នគរបាលបានសាកសួរ​ក្មេង​ស្រី​ដែលត្រូវ​​ឪពុក​ម្តាយ​ដាក់​ច្រវាក់​ជើងទាំងពីរនៅ​ក្រុង​ប៉ោយ​ប៉ែត

នគរបាល​ខេត្ត​បន្ទាយ​មាន​ជ័យបាន​ឃាត់​ខ្លួន​ក្មេង​ស្រី​អាយុ​១៥ឆ្នាំ​​ និង​ ម្តាយ​របស់​នាង​មក​សាកសួរបន្ទាប់​ពី​ប្រព័ន្ធផ្សព្វ​ផ្សាយ​​ក្នុង​ស្រុក​​បានរាយ​ការណ៍​ថា ​នាង​​ត្រូវ​បាន​ដាក់​​ច្រវាក់​នៅផ្ទះ​​របស់​នាង​​ក្នុង​ក្រុង​បោយ​ប៉ែតនិង​បង្ខំ​​ឲ្យ​ធ្វើ​ពេស្យាចារ​។ កាលពីថ្ងៃសុក្រ​ លោកស៊ុមចាន់គា​​​​ អ្នក​សម្រប​សម្រួល​អង្គការ​សិទ្ធិមនុស្ស​អាដហុក បានធ្វើ​ពាក្យ​ប្តឹង​ទៅ​នគរបាល​អំ​ពី​ស្ថាន​ភាព​​របស់​​​ក្មេង​ស្រីនេះ​កាល​ពី​ថ្ងៃ​សុក្រ​ ដោយ​លើកឡើង​ថា ការ​សើុប​អង្កេត​របស់​លោក​បង្ហាញថាម្តាយ​របស់​នាង​​​បាន​បង្ខាំង​នាង​ហើយ​ឲ្យនាង​រួមភេទ​ដើម្បីយក​ប្រាក់​។​កាសែត​ជា​ភាសា​ខ្មែរ​មួយ​បាន​យ​ក​រូបថត​របស់​នាងមក​ចុះ​ផ្សាយ​កាល​ពី​ថ្ងៃអាទិត្យ​ ដែល​បង្ហាញ​​ក​ជើង​របស់​នាងទាំងពីរ​​​ត្រូវ​បាន​ដាក់​ច្រវាក់ជាប់នឹង​ជើងមា៉ធំមួយ។​​​​ ​​​​កាល​ពី​រសៀល​ថ្ងៃ​អាទិត្យ​ ក្មេង​ស្រី​រូប​នេះ​ និង​ម្តាយរបស់​នាង​ត្រូវបាន​នគរបាល​នាំខ្លួន​ទៅ​សាក​សួរ ហើយ​បានស្ថិត​នៅ​អធិការដ្ឋាន​នគរបាល​ចាប់តាំង​ពីពេលនោះមក​។លោកឡុង​ ជាបព្រះរាជ​អាជ្ញា​អម​សា​លា​ដំបូង​ខេត្តបន្ទាយ​មាន​ជ័យ​ ​មាន​ប្រសាសន៍​ថា​​“​យើង​បាន​បង្គាប់​ឲ្យ​ឃាត់​ខ្លួន​  ​នៅ​​អធិការ​ដ្ឋាន​នគរបាល ​ជា​បណ្តោះ​អាសន្ន​សិន​​​​​​​​ដើម្បី​រង់ចាំ​ការសើុប​អង្កេត​របស់​នគរបាល​យុត្តិធម៌​”  ហើយ​លោក​មិនបាន​ពន្យល់​ពី​មូល​​ហេតុ ដែលនគរ​បាល​ឃាត់ខ្លួន​អ្នកទាំង​ពី​រពេញ​មួយ​យប់​នោះ​ទេ។​ លោក​បាន​​បន្ថែម​ទៀត​ថា “ ​យើងកំពុង​សើុប​អង្កេត​បន្ថែមទៀត។​មិនទាន់​​មាន​​ការ​​ចោទ​ប្រកាន់​​​នោះទេ”។ លោក​ អ៊៊ុំសុផល​ អធិការ​នគរបាល​ក្រុង​​បោយ​ប៉ែត​បាន​បញ្ជាក់​ថា “ ម្តាយ និង​កូន​ស្រី​រូប​នេះ​កំពុង​ជាប់​ឃំុ​នៅអធិការ​ដ្ឋាននគរ​បាល​ប្រាកដមែន ប៉ុន្តែលោក​​មិន​បាន​ពន្យល់​ប្រាប់​លម្អិតទេ។​ ទោះជាយ៉ាងណាលោក​ ពិនភិរម្យ ​មន្ត្រី​​អង្គការកម្ពុជាដើម្បីជួយស្ត្រី​​មាន​វិបត្ត​ិ​ដែល​តាម​ដាន​រឿងនេះ​ បានថ្លែង​ថា​​ ទាំ​ង​ម្តាយ​និង​កូន​នេះ​ស្ថិត​ក្នុង​​ការ​ការពារ​នៅ​ឡើយ។លោក​បាន​អះអាងទៀត​ថា “ នគរបាល​មិនបាន​ឃំុខ្លួន​ពួកគាត់​ទេ។ នគរ​បាល​​​គ្រាន់​តែអនុញ្ញាត​ឲ្យនាង​ស្នាក់នៅ​អធិការ​ដ្ឋាន​នគរបាលដើម្បីការពារ​សុវត្ថិភាព​របស់​នាងប៉ុណ្ណោះ”។ កាលពីថ្ងៃអាទិត្យ ​នគរបាល​​​និយាយ​​ថា​ ខ្លួន​កំ​ពុងសើុប​អង្កេត​រឿង​នេះ ​​​​ប៉ុន្តែ​យើង​បានទៅ​មើល​ផ្ទះ​ក្មេង​ស្រីនេះ ​ហើយ​មិន​បាន​រក​ឃើញ​ភស្តុតាង​បង្ហាញ​ថា ​​នាងត្រូវ​គេ​​​បង្ខាំង​នោះទេ។ ​​​​​​​​​​​​​​​​​​​​​ឳពុកក្មេងស្រី​នេះបានច្រានចោល​ការ​ចោទប្រកាន់ពីអំពើ​​​រំលោភបំពាន ​​និង​ពេស្យា​ចារ​ ប៉ុន្តែ​គាត់​បាន​ទទួលស្គាល់ថា​ គាត់​បាន​បង្ខាំង​​កូនស្រី​​គាត់​កំុឲ្យ​រត់​ចេញពី​ផ្ទះមែន​​​​។ គាត់​​​និយាយ​​កាល​ពី​ថ្ងៃ​អាទិត្យ​ថា “ នាង​បាន​​​​រត់​ចេញ​ពី​ផ្ទះ​ប្រាំបី​ដង​រួច​មក​ហើយហើយបានផុងខ្លួន​ក្នុង​អំពើ​ពេស្យា​ចារ​នៅថៃ”។ ប៉ុន្តែលោក​ ចាន់គា ​សកម្មជន​សិទ្ធិមនុស្សដែល​បាន​រាយការណ៍​​ពី​រឿង​នេះ​​តាំង​ពីដំបូង​​នោះ បាន​អះអាង​ថា​ ការលើក​ឡើង​របស់​ឳពុក​នាង​​បែប​នេះ​មិន​ពិតទេ។ លោក​បាន​ឲ្យ​ដឹង​ថា​ “ គេបាន​ដាក់​ច្រវាក់​​ និង​វាយ​ដំ​ក្មេងស្រី​នេះ​ជា​ច្រើន​ដងដើម្បី​ឲ្យ​នាង​នៅ​ផ្ទះបើទោះជា​នាង​​ប្រឹងរត់គេច​យ៉ាងណាក្តី។​ លោកបានបន្តទៀត​ថា​ “ នេះជា​ទម្រង់​មួយ​នៃ​ការ​រំលោភ​បំពាន​សិទ្ធិមនុស្ស និង​ការ​ធ្វើ​ទារុណកម្ម​ទៅលើកុមារ។ ក្មេង​ស្រី​​រូប​នេះ​​គួរតែ​​យកទៅ​​ថែ​រក្សាទុក​​​នៅកន្លែង​មាន​សុវត្ថិភាព...

សាលាដំបូង​​​រាជធានីភ្នំពេញកាត់​​​ទោសអតីត​ឧត្តមសេនីយ៍​ទោពីរ​នាក់​​ឲ្យជាប់​ពន្ធនាគារ​​

កាល​ពី​ម្សិល​មិញ​ សាលា​ដំបូង​រាជ​ធានី​ភ្នំ​ពេញ​បាន​កាត់​ទោស​ឧត្តម​សេនីយ៍​ជាន់​ខ្ពស់​ពីរ​នាក់​ និង​ជន​ស៊ី​វិល​ពីរ​នាក់​ទៀត​ឲ្យ​ជាប់​ពន្ធនាគារ​ពី​១០​ឆ្នាំ​ទៅ​១៦​ឆ្នាំ​​ពី​បទ​ជួញ​ដូរ​គ្រឿង​ញៀន​ និង​រក្សាទុក​​អាវុធ​ខុស​ច្បាប់​។ ​លោក​ចៅ​ក្រម ​អឿង​ សៀង ​​ប្រ​ធាន​​ក្រុម​​​​ប្រឹក្សា​​ជំនុំជម្រះ​សាលា​ដំ​បូង​រាជ​ធានីភ្នំ​ពេញ​បាន​ប្រ​កាស​សាល​ក្រម​ផ្តន្ទា​ទាស​​ឧត្តម​សេនីយ៍​​​​​ទោ​​ ឡាយ​​ វីរៈ​ អាយុ​៥៧​ឆ្នាំ​ឲ្យ​ជាប់​ពន្ធ​នាគារ១២​ឆ្នាំ​និង​ពិន័យ​ជា​ប្រាក់​២៥​លាន​រៀល​​។​​ឧត្ដមសេនីយ៍ទោ ​ឃួន ​រឿន ​អាយុ​៦០​​​​ឆ្នាំ​ឲ្យ​ជាប់​ពន្ធ​នាគារ​១៦​ឆ្នាំ​ និង​ពិន័យ​ជា​ប្រាក់​៣២​លាន​រៀល។ លោក​ចៅ​ក្រម​ អឿង ​សៀង ​​បាន​មាន​ប្រ​សាស​ន៍​ថា​ “មនុស្ស​ពីរ​នាក់​​ទៀត​ដែល​ជាប់​ពាក់​ព័ន្ធ​ក្នុង​រឿង​នេះ​ដែរនោះមាន​ឈ្មោះ​​ ចេង​ ស៊ុន​លី​ អា​យុ​២៦​ឆ្នាំត្រូវ​បាន​ផ្តន្ទាទោស​ដាក់​ពន្ធ​នាគារ​១២​ឆ្នាំ​និង​ពិន័យ​ជា​​​​ប្រាក់​២៥​លាន​រៀល ​​​និងឈ្មោះ ​​ជឿន​សិលា​ អា​យុ​២៨​ឆ្នាំមានទោសជាប់​ពន្ធ​នាគារ​១០​ឆ្នាំ​និង​ពិន័យ​ជា​ប្រាក់​២០​លាន​រៀល​។​លោក​បន្ថែម​ទៀត​ថា...

សមត្ថ​កិច្ច​ដក​​ហូត​គ្រឿង​​ចក្រ​​​ឈូស​ឆាយជាច្រើនគ្រឿង​​ពី​​មេឃុំគណ​បក្ស​ប្រ​​ជា​​ជន​កម្ពុជា

​​​គ្រឿង​​ចក្រ​​ឈូស​​​ឆាយ​​១២​​គ្រឿង​​ក្នុង​​ចំណោម​​២៩​​គ្រឿង​​​ ដែល​​កម្លាំង​​កង​រាជ​អាវុធ​​​​​ហត្ថ​ដក​ហូត​​ក្នុង​ខេត្ត​​កំពង់​ធំ​ អំឡុង​​​​​​ការ​​​​​ឆ្មក់​​បង្ក្រាប​​របស់​​​​​​កង​រាជ​​អា​វុធ​​ហត្ថ​​​​​កាលពី​ថ្ងៃ​ច័ន្ទ​​ទៅ​លើ​អាង​​ស្តុក​ទឹក​​​ខុស​​ច្បាប់​​នៅ​​បឹង​ទន្លេ​​សាប​​​​នោះត្រូវ​​បាន​រឹប​អូស​ពី​សហគម​ន៍​កសិកម្ម​មួយកន្លែង​​​គ្រប់​​គ្រង​ដោយ​មេឃុំ​​​ទើប​ជាប់​ឆ្នោត​ថ្មី​​​ម្នាក់​មកពីគណ​​បក្ស​​ប្រជា​​ជន​កម្ពុជា​។ លោកពាញប៉ុល ​ប្រធាន​សហគមន៍​ស្រែ​​​ប្រាំងបាន​​​ជាប់​ឆ្នោត​​​​​​​ជា​​​មេ​​ឃុំ​​​​នៅក្នុង​​ការ​​បោះ​ឆ្នោតឃុំ​-សង្កាត់​កាល​​ពី​​ខែ​​មុន​ ប៉ុន្តែ​មិន​ទាន់​​ស្បថ​ចូល​កាន់​​តំ​ណែង​​នៅឡើយ​ទេ។ ​លោក​បាន​មាន​​ប្រ​សាសន៍​ថាលោក​គិតថា ​លោក​​​កំពុង​​​​ជួសជុល​​អាង​​ស្តុក​ទឹក​​ដែល​​មិន​ស្ថិត​​នៅ​​​ក្នុង​តំបន់​ការពារ​។ លោក​បាន​មាន​ប្រ​​សាសន៍​ថា“នៅក្នុង​ឃុំ​របស់​ខ្ញុំ​ យើង​​មិន​​បាន​​​​ឈូស​​ឆាយ​​​​​​​​​ធ្វើ​​អាង​ស្តុក​ទឹក​​​​​នៅក្នុង​តំបន់​៣នោះ​ឡើយ។គ្រឿង​​ចក្រ​ឈូស​ឆាយ​ទាំង​​នោះ​​ជួ​​ល​ពី​រាជ​ធានីភ្នំ​ពេញ...។ ​​ខ្ញុំ​​គិតថា ​​ខ្លួន​​ខ្ញុំ​​ផ្ទាល់​និង​​អ្នក​ភូមិ​ទាំង​​​​នោះ​​​មិន​​បាន​ធ្វើ​​អ្វី​​ខុស​​ច្បាប់​​ឡើយ។យើង​​ចង់​ឲ្យ​​អាជ្ញាធរ​​ដោះ​​ស្រាយ​រឿង​នេះពីព្រោះ​​យើង​​​ចង់​ជួស​ជុល​​​ទំនប់​អាង​ស្តុក​​​ទឹក​​​​​របស់​​​យើង​​អំឡុង​រដូវ​វស្សានេះ”។ លោក​​​​បាន​​​លើក​​ឡើង​​ទៀត​​​​​ថា ​​មិន​​​​គួរ​​ដក​​​​ហូត​​​​​គ្រឿង​​​ចក្រ​​​​​នៅក្នុង​​តំបន់​១​​និង​តំបន់​​២​​​ទេពីព្រោះ​​វា​​នៅ​​​ឆ្ងាយ​​ពី​​បឹង​​​ និង​​​​អាច​អនុញ្ញាត​​ឲ្យ​​ធ្វើ​អាងស្តុក​​​ទឹក​​​​បាន​។ គ្រឿង​​ចក្រ​​​ចំនួន​​​២៩​គ្រឿង​​ត្រូវ​​បាន​​ដក​ហូត​អំឡុង​ប្រតិ​​បត្តិ​​ការ​រយៈពេល​​​​បួន​​​​​ថ្ងៃ​នេះ​​​នៅក្នុង​​ស្រុក​ស្ទោង​ ក្នុង​​​គោល​​​បំណង​​បង្ក្រាប​អាងស្តុក​​ទឹក​​​ទាំង​​​នេះ​ដែល​​ត្រូវ​បន្ទោស​​​ចំពោះ​​ការ​​ធ្វើ​​ឲ្យ​ធ្លាក់​​ចុះ​បរិមាណ​ត្រី។ ​​​គួរ​​បញ្ជាក់​​​​ថា ​​​​​​​មាន​​​​​​បម្រាម​​​​​​មិន​​​ឲ្យ​​​សង់​អាងស្តុក​​​​ទឹក​​​​ទាំង​​​នេះ​​​​​​​​​ទេ​​ចាប់​​តាំង​​ពី​ឆ្នាំ​​២០០៩​​មក​។​ យោង​តាម​​​លោក​ឧត្តម​សេនីយ៍​ត្រី​ ហង្សថុល ​​មេ​​បញ្ជា​ការ​​​កង​រាជ​​អាវុធ​​ហត្ថ​​​​​ខេត្ត​​​​​បាន​ឲ្យ​​ដឹង​ថា ​​កម្លាំង​​សមត្ថ​​​កិច្ច​​​​​កំពុង​ស្រាវ​​ជ្រាវ​​រក​​គ្រឿង​​​​ចក្រ​​មួយចំនួន​ទៀត​ដែលគេ​​ប្រើ​​នៅ​​​ក្នុង​​​ការ​សង់​​អាងស្តុក​ទឹក​ខុស​ច្បាប់​​ជុំ​វិញ​​បឹង​ទន្លេ​​​សាប​។​ លោក​​​បាន​មាន​​ប្រ​​សាសន៍ថា ​អ្នក​​បើក​​បរ​​​​គ្រឿង​​​ចក្រ​បួន​នាក់ដែល​​​ត្រូវ​បាន​ចាប់​​ខ្លួន​​នៅ​​​ក្នុង​​ការ​​បង្ក្រាប​កាល​​ពី​ថ្ងៃ​​ច័ន្ទ​​​នោះត្រូវ​​បាន​​​ដោះ​លែង​​​​វិញ​​ហើយ ប៉ុន្តែ​​ត្រូវ​​​បាន​​​​ចាត់​ទុក​ជា​​​​សាក្សី​។លោក​​បាន​បន្ត​​ថា“សូម​​បញ្ជាក់​​ថា ​តំបន់៣​​គឺ​​​ជា​តំបន់​​​​ហាម​​ឃាត់”។ លោក​​ ជាតិ​​ ស៊ីវុត្ថា ​​ប្រ​ធាន​មន្ទីរ​​​​​ធន​​​ធាន​ទឹក​​​​​​​​ខេត្ត​បាន​មាន​ប្រ​​សាសន៍​ថា ​ម្ចាស់​អាង​​ស្តុក​​​ទឹក​​​​​​​ម្នាក់​​ឈ្មោះ ​ធាងធា...

​​ស្ត្រី​ជំនួ​យ​​ការ​​មេ​ផ្ទះ​ជន​ជាតិ​កម្ពុជា​​វ័យ​១៧​ឆ្នាំ​ម្នាក់​ត្រូវ​​ថៅ​កែ​​ជន​ជាតិ​ម៉ាឡេ​ស៊ី​​ ចាប់​​រំលោភ

យោងតាម​​អង្គការ​​ក្រៅ​រដ្ឋាភិបាល​​​មួយ​របស់​​ម៉ាឡេស៊ី​ ​​​​ដែល​​​ជួយ​​ដល់ពល​​​​​​ករ​​ចំណាក​ស្រុក​ បាន​ឲ្យ​ដឹង​ថា បុរស​​​​ជន​ជាតិ​ម៉ាឡេ​​ស៊ី​​ម្នាក់​​​​ត្រូវ​​បាន​ចាប់​ខ្លួន​កាល​ពី​​ថ្ងៃ​អាទិត្យ​​​​​ ពី​បទ​​ចាប់​រំលោភ​ស្ត្រី​ជំនួយ​ការ​មេ​​ផ្ទះ​​​​​កម្ពុជា​​​​វ័យ​​១៧ឆ្នាំ​ម្នាក់​​​​​ កាល​ពី​​ខែ​​មេសា​​។ លោកស្រី ​អាហ្គីឡេ ​​​ហ្វឺណាន់​​ដេស (Aegile​ Fernandez) ប្រធាន​អង្គ​​ការ​​តេណា​​ហ្គា​​នីតា (Tenaganita)​​ បាន​មាន​​​​ប្រ​សាសន៍​​ថា ​​​​​ថៅ​​កែ​​​របស់​​ជន​រង​​គ្រោះ​​​​នេះ​ត្រូវ​​ចាប់​​ខ្លួន​​​កាល​ពី​ថ្ងៃ​អាទិត្យ​​ ហើយ​​​​ជន​រង​គ្រោះ​​នឹង​​ស្នាក់​​នៅ​​​​​ក្នុងអង្គ​​ការ​តេណាហ្គានីតា អំឡុង​​ពេលនគរ​​បាល​ស៊ើប​អង្កេត​​ករណី​នេះ។​​នាង​​បាន​ធ្វើ​​ការ​អស់​រយ:ពេល​ជិត​​ពីរ​​ឆ្នាំ​​​នៅ​កា​ចាង (Kajang) ជា​ទីក្រុង​ម​ួយ​​​​ស្ថិត​ក្នុង​​រដ្ឋ​សេឡាហ្គ័រ (Selagor) របស់​ម៉ាឡេ​​​ស៊ី​​។ លោក​ស្រី ​អាហ្គីឡេ ​​​ហ្វឺណាន់​​ដេសបាន​​មាន​ប្រសាសន៍​ថា“ នាង​ត្រូវ​​ថៅកែ​របស់​ខ្លួន​ចាប់​រំលោភ​ ហើយ​ថៅកែ​រូប​នោះត្រូវ​បាន​ចាប់​ខ្លួន​ហើយ។ នគរបាល​កំពុង​ដោះ​ស្រាយ​​ករណី​នេះ”។ ជន​រង​គ្រោះដែល​ពេល​នេះ​មាន​អាយុ​១៨​ឆ្នាំ​ បាន​និយាយ​ថា នាង​ត្រូវ​បាន​​ទី​ភ្នាក់​ងារ​​ ជ្រើស​រើស​ពលករ​ T&P Co ដែល​ពេល​នេះ​បាន​បិទ​ទ្វារ​ទៅហើយ​នោះ​ ជ្រើស​រើស​នៅ​ក្នុង​រាជធានី​ភ្នំពេញ​ កាលពី​ឆ្នាំ​២០១០​​។នាង​​បាន​និយាយ​ថា នៅ​ព្រឹក​ថ្ងៃ​ទី​២២ ខែ​មេសាថៅកែ​របស់​នាង​បាន​ទាញ​នាង​ចូល​ក្នុង​បន្ទប់​ជាន់​លើ​ រួច​ក៏​រំលោភ​នាង​តែ​ម្ដង​។ នាង​បាន​និយាយថា “ខ្ញុំ​កំពុង​តែ​អង្គុយ​បក​សាច់ក្ដាម​ក្នុង​ផ្ទះ​តែ​ម្នាក់​ឯង។ នៅ​ពេល​នោះ​ស្រាប់​តែ​ថៅកែ​របស់​ខ្ញុំ​ បាន​ហៅ​ខ្ញុំ​ឲ្យ​ឡើង​ទៅ​ជាន់​លើ ប៉ុន្ដែ ខ្ញុំ​និយាយថា ខ្ញុំ​មិនចង់​​ទៅ​ជួប​គាត់​ទេ ហើយ​គាត់​ក៏​បាន​ទាញ​ខ្ញុំ​ចូល​បន្ទប់​ រួច​ក៏​​រំលោភ​​​ខ្ញុំ​តែ​ម្ដង។​​គាត់​​ចាប់​រំលោភខ្ញុំ​បាន​ម្ដង ហើយ​​គាត់បាន​​គំរាម​ធ្វើ​បាប​ខ្ញុំ​ ប្រសិន​​បើ​ខ្ញុំ​ប្រាប់​គេ...។គាត់​ក៏​បាន​ឲ្យ​លុយ​ខ្ញុំ​ចំនួន​២០០​ដុល្លារ​ ដើម្បី​បំបិទ​មាត់​ខ្ញុំ​កំុឲ្យ​និយាយ​រឿង​នេះ​ប្រាប់​គេ​ផង​ដែរ​”។ ជន​រង​គ្រោះ​បាន​និយាយ​ថាទោះ​ជា​យ៉ាងណា​ នាង​បាន​ប្រាប់​ប្រពន្ធ​របស់​ថៅកែ​មិន​យូរ​​ប៉ុន្មាន​ក្រោយ​ពី​កើត​ហេតុ​​នោះ ហើយ​ប្រពន្ធ​របស់​ជន​ល្មើស​ក៏បាន​ប្ដឹង​ទៅ​នគរ​បាល​។នៅពេល​បុរស​ជា​​ថៅកែ​រូប​នេះ​បាន​ច្រាន​ចោល​ការ​ចោទ​ប្រកាន់​ទាំង​នេះ និង​ត្រូវ​បាន​អនុញ្ញាត​ឲ្យ​ដើរហើរ​ដោយ​សេរី​នោះ ជន​រង​គ្រោះក៏​បាន​ទៅ​ដាក់​ពាក្យ​បណ្ដឹង​​នៅ​ប៉ុស្តិ៍​នគរបាល​ដោយ​ខ្លួន​ឯង​។ អង្គការ តេណា​​ហ្គា​​នីតា បាន​លើក​ឡើង​​ថាបុរស​រូប​នេះ​បាន​រត់គេច​ខ្លួន ប៉ុន្ដែ ត្រូវ​នគរបាល​រក​ឃើញ​ ន​ិង​ចាប់​ខ្លួន​បាន​ កាល​ពី​ថ្ងៃ​អាទិត្យ​។ មន្ត្រី​នគរបាល​មួយ​រូប​នៅ​ស្នង​ការ​ដ្ឋាន​នគរបាល​ក្រុង​កាចាង ដែល​សុំ​មិន​បញ្ចេញ​ឈ្មោះ​របស់​ស្ត្រីរង​គ្រោះ ​មាន​ប្រសាសន៍​ថា ការ​ស៊ើប​អង្កេត​ក្នុង​ករណី​នេះ​កំពុង​តែ​ប្រព្រឹត្ត​ទៅ។ រដ្ឋាភិបាល​កម្ពុជា​បាន​ដាក់​បម្រាមមិន​ឲ្យ​ទី​ភ្នាក់​ជ្រើស​រើស​ពលករ​នានា​​បញ្ជូន​ស្ត្រី​ជំនួយ​ការ​មេ​ផ្ទះ​ទៅ​ធ្វើ​ការ​នៅក្នុង​​ប្រទេស​ម៉ាឡេស៊ីទេ កាល​ពីខែ​តុលា ឆ្នាំ​មុន បន្ទាប់​ពី​មាន​ពាក្យ​បណ្ដឹង​ជា​ច្រើន​អំពី​ការ​រំលោភ​បំពាន​លើ​ស្ត្រី​ជំនួយ​ការ​មេផ្ទះ​។​ បច្ចុប្បន្ន​មន្ត្រី​ក្រសួង​ការ​ងារ​កំពុង​ធ្វើ​សេចក្ដី​ព្រាង​អនុស្សរណៈ​នៃ​ការ​យោគ​យល់​មួយ​ ដើម្បី​គ្រប់​គ្រង​ស្ត្រី​ជំនួយការ​មេផ្ទះ​កម្ពុជា​ ដែល​​ធ្វើ​ការ​ក្នុង​ប្រទេស​ម៉ាឡេស៊ី។ លោកអាន​ ប៊ុនហាក់​ ប្រធាន​សមាគម​ទី​ភ្នាក់​ងារ​ជ្រើស​រើស​ពល​ករ​កម្ពុជា (ACRA) បាន​មាន​ប្រសាសន៍​ថាលោក​មិន​ដឹង​ពី​ករណី​នេះ​ទេ​ ប៉ុន្ដែលោក​មាន​គម្រោង​ធ្វើ​ការ​ស៊ើប​​អង្កេត​ករណី​នេះ​។ លោក​​មាន​ប្រសាសន៍​ថាក្រុម​ហ៊ុន...

អាជ្ញាធរ​ខេត្ត​កំ​ពង់​ធំ​ រឹប​អូស​គ្រឿងចក្រ​ជីកអាងទឹក​ខុស​ច្បាប់

មន្ត្រី​បាន​ថ្លែង​ថា​ កង​រាជ​អាវុធហត្ថ​ខេត្ត​​កំពង់​ធំ​ បាន​រឹបអូស​គ្រឿងចក្រ​ឈូសឆាយ​​ដី​ចំ​នួន​២៩​គ្រឿង ​និង​បាន​ចាប់​ខ្លួន​អ្នក​បើក​បរ​បួន​នាក់​ ក្នុង​ប្រតិបត្តិការ​មួយ​មាន​​រយៈ​ពេល​បួន​ថ្ងៃ​ ដើម្បី​បញ្ឈប់​ការ​សាង​សង់​អាង​ស្តុក​ទឹក​ខុស​ច្បាប់​នៅ​តំបន់​ជុំ​វិញ​បឹង​ទន្លេ​សាប​ ​ដែល​បាន​បញ្ចប់​កាល​ពី​ម្សិល​មិញ។​ អាង​ស្តុក​ទឹក​ ដែល​​បាន​ប្រើ​សម្រាប់​ស្តុក​ទឹក​ទុក​ធ្វើ​ស្រែ​​នៅរដូវ​ប្រាំង​នោះ​ត្រូវ​បាន​គេ​​ស្តី​បន្ទោស​ថា​ បាន​ធ្វើ​ឲ្យ​ទិន្នផលត្រី​ថយ​ចុះ​ដោយ​​សារតែ​​ការ​បំ​ផ្លាញ​តំ​បន់​​​ត្រី​បង្កាត់​ពូជ​យ៉ាង​សំខាន់​​នៅ​តាម​មាត់​បឹង​។ការ​សាង​សង់​អាង​ស្តុក​ទឹក​នៅ​តាម​មាត់​បឹង​ទន្លេសាប​នោះ​​នៅ​តែ​មានជាហូរហែ​ទោះ​បី​ជា​មាន​ការ​បង្ក្រាប​​ពីក្រុម​អាជ្ញា​ធរ​ជា​ញឹក​ញាប់​យ៉ាង​ណា​​ក៏​ដោយ​ ដើម្បី​ពង្រឹង​ការ​អនុវត្ត​បម្រាម​ឆ្នាំ​២០០៩។ លោក​ឧត្ដម​សេនីយ៍​ត្រី​ ហង្ស​ ថុល ​បញ្ជា​ការ​កង​រាជ​អាវុធ​ហត្ថ​ខេត្ត​​ ​មាន​ប្រសា​ស​ន៍​​ថា​អាជ្ញាធរ​បានប្រទះឃើញ​គ្រឿងចក្រ​ឈូស​ដី​ទាំង​នេះ​នៅ​ក្នុង​ឃុំ​​ចំនួន​បី​នៅ​ក្នុង​ស្រុក​ស្ទោង  ដែល​បាន​ប្រើ​សម្រាប់ធ្វើ​អាង​ស្តុក​ទឹក ​និង​សម្រាប់​ឈូស​ឆាយ​តំ​​បន់​ព្រៃ​លិច​ទឹក​នៅក្នុង​​​រដូវ​វស្សា។លោក​បាន​បន្ត​​ថា​ “ ​ខ្ញុំ​​មិន​ដឹង​ថា​អ្នក​ណា​ជា​អ្នក​បញ្ជា​ពួក​គេ​ឲ្យ​​ធ្វើ​រឿង​នេះ​ (​ជីក​អាង​ស្តុក​ទឹក) ទេ។ ឥឡូវ​នេះ​ យើង​កំ​ពុង​ស្វែង​រក​ម្ចាស់​អាង​ស្តុក​​ទឹក ​និង​ម្ចាស់​គ្រឿង​ចក្រទាំង​នោះ។​យើង​កំ​ពុង​តែ​ស៊ើបអង្កេត​​ករណី​ទាំង​នេះ​ហើយ”។ លោក​ ថុល​ បាន​បន្ត​ថា​ លោក​ឧបនាយក​រដ្ឋ​មន្ត្រី​ ប៊ិន​ ឈិន ប្រ​ធាន​អាជ្ញាធរ​ជាតិ​ដោះ​ស្រាយទំនាស់ដី​ធ្លី​បាន​បញ្ជា​ដោយ​ខ្លួន​លោក​ផ្ទាល់​ ឲ្យបើកប្រតិបត្តិ​ការ​បង្ក្រាប​នេះ។លោក​ឧត្ដម​សេនីយ៍​ត្រី ថុល​ បាន​មានប្រសាសន៍​ថា “ មន្ត្រី​ថ្នាក់​ខ្ពស់​ម្នាក់​បាន​បញ្ជា​ឲ្យ​ធ្វើ​ការ​បង្ក្រាប​ការ​ធ្វើអាង​ស្ដុក​ទឹក​ ពី​ព្រោះ​នៅ​តំបន់​នោះ​ជា​តំបន់​រដ្ឋាភិបាលហាម​ឃាត់​មិន​ឲ្យ​​ ​”។ កាល​ពី​ខែ​វិច្ឆិកា​ ឆ្នាំ​២០០៩ទី​ស្ដីការ​គណៈ​រដ្ឋមន្ត្រី​​​​​បាន​ចេញ​បញ្ជា ដោយ​អំពាវ​នាវ​ឲ្យ​លុបចោល​សំណង់​អាង​ស្ដុក​ទឹក​​មាន​ទំហំ​រាប់​ពាន់​ហិក​តា​ នៅ​ក្នុង​ខេត្ត​ចំនួន​ប្រាំ​មួយ​ ដែល​មាន​ព្រំ​ប្រទល់​ជាប់​នឹង​បឹង​ទន្លេសាប​។កាល​ពី​ខែ​ឧសភា​ ដោយ​សង្កេត​ឃើញ​ថាមិន​មាន​ការ​រីក​ចម្រើន​ ក្នុង​ការ​អនុវត្តបទ​បញ្ជា​​នោះ​ លោក​នាយក​រដ្ឋ​មន្ត្រី​ ហ៊ុន សែន បាន​អំពាវ​នាវ​ម្ដង​ហើយ​ម្ដង​ទៀត​ឲ្យ​បំផ្លាញ​ចោល​​អាង​ស្ដុក​ទឹក​ទាំង​នោះ​។ លោក​ ឃុន ​ប៊ុន​ហូ មេ​បញ្ជា​ការ​កង​រាជ​អាវុធ​ហត្ថ​ស្រុក​ស្ទោង បានបញ្ជាក់ថា ប្រតិ​បត្តិការ​បង្ក្រាប​​ ដែល​បាន​រឹប​អូស​គ្រឿង​ចក្រ​ចំនួន​បួន​គ្រឿង​ និង​ចាប់​ខ្លួន​អ្នក​បើក​បរ​បួន​នាក់​នោះ​​ចាប់​ផ្ដើម​ កាល​ពី​ថ្ងៃ​សុក្រ​ ហើយ​បាន​បញ្ចប់​កាល​ពី​ម្សិលមិញ​ ក្នុង​ឃុំ​សំព្រោចម្សា​ក្រង​ និង​ឃុំ​ចំណា​ក្រោម​។ លោក​បាន​បន្ដ​ថាវា​មិន​ច្បាស់​ទេ​ថាមាន​ព្រៃ​លិច​ទឹក​ចំនួន​ប៉ុន្មាន​ហិក​តា ដែល​ត្រូវ​បាន​បំផ្លាញ​ និង​រងផល​​ប៉ះ​ពាល់​ដោយ​ការ​ឈូស​ឆាយ​ដី​នោះ​ទេ។ លោក​​មាន​ប្រសាសន៍​​ទៀត​ថា ​អ្នក​បើក​បរ​ត្រាក់​ទ័រ​ ដែល​បាន​ចាប់​ខ្លួន​នោះ​បាន​ប្រាប់​នគរបាល​ថា ពួក​គេ​​ត្រូវ​បានម្ចាស់​ត្រាក់​ទ័រជួលហើយ​ពួក​គេ​​អះអាង​ថា​ មាន​ច្បាប់​អនុញ្ញាត​​​ពី​​មន្ទីរ​ធន​ធាន​ទឹក​ និង​ពីអាជ្ញា​ធរ​ខេត្ដ​។ លោកប៊ុនហូបាន​បន្ដ​ទៀត​ថាលោក​មិន​អាច​ប្រាប់​ឈ្មោះ​ជន​សង្ស័យ​ ដែល​បាន​បញ្ជា​ឲ្យ​ឈូស​ឆាយ​ដី​នោះ​ទេ​ ដោយ​លោក​បា​រម្ភ​​ថា​ អាច​ធ្វើ​ឲ្យ​​ខូច​ការ​ស៊ើប​អង្កេត​។ លោក​ ប៊ុន​ហូ​ មានប្រសាសន៍ថា “ វាជា​ការ​ខុស​ច្បាប់​ ហើយ​​ប្រឆាំង​នឹង​បទ​បញ្ជា​របស់​សម្ដេច​ ។​យើង​នឹង​រៀប​ចំ​សំណុំ​រឿង​បញ្ជូន​ទៅ​តុលា​ការ​”។ លោកចាំ​ រដ្ឋាមន្ត្រី​គម្រោង​ប្រ​ចាំ​​អង្គ​ការ​​ជល​ផល​​ហ្វែក (FACT) បាន​មាន​ប្រសាសន៍​ថារដ្ឋា​ភិបាល​បាន​ទទួល​ជោគជ័យ​ក្នុង​ការ​លុប​បំបាត់​អាង​ស្ដុក​ទឹក​ធំៗ​ នៅ​ក្នុង​តំបន់​នោះ​។ លោក​បន្ថែម​ថា “ ​បើ​តាម​តំណាង​​របស់​យើងនៅ​ក្បែរ​បឹង​ទន្លេសាប​ ​បាន​និយាយ​ថាសកម្ម​ភាព​ខុស​ច្បាប់​ជា​ច្រើន​ទាក់​ទង​នឹង​ការ​ធ្វើអាង​ស្ដុក​ទឹក​ត្រូវ​បាន​បញ្ឈប់​។ ប៉ុន្តែ​ នៅ​មាន​​​ករណី​ខ្លះ​​កើត​ឡើង​ដោយ​សារ​ពួក​គេ​​​នៅ​​​តែ​កាប់បំផ្លាញ​ព្រៃ​លិច​ទឹក​​ដើម្បី​​ជីក​ប្រឡាយ​ ប៉ុន្តែ ប្រ​ឡាយ​ទាំង​នោះ​មិន​មាន​ទំហំ​ធំ​ទេ​”៕ (រាយ​ការណ៍​បន្ថែម​ដោយ Simon Lewis)​ ប្រែសម្រួល​ដោយឃិនណៃ​​​​​​​  

ស្ត្រី​​​ភាគ​​​ច្រើន​​ជាប់​​​ឆ្នោតក្រុមប្រឹក្សា​​​ឃុំ-សង្កាត់ ប៉ុន្ដែ​​​ទំនង​​​ជាមិន​​​សម្រេចបានតាម​​​គោល​​​ដៅ​​​គ្រោង​​​ទុក

អ្នក​​​ឃ្លាំមើលដំណើរ​​​ការ​​​បោះ​​​ឆ្នោត​​​ម្នាក់​​​បាន​​​លើកឡើង​​​កាលពិ​​​ម្សិលមិញ​​​ថា ចំនួនស្ត្រី​​​ដែល​​​បាន​​​ជាប់​​​ឆ្នោត​​​តំណែ​​​ង​​​សមាជិក​​​ក្រុម​​​ប្រឹក្សា​​​ឃុំ-សង្កាត់ក្នុង​​​ការ​​​បោះ​​​ឆ្នោត​​​ឃុំ​​​-សង្កាត់ កាល​​​ពី​​​ខែ​​​មុន​​​ បាន​​​កើន​​​ឡើង​​​ត្រឹម​​​២៣​​ ភាគ​​​រយដូច្នេះ​​​ហើយ​​​​ទើប​​​មាន​​​ការ​​​កត់​​​សម្គាល់​​​ថា ប្រ​​​ទេស​​កម្ពុជា​​​នៅ​​​តែ​​​មិន​​​ទាន់​​​សម្រេច​​​តាម​​​គោល​​​ដៅ​​​អភិវឌ្ឍន៍​​​សហស្សវត្សរ៍របស់​​​ខ្លួន​​​សម្រាប់​​​តំណាង​​​ស្ត្រី​​​ ដែល​​​បាន​​​ជាប់​​​ឆ្នោត។ លោកគល់បញ្ញានាយក​​​ប្រតិបត្តិ​​​នៃ​​​គណៈ​​​​​​កម្មាធិការ​​​សម្រាប់​​​ការ​​​បោះ​​​ឆ្នោត​​​ដោយ​​​សេរី​​​ និង​​​យុត្តិធម៌បាន​​​មាន​​​ប្រសាសន៍​​​ថាស្ត្រីជា​​​សមាជិក​​​ក្រុមប្រឹក្សាចំនួន​​​២.០៣៨​​​នាក់ ​​​បាន​​​ជាប់​​​ឆ្នោតនិង​​​ស្ត្រី​​​មេឃុំ-សង្កាត់ចំនួន​​​៩៤​​​នាក់​​​ត្រូវ​​​បាន​​​តែង​​​តាំង​​​កាលពី​​​ខែ​​​មុនដែល​​​​​​​​​​​​ចំនួននេះ​​​បានកើន​​​ឡើង​​​ ដោយ​​​កាលពី​​​ឆ្នាំ​​​២០០៧មាន​​​ស្ត្រីជា​​​សមាជិក​​​ក្រុម​​​ប្រឹក្សា​​​ ឃុំ-សង្កាត់​​​ត្រឹម​​​តែ​​​១.៦៦២នាក់និង​​​ស្ត្រី​​​ជា​​​មេឃុំ-ចៅសង្កាត់​​​​​​ចំនួន​​​៦៧​​​នាក់ប៉ុណ្ណោះ​​​។ ​​​ប៉ុន្តែនៅ​​​មាន​​​តំណែងមេឃុំ-ចៅសង្កាត់ចំនួន​​​១.៦៣៣​​​កៅអី​​​ទៀត​​​ ដែល​​​ត្រូវ​​​ដណ្ដើមយក​​​។​​​ លោក​​​ បញ្ញា​​​ បាន​​​មាន​​​ប្រសាសន៍ថាស្ត្រី​​​បាន​​​កាន់​​​តំណែង​​​១៨​​​ភាគរយ​​​នៃតំណែង​​​សមាជិក​​​ក្រុម​​​ប្រឹក្សាឃុំ-សង្កាត់​​​ គឺនៅទាប​​ជាង​​​គោល​​​ដៅ​​​អភិវឌ្ឍន៍​​​សហស្សវត្សរ៍​​​ឆ្នាំ​​​២០១៥ ​​​ដែល​​​ត្រូវ​​​សម្រេច​​​ឲ្យ​​​បាន​​​២៥ភាគ​​​រយ​​​នោះ​​​។​​​ លោក​​​បាន​​​មាន​​​ប្រសាសន៍ថា“រដ្ឋាភិបាល​​​បា​​​ន​​​កំណត់​​​គោល​​​ដៅ​​​មួយដើម្បីសម្រេច​​​ឲ្យ​​​បាន​​​២៥​​​ភាគ​​​រយត្រឹម​​​ឆ្នាំ​​​២០១៥។ប៉ុន្ដែ​​​ ពេល​​​នេះ​​​យើង​​​សម្រេច​​​បាន​​​ប្រ​​​ហែល​​​១៨​​​ភាគ​​​រយ​​​​​​​​​។នៅមានគម្លាត​​​ធំណាស់​​​ ខ្ញុំ​គិត​​​ថា ​​​រដ្ឋាភិបាល​​​មិន​​​អាច​​​សម្រេច​​​ គោល​​​ដៅ​​​អភិវឌ្ឍន៍​​​​​​សហស្សវត្សរ៍របស់​​​ខ្លួនបាន​​​ទេ”។ លោក​​​ បញ្ញាបាន​​​មានប្រសាសន៍ថាវិធី​​​តែ​​​មួយ​​​គត់​​​ដែល​​​ប្រ​​​ទេស​​​កម្ពុជា​​​អាច​​​សម្រេច​​​គោល​​​ដៅ​​​អភិវឌ្ឍន៍​​​របស់​​​ខ្លួនបាន​​​គឺ​​​ទាល់​​​តែ​​​អស់​​​លោក​ជាបុរសដែល​​​ជាប់​​​ឆ្នោត​​​នោះ ​​​បោះ​​​បង់​​​តំណែងសមាជិក​​​ក្រុម​​​ប្រឹក្សាឃុំ-សង្កាត់​​​របស់​​​ខ្លួនហើយ​​​ឲ្យស្ត្រី​​​ឡើង​​​កាន់​​​តំណែង​​​​​​ជំនួស​​​វិញ។ឧទាហរណ៍ បន្ទាប់​​​ពី​​​ការ​​​បោះ​​​ឆ្នោត​​​ឃុំ-សង្កាត់​​​ឆ្នាំ​​​២០០៧ ​​​ស្ត្រី​​​កាន់​​​តំណែង​​សមាជិក​​​ក្រុម​​​ប្រឹក្សា​​​ឃុំ-សង្កាត់​​​មាន​​​ចំនួន​​​ប្រហែល១៤,៥ ភាគរយ ដែល​​​តួលេខ​​​នោះ​​​បាន​​​កើន​​​ឡើង​​​ដល់​​​១៦​​​ភាគរយដោយ​​​សារតែ​​​សមាជិក​​​ក្រុមប្រឹក្សា​​​ឃុំ-សង្កាត់​​​នោះ​​​ត្រូវ​​​បាន​​​ជំនួស​ ដោយ​​​ស្ត្រី មុន​​​ពេល​​​ការ​​​បោះ​​​ឆ្នោត កាល​​​ពី​​​ខែ​​​មុន​​​នេះ។ យោង​​​តាមលោកជាម យៀប​​​ សមា​ជិកសភា​​​មកពីគណបក្សប្រជាជនកម្ពុជា ​​​ឲ្យ​​​ដឹង​​​ថាបេក្ខ​​​ជន​​​ស្ត្រី​​​មក​​​ពី​​​គណបក្ស​​​កាន់​​​អំណាច​​​ ដែល​​​​​​​បាន​​​ឈ្នះ​​​ឆ្នោត​​នោះបាន​​​កាន់​​​​​​តំណែងក្រុម​​​ប្រឹក្សា​​​ឃុំ-សង្កាត់​​​ចំនួន​​​១.៧៨១​​​អាសនៈ​​​។ ​​​លោក​​​បាន​​​មាន​​​ប្រសាសន៍ថាលោក​​​មិន​​​បាន​​​ដឹង​​​ថាតើ​​​ស្ត្រី​​​ជាមេ​​​ឃុំ-ចៅសង្កាត់ប៉ុន្មាន​​​នាក់​​​ទេ​​​ ដែល​​​ត្រូវ​​​បាន​​​​​តែង​​​តាំង​​​ក្រោយ​ពីការ​​​បោះ​​​ឆ្នោត​​មក។ លោក​​​បាន​​​មាន​​​ប្រសាសន៍ថា“សមាជិក​​​ក្រុម​​​ប្រឹក្សា​​​ឃុំ-សង្កាត់​​​របស់​​​យើង​​​បាន​​​កើន​​​ឡើងមែន ​​​បើប្រៀប​​​ធៀប​​​នឹង​​​ឆ្នាំ​​​២០០៧”​​​។ យោង​​​តាម​​​លោកយឹមសុវណ្ណអ្នក​​​នាំ​​​ពាក្យ​​គណ​​​បក្ស​​​ សមរង្ស៊ីបាន​​​ឲ្យ​​​ដឹង​​​ថា ​​​គណបក្ស​​​ សមរង្ស៊ីអាច​​​ទទួល​​​បាន​​​តំណែង​​​មេឃុំ-ចៅសង្កាត់​​​សម្រាប់​​​ស្ត្រីទទួលបានតែ​​​មួយ​​​អាសនៈទេប៉ុន្ដែតំណែង​​​សមាជិក​​​ក្រុម​​​ប្រឹក្សា​​​ឃុំ-សង្កាត់​​​...

លោក​​​នាយក​​​រដ្ឋមន្ត្រី ហ៊ុន​​​ សែន ជំរុញ​​​ឲ្យ​​​សាធារ​​​ណជនជួយ​​​ការ​​​ពារ​​​តំបន់​​​អភិរក្ស​​​ក្នុង​​​បឹងទន្លេសាប

លោក​​​នាយក​​​រដ្ឋ​​​មន្ត្រី​​​ ហ៊ុន សែន ​​​កាលពី​​​ម្សិល​​​មិញ ​​​បាន​​​ប្រារព្ធ​​​ទិវាមច្ឆជាតិដោយ​​​បាន​​​​​​ជំរុញ​​​ឲ្យ​​​សាធារណជន​​​រាយការណ៍​​​ប្រ​​​សិន​​​បើ​​​ឃើញ​​​ជន​​​ណាម្នាក់​​​នេសាទ​​​ត្រី​​​ក្នុងតំបន់​​​អភិ​​​រក្ស​​​​​​​​​ទន្លេសាប ​​​ដែល​​​លោក​​​បាន​​​បង្កើត​​​ឡើង​​​ កាល​​​ពី​​​ដើម​​​ឆ្នាំ​​​នេះដើម្បី​​​ជួយ​​​ការ​​​ពារ​​​និង​​​រក្សា​​​ធនធាន​ត្រី​​​ដ៏ចាំបាច់​នៅ​ក្នុង​​​បឹងនេះ​។ លោក​​​បាន​​​មាន​​​ប្រសាសន៍​​​នៅ​​​ក្នុង​​​ទិវា​​​មច្ឆជាតិក្នុង​​​ស្រុក​​​ក្រូច​​​ឆ្មា​​​ខេត្ត​​​ក្រចេះថា“ប្រ​​​ជា​​​ពល​​​រដ្ឋ​​​ត្រូវ​​​តែ​​​ហ៊ាន​​​ក្រោក​​​ឈរ​​​ប្រ​​​ឆាំង​​​នឹង​​​ប្រ​​​ជាពលរដ្ឋប្រឆាំង​នឹង​​​អ្នក​​​ភូមិ​​ ប្រឆាំងនឹង​​​​​​មេឃុំនិង​​​អភិបាល​​​ស្រុក​​​ណាដែល​​​ប្រ​​​ើ​​​ប្រាស់​​​ឡូត៍នេសាទ​​​​មិន​ត្រឹម​ត្រូវ”។ លោកនាយក​​​រដ្ឋ​​​មន្ត្រី​​​​​​ បាន​​​ប្រកាស​​​​រំលាយ​​​​ឡូត៍​​​នេសាទ​​​ឯក​​​ជន​​​ចំនួន​​​៣៥​​​កន្លែង​​​ក្នុង​​​ទន្លេ​​​សាប​​​កាល​​​ពី​​​ខែ​​​កុម្ភៈដោយ​​​បាន​​​ប្ដូរ​​​ឡូត៍​​​នេសាទ​​​​​​ខ្លះ​​​ទៅ​​​ជា​​​តំបន់​​​អភិរក្ស​​​ដើម្បី​​​រក្សា​​​ជលផល​​​ក្នុង​​​បឹង​​​ ដែល​​​អ្នក​​​នេសាទ​​​ចិញ្ចឹម​​​ជី​​​វិត​​​ខ្នាត​​​តូច​​​រាប់​​​ម៉ឺននាក់​​ពឹង​​​ផ្អែក​​​​លើនោះ។ លោក​​​បាន​​​មាន​​​ប្រសាសន៍​​​ថា“យើង​​​បាន​​​លុប​​បំបាត់​​​ឡូត៍​​​នេសាទ​​​ទាំង​​​អស់​​​នេះនិង​​​មិន​​​អនុញ្ញាត​​​ឲ្យ​​​មាន​​​ឡូត៍​​​នេសាទ​​​កើត​​​មាន​​​ទៀត​​​ទេ។ឡូត៍​​​នេសាទ​​​គឺ​​​សម្រាប់​​​​​​ប្រ​​​ជាពល​​​រដ្ឋ​​​ទូទៅតែ​​​ប៉ុណ្ណោះ។ ពុំ​​​មាន​​​ឡូត៍​​​នេសាទ ​​​ ទៀត​​​ទេ​​​ក្នុង​​​ប្រ​​​ទេស​​​កម្ពុជា”។ ក្នុង​​​អំឡុង​​​ពេល​​​ប្រារព្ធ​​​ពិធី​​​នេះកូន​​​ត្រី​​​ចំនួន​​​​​​៥០០.០០០​​​ក្បាលនិង​​​កូន​​​បង្កង​​​​​​១០០.០០០​​​ក្បាល ត្រូវ​​​បាន​​​លែង​​​ទៅ​​​ក្នុង​​​បឹង​នេះ។លោកហ៊ុនសែនក៏បាន​​​ជំរុញ​​​ឲ្យ​​​សាធារ​​​ណជនបញ្ឈប់ការ​​​ប្រើ​​​ប្រាស់​​​ឧបករណ៍​​​នេសាទ​​​ខុស​​​ច្បាប់មិន​​​ឲ្យ​​​នេសាទនៅ​​​ក្នុង​​​រដូវ​​​ហាម​​​​​​ឃាត់​​​ ក្នុង​​​រដូវ​​​ត្រី​​​ពងឬក៏​​​កាប់​​​បំផ្លាញ​​​ព្រៃ​​​លិច​​​ទឹកផងដែរ។ លោក បាន​​​មាន​​​ប្រសាសន៍ថា“លែង​​​ត្រី​​​នៅ​​​ពេល​​​នេះប៉ុន្តែ​​​ ចាប់​​​ត្រីក្នុង​​​រដូវ​​​ហាម​​​ឃាត់​​​​​​ពុំ​​​មាន​​​ន័យ​​​អ្វីឡើយ។សូម​​​ជួយ​​​ការ​​​ពារ​​​តំបន់​​​អភិរក្ស​​​តាម​​​រយៈ​​​ការ​​​ផ្ដល់​​​ព័ត៌មានអំពី​​​ជន​​​ទុច្ចរិតនិង​​​មន្ត្រី​​​ណាដែល​​​ព្យាយាម​​​បំផ្លាញ​​​តំបន់​​​អភិរក្សនេះ​​​”។ លោក​​​នាយក​​​រដ្ឋ​​​មន្ត្រី​​​មាន​​​ប្រសាសន៍​​​ថា​​​ ​​​មិន​​​ដល់​​​មួយ​​​ភាគ​​​បួន​​​នៃ​​​ផ្ទៃ​​​ទឹក​​ទំហំ៤០០.០០០ ​​​ហិកតា​​​ ដែល​​​ធា្លាប់​​​ជាឡូត៍​​​នេសាទ​​​ឯក​​​ជន​​​នោះ​​​ពេល​នេះ​​​​ត្រូវ​​​​បិទ​ទាំង​ស្រុង​មិន​ឲ្យ​មាន​ការ​នេសាទ​ឡើយហើយ​​​ថា​ តំបន់​​​​ដែល​​​នៅ​​​សល់​​​​​​បាន​​​បើក​​​ចំហសម្រាប់​​​ការ​​​នេសាទ​​​រួមគ្នា។ លោ​​​ក​​​មាន​​​ប្រសាសន៍ថា“ពេល​​​​បង​​​ប្អូន​​​អុំ​​​ទូក​​​ទៅ​​​​កន្លែង​​​នោះកុំ​​​គិតថាវាជាកន្លែង​​​របស់​​​​​​អ្នក​​​ណាមួយនិងភ័យ​​​ខ្លាច​​​គេ​​​​​​ចាប់​​​ខ្លួន​​​ឡើយ​​​។ ​​​ប្រសិនបើ​​​ជនណាម្នាក់​​​ហ៊ាន​​​ចាប់ខ្លួន​​​បងប្អូន​​​ជននោះប្រ​​​ព្រឹត្ត​​​បទ​ល្មើស​ហើយ”។ កាល​​​ពី​​​ខែមេសា សម្ពន្ធនេសាទ​​​កម្ពុជា ដែល​​​ជាអង្គការ​​​ក្រៅ​​​រដ្ឋា​​​ភិបាល​​​បាន​​​រាយ​​​ការណ៍​​​ថាការនេសាទ​​​ត្រី​​​ខុស​ច្បាប់​​​ពិតជា​​​បាន​​​​​​​​​កើនឡើង​​​ទ្វេដងមែនចាប់​​​តាំង​​​ពី​មាន​​​ការ​​​​បិទ​​​ឡូត៍​​​នេសាទ​​​ឯក​​​ជន​​​​មក។​​​ មន្ត្រី​​​​​ក្រសួង​​​​​​កសិកម្ម​​​និង​​​រដ្ឋបាល​ជល​​​ផល​​​មិន​​​អាច​​​ទាក់ទង​​​សុំ​​​អត្ថាធិប្បាយ​​​បានទេ៕​​​ប្រែ​​​សម្រួល​​​ដោយ ហម សុផាណ្ណា  ​​​​​​​​​​​​​​​ ​​​​​​​​​​​​

ការ​បោស​សម្អាត​គ្រាប់​បែក​ចង្កោម​ថៃ​នៅ​មិន​ទាន់​បញ្ចប់​នៅឡើយទេក្នុង​រយៈពេល​មួយ​ឆ្នាំ​នេះ

មន្ត្រី​បោស​សម្អាត​មីន​ម្នាក់​បាន​លើក​ឡើង​​​​កាល​ពី​ម្សិលមិញ​ថា ​នៅ​ពេល​ដែល​​ប្រ​ទេស​ថៃ​និង​ប្រ​ទេស​កម្ពុជា​ចាប់ផ្តើម​​ប្រតិបត្តិការ​បោស​សម្អាត​មីន​រួម​គ្នា​​នៅ​តំបន់​ជុំ​វិញ​ប្រា​សាទ​ព្រះ​វិហារ​នោះ ​នៅមិន​ទាន់​មាន​ថវិកា​​សម្រាប់​​​​បោស​សម្អាត​គ្រាប់​បែក​ចង្កោម​​​របស់​ថៃ​​ចេញ​​​​ពី​​តំបន់​នោះ​នៅ​ឡើយ​ទេ។ អង្គការ​ជំនួយ​ប្រជា​ជនន័​រ​វែស ​(NPA) ​ជា​​​​អង្គ​ការ​ក្រៅ​រដ្ឋាភិបាល​មួយ​ដែល​បាននិង​កំពុង​​ធ្វើ​ការ​ជា​មួយ​មជ្ឈមណ្ឌល​​សកម្មភាព​កម្ចាត់​មីន​កម្ពុជា​ នៅ​​ក្នុង​ការ​បោស​សម្អាត​មីន​នោះ​ បាន​ប៉ាន់​ប្រ​មាណ​ថា ​ប្រ​ទេស​ថៃ​បាន​បាញ់​​គ្រាប់​បែក​ចង្កោម​យ៉ាង​ហោច​ណាស់​ចំ​នួន​១០០​គ្រាប់​ចូល​ក្នុង​ទឹក​ដី​កម្ពុជា​ក្នុង​អំ​ឡុង​ពេល​ប្រ​យុទ្ធ​គ្នា​បួន​ថ្ងៃ​ កាល​ពី​ខែ​កុម្ភៈ​ឆ្នាំ​២០១១​ដោយ​សារ​ដី​មា​នជម្លោះនៅ​​ក្បែរ​ប្រា​សាទ​ព្រះវិហា​រ​។ គ្រាប់​​បែកចង្កោម​នីមួ​យៗមាន​គ្រាប់​តូចៗ​ដូចកំប៉ុង​សូដាចំ​នួ​ន​៥២គ្រាប់នៅ​ក្នុង​នោះ​ និង​ផ្ទុះ​នៅក្នុង​លំហ​អា​កា​ស ​ហើយ​បាចសាច​​គ្រាប់​បែ​ក​តូចៗ​ជា​ច្រើន​ទៅ​លើ​​តំ​​បន់​ដ៏ធំ​​​។​​​អង្គ​ការ​​ជំនួ​យ​ប្រជា​ជន​ន័រវែសបា​ន​ធ្វើការ​ប៉ាន់​ប្រ​មា​ណ​​ថាគ្រាប់​បែ​ក​តូចៗ​​ប្រ​ហែ​ល​២០ភាគ​រយ​​នៅ​មិន​ទាន់​ផ្ទុះ​​នៅ​ឡើយ​ទេ​ ដោយ​​​បង្ក​​គ្រោះ​ថ្នាក់​ដល់​​ជន​ស៊ី​វិល ​ដែល​បា​ន​ប៉ះ​ពាល់​គ្រាប់​បែ​ក​ទាំ​ង​នោះ។ លោក​​ ហេង ​រតនាអគ្គ​នា​យ​ក​​មជ្ឈ​មណ្ឌល​​​សកម្ម​ភាព​​កម្ចាត់​​មី​ន​កម្ពុជាបា​ន​ថ្លែង​កា​ល​ពី​ម្សិល​មិញ​ថាក្រុម​កា​រ​​ងារ​មួយក្រុម​​ដែលបា​ន​ទទួល​ជំនួ​យ​ថវិ​កា​មួយ​ផ្នែក​​ពី​សហរដ្ឋ​អាមេរិកនោះ​​ បា​ន​ចាប់​ផ្តើម​​បោស​សម្អាត​គ្រាប់​​​​បែក​ចង្កោម​ភ្លាមៗ​បន្ទាប់ពី​កា​រ​​​ប្រយុទ្ធ​គ្នានោះប៉ុន្តែ​​បា​ន​ឈប់​​វិញ​កា​ល​ពី​ខែ​កក្កដា​​​ឆ្នាំ​មុន“ពី​ព្រោះ​មិន​មា​ន​ជំ​នួយ​ថវិកា​​សម្រាប់​បោស​សម្អាត​មីន​នៅ​តំ​បន់​នោះ​ទៀត​ទេ។ជំនួ​យ​​របស់​អា​មេរិក​បា​នផ្តោត​ទៅ​លើ​​ខេត្ត​នៅ​ភាគ​ខាង​កើត​ប្រទេ​ស​វិញ”។ លោក​​បា​ន​ប៉ាន់ប្រមាណ​​ថាក្រុ​មកា​រ​ងារ​​នេះ​បោស​សម្អាតបា​ន​ចំនួ​ន​២០​ភាគ​រយ​នៃតំ​បន់​ដែល​មា​ន​គ្រាប់​បែ​ក​ចង្កោម​ មុន​ពេល​​​ចាកចេញដោយ​ផ្តោត​​កា​រងារ​របស់​ខ្លួន​ទៅ​លើ​តំបន់​មាន​មនុស្ស​រស់នៅ​វិញ​ ហើយ​លោក​​​​បាន​​មាន​ប្រសាសន៍​ថាមិន​ទាន់​មា​ន​គម្រោង​បន្ត​កា​រ​ងារភ្លាមៗ​ទេ​។ លោករតនាមិន​បា​ន​​បញ្ជាក់​អំ​ពី​ទំ​ហំ​ដី​ដែល​មា​ន​គ្រាប់​បែក​ចង្កោម​នៅ​ជុំ​វិញ​ប្រ​សាទ​​​​ព្រះ​វិ​ហា​រ​​ ឬ​ថាតើ​ការ​បោស​​សម្អាត​​មី​ន​នៅ​តំ​បន់​នោះត្រូវ​មាន​រយៈពេល​ប៉ុន្មាន​នោះ​​ទេ​​​​ដោយលោក​បាន​ថ្លែ​ង​​ថាតំ​បន់​នោះ​​ត្រូវ​ការ​​កា​រ​សិក្សា​​ឲ្យ​បាន​ច្បាស់​ថែមទៀត។ ប្រទេ​ស​ថៃនិង​ប្រទេ​ស​កម្ពុជាចង់​បោស​សម្អាត​មី​ន​នៅ​តំ​បន់​នោះសម្រាប់​ឲ្យ​​ក្រុម​អ្នក​​​​​ សង្កេត​កា​រ​ណ៍​ចូល​មក​ត្រួត​ពិ​និត្យមើល​​កា​រ​​ដកក​ង​ទ័ព​នៃ​ប្រទេ​ស​ទាំ​ង​ពី​រ ចេញ​ពី​តំបន់​គ្មាន​កង​ទ័ពដែល​តុលា​កា​រ​យុត្តិ​ធម៌​អន្តរ​ជាតិ​ បា​ន​​បង្កើត​ឡើង​​នៅ​ជុំវិញ​ប្រាសាទ​ព្រះ​វិ​ហា​រនិ​ង​​តំ​បន់​មា​ន​ជម្លោះ​នៅ​ក្បែរ​នោះ​។ កាលពី​សប្តាហ៍​មុនប្រទេ​ស​ទាំ​ង​ពី​​បា​ន​​យល់​ព្រម​ដក​កងទ័ពទាំង​អស់​មិន​ឲ្យ​លើសពី​៣០​ថ្ងៃ​បន្ទាប់​​ពី​កា​រ​បោស​​សម្អាត​មីន​បា​ន​បញ្ចប់​​​​រួចរាល់​ហើយ។លោក​ឧត្តមសេនី​យ៍ឯកស្រីឌិកដែល​ឈរ​ជើង​​នៅ​ព្រំ​ដែ​ន​និងដែល​បា​ន​ចូ​ល​រួម​ប្រជុំ​កា​ល​ពី​សប្តាហ៍​មុន​នៅ​រាជ​ធា​នី​ភ្នំ​ពេញ​នោះបា​ន​​ថ្លែ​ង​ថាគោល​បំ​ណង​របស់​​ប្រទេ​ស​ទាំ​ង​ពី​រ​គឺ​ដើម្បីបោស​សម្អាត​មីន​​នៅ​ក្នុង​តំ​បន់​គ្មា​ន​កង​ទ័ពទាំង​១៧​គីឡូម៉ែត្រ​ក្រឡានេះប៉ុន្តែ​លោក​មិន​បាន​បញ្ជាក់​ថាត្រូ​វ​ប្រើ​រយៈ​ពេល​ប៉ុន្មាន​នោះ​ទេ​។ លោកជេនអេរីកស្តាវ (Jan Erik Stoa) ជា​អ្ន​ក​ជំ​នាញ​ផ្អែកគ្រាប់​បែក​​ចង្កោម​នៅ​អង្គ​ការ​​ជំនួ​យ​ប្រជា​ជន​ន័រ​វែសដែលបាន​​ជួយ​​​ស្ទ​ង់​មើល​អំ​ពី​ចំនួន​គ្រាប់​បែ​ក​ចង្កោម​​​ដែលថៃ​​បាន​បាញ់​ចូ​ល​ទឹក​ដី​កម្ពុជា​កា​ល​ពី​ឆ្នាំ​មុនបា​ន​​​​លើក​ឡើ​ង​ថាក្រុម​បោស​សម្អាត​មី​ន​ទំនងជា​មិន​​​​អា​ច​​រក​ឃើញ​គ្រាប់​បែក​ចង្កោម​ច្រើន​ ឬ​​​គ្រាប់​តូចៗ​របស់​វានៅ​ក្នុ​ង​តំ​បន់​​គ្មាន​កង​ទ័ព​នេះ​ទេ។ លោក​បន្ត​ថា“មិន​មា​ន​គ្រាប់​បែ​ក​ចង្កោម​​​ច្រើន​ទេ​ក្នុង​តំ​បន់​នោះពី​ព្រោះ​កងទ័ព​ថៃ​បា​ន​បាញ់​ចូ​ល​​មក​ក្នុ​ង​ទឹក​ដី​កម្ពុជា​​ចម្ងាយ​ពី​បី​ទៅ​បួន​គីឡូ​ម៉ែត្រឯណោះ​​...

គម្រោង​មនុស្ស​សាស្ត្រ នឹង​ចាប់​​ ផ្ដើម​នៅ​ឯ​សាកល​វិទ្យាល័យ​ភូមិន​្ទវិចិត្រ​សិល្បៈ​នៅ​ថ្ងៃ​នេះ​

មន្ត្រី​កម្ពុជានិង​មន្ត្រី​បារាំងនឹង​​ចាប់​ផ្ដើម​កម្មវិធី​គួរ​ឲ្យ​ចាប់​អារម្មណ៍មួយ​នៅ​ឯ​សាកល​​វិទ្យាល័យភូមិន្ទ​វិចិត្រ​សិល្បៈ​ (RUFA) នៅ​ថ្ងៃ​នេះ ដែល​ថ្ងៃ​ណាមួយ​អាច​នាំ​ឲ្យ​មាន​អ្នក​ស្រាវ​ជ្រាវ​កម្ពុជា​កាន់​តែ​​ច្រើន​ទៀតធ្វើការ​​សិក្សា​ស្រាវជ្រាវ​ឲ្យ​កាន់​តែ​សុី​ជម្រៅ​​ផ្នែក​​បុរាណ​វិទ្យា​ ប្រវត្តិ​សាស្ត្រ​ ន​ិង​វិស័យ​ពាក់​ព័ន្ធ​ផ្សេងៗ​ទៀត​។ គម្រោង​មនុស្ស​សាស្ត្រ​ (Project Manusastra)ជា​ពាក្យ​សំស្ក្រឹត​មាន​ន័យ​ថាចំណេះ​ដឹង​ និង​វិទ្យា​សាស្ត្រ​ មាន​កម្ម​វិធី​រយៈ​ពេល​បី​ឆ្នាំ​ ​នៅ​ឯ​សាកល​វិទ្យា​ល័យ​ភូមិន្ទ​វិចិត្រ​សិល្បៈ​ ដែល​អាច​ផ្តល់​​សញ្ញា​បត្រ​ទទួល​ស្គាល់ទាំងនៅ​​ក្នុង​ប្រទេស​កម្ពុជា និង​ប្រទេស​បារាំង​។គម្រោង​​នេះ ក៏​នឹង​រាប់​បញ្ចូល​ការ​បង្កើត​កម្មវិធី​ថ្នាក់​បរិញ្ញា​បត្រ​ជាន់​ខ្ពស់​នៅ​ឯ​សាកល​វិទ្យាល័យ​ភូមិន្ទវិចិត្រ​សិល្បៈ​ ហើយ​​បន្ទាប់​មក​បង្កើត​មជ្ឈមណ្ឌល​ស្រាវ​ជ្រាវ​ថ្នាក់​ក្រោយ​ឧត្តម​នៅ​​សាកល​វិទ្យា​ល័យ​នេះ​ផង​ដែរ។ លោក​ ដេតថាចប្រធាន​គម្រោង​ និង​ជា​ភាសាវិទូ​បារាំង​ឯក​ទេស​​ភាសា​ខ្មែរ​ ដែល​បង្រៀន​នៅ​វិទ្យាស្ថាន​ Inalco ជា​វិទ្យាស្ថាន​ជាតិ​​បារាំង​ផ្នែក​ភាសា​ និង​អរិយធម៌​លោក​ខាងកើតមាន​ប្រសាសន៍​ថា វគ្គ​សិក្សានឹង​មាន​មុខ​វិជ្ជា​សំខាន់ៗបី។ និស្សិត​នឹង​សិក្សា​ពី​ប្រវត្តិ​សាស្ត្រ បុរាណ​​វិទ្យា ប្រវត្តិ​សិល្បៈ​ សិលា​ចារឹក និង​ភាសា​វិទ្យា ព្រមទាំង​នរវិទ្យា​ផងដែរ។ គោល​បំណង​នៃកម្មវិធីនេះ គឺ​ដើម្បី​​ធ្វើ​ឲ្យ​ប្រសើ​រឡើង​នូវ​ថ្នាក់​ឧត្តម​សិក្សានៅ​កម្ពុជាផ្នែក​មនុស្ស​ជាតិដែល​ក្រុម​អ្នក​ស្រាវជ្រាវ​ក្នុង​ស្រុក​អាច​ចូល​រួម​ចំណែក​ថែម​ទៀត​​​ដល់​​​វិស័យ​ទាំង​នេះ​ឲ្យ​ស្រប​តាម​និយាម​អន្ដរជា​តិ​​ និង​អាច​នាំ​ឲ្យ​សហ​សេវិក​លោក​ខាង​លិច​របស់​ខ្លួនកែ​ប្រែ​ផ្នត់​គំនិត​​ជាមូល​ដ្ឋាន​ខ្លះរបស់​ពួកគេ​។ ដោយ​បង្កើត​ឡើង​តាមរយៈ​​អង្គ​ភាព​ស្រាវ​​​​ជ្រាវ​មួយ​នៃ​ស្ថាប័ន​សំខាន់​ៗពីរ​នៅ​ក្នុង​​​ប្រទេស​បារាំង​នោះគម្រោង​មនុស្ស​សាស្ត្រ​ ​​មាន​រយៈ​ពេល​បួន​ឆ្នាំ​ទើប​បង្កើត​បាន​ ដោយ​មាន​ការ​គាំ​ទ្រ​ពី​អង្គការ​អន្ដរជាតិនិង​អង្គការ​បារាំង​ជាច្រើន​ រួមជាមួយ​ក្រសួង​វប្បធម៌​​​កម្ពុជា​ ​​​ដែល​ស្ថាប័ន​​របស់ខ្លួន​មាន​​សាកល​វិទ្យា​​ល័យ​ភូមិន្ទវិចិត្រ​សិល្បៈ​ផង​ដែរ។ លោក​ ហឹម​ ឆែមរដ្ឋ​មន្ត្រី​ក្រសួង​វប្បធម៌​ ក៏​នឹង​ធ្វើ​ជា​អធិបតី​ភាព​ក្នុង​ពិធី​សម្ពោធ​នៅ​ព្រឹក​នេះ​ផង​ដែរ។ លោកស្រី​​ មា៉នូអែ៊ល ហ្វ្រង់ (Manuelle Franck) អនុ​ប្រធាន​គណៈ​កម្មាធិការ​វិទ្យា​សាស្ត្រ​នៅ​​វិទ្យាស្ថាន​ Inalco ដែល​បង្កើត​គម្រោង​នេះ​​ដោយ​មាន​ការ​សហ​ការ​ជា​មួយ​​មជ្ឈមណ្ឌល​ជាតិ​​បារាំង​សម្រាប់​ស្រាវ​ជ្រាវ​​វិទ្យាសាស្ត្រ​ (CNRS) បានថ្លែងថា “ នេះ​​ជា​​ការ​ប្ដេជ្ញា​ដ៏ខ្លាំង​មួយ​”។ លោក​ស្រីហ្វ្រង់បាន​មាន​ប្រសាសន៍​ថាសញ្ញា​បត្រ​ដែល​និស្សិត​កម្ពុជា នឹង​ទទួល​ពី​វិទ្យាស្ថាន​​ Inalco គឺជា​សញ្ញា​បត្រ​កម្រិត​សា​កល​វិទ្យា​ល័យ​ដំបូង​ ជា​ផ្នែក​នៃ​កម្មវិធី​ភាសា​ខ្មែរ​ អក្សរ​សាស្ត្រ​​ និ​ងអរិយធម៌​ខ្មែរ។ លោក​ស្រីបាន​បន្ថែមថា “ អ្វីដែល​យើង​សង្ឃឹម​ គឺ​បន្ទាប់ពី​នោះ​មក​​ត្រូវ​បណ្តុះ​បណ្តាល​​និស្សិត​រៀនកម្រិតថ្នាក់​បរិញ្ញា​បត្រ​ជាន់​ខ្ពស់​​ និងថ្នាក់​បណ្ឌិត ដែល​នឹង​បន្ថែម​ចំណេះ​ដឹង​ និង​ធ្វើ​ការ​ស្រាវ​ជ្រាវ​ថ្មី​អំពី​កម្ពុជា”។ លោក​ស្រី​ ហ្វ្រង់ ដែល​មក​ពី​ប្រទេស​បារាំង​ កាលពី​ចុង​សប្ដាហ៍​មុន​ ដើម្បី​ចូល​រួម​ពិធី​សម្ពោធ​នេះ បានថ្លែង​ថា គម្រោង​​នេះក៏​តម្រូវ​ផង​ដែរ​ឲ្យវិទ្យា​​ស្ថាន​​ Inalco បង្កើត​សញ្ញា​បត្រ​សាកល​វិទ្យា​ល័យ​ថ្មី​មួយ​ ដែល​និស្សិត​អាច​នឹង​ទទួល​បាន​...

ក្រសួង​​​ការ​​​ងារ​​​ហាម​​​ភ្នាក់​​​ងារ​​​ជ្រើ​​​ស​​​រើស​​​ពលករ​​​មិន​​​ឲ្យ​​​​​​ផ្សាយ​​​​​​ពាណិជ្ជកម្ម​​​​​​​​​តាម​​​វិទ្យុ និងទូរទស្សន៍

ក្រសួង​​​ការ​​​ងារ​​​បាន​​​អំពាវ​​​នាវ​​​ដល់​​​​ភ្នាក់ងារ​​​ជ្រើសរើស​​​ពលករ​​​កម្ពុជាទៅធ្វើ​​​ការ​​​នៅ​​​ក្រៅ​​​ប្រ​​​ទេសឲ្យ​​​បញ្ឈប់​​​ការ​​​ផ្សព្វផ្សាយ​​​ពាណិជ្ជ​​​កម្ម​​​របស់​​​ខ្លួន​​​តាម​​កញ្ចក់ទូរទស្សន៍ ​​​និងតាម​​​វិទ្យុ​​​ទៀតដោយ​​​សារតែ​​​ការ​​​អះ​​​អាងទូទៅនៅ​ក្នុង​​​ការផ្សាយពាណិជ្ជកម្ម​​​របស់​​​ពួកគេ​​​ គឺជា​​​រឿង​​​ភូតកុហក។ លោកអាន​​​ ប៊ុន​​​ហាក់ ប្រ​​​ធាន​​​សមាគម​ភ្នាក់​​​ងារ​​​ជ្រើ​​សរើស​​​ពល​​​ករកម្ពុជាបាន​​​មាន​​​ប្រសាសន៍​​​កាលពី​​​ម្សិល​​​មិញ​​​ថា ​​​ភ្នាក់​​​ងារ​​​ផ្ដល់​​​ការ​​​ងារ​​​មួយចំនួន​​​បានផ្សព្វ​​ផ្សាយភូតកុហក​ពលករអំពីប្រទេស​ត្រូវ​​​ទៅ​​​ធ្វើ​​​ការ​​​ និង​​​​​​អត្រា​​​​​​​​​ប្រាក់​​​​​​​​​ឈ្នួល​​​។​​​ លោក​​​ ប៊ុនហាក់​​​ ក៏​​​បាន​​​មាន​​​ប្រសាសន៍​​​ផង​​​ដែរ​​​ថាការ​​​ហាម​​​មិន​​​ឲ្យ​​​ផ្សព្វផ្សាយ​​​ពាណិ​​​ជ្ជ​​​កម្មនេះ នឹង​​​អាច​​​ជួយបែងចែក​​​ឲ្យ​​​ដាច់ពីគ្នារវាង​​​ភ្នាក់​​​ងារ​​​ជ្រើសរើស​​​ពលករ​​​មិន​​​ប្រ​​​កាន់​​​ខ្ជាប់​​​ក្រម​​​សីលធម៌និងភ្នាក់​​​ងារ​​​មានក្រម​​​សីលធម៌​​​ល្អ។ លោក​​​បាន​​​​​​មាន​​​ប្រសាសន៍ថា“ប្រ​​​សិន​​​បើ​ក្រុមហ៊ុន​​​​​​ទាំង​​​នោះ​​​ជ្រើស​​​រើស​​​ពល​​​ករ​​​ដោយ​​​ត្រឹម​​​ត្រូវ​​នោះ ហើយកេរ្តិ៍ឈ្មោះ​​​  នៅក្នុង​​​ប្រទេស​​​កម្ពុជា​​​​​​​​​ល្អនោះ​​​ ​ពេលនោះ​​​ពួកគេនឹងមិនចាំ​​​បាច់​​​ផ្សព្វ​​​ផ្សាយ​​​​​​​​​ពាណិ​​​ជ្ជកម្មនោះទេ”។ នៅក្នុង​​​លិខិតមួយ​​​ដែលចុះ​​​ហត្ថលេខា​​​កាលពីថ្ងៃទី១៩ខែមិថុនា​​​ ដោយ​​​លោក ​​​សេង​​​សក្កដា​​​ អគ្គនាយក​​​នៃអគ្គនាយក​​​ដ្ឋាន​​ក្រសួង​ការងារ​​​ និងបណ្តុះ​​​បណ្តាលវិជ្ជាជីវៈបាន​​​លើក​​​ឡើង​​​ថា​​​ ក្រុម​​ហ៊ុន​​​ជ្រើសរើស​​​ពលករ​​​ទៅ​​​ធ្វើ​​​ការ​​​​​​នៅ​​​បរទេស​​​ត្រូវ​​​បាន​​​ហាម​​​ “មិនឲ្យ​​​​​​ផ្សព្វ​​​ផ្សាយ​​​ពាណិជ្ជកម្ម​​​របស់​​​ខ្លួន”។ លោក សក្កដា ​​​ក៏បាន​​​ហាម​​​ភ្នាក់​​​ងារ​​​ជ្រើស​​​រើស​​​ពលករ​​​នានា​​​មិន​​​ឲ្យនិយាយ​​​កុហក​​​ នៅ​​​ពេល​​ជ្រើ​​​សរើស​​​ពល​​​ករនោះ​​​។​​​ លោកបាន​​​សរសេរ​​​ក្នុង​​​លិខិតនោះថា​​​ “យើង​​​បាន​​​ផ្តល់​​​ព័ត៌មាន​​​ដល់​​​លោក​​​នាយក​​​ភ្នាក់​​​ងារ​​​ជ្រើសរើស​​​ពលករ​​​ទាំង​​​អស់​​​ ដែល​​​គ្រប់​​​គ្រង​​​ និង​​​​​​បញ្ជូនពលករ​​​ទៅ​​​ធ្វើការ​​​នៅ​​​បរទេស​​​ទាំងអស់​​​ថាសូមមេត្តា​​​ឈប់​​​ផ្សព្វផ្សាយ​​​ពាណិជ្ជកម្ម​​​ជ្រើសរើស​​​ពលករ​​​តាម​​​កញ្ចក់​​​ទូរ​​​ទស្សន៍​​​ទៀត។តែអាច​ផ្សព្វផ្សាយព័ត៌មាន​​​តាមរយៈ​​​ខិត្តប័ណ្ណ​​​បាន។ លោក​​​បាន​​​បន្ថែមថា​​​ “ [ភ្នាក់​​​ងារ​​​ជ្រើស​​​រើស​​​ពលករ​​​នានាត្រូវ​​​តែ​​​​​​​​​ប្រាប់​​​ពលករនូវ​​​ការ​​​ពិត​​​អំពី​​​ការ​​​ងារ​​​ អំពី​​​លក្ខខណ្ឌ​​ការងារនិង​​​ផល​​​ប្រយោជន៍ដែល​​​ត្រូវទទួល​​​បាន​​​ពី​​​ការងារ​នោះ។ កំុ​​​​​​​​​និយាយ​​​កុហក​​​ និង​​​លាក់​​​លៀម​​​ឲ្យ​​​សោះ”។ លោក​​​ ហូ វុទ្ធី អគ្គនាយករង​​​នៃ​​អគ្គ​​​នាយក​​​ដ្ឋានក្រសួងកា​រងារបាន​​​មាន​​​ប្រសាសន៍​​​ថា ​​​បទ​​​បញ្ជា​​​នេះមាន​​​​​​គោល​​​បំណង​​​លើក​​​តម្កើង​​​ទំនាក់​​​ទំនង​​​រវាង​​​ទីភ្នាក់​​​ងារ​​​ជ្រើសរើស​​​ពលករ​​​ និង​​​សាធារណជន​​​ឲ្យបានល្អ​​​ប្រសើរ​​​ជាង​​​មុន​​​។ លោក​​​ វុទ្ធី​​​...