CATEGORY
ព័ត៌មានជាតិ
ក្រុមមន្ត្រីមកពីគណបក្សប្រជាជនកម្ពុជា និងគណបក្សសង្គ្រោះជាតិបានជួបប្រជុំគ្នាកាលពីម្សិលមិញនៅរដ្ឋសភា ដើម្បីពិភាក្សាពីការកែប្រែច្បាប់បោះឆ្នោតក្រុមប្រឹក្សាឃុំ-សង្កាត់នៅមុនការបោះឆ្នោតលើកក្រោយក្នុងខែកុម្ភៈ ឆ្នាំ២០១៧។
ការបោះឆ្នោតសម្រាប់ឃុំ-សង្កាត់ចំនួន១.៦១២ក្នុងប្រទេស ដែលចុងក្រោយបានធ្វើឡើងកាលពីខែមិថុនា ឆ្នាំ២០១២ ដែលនៅពេលនោះ គណបក្សប្រជាជនកម្ពុជាទទួលបាន៧២,៤ភាគរយក្នុងចំណោមអាសនៈក្រុមប្រឹក្សាឃុំ-សង្កាត់ទាំងអស់។ សមាជិកក្រុមប្រឹក្សាឃុំ-សង្កាត់គ្រប់គ្រងកិច្ចការក្នុងឃុំ-សង្កាត់...
បន្ទាប់ពីមេខ្លោងមួួយរូបក្នុងចំណោមមេខ្លោងនៃក្រុមជួញដូរគ្រឿងញៀនអន្តរជាតិដែលមានទឹកប្រាក់រាប់លានដុល្លារ និងដែលទើបតែត្រូវនគរបាលបង្ក្រាបក្នុងរយៈពេលថ្មីៗបានរួចផុតពីសំណាញ់របស់នគរបាលក្នុងខេត្តស្ទឹងត្រែងកាលពីម្សិលមិញ មន្ត្រីនគរបាលប្រឆាំងគ្រឿងញៀនមួួយរូបបានលើកឡើងថា ខ្លួនសង្ស័យថា ការលេចធ្លាយព័ត៌មានបានជួយឲ្យមេខ្លោងរូបេនះអាចរត់គេចខ្លួនរួច។
លោក ម៉ក់ ជីតូ អគ្គស្នងការរងនគរបាលជាតិបានលើកឡើងថា នគរបាលបានឡោមព័ទ្ធផ្ទះរបស់អ្នកជំនួញម្នាក់ ឈ្មោះ ដាំ ញ៉ា អាយុ៥២ឆ្នាំ នៅក្នុងសង្កាត់ស្ទឹងត្រែង ក្រុងស្ទឹងត្រែង ប៉ុន្តែ ថា អ្នកជំនួញរូបនេះបានរត់គេចខ្លួនបាត់មុនពេលនគរបាលអាចចាប់ខ្លួនបាន។
ឧត្តមសេនីយ៍ឯក ម៉ក់ ជីតូ បានមានប្រសាសន៍ថា "យើងបានចូលឆែកឆេរហាងលក់ទំនិញ ហាងខារ៉ាអូខេ និងផ្ទះចំនួនពីររបស់ជនសង្ស័យ។ យើងមិនរកឃើញថ្នាំញៀនណាមួយឡើយ"។
ឧត្តមសេនីយ៍ឯករូបនេះបានលើកឡើងទៀតថា សាលាដំបូងរាជធានីភ្នំពេញចង់ចាប់ខ្លួនលោក ដាំ ញ៉ា ដើម្បីនាំយកមកសាកសួរជុំវិញការរឹបអូសបានថ្នាំញៀនមេតំហ្វេតាមីនដែលមានទឹកប្រាក់ប្រហែល៣លានដុល្លារកាលពីថ្ងៃទី១៨ និង១៩ ខែមិថុនា ក្នុងរាជធានីភ្នំពេញ។
លោក មាស វីរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀនបានលើកឡើងថា លោកជឿជាក់ថា លោក ដាំ ញ៉ា គឺជាមនុស្សម្នាក់ក្នុងចំណោមមនុស្សពីរនាក់ដែលដឹកនាំក្រុមជួញដូរគ្រឿងញៀន។
លោកបានមានប្រសាសន៍ថា " ព័ត៌មានរបស់យើង ជននេះគឺជាមេខ្លោងមួយរូបក្នុងចំណោមមេខ្លោងនៃក្រុមជួញដូរគ្រឿងញៀន"។
ឧត្តមសេនីយ៍ឯក មាស វីរិទ្ធ បានបន្ថែមថា នគរបាលបានឃ្លាំមើលលោក ដាំ ញ៉ា ហើយឃើញជននេះបើករថយន្តចូលផ្ទះរបស់ខ្លួនកាលពីម្សិលមិញ។
លោកបានមានប្រសាសន៍ថា "នគរបាលរបស់យើងនិយាយថា ជននេះនៅផ្ទះ ប៉ុន្តែ តាមពិតជននេះបានទៅផ្ទះហើយ បានរត់គេចខ្លួនភ្លាមៗ។ ខ្ញុំគិតថា ជននេះបានចាកចេញពីប្រទេសកម្ពុជាទៅកន្លែងមួយផ្សេងហើយ"។
ឧត្តមសេនីយ៍ឯក មាស វីរិទ្ធ បានឲ្យដឹងទៀតថា លោកជឿជាក់ថា ប្រាកដជាមាននរណាម្នាក់ជូនដំណឹងដល់លោក ដាំ ញ៉ា កាលពីម្សិលមិញ អំពីការឆ្មក់ចូលរបស់នគរបាល។
ដោយបដិសេធមិននិយាយថា តើព័ត៌មាននេះលេចធ្លាយពីណាមកនោះ លោកបានមានប្រសាសន៍ថា "ខ្ញុំគិតថា ប្រាកដជាមានការលេចធ្លាយព័ត៌មាន"។
យោងតាមលោក សុន និមល ប្រធានមន្ទីរនគរបាលប្រឆាំងគ្រឿងញៀនខេត្តស្ទឹងត្រែងបានឲ្យដឹងថា លោក ដាំ ញ៉ា គឺអ្នកជំនួញម្នាក់ដែលបើកភោជនីយដ្ឋាន និងលក់សម្ភារកសិកម្ម។
នៅពេលនគរបាលបានបង្ក្រាបក្រុមជួញដូរគ្រឿងញៀនក្នុងរាជធានីភ្នំពេញកាលពីដើមខែនេះ ពួកគេបានរកឃើញថ្នាំញៀនមេតំហ្វេតាមីនជិត៥៥គីឡូក្រាមជាប្រភេទថ្នាំញៀនដែលត្រូវបានរឹបអូសក្នុងចំនួនយ៉ាងច្រើនបំផុតមិនដែលធ្លាប់មានពីមុនមកនៅកម្ពុជា។ នគរបាលក៏បានចាប់ខ្លួនស្ត្រីជនជាតិខ្មែរម្នាក់ និងបុរសជនជាតិចិនពីរនាក់ផងដែរ។
បុរសទី៤ឈ្មោះ លីវ សឺុ អាយុ៥០ឆ្នាំដែលនគរបាលនិយាយថា គឺជាមេខ្លោងទី២នៅក្រោមបង្គាប់របស់លោក ដាំ ញ៉ា ធ្លាប់ត្រូវបានផ្តន្ទាទោសឲ្យជាប់ពន្ធនាគារក្នុងខេត្តស្ទឹងត្រែងរួចហើយក្រោមការចោទប្រកាន់ពីបទមានអាវុធ ហើយត្រូវបានបញ្ជូនមករាជធានីភ្នំពេញចាប់តាំងពីមានការបង្ក្រាបនេះរួចមក៕ស៊ុយឈាង
កាលពីម្សិលមិញ សាលារាជធានីភ្នំពេញបានធ្វើតាមអ្វីដែលខ្លួនបានលើកឡើងថា នឹងបញ្ឈប់ផែនការតវ៉ាមួយចំនួនប្រឆាំងនឹងសេចក្តីព្រាងច្បាប់ដែលមានបំណងគ្រប់គ្រងអង្គការមិនមែនរដ្ឋាភិបាលនៅកម្ពុជា ដោយដាក់ពង្រាយកងសន្តិសុខ និងនគរបាលរាប់រយនាក់នៅក្នុងរាជធានីភ្នំពេញដើម្បីបញ្ឈប់អ្នកតវ៉ា។
បុគ្គលិកអង្គការមិនមែនរដ្ឋាភិបាល សមាជិកសហជីព និងសកម្មជនរាប់រយនាក់នៅតែមានផែនការប្រមូលផ្តុំគ្នានៅរដ្ឋសភាដោយមានគោលដៅចេញពីទីតាំងចំនួនបួនដាច់ដោយឡែកពីគ្នាដើម្បីស្នើឲ្យសមាជិកសភាកុំអនុម័តសេចក្តីព្រាងច្បាប់នេះ ទោះបីជាមានការគំរាមពីសាលារាជធានីថា នឹងប្រើ "គ្រប់មធ្យោបាយ" ដើម្បីបញ្ឈប់ពួកគេក៏ដោយ។
សាលារាជធានីបានលើកឡើងថា រាល់ការហែក្បួនណាមួយនឹងត្រូវបានចាត់ទុកថា ខុសច្បាប់ ព្រោះអ្នករៀបចាំការហែក្បួនមិនបានសុំការអនុញ្ញាតឡើយ។ ហើយដោយធ្វើតាមអ្វីដែលខ្លួនបានលើកឡើង សាលារាជធានីបានដាក់ពង្រាយកងសន្តិសុខ និងនគរបាលប្រដាប់ដោយខែល និងដំបងរាប់រយនាក់នៅតាមទីតាំងដាច់ដោយឡែកទាំងបួនជាទីដែលអ្នកតវ៉ាបានប្រមូលផ្តុំគ្នាកាលពីព្រឹកម្សិលមិញ។
លោក ឡុង ឌីម៉ង់ អ្នកនាំពាក្យសាលារាជធានី បានមានប្រសាសន៍ថា "យើងបានព្យាយាមប្រាប់ពួកគេកុំឲ្យធ្វើការតវ៉ាដោយខុសច្បាប់ ព្រោះច្បាប់នេះកំពុងស្ថិតក្រោមការពិភាក្សា និងពិគ្រោះយោបល់នៅឡើយ ហេតុដូច្នេះពួកគេមិនគួរធ្វើការតវ៉ាទេ ព្រោះច្បាប់នេះនៅមិនទាន់ក្លាយជាច្បាប់នៅឡើយទេ"។
នៅឯស្ពានអាកាស៧មករាតាមបណ្តោយមហាវិថីកម្ពុជាក្រោម អ្នកតវ៉ាប្រហែល២០០នាក់ បានធ្វើដំណើរឆ្លងកាត់កងសន្តិសុខជួរមុខ ហើយអាចហែក្បួនបានប្រហែលមួយគីឡូម៉ែត្រឆ្ពោះទៅកណ្តាលរាជធានីភ្នំពេញ ប៉ុន្តែ ត្រូវបានរារាំងដោយរបាំងក្បួនម៉ូតូរបស់នគរបាល។ ហើយអ្នកតវ៉ាមួយចំនួនត្រូវបានគេរឹបអូសយកបដារបស់ខ្លួន។
លោក អ៊ុក ពេជ្រសំណាង អ្នកតវ៉ាម្នាក់ក្នុងចំណោមអ្នកតវ៉ាទាំងនេះបាននិយាយថា "ពួកទាំងនេះមិនមែនជាកងកម្លាំងខ្មែរទេ...សកម្មភាពរបស់ពួកគេដែលរារាំងការតវ៉ាដោយសន្តិវិធីរបស់យើងគឺមិនអាចទទួលយកបានឡើយ ព្រោះពួកគេរារាំងយើងមិនឲ្យសំដែងចេញពីក្តីព្រួយបារម្ភរបស់យើង"។ លោកបាននិយាយបន្ថែមថា "យើងគ្រាន់តែចង់សំដែងមតិយោបល់របស់យើងប្រឆាំងនឹងច្បាប់ស្តីពីអង្គការមិនមែនរដ្ឋាភិបាលប៉ុណ្ណោះ ព្រោះច្បាប់នេះនឹងរឹតបន្តឹងយ៉ាងខ្លាំងលើសិទ្ធិសេរីភាពរបស់មនុស្សជាតិ និងសកម្មជនការពារសិទ្ធិមនុស្ស"។
អ្នកនាង អ៊ូ ទេពផល្លីន អនុប្រធានសហព័ន្ធសហជីពកម្មករចំណីអាហារ និងសេវាកម្មកម្ពុជា បានលើកឡើងថា ប្រសិនបើសេចក្តីព្រាងច្បាប់នេះក្លាយជាច្បាប់មែននោះ អ៊ីចឹង"កម្ពុជានឹងលែងជាប្រទេសប្រជាធិបតេយ្យទៀតហើយ"។
លោក អំ សំអាត អ្នកគ្រប់គ្រងបច្ចេកទេសរបស់អង្គការសិទ្ធិមនុស្សលីកាដូបានលើកឡើងថា អាជ្ញាធរបានឃាត់ខ្លួនអ្នកតវ៉ាពីរនាក់ដែលកំពុងរៀបចំហែក្បួនចេញពីខណ្ឌមានជ័យ ហើយបាននាំពួកគេទៅអធិការដ្ឋាននគរបាលខណ្ឌ ប៉ុន្តែក្រោយមកបានដោះលែងពួកគេវិញ ។
ទោះបីជាត្រូវបានរារាំងមិនឲ្យហែក្បួនក៏ដោយ តែក្រោយមក អ្នកតវ៉ាប្រហែល២០០នាក់នេះបានប្រមូលផ្តុំគ្នាជាថ្មីនៅមុខរដ្ឋសភាអំឡុងពេលព្រឹកដដែល នៅពេលអាជ្ញាធរបានដកចេញរបាំងដែលគេដាក់ព័ទ្ធជុំវិញបរិវេណរដ្ឋសភា បន្ទាប់ពីសម័យប្រជុំពេញអង្គត្រូវបានបញ្ចប់។
ដោយមិនខ្លាចរអានឹងការបង្ក្រាបរបស់នគរបាល លោក អំ សំអាត បានលើកឡើងទៀតថា អ្នកតវ៉ាប្រឆាំងនឹងច្បាប់ស្តីពីអង្គការមិនមែនរដ្ឋាភិបាល នឹងបន្តការតវ៉ាប្រឆាំងនឹងច្បាប់នេះរហូតទាល់តែវាត្រូវបានដកចេញពីសភា ឬកែប្រែតាមការទាមទារ។
លោកបានមានប្រសាសន៍ថា "ប្រសិនបើច្បាប់នេះត្រូវបានអនុម័ត យើងនឹងបន្តតវ៉ាទៅមុខទៀតដូចភ្លៀងរលឹមអ៊ីចឹងរហូតទាល់តែវាត្រូវបានកែប្រែ ។ ប្រសិនបើវាមិនត្រូវបានកែប្រែទេនោះ រដ្ឋសភាមិនត្រូវអនុម័តច្បាប់នេះឡើយ ព្រោះវារំលោភសិទ្ធិមនុស្ស និងផ្ទុយពីរដ្ឋធម្មនុញ្ញ"។
ច្បាប់នេះនឹងតម្រូវឲ្យអង្គការមិនមែនរដ្ឋាភិបាល និងសមាគមទាំងអស់នៅក្នុងប្រទេសចុះបញ្ជីជាមួយរដ្ឋាភិបាលដើម្បីបន្តប្រតិបត្តិការ និងដាក់របាយការណ៍ប្រចាំឆ្នាំស្តីអំពីហិរញ្ញវត្ថុ និងសកម្មភាពរបស់ខ្លួនជូនរដ្ឋាភិបាល។ វាក៏នឹងផ្តល់ឲ្យប្រព័ន្ធតុលាការនូវសិទ្ធិអំណាចក្នុងការបិទអង្គការមិនមែនរដ្ឋាភិបាល និងសមាគមផងដែរ។ ហើយអ្នករិះគន់ខ្លាចក្រែងបទប្បញ្ញត្តិដ៏ទូលំទូលាយ និងមិនច្បាស់លាស់នៅក្នុងច្បាប់នេះនឹងផ្តល់ឲ្យរដ្ឋាភិបាលនូវអំណាចក្នុងការបំបិទសិទ្ធិរិះគន់។
សមាជិកសភាគ្រោងជួបជាមួយអង្គការមិនមែនរដ្ឋាភិបាលនៅរដ្ឋសភានៅថ្ងៃទី១០ ខែកក្កដា ដើម្បីពិភាក្សាអំពីសេចក្តីព្រាងច្បាប់នេះ៕ស៊ុយឈាង
ការរឹតត្បិតគោលនយោបាយស៊ើបការណ៍សម្ងាត់ រារាំងដល់ការការពារកុមារ
នៅពេលអង្គការប្រឆាំងការជួញដូរមនុស្សមួយបានរាយការណ៍កាលពីពេលថ្មីៗនេះថា ការជួញដូរផ្លូវភេទកុមារបានធ្លាក់ចុះ៧៣ភាគរយ មានអង្គការមួយទៀតបានលើកឡើងអំពីកន្លែងធ្វើអាជីវកម្មចំនួន១៥ ដែលបម្រើសេវាផ្លូវភេទអនីតិជនដល់ជនល្មើសផ្លូវភេទ មកធ្វើជាភ័ស្តុតាងបញ្ជាក់ថាស្ថានភាពពិតមិនមែនបែបនេះឡើយ។
នោះគឺកាលពី៣សប្ដាហ៍មុន។ ហើយយោងតាមអង្គការទី២បានឲ្យដឹងថា កន្លែងធ្វើអាជីវកម្មចំនួន១៣ក្នុងចំណោមនោះ នៅបើកទ្វាររកស៊ីនៅឡើយ។
១៣ឆ្នាំបន្ទាប់ពីនគរបាលប្រឆាំងការជួញដូរមនុស្ស និងការពារអនីតិជនត្រូវបានបង្កើតឡើងក្រោមក្រសួងមហាផ្ទៃ...
ប៉ូលិសទទួលបានរថយន្តបាញ់ទឹកប្រឆាំងបាតុកម្មចំនួនពីរគ្រឿង
ក្រុមមន្ត្រីបាននិយាយកាលពីថ្ងៃច័ន្ទថា នគរបាលជាតិបានទិញរថយន្តពាសដែកប្រឆាំងបាតុកម្មពីប្រទេសកូរ៉េខាងត្បូងចំនួនពីរគ្រឿង ដែលនឹងត្រូវប្រើប្រឆាំងអ្នកតវ៉ា និងក្នុងករណីមាន "ភេរវកម្ម"។
យោងតាមលោក គឹម ម៉េងហេង ប្រធាននាយកដ្ឋានលទ្ធកម្មសាធារណៈក្រសួងមហាផ្ទៃបានឲ្យដឹងថា រថយន្ត...
បន្ទាប់ពីការចែកប្រាក់ ក្រុម១៥៧បដិសេធការមានទំនាក់ទំនងនឹងគណបក្សប្រជាជន
តំណាងនៃក្រុមមួយដែលគេស្គាល់ថាជាចលនាយុវជនកម្ពុជា ក១៥៧ ដែលរាប់បញ្ចូលមន្ត្រីក្រសួងការពារជាតិក្នុងចំណោមថ្នាក់ដឹកនាំរបស់ខ្លួនដែរនោះ កាលពីថ្ងៃអាទិត្យបានចែកប្រាក់ឲ្យគ្រួសារជនជាតិភាគតិច ដែលរងការបណ្តេញចេញ ក្នុងតំបន់អារ៉ែង ខេត្តកោះកុង ក្នុងនាមលោក ហ៊ុន...
កាលពី ម្សិលមិញ សាលាដំបូងរាជធានីភ្នំពេញបានផ្ដន្ទាទោសបុរសម្នាក់ និងអ្នកសមគំនិតពីរនាក់ទៀតឲ្យជាប់ពន្ធនាគាររយៈពេល១០ឆ្នាំ និង៥ឆ្នាំបន្តបន្ទាប់គ្នាចំពោះការដាក់ថ្នាំសណ្ដំ ហើយចាប់រំលោភក្មេងស្រីអាយុ១៤ឆ្នាំម្នាក់កាលពីឆ្នាំមុន។
ចៅក្រម គឹម រ័ត្នណារិន បានប្រកាសកាលពីម្សិលមិញថា...
អ្នកយកព័ត៌មានមួយក្រុមប៉ះទង្គិចជាមួយបុរសម្នាក់ខណៈដែលពួកគេថតសកម្មភាពគ្រោះថ្នាក់ចរាចរណ៍
ក្រុមមន្ត្រី និងអ្នកកាសែតបានលើកឡើងកាលពីម្សិលមិញថា ជម្លោះមួយបានកើតឡើងរវាងអ្នកយកព័ត៌មានមួយក្រុម និងបុរសម្នាក់ដែលនគរបាលមិនបានបង្ហាញអត្តសញ្ញាណកាលពីយប់ថ្ងៃអាទិត្យ ខណៈដែលអ្នកយកព័ត៌មានមួយក្រុមនេះបានព្យាយាមថតសកម្មភាពគ្រោះថ្នាក់រថយន្តនៅកន្លែងកើតហេតុនៅជិតស្ពានអាកាស៧មករា ក្នុងរាជធានីភ្នំពេញ។
លោក តី សុវណ្ណារ៉េត អធិការរងនគរបាលខណ្ឌទួលគោកទទួលបន្ទុកចរាចរណ៍បានមានប្រសាសន៍ថា ជម្លោះនេះបានកើតឡើងនៅប្រហែលម៉ោង១០យប់ ខណៈមិត្តភក្តិម្នាក់របស់អ្នកបើកបរដែលបានចាកចេញពីកន្លែងកើតហេតុបាត់ បានព្យាយាមរារាំងអ្នកយកព័ត៌មានមិនឲ្យថតហេតុការណ៍នោះ។
លោក សុវណ្ណារ៉េត បានមានប្រសាសន៍ថា "មុនពេលគ្រោះថ្នាក់ រថយន្តមួយគ្រឿងបានបុករបាំងផ្លូវនៅជិតស្ពានអាកាស៧មករា បន្ទាប់មកបុរសម្នាក់ទៀតបានព្យាយាមមកដោះស្រាយបញ្ហាជំនួសមិត្តភក្តិរបស់ខ្លួនដែលបានបង្កគ្រោះថ្នាក់នោះ"។
លោកបានបន្ថែមថា លោកមិនស្គាល់ឈ្មោះអ្នកបើកបររូបនោះ ឬមិត្តភក្តិរបស់ជននោះឡើយ ហើយកំពុងសើុបអង្កេតការបង្កគ្រោះថ្នាក់ដំបូងនោះ។
លោកបានមានប្រសាសន៍ថា "ខ្ញុំឮថា...អ្នកយកព័ត៌មានមានកំហឹងនឹងបុរសម្នាក់ បន្ទាប់ពីគ្រោះថ្នាក់កើតឡើង ហើយបុរសរូបនោះបានទះកំផ្លៀងអ្នកយកព័ត៌មានរហូតដល់គាត់ជ្រុះម៉ាស៊ីនថត"។
នៅក្នុងរូបភាពវីដេអូដែលបានបង្ហោះក្នុងគេហទំព័រព័ត៌មានក្នុងស្រុក បុរសម្នាក់ពាក់អាវយឺតពណ៌ខ្មៅ និងស្លៀកខោប៉ារ៉ាប៉ះទង្គិចពាក្យសម្តីជាមួយអ្នកយកព័ត៌មានក្នុងការព្យាយាមរារាំងពួកគេមិនឲ្យថត។ បន្ទាប់មកជននេះបានទៅកាន់រថយន្តទំនើបពណ៌សរបស់ខ្លួនបើកចេញទៅ ហើយបានឈប់រថយន្តវិញចេញមក បន្ទាប់ពីអ្នកយកព័ត៌មានម្នាក់ក្នុងចំណោមអ្នកយកព័ត៌មានទាំងនោះបានបន្តថតរូបជននេះទៀត។
ពេលនោះ អ្នកយកព័ត៌មានមួយក្រុមបានដាល់ ទាត់ធាក់ និងយកមួកសុវត្ថិភាពវាយបុរសរូបនោះ។
លោក នូ ផាន់ណា អាយុ៤៣ឆ្នាំ ជាអ្នកយកព័ត៌មានឲ្យទូរទស្សន៍ ហង្សមាស ដែលបានចូលរួមក្នុងជម្លោះនោះបានមានប្រសាសន៍ថា ជម្លោះនេះបានកើតឡើងបន្ទាប់ពីបុរសម្នាក់ដែលលោកបានប្រាប់អត្តសញ្ញាណថា ជាម្ចាស់យានដ្ឋានមួយក្នុងខណ្ឌទួលគោកនោះ បានព្យាយាមរារាំងពួកគេមិនឲ្យបំពេញការងាររបស់ខ្លួន។
លោកបានមានប្រសាសន៍ថា "គាត់បានទះកំផ្លៀងខ្ញុំ និងធ្វើឲ្យជ្រុះម៉ាស៊ីនថត... បន្ទាប់មកបុរសរូបនោះបានព្យាយាមបើករថយន្តចេញទៅ ភ្លាមនោះអ្នកយកព័ត៌មានផ្សេងទៀតបានថតវីដេអូរថយន្តរបស់គាត់ជាថ្មីម្តងទៀត ហើយនៅពេលនោះបុរសរូបនោះបានចេញមក ហើយមនុស្សប្រហែលប្រាំនាក់បានវាយបុរសរូបនេះរហូតបែកឈាមតែម្តង"។
លោក ផាន់ណា បានមានប្រសាសន៍ថា ជម្លោះនោះត្រូវបានដោះស្រាយបន្ទាប់ពីបុរសរូបនេះយល់ព្រមផ្តល់សំណងដល់គាត់ចំពោះការធ្វើឲ្យបែកម៉ាស៊ីនថតរបស់គាត់។
លោកបានមានប្រសាសន៍ថា "ខ្ញុំបានសម្រេចទទួលយកប្រាក់៥០០ដុល្លារដើម្បីបញ្ចប់រឿង ពីព្រោះខ្ញុំមិនចង់ឲ្យមានបញ្ហាវែងឆ្ងាយទេ"៕សារុន
រោងចក្រលើកឡើងថា ខ្លួនមិនទទួលខុសត្រូវចំពោះការរងរបួសរបស់អ្នកតវ៉ាឡើយ
មេធាវីតំណាងរោងចក្រកាត់ដេរមួយក្នុងខណ្ឌពោធិ៍សែនជ័យ រាជធានីភ្នំពេញ កន្លែងដែលកម្មការិនីបួននាក់រងរបួសកាលពីសប្ដាហ៍មុន នៅពេលអ្នកបើកបររថយន្តធុនធំមួយគ្រឿងបានបុកចូលក្នុងក្រុមអ្នកតវ៉ានោះ បានមានប្រសាសន៍កាលពីម្សិលមិញថា រោងចក្រមិនទទួលខុសត្រូវឡើយ ពីព្រោះកម្មករបានរត់ទៅខាងមុខរថយន្តដែលកំពុងបើកបរក្នុងល្បឿនលឿនដោយខ្លួនឯង។
កាលពីថ្ងៃព្រហស្បតិ៍ កម្មកររោងចក្រកាត់ដេរប្រហែល១០០នាក់ដែលធ្វើការតវ៉ាបានបិទច្រកចេញរោងចក្រកាត់ដេរ S.H....
ក្រសួងប្រៃសណីយ៍ និងទូរគមនាគមន៍បើកប្រតិបត្តិការសេវាដឹកជញ្ជូន
កាល ពីម្សិលមិញ ក្រសួងប្រៃសណីយ៍ និងទូរគមនាគមន៍បានចាប់ ផ្តើមបើកសេវាដឹកជញ្ជូនក្នុងតម្លៃថោកដែលនឹង ដឹកជញ្ជូនអ្នកដំណើរ និងទំនិញនៅទូទាំងប្រទេស នៅក្នុងអ្វីដែលក្រសួងសង្ឃឹមថា នឹងជាការវិនិយោគដែល ផ្តល់ប្រាក់ចំណេញដល់រដ្ឋាភិបាល។
ពេល និយាយទៅកាន់អ្នកយកព័ត៌មានបន្ទាប់ពីពិធី មួយនៅក្នុងក្រសួងនេះ លោក ប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍បាន...