Saturday, October 31, 2020

ព័ត៌មាន

អាជ្ញាធរ​រារាំង​អ្នក​ភូមិ​មិន​ឲ្យ​ចាកចេញពី​ឃុំ​របស់​ខ្លួន​ទៅ​ចូលរួម​ការ​ជួបជុំ​គ្នារបស់​គ្រិស្ត​បរិស័ទ

អ្នក​ភូមិ​មួយ​ក្រុម​ប្រហែល​១០០នាក់​ដែល​​បាន​ធ្វើ​ដំណើ​រទៅ​កាន់​កន្លែង​ជួប​ជុំគ្នា រ​បស់​គ្រិស្ត​បរិស័ទ​នៅ​ក្នុ​ងក្រុង​ព្រះសីហ​នុ ត្រូវ​បា​ន​រារាំង​មិន​ឲ្យ​ចាក​ចេញពី​ឃុំ​របស់​ខ្លួន​​ក្នុង​ខេត្ត​ស្វាយ​រៀង​កាល​ពីម្សិល​មិញ ដោយ​ធ្វើ​ឲ្យ​មាន​ការ​រិះគន់​ពីសំណាក់​បុគ្គ​លិក​សិទ្ធិ​មនុស្ស​ថា សិទ្ធិ​​ដើរ​ហើរ​ដោយ​សេរីរបស់​ពួកគាត់​​ត្រូវ​បាន​រំលោភ​បំពាន​។ លោក​ នុត បូ​ពិណ្ណារ័ត្ន អ្នក​សម្រប​សម្រួល​​ប្រចាំខេត្ត​ស្វាយរៀងរបស់​អង្គការ​សិទ្ធិ​មនុស្ស​លីកាដូ បាន​មាន​ប្រសាសន៍​ថា អ្នក​ភូមិ​មួយ​ក្រុម​នេះ​បាន​ធ្វើ​ដំណើរ​​តាម​រថយន្ត​បួន​គ្រឿង​ដាច់​ដោយ​ឡែក​ពីគ្នា​នៅតាម​ផ្លូវ​នៅ​ក្នុង​ឃុំកំពង់​ត្រាច​ ខេត្ត​ស្វាយ​រៀង​ ស្រាប់​តែ​អាជ្ញាធរ​បាន​​​ឃាត់​រថ​យន្ត​ទាំង​នេះ​ ហើយ​បាន​ប្រាប់​អ្នក​ភូមិ​ថា ពួកគាត់​មិនមាន​លិខិត​ស្នាម​ត្រឹម​ត្រូវ​ក្នុង​ការ​ធ្វើ​ដំណើរ​ក្នុង​ចម្ងាយ​​ផ្លូវ​ប្រហែល​៣៧៥​​គីឡូម៉ែត្រ​ទៅ​កាន់​ខេត្ត​ព្រះ​សីហនុ​សម្រាប់​ការ​​ជួប​ជុំគ្នា​ខាង​សាសនា​រយៈ​ពេល​មួយ​ខែ​នេះឡើយ។ លោក​បាន​មាន​ប្រសាសន៍ថា “អាជ្ញា​ធរ​មូល​ដ្ឋាន...បាន​រារាំងអ្នក​ភូមិ​មិន​ឲ្យចាក​ចេញ​​ពីឃុំ​នេះ​ដោយ​សារ​បារម្ភ​​ខ្លាច​ពួក​គាត់​​​​ទៅ​ចូល​​រួម​មហា​បាតុកម្ម​​ដែល​រៀប​ចំ​ឡើង​ដោយ​​​គណបក្ស​សង្គ្រោះ​ជាតិ​។ ប៉ុន្តែ ពួកគាត់​មាន​សិទ្ធិ​ចូល​រួម ​ពី​ព្រោះ​គណបក្ស​ប្រឆាំង​បាន​ប្រកាស​រួចហើយ​ថា គណ​បក្ស​​នេះ​នឹង​ធ្វើ​បាតុ​កម្ម​អហិង្សា​។ លោក​ តែ​ វណ្ណី តំណាង​អ្នក​ភូមិ​និយាយ​ថា អ្នក​ភូមិ​មួយ​ក្រុម​នេះ​មាន​ការ​ភ្ញាក់​ផ្អើ​ល​ជាខ្លាំង​នៅ​ពេល​នគរ​បាល​បាន​ឲ្យ​ពួក​គាត់​សុំការ​​អនុញ្ញាត​ពេល​ចាក​ចេញ​ពី​ឃុំ​នោះ​។ លោក​មាន​ប្រសាសន៍ថា “អាជ្ញា​ធរ​បាន​និយាយ​ថា យើង​មិន​បាន​សុំការ​អនុ​ញ្ញាត​ទេ​។ តាម​ពិត​យើង​មិន​ចាំបាច់​សុំ​ការ​អនុញ្ញាត​ទេ ​ប្រហែល​​ជា​ពួក​គេ​ភ័យ​ខ្លាច​ថា ពួកយើង​នឹង​​បង្ក​បញ្ហា​បើ​យើង​ចូល​រួម​ធ្វើ​បាតុ​កម្ម​នោះ​”។ លោក​បាន​មាន​ប្រសាសន៍ថា ក្រុម​អ្នក​​ភូមិ​មិន​មាន​គម្រោង​ទៅ​ចូល​រួម​ការ​ជួប​ជុំ​ គ្នា​របស់​គណបក្ស​ប្រឆាំង​នៅ​ថ្ងៃ​សៅរ៍  ដើម្បីត​វ៉ា​ប្រឆាំង​​នឹង​លទ្ធផល​បោះ​ឆ្នោត​ទេ​ ហើយ​​​បាន​សុំការអនុញ្ញាត​ពី​អាជ្ញាធរ​ខេត្ត​ព្រះ​សីហនុ​ ដើម្បីបោះតង់​នៅ​ក្នុង​ក្រុង​ព្រះ​សីហនុ ពីថ្ងៃ​ទី​៥ ខែកញ្ញា​ដល់ថ្ងៃ​ទី​៤​ខែ​តុលា​សម្រាប់ចូល​រួម​ក្នុងការ​ជួប​ជុំ​គ្នា​របស់គ្រិស្ត​បរិស័ទ​ដែល​មាន​​រយៈពេល​១ខែ។ លោក​​ តែ វណ្ណី បាន​មាន​ប្រសាសន៍​ថា “យើង​បាន​ចាក​ចេញ​ពីឃុំ​នេះ​មិន​មែន​ទៅ​ចូល​រួម​ការ​ធ្វើ​បាតុកម្ម​ទេ​ ប៉ុន្តែ គឺដើម្បី​​ផ្សព្វ​ផ្សាយ​ទ្រីស្តី​របស់​ព្រះយេស៊ូ​ប៉ុណ្ណោះ”។ លោក​ គង់ ធួន​ នាយ​ប៉ុស្តិ៍​ឃុំ​កំពង់​ត្រាច​ខេត្ត​​ស្វាយ​រៀង​បាន​មាន​ប្រសាសន៍​ថា សេរី​ភាព​ក្នុង​ការ​ធ្វើ​ដំណើរ​របស់​អ្នក​ភូមិ​មិន​ត្រូវ​បានរារាំង​ទេ​ ប៉ុន្តែ​ថា អាជ្ញា​ធរ​បាន​ឃាត់ក្រុម​នេះ​ពីព្រោះ​ពួក​គាត់ទំនង​ជាធ្វើ​ការ​ដើរ​ក្បួន​​តាមដង​​ផ្លូវ​។ លោក​ គង់​ ធួន​  ​មាន​ប្រសាសន៍​ថា “​ពួក​​គាត់​បាន​បន្ត​ដើ​រក្បួន ដូច្នេះ​ហើយ​អាជ្ញា​ធរ​ត្រូវ​តែ​តាម​សង្កេតមើល​ពួក​គាត់​ថា តើ​ពួក​គាត់​ទទួល​បានកា​រអនុញ្ញាត​ឲ្យ​ដើរ​ជាក្បួន​ឬអត់”។ លោក​បាន​មាន​ប្រសាសន៍ថា “យើង​មិន​បារម្ភថា ពួកគាត់​នឹង​ទៅ​ចូល​រួម​បាតុ​កម្ម​របស់​គណបក្ស​សង្គ្រោះ​ជាតិ​ទេ​ ប៉ុន្តែ ពួកគាត់​ចាំ​បាច់​ត្រូវ​សុំ​ការ​អនុញ្ញាត​ពី​អាជ្ញា​ធរ​ជាមុន​ប្រសិន​ ប្រសិនបើ​ពួក​គាត់​ចង់​ធ្វើ​អ្វី​មួយនោះ​”។ លោក​ស្រី ណាលី...

សៀវ​ភៅ​​​ជា​ង​​គំ​នូរដែល​​រួ​ចផុត​ពី​​​សេចក្តី​ស្លាប់នៅពន្ធ​នា​គារ​ ស-២១ ​​​​ត្រូ​វ​បា​ន​​បោះ​​ពុម្ព​​​ជា​​​ភា​សា​ខ្មែរ​

ក្រុ​ម​គ្រួសារ​​​របស់​លោក ​​វ៉ា​ន់ ​ណាត ​​​អតីត​​​អ្នក​​ទោស​​ និង​ជា​​ជា​ង​​គំនូ​រដ៏ល្បី​ល្បាញ​នៅ​គុក​​ទួល​ស្លែង​ កំ​ពុង​ចេញ​ផ្សាយ​សៀវ​ភៅ​​​​របស់​​លោក​​ជា​​​ភា​សា​​ខ្មែរ​​​​ជា​លើក​ដំបូង​បង្អស់​ និង​​និយាយ​អំ​​ពី​កា​រ​​​ឃុំ​ខ្លួន​លោក​​​នៅ​ក្នុ​ង​មណ្ឌល​​​ធ្វើ​​ទា​​​រុណ​កម្ម​​​​របស់​ខ្មែរ​ក្រហម​។ អ្នកស្រី វ៉ាន់ ចាន់​ស៊ី​​ណែត ​កូន​ស្រី​​របស់​​លោក វ៉ាន់ ​ណាត ​បា​ន​លើកឡើង​កា​ល​​​​ពី​ថ្ងៃ​អង្គារថា ​សៀវ​ភៅ​​​របស់​លោក វ៉ាន់ ណាត មា​ន​​​ចំ​ណង​​ជើង​​ថា​ “រូ​ប​អ្នក​​​ទោស​​កម្ពុជា​​ម្នាក់: ១ឆ្នាំ​​ក្នុ​ង​មន្ទីរស-២១​(ទួល​ស្លែ​ង​)”​ (A Cambodian ​Prison Portrait:One Year in the Khmer Rouge’s S-21) ត្រូ​វ​បា​ន​​បោះ​ពុម្ព​ផ្សាយ​ជា​​ភាសា​អង់​គ្លេស​ក្នុង​ឆ្នាំ​១៩៩៨ និង​​បន្ទាប់​មក​​​​ជា​​​ភា​​សា​បារាំ​ង និង​ភាសា​ស៊ុយ​​​​អែត​។ ប៉ុន្តែ​​​រហូត​​​​ដល់​ពេល​នេះ​មិនទាន់​មាន​​ការ​បោះ​​​​ពុ​ម្ពជា​​​ភា​សា​​ខ្មែរ​នៅ​ឡើយ​​​ទេ។ ​​លោក វ៉ាន់ ​ណាត ​​ដែល​​ទទួល​មរណ​ភាព​​ក្នុង​​វ័យ​​៦៥​ឆ្នាំ​​ដោ​យ​សារ​​​ជំងឺ​​រ៉ាំ​​រ៉ៃ​​​នៅ​ក្នុ​ង​ឆ្នាំ២០១១ ​​គឺ​​ជា​​​​អ្នក​​ទោស​ម្នាក់​ក្នុង​​ចំ​ណោម​អ្នក​ទោស​​តែ​​​ពីរ​​បី​នាក់​ប៉ុណ្ណោះ​ ​​រួ​ច​ផុត​​ពី​អ្វី​​​ដែល​ស្ថិត​ក្នុង​ជំរំ​​វិ​​នាស​​កម្ម​​នោះ​។ ផ្ទាំ​​ង​គំ​​នូរ​​​​របស់លោក​ដែល​បង្ហាញ​​​ពី​អំ​​ពើ​​ព្រៃ​ផ្សៃ​នៅ​ឯ​មន្ទីរ​ ស-២១ ​​គឺ​​ជា​សក្ខីកម្មដ៏​មា​ន​​​​​ឥទ្ធិពល ដោយ​សារ​តែ​រូបគំនូររបស់​លោក​​បា​ន​​ជួ​យ​​​ធ្វើ​ឲ្យ​ពិភ​ពលោក​​​ដឹង​​​អំ​ពី​​នយោបា​យ​​ប្រ​ល័យ​​ពូ​ជ​សាស​ន៍​​​របស់​​របប​នេះ​ បន្ទាប់​​​​ពី​​របប​​នេះ​​ត្រូវ​បាន​ផ្តួលរំលំ​ក្នុង​ឆ្នាំ​​១៩៧៩។ លោក វ៉ាន់ ណា​ត ​​​សរសេរ​រឿង​រ៉ាវ​​​​ទាក់​ទង​​នឹង​កា​រ​​​ជាប់​​ពន្ធនា​​គារ​​​​របស់​លោក​​ផង​​ដែរ។​អ្នក​ស្រី ​​ចាន់ស៊ី​ណែត ​​ថ្លែង​ថា​ “ សៀវភៅ​​​​នេះ​​​​សរសេរ​​ជា​​ភាសា​ខ្មែរ​​​​​ដោ​យ​​ឪ​​ពុ​ក​​​​របស់​​ខ្ញុំ​” ​​​ហើយ​ក្រោ​យ​មក​​​បក​​​ប្រែ​​​ជា​​បី​ភា​សា។ អ្នក​ស្រី​​បន្ថែមទៀត​​​ថា ​​ដូច្នេះ​សម្រាប់​​កា​រ​​​បោះ​​ពុម្ព​ផ្សាយ​​ជា​ភា​សា​ខ្មែរ ​“​យើង​ប្រើ​សំណៅ​​ដើម​​​របស់​គាត់​”។ សៀវភៅបោះ​ពុ​ម្ព​ផ្សាយ​​​​​ជា​​​​ភា​សា​ខ្មែរ​នេះ​ គឺ​​​ជា​កិច្ច​កា​រ​​​គ្រួ​​សារ​​មួ​យ​ ដោយ​មាន​កូ​ន​ស្រី​​​​របស់​​គាត់​ គឺ​អ្នក​ស្រី ចាន់ស៊ី​ណែត អ្នក​ស្រី វ៉ាន់ ចាន់​ស៊ីម៉ែន និង​ស្វាមី​របស់​អ្នក​ស្រី​ទាំង​ពីរ​ ជា​អ្នក​​ដំឡើង​​​អត្ថបទ​ ហើយ​កូ​ន​​​ប្រុស​​​​របស់​​​លោក វ៉ាន់ ណាត ​ ឈ្មោះ វ៉ាន់ ចាន់​​ណា​​រ៉ុង អ្នក​​រចនា​ក្រប​មុខ​។ ពិធី​​តាំ​ងបង្ហាញ​​​សៀវ​​ភៅ​នេះ​ចាប់​ផ្តើម​នៅ​​ម៉ោង​​៦​ល្ងាចនៅ​ឯ​ភោជ​​នីយ​​ដ្ឋាន​ គឹត​​ ​​អេង ​​ជា​​ឈ្មោ​ះ​​​​ភរិយា​​​របស់​លោក​​ វ៉ាន់ ​​ណា​ត ​ស្ថិត​នៅ​ផ្ទះលេខ ​៣៣B​ ផ្លូ​វ​លេខ​១៦៩​ កែង​មហា​វិថី​​កម្ពុជា​​ក្រោម​។ ផ្ទាំ​ង​គំ​​នូរ​​​​របស់​​​ជា​ង​​គំ​នូរ​​​ដែល​ស្លាប់​ទៅ​ហើយ​នេះ​ ត្រូ​វ​​​ដាក់​តាំ​ង​​នៅ​ក្នុ​ង​​វិចិត្រ​សាល​មួ​យ​​នៅជិ​ត​​​ភោជ​នី​យ​ដ្ឋាន​​​នេះ​៕ ​ប្រែ​សម្រួល​​ដោ​យ ​ចេវ ប៊ុននី​

កម្មករ​រោង​ចក្រ​ជាច្រើន​នាក់​ដួល​សន្លប់​នៅ​រោងចក្រ​​ដែល​គ្រប់​គ្រង​ដោយ​ជន​ជាតិ​កូរ៉េ​

នគរបាល​ឲ្យ​ដឹង​ថា កម្មករ​រោង​ចក្រ​កាត់​ដេរ​ចំនួន​៤៥នាក់​នៅ​រោង​ចក្រ​​មួយ​ដែល​គ្រប់​គ្រង​ដោយ​ជន​ជាតិ​កូរ៉េ​នៅ​ក្នុង​ខណ្ឌ​ពោធិ៍​សែន​ជ័យ​ក្នុង​រាជធានី​ភ្នំពេញ ត្រូវ​បាន​បញ្ជូន​ទៅ​ព្យាបាល​​​នៅ​​មន្ទីរ​ពេទ្យ​  កាលពី​ម្សិល​មិញ បន្ទាប់​ពី​បាន​ដួល​សន្លប់​។ លោក វ៉ុន​ ទួន​ នាយ​រង​​នគរបាល​ប៉ុស្តិ៍​បាន​​មាន​ប្រសាសន៍​ថា មាន​ករណី​​ដាច់​​ចរន្ត​អគ្គិ​សនីនៅ​​ក្នុង​រោងចក្រនេះ​នៅពេល​រសៀល​​​បណ្ដាល​ឲ្យ​កម្មករ​នៅ​ក្នុង​រោង​ចក្រ​ឈ្មោះ​ វ៉ាន់ សែន ក្លូតឌិង  ​ខេមបូឌា (Van Shen Clothing Cambodia) ដួល​សន្លប់​ដោយ​សារក្តៅ​ខ្លាំង​ពេក​​ និង​​ហប់​ខ្យល់​​​ ហើយ​ពួកគេ​មិន​អាច​ដក​ដង្ហើម​បាន​ស្រួល​ទេ​។ លោក​មាន​ប្រសាសន៍​បន្ត​ថា នៅ​ពេល​ដាច់​​ចរន្ត​អគ្គិសនី​នោះ​​ បាន​បណ្តាល​ឲ្យ​កម្មករ​កាន់តែខ្សោយទៅៗដោយ​សារ​តែ​ក្ដៅ​ខ្លាំង​ពេក​​នៅ​​ក្នុង​រោង​ចក្រ​។ លោកបានមានប្រសាសន៍បន្ថែមទៀត​ថា កម្មករ​ទាំង​នោះ​កំពុង​សម្រាក​​ព្យាបាល​នៅ​​​គ្លីនិក​ឯកជន​មួយ​។ យោង​តាម​លោក ម៉េង ហុង ប្រធាន​នាយក​​ដ្ឋាន​​អធិការ​កិច្ច​​និង​កិច្ច​ការ​ច្បាប់​នៃ​​ក្រ​សួង​ការងារ​ឲ្យ​ដឹង​ថា​មាន​កម្មករ​រោង​ចក្រ​កាត់​ដេរ​ចំនួន​៤៧០​នាក់​បម្រើការ​នៅ​ក្នុង​រោង​ចក្រ​នោះ​​ហើយ​នេះ  ​គឺ​ជា​លើក​ទី​១​ហើយ​​ដែល​មាន​ការ​ដួល​សន្លប់​នៅ​រោង​ចក្រនេះ​ ហើយ​លោក​បាន​បញ្ជាក់​ថា​កម្មករ​ខ្លះ​បាន​ដួល​សន្លប់​ដោយ​សារ​ខ្វះ​ខ្យល់​ដក​ដង្ហើមគ្រប់គ្រាន់។ កម្មករ​ផ្សេង​ទៀត​បាន​ដួល​សន្លប់​នៅ​ពេល​ពួកគេ​បាន​ឃើញ​នូវ​អ្វី​ដែលបានកើត​ឡើង​ដល់​អ្នករួមការ​ងារ​របស់​ខ្លួន​។ លោកម៉េង ហុង បាន​​មាន​ប្រសាសន៍​​ថា វា​ធ្វើ​ឲ្យ​កម្មករ​មួយ​ចំនួន​ចាប់​ផ្ដើម​ខ្សោយ  ទៅៗនៅ​ពេល​ពួកគេ​បាន​ឃើញ​កម្មករ​ដទៃ​ទៀត​​ដួល​សន្លប់​ដោយ​លោក​បន្ថែម​ថា ឥឡូវ​នេះ​ កម្មករ​ខ្លះ​បាន​​ចេញ​ពី​គ្លីនិក​ត្រឡប់​ទៅ​ផ្ទះ​វិញ​ហើយ​៕ ប្រែសម្រួលដោយ ឃិន ណៃ​

​​ប្រទះ​ឃើញ​​ផ្សោត​មួយ​ក្បាល​ងាប់​​អណ្ដែត​ក្នុង​ទឹក​ទន្លេ​មេគង្គ​​​ក្នុង​​​​​​​ខេត្ត​កណ្ដាល

មន្ត្រី​នគរបាល​ម្នាក់​បាន​ឲ្យ​ដឹង​ថា​​សាក​​​សព​​ផ្សោត​ ជា​ប្រភេទ​សត្វ​កម្រ​ ជិត​ផុត​ពូជ​​មួយ​​​​ក្បាល​មាន​ទម្ងន់២១៥​គីឡូក្រាម​​ត្រូវ​បាន​គេ​ប្រទះ​ឃើញ​អណ្ដែត​ក្នុង​ទឹក​ទន្លេ​មេគង្គ​ នៅ​ក្នុង​ស្រុក​ល្វាឯម​ ​ខេត្ត​កណ្ដាល កាលពី​ព្រឹក​ម្សិល​មិញ។ លោក ជា​ ថុល អធិការ​នគរបាល​ស្រុក បាន​មាន​ប្រ​សាសន៍​ថា​ផ្សោត​ញី​មួយ​ក្បាល​មាន​ប្រ​វែង​២,៣៥​ម៉ែត្រ​បាន​ងាប់​នៅ​ពេលណា​មួយ​កាល​ពី​​ថ្ងៃ​អង្គារ​បន្ទាប់​ពី​បាន​ជាប់​មង​នៅ​ក្នុង​​ខេត្ត​ក្រចេះ ឬ នៅ​ក្នុង​ខេត្ត​កំពង់ចាម។ លោក ជា ថុល ​​​មាន​ប្រសាសន៍​បន្ត​ថា​​យើង​​​​បាន​​ប្រទះ​​ឃើញ​​ផ្សោត​នេះ​​​​នៅ​ពេល​​ប្រ​ជា​ពលរដ្ឋ​នៅ​ក្នុង​សង្កាត់​អារីយក្សត្រ​បាន​រាយការ​ណ៍​​​ប្រាប់​នគរបាល​ប៉ុស្តិ៍​ ហើយ​​​នគរ​​​បាល​​​​​បាន​ប្រាប់​មន្ត្រី​ជលផល​ដើម្បី​​ធ្វើ​ការ​ស៊ើប​​​​អង្កេត​​ថា​ តើផ្សោត​នេះ​ងាប់​យ៉ាង​ដូចម្ដេច​។ អង្គការ​មច្ឆាជាតិ​ពិភព​លោក (WWWF) បាន​ចេញ​សេចក្ដី​ថ្លែង​ការណ៍​មួយ​កាល​ពី​ម្សិល​មិញ​ដោយ​លើក​ឡើង​ថា​ ពួក​គេ​កំពុង​តែ​ពិនិត្យ​មើល​​ពី​មូលហេតុ​​​ដែល​បណ្ដាល​ឲ្យ​ផ្សោត​នេះ​ងាប់​។ ការ​ស៊ើប​អង្កេត​បឋម​បាន​​បញ្ជាក់​ថា​ផ្សោត​​នេះ​ងាប់​ដោយ​សារ​​ជាប់​មង​ ដែល​ជា​មូល​​​ហេតុ​ចម្បង​បណ្ដាល​ឲ្យ​ផ្សោត​​​​​​ងាប់​នៅ​ក្នុង​ទន្លេ​មេគង្គ​​​​​។ លោក យុន...

សកម្មជន​ប្រឆាំង​ការ​បណ្តេញ​ចេញ​នៅ​បឹងកក់​ជំទាស់​​នឹង​បម្រាម​ហែក្បួន

សកម្មជន​ប្រឆាំង​ការ​បណ្តេញ​ចេញ​ពី​ដីធ្លី​បាន​បន្ត​ផែនការ​របស់​ខ្លួន​ក្នុង​ការ​ហែ​ក្បួន​ក្នុង​រាជធានី​កាល​ពីម្សិល​មិញ ថ្វី​បើ​មាន​បទ​បញ្ជា​ពីសាលា​ក្រុងមិន​ឲ្យ​ធ្វើ​ដូច្នេះក៏ដោយ​ រដ្ឋាភិបាលក៏​បានព្រមាន​​ចំពោះ​ការ​តវ៉ា​នៅ​ពេល​កំពុងមាន​ភាព​តាន​តឹង​ផ្នែក​នយោ​​បាយ​នោះ​ បន្ទាប់​ពីការ​បោះ​ឆ្នោត​ជាតិ​​កាល​ពីខែ​កក្កដា​​ក៏ដោយ។ ដោយ​មិន​មាន​ការ​រួញរានោះ​ សកម្មជន​ជា​ស្ត្រី​ប្រហែល​១៥០​នាក់​មក​ពី​សហ​គមន៍​បឹង​កក់​បាន​រុញ​ច្រាន​កាត់​របាំ​ងនគរបាល​ដែល​បាន​ដាក់​នៅ​ជិត​តំបន់​របស់​ពួក​គេ​​ ហើយ​បាន​ដើរ​ក្បួនពី​វត្ត​ភ្នំ​ទៅ​កាន់​តុលាការ​កំពូល​ដើម្បី​រំឭក​ខួប​មួយ​ឆ្នាំ​នៃ​ការ​ចាប់​ខ្លួន​សកម្មជន​ យ៉ោម បុប្ផា ។ អ្នក​ស្រី​ យ៉ោម បុប្ផា ​កាល​ពីម្សិល​មិញ​បាន​ប្រារព្ធខួប​លើក​ទី​១​របស់​អ្នក​​ស្រី​នៅ​ក្នុង​ពន្ធនាគារ ​ដែលកំពុង​អនុវត្ត​ទោស​ជាប់​ពន្ធនាគារ​ពីរឆ្នាំ​តាមបទ​ចោទ​ប្រកាន់​មួយ​​ ដែល​មតិ​ទូទៅ​ជឿថា​ ជារឿង​នយោ​បាយ​​។ ទោះជាយ៉ាងណា នគរបាលបាន​​រឹប​អូស​យក​សម្ភារ​តវ៉ា​របស់សកម្មជន​ទាំង​នេះ​រួម​មាន​​បដា និង​ផ្កាឈូក​ផង​ដែរ​មុន​ពេល​អនុ​ញ្ញាត​ឲ្យ​ពួក​គេ​ចាក​ចេញ​ពីតំបន់​បឹង​កក់​។ អាជ្ញាធរ​រាជធានី​ភ្នំពេញ​​បាន​បដិសេធ​សំណើ​សុំ​ដើរ​ក្បួន​របស់​សកម្មជនបឹងកក់កាល​ពី​ម្សិល​មិញ  ដោយ​លើក​ឡើង​ពី​កង្វល់​អំពី​សណ្តាប់​ធ្នាប់​សាធារណៈ​ និង​ការ​កកស្ទះ​ចរាចរណ៍​។ នៅ​ថ្ងៃសៅរ៍​​ គេរំពឹង​ថា នឹង​មាន​មនុស្ស​រាប់​ពាន់​នាក់​ចេញមក​គាំទ្រ​គណបក្ស​សង្គ្រោះ​ជាតិ​​ចំពោះ​អ្វី​ដែល​គណបក្ស​នេះ បាន​ហៅ​ថា ជា​ការ​ជួបជុំ​បួង​សួ​ងជាជាង​ការ​ធ្វើ​បាតុកម្ម​។ នៅ​ឯ​តុលាការ​កំពូល​កាល​ពីម្សិល​មិញ​ ក្រុម​អ្នក​តវ៉ា​បាន​ច្រៀង​នៅ​មុខ​ទ្វា​រ​ចាក់​សោ​​របស់​តុលាការ​កំពូល​  និង​បាន​បង្ហោះ​ប៉េង​ប៉ោង​ពណ៌ស ចំនួន​៣៦៥ប៉េង​ប៉ោង​ ដោយ​ប៉េង​ប៉ោង​មួ​យ​តំណាង​ឲ្យ​​ថ្ងៃ​នីមួយៗ​នៃការ​ជាប់​ពន្ធ​នាគារ​របស់​អ្នក​ស្រី យ៉ោម​ បុប្ផា ។ លោក​ លួស សាខន ប្តី​របស់​អ្នក​ស្រី យ៉ោម​ បុប្ផា បាន​និយាយ​ថា “ខ្ញុំ​សង្ឃឹម​ថាតុលាការ​កំពូល​នឹង​ផ្តល់​យុត្តិធម៌​ឲ្យ​ប្រពន្ធ​ខ្ញុំ​ ពីព្រោះ​គាត់​មិន​បាន​ប្រព្រឹត្ត​បទល្មើសណាមួយ​ទេ​”។ អ្នក​ស្រី យ៉ោម​ បុប្ផា ត្រូវបាន​កាត់​ឲ្យ​ជាប់​ទោស​កាល​ពីចុង​ឆ្នាំ​២០១២​ ពីបទ​បញ្ជា​ឲ្យ​មាន​ការ​ប្រើ​អំពើ​ហិង្សា​ទៅលើ​អ្នក​បើក​បរ  ​រ៉ឺ​ម៉ក​ម៉ូតូ​ពីរនាក់​កាល​ពីដើមឆ្នាំនោះ​។ អ្នក​ស្រី យ៉ោម​ បុប្ផា បាន​បដិសេធ​ការ​ចោទ​ប្រកាន់​នេះ​ ហើយ​​អង្គការ​សិទ្ធិ​មនុស្ស​បាន​ថ្កោល​ទោ​ស​សាល​ក្រម​ផ្តន្ទាទោស​នេះ​ថា ជា​រឿង​នយោបាយ​​ ដោយ​សារ​ការ​ជាប់​ពាក់​ព័ន្ធ​របស់​​អ្នក​ស្រីនៅ​ក្នុង​ការ​តវ៉ា​ប្រឆាំង​នឹង​ការ​បណ្តេញ​ចេញ​។ អ្នក​ស្រី​កំពុង​រង់​ចំាតុលាការ​កំណត់​ពេលវេលា​បើក​សវនាការ​ឡើង​វិញ​។ ប្តីរបស់​អ្នក​ស្រី​បាន​និយាយថា “រឿង​ក្តី​របស់​ បុប្ផា គឺជា​រឿង​នយោបាយ​ ពីព្រោះ​មាន​ភ័ស្តុតាង​យ៉ាង​ច្បាស់​ថា លោក​នាយក​រដ្ឋ​មន្ត្រី​  ហ៊ុន  សែន  បាន​ថ្លែង​តាម​ទូរទស្សន៍​ថា រឿង ​​​ក្តី​របស់​ យ៉ោម​ បុប្ផា​ ពាក់​ព័ន្ធ​នឹង​អំពើ​ហិង្សា។ មាន​អំពើ​ហិង្សា​រាប់​លាន​ករណី​។ ហេតុ​អ្វី​បានជា​គាត់​និយាយ​តែ​អំពី​រឿង​ក្តី​របស់​ យ៉ោម​ បុប្ផា​ ។ ប៉ុន្តែ រឿង​ក្តី​ ឈូក​ បណ្ឌិត​ ​ខ្ញុំ​មិនបាន​ឮគាត់​និយាយ​ទាល់​តែ​សោះ​”។ ឈូក​ បណ្ឌិត​ គឺជា​អតីត​អភិបាល​ក្រុង​បាវិត​ដែល​មិនទាន់​បាន​ចាប់​ខ្លួន​ បន្ទាប់​ពី​ការ​ផ្តន្ទាទោ​សគាត់​កាល​ពីដើម​ឆ្នាំនេះ​ចំពោះ​ការ​បាញ់​កាល​ពីឆ្នាំ​២០១២​ទៅ​លើ​កម្ម​ករ​រោង​ចក្រកាត់​ដេរ​បីនាក់។ គេ​មិន​ដែល​ចាប់​ខ្លួន​គាត់​ទេ​ ថ្វី​បើ​​មាន​ការ​បញ្ជាក់​ថា ​លោក ឈូក​ បណ្ឌិត ជា​ជន​សង្ស័យ​ដ៏សំខាន់​នៅក្នុង​ការ​បាញ់​កម្មករ​ទាំង​បីនាក់នេះ​។​ រថយន្ត​ភីក​អាប់​មួយ​គ្រឿង​ដែល​ជាកម្ម​សិទ្ធិ​​របស់​មជ្ឈមណ្ឌលសិទ្ធិ​មនុស្ស​កម្ពុជា​​ដែល​​បាន​ដឹក​បដា​ និង​ផ្កា​របស់​អ្នក​តវ៉ា​កាល​ពី​ម្សិ​លមិញ​នោះ ត្រូវ​បាន​ឃាត់​​នៅ​តំបន់​បឹងកក់​​។ ក្រោយ​មក​  នគរបាល​បាន​ប្រគល់​រថយន្ត​នោះឲ្យ​វិញ​ ​ បន្ទាប់​ពី​លោក ​ មាស​  ច័ន្ទ​ពិសិដ្ឋ​ ព្រះ​រាជអាជ្ញា​រង​អម​សាលា​ដំបូង​រាជធានី​ភ្នំពេញ​ ត្រូវ​បាន​ហៅ​ឲ្យ​ទៅ​កាន់​កន្លែង​កើត​ហេតុ​ ហើយ​រថយន្ត​នោះ​ត្រូវ​បាន​ឆែក​ឆេរ​​​យ៉ាង​ល្អិត​ល្អន់​ ប៉ុន្តែ​រក​ឃើញ​តែ​បដា​ និង​ផ្កា​តែ​ប៉ុណ្ណោះ​។ ព្រះរាជអាជ្ញារង​រូប​នេះ បាន​ប្រាប់​បុគ្គ​លិក​ម្នាក់​​របស់​មជ្ឈមណ្ឌល​សិទ្ធិ​មនុស្ស​កម្ពុជា​ថា “យើង​បាន​ឃាត់​រថយន្ត​ភីកអាប់​នេះ ពី​ព្រោះ​រថយន្ត​នេះ​ដឹក​សម្ភារ​សម្រាប់​ធ្វើ​ការ​តវ៉ា​គាំទ្ររឿង​ក្តី​​របស់​អ្នក​ស្រី យ៉ោម​ បុប្ផា​។ ​យើង​បារម្ភ​ថា សម្ភារដែល​បងប្អូន​ដឹក​នោះ​អាច​បង្ក​គ្រោះថ្នាក់​ដល់​ប្រជាពល​រដ្ឋ​”។ លោក មាស ច័ន្ទ​ពិសិដ្ឋ បាន​បដិសេធ​មិន​និយាយ​ជាមួយ​អ្នក​យក​ព័ត៌មាន​ទេ​មុន​ពេល​ចាក​ចេញ​ពីកន្លែង​នោះ​។ អ្នក​ស្រី​ ស៊ុង​ ស្រី​លាភ​ ជាអ្នក​តវ៉ា​ម្នាក់​​បាន​និយាយ​ថា “​វាជាការ​រំលោភ​សិទ្ធិ​មនុស្ស​ដ៏ធ្ងន់​ធ្ងរ​ដែល​នគរបាល​ចាប់​យក​បដា និង​ផ្កា​របស់​ប្រជាជន​។ នគរបាល​គួរតែ​ជួយ​ប្រជា​ពល​រដ្ឋ​ក្នុង​ការ​រៀបចំ​ពិធីនេះ​ មិន​មែន​ចាប់​យក​សម្ភារ​ដូច​ចោរ​នោះទេ​៕ ប្រែសម្រួលដោយ មូល​ គឹមហឿន

ការ​កាប់​រាន​ព្រៃ​​ហួស​ព្រំដែន​មុន​​ពេល​ទំនប់​​វារី​អគ្គិសនី​​សាង​សង់​

ការ​កាប់​រាន​ព្រៃ​បាន​ចាប់​ផ្ដើម​ជា​ផ្លូវ​ការ​នៅ​ក្នុង​ខេត្ត​ស្ទឹង​ត្រែង​ ដើម្បី​ត្រៀម​សម្រាប់​​ការ​សាង​សង់​​ទំនប់​​វារី​អគ្គិសនី​ដ៏​ធំ​មួយ​ ប៉ុន្តែ​អ្នក​ភូមិ​និង​អាជ្ញាធរ​មូលដ្ឋាន​បាន​លើក​ឡើង​កាល​ពី​ម្សិលមិញ​ថា ការ​កាប់​រាន​ព្រៃ​នេះ​​ គឺ​វា​ហួស​ព្រំដែន​នៃ​តំបន់​សម្បទាន​ផ្លូវ​ការ​​សម្រាប់​គម្រោង​នេះ​។ ទំនប់​វារី​អគ្គិសនី​សេសាន​​ក្រោម​២ ត្រូវបាន​រដ្ឋ​សភា​អនុម័ត​កាល​ពី​ខែ​កុម្ភៈ​ ចំពេល​មាន​​ការ​ជំទាស់​យ៉ាង​ខ្លាំង​ពី​​សកម្មជន​​ការពារ​​បរិស្ថាន​ និង​​សមាជិក​សភា​មក​ពី​គណបក្ស​ប្រឆាំង​ ដែល​បាន​ជំទាស់​ថា ការ​ប៉ះពាល់​បរិស្ថាន​ និង​សង្គម​ គឺ​វា​មាន​​​ច្រើន​ជាង​ផល​ចំណេញ​ដែល​បាន​មក​ពី​​ការ​សាង​សង់​ទំនប់​វារី​អគ្គិ​សនី​នេះ ។ ទំនប់​វារីអគ្គិសនី​កម្លាំង​​៤០០​មេហ្កាវ៉ាត់ ជា​គម្រោង​​ដែល​មាន​​​ការ​សហការ​​គ្នា​​រវាង​លោក​ គិត​ ម៉េង​ ពាណិជ្ជករ​កម្ពុជា​ និង​ក្រុម​ហ៊ុនថាមពល​អន្តរជាតិ​​​ Hydrolancang Intre-national Energy Co. Ltd ​របស់​ប្រទេស​ចិន​នេះធ្វើ​ឲ្យ​ប្រជាពលរដ្ឋ​ជាង​៥.០០០​នាក់​​​ក្នុង​ស្រុកសេសាន​​បាត់​បង់​លំនៅ​ដ្ឋាន​។​ ហើយ​​ការ​សិក្សា​ពី​គម្រោង​នេះ​បាន​​អះអាង​ថា ការ​បង្កើត​គម្រោង​នេះ​ នឹង​​ធ្វើ​ឲ្យ​ប៉ះពាល់​យ៉ាង​ខ្លាំង​ដល់​ផល​នេសាទ​ ដែល​អាច​នឹង​​ជះ​ឥទ្ធិពល​ដល់​ជីវភាព​រស់​នៅ​​របស់​ប្រជា​ពល​រដ្ឋ​ជាង​១០០.០០០​នាក់​ ដែល​រស់​នៅ​​ខ្សែ​ទឹក​ខាង​ក្រោម​និង​ខាង​លើ​​នៃ​ទំនប់​វារី​អគ្គិ​សនី​នេះ​។ អាជ្ញាធរ​ឃុំ​​ស្រែ​គរ​ បាន​រាយការណ៍​ថា ការ​កាប់ឈើ​នៅ​ក្នុង​តំបន់​​សម្រាប់​​បង្កើត​​អាង​ស្ដុក​ទឹក​ ដែល​មាន​ទំហំ​៣៦.០០០​ហិក​តា​​នេះ​បាន​ចាប់​​ផ្ដើម​កាល​ពី​ខែ​មេសា​ តែ​​មន្ត្រី​​ថ្នាក់​ខេត្ត​​បាន​បដិសេធ​ការ​អះអាង​នេះ​។ លោក​ ទិត វី​ ប្រធាន​រដ្ឋបាល​​ព្រៃ​ឈើ​ ដែល​គ្រប់​គ្រង​ឃុំ​ស្រែ​គរ​ និង​ក្បាល​រមាស​​បាន​លើក​ឡើង​ថា “មាន​តែ​មន្ត្រី​ថ្នាក់​លើ​ទេ​ ដែល​អាច​និយាយ​​ជាមួយ​ប្រព័ន្ធ​ផ្សព្វផ្សាយ​​បន្ថែមបាន​​អំពី​ការ​​កាប់​រាន​ព្រៃ​សម្រាប់​គម្រោង​​​សាង​សង់​ទំនប់​វារីអគ្គិសនី​នេះ​”។ លោក​ ទិត​ វី បាន​បញ្ជាក់​ថា កម្មករ​របស់​គម្រោង​​សាង​សង់​ទំនប់​វារី​អគ្គិសនី​នេះ​បាន​ចាប់​ផ្ដើម​កាប់​រាន​ព្រៃ​នៅ​ក្នុង​តំបន់​អាង​ស្ដុកទឹក​នេះ​ជា​ផ្លូវ​ការ​​ហើយ​ ប៉ុន្តែ​លោក​បាន​បដិសេធ​មិន​និយាយ​ថា ពេល​ណា​កម្មករ​​ទាំង​នេះ​​បាន​ចាប់​ផ្ដើម​កាប់​​រាន​ព្រៃ​នោះ​ទេ​។ លោក​ សេក​ មេគង្គ មេ​ឃុំ​ស្រែ​គរ​​បាន​អះអាង​ថា ការ​កាប់​​រាន​ព្រៃ​នេះ​ឥឡូវ​វា​បាន​ហួស​ព្រំដែន​នៃ​តំបន់​សម្បទាន​ទៅ​ហើយ​ គឺ​មាន​ចម្ងាយ​​២០​គីឡូម៉ែត្រ​​ពី​ច្រាំង​ទន្លេ​សេសាន​។ លោក​ សេក​ មេគង្គ​ បាន​មាន​ប្រសាសន៍​ថា ឈើ​ដែល​កាប់​​​នៅ​ខាង​ក្រៅ​តំបន់​អាង​ស្ដុក​ទឹក​នេះ​ នឹង​​ត្រូវ​ចាត់​ទុក​ជា​ឈើ​ ដែល​កាប់​​នៅ​ខាង​ក្នុង​តំបន់​សម្បទាន​ ហើយ​វា​អាច​​មាន​តម្លៃ​ពី​១៥០​ដុល្លារ​ទៅ​៥០០​ដុល្លារ​ក្នុង​មួយ​ម៉ែត្រ​គូប​ អាស្រ័យ​លើ​គុណ​ភាព​ឈើ​។​ លោក​បាន​មា​ន​ប្រសាសន៍​បន្ត​ថា “បន្ទាប់​មក​ឈើ​ដែល​កាប់​នៅ​ខាង​ក្រៅ​តំបន់​អាង​ស្ដុក​ទឹក​ នឹង​ត្រូវ​យក​ទៅ​ស្ដុក​ទុក​នៅ​ខាង​ក្នុង​តំបន់​សម្បទាន​។​ ហើយ​អ្នក​ភូមិ​ភាគ​ច្រើន​​បាន​យល់​ព្រម​កាប់រាន​ព្រៃ​ ដើម្បី​យក​ឈើ​​ទៅ​លក់​គ្រាន់​នឹង​បាន​ប្រាក់​​កាស​​ខ្លះ​”។ អ្នក​ភូមិ​ស្រែ​គរ​ម្នាក់​​ ដែល​ស្នើ​មិន​បញ្ចេញ​​ឈ្មោះ​បាន​និយាយ​ថា គាត់​​និង​​សមាជិក​គ្រួសារ​របស់​គាត់​ផ្សេង​ៗ​ទៀត​​បាន​ចូល​រួម​នៅ​ក្នុង​ការ​កាប់​រាន​ព្រៃ​នេះ​ ដោយ​ដឹង​ថា អាជ្ញា​ប័ណ្ណ​​ដែល​ចេញ​ដើម្បី​ការ​កាប់​រាន​ព្រៃ​​សម្រាប់​គម្រោង​​ទំនប់​វារី​អគ្គិសនី​ នឹង​ការ​ពារ​សកម្មភាព​ខុស​ច្បាប់​របស់​ខ្លួន​។ គាត់​​បាន​និយាយ​ថា “ប្រសិន​បើ​ខ្ញុំ​​បដិ​សេធ​មិន​ធ្វើ​ទេ​នោះ​​ អ្នក​ភូមិ​ផ្សេង​ៗ​ទៀត​​នឹង​នៅ​តែ​​កាប់​ឈើ​នេះ​ដដែល​ ហើយ​​យើង​​ក៏​ត្រូវ​ការ​លុយ​ដែរ​​។ ក្រុម​ហ៊ុន​​បាន​ប្រាប់​ពួក​យើង​​ថា ពួក​គេ​​ទទួល​បាន​អាជ្ញាប័ណ្ណ​ពី​រដ្ឋាភិ​បាល​ ដើម្បី​​កាប់​​ឈើ​​ទាំង​អស់​នេះ​ ហេតុ​ដូច្នេះ​ហើយ​អ្នក​ភូមិ​មិន​ចាំបាច់​ព្រួយ​បារម្ភ​អ្វី​ឡើយ​”។ តែ​ទោះ​ជា​យ៉ាង​ណា​គាត់​​មិន​បាន​បញ្ជាក់​ពី​ក្រុមហ៊ុន​ដែល​គាត់​កំពុង​និយាយ​​ទេ​។ ដោយ​ចាត់​ទុក​ថា ការ​បង្កើត​​ទំនប់​វារី​អគ្គិ​សនី​នេះ​ “គឺ​ជា​កំហុស​ឆ្គង​មួយ​ដ៏​ធំ​” លោក​ មៀច​ មាន​ អ្នក​សម្របសម្រួល​​នៅអង្គការ​បណ្ដាញ​​ការ​ពារ​ទន្លេសេសាន ស្រែពក និង​សេកុង​​​ ដែល​បាន​ព្យាយាម​ឲ្យ​មាន​ការ​​បញ្ឈប់​​ការ​សាង​សង់​​នៅ​តំបន់​​នោះ​ កាល​ពី​ម្សិល​មិញ​បាន​អំពាវនាវ​ឲ្យ​រដ្ឋាភិបាល​​ជួយ​ធ្វើ​អន្តរាគមន៍​​​នៅ​ក្នុង​ការ​កាប់​ឈើ​ហួស​​ព្រំដែន​ និង​​ឲ្យ​ជួយកំណត់​ព្រំដែន​ឲ្យ​បាន​ច្បាស់​លាស់​ ដើម្បីបញ្ជាក់​ពី​ចំណុច​ចាប់​ផ្ដើម​ និង​ចំណុច​បញ្ចប់​​នៃ​តំបន់​សម្បទាន​សម្រាប់​គម្រោង​នេះ​។ លោក​ មៀច មាន​ បាន​លើកឡើង​ថា “គម្រោង​​សាង​សង់​ទំនប់​វារី​អគ្គិសនី​នេះ​​បាន​បង្ក​ឲ្យ​មាន​សកម្មភាព​​កាប់​ឈើ​​ខុសច្បាប់​​យ៉ាង​ខ្លាំង​មួយ​ចំនួន​រួច​ទៅ​ហើយ​ ហើយ​វា​ក៏​បាន​រំលោភ​​លើ​កិច្ច​ព្រម​ព្រៀង​ ”។ យោង​តាម​ច្បាប់​ចម្លង​​នៃ​ឯកសារ​ ពី​ការិយាល័យ​មេធាវី​ Ang & Associates Lawyer Ltd. ​ដែល​ទទួល​បាន​​កាល​ពី​ដើម​ឆ្នាំ​នេះ​បាន​ឲ្យ​ដឹង​ថា ក្រុមហ៊ុន​របស់​លោក​ គិត​ ម៉េង និង​ក្រុមហ៊ុន​មួយ​ទៀត​​របស់​លោក​ សុខ វណ្ណា ដែល​ត្រូវ​ជា​បងប្អូន​របស់​លោក​ សុខ គង់​ ស្ថាប​និក​ក្រុមហ៊ុន​​សូគីម៉ិច​គ្រុប​ ជា​ក្រុម​ហ៊ុន​ក្នុង​ស្រុក​ដ៏​ធំ​មួយ​ បានព្រម​ព្រៀង​ចូល​ហ៊ុន​​ជាមួយ​គ្នា​ ដើម្បី​កាប់​រាន​ព្រៃ​នៅ​តំបន់​សម្រាប់​​​សាងសង់​ទំនប់​វារី​អគ្គិសនី​នេះ​។ យោង​តាម​​ឯកសារ​ដែល​ទទួល​បាន​នេះ​ បាន​ឲ្យ​ដឹង​ថា កិច្ច​សន្យា​របស់​ក្រុមហ៊ុន​ទាំង​ពីរ​នេះ​បាន​លើក​ឡើង​ថា “គម្រោង​ដែល​នឹង​កាប់​រាន​ព្រៃ​នៅ​ក្នុង​​ដី​ព្រៃ​ទំហំ​ប្រហែល​៣៦.០០០​ ​នឹង​ត្រូវ​​អនុវត្ត​​ក្នុង​រយៈ​ពេល​បី​ឆ្នាំ​ ពោល​គឺ​ចាប់​ពី​ឆ្នាំ​២០១៣ ដល់​ឆ្នាំ​២០១៥”។ កិច្ច​សន្យានេះ​បាន​បន្ថែម​ថា ដី​ព្រៃ​ទំហំ​១០.០០០​ហិក​តា នឹង​​ត្រូវ​កាប​់​រាន​​ក្នុង​ឆ្នាំ​ដំបូង​។ ហើយ​ដី​ព្រៃ​ទំហំ​១៣.០០០​ហិកតា ក្នុង​ឆ្នាំ​ទី​២ រីឯដីព្រៃ​ទំហំ​១៣​.០០០​ហិក​​តា ផ្សេង​ទៀត​សម្រាប់​ឆ្នាំ​ចុង​ក្រោយ​”។ ឯកសារ​​ចុះ​​ថ្ងៃ​ទី​១៥ ខែ​មករា នេះ​សំដៅ​ទៅ​លើ​ “ការ​កាប់​រាន​ព្រៃ​ ការ​ប្រមូល​ និង​ការ​នាំ​ចេញ​ឈើ​អារ​រួច​  ​សម្រាប់​លក់​នឹង​នាំ​ចេញ​ទៅ​ទី​ផ្សារ​ក្នុង​ស្រុក​ និង​អន្តរជាតិ​ ដោយ​​ទទួល​បាន​មក​វិញ​នូវ​ទឹក​ប្រាក់​សុទ្ធ​ចំនួន​បី​លាន​ដុល្លារ​”។ លោក​ ចាន់​ អង្គ​ លេខា​របស់​លោក​​ សុខ វណ្ណា​ បាន​លើក​ឡើង​ថា លោក​ សុខ វណ្ណា សុំ​​មិន​​​ធ្វើ​អត្ថាធិប្បាយទេ​ពាក់​ព័ន្ធ​នឹង​​​រឿង​នេះ​ដោយ​លោក​បាន​លើក​ឡើង​ថា លោក​ គិត​ ម៉េង​ ដឹង​​រឿង​នេះ​ច្រើន​ជាង​។ លោក ចាន់ អង្គ បាន​លើក​ឡើង​បន្ត​ថា “លោក​​គ្មាន​តួនាទី​និយាយ​ជាមួយ​ប្រពន្ធ​ផ្សព្វផ្សាយ​ទេ​ពាក់​ព័ន្ធ​នឹង​រឿង​នេះ​ ពីព្រោះ​បុគ្គល​សំខាន់​នោះ​  គឺ​នៅ​តែ​ជា​អ្នកឧកញ៉ា    គិត ម៉េង”។ លោក​ គិត​ ម៉េង​ បាន​បដិសេធ​មិន​ធ្វើ​អត្ថា​ធិប្បាយ​ឡើយ​៕  ប្រែសម្រួលដោយ ស៊ា ស៊ុយឈាង​

​ប្រទេ​ស​​​ជ​ប៉ុន​​នឹ​ង​ផ្តល់​​​​​ប្រាក់​កម្ចី​​​ដល់​សាលា​​ក្តី​ខ្មែរក្រហម

កា​ល​​ពី​ម្សិល​មិញ ​​​ប្រទេស​​ជ​ប៉ុន​​​​បា​ន​ព្រមព្រៀង​​​ផ្តល់​មូល​និធិ​​​ខ្លះៗរបស់ខ្លួន​ ដល់​​​​ភាគី​​​​អ​ង្គ​កា​រ​​ស​​ហ​​ប្រ​ជា​ជាតិ​នៃ​សាលា​​ក្តី​​ខ្មែរ​​​ក្រហម​កូ​ន​កាត់​ ដែល​កំពុង​មាន​បញ្ហា​ថវិ​កា ​ដើម្បី​​​ជួយ​​​បំ​ពេញ​​កង្វះ​​​ខាត​ថវិ​កា​​២,៩​លា​ន​​ដុល្លារ​។ ​​បញ្ហា​​មូ​ល​​និ​ធិ​​​​នៅ​​តុ​លា​កា​រ​ឧក្រិដ្ឋ​កម្ម​​សង្គ្រាម​​​​នេះ ​​​បា​ន​នាំឲ្យ​បុគ្គលិក​​ខ្មែរ​​​​​ជា​ង​​១​៣០​​នាក់​​​បន្ត​​ធ្វើ​​កូដកម្ម​​​ក្នុង​ស​ប្តា​ហ៍​​នេះ​​ដើ​ម្បី​ទាម​ទារ​​ប្រាក់​​ខែ​​មិ​ន​ទាន់​បើក​​រយៈពេល​​ជា​​ច្រើន​​ខែ​​ ​ហើយ​​ជំរុញ​ឲ្យ​រដ្ឋាភិ​បា​ល​​អំ​ពាវ​នាវរក​ជំនួយ​​​ពី​សហ​គមន៍​​អន្តរជា​តិ។ នៅ​ក្នុ​ង​​​ជំនួ​ប​​មួ​យ​​​ជា​មួ​យលោក​ឧប​នា​យក​​រដ្ឋ​មន្ត្រី សុខ ​​​អាន ​លោក គូម៉ា​​រុ ​យូ​ជី ​(Kuma-​maru Yuji) ​ឯក​អគ្គ​​រាជ​​​ទូ​ត​​​ជ​ប៉ុន ​​​កា​ល​​ពី​ម្សិល​មិញ​​ បា​ន​​​យល់​ព្រម​ផ្តល់​កម្ចី​​តា​ម​​​រយៈ​​​អ​ង្គ​កា​រ​សហ​ប្រជា​ជាតិ​​ ​ដើម្បី​ជួ​យ​​ផ្គត់​​ផ្គង់​​​ភាគី​​ជាតិ​ក្នុង​​តុ​លា​កា​រ​​​នេះ​។ ​មូ​ល​និធិ​​​​នេះ​ជា​ការ​ទទួល​ខុស​ត្រូវ​របស់​​​​​រដ្ឋាភិ​បាល​​​កម្ពុជា​។ លោក ឯក ​ថា ​អ្នក​នាំ​​ពាក្យ​​​របស់​​​អង្គ​ភាព​​​ព័ត៌មា​ន​ និង​ប្រតិកម្ម​​រហ័ស​​​​​នៃ​​ទី​ស្តី​កា​រគណៈ​​​រដ្ឋ​មន្ត្រី ថ្លែង​ថា “នៅ​​ក្នុ​ង​​​ជំ​នួប​នេះ ​​ឯក​​អគ្គ​​រាជ​​​ទូ​ត​​​ជ​ប៉ុន​​បា​ន​​យល់​ស្រប​​​ជា​​មួ​យ  ថា ​​​​​ជប៉ុននឹង​ឲ្យ​​ខ្ចី​មូ​ល​​និធិ​ខ្លះ​​​តា​ម​​រយៈ​​ប្រាក់​ដែល​​ជ​ប៉ុន​​ផ្តល់​ឲ្យ​អង្គការ​​​សហ​ប្រ​ជា​​ជាតិ​...​សម្រា​ប់​ភាគី​​ជាតិ​នៃ​តុលាកា​រ​​​នេះ​”។​ លោក​​បា​ន​បន្តថា “អង្គកា​រ​​​សហ​ប្រជា​ជាតិ​ បញ្ជូ​ន​ប្រាក់​​ឲ្យ​​​ទៅ​​ភាគី​អន្តរ​ជាតិ​។​​ បន្ទាប់​​មក​ ភាគី​អន្តរ​​ជាតិនឹង​ផ្តល់​កម្ចី​​នេះ​​ឲ្យ​មក​​​ភាគី​​​ជាតិ​​​នៃតុ​លាការ​​នេះ​​”។ លោក ឯក ​ថា ​​បា​ន​ឲ្យដឹង​​ថា ​​ព័ត៌​មាន​​ជាក់​លាក់​ទាក់​ទង​នឹង​​​ចំនួន​ប្រាក់​កម្ចី​នេះ​ ឬ​​​ពេល​វេលា​នៃការ​ផ្តល់​ប្រាក់​​​កម្ចី​​នេះ មិន​​ត្រូវ​បាន​ពិ​ភាក្សា​​នៅ​ក្នុង​កិច្ច​ប្រជុំ​នោះ​​ទេ​​។ អ្ន​ក​នាំ​​ពាក្យ​មួយរូប​នៅ​​​ស្ថា​ន​​ទូ​ត​​ជ​ប៉ុន​​​ប្រចាំ​​រាជ​ធា​​​នី​ភ្នំ​​ពេញបា​ន​​បដិ​សេធ​​​​មិន​​បញ្ជាក់​​ពី​​​សេចក្តី​​លើក​ឡើង​​​​របស់​​រដ្ឋា​ភិបាល​កម្ពុជា​ ដែល​​ថា  ​​ស្ថាន​ទូតជប៉ុន​​នឹង​​ផ្តល់​កម្ចី​នេះ​​ដល់​សា​លា​​ក្តី​​​នេះ​​​ទេ​។ សាលា​ក្តី​ឧក្រិដ្ឋ​កម្ម​សង្គ្រាម​នេះ​ ញាំញី​​​ដោយ​​កា​រ​ចោទ​ប្រកាន់​​​ថា ​មាន​កា​រ​​​ជ្រៀត​ជ្រែក​​​​​​​​ពី​រដ្ឋាភិ​បាល​ និ​ង​​​អំពើ​​​ពុ​ក​រលួ​យ​ ចាប់​​តាំ​ង​​ពី​​​​សាលា​​ក្តី​​នេះ​​ត្រូវ​បាន​បង្កើត​ឡើង​ក្នុ​ង​ឆ្នាំ​​២០០៧​ ហើយ​អ្នក​វិភាគ​​​បា​ន​ប៉ាន់ប្រ​មាណ​​​​ថា បញ្ហា​​ខ្វះខាត​មូ​ល​​និធិ​នៅ​ភាគី​ជាតិ​​​​របស់​ស្ថា​ប័​ន​​នេះ ​​គឺ​ដោយសារ​តែ​​អ្នក​​ជំ​នួ​យ​​អន្តរ​​​ជាតិ​ កំ​ពុ​ង​នឿយ​​ណា​​យ​ក្នុ​ង​កា​រ​ផ្តល់​​ជំ​នួ​យ ​និ​ង​​ស្ទាក់​​​ស្ទើរ​ក្នុង​ការ​ផ្តល់​ប្រាក់​ឲ្យ​រដ្ឋាភិ​បា​ល​។ លោក​...

ក្រុម​​អាជីវករ​​​​​បិទ​ផ្លូវ​នៅ​​ជិត​​​​ព្រំដែន​​ដើម្បី​​តវ៉ា​នឹង​ការ​រឹប​អូស​ទំនិញ​របស់​ខ្លួន​ពី​សំណាក់​អាជ្ញាធរ​ថៃ​​

មន្ត្រី​ព្រំដែន​ម្នាក់​​បាន​ឲ្យ​ដឹង​ថា​ចរាចរណ៍​​រវាង​ប្រទេស​កម្ពុជា​ និង​ប្រទេស​ថៃ​ ត្រូវ​បាន​បង្អាក់​​មួយ​​រយៈពេល​ខ្លី​កាលពី​ម្សិលមិញ នៅ​ពេល​ក្រុម​កម្មករ​អូស​រទេះ​កង់​ពីរ​ប្រហែល​១០គ្រឿង​បាន​បិទ​ផ្លូវ​នៅ​លើ​ស្ពាន​មួយ​ដែល​ភ្ជាប់​​ពី​ខេត្ត​បន្ទាយ​មាន​ជ័យ​​ក្នុង​​ប្រទេស​កម្ពុជា​ទៅ​ខេត្ត​អារញ្ញប្រាថេត​​ក្នុង​ប្រទេស​ថៃ​។ លោក ង៉ោ​ ម៉េង​ជ្រួន អភិបាល​ក្រុង​ប៉ោយ​​ប៉ែត​បាន​ថ្លែង​ថា​ ការ​ស្ទះ​ចរាចរណ៍​​ ​​បាន​កើត​ឡើង​នៅ​ពេល​អាជ្ញាធរ​ថៃ បាន​ព្យាយាម​​រឹប​អូស​​យក​ទំនិញ​​ក្លែង​ក្លាយ​​ដែល​​ក្រុម​​អាជីវករ​​​​ទាំង​នោះ​​​ព្យាយាម​យក​ទៅ​លក់​ក្នុង​​ផ្សារ​​រុង​​គ្រឿ​នៅ​ជិត​ព្រំដែន​ក្នុង​ប្រទេស​​ថៃ។ លោក​ថ្លែង​បន្ត​ថា “ ពួកគេ​ចង់​យក​ទំនិញ​​​ដែល​មាន​ស្លាក​សញ្ញា​ថៃ​ក្លែង​ក្លាយ ចូល ដូច្នេះ​​​​អាជ្ញាធរ​ថៃ​ចង់​រឹប​អូស​ទំនិញនេះ​។ ក្រុម​អាជីវករ​​​​មាន​ការ​ព្រួយ​បារម្ភ​​​ថា ពួកគេ​អាច​​​ប្រឈម​ជាមួយ​នគរបាល​ប្រសិន​បើ​ពួកគេ​ចូល​ទៅ​ក្នុង​ប្រទេស​ថៃ​នោះ ​ដូច្នេះ​ហើយ​បាន​​ធ្វើ​ឲ្យ​ស្ទះ​ចរាចរណ៍​តែ​ម្ដង​ទៅ​”។ កាសែត​បាងកក​ប៉ុស្តិ៍​កាលពី​ម្សិលមិញ​បាន​រាយការណ៍​ថា ក្រុម​អាជីវករ​​​បាន​បិទ​ផ្លូវ​នៅ​លើ​ស្ពាន​នេះ​ដោយ​ចេតនា​ ដើម្បី​ធ្វើ​ការ​តវ៉ា​ ពី​ព្រោះ​​ក្រុម​​អាជ្ញាធរ​​ថៃ មិន​អាច​អនុញ្ញាត​ឲ្យ​ពួក​គេ​លក់​ខោអាវ​ជជុះ​នៅ​ក្នុង​ទីផ្សារ​នោះ បាន​ទេ ប៉ុន្តែ​​​មន្ត្រី​ថៃ​បាន​បដិសេធ​អំពី​ការ​ចោទ​ប្រកាន់​នេះ​។ លោក ង៉ោ ម៉េងជ្រួន បានមាន​ប្រសាសន៍​បដិ​សេធ​ថា អាជ្ញាធរ​​ថៃ​​មិន​បាន​រារាំង​ក្រុម​អាជី​វករ​​មិន​ឲ្យ​ឆ្លង​ព្រំ​ដែន​​ទេ​៕ ប្រែសម្រួលដោយ ឃិន ណៃ​

មានការ​ជួញដូរមនុស្ស​និង​ការ​រំលោភ​បំពាន​សិទ្ធិពលករធ្ងន់​​​ធ្ងរ​​​​នៅក្នុងឧស្សាហកម្ម​នេសាទ​ថៃ

យោង​​​តាម​​​របាយការណ៍​​​ថ្មី​​​មួយ​​​របស់​​​អង្គការ​​​​​​ពល​​​កម្ម​​​អន្តរជាតិ​​​បាន​​​ឲ្យ​​​ដឹង​​​ថា ​​​មាន​​​ពល​​​រដ្ឋ​​​ខ្មែរ​​​តែម្នាក់ប៉ុណ្ណោះនៅ​​​ក្នុង​​​ចំណោម​​​២៤១​​​​​​នាក់​​​ដែល​​​បាន​​​សាក​​​សួរ​​​សម្រាប់​​​ការ​​​ស្ទង់​​​មតិ​​​ដ៏ធំបំផុត​​​អំពីការ​​​រំលោភ​​​បំពាន​​​លើ​​​កម្លាំង​​​ពល​​​កម្ម​​​នៅ​​​ក្នុង​​​​​​ឧស្សាហ​​​កម្ម​​​នេសាទ​​​ថៃ​​​រហូត​​​មកដល់​​​សព្វថ្ងៃ​​​នេះ​​​បាន​​​និយាយ​​​ថា ​​​គាត់​​​ត្រូវ​​​បាន​​​បង្ខំ​​​ឲ្យធ្វើ​​​ការ​​​ងារ​​​​នេសាទ។ បើទោះជាយ៉ាងណា​​​ លទ្ធផល​នៃ​ការ​រក​ឃើញ​​​​មួយ​​​ចំនួន​​​មាន​​​ការ​​​ផ្ទុយ​​​គ្នា​​​ទៅ​​​នឹង​​​របាយ​​​ការណ៍​​​​​​របស់​​​អង្គការ​​​​​​ក្រៅ​​​រដ្ឋាភិបាលអំ​​ពីការ​​​ជួញ​​​ដូរ​​​ពល​​​ករ​​​ចំណាក​​​ស្រុក​​​យក​​​ទៅធ្វើ​​​ការ​​​នៅ​​​ក្នុង​​​ឧស្សា​​​ហក​​​ម្ម​ដែល​មានទឹក​​​ប្រាក់​​​ក្នុង​​​មួយ​​​ឆ្នាំ​​​ៗចំនួន​​​៧ពាន់​​​លាន​​​ដុល្លា​​​រ​​​នេះក៏​​​ដោយ​​​ ក៏​​​របាយ​​​ការណ៍​​​ដែល​​​មាន​​​ចំណង​​​ជើង​​​ថា ការ​​​អនុវត្ត​​​ការងារ​​​ និង​​​លក្ខខណ្ឌ​​​ការងារ​​​នៅ​​​ក្នុង​​​វិស័យ​​​នេសាទ​​​របស់​​​ថៃ​​​ និង​​​បាន​​​ចេញ​​​ផ្សាយ​​​កាល​​​ពី​​​ថ្ងៃ​​​ច័ន្ទ​​​ នោះបានរកឃើញ​​​ថា មាន​​​ការរំលោភ​​​ច្បាប់​​​ការងារ​​​យ៉ាង​​​ធ្ងន់​​​ធ្ងរ។ ពលករ​​​ស្ទើរតែ​ទាំង​អស់​ក្នុង​ចំណោម​ពលករ​​​៥៩៦​​​នាក់​​​ដែល​​ត្រូវ​​បានស្ទង់​​​មតិ​​​ និង​ភាគច្រើន​​​មក​​​ពី​​​ប្រទេស​​​ភូមាមិន​​​មាន​​​កិច្ច​​​សន្យា​​​​​​ការងារ​​ទេ​​​ ដែលនេះ​គឺ​ជា​ការ​​​​រំលោភ​​​ច្បាប់​​​ការងារ​​​ថៃ​​​។មាន​​​តែ​​​ជាង​​​៥ភាគរយ​​​ប៉ុណ្ណោះនៅ​​​​​​ក្នុង​​​ចំណោម​​​អ្នក​​​ស្ទង់​​​មតិ​​​នោះ​​​និយាយថា ពួក​​​គេ​​​ត្រូវ​​​បាន​​​បោក​​​ប្រាស់​​​ ឬ​​​បង្ខំ​​​ឲ្យធ្វើ​​​ការ​នេះ​​​​ ហើយ​​​១៧​​​ភាគរយ​​​និយាយ​​​ថា ​​​ពួក​​​គេ​​​រស់នៅ​​​ក្នុង​ប្រទេស​​​ថៃ​​​ផ្ទុយ​​​នឹង​​​ឆន្ទៈ​​​របស់​​​​​​ខ្លួន​​​ព្រោះ​​​​ខ្លាច​មាន​​ការ​​​រំលោភ​​​បំពាន​​​លើ​​​រាងកាយ ឬ​ខ្លាច​​​​បាត់​​​បង់​​​ប្រាក់​​​ខែ​​​។ របាយការណ៍​​​ដែល​​​ធ្វើ​​​ឡើង​​​ដោយ​​​មជ្ឈ​​​មណ្ឌល​​​ស្រាវ​​​ជ្រាវ​​​អាស៊ី​​​ស្តីពី​​​ចំណាកស្រុក​​នៅ​​​សាកល​​​វិទ្យាល័យ​​​ជូឡាឡុង​​​កន​​​ ប្រទេស​​​ថៃ​​​បាន​​​ឲ្យ​​​ដឹង​​​ថា “មានភាព​ទន់​ខ្សោយ​ក្នុង​ការ​​​​គ្រប់​គ្រង​​​ឧស្សាហកម្មនេះ ដោយ​​​សារ​​​តែ​​​ក្រប​​​​​​ខណ្ឌ​​​ច្បាប់​​ចាស់ ភាព​មិន​​​ច្បាស់​​​លាស់ និង​មិន​គ្រប់​គ្រាន់​​ដោយ​សារ​អំណាច​ទឹក​ដី​ ព្រម​ទាំង​​​​ធន​​​ធាន​​​មិន​​​គ្រប់​​​គ្រាន់​​​ និង​​​សមត្ថភាព​​​របស់​​​អាជ្ញាធរ​​​​​​នៅ​​​ក្នុងការ​​​អនុវត្ត​​​ច្បាប់​​​ឲ្យ​​​មាន​​​ប្រសិទ្ធ​​​ភាព​​​”។ “ជា​​​លទ្ធផល​ ​​ឧស្សាហកម្មនេះបាន​​​ធ្វើ​អាជីវ​​​កម្ម​ច្រើន​ហួសហេតុ​លើ​ធនធាន​ក្នុង​សមុទ្រ​ និង​បាន​ជាប់​ពាក់​ព័ន្ធ​ក្នុង​​ការ​ធ្វើ​អាជីវកម្ម​នេះ​កាន់​តែ​ច្រើន​ឡើងៗ​​​ និងការ​​​រំលោភ​​​សិទ្ធិ​​​ពល​​​ករ​​​ រួម​​​មាន​​​ការ​​​បង្ខំ​​​ឲ្យធ្វើការងារ​​​ និង​​​ការ​​​ជួញ​​​ដូរ​​​មនុស្ស​​​ជាដើម​​​”។ ​​​​​​ទោះបី​ជា​​​អង្គការ​​​ពល​​​កម្ម​​​អន្តរជាតិ​​​វិញ​​​បាន​​​លើកឡើង​​​ថា...

សាកលវិទ្យាល័យ​ថ្មីនឹង​ផ្តល់​ឲ្យ​និស្សិត​​ខ្មែរ​​អាច​រៀន​​តាមកម្មវិធី​​នៅ​អាមេរិក​

សាកលវិទ្យាល័យ​ថ្មី​មួយ​ ដែល​និស្សិត​​​នឹង​ត្រូវ​បង់​ថ្លៃ​សិក្សា​ក្នុង​មួយ​ឆ្នាំ​៩.០០០​ដុល្លារ​គ្រោង​​នឹង​បើក​នៅ​ខណ្ឌ​ទួល​គោក​នៅ​ថ្ងៃ​ច័ន្ទ​ ហើយ​សាកលវិទ្យាល​័យ​នេះ​​នឹង​ផ្ដល់​ឱកាស​ឲ្យ​និស្សិត​​ខ្មែរ​អាច​បញ្ចប់​ថ្នាក់​បរិញ្ញា​ប័ត្រ​​នៅ​សាកល​វិទ្យាល័យក្នុង​​សហរដ្ឋ​អាមេរិក​បាន​ បន្ទាប់​ពី​​បញ្ចប់​វគ្គ​សិក្សា​​ត្រៀម​មួយ​ឆ្នាំ​មុន​​នៅ​ក្នុង​រាជធានី​ភ្នំពេញ​។ សាកល​វិទ្យាល័យ​អាមេរិ​កាំង​​ភ្នំពេញ​ (AUPP) ដែល​ស្ថិត​នៅ​តាម​បណ្ដោយ​ផ្លូវ​លេខ​៣១៥​ នឹង​ក្លាយ​ទៅ​​ជា​វិទ្យាស្ថាន​ផ្ដល់​ការ​អប់​រំ​ជាន់​ខ្ពស់​ដំបូង​នៅ​​កម្ពុជា​ ដែល​នឹង​ផ្ដល់​កម្មវិធី​ផ្លាស់​ប្ដូរ​និស្សិត​រវាង​សាកល​វិទ្យា​ល័យ​នៅកម្ពុជា​ និង​​សហ​រដ្ឋ​អាមេរិក​។ និស្សិត​​ដែល​​មិន​ចង់​ផ្លាស់​ប្ដូរ​​ទៅ​រៀន​នៅ​សហរដ្ឋ​អាមេរិក​​អាច​​ជ្រើស​រើស​បញ្ចប់​ការ​សិក្សា​ថ្នាក់​បរិញ្ញាប័ត្រ​ផ្នែក​សេដ្ឋកិច្ច​ ច្បាប់​ ពាណិជ្ជកម្ម​ វិទ្យាសាស្ត្រ​នយោបាយ​ និង​ផ្នែក​ការទូត​ ដែល​មាន​​រយៈ​ពេល​បី​ឬ​បួន​ឆ្នាំ​​នៅ​ក្នុង​រាជធានី​ភ្នំពេញ​បាន​។ លោក​ស្រី ជូអានីតា រ៉ាយ​ស៍ (Juanita Rice) នាយិកា​សាកលវិទ្យាល័យ​នេះ​បាន​លើក​ឡើង​ថា “យើង​កំពុង​បង្កើត​ការ​អប់រំ​គុណ​ភាព​ខ្ពស់​បំផុត​សម្រាប់​និស្សិត​ខ្មែរ​នេះ​ ពីព្រោះ​យើង​ជឿជាក់​ថា នេះ​គឺ​ជា​អ្វី​ដែល​​និស្សិត​ខ្មែរ​សម​នឹង​ទទួល​បាន​។ លោក​ស្រី​បាន​មាន​ប្រសាសន៍​បន្ថែម​ថា “យើង​ជួល​តែ​សាស្ត្រាចារ្យ​ជន​ជាតិ​​អាមេរិ​កាំង​ណា​​ ដែល​មាន​​បទពិសោធ​តែ​ប៉ុណ្ណោះ​ ហើយ​យើង​​នឹង​ផ្ដល់​​កម្ម​វិធី​សិក្សា​បែប​​​អាមេរិ​កាំង​​ ដែល​មាន​វិន័យ​តឹង​រ៉ឹង​​។ យើង​នឹង​ផ្ដល់​កម្ម​វិធី​ស្នូល​ ដែល​ត្រូវ​បាន​ប្រើប្រាស់​នៅ​ក្នុង​សាកល​វិទ្យាល័យ​នានា​នៅ​សហរដ្ឋ​អាមេរិក​”។​ លោក​ស្រី​ ជូអានីតា រ៉ាយស៍ បាន​ថ្លែង​ថា និស្សិត​ណា​ ដែល​បញ្ចប់​ការ​សិក្សា​ត្រៀម​មួយ​ឆ្នាំ​​មុនដោយ​ជោគ​ជ័យ​អាច​នឹង​ផ្លាស់​ប្ដូរ​ទៅ​​រៀន​នៅ​ក្នុង​សាកលវិទ្យា​ល័យ Middlesex Community College (MCC)  ​នៅ​ក្នុង​ទីក្រុង​ឡូវែល ​រដ្ឋ​ម៉ាសាឈូសែតបាន​។ ហើយ​បន្ទាប់​ពី​បញ្ចប់​ការ​សិក្សា​មួយ​ឆ្នាំ​ផ្សេង​ទៀត​​ដោយ​ជោគ​ជ័យ​នៅ​សាកលវិទ្យាល័យ​ MCC​ និស្សិត​អាច​​ផ្លាស់​ប្ដូរ​​ម្ដង​ទៀត​​ទៅ​រៀន​នៅ​សាកលវិទ្យាល័យ​មួយ​ក្នុង​ចំណោម​សាកល​វិទ្យាល័យ​​យ៉ាង​តិច​ចំនួន​​១៥ ដើម្បី​បញ្ចប់​ការ​សិក្សា​ថ្នាក់​បរិញ្ញា​ប័ត្រ​តាម​ប្រព័ន្ធ​អប់​រំ​​ជាន់​ខ្ពស់​សាធារណៈ​​ រដ្ឋ​ម៉ាសាឈូសែត​។ លោក​ ពុយ គា អ្នក​ផ្ដល់​ប្រឹក្សា​មក​ឲ្យ​សាកល​វិទ្យាល័យ​នេះ​បាន​លើក​ឡើង​ថា អ្នក​ផ្ដល់​ជំនួយ​មកឲ្យ​សាកលវិទ្យាល័យ​ AUPP គឺ​ជា​វិនិយោគិន​ក្នុង​ស្រុក​ចំនួន​ពីរ​នាក់​ និង​វិនិយោគិន​ជន​ជាតិ​អាេមរិក​ម្នាក់​។ លោក​បាន​បដិសេធ​មិន​ប្រាប់​ឈ្មោះ​វិនិយោគិន​ទាំង​នោះ​ទេ ប៉ុន្តែ​វិនិយោគិន​ម្នាក់​ក្នុង​ចំណោម​វិនិយោគិន​ក្នុង​ស្រុក​ពី​រនាក់​ត្រូវ​បាន​គេ​ជឿ​ជាក់​ថា ជាមន្ត្រី​ជាន់​ខ្ពស់​មួយ​រូប​នៅ​ទីស្ដីការ​គណៈរដ្ឋ​មន្ត្រី​។​ លោក​ ស៊ាន ម៉ាគីន​​តូស (Sean McIntosh) អ្នក​នាំពាក្យ​ស្ថានទូត​សហរដ្ឋ​អាមេ​រិក​​បាន​បញ្ជាក់​ថា ស្ថានទូត​អាមេរិក​ គឺ​មាន​ជាប់​ពាក់​ព័ន្ធ​នៅ​ក្នុង​គម្រោង​នេះ​”។ លោក​បាន​ថ្លែង​​ថា “ស្ថាន​ទូតអាមេរិក​កំពុង​​តែ​ពិភាក្សា​ជាមួយ​សាកលវិទ្យាល័យ​អាមេរិ​កាំង​ភ្នំពេញ​​ក្នុង​គោល​បំណង​​​ចង់​អភិវឌ្ឍ​វគ្គ​បណ្ដុះ​បណ្ដាល​វិជ្ជា​ជីវៈ​ ដែល​​ជា​មធ្យោបាយ​មួយ​ ដើម្បី​ពង្រីក​​​​ចំណេះដឹង​​កម្មករ​ដែល​មាន​ជំនាញ​ នឹង​ចូល​រួម​អភិវឌ្ឍ​សេដ្ឋ​កិច្ច​របស់​ប្រទេស​កម្ពុជា​”។ អ្នក​ស្រី​ រ៉ាយស៍ បាន​ថ្លែង​ថា និស្សិត​​ដែល​រៀន​នៅ​ AUPP ក្នុង​ឆ្នាំទី​១ អាច​នឹង​សិក្សា​មុខ​វិជ្ជា​មនុស្ស​សាស្ត្រ​​ ប្រវតិ្តសាស្ត្រ​ពិភព​លោក​ អក្សរ​​សាស្ត្រ​​អង់គ្លេស​ សង្គម​វិទ្យា ភូមិ​សាស្ត្រ​ពិភព​លោក​ វិទ្យា​សាស្ត្រ​​បរិស្ថាន​ គណិត​វិទ្យា ការ​ណែនាំ​អំពី​ច្បាប់​ និង​ប្រព័ន្ធ​ច្បាប់​ និង​មុខ​វិជ្ជា​ចិត្ត​វិទ្យា។លោក​ស្រី​បាន​ថ្លែង​បន្ត​ថា “ មុខ​​វិជ្ជា​ទាំង​នេះ​អាច​ធ្វើ​ឲ្យ​និស្សិត​អភិវឌ្ឍ​ជំនាញ ដែល​ត្រូវ​ការ​ជា​ចំា​បាច់​សម្រាប់​បន្ត​ការ​សិក្សា​​នៅ​សាកល​វិទ្យាល័យ​ក្នុង​សហរដ្ឋ​អាមេរិក​”៕ ប្រែសម្រួលដោយ ស៊ា ស៊ុយឈាង

MEDIA FEEDS

Popular

video

ភាគទី២៖ តើសាច់ញាតិប្រមុខរដ្ឋាភិបាលខ្មែរ រកស៊ីអ្វីហេត្វអ្វីមានលុយច្រើនម៉្លេះ?

អង្គការក្រៅរដ្ឋាភិបាលអាមេរិកាំង ឃ្លាំមើលសិទ្ធិមនុស្ស Human Rights Watch ផ្នែកកិច្ចការអាស៊ី បានផ្សាយសេច ក្តីរាយការណ៍ថ្មីបន្ថែមលើសេចក្តីរាយការណ៍របស់ខ្លួនពី មុន មានចំ ណងជើងថា៖ ឧត្តមសេនីយ៍គគ្រក់បីដំប (Dirty Dozen) ជុំវិញលោក ហ៊ុន សែន កាលពីថ្ងៃទី២២ តុលា កន្លងទៅ ដោយផ្តោតលើឧត្តមសេនីយ៍ខ្លះ ដែលមានសម្បត្តិទ្រព្យមហាសាល។ ឧត្តមសេនីយ៍...