៀត​បាន​​​ស្នើសុំ​​​ជា​​​ច្រើនលើក​​​​​ច្រើន​​​សាដែរ។ លោក ម៉ុយ ឈិ​ត អាយុ៣២​​​ឆ្នាំ ជា​​​អ្នក​​​បើក​​​រថយន្ដ​​​ឲ្យ​​​ក្រុមហ៊ុន​​​ដឹក​​​អ្នក​​​ដំណើរ​ហ្គោល វីអាយភី រយៈពេល​​​ប្រាំពីរ​​​ឆ្នាំ បាន​​​និយាយ​​​ថា “ យើងបាន​​​សុំ​​​ឲ្យ​រដ្ឋាភិបាល​​​​បង្កើត​​​​ចំណត​​​​​សម្រាប់​​​រថយន្ដ​​​ដឹក​​​​ភ្ញៀវ​ទេសចរ​​​​​ឲ្យ​​​បាន​​​ច្រើន​​​កន្លែង ​​​ព្រោះ​​​វា​​​នឹង​ធ្វើ​​​ឲ្យ​​​​​​ទេសចរ​​​បរទេស​​​ មាន​​​អារម្មណ៍​​​​កាន់តែរីករាយ​”។​គាត់​​​បន្ថែមថា ស្ថាន​​​ភាព​​​នាពេល​​​បច្ចុប្បន្ន​​​នេះមានភាព​​​អនាធិបតេយ្យ ហើយ​​​ជា​​​ពិសេស​វា​​​ពិបាក ​​​រក​​​កន្លែង​ចត​​នៅ​​​ក្បែរ​​​សារមន្ទីរ​​​ទួល​​​ស្លែង។ រដ្ឋាភិបាលបាន​​​ទទួល​​​ស្គាល់​​​កាល​​​ពី​​​ម្សិល​មិញ​​​ថា ​​​ក្រុមហ៊ុន​​​រថយន្ដ​​​ដឹក​​​​ភ្ញៀវ​ទេសចរ​នៅ​​​រាជធានី​​​ភ្នំពេញ កំពុង​​​ប្រឈម​​​មុខ​​​នឹង ​​​ការ​​​​លំបាក​​​​។ លោក តាំង សុចិត្តគ្រីណា ​​ប្រធាន​​​​មន្ទីរ​​​​ទេសចរណ៍​​​រាជ​​​ធានី មាន​​​ប្រសាស​​​ន៍​​​ថា ​បញ្ហា​​​លំបាក​សម្រាប់​​​អាជ្ញាធរ​​​ គឺថា ចំនួន​​​ទេសចរ​​​បន្ត​​​កើន​​​ឡើង រីឯ​​​​ចំណត​​​រថយន្ដ​​​នៅ​​​តាម​​​រម​នីយ​​​​ដ្ឋាន​មាន​តិច​។ លោក​​​មាន​​​ប្រសាស​​​ន៍​​​ថា “ ប្រសិន​​​បើ​​​យើង​​​ធ្វើការ​​​ប្រៀបធៀប​​ចំនួន​ភ្ញៀវ​​​​ទេសចរ​ដែល​​​ចូល​​​តាម​​​អាកាសយាន​​​ដ្ឋាន​​​អន្តរជាតិ​​​ភ្នំពេញ កាលពី​​​ឆ្នាំ​​​២០១២ ​​​មាន​​​ការ​​​កើន​​​ឡើង​១២,១២ ភាគ​​​រយ​​​លើស​​​ឆ្នាំ​​​២០១១ ចំណែក​ឯ​ត្រី​មាស​​​​ដំបូង នៃ​​​ឆ្នាំ​​​នេះ ចំនួន​​​ទេស​​​ចរ​​​កើន​​​ឡើង​​​១៥,៩៧​​​ភាគរយ​​​ក្នុង​​​រយៈ​​​ពេល​​​ដូច​​​គ្នា​​​កាលពី​​​ឆ្នាំ​​​មុន។ លោក​បាន​​​មាន​​​ប្រសាស​​​ន៍​​​បន្ថែមថា ​​​វា​​​ត្រូវ​​​ការ​​​ពេលវេលា​ក្នុង​ការ​រក​​​ដំណោះ​​​​​​ស្រាយ។កាល​​​ពី​​​ឆ្នាំ​​​២០១២ ​​​ទេសចរ​ ចំនួន​​​៩០២.៦៧៦​​​នាក់ បាន​​​ចូល​​​ប្រទេស​​​នេះ​​​តាម​​​រយៈ​​អាកាសយាន​​​ដ្ឋាន​​​អន្តរជាតិ​​​ភ្នំពេញ​​​ហើយ​​​​នៅ​ត្រី​មាស​ដំបូង​​​​នៃ​​​​​ឆ្នាំ​​​នេះ មាន​ទេស​​​ចរ​​​​ចំនួន២៦៧.២៩០នាក់ បាន​​​​ចូល​មក​លេង​រាជធានី​​​ភ្នំពេញ។ ប៉ុន្តែ លោក ឡុង ឌី​​​ម៉ង់ អ្នក​​​នាំ​​​ពាក្យ​សាលា​រាជធានី បានបង្ហាញ​នូវ​សុទិដ្ឋិនិយម​​ថា ​​​អ្នក​​​បើក​​​រថយន្ដ​​​​ក្រុង​នឹង​មាន​ភាព​ងាយ​ស្រួល​នៅ​ពេល​ឆាប់ៗ​នេះ។ លោក​បាន​​​មាន​​​ប្រសាស​​​ន៍​​​ថា “ ពាក់​ព័ន្ធ​នឹង​ចំណត​រថយន្ត យើង​​​គ្មាន​​​ដំណោះ​​​ស្រាយ​ណា​​​មួយ សម្រាប់​​​ក្រុមហ៊ុន​​​ដឹក​​​អ្នក​​​ដំណើរ​​​ឯកជន​​​​ទេ ដូច្នេះក្រុមហ៊ុន​​​​​​ទាំង​​​​​​​​​នេះអាច​​​ស្វែង​​​រក​​​​កន្លែង​ចត​​​​រថយន្ដ​​​ដោយ​​​ខ្លួន​​​ឯង”។ លោក​បាន​​​មាន​​​ប្រសាស​​​ន៍​​​បន្ថែមថា ប៉ុន្តែ​​​សាលា​​​រាជធានី​​​សូម​​​ស្វាគមន៍​​​​វិនិយោគិន​​​ឯកជន​​​ ដែល​​​មាន​​​បំណង​​​ដោះ​ស្រាយ​​​​អំពី​​​​​​បញ្ហា​​​ចត​​​រថយន្ដ​​​​​អនាធិបតេយ្យ​ ដែល​​​កើត​​​​​​មាន​​​ឡើង​​​នៅ​​​រាជធានី​​​ភ្នំពេញ​​​​នា​ពេល​​​​បច្ចុប្បន្ន​នេះ៕ ប្រែសម្រួលដោយ ស៊ុំ សុខភុំ

កងយោធ​ពល​ខេម​​រភូមិន្ទ​ក្នុង​ខេត្ត​ឧត្តរ​​មាន​ជ័យ​បដិសេធ​​ថា​ មិន​បាន​រាន​ព្រៃ​​ពាណិជ្ជ​កម្ម​​កា​​បូន​ឡើយ​

មន្ត្រី​កង​យោធ​​​ពល​ខេម​រភូមិន្ទ​ម្នាក់​​នៅ​ក្នុង​​ខេត្ត​​ឧត្តរមា​ន​​ជ័យ​​បា​ន​និយា​យ​​ថា លោក​​រី​ក​រា​យ​នឹ​ង​​​ជួប​​ជា​មួ​យ​សមា​ជិក​​ព្រៃ​ស​ហ​គមន៍​​ ដែល​និ​យា​យ​ថា មូ​ល​​ដ្ឋាន​យោ​ធា​ថ្មី​កំ​ពុង​គំ​រាម​កំ​ហែ​ង​​ផែន​កា​រ​​លក់​ឥណ​ទាន​​កា​​បូ​ន​​មា​ន​តម្លៃ​រាប់​លាន​​ដុល្លារ​​​​របស់​ខ្លួន ទៅឲ្យ​ក្រុ​ម​ហ៊ុ​ន​បរទេស​ជា​ថ្នូ​រ​នឹង​​កា​រ​​​កា​រ​​ពា​រ​​បរិ​ស្ថាន​នោះ​។ ​​កា​រវា​យ​តម្លៃនា​ពេល​​​ថ្មីៗ​អ​ំ​ពី​គម្រោ​ង​​ពាណិជ្ជ​កម្ម​កាបូ​ន​​​​ព្រៃ​ឈើ​​​ដំ​បូ​ង​​​​ក្នុង​​ប្រទេ​ស​​កម្ពុជា ដោ​យ​​​​ក្រុម​អ្នក​ជំនាញ​​​អា​មេរិ​ក​មួ​យ​ក្រុម​ ដែល​​បា​ន​ចុះ​ទៅ​តំ​បន់​នោះ​​កា​ល​ពី​ក​្នុង​ខែ​​កុម​្ភៈ ​បា​ន​លើក​ឡើង​ពី​កង្វល់ដែល​​​ថា ​មូ​ល​ដ្ឋាន​យោធា​​​ថ្មី​​​ដែល​​កសាងនៅ​ក្នុង​​​តំ​បន់​ព្រៃ​សហ​គមន៍​​​នោះ ​អា​ច​​​ប​ំផ្លាញ​​គម្រោង​នេះ​។ ​​​​តំ​ណា​ង​មក​ពី​​សហ​គ​មន៍​ព្រៃ​ឈើ​ចំ​​នួ​ន​១៣​​ ដែល​​​ជាប់​​ពាក់​ព័​ន្ធ​​ក្នុង​គម្រោង​​នេះ​​សង្ឃឹម​ថា​ នឹ​ង​​ជួ​ប​​ជា​មួ​យ​​មន្ត្រី​កង​យោធ​​​ពល​ខេម​រភូមិ​ន្ទ​នៅ​សប្តា​ហ៍​ក្រោ​យ​​ដើម្បី​​​បញ្ចុះ​បញ្ចូ​ល​​ពួ​ក​គេ​ឲ្យ​​ដក​មូ​ល​ដ្ឋាន​​យោ​ធា​​​​នេះ​ចេញ​ពី​ទី​នោះ​។ ​​កា​ល​ពី​ម្សិល​មិញ លោក​ឧត្ត​ម​សេនីយ៍​​ទោ​សាន ស៊ា មេ​បញ្ជាកា​រ​​រង​​​កង​អន្តរាគមន៍​​ជើង​គោក​​​ប្រ​ចាំ​​យោធភូមិ​ភាគ​​២​ ដែល​គ្រប់​គ្រ​ង​តំ​បន់​នេះ​ ​​បាន​​​មា​ន​ប្រ​សាសន៍​ថា លោក​នឹង​​ចូល​​រួ​ម​​​ជំនួប​​​​នេះ​​ជា​មួយ​​​អ្នក​​ភូមិ​​ដែល​ព្រួ​យ​បា​រម្ភ។ លោ​ក​ក៏​បា​ន​បដិ​សេធ​​​ថា​ គ្មាន​​​កា​រ​​ រា​ន​ព្រៃ​កា​ន់​​តែ​ធ​ំ​ ដូច​​ដែល​សមា​​ជិ​ក​​នៃ​បណ្តាញ​​ព្រៃ​​ឈើ​បា​ន​​ចោទ​ប្រ​កាន់​​មក​លើ​យោ​ធានោះ​​​ទេ។ ​លោក​បា​ន​លើក​ឡើង​ថា “ ទាហា​ន​របស់​យើង​មិន​បា​ន​កាប់​ឈើ​​នៅ​ក្នុ​ង​​ព្រៃ​កា​រ​​ពា​រ​​​ទេ ពី​ព្រោះ​យើង​​ក៏​ត្រូវ​ការដើម​​ឈើ​ផ្តល់​ម្លប់​ឲ្យ​យើង​ដែរ​​​។ ​គ្មាន​ទា​​ហា​ន​ណា​​​​​ម្នាក់​​បាន​ជាប់ពាក់​​ព័ន្ធ​​ក្នុ​ង​​កា​រ​កាប់​ឈើ​ និង​ប​ំ​ផ្លាញ​​ព្រៃ​​ឈើ​​ទេ​”។ ​លោក​ឧត្ត​ម​សេនី​យ៍​ទោ ​​សាន ស៊ា បា​ន​មា​ន​​ប្រ​សាសន៍​ថា​ ថ្នាក់​លើ​​របស់​​រដ្ឋា​ភិបាល​​បា​ន​​ចេញ​បទបញ្ជា​​ឲ្យ​​សាងសង់​បន្ទាយ​​​នៅ​ក្នុង ​​តំ​បន់​ព្រៃ​​​កា​រ​​ពា​​រ​នេះ​​ ដែល​​លាត​សន្ធឹង​​តា​ម​​ព្រ​ំ​​ដែន​មា​ន​ជម្លោះ​​ជាមួយ​​ប្រទេ​ស​ថៃ​។ លោក ស ថ្លៃ ​​​ជា​ប្រ​ធា​ន​​បណ្តាញ​​ព្រៃ​ឈើ​​សហ​គមន៍​​​ក្នុង​ត​ំបន់​នេះ​ ​មា​ន​ប្រ​សា​សន៍​ថាពួ​ក​គេបា​ន​​ស្គាល់​​ព្រៃ​យ៉ាង​​តិច​ប្រាំ​មួ​យ​កន្លែ​ង​​ក្នុ​ង​ចំ​ណោម​ព្រៃ​​ឈើ​​១៣​កន្លែ​ង​ ​​ដែល​​​អ​ង​្គ​ភា​ព​​កង​យោធ​​ពល​​ខេម​រភូមិន្ទ​​ផ្សេង​ៗ​ បា​ន​សង់​បន្ទាយ​​​ក្នុង​​រយៈ​ពេល​ប៉ុន្មាន​ឆ្នាំ​​​នេះ​។​​​ លោក​បា​ន​​មា​ន​​ប្រ​សាសន៍​ថា ទើប​តែ​​​ខែ​មុន​នេះទេ ដែល​អ្នក​ស្រុ​ក​បា​ន​​រក​ឃើញ​មូ​ល​ដ្ឋាន​យោ​ធា​មួយ​ទៀត​នៅ​ក្នុ​ង​​​ព្រៃ​មួ​យ​កន្លែង​​ទៀត​ ​នៅ​ពេល​​ដែល​ទា​ហា​ន​​មួ​យ​ក្រុម​​​បា​ន​បង្ខំ​ឲ្យ​ក្រុម​​ដើរ​ល្បាត​របស់​​​សហ​គមន៍​មួ​យ​បោ​ះ​បង់កន្លែ​ង​​លាក់​ទុក​ឈើនិង​​​រណារ​យន្ត​ ដែល​ខ្លួ​ន​​រឹប​អូស​បា​ន​​​ពី​អ្នក​កា​ប់​ឈើ​​ខុស​​ច្បាប់​។ លោក​ ស ថ្លៃ ​​បា​ន​​ថ្លែ​ង​ថា នៅ​ឯ​ជំ​នួប​​មួ​យ​​​​ជាមួ​យ​មន្ត្រី​យោ​ធា​មូល​​ដ្នាន​​​កាល​ពី​​ប្រ​ហែល​មួ​យ​ឆ្នាំមុន​ ​ទាហាន​​​​លើក​ឡើង​ថា ​ខ្លួ​ន​​​បា​ន​កាន់​កា​ប់​​​ព្រៃ​​ឈើ​ចំ​នួ​ន​​ពីរ​កន្លែ​ង​មាន​​​ទំ​ហំ​ជាង​២.៥០០​​ហិក​តា ​ក្នុងចំ​ណោ​ម​​ព្រៃ​​ឈើ​​ទាំង​នោះ​។ ​លោក ស ថ្លៃ បា​ន​បន្ត​ថា ដោ​យ​សារ​​​​មាន​ជ​ន​ស៊ី​​វិល​​កាន់​តែ​ច្រើ​ន​ឡើង​​ចូ​ល​​ទៅ​​ក្នុ​ងតំ​បន់​​នោះ គម្រោ​ង​​​ពាណិជ្ជកម្មកាបូ​ន​កំ​ពុ​ង​​ទទួល​កា​​រ​គំ​​រា​ម​កំ​ហែ​ង​កាន់​តែ​ខ្លាំ​ង​​ឡើង ​នៅពេល​​ដែល​​មាន​ការ​កាប់​​ឈើ​។ ​លោក​បា​ន​មា​ន​​ប្រ​សាស​ន៍​ថា “ ស្ថាន​ភា​ព​កា​ប់​​ឈើ​​​នៅ​ក្នុ​ង​ព្រៃ​​​កា​រ​​​ពា​រសម្រាប់​​​កា​រ​ធ្វើ​ពាណិជ្ជកម្មកា​បូន​កាន់​តែ​​ធ្ងន់​ធ្ងរ​​​ទៅៗ​​...

ប្រជាពលរដ្ឋ ដែល​​​ត្រូវ​​​បណ្ដេញ​​​ចេញ​​​​​​ពី​​​ដី​​​​​មាន​​​វិវាទ ដាក់​​​ញត្តិុសុំជំនួយ​​​ពីលោកនាយក​​​រដ្ឋមន្ត្រី​​​

តំណាង​​​របស់​​​ប្រជាពលរដ្ឋ​​​ចំនួន​​​១៥៧​​​គ្រួសារ ដែល​​​ត្រូវ​​​បណ្ដេញ​​​ចេញ​​​កាល​​​ពី​​​ឆ្នាំ​​​២០១០​​​ពី​​​ដី​​​សម្បទានសង្គម​​​មួយ​​​កន្លែង​​​នៅ​​​ក្នុង​​​ខេត្ត​​​ព្រះវិហារ ដែល​​​ជា​​​កម្មសិទិ្ធ​​​របស់​​​អ្នក​​​ជំនួញ​​​ឈ្មោះ ប៉ែន លីម ដែល​​​ធ្លាប់​​​ជា​​​ទី​​​ប្រឹក្សា​ម្នាក់​​របស់​​​លោក ជា សុីម ប្រធាន​​​ព្រឹទ្ធសភា ​​​បាន​​​មក​​រាជធានី​​​ភ្នំពេញ កាល​​​ពីម្សិល​​​មិញ ​​​ដើម្បី​​​​​​ដាក់​​​ញត្តិ​​​សុំជំនួយពី​​​លោក​​​​នាយក​​​រដ្ឋ​​​មន្ត្រី​​​ ហ៊ុន សែន ។ គ្រួសារ​​​ទាំង​​​នេះ បាន​​​ឲ្យ​​​ដឹង​​​ថា ពួក​​​គាត់​​​ត្រូវ​​​​​លោក ​​​ប៉ែន លីម ​​​បង្ខំ​​​ឲ្យចាក​​​​​​ចេញ​​​ពី​​​ដី​ធ្លី​​​​​​​​នេះ បន្ទាប់​​​ពី​​​លោកបាន​​​ចំណាយ​​​ប្រាក់​​​រាប់​​​ពាន់​​​ដុល្លារ​​​ទិញយក​​​​​​ដី​​​នេះ ហើយ​​​ពួកគាត់​​​​​​បានទៅ​​​​​​រស់​​​នៅ​​​​​​ជា​​​មួយ​​​នឹង​​​សាច់ញាតិ​​​​​​តាំង​​​ពី​​​ពេល​​​នោះ​​​មក។ អ្នកស្រី ជា ច័ន្ទសិលា ដែល​​​​​​បាន​​​អះ​​​អាង​​​ថា បាន​ទទួលប្រាក់១.៥០០​​​ដុល្លារ ពី​​​ដី​​​​​​​​​ដែល​​​គាត់​​​ត្រូវ​​​បាន​​​បណ្ដេញ​​​ចេញ ហើយ​​​​​​ចង់បាន​​​ដី​​​នេះ​​​មក​​​វិញ​​​នោះ បាន​​​និយាយ​​​ថា “ យើង​​​មក​​​ទី​​​នេះ​​​នៅ​​​ថ្ងៃ​​​នេះ​​​ដើម្បី​​​សុំជំនួយ​​​ពី​​​សម្ដេ​​​ច​​​ហ៊ុន សែន...

របាយការណ៍​លើក​ឡើង​ថា សេរី​ភាព​សារព័ត៌​មាន​នៅ​​កម្ពុជា​ធ្លាក់​ចុះ

យោង​តាម​របាយការណ៍សាកល​ ដែល​ចេញ​ដោយ​អ្នក​វិភាគ​នៅ​អង្គការ​ហ្វ្រីឌឹម ហៅស៍ (Freedom House) ដែល​មាន​មូលដ្ឋាន​ក្នុង​ទីក្រុង​វ៉ាស៊ីន​តោន​ ស្រប​ពេល​ជា​មួយ​ថ្ងៃ​ប្រារព្ធ​ទិវា​សេរី​ភាពសារ​ព័ត៌មាន​ពិភព​លោក​លើក​ទី​២០​​នៅ​​ថ្ងៃ​នេះ បាន​ឲ្យ​ដឹង​ថា ប្រព័ន្ធ​ផ្សព្វ​ផ្សាយ​ក្នុង​ប្រទេស​​កម្ពុជា​មិន​សូវ​ជា​សេរី​ដូច​កាល​ពី​មួយ​ឆ្នាំ​មុន​ឡើយ។ ការ​​ទម្លាក់​កម្រិត​សេរី​ភាព​​នេះ​​​កើត​មាន​ឡើង​​​ក្នុង​សប្ដាហ៍​នេះ​បន្ទាប់​ពី​​​ការ​ស៊ើប​អង្កេត​របស់​តុលាការ​លើ​​អំពើ​ឃាតកម្ម​ចំពោះ​អ្នក​យក​ព័ត៌មាន​មួយ​រូប​ក្នុង​ខេត្ត​រតនគិរី​​ត្រូ​វបាន​ចាត់​ទុក​ថា ធ្វើ​ឡើង​មិន​គ្រប់​ជ្រុង​ជ្រោយ​​ និង​​​នៅ​ពេល​ដែល​ឧក្រិដ្ឋ​ជន១០​នាក់​ផ្សេងទៀត​​​ដែល​បាន​សម្លាប់​​​អ្នក​កាសែត​ ចាប់​តាំង​ពី​​ឆ្នាំ​១៩៩៣​មក​នៅ​តែ​គេច​ផុត​ពី​សំណាញ់​ច្បាប់​។ នៅ​ក្នុង​របាយការណ៍​ឆ្នាំ​២០១៣​របស់​​ខ្លួន​ស្តី​ពី​​សេរី​ភាព​សារព័ត៌មាន​​ ដែល​ចេញ​កាល​ពី​ថ្ងៃ​ពុធ អង្គការ​ហ្វ្រីឌឹម ហៅស៍​ បាន​លើក​ឡើង​ថា ប្រទេស​កម្ពុជា​ នៅ​តែ​គ្មាន​ការ​ផ្ដល់​សេរីភាព​ដល់​អ្នក​កាសែត​។ ​ក្នុង​ចំណោម​​ប្រទេស​ចំនួន​១៩១ ​កម្ពុជា​បាន​ជាប់​លំដាប់​ថ្នាក់​លេខ១៤៩ ដូច​ប្រទេស​កាមេរូន ម៉ាដា​ហ្គាស្កា  និង​ប្រទេស​ម៉ារ៉ុកដែរ​។ អង្គការ​ហ្វ្រីឌឹម ​ហៅស៍​ បាន​ដាក់​ពិន្ទុ​ឲ្យ​ប្រទេស​ទាំង​នេះ​ផ្អែក​លើ​បរិយាកាស​ច្បាប់ ​នយោបាយ និង​សេដ្ឋកិច្ច​​ ដែល​អ្នក​កាសែត​​ធ្វើ​ការ​​​ ដោយ​​ពិន្ទុ​សូន្យ គឺ​តំណាង​ឲ្យ​សារ​ព័ត៌មាន​ដែល​គ្មាន​សេរី​ភាព​ទាំង​ស្រុង​។ របាយការណ៍​នេះ​​បាន​លើក​ឡើង​ថា  ប្រទេស​កម្ពុជា​ទទួល​បាន​ពិន្ទុ​៦៦​បើ​ប្រៀប​ធៀប​ទៅ​នឹង​ពិន្ទុ​ក្នុង​ឆ្នាំ​២០១២​ទទួល​បាន​៦៣​ពិន្ទុ​ ហើយ​នៅ​ពេល​នោះ​​​ប្រទេស​កម្ពុជា​​ជាប់​លំដាប់​ថ្នាក់​លេខ​១៤៤ ក្នុង​ចំណោម​ប្រទេស​ចំនួន​១៩៧។ ​បរិយាកាស​ច្បាប់​បាន​ធ្លាក់​ចុះ​២ពិន្ទុ រីឯ​បរិយាកាស​​នយោបាយ​បាន​ធ្លាក់​ចុះ​១ពិន្ទុ។ អង្គការ​ហ្វ្រី​ឌឹម ហៅស៍...

​លោក​នាយក​រដ្ឋ​មន្ត្រី​ ហ៊ុន សែន ​​មាន​ប្រសាសន៍​ប្រាប់​អ្នក​ភូមិ​អំពី​​កំណើត​កូន​ប្រុស​ច្បងលោក​

លោក​នាយក​រដ្ឋ​មន្ត្រី​ ហ៊ុន សែន ​បាន​ថ្លែង​ប្រាប​់​ប្រជា​ពល​រដ្ឋ​​ប្រហែល​៥.០០០​នាក់​ក្នុង​ខេត្ត​កំពង​់​ចាម​កាល​ពី​ម្សិល​មិញ​ថា កូន​ប្រុស​របស់​លោក គឺ​ លោក ហ៊ុន ម៉ាណែត ប្រ​ហែល​កើត​មក​ពី​​អ្នក​តា​​ ដែល​ប្រែ​កាឡា​ជា​ពន្លឺ​ដ៏​ភ្លឺចែង​ចាំង​ហោះ​ចេញ​ពី​​ដើម​ពោធិ៍​រំលង​​ផ្ទះរបស់​លោក ​ដែល​នៅ​​ពេលនោះ​កូន​​​​ប្រុស​របស់​លោក​បាន​ចាប់​កំណើត​តែ​ម្ដង​​​​​​​​​​។​ ​លោក​ ហ៊ុន​ សែន​ បាន​មាន​ប្រសាសន៍​សំសៅ​​​ដល់​​​​​អ្នក​តា​​ដែល​គេ​គោរព​បូជា​នៅខ្ទម​មួយ​ក្រោម​ដើម​ពោធិ៍​នៅ​ក្នុង​ភូមិ​កោះ​ថ្ម ស្រុក​មេមត់ កន្លែង​ដែល​​លោក​ ហ៊ុន សែន ថ្លែង​កាល​ពី​ម្សិល​មិញ​ថា ​លោក​ស្រី ប៊ុន រ៉ានី​ ភរិយា​របស់​លោក​កើត​បាន​ ហ៊ុន ម៉ាណែត​ ក្នុង​ ​​ឆ្នាំ​១៩៧៨​ ហើ​យ​លោ​ក​​មាន​ប្រសាសន៍​​ថាម៉ាណែត​ អាច​ជា​កូន​អ្នក​តា​អញ្ចាញ​កោះថ្ម”។ ​លោក​ ហ៊ុន...

រដ្ឋាភិបាលផ្សព្វផ្សាយ​​​ខ្សែ​អាត់​សំឡេង​​​​ពេល​​​​លោក សម ​​​រង្សុី និង​​​លោក កឹម​​​ សុខា ​​​ចោទ​​​ប្រកាន់​​​គ្នា​​​​

ក្នុងការ​​​ប៉ុន​​​ប៉ង​​​មួយ ដើម្បី​​​លាប​​​ពណ៌គណ​បក្ស​​​សង្គ្រោះ​​​ជាតិ ជាគណបក្ស​​​ប្រឆាំងថា ជា​​​គណបក្ស​​​បែក​​​បាក់គ្នា​​​កាល​​​ពី​​​ម្សិល​​​មិញ ​រដ្ឋា​ភិបាល បាន​​​ចាក់​​​ផ្សាយ​ខ្សែ​អាត់​សំឡេង​មួយ​​​កាល​​​ពីឆ្នាំ​​​២០០៨​​​​​​ពី​​​កម្មវិធី​​​មួយ​​​របស់​​​ទូរ​ទស្សន៍​​​​ប៉ុស្ដិ៍បាយ័ន ដែល​​​​និយាយ​​អំពី​​​លោក សម ​រង្សុីនិង​​​លោក កឹម សុខា ដែល​​​ពេល​​​នេះ​​​ជា​​​ប្រធាននិងជា​​​អនុប្រធាន​​​គណបក្ស​​​សង្គ្រោះជាតិ​បាន​​​ រិះគន់​​​គ្នា​​​ទៅ​​​វិញ​​​​​​ទៅ​​​មក។ ពេល​​​គណ​​​បក្ស​​​ សម រង្សុី និង​​​គណបក្ស​​​សិទ្ធិ​​​មនុស្ស​​​ ជា​​​គូ​​​ប្រជែង​​​នឹង​​​គ្នា​​​នោះ ​លោក ​សម រង្សុីនិង​​​លោក កឹម សុខា មាន​​​ប្រវត្តិ​​​​​​ចោទប្រកាន់​​​​គ្នា​​​ទៅ​​​វិញ​​​ទៅ​​​មក ប​​​៉ុន្តែ នៅ​​​ពេល​​​នេះ​ត្រូវគ្នា​​​​វិញ​​​ហើយ ហើយ​កាល​​​ពី​​​ឆ្នាំ​​​មុន ​បន្ទាប់​​​ពី​​​​​​ការ​​​ប៉ុន​​​ប៉ន បរាជ័យ​​​ជា​​​ច្រើន​​​លើក ​គណបក្ស​ទាំងពីរបាន​​​ច្របាច់​​​បញ្ចូល​​​គ្នា ហើយ​មេដឹក​​​នាំបក្ស​​​​ទាំង​​​ពីរបាន​​​រួបរួម​​​គ្នា ដើម្បី​​​ជំរុញ​ឲ្យ​អ្នក​​​បោះ ឆ្នោត​​​​​​គាំ​​​ទ្រ​​​គណបក្ស​​​សង្គ្រោះ​​​ជាតិ។ លោក សត្យា រក្ស​ អ្នកវិភាគ​​​នយោបាយ​នៅ​​​​ទូរទស្ស​​​ន៍ បាយ័ន  ដែល​​​ជា​​​កម្មសិទិ្ធ​​​របស់​​​លោក​​​​​​ស្រី ហ៊ុន ម៉ាណា ​​​កូនស្រី​​​របស់​​​លោក​នាយក​​​រដ្ឋមន្ត្រី ហ៊ុន សែន បាន​​​និយាយ​ថា ​លោកបាន​​​​ចាក់់​ខ្សែ​អាត់​សំឡេង​​នេះ​ជា​មួយ​​​គ្នា​​​​ដើម្បី​​​​ក្រើន​រំឭក​​​​អ្នក​​​បោះ​​​ឆ្នោត​​​ថា ​គណ​បក្ស​​​ប្រឆាំង​​​នេះ នឹង​​​មិន​​​អាច​​​ដឹកនាំ​​​បាន​​​ទេ ​ដោយសារ​​​តែ​​​មិន​​​​ឯកភាព​​​​គ្នា។ លោកបាន​​​មាន​​​ប្រសាស​​​ន៍​​​តាម​​​ទូរស័ព្ទ​​​ថា “ កាល​​​ពី​​​អតីត​​​កាល គណបក្ស​ទាំង​​​ពីរ បាន​​​និយាយ​​​ប្រាប់​​​សាធារណជន​​​ថា ​ខ្លួន​​​​មិន​​​អាច​​​ច្របាច់​​​បញ្ជូល​​​គ្នា​​​បាន​​​ទេ ពួក​គេ​បាន​​​​ជេរ​​​ប្រមាថ​​​​គ្នា និង​​​បាន​​​បន្ទោស​​​គ្នា​​​ទៅ​​​វិញ​​​ទៅ​​​មក”។ “ យើង​​​ចង់​​បង្ហាញ​​​សាធារណជនអំពី​​​សកម្មភាព និង​​​អត្តចរិតរបស់​​​​អ្នក​​​នយោ​​​បាយ​​​ទាំង​​​ពីរ​​​រូបនេះ​​​ថា ពួក​​​គេ​​​ជា​​​អ្នក​​​ភូត​​​កុហក ​​​និង​ជាអ្នក​​​​​​បោក​​​ប្រាស់។យើង​​​មិន​ចង់​​​​​​ឲ្យ​​​ប្រទេស​​​កម្ពុជា​​​​​​​​​មានសង្គ្រាម​​​ម្ដង​​​ទៀតទេ។យើង​​​គ្រាន់​​​តែ​​​និយាយ​​​ប្រាប់​​​ប្រជា​​​ពលរដ្ឋ​​​ឲ្យ​​ចេះ​ពិចារណា​​​ពី​ការ​បោះ​​​ឆ្នោត​ និង​​​ជ្រើសរើស​​​មេដឹកនាំ​​​គណបក្ស”។ ខ្សែ​អាត់​សំឡេង​​​នេះ ត្រូវ​​​បាន​​​​​ទី​​​ស្ដីការ​គណៈរដ្ឋមន្ត្រី​ផ្សព្វ​ផ្សាយ​​និង​បញ្ចូល​​​ទៅ​​​ក្នុង​​​គេហទំព័រ​​​​របស់​​​​ខ្លួន និង​​​បាន​​​ផ្ញើ​​​ទៅ​​​​​​ស្ថាប័ន​​​សារព័ត៌មាន​​​ក្នុង​​​ស្រុក​​​ផង​​​ដែរ ។​ខ្សែ​អាត់​​​​នេះ​​​​បង្ហាញ​​​ពី​​​​​​សម្តី​របស់​​​លោក សម រង្សុី និង​​​លោកកឹម  សុខា  ​ដែល​បាន​និយាយ​កាល​​​ពី​​​ឆ្នាំ​​​២០០៨។ លោក សមរង្សុី បាន​​​មាន​​​ប្រសាស​​​ន៍​​​​​​ត្រង់​​​ចំណុច​​​​​​មួយ​​​ថា “ គណបក្ស​​​ថ្មី​​​និង​​​តូច​​​​​​មួយ ត្រូវ​​​បាន​​​បង្កើត​​​ឡើង​​​ជា​​​អាយ៉ង​​​របស់​​​​​​គណបក្ស​​​កាន់​​​អំណាច។​ បងប្អូន​ត្រូវ​​​គិត​​​​​​ថា ​គណបក្ស​​​​ណា​​​ជា​​​គណបក្ស​​​ប្រឆាំង​​​ដ៏​​​ពិត​​​ប្រាកដ​​​”។ លោក កឹម សុខា បានស៊កសម្ដី​​​វិញ​​​ថា“ ពួក​គេ​​​​និយាយ​​​ថា យើង​​​ជា​​​អាយ៉ង ប៉ុន្តែ ពួក​​​គេ​​​បាន​សន្យា​​​​​​ថាមិន​​​ចូលរួម​​​ក្នុងរដ្ឋ​​​សភា​​​ បន្ទាប់​​​ពីការ​​​បោះ​​​ឆ្នោត​​​កាល​​​ពី ឆ្នាំ​​​២០០៨ ​​​ហើយ​​​ពួក​គេ​​​បែរជា​​​ចូល​​​រួម​​​ទៅ​​​វិញ តើ​​​អ្នក​​​ណា​​​ជា​​​អាយ៉ង​​​ដ៏ពិត​​​ប្រាកដ​​​នោះ?”។ យោង​​​តាម​​​លោក គល់ បញ្ញា នាយក​​​ប្រតិ​បត្តិ​​​នៃ​​​គណៈកម្មាធិការ​​​សម្រាប់​​​ការ​​​បោះ​​​ឆ្នោត​​​​ដោយសេរី​​​និង​​​យុត្តិធម៌​​​នៅ​​​កម្ពុជា បាន​​​ឲ្យ​​​ដឹង​​​ថា “ បញ្ហា​​​ជា​​​មួយ​​​នឹង​​​ខ្សែ​អាត់​​​​សំឡេង​នេះ​ គឺ​​​មានពីរ​​​យ៉ាង ព្រោះ​​​វា​​​បង្ហាញ​​​ឲ្យ​​​ឃើញ​​​ថា ​ប្រព័ន្ធ​​​​ផ្សព្វផ្សាយ និងស្ថាប័ន​​​រដ្ឋ ស្ថិ​​​ត​​​​​​នៅ​​​ក្រោម​​​ការ​​​គ្រប់គ្រង​​​​​​របស់​​​គណ​​​បក្ស​​​កាន់​​​អំណាច។ លោក គល់ បញ្ញា បាន​​​មាន​​​ប្រសាស​​​ន៍​​​ថា “ ប្រព័ន្ធ​​​ផ្សព្វផ្សាយ​​​ជា​​​ច្រើន​​​ស្ថិត​​​នៅ​​​ក្រោម​​​ការ​​​ត្រួត​​​ត្រា​​​របស់​​​គណបក្ស​​​ប្រជា​​​ជន​​​កម្ពុជា ​និង​​​រដ្ឋាភិបាល។ ខ្ញុំគិតថា ប្រការ​​​នេះគឺជា​​​ការ​​​​រំលោភ​​​បំពាន​​​លើ​​​ក្រម​សីល​ធម៌​នៃ​ប្រព័ន្ធ​ផ្សព្វ​ផ្សាយ​ ដែល​​​គួរតែ​​​​​​ផ្ដល់​​​​​​​នូវ​សមធម៌​​​ និង​​​តុល្យភាព​​​ព័ត៌មាន​​​រវាង​​​គណបក្ស​​​ប្រឆាំង និង​​​គណបក្ស​​​​​​កាន់​​​អំណាច”។ លោកបាន​​​មាន​​​ប្រសាស​​​ន៍​​​បន្ថែម​​​ថា“ ប៉ុន្តែពួក​​​គេបាន​​​ប្រើ​​​ប្រាស់​​​ធន​​​ធាន​​​និង​​​ម៉ោង​​​ធ្វើ​​​ការ​​​​របស់​​​រដ្ឋ ដើម្បី​​​ជួយ​​​គណ​​​បក្ស​​​​​​កាន់​​​អំណាច នោ​​​ះគឺ​​​ជា​​​ការ​​​រំលោភ​​​បំពាន​​​មួយ​​​”។ លោក យឹម សុវណ្ណ អ្នក​​​នាំ​​​ពាក្យ​​​របស់​​​គណ​បក្ស​​​សង្គ្រោះ​​​ជាតិ ​​​មាន​​​ប្រសាស​​​ន៍​​​ថា ​ខ្សែ​​អាត់​​​​​សំឡេង​នេះ​ គឺ​​​ជា “ កលល្បិច​​​ឆ្កួត​​​​​​ៗ” ​របស់​គណបក្ស​​​ប្រជា​​​ជន​​​កម្ពុជា ដែល​​​បង្ហាញ​​​ឲ្យ​​​ឃើញថា ពួក​​​គេ​​​មាន​​​ការភ័យ​​​ខ្លាច​​​ចំពោះ​​​ប្រជា​​​​ប្រិយ​​​ភាព​​​របស់​​​គណបក្ស​​​សង្គ្រោះ​​​ជាតិ។ លោក ផៃ សុីផាន និង​​​លោក ឯក ថា អ្នក​​​នាំ​​​ពាក្យទី​​​ស្ដីការ​​​​​​គណៈ​​​រដ្ឋមន្ត្រី បាន​​​បដិសេធ​​​មិន​​​ធ្វើ​​​អត្ថាធិប្បាយ ​កាល​​​ពី​​​ម្សិល​​​មិញ៕ ប្រែសម្រួលដោយ ស៊ុំ សុខភុំ

MEDIA FEEDS

Popular

video

សហរដ្ឋអាមេរិកថា ការទម្លាក់ចោលបទចោទប្រកាន់និងផ្តល់សេរីភាពពេញលេញដល់អតីតបុគ្គលិកអាស៊ីសេរី២ រូប

សហរដ្ឋអាមេរិកតាមរយៈស្ថានទូតរបស់ខ្លួននៅទីក្រុងភ្នំពេញ បានលើកឡើងថាការចាប់ខ្លួន ការឃុំខ្លួន និងដំណើរការកាត់ក្តីអូសបន្លាយដ៏យូរអង្វែងទៅលើអតីតអ្នកយកព័ត៌មានវិទ្យុអាស៊ីសេរីចំនួន២រូបរួមមានលោក អួន ឈិន និងលោកយាង សុធារិន្ទ គឺជាការបំផ្លាញសេរីភាពសារព័ត៌មាន ព្រមទាំងជាឧបសគ្គដល់អ្នកដទៃទៀតដែលចង់បំពេញការងារដ៏សំខាន់ផ្នែកសារព័ត៌មាន។ ស្របពេលដែលថ្ងៃនេះជាថ្ងៃគម្រប់ខួប២ឆ្នាំនៃការចាប់ខ្លួនអតីតបុគ្គលិកអាស៊ីសេរីទាំងពីររូប សហរដ្ឋអាមេរិកទាមទារឲ្យមានការទម្លាក់ចោលការចោទប្រកាន់ទៅលើអ្នកសារព័ត៌មានទាំង២រូបនេះ ហើយផ្តល់ឲ្យពួកគេវិញនូវសិទ្ធិនិងសេរីភាពពេញលេញ។ សហរដ្ឋអាមេរិកអះអាងថា ការធ្វើបែបនេះ គឺជាសញ្ញានៃការប្តេជ្ញាចិត្តចាំបាច់ចំពោះតួនាទីដ៏មានសារៈសំខាន់នៃប្រព័ន្ធផ្សព្វផ្សាយឯករាជ្យ នៅក្នុងប្រទេសប្រជាធិបតេយ្យទៀតផងដែរ។