CATEGORY
ព័ត៌មានជាតិ
សាមណេរដែលគេផ្សឹកមួយអង្គ និងដែលត្រូវបានរកឃើញថា មានទោសកំហុសពីបទចាក់សម្លាប់គ្រូសូត្រមួយអង្គនៅវត្តសាមគ្គីរង្សី ក្នុងរាជធានីភ្នំពេញនោះត្រូវបានផ្តន្ទាទោសឲ្យជាប់ពន្ធនាគាររយៈពេលប្រាំឆ្នាំ និងបង្គាប់ឲ្យបង់ប្រាក់ជូនគ្រួសារជនរងគ្រោះប្រហែល៥.០០០ដុល្លារកាលពីម្សិលមិញ ។
សាមណេរ ចាន់ សុភក្ត្រ ដែលមានឈ្មោះហៅក្រៅថា លី តឹង និងដែលមានដើមកំណើតជាខ្មែរកម្ពុជាក្រោមបានចាក់ព្រះតេជគុណ ថាច់ ខាន់ ព្រះជន្ម៣៧ព្រះវស្សាត្រង់កដោយកូនកាំបិតកាលពីថ្ងៃទី១២ ខែមករា បន្ទាប់ពីជនរងគ្រោះដែលជាគ្រូសូត្រឆ្វេងនៅវត្តសាមគ្គីរង្សីក្នុងខណ្ឌមានជ័យបានបន្ទោសសាមណេរអង្គនេះថា មានលីលធម៌មិនល្អ។
ចៅក្រមសើុបសួរ តុប ឈុនហេង បានប្រកាសកាលពីម្សិលមិញថា "តុលាការសម្រេចផ្តន្ទាទោស ចាន់ សុភក្ត្រ អាយុ១៧ឆ្នាំ មានឈ្មោះហៅក្រៅថា លី តឹង ឲ្យជាប់ពន្ធនាគាររយៈពេលប្រាំឆ្នាំពីបទបង្កអំពើហិង្សាដោយចេតនាបណ្តាលឲ្យមនុស្សស្លាប់ដោយមានស្ថានទម្ងន់ទោស"។ លោកបានបន្ថែមថា ឃាតករក៏នឹងត្រូវបង់ប្រាក់សំណងជំងឺចិត្តចំនួន២០លានរៀលជូនដល់គ្រួសាររងគ្រោះផងដែរ។
អំឡុងការបើកសវនាការកាលពីថ្ងៃទី១១ ខែមិថុនា ក្រឡាបញ្ជីមួយរូបបានលើកឡើងថា ចាន់ សុភក្ត្រ មានអាយុ១៨ឆ្នាំ។ ប៉ុន្តែ កាលពីម្សិលមិញ ចៅក្រម តុប ឈុនហេង បានចោទប្រកាន់ជននេះត្រឹមតែជាអនីតិជន ដោយអាចសម្រាលទោសបានប្រហែលពាក់កណ្តាល។ គេមិនអាចទាក់ទងចៅក្រមរូបេនះសុំការធ្វើអត្ថាធិប្បាយបានឡើយ។
ព្រះសង្ឃគង់នៅវត្តសាមគ្គីរង្សី មិនជឿថា ចាន់ សុភក្ត្រ ដែលមកពីវត្តនៅវៀតណាមខាងត្បូង ឬកម្ពុជាក្រោមប្រហែលប្រាំមួយខែកន្លងមកហើយនោះ មានចេតនាធ្វើគតគ្រូសូត្រឆ្វេងអង្គនេះឡើយ។
ក្រោយពីការចាប់ខ្លួន ចាន់ សុភក្ត្រ បានប្រាប់នគរបាលថា គ្រូសូត្រឆ្វេង ថាច់ ខាន់ បាននិមន្តទៅបន្ទប់របស់ខ្លួនអំឡុងពេលព្រឹកកាលពីថ្ងៃទី១២ ខែមករា ហើយដាល់ខ្លួនចំថ្គាម។
ចាន់ សុភក្ត្រ បាននិយាយអំឡុងការបើកសវនាការថា "ខ្ញុំព្យាយាមគេចចេញពីព្រះអង្គ ប៉ុន្តែ ព្រះអង្គនៅតែដេញតាមខ្ញុំ ហេតុដូច្នេះ ខ្ញុំឆក់យកកាំបិតនៅលើតុក្បែរនោះមកវាយបកវិញ"។ ចាន់ សុភក្ត្រ បានបន្ថែមថា គ្រូសូត្រឆ្វេង ថាច់ ខាន់ ដែលជាព្រះសង្ឃមួយអង្គនៅពីក្រោយការតវ៉ាប្រឆាំងរដ្ឋាភិបាលនាពេលថ្មីៗនេះបានវាយដំខ្លួនម្តងហើយម្តងទៀតដោយសារការបដិសេធមិនព្រមចូលរួមការធ្វើបាតុកម្ម។
អ្នកយកព័ត៌មានបានចុះទៅវត្តសាមគ្គីរង្សីជាច្រើនលើកច្រើនសារ ហើយបានជួបមនុស្សតែម្នាក់ប៉ុណ្ណោះដែលធ្វើសាក្សីចំពោះហេតុការណ៍នេះ គឺលោក ទីប ប៉ូលី អាយុ២៥ឆ្នាំ ជាអ្នកភូមិដែលបានទៅវត្តនេះ ហើយលោកបានលើកឡើងថា សាមណេរអង្គេនះជាអ្នកបើកការវាយប្រហារ។
សាក្សីរូបនេះបាននិយាយទាក់ទិននឹងថ្ងៃកើតហេតុនោះថា "សាមណេរអង្គនេះបានយកកាំបិតចេញពីថង់យាមរបស់ខ្លួន ហើយចាក់គ្រូសូត្រឆ្វេងត្រូវដៃ និងក ហើយឈាមហូរបាចសាចគ្រប់ទីកន្លែង"។
លោក ប៉ូលី មិនបានបង្ហាញខ្លួននៅក្នុងតុលាការដើម្បីធ្វើជាសាក្សីឡើយ។
ប៉ុន្មានថ្ងៃក្រោយអំពើឃាតកម្មនេះ នៅឯវត្តដែលតែងតែប្រឆាំងនឹងរដ្ឋាភិបាលតាំងពីបង្កើតឡើងក្នុងឆ្នាំ១៩៩៧មក ព្រះចៅអធិការវត្ត សៀង សុវណ្ណារ៉ា បានភៀសព្រះកាយទៅប្រទេសបារាំងដោយទុកឲ្យព្រះតេជគុណ ថាច់ ហាសំអាង ដែលជាព្រះចៅអធិការស្តីទីទទួលខុសត្រូវក្នុងវត្ត។
ដូចព្រះសង្ឃគង់នៅវត្តសាមគ្គីរង្សីដែរ ព្រះតេជគុណ ថាច់ ហាសំអាង ជឿជាក់ថា ចាន់ សុភក្ត្រ ត្រូវបានគេញុះញង់ឲ្យមកធ្វើគត់គ្រូសូត្រឆ្វេង ថាច់ ខាន់ ដើម្បីបំភ័យកុំឲ្យគេមកវត្តនេះដើម្បីចូលរួមការតវ៉ា។
លោក នាង ហៃ មេធាវីរបស់ ចាន់ សុភក្ត្រ បានលើកឡើងកាលពីម្សិលមិញថា ការផ្តន្តាទោសឲ្យជាប់ពន្ធនាគាររយៈពេលប្រាំឆ្នាំគឺវាច្រើនពេកហើយ ព្រោះកូនក្តីរបស់លោកធ្វើដូច្នេះគ្រាន់តែដើម្បីការពារខ្លួនប៉ុណ្ណោះ។
ប៉ុន្តែ នៅពេលចាកចេញពីបន្ទប់សវនាការ ចាន់ សុភក្ត្រ បានលើកឡើងថា ខ្លួននឹងមិនប្តឹងទាស់នឹងសេចក្តីសម្រេចេនះឡើយ។
ចាន់ សុភក្ត្រ បាននិយាយថា "ខ្ញុំគ្មានប្រាក់ឡើយ"៕ ស៊ុយឈាង
កាលពីម្សិលមិញកម្មករវៀតណាមជិត១០០នាក់ត្រូវបានឃាត់ខ្លួនដើម្បីបណ្ដេញទៅប្រទេសរបស់ពួកគេវិញ បន្ទាប់ពីរកឃើញថាពួកគេកំពុងធ្វើការនៅក្នុងប្រទេសកម្ពុជាដោយខុសច្បាប់ អំឡុងអំឡុងប្រតិបត្តិការចុះឆែកឆេរការដ្ឋានសំណង់នានានៅលើកោះពេជ្រ ក្នុងរាជធានីភ្នំពេញ ដែលជាផ្នែកមួយនៃការអនុវត្តច្បាប់អន្តោប្រវេសន៍តាមអំពើចិត្តពីសំណាក់ក្រសួងមហាផ្ទៃ។
ដឹកនាំដោយឧត្ដមសេនីយ៍ទោ អ៊ុក ហៃសិលា ប្រធានផ្នែកស៊ើបអង្កេត និងអនុវត្តន៍នីតិវិធីនៃអគ្គនាយកដ្ឋានអន្តោប្រវេសន៍នៃក្រសួងមហាផ្ទៃ...
អ្នកតវ៉ាជាង១០០នាក់បាននាំគ្នាតវ៉ានៅខាងក្រៅរដ្ឋសភាកាលពីព្រឹកម្សិលមិញ ខណៈសមាជិកសភាមកពីគណបក្សប្រឆាំងទទួលបរាជ័យក្នុងការរារាំងគណបក្សកាន់អំណាចមិនឲ្យមានដំណើរការទៅមុខទាក់ទិននឹងច្បាប់ដ៏ចម្រូងចម្រាសដែលនឹងគ្រប់គ្រងអង្គការមិនមែនរដ្ឋាភិបាលរាប់រយនៅក្នុងប្រទេស។
លោក វន់ ពៅ មេដឹកនាំសហជីពដ៏លេចធ្លោមួយរូបដែលស្ថិតក្នុងចំណោមអ្នកដឹកនាំការតវ៉ាបានមានប្រសាសន៍ថា "យើងនឹងមិនបោះឆ្នោតឲ្យគណបក្សនយោបាយណាមួយដែលលើកដៃបោះឆ្នោតគាំទ្រច្បាប់ស្តីពីសមាគម និងអង្គការមិនមែនរដ្ឋាភិបាលនេះឡើយ"។
ប៉ុន្តែ ខណៈទីស្តីការគណៈរដ្ឋមន្ត្រីបានអនុម័តច្បាប់នេះកាលពីដើមខែនេះទោះបីមានការប្រឆាំងពីមេដឹកនាំអង្គការមិនមែនរដ្ឋាភិបាល និងសហគមន៍អន្តរជាតិក្តីនោះ សមាជិកសភាមកពីគណបក្សប្រជាជនកម្ពុជាដែលស្ថិតនៅក្នុងគណៈកម្មាធិការអចិន្ត្រៃយ៍នៅរដ្ឋសភាដែលមានសមាជិកចំនួន១៣រូបបានសម្រេចបន្តដំណើរការច្បាប់ដ៏សម្រូងចម្រាសនេះតទៅមុខទៀតកាលពីម្សិលមិញ។
ក្រោយមក លោក ឈាង វ៉ុន អ្នកនាំពាក្យរដ្ឋសភាបានលើកឡើងតាមរយៈទូរស័ព្ទថា "ខ្ញុំសូមជូនដំណឹងដល់អស់លោកថា ទោះបីជាមានក្រុមមួយចំនួនដែលព្យាយាមប្រឆាំងមិនឲ្យសេចក្តីព្រាងច្បាប់នេះមានដំណើរការទៅមុខក្តី តែគណៈកម្មាធិការបានអនុម័តសេចក្តីព្រាងច្បាប់នេះក្នុងសំឡេងឆ្នោត៩សំឡេងទល់នឹង៤សំឡេង"។
លោកបានបន្ថែមថា "អំឡុងកិច្ចប្រជុំ សមាជិកមួយចំនួនបានលើកឡើងថា ច្បាប់នេះគ្មានសារៈសំខាន់ទេ រីឯអ្នកផ្សេងទៀតបានជំទាស់ថា ច្បាប់នេះមានសារៈសំខាន់ណាស់"។
គណៈកម្មាធិការអចិន្ត្រៃយ៍ត្រូវបានបង្កើតឡើងដោយមានសមាជិកសភាចំនួនប្រាំពីររូបមកពីគណបក្សប្រជាជនកម្ពុជា និងប្រាំមួយរូបមកពីគណបក្សសង្គ្រោះជាតិក្នុងនោះ១០រូបជាប្រធានគណៈកម្មការទាំង១០នៅរដ្ឋសភា មួយរូបជាប្រធានសភា និងពីររូបទៀតជាអនុប្រធានរដ្ឋសភា។ ទោះជាយ៉ាងណា ប្រធានគណៈកម្មការនៅរដ្ឋសភាចំនួនពីររូបដែលមកពីគណបក្សសង្គ្រោះជាតិគ្មានវត្តមានឡើយកាលពីម្សិលមិញ ហើយអនុប្រធាននៃគណៈកម្មការទាំងពីរនេះដែលមកពីគណបក្សប្រជាជនកម្ពុជាជាអ្នកជំនួសតំណែងក្នុងការបោះឆ្នោត។
សេចក្តីព្រាងច្បាប់ស្តីពីអង្គការមិនមែនរដ្ឋាភិបាលនេះបានរងការរិះគន់យ៉ាងខ្លាំងពីសំណាក់អង្គការមិនមែនរដ្ឋាភិបាលក្នុងស្រុក និងអន្តរជាតិ ក៏ដូចជាពីអង្គការសហប្រជាជាតិ និងរដ្ឋាភិបាលសហរដ្ឋអាមេរិកផងដែរ ចំពោះបទបទបញ្ញត្តិ ដែលនឹងផ្តល់ឲ្យរដ្ឋាភិបាលនូវអំណាចក្នុងការរារាំងអង្គការមិនឲ្យចុះបញ្ជី និងការចាត់វិធានការយ៉ាងតឹងរឹងលើអង្គការណាដែលត្រូវបានចាត់ទុកថា រំលោភបំពាន "ប្រពៃណី និងទំនៀមទម្លាប់សង្គមជាតិកម្ពុជា"។
លោក ឈាង វ៉ុន បានលើកឡើងទៀតថា គណៈកម្មការនៅរដ្ឋសភាចំនួនបីដែលដឹកនាំដោយគណបក្សប្រជាជនកម្ពុជា នឹងពិនិត្យច្បាប់នេះឡើងវិញក្នុងនោះរួមទាំងគណៈកម្មការកិច្ចការបរទេសរបស់លោក គណៈកម្មការមហាផ្ទៃការពារជាតិ និងមុខងារសាធារណៈ និងគណៈកម្មការនីតិកម្ម និងយុត្តិធម៌ផងដែរ។
គណៈកម្មការសិទ្ធិមនុស្ស និងគណៈកម្មការសង្គមកិច្ច ដែលដឹកនាំដោយគណបក្សសង្គ្រោះជាតិនឹងមិនពាក់ព័ន្ធក្នុងដំណើរការពិនិត្យឡើងវិញនេះឡើយ។
លោក យ៉ែម បុញ្ញឫទ្ធ អ្នកនាំពាក្យគណបក្សប្រឆាំង និងជាសមាជិកគណៈកម្មាធិការអចិន្ត្រៃយ៍ដែរនោះបានលើកឡើងថា សមាជិកសភាចំនួនបួនរូបមកពីគណបក្សសង្គ្រោះជាតិដែលមានវត្តមានអំឡុងកិច្ចពិភាក្សាកាលពីម្សិលមិញបានជំរុញឲ្យបញ្ជូនច្បាប់នេះត្រឡប់ទៅទីស្តីការគណៈរដ្ឋមន្ត្រីដើម្បីពិនិត្យឡើងវិញ។
លោកបានមានប្រសាសន៍ថា "តាមពិតទៅ មានការពិភាក្សាដ៏ចម្រូងចម្រាសដ៏ច្រើនអំឡុងកិច្ចប្រជុំព្រោះសមាជិកសភាមកពីគណបក្សសង្គ្រោះជាតិរបស់យើងចង់ឲ្យបញ្ជូនសេចក្តីព្រាងច្បាប់េនះត្រឡប់ទៅរដ្ឋាភិបាលដើម្បីពិភាក្សាឲ្យបានទូលំទូលាយជាមួយអង្គការមិនមែនរដ្ឋាភិបាលដែលពាក់ព័ន្ធ"។
ដោយនិយាយបែបលួងលោមនោះ លោក ឈាង វ៉ុន បានលើកឡើងថា គណៈកម្មការរបស់លោកនឹងអញ្ចើញអ្នកការទូត មេដឹកនាំអង្គការមិនមែនរដ្ឋាភិបាល និងសមាជិកសភាមកចូលរួមនៅក្នុងសិក្ខាសាលាស្តីអំពីសេចក្តីព្រាងច្បាប់េនះ។ លោកបានលើកឡើងថា លោក មិនដឹងថា តើពេលណាដែលសិក្ខាសាលានេះនឹងត្រូវធ្វើឡើងនោះឡើយ។
ទោះបីជាក្នុងពេលកន្លងមកនេះ រដ្ឋាភិបាលបានលើកឡើងថា ច្បាប់នេះមានសារៈសំខាន់ក្នុងការរារាំងហិរញ្ញប្បទានភេរវកម្មមិនឲ្យហូរចូលក្នុងប្រទេសតាមរយៈអង្គការមិនមែនរដ្ឋាភិបាលក្តី តែលោក ឈាង វ៉ុន បានចង្អុលបង្ហាញថា ច្បាប់នេះក៏នឹងត្រូវបានប្រើដើម្បីធ្វើនូវអ្វីដែលគណបក្សប្រឆាំងព្រួយបារម្ភបំផុតផងដែរ នោះគឺការដាក់សំពាធលើការបញ្ចេញមតិយោបល់រិះគន់រដ្ឋាភិបាល។
លោកបានមានប្រសាសន៍ថា "ច្បាប់នេះមានសារៈសំខាន់ណាស់។ យើងមានការរីករាយពេញចិត្ត ហើយមានអង្គការសង្គមស៊ីវិលមួយចំនួនដែលមានបំណងល្អ។ ប៉ុន្តែ អង្គការមិនមែនរដ្ឋាភិបាលផ្សេងៗមួយចំនួនទៀតមានបំណងមិនល្អ ព្រោះពួកគេបានស្រែកនៅតាមផ្លូវ នៅពេលទទួលបានប្រាក់ពីម្ចាស់ជំនួយ ហើយចេញសេចក្តីថ្លែងការណ៍មិនត្រឹមត្រូវ ដោយបង្កឲ្យមានអស្ថិរភាពសង្គម"៕ស៊ុយឈាង
ទីស្តីការគណៈរដ្ឋមន្ត្រីការពារសេចក្តីបង្គាប់ស៊ើបអង្កេតអំពើពុករលួយរបស់រដ្ឋាភិបាល
កាលពីថ្ងៃច័ន្ទ ទីស្តីការគណៈរដ្ឋមន្ត្រីបានធ្វើសន្និសីទកាសែតការពារសេចក្តីជូនដំណឹងមួយដែលផ្សព្វផ្សាយនៅខែនេះ ប្រាប់មន្ត្រីរដ្ឋាភិបាលឲ្យសុំការអនុញ្ញាតពីថ្នាក់លើរបស់ខ្លួន មុនពេលផ្តល់ព័ត៌មានទៅសមាជិកសភាដែលស៊ើបអង្កេតរឿងពុករលួយ។
សេចក្តីបង្គាប់នេះរងការរិះគន់ពីសំណាក់តំណាងរាស្ត្របក្សប្រឆាំង ក្នុងនោះមានលោក សុន ឆ័យ ប្រធានក្រុមអ្នកតំណាងរាស្ត្រគណបក្សសង្គ្រោះជាតិ ដែលកាសែតក្នុងស្រុកបានដកស្រង់សម្តីដែលនិយាយថា...
សហភាពអឺរ៉ុបសន្យាផ្តល់មូលនិធិប្រហែល១១លានដុល្លារ សម្រាប់កំណែទម្រង់ការចុះឈ្មោះបោះឆ្នោត
លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោតបានមានប្រសាសន៍កាលពីម្សិលមិញថា សហភាពអឺរ៉ុបបានសន្យាផ្ដល់ប្រាក់ជាង១១លានដុល្លារដល់គណៈកម្មាធិការជាតិរៀបចំការបោះឆ្នោត (គ.ជ.ប.) សម្រាប់រយៈពេល៣ឆ្នាំក្រោយ ដើម្បីជួយក្នុងការចុះឈ្មោះបោះឆ្នោតមុនការបោះឆ្នោតក្រុមប្រឹក្សាឃុំ-សង្កាត់ឆ្នាំ២០១៧ និងការបោះឆ្នោតជាតិឆ្នាំ២០១៨។
ចាប់តាំងពីការបង្កើត...
យោងតាមនគរបាលបានឲ្យដឹងថា ស្ត្រីម្នាក់ត្រូវបានកាត់ក្បាល និងកាត់ដៃជាកង់ៗនៅក្នុងផ្ទះរបស់ខ្លួនក្នុងខេត្តរតនគិរីកាលពីយប់ថ្ងៃសៅរ៍ ដោយប្តីដែលប្រច័ណ្ឌរបស់ខ្លួន។ ប្តីដែលប្រច័ណ្ឌរូបនោះបានរត់គេចខ្លួន បន្ទាប់ពីធ្វើឃាតរួច ហើយបានហៅទូរស័ព្ទមកកងរាជអាវុធហត្ថនៅថ្ងៃបន្ទាប់ដើម្បីសារភាពថា ខ្លួនជាឃាតករ។
យោងតាមលោក រ៉េន មួត នាយនគរបាលប៉ុស្តិ៍ឃុំកើន បានឲ្យដឹងថា អ្នកស្រី សុខ គន្ធា អាយុ៤៣ឆ្នាំត្រូវបានសម្លាប់ដោយកាំបិតនៅម៉ោងប្រហែល១១យប់ ហើយត្រូវបានប្រទះឃើញស្លាប់នៅក្នុងផ្ទះរបស់ខ្លួន កាលពីព្រឹកថ្ងៃអាទិត្យដោយក្មួយប្រុសរបស់អ្នកស្រីដែលធ្វើការនៅក្នុងចម្ការរបស់ប្តីប្រពន្ធទាំងពីរនាក់នេះក្នុងឃុំកើន ស្រុកកូនមុំ ។
លោកបានមានប្រសាសន៍ថា "កម្មកររូបនេះបានឡើងជណ្តើរ ហើយបានឃើញសពរបស់អ្នកស្រី គន្ធា ដេកស្លាប់នៅទីនោះ ខណៈប្តីរបស់អ្នកស្រី និងម៉ូតូបានបាត់ពីផ្ទះ"។
យប់មុនថ្ងៃកើតហេតុ ប្តីរបស់ស្ត្រីរងគ្រោះ ឈ្មោះ ដួង សុផល អាយុ៤៦ឆ្នាំបានឲ្យក្មួយប្រុសរបស់ខ្លួនទៅទិញស្រាមួយលីត្រមកឲ្យខ្លួននិងប្រពន្ធផឹករហូតដល់ម៉ោង៩យប់់ដោយគ្មានការឈ្លោះប្រកែកគ្នាឡើយ។
លោក សុផល ត្រូវបានគេជឿជាក់ថា បានរត់គេចខ្លួនបន្ទាប់ពីការធ្វើឃាត ប៉ុន្តែ នៅថ្ងៃអាទិត្យនាវេលាម៉ោងប្រហែល១០ព្រឹក ជននេះបានហៅទូរស័ព្ទមកកងរាជអាវុធហត្ថស្រុកដើម្បីសារភាពថា ខ្លួនជាអ្នកសម្លាប់ប្រពន្ធ។
លោក រ៉េន មួត បានមានប្រសាសន៍ថា "ជននេះបានសារភាពថា សម្លាប់ប្រពន្ធរបស់ខ្លួន ហើយនិយាយថា ខ្លួនបានឃើញប្រពន្ធនៅជាមួយប្រុសផ្សេងចំនួនពីរលើកក្នុងរាជធានីភ្នំពេញ"។ លោកបានបន្ថែមថា ជនសង្ស័យកំពុងរត់គេចខ្លួននៅឡើយបន្ទាប់ពីហៅទូរស័ព្ទមកសារភាពរួច។
ចាប់តាំងពីខែមករាមក មានករណីអំពើហិង្សាដែលផ្ទុះឡើយដោយសារគ្រឿងស្រវឹងស្រដៀងគ្នានេះចំនួនប្រាំលើកមកហើយនៅក្នុងចំណោមសមាជិកគ្រួសារ ឬអ្នកជិតខាងក្នុងខេត្តរតនគិរីនេះដោយបន្សល់ទុកឲ្យមានមនុស្សស្លាប់ ឬពិការក្នុងនោះមានបីលើកបានកើតឡើងក្នុងស្រុកកូនមុំ នេះបើយោងតាមលោក ឆាយ ធី អ្នកសម្របសម្រួលនៅអង្គការសិទ្ធិមនុស្សអាដហុកប្រចាំខេត្តនេះ។
លោក ឆាយ ធី បានមានប្រសាសន៍ថា "អំពើហិង្សានៅក្នុងឆ្នាំនេះមានការកើនឡើង បើធៀបនឹងឆ្នាំមុន។ ក្នុងពេលថ្មីៗនេះ យើងព្រួយបារម្ភយ៉ាងខ្លាំងអំពីការទទួលទានគ្រឿងស្រវឹង និងការប្រើប្រាស់គ្រឿងញៀន ព្រោះអ្វីទាំងអស់េនះអាចធ្វើឲ្យកើតអំពើហិង្សា"៕ស៊ុយឈាង
លោក ស ខេង បំពេញការងារជាប្រធានស្តីទីគណបក្សប្រជាជនកម្ពុជា នៅពេលអវត្តមានលោក ហ៊ុន សែន
លោក សុខ ឦសាន អ្នកនាំពាក្យគណបក្សប្រជាជនកម្ពុជាបានមានប្រសាសន៍កាលពីម្សិលមិញថា លោក ស ខេង រដ្ឋមន្ត្រីក្រសួងមហាផ្ទៃដែលកាលពីថ្ងៃសៅរ៍ត្រូវបានតែងតាំងជាអនុប្រធានមួយរូបក្នុងចំណោមអនុប្រធានពីររូបរបស់គណបក្សប្រជាជនកម្ពុជានោះ នឹងធ្វើជាប្រធានស្តីទីគណបក្សកាន់អំណាចនិងជានាយករដ្ឋមន្ត្រីស្តីទីនៅពេលលោកនាយករដ្ឋមន្ត្រី...
អង្គការសហប្រជាជាតិនឹងពិនិត្យឯកសារទាក់ទងលោក មាស មុត
យោងតាមអ្នកជំនាញពិសេសរបស់អង្គការសហប្រជាជាតិនៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) បានឲ្យដឹងថា អង្គការសហប្រជាជាតិមានគម្រោងពិនិត្យឯកសារប្រកាសជាចំហថ្មីៗជាច្រើនដែលបង្ហាញថា នគរបាលយុត្តិធម៌មិនយកចិត្តទុកដាក់នឹងដីកាចាប់ខ្លួនមេបញ្ជាការកងទ័ពជើងទឹកខ្មែរក្រហម និងបានចោទប្រកាន់លោក មាស មុត ថាជាឧក្រិដ្ឋជនសង្គ្រាម។
កាលពីខែមីនា លោក មាស មុត ត្រូវបានចោទប្រកាន់កំបាំងមុខពីឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិ។ លោកបានបដិសេធការចោទប្រកាន់ទាំងនេះរួមទាំងការចោទប្រកាន់ដែលថា លោកបានមើលការខុសត្រូវសកម្មភាពកម្មាភិបាលតំបន់និរតី និងការសម្លាប់ជនបរទេសដែលចាប់បាននៅសមុទ្រ។
ឯកសារប្រកាសជាចំហកាលពីសប្តាហ៍មុនបានបង្ហាញថា លោក ម៉ាក ហាម៉ុន សហចៅក្រមស៊ើបសួរអន្តរជាតិបានធ្វើការចោទប្រកាន់កំបាំងមុខ ពីព្រោះនគរបាលយុត្តិធម៌មិនយកចិត្តទុកដាក់នឹងដីកាចាប់ខ្លួនដែលបានចេញជាលើកដំបូងកាលពីថ្ងៃទី១៧ ខែធ្នូឡើយ។
ឯកសារមួយក្នុងចំណោមឯកសារដែលប្រកាសជាចំហនោះក៏ទំនងជាបង្ហាញដងដែរថា ដីកាចាប់ខ្លួនជនសង្ស័យមិនចេញឈ្មោះ ទំនងជាអ្នកស្រី អឹុម ចែម អតីតមេស្រុក ដែលត្រូវបានចោទប្រកាន់ពីបទសម្របសម្រួលសកម្មភាព និងការសម្លាប់នៅក្នុងតំបន់ពាយព្យ មិនត្រូវបានអនុវត្តទេ។
អ្នកស្រី អឹុម ចែម ត្រូវបានចោទប្រកាន់កំបាំងមុខនៅថ្ងៃតែមួយជាមួយលោក មាស មុត ដែរ ហើយគាត់នៅតែរឹងទទឹងដដែលនៅពេលប្រឈមមុខនឹងការចោទប្រកាន់លើរូបគាត់នោះ។
ការខកខានរបស់រដ្ឋាភិបាលកម្ពុជាមិនបានអនុវត្តការចាប់ខ្លួនដែលចេញដោយ អ.វ.ត.ក. នោះ ស្មើទៅនឹងការរំលោភវិធានតុលាការ។
នៅពេលត្រូវបានសួរថា តើអង្គការសហប្រជាជាតិនឹងចាត់វិធានការណាមួយដោយការបង្ហាញឲ្យដឹងនេះ ឬយ៉ាងណានោះ អ្នកជំនាញពិសេសអង្គការសហប្រជាជាតិនៅសាលាក្តីខ្មែរក្រហម គឺលោក ដេវីដ សេហ្វឺ (David Scheffer)បានមានប្រសាសន៍ថា ឯកសារដែលប្រកាសជាសាធារណៈនៅពេលនេះ...
ក្រុមមន្ត្រីបានឲ្យដឹងថា "មេខ្លោង" នៃ ក្រុមជួញដូរគ្រឿងញៀនអន្តរជាតិ ដែលមានទឹក ប្រាក់រាប់លានដុល្លារបានរត់គេចទៅប្រទេស ឡាវ រីឯមេខ្លោងទី២ត្រូវបានចោទប្រកាន់នៅក្នុង រាជធានីភ្នំពេញកាលពីម្សិលមិញ ពីបទផលិត ជួញដូរ និងរក្សាទុកគ្រឿងញៀន។
លោក ម៉ក់ ជីតូ អគ្គស្នង ការរងនគរបាលជាតិបានលើកឡើងថា កាលពី ម្សិលមិញសាលាដំបូងរាជធានីភ្នំពេញបានចោទប្រកាន់ លោក...
អង្គការឃ្លាំមើលសិទ្ធិមនុស្សជំរុញឲ្យធនាគារពិភពលោកជួយអ្នកតវ៉ាដែលរងការរំលោភបំពាន
អង្គការឃ្លាំមើលសិទ្ធិមនុស្ស (Human Right Watch) និយាយថា ធនាគារពិភពលោកមិនកំពុងចាត់វិធានការឲ្យបានគ្រប់គ្រាន់ដើម្បីជួយប្រជាពលរដ្ឋនៅក្នុងប្រទេសកម្ពុជា និងនៅក្នុងប្រទេសផ្សេងទៀតដែលកំពុងប្រឈមការរំលោភបំពានពីសំណាក់រដ្ឋាភិបាលចំពោះការនិយាយប្រឆាំងគម្រោងមិនល្អដែលទទួលបានជំនួយមូលនិធិពីធនាគារឡើយ។
នៅក្នុងរបាយការណ៍មួយមានចំណងជើងថា "ការប្រថុយប្រថានផ្ទាល់ខ្លួនរបស់អ្នក៖ ការសងសឹកអ្នករិះគន់គម្រោងរបស់ធនាគារពិភពលោក"...