CATEGORY
ព័ត៌មានជាតិ
គណបក្សសង្គ្រោះជាតិជំរុញរដ្ឋាភិបាលឲ្យមានសាមគ្គីភាពប្រឆាំងវៀតណាម
ដោយកើតចេញពីដំណែលនៃសាធារណរដ្ឋប្រជាមានិតកម្ពុជាដែលវៀតណាមគាំទ្រនាទសវត្សរ៍ឆ្នាំ១៩៨០ គណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន បានទទួលរងការចោទប្រកាន់យូរមកហើយពីសំណាក់ក្រុមប្រឆាំងថាបម្រើចៅហ្វាយនាយចាស់របស់ខ្លួន។
ការរិះគន់មួយក្នុងចំណោមការរិះគន់ឥតឈប់ឈរបំផុតលើគណបក្សកាន់អំណាចនេះជាច្រើនឆ្នាំ មេដឹកនាំបក្សប្រឆាំង លោក សម រង្ស៊ី...
សមាជិកសភាប៉ះទង្គិចពាក្យសម្តីគ្នាក្នុងរដ្ឋសភាជុំវិញសិទ្ធិក្នុងការនិយាយស្តី
លោក ឈាង វុន សមាជិកសភាគណបក្សប្រជាជនកម្ពុជា និងលោក អ៊ុំ សំអាន សមាជិកសភាគណបក្សសង្គ្រោះជាតិបានប៉ះទង្គិចពាក្យសម្តីគ្នាបន្ទាប់ពីកិច្ចប្រជុំនៅរដ្ឋសភាកាលពីម្សិលមិញ ដោយលោក...
លោក ម៉ម សូណង់ដូ ទទួលបានការយល់ព្រមឲ្យដាក់ពាក្យសុំបង្កើតគណបក្សនយោបាយ
យោងតាមបុគ្គលិកម្នាក់បានឲ្យដឹងថា ផែនការរបស់លោក ម៉ម សូណង់ដូ ម្ចាស់ស្ថានីយវិទ្យុដ៏ពេញនិយម និងជាអ្នករិះគន់រដ្ឋាភិបាលម្នាក់ ក្នុងការបង្កើតគណបក្សនយោបាយនោះជិតបានសម្រេចហើយនៅសប្ដាហ៍នេះ នៅពេលក្រសួងមហាផ្ទៃបានផ្ដល់ភ្លើងខៀវដល់រូបលោកឲ្យដាក់ពាក្យសុំ។
លោក ហា៊ង...
លោក ហ៊ុន សែន ជំរុញឲ្យប្រជាពលរដ្ឋ និងនិវត្តន៍ជនចិញ្ចឹមត្រី
កាលពីម្សិលមិញ លោកនាយករដ្ឋមន្ត្រី ហ៊ុន សែន បានចូលរួមប្រារព្ធទិវាមច្ឆជាតិ ដោយជំរុញឲ្យជនរួមជាតិចិញ្ចឹមត្រីឲ្យបានកាន់តែច្រើនដើម្បីបំពេញបន្ថែមពីលើបរិមាណត្រីធម្មជាតិដែលកំពុងធ្លាក់ចុះ ហើយលោកថែមទាំងបានស្នើឲ្យម្ចាស់រណ្ដៅដីប្រែក្លាយរណ្ដៅទាំងនោះទៅជាកសិដ្ឋានចិញ្ចឹមត្រីទៀតផង។
លោកបានមានប្រសាសន៍ថា "បើយើងពឹងផ្អែកតែទៅលើផលត្រីដែលមាននៅតាមទន្លេសាប ទន្លេមេគង្គ...
កម្មកររាប់សិបនាក់បន្ថែមទៀតដួលសន្លប់នៅក្នុងរោងចក្រចំនួនបី
ក្រុមមន្ត្រីបានឲ្យដឹងថា កម្មករជាង៩០នាក់បានដួលសន្លប់នៅក្នុងរោងចក្រចំនួនបីដែលស្ថិតនៅក្នុងរាជធានីភ្នំពេញ ខេត្តតាកែវ និងខេត្តកណ្តាល កាលពីម្សិលមិញ ដោយធ្វើឲ្យតួលេខសរុបនៃកម្មករដែលដួលសន្លប់ក្នុងរយៈពេលបីថ្ងៃកន្លងមកនេះបានកើនឡើងដល់២៧៤នាក់។
យោងតាមលោក ឡាយ សុខា អភិបាលស្រុកបាទីបានឲ្យដឹងថា នៅម៉ោងប្រហែល២និង៣០នាទីរសៀល កម្មការិនីចំនួន៦៨នាក់នៅរោងចក្រកាត់ដេរ Vonammy ក្នុងស្រុកបាទី ខេត្តតាកែវ បានដួលសន្លប់ បន្ទាប់ពីឈប់សម្រាកពីការងារដើម្បីទទួលទានអាហារថ្ងៃត្រង់។
លោក សុខា បានមានប្រសាសន៍ថា "កម្មករបានចាប់ផ្ដើមក្អួតចង្អោរ និងដួលសន្លប់ម្តងម្នាក់ៗ។ យើងមិនដឹងថា តើការដួលសន្លប់នេះបណ្ដាលមកពីមូលហេតុអ្វីឡើយ ហើយយើងបានទុកឲ្យអ្នកជំនាញសើុបអង្កេត"។
លោក ជាវ ប៊ុនរិទ្ធ អ្នកនាំពាក្យបេឡាជាតិរបបសន្តិសុខសង្គមនៅក្រសួងការងារបានលើកឡើងថា កម្មករដែលដួលសន្លប់ទាំងនេះបានបរិភោគផ្អកកំពឹស។
លោកបានមានប្រសាសន៍ថា "ហេតុផលគឺថា កម្មករមួយចំនួនបាននាំគ្នាទិញផ្អកកំពឹសតូចៗមកបរិភោគសម្រាប់អាហារថ្ងៃត្រង់ ហើយមានអាការៈដូចជា ឈឺក្បាល និងវិលមុខ ដែលជាហេតុធ្វើឲ្យពួកគេដួលសន្លប់"។
នៅក្នុងករណីដាច់ដោយឡែកមួយទៀត កម្មករចំនួន១៩នាក់បានដួលសន្លប់នៅក្នុងរោងចក្រ Quint Major Industrial ដែលស្ថិតនៅក្នុងស្រុកអង្គស្នួល ខេត្តកណ្តាល នៅវេលាម៉ោង៩ព្រឹក ហើយវាជាថ្ងៃទី៣ហើយដែលកម្មករនៅក្នុងរោងចក្រនេះបានដួលសន្លប់នោះ។ កម្មការិនីសរុបចំនួន៨៩នាក់បានដួលសន្លប់នៅក្នុងរោងចក្រនេះកាលពីថ្ងៃច័ន្ទ និងថ្ងៃអង្គារ។
លោក សៀង សុគន្ធ មេដឹកនាំសហជីពនៅក្នុងរោងចក្រនេះបានលើកឡើងថា...
លោក សុខ អាន នឹងឆ្លើយតបចំពោះសំណើឲ្យលោកឆ្លើយបំភ្លឺនៅរដ្ឋសភាជាលាយលក្ខណ៍អក្សរ
អ្នកនាំពាក្យម្នាក់បានលើកឡើងកាលពីម្សិលមិញថា លោកឧបនាយករដ្ឋមន្ត្រី សុខ អាន នឹងឆ្លើយតបទៅនឹងការកោះអញ្ជើញឲ្យលោកបង្ហាញខ្លួននៅរដ្ឋសភានៅក្នុងលិខិតជាលាយលក្ខណ៍អក្សរវិញ ជាជាងបង្ហាញខ្លួនដោយផ្ទាល់ ដោយសមាជិកគណបក្សប្រឆាំងមួយរូបបានលើកឡើងថា ចំណាត់ការនេះអាចបណ្តាលឲ្យមានការចោទប្រកាន់លើលោក សុខ អាន ។
លោក សុន ឆ័យ ប្រធានក្រុមតំណាងរាស្ត្រគណបក្សសង្គ្រោះជាតិបានសរសេរលិខិតមួយច្បាប់កាលពីថ្ងៃសុក្រ ស្នើសុំឲ្យលោក សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីមកបង្ហាញខ្លួននៅរដ្ឋសភានៅថ្ងៃនេះ ដើម្បីឆ្លើយបំភ្លឺអំពីកិច្ចសន្យាទាក់ទងអាកាសយានដ្ឋានរបស់រដ្ឋាភិបាល និងសារាចរណែនាំទាក់ទងការសើុបអង្កេតពីអំពើពុករលួយ។
លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីបានអះអាងកាលពីម្សិលមិញថា
លិខិតនេះត្រូវបានអនុម័តយល់ព្រមដោយលោក ហេង សំរិន ប្រធានរដ្ឋសភា និងបានទទួលដោយខុទ្ទកាល័យរបស់លោក សុខ អាន ប៉ុន្តែ បានលើកឡើងថា លោក សុខ អាន ធ្វើដំណើរទៅក្រៅប្រទេស ហើយលោកនឹងឆ្លើយតបក្នុងលិខិតជាលាយលក្ខណ៍អក្សរ បន្ទាប់ពីលោកវិលត្រឡប់មកវិញ។
លោក ផៃ ស៊ីផាន បានមានប្រសាសន៍ថា "ខុទ្ទកាល័យលោកឧបនាយករដ្ឋមន្ត្រីបានប្រាប់ខ្ញុំថា ពួកគេបានទទួលលិខិតនេះហើយ ហើយបានឆ្លើយតបទៅអគ្គលេខាធិការដ្ឋានរដ្ឋសភារួចហើយ ដែលការឆ្លើយតបនោះនឹងត្រូវបានធ្វើនៅក្នុងលិខិតជាលាយលក្ខណ៍អក្សរ"។
លោកបានបន្ថែមថា "យោងតាមច្បាប់ សមាជិករដ្ឋាភិបាលអាចឆ្លើយតបទៅនឹងកង្វល់របស់សមាជិកសភាតាមរយៈការឆ្លើយដោយផ្ទាល់មាត់ ឬដោយលិខិតជាលាយលក្ខណ៍អក្សរបាន"។
ទោះជាយ៉ាងណា លោក សុន ឆ័យ បានមានប្រសាសន៍ថា លោកនឹងមិនទទួលយកការឆ្លើយតបក្នុងលិខិតជាលាយលក្ខណ៍អក្សរពីលោក សុខ អាន ទេ។
លោកបានមានប្រសាសន៍ថា "គេមិនអាចធ្វើដូចនោះបានទេ នោះមិនមែនជាអ្វីដែលខ្លឹមសារលិខិតស្នើសុំឡើយ។ លិខិតនោះស្នើសុំឲ្យលោកឆ្លើយបំភ្លឺនៅរដ្ឋសភាដោយផ្ទាល់មាត់ ហើយសំណួរទាំងអស់មិនត្រូវបានកំណត់នោះទេ"។
លោកបានបន្ថែមថា "ប្រសិនបើគាត់បដិសេធនោះ ហើយគាត់សម្រេចដោយគ្មានការយល់ព្រមពីខ្ញុំក្នុងការឆ្លើយតបជាលាយលក្ខណ៍អក្សរទេនោះ ខ្ញុំនឹងមិនទទួលយកឡើយ។ ហើយបើទោះជាយើងមិនមាននីតិវិធីច្បាស់លាស់ថា ត្រូវធ្វើអ្វីទាក់ទងរឿងនេះក៏ដោយ ក៏ខ្ញុំគិតថា វាអាចបណ្តាលឲ្យយើងស្នើសុំឲ្យមានការចោទប្រកាន់"។
លោក សុន ឆ័យ បានមានប្រសាសន៍ថា គណបក្សសង្គ្រោះជាតិនឹងបោះឆ្នោតជំទាស់លោក សុខ អាន ដោយសមាជិកសភា៣០រូបក្នុងចំណោមសមាជិកសភារបស់ខ្លួនទាំង៥៥រូប ហើយថា លោកជឿថា សមាជិកសភាគណបក្សប្រជាជនមួយចំនួនប្រហែលជាចូលរួមបោះឆ្នោតចោទប្រកាន់លោក សុខ អាន ដែរ។
លោកបានមានប្រសាសន៍ថា "យើងអាចទទួលឈ្នះក្នុងរឿងនេះ ប្រសិនបើគណបក្សប្រជាជនកម្ពុជាសម្រេចថា លោក សុខ អាន មិនមែនជារដ្ឋមន្ត្រីល្អមួយរូប ហើយចាំបាច់ត្រូវដាក់ទោសទណ្ឌនោះ"។
លិខិតដំបូងរបស់លោកសុន ឆ័យ ផ្ញើជូនលោក សុខ អាន លើកឡើងពីកង្វះតម្លាភាពជុំវិញកិច្ចសន្យារបស់រដ្ឋាភិបាលជាមួយក្រុមហ៊ុន Vinci...
ទាហានខេត្តក្រចេះភ្ជង់កាំភ្លើងដាក់ទាហានខេត្តមណ្ឌលគិរី ដើម្បីរំដោះជនជាតិវៀតណាម
មន្ត្រីយោធាមួយរូបបានឲ្យដឹងកាលពីម្សិលមិញថា ទាហានកងយោធពលខេមរភូមិន្ទមួយក្រុមបានភ្ជង់កាណុងកាំភ្លើងដាក់ទាហានដូចគ្នាកាលពីយប់ថ្ងៃអង្គារ ដោយក្រុមទាហានមកពីខេត្តក្រចេះបានឡោមព័ទ្ធក្រុមទាហានមកពីខេត្តមណ្ឌលគិរី ដើម្បីរំដោះបុរសវៀតណាមមួយក្រុម ដែលត្រូវបានឃាត់ខ្លួនតាមការសង្ស័យពីបទកាប់ឈើខុសច្បាប់។
ខណៈពេលទាហានមកពីវរៈ១ ក្នុងខេត្តមណ្ឌលគិរីកំពុងរង់ចាំអ្នកបកប្រែភាសានៅលើចិញ្ចើមផ្លូវ បន្ទាប់ពីចាប់ខ្លួនបុរសវៀតណាមបួននាក់នៅក្នុងស្រុកកែវសីមាខេត្តនេះ ស្រាប់តែទាហានមកពីខេត្តក្រចេះបានបង្ហាញមុខ ហើយឡោមព័ទ្ធពួកគេតែម្ដង...
យោងតាមរបាយការណ៍ថ្មីរបស់អង្គការសហប្រជាជាតិបានឲ្យដឹងថា អត្រាបន្ទោរបង់ពាសវាលពាសកាលនៅកម្ពុជាបានថយចុះ៤២ភាគរយចាប់តាំងពីឆ្នាំ១៩៩០មក ប៉ុន្តែ ការទទួលបានអនាម័យដ៏ប្រសើររបស់អ្នកក្រីក្ររស់នៅក្នុងតំបន់ក្រុងនៅតែមានកម្រិតនៅឡើយ។
របាយការណ៍មានចំណងជើងថា "ការរីកចម្រើនផ្នែកអនាម័យ និងទឹកស្អាត" ដែលចេញដោយអង្គការ Unicef និងអង្គការសុខភាពពិភពលោកកាលពីម្សិលមិញ បានដាក់ចំណាត់ថ្នាក់ប្រទេសកម្ពុជាក្នុងលំដាប់ទី៣នៅក្នុងបញ្ជីនៃប្រទេសដែលបានកាត់បន្ថយអត្រាបន្ទោរបង់ពាសវាលពាសកាលយ៉ាងតិច២៥ភាគរយ។
យោងតាមរបាយការណ៍នេះបានឲ្យដឹងទៀតថា អត្រាបន្ទោរបង់ពាសវាលពាសកាលនៅកម្ពុជាក្នុងពេលបច្ចុប្បន្ន គឺបានថយចុះមកនៅត្រឹម៤៧ភាគរយ ពោលគឺបានថយចុះពី៨៩ភាគរយក្នុងរយៈពេល១៥ឆ្នាំកន្លងមកនេះ ។ ហើយអត្រាបន្ទោរបង់ពាសវាលពាសកាលក្នុងតំបន់ក្រុងនៅកម្ពុជាបានថយចុះមកដល់សូន្យភាគរយក្នុងពេលបច្ចុប្បន្ន បើធៀបទៅនឹងឆ្នាំ១៩៩០ដែលមាន៦៥ភាគរយនោះ រីឯនៅតាមទីជនបទវិញឥឡូវនេះធ្លាក់មកនៅត្រឹម៦០ភាគរយពោលគឺបានថយចុះពី៩៤ភាគរយ។
ទោះបីជា មានការរីកចម្រើនបែបនេះក្តី តែរបាយការណ៍នេះបានបង្ហាញឲ្យឃើញពីគម្លាតយ៉ាងឆ្ងាយរវាងអ្នកមាន និងអ្នកក្រីក្រនៅកម្ពុជាដោយអ្នកក្រីក្រនៅតំបន់ក្រុងដែលទទួលអនាម័យដ៏ប្រសើរមានត្រឹមតែ៣៦ភាគរយប៉ុណ្ណោះនៅក្នុងឆ្នាំ២០១២ បើធៀបនឹងអ្នកមានទ្រព្យសម្បត្តិធូរធារវិញ គឺទទួលបាន១០០ភាគរយ។
យោងតាមរបាយការណ៍នេះបានឲ្យដឹងបន្តទៀតថា ប្រទេសជិតខាងកម្ពុជា គឺមានភាពប្រសើរជាងឆ្ងាយណាស់។ ប្រទេសថៃបានលប់បំបាត់ភាពមិនស្មើភាពគ្នាក្នុងការទទួលបានអនាម័យដ៏ប្រសើរនៅក្នុងតំបន់ក្រុងបានទាំងស្រុង រីឯនៅក្នុងប្រទេសវៀតណាម និងប្រទេសឡាវវិញ អ្នកក្រីក្រនៅក្នុងតំបន់ក្រុងដែលទទួលបានអនាម័យដ៏ល្អប្រសើរគឺមាន៦៣ភាគរយ និង៥៦ភាគរយ៕ស៊ុយឈាង
កាលពីម្សិលមិញ ប្រធាននាយកដ្ឋានអន្តោប្រវេសន៍នៃក្រសួងមហាផ្ទៃបានអំពាវនាវឲ្យអភិបាលនិងស្នងការនគរបាលខេត្តជួយគ្រប់គ្រងជនអន្តោប្រវេសន៍ខុសច្បាប់ ខណៈចំនួននៃជនអន្តោប្រវេសន៍ជនជាតិវៀតណាមបានកើនឡើងទ្វេដងក្នុងរយៈពេលប្រាំឆ្នាំកន្លងមកនេះ។
ពេលថ្លែងនៅឯកិច្ចប្រជុំពាក់ព័ន្ធនឹងបញ្ហាអន្តោប្រវេសន៍នៅក្រសួងមហាផ្ទៃ លោក សុខ ផល អគ្គនាយកនៃអគ្គនាយកដ្ឋានអន្តោប្រវេសន៍បានលើកឡើងថា ចំនួននៃជនអន្តោប្រវេសន៍ជនជាតិវៀតណាមនៅកម្ពុជាបានកើនឡើងគួរឲ្យកត់សម្គាល់ចាប់តាំងពីឆ្នាំ២០០៩មក។
ឧត្តមសេនីយ៍ សុខ ផល បានមានប្រសាសន៍ថា "ជំរឿនលើជនជាតិវៀតណាមចាប់ពីឆ្នាំ២០០២រហូតដល់ឆ្នាំ២០០៩បានរកឃើញថា មាន ជនជាតិវៀតណាមចំនួន៧០.០០០នាក់ រស់នៅកម្ពុជា។ ចាប់ពីឆ្នាំ២០១០ដល់ឆ្នាំ២០១៤បានរកឃើញជាង១៦០.០០០នាក់"។
ឧត្តមសេនីយ៍ សុខ ផល បានលើកឡើងទៀតថា កាលពីឆ្នាំ២០១៤ នាយកដ្ឋានអន្តោប្រវេសន៍ដែលត្រូវបានបង្កើតឡើងកាលពីខែមករាឆ្នាំមុន បន្ទាប់ពីត្រូវបានកាត់ចេញពីនគរបាលជាតិបានរកឃើញជនជាតិវៀតណាមចំនួន១.៨០០នាក់ដែលគ្មានឯកសារត្រឹមត្រូវ។
លោកបានបន្ថែមថា នៅក្នុងឆ្នាំដដែលនោះនាយកដ្ឋាននេះបាននិរទេសជនអន្តោប្រវេសន៍ខុសច្បាប់ចំនួន១.៥០០នាក់ដែលភាគច្រើនជាជនជាតិវៀតណាម ហើយមានជនអន្តោប្រវេសន៍បន្ថែមទៀតត្រូវបាននិរទេសនៅក្នុងឆ្នាំនេះ។
លោកបានមានប្រសាសន៍ថា "នៅក្នុងរយៈពេលប្រាំមួយខែដំបូងក្នុងឆ្នាំ២០១៥ យើងបាននិរទេសជនអន្តោប្រវេសន៍ខុសច្បាប់ចំនួន១.២០០នាក់ក្នុងនោះ៩៨ភាគរយជាជនជាតិវៀតណាម"។
អំឡុងកិច្ចប្រជុំនៅឯក្រសួងមហាផ្ទៃ ឧត្តមសេនីយ៍ សុខ ផល បានលើកឡើងថា នាយកដ្ឋានរបស់លោកត្រូវការជំនួយក្នុងការគ្រប់គ្រងជនអន្តោប្រវេសន៍ខុសច្បាប់ជាពិសេសជនជាតិវៀតណាម។
លោកបានមានប្រសាសន៍ថា "សូម អភិបាលនិងស្នងការនគរបាលខេត្តទាំងអស់នៅទូទាំងប្រទេសជួយត្រួតពិនិត្យជនអន្តោប្រវេសន៍ដែលធ្វើការនៅក្នុងប្រទេស ទាំងស្របច្បាប់ និងខុសច្បាប់។ យើងចង់ធានាឲ្យបាននូវច្បាប់អន្តោប្រវេសន៍នៅក្នុងប្រទេសរបស់យើង"។
ឧត្តមសេនីយ៍ សុខ ផល បានបន្ថែមទៀតថា...
អង្គភាពប្រឆាំងអំពើពុករលួយចាប់ខ្លួនមេឃុំគណបក្សប្រជាជនកម្ពុជា
មេឃុំគណបក្សប្រជាជនកម្ពុជាមួយរូបក្នុងស្រុកស្រែអំបិល ខេត្តកោះកុង ត្រូវបានចាប់ខ្លួនដោយអង្គភាពប្រឆាំងអំពុករលួយ (ACU)របស់រដ្ឋាភិបាលកាលពីថ្ងៃសៅរ៍ ដោយមន្ត្រីម្នាក់បានលើកឡើងកាលពីម្សិលមិញថា លោកបានទាមទារប្រាក់កម្រៃខ្ពស់ក្នុងការចុះហត្ថលេខាលើឯកសារលក់ដី។
យោងតាមលោក ម៉ាន់ មិន ជំទប់ឃុំបានឲ្យដឹងថា...