Friday, August 14, 2020

ព័ត៌មាន

​គ.ជ.ប. នឹង​ប្រកាស​លទ្ធផល​សវនកម្ម​លើ​បញ្ជី​អ្នក​បោះ​ឆ្នោត​របស់​ខ្លួន ចំពេល​មាន​ក្តីបារម្ភ

គណៈកម្មាធិការជាតិ​រៀប​ចំ​ការ​បោះ​ឆ្នោត​ ហៅកាត់ថា គ.ជ.ប. នឹង​ចេញ​ផ្សាយ​លទ្ធផល​សវនកម្ម​លើ​បញ្ជី​ឈ្មោះ​អ្នក​បោះ​ឆ្នោត​របស់​ខ្លួន​ផ្ទាល់​នៅ​ថ្ងៃ​នេះ ​បន្ទាប់​ពី​សវនកម្ម​ឯក​រាជ្យ​​ពីរ​ផ្សេង​ទៀត​បាន​រក​ឃើញ​ថា បញ្ជី​ឈ្មោះ​នេះ​មាន​ភាព​មិន​ប្រក្រតី​ ដែល​អាច​នាំ​ឲ្យ​អ្នក​ដែល​បាន​ចុះ​ឈ្មោះ​បោះ​ឆ្នោត​រួច​រហូត​ដល់​ទៅ​មួយ​លាន​នាក់​ មិន​អាច​បោះ​ឆ្នោត​បាន​ នៅ​ថ្ងៃ​ទី​២៨ ខែ​កក្កដា។ លោក​ ទេព នីថា អគ្គលេខាធិការ​គណៈ​កម្មាធិការ​ជាតិ​រៀប​ចំ​ការ​បោះ​ឆ្នោត​បាន​មាន​​ប្រសាសន៍​កាល​ពី​ម្សិលមិញ​ថា គណៈ​កម្មា​ធិការ​ជាតិ​រៀប​ចំ​ការ​បោះ​ឆ្នោត​បាន​ជួល​ក្រុម​ហ៊ុន​ស្រាវជ្រាវ​ក្នុង​តំបន់​ឈ្មោះ​​ Business and Marketing Research Solutions Asia (BMRS) ឲ្យ​ធ្វើ​សវន​កម្ម​ដើម្បី​​​ “ បញ្ជាក់​​លើបញ្ជី​​ឈ្មោះ​អ្នក​បោះ​ឆ្នោត​​នេះ​”។ លោក ទេព នីថា បាន​មាន​ប្រសាសន៍​ថា “ រឿង​​សំខាន់​គឺ​ត្រូវ​​បញ្ជាក់​ឲ្យ​បាន​ច្បាស់ លើ​បញ្ជី​ឈ្មោះ​អ្នក​បោះ​ឆ្នោត​ ដើម្បី​ចង់​ដឹង​ថា តើ​​​​បញ្ជី​ឈ្មោះ​អ្នក​បោះ​ឆ្នោត​របស់​យើង​មាន​​លក្ខណសម្បត្តិ​គ្រប់​គ្រាន់​ឬយ៉ាង​ណា​ ពីព្រោះ​ ​ និង​  ​បាន​លើក​ឡើង​ថា គុណភាព​នៃ​បញ្ជី​ឈ្មោះ​អ្នក​បោះ​ឆ្នោត​បាន​ធ្លាក់​ចុះ​”។ វិទ្យាស្ថាន​ជាតិ​...

ទោះ​បី​ពន្យារ​ពេល​សវនាការ អ្នក​តវ៉ា​និយាយ​ថា បទចោទ​ប្រកាន់មក​លើ​សកម្មជន​ដីធ្លី​ជា​រឿង​មិន​ពិត​

កាល​ពី​ម្សិល​មិញសាលាដំបូង​ខេត្ត​ពោធិ៍​សាត់​បាន​ពន្យារ​ពេល​ជំនុំ​ជម្រះ​រឿង​ក្ដី​សកម្ម​ជន​សិទ្ធិ​មនុស្ស​មួយ​ដែល​ត្រូវ​បាន​ចោទ​ប្រកាន់​​ពី​បទ​ឆបោក​ ដោយ​សារ​តែ​សំណើ​សុំ​នៅ​ក្រៅ​​ឃុំ​របស់​គាត់​មិន​ទាន់​​មាន​ការ​ដោះ​ស្រាយ​នៅឡើយ។ ទោះ​បី​ជា​មាន​ការ​ពន្យារ​ពេល​សវនា​ការ​ក្តី ក៏​ប្រជាពលរដ្ឋ​ប្រហែល​៣០០​នាក់​បាន​នាំ​គ្នា​តវ៉ា​នៅ​ខាង​ក្រៅ​តុលាការ​ ​ដោយ​ខឹង​ចំពោះ​​អ្វី​ដែល​ពួក​គេ​និយាយ​ថា ​ជាការ​ចោទ​ប្រកាន់​ប្រឌិត​ឡើង​ក្នុង​គោល​បំណង​ដាក់​កម្រិត​សកម្មភាព​របស់​សកម្ម​ជន​ គុច វេ៉ង ដែល​ត្រូវ​គេ​ចោទ​ប្រកាន់​នោះ​។ យោង​តាម​ព្រះ​រាជអាជ្ញា តាន់ សីហៈ​តេជៈ​​ ​ដែល​បាន​បដិសេធ​ការ​ចោទ​ប្រកាន់​របស់​ក្រុម​អ្នក​តវ៉ា​ថា ករណី​នេះត្រូវ​បាន​ចោទ​ប្រកាន់​ដោយ​សារ​ហេតុ​ផល​នយោ​បាយ​​នោះ បាន​ឲ្យ​ដឹងថា លោក ម៉ៅ សីុណា ចៅ​ក្រម​​ប្រធាន​ក្រុម​ប្រឹក្សា​ជំនុំជម្រះ​បាន​ប្រកាស​​នៅ​ក្នុង​តុលាការ​ថា សវនាការ​ “ ត្រូវ​បាន​ពន្យារ​ពេល” ដោយ​សារ​តែ​សំណើ​សំុ​នៅ​ក្រៅ​ឃុំ​របស់​ចុង​ចោទ​ត្រូវ​មិន​ទាន់​មាន​ការ​សម្រេច​​នៅ​ឡើយ​​នៅ​ឯ​សា​លា​ឧទ្ធរណ៍​។ លោក​បាន​មាន​ប្រសាសន៍​ថា “ គាត់​ត្រូវ​បាន​ឃុំ​ខ្លួន​បណ្តោះ​អាសន្ន​ពាក់​ព័ន្ធ​នឹង​ការ​ឆបោក​ ​មិន​មែន​ពាក់​ព័ន្ធ​នឹង​វិវាទដីធ្លី​​​ទេ​”។ ការ​ចាប់​ខ្លួន​លោក វ៉េង កាលពី​ខែ​ឧសភា​ កើត​មាន​ឡើង​រយៈពេល​ពីរ​ថ្ងៃ​បន្ទាប់​ពី​គាត់​បាន​​អន្តរាគមន៍​នៅ​ក្នុង​វិវាទ​​ដី​ធ្លី​​មួយ ជួស​មុខ​​ឲ្យ​ប្រជាពលរដ្ឋ​ចំនួន​១១​គ្រួសារ​ នៅ​ក្នុង​ស្រុក​​ក្រគរ ដែល​បាន​អះអាង​ថា ប័ណ្ណ​កម្ម​សិទ្ធិ​ដី​ធ្លី​ដែល​រដ្ឋាភិបាល​ចែក​ឲ្យ​ពួកគាត់​នោះ​ បញ្ជាក់​ពី​​ទំហំ​ដី​តូច​ជា​ង​ដី​ជាក់​ស្តែង​ដែល​ពួក​គាត់​មាន។ យោង​តាម​ សុទ្ធ កុសល អ្នក​តវ៉ា​ម្នាក់​ក្នុង​ចំណោម​អ្នក​តវ៉ា​នៅ​ខាង​ក្រៅ​តុលាការ​បាន​ឲ្យ​ដឹង​ថា ដើមបណ្ដឹង​​ឈ្មោះ ឱម សុធារី បាន​ដាក់​ពាក្យ​បណ្ដឹង​ទៅ​តុលាការ​ដោយ​ចោទ​ប្រកាន់​ថា លោក គុច វេ៉ង បាន​បោក​យក​ប្រាក់​​ពី​គាត់​ចំនួន​៤.៥០០ដុល្លារ​។ អ្នកស្រី លន ស៊ីវី អ្នក​តវ៉ា​ម្នាក់​ផ្សេង​ទៀត​ បាននិយាយថា “ បទចោទ​ប្រកាន់​ពី​បទ​ឆបោក​​នេះត្រូវ​បាន​ប្រឌិត​​ឡើង​ដើម្បី​ចាប់​ខ្លួន​លោក​  ​គុច វេ៉ង ដោយ​សារតែ​គាត់​ជា​សកម្មជន​ការ​ពារ​សិទ្ធិ​ដី​ធ្លី និងប្រ​ឆាំង​ការ​កាប់​ឈើ​​ដ៏​លេច​ធ្លោ​ម្នាក់​”៕ ប្រែសម្រួលដោយ...

ក្នុង​សម័យ​ប្រជុំសភា​អាមេរិក​មាន​ការជំរុញ​ឲ្យ​មាន​ការ​កាត់​​ផ្តាច់​ជំនួយ​សម្រាប់​កម្ពុជា

អំឡុង​សម័យ​ប្រជុំ​សភា​ដែល​មាន​ការ​រិះគន់​លោក​នាយក​រដ្ឋមន្ត្រី​ ហ៊ុន សែន និង​គណបក្ស​ប្រជា​ជន​កម្ពុជា​របស់​លោក​យ៉ាង​ខ្លាំង​ក្នុង​រដ្ឋធានីវ៉ាស៊ីន​តោន​ កាលពីថ្ងៃ​អង្គារ​សមាជិក​សភា​ម្នាក់​​បាន​អំពាវ​នាវ​ឲ្យ​មាន​ការ​​អនុម័ត​ច្បាប់​កាត់​បន្ថយ​ជំនួយ​របស់​សហ​រដ្ឋ​អាមេរិកសម្រាប់​ប្រទេស​កម្ពុជា​ក្រោយ​ការ​បោះ​ឆ្នោត​ជាតិនៅ​ថ្ងៃ​ទី​២៨ ខែកក្កដា​ខាង​មុខ​នេះ​។ លោក ស្ទីវ ឆាបុត (Steve Chabot) ដែល​បាន​ដឹកនាំ​សម័យ​ប្រជុំ​របស់​អនុគណៈកម្មា​ធិ​ការ​សភា​ទទួល​បន្ទុក​តំបន់​អាស៊ី និង​ប៉ាស៊ីហ្វិក​​ ស្ដីពីការ​បោះ​ឆ្នោត​នាពេល​ឆាប់​ៗ​​របស់​កម្ពុជា​​​​បាន​លើក​ឡើង​ថា សេចក្ដី​ព្រាង​ច្បាប់​របស់​លោក​នឹង​បំពេញ​បន្ថែម​សេចក្ដី​សម្រេច​កាលពីខែ​មុន​របស់​ព្រឹទ្ធសភា​ ដែល​អំពាវ​នាវ​ឲ្យ​មាន​ការ​កាត់​បន្ថយ​ជំនួយ​ប្រសិន​បើ​ការ​បោះ​ឆ្នោត​ត្រូវ​បាន​ចាត់​ទុក​ថា “ មិន​គួរ​ឲ្យ​ជឿជាក់​ និង​គ្មាន​ការ​ប្រកួត​ប្រជែង​” និង​​ឲ្យប្រទេស​ជា​ម្ចាស់​ជំនួយ​ផ្សេងៗ​ទៀត​ធ្វើ​តាម​ខ្លួន​។ លោក ឆាបុត បាន​ថ្លែង​ថា “ នៅ​ថ្ងៃ​ទី​២៨ ខែ​កក្កដា កម្ពុជា​នឹង​រៀប​ចំ​ការ​បោះឆ្នោត​ជាតិ​លើក​ទី​៥ ក្រោម​ស្លាក​ប្រជា​ធិបតេយ្យ​​ក្លែង​​ក្លាយ​ ដែលនៅ​​ពេល​នោះ​ ហ៊ុន សែន​ និង​ឈ្នះ​អាណត្តិ​នាយក​រដ្ឋមន្ត្រី​ទី​៤ តាម​រយៈ​ការ​ញុះ​ញង់​​​ឲ្យ​មាន​អំពើ​ហិង្សា​នយោបាយ អំពើ​ពុក​រលួយ​ និង​បក្ខ​ពួក​និយម​”។ លោក ឆាបុត បាន​បន្ថែម​ថា “ ទង្វើ​គាប​សង្កត់​ និង​បំភិត​បំភ័យ​របស់​គណបក្ស​ប្រជា​ជន​​កម្ពុជា​គឺ​មាន​ច្រើន​ណាស់​” ដោយ​លោក​បាន​លើក​ឧទាហរណ៍​អំពីការ​បណ្ដេញ​​សមា​ជិក​​សភា​គណបក្ស​ប្រឆាំង​ទាំង​អស់​ចេញ​ពី​សភា​កាលពីពេល​ថ្មីៗនេះ និង​ការ​បដិសេធ​របស់​រដ្ឋាភិបាល​មិន​ឲ្យ​មេដឹក​នាំ​គណបក្ស​ប្រឆាំង ​គឺ​លោក សម រង្ស៊ី​ ឈរ​ឈ្មោះ​បោះ​ឆ្នោត​ដោយសារ​បទ​ចោទ​ប្រកាន់​ព្រហ្មទណ្ឌ​។ លើសពីនេះ​ទៅ​ទៀត​ ក្រុម​អ្នក​សង្កេត​ការណ៍​បោះ​ឆ្នោត​បាន​ព្រមាន​ថា បញ្ជី​ឈ្មោះ​អ្នក​បោះ​ឆ្នោត​​​​មិន​ប្រក្រតី​​​អាច​ធ្វើ​ឲ្យ​បាត់​បង់​សិទ្ធិ​របស់​អ្នក​បោះឆ្នោត​ម្នាក់​ក្នុង​ចំណោម​១០​នាក់ ហើយ​រដ្ឋាភិបាល​​បាន​ដក​បម្រាម​រយៈ​ពេល​មួយ​ខែ​លើ​ការ​ចាក់​ផ្សាយ​កម្មវិធី​វិទ្យុ​បរទេស​ទាំង​អស់​ ដែល​ជា​ប្រភព​តែ​មួយ​គត់​នៃ​ព័ត៌មាន​ឯក​រាជ្យ​សម្រាប់​ប្រជា​ពល​រដ្ឋ​​កម្ពុជា​ភាគ​ច្រើន​បន្ទាប់​ពីមាន​ការ​ថ្កោល​ទោស​​ជា​អន្តរជាតិ​​ភ្លាម​ៗ​យ៉ាង​ខ្លាំង​។ លោក ឆាបុត បាន​កោត​សរសើរ​បណ្ដា​ប្រទេស​ដែល​មិន​បញ្ជូន​ក្រុម​អ្នក​សង្កេត​ការណ៍​​ទៅកម្ពុជា​ ដែល​អាច​នឹង​បាន​ត្រឹមតែ​​​ “ ធ្វើ​ឲ្យ​​ជ័យ​ជម្នះ​មិន​ស្រប​ច្បាប់​របស់​ ហ៊ុន​ សែន​ មាន​ភាព​ស្រប​ច្បាប់​”។ លោក​បាន​មាន​ប្រសាសន៍​ថា “ ប៉ុន្តែ​ការ​ប្រកាស​ថា ការ​បោះ​ឆ្នោត​នោះ​គ្មាន​លក្ខណៈ​សេរី​ និង​យុត្តិធម៌​គឺ​មិន​​ទាន់​គ្រប់​គ្រាន់​ទេ​។​គោល​នយោបាយ​របស់​សហរដ្ឋអាមេរិក​ចំពោះ​ប្រទេស​កម្ពុជា​ចាំ​បាច់​ត្រូវ​មានការ​ផ្លាស់​ប្ដូរ​ ហើយ​រដ្ឋាភិបាល​របស់​លោក អូបាម៉ា ចាំបាច់​ត្រូវ​ចាត់​វិធានការ​ឲ្យ​បាន​តឹង​រ៉ឹង​ខ្លាំង​ជាង​បច្ចុប្បន្ន​ចំពោះ​ជន​ផ្ដាច់​ការ​កាន់​អំណាច​យូរ​បំផុត​នៅ​តំបន់​អាស៊ី​នេះ”។ លោក​ ឆាបុត បាន​ថ្លែង​បន្ត​ថា “ ការ​កាត់​ផ្ដាច់​ជំ​នួយ​ដោយ​ផ្ទាល់​សម្រាប់​រដ្ឋាភិបាល​កម្ពុជា​ ជាពិសេស​គឺ​​ការ​ផ្ដល់​ជំនួយ​យោធា​បរទេស​ និង​ការ​អប់​រំ​យោធា​អន្តរជាតិ​ ព្រម​ទាំង​ការ​ផ្ដល់​មូលនិធិ​សម្រាប់​ការ​បណ្ដុះ​បណ្ដាល​ គឺ​ជា​វិធានការ​ជាក់​ស្ដែង​មួយ​ដែល​សហរដ្ឋ​អាមេរិក​អាច​ចាត់​ដើម្បី​បង្ហាញ​ពីការ​ថ្កោល​ទោស​របស់​ខ្លួន​​ចំពោះ​ការ​បោះ​ឆ្នោត​ក្លែង​បន្លំ​ និង​គ្មាន​លក្ខណៈ​ប្រជា​ធិបតេយ្យ​ក្នុង​ពេល​ឆាប់ៗ​ខាង​មុខ​នេះ​”។ នៅ​ក្នុងចំណោម​ជំនួយ​ប្រចាំ​ឆ្នាំ​ប្រហែល​៧០​លាន​ដុល្លារ​របស់​អាមេរិក​សម្រាប់​កម្ពុជា​​ ប្រហែល​៦លាន​ដុល្លារ​ គឺ​បាន​ទៅ​លើ​ការ​ផ្ដល់​ជំនួយ​យោធា​ក្នុង​ឆ្នាំ​២០១១​។ ជា​ផ្នែក​នៃ​ផែន​ការ​ផ្ដល់​ជំនួយ​យោធា​សម្រាប់​តំបន់​អាស៊ី​​ ដើម្បី​ទប់​ទល់​នឹង​ឥទ្ធិពល​​កំពុង​កើន​ឡើង​របស់​ចិន​នៅ​ក្នុង​តំបន់​អាស៊ី​ ក្រសួង​ការ​បរទេស​សហរដ្ឋអាមេរិក​កំពុងតែ​​ស្នើ​ឲ្យ​មាន​ការ​ផ្ដល់​ជំនួយ​យោធា​រឹត​តែ​ច្រើន​ទៀត​​ក្នុង​ឆ្នាំ​២០១​៤។ ​លោក ចន សីហ្វតុន (John Sifton)ប្រធាន​ផ្នែក​តស៊ូមតិ​របស់អង្គការ​ឃ្លាំ​មើល​សិទ្ធិ​មនុស្ស​ប្រចាំ​តំបន់​អាស៊ី​ ដែល​ត្រូវ​បាន​អញ្ជើញ​ឲ្យ​មក​​ផ្ដល់​ព័ត៌មាន​អំពី​កម្ពុជា​នោះ​ បាន​សម្ដែង​ការ​គាំ​ទ្រ​​ចំពោះ​សំណើ​របស់​លោក ឆាបុត ឲ្យ​មាន​ការ​កាត់​ផ្ដាច់​ជំនួយ​យោធា​អាមេរិក​សម្រាប់​កម្ពុជា​។ លោក​បាន​អំពាវ​នាវ​ឲ្យ​ទីភ្នាក់​ងារ​អាមេរិក​សម្រាប់​ការ​អភិវឌ្ឍអន្តរជាតិ​​​​ហៅ​កាត់​ថា ​ USAid ​បង្កើន​ការ​ឧបត្ថម្ភ​គាំ​ទ្រ​សម្រាប​់​បណ្ដា​អង្គការ​ដែល​កំពុង​​បំពេញ​ការ​ងារ​ផ្នែក​កំណែ​ទម្រង់​ប្រជា​ធិបតេយ្យ​ក្នុង​ប្រទេស​កម្ពុជា​​​ ហើយ​បាន​ជំរុញ​ឲ្យ​សហ​រដ្ឋ​អាមេរិក​​​ជួយ​ដល់​ក្រុម​ប្រឆាំង​​ជាចំហ​។ លោក ស៊ីហ្វតុន បាន​បន្ត​ថា បន្ទាប់ពីបាន​កាន់​អំណាច​អស់​​រយៈ​ពេល​២៨​ឆ្នាំ​ លោក ហ៊ុន សែន និង​គណបក្ស​ប្រជា​ជន​ឥឡូវ​នេះ​ក្ដោប​ក្ដាប់​ “ អំណាច​ស្ទើរ​ទាំង​ស្រុង​នៅ​ក្នុង​ប្រទេស​កម្ពុជា​​”។ លោក ស៊ីហ្វតុន បាន​លើក​ឡើង​អំ​ពី​ការ​បោះឆ្នោត​កន្លង​មក​ក្នុង​ប្រទេស​កម្ពុជា​​ ក្នុង​នោះ​មាន​ការ​បោះ​ឆ្នោត​ឆ្នាំ​១៩៩៣​ ពេល​លោក​ ហ៊ុន សែន ទទួល​បរាជ័យ​ ក៏​ប៉ុន្តែ​បាន​បដិសេធ​មិន​ទទួលស្គាល់​ ការ​បោះឆ្នោត​ឆ្នាំ​១៩៩៨​ ពេល​លោក​ទទួល​ជ័យ​ជម្នះ​បន្ទាប់​ពី​បាន​​ទម្លាក់​សហនាយក​រដ្ឋមន្ត្រី​ពី​អំណាច​បន្ទាប់​ពី​កង​កម្លាំង​ផ្ទាល់​របស់​អ្នក​ទាំង​ពីរ​បាន​ប៉ះទង្គិច​គ្នា​នៅ​ក្នុង​រាជធានីភ្នំពេញ​ និង​កា​រ​បោះ​ឆ្នោត​​ពីរ​លើក​ទៀត​ គឺ​ការ​បោះ​ឆ្នោត​​ឆ្នាំ​២០០៣ និង​២០០៨​ពេល​គណបក្ស​ប្រជា​ជន​កម្ពុជា​ឈ្នះការ​បោះឆ្នោត​ដោយ​បាន​ទទួល​អាសនៈ​កាន់​តែ​ច្រើន​។ លោក​បាន​ថ្លែង​ថា“ ពេល​នោះពួកគេ​បាន​គ្រប់​គ្រង​ការ​តែង​តាំង​ ការ​បង្កើត​​សមា​ជិក​ភាព​ក្នុងជួរ​គណៈកម្មាធិការជាតិ​​រៀប​ចំការ​បោះ​ឆ្នោត​  និង​តុលា​ការ​ដូច​ជា​ពេលនេះដែរ​។ ពេល​នោះ​គឺ​វាអ៊ីចឹង​ហើយ​ឥឡូវ​ក៏អ៊ីចឹង​ដែរ​”។ លោក​ ប៉ាទ្រីក មើឡូ (Patrick Merloe) ​ប្រធាន​កម្មវិធី​បោះឆ្នោត​នៅ​វិទ្យាស្ថាន​ជាតិ​ប្រជា​ធិបតេយ្យ​ហៅកាត់​ថា NDI បាន​លើក​ឡើង​ថា ការ​ធ្វើ​សវនកម្ម​របស់​វិទ្យាស្ថាន​នេះ​លើ​បញ្ជី​ឈ្មោះ​អ្នក​បោះឆ្នោត​របស់​គ.ជ.ប. សម្រាប់​ការ​បោះឆ្នោត​ក្នុង​ពេល​ខាង​មុខ​នេះ​បាន​រក​ឃើញ​គុណវិបត្តិ​ដែល​ “ ​អាច​បង្កើត​ឱកាស​សម្រាប់​ការ​បោះឆ្នោត​ដោយ​មិន​ស្រប​ច្បាប់​ផង​ និង​ធ្វើ​ឲ្យ​បាត់​បង់​សិទ្ធិ​របស់អ្នក​មាន​សិទ្ធិ​បោះឆ្នោត​ជាច្រើន​នាក់ផង​”។ វិទ្យាស្ថាន​ NDI បាន​លើ​ក​ឡើង​ថា​ បញ្ជី​ឈ្មោះ​នេះគឺ​មាន​គុណវិបត្តិ​ជាង​បញ្ជី​ឈ្មោះ​ដែល​ គ.ជ.ប. បាន​ធ្វើ​សម្រាប់​ការ​បោះឆ្នោត​ជាតិ​កាលពីប្រាំ​ឆ្នាំ​មុន​ទៅ​ទៀត​ ដែល​ពេល​នោះ​អ្នក​មាន​សិទ្ធិបោះឆ្នោត​ម្នាក់​ក្នុង​ចំណោម​ប្រាំបួន​នាក់​បាន​បាត​់ឈ្មោះ ហើយ​ឈ្មោះ​របស់​អ្នក​បោះឆ្នោត​ម្នាក់​ក្នុង​ចំណោម​១០​នាក់​បែរ​ជាក្លាយ​ជា​ឈ្មោះ​ខ្មោច​ទៅ​វិញ​។ លោក មើឡូ ​បាន​មាន​ប្រសាសន៍​ថា “ ជា​ថ្មី​ម្ដង​ទៀត​ ដំណើ​រ​ការ​បោះឆ្នោត​នៅ​កម្ពុជា​គឺ​មិន​ស្រប​តាម​បទ​ដ្ឋាន​អន្តរជាតិ​ឡើយ​”។ លោកស្រី​ អេវី ស្គូលើ​​​ (Evi Schueller) ​ទីប្រឹក្សា​ច្បាប់​នៅ​អង្គការ​សិទ្ធិមនុស្សលីកាដូ​​​​ ដែល​បានចូល​រួម​ក្នុង​សម័យ​ប្រជុំ​នេះដែរ​នោះ​​បាន​លើក​ឡើង​ថា អង្គការ​របស់​លោក​ស្រី​បាន​កត់​ត្រា​ទុក​អំពីករណី​បំភិត​បំភ័យ​ផ្នែក​នយោបាយ​ចំនួន​១៨ករណី​ចាប់​តាំ​ងពី​ដើម​ឆ្នាំ​មក​។ លោកស្រី​បាន​ចោទ​ប្រកាន់​រដ្ឋា​ភិបាល​របស់​លោក​ ហ៊ុន សែន​ ថា បាន​​ចាប់​យក​ដី​របស់​ប្រជា​ជន​រាប់​សែន​នាក់​​ក្នុង​រយៈ​ពេល​មួយ​ទសវត្សរ៍​ចុង​ក្រោយ​នេះ​​ឲ្យ​ក្រុម​ហ៊ុន​កសិវប្បកម្ម​ ដែល​មាន​ទំនាក់​ទំនង​នយោ​បាយ​ និង​ថាបាន​បិទបាំង​ការ​បាញ់​ប្រហារ​​ជា​បន្ត​បន្ទាប់​ក្នុង​ពេល​ថ្មីៗនេះពាក់​ព័ន្ធ​នឹង​រឿង​ចាប់​យក​ដី​នេះ​​។ លោកស្រី​បាន​ចោទ​កង​ទ័ព​រដ្ឋាភិបាល​ថា បាន​សម្រួល​ឲ្យ​មាន​ការ​ចាប់​យក​ដី​ទាំង​នោះ​ ហើយ​លោកស្រី​បាន​អំពាវ​នាវ​ឲ្យមាន​ការ​ពិនិត្យ​ឡើង​វិញ​នូវ​ជំនួយ​យោធា​អាមេរិក​សម្រាប់​កម្ពុជា​។ ប៉ុន្តែ​ក្នុង​ចំណោម​ការ​រិះគន់​ដូច​បាន​រៀប​​រាប់​ខាង​ដើម​ក៏មាន​ការ​កោត​សរសើរ​ដ៏កម្រ​ខ្លះដែរ​ចំពោះលោក ហ៊ុន សែន ពីសំណាក់​​លោក​ ដានីញែល មីតឈែល (Daniel Mitchell) អគ្គ​​នាយក​ប្រតិបត្តិ​ក្រុម​ហ៊ុន​វិនិយោគ​​ដែ​ល​មាន​មូល​ដ្ឋាន​នៅ​ក្នុង​រាជធានីភ្នំពេញ​​ គឺក្រុម​ហ៊ុន​ SRP International Group ។ លោក មីតឈែល បាន​លើក​ឡើង​ថា រាល់​ការ​និយាយ​អំពី​បញ្ហា​សិទ្ធិ​មនុស្ស​​​​​ក្នុង​ប្រទេស​កម្ពុជា​​ គឺ​មិន​បាន​គិតទៅ​​ដល់​កត្តា​ប្រឈម​ពិត​ប្រាកដ​​របស់​ប្រទេស​នេះទេ នោះគឺ​ការ​ងារ​សម្រាប់​កម្លាំង​ពលកម្ម​ដែ​ល​កំពុង​មាន​ការ​កើន​ឡើង​​ ប៉ុន្តែ​ដែល​ខ្វះការ​បណ្ដុះ​បណ្ដាល​។ លោក​បាន​ថ្លែង​ថា “ បញ្ហា​យុវជន​ដែល​ខ្វះ​ជំនាញ​និង​ការ​ងារ​ធ្វើ​ទើប​ជា​បញ្ហា​ដែល​រឹត​តែ​គួរ​ឲ្យ​ព្រួយ​បារម្ភ​ និង​អាច​បង្ក​ឲ្យ​មាន​វិបត្តិ​សង្គម​រយៈ​ពេល​វែង​ជាង​បញ្ហា​សិទ្ធិ​មនុស្ស​ដែលកំពុង​ត្រូវ​បាន​ចុះផ្សាយ​នៅ​លើ​ទំព័រ​មុខ​របស់​សារព័ត៌មាន​​នានា​ទៅ​ទៀត​”។ លោក​បាន​បន្ត​ថា ដោយ​សារ​មាន​មនុស្ស​៣០០.០០០​នាក់ ចូល​ក្នុង​ទីផ្សារ​ងារ​ជារៀង​រាល់​ឆ្នាំ​នោះ​ ប្រទេស​កម្ពុជា​ចាំបាច់​គឺ​ត្រូវតែ​​រក្សា​កំណើន​ផលិត​ផល​ក្នុង​ស្រុក​សរុប​ក្នុង​អត្រា​ពី​៧​ទៅ​៨​ភាគរយ​​​ក្នុង​មួ​យ​ឆ្នាំ​ប្រសិន​បើ​ខ្លួ​​ន​ចង់​ឲ្យ​កម្រិត​ជីវភាព​រស់​នៅ​របស់​ប្រជា​ជន​បន្ត​​កើន​ឡើង​។ លោក​បាន​មាន​ប្រសាសន៍​ថា “ កំណើន​នោះ​តម្រូវ​ឲ្យ​មាន​វិនិយោគ​មូល​ធន​ច្រើន​” ដោយ​បន្ថែម​ថា ជា​ជាង​បោះ​ជំហាន​ថយ​ក្រោយ​ សហរដ្ឋអាមេរិក​គួរ​បោះជំហាន​ទៅ​មុខ​ប្រកប​ដោយ​ការ​ទទួល​ខុស​ត្រូវ​វិញ​។ លោក​បាន​ថ្លែង​ថា “ ឥរិយាបថ​របស់​យើង​​​គឺ​ជា​គំរូផ្ទុយ​ស្រឡះ​ពី​វិនិយោគិន​ចិន​ដែល​បាន​បង្ក​ឲ្យមាន​បញ្ហា​ជា​ច្រើន​សម្រាប់​ប្រជា​ជន​ក្នុង​ស្រុក​។ ប៉ុន្តែ​បើ​គ្មាន​វត្តមាន​របស់​យើង​ទេ​​​នោះ ភាគី​ចិន​​​​នឹង​ត្រៀម​ផ្ដល់​ទាំង​ជំនួយ​និង​វិនិយោគទុន​”។ គួរ​បញ្ជាក់​ថា ប្រាក់​កម្ចី​និង​ជំនួយ​ឥត​សំណង​​របស់​ប្រទេស​ចិន​សម្រាប់​កម្ពុជា​បាន​កើន​ឡើង​ដល់​២,​៧​ពាន់​លាន​ដុល្លារ នៅ​ក្នុង​រយៈ​ពេល​​ពីរ​ទស​វត្សរ៍​ចុង​ក្រោយ​នេះ​ធៀប​នឹ​ង​ចំនួន​១,២​ពាន់​លាន​ដុល្លារ​របស់​រដ្ឋាភិបាលសហរដ្ឋ​​អាមេរិក​ ហើយ​​កន្លងមក​លោក ហ៊ុន សែន​​ បាន​កោត​សរសើរ​រដ្ឋាភិបាល​ក្រុង​ប៉េកាំង​​ ចំពោះ​ការ​ “ និយាយ​តិច” ហើយ​មិន​ភ្ជាប់​លក្ខខណ្ឌ​ជាមួយ​កញ្ចប់​ជំនួយ​​​របស់​ខ្លួន​។ ប៉ុន្តែ​លោក មីតឈែល មិន​មែន​ជា​មនុស្ស​តែ​ម្នាក់​ដែល​​​បាន​និយាយ​ល្អ​អំពី​នាយក​រដ្ឋ​មន្ត្រី​រូប​នេះ​ទេ​។ នៅ​ក្នុង​ឆ្នាំ​១៩៩៧​ គឺ​រយៈពេល​ប៉ុន្មាន​ខែ​បន្ទាប់​ពី​លោក​ ហ៊ុន សែន​ បាន​ទម្លាក់​សហ​នាយក​រដ្ឋមន្ត្រី​របស់​ខ្លួន​ពី​អំណាច​តាម​រយៈ​កង​កម្លាំង​ផ្ទាល់​ខ្លួន ​សមាជិក​សភា​អាមេរិក​លោក អេនី ហ្វាឡេម៉ាវ៉េហ្គោ (Eni Faleoma- vaego) បាន​ចុះ​ហត្ថលេខា​លើ​សេចក្ដី​សម្រេច​គាំទ្រ​ការ​កាត់​ផ្ដាច់​ជំនួយ​ឲ្យ​ប្រទេស​ណា​ដែល​​រដ្ឋាភិបាល​ជាប់​ឆ្នោត​ត្រូវ​បាន​ផ្តួល​រំលំ​​តាម​រយៈ​រដ្ឋប្រហារ​។ ប៉ុន្តែ​ក្នុង​​សម័យ​ប្រជុំ​កាល​ពី​ថ្ងៃ​អង្គារ​ លោក​ ហ្វាឡេម៉ាវ៉េហ្គោ បាន​និយាយ​ល្អ​ខ្លះ​អំពី​លោក ហ៊ុន សែន។ លោក​បាន​បន្ទោស​ថា បញ្ហា​សិទ្ធិ​មនុស្ស​នៅ​កម្ពុជា​គឺ​បង្ក​ឡើង​ដោយ​អាមេរិក​ ដែល​បាន​គាំ​ទ្រ​រដ្ឋ​ប្រហារ​ទម្លាក់​អតីត​​ព្រះ​អង្គ​ម្ចាស់​ នរោត្ដម សីហនុ ក្នុង​ឆ្នាំ​១៩៧០ និង​ការ​ដាក់​នឹម​​អាណានិគម​​របស់​បារាំង​អស់​រយៈ​ពេល​​​​១០០​ឆ្នាំ​។ លោក​បាន​លើក​ឡើង​ថា ការ​ផ្ដោត​ការ​យក​ចិត្ត​ទុក​ដាក់​របស់​អាមេរិក​លើ​តំបន់​អាស៊ី​គួរ​តែ​គិត​ដល់​វិស័យ​​​​យោធា​ផង​ និង​សេដ្ឋ​កិច្ច​ផង ហើយ​បាន​អំពាវ​នាវ​ឲ្យ​មាន​ការ​លុប​ចោល​បំណុល​សម័យ​សង្គ្រាម​ចំនួន​៤៦០​លាន​ដុល្លារ​គិត​ទាំង​ការ​ប្រាក់​​ដែល​កម្ពុជា​បាន​ជំពាក់​អាមេរិក​​ និង​ដែល​លោក ហ៊ុន សែន បាន​ស្នើ​ឲ្យ​លុប​ចោល​ជា​យូរ​ណាស់​មក​ហើយ​នោះ។ ​លោក​បាន​ថ្លែង​បន្ត​ថា ប្រសិនបើ​សហ​រដ្ឋ​​អាមេរិក​ពិត​ជា​ចង់​ធ្វើ​ឲ្យ​សិទ្ធិ​មនុស្ស​នៅ​កម្ពុជា​មាន​ភាព​ប្រសើរ​ឡើង​មែន​  ខ្លួន​គួរ​តែ​លើក​ស្ទួយ​ការ​វិនិយោគ​ “​ មូល​ធន​ប្រកប​ដោយ​ការ​ទទួល​ខុស​ត្រូវ​”។ លោក​បាន​សង្កត់​ធ្ងន់​ថា “​ នេះទើប​​ជា​ការ​បោះជំហាន​ទៅ​មុខ​”។ នៅ​ក្នុង​រាជ​ធានី​ភ្នំពេញ​ឯណេះ​វិញ​ មន្ត្រី រដ្ឋាភិបាល​កម្ពុជា​បាន​ច្រាន​ចោល​សម័យ​ប្រជុំ​នេះ​ដោយ​មិន​បង្អង់​ឡើយ​។ រយៈ​ពេល​ប៉ុន្មាន​ម៉ោង​បន្ទាប់​ពី​សម័យ​ប្រជុំ​សភា​នេះ​បា​ន​បញ្ចប់​​នៅ ក្នុ​ងរដ្ឋ​ធានី​វ៉ាស៊ីនតោន លោក ហោ ណាំហុង រដ្ឋ​មន្ត្រី​ក្រសួង​ការ​បរទេស​កម្ពុជា​ បាន​ចុះ​ហត្ថលេខា​លើ​កិច្ច​ព្រម​ព្រៀង​ផ្ដល់​ប្រាក់​កម្ចី​ថ្មី​ចំនួន​២០០​លាន​ដុល្លារ​សហ​រដ្ឋ​អាមេរិក​ពី​រដ្ឋា​ភិបាល​​កូរ៉េខាង​ត្បូង​សម្រាប់​គម្រោង​​កសាង​ហេដ្ឋារចនាសម្ព័ន្ធ​​ជា​ច្រើន​​ក្នុង​ប្រទេស​នេះ​​។ លោក​ ហោ ណាំហុង បាន​មាន​ប្រសាសន៍​​​អំពី​ការ​រិះ​គន់​ខ្លាំង​ៗ​របស់​សមាជិក​សភា​អាមេរិក​អំឡុង​សម័យ​ប្រជុំ​នេះ​​ថា “ អនាគត​របស់​​ប្រទេស​កម្ពុជា​គឺ​ស្ថិត​នៅ ក្នុង​ដៃ​​របស់​ប្រជា​ជន​កម្ពុជា​។ នេះ​គឺ​ជា​សិទ្ធិ​អធិបតេយ្យ​របស់​យើង​ ពោល​គឺ​ជា​សិទ្ធិ​ក្នុង​ការ​កំណត់​ជោគ​វាសនា​របស់​ប្រទេស​ជាតិ​ដោយ​មិន​ខ្វល់​ថា អ្នក​ណា​និយាយ​អ្វី​ទេ​៕ ប្រែសម្រួលដោយ ភួន ច័ន្ទសេរីវុធ  

គណបក្ស​ប្រជា​ជន​ពឹង​ផ្អែក​លើ​រចនា​សម្ពន្ធ​រឹង​មាំ​មុន​ការ​បោះឆ្នោត​

ស្រុក​ពាមជរ ខេត្ត​ស្វាយរៀង​-​មេដឹក​នាំ​កំពូល​ៗ​​របស់​គណបក្ស​ប្រជា​ជន​មក​ពី​ខេត្ត​ព្រៃវែង​ បានប្រមូលផ្ដុំ​តាម​បណ្តោយ​ច្រាំង​ទន្លេ​មេគង្គ​ កាល​ពី​ព្រឹក​ថ្ងៃ​អង្គារ​ ខណៈ​ពេល​មេឃ​ចាប់​ផ្តើមភ្លៀងខ្លាំង​ស្រោច​ស្រប់​ទីនោះ​​ដែល​ព័ទ្ធ​ជុំ​វិញ​ដោយ​ចម្ការ​ពោត។ នៅ​ម៉ោង​៨និង​៤៥​នាទី​​ព្រឹក លោក ជាម យៀប សមាជិក​សភា​មក​ពី​គណបក្ស​ប្រជាជន​​កម្ពុជា និង​ក្រុម​ការ​ងារ​របស់​លោក​​បាន​បង្ហាញ​​​វត្ត​មាននៅ​លើ​ទូកលឿន​មួយ​គ្រឿង​ប្រវែង​១៥​ម៉ែត្រ​ហើយ​បាន​ចូល​ចត​ និង​បាន​ដើរ​ប្រវេ​ប្រវា​លើ​ផ្លូវ​ដី​ឥដ្ឋរអិល​ទៅ​កាន់វេទិកា​មួយ​ដែល​គេ​រៀប​ចំ​ឡើង​​នៅ​ចម្ងាយ​ប្រមាណ​​​ពីរបីរយម៉ែត្រ នៅ​ខាង​មុខ​សាលា​ស្រុក​ ក្នុង​ឃុំ​ស្វាយភ្លោះ​។ ពេល​កំពុង​ឈរ​លើ​វេទិកា លោក ជាម យៀប ដែល​ធ្លាប់​ធ្វើ​ជា​អភិបាល​ខេត្ត​ព្រៃវែង​​នៅ​សម័យ​សាធារណរដ្ឋ​ប្រជាមានិត​កម្ពុជា ​ពី​ឆ្នាំ​១៩៨១ដល់​ឆ្នាំ​​១៩៨៧ មក​នោះ​ បាន​រៀប​រាប់​ពី​​ការ​រីក​ចម្រើន​របស់​គណបក្ស​ប្រជា​ជន​កម្ពុជា​ ចាប់​តាំង​ពី​ការ​បោះ​ឆ្នោត​តាម​បែប​ប្រជាធិបតេយ្យ​ត្រូវ​បាន​រៀប​ចំឡើង​លើក​ដំបូង​ក្នុង​ឆ្នាំ​១៩៩៣​មក​។ លោក​បាន​មាន​ប្រសាសន៍​ថា “ ពេល​នេះ​ ​គណបក្ស​ប្រជាជន​កម្ពុជា​មាន​សមាជិក​ចំនួន​៤៧០.០០០​នាក់នៅ​ក្នុង​ខេត្ត​ព្រៃវែង​ និង​មាន​​សមាជិក​ចំនួន​៥,៧​លាន​នាក់​នៅ​ទូទាំង​ប្រទេស​”។ លោក ជាម យៀប ប្រធាន​គណៈកម្មការ​ហិរញ្ញវត្ថុ​ នៅ​រដ្ឋ​សភា​បាន​ថ្លែង​ទៅ​កាន់​អ្នក​ចូល​រួម​ទៀត​​ថា លោក​នាយក​រដ្ឋ​មន្ត្រី ហ៊ុន សែន បាន​សន្យា​ដោយ​​ផ្ទាល់​ថា លោក​នឹង​ផ្ដល់​​​ថវិកា​​​ចំនួន​១៥​ពាន់​លាន​រៀល​ ឬក៏​ប្រហែល​៣,៧៥​លាន​ដុល្លារ​ ដើម្បី​បញ្ចប់​​ការ​ស្ថាបនា​ផ្លូវ​ដ៏​សំខាន់​នៅ​ក្នុងស្រុក​នេះ​ ដែល​មិនមាន​ក្រាល​កៅស៊ូ​ និង​លំបាក​ធ្វើ​ដំណើរ​ឆ្លង​កាត់​ជា​ខ្លាំង​​អំឡុង​រដូវ​វស្សា ។ លោក​ក៏​បាន​សន្យា​ដែរ​ថា ​ការ​ស្ថាប​នា​ផ្លូវ​ដែល​តភ្ជាប់​ពី​ស្រុក​ពាម​ជរ​ ទៅ​ព្រំដែន​ប្រទេស​វៀតណាម​ នឹង​ត្រូវ​ចប់​រួច​រាល់​ត្រឹម​ដំណាច់​ឆ្នាំ​២០១៤។ ការ​សន្យា​ស្ថាបនា​ផ្លូវ​ និង​​ការ​អភិវឌ្ឍ​​ប្រព័ន្ធ​ធារាសាស្ត្រ ដែល​​សុទ្ធ​តែ​ចាំ​បាច់​ខ្លាំង​​​សម្រាប់​សេដ្ឋកិច្ច​ដែល​ពឹង​ផ្នែក​លើ​វិស័យ​កសិកម្ម​នៅ​ក្នុង​​ខេត្ត​ព្រៃ​វែង​ គឺ​​​ជា​ចំណុច​ស្នូល​នៃ​គោល​នយោបាយ​របស់​គណ​បក្ស​ប្រជាជន​កម្ពុជា​ សម្រាប់​ការ​បោះឆ្នោត​ជាតិ​ដែល​នឹង​មក​ដល់​ក្នុង​ពេល​ឆាប់​​​ៗនេះ។ ប៉ុន្តែ​ នៅ​ពេល​សាកសួរ​បន្ទាប់​ពី​សុន្ទរកថា​​របស់​លោក​ថា តើ​ហេតុអ្វី​បាន​ជា​គណបក្ស​ប្រជាជន​កម្ពុជា​​នៅ​តែ​មាន​​ប្រជា​ប្រិយភាព​ខ្លាំង​​នៅ​ក្នុង​ខេត្ត​ព្រៃវែង​នោះ លោក ជាម យៀប បាន​មាន​ប្រសាសន៍​ថា រច​នា​សម្ព័ន្ធ​បក្ស​បាន​ធ្វើ​ឲ្យ​គណបក្ស​ប្រជាជន​កម្ពុជា​នៅ​តែ​មាន​​ប្រជា​ប្រជា​ប្រិយភាពខ្លាំងនៅពេល​បោះ​ឆ្នោត​ គឺមិន​មែន​ដោយ​សារការ​សន្យា​ធ្វើ​ឲ្យរចនា​​សម្ព័ន្ធ​ប្រសើរ​ឡើង​នោះ​ឡើយ​។ លោក​បាន​ថ្លែង​ថា “ ខ្ញុំ​គិត​ថា ប្រជា​ពល​រដ្ឋ​​ភាគច្រើនស្រឡាញ់​ចូល​ចិត្ត​គណបក្ស​ប្រជា​ជន​កម្ពុជា​...

នួន​ ជា ច្រាន​ចោល​រាល់​ឯក​សារ​​​ជា​ភ័ស្តុ​តាងសម្រាប់​​ដាក់​បន្ទុក​លើ​ខ្លួន​នៅ​សាលា​ក្ដីខ្មែរ​ក្រហម​​​

កាលពីម្សិលមិញ​ ជន​ជាប់​​ចោទ​ពីបទ​ឧក្រិដ្ឋ​កម្ម​សង្គ្រាម នួន ជា ​​បានថ្លែង​យ៉ាង​ក្បោះ​ក្បាយ​​​​ប្រាប់​សាលា​ក្ដីខ្មែរ​ក្រហម​​ថា ការ​ជម្លៀស​ប្រជា​​​ជន​​យ៉ាង​ព្រៃផ្សៃ​ចេញពីទីក្រុង​​ភ្នំពេញ​ និង​ទីក្រុង​ផ្សេងៗទៀត​ក្នុង​ឆ្នាំ​១៩៧៥​ មិន​មែន​ធ្វើ​ឡើង​ដោយ​​បង្ខំ​ទេ ហើយ​ថា រាល់​ឯក​សារ​ជាភ័ស្តុតាង​ដែល​ត្រូវ​បាន​ប្រើ​ដើម្បី​ដាក់​បន្ទុក​លើ​រូប​លោក​នៅ​តុលាការ​គឺ​ជាការ​បំផ្លើស​អំពី​តួនាទី​របស់​លោក​ក្នុង​របប​នេះ​។ អង្គុយ​នៅ​ចុង​គ្រែ​ក្នុង​បន្ទប់​ឃុំ​ខ្លួន​​ ចុង​ចោទ​ក្នុង​វ័យ៨៧​ឆ្នាំរូប​នេះ បាន​ចោទ​សួរ​អំពី​ការ​យក​​ទស្សនាវដ្ដី​ទង់​ជាតិ​បដិវត្ត​ន៍​​ (Revolutionary Flag) ដែល​ជា​ទស្សនាវដ្ដី​ផ្លូវ​ការ​ក្នុង​របប​កម្ពុជា​ប្រជា​ធិតេយ្យ​ និង​សៀវ​ភៅ​​​និពន្ធ​ដោយ​ជន​បរទេស​មក​ធ្វើ​ជា​ភ័ស្តុតាង​​បញ្ជាក់​ពី​តួនាទី​របស់​លោក​ក្នុង​របប​នោះ​។ ជន​ជាប់​​ចោទ​ នួន​ ជា បានចំណាយ​ពេល​៣០​នាទី​អាន​លិខិត​ត្រៀម​ទុក​ជា​មុន​​ថា “ ខ្ញុំ​យល់​ល្មម​នឹង​ជឿថា អ្វី​ដែល​​ព្រះរាជ​អាជ្ញា​​បាន​លើក​ឡើង​គឺ​មិន​ត្រឹម​ត្រូវ​ផង​ និង​មិន​ឆ្លុះ​បញ្ចាំង​ពីហេតុការណ៍​ពិត​ប្រាកដ​ដែល​បាន​កើត​ឡើង​អំឡុង​ពេល​នោះ​ផង​”។ នួន ជា និយាយ​ថា ខ្លួន​បាន​ថ្លែង​បែប​នេះ​ដើម្បី​ឲ្យ​ុុតុលាការ​បាន​យល់​ច្បាស់​ ​និង​ដើម្បី​តវ៉ា​ចំពោះ​ខ្លឹម​សារ​ និង​ទម្រង់​ឯកសារ​ដែល​ព្រះរាជអាជ្ញា​បាន​បង្ហាញ​។ នួន ជា​ បាន​ប្រាប់​តុលាការថា ការ​ជម្លៀស​ប្រជាជន​ចេញ​ពី​ទីក្រុង​ភ្នំពេញ​​ និង​ទីក្រុង​ផ្សេងៗទៀត​បាន​ធ្វើ​ឡើង​ដោយសារ​កង្វះ​ស្បៀង​អាហារ​នៅ​ទូទាំង​ប្រទេស និងដោយ​​​​សារ​ការ​ព្រួយ​បារម្ភ​ខ្លាច​យន្តហោះ​អាមេរិក​ទម្លាក់​គ្រាប់​បែក​​សម្លាប់​មនុស្ស​មិន​រើស​មុខ​នៅ​ប្រទេស​នេះ​ម្ដង​ទៀត​ ដូច​ដែល​ខ្លួន​ធ្លាប់​បាន​ធ្វើ​ក្រោម​ការ​ដឹក​នាំ​របស់​រដ្ឋាភិ​បាល​យោធា​ លន់ នល់។ នួន ជា បាន​ប្រាប់​តុលាការ​ថា “ ការ​បំផ្លិច​បំផ្លាញ​បង្ក​ឡើង​ដោយការ​ទម្លាក់​គ្រាប់បែក​​បាន​ធ្វើ​ឲ្យ​មានការ​ខ្លោច​ផ្សា​ក្នុង​​ចិត្ត​ណាស់​នៅ​ពេល​ទ្រព្យ​សម្បត្តិ​ ផ្ទះសំបែង​​ វត្តអារ៉ាម និង​សត្វពាហនៈ​រង​ការ​ប៉ះពាល់​ ហើយ​ជីវិត​របស់​ជន​ស្លូត​ត្រង់​រាប់​ពាន់​នាក់​បានបាត់​បង់​។ ដោយ​បាន​គិត​ដល់​សោកនាដកម្ម​ដែល​ទំនង​បំផុត​ថា​នឹង​កើត​ឡើង​ម្ដង​ទៀត​ និង​ដើម្បី​ធានា​សុវត្ថិ​ភាព និង​សន្តិសុខ​សម្រាប់​ប្រជា​ជន​ ថ្នាក់​ដឹក​នាំ​របប​កម្ពុជា​ប្រជា​ធិបតេយ្យ​ ជា​ពិសេស​គឺ​ ប៉ុល ពត បាន​សម្រេច​ចិត្ត​ជម្លៀស​ប្រជា​ជន​​​​​​​ចេញពីទីក្រុង​​”។ នួន ជា បាន​អះអាង​ថា ការ​ជម្លៀស​​នេះ​ត្រូវ​បាន​ “ ធ្វើ​ឡើង​ដោយ​ស្ម័គ្រ​ចិត្ត​គ្មាន​ការ​បង្ខិត​បង្ខំ​ ការ​ប្រើ​អំពើ​ហិង្សា​ ឬការ​សម្លាប់​ប្រជា​ជន​ឡើយ​”។ ផ្ទុយ​ពីការ​អះអាង​របស់​ នួន ជា សាក្សី​​ដែល​ស្ថិត​នៅក្នុង​ហេតុការណ៍​ឆ្នាំ​១៩៧៥​នេះ​បាន​ប្រាប់​តុលាការ​ម្ដង​ហើយ​ម្ដង​ទៀត​ថា ប្រជា​ជន​ត្រូវ​បាន​ជម្លៀស​ចេញ​ពី​ទីក្រុង​ដោយ​កង​ទ័ព​ខ្មែរ​ក្រហម​ប្រដាប់​អាវុធ​ ដែល​មួយ​ចំនួន​ក្នុង​ចំណោម​ពួកគេ​បាន​បាញ់​សម្លាប់​ប្រជា​ជន​ដែល​ហា៊ន​ប្រឆាំង​។ អ្នក​ជំងឺ​ និង​មនុស្ស​ជិត​ស្លាប់​ក៏ត្រូវ​បាន​បង្ខំ​ឲ្យ​ចាក​ចេញ​ពី​មន្ទីរ​​ពេទ្យ​នានា​​ឲ្យ​អស់​ដែរ​។ ក្នុង​ខែ​ឧសភា នួន ជា ខ្លួន​ឯង​បាន​សម្ដែង​វិប្បដិសារី​ដ៏​​គួរ​ឲ្យ​ភ្ញាក់​ផ្អើល​ ហើយថា​ គាត់​មាន​មន​សិការទទួល​ខុស​​ត្រូវ​​ចំពោះ​​អ្វី​ដែល​បាន​កើត​ឡើង​ក្នុង​របប​នោះ។ នួន ជា បាន​និយាយ​ប្រាប់​តុលាការ​នៅ​ពេល​នោះ​ថា “ ខ្ញុំ​ទទួល​ខុស​​ត្រូវ​ចំពោះ​អ្វី​ដែល​បាន​កើត​ឡើង​អំឡុង​សម័យ​កម្ពុជា​ប្រជា​ធិបតេយ្យ​។ ខ្ញុំ​មិន​គេច​វេះ​​ពី​ការ​ទទួល​ខុសត្រូវ​របស់​ខ្លួន​ឯង​ទេ​។ ខ្ញុំ​ទទួល​ខុស​​ត្រូវ​ដោយ​​សុទ្ធចិត្ត​។ ខ្ញុំ​​និយាយ​ដោយ​ស្មោះ​ត្រង់​។ ក្នុង​នាម​ជា​សមាជិក​នៃ​របប​កម្ពុជា​ប្រជា​ធិប​តេយ្យ​ ខ្ញុំ​ទទួល​យក​ការ​ទទួល​ខុស​ត្រូវ​នេះ”​។ ទោះ​ជាយ៉ាង​ណា​ នួន ជា ហាក់​ដូច​ជា​បាន​ផ្លាស់​ប្ដូរ​ចិត្ត​កាលពីម្សិលមិញ​ ដោយ​បាន​រិះ​គន់​ព្រះរាជអាជ្ញា​ចំពោះ​ការយក​​អត្ថបទ​ថត​ចម្លង​នៃ​ទស្សនាវដ្ដី​ទង់​ជាតិ​បដិវត្តន៍​របស់​របប​នេះ​មក​ធ្វើ​ជា​ភ័ស្តុតាង​បញ្ជាក់​ពី​តួនាទី​របស់​លោក​ក្នុង​របប​នេះ​ ដោយ​បាន​អះអាងយ៉ាង​ច្បាស់​​ថា ខ្លឹម​​សារ​​​នៅ​ក្នុង​​ទស្សនាវដ្ដី​នោះ​គឺ​ជា​ស្នាដៃ​របស់​ ប៉ុល ពត។ នួន ជា និយាយ​​​ថា “ តាម​ពិត​​  ទង់​ជាតិ​បដិវត្តន៍​​គ្មាន​អ្វី​ពាក់​ព័ន្ធ​ជាមួយ​ខ្ញុំ​ទេ​​។ គឺ ប៉ុល ពត តែម្នាក់​ឯង​ទេ ​ដែល​ធ្វើ​សេចក្ដី​សម្រេច​មុន​ពេល​អត្ថបទ​ណាមួយ​អាច​​​ចេញ​ផ្សាយ​បាន​។ និយាយ​រួម​ទៅ ​វា​មិន​មែន​​ជា​សេច​ក្ដី​សម្រេច​រួម​ទេ វា​គឺ​ជា​សេចក្ដី​សម្រេច​របស់​ ប៉ុល ពត តែ​ម្នាក់​ ដែល​មាន​​អំណាច​ទាំង​​ស្រុង​។អ្វី​ដែល​គាត់​ហា៊ន​និយាយ​គឺ​គាត់ហ៊ាន​​​ធ្វើ​​”។ នួន ជា និយាយ​បន្ត​ថា ខ្លួន​នឹងប្រឆាំង​​កា​រ​រាប់​បញ្ចូល​​អត្ថបទ​ដក​ស្រង់​ចេញ​ពី​សៀវ​ភៅ​និពន្ធ​ដោយ​​លោក​ ហ្វីលីព ឆត​ (Philip Short) លោក ដេវិ​ដ ឆាណ្ឌល័រ (David Chandler) និង​​លោក ហ្វ្រង់ស័រ ប៉ុនឆូត (Francois Ponchaud)។ នួន ជា ​បាន​និយាយ​ថា “ តាម​ពិត​ សៀវ​ភៅ​​ទាំង​នេះ ​បើ​ទោះ​ជាមាន​ឯកសារ​នៅ​ខាង​ក្នុង​​ក៏​វាមិន​ពិត​​១០០​ភាគរយ​ដែរ​”។ ​នួន ជា បាន​ស្វះស្វែង​បំភ្លឺ​ថា គាត់​មិន​ដែល​មាន​មុខ​តំណែង​ជា​​នាយក​រដ្ឋមន្ត្រី​ស្ដីទី​​ពេល​ ប៉ុល ពត អវត្តមាន​ទេ​​ ហើយ​បាន​ប្រាប់​​អង្គ​ជំនុំជម្រះ​ថា សម្ដី​របស​់​ខ្លួន​គឺ​មាន​ “ សារៈ​សំខាន់​​សម្រាប់​ការ​ទទួល​បាននូវ​​ការពិត​ និង​យុត្តិធម៌​​”។ ឆន្ទៈ​របស់​ នួន ជា ក្នុង​ការ​បន្ត​ស្រាយ​បំភ្លឺ​ផ្ទាល់​មាត់​នៅ​ចំពោះ​មុខ​តុលាការ​ គឺ​ផ្ទុយ​គ្នា​ពី​សហចុង​ចោទ​របស់​ខ្លួន​គឺ​ ខៀវ សំផន​ ដែល​បាន​ប្រាប់​តុលាការ​ថា ខ្លួន​នឹង​បន្ត​រក្សាភាព​ស្ងប់​ស្ងាត់​រហូត​ដល់​ចប់​សវនាការ​ជំនុំជម្រះ​​ទោស​របស់​ខ្លួន​។ ខៀវ សំផន បាន​ប្រាប់​តុលាការ​ថា “ ខ្ញុំ​សូម​ជម្រាប​លោក​ចៅក្រម​ថា ខ្ញុំ​មាន​មូលហេតុ​​ក្នុង​ការ​ប្រើ​សិទ្ធិ​​រក្សា​ភាព​ស្ងាត់ស្ងៀម”។ ខៀវ សំផន និយាយ​ដោយ​មិន​បរិយាយ​​លម្អិត​ថា “ មូល​ហេតុ​គឺ​ដោយសារ​តុលាការ​មិន​បាន​គោរព​សិទ្ធិ​របស់​ខ្ញុំ និង​សិទ្ធិ​របស់​មេធាវីចុង​ចោទ​។ ដំបូង​ឡើយ​ខ្ញុំ​មាន​ជំនឿ​លើ​តុលាការ​នេះ​ ប៉ុន្តែ​ក្រោយ​មក​ គឺ​នៅ​នាទី​​ចុង​ក្រោយ ​ខ្ញុំ​លែង​មាន​ជំនឿ​លើ​តុលាការ​ទៀត​ហើយ​”។ ព្រះរាជអាជ្ញារង​ជាន់​ខ្ពស់​ លោក​ តារីក អាប់​ឌុលហាក់ (Tarik Abdulhak) បាន​និយាយ​ថា លោកមាន​ភាព​​ “ ស្រឡាំង​កាំង​” ចំពោះ​​ការ​សម្រេច​ចិត្ត​របស់​ ខៀវ សំផន ព្រោះ​ចុង​ចោទ​រូប​នេះ​តែ​ង​បាន​បង្ហាញ​ពី​ចេតនា​របស់​ខ្លួ​ន​ក្នុង​ការ​ឆ្លើយ​សំណួរ​​។ លោក​បាន​ធ្វើ​ការ​កត់​សម្គាល់​ថា ភាព​ស្ងាត់​ស្ងៀម​របស់​ ខៀវ សំផន អាច​មាន​ផល​អាក្រក់​​ចំពោះ​គាត់​ខ្លួ​ន​ឯង​ ពេល​ចៅក្រម​​ពិចារណា​ចេញ​សេចក្ដី​សម្រេច​។ លោក ស្តេហ្វិន ហ៊ែតឌើ (Stephen Heder)​អតីត​ទីប្រឹក្សា​នៅការិយាល័យ​សហចៅក្រម​ស៊ើប​អង្កេត​ និង​ជា​អ្នក​ស្រាវជ្រាវ​ប្រវត្តិ​សាស្ត្រ​​ខ្មែរ​ក្រហម​ដ៏លេច​ធ្លោរ​មួយ​រូប​​ ក៏បាន​ចូល​រួម​ក្នុង​សវនាការ​ដែរ​កាលពីម្សិលមិញ​។ លោក ហ៊ែតឌើ ដែល​បាន​បដិសេធ​​ការ​អញ្ជើញ​ឲ្យ​មក​ធ្វើ​ជា​​សាក្សី​ជំនាញ​​កាលពីខែ​ឧសភា បាន​លាលែង​ពីតុលាការ​នេះ​ក្នុង​ឆ្នាំ​២០១១ ដោយ​បាន​លើក​ឡើង​អំពី​ “ បរិយា​កាស​អាប់​អួរ” ។ ការ​ផ្ដល់​សក្ខីកម្ម​របស់​លោកនឹង​បន្ត​នៅ​ថ្ងៃ​នេះ​៕ ប្រែសម្រួល​ដោយ ភួន ច័ន្ទសេរីវុធ

គណបក្ស​ប្រជា​ជន​កម្ពុជា​ចាត់​ប្អូន​ប្រុស​លោក កឹម​ សុខា ឲ្យ​និយាយ​បង្ខូច​គណបក្ស​សង្គ្រោះ​ជាតិ

​ស្រុក​ពាម​ជរ, ខេត្តព្រៃ​វែង- ខណៈ​ពេល​ដែល​លោក កឹម សុខា​ មេ​ដឹក​នាំ​គណ​បក្ស​ប្រឆាំង​កំពុង​ធ្វើ​ដំណើរ​ទូទាំង​ប្រទេស​​ដើម្បី​ស្វែង​រក​សំឡេង​​គាំ​ទ្រ​សម្រាប់​គណបក្ស​របស់​លោក​ក្នុង​ការ​បោះ​ឆ្នោត​ជាតិ​នៅ​ថ្ងៃ​ទី​២៨​ ខែ​កក្កដា​ខាង​មុខ​នេះ ឧត្តម​សេនីយ៍​ទោ ​​​កឹម​ សុខុន ត្រូវ​ជា​​ប្អូន​ប្រុស​បង្កើត​របស់​លោក​​​ដែល​បាន​ផ្ដាច់​ខ្លួន​ពី​គណបក្ស​ប្រឆាំង​ ក៏កំពុង​​ធ្វើដំណើរ​ក្នុង​នាម​ជា​តួឯក​តំណាង​ឲ្យ​គណ​បក្ស​កាន់​អំណាច​​​ដែរ ដើម្បី​បង្ខូច​កេរ្ដិ៍​ឈ្មោះ​​បក្ស​សង្គ្រោះ​ជាតិ​របស់​បង​ប្រុស​លោក។ ​នៅ​ក្នុងពិធីជួប​ជុំមួយ​ក្នុង​ខេត្ត​ព្រៃ​វែង​កាល​ពី​ម្សិល​មិញ ឧត្តម​សេនីយ៍ទោ កឹម សុខុន ​ដែលពី​មុន​ជា​អ្នក​នយោបាយ​គណ​បក្ស​​ប្រឆាំង​ ប៉ុន្ដែ​ពេល​នេះ​មាន​ឋានៈជា​ឧត្តម​សេនីយ៍​ផ្កាយ​​ពីរ​ក្នុង​ជួរ​នគរ​បាល​ជាតិ​នោះ ​បាន​ចូល​រួម​ជា​មួយ​បេក្ខ​ជន​​គណបក្ស​កាន់​អំណាច​ដើម្បី​ថ្លែង​សុន្ទរកថា​រយៈពេល​ជិត​បួន​ម៉ោង​ទៅ​កាន់អ្នក​គាំ​ទ្រ​គណបក្ស​ប្រជា​ជន​កម្ពុជា​ប្រហែល៧០០​នាក់​នៅ​ក្នុង​ឃុំ​ស្វាយ​ភ្លោះ​។ ​ឧត្តម​សេនីយ៍​ទោ កឹម សុខុន ​មាន​ប្រ​សាសន៍​​ទៅ​កាន់​អ្នក​ចូល​រួម​ថា គោល​នយោ​បាយ​របស់​​គណបក្ស​សង្គ្រោះ​ជាតិ​​ដែល​សន្យា​​​ដំឡើង​ប្រាក់​ខែ និង​ផ្ដល់​ប្រាក់​ឧបត្ថម្ភដល់​ចាស់​ជរា ប្រសិន​បើ​គណបក្ស​នេះ​ឈ្នះ​ឆ្នោត​នោះ គឺ​ជា​ការ​សន្យា​ខ្យល់​ ហើយ​លោក​បាន​ព្រមាន​ថា ពាក់​ព័ន្ធ​នឹង​ការ​បង្កើត​គណបក្ស​សង្គ្រោះ​ជាតិ លោក​ កឹម...

សកម្មភាព​​​ពាណិជ្ជកម្ម​​តាម​​​​​​កំពង់​​​ផែ​​​​​​ភ្នំពេញ​​​​​​កើន​​​ឡើង​​​២៩​​​ភា​​​គ​​​​​​រយ

យោង​​​តាម​​​តួលេខ​​​ចេញ​​​ផ្សាយ​​​កាល​​​ពី​​​ថ្ងៃ​​​ច័ន្ទ​​​ បាន​​​ឲ្យ​​​ដឹង​​​ថា ចំនួន​​​កុងតឺណ័រ​​​ដឹក​​​ទំនិញ​​​ឆ្លង​​​​​​កាត់​​​ច្រក​​​កំពង់​​​ផែ​​​ស្វយ័ត​​​​​​ភ្នំពេញ​​​ បាន​​​កើន​​​ឡើង​​​​​​២៩​​​ភាគ​​​រយ​​​ក្នុង​​​រយៈ​​​ពេល​​​ប្រាំមួយ​​​ខែ​​​ដំបូង​​​នៃ​​​​​​ឆ្នាំនេះ បើ​​​ប្រៀប​​​ធៀប​​​នឹង​​​រយៈ​​​ពេល​​​​​​ដូច​​​គ្នា​​​​​កាល​​​​​​ពី​​​ឆ្នាំ​​​មុន​​​។ កំពង់ផែ​​​នេះទទួលបាន​​​​​​កុងតឺណ័រស្តង់​​​ដា​​​រ​​​​​​​​​ចំនួន​​​៥០.១៥៧​​​​​​ចន្លោះ​​​ពីខែ​​​មករា​​​ដល់​​​ខែ​​​មិថុនា ពោល​​​គឺ​​​បាន​​​កើន​​​ឡើង​​​ពី​​​៣៨.៨៨២​​​​​​កុងតឺណ័រ ក្នុង​​​រយៈ​​​ពេល​​​ប្រាំមួយ​​​ខែ​​​ដំបូង​​​នៃ​​​ឆ្នាំ​​​២០១២។ លោក​​​ ហ៊ី បាវី អគ្គនាយក​​​កំពង់ផែ​​​ស្វយ័ត​​​​​​ភ្នំពេញ​​​​​​​​​ បាន​​​មា​​​ន​​​ប្រសាសន៍​​​ថា សកម្មភាព​​​ផលិត​​​​​​កម្ម​​​ផលិត​​​ផល​​​វាយនភណ្ឌ​​​​​​ក្នុង​​​ស្រុក​​​ដែល​​​បានកើន​​​ឡើង​​​ ព្រម​​​ទាំង​​​បរិមាណ​​​តម្រូវ​​​ការ​​​គ្រឿង​​​សំណង់​​​ និង​​ឧបករណ៍​​​ប្រើ​​​ប្រាស់​​​ក្នុង​​​វិស័យ​​​កសិកម្ម​​​ គឺ​​​ជា​​​កត្តា​​​ជំរុញ​​​ឲ្យ​​​ទំហំ​​​ពាណិជ្ជ​​​កម្ម​​​នេះ​​​កើន​​​ឡើង​​​។ ​​ លោក បាវី បន្ត​​​​​​ថា សកម្មភាព​​​ពាណិជ្ជ​​​កម្ម​​​ឆ្លង​​​កាត់​​​កំពង់​​​ផែ​​​ស្វយ័ត​​​​​​ភ្នំពេញ​​​​​​ទំនង​​​ជា​​​កើន​​​ឡើង​​​បន្ត​​​ទៀត​​​​​​។ លោក​​​បាន​​​មា​​​ន​​​ប្រសាសន៍​​ថា “ បរិ​​​មាណ​​​ទំនិញ​​​ពាណិជ្ជកម្ម​​​នឹង​​​ចាប់​​​ផ្ដើ​​​ម​​​កើន​​​ឡើង​​​បន្ថែម​​​ទៀត​​​នៅ​​​ដើម​​​ខែ​​​កក្កដា”។ លោក  ហ៊ី...

តុលាការ​​​ជំនុំជម្រះ​​ទោស​នគរ​បាល​ដែលបាញ់​អ្នក​​បើក​រថយន្ត​​រឿង​មិន​ផ្ដល់​ប្រាក់​​នៅ​កុង​ត្រូល​ជជុះ

កាល​ពី​​​​​​​ម្សិលមិញ សាលា​ដំបូង​រាជ​ធានី​ភ្នំពេញ​​​បាន​បើក​សវនាការ​​​​ជំនុំ​​​ជម្រះ​​​ទោស​​​អតីត​មន្ត្រី​នគរបាល​ពីរ​នាក់​ ​ត្រូវ​បាន​​​ចោទ​ប្រកាន់​​ពី​បទ​បាញ់​​​​ប្រហារ​​​បុរស​អាយុ​២៩​ឆ្នាំ​ម្នាក់​ ​ដែលបដិសេធ​​មិន​​​ផ្តល់​​​ប្រាក់​​​ឲ្យ​ខ្លួន​​​​នៅ​​​​​កុងត្រូល​​​ជជុះ​​​មួយ​​​កន្លែង​​​​កាល​ពី​ខែ​មករា​។ លោក សួស សំអាត ប្រធាន​​​​​​ក្រុម​​​ប្រឹក្សា​​​​ជំនុំ​ជម្រះ ឲ្យ​​​ដឹង​​​​ថា ឈ្មោះ យូ សុខគា អាយុ​៣០​ឆ្នាំ​និង​ គង់ ដារ៉ា អាយុ​៤៤​ឆ្នាំ កំពុង​ប្រឈម​នឹង​ការ​ចោទ​ប្រកាន់​ពី​បទ​ប៉ុន​ប៉ង​ជំរិត​​ទារ​ប្រាក់​ និង​ប្រើ​​​​ប្រាស់​​​អាវុធ​ខុស​ច្បាប់​។ នៅ​ក្នុង​សវនាការ​ ឈ្មោះ​​​ យូ សុខគា​ បាន​បដិសេធ​ថា មិន​បាន​បាញ់​ជន​រង​គ្រោះឈ្មោះ​​ ឌី វិចិត្រ​ ដែល​ត្រូវ​របួស​ដោយ​គ្រាប់​កាំភ្លើង​មួយ​គ្រាប់​ចំ​ទ្រូង​ខាង​ឆ្វេង​​​​ក្រោយ​​​​​​​កើតមាន​​​ហេតុការណ៍​នៅ​ផ្លូវ​លេខ​៥៩៨ នៅក្នុង​ខណ្ឌ​ឫស្សីកែវ​​​​​​​ទេ​​​ ប៉ុន្តែ​បាន​សារភាព​ថា ខ្លួន​​​បាន​​​​​​រាលកៃ​​​កាំ​​​ភ្លើង​​​និង​​​បាន​​​ទារ​​​​ប្រាក់​នោះ​​​​​មែន​​​។ ចម្លើយ​​​របស់ យូ សុខគា គឺ​​​ផ្ទុយ​​​​​​គ្នាពី​​​ការ​​​អះអាង​​​របស់​ជន​រង​គ្រោះ​ ​បាន​និយាយ​​​នៅ​មន្ទីរ​​ពេទ្យ​ថា​​​  ខ្លួន​​​គ្រាន់​​​តែ​បដិសេធ​​មិន​​​​ផ្តល់​​​ប្រាក់​​​​តាម​​​ការ​ទាម​ទារ​របស់​មន្ត្រី​នគរ​បាល​​​​​​​ពាក់ព័ន្ធ​​​ទាំង​ពីរ​នាក់​ ដែលបាន​​​​ឃាត់​​​​​​រថ​យន្ដ​​​​​របស់​​​គាត់​ពេល​​កំពុង​ដឹក​ម្ទេស​។លោកបាន​និយាយ​ថា “ ខ្ញុំ​បាន​ឃើញ​អ្នក​បើកបរ​នេះ​ចេញ​​ពី​រថយន្ត​ ហើយ​​​​ដើរ​​​​សំដៅ​​​មក​រក​ខ្ញុំ​​ដោយ​មាន​​កាន់​ដំបង​ដែក​ក្នុង​ដៃ​​​ផង​​​​ ​​ឃើញ​​​​ដូច្នេះ​​​ ខ្ញុំ​ក៏​​​​បាន​ដក​កាំភ្លើង​​ខ្លី​ចេញ​”។​​​ លោកបន្ត​​​ថា ​​​ខ្លួន​​​បាន​បាញ់​កាំភ្លើង​ឡើង​លើ​ ដើម្បី​ព្រមាន​​​​លោក វិចិត្រ។ សុខគា​​​​​​ ​សារភាព​ថា ខ្លួន​​​​​ទៅ​​​​​​​​​​​ឈរជើង​​​​​​នៅ​​​​លើ​​ផ្លូវ​លេខ​៥៩៨​​​​​​​​​ដោយ​​​គ្មាន​​​ការ​​​អនុញ្ញាត​​​​​​ជា​​​ប្រចាំ ​​​ដើម្បី​ជំរិត​​​​ទារ​ប្រាក់​ពី​អ្នក​បើក​បរ​ផ្សេង​​​ៗ ​​​ហើយ​​​​ថា ខ្លួន​​​​បាន​ធ្វើ​ដូច្នេះ​អស់​រយៈ​ពេល​​​​ប្រហែល​​​ពីរ​ឆ្នាំ​មក​ហើយ​។​ សុខគា​​​​​​ បន្ត​​​​ថា “ ខ្ញុំ​មិន​មែន​ជា​នគរបាល​ចរាចរទេ​ ប៉ុន្តែ​ខ្ញុំ​បាន​សម្រេច​ចិត្ត​ធ្វើ​បែប​នេះ​ ដើម្បី​​​​ផ្គត់ផ្គង់​​​ជីវ​ភាព​​​​ខ្វះខាត​​​​​​​​របស់​​​គ្រួសារ​​​​ខ្ញុំ​​​។ ខ្ញុំ​​​​​​សំណូម​​​ពរ​​​​​​​ឲ្យ​​​លោក​ចៅក្រម​​​មេត្តា​​​​កុំ​​​​ផ្តន្ទា​ទោស​​​ឲ្យ​​​ខ្ញុំ​​​ជាប់​​​ពន្ធនាគារ​​​យូរពេក​​​​”។ ​ចំណែក​​​ គង់ ដារ៉ា ​អះអាង​ថា ខ្លួន​​​ពុំ​​​​មាន​វត្ត​មាន​នៅ​​កន្លែង​កើត​ហេតុ​​ទេ ពេល​​​​មាន​ការ​បាញ់​ប្រហារ​​នោះ​​។ គាត់​បន្ត​ថា “ ខ្ញុំ​បាន​ឃើញ​មន្ត្រី​នគរ​បាល​ម្នាក់​​​ដេញ​តាម​រថយន្ត​​​​​​​​​មួយ​គ្រឿង​​ពេល​ខ្ញុំ​​​​កំពុង​​​ស្ថិត​នៅ​ស្ថានីយ​ប្រេង​ឥន្ធនៈ​​​មួយ​​​កន្លែង​​​ឆ្ងាយ​​​ពី​​​ទីនោះ​​​​​​។​​​​ ខ្ញុំ​មិន​បាន​ដឹង​ថា ​​​មាន​ការ​​​​​​​បាញ់​​​ប្រហារ​​​​នេះ​​ទេ​”។ ​​ចៅក្រម សំអាត ​ថ្លែង​​ថា ទង្វើ​​​របស់​ជន​សង្ស័យ​ទាំង​ពីរ​​​​នេះ​​​​​​ធ្វើ​ឲ្យ “ ​​​ប៉ះ​ពាល់​​យ៉ាង​​​​ខ្លាំង​​​​​ដល់​សាធារណជន​ និង​​​កិត្តិយស​​របស់​មន្ត្រី​នគរ​បាល​ផ្សេង​​​​ទៀត​”។សាល​ក្រម​នឹង​ត្រូវ​ប្រកាស​​​នៅ​ថ្ងៃ​ទី​២៥...

មន្ត្រី​​​មូល​​​ដ្ឋាន​​​​​ឲ្យ​​​ប្រជា​​​ពល​​​រដ្ឋ​​​​​គូស​សន្លឹក​ឆ្នោត​​​​សាក​​​ល្ប​​ង​​​សម្រាប់​ CPP

អ្នក​​​បោះ​​​ឆ្នោត​​​នៅ​​​ក្នុង​​​ខេត្ត​​​យ៉ាង​​​តិច​​​ចំនួន​​​ពីរ​​​បាន​​​លើក​​​ឡើង​​​កាល​​​ពី​​​ម្សិល​​​មិញ​​​ថា មន្ត្រី​​​មូល​​​ដ្ឋាន​​​បាន​​​ធ្វើ​​​ដំណើរ​​​ពី​​​ផ្ទះ​​​មួយ​​​ទៅ​​​ផ្ទះ​​​មួយ​​​ស្នើ​​​ឲ្យ​​​ប្រជា​​​ពល​​​រដ្ឋ​​​គូស​​​ និង​​​បោះ​​​ឆ្នោត​​​គាំទ្រ​គណ​​​បក្ស​​​ប្រជា​​​ជន​​​កម្ពុជា​​​របស់​​​លោក​​​នាយក​​​រដ្ឋ​​​មន្ត្រី ហ៊ុន សែន នៅ​​​លើ​​​សន្លឹក​​​ឆ្នោត​​​​សាក​​​ល្បង​​​ ដែល​​​ពួក​​​គេ​​​អះ​​​អាង​​​ថា ជា​​​ការ​​ហាត់​សមសម្រាប់​​​ការ​​​បោះ​​​ឆ្នោត​​​ជាតិ​​​នាថ្ងៃទី​​​២៨ ​ខែ​​​កក្កដា។ បណ្តា​អ្នក​​​ឃ្លាំ​​​មើល​​​ការ​​​បោះ​​​ឆ្នោត​​​ និង​​​សមា​​​ជិក​​​សភា​​​មក​​​ពី​​​គណ​​​បក្ស​​​ប្រឆាំង​​​បាន​​​លើក​​​ឡើង​​​ថា សកម្ម​​​ភាព​​​របស់​​​មន្ត្រី​​​មូល​​​ដ្ឋាន​​​គឺ​​​ជា​​​ការ​​​គំរាម​​​កំហែង​​​ ហើយ​​​ក៏​​​ជា​​​ការ​​​​​​បំពាន​​​ច្បាប់​​​បោះ​​​ឆ្នោត​​​ដែរ​​​ ដែល​​​គួរ​​​តែ​​​ធានា​​​ឲ្យ​​​បាន​​​​ថា មន្ត្រី​​​រដ្ឋា​​​ភិបាល​​​ដែល​​​ភាគ​​​ច្រើន​​​ជា​​​សមា​ជិក​​​​របស់​​​គណ​​​បក្ស​​​ប្រជា​​​ជន​​​កម្ពុជា​​​រក្សា​​​អព្យា​​​ក្រឹត​​​​ភាព​​​។ មន្ត្រី​​មួយ​រូប​មកពី​​​​គណៈកម្មាធិការ​​​ជាតិ​​​រៀប​​​ចំ​​​ការ​​​បោះ​​​ឆ្នោត​​​ មិន​​​បាន​​​ឯក​​​ភាព​​​ឡើយ ​ដោយ​​​លើក​​​ឡើង​​​ថា ការ​​​ឲ្យ​​​គូស​​​លើ​​​សន្លឹក​​​ឆ្នោត​​​សាក​​​ល្បង​​​នេះ វាគ្មាន​អ្វី​លើស​ពី​​​​ការ​ហាត់សម​​​អ្នក​​​បោះ​​​ឆ្នោត​​​ឡើយ។ ស្ត្រី​​​ម្នាក់​​​នៅ​​​ក្នុង​​​ស្រុក​​​កណ្តាល​​​ស្ទឹង ខេត្ត​​​កណ្តាលបាន​​​និយាយថា មន្ត្រី​​​ឃុំ​​​សៀម​​​រាប​​​ម្នាក់​បាន​​​ទៅ​ជាមួយ​​​សកម្ម​​​ជនគណ​​​​បក្ស​​​ប្រជា​​​ជន​​​កម្ពុជា​​​មួយ​​​ក្រុម​​​ ដែល​​​បាន​​​ធ្វើ​​​ដំណើរ​​​ពី​​​ផ្ទះ​​​មួយ​​​ទៅ​​​ផ្ទះ​​​មួយ​​​កាល​​​ពី​​​សប្តាហ៍​​​មុន ដោយ​​​មាន​​​សន្លឹក​​​ឆ្នោត​​​សាក​​​ល្បង​​​ជា​​​ច្រើនទៅ​ជា​មួយ​​​​​ដើម្បី​​​ណែ​​​នាំ​​​ប្រជា​​​ពល​​​រដ្ឋ​​​​​​ពី​​​របៀប​​​បោះ​​​ឆ្នោត​​​គាំ​ទ្រ​​​​គណ​​​បក្ស​​​កាន់​​​អំណាច​​​។ ជំនួស​​​ឲ្យ​​​ការ​​​អនុញ្ញាត​​​ឲ្យប្រជា​​​ពល​​​រដ្ឋ​​​គូស​​​​ក្នុង​ប្រអប់​​​លេខ​រៀង​គណ​​​បក្ស​​​នយោ​​​បាយ​​​ណា​​​មួយ​​​ក្នុង​​​ចំណោម​​​គណ​​​បក្ស​​​នយោ​​​បាយ​​​ទាំង​​​ប្រាំ​​​បី​​​ ដែល​​​មាន​​​នៅ​​​ក្នុង​​​សន្លឹក​​​ឆ្នោត​​​សាក​​​​ល្បង សកម្ម​​​ជន​​​បក្ស​​​កាន់​​​អំណា​​ច​​​ និង​​​មន្ត្រី​​​ថ្នាក់​​​​ឃុំ​​​បាន​​​ណែ​​​នាំ​​​ស្ត្រី​​​រូប​​​នេះ​​​គូស​ក្នុង​ប្រអប់​​​លេខ​រៀង​ទី​​​៤​​​សម្រាប់​​​គណ​​​បក្ស​​​ប្រជា​​​ជន​​​កម្ពុជា។ ស្ត្រី​​​រូប​​​នេះ​​​ដែល​​​និយាយ​​​ក្នុង​​​លក្ខខណ្ឌ​​​អនាមិក ​​​ព្រោះ​​​ខ្លាច​​​មាន​​​ការ​​​ធ្វើ​​​ទុក្ខ​​​បុក​​​ម្នេញ​​​ពី​​​មន្ត្រី​​​មូល​​​ដ្ឋាននោះ​​​បាន​​​លើក​​​ឡើង​​​ថា “ សន្លឹក​​​​ឆ្នោត​​​មាន​​​ស្លាក​​​សញ្ញា​​​គណ​​​បក្ស​​​ទាំង​​​អស់​​​ចាប់​​​ពី​​​លេខរៀង​ទី​​​១​​​រហូត​ដល់​​​លេខរៀង​ទី​​​៨ ​ហើយ​​​ពួក​​​គេ​​​បាន​​​ប្រាប់​​​ខ្ញុំ​​​ឲ្យ​​​គូស​​​លេខរៀងទី​​​៤​ដែល​​​មាន​​​​​​សញ្ញា​​​រូប​​​ទេវតា​​​របស់ ។ ហើយ​​​បន្ទាប់​​​មក​​​ពួក​​​គេ​​​បាន​​​យក​​​  ត្រឡប់​​​ទៅ​​​វិញ​​​ពេល​​​ដែល​​​ខ្ញុំ​​​គូស​​​​​រួច”។ គាត់​​​​​​និយាយ​​​បន្ត​​​ថា “ មុន​​​ពេល​​​ខ្ញុំ​​​គូស​​​លើ​​​​​​សន្លឹក​​​ឆ្នោត​​​ ខ្ញុំ​​​ងឿង​​​ឆ្ងល់​​​ ហើយ​​​ក៏សួរ​​​ពួក​​​គេ​​​ថា ​ហេតុ​​​អី្វបាន​​​ជា​​​ពួក​​​គេ​​​​​​ឲ្យ​​​ខ្ញុំ​​​គូស​​​លេខ​​​៤។​ ​ពួក​​​គេ​​​​​​និយាយ​​​ថា គ្រាន់​​​តែ​​​គូស​​​​​​ទៅ​​​បាន​​​ហើយ​​​។​ ​​យើង​​​គូស​​​លើវា​​​ ពីព្រោះ​​​យើង​​​បារម្ភ​​​​​ពី​​​សន្តិ​​​សុខ​​​​របស់​​​យើង​​​ ប្រសិន​​​បើ​​​យើង​​​បដិសេធ​​”។ បុរស​​​ម្នាក់​​​នៅ​​​ក្នុង​​​ស្រុក​​​ស្វាយ​​​ជ្រំ ខេត្ត​​​ស្វាយ​​​រៀង ដែល​​​និយាយក្នុង​​​លក្ខខណ្ឌ​​​អនា​មិក​ដែរ ព្រោះ​​​ខ្លាច​​​មាន​​​ការ​​​ធ្វើ​​​ទុក្ខ​​​បុក​​​ម្នេញ​​​ពី​​​អាជ្ញាធរ​​​មូល​​​ដ្ឋាន​​នោះ​​​បាន​​​និយាយ​​​ថា គាត់​​​ក៏​​​ទទួល​​​បាន​​​ការ​​​ណែ​​​នាំ​​​ឲ្យ​​​គូស​​​លើ​​​សន្លឹក​​​ឆ្នោត​​​ដូច​​​គ្នានេះ​​​ដែរ​​​។ បុរស​​​រូប​​​នេះ​​​បាន​​​លើក​​​ឡើង​​​​ថា អនុ​​​ប្រធាន​​​ភូមិ​​​របស់​​​​​​ខ្លួន​​​​នៅ​​​ក្នុង​​​ឃំុគោក​ព្រីង បាន​​​ធ្វើ​​​ដំណើរ​​​ពី​​​ផ្ទះ​​​មួយ​​​ទៅ​​​ផ្ទះ​​​មួយ​​​ជាមួយ​​​​សកម្ម​​​ជន​​​បក្ស​​​ប្រជា​​​ជន​​​កម្ពុជាមួយ​​​ក្រុម​​​កាលពី​​​ថ្ងៃ​​​សុក្រ ដោយ​​​ណែ​​​នាំ​​​ឲ្យ​​​ប្រជា​​​ពល​​​រដ្ឋ​​​គូស​​​លើ​​​សន្លឹក​​​ឆ្នោត​​​សាក​​​ល្បង​​​ ហើយ​​​សន្លឹក​​​ឆ្នោត​​​នេះ​​​ក៏​​​ត្រូវ​​​បាន​​​យក​​​ទៅ​​​វិញ​​​​​ដែរ​​​បន្ទាប់​​​ពី​​​គូស​​​រួច។ បុរស​​​រូប​​​នេះ​​​បាន​​​និយាយ​​​បន្ត​​​ថា “ ​​​ពួក​​​គេ​​​បាន​​​យក​​​សន្លឹក​​​ឆ្នោត​​​ដែល​​​មាន​​​ស្លាក​​​សញ្ញា​​​របស់​​​គណ​​​បក្ស​​​ទាំង​​​អស់​​​ ប៉ុន្តែ ស្លាក​​​សញ្ញា​​​ទេវតា​​​របស់​​​គណ​​​បក្ស​​​ប្រជា​​​ជន​​​កម្ពុជា​​​ឃើញ​​​ច្បាស់​​​ជាង​​​គេ​​​ ហើយ​​​ស្លាក​​​សញ្ញា​​​របស់​​​គណ​​​បក្ស​​​​ផ្សេងៗ​​​ឃើញ​​​ព្រាលៗ។នៅ​​​ពេល​​​ពួក​​​គេ​​​បាន​​​ចូលតាម​​​ផ្ទះ​​​នីមួយៗ​​​របស់​​​អ្នក​​​ភូមិ​​​ពួក​​​គេណែ​​​នាំ​​​ឲ្យ​​​អ្នក​​​ភូមិ​​គូស​​​​​​លេខរៀង​ទី​​​៤ ​ហើយ​​​​បន្ទាប់​​​មក​​​ពួក​​​គេ​​​ក៏​​​យក ​​​ នោះត្រឡប់​​​ទៅ​​​វិញ​​”។ បុរសរូប​​​នេះ​​​បាន​​​បន្ថែម​​​ថា  “ ប្រពន្ធ​​​ និង​​​កូន​​​ស្រី​​​របស់​​​ខ្ញុំ​​​បាន​​​គូស​​​លើ​​​សន្លឹក​​​ឆ្នោត​​​នេះ ​ប៉ុន្តែ ខ្ញុំ​​​បាន​​​បដិសេធ​​​ ពី​​​ព្រោះ​​​ខ្ញុំ​​​ដឹង​​​ពី​​​របៀប​​​គូស​​​​​​សម្រាប់​​​ការ​​​បោះ​​​ឆ្នោត​​​ហើយ​​​ ហើយ​​​វា​​​គឺ​​​ជា​​​ការ​​​ដាក់​​​សម្ពាធ​​​ នៅ​​​ពេល​​​ពួក​​​គាត់​​​បង្គាប់​​​ឲ្យ​​​គូស​​​លេខរៀងទី៤​​​នោះ”។​​​ ស្ត្រី​​ម្នាក់​ទៀតនៅ​​​ក្នុង​​​ស្រុក​​​រមាស​​​ហែក ​ខេត្ត​​​ស្វាយ​​​រៀងបាន​​​និយាយ​​​ថា អាជ្ញាធរ​​​ថែម​​ទាំង​បាន​​​អញ្ជើញ​​ប្រ​ជា​ពលរដ្ឋ​មូលដ្ឋាន​ជា​​​ច្រើន​​​​ក្រុម​​​ឲ្យទៅ​​​​​​កាន់​​​សាលាឃុំគគីរទៀត​ផង​កាល​​​ពី​​​សប្តាហ៍​​​មុន ហើយ​​​បាន​​​ណែ​​​នាំ​​​ពួក​​​គាត់​​​​ឲ្យគូស​​លើ​លេខ​រៀង​​​ទី៤​​​ ដែល​​​ជា​​​ប្រអប់​​​របស់​​​​​​​បក្ស​​​កាន់​​​អំណាច​​​នៅ​​​លើ​​​សន្លឹក​​​ឆ្នោត​​​​សាក​​​ល្បង​​​ ជា​ការ​អះអាង​មួយ​ដែល​មេឃុំ​ជា​អ្នក​រៀប​ចំ​ពិធី​នេះ​ឡើង​បញ្ជាក់​ថា​មាន​ពិត​មែន។ លោក​ស្រី ទេព សមុនី មេឃុំគោក​ព្រីង​បាន​​​លើក​​​ឡើង​​​ថា លោក​ស្រីមាន​​​សន្លឹក​​​ឆ្នោត​​​​សាក​​​ល្បង​​​១.០០០សន្លឹក​​​សម្រាប់​​​បង្រៀន​​​អ្នក​​​បោះ​​​ឆ្នោត​​​ដែល​​​គាំ​​​ទ្រ​​​គណ​​​បក្ស​​​ប្រជា​​​ជន​​​កម្ពុជា​​​ ប៉ុន្តែ លោក​​​ស្រី​​​បាន​​​បដិសេធ​​​​​​ការ​​​អះ​​​អាងដែល​​​ថា ប្រជា​​​ពល​​​រដ្ឋនៅ​​​ក្នុង​​​ពិធី​នេះ​​​ត្រូវ​​​បាន​​​បង្គាប់​​​ឲ្យ​​​គូស​​ ឬក៏អាជ្ញាធរ​​​មូល​​​ដ្ឋាន​​​បាន​​​សហ​ការ​​​ជាមួយ​​​សកម្ម​​​ជន​​​បក្ស​​​ប្រជា​​​ជន​​​កម្ពុជា​​​ដើម្បី​​​ធ្វើ​​​រឿង​​​នេះ​​​។ លោក​​​ស្រី​​​បាន​​​មាន​​​ប្រសាសន៍ថា​ “ យើង​​​បាន​​​ឲ្យ​​​សន្លឹក​​​ឆ្នោត​​​សាក​​​ល្បង​​​ទៅ​​​អ្នក​​​ភូមិ​​​រៀន​​​​គូ​​ស​​​ ប៉ុន្តែ យើង​​​មិន​​​បាន​​​ប្រាប់​​​ពួក​​​គាត់​​​ថា ​គណ​​​​បក្ស​​​ណា​​​ដែល​​​ពួក​​​គាត់​​​គួរ​​​តែ​​​គូស​​​នោះ​​​ឡើយ​​​ពី​​​ព្រោះ​​​នេះ​​​ជា​​​សិទ្ធិ​​​របស់​​​ពួក​​​គាត់​​​ក្នុង​​​ការ​​​ជ្រើស​​​​រើស​​​គណ​​​បក្ស​​​ដែល​​​ខ្លួន​​​ស្រឡាញ់”។ លោក​​​​ស្រី​​​បាន​​​បន្ត​​​ថា “ វា​​​មិន​​​មែន​​​ជា​​​ការ​​​បោក​​​ប្រាស់​​​ ឬជាការ​​​ដាក់​​​សម្ពាធ​​​លើ​​​អ្នក​​​ភូមិ​​​​​​ឡើយ​​​ ពី​​​ព្រោះ​​​នៅ​​​ពេល​​​ពួក​​​គាត់​​​ទៅ​​​បោះ​​​ឆ្នោត​​​​នៅ​តាម​ការិយា​ល័យ​​​​បោះ​​​ឆ្នោត​​​ យើង​​​មិន​​​ដឹង​​​ថា ​​​ពួក​​​គាត់​​​បោះ​​​ឆ្នោត​​​ឲ្យគណ​បក្ស​ណា​មួយ​​​​នោះ​​​ទេ”។ លោក ទេព នីថា អគ្គលេខា​​​ធិការ​​​គណៈ​​​កម្មា​​​ធិការ​​​ជាតិ​​​រៀប​​​ចំ​​​ការ​​​បោះ​​​ឆ្នោត​​​បាន​​​លើក​​​​ឡើង​​​ថា គ្មាន​​​អ្វី​​​ខុស​​​ទេ​ដែល​អាជ្ញាធរ​​​មូល​​​ដ្ឋាន​​​​អម​​​ដំណើរ​​​សកម្ម​​​ជន​​​បក្ស​​​ទៅ​​​បង្រៀន​​​អ្នក​​​បោះ​​​ឆ្នោត​​​ឲ្យចេះ​​​គូស​​​លើ​​​សន្លឹក​​​ឆ្នោត​​​សាក​​​ល្បង​​​នោះ​​​។​​​​​​​​​​​​​​​ លោក ទេព នីថា ក៏​​​​​​មាន​​​ប្រសា​សន៍​​​ដែរ​​​​ថា ​លោក​​​មិន​​​បាន​​​ឃើញ​​​អ្វី​​​ខុស​​​នោះ​​​ទេ ​ចំពោះ​​​ការ​​​គូស​​​លើ​​​សន្លឹក​​​ឆ្នោត​​​សាក​​​ល្បង​​​ដែល​​​​ប្រ​​​ជា​​ពល​​​រដ្ឋ​​​បាន​​តវ៉ា​​​កាលពី​​​ម្សិល​​​មិញ​នោះ។ លោកបាន​​​ថ្លែង​​​ថា “ ខ្ញុំ​​​មិន​​​ដឹង​​​ថា តើ​​​វា​​​ដាក់​​​​សម្ពាធ​​​​​លើ​​​ប្រជា​​​ពល​​​រដ្ឋ​​​យ៉ាង​​ម៉េចទេ។ ពួក​​​គេ​​​ទៅ​​​ដើម្បី​​​ទាក់​​​ទាញ​​​អ្នក​​​គាំទ្រ និង​​​បង្ហាញ​​​ប្រជា​​​ពលរដ្ឋ​​​ឲ្យ​​​​​ពី​​​របៀប​​​គូស​​​លើ​​​សន្លឹក​​​ឆ្នោត​​​ឲ្យ​បាន​ត្រឹម​ត្រូវ”។ លោក​​​មាន​​​ប្រសាសន៍​​​ថា “ វា​​​ខុស​ប្រសិន​​​​បើ​​​អាជ្ញាធរ​​​មូល​​​ដ្ឋាន​​​ទៅ​​​ជាមួយ​​​សមាជិក​​​គណ​​​​បក្ស​​​នយោ​​​បាយ​​​ ហើយ​​​ជំរុញ​​​អ្ន​​ក​​​ភូមិឲ្យ​​​​គូស​​​លើ​​​សន្លឹក​​​ឆ្នោត​​​សាក​​​ល្បង​​។ ប៉ុន្តែវា​​​មិន​អីទេ ប្រសិន​​​បើ​​​ពួក​​​គេ​​​ឈប់​​​សម្រាក​​​ ហើយ​​​ចុះ​តាម​មូលដ្ឋាន​​​ដូច​​​​មនុស្ស​​​ធម្មតា​​​នោះ”។ លោក គល់ បញ្ញា នាយក​​​គណៈ​​​កម្មា​​​ធិការ​​​ដើម្បី​​​​ការ​​​បោះ​​​ឆ្នោត​​​ដោយ​​​សេរី និង​​​យុត្តិធម៌​​​នៅ​​​កម្ពុជា ហៅ​កាត់ថា ខុមហ្វ្រែល មិន​​​​​​យល់​​​ស្រប​​​តាម​​​ការ​​​វាយ​​​តម្លៃ​​​នេះ​​​ឡើយ។ លោក​​​បាន​​​មាន​​​ប្រសាសន៍​​​ថា ភាព​​​គ្រោះ​​​ថ្នាក់​​​នៃ​​​ការ​​​គូ​​ស​​​សន្លឹក​​​ឆ្នោត​​​សាក​​​ល្បង​​​​​​គឺថា ​ហេតុការណ៍​​​បែប​​​នេះ​​​​​​ដាក់​​​សម្ពាធ​​​លើ​​​ប្រជា​​​ពល​​​រដ្ឋ​​​​ច្បាស់​ណាស់ឲ្យ​​​បោះ​​​ឆ្នោត​​គាំ​ទ្រ​​​គណ​​​បក្ស​​​ប្រជា​​​ជន​​​កម្ពុជា​​​នៅ​​​ថ្ងៃ​​​បោះ​​​ឆ្នោត​​​ជាតិ​​​មក​​​ដល់​​​ ជា​​​ពិសេស​​​ប្រសិន​​​បើ​​​អាជ្ញាធរ​​​មូល​​​ដ្ឋាន​​​ជាប់​​​ពាក់​​​ព័ន្ធ​​ ដែល​ជា​ការ​​​បំពាន​​​ច្បាប់​​​បោះ​​​ឆ្នោត​​​។ លោក គល់ បញ្ញា បាន​​​ថ្លែង​​​ថា “ ប្រសិន​​​បើ​​​ ​ ចូល​រួម​ជា​​មួយ​មេ​​​ភូមិនោះ​​​ជា​​​បញ្ហា ពីព្រោះ​​​ពួក​​​គេ​​គួរ​​​​តែ​​​នៅ​អព្យាក្រឹត​​​។​ច្បាប់​​​បោះ​​​ឆ្នោត​​​ចែង​​​ថា ពួក​​​គេ​​​  ត្រូវតែ​​​នៅអព្យា​​​ក្រឹត​​​ ហើយ​​​វា​ជះ​​​ឥទ្ធិ​ពល​​​​លើ​​​អ្នក​​​បោះ​​​ឆ្នោត ពីព្រោះ​​​មេភូមិ​​​ភាគ​​​ច្រើន​​​មក​​​ពី​​​គណ​​​បក្ស​​​ប្រ​​​ជា​​​ជន​​​កម្ពុជា​​​ ហើយ​​​ពួក​​​គេ​​​ជា​​​អ្នក​​​ឃ្លាំ​​​មើល​​​ការ​​​បោះ​​​ឆ្នោត”។ លោក​​​បានបន្ថែម​​​ថា “ មេភូមិ​​​មាន​​​ឥទ្ធិ​​​ពល​​​​ខ្លាំង។​វាបង្ក​ឲ្យ​មាន​​​បញ្ហា​​​មួយ​​​ចំនួន និង​​​ធ្វើ​​​ឲ្យ​​​ប្រជា​​​ពល​​​រដ្ឋ​​​ភ័យ​​​ខ្លាច”។ លោក គល់ បញ្ញា បាន​​​មាន​​​ប្រសាសន៍​​​ថា ​ខុមហ្វ្រែល​​​ទទួល​​​បានពាក្យ​​​​បណ្តឹង​​​មួយ​​​ចំនួន​​​ពី​​​អ្នក​​​បោះ​​​ឆ្នោត​​​ដែល​​​មាន​​​ការ​​​ព្រួយ​​​បារម្ភ​​​នៅ​​​​ទូទាំង​​​ប្រទេស​​​ ដូចជា​​​នៅ​​​ក្នុង​​​ខេត្ត​​​កំពង់​​​ចាម​ព្រៃវែង និង​​​ខេត្ត​​​សៀម​​​រាប ជា​​​ពិសេស​​​អ្នក​​​ដែល​​​គូស​​​​​​លើ​​​សន្លឹក​​​ឆ្នោត​​​សាក​​​ល្បងតែ​ម្តង។ លោក សុន ឆ័យ ដែល​​​កំពុង​​​ឈរ​ឈ្មោះ​ជា​បេក្ខ​ជន​តំណាង​រាស្ត្រ​គណ​​​បក្ស​​​សង្គ្រោះ​​​ជាតិ​​​មណ្ឌល​​​​ភ្នំ​​​ពេញ ​​​បាន​​​លើក​​​ឡើង​​​ថា ការ​​​គូស​​​លើ​​​សន្លឹក​​​ឆ្នោត​​​សាក​​​ល្បង​​​នេះ កើត​​​មាន​​​ជា​​​ច្រើន​​​កន្លែង ហើយ​​​កំពុង​​​តែ​​​ត្រូវ​​​បាន​​​ដឹក​​​នាំធ្វើ​​​​ដោយ​​​គណ​​​បក្ស​​​ប្រជា​​​ជន​​​កម្ពុជា​​​។ លោក​​​បាន​​​ថ្លែង​​​ថា “ ខណៈ​ពេល​​​ពួក​​​គេ​​ធ្វើ​​ពុត​ជាបង្រៀន​​​ប្រជា​​​ពលរដ្ឋ​​​អំពី​​​របៀប​​​បោះ​​​ឆ្នោត ពួក​​​គេ​​​ក៏​​​បង្ខំ​​​ប្រជា​​​ពលរដ្ឋ​ឲ្យ​​​​ចង​​​ចាំ​​​លេខ​រៀង​របស់​​​  ​ដែរ ​ហើយ​​​​​​បង្ខំ​​​ឲ្យ​​​ប្រជា​​​ពល​​​រដ្ឋ​​​សន្យា​​​នឹង​អាជ្ញា​​​ធរ​ថា នឹង​​​បោះ​​​ឆ្នោត​​​គាំ​ទ្រ​គណ​​​បក្ស​​​ប្រជា​​​ជន​​​កម្ពុជា។ នោះ​ជា​បញ្ហា​​​ដែល​កំពុង​កើត​​​មាន​​​ឡើង​​​នៅគ្រប់​​​ទី​​​កន្លែង​​​។ពួក​​​គេ​​​ប្រាប់​​​ប្រជា​​​ពលរដ្ឋ​​​ថា ត្រូវតែ​​​បោះ​​​ឆ្នោត​​​ឲ្យ​​​លេខ​​​៤។ ​នេះ​​​មិន​​​មែន​​​ការ​​​បង្រៀន​​​​​ទេ"។ លោក សុន ឆ័យ បាន​​​មាន​​​ប្រសាសន៍​​​ថា ​គណបក្ស​​​សង្គ្រោះ​​​ជាតិ​​​បាន​​​ដាក់​​​ពាក្យ​​​បណ្តឹង​​​ទៅគណៈ​​​កម្មា​​​ធិការ​​​ជាតិ​​​រៀប​​​ចំ​​​ការ​​​បោះ​​​ឆ្នោត​​​ ពាក់​ព័ន្ធ​នឹងការ​​​បង្រៀន​​​ប្រជា​​​ពល​​​រដ្ឋ​​​ឲ្យ​​​ចេះ​​​គូស​លើ​ស្លឹក​ឆ្នោត​​​​នេះ ប៉ុន្តែ ​​ទទួល​បាន​​​​​មក​​​វិញ​​​ត្រឹម​​​តែ​​​លេស​​​​ប៉ុណ្ណោះ​នៅ​​​ក្នុង​​​ការ​​​ឆ្លើយ​​​តប​​​។ លោក​​​បាន​​​ថ្លែង​​​​​​ថា គណៈ​​​កម្មាធិការ​​​ជាតិរៀប​ចំ​ការ​បោះ​ឆ្នោត​​​​ទទូច​ឲ្យ​​​​អាជ្ញាធរ​​​មូល​​​ដ្ឋាន​​​ កុំ​ចូល​រួម​ពាក់​​​ព័ន្ធ​។​​​ លោក​​​ សុន ឆ័យ បាន​​​បន្ថែមថា “ គណៈ​​​កម្មការ​​​បោះ​​​ឆ្នោត​​​ថ្មី​នេះ​មិន​​​សូវ​អើ​ពើនឹង​បណ្តឹង​​​នេះ​​​ឡើយ”៕ ប្រែសម្រួលដោយ ស៊ា សុយឈាង

អ្នក​គាំ​ទ្របក្ស​សង្គ្រោះ​ជាតិ​​ធ្វើ​បាតុកម្ម​នៅ​មុខ​សេតវិមាន​​ទាម​ទារ​ឲ្យ​លោក សម រង្ស៊ី​ វិល​មក​​កម្ពុជា

មូលនិធិ​សង្គ្រោះ​​ជាតិ​កម្ពុជា​(Cambodia National Rescue Foundation) ជា​អង្គការ​មួយ​ដែល​មាន​មូលដ្ឋាន​នៅ​សហ​រដ្ឋ​អាមេរិក សម្រាប់​​ផ្តល់​​ថវិកា​ដល់​គណបក្ស​សង្គ្រោះ​ជាតិ ជា​គណបក្ស​ប្រ​ឆាំង​​នៅ​ប្រទេស​កម្ពុជា​ នឹង​ធ្វើ​ការ​តវ៉ា​មួយ​នៅ​ព្រឹក​ថ្ងៃ​សុក្រ​ នៅ​មុខ​សេតវិមាន​ដើម្បី​អំពាវនាវ​ឲ្យ​ប្រធានាធិបតី​សហរដ្ឋ​អាមេរិក លោក បារ៉ាក់ អូបាម៉ា​ ដាក់​សម្ពាធ​មក​លើ​គណបក្ស​ប្រជាជន​កម្ពុជា​​កំពុង​កាន់​អំណាច​​ឲ្យ​ធានា​ថា​ការ​បោះ​ឆ្នោត​ជាតិ​​នៅ​ថ្ងៃ​ទី​២៨​ខែ​កក្កដា​នេះ​ប្រព្រឹត្តទៅ​ដោយសេរី និង​យុត្តិធម៌​ និង​​អនុញ្ញាត​​ឲ្យ​មេដឹក​នាំ​​គណបក្ស​របស់​ខ្លួន​គឺ​លោក សម រង្ស៊ី​ វិល​ត្រឡប់​​មក​​កម្ពុជា​វិញ​ដោយ​​សុវត្ថិភាព​។ លោក ទូច វិបុល ស្ថាបនិក​មូលនិធិ សង្គ្រោះ​​ជាតិ​កម្ពុជា ថ្លែងថា​ ប្រជា​​ពលរដ្ឋ​​ចំនួន​​១.០០០​​នាក់​​រំពឹង​ថា​នឹង​ចូល​រួម​ក្នុង​ការ​តវ៉ា​នេះ​។ លោក វិបុល បន្ត​ថា “ យើង​ដាក់​ញត្តិ​ជូន​ប្រធានាធិបតី លោក​អូបាម៉ា​ដើម្បី​ឲ្យ​លោក​បញ្ជូន​សារ​ដ៏​ខ្លាំង​និង​ឥត​ងាក​រេ​ជូន​រដ្ឋាភិ​បាល​​កម្ពុជា​ឲ្យ​គោរព​ច្បាប់​និង​​រៀប​ចំ​ការ​បោះ​ឆ្នោត​ប្រកប​ដោយសេរី​និង​យុត្តិធម៌​។​ជា​ពិសេស​យើង​ស្នើ​ឲ្យលោក  ​សម ​រង្ស៊ី វិល​​មក​​កម្ពុជា​វិញ​ប្រកប​ដោយ​​​សុវត្ថិភាព”។ លោក សម រង្ស៊ី​ ប្រកាស​កាល​ពី​ថ្ងៃ​អាទិត្យ​ថា  លោកអាច​នឹង​វិល​ត្រឡប់​មក​កម្ពុជា​​វិញ​នៅ​មុន​ការ​បោះ​ឆ្នោត​ទោះបី​ប្រឈម​នឹង​ទោស​ជាប់​ពន្ធនាគារ​រយៈពេល​១១​ឆ្នាំ​ក៏​ដោយ ដែល​ការ​ចោទ​ប្រកាន់​នេះ ​គេ​ដឹង​ជា​ទូទៅ​ថា​ជា​រឿង​នយោបាយ។ កាល​ពី​ម្សិលមិញ​ លោកស្រី​​​ មូរ សុខហួរ តំណាង​រាស្ត្រ​គណបក្ស​សង្គ្រោះ​ជាតិ​បាន​បញ្ជាក់​ថា ការ​តវ៉ា​នៅមុខ​សេតវិមាន គឺ​គាប់​ជួន​នឹង​ការ​សម្រេច​ចិត្ត​របស់​លោក​វិល​ត្រឡប់​មក​ប្រទេស​កម្ពុជា​វិញ។លោកស្រី​បន្ត​ថា “ យើង​ជឿជាក់​​ថា​ការ​តវ៉ា​នេះ នឹង​ធ្វើ​ឲ្យ​លោក សម​ រង្ស៊ី​វិល​ត្រឡប់​មក​ប្រទេស​កម្ពុជា​វិញ​ដោយ​សន្តិភាព​និង​ធានា​ឲ្យ​មាន​ការ​បោះ​ឆ្នោត​ដោយ​សេរី​និង​យុត្តិធម៌”។ លោក សម រង្ស៊ី បាន​ថ្លែង​តាម​រយៈអុី​ម៉េល​កាលពី​ម្សិល​មិញ​ថា​ លោកនឹង​ប្រកាស​​ថ្ងៃ​វិល​ត្រឡប់​របស់​លោក​​ឆាប់ៗ​​​នេះ ៕  ប្រែ​សម្រួល​ដោយ ឃិន ណៃ​

MEDIA FEEDS

Popular

video

IDEA TALK៖ តើហេតុអ្វីបង្គោលព្រំដែនកម្ពុជា−វៀតណាម ក្នុងខេត្តត្បូងឃ្មុំ កំពុងមានភាពរសើប?

កម្មវិធី Idea Talk សំរាប់រាត្រីថ្ងៃទី១២ ខែសីហា ឆ្នាំ២០២០ ស្តីអំពី៖តើហេតុអ្វីបង្គោលព្រំដែនកម្ពុជា−វៀតណាម ក្នុងខេត្តត្បូងឃ្មុំ កំពុងមានភាពរសើប?