Sunday, January 19, 2020

ព័ត៌មាន

អ្នក​បើក​បរ​ស្រវឹងស្រា​បើក​រថយន្ត​បុក​ក្មេង​ស្លាប់​បួន​នាក់​ និង​រង​របួស​ប្រាំ​នាក់​​នៅ​ក្នុង​ខេត្ត​សៀមរាប

នគរបាល​បាន​ឲ្យ​ដឹង​ថា កុមារ​បួន​នាក់​ត្រូវ​បាន​រថយន្ត​បុក​​ស្លាប់​ និង​កុមារ​ប្រាំ​នាក់​ទៀត​រង​របួស​កាល​ពី​​យប់​ថ្ងៃ​អាទិត្យ​ ពេល​ដែល​អ្នក​បើកបរ​ស្រវឹង​ស្រា​ម្នាក់​បើករថយន្ត​ទៅ​បុក​ពួក​គេ​ ខណៈពេល​ពួកគេ​ដើរ​តាម​ផ្លូវ នៅក្នុង​ស្រុក​វ៉ារិន ខេត្ត​សៀមរាប។ លោក ញៀ ភី អធិការ​រង​នគរបាល​ស្រុក​វ៉ារិន បាន​មាន​ប្រសាសន៍​ថា អ្នក​បើក​រថយន្ត​ដែល​ស្រវឹង​ស្រា​នោះ​បាន​បើក​បុក​ក្មេង​ៗ ដែល​មាន​អាយុ​ចន្លោះ​ពី​១០ឆ្នាំ​ទៅ​១៤ឆ្នាំ​ ពេល​ដែល​ពួកគេ​កំពុង​ដើរ​ទៅ​ផ្ទះ​នៅ​ម៉ោង​ប្រហែល​​១០យប់។ នគរបាល​បាន​ចាប់​ខ្លួន​អ្នក​បើក​រថយន្ត​ឈ្មោះ​ ម៉េង ប៊ុនធាង អាយុ​៣០ឆ្នាំ​ដែល​បាន​អះអាង​ថា ខ្លួន​មិន​បាន​ឃើញ​ក្មេងៗ​ដើរ​នៅ​តាម​ចិញ្ចើម​​ផ្លូវ​​​ពេល​យប់​ងងឹត​​នោះ​ទេ។ ក្នុង​ឧបទ្ទវហេតុមួយ​ទៀត​នៅក្នុង​ខេត្ត​កំពង់​ធំ​ឯណោះ​​វិញ បុរស​អាយុ​៤៧​​ឆ្នាំ​ម្នាក់​បាន​ស្លាប់​នៅ​យប់​ថ្ងៃអាទិត្យ​ ពេល​ដែល​រថ យន្ត​ក្រុង​ដឹក​អ្នកដំណើរ​របស់​ក្រុម​ហ៊ុន រិទ្ធិ មុនី បាន​បុក​ម៉ូតូ​របស់​គាត់​ ក្នុង​ស្រុក​បារាយណ៍​​ខណៈដែល​រថយន្ដ​នោះ​​ព្យាយាម​ វ៉ា​ម៉ូតូ​​នេះ។ លោក សាន តាល អធិការ​ស្រុក​បារាយ​ណ៍ថ្លែង​ថា “ រថយន្តទេសចរណ៍​នេះ​បាន​កិន​ចំ​ក្បាល​របស់​គាត់​ធ្វើ​ឲ្យ​គាត់​ស្លាប់​​​ភ្លាមតែម្តង”។ លោកបន្ថែម​ថា អ្នក​បើក​រថយន្ត​បាន​រត់​គេច​​ខ្លួន​បាត់​ បន្ទាប់​ពី​ឧបទ្ទវហេតុ​​​នេះ។ ក្រម​ហ៊ុន ​រិទ្ធិ មុនី និង​​ដៃ​គូ​របស់​ខ្លួន​គឺ​ក្រុម​ហ៊ុន​ផារា៉មោ៉នអង្គរ​ ​បាន​ជាប់​ពាក់​ព័ន្ធ​​នឹង​គ្រោះ ​ថ្នាក់​​​ប្រាំពី​រលើក​ដែល​ក្នុង​នោះ​មាន​មនុស្ស​ស្លាប់​ប្រាំពីរនាក់​...

មេ​ព្រហ្មទណ្ឌ​​​​ក្រុង​​​បាវិត​​​ត្រូវ​​​ក្រសួង​ហៅ​មក​សួរ​ពីបទ​​​​បាញ់​​​កម្ម​​​ការិនី

ក្រសួង​​​មហា​​​ផ្ទៃ​​​បាន​​​សាក​​​សួរ​​​មន្ត្រី​​​នគរ​​​បាល​​​ក្រុង​​​បាវិត​​មួយ​​​រូប​​​​​​កាល​​​ពី​​​ម្សិល​​​មិញ ជុំ​​​វិញ​​​​ការ​ជាប់​ពាក់​ព័ន្ធ​របស់​ខ្លួន​​​​​​​​ក្នុង​​​ករណី​​​បាញ់​​​ប្រ​​​ហារ​​​​​នៅ​​​តំបន់​​​សេដ្ឋ​​​កិច្ច​​​ពិសេស​​​មួយ​​​កន្លែង​​​​​​ដែល​​​បា​​ន​​​ធ្វើ​​​ឲ្យ​​​ស្ត្រីបី​​​នាក់​​​រង​​​របួសធ្ងន់​ នេះ​​​បើ​​​តាមការ​​​លើក​​​ឡើង​​​ពី​​​មន្ត្រី​​​នគរ​​​បាល​​​​រូប​នេះ។ ការ​​​បាញ់​​​ប្រហារ​​​មនុស្ស​​​បី​​​នាក់​​​នេះ​​​​​​បាន​កើត​​​ឡើងកាល​​​ពី​​​ថ្ងៃ​​​ទី​​​២០​​​ខែ​​​កុម្ភៈ​​​ បន្ទាប់​​​ ពី​ការ​​​តវ៉ារបស់កម្ម​​​ករ​​​កម្ម​​​ការិនី​​​នៅ​​​​​​ខាង​​​ក្រៅ​​​រោង​​​ចក្រ​​​ផលិត​​​ស្បែក​​​ជើង​​​​​​​​ឲ្យ​​​ក្រុម​​​ហ៊ុន​​​​សម្លៀក​​​បំពាក់​​​កីឡា​​​ពូម៉ា របស់​​​អាល្លឺ​​​ម៉ង់​​​បាន​​​ប្រែ​​​ក្លាយ​​​ជា​​​​​ហិង្សា។សាក្សី​​​ឃើញ​​​ហេតុ​ការណ៍​​​ផ្ទាល់​​​ភ្នែក​​​​​​បាន​​​រាយ​​​ការណ៍​​​ថា ​លោក ​ឈូក បណ្ឌិត ដែល​​​ពេល​​​នោះ​​​​​​ជា​​​អភិបាល​​​ក្រុង​​​បាវិត ​​​បា​ន​​បាញ់​​​​​​ទៅ​​​លើ​​​បាតុករ​​​មួយ​​​ក្រុម​​​នៅ​​​ខាង​​​មុខ​​​រោង​​​ចក្រ​​​ផលិតស្បែក​​​ជើង​​​កៅ​​​វ៉េ ជា​​​អង្គ​​​ហេតុ​​​មួយ​​​ដែល​​​ក្រោយ​​​មក​​​ក្រសួងមហា​​​ផ្ទៃ​​​បានទាម​​​ទារ​​​ឲ្យ​​​​​​មាន​​​ការ​​​​ស៊ើប​​​​អង្កេត​។ តែ​​​ទោះ​​​ជា​​​យ៉ាង​​​ណា សាលា​​​ដំបូង​​​ខេត្ត​​​ស្វាយ​​​រៀង បាន​​​ដក​​​ការ​​​ចោទ​​​ប្រ​​​កាន់​ទាំង​​​អស់​​​លើ​​​លោក ឈូក បណ្ឌិត កាល​​​ពី​​​ដើម​​​ខែ​​​នេះ​​​ រី​​​ឯ​​​លោក ស ចន្ថា នាយ​​​ការិយា​​​ល័​យ​​​នគរ​​​បាល​​​ព្រហ្ម​​​ទណ្ឌ​​​ក្រុង​​​​​បាវិត ​​​ត្រូវ​​​បាន​​​ចោទ​​​ប្រ​​​កាន់ពី​​​បទ​​​ "បង្ក​​​របួស​​​ស្នាម​​​ដោយ​​​អចេត​​​នា" ថ្វី​​​បើ​​​លោក​​​ ស​​​ ខេង រដ្ឋ​​​មន្ត្រី​​​ក្រ​​​សួង​​​មហា​​​ផ្ទៃ​​​បាន​​​ប្រ​​​កាស​​​ជា​​​សាធារណៈ​​​កាល​​​ពី​​​ខែ​​​មី​​​នា​​​ថាលោក ឈូក បណ្ឌិត គឺ​​​ជា​​​ជន​​​សង្ស័យ​​​តែ​​​ម្នាក់​​​គត់​​​ក្នុង​​​ករណី​​​បាញ់​​​ប្រ​​​ហារ​​​នេះ​​​ក្តី។ លោក ស ចន្ថា ​​​បាន​​​បដិសេធ​​​​​ម្តង​​​ហើយ​​​ម្តង​​​ទៀត​​​​​​ថា លោក​​មិន​​​បានជាប់​​​​​ពាក់​​​ព័ន្ធ​​ទេ។យោង​​​តាម​​​លោក ស ចន្ថា បាន​​​ឲ្យ​​​ដឹង​​​ថា មន្ត្រី​​​ក្រសួង​​​មហា​​​ផ្ទៃ បាន​​​ទូរស័ព្ទ​​​ហៅ​​​លោក​​​ទៅ​​​សាក​​​សួរ​​​កាល​​​ពី​​ម្សិល​​​មិញ ដើម្បី​​បញ្ជាក់ថា ​​​ហេតុ​​​អ្វី​​​បាន​​​ជា​​​សាលា​​​ដំបូង​​​​ខេត្ត​​​ស្វាយ​​​រៀង​​​ ចោទ​​​ប្រ​​​កាន់​​​លោក។ លោក ស ចន្ថា មាន​​​ប្រ​​​សាសន៍​​​ថា "មូលហេតុ​​​ដែល​​​ក្រសួង​​​មហា​​​ផ្ទៃ​​​ទូរស័ព្ទ​​​ហៅ​​​ខ្ញុំ​​​ទៅ​​​សាក​​​សួរ គឺ​​​ដោយ​​​សារតែ​​​ពួកគេ​​​មិន​​​ជឿ​​​ថា វា​​​ជា​​​ការ​​​ពិត​​​ទាក់​​​ទិន​​​នឹង​​​បទ​​​ចោទ​​​ប្រ​​​កាន់​​​ខ្ញុំ​​​"។​​​ លោក​​​បាន​​​បន្ត​​​ថា លោក ប៉ែន វិបុល ប្រ​​​ធាន​​​នាយកដ្ឋាន​​​បុគ្គលិក​​​នៃ​​​ក្រសួង​​​មហា​​​ផ្ទៃ​​​​​​ជា​​​អ្នក​​​សាក​​​សួរ​​​លោក។ លោក ស ចន្ថា មាន​​​ប្រ​​​សាសន៍​​​ថា "ក្រសួង​​​មហា​​​ផ្ទៃ​​​បាន​​​សាក​​​សួរ​​​ខ្ញុំថា​​​ តើខ្ញុំ​​​បាន​​​ធ្វើ​​​អ្វី​​​ខ្លះ​​​ ហើយ​​​ខ្ញុំ​​​នៅ​​​ឯ​​​ណា​​​អំឡុង​​ពេល​​​មាន​​​ការ​​​បាញ់​​​ប្រ​​​ហារ​​​កាល​​​ពី​​​ខែ​​​កុម្ភៈ​​​។​​​ខ្ញុំ​​​បាន​​​ឆ្លើយ​​​ថា ខ្ញុំ​​​មិន​​​ពាក់​​​ព័ន្ធ​​​ក្នុង​​​ករណី​​​បាញ់​​​ប្រ​​​ហារ​​​នេះ​​​ទេ ហើយ​​​ខ្ញុំ​​​មិន​​​បាន​​​ស្ថិត​​​នៅ​​​ខាង​​​មុខ​​​រោង​​ចក្រ​​​កៅ​​​វ៉េ​​​ឡើយ។​​​គឺ​​​ពេល​​​នោះ ខ្ញុំ​​​នៅ​​​ជិត​​​រោង​​​ចក្រ​​​សេកូ(Sheiko)។ ខ្ញុំ​​​មិន​​​បាន​​​កាន់​​​កាំភ្លើង​​​ទេ​នៅ​​ថ្ងៃ​​​នោះ ពីព្រោះ​​​លោក​​​ស្នង​​​ការ​​​ខេត្ត​​​បាន​​​ប្រាប់​​​ពួកយើង​​​​​​កុំ​​​ឲ្យ​​​យក​​​ទៅ​​​តាម​​​ខ្លួន"។ លោក ប៉ែន វិបុល និង​​​ឧត្តមសេនីយ៍​​​ឯក​​​ ខៀវ សុភ័គ អ្នក​​​នាំពាក្យ​​​​​​ក្រសួង​​​មហា​​​ផ្ទៃ​​​មិន​​​អាច​​​ទាក់​​​ទង​​​សុំ​​​ការ​​​បំភ្លឺ​​​បាន​​​ទេ។ ការ​​​សាក​​​សួរ​​​លោក ស ចន្ថា ​​​កើត​​​មាន​​​​​​មួយ​​​ថ្ងៃ​​​​​​បន្ទាប់​​​ពី​​​លោក អ៊ុក សាវុធ អគ្គ​​​ព្រះ​​​រាជ​​​អាជ្ញា​​​​​សាលា​​​ឧទ្ធរណ៍ ​​​បាន​​​មាន​​​ប្រ​​​សាសន៍​​​ថា លោក​​​បាន​​​ប្តឹង​​ឧទ្ធរណ៍​​​ជំទាស់​​​​នឹង​​​សេច​​​ក្តី​​​សម្រេច​​​របស់​​​សាលា​​​ដំបូង​​​​​ក្នុង​ការ​មិន​​ចោទ​ប្រកាន់​​លោក ឈូក បណ្ឌិត។ ទោះ​​​បី​​​ជា​​លោក​​​កោត​​​សរសើរ​​​ចំពោះ​​​ចំណាត់​​​ការ​​​នេះក្តី ក៏​​​លោក មឿន តុលា ​​​ប្រធាន​​​កម្ម​​​វិធី​​​ការ​​​​​ងារ​​​នៃ​​​មជ្ឈ​​​មណ្ឌល​​​អប់​​​រំ​​​ច្បាប់​​​សម្រាប់​​​សហ​​​គមន៍​​​ ដែល​​​កំពុង​​​ផ្តល់​​​ជំនួយ​​​ផ្នែក​​​ច្បាប់​​​ដល់​​​ជន​​​រង​​​គ្រោះ​​​ទាំង​នេះ​​​និង​​​ដែល​​​បាន​​​សម្ភាស​​​សាក្សីឃើញ​​​ហេតុ​​​ការណ៍​​​ផ្ទាល់​​​ភ្នែក​​​នោះ បាន​​​មាន​​​ប្រ​​​សាសន៍​​​ថា ការ​​​បន្ត​​​មាន​​​សេរី​​​ភាព​​​របស់​​​លោក ឈូក បណ្ឌិត គឺ​​​ជា​​​ការគំរាម​​​កំហែង​​ចំពោះ​​​​​​សាក្សី​​​ណាដែល​​​អាច​​​​​ឡើង​​​ផ្តល់​​​សក្ខី​​​កម្ម​​​ដាក់​​​បន្ទុក​​​​លោក។ លោក មឿន តុលា ​​​បា​​ន​​​មាន​​​ប្រ​​​សាសន៍​​​ថា "មាន​​​ដំណើរ​​​ការ​​មិន​ត្រឹម​​​ត្រូវ​​​ជា​​​ច្រើន​​​​​នៅ​​​ក្នុង​​​សំណុំ​​​រឿង​​​​​នេះ។យើង​​​ស្វាគមន៍​​​ ប្រសិន​​​បើ​​​អគ្គ​​​ព្រះ​​​រាជ​​​អាជ្ញា​​​រូប​នេះ​​សម្រេច​​​ចាត់​​​ការ​​​សំណុំ​​​រឿង​​​នេះ​​​បន្ត និង​​​ចង់​​​នាំ​​​ខ្លួន​​​លោក ឈូក បណ្ឌិត ឡើង​​​សវនាការនោះ​​​។​​​ប៉ុន្តែ​​​ពេល​​​នេះ​​​គាត់​នៅ​​​មាន​​​​សេរី​​​ភាពនៅ​​​ឡើយ ហើយ​​​សាក្សី​​​ឃើញហេតុការណ៍​​​​​​ផ្ទាល់​​​ភ្នែក​​​ សុទ្ធ​​​តែ​​​ភ័យ​​​ខ្លាច​​​ក្នុង​​​ការផ្តល់​​​សក្ខី​​​កម្ម​​​ដល់​​​តុលាការ"៕ ​​​ប្រែសម្រួល​​​ដោយ តែម សុខុម​​​​​​​​​​​

កម្មករ​រោង​ចក្រ​កាត់​ដេរ​ជួបជុំ​គ្នា​នៅ​សួន​សេរី​ភាព​ក្នុង​រាជធានី​ភ្នំពេញ​ដើម្បី​តវ៉ា​ទាម​ទារ​ប្រាក់​ខែ​ខ្ពស់​ជាង​មុន

កាល​ពី​ម្សិល​មិញកម្មករកម្មការិនី​រោង​ចក្រ​កាត់​ដេរ​ប្រមាណ​​​ជាង​២០០​នាក់​​បាន​ជួប​ជុំ​គ្នា​នៅ​​សួន​សេរី​ភាព​ដើម្បី​តវ៉ា​សុំ​ដំឡើង​​​ប្រាក់​ខែ​ មុន​ពេល​ដង្ហែ​ក្បួន​ឆ្ពោះ​ទៅ​សួន​​មុខ​វត្ត​បទុម​ និង​រដ្ឋ​សភា​។​ លោករ៉ុងឈុនប្រធាន​សម្ពន្ធ​សហជីព​កម្ពុជា​ដែល​ដឹក​នាំ​ការ​តវ៉ា​នេះ​បាន​មាន​​​ប្រសាសន៍​ថាកម្មករ​រោង​ចក្រ​កាត់​ដេរ​មក​ពី​រោង​ចក្រ​ចំនួន​បីគឺ ​រោង​ចក្រខេម​បូហែន​សាំ(Cambo Handsome)​ រោង​ចក្របេសវ័ន (Best One)​ និង​រោង​ចក្រយ៉ាងហ្វុង (Yang Fong) បាន​ស្នើ​សុំ​ប្រាក់​ខែ​១៥០​ដុល្លារ​ជំនួស​ប្រាក់​ខែ​បច្ចុប្បន្ន​ដែល​បាន​ត្រឹម​តែ​៦១​ដុល្លារនោះ។ លោករ៉ុងឈុនបាន​មាន​ប្រសាសន៍​ថា “ថ្ងៃ​នេះ​ យើង​ជួប​ជុំ​គ្នា​នៅ​ទី​នេះ​ដើម្បី​ទាម​ទារ​ប្រាក់​ខែ​សម្រាប់​កម្មករ​ឲ្យ​បាន​ខ្ពស់​ជាង​មុនព្រោះ​ប្រាក់​ខែ​៦១​ដុល្លារ​មិន​អាច​ធ្វើ​​ឲ្យ​​​កម្មករ​រស់​បាន​សមរម្យ​ទេ”។​ លោក​បាន​​​បន្ថែម​ថា ​រោង​ចក្រ​មិន​អើ​ពេើ​ចំពោះ​ញត្ដិ​​​ដែល​យើង​បាន​ដាក់​ជូន​​ទេ​”។​ អ្នក​ស្រី​ ស៊ាងសុភាអាយុ​៣៦​ឆ្នាំកម្មការិនី​​​​មក​ពី​រោង​ចក្រយ៉ាង​ហ្វុង​ បាន​និយាយ​ថា “យើង​ត្រូវ​ការ​ប្រាក់​ខែ​សម​រម្យ​ គឺ​ចំនួន​១៥០​ដុល្លារ​ក្នុង​មួយ​ខែព្រោះ​ថាប្រាក់​ខែ​បច្ចុប្បន្ន​​​៦១​ដុល្លារ​មិន​គ្រប់​សម្រាប់​ថ្លៃ​​ជួល​បន្ទប់​ និង​​​ថ្លៃ​​អាហារ​ផង​ ហើយ​តម្លៃ​ជួល​​បន្ទប់​ ​និង​អាហារ​ឡើង​ថ្លៃ​រហូត​”។អ្នក​ស្រី​បាន​​បន្ថែម​ថាអ្នក​ស្រី​ខំ​ធ្វើការ​ថែម​ម៉ោង​ជា​ច្រើន​ម៉ោង​ ប៉ុន្ដែ​ ទទួល​បាន​ប្រាក់​តែ​១៤០​ដុល្លារ​ប៉ុណ្ណោះ​​​។​ ក្រោម​ការ​ឃ្លាំ​មើល​របស់​មន្ត្រី​នគរ​បាល​ស្លៀក​ពាក់​ស៊ី​វិលនិង​កង​រាជ​អាវុធ​ហត្ថ​ជាង​២០០​នាក់កម្មករ​បាន​ដង្ហែ​ឆ្ពោះ​​ទៅ​​​សួន​វត្ត​បទុមដើម្បី​ដាក់​ញត្ដិស្នើ​សុំ​ដំឡើង​ប្រាក់​ខែ​ទៅ​​​ខុទ្ទ​កាល័យរបស់​​​​លោក​នាយក​រដ្ឋ​មន្ត្រី​...

កា​ររំលោភបំ​ពាន​កម្មករចំ​ណាកស្រុក​និង​ទូ​ក​នេសាទ ត្រូ​វ​បា​ន​ពិ​ភាក្សា​​នៅ​កិច្ចប្រជុំ​ថៃ-កម្ពុជា

លោក​ ហោណាំ​ហុងរដ្ឋ​មន្ត្រី​ក្រសួង​ការ​បរទេស​បា​ន​វិល​ត្រឡប់​​មក​ដល់​រាជ​ធានី​ភ្នំ​ពេញ​វិញ​ហើយ​កា​ល​ពី​ថ្ងៃ​សុក្រ​ បន្ទាប់​ពី​អញ្ជើញ​​​ទៅ​ចូ​ល​រួ​ម​​ក្នុង​កិច្ច​ប្រជុំ​​រយៈ​ពេល​​ពីរថ្ងៃ​នៃ​​គណៈ​កម្មាធិកា​រ​​​រួ​ម​កម្ពុជា-ថៃ​ក្នុង​ទី​ក្រុង​បាង​កក​ ដែល​ក្នុងអំ​ឡុង​​កិច្ច​ប្រ​ជំុ​​​​នោះ​ លោកបាន​​ពិ​ភាក្សា​​អំ​ពី​​បញ្ហា​​កម្មករចំ​ណាក​ស្រុ​ក​ខុស​​ច្បាប់ ​​ជាមួ​យ​​​សម​ភាគី​ថៃ​របស់​លោក​ គឺ​លោក ​ស៊ូរ៉ាពង់​ តូវិចាក​ឆៃគល់។ ​យោង​តា​ម​​សេចក្តី​​ប្រកាស​​រួ​ម​​មួ​យ​​ចេញ​​ដោយ​លោក​រដ្ឋ​មន្ត្រី​ទាំ​ង​ពីរ​​បា​ន​ឲ្យ​ដឹង​ថាលោក​ទាំងពីរ​បា​ន​ព្រម​ព្រៀង​​សហ​ការ​គ្នា​ដើម្បី​​កាត់​បន្ថយ​​កា​រ​ជួ​ញ​​ដូ​រ​​កម្មករ​​​ចំ​ណាក​ស្រុក​​ឆ្លង​​ដែន​ និង​​បង្កើត​មជ្ឈមណ្ឌល​មួយ​​នៅ​ក្នុង​ប្រទេ​ស​​ថៃ​ ជាទី​ដែល​​កម្មករចំណាក​ស្រុក​​ត្រូវ​​គេ​ជួញ​ដូរ​​​​អា​ច​ទទួល​​ជ​ំនួ​យ​​​ ដើម្បី​​​វិល​ត្រឡប់​មក​ប្រទេ​ស​​កម្ពុជា​​វិញ​។ លោក ណាំ​ហុង ​ក៏​បា​ន​ថ្លែ​ង​អំ​ណរ​គុណ​ដល់​ប្រទេ​ស​​ថៃ​ផង​ដែរ​​ ចំ​ពោះ​កា​រ​​ចេញអត្ត​សញ្ញាណ​ប័ណ្ណ​ដល់​​កម​្មករ​កម្ពុជា​​ប្រមាណ​​១៦០.០០០នាក់​ ​ដើម្បី​ឲ្យ​ពួក​គេ​មា​ន​ឋា​នៈ​ស្រប​​ច្បាប់​។ ​លោក ​ស៊ូរ៉ាពង់ ​បា​ន​ប្រាប់​លោកហោណាំ​ហុង ​ថា ​រដ្ឋាភិ​បា​ល​ថៃ​នឹង​​ប្រឹងប្រែង​បង្ក្រា​ប​​ក្រុម​ហ៊ុន​​អា​ហា​​រ​សមុទ្រ​ដែល​ជួញ​​ដូរ​ និង​រំលោភ​បំ​ពានកម្មករ​។ ​លោកស៊ូរ៉ាពង់ ​បន្ថែម​​ថា “ រដ្ឋា​ភិ​បា​ល​​ថៃ​បា​ន​បញ្ជា​​ឲ្យ​ក្រុម​ហ៊ុន​​វេចខ្ចប់​អាហារ​សមុទ្រ​​ទាំង​អស់​​ឈប់​ទិញ​​អា​​ហា​រ​សមុទ្រ​ពី​ក្រុម​ហ៊ុន​​ទាំង​ឡាយណា​ដែល​ធ្វើ​ទារុណកម្ម​កម្មករ​”នេះ​បើយោង​តា​ម​​សេចក្តី​ប្រ​កាសនេះ។ នៅ​ឯកិច្ច​ប្រជុំ​នោះ​ផង​ដែរ ​ប្រទេ​ស​កម្ពុជា​បា​ន​ស្នើ​ឲ្យ​ប្រគល់​រូបបដិមា​ខ្មែរ​ចំនួន​​១១អង្គ​​​ដែល​​តាំ​ង​នៅ​ក្នុង​សារ​មន្ទីរ​​ថៃ​​ដែល​គេជឿថា​ ត្រូ​វ​បា​ន​​យក​ចេញពី​ប្រទេ​ស​កម្ពុជា​​​ដោ​យ​ខុស​​ច្បាប់​។ប្រទេ​ស​ថៃ​បា​ន​យល់​ព្រម​​ប្រគល់​​រូបបដិមា​​នេះ​វិញបន្ទាប់​ពីរដ្ឋាភិបាល​​​រាជ​ធា​នី​ភ្នំ​ពេញ​​បញ្ជូន​​ឯក​សារ​​បញ្ជាក់​អំ​ពី​ប្រភព​​ដើម​របស់​រូប​បដិមា​​មក​ឲ្យ​រដ្ឋាភិបាល​ក្រុង​បាង​កក​៕ ប្រែសម្រួលដោ​យចេវប៊ុននី​​

សាលាឧទ្ធរណ៍​ច្រាន​ចោល​​ការ​សម្រេច​ដក​​ការ​ចោទ​ប្រកាន់​លើ​អតីត​អភិបាល​ក្រុង​បាវិត

អគ្គព្រះ​រាជ​អាជ្ញា​សាលា​​​ឧទ្ធរណ៍​បាន​ដាក់​​​បណ្តឹង​ឧទ្ធរណ៍​​ជំទាស់​នឹង​​សេចក្តី​សម្រេច​​​របស់​សាលា​ដំបូង​ខេត្ត​ស្វាយ​រៀង ​ក្នុង​ការ​ដក​​​ការ​ចោទប្រកាន់​លើ​​​​អតីត​អភិ​បាល​ក្រុង​បាវិត​ដែល​ជា​ជន​សង្ស័យ​ដ៏​សំខាន់​ម្នាក់​​​ក្នុង​ករណីបាញ់​​កម្មការិនី​បីនាក់​​ឲ្យ​​​រង​របួស​ធ្ងន់​។ កាល​ពី​ម្សិល​មិញលោកអ៊ុកសាវុធអគ្គ​ព្រះ​រាជអាជ្ញា​​សាលា​ឧទ្ធរណ៍​​មាន​ប្រសាសន៍​​ថាលោក​បាន​ដាក់​ពាក្យ​បណ្តឹង​​ជំទាស់​កាល​ពី​ថ្ងៃ​ទី​២១ខែធ្នូគឺ​បី​ថ្ងៃបន្ទាប់​ពី​សាលា​ដំបូង​ខេត្ត​ស្វាយ​រៀង​បាន​សម្រេច​ ដកការ​ចោទ​ប្រកាន់​លើ​លោកឈូកបណ្ឌិតអតីត​អភិ​បាល​​ក្រុង​​​​បាវិត។កាល​ពី​ដំបូង​លោកឈូកបណ្ឌិតត្រូវ​បាន​ចោទ​ប្រកាន់​​ពី​បទ​បង្ក​របួស​ស្នាម​ “ ដោយ​អចេតនា” ចំពោះ​ការ​ជាប់​ពាក់​ព័ន្ធ​របស់​លោក​ក្នុង​​ករណី​បាញ់​ប្រហារ​អំឡុង​ការ​តវ៉ាមួយ​នៅខាង​ក្រៅ​រោង​ចក្រ​ផលិត​ស្បែក​ជើង​​ផ្គត់​ផ្គង់​ឲ្យ​ក្រុមហ៊ុន​ពូម៉ា​ដែល​ជា​ក្រុម​ហ៊ុន​ផលិត​​សំលៀក​បំពាក់​​កីឡា​ប្រទេស​អាល្លឺម៉ង់​ កាល​ពីខែកុម្ភៈ។ លោកសាវុធបាន​មាន​ប្រសាសន៍បន្តថា “ យើង​បានប្តឹង​ជំទាស់​នឹង​​សេចក្តី​សម្រេច​របស់​សាលា​ដំបូង​ខេត្ត​ស្វាយរៀង បន្ទាប់​ពី​​សាលា​ដំបូង​ខេត្ត​បាន​សម្រេច​ដក​​ការ​ចោទ​​ប្រកាន់​​លើ​​ករណី​បាញ់​​កម្មការិនីបី​នាក់​​ កាល​ពីថ្ងៃទី២១ខែ​ធ្នូ​ ​ប៉ុន្តែមិន​មាន​អ្នក​យក​ព័ត៌មាន​ណា​​​ម្នាក់​បាន​សួរ​ខ្ញុំ​​អំពី​ករណីនេះ​ទេ​”។ លោក​​មាន​​ប្រសាសន៍​បន្តថា​ “ យើង​​កំពុង​យក​រឿង​ក្តី​​របស់​លោក ​ឈូកបណ្ឌិត ​​មក​ជំនុំជម្រះ​ក្តី​ នៅ​សាលា​ឧទ្ធរណ៍​ដើម្បី​ស្វែង​រក​យុត្តិធម៌​ឲ្យ​កម្មការិនី​រង​គ្រោះ​ទាំង​បីនាក់​”​នោះ ហើយលោក​​បាន​បដិសេធ​មិននិយាយ​​បញ្ជាក់​​បន្ថែម​ទៀត​ទេ។ លោកហឹុងប៊ុនជាព្រះ​រាជអាជ្ញា​សាលា​ដំបូង​ខេត្ត​ស្វាយរៀង បាន​បញ្ជាក់​កាល​ពី​ម្សិលមិញ​ថាសាលា​ឧទ្ធរណ៍​​​នឹង​បន្ត​​ជំនុំ​ជម្រះ​រឿង​ក្តី​លោកឈូកបណ្ឌិត។ លោកប៊ុនជាបាន​មាន​ប្រ​សាសន៍​បន្តថា “​ ក្រឡា​​បញ្ជី​របស់​យើង​នឹង​ផ្ទេរ​សំណុំរឿង​លោកឈូកបណ្ឌិតទៅ​សាលា​ឧទ្ធរណ៍​នៅ​ថ្ងៃទី​២​ខែមករាឆ្នាំ​២០១៣”។ ការផ្លាស់​ប្តូរ​មក​សាលា​ឧទ្ធរណ៍​នេះ​មិន​ជាប់​ទាក់​ទង​នឹង​​ពាក្យ​បណ្តឹង​ប្តឹង​​ឧទ្ធរណ៍របស់​ជន​រង​គ្រោះ​ទាំង​បី​នាក់​ជំទាស់​នឹង​សេចក្តី​សម្រេច​ដក​ការ​ចោទ​ប្រកាន់​របស់​សាលាដំបូង​ខេត្ត​ស្វាយរៀង​​​​កាលពី​ថ្ងៃ​ទី​១៩​ខែ​ធ្នូ​នោះ​ទេ ហើយ​ការ​សម្រេច​នេះ​​​​បាន​បណ្តាល​ឲ្យ​មាន​ការ​រិះគន់​យ៉ាង​ខ្លាំង​ពី​សំណាក់​អង្គការ​សិទ្ធិ​មនុស្ស​​និង​​អ្នក​សង្កេត​ការ​ណ៍អន្តរជាតិ​។ យោង​តាម​សាក្សី​ឃើញ​ហេតុការណ៍​ផ្ទាល់​ភ្នែក​ បានឲ្យ​ដឹងថាលោកឈូកបណ្ឌិតដែល​ពេល​នោះ​ជា​អភិបាល​ក្រុង​បាវិត​បាន​បាញ់​ទៅ​លើក្រុម​អ្នក​តវ៉ា​អំឡុង​ការ​តវ៉ាមួយ​នៅ​ក្នុង​តំបន់​សេដ្ឋកិច្ច​ពិសេស​ក្នុង​ក្រុង​បាវិត​ កាលពីថ្ងៃទី​២០ ខែ​​​កុម្ភៈ ហើយ​បាន​ធ្វើ​ឲ្យ​កម្មកា​រិនី​បីនាក់​រង​របួស។​លោក ឈូក បណ្ឌិត មិន​​ដែល​ត្រូវ​បាន​ចាប់​ខ្លួន​ទេ​ ហើយ​ជន​រង​គ្រោះ​​ទាំង​បី​នាក់​ ត្រូវ​បាន​គេ​រាយ​ការណ៍ថា មាន​មន្ត្រី​រដ្ឋាភិបាល​ជាន់​ខ្ពស់​ជា​ច្រើននាក់​ រួម​ទាំង​​ឧបនាយករដ្ឋមន្ត្រី​ ម៉ែនសំអន​ ផង​ដែរបាន​ទៅ​ជួប​ពួក​គេហើយ​បាន​ស្នើ​សុំ​ឲ្យ​ពួកគេ​កុំ​ដាក់​ពាក្យ​បណ្តឹង​ប្តឹង​លោក ឈូកបណ្ឌិតជា​ថ្នូរ​​នឹង​​ប្រាក់ឬ ​អំណោយ​។ លោក សុក សំអឿន នាយក​ប្រតិបត្តិ​ក្រុម​អ្នក​ច្បាប់​ការពារសិទ្ធិ​កម្ពុជា បាន​​មាន​ប្រសាសន៍ថា ការ​ដែល​​​អគ្គព្រះ​រាជអាជ្ញា​សាលា​ឧទ្ធរណ៍​កាន់​កាប់​សំណុំ​​រឿង​បន្ត​​​គឺ​ជា“ ​​រឿង​មិន​ធម្មតា​” ឡើយប៉ុន្តែករណី​នេះ​អាច​ធ្វើ​ទៅ​បាន​ដោយ​សារ​​សំណុំ​រឿង​​​ធំ​បែប​នេះ​​ត្រូវ​តម្រូវ​ឲ្យ​មាន​ការ​យក​ចិត្ត​ទុកដាក់​យ៉ាង​ខ្លាំង​ ហើយ​លោក​បាន​បញ្ជាក់​​ថាការ​សម្រេច​របស់​លោកអ៊ុកសាវុធដើម្បី​​ប្តឹង​ឧទ្ធរណ៍នេះ​អាច​នាំ​ឲ្យ​មានការ​ស៊ើបអង្កេត​ករណីនេះ​ឡើង​វិញ។ លោកសុកសំអឿនបាន​មាន​ប្រសាសន៍​បន្ថែម​ថា “ សាលាឧទ្ធរណ៍​ប្រហែល​ជា​នឹង​កោះ​​ហៅ​សាក្សី​មក​សាក​សួរ​ម្តង​ទៀតដើម្បី​ស្វែង​រក​ការ​ពិត​ដោយ​លោក​បន្ថែម​ថា ការ​សម្រេច​​របស់​សាលាដំបូង​ខេត្ត​ស្វាយរៀង​បាន​ធ្វើ​ឲ្យ​មាន​ការ​រិះ​គន់​យ៉ាង​ខ្លាំង​ ដោយ​សារ​សាក្សី​ឃើញ​ហេតុការ​ណ៍​ផ្ទាល់​ភ្នែក​បាន​​​ភ្ជាប់​ករណី​​បាញ់​ប្រហារ​នេះ​​ទៅ​​នឹង​លោកឈូកបណ្ឌិត។ លោកថ្លែង​បន្តថា“ ប្រសិន​បើរដ្ឋា​ភិបាល​អនុញ្ញាត​ឲ្យ​មាន​ករណី​បែប​នេះ​កើត​ឡើង​នោះ​ប្រជា​ពលរដ្ឋ​នឹង​បាត់បង់​​ជំនឿ​លើ​រដ្ឋាភិបាល​ ជា​ពិសេស​អំឡុង​ពេល​បោះ​ឆ្នោត​ហើយ​សហគមន៍​អន្តរជាតិ​ក៏​កំពុង​តែ​ឃ្លាំ​មើល​ករណី​នេះ​ផង​ដែរ។ នេះ​ជា​ករណី​នយោ​បាយ​។យើង​ដឹង​ថា​​​ លោកឈូកបណ្ឌិតជាប់​​ពាក់​ព័ន្ធនឹង​មន្ត្រី​ជាន់​ខ្ពស់​​​ ដូច្នេះ​ហើយ​បាន​ជា​មេដឹក​នាំ​កំពូល​ៗត្រូវ​តែ​យក​ចិត្ត​ទុក​ដាក់​ នឹង​រឿង​ក្តី​នេះ​”។ លោកស្រី​ ស្រីបុត្រចរិយាមេធាវី​ការ​ពារ​​កម្មការិនីរង​គ្រោះ​ទាំង​បីនាក់ បាន​សរសើរ​សាលាឧទ្ធរណ៍​​ចំពោះ​ការ​បន្ត​​រឿង​ក្តី​​នេះ​។                   លោកស្រីបុត្រចរិយា...

ទំហំ​ពាណិជ្ជ​កម្ម​កម្ពុជា-​កូរ៉េខាង​ត្បូង​​​បានកើន​ឡើងដល់៥៩៦លាន

លោក​ គី​ ប៊ុង​មូន​ (Ki Bong-moon)​ អ្នក​គ្រប់​គ្រង​ទូទៅ​របស់​អង្គភាព​ពាណិជ្ជ​កម្ម​ និង​វិនិយោគ​នៅ​ឯ​មជ្ឈមណ្ឌល​អាស៊ាន​-កូរ៉េ​ (Asean-Korea)​ ដែល​ជា​ស្ថាន​ប័ន​មួយ​​របស់​រដ្ឋា​ភិ​បាល​​ឲ្យ​ដឹង​តាម​អុីម៉េល​ថា​ ពាណិជ្ជ​កម្ម​រវាង​ប្រទេស​កម្ពុជា​ និង​កូរ៉េ​ខាង​ត្បូង​ក្នុង​រយៈ​ពេល​១០​ខែ​ដំបូង​ឆ្នាំ​២០១២​នេះ​មាន​ទំហំ​ទឹក​ប្រាក់​ចំនួន​៥៩៦​លាន​ដុល្លារ​ បើ​ធៀប​​នឹង​ចំនួន​៤២៨​លាន​ដុល្លារ​នៅ​ក្នុង​រយៈ​ពេល​ដូច​គ្នា​កាល​ពី​ឆ្នាំ​២០១១។ លោក​ គី​ ប៊ុង​មូន​ បាន​បង្ហាញ​ថា​ ការ​កើន​ឡើង​ចំនួន​៣៩,២​ភាគ​រយ​គឺ​ខាង​វិស័យ​កាត់​ដេរ​របស់​ប្រទេស​កម្ពុជា​ ដោយ​ក្រណាត់​រួម​ចំណែក​ច្រើន​ជាង​គេ​បង្អស់​នៃ​ការ​នាំចូល​របស់​កូរ៉េ​ខាង​ត្បូង​មក​កាន់​ប្រទេស​កម្ពុជា​ ហើយ​ផលិត​ផល​សម្លៀក​បំពាក់​គឺ​ជា​ការ​នាំ​ចេញ​លំដាប់​ថ្នាក់​ទី១​របស់​ប្រទេស​កម្ពុជា​ទៅ​កាន់​កូរ៉េ​ខាង​ត្បូង។​ លោក​បាន​ឲ្យ​ដឹង​ដូច្នេះ​ថា​ “ ក្រុម​ហ៊ុន​កាត់​ដេរ​ជា​ច្រើន​របស់​កូរ៉េ​ខាង​​ត្បូង​ កំពុង​បង្កើន​វិនិយោគ​ទុន​របស់​ខ្លួន​ទៅ​កាន់​ប្រទេស​កម្ពុជា​ ​ដោយសារ​បរិស្ថាន​ពាណិជ្ជកម្ម​​ក្នុង​ប្រទេស​​ចិន​កំពុង​តែមាន​ការ​ប្រែ​ប្រួល​ ដូច​ជា​​តម្លៃ​​កម្លាំ​ងពល​កម្ម​ជា​ដើម​”។ លោក​បាន​បន្ត​ទៀត​ថា​ ការ​នាំ​ចេញ​ច្រើន​លំដាប់​ថ្នាក់​ទី២​របស់​ប្រទេស​កម្ពុជា​ទៅ​កូរ៉េ​ខាង​ត្បូង​គឺ​ជ័រ​កៅ​ស៊ូ​ ហើយ​បន្ទាប់​មក​មាន​ត្រី​ និង​ផលិត​ផល​សមុទ្រ​ជា​ដើម។​ លោក​បាន​បន្ថែម​ទៀត​ថា​ ផលិតកម្ម​កសិកម្ម​មួយ​ចំនួន​របស់​ប្រទេស​កម្ពុជា​ ដូចជា​ ដំឡូងមី​ និង​ដំឡូង​​ជ្វា​ជា​ដើម​ក៏​អាច​មាន​ការ​កើន​ឡើង​ផង​ដែរ​នៅ​ពេល​ខាង​មុខ​ ដោយសារ​កង្វះ​ការ​ផ្គត់​ផ្គង់​​ផលិត​ផល​ទាំង​នេះ​ពី​ប្រទេស​ចិន៕ ប្រែសម្រួល​ដោយ​ ហួង​ កុក​ទៀន

គណបក្ស​​​ប្រឆាំ​​ង​​​ស្នើ​​​ឲ្យ​​​មាន​ការ​​​កាត់បន្ថយ​​​បំណុល​​​ថ្មី​​​នៅ​ក្នុង​​​ច្បាប់​​​ថវិកា​ជាតិ​​​ឆ្នាំ​​​២០១៣​​​

គណបក្ស​​​ សម រង្ស៊ី​​​ បានស្នើ​​​ឲ្យ​​​សភា​​​ជា​​​តិ​​កាត់បន្ថយ​​​៧៥​​​ភាគរយ​​​នៃ​​​ទំហំបំណុល​​​ថ្មី​​​ដែលរាជ​​​​​​រដ្ឋាភិបាល​​​អាច​​​ទទួល​​​បាន​​​នា​​​ឆ្នាំ​​​ក្រោ​​​យ ក្រោម​​​សេចក្តីព្រាង​​​ច្បាប់​​​ចុង​​​ក្រោ​​​យស្តីពី​​​ថវិកា​​​ជាតិ​​​ឆ្នាំ​​​២០១៣​​​។  លោក ​សុន ​ឆ័យ តំណាង​​​រាស្ត្រ​​​គណបក្ស​​​ប្រឆាំង​​​ ដែល​​​បាន​​​ផ្ញើ​​​លិខិត​​​ស្នើសុំ​​​ទៅក្រសួង​សេដ្ឋកិច្ច​​​ និង​​​ហិរញ្ញវត្ថុ​​​ កាល​​​ពីថ្ងៃ​​​សុក្រ​​​សប្តាហ៍​​​មុន ​​​បាន​​​មាន​​​​ប្រសា​​​សន៍ថា ​​​​​បំណុល​​​សាធារណៈ​​​នៅ​​​ក្នុង​ប្រទេស​​​កម្ពុជា​​​ ​​​មាន​​​ទំហំ​​​ធំ​​​រួច​​​ស្រាប់​​​ហើ​​​យ​​​ ​​​ពោល​​​គឺ​​​មាន​​​ប្រហែល​​​១០​​​ពាន់​​​លាន​​​ដុ​​​ល្លារ​​​ ឬ​​​៧៧​​​ភាគរយ​​​នៃ​​​ផលិតផ​​​ល​​​ក្នុងស្រុក​​​សរុប​(ជីឌីភី) ​​​កាល​​​ពីឆ្នាំ​​​មុន​​​។ ដើម្បី​​​ឲ្យ​​​ទំ​​​ហំបំណុល​​​ជាតិ​​​ស្ថិត​​​ក្នុងទំហំ​​​មួយ​​​ដែល​​សម​​​ស្រប​​​ជាង​​​មុន​​​ ​​​គណបក្ស​​​ សម រង្ស៊ី ​​​បាន​​​ឲ្យ​​​ដឹ​​​ងថា ​​​បំណុល​​​អប្បបរិមា​​​ចំនួន​​​២០០​​លានដុ​​​ល្លា​​​រ ​​​គួរតែ​​​អនុ​​​ញ្ញាត​​​ឲ្យ​​​ទទួល​​​បាន​​​ នាឆ្នាំ​​​ក្រោ​​​យ ​​​ប្រសើរ​​​ជាង​​​​៨០០​​​លានដុល្លារ​​​ ដែ​​​ល​​​ត្រូវបានស្នើ​​​ឡើង​​​នៅក្នុង​​​សេចក្តី​​​ព្រាង​​​គ​​​ម្រោង​​​ថវិកា​នេះ​​​។​ លោក សុន ឆ័យ បាន​​​មានប្រសាសន៍​​​ថា “ ចំនួន​​​ទឹក​​​ប្រាក់​​​នេះ​​​ច្រើន​​​ពេក​​​ ដូច្នេះ យើង​​​ចង់​​​ឲ្យ​​​ពួកគេ​​​បញ្ចុះ​​​ចំនួន​​​ទឹកប្រាក់នេះ​​​ មក​​​២០០​​​លាន​​​ដុល្លារ​​​ ​​​ដោយ​​​សារតែ​​​​បំ​​​ណុ​​​ល​ដែល​​​រដ្ឋាភិបាល​​​ជំពាក់​​​ប្រទេស​​​ផ្សេង​​​ៗ​​​នោះ​​​មាន​​ចំនួន​​​ច្រើន​​​ស្រាប់​​​ហើយ​​។ ​​​ក្នុង​​​អ​​​ត្រា​ ​​​៨០​​​​ភាគរយ​​​ នៃ​​​ជីឌីភី ​​​យើង​​​ជឿថា ​​​វា​​​មិ​​​ន​ចាំបាច់​​​សម្រាប់​​​រដ្ឋាភិបាល​​​ ដែល​​​ត្រូវ​​​បង្កើ​​​ន​​​ចំនួន​​ប្រាក់​​​កម្ចីថ្មីៗ​​​ទេ​​​”។​ សេចក្តីព្រាង​​​គម្រោង​​​ថវិកា​​​ ដែល​​​ប​​​ច្បុបន្ន កំពុងរង​​​់ចាំ​​សេចក្តីអនុម័ត​​​ពី​​​រដ្ឋសភា​​​ ​​​មាន​​​សេចក្តីអំពាវ​​​នាវ​​​ឲ្យ​​​រដ្ឋាភិបាល​​​ចំណា​​​យ​​​ជាង​​​បីពាន់​​​លានដុល្លារ​​​ ក្នុងឆ្នាំ២០១៣​​​ ​​​ដែល​​​ជា​​​ទំហំចំណាយ​​​កើន​​​ឡើង​​​ពី​​​២,៦​​​ពា​​​ន់​​​លាន​​​ដុល្លារ​​​ ក្នុងឆ្នាំ​​​២០១២​​​។ ​​​ដោយ​​​សារ​​​តែ​​​ទំហំ​​​បំណុល​របស់​​​ប្រទេស​​​កម្ពុជា​​​កើន​​​ឡើង​​​ជាង​​​១ពាន់​​​លានដុល្លារ​​​ក្នុង​​​មួយឆ្នាំ​ ​​​សេដ្ឋវិទូ និង​​​អង្គការ​​​អន្តរ​​​​​ជាតិ​​​នានា​​​ ដូចជា​​​ធនាគារ​​​ពិភព​លោក​(WorldBank, WB)​​ និង​​​អង្គកា​​​រ​​​មូល​និធិ​​​រូបិយ​​​វត្ថុអន្តរជាតិ (InternationalMonetaryFund, IMF) ជា​ដើម​​​ បាន​​​ក្រើន​​​រំឭក​​​ថា  ​​​ទោះបីជា​​ទំហំ​បំណុល​​​សាធារណៈ​​​ បច្ចុប្បន្ន​​​ មាន​​​លំនឹង​​​ក៏ដោយ ​​​នៅ​តែមាន​​​ហានិភ័យខ្វ​​​ះ​​​លទ្ធ​​​ភាព​​​សង​​​​​​ក្នុង​ប្រទេស​កំពុង​អភិវឌ្ឍន៍​មួយនេះដែរ​​​។​​​​​​​​​​​ ធនាគារពិភព​​​លោក និង​​​អង្គការ IMF បា​​​ន​ឲ្យ​​​ដឹងកាលពីខែ​​​កញ្ញាថា ​​​កំណើន​​នៃ​​​ទំហំ​​​ទឹក​​​ប្រាក់​​​កម្ចីរបស់រដ្ឋាភិបាល​​​ ក្នុងរយៈពេល​​​១០​ឆ្នាំ​​​ខាង​​​មុខ​​​ ​​​អាច​​​នឹងកាត់បន្ថយ​​​សមត្ថភា​​​ព​​​របស់​​​​ប្រទេស​​​កម្ពុជា​​​ ក្នុងការ​​​បញ្ចេញប្រតិ​​​កម្ម​​​ទប់​​​ទល់​​​វិបត្តិ​សេដ្ឋកិច្ច​​​នានា​ ដែល​​​អាច​​​កើត​​​ឡើង​​​ក្នុង​​​ពេល​​​អនាគត​​​។ ​​​អង្គការ​​​ទាំង​​​នេះ​​​ក៏បាន​​​ឲ្យ​​​​ដឹងថា ​​​ការគ្រប់​​​គ្រង​​​មិន​​​ត្រឹម​​​ត្រូវ​​​លើ​​​គម្រោង​​​កសាង-ប្រតិបត្តិការ​​​-ផ្ទេរ​​​ ដែល​​​មានទ្រង់​​​ទ្រាយធំដូចជា គម្រោង​​​ទំន​​​ប់វារីអគ្គិសនី​​​ ដែល​​​អាច​​​បណ្តាល​​​ឲ្យ​​​មាន​​​កា​​​រ​​​ខាត​​​បង់​​​ក្នុង​​​វិស័យ​​​វិនិ​យោគ​​​ដែ​​​លមាន​​​ទំហំ​​​ស្មើ​​​នឹង​​​៥ភាគ​​​រ​​​យ​​​នៃ​​​ជីឌីភី ខណៈដែល​​​វិបត្តិ​​​​​​ប្រព័ន្ធធនាគារ​​​អាច​ជំរុញ​​​ឲ្យមានការ​​​ខាត​​​ប​​​ង់ប្រហែល​​​១០​ភាគ​រយ​​​នៃ​​​ផលិត​ផល​ក្នុង​ស្រុក​សរុប​។ ​​បំណុល​​​នៅ​​​​​​កម្ពុជា​​​ត្រូ​​​វ​​​បា​​​ន​រាយការណ៍​​​ថា  មាន​ទំហំ​​​ខុស​​​ៗ​​​គ្នា​​​។ ​​​ខណៈ​​​ដែល​​​គណបក្ស​​​សម រង្ស៊ី ​​​បង្ហាញថា ​​​ទំហំ​​​បំ​​​ណុល​​​នៅប្រទេស​​​នេះមាន​​​១០​​​ពាន​​​់លានដុ​ល្លារ​គណបក្ស​​​ប្រជា​ជន​​​កម្ពុជាដែ​​​ល​​​ជា​​​គណ​បក្ស​​​​កាន់​​​អំណាច​​​ ​​​និង​​​អង្គការ​​​អន្តរជាតិ​​​នានា​​​ ​​​បាន​​​បង្ហាញតួលេខ​​​បំណុល​​​ក្នុង​​​ចន្លោះ​​​ពី​​​ពីរ​​​ពាន់​​​លានដុល្លារ​​​ទៅ​​​ប្រាំពីរ​​​ពាន់​​​លានដុល្លារ​​​។​ អង្គ​​​ការ​​​ IMF បាន​​​ព្យាករ​​​កាល​​​ពី​​​ខែ​​​កុម្ភៈ​​​ថា ​​​ទំហំ​​​បំណុល​​​មាន​៣,៩៩​​​ពាន់​​​លានដុល្លារ​​​សម្រា​​​ប​់ឆ្នាំ​២០១២ ​​ខណៈដែល​​​ទីភ្នាក់ងារ​​​វាយត​​​ម្លៃ​អន្តរ​​​ជាតិ​​​មូឌី (Moody's)​ ​​​បង្ហាញ​​​តួលេ​​​ខ​បំណុលថា ​មាន​​​​​៥,២ពាន់​​​លាន​​​ដុល្លារ​​​ នៅ​​​ដំណាច់ឆ្នាំ​​​២០១០​​​។ ដោយ​​​កាត់​​​បន្ថយទំហំបំណុល​​​សម្រាប់​​​ឆ្នាំ​​​២០១៣​​​ផងដែរ គណបក្ស សម រង្ស៊ី ក៏​​​បា​​​ន​អំពាវ​​​ឲ្យ​​​រដ្ឋាភិបាល​​​អនុវត្ត​​​តាម​​​ការស​​​ន្យា​ថា​នឹង​​​ដំឡើង​​​ប្រាក់ឈ្នួល​​​អប្បបរិមា​​​ សម្រាប់​មន្ត្រី​រាជការ​​​ និង​​​បង្កើន​​​ប្រាក់​​​ចំណូល​​​​​​សា​ធារណៈ​​​ដោយ​​​ដាក់​​ចេញនូវអត្រា​​​ពន្ធ​​​ខ្ព​​​ស់​​ ចំពោះ​​​អាជីវ​កម្ម​​​កាស៊ីណូ ​​​និង​​​ម្ចាស់​​​ដីស​​​ម្បទាន​​​សេដ្ឋកិច្ច​​​។ ឧទាហរណ៍ គណបក្ស​​​ ស​​​ម រង្ស៊ី ​​​កំពុងតែស្នើ​​​ឲ្យ​​​មានការដាក់​​​ពន្ធ​​​៥០​​​ភាគរយ​​​លើ​​​ប្រាក់​ចំណូល​​​​ពី​​​កាស៊ីណូ​​​ប្រ​​​ហែល​​​៦០​​​កន្លែង​​​ ដែល​​​បច្ចុប្បន្ន ​កំពុង​​​ប្រតិ​​​បត្តិការ​​​នៅ​​​ក្នុង​​​ប្រទេសកម្ពុជា​​​។ លោក សុន ឆ័យ បាន​​​មានប្រសាសន៍​​​ថា អត្រា​​​ពន្ធ​​​បែបនេះ​​​អាច​​​នឹង​​នាំ​​​ឲ្យ​​​រដ្ឋា​​​ភិ​​​បាល​​​ទទួល​​​បាន​​​ប្រាក់​​​ចំណូល​​​ក្នុង​​​ទំហំប្រ​​​ហែ​ល​​​ជា​​​៣០០​​​លានដុល្លារ​​​។ គណបក្ស​​​ សម រង្ស៊ី ​ក៏បាន​​​​ស្នើ​​​ឲ្យ​​​មានការដំឡើង​​​ពន្ធ​​​ពីប្រាំដុ​​​ល្លា​​​រក្នុង​មួយ​ហិកតាក្នុងមួយឆ្នាំ ដល់​​​១៧​​​ដុ​​​ល្លារ​​​ក្នុង​​​មួយ​​​ហិកតា​​​ក្នុង​​​មួយឆ្នាំ លើ​​​ដីសម្ប​​​ទាន​​​សេដ្ឋកិច្ច​​​។ ​​​លោក សុន ឆ័យ ​​​មាន​​​ប្រសា​​​សន៍​ថា  ​​ចំណូល​​​ពន្ធ​​​ពី​​​២០០​​លានដុ​​​ល្លារ​​​ ​​​ទៅ ៣០០​​​លាន​ដុល្លារ​​​ ​បន្ថែមទៀត​​​ អា​​​ច​​​កើនឡើង​​​នៅ​​​ក្នុង​​​ថវិកា​​​ដោយ​​​​សារ​​​តែ​ការ​​​ដំឡើង​​​ពន្ធ​​​បែប​​​នេះ​​​។ លោក​​​បាន​​​ថ្លែង​​​បន្តទៀតថា ​​​ការ​​​បន្ថយ​​​អំពើ​​​ពុក​រលួយ​​​នៅ​​​តាម​​​បណ្តា​​​ក្រសួង​​​រដ្ឋា​ភិបាល​​​ និង​​​ការ​​​បង្វិល​​​មូលនិធិ​​​ទាំង​​​នេះទៅ​​​ក្នុង​​​ថវិកាជាតិ​​​​​​ក៏​​​នឹង​​​បង្កើន​​​ចំនួន​​​ទឹក​​​ប្រាក់​​​នៅ​​​ក្នុង​​​ថវិកាជាតិ​​ ឲ្យ​​​កើនឡើង​​​កាន់តែ​​​ច្រើន​​​ថែម​​​​ទៀត​​​។​​​​​​​​​​​​​​​​​​​​​​​​​​​​​​​​​​​ សេដ្ឋវិទូ​​​ភាគ​​​ច្រើន​​​បាន​​​លើក​​​ឡើងថា ​​​ទំហំបំណុល​​​របស់​​​ប្រទេស​​​កម្ពុជា​​​ គឺជា​​​ទំហំ​​​ថេរ​​​។ ​​ទោះជាយ៉ាង​​​ណាក៏​​​ដោយ ​ចំនួន​​​ប្រា​​​ក់​​​កម្ចី​ដ៏​ច្រើន​​​ពីប្រទេស​​​ចិន​​​ត្រូវបាន​​​គេ​​​និយា​​​យ​​​ថា ​​​ត្រូវ​បាន​​​ផ្តល់​​​ឲ្យ​​​ប្រទេស​​​កម្ពុជា​​​ ក្នុង​​​​​​អ​​​ត្រា​​​ការ​​​ប្រាក់​​​ខ្ពស់​​​ជាង​ម្ចាស់​​​ជំនួយ​​​ផ្សេងៗ​​​ទៀត​​​យ៉ាង​ខ្លាំង​​​ ដូចជា ​​​ធនាគារ​​​អភិវឌ្ឍន៍​​​អា​​​ស៊ី ​(AsianDevelopmentBank, ADB) ជាដើម​​​។ លោក ចាន់ សុផល ​​​ប្រធា​​​ន​​​សមាគម​សេដ្ឋ​កិច្ច​​​កម្ពុជា ​(Cambodian ​​​Economic ​​​Assoication) ​​បាន​​​មានប្រសាសន៍ឲ្យដឹង​​​ដូច្នេះថា “ ខ្ញុំយល់​​​ថា តាម​​​ការពិត​​​ ទំហំ​​​បំណុ​​​ល​​​របស់​​​ប្រ​​​ទេស​​​កម្ពុ​​​ជា​​​ មិន​​​មាន​​​បញ្ហា​​​ទេ។ ​​​វា​​​តិច​​​ពេក​​​”។ ​​​លោ​​​ក សុផល ក៏​​​បានមានប្រសាសន៍​​​បន្ថែម​​​ទៀត​​​ថា “ ​​​ប្រទេស​​​កម្ពុជាត្រូវការ​​​អភិវឌ្ឍហេ​​​ដ្ឋា​​​រច​​​នា​សម្ព័ន្ធជាច្រើន​​បន្ថែម​​​ទៀត​​​ ​​​ហើ​​​យ​​ម​​ក​​​ដ​​​ល់​​​ដំ​​​ណាក់​​​កាល​​​នេះ មិន​​​ទាន់​​​មាន​​​ផ្លូវ​​​ថ្នល់ ​ស្ពាន​ឬ​​​ធនធាន​​​ថាមពល​​​គ្រប់​​​គ្រាន់​​​នៅ​​​ឡើ​​​យ​​​ទេ​​​ដូច្នេះ ហើយ​​​ពិត​​​ជា​​​ត្រូវ​​​ការ​​​មូល​​​ធន​​​ច្រើន​​​ទៀត ដើម្បីយក​​​មក​​​ប្រើ​​​ប្រា​​​ស់​​​ក្នុងដំ​​​ណើរ​ការ​​​​អភិ​​​វឌ្ឍន៍​​​ហេដ្ឋារ​​​ចនា​​​សម្ព័ន្ធ​​​មូល​​​ដ្ឋាន​​​ទាំង​នេះ”​ឲ្យបានកាន់តែ​​​​​​ច្រើន​​​ឡើង​។ ប្រធាន​​​សមាគម​​​សេដ្ឋកិច្ច​​​កម្ពុជា​​​រូប​នេះ​ក៏បាន​​​លើកឡើង​​​បន្ត​​​ទៀត​​​ថា “ ទាក់​​​ទង​​​នឹង​​​ប្រាក់កម្ចីពីប្រទេស​​​ចិន គួរតែ​​​មាន​​​​ត​​​ម្លាភាព​​​​ច្រើន​​​ជាង​​​មុន ​​​ពីព្រោះយើង​​​ត្រូវកា​​​រដឹង​​​​លម្អិត​​​​​បន្ថែម​​​ទៀត​​ថា  តើ​​​ប្រាក់​​​ចំនួន​​​ប៉ុ​​​ន្មាន​​​ដែល​​​កំពុងត្រូវបានខ្ចី ​​និងត្រូវការ​​​ដឹង​​​អំពី​​​គុណភាព ​​​លក្ខខណ្ឌ និង​​​ប្រសិទ្ធផល ព្រ​​​មទាំង​​​ការ​​​ប្រើ​​​ប្រាស់​​​ប្រាក់​​​កម្ចីទាំង​​​នេះ​​”។​ ក្នុងអត្រា​​​ការប្រាក់​​​ជាមធ្យម​​​២ភាគ​​​រយ​​​ក្នុង​​​មួយឆ្នាំ ​​​ប្រទេស​​​ចិន​​​បាន​​​ផ្តល់​​​អត្រា​​​ការ​​​ប្រាក់​​​មិន​​​អនុគ្រោះបំផុត​​​ លើ​​​ប្រាក់កម្ចី​​​ដែ​​​ល​​​​​​​​​​​​​​​​​​​​​​​​​​​​ខ្លួនបាន​​​ផ្តល់​​​ឲ្យ​​​ប្រទេស​​​កម្ពុជា​​​ ​​​បើ​​​ធៀប​​​នឹ​​​ង​ម្ចាស់​​​ជំនួយ​​​សំខាន់ៗ​​​ផ្សេង​​​ៗទៀត​​​ដែល​​​បា​​​ន​ផ្តល់​​​ប្រាក់កម្ចី​​​ដល់​​​ប្រទេស​​​នេះ​​​ដែរ​​​នោះ​​​។ ​​​ធនាគារ​​​អភិវឌ្ឍន៍អាស៊ី ដែល​​​ហៅកាត់​ បាន​គិត​​​អត្រា​​​ការ​​​ប្រាក់​ជាមធ្យ​​​ម​​​១,២៣​​ភាគរយ​​​លើ​​​ប្រាក់​​​កម្ចីរបស់ខ្លួន​​ ​ខណៈដែល​​​​ប្រទេស​​​កូរ៉េខាងត្បូង ​​​សហភាព​​​អឺរ៉ុ​​​ប ហៅ​​​កាត់ថា EU និង​​​ប្រទេស​​​ជប៉ុន សុទ្ធតែ​​​ផ្តល់​​​ប្រាក់​កម្ចីដល់​​​​​ព្រះរាជាណាចក្រ​​​​កម្ពុជា​​​ ក្នុងអត្រា​​​​​​ការ​​​ប្រាក់​​​០,៥​ភាគរ​យ​​​​ ឬក៏​​​ក្រោម​​​នេះ​​​។ កាល​​​ពី​​​ខែ​​​កញ្ញានាឆ្នាំនេះ​​លោក ​វេន​ជាប៉ាវ (WenJiabao) នាយ​​​ករដ្ឋមន្ត្រីនៃ​​​សាធារ ណរដ្ឋ​​​ប្រជាមានិត​​​ចិន បានប្រកាស​​​កិច្ចព្រ​​​មព្រៀង​ផ្តល់​​ប្រាក់កម្ចី​​​មិនមាន​​​លក្ខខណ្ឌ​​​ជា​​​ក់​​​លា​​​ក់​​​​​​ចំនួន​ជាង​​​៥០០​​​លានដុល្លារ​​​ អំឡុង​​​ដំណើរ​​​ទស្សនកិច្ច​​​របស់​​​លោក​​​មកកាន់​​​ព្រះ​​​រា​​​ជា​​​ណា​ច​​​ក្រ​​​កម្ពុជា​​​។ ​​​ហើយ​​​កាល​​​ពីខែ​​​កុ​​​ម្ភៈ​ ​​​លោក ​គាត ឈន់ ឧបនា​​​យក​​​រដ្ឋមន្ត្រី រដ្ឋ​​​មន្ត្រីក្រសួង​​​សេដ្ឋកិច្ច​​​ និងហិរញ្ញវត្ថុ នៃ​​​ព្រះ​​​រា​​​ជា​​​ណា​​​ចក្រ​​​កម្ពុជា​​​ បាន​​​ចុះ​​​ហត្ថ​​​លេ​​​ខា​​​លើ​​​កិច្ច​​​ព្រម​​​ព្រៀង​​​ហិរញ្ញ​​​ប្បទានចំនួន​​​៣០២​​​លា​​​ន​​​ដុល្លារ​​​សម្រាប់​​​រយៈពេល​​​បីឆ្នាំ​​​ជាមួយ​​​ធនាគារ​​​ អុិចផត​​​-​​​អុីម​ផត ប៊េង អហ្វ ឆាយណា​​​ (Export​​​-​​​Import ​​​Bank ​​​of C​​​hina​​​)​ ដើម្បី​​​យកមក​​​អភ​​​ិ​​​វឌ្ឍគម្រោង​​​ប្រព័ន្ធ​​​​ធារា​​​សាស្ត្រ​​​នៅ​​​ប្រទេ​​​ស​កម្ពុជា​​​។ ​​​ប្រទេស​​​កម្ពុជា​​​ក៏ទទួល​​បាន​​​ប្រា​​​ក់​​​កម្ចី​ឥត​​​ការប្រាក់​​​ចំនួន​​​១,២​​​ពាន់​​​លាន​​​ដុល្លា​​​រ​​​ ពីប្រទេស​​​ចិន​​​ នៅ​​​ដំណាច់ឆ្នាំ២០០៩​​​ផងដែរ៕ ប្រែសម្រួលដោយ កង សុធា​​​​​​​​​​​​​​​​​​​​​​​​​​​​​​  

ក្រឡាបញ្ជីសាលាដំបូង​រាជធានី​ភ្នំពេញ​ម្នាក់​ ត្រូវបាន​ចាប់​ខ្លួន

មន្ត្រីតុលាការ និងមន្ត្រីនគរបាល​បាន​និយាយ​ថា​ សាលាដំបូង​រាជធានី​ភ្នំ​ពេញកាល​ពី​ម្សិលមិញ បាន​ចោទ​ប្រកាន់​ក្រឡាបញ្ជី​របស់​ខ្លួនម្នាក់​ពី​បទរំលោភ​សេចក្តី​ទុក​ចិត្ត​ បន្ទាប់ពី​​បាន​ទទួលយក​ប្រាក់​ចំនួន​២៥០.០០០​ដុល្លារ​​ ជាថ្នូរដើម្បី​ជួយសម្រួល​​​ដំណើ​​រការ​រឿង​ក្តី​​​ឲ្យ​បាន​លឿន​ដោយ “ គ្មាន​បញ្ហា”។ លោកលីសុផាណ្ណាព្រះ​រាជអាជ្ញារង​អម​សាលាដំបូង​រាជធានី​ភ្នំពេញ​ មាន​ប្រសាសន៍​ថា លោកគ្រួចបូរ័ត្នជាក្រឡា​បញ្ជី​ម្នាក់​របស់​លោកចៅក្រម​ លីលឹមម៉េងត្រូវ​បាន​ចាប់​ខ្លួន​ កាល​ពីយប់​ថ្ងៃអាទិត្យ​ ខណៈពេល​លោក​កំពុង​ជប់​លៀង​ជា​មួយ​នឹង​មិត្តភក្តិ​នៅ​​ក្នុង​​ហាង​​ខារ៉ា​អូខេ​មួយ​កន្លែង​​ក្នុង​ខណ្ឌ​ចំការមន​រាជធានី​ភ្នំ​ពេញ​។ លោកសុផាណ្ណាមាន​ប្រ​សាសន៍​បន្តថា​ “ យើង​បាន​ចោទ​ប្រកាន់លោកគ្រួចបូរ័ត្ន ​ ក្រឡាបញ្ជី​​​់នៅ​សាលាដំបូង​រាជធានី​ភ្នំពេញ ពី​បទរំលោភសេចក្តីទុក​ចិត្ត​ពាក់​ព័ន្ធ​នឹង​ទឹក​ប្រាក់​ចំនួន​២៥០.០០០​ដុល្លារ”។ លោកបាន​មាន​ប្រសាសន៍បន្តថា“  ស៊ិនវិសាលបាន​សម្រេច​បញ្ជូន​ជន​សង្ស័យ​រូប​នេះ​ទៅឃុំ​ខ្លួនបណ្តោះ​អាសន្ន​នៅឯ​​​ពន្ធនាគារ​ព្រៃស​រួច​ហើយប៉ុន្តែ​ យើង​មិន​ទាន់​​​ដឹង​ថា ​សាលាដំបូង​រាជធានី​ភ្នំពេញ​នឹង​បើក​សវនាការ​សំណុំរឿងនេះ​ នៅពេល​ណា​នោះ​ទេ”។ លោកសុងលីប្រធានការិយាល័យ​​នគរ​បាល​ព្រហ្មទណ្ឌ​​​កម្រិត​​​ស្រាលរាជធានី​ភ្នំពេញ​ ​មាន​ប្រសាសន៍​ថា ក្រឡាបញ្ជី​សាលា​ដំបូង​រាជធានី​​ភ្នំពេញ​​រូប​នេះ​​ ក៏ត្រូវ​បាន​តុលា​ការ​ចោទ​ប្រកាន់​ពី​បទ​ឆបោកផង​ដែរ​ ។ ទាំង​លោក ស្នងការ​នគរបាល​រាជធានី​ភ្នំ​​ពេញ​ ឬលោក ព្រះ​រាជ​អាជ្ញារងអម​សាលា​ដំបូង​រាជធានី​ភ្នំ​ពេញ​មិន​បាន​ផ្តល់​ព័ត៌មាន​លម្អិត​ថែម​ទៀត​អំពី​ករណី​នេះ​បាន​ទេ។  លោកចៅខេនជាក្រឡាបញ្ជីម្នាក់​ទៀត​របស់​លោកចៅក្រម​ លីលឹមម៉េងបាន​មាន​ប្រសាសន៍ថាលោកបូរ័ត្ន ​ជាប់សង្ស័យ​ថា​បាន​​ទារប្រាក់​ចំនួន​២៥០.០០០ដុល្លារ​ពី​ចុងចោទ​ម្នាក់​ ដើម្បីជា​​​ថ្នូរនឹង​ការ​ជួយ​​​ពន្លឿន​ការ​ដោះ​ស្រាយ​រឿង​ក្តី​ កុំឲ្យមាន​ការ​ពន្យារពេល​។ លោក​បន្ត​ថា “ ខ្ញុំ​បាន​ឮថាលោកគ្រួចបូរ័ត្នបាន​ធ្វើការ​ជាមួយ​ដើមចោទ​និង​ចុង​ចោទ​ ហើយ​គាត់​បាន​សុំឲ្យ​ចុង​ចោទ​បង់​ប្រាក់​ ដើម្បី​​ជៀសវាងកុំ​ឲ្យ​មាន​បញ្ហា”។ លោកមានប្រសាសន៍បន្ត​ថា“ក្រោយ​​មក​​ភាគីទាំង​ពីរ ​ បាន​សម្រុះសម្រួលគ្នា​ ហើយ​បាន​ដក​ពាក្យ​បណ្តឹងរបស់ខ្លួនវិញ។​ពួក​គេ​ក្រោយ​មក​បាន​មក​សុំដក​ប្រាក់​ពី​ ​​វិញ​ ប៉ុន្តែប្រាក់​របស់​ពួក​គេ​ត្រូវចាយអស់​ហើយ”។ លោកចៅខេនមិន​បាន​ប្រាប់​ឈ្មោះ​អ្នកទាំង​នោះ​​ ដែល​មានជាប់​ពាក់​ពន្ធ​​ក្នុង​ការ​សូក​ប្រាក់​យ៉ាង​ច្រើន​ឲ្យ​ទៅ​ក្រឡា​បញ្ជី​នោះ​​ទេ​​​ ប៉ុន្តែ​លោកគ្រាន់តែ​មាន​ប្រសាសន៍​ថា​​ មាន​ពាក្យបណ្តឹង​អំពីវិវាទ​ក្នុង​ការ​រក​ស៊ី​មួយ​ បាន​ប្តឹង​​មក​សាលាដំបូង​កាល​ពី​ឆ្នាំ​២០១១​​ហើយ​បាន​​បង់​ប្រាក់​​តម្កល់នៅ​គ្រា​នោះ​។ ក្រឡាបញ្ជី​​នៅ​ទូទាំង​ប្រទេសកម្ពុជា​ធ្លាប់​ទទួលរងការចោទ​ប្រកាន់​ជា​យូរមកហើយ​ពីបទ​រំលោភ​អំណាច​​របស់​ខ្លួន​​ដោយ​ទទួល​ប្រាក់​សំណូក​...

រដ្ឋាភិបាល​​​អនុម័ត​​​ថវិកា​​​ចំនួន​​​៣​​​ពាន់​​​លាន​​​ដុល្លា​​​រ សម្រាប់​​​ការ​ចំណាយសរុប​​​​ក្នុង​​​ឆ្នាំ​​​២០១៣

យោង​​​តាម​​​សេចក្ដ​​​ី​ប្រកាស​មួយ​​​ដែល​​​ចេញ​​​​ផ្សាយ​​​ដោយ​​​ទី​​​ស្ដី​​​ការ​​​គណៈរដ្ឋ​​​មន្ត្រី​​​កាល​​​ពី​​​ថ្ងៃ​​​សុក្រ​​​បាន​​​ឲ្យ​​​ដឹង​​​ថា រដ្ឋាភិបាល​​​បាន​​​បែង​​​ចែក​​​​​​ថវិកា​​​ជាង​​​៣​​​ពាន់​​​លាន​​​ដុល្លា​​​សម្រាប់​​​​​ការ​ចំណាយ​​​សរុប​​​​របស់​​​រដ្ឋា​​​ភិបាល​​​ក្នុង​​​ឆ្នាំ​​​២០១៣​​​ ដែល​​​មាន​​​ការ​​​កើន​​​ឡើង​​​ចំនួន​​​១៩,២​​​​ភាគរយ​​​លើ​​​ថវិកា​​​ចំនួន​​​២,៦​​​ពាន់​​​លាន​​​ដែល​​​រដ្ឋា​​​ភិបាល​​​​មាន​គម្រោង​​​​ចំណាយ​​​​សម្រាប់​ឆ្នាំ​​​២០១២​​​។  ​​​សេចក្ដី​​​​ប្រកាស​នោះ​​​មិន​​​បាន​​ផ្ដល់​​​​ព័ត៌​មាន​​​​លម្អិតថា ​​​តើ​​​ថវិកា​​បុ៉ន្មាននឹង​​​ត្រូវ​​​បែង​​​ចែក​​​តាម​​​​វិស័យ ​​​​និង​​​ក្រសួង​នានា​​​​នោះ​ទេ ​ប៉ុន្តែ​​​ បាន​​​បញ្ជាក់​ថា នឹង​​​​ផ្ដោត​​​ការ​​​យក​​​ចិត្ត​​​ទុក​​​ដាក់​​​លើ​​​ការ​​​កែ​​​លម្អ​​​ផ្នែក​​​សុខា​​​ភិបាល​​​និង​​​អប់​​​រំ​។ សេចក្ដី​​​​ប្រកាស​នេះ​​​​​​​ឲ្យ​​​ដឹង​​​ផង​​​ដែរ​​​ថា ​ថវិកា​​​​​​​ដែល​ត្រូវ​ចំណាយ​​​​ក្នុង​​​ឆ្នាំ​​​​​​បោះ​​​ឆ្នោត​​​​នឹងត្រូវ​​​ចំណាយ​​​២០​​​ភាគរយ​​​បន្ថែម​​​សម្រាប់​​​មន្ត្រី​​​រាជការ និង​​​កង​​​កម្លាំង​​​ប្រ​​​ដាប់​​​អាវុធ។ សេចក្ដី​​​ប្រកាស​នេះ​​​​បន្ដ​​​ថា “ថវិកា​​​នេះ​​​នឹង​​​​​​ផ្ដល់​​​អាទិ​​​ភាព​​​សម្រាប់​​​បង្កើន​​​និង​​​​ពង្រឹង​​គុណភាព​​ការ​ងារ​ក្នុង​​វិស័យ​​​សង្គម​​​កិច្ច ជា​ពិសេស​​​ សម្រាប់​​​​វិស័យ​អប់​​​រំ សុខា​ភិបាល ការ​កសាង​​ធន​​​ធាន​​​មនុស្ស​​​ និង​​​សុវត្ថិ​​​ភាព​​​សង្គម​”។ សេចក្ដី​​​​ប្រកាស​នេះ​បាន​​​បន្ថែម​​​ថា “ ថវិកា​នេះ​នឹង​​​ធានាឲ្យ​​​មាន​​​ការ​​​រៀប​​​ចំ​​​ការ​​​បោះ​​​ឆ្នោត​​​រដ្ឋ​​​សភា និង​​​ជំរុញឲ្យ​​​មាន​​​ការ​​​អនុវត្ត​​​ច្បាប់​​​គ្រប់​​​គ្រង​​​រដ្ឋ​​​បាល​​​រាជធានី ខេត្ត ក្រុង​​​ ស្រុក​​​និង​​​ខណ្ឌរហូត​​​ដល់​​​ថ្នាក់​​​ក្រោម​​​ជាតិ (ច្បាប់​​​​រៀប​ចំ​អង្គការ)”។ សេចក្ដី​​​​ប្រកាស​នេះ​​​បន្ដ​​​ថា ការ​​​បែង​​​ចែក​​​ថវិកានេះផ្អែក​​​តាម​យុទ្ធសាស្ត្រ​​​ចតុកោណ​​​ដំណាក់​កាល​ទី​២ ​ដើម្បី​​​ទទួល​​​បាន​​​នូវ​​​កំណើនការ​​​ងារ សមភាព និង​​​ប្រសិទ្ធភាព និង​​​ផ្អែក​តាម​​​​​ផែន​​​ការ​​​យុទ្ធ​​​សាស្ត្រ​​​អភិវឌ្ឍន៍​​​​ថ្នាក់​ជាតិ សម្រាប់ឆ្នាំ២០០៩-២០១៣​​​។ថវិកា​នេះ​ក៏​នឹង​​​ជួ​​​យ​ទ្រទ្រង់​​​​ឲ្យ​​​មាន​​​កំណើន​​​ផ្នែក​​​នាំ​​​ចេញ ​និង​ឆ្លើយ​​​តប​​​តាម​​​គោល​​​ដៅ​​​ដែល​លោក ​នាយក​​​រដ្ឋ​​​មន្ត្រី ហ៊ុន សែន ​បាន​កំណត់ ​ដើម្បី​​​​នាំ​​​​អង្ករ​ចេញ​​​ចំនួន​​​១​​​លាន​​​តោន​​​ ​​​ឆ្នាំ​​​ក្រោយ​​។ សេចក្ដី​​​​ប្រកាស​នេះ​​​​ក៏​​​បាន​​​លើក​​​ឡើង​​​ដែរ​​​ថា​​​ “ថវិកា​​​នេះ​​​ក៏​​​មាន​​​បំណង​​​ជួយ​​​រដ្ឋា​​​ភិបាល​​​ក្នុង​​​ការ​​​កែ​​​ទម្រង់​រដ្ឋ​បាល​សាធារណៈ ​ការ​​​គ្រប់​​​គ្រង​​​ហិរញ្ញវត្ថុ​​​សាធារណៈ ការ​​​កែ​​​ទម្រង់​​​តុលាការ​​​និង​​​ច្បាប់ កែទម្រង់​​រដ្ឋបាល​គ្រប់​គ្រង​ដី​ធ្លីនិង​​​ការ​​​កែទម្រង់​​​​​​កង​​​ទ័ព​​​”។ សេចក្ដី​​​​ប្រកាស​នេះ​បន្ថែម​​​ថា “ រដ្ឋា​ភិបាល​​​នឹង​​​បន្ដដំឡើង​​​ប្រាក់​​​បៀវត្សរ៍​​គោល​​​របស់​​​មន្ត្រី​​​រាជការ​​​ និង​​​កង​​​កម្លាំង​​​ប្រដាប់​​​អាវុធ ​ព្រមទាំង​​​ដំឡើងប្រាក់​​​ខែ​​​២០​​​ភាគរយ​​​នៅ​​​ក្នុង​​​ឆ្នាំ​​​២០១៣”។ ទោះបី​​​ជា​​​ការ​​​ចំណាយ​​​មាន​​​ការ​​​កើន​ឡើង​​​​ក៏​​​ដោយ ក៏​​​លោក យឹម សុវណ្ណ អ្នក​​​នាំ​​​ពាក្យ​​​គណបក្ស​​​សង្គ្រោះ​​​ជាតិ​​​មាន​​​ប្រ​​​សាសន៍​​​ថា ​ថវិកា​​​ដែល​​​បាន​​​ស្នើ​​​ឡើង​​នោះនឹង​​​​មិន​អាច​ជួយ​​​ជំរុញវិស័យ​​​អាទិភាព​​​មួយ​​​ចំនួននៅ​​​ក្នុង​​​ប្រទេស​​​កម្ពុជាបាន​ទេ។ លោក​​​មាន​​​ប្រសាសន៍ថា “អតិ​​​ផរណា ​នៅ​​​តែ​ជា​​​បញ្ហា​​​សម្រាប់​​​ប្រជា​​​ពល​​​រដ្ឋ​​​កម្ពុជា ​តម្លៃ​​​ទំនិញក្នុង​​​ទី​​​ផ្សារ​​​មាន​​​ការ​​​កើន​​​ឡើង​​​​យ៉ាង​ខ្លាំង​ បើ​​​ធៀប​​​ទៅ​​​នឹង​​​ការ​ដំឡើង​ប្រាក់​បន្តិច​បន្តួច​​សម្រាប់​​​មន្ត្រី​​​រាជការ​​​និង​​​កង​​​កម្លាំង​​​ប្រដាប់​​​​អាវុធ​របស់​​​​រដ្ឋា​​​ភិបាល”។ លោក​​​បាន​​​បន្ថែម​​​ថា រដ្ឋាភិបាល​​​គួរតែ​​​អនុម័ត ថវិកា​​​យា៉ង​​​ហោច​​​ណាស់​​​ចំនួន​​​៤​​​ពាន់​​​លាន​​​ដុល្លារ​​​ដើម្បី​​​ជំរុញ វិស័យ​​​មួយ​​​ចំនួន​​​ដូច​​​ជា វិស័យ​​​អប់​​​រំ សុខាភិបាល​និង​​​ប្រាក់​​​ខែ​​​សមរម្យ​​​សម្រាប់​​​មន្ត្រី​រាជ​ការ​។ លោក​បាន​​​ថ្លែងថា “ ប្រសិន​​​បើ​​​គណបក្ស​​​សង្គ្រោះជាតិ​​​របស់​​​យើង​​ឈ្នះ​​​ឆ្នោត​​​ឆ្នាំ​​​  យើង​​​នឹង​​​ធ្វើ​​​វិសោធ​​​ន​កម្ម​​​ ច្បាប់​​​​នេះដើម្បី​​​ដំឡើង​​​ប្រាក់​​​​ខែ​​​សម្រាប់​​​កម្មករ​​​រោង​​​ចក្រ ឲ្យ​​​ទទួល​​​បាន​​​ប្រាក់​ខែ​​​គោល​តិច​​​បំផុត​​​១៥០​​​ដុល្លារ​​​ក្នុង​​​មួយ​​​ខែ និង​​​​ប្រាក់​ខែ​មន្ត្រី​រាជ​ការ​ និង​កង​កម្លាំង​ប្រដាប់​អាវុធ​ដូចជា​នគរបាល​យ៉ាង​​តិច​​​២៥០​​​ដុល្លារ ក្នុង​​​មួយខែ”​។ កាល​​​ពី​​​ថ្ងៃ​​​សុក្រ ទី​​​ស្ដីការ​​​គណៈ​​​រដ្ឋ​​​មន្ត្រី​​ក៏​​​បាន​​​អនុម័ត​​​លើ​​​ការ​​​ចំណា​យថវិកា​​​របស់​​​រដ្ឋាភិ​​​បាល​​​ក្នុង​​​ឆ្នាំ​​​២០១១​ដែរ​ ​ែដល​នៅ​ឆ្នាំ​នោះ សេដ្ឋ​​​កិច្ច​​​កើន​​​ឡើង​​​​​​៧,១​​​ភាគរយ ​ហើយមាន​​ការ​ចំណាយ​​​ទឹក​​​​​​ប្រាក់​​​ចំនួន​​​២,៤ ​ពាន់​​លាន ដុល្លារ​​​៕  ប្រែ​​​សម្រួល​​​ដោយ ហម សុផាណ្ណា​​​​​​​​​​​​​​​​​​​​​

លោកនាយក​រដ្ឋ​មន្ត្រី ហ៊ុន សែន ​លើក​ឡើង​អំពី​​ព្រះ​បរម​សព​ព្រះ​មហា​​វី​រក្សត្រ នរោត្តម សីហនុ

​ចាប់​តាំ​​​ង​ពី​​កា​រ​​យាង​​ចូ​ល​ទិ​វង្គត​​របស់​អតី​ត​​ព្រះ​​មហា​ក្សត្រ​ នរោត្តមសី​ហនុ ​កា​ល​​ពី​ថ្ងៃ​ទី​១៥ ខែ​តុ​លាមក កាល​ពី​ម្សិល​មិញ​​លោក​នាយក​​​រដ្ឋ​មន្ត្រីហ៊ុនសែន ​បា​ន​​ថ្លែ​ង​​ជា​​​សា​ធារណៈ​លើក​ដំ​បូង​ថា លោក​សូមថ្លែង​​អំ​​ណរ​គុណ​​គណៈ​​ប្រតិ​ភូ​​អា​ស៊ាន​​​​របស់​លោក​​ចំ​ពោះ​​កា​រ​​ចូ​ល​រួ​ម​សម្តែ​ង​​មរណ​ទុក​្ខ​​របស់​​ខ្លួន​​ដល់​​កា​រ​យាង​ចូល​ទិវង្គត​​​របស់​សម្តេចឪ។ ​​នៅ​ក្នុ​ង​សុន្ទរក​ថាបើក​កិច្ច​ប្រជុំ​ក្រុ​ម​ប្រឹក្សា​​​សហ​គមន៍​​សង្គម​​​វប្ប​ធម៌​​អា​​ស៊ាន​​លើក​ទី​៨​ លោក​នា​​យក​រដ្ឋ​មន្ត្រី​ ហ៊ុនសែន ​បា​ន​គូស​បញ្ជាក់​​ថា ​ក​ិច្ច​ប្រជុំ​នេះ​ធ្វើ​​ឡើង​ចំ​ពេល​​​មាន​កា​រ​​​កាន់​ទុ​ក្ខ​​​ទូ​ទាំង​ប្រទេស​ចំ​ពោះ​​ព្រះ​បរម​សព​​ព្រះ​មហា​វី​រ​ក្សត្រនរោត្តម សីហនុ ដែ​ល​​យាង​​ចូ​ល​ទិវង្គត​​​ដោ​យ​សារ​​គាំ​​ង​បេះ​ដូង​​នៅ​ក្នុង​ទី​ក្រុ​ង​​ប៉េកាំ​ង។ មនុស្ស​ប្រ​ហែល​​១​លាន​នាក់​​តម្រង់​ជួ​រ​នៅ​តាម​ផ្លូវ​ក្នុង​រាជ​ធា​នី​ភ្នំ​ពេញ​ នៅ​ពេល​​​ព្រះ​​បរម​សព​របស់​សម្តេចឪ បា​ន​យា​ង​និ​វត្ត​ពី​ប្រទេ​ស​ចិន​​កា​ល​ពី​ថ្ងៃ​ទី​១៧ ខែ​​តុ​លា និង​ដង្ហែ​ទៅ​កាន់​ព្រះ​បរម​រាជ​វាំ​ង​ ហើយចាប់​តាំ​ង​ពី​ពេល​​នោះ​មកមា​ន​​ម​​នុស្ស​រា​ប់​មុឺន​នាក់​បា​ន​ទៅ​កាន់​ទុក្ខ​​នៅ​មុខ​ព្រះ​​​បរម​រាជ​វាំ​ង​។ ​កា​រ​ចូ​ល​រួ​ម​រំ​លែក​ទុក្ខ​នេះ​​ក៏​​មាន​មក​ពី​ទូ​ទាំ​ង​តំ​បន់​​ដែរ​ ហើយ​មន្ត្រី​អ្ន​ក​មុខ​អ្នក​កា​រ​​មួ​យ​​ចំ​នួន​​មក​ពី​បណ្តា​​ប្រទេ​ស​​អា​ស៊ាន ​​បា​ន​ធ្វើ​​ដំ​ណើរ​​​មក​កាន់​រាជ​ធានី​ភ្នំ​ពេញ​​ដើម្បី​​​គោ​រព​ព្រះ​​វិ​ញ្ញាណក្ខន្ធព្រះ​មហា​វី​រក្សត្រ​។​ ​លោកហ៊ុនសែ​នបា​ន​មា​ន​ប្រ​សាសន៍​ថា“ រាជ​​រដ្ឋា​ភិ​បាល​និង​ប្រជា​ពល​រដ្ឋ​កម្ពុជា​សូ​ម​ថ្លែ​ង​អំ​ណរគុណ​​​ដល់​ប្រទេ​ស​ជា​សមាជិក​​​ អា​​ស៊ាន​ទាំ​ង​អស់​ ដែល​បា​ន​​ចូ​ល​រួ​ម​កាន់​ទុ​ក្ខ​​ព្រះ​បរម​សព​​សម្តេចឪ ដែល​​រាជ​រដ្ឋា​​ភិ​បាល​និង​ប្រជា​ពល​រដ្ឋ​កម្ពុជា​មា​ន​ការ​​សោក​ស្តាយ​​និង​ក្រៀម​ក្រំ​យ៉ាង​ខ្លាំ​ង​”។ ​ក្នុង​​​សុ​ន្ទរក​​ថា​រយៈ​ពេល​កន្លះ​ម៉ោង​នេះ​លោក​នាយ​ករដ្ឋមន្ត្រី​​​​ ហ៊ុន សែន ក៏​បា​ន​លើក​ឡើង​អំ​ពី​បញ្ហា​សង្គម និង​វប្បធម៌​​​​នៅ​ទូ​ទាំ​ង​​តំ​​បន់ដែរ​៕ ប្រែសម្រួលដោយចេវប៊ុននី​

MEDIA FEEDS

Popular

video

ចារកម្មរុស្ស៊ី ៖ អាមេរិក នឹងរុញឱ្យមានរដ្ឋន្ត្រីច្រើនដងនៅវេណេហ្សូអេឡាដើម្បីទម្លាក់លោកម៉ាឌូរ៉ូ

រដ្ឋមន្ត្រីការបរទេស រុស្ស៊ី Sergey Lavrov បានចោទសហរដ្ឋអាមេរិកថានៅក្នុងឆ្នាំ២០២០នេះ គឺរដ្ឋាភិបាលក្រុងវ៉ាស៊ីនតោន នឹងរុញអោយមានការធ្វើរដ្ឋប្រហារថែមទៀតនៅប្រទេសវេណហ្សូអេឡាដើម្បីផ្ដួលរំលំលោកប្រធានាធិបតី នីគូឡាស់ម៉ាឌូរ៉ូ ពីអំណាច។  តាមទីភ្នាក់ងារសារព័ត៌មាន TASS របស់រុស្ស៊ីបានចុះផ្សាយថា លោកSergey Lavrov បានថ្លែងដូចនេះ នៅក្នុងសន្និសីទសារព័ត៌មាន នៅក្រុងម៉ូស្គូនៅថ្ងៃទី១៧មករានេះ ដោយស្រង់របាយការណ៍ចារកម្មរបស់រុស្ស៊ី។ លោកបញ្ជាក់ទៀតថា ពិតជាការលំបាក ក្នុងការព្យាករណ៍ទុកមុន អំពីអនាគតនៃរដ្ឋាភិបាល វេណេហ្សូអេឡា ដែលដឹក​នាំដោយលោកម៉ាឌូរ៉ូ។លោកបន្តថា ទីក្រុងវ៉ាស៊ីនបានធ្វើអោយមានស្ថានភាព តវ៉ានៅក្រុងហុងកុង...