CATEGORY
ព័ត៌មានជាតិ
នៅពេលដែលសវនាការលើបណ្តឹងសាទុក្ខ បានបន្តកាលពីថ្ងៃសុក្រ ប្រឆាំងនឹងសាលក្រមមានពិរុទ្ធ ដែលសម្រេចចំពោះ នួន ជា និង ខៀវ សំផន ក្នុងដំណាក់កាលទី១នៃសំណុំរឿង០០២នោះ កូនប្រុសនៃអតីតទាហាន លន់ នល់ ម្នាក់ បានប្រាប់សាលាក្តីខ្មែរក្រហមអំពីដំណើររឿងដែលគាត់ធ្វើពុធជាស្លាប់ក្នុងចំណោមសពដែលគេសម្លាប់ ដោយសារតែការជាប់ទាក់ទងរបស់ពួកគេទៅនឹងរបបដែលគាំទ្រដោយអាមេរិក។
នួន ជា មេដឹកនាំទី២ របស់ខ្មែរក្រហម និង ខៀវ សំផន ជាប្រមុខរដ្ឋ ត្រូវគេរកឃើញថាមានពិរុទ្ធភាពនៃឧក្រិដ្ឋកម្មប្រឆាំងមនុស្សជាតិកាលពីខែសីហា នឹងត្រូវផ្តន្ទាទោសឲ្យជាប់ពន្ធនាគារមួយជីវិត ចំពោះការទទួលខុសត្រូវឧក្រិដ្ឋរបស់ពួកគេក្នុងការជម្លៀសប្រជាជនចេញពីក្រុងភ្នំពេញនៅខែមេសា ឆ្នាំ១៩៧៥ និងវិសុទ្ធិកម្មទាហាន និងមន្ត្រីរបប លន់ នល់ នៅការដ្ឋានទួលពោធិ៍ជ្រៃ ក្នុងខេត្តពោធិ៍សាត់។
កាលពីថ្ងៃព្រហស្បតិ៍ លោក សៅ វ៉ាន់ អតីតមេឃុំបានប្រាប់សាលាក្តីថា មន្ត្រីខ្មែរក្រហមជាន់ខ្ពស់ ក្នុងនោះមាន ខៀវ សំផន ផងដែរ បានចេញបញ្ជាមិនឲ្យធ្វើបាបអតីតទាហានរបប លន់ នល់។ ក៏ប៉ុន្តែ កាលពីថ្ងៃសុក្រ លោក សំ សិទ្ធី ដែលមានអាយុ១៤ឆ្នាំកាលនៅក្នុងឆ្នាំ១៩៧៥ បានរៀបរាប់ផ្ទុយស្រឡះ អំពីអាកប្បកិរិយារបស់របបនេះចំពោះអ្នកដែលមានទំនាក់ទំនងនឹងរបបសាធារណរដ្ឋខ្មែរ។
លោក សិទ្ធី ជាអធិការនគរបាលក្រុងកំពង់ឆ្នាំង និងជាកូនប្រុសអតីតទាហានរបប លន់ នល់ បានប្រាប់តុលាការអំពីដំណើររឿងដែលគ្រួសាររបស់លោកត្រូវបានគេជម្លៀសចេញពីភូមិផ្អេរក្នុងខេត្តកំពង់ឆ្នាំង បន្ទាប់ពីកម្លាំងកុម្មុយនិស្តបានត្រួតត្រាក្រុងភ្នំពេញ។
នៅពេលដើរកាត់តំបន់ភ្នំនៅជិតនោះ លោក សិទ្ធី បាននិយាយថា ពួកគាត់ត្រូវគេនាំទៅវត្តច្រកស្តេច ដែលនៅទីនោះមានការប្រកាសឲ្យទាហាន និងមន្ត្រីនៃរបបមុនមកចុះឈ្មោះយកអង្ករមុនពេលត្រឡប់ទៅធ្វើការតាមតំណែងចាស់របស់ខ្លួនវិញ។ លោកបាននិយាយទៀតថា ពួកគេជួបវាសនាអាក្រក់ជាងការស្មាន។
លោក សិទ្ធី បាននិយាយថា "ពួកគេបានភូតយើងទាំងអស់គ្នាថា យើងអាចត្រឡប់ទៅធ្វើការវិញ... បានចុះឈ្មោះថា គាត់ជាអតីតទាហាន។ បន្ទាប់ពីការចុះឈ្មោះគេហៅឈ្មោះសមាជិកគ្រួសារ ហើយគេបាននាំយើងទៅខាងត្បូងវត្ត និងប្រាប់ថា យើងនឹងរកផ្ទះមួយដើម្បីនៅ"។
ក្រោយពីដើរបានចម្ងាយប្រហែលពីរគីឡូម៉ែត្រពីវត្តនោះ ប្រជាជនប្រាំពីរគ្រួសារ ដែលសុទ្ធតែមានទំនាក់ទំនងនឹងរបបសាធារណរដ្ឋខ្មែរ ត្រូវបានគេបំបែកចេញពីគ្នា ហើយប្រុសៗត្រូវគេនាំចូលព្រៃ។ បន្ទាប់ពីឮស្នូរកាំភ្លើង ពេលនោះលោក សិទ្ធី បាននិយាយថា ស្ត្រីនិងក្មេងៗរួមទាំងរូបលោកផងត្រូវគេបណ្តើរទៅកន្លែងសម្លាប់ និងបញ្ជាឲ្យអង្គុយចុះ។
លោក សិទ្ធី បាននិយាយថា "ម្តាយរបស់ខ្ញុំអង្គុយនៅមុខខ្ញុំ ហើយនៅពេលគេបាញ់កាំភ្លើងលើយើង គ្រាប់កាំភ្លើងមួយគ្រាប់ចំទ្រូងគាត់ គាត់បានដួលទៅនឹងដី ហើយខ្ញុំធ្វើពុធជាដួលលើដីដែរ...ហើយពួកគេដើរជុំវិញ និងវាយសំពងក្បាលកូនក្មេងដើម្បីឲ្យពួកគេស្លាប់"។
នៅពេលពួកគេសម្លាប់រួចហើយ លោក សិទ្ធី បាននិយាយថា គាត់បានឮកម្មាភិបាលខ្មែរក្រហមនិយាយថា " ពួកអ្នកឯងជិះជាន់អញច្រើនឆ្នាំហើយ ហើយឥឡូវនេះដល់វេនយើងជិះជាន់ពួកអ្នកឯងម្តង"។
បន្ទាប់ពីពួកទាហានបញ្ចប់ការបាញ់សម្លាប់ និងការវាយសំពងជនរងគ្រោះរួចមក សាក្សីរូបនេះបាននិយាយថា កម្មាភិបាលរូបនោះបានអូសសាកសពទម្លាក់ចូលរណ្ដៅគ្រាប់បេ៥២ មុនពេលដើរចេញទៅ។ ក្រោយពេលធ្វើពុធជាស្លាប់ប្រហែល២ម៉ោងរួចមក លោកសិទ្ធី បាននិយាយថា គាត់បានវារចេញពីក្រោមសពចំនួនពីរ ហើយស្រែកហៅក្រែងលោមានអ្នកនៅរស់។
លោក សិទ្ធី បាននិយាយថា លោកបានដឹងថាប្អូនស្រី និងជីដូនមួយពីរនាក់ទៀតរបស់លោកក៏នៅរស់ពីការសម្លាប់នោះដែរ ហើយនាំគ្នារកផ្លូវត្រឡប់ទៅវត្តនោះវិញ ដែលនៅទីនោះគាត់បានអះអាងថា មានមនុស្សរាប់ពាន់នាក់នៅទីនោះ ដោយរត់គេចចេញពីការតាមចាប់របស់កម្មាភិបាល ដែលគាត់និយាយថា កំពុងស្វែងរករូបគាត់។
មេធាវីការពារក្តីទាំងពីរក្រុមបានលើកឡើងនូវភាពមិនស៊ីគ្នាក្នុងសក្ខីកម្មរបស់សាក្សី និងបានចោទសួរភាពគួរឲ្យជឿទុកចិត្តរបស់គាត់។ សាក្សីរូបនេះបានរៀបរាប់ដំណើររឿងផ្ទុយគ្នាទៅនឹងការសម្លាប់នោះ ដោយដំបូងឡើយអះអាងថា គាត់បានឃើញ "ការបាញ់កាំភ្លើង" នៅពេលគេសម្លាប់ឪពុកគាត់ តែក្រោយមកអះអាងថា គាត់គ្រាន់តែបានឮស្នូរគ្រាប់កាំភ្លើងពីចម្ងាយប៉ុណ្ណោះ។
នៅពេលព្រមានអំពីការសួរដដែលៗនោះ លោក វិុចទ័រ កូប៉េ មេធាវីការពារ នួន ជា បាននិយាយថា "គោលជំហររបស់យើង គឺថា គាត់ប្រឌិតរឿងនេះ ហើយវិធីតែមួយគត់ដើម្បីបង្កើតរឿងនេះ គឺត្រូវស្វែងរកដំណើររឿងពិស្តារដែលគួរឲ្យជឿទុកចិត្ត"។
សវនាការលើបណ្តឹងសាទុក្ខបន្តនៅថ្ងៃច័ន្ទ៕មានិត
ប្រទេសកម្ពុជា និងប្រទេសវៀតណាមបានព្រមព្រៀងគ្នាបង្កើតក្រុមការងារចម្រុះមួយ ដើម្បីសើុបអង្កេតដំណើរទៅពិនិត្យព្រំដែនដែលដឹកនាំដោយគណបក្សសង្គ្រោះជាតិទៅកាន់បង្គោលព្រំដែនមានជម្លោះក្នុងខេត្តស្វាយរៀងកាលពីចុងខែមុន ជាកន្លែងដែលលោក រៀល ខេមរិន្ទ្រ តំណាងរាស្ត្រគណបក្សប្រឆាំងអះអាងថា រូបលោកបានទទួលរងការវាយដំពីសំណាក់ជនស៊ីវិលវៀតណាម ដែលគាំទ្រដោយទាហាន។
ការធ្វើដំណើរកាលពីថ្ងៃទី២៨ ខែមិថុនា មានបំណងដើម្បីសិក្សាបង្គោលព្រំដែនលេខ២០៣ក្នុងស្រុកកំពង់រោទិ៍ ប៉ុន្តែ បានកើតមានការវាយតប់គ្នា នៅពេលដែលពលរដ្ឋខ្មែររាប់រយនាក់ជួបនឹងក្រុមជនជាតិវៀតណាមក្នុងតំបន់នោះ ដែលមិនទាន់បោះបង្គោលកំណត់ព្រំដែនពេញលេញនៅឡើយ។
រដ្ឋាភិបាលក្រុងហាណូយ បានអះអាងថា ពលរដ្ឋ និងក្រុមសន្តិសុខរបស់ខ្លួនបានទទួលរងការវាយដំ ដោយមានមនុស្សប្រាំពីរនាក់បានរងរបួស បន្ទាប់ពីពួកគេបានព្យាយាមឃាត់ពលរដ្ឋខ្មែរមិនឲ្យឆ្លងចូលទឹកដីវៀតណាម។
សេចក្តីប្រកាសព័ត៌មានពីក្រសួងការបរទេសចេញថ្ងៃព្រហស្បតិ៍ និយាយថា "រាជរដ្ឋាភិបាលកម្ពុជាបានឯកភាពបង្កើតក្រុមការងារចម្រុះដែលមានភារកិច្ចក្នុងការបន្តពិនិត្យ និងបំភ្លឺពីឧប្បត្តិហេតុដែលបានកើតឡើង...តាមការស្នើសុំ"។
ទាក់ទងកាលពីថ្ងៃសុក្រ លោក ជុំ សុន្ទរី អ្នកនាំពាក្យក្រសួងការបរទេសមិនអាចផ្តល់សេចក្តីពិស្ដារថា នរណានឹងចូលរួមក្នុងគណៈកម្មាធិការ ឬថា គណៈកម្មាធិការនេះមានសមាជិកប៉ុន្មាននាក់នោះទេ។
លោកបានមានប្រសាសន៍ថា "យើងទើបតែដំណើរការរៀបចំបង្កើតក្រុមការងារចម្រុះនេះដើម្បីបំភ្លឺឧប្បត្តិហេតុកាលពីថ្ងៃទី២៨ ខែមិថុនា នៅស្រុកំពង់រោទិ៍។ ខ្ញុំមិនដឹងសមាសភាពទេ"។
លោក ខេមរិន្ទ្រ បានមានប្រសាសន៍ថា រដ្ឋាភិបាលទាំងពីរគួរសើុបអង្កេតជម្លោះនេះដោយឯករាជ្យ ហើយបន្ទាប់មកប្រៀបធៀបលទ្ធផលដែលរកឃើញ។
លោកបានមានប្រសាសន៍ថា "ដោយសារតែរដ្ឋាភិបាលវៀតណាមតែងតែប្រើឥទ្ធិពលរបស់ខ្លួនលើរដ្ឋាភិបាលកម្ពុជានោះ លទ្ធផលរកឃើញនឹងមិនអាចទទួលយកបានទេ ប្រសិនបើឧប្បត្តិហេតុនេះត្រូវពិនិត្យដោយក្រុមការងារចម្រុះនៃប្រទេសទាំងពីរ"។
លោកបានមានប្រសាសន៍ថា "ដើម្បីបានលទ្ធផលរកឃើញត្រឹមត្រូវ ប្រទេសទាំងពីរត្រូវបង្កើតក្រុមការងារដោយឡែកពីគ្នា ហើយយកមកប្រៀបធៀបការរកឃើញនៃក្រុមការងារយួន ជាមួយនឹងការរកឃើញនៃក្រុមការងារខ្មែរ"។
លោក ខេមរិន្ទ្រ ក៏បានមានប្រសាសន៍ដែរថា គណបក្សសង្គ្រោះជាតិគួរមានតួនាទីក្នុងការស៊ើុបអង្កេតនេះដែរ។ ក្នុងពេលប៉ុន្មានសប្តាហ៍ថ្មីៗនេះ រដ្ឋាភិបាលគណបក្សប្រជាជនកម្ពុជាបានផ្ញើកំណត់ទូតចំនួនបីទៅរដ្ឋាភិបាលក្រុងហាណូយ ដោយទាមទារឲ្យបញ្ឈប់ការលុកលុយចូលប្រទេសកម្ពុជា ក្នុងនោះមានទាំងការជីកស្រះទឹក ការសាងសង់ប៉ុស្តិ៍យោធា និងការធ្វើផ្លូវនៅតាមព្រំដែនមានជម្លោះជាដើម។
លោកនាយករដ្ឋមន្ត្រី ហ៊ុន សែន ក៏បានជួបជាមួយសមាជិកនៃការិយាល័យនយោបាយមជ្ឈិមបក្សរបស់វៀតណាមនៅខែមុន និងបានស្នើឲ្យមាន "ភាពស្ងៀមស្ងាត់" អំឡុងដំណើរចុះពិនិត្យដែលដឹកនាំដោយគណបក្សសង្គ្រោះជាតិនៅក្នុងតំបន់មានជម្លោះតាមបណ្តោយព្រំដែន។
ទាក់ទងកាលពីថ្ងៃសុក្រ លោក កែម ឡី អ្នកវិភាគនយោបាយ និងជាស្ថាបនិកនៃក្រុមតស៊ូមតិនយោបាយខ្មែរដើម្បីខ្មែរ បានមានប្រសាសន៍ថា រដ្ឋាភិបាលទាំងពីរនឹងពិបាកដោះស្រាយជម្លោះព្រំដែននេះដោយខ្លួនឯង។
លោកបានមានប្រសាសន៍ថា "គេមិនអាចបន្តព្យាយាមដោះស្រាយបញ្ហាទាំងនេះម្តងមួយៗបានទេ។ ដើម្បីបញ្ចប់ជម្លោះព្រំដែននេះ ចាំបាច់ត្រូវមានយន្តការថ្នាក់តំបន់ ឬអន្តរជាតិ តុលាការអន្តរជាតិ ដូចករណីប្រាសាទព្រះវិហារអ៊ីចឹង"។
លោកបានមានប្រសាសន៍ថា ការសើុបអង្កេតដោយក្រុមការងារចម្រុះថ្មីនេះមិនទំនងជានឹងបានលទ្ធផលអព្យាក្រឹត្យទេ ដោយសារតែទំនាក់ទំនងជាប្រវត្តិសាស្ត្ររវាងរដ្ឋាភិបាលទាំងពីរ។
លោកបានមានប្រសាសន៍ទៀតថា "រដ្ឋាភិបាលបច្ចុប្បន្ន បានកើតឡើងក្នុងឆ្នាំ១៩៨០ ដោយសាររដ្ឋាភិបាលក្រុងហាណូយ ហើយមនុស្សដដែលទាំងអស់ហ្នឹងកំពុងធ្វើការក្នុងរដ្ឋាភិបាលនេះនៅឡើយ។ នៅពេលពួកគេបង្កើតក្រុមការងារមួយដូចនេះ វាអាចបិទបាំងបញ្ហា មិនមែនដោះស្រាយបញ្ហាទេ"៕មានិត
វាលពិឃាដរបស់វេជ្ជបណ្ឌិត ង៉ោ
ខ្សែភាពយន្តថ្មីរៀបរាប់អំពីឆាកជីវិតនិងមរណភាពនៃអ្នករស់រានមានជីវិតពីរបបខ្មែរក្រហមនិងជ័យលាភីរង្វាន់អូស្កា លោក ហាំង ង៉ោ
នៅថ្ងៃទី២៨ ខែកុម្ភៈ ឆ្នាំ១៩៩៦ លោក ហាំង ង៉ោ អ្នករស់រានមានជីវិតពីរបបខ្មែរក្រហម ដែលមានកេរ្តិ៍ឈ្មោះបោះសំឡេងនៅក្នុងតួសម្តែងទទួលបានជ័យលាភីអូស្កានៅក្នុងរឿងដែលមានចំណងជើងថា "វាលពិឃាដ" ត្រូវបានគេបាញ់ស្លាប់នៅខាងក្រោយគេហដ្ឋានរបស់លោកក្នុងក្រុងឡូស អានហ្ជេលឡិស។ ពីរឆ្នាំក្រោយមក សមាជិកបីនាក់នៃក្រុមជើងកាង"អូរៀនថល ឡេហ្ស៊ី ប៊យហ្ស៍" ត្រូវបានរកឃើញថាមានទោសពីបទសម្លាប់លោកវេជ្ជបណ្ឌិតដែលក្លាយជាតួកុនក្នុងពេលមានអំពើប្លន់មួយមិនបានសម្រេច។
រដ្ឋាភិបាលបដិសេធថាខ្លួនមិនបានប្រើផែនទីខុសទេ
លោក វ៉ា គឹមហុង ប្រធានគណៈកម្មាធិការព្រំដែនរួមកម្ពុជា-វៀតណាម បានរៀបចំសន្និសីទកាសែតមួយកាលពីម្សិលមិញដើម្បីឆ្លើយតបទៅនឹងការអះអាងរបស់គណបក្សប្រឆាំងដែលលើកឡើងថា លោកមិនបញ្ចេញផែនទីរបស់រដ្ឋាភិបាលដែលបង្ហាញពីព្រំដែនកម្ពុជា-វៀតណាម ដោយសារតែផែនទីទាំងនោះគូរដោយវៀតណាម នៅក្នុងទសវត្សរ៍ឆ្នាំ១៩៨០។
ក្នុងរយៈពេលជាង១ខែមកនេះ លោក...
ក្រុមមន្ត្រីបានឲ្យដឹងកាលពីម្សិលមិញថា កាលពីថ្ងៃពុធ មន្ត្រីរដ្ឋាបាលព្រៃឈើក្នុងខេត្តឧត្តរមានជ័យបានរកឃើញរោងអារឈើ និងឈើប្រណិតរាប់ពាន់ដុំនៅក្នុងតំបន់ព្រៃដាច់ស្រយាល ដែលមានតែទាហាននៅទីនោះ។ យោងតាមលោក ម៉ៅ សំណាង នាយប៉ុស្តិ៍...
កាលពីថ្ងៃអង្គារ សាលាដំបូងខេត្តកោះកុងបានលើកលែងការចោទប្រកាន់ស្ត្រីម្នាក់ពីបទសម្លាប់គោចំនួនពីរក្បាលដែលជារបស់លោក ហេង ហ៊ុយ ម្ចាស់ចម្ការដែលមានវិវាទដីធ្លីរយៈពេលមួយឆ្នាំមកហើយជាមួយអ្នកភូមិមូលដ្ឋាន ដែលចោទប្រកាន់លោកពីបទទន្ទ្រានយកដីស្រែរបស់ពួកគាត់។
លោក ហេង ហ៊ុយ ដែលក្រុមហ៊ុនរបស់លោកទទួលបានដីសម្បទានទំហំ៧៧៩ហិកតាសម្រាប់ដាំអំពៅនៅក្នុងស្រុកស្រែអំបិលបានប្តឹងស្ត្រីម្នាក់ឈ្មោះ...
លោក ឈាង វុន តំណាងរាស្ត្រគណបក្សប្រជាជនកម្ពុជាបានផ្ញើលិខិតមួយច្បាប់ជូនលោក ហេង សំរិន ប្រធានរដ្ឋសភាកាលពីម្សិលមិញ ដើម្បីប្តឹងថា លោក...
បេក្ខជនបន្លំខ្លួនស៊ីឈ្នួលប្រឡងតេស្តសមត្ថភាពភាសាកូរ៉េ ប្រឈមការជាប់ពន្ធនាគារ៦ខែ
នគរបាលមួយរូបបានលើកឡើងកាលពីម្សិលមិញថា មនុស្សចំនួន១៧នាក់ដែលត្រូវបានចាប់ខ្លួននៅក្នុងរាជធានីភ្នំពេញកាលពីចុងសប្ដាហ៍កន្លងទៅនេះ អំឡុងពេលប្រឡងតេស្តសមត្ថភាពភាសាកូរ៉េ អាចនឹងប្រឈមការជាប់ពន្ធនាគាររយៈពេល៦ខែ បន្ទាប់ពីត្រូវបានចោទប្រកាន់ពីបទបន្លំខ្លួនជាបេក្ខជនប្រឡងដែលសង្ឃឹមចង់ទៅធ្វើការនៅប្រទេសកូរ៉េខាងត្បូង។
បេក្ខជនប្រឡងទាំងនេះត្រូវបានចាប់ខ្លួនកាលពីថ្ងៃសៅរ៍ និងថ្ងៃអាទិត្យ ខណៈកំពុងប្រឡងតេស្តសមត្ថភាពភាសាកូរ៉េ (Topik) ប្រចាំឆ្នាំ...
មន្ត្រីកងយោធពលខេមរភូមិន្ទជាន់ខ្ពស់មិនដឹងពីការប្រឈមមុខដាក់គ្នាក្នុងជួរទាហាន
ពីរថ្ងៃបន្ទាប់ពីមេបញ្ជាការយោធាវរៈម្នាក់ក្នុងខេត្តមណ្ឌលគិរីបានចោទប្រកាន់ទាហានមកពីខេត្តក្រចេះពីបទយកកាំភ្លើងភ្ជង់កូនចៅរបស់ខ្លួន ដើម្បីរំដោះអ្នកកាប់ឈើខុសច្បាប់មួយក្រុមមកពីប្រទេសវៀតណាមនោះ ក្រុមមន្ត្រីជាន់ខ្ពស់ពីររូបក្នុងចំណោមមន្ត្រីជាន់ខ្ពស់ជាច្រើនក្នុងជួរទាហាន កាលពីម្សិលមិញបានលើកឡើងថា ពួកគាត់មិនដឹងពីហេតុការណ៍នោះទេ ចំណែកមេបញ្ជាការកងទ័ពខេត្តក្រចះបានកែប្រែការលើកឡើងរបស់លោកពីហេតុការណ៍នោះ។
យោងតាមលោក ថន ម៉េងស្រា៊ មេបញ្ជាការយោធាវរៈ១...
មេដឹកនាំខ្មែរក្រហមចាប់ផ្តើមប្តឹងឧទ្ធរណ៍ប្រឆាំងសាលក្រមទោសកំហុស
សវនាការបណ្ដឹងឧទ្ធរណ៍បានចាប់ផ្ដើមកាលពីម្សិលមិញនៅក្នុងសំណុំរឿងទី១របស់សាលាក្ដីខ្មែរក្រហមប្រឆាំងមេដឹកនាំរបបជាន់ខ្ពស់ គឺ នួន ជា និង ខៀវ សំផន ដែលបានព្យាយាមច្រានចោលការផ្តន្ទាទោសពួកគាត់ទាំងពីរឲ្យជាប់ពន្ធនាគារអស់មួយជីវិតពីបទឧក្រិដ្ឋប្រឆាំងមនុស្សជាតិ។
“បងធំទី២" នួន...