លោក ហ៊ុន សែន លើក​ឡើង​ថា មានអ្នក​កំពុង​តែ​បង្រៀន​យុវជន​ឲ្យ​ចេះ​ជេរ​ប្រមាថ​​រូប​លោក

ដោយ​រំពឹង​ថា នឹង​មានយុទ្ធនាការ​បោះ​ឆ្នោត​ដ៏​ជូរចត់នៅ​ក្នុង​ឆ្នាំនេះ លោក​នាយក​រដ្ឋ​មន្ត្រី​ ហ៊ុនសែនកាល​ពី​ម្សិលមិញ​ បាន​អះ​អាង​ថាក្រុមគូ​ប្រជែង​ដែលលោក​មិន​បញ្ចេញ​​ឈ្មោះ​មួយ​ចំនួន​កំពុង​តែ​បង្រៀន​យុវជន​ខ្មែរ​​ឲ្យ​ចេះ​ជេរ​ប្រមាថ​រូប​លោក​។ ​លោកមាន​ប្រសាសន៍បែបនេះ អំឡុង​ពេល​ថ្លែង​សុន្ទរកថា​ទៅ​កាន់​និស្សិត​ជាង​៣.០០០​នាក់​ក្នុង​ពិធី​ប្រគល់​សញ្ញាបត្រ​មួយ​ក្នុង​រាជ​ធានី​ភ្នំពេញ​។ ការ​លើក​ឡើងនេះ​ធ្វើ​ឡើង​បន្ទាប់​ពី​លោក​ ហ៊ុន សែន កាល​ពី​ដើម​ខែ​នេះ បាន​អំពាវ​នាវ​ឲ្យ​បង្កើត​ច្បាប់​ថ្មី​មួយ​ ដើម្បី​បញ្ឈប់​ការ​ជេរ​ប្រមាថ​ដល់​បុគ្គលនៅ​ក្នុង​ឆាក​នយោបាយ​។ លោក​ ហ៊ុនសែនបាន​មាន​​ប្រសាសន៍​ថា “ជា​ធម្មតា​យើង​មិន​ដែល​បង្រៀន​យុវជន​របស់​យើង​ឲ្យ​ចេះជេរ​ប្រមាថទេ។ យើង​តែ​ង​តែ​អប់​រំ​យុវជន​របស់​យើង​ឲ្យ​មាន​គុណធម៌​ សុជីវធម៌និង​មាន​អាកប្បកិរិយា​ល្អ​ ប៉ុន្ដែមាន​មនុស្ស​មួយ​ក្រុម​កំពុង​តែ​បង្រៀន​មនុស្ស​ឲ្យ​ចេះ​ជេរ​ប្រមាថ”។ លោក​បាន​បន្ថែ​ម​ថា “រដូវ​ជេរ​ប្រមាថ​ជិត​​មក​ដល់​​ហើយ​”។ លោក​បាន​មាន​ប្រសាសន៍​ដូច្នេះ​ គឺ​ទំនង​ជា​សំដៅ​ទៅ​លើ​យុទ្ធនាការ​បោះ​ឆ្នោត​ ដែល​នឹង​ត្រូវ​ចាប់​ផ្តើម​មុន​ថ្ងៃ​បោះ​ឆ្នោត​ជាតិនាខែ​កក្កដា។ ​​លោក​នាយក​រដ្ឋ​មន្ត្រី​មិន​បាន​បញ្ជាក់​ឲ្យ​បាន​ច្បាស់​លាស់​ថានរណា​កំពុង​តែ​បង្រៀន​យុវជន​ឲ្យ​ចេះ​ប្រើ​វិធី​សាស្ត្រ​ជេរ​ប្រមាថទេ តែលោកបាន​មាន​ប្រសាសន៍​ថាមនុស្ស​មួយ​ចំនួន ​ដែល​​ទំនង​សំដៅ​ទៅ​លើ​គណបក្ស​ប្រឆាំង​កំពុង​តែ​ជួយ​ឧបត្ថម្ភ​ដល់​អ្នក​ពូកែ​ខាង​រិះ​គន់​រដ្ឋាភិបាល​។ លោក​នាយក​រដ្ឋ​មន្ត្រី​ ហ៊ុនសែនបាន ​មានប្រសាសន៍​ថា “ យុវជន​ណា​ ដែល​ពូកែ​ខាង​ជេរ​ប្រមាថ​ ហើយ​ប្រសិន​បើ​ពួក​គេ​ ជេរ​ប្រមាថ​កាន់​តែ​ច្រើន​ ពួក​គេ​នឹង​ត្រូវ​បាន​ដំឡើង​ឋានៈ​កាន់​តែ​ឆាប់”។លោក​បាន​បន្ថែមថា “ ប្រសិន​បើ​ពួក​គេ​មក​ដល់​មុខ​ផ្ទះ​របស់​ខ្ញុំ​ ហើយ​​ស្រែក​ថាសូម​ឲ្យ​មាន​ការ​ផ្លាស់​ប្ដូរ​នោះ ពួក​គេ​នឹង​ឡើង​ឋានៈ​កាន់​​តែ​ឆាប់​ជាង​នេះ​ទៅ​ទៀត​”។ លោក​បាន​មាន​ប្រសាសន៍​បន្ថែម​ថាទាំង​គណបក្ស​កាន់​អំណាច​ គឺ​គណបក្ស​ប្រជាជន​កម្ពុជា និង​គណបក្ស​ប្រឆាំង “គួរ​តែ​ឯក​ភាព​គ្នា​លើ​បទ​ដ្ឋាន​មួយ​ ដើម្បី​បង្រៀន​មនុស្ស​ឲ្យ​ចេះ​ធ្វើ​អំពើ​ល្អ មិន​មែន​ឲ្យ​ចេះ​ជេរ​ប្រមាថ​គ្នា​នោះ​ឡើយ”។ កាល​ពី​ថ្ងៃ​ទី​១៤ខែ​មករាលោក​ ហ៊ុនសែនបាន​អំពាវ​នាវ​ឲ្យ​បង្កើតច្បាប់​ថ្មី​មួយ​នៅ​មុន​ពេលបោះ​ឆ្នោត​ជាតិដើម្បី​ដាក់​ទណ្ឌកម្ម​អ្នក​នយោ​បាយនៅ​​ក្នុង​ប្រទេស​កម្ពុជាណា​​ ដែល​ប្រើ​ពាក្យ​ជេរ​ប្រមាថ​នៅ​តាម​ទី​សាធារណៈ​។ ​លោក​បាន​មាន​ប្រសាសន៍​ថាពាក្យ​​ជេរ​ប្រមាថ​​ ជា​ច្រើន​ ត្រូវ​បាន​គេ​ប្រើ​ ដើម្បីបន្តុះបង្អាប់​រូប​លោក រួម​មាន​ដូច​ជាពាក្យ “ អាខ្វាក់” និង“ អា​ចោរ​លក់​ជាតិ” ជាដើម​៕ ប្រែសម្រួល​ដោយស៊ាស៊ុយឈាង​

​​អ្នក​ជំនាញ​រៀបចំផែន​ការ​ទប់​​ ស្កាត់​​គ្រុន​ផ្ដាសាយ​បក្សី​ក្នុង​ពិធី​ ថ្វាយ​ព្រះ​ភ្លើង​ព្រះ​បរម​សព

មន្ត្រី​រដ្ឋាភិបាល​បាន​ជួប​ប្រជុំ​គ្នា​ កាល​ពី​ម្សិលមិញក្នុង​រាជ​ធានី​ភ្នំពេញ​ ដើម្បី​បង្ហាញ​ពី​យុទ្ធសាស្ត្រ​ទប់​ស្កាត់​ការ​ឆ្លង​រាល​ដាល​នៃ​ការ​ឆ្លង​ជំងឺ​គ្រុន​ផ្ដាសាយ​បក្សី នៅ​ពេល​ប្រជា​ពលរដ្ឋ​រាប់​លាន​នាក់​​ត្រៀម​ធ្វើ​ដំណើរ​មក​ពី​បណ្ដា​ខេត្ត​ ដើម្បី​ចូល​រួម​ក្នុង​ពិធី​ថ្វាយ​ព្រះ​ភ្លើង​ព្រះ​បរម​រតនកោដ្ឋ​សម្ដេច​ឪ​ នរោត្ដម​ សីហនុក្នុង​រាជ​ធានី​ភ្នំពេញដោយក្នុង​នោះ​អាចមានប្រជាជន​អញ្ជើញ​​មក​ពីខេត្តខ្លះ​ ដែលសង្ស័យថា មានការ​ផ្ទុះ​មេរោគ​ជំងឺ​នេះចំនួន​ប្រាំ​ករណីក្នុង​រយៈ​ពេល​ពីរ​សប្ដាហ៍​កន្លង​មក​នេះ។ កិច្ច​ប្រជុំ​នេះ មាន​ការ​ចូល​រួម​របស់​មន្ត្រី​មកពី​ក្រសួង​កសិកម្ម​ ក្រសួង​សុខាភិបាលអង្គការ​សុខភាព​ពិភព​លោក​ អង្គការ​ស្បៀង​អាហារ​ និង​កសិកម្ម​​ និង​មជ្ឈមណ្ឌល​បង្ការ​ជំងឺ​ឆ្លង។ លោកសូនីគ្រីសនែន (Sonny Krishnan) អ្នក​នាំ​ពាក្យ​របស់អង្គការ​សុខភាព​ពិភព​លោក​ប្រចាំប្រទេស​កម្ពុជា ​មាន​ប្រសាសន៍​អំពី​ប្រជាពលរដ្ឋ​ប្រមាណ​​១,២​លាន​នាក់នឹង​ធ្វើ​ដំណើរ​មក​ចូល​រួមក្នុង​ពិធី​ថ្វាយ​ព្រះ​ភ្លើង​នៅ​ថ្ងៃ​ទី​៤​ ខែ​កុម្ភៈ ខាង​មុខ​នេះ​ថា“​ ប្រជា​ពលរដ្ឋ​ទាំងនេះជា​ប្រជាពលរដ្ឋ​ក្រី​ក្រ​អញ្ជើញ​មក​ពី​តាម​បណ្ដា​ខេត្ត​។ ប្រជា​ពលរដ្ឋ​មួយ​ចំនួន​អាចយក​ម្ហូបអាហារ​ និង​សត្វ​បក្សី​ផ្ទាល់​ខ្លួន​មក​ជាមួួយ​”។ លោក គ្រីសនែន បាន​មាន​ប្រសាសន៍​ទៀត​ថា “ យើង​កំពុង​តែ​ផ្ដល់​ដំបូន្មាន​ដល់​ពួក​គាត់​ថា ប្រសិន​បើ​បង​ប្អូន​ចម្អិន​មាន់​ សូម​ចម្អិន​ឲ្យ​ឆ្អិន​ល្អ​ យើង​ពិត​ជា​សង្ឃឹម​ថា អ្នក​ជំនាញ​ខាង​សុខភាព​សត្វ​នឹង​​ត្រួត​ពិនិត្យ​​ចំពោះការ​ចរាចរសត្វ​បក្សី​”។ អង្គការ​សុខភាព​ពិភព​លោក​ បាន​អះអាង​កាល​ពីម្សិលមិញថាមនុស្ស​បួន​នាក់​បាន​ស្លាប់​ក្នុង​រយៈ​ពេល​ពីរ​សប្ដាហ៍​កន្លង​មក​នេះដោយ​ សារ​មេរោគ​អេច​ហ្វាយ​អេនវ័ន (H5N1) ដែល​គេហៅ​មេរោគគ្រុន​ផ្ដាសាយបក្សី​ ហើយ​ថា មនុស្ស​ទាំង​នេះ​សុទ្ធ​តែ​ឆ្លង​ជំងឺ​នេះដោយសារ​តែ​ការ​ប៉ះពាល់​បក្សី​រស់​។ ក្មេង​ប្រុស​អាយុ​ប្រាំបី​ខែ​ម្នាក់ ​រស់នៅ​ក្នុង​ខណ្ឌ​ពោធិ៍​សែន​ជ័យរាជ​ធានី​ភ្នំពេញបាន​ឆ្លង​​មេរោគ​នេះតែបាន​រួច​ផុត​ពី​សេចក្តី​ស្លាប់​។ អង្គការ​សុខភាព​ពិភព​លោក​ បាន​គូស​បញ្ជាក់​ថា​ ​ក្នុង​ករណី​ទាំង​អស់​ មាន​សេចក្ដី​រាយការណ៍​ថា ​មានមាន់​ឈឺឬងាប់​​នៅ​ក្នុង​តំបន់​នោះ ហើយ​ថា ក្នុង​ចំណោម​ករណី​ ដែល​ត្រូវ​បាន​រាយការណ៍​ទាំង​ប្រាំ​លើក​នេះតែមិនបាន​រក​ឃើញនូវ​ការ​ជាប់​ពាក់​ព័ន្ធ​នៃ​សត្វ​ល្អិត​ចម្លងមេរោគទេ។​ អង្គការ​​​សុខភាព​​​ពិភព​​​លោក​​​បាន​​​លើក​​​ឡើងថា“ ទោះ​​​បី​​​ជា​​​នាពេល​​​បច្ចុប្បន្ន​​​ មេរោគ​​​​នេះ​  មិន​​​ងាយ​​​ឆ្លង​​​​ទៅ​លើ​​​​​មនុស្ស​​​ក្ដី​​​ហើយ​ប្រសិន​​​បើ​​​មេរោគ​​​នេះ​ប្រែ​​​ប្រួល​នោះ​​​​​វា​​​អាច​​​ឆ្លង​​​យ៉ាង​​​ងាយ​​​ស្រួល​​​ដូច​​​ជំងឺ​​​គ្រុន​​​ផ្ដាសាយ​​​តាម​​​រដូវ​​​អ៊ីចឹង​​​ដែរ។ ​ហេតុ​ដូច្នេះ​ហើយ​ ការ​​​​ដឹង​ពី​​​​ជំងឺ​​​នេះ​​​ឲ្យ​​​បាន​​​លឿន គឺ​​​ជា​ការ​​សំខាន់”។ លោកវេជ្ជ​បណ្ឌិត​ លី សុវណ្ណ អនុ​​​ប្រធាន​​​មជ្ឈមណ្ឌល​​​បង្ការ​​​ជំងឺ​​​ បាន​​​មាន​​​ប្រសាសន៍​​​ថារួម​​​ជា​​​មួយ​​​នឹ​​​ង​​​ក្រសួង​សុខាភិបាល​​​ វិធាន​​​ការ​​​មួយ​​​ចំនួន​​កំពុង​​​ត្រូវ​​​បាន​​​អនុវត្ត​​​ ដើម្បី​​​សម្រាល​ការ​គំរាមកំហែង​​​​ពីជំងឺ​​​គ្រុន​​​ផ្ដាសាយ​​​បក្សី​​​ក្នុង​​​រយៈ​​​ពេល​​​ប៉ុន្មាន​​​ថ្ងៃ​​​ខាង​​​មុខនេះ។ បណ្ដា​​​ក្រសួង​​​ និង​​​អង្គការ​​​ក្រៅ​​​រដ្ឋាភិបាល​​ជា​​​ដៃ​​​គូ​​​ នឹង​​​បង្កើន​​​ការ​​​ឃ្លាំ​​​មើល​​​ប្រជាពល​​​រដ្ឋ​​​ និងសត្វ​​​បក្សី​​​ ដើម្បី​​​​រក​ករណី​​​ជំងឺ​​​គ្រុន​​​ផ្ដាសាយ​​​បក្សី និង​​​ធ្វើ​​​ការ​​​ព្យាបាល​​​ឲ្យ​​​បាន​​​កាន់​​​តែ​​​ឆាប់​​​រហ័ស​​​។ យុទ្ធ​នាការ​​​ផ្សព្វ​​​ផ្សាយ​​​អំពីការ​​​យល់​ដឹងពី​​​ជំងឺ​​​នេះ នឹង​​​ត្រូវ​​​ធ្វើ​​​ឡើង​​​​​​តាម​​​វិទ្យុ​​​ និង​​​ទូរ​ទស្សន៍ និង​បង្កើន​សមត្ថភាព​​​របស់​​​មន្ត្រី​​​សុខា​ភិបាល​​​​​​តាម​​​រយៈ​​​ការបណ្ដុះបណ្ដាល​​​ថ្មីៗ​អំពី​របៀប​កំណត់​ និងព្យាបាល​​​ជំងឺ​​​គ្រុន​​​ផ្ដា​សាយ​​​បក្សី​​​នៅ​​​តាម​​​មន្ទីរពេទ្យបង្អែក​​​​​​ស្រុក-ខណ្ឌ​​​។ លោក គ្រីសនែន បាន​​​មាន​​​ប្រសាសន៍​​​ថា ​នៅ​​​ក្នុង​​​រាជ​​​ធានី​​​ភ្នំពេញ​​​ ក្រសួង​​​សុខាភិបាល​រួម​​​ជាមួយ​​​និង​​​អង្គការ​​​កាកបាទ​​​ក្រហម នឹង​​​ចែក​​​ចាយ​​​ខិត​​​ប័ណ្ណជូន​​​ប្រជាពល​​​រដ្ឋ​​​ ដែល​​​ធ្វើ​​​ដំណើរ​​​ចូល​​​មក​​​រាជ​​​ធានីភ្នំពេញ​​​ ​ដែល​ណែ​​នាំ​​​ពីវិធី​​​ការ​​​ពារខ្លួន​​​ពី​​​មេរោគ​​​នេះ​។ លោក​វេជ្ជបណ្ឌិត ស៊ិន សុមុន្នី ប្រធាន​​​អង្គការ​​​មេឌីកាំ​ ដែល​​​ជា​​សម្ពន្ធ​​​អង្គការ​​​ក្រៅ​​​រដ្ឋាភិបាល​​​ផ្នែកសុខភាព​​​ បាន​​​មាន​​​ប្រសាសន៍​​​ថា​សមត្ថភាព​​​របស់​​​ក្រសួង​​​កសិកម្ម​​​​ក្នុង​​​​ការ​​​​គ្រប់​គ្រង​ការ​ដឹក​សត្វ​មាន់​​​ និង​​​ទា គឺ​​​មាន​​​សារៈ​​​សំខាន់​​​ដើម្បី​​​ធានាថា មាន់​​​ដែល​​​ឆ្លង​​​ជំងឺ​​​មិន​​​ត្រូវ​​​បាន​​​នាំ​​​ចូលពី​ប្រទេសវៀត​​​ណាម និង​​​នាំ​​​ចូល​​​មករាជ​​​ធានីភ្នំពេញ​​​ អំឡុងព្រះ​​​រាជ​​​​​​ពិ​​​ធី​​​ថ្វាយ​​​ព្រះ​​​ភ្លើង​ព្រះ​បរម​សព​សម្តេច​ឪ​​​ និង​​​នៅ​​​មុន​​​ថ្ងៃ​​​ចូលឆ្នាំចិន​​​ ដែល​​​នឹង​​​ចាប់​​​ផ្ដើម​​​នៅ​​​ថ្ងៃ​​​ទី១០ ​ខែ​​​កុម្ភៈ​​​។ វេជ្ជបណ្ឌិត​​​រូប​​​នេះ ​​​បាន​​​មាន​​​ប្រសាសន៍​​​ថា “ ​​​ក្រសួង​​​កសិកម្មគួរតែ​​​​ដាក់​កុង​ត្រូល​​ត្រួត​ពិនិត្យ​​​​ការ​​​នាំ​​​ចូល​​​សត្វមាន់​​​។ ពួកគេ​​​ចាំ​​​បាច​់​​​ត្រូវ​​​តែ​​​កំណត់​​​ឲ្យ​​​ដឹង​​​ថា មាន់​​​ណា​​​ឆ្លង​​​ជំងឺ​​ មុន​​​ពេល​​​​​​នាំ​​​ចូល ​និង​​​សម្លាប់​​​ប្រជាពលរដ្ឋ​​​”។ ​វេជ្ជ​បណ្ឌិត​ហ្វីលីបប៊ូឈី (Philippe Buchy) ប្រធាន​​​ផ្នែក​វិសាណូសាស្ត្រនៅវិទ្យាស្ថាន​​​ប៉ាស្ទ័រក្នុង​​​រាជ​​​ធានី​​​ភ្នំពេញ​​​ បាន​​​មាន​​​ប្រសាសន៍​​​​​​ថាការ​​​ផ្ទុះ​​​ករណី​​​ជំងឺ​​​គ្រុន​ផ្ដាសាយ​​​បក្សី​​​ជា​​​ញឹក​​​ញាប់​​​កើត​​​មាន​​​ក្នុង​​​ពិធីបុណ្យ​​​ ដែល​​​​មាន​តម្រូវ​​​ការ​​​សត្វ​​​មាន់​​​​ច្រើន​។ លោកបានមាន​ប្រសាសន៍ថា “ហានិ​ភ័យខ្ពស់នៃការ​ឆ្លង​មេរោគ​គ្រុនផ្តាសាយ​បក្សី​កើតឡើង​មុន​ពេល​ចូលឆ្នាំចិន​ ចូលឆ្នាំ​ខ្មែរនិង​បុណ្យ​ភ្ជុំបិណ្ឌ ពីព្រោះ​អំឡុង​ពេល​នោះជាពេល ​ដែ​លមានត​ម្រូវ​ការ​សាច់​មាន់​ច្រើន”។ លោកបានបន្ថែមថា ការដឹក​ជញ្ជូន​​​សត្វមាន់​ច្រើន​ចូល​មក​ក្នុងរាជធានី​ភ្នំពេញ​ ដើម្បី​បំពេញ​តម្រូវ​ការរបស់​​មនុស្ស​​ដ៏ច្រើន​កកកុញដែលនាំ​គ្នា​មក​ចូល​រួមព្រះ​រាជ​​ពិធីថ្វាយ​ព្រះភ្លើង​ព្រះបរម​សពសម្តេចឪ​ ក៏អាច​នឹង​ប្រឈមនឹង​ការ​ឆ្លងថែមទៀតដែរ​។​ លោកបានថ្លែងថា “ជំងឺ​គ្រុន​ផ្តាសាយ​បក្សី​មិនមែន​កើត​ឡើងតែ​​ទៅ​ក្នុងរដូវ​ត្រជាក់​​​ឬក្តៅ​នោះទេ ប៉ុន្តែវាអាចកើត​ឡើង​នៅ​ពេល​មាន​រដូវបុណ្យទានផងដែរ​”។ លោកហុលដាវ័ន្ដអនុ​ប្រធាន​នាយក​ដ្ឋាន​ផលិតកម្ម​...

ចំនួន​ក្រុម​ហ៊ុន​ចុះ​បញ្ជី​ថ្មីៗ​នៅ​ក្រសួង​ពាណិជ្ជ​កម្ម​កាល​ពី​ឆ្នាំ​២០១២​មាន​ការ​កើន​ឡើងយ៉ាងច្រើន

យោង​តាម​តួលេខ​ ដែល​ត្រូវ​បាន​ចេញ​ផ្សាយ​ដោយ​ក្រសួង​ពាណិជ្ជ​កម្ម​បាន​បង្ហាញ​ថា​ កាល​ពី​ឆ្នាំ​២០១២​​ ​ក្រុម​ហ៊ុន​ថ្មីៗ​ជិត​៣.៤០០​ក្រុម​ហ៊ុន​ ដែល​បាន​ទៅចុះ​បញ្ជី​នៅ​ឯ​ក្រសួង​ពាណិជ្ជ​កម្ម​ ពោល​គឺ​មាន​ការ​កើន​ឡើង​ចំនួន​៩​ភាគ​រយ​ បើ​ប្រៀប​ធៀប​ទៅ​នឹង​ការ​ចុះ​បញ្ជី​កាល​ពី​ឆ្នាំ​២០១១។ តួលេខ​ ដែល​ត្រូវ​បាន​ចេញ​ផ្សាយ​ដោយ​ក្រសួង​ពាណិជ្ជ​កម្ម​កាល​ពី​សប្តាហ៍​មុន​នេះ​បាន​បង្ហាញ​ថា​ កាល​ពី​ឆ្នាំ​២០១២​ នាយក​ដ្ឋានចុះ​បញ្ជី​ពាណិជ្ជ​កម្ម​ នៃ​ក្រសួង​ពាណិជ្ជ​កម្ម​ចុះ​បញ្ជី​ក្រុម​ហ៊ុន​ថ្មី​បាន​ចំនួន​៣.៣៨៥​ក្រុម​ហ៊ុន​ បើប្រៀប​ធៀប​នឹង​ចំនួន​៣.១០៤​ក្រុម​ហ៊ុន​កាល​ពី​ឆ្នាំ​២០១១។ លោក​ ហ៊ឹម​ ហ៊ាន​ ប្រធាន​នាយក​ដ្ឋាន​ចុះ​បញ្ជី​ពាណិជ្ជ​កម្ម​មាន​ប្រសាសន៍​ថា​ ប្រហែល​ជា​៦០​ភាគ​រយ​នៃ​ក្រុម​ហ៊ុន​ដែល​ត្រូវ​បាន​ចុះ​បញ្ជី​គឺ​ជា​ក្រុម​ហ៊ុន​ក្នុង​ស្រុក​ ហើយ​ចំនួន​៤០​ភាគ​រយ​គឺ​ជា​ក្រុម​ហ៊ុន​ ដែល​ត្រូវ​បាន​បង្កើត​ឡើង​នៅ​ក្នុង​ប្រទេស​កម្ពុជា​ដោយ​វិនិយោគិន​បរទេស។ លោក​ ហ៊ឹម​ ហ៊ាន​ បាន​ឲ្យ​ដឹង​បន្ថែម​ទៀត​ថា​ លោក​មិន​អាច​ពន្យល់​បាន​ថា​ មាន​ក្រុម​ហ៊ុន​ប្រភេទ​ណាខ្លះ​នោះ​ទេ​ ដែល​បាន​ទៅ​ចុះ​បញ្ជី​នៅ​អំឡុង​ឆ្នាំ​២០១២​នោះ​ ក៏​ប៉ុន្តែ​ មន្ត្រី​មួយ​រូប​បម្រើ​ការ​នៅ​ក្នុង​នាយក​ដ្ឋាន​នេះ​ ដែល​គេ​មិន​អនុញ្ញាត​ឲ្យ​និយាយ​ជា​មួយ​អ្នក​សារព័ត៌​មាន​បាន​ឲ្យ​ដឹង​ថា​ ក្រុម​ហ៊ុន​ថ្មីៗ​ជា​ច្រើន​គឺ​ជា​ក្រុម​ហ៊ុន​ប្រកប​អាជីវកម្ម​ខាង​ការ​នាំ​ចេញ​នាំ​ចូល។ មន្ត្រី​រូប​នេះ​បាន​ឲ្យ​ដឹង​ថា​ “​យើង​ឃើញ​មាន​ក្រុម​ហ៊ុន​ ដែល​នាំ​ចូល​ និង​នាំ​ចេញ​ទំនិញ​”។ មន្ត្រី​ដដែល​នេះ​​បាន​ឲ្យ​ដឹង​បន្ត​ទៀត​ថា​ ការ​កើន​ឡើង​ចំនួន​ក្រុម​ហ៊ុន​ចុះ​បញ្ជី​ ដែល​បាន​កើន​ឡើង​កាល​ពី​រយៈ​ពេល​ពីរ​ឆ្នាំ​មុន​ផង​ដែរ​នោះ​ទំនង​ជា​ឆ្លុះ​បញ្ចាំង​ឲ្យ​ឃើញ​ពី​ការ​បន្ត​មាន​ស្ថិរ​ភាព​នយោ​បាយ​ និង​ការ​បន្ត​មាន​កំណើន​សេដ្ឋ​កិច្ច​របស់​ប្រទេស​កម្ពុជា។ ក្រុម​ហ៊ុន​នាំ​ចេញ​នាំ​ចូល​ថ្មីៗ ​ដែល​មន្ត្រី​រូប​នេះ​បាន​លើក​ឡើង​ ប្រហែល​ជា​បាន​ធ្វើ​ឲ្យ​​កំណើន​យ៉ាង​ច្រើន​នៅ​ក្នុង​វិស័យ​ពាណិជ្ជ​កម្ម​កាល​ពី​ឆ្នាំ​មុន។ បើយោង​តាម​នាយក​ដ្ឋាន​កាំ​កុង​ត្រូលនៃ​ក្រសួង​ពាណិជ្ជកម្ម​បាន​ឲ្យ​ដឹង​ថា​ កាល​ពី​ឆ្នាំ​២០១២​ ទំនិញ​នាំ​ចូល​ប្រទេស​កម្ពុជា​មាន​ទំហំ​ទឹក​ប្រាក់៨,១​ពាន់​លាន​ដុល្លារ​ បើប្រៀប​ធៀប​នឹង​ចំនួន៦,៦​ពាន់​លាន​កាល​ពី​ឆ្នាំ​២០១១។​...

អគារ​ទីស្នាក់​ការថ្មី​របស់ផ្សារ​មូល​បត្រ​កម្ពុជា​ចាប់​ផ្តើម​ជួសជុល

លោក​ គាត​ ឈន់​ ឧបនាយករដ្ឋមន្ត្រី និង​ជារដ្ឋ​មន្ត្រី​ក្រសួង​សេដ្ឋ​កិច្ច​ និង​ហិរញ្ញវត្ថុ​បាន​មាន​ប្រសាសន៍​កាល​ពី​ម្សិល​មិញ​ថា​ ផ្សារ​មូល​បត្រ​កម្ពុជា​ នឹង​ត្រូវ​ផា្លស់​ប្តូរ​ពី​ទីស្នាក់​ការ​បច្ចុប្បន្ន​នៅ​ក្នុង​វិមាន​ កាណា​ឌីយ៉ា ទៅ​កាន់​អគារ​មួយ​ខ្នង​សល់​ពី​សម័យ​អាណានិគម​បា​រាំង​ ស្ថិត​នៅ​តាម​បណ្តោយ​ផ្លូវ​លេខ​១០៦​ ក្នុងរាជធានីភ្នំពេញ ដែល​បច្ចុប្បន្ន​កំពុង​ត្រូវ​បាន​ជួស​ជុល និងរៀប​ចំកែលម្អឲ្យស្អាត ធ្វើ​ជា​ទីតាំង​ការិយាល័យធ្វើការ​​ឡើង​វិញ។ គម្រោង​ជួស​ជុល​អគារការិយាល័យថ្មី​នេះ​ត្រូវ​បាន​គ្រោងនឹង​​បញ្ចប់សកម្មភាព​​នៅ​ឆ្នាំ​២០១៤​ខាងមុខ ក្នុង​គម្រោង​ថវិកា​​​​ចំ​ណាយ​ទឹក​ប្រាក់​អស់​ចំនួន​៤​លាន​ដុល្លារ​ ហើយនឹង​យក​​ធ្វើ​ជា​ទីស្នាក់​ការ​សម្រាប់​ផ្សារភាគ​ហ៊ុន​របស់​ប្រទេស​កម្ពុជា​មួយ​នេះ។ ផ្សារភាគហ៊ុននេះ បច្ចុប្បន្ន ​មាន​ក្រុម​ហ៊ុន​តែ​មួយប៉ុណ្ណោះ​ ដែលបាន​​ទៅ​ចុះ​បញ្ជី​បោះ​ផ្សាយ​លក់​ភាគ​ហ៊ុនរបស់​ខ្លួន​ជា​សាធារណៈ​ចាប់​តាំង​ពី​ផ្សារ​មូល​បត្រ​ត្រូវ​បាន​ដាក់​ឲ្យ​ដំណើរការ​ជាផ្លូវការ​។ លោក​ គាត​ ឈន់​ បាន​មាន​ប្រសាសន៍​នៅ​​ពិធី​បើក​ការដ្ឋាន​ជួស​ជុល​អគារ​នេះ​ថា​ “ ខ្ញុំ​ជឿជាក់​ថា​ ការ​បង្កើត​ផ្សារ​មូល​បត្រ​ថ្មី​នេះ​នឹង​បញ្ជូន​សារដ៏​សំខាន់​មួយ​ទៅ​កាន់​វិនិ​យោ​គិន​ក្នុង​ស្រុក​ និង​វិនិយោគិន​បរទេស​ ដើម្បី​ចូល​រួម​នៅ​ក្នុង​ផ្សារ​មូល​បត្រ​នេះ​”។ លោក​បាន​បន្តទៀត​ថា​ “​ ទាំង​ក្រុម​ហ៊ុន​រដ្ឋ​ និង​ក្រុម​ហ៊ុន​ឯក​ជន​បាន​ធ្វើ​ការ​សម្រេច​ចិត្ត​ ហើយ​កំពុង​រៀប​ចំ​ចុះ​បញ្ជី​បោះ​ផ្សាយ​លក់​ភាគ​ហ៊ុន​ជា​មួយ​ផ្សារ​មូល​បត្រ​នេះ”​។​ លោក គាត ឈន់ បាន​មាន​ប្រសាសន៍​បន្ថែមទៀតថា “ ហើយ​ខ្ញុំ​យល់​ឃើញ​ថា​ មាន​​ក្រុម​ហ៊ុន​ឯក​ជន​ជា​ច្រើន​ ដែល​កំពុងសម្លឹង​មើល​ផ្សារ​មូល​បត្រ​របស់​យើង​ មុន​ពេល​ធ្វើ​ការ​សម្រេច​ចិត្ត។​ ពិធី​នេះ​​ជា​សក្ខី​ភាព​បញ្ជាក់​ឲ្យ​ឃើញ​ពី​ដំណើរ​ការ​រីក​ចម្រើន​បន្តិច​ម្តងៗ​របស់​ផ្សារ​មូល​បត្រ​នេះ​”។ នៅ​ក្នុង​ពិធីបើក​ការដ្ឋានជួសជុល កាល​ពីម្សិលមិញនេះ លោក​ គាត​ ឈន់​ បានមាន​ប្រសា​សន៍​ថា​ អគារដែលមាន​កម្ពស់បីជាន់​ ​​ស្ថិត​នៅ​ក្នុង​សង្កាត់​វត្ត​ភ្នំ​ ខណ្ឌដូន​ពេញ រាជ​ធានីភ្នំពេញ​ នឹង​រួម​មាន​សំណង់​អគារ​ដើម​សល់តាំង​​ពី​សម័យ​អាណានិគម​បារាំង​ ព្រម​ទាំង​មាន​សំណង់ផ្នែក​​ផ្សេងៗ​ទៀត​ ដែល​គេ​សាង​សង់​បន្ថែមលើអគារដើម​។ រដ្ឋា​ភិបាល​គ្រប់​គ្រង​ចំនួន​៥៥​ភាគ​រយ ​នៅ​ក្នុង​ផ្សារ​មូល​បត្រ​នេះ​ ហើយ​ក្រុម​ហ៊ុន​ កូរ៉េ​អុកឆេង​ (Korea Exchange)​ ដែល​ធ្វើ​ប្រតិបត្តិ​ការ​ផ្សារ​ហ៊ុន​នៅ​ក្នុង​ទី​ក្រុង​សេអ៊ូល​គ្រប់​គ្រង​ចំនួន​៤៥​ភាគ​រយ។ លោក​ ហុង​ សុខហួរ​ នាយក​ប្រតិបត្តិ​ផ្សារ​មូលបត្រ​កម្ពុជា​បាន​មាន​ប្រសាសន៍​ថា​ ទីតាំង​ថ្មី​នេះ​នឹង​ធ្វើ​ឲ្យ​ផ្សារ​ហ៊ុន​មួយ​នេះ​មាន​ការ​រីក​ចម្រើន​ក្នុង​ការ​ទាក់​ទាញ​វិនិយោគិន​ ហើយ​នឹង​ជួយ​លើក​ទឹក​ចិត្ត​ឲ្យ​មាន​ក្រុម​ហ៊ុន​មក​ចុះ​បញ្ជី​ផ្សាយ​លក់​ភាគ​ហ៊ុន​កាន់​តែ​ច្រើន។ លោក​ បាន​មាន​ប្រសាសន៍​ថា​ "​ យើង​ចាំ​បាច់​ត្រូវ​មាន​អគារ​ផ្ទាល់​ខ្លួន​របស់​យើង​ ដើម្បី​ទាក់​ទាញ​វិនិយោគិន​ ហើយ​ក្រុម​ហ៊ុន​ក៏​មាន​ទំនុក​ចិត្ត​ចំពោះ​ផ្សារ​ហ៊ុន​របស់​យើង​ផងដែរ​"។​ រហូត​មក​ដល់​ពេល​នេះ​ មាន​តែ​ក្រុម​ហ៊ុន​រដ្ឋ​មួយ​គត់​គឺ​រដ្ឋករ​ទឹក​ស្វ័តយត​ភ្នំ​ពេញ​ ដែល​បាន​មក​ចុះ​បញ្ជី​បោះ​ផ្សាយ​ផ្សាយ​លក់​ភាគ​ហ៊ុន​ជា​មួយ​ផ្សារ​មូលបត្រ​នេះ​ បើ​ទោះ​បីជា​កំពង់​ផែស្វ័យត​ខេត្ត​ព្រះ​សីហនុ​...

ក្រសួង​ពាណិជ្ជកម្ម​គ្រោងនឹង​បង្កើត​គណៈ​កម្មការ​សូត្រ​ជាតិ​​

មន្ត្រី​ក្រសួង​ពាណិជ្ជកម្ម​បាន​ឲ្យដឹង​ កា​ល​ពីថ្ងៃ​អាទិត្យ​ថា ​ក្រសួង​ពាណិជ្ជកម្ម​បាន​ធ្វើ​សេច​ក្តី​ព្រា​ងអនុក្រឹត​​្យ ស្តីពី​ការ​បង្កើត​គ​ណៈ​កម្មការ​សូត្រ​ជាតិ​ ​ក្នុងគោល​បំណង​លើក​កម្ពស់​វិស័យ​សូត្រ​ ដែល​កំពុង​ជួបកា​រ​លំបាក​នៅ​កម្ពុជា​។​ ក្រសួង​ពាណិជ្ជកម្ម​បា​ន​ឲ្យ​ដឹងតាម​រយៈ​​សេចក្តី​ថ្លែងកា​រណ៍​មួយ​ថា ​ខ្លួន​បាន​រៀប​ចំ​កិច្ច​ប្រជុំ​មួយ​ កាល​ពី​ថ្ងៃ​ព្រហ​ស្ប​តិ៍ ក្រោម​ការ​ដឹក​នាំ​អង្គប្រជុំ​ដោ​យ​លោ​ក ប៉ាន់ ​សូរស័ក្តិរដ្ឋ​លេខាធិការ​ក្រ​សួ​ង​ពាណិជ្ជកម្ម​ ដើម្បី​ពិនិត្យ​សេចក្តីព្រាង​អនុ​ក្រឹត្យ​​លើក​ចុង​ក្រោយ​នេះ​។ ​លោក សូរស័ក្តិ បានលើក​ឡើងនៅ​ក្នុ​ង​សេចក្តី​ថ្លែងការណ៍​នេះថាគណៈ​កម្មការ​​នេះ​​នឹង​ “ជំរុញ​និង​ពង្រឹងគុណភាព​សូត្រកម្ពុជា​ ដើម្បី​កាត់​បន្ថយ​ភាព​ក្រីក្រ​...និ​ងដើម្បី​លើក​កម្ពស់​ជីវភាព​ប្រ​ជាជន​”។ ​លោក​បានថ្លែង​ថា សូត្រ​គឺជា​ផលិត​ផល​មាន​អាទិភាព​ខ្ព​ស់​បំផុត​​ទី២​របស់​រដ្ឋាភិបាល​បន្ទា​ប់​ពី​អង្ករ​ ហើយ​ជំនួយ​​បរទេស​១,៤​លានដុល្លារ​ ត្រូវ​បានប្រើ​ប្រា​ស់​​នៅ​ក្នុងវិស័យ​នេះ​។ ផែនការ​នេះ​ជា​ផ្នែក​មួយ​នៃ​គោល​នយោបាយ​ផ្លូវការ​របស់​ក្រសួង​ពាណិជ្ជក​ម្ម​ ក្នុងការ​ធ្វើ​ពិពិធកម្ម​លើ​មូលដ្ឋាន​នាំចេ​ញ។ ​កម្ពុជា​មាន​សកម្មភាព​ត្បា​ញ​សូត្រ​តាំងពី​សម័យ​បុរាណ​រហូត​មក​ ក៏ប៉ុ​ន្តែ​ នា​ពេល​​បច្ចុប្បន្ន​ ​សូត្រ​មិន​ទាន់កែ​ច្នៃ​ភា​គ​ច្រើន​​នៅ​កម្ពុជា​ ត្រូវ​បាននាំចូល​ ខ្វះ​ការ​វិនិយោគ​ និង​ងាយ​ខូច​ខាត​ដោយ​សារអាកាស​ធាតុ​។ ​លោក​ សួន​ ប្រាសិទ​ ប្រធាន​កម្មវិធី​ព​​ង្រីក​​ពិពិធ​កម្ម​នាំចេញ​កម្ពុជា​ របស់រដ្ឋាភិ​បា​ល​ បាន​ឲ្យ​ដឹងថា ​គណៈ​កម្មការ​នេះ​នឹង​ជួ​យ​បង្កើត​ការងារ​ក្នុង​វិស័យ​សូត្រ​ ជាពិសេ​ស​ការងារ​សម្រាប់​ស្ត្រី​នៅ​ជនបទ​។ ​លោក​បាន​មាន​ប្រសាសន៍ថា “ យើង​បង្កើត​អនុ​ក្រឹត្យ​ ដើម្បី​ពង្រឹង​វិស័យ​សូត្រ​ ​អភិវឌ្ឍ​​គុ​ណភាព​ខ្មែរ​ ​ហើយ​​ស្វែង​រក​ទីផ្សារថ្មីៗ​”។ លោក​បាន​បន្ត​ថា ​សេចក្តីព្រាង​អនុ​ក្រឹត្យ​នេះ​នឹង​ត្រូវ​បាន​បញ្ជូន​ទៅ​ទីស្តីការ​គណៈ​រ​ដ្ឋ​មន្ត្រី​ ដើម្បីស្នើសុំ​សេចក្តី​អនុម័តនា​ពេ​ល​ឆាប់​ៗ​ខាង​មុខ​៕ ប្រែ​សម្រួល​ដោយកងសុធា​

រដ្ឋាភិបាល​​​ស្នើ​​​សុំ​​​ជំនួយ​​​ពី​​​ធនាគារ​​​អភិវឌ្ឍ​​​ន៍​​​អាសុី​​​​សម្រាប់​គម្រោង​​​​ជួស​ជុល​ផ្លូវ​​​ដែក​​​នៅ​​​ភាគ​​​ខាង​​​ជើង

កាល​​​ពី​​​ម្សិល​​​មិញ រដ្ឋាភិបាលបាន​​​ស្នើ​​​​សុំ​ឲ្យ​​ធនាគារ​​​​​​អភិវឌ្ឍន៍​​​អាសុី (ADB) ​​​បន្ត​​​ផ្ដល់​​​ជំនួយ​​​​ដល់​គម្រោង​​​​ជួស​ជុល​​​​ផ្លូវ​​​ដែក​របស់​​​កម្ពុជា​​​​ ដែល​​ត្រូវការមូល​និធិបន្ថែម​ទៀត​​ដើម្បី​បញ្ចប់​​បណ្តាញ​ផ្លូវ​ដែក​នៅ​ភាគ​​ខាង​ជើង​នេះ​។ លោក ហោ ណាំហុង រដ្ឋ​​​មន្ត្រី​​​ក្រសួង​​​ការ​​​បរទេស​​​ បាន​​​ជួប​​​លោក អេរិច សុីដវុីច ​​​(Eric Sidgwick) នាយក​ប្រចាំ​ប្រទេស​ ​ដែល​​​ទើប​​​តែង​​​តាំង​​​​ថ្មី​​​​​​​នៅធនាគារ ADB ប្រចាំ​រាជ​ធានី​​​​ភ្នំពេញ។បន្ទាប់​​​ពី​​​កិច្ច​​​ប្រ​​​ជុំ​​​នេះ​​ លោក ​កុយ ​គួង អ្នក​​​នាំ​​​ពាក្យ​​​ក្រសួង​​​ការ​​​បរទេស បាន​​​ថ្លែង​​​ប្រាប់​​​​​អ្នក​​​យក​​​ព័ត៌​​​មាន​​​ថា លោក ហោ ណាំ​​​ហុងបាន​​​លើក​​​ឡើង​​​អំពី​​​គម្រោង​​​​​​ផ្លូវ​​​ដែក​​​ ដែល​​​​ធនាគារ ADB ​​​បាន​​​​ជួយ​​​​ជា​​​ទឹក​​​ប្រាក់​​​ចំនួន៨៤​​​លាន​​​ដុល្លារ​​​រួច​​​​​​ហើយ ដែល​​​ធ្វើ​​​ឲ្យ​ធនាគារ​នេះ​​​ក្លាយ​ជា​អ្នក​ផ្តល់​​​​ហិរញ្ញ​​​វត្ថុ​​​ធំជាង​គេ​ដល់​​គម្រោង​នេះ​។ លោក កុយ គួង បាន​​​មាន​​​ប្រសាសន៍​​​ថា “លោក ហោ​​​ ណាំ​​​ហុង ចង់​​​ឲ្យ​​​ធនាគារ​ ADB ជួយ​​​ជួស​​​ជុល​​​ផ្លូវ​​​ដែក​​​នេះ ឲ្យ​​​បាន​​​ល្អ​​ សម្រាប់​​​ដឹក​​​ទំនិញ​ពី​​​រាជធានី​​​ភ្នំពេញ​​​ទៅ​​​​​​ក្រុង​​​ប៉ោយ​​​ប៉ែតនិង​​​ពី​​​ក្រុង​​​ប៉ោយប៉ែត មក​​​រាជ​​​ធានី​​​ភ្នំពេញ”។ លោកបាន​មាន​​​ប្រសាសន៍​​​បន្ថែមទៀត​​​​ថា “ លោក​អេរិច សុីដវីច បាន​​​​​​ប្រាប់​​​លោក​​​ ហោ​​​ណាំ​​​ហុង ថា លោកនឹង​​​​ពិចារណាពី​​វិស័យ​អាទិភាព​​​​របស់​​​រដ្ឋា​​​ភិបាល”។ ផ្លូវ​​​ដែក​​​នៅ​​​ភាគ​​​ខាង​​​ជើង​​​ ដែល​​​ត​​​​​​ភ្ជាប់​​​រាជ​​​ធានី​​​ភ្នំ​​​ពេញ​​​​​​ទៅ​​​​​​ក្រុង​​​ប៉ោយ​​​ប៉ែត​​​នៅ​​​ក្នុង​​​ខេត្ត​​​បន្ទាយ​​​មាន​​​ជ័យ​នេះ​ គឺ​ជា​ជម្រើស​លឿន​និង​​មាន​​​​តម្លៃ​​ថោក សម្រាប់​​​​​​ដឹក​​​ជញ្ជូន​​​ទំនិញ​​​ពាណិជ្ជកម្ម​​​ចេ​​​ញ​​​ចូល​​​ប្រទេស​​​ថៃ។ លោក កុយ គួង បាន​​​មាន​​​ប្រសាស​​​ន៍​​​ថា “ផ្លូវ​​​ដែក​​​នេះ គឺ​​​មាន​​​សារ​​​ៈសំខាន់​​​ខ្លាំង​​​ណាស់​សម្រាប់​​​ធ្វើ​​​ការ​​​ផ្លាស់​​​ប្ដូរ​​​ទំនិញ​​​រវាង​​​ប្រទេស​​​ទាំង​​​ពីរ​​​ ពី​​​ព្រោះ​​​ពាណិជ្ជកម្ម​​ កំពុង​​​កើន​​​ឡើង​​​ជា​​​រៀង​​​រាល់​​​ឆ្នាំ”។ ប៉ុន្តែ គម្រោង​​​ផ្លូវ​​​ដែក​​​ ដែល​​​បាន​​​ទទួល​​​​ទឹក​​ប្រាក់​ចំនួន​​​១៤១,៦លាន​​​ដុល្លារ​​​រហូត​​​មក​​​ទល់​​​​ពេល​​​នេះ ​​រួម​​​​ទាំង​​​ទឹក​​​ប្រាក់​​​បន្ថែម​​​ចំនួន​​​២១,៥​​​លាន​​​ដុល្លារ​ដែល​ធនាគារ​ ADB ​​​បាន​យល់​ព្រម​ផ្តល់​កាល​​​ពី​​​ខែ​​​មេសា ​​​ឆ្នាំ​​​២០១២​​​នោះ បាន​​​ជួប​​​បញ្ហា​​​ជា​​​ច្រើន និង​​​ខ្វះ​​​ខាត​​​ថវិកា​​​។ ការ​​​ចំណាយ​​​លើស​​​របស់​​​ក្រុម​​​អ្នក​​​ម៉ៅ​​​ការ និង​​​ស្ថាន​​​ភាព​​​​ទ្រុឌ​​ទ្រោម​នៃ​​​ស្ពាន​​​មួយ​​​ចំនួន​​​នៅ​​​តាម​​​​​​​ផ្លូវ​​​ដែក​​​នេះ ​ធ្វើ​​​​ឲ្យ​​​ខ្វះ​​​​ថវិកា​​​​​​សម្រាប់​​​បញ្ចប់​​​​ការ​​ជួស​ជុល​​​​ផ្លូវ​​​ដែក​​​នេះ។ក្រុម​​​មន្ត្រី​​​ធនាគារ​​​ ADB បាន​​​ឲ្យ​​​ដឹង​​​កាល​​​ពី​​​ឆ្នាំ​​​មុន​​​ថា ​ធនា​គារ​​​​មិន​​​អាច​​​ផ្ដល់​​​​​​មូល​​​និធិ​​​បន្ថែម​​​​ទៀត​ដល់​​​​គម្រោង​​​ផ្លូវ​​​ដែក​​​នេះ​​​បាន​​​​​​​​​​ទេ។ លោក អេរិច សុីដ​​​វីច ​​​បញ្ជាក់​​​​​​កាល​​​ពី​​​ម្សិល​​​មិញ​​​ថា លោក ហោ​​​ ណាំ​​​ហុង  មិន​​​បានស្នើ​​​សុំ​​​មូល​​​និធិ​​​បន្ថែម​​​ពី​​​ធនាគារ​​​ ADB ​​​ទៀត​​​ទេ ​ហើយ​​​លោករដ្ឋ​​​មន្ត្រីគ្រាន់​​​តែគូស​​​បញ្ជាក់​​​ថាផ្លូវ​​​ដែក​​​នេះគឺ​ជា​​​​គម្រោង​​​ដ៏​​​សំខាន់​​​សម្រាប់​​​ប្រទេស​​​កម្ពុជា និង​​​អនុតំបន់​​​នេះ”។ លោក ប៉ូល ផៅ​​​វ័រ (Paul Power) ទី​​​ប្រឹក្សា​​​មួយ​​​រូប​​​នៅ​​​ក្រសួង​​​សាធារណ​​​ការ និង​​​ដឹក​​​ជញ្ជូន បាន​​​មាន​​​​​​ប្រសាសន៍​​​ថា កង្វះ​​​មូល​​​និធិ​​​នេះ ត្រូវ​​​បាន​​​ប៉ាន​​​ស្មាន​​​ថា ​​​មាន​​​​ចំនួន​ចន្លោះ​​​​ពី​​​៧៥​​​លាន​​​ដុល្លារ ទៅ១២៥​​​លាន​​​ដុល្លារ។ លោក​​​​ ប៉ូល ផៅវ័រ បាន​មាន​​​​​​ប្រសាស​​​ន៍​​​បន្ថែម​ទៀត​ថា “នៅ​​​មាន​​​ប្រាក់​​​មួយ​​​ចំនួន​​​ទៀត​​សម្រាប់​ចំណាយ” ហើយ​លោកបាន​​​ពន្យល​​​់​​​ថា ​​នៅ​មាន​ការ​​​ងារ​​​មួយ​​​ចំនួន​​​​​​ទៀត​​​​ដែល​ត្រូវ​​​ធ្វើ​​​នៅ​​​​តាម​ផ្លូវ​​​ដែក​​​ភាគ​​​ខាង​​​ត្បូង ហើយ​​​​​ផ្លូវ​ដែក​ ដែល​​​​ត​​​ភ្ជាប់​​​​​​ពី​​​ក្រុង​​​ប៉ោយ​ប៉ែត ទៅ​​​​​ក្រុងសេរីសោភ័ណនឹង​​​ត្រូវ​​​បង្ហើយ​​​​​​ដោយ​​​​ប្រើ​​​មូល​​​និធិ​​​ ដែល​​​មាន​​​ស្រាប់​​​របស់​​​គម្រោង​​​ផ្លូវ​​​ដែក​​​នេះ​​​៕ ប្រែសម្រួលដោយ ស៊ុំ សុខភុំ

សមត្ថកិច្ចចាប់​ខ្លួន​មន្ត្រី​នគរបាល​បាញ់​បុរស​ម្នាក់ ដែលមិន​ព្រមសូក​លុយឲ្យ​នគរ​បាល​ចរាចរ​

ជន​រងគ្រោះ​ និងមន្ត្រី​នគរបាល​បាន​ឲ្យ​ដឹងកាល​ពី​ម្សិលមិញថាមន្ត្រី​នគរបាល​ពីរ​​​នាក់​​ត្រូវ​បាន​ចាប់​ខ្លួន​ កាលពីម្សិលមិញពី​បទ​បាញ់​​បុរស​អាយុ២៩ឆ្នាំ​ម្នាក់​ ឲ្យ​រង​របួស​​ធ្ងន់​ដោយសារ​តែ​បុរស​នេះ​មិន​ព្រម​សូក​លុយ​​ពួកគេ​​​នៅ​ឯបុ៉ស្តិ៍ត្រួត​ពិនិត្យ​តាម​ចិញ្ចើម​ផ្លូវ​នៅក្នុងខណ្ឌ​​​ឫស្សីកែវរាជធានី​ភ្នំពេញកាល​ពីយប់​ថ្ងៃអាទិត្យ​។ នៅពេលកំពុង​សម្រាក​លើ​គ្រែ​ក្នុង​មន្ទីរ​ពេទ្យ​កាល់​ម៉ែតដែល​នៅ​ទី​នោះ​គ្រូពេទ្យ​បាន​វះ​យក​ក្បាល​គ្រាប់​កាំ​ភ្លើង​ចេញ​ពី​ទ្រូង​ខាង​ឆ្វេង​ ខាង​លើ​បេះ​ដូងបន្ដិចនោះលោកឌីវិចិត្របាន​រៀប​​​​រាប់​ពីព្រឹត្តិការ​ណ៍​​ ដែល​នាំ​ឲ្យ​នគរ​បាល​ខឹង​ និង​​បាញ់គាត់​។ លោក​ វិចិត្របាន​និយាយ​ថាលោក​កំពុង​បើកបរ​រថយន្ដ​វែ៉ន​​ ដោយមាន​ប្រពន្ធ​ និង​ប្អូន​ប្រុស​ជិះជាមួយដើម្បីដឹក​ម្ទេស​ពី​ភ្នំពេញ​ទៅ​ខេត្ត​កំពង់​ឆ្នាំ​ងនៅ​ប្រហែល​ម៉ោង​​១១ និង​​​​៤៥​នាទីយប់ស្រាប់តែពេល​នោះ​នគរ​​​បាល​ដែល​​ដាក់​ប៉ុស្ដិ៍​ត្រួត​ពិនិត្យ​តាម​បណ្ដោយ​​​​ផ្លូវ​លេខ​៥៩៨​ ក្នុង​សង្កាត់ស្វាយប៉ាកបាន​ទារ​លុយ​សំណូក​ ជាថ្នូរឲ្យ​គាត់អាច​​បន្ដ​ដំណើរ​ទៅ​មុខ​ទៀតបាន​។ លោក​ វិចិត្របាន​និយាយ​ថា “នគរ​បាល​បាន​ជេរ​ម្ដាយ​ខ្ញុំដូច្នេះ​ខ្ញុំ​ក៏​មិន​​ឲ្យ​លុយ​ទៅ​ពួក​គេទេហើយ​មន្ត្រី​នគរបាល​ពីរនាក់​ក៏​បាន​ដេញ​​​​តាម​រថយន្ដ​របស់​ខ្ញុំ​ ហើយ​មន្ត្រី​នគរ​​​បាល​ម្នាក់​ក៏​បាន​យក​​ដុំ​ថ្ម​វាយ​កញ្ចក់​ចំហៀង​សម្រាប់​​​​មើល​ក្រោយ​របស់​ខ្ញុំ​”។ លោកវិចិត្រ ​បានមាន​​​ប្រសាសន៍​​​​បន្ដ​ទៀត​​​ថា “ពេល​ខ្ញុំ​ចេញ​ពី​រថយន្ដ​ ដើម្បី​ពិនិត្យ​​​មើល​ មន្ត្រី​នគរ​​​បាល​​​​ម្នាក់​​​​ក៏​បាញ់​ខ្ញុំ​មួយ​គ្រាប់​។ ​ពេល​នេះខ្ញុំ​ឈឺ​ខ្លាំង​ណាស់ដូច្នេះ​ខ្ញុំ​មិន​អាច​រៀប​រាប់​លម្អិត​បានទៀត​​​​ទេក៏​ប៉ុន្ដែខ្ញុំ​ស្គាល់មុខ​មន្ត្រី​នគរបាល​ ដែល​បាន​បាញ់​ខ្ញុំ​នោះ​​​ហើយ​​​”។ អ្នកស្រីវ៉ាតស្រីលក្ខណ៍អាយុ​២០​ឆ្នាំ​ ត្រូវ​​​ជាប្រពន្ធ​របស់​លោកវិចិត្រដែល​បាន​ឃើញ​មន្ត្រី​នគរ​បាល​បាញ់​ប្ដី​របស់​ខ្លួន​នៅ​​​ពេលនោះ​បាន​រៀប​រាប់​ពី​របៀប​ ដែល​មន្ត្រី​នគរ​បាល​ទាំង​ពីរ​នាក់​បាញ់​ប្រហារ​រួច​ជិះ​ម៉ូតូ​គេច​ខ្លួន​បាត់ដោយ​ទុក​ប្ដី​អ្នក​ស្រីដែល​រង​របួស​នៅលើ​ផ្លូវថា“មន្ត្រី​នគរបាលបាន​ប្រើ​កាំ​ភ្លើង​ខ្លី​បាញ់​ប្ដី​របស់​ខ្ញុំ​...

​វត្ត​មាននៃប្រតិបត្តិការ​រ​បស់​​ធនាគារ​ អេស៊ីលីដា ភីអិលស៊ី ​នៅក្នុង​ប្រទេស​ភូមា​ត្រូវ​លើក​ពេល​

​លោកអុិន​ ចាន់នី ​ប្រធាននាយក​ប្រ​តិ​បត្តិ​ធនាគារ​ អេស៊ី​លីដា ភីអិល​ស៊ី ​​មា​ន​ប្រសាសន៍​កាល​ពី​ថ្ងៃ​អាទិត្យ​ថា ​ក្តី​ស​ង​្ឃឹមរបស់​ធនាគារ​នេះ​ថា ​នឹង​ក្លាយជា​ធនា​គារ​ដំបូង​របស់​កម្ពុជា​ ​ដែល​បើក​សាខា​នៅ​​លើ​ទីផ្សារ​នៃ​ប្រទេស​ភូមា​​ បាន​លិច​បាត់​វិ​ញ​ បន្ទាប់​ពី​រដ្ឋាភិ​បាល​បាន​ពន្យារ​ពេល​ នៅ​ទីក្រុង​ ណៃពិដោ​។​ លោក​បាន​មាន​ប្រសាសន៍​ថា ​រដ្ឋាភិ​បាល​នៃ​ប្រទេស​ភូមា​ បាន​អនុ​ម័ត​កិច្ច​ចុះ​ប​ញ្ជី​ឈ្មោះ​​ធនាគារ​ និង​លិខិត​អនុ​ញ្ញាត​ឲ្យ​ប​ង្កើត​ការិ​យា​ល័យ​ហើយ ​ដែល​នេះជា​ការ​ត្រួស​ត្រាយ​ផ្លូវ​សម្រាប់​ធនាគារ​ អេស៊ីលី​ដា ភីអិលស៊ី ​​ក្នុង​ការ​ចាប់​ផ្តើមសកម្មភាព​រៀប​ចំការិ​យាល័យ​មួយ​ និង​ជ្រើ​ស​រើស​ ក៏ដូចជា ​ប​ណ្តុះ​បណ្តាល​បុគ្គលិក​ កាល​ពី​ខែ​តុលា​។​ ​លោកអុិន​ ចាន់នី ​បានមាន​ប្រសាស​ន៍ថា ​ “​បច្ចុប្បន្ន​ ​យើង​គ្រាន់តែ​កំពុង​រង់ចាំ​អា​ជ្ញា​ប័ណ្ណ​ប្រតិ​បត្តិការ​ប៉ុណ្ណោះ​”។ ​លោក​បាន​មាន​​ប្រសាសន៍​បន្ថែម​ទៀតថា គណៈ​រដ្ឋ​មន្ត្រី​នៃ​ប្រទេស​ភូមា​ ត្រូវ​បាន​រំពឹង​ថា​ នឹង​ពិចារណា​អំពី​អាជ្ញា​ប័ណ្ណ​នេះ​ នៅ​ក្នុង​កិ​ច្ច​ប្រជុំ​ប្រចាំខែ​របស់​ខ្លួន​ កាល​ពីខែធ្នូ​ ប៉ុ​ន្តែ​កិច្ច​ប្រជុំនេះ​ត្រូវ​លើក​ពេល ​រយៈ​ពេ​លមួ​យខែ​ ហើយ​បច្ចុប្បន្ន​​ទំនង​ជា​មាន​សំណើ​ឲ្យ​លើក​ទៅ​ដំណាច់ខែ​​កុម្ភៈ​វិញ​។ ​ប្រសិន​បើ​មានការ​អនុម័ត​នៅ​ពេល​​នោះសាខា​រ​បស់​ធនាគារ​ អេស៊ី​លីដាភី​អិ​ល​ស៊ី...

ចោទ​​​ប្រកាន់​​​អ្នក​ភូមិ​ដី​ក្រហម​​ពី​បទគប់​​​ដុំថ្ម​​​​លើ​​​គ្រឿង​​​ចក្រ​អំឡុង​ពេល​បណ្តេញ​ចេញ កាល​​​ពី​​​ប្រាំឆ្នាំ​​​​​​មុន

សាលាដំបូង​រាជធានី​ភ្នំពេញកាល​ពី​ម្សិល​​​មិញបាន​បើក​សវនាការជំនំុជម្រះ​ក្តី​អតីត​តំណាង​អ្នក​ភូមិ​ដី​ក្រហមម្នាក់​ ក្នុង​​​រាជ​​​ធានី​​​​​​ភ្នំពេញដែល​ត្រូវ​បាន​គ្រឿង​ចក្រ​ឈូស​​​បំផ្លាញ​​​ កាល​ពីឆ្នាំ​២០០៧​ និង​​ត្រូវ​បាន​ចោទ​ប្រកាន់​ពី​បទ​បំផ្លាញ​ទ្រព្យ​សម្បត្តិ​សាធា​​​រណៈអំឡុង​ពេល​បណ្តេញ​ប្រជា​ពល​រដ្ឋ​​ដោយ​ហិង្សា​ និង​​​ការ​​​ឈូសបំផ្លាញ​​​សហគមន៍នេះ​ កាលពីប្រាំ​ឆ្នាំ​មុន​​។​ កាល​ពីព្រឹក​ព្រលឹម​ថ្ងៃទី​២៤ខែ​មករាឆ្នាំ​២០០៧​​​ តំណាង​​​​ក្រុមហ៊ុន​សឺវេនអេនជី ​(7 NG Group) និង​កង​រាជ​អាវុធ​ហត្ថ​បាន​ប្រើ​ឧស្ម័ន​បង្ហូរ​ទឹក​ភ្នែកដំបង​ដែក​ រថយន្ត​បាញ់​ទឹក​និង​គ្រឿង​ចក្រ​ជាច្រើន​ទៀត​​​ ដើម្បី​បណ្តេញ​ប្រជាពលរដ្ឋ​ចេញ​ពី​ផ្ទៃដី​ទំហំ​៣,៦ហិកតា​របស់​ខ្លួន​។ តំណាង​អ្នក​ភូមិ​ដី​ក្រហម​ឈ្មោះចាន់វិចិត្រអាយុ៣៥ឆ្នាំបាន​និយាយ​បន្ទាប់​ពី​ចប់​សវនាការ​ កាលពីម្សិលមិញថា “ ​បាន​ចោទ​ប្រកាន់​ខ្ញុំថាខ្ញុំ​បាន​យក​ដំុ​ថ្ម​គប់​បំផ្លាញ​គ្រឿង​ចក្រដែល​មក​ឈូស​បំផ្លាញ​ផ្ទះ​របស់​ពួក​​​យើង​ហើយ​គាត់​និយាយថាខ្ញុំ​បាន​បំផ្លាញ​ទ្រព្យ​សម្បត្តិុ​អាជ្ញាធរ​”។​ លោកវិចិត្រត្រូវ​បាន​ចោទ​​​​ប្រកាន់​ថាបាន​វាយបំផ្លាញ​គ្រឿង​ចក្រ​មួយ​គ្រឿង​ ដែល​កំពុង​ឈូស​បំផ្លាញ​ផ្ទះទាំង​នោះ។ចំណែក​ឯ​លោកវិចិត្រ​ កាល​​​ពី​​​ម្សិលមិញ​​​បាន​អះ​អាង​ថាគាត់​មិន​នៅ​ក្នុង​ភូមិ​ដី​ក្រហម​នោះ​​ទេ​ នៅ​​ពេល​គេ​បណ្តេញ​ប្រជា​​​​ពលរដ្ឋ​នោះ។ លោកវិចិត្រ​ ​បាន​និយាយថា “ខ្ញុំ​មិន​បាន​ប្រព្រឹត្ត​បទ​ល្មើសនេះ​ទេហើយ​ខ្ញុំ​សង្ឃឹម​ថា​ មន្ត្រី​តុលាការ​នឹង​ដោះ​លែង​ខ្ញុំ​” លោកខាត់ណារិទ្ធចៅសង្កាត់​ទន្លេ បា​​​សាក់​ដែល​ជាអ្នក​ដាក់​ពាក្យ​បណ្តឹង​ និង​មន្ត្រី​សាលា​រាជ​ធានី​ភ្នំពេញ​...

ជន​ដៃ​ដល់​​ជះ​ទឹក​អា​ស៊ី​ត​លើ​ប្រពន្ធ​របស់​ខ្លួន​ជាប់​ពន្ធនាគា​រ​​រយៈពេល​ប្រាំ​ឆ្នាំ​ក្រោម​ច្បាប់​ថ្មី

​កា​ល​ពី​ម្សិល​មិញ ​សាលា​​ដំ​បូង​រាជ​ធានី​ភ្នំ​ពេញ​​​​បា​ន​ផ្តន្ទា​​​ទោស​បុរស​​អាយុ​៥១ឆ្នាំ​ម្នាក់​​​ឲ្យ​​ជាប់​ពន្ធនាគា​រ​​រយៈ​​ពេល​​ប្រាំ​ឆ្នាំ​​ ពី​បទ​​ជះ​ទឹក​អា​ស៊ីត​​លើ​ប្រព​ន្ធ​​របស់​​ខ្លួន​​កា​ល​ពី​ឆ្នាំ​​មុន​ ហើយ​នេះ​គឺ​ជា​លើក​ដំ​​បូ​ង​ហើយ​​​ដែល​តុលាកា​រ​​​បា​ន​ផ្តន្ទា​​ទោស​ជន​ល្មើស​​តា​ម​​ច្បាប់​ស្តី​ពី​​អា​​ស៊ីត​​ដែល​​ទើប​អនុ​ម័​ត​​​​ថ្មី​​។ ​លោកសួសសំ​​អាតចៅក្រម​ប្រធា​ន​ក្រុម​​ប្រឹក្សា​ជំនុ​ំជម្រះ​​បា​ន​មា​ន​ប្រ​សាសន៍​ថា ​​​​នេះ​គឺ​ជា​កា​រ​​ផ្តន្ទា​​ទោស​​​​អតិបរមា​​យោងតា​ម​​ច្បាប់​នេះ​ ដែល​ត្រូវ​បា​ន​អនុម័ត​​កាល​ពី​​ខែ​​ធ្នូ​ ឆ្នាំ​​២០១១ ​ចំ​ពេល​​ដែល​សាធារណជន​មា​ន​​កា​រ​​យល់​ដឹង​​​កាន់​តែ​​ច្រើន​​​អំ​ពី​​កា​រ​​ជះ​ទឹក​អា​ស៊ីត​​នៅ​ក្នុង​ប្រទេ​ស​នេះ​។ ​លោក​ចៅក្រម​ សំ​អាត ​បា​ន​លើក​ឡើង​ថា​ “ព្រឹក​នេះ​ ប៊ីសឿន ​ត្រូវ​បា​ន​​ផ្តន្ទា​ទោស​ឲ្យ​ជាប់​ពន្ធ​នាគា​រ​​រយៈ​ពេល​​ប្រាំ​ឆ្នាំ​ និង​​បង្គាប់​ឲ្យ​​សង​ជំងឺ​ចិត្ត​​​ចំ​នួន​​១០​លាន​រៀល​ពី​បទ​ប្រើ​​អំ​ពើ​ហិង្សា​​​ជះ​ទឹក​អា​ស៊ីត​​ដោ​យ​​ចេត​នា​។ ប៊ីសឿនត្រូវ​បាន​​ចាប់​ខ្លួន​​​កាល​ពី​ក្នុង​ខែ​​សី​ហា ដោ​យ​សារ​ជះ​ទឹក​អា​ស៊ីត​​លើអ្នកស្រី​ ​សឿនស្រី​ដា ​អា​យុ​​៣២ឆ្នាំ​ ជា​​អតីត​ភរិ​យា​​របស់​គាត់​លើ​មុខ ​ទ្រូងនិង​ខ្នង​​​របស់​អ្នក​ស្រី​។កា​រ​​​ជះ​ទឹក​អាសីុត​នេះ​​បា​ន​កើត​ឡើង​បន្ទាប់​ពី​​កា​រ​ឈ្លោះ​ប្រកែក​គ្នា​​រវា​ង​​ប្តី​ប្រពន្ធ​​ទាំ​ង​​ពីរ​នាក់ ​ដែល​ក្នុង​នោះ​​​អ្នក​ស្រីស្រីដា ​​បា​ន​និ​យា​យ​ថា ​អ្នក​ស្រី​​មា​ន​ផែន​កា​រ​​រៀប​កា​រ​​​ជា​មួ​យ​បុរស​ម្នាក់​ទៀត​។ប៊ីសឿន ​បា​ន​សារភាព​ថាខ្លួ​ន​ពិត​ជាបាន​​ប្រព្រឹត្ត​​បទ​ល្មើស​នេះ​ប្រាកដ​មែន​នៅ​អំឡុង​ពេល​​សវនាការ​​ជំនុំ​ជម្រះ​​កា​ល​ពី​ថ្ងៃ​ទី​​១៣ខែ​មករា។ អ្នក​ស្រីស្រីដាបា​ន​​និយាយ​កាល​​ពី​ម្សិល​មិញ​ថា ​អ្នក​​ស្រី​ពេញ​ចិត្ត​នឹង​កា​រ​ផ្តន្ទា​ទោស​របស់​តុ​លាការ​ បើទោះ​ជា​កន្លង​មកអ្នក​ស្រី​​បាន​ស្នើ​​សុំ​​សំ​ណង​​ចំ​នួ​ន​​៥.០០០​ដុល្លារ​​សម្រាប់​កា​រ​​ចំ​ណាយ​លើ​​កា​រ​​ព្យា​បាល​ ដែ​ល​អ្នក​ស្រីបា​ន​ចំណាយ​ចាប់​តាំ​ង​​ពី​​​មាន​ការ​ជះ​ទឹក​​អាសីុត​​នេះ​មក​ ដែល​ធ្វើ​ឲ្យ​ភ្នែក​ខាង​ស្តាំ​​របស់​អ្នក​ស្រី​ខ្វាក់។ ​អ្នក​ស្រី​​បា​ន​​និយាយ​ថា “ខ្ញុំ​គិត​ថា ​វា​​ជា​សេចក្តី​សម្រេច​ត្រឹម​ត្រូ​វ​​”។ លោក ​ហ្សៀតសំ​មែន (Ziad Samman)...