CATEGORY
ព័ត៌មានជាតិ
មន្ត្រី បានឲ្យដឹងកាលពីម្សិលមិញថា កូនប្រុសរបស់ឧកញ៉ាម្នាក់ដែលត្រូវបានចោទប្រកាន់កាលពីសប្ដាហ៍មុន ពីបទប្រើអំពើហិង្សាទៅលើកូនប្រុសរបស់ឧកញ៉ាមេឈ្មួញឈើ ទ្រី ភាព នៅក្នុងរាជធានីភ្នំពេញ ត្រូវបានផ្ទេរចេញពីពន្ធនាគារប៉េហ្ស៊ីដែលមានសន្តិសុខធូររលុងទៅ បន្តឃុំខ្លួននៅពន្ធនាគារព្រៃសដែលមានសន្តិសុខតឹងរ៉ឹងបំផុតកាលពី...
លោក ម៉ម សូណង់ដូ បង្កើតគណបក្សដើម្បីប្រកួតប្រជែងក្នុងការបោះឆ្នោត
លោក ម៉ម សូណង់ដូ ម្ចាស់ស្ថានីយវិទ្យុសម្បុកឃ្មុំ មានប្រសាសន៍កាលពីម្សិលមិញថា លោកនឹងបង្កើតគណបក្សនយោបាយរបស់លោកឡើងវិញ គឺគណបក្សសម្បុកឃ្មុំសង្គមប្រជាធិបតេយ្យ ដើម្បីប្រកួតប្រជែងក្នុងការបោះឆ្នោតជាតិលើកក្រោយ បន្ទាប់ពីលោកបានខកចិត្តជាមួយគណបក្សសង្គ្រោះជាតិ។
លោក...
ជនភៀសខ្លួនណូរូទី១យល់ព្រមមករស់នៅក្នុងប្រទេសកម្ពុជា
ក្រសួងមហាផ្ទៃរបស់កម្ពុជា បានលើកឡើងកាលពីម្សិលមិញថា ក្នុងចំណោមជនភៀសខ្លួនរាប់រយនាក់ដែលប្រទេសអូស្ត្រាលី កំពុងឃាត់ទុកនៅលើប្រទេសដែនកោះណូរូ នៅកណ្ដាលមហាសមុទ្រប៉ាស៊ីហ្វិកខាងត្បូង ខ្លួនរកបានអ្នកស្ម័គ្រចិត្តដំបូងដែលចង់មកកសាងជីវិតថ្មីក្នុងប្រទេសកម្ពុជា។
លោក ខៀវ សុភ័គ អ្នកនាំពាក្យក្រសួងមហាផ្ទៃបានមានប្រសាសន៍ថា...
មិនដល់១០ខែផង បន្ទាប់ពីផ្សារទំនើបអីុអន ដែលចំណាយអស់ទឹកប្រាក់២០០លានដុល្លារបានបើកទ្វារសម្រាប់អតិថិជនក្នុងរាជធានីភ្នំពេញ មានហាងយ៉ាងតិចចំនួនប្រាំពីរនៅក្នុងផ្សារទំនើបដ៏ធំបំផុតនៅកម្ពុជានេះបានបិទអាជីវកម្មរបស់ខ្លួនដោយពួកគេលើកឡើងពីមូលហេតុថា មានតែមនុស្សច្រើន ប៉ុន្តែពុំសូវមានអ្នកទិញ និងដោយសារតែការរំខានពីការសាងសង់នៅផ្សារនេះ។
ខណៈផ្សារទំនើបអីុអនបដិសេធមិនផ្តល់តួលេខពិតប្រាកដសម្រាប់ចំនួននៃហាង ភោជនីយដ្ឋាន និងហាងកាហ្វេ ដែលដើរចេញពីផ្សារគ្រប់គ្រងដោយជប៉ុននេះ ការសម្ភាសមួយចំនួននៅក្នុងខែនេះបានបង្ហាញថា មានហាងយ៉ាងតិចប្រាំពីរបានបិទទ្វារ ក្នុងនោះមានហាងចំនួនប្រាំមួយបានបិទទ្វារចាប់តាំងពីដើមខែកុម្ភៈមកម្លេ៉ះ។
ហាងទាំងនោះរួមមានដូចជាហាង Fox Wine Bistro គ្រប់គ្រងដោយក្រុមហ៊ុនតែមួយដែលបើកហាង Brown Cafe នៅក្នុងស្រុក និងហាង Miam Miam ជាភោជនីយដ្ឋានសិង្ហបុរីដែលចាប់ដៃគូរជាមួយក្រុមហ៊ុនក្នុងស្រុក CBM ។ ហាងដែលបិទទ្វារផ្សេងៗទៀតគឺហាង Ya Kun...
អភិបាលខេត្តព្រះសីហនុពន្យារពេលដេញអ្នកលក់ដូរម្ហូបអាហារតាមឆ្នេរ
អភិបាលខេត្តព្រះសីហនុបាននិយាយកាលពីថ្ងៃអង្គារថា លោកនឹងពន្យារពេលការបណ្តេញអ្នកលក់់ដូរអាហារ៣២នាក់ពីឆ្នេរអូរឈើទាល បន្ទាប់ពីបានអានលិខិតមួយ តាមហ្វេសប៊ុក ដែលតាមការអះអាងថា បានចេញឲ្យលោកដោយគណៈកម្មាធិការសិទ្ធិមនុស្សរបស់សភា ស្នើឲ្យលោកផ្អាកសិន។
កាលពីថ្ងៃទី១ខែមេសា អភិបាលខេត្ត លោក...
អ្នកនៅរស់ពីរបបខ្មែរក្រហមរៀបរាប់អំពីភាពឃោរឃៅក្នុងពន្ធនាគារ
កាលពីថ្ងៃអង្គារ អ្នករួចជីវិតពីរបប ប៉ុល ពត ម្នាក់បានប្រាប់សាលាក្តីខ្មែរក្រហមថាត្រូវគេដាក់ច្រវាក់ជាប់នឹងក្តារនៃបន្ទប់ពន្ធនាគារដ៏ចង្អៀតណែនណាន់ជាមួយមនុស្សយ៉ាងហោចណាស់៧០នាក់ផ្សេងទៀត។
លោក ថាន ធិម បានហៅជីវិតក្នុងរបបនោះថា "ជាការរស់ដូចស្លាប់"។
លោកបាននិយាយថា...
មន្ត្រីម្នាក់លើកឡើងថា ការអនុវត្តច្បាប់ចរាចរណ៍ថ្មីនៅសល់ច្រើនខែទៀត
បើទោះជាច្បាប់ចរាចរណ៍ផ្លូវគោកដែលគេរង់ចាំជាយូរមកហើយនោះត្រូវបានអនុម័តដោយរដ្ឋសភាកាលពីខែធ្នូក៏ដោយ ក៏មន្ត្រីនគរបាលបានលើកឡើងកាលពីម្សិលមិញថា រដ្ឋាភិបាលនឹងមិនទាន់ចាប់ផ្តើមអនុវត្តទេ ដោយអនុវត្តក្នុងរយៈពេល៥ឬ៦ខែទៀតឯណោះ។
ច្បាប់នេះកំណត់ដាក់ទោសធ្ងន់ធ្ងរសម្រាប់បទល្មើសចរាចរណ៍ជាច្រើន រួមមានការបើកបរដោយស្រវឹង ការកំណត់ចំនួនអ្នករួមដំណើរតាមម៉ូតូចំពោះមនុស្សពេញវ័យម្នាក់ និងក្មេងម្នាក់ ហើយតម្រូវឲ្យអ្នករួមដំណើរតាមម៉ូតូទាំងអស់ពាក់មួកសុវត្ថិភាព។
លោក ទី...
តុលាការបន្តសាកសួរឧត្តមសេនីយ៍ទោ ថោង សារ៉ាត់ ពាក់ព័ន្ធករណីមនុស្សឃាត
នៅថ្ងៃនេះ សាលាដំបូងរាជធានីភ្នំពេញនឹងបន្តការសាកសួរឧត្ដមសេនីយ៍ទោ ថោង សារ៉ាត់ ដែលប្រឈមការចោទប្រកាន់ពីបទរៀបចំការធ្វើឃាតលោកឧកញ៉ា អុឹង ម៉េងជឺ កាលពីខែវិច្ឆិកា ហើយត្រូវបានចាប់ខ្លួនកាលពីសប្តាហ៍មុន...
កម្មករ និងក្រុមហ៊ុនបានឲ្យដឹងថា កម្មករជាង៤០នាក់នៅក្រុមហ៊ុនគ្រប់គ្រងដោយជនជាតិកូរ៉េខាងត្បូងមួយនៅក្នុងរាជធានីភ្នំពេញបានបន្តធ្វើកូដកម្ម ដែលមានរយៈពេលពីរសប្តាហ៍របស់ខ្លួនកាលពីម្សិលមិញ ជំុវិញការផ្លាស់ប្តូរការងាររបស់ពួកគេកាលពីដើមខែនេះ ។
ដោយមានកាន់ទង់ជាតិ បដា និងរូបថតរបស់លោកនាយករដ្ឋមន្ត្រី ហ៊ុន សែន កម្មករចំនួន៤១នាក់បានប្រមូលផ្តុំគ្នានៅមុខទីស្នាក់ការរបស់ក្រុមហ៊ុន KTC Cable Co.,Ltd. ដែលផលិតខ្សែកាប និងខ្សែភ្លើង នៅក្នុងសង្កាត់ព្រែកព្នៅ។
យោងតាមកម្មករ និងតំណាងសហព័ន្ធសហជីពកម្មករខ្មែរ បានឲ្យដឹងថា កូដកម្មនេះបានចាប់ផ្តើមកាលពីថ្ងៃទី៧ ខែមេសា បន្ទាប់ពីមានការផ្លាស់ប្តូរការងារជាបន្តបន្ទាប់។
លោក សុខ ជឿន អាយុ៣២ឆ្នាំ ដែលជាកម្មករម្នាក់នៅក្រុមហ៊ុននេះ និងជាសមាជិកសហជីពបានលើកឡើងថា ក្រុមហ៊ុនបានប្រាប់កម្មករកាលពីដើមខែមេសាថា ពួកគេនឹងត្រូវផ្លាស់ប្តូរការងារពីផ្នែកផលិតខ្សែកាប និងខ្សែភ្លើងឲ្យទៅធ្វើជាអ្នកថែសួន អ្នកបោសសំអាត និងសន្តិសុខវិញ។
លោកបាននិយាយថា "ខ្ញុំមិនអាចទទួលយកការធ្វើដូច្នេះបានទេ ព្រោះខ្ញុំជាកម្មករមានជំនាញ ប៉ុន្តែ ក្រុមហ៊ុនបានប្តូរខ្ញុំឲ្យទៅធ្វើជាអ្នកថែសួនវិញ"។
លោក សុខ ជឿន ដែលបានធ្វើការនៅក្នុងក្រុមហ៊ុននេះអស់រយៈពេលប្រាំបីឆ្នាំមកហើយនោះ បានលើកឡើងថា លោកជឿជាក់ថា អ្នកគ្រប់គ្រងធ្វើដូច្នេះដើម្បីដាក់សម្ពាធដល់កម្មករឲ្យលាឈប់ពីការងារដោយខ្លួនឯង ហេតុដូច្នេះក្រុមហ៊ុនមិនចាំបាច់ផ្តល់ប្រាក់អតីតភាពការងារដល់ពួកគេ។
លោកបាននិយាយទៀតថា "ក្រុមហ៊ុនចង់ឲ្យយើងលាឈប់ ព្រោះក្រុមហ៊ុនគ្មានប្រាក់គ្រប់គ្រាន់ដើម្បីផ្តល់ឲ្យកម្មករ។ ហេតុដូច្នេះពួកគេលេងល្បិចបែបនេះដើម្បីធ្វើឲ្យយើងមិនអាចទ្រាំធ្វើការងារតទៅទៀតបាន ហើយបោះបង់ការងាររបស់ខ្លួនចោល។
លោក សុក សំអឿន ប្រធានរដ្ឋបាលនៅក្នុងក្រុមហ៊ុននេះបានលើកឡើងថា កម្មករត្រូវបានប្តូរទៅកន្លែងថ្មី ព្រោះក្រុមហ៊ុនកំពុងតែកាត់បន្ថយសង្វាក់ផលិតកម្មរបស់ខ្លួន។
លោកបាននិយាយថា "យើងមិនអាចទុកឲ្យពួកគេធ្វើការនៅផ្នែកនេះតទៅមុខទៀតបានទេ ព្រោះផ្នែកនេះគ្មានការងារច្រើនទៀតនោះឡើយ"។
លោកបានបដិសេធថា ក្រុមហ៊ុនមិនបានព្យាយាមដាក់សម្ពាធឲ្យកម្មករលាឈប់ពីការងារនោះទេ។
លោកបាននិយាយមុនពេលផ្តាច់ទូរស័ព្ទរបស់អ្នកយកព័ត៌មានថា "វាគឺជាសិទ្ធិរបស់ពួកគេក្នុងការធ្វើកូដកម្ម ឬធ្វើការតវ៉ា ប៉ុន្តែ កុំធ្វើអ្វីឲ្យខូចខាតដល់ទ្រព្យសម្បត្តិក្រុមហ៊ុន"។
លោក ប៉ាង ចាន់នី ប្រធានសហព័ន្ធសហជីពកម្មករខ្មែរបានលើកឡើងថា កម្មករនឹងមិនឈប់តវ៉ានោះឡើយរហូតទាល់តែក្រុមហ៊ុនដោះស្រាយបញ្ហានេះដោយផ្តល់ការងារចាស់ឲ្យពួកគេវិញ។
លោកបាននិយាយថា "ប្រសិនបើគ្មានដំណោះស្រាយទេ កម្មករទាំងអស់នោះនឹងហែក្បួនទៅកាន់មន្ទីរការងាររាជធានី ឬក្រសួងការងារដើម្បីទាមទារឲ្យមានការធ្វើអន្តរាគមន៍"៕ ស៊ុយឈាង
នគរបាលបានឲ្យដឹងថា បុរសបួននាក់ត្រូវបានចាប់ខ្លួននៅក្នុងស្រុកកូនមុំ ខេត្តរតនគិរីកាលពីព្រឹកម្សិលមិញ ពីបទប៉ុនប៉ុងសម្លាប់ប្តីប្រពន្ធពីរនាក់ដែលពួកគេចោទប្រកាន់ថា ចេះអំពើអាបធ្មប់។
លោក ភោគ សារិទ្ធ អធិការនគរបាលស្រុកកូនមុំ បានលើកឡើងថា បុរសឈ្មោះ ណែម ភី អាយុ៣៧ឆ្នាំ សាត អាន អាយុ២៧ឆ្នាំ សា ពៅ អាយុ២៣ឆ្នាំ និង សាត ទៀង អាយុ១៩ឆ្នាំ បានយកកាំបិតខ្វែវវាយប្រហារប្តីប្រពន្ធពីរនាក់ដែលប្តីឈ្មោះ សុខ សៅ ប្រពន្ធឈ្មោះ លាវ សន និងមានអាយុ៥២ឆ្នាំដូចគ្នា កាលពីយប់ថ្ងៃអាទិត្យ។
លោក សារិទ្ធ បានមានប្រសាសន៍ថា "បុរសជាប្តីបានត្រូវគេកាប់ចំជើងឆ្វេងពីរកន្លែង និងដៃស្តាំមួយកន្លែង រីឯប្រពន្ធវិញត្រូវគេកាប់ចំជើងឆ្វេង។ ពួកគេទាំងពីរនាក់សុទ្ធតែរងរបួសធ្ងន់"។
លោក សេ សេន នាយប៉ុស្តិ៍ឃុំត្រពាំងក្រហមបានឲ្យដឹងថា ស្ត្រីជាប្រពន្ធ ក៏ត្រូវគេកាប់ចំក្បាល និងដងខ្លួនផងដែរ។
លោក សារិទ្ធ បានមានប្រសាសន៍បន្តថា "បន្ទាប់ពីពួកគេព្យាយាមវាយប្រហារលើប្តីប្រពន្ធពីរនាក់នេះម្តងហើយម្តងទៀត ផ្លែកាំបិតបានរបូតចេញពីដង ហេតុដូច្នេះស្ត្រីជាប្រពន្ធបានទៅយកកាំបិតខ្វែវនោះវាយប្រហារលើពួកគេវិញ ហើយក្នុងចំណោមជនសង្ស័យទាំងនោះមានម្នាក់ត្រូវរបួសត្រង់ដៃ។ ពួកគេបានរត់គេចខ្លួន បន្ទាប់ពីស្ត្រីជាប្រពន្ធបានស្រែក និងវាយប្រហារលើពួកគេ"។
លោកអធិការនគរបាលស្រុកបានលើកឡើងបន្តថា បុរសទាំងបួននាក់នេះបានរត់គេចចូលក្នុងព្រៃ ប៉ុន្តែ បានត្រឡប់ចូលភូមិវិញជាទីដែលពួកគេត្រូវបានចាប់ខ្លួន។
លោក សារិទ្ធ បានមានប្រសាសន៍ទៀតថា "យើងបានចាប់ខ្លួនពួកគេនៅម៉ោងប្រហែល៨ និង៣០នាទីព្រឹកនេះក្នុងឃុំត្រពាំងក្រហម បន្ទាប់ពីយើងបានដើររកពួកគេ និងសួរនាំអ្នកភូមិខ្លះៗ។ យើងបានឃើញពួកគេចេញមក ហើយបន្ទាប់មកយើងបានឲ្យពួកគេដោះអាវចេញ ហើយយើងបានឃើញបុរសម្នាក់មានរងរបួស"។
លោកបានមានប្រសាសន៍បន្ថែមថា "ពួកគេបានសារភាពថាខ្លួនបានព្យាយាមសម្លាប់ប្តីប្រពន្ធពីរនាក់នេះ ព្រោះពួកគាត់ចេះអំពើអាបធ្មប់ ហើយតែងតែធ្វើអំពើឲ្យពួកគេឈឺ និងក្តៅខ្លួន"។
ការចោទប្រកាន់អំពីការចេះអំពើអាបធ្មប់នៅតែកើតឡើងញឹកញាប់នៅតាមទីជនបទដោយអ្នកភូមិតែងតែបន្ទោសលើអ្នកចេះអំពើអាបធ្មប់ថា បានធ្វើឲ្យគេស្លាប់ ឬក៏ឈឺ ហើយក្រោយមកតែងតែមានការវាយប្រហារពីសំណាក់អ្នកភូមិ។
កាលពីដើមខែនេះ បុរសម្នាក់នៅក្នុងស្រុកបរកែវ ខេត្តរតនគិរីនេះដដែលបានរត់គេចចេញពីផ្ទះរបស់ខ្លួន បន្ទាប់ពីមានការគំរាមសម្លាប់ម្តងហើយម្តងទៀតពីសំណាក់អ្នកភូមិ ដែលបានចោទប្រកាន់បុរសរូបនេះថា ចេះអំពើអាបធ្មប់ដោយធ្វើឲ្យបុរសក្នុងភូមិហើមប្រដាប់ភេទរហូតដល់ស្លាប់"៕ ស៊ុយឈាង