TAG
គ្រឿងញៀន
សមត្ថកិច្ចបង្ក្រាបបណ្ដាញជួញដូរគ្រឿងញៀនបានជាង ១តោនក្នុងខេត្តព្រះសីហនុ និងទីក្រុងភ្នំពេញ
សមត្ថកិច្ចជំនាញនៃមន្ទីរប្រឆាំងគ្រឿងញៀន បង្ក្រាបបណ្ដាញជួញដូរគ្រឿងញៀនបានចំនួន ៥នាក់ និងរឹបអូសបានគ្រឿងញៀនជាង ១តោន (១៥១៣គីឡូក្រាម) ក្នុងខេត្តព្រះសីហនុ និងទីក្រុងភ្នំពេញ ដែលពួកគេមានផែនការដឹកជញ្ជូនឆ្លងដែនពីប្រទេសឡាវ ឆ្លងកាត់កម្ពុជា ចេញតាមលំហសមុទ្រខ្មែរទៅដែនកោះតៃវ៉ាន់។
មន្ទីរប្រឆាំងបទល្មើសគ្រឿងញៀន បានបង្ហាញលទ្ធផលប្រតិបត្តិការបង្ក្រាបគ្រឿងញៀនកាលពីថ្ងៃទី២៤ ខែមករា ឆ្នាំ២០២៤ នេះថា សមត្ថកិច្ចកម្ពុជាបានចុះបង្ក្រាបបណ្ដាញជួញដូរគ្រឿងញៀនក្នុងទីតាំងបីផ្សេងគ្នា ក្នុងនោះនៅខេត្តព្រះសីហនុ ២ទីតាំង គឺនៅកំពង់ផែកំពេញស្ទឹងហាវ ស្រុកស្ទឹងហាវ និងនៅក្នុងផ្ទះជួលស្ថិតក្នុងភូមិ៣ សង្កាត់លេខ១ ក្រុងព្រះសីហនុ ចំណែកទីតាំងទី៣...
អ្នកឃ្លាំមើលថាកម្ពុជាកំពុងប្រឈមបញ្ហាបន្ថែមបន្ទាប់ពីរដ្ឋាភិបាលរកឃើញមន្ត្រីជាប់ពាក់ព័ន្ធគ្រឿងញៀនកាន់តែច្រើន
អ្នកស្រាវជ្រាវអំពីបញ្ហាសង្គម ព្រមានថា កម្ពុជាកំពុងប្រឈមនឹងបញ្ហាពាក់ព័ន្ធនឹងការនាំចូលគ្រឿងញៀន ចែកចាយ ផលិតនៅក្នុងប្រទេសកម្ពុជា និងការរកឃើញនូវការជាប់ពាក់ព័ន្ធនឹងបញ្ហាគ្រឿងញៀនលើមន្ត្រីមានសមត្ថកិច្ចរបស់ខ្លួនកាន់តែច្រើន។
អ្នកប្រឹក្សាយោបល់ដើម្បីអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី២៣ មករា នេះថា បញ្ហាគ្រឿងញៀននៅកម្ពុជាមិនមែនជារឿងតូចតាចនោះទេ ព្រោះថាបញ្ហានេះក៏ទំនងជាជាប់ពាក់ព័ន្ធនឹងអ្នកមានអំណាចធំៗក្នុងជួររដ្ឋាភិបាល និងអ្នករកស៊ីធំៗនៅកម្ពុជាដែរ ដូច្នេះវិធានការក្នុងការបង្ក្រាបប្រាកដជាប្រឈមនឹងឧបសគ្គ ហើយដោយសារតែវិធានការគ្មានប្រសិទ្ធភាព បានទាញយុវជនខ្មែរឱ្យរងគ្រោះដោយសារតែបញ្ហាគ្រឿងញៀននេះ។
លោក សេក...
មន្ត្រីពន្ធនាគារនិងការពារជាតិ៧រូបត្រូវបានលុបឈ្មោះចេញពីក្របខ័ណ្ឌពាក់ព័ន្ធការប្រើប្រាស់គ្រឿងញៀន
រដ្ឋមន្ត្រីក្រសួងមហាផ្ទៃ លោក ស សុខា និងរដ្ឋមន្ត្រីក្រសួងការពារជាតិ លោក ទៀ សីហា បានសម្រេចលុបឈ្មោះមន្ត្រីចេញពីក្របខ័ណ្ឌក្រសួងមហាផ្ទៃ និងក្រសួងការពារជាតិ សរុបចំនួន ៧រូបដោយមូលហេតុប្រើប្រាស់គ្រឿងញៀន។
យោងតាមសេចក្តីប្រកាសលុបឈ្មោះមន្ត្រីរាជការចេញពីក្របខ័ណ្ឌក្រសួងមហាផ្ទៃ ដែលចុះហត្ថលេខាដោយលោក ស សុខា នៅថ្ងៃទី១០ ខែមករា ឆ្នាំ២០២៤ ដែលទើបចេញផ្សាយជាសាធារណៈនៅថ្ងៃទី១៨ ខែមករា នេះបានឲ្យដឹងថា លោក ស សុខា...
រដ្ឋមន្ត្រីក្រសួងយុត្តិធម៌បង្គាប់ឱ្យតុលាការបង្ហាញសេចក្ដីប្រកាសពីដំណើរការក្ដីលើសំណុំរឿងគ្រឿងញៀនដើម្បីតម្លាភាព
រដ្ឋមន្ត្រីក្រសួងយុត្តិធម៌ លោក កើត រិទ្ធ បង្គាប់ឱ្យតុលាការបង្ហាញសេចក្ដីប្រកាសពីដំណើរការក្ដីលើសំណុំរឿងគ្រឿងញៀន ដើម្បីតម្លាភាព និងពន្លឿនការដោះស្រាយរឿងក្តី និងភាពមិនប្រក្រតីនៅតាមតុលាការ។
ថ្លែងនៅក្នុងសន្និសីទសារព័ត៌មានប្រកាសដាក់ចេញនូវយុទ្ធនាការជំរុញការត្រួតពិនិត្យ និងពន្លឿនការដោះស្រាយរឿងក្តី និងភាពមិនប្រក្រតីនៅតាមតុលាការ នាទីស្ដីការក្រសួងយុត្តិធម៌ កាលពីថ្ងៃទី៩ ខែមករា លោក កើត រិទ្ធ អះអាងថា ជាវិធានការនិងគោលការណ៍ តុលាការត្រូវបង្ហាញសេចក្ដីប្រកាសពីដំណើរការក្ដីលើសំណុំរឿងគ្រឿងញៀន ឱ្យសាធារណជនបានដឹង ទាំងដំណាក់កាលអយ្យការ ដំណាក់កាលស៊ើបសួរ និងដំណាក់កាលជម្រះ។
រដ្ឋមន្ត្រីក្រសួងយុត្តិធម៌រូបនេះព្រមានថា បញ្ហាគ្រឿងញៀនជាបញ្ហាចម្បង...
ក្រុមអ្នកឃ្លាំមើលជំរុញឱ្យក្រសួងមហាផ្ទៃប្រើមន្ត្រីពាក់ព័ន្ធគ្រឿងញៀនធ្វើជាខ្សែរយៈស្រាវជ្រាវរកប្រភពជួញដូរនិងផលិតគ្រឿងញៀន
អ្នកស្រាវជ្រាវសង្គមដើម្បីអភិវឌ្ឍន៍ផ្នត់គំនិត ជំរុញឱ្យក្រសួងមហាផ្ទៃប្រើប្រាស់មន្ត្រីដែលរកឃើញជាប់ពាក់ព័ន្ធនឹងគ្រឿងញៀន ធ្វើជាខ្សែរយៈក្នុងការស្រាវជ្រាវឱ្យដល់ប្រភពនៃការជួញដូរ និងផលិតគ្រឿងញៀន ដើម្បីងាយស្រួលក្នុងការចាត់វិធានការទប់ស្កាត់ជនល្មើស។
អ្នកប្រឹក្សាយោបល់ដើម្បីអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី២៥ ធ្នូ នេះថា បញ្ហាគ្រឿងញៀននៅកម្ពុជាមិនមែនជារឿងថ្មី ហើយក៏មិនមែនជារឿងតូចដែរ។ ជាងនេះទៀត បញ្ហានេះក៏ទំនងជាជាប់ពាក់ព័ន្ធនឹងអ្នកមានអំណាចធំៗក្នុងជួររដ្ឋាភិបាល និងអ្នករកស៊ីធំៗនៅកម្ពុជាដែរ ដូច្នេះវិធានការរបស់ក្រសួងមហាផ្ទៃ ដែលបានព្យួរតួនាទី និងបណ្តេញចេញពីក្របខ័ណ្ឌចំពោះមន្ត្រីក្រោមឱវាទដែលជាប់ពាក់ព័ន្ធនឹងគ្រឿងញៀននៅពេលនេះ...
ជនជាតិចិន២នាក់និងវៀតណាម២នាក់ត្រូវបានចាប់ខ្លួនពាក់ព័ន្ធនឹងសារធាតុញៀនជិត៥០០គីឡូក្រាម
សមត្ថកិច្ចជំនាញប្រឆាំងបទល្មើសគ្រឿងញៀន ចាប់ខ្លួនជនបរទេស ៤នាក់ ក្នុងនោះមានជនជាតិចិន ២នាក់ និងវៀតណាម ២នាក់ នៅគោលដៅចំនួនពីរកន្លែង ដោយរឹបអូសវត្ថុតាងសារធាតុញៀនជិត ៥០០គីឡូក្រាម។
យោងតាមគេហទំព័រហ្វេសប៊ុករបស់អគ្គស្នងការដ្ឋាននគរបាលជាតិ បានឲ្យដឹងថា ក្នុងប្រតិបត្តិការបង្ក្រាបករណីគ្រឿងញៀននេះ សមត្ថកិច្ចជំនាញប្រឆាំងបទល្មើសគ្រឿងញៀន បានចាប់ខ្លួនជនបរទេស ៤នាក់ ក្នុងនោះមានជនជាតិចិន ២នាក់ និងវៀតណាម ២នាក់ នៅគោលដៅចំនួនពីរកន្លែង។ ការចុះបង្ក្រាបនេះ ធ្វើឡើងកាលពីថ្ងៃទី១៩ និងថ្ងៃទី២១ ធ្នូ...
រដ្ឋមន្ត្រីក្រសួងមហាផ្ទៃបណ្ដេញនាយរងការិយាល័យមន្ទីរប្រឆាំងគ្រឿងញៀនចេញពីក្របខ័ណ្ឌនគរបាល
រដ្ឋមន្ត្រីក្រសួងមហាផ្ទៃ លោក ស សុខា សម្រេចបណ្តេញនាយរងការិយាល័យរដ្ឋបាលសរុបនៃមន្ទីរប្រឆាំងបទល្មើសគ្រឿងញៀន ចំណុះអគ្គស្នងការដ្ឋាននគរបាលជាតិ ចេញពីក្របខ័ណ្ឌនគរបាលជាតិ បន្ទាប់ពីរកឃើញថាមន្ត្រីរូបនេះបានពាក់ព័ន្ធនឹងបទល្មើសរក្សាទុកគ្រឿងញៀន។
លោក ស សុខា បានចេញសេចក្តីប្រកាសមួយស្ដីពីការបណ្ដេញចេញពីក្របខ័ណ្ឌមន្ត្រីនគរបាលជាតិកាលពីថ្ងៃទី១៩ ខែធ្នូ ឆ្នាំ២០២៣ ដែលត្រូវបានផ្សព្វផ្សាយនៅថ្ងៃទី២១ ធ្នូ នេះថា ដោយផ្អែកតាមសំណើអគ្គនាយកនៃអគ្គនាយកដ្ឋានធនធានមនុស្ស ក្រសួងមហាផ្ទៃសម្រេចអនុវត្តពិន័យចំពោះវរសេនីយ៍ត្រីលោក សួន តុសិត្យពិទូរ្យ ដែលមានតួនាទីជានាយរងការិយាល័យរដ្ឋបាលសរុបនៃមន្ទីរប្រឆាំងបទល្មើសគ្រឿងញៀន ចំណុះអគ្គស្នងការដ្ឋាននគរបាលជាតិ ដោយសារតែរកឃើញនូវការប្រព្រឹត្តល្មើសវិន័យកម្លាំងនគរបាលជាតិ។
លោក ស...
រដ្ឋមន្ត្រីក្រសួងមហាផ្ទៃ៖ ក្រុមឧក្រិដ្ឋជនដើរមុនការអនុវត្តច្បាប់មួយជំហានជុំវិញអំពើជួញដូរមនុស្សនិងគ្រឿងញៀននៅកម្ពុជា
រដ្ឋមន្ត្រីក្រសួងមហាផ្ទៃ លោក ស សុខា អះអាងថា កម្ពុជាសព្វថ្ងៃនេះកំពុងញាំញីដោយអំពើជួញដូរមនុស្សធ្ងន់ធ្ងរ ខណៈបញ្ហាគ្រឿងញៀនក៏បានក្លាយជាហានិភ័យដ៏ធំមួយទៀតដែរ ព្រោះក្រុមឧក្រិដ្ឋជនបានដើរមុនការអនុវត្តវិធានច្បាប់ក្នុងការទប់ស្កាត់របស់រដ្ឋាភិបាលបានមួយជំហានធំទៅហើយ។
រដ្ឋមន្ត្រីក្រសួងមហាផ្ទៃលោក ស សុខា លើកឡើងថា ក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៣ ក្នុងខេត្តបាត់ដំបង នៅថ្ងៃទី១៩ ខែធ្នូ ឆ្នាំ២០២៣ នេះថា ថ្វីត្បិតតែជនល្មើសប្រព្រឹត្តទង្វើឧក្រិដ្ឋនៅកម្ពុជា ប៉ុន្តែកម្រៃនៃអ្នកទទួលបាន មិនមែននៅកម្ពុជាទេ ចុងក្រោយគឺពួកគេបានផ្ទេរលុយទាំងនោះទៅប្រទេសប៉ែកខាងអឺរ៉ុបវិញទាំងអស់។
លោកបន្ថែមថា រដ្ឋាភិបាលនៅតែមិនអាចកំណត់ពីភាពជាក់លាក់ទៅលើក្រុមឧក្រិដ្ឋជនទាំងនោះបាននៅឡើយ ដោយសារតែពួកគេនៅទីងងឹត ខណៈរដ្ឋាភិបាលនៅទីភ្លឺ...
តុលាការចោទប្រកាន់មន្ត្រីនគរបាលប្រឆាំងបទល្មើសគ្រឿងញៀន ៥នាក់ពីបទចាប់បង្ខាំងមនុស្សដោយខុសច្បាប់
សាលាដំបូងរាជធានីភ្នំពេញ សម្រេចចោទប្រកាន់មន្ត្រីនគរបាលប្រឆាំងបទល្មើសគ្រឿងញៀនចំនួន ៥នាក់ដែលត្រូវបានចាប់ឃុំខ្លួនកាលពីសប្តាហ៍មុន ពាក់ព័ន្ធនឹងករណីគ្រឿងញៀន ពីបទ «ចាប់បង្ខាំងមនុស្សដើម្បីជំរិតយកប្រាក់»។ រហូតមកទល់ពេលនេះ សមត្ថកិច្ចបានបញ្ជូនខ្លួនមន្ត្រីរូបនោះទៅសួរនាំ និងចាត់វិធានការតាមនីតិវិធីច្បាប់។
សាលាដំបូងរាជធានីភ្នំពេញបានចេញសេចក្តីប្រកាសព័ត៌មានកាលពីថ្ងៃទី១២ ខែវិច្ឆិកា ឆ្នាំ២០២៣ នេះថា ផ្អែកតាមលទ្ធផលនៃការស៊ើបអង្កេត តំណាងអយ្យការអមសាលាដំបូងរាជធានីភ្នំពេញ បានសម្រេចបើកការស៊ើបសួរតាមរយៈដីកាសន្និដ្ឋានបញ្ជូនរឿងលើជនសង្ស័យចំនួន ៥នាក់ រួមមានមន្ត្រីថ្នាក់ផ្កាយ២ ឈ្មោះ វ៉ាន់ កុសល ដែលមានឋានៈជាអនុប្រធានមន្ទីរប្រឆាំងគ្រឿងញៀន និងបក្ខពួកចំនួន ៤នាក់ផ្សេងទៀត ខណៈជនសង្ស័យ...
កម្ពុជាបង្ក្រាបករណីប្រើប្រាស់និងជួញដូរគ្រឿងញៀនជិត៧ពាន់ករណីក្នុងរយៈពេលជាង១០ខែឆ្នាំ២០២៣
រដ្ឋាភិបាលកម្ពុជា អះអាងថា រយៈពេលជាង ១០ខែក្នុងឆ្នាំ២០២៣ នេះ ខ្លួនបានបង្ក្រាបករណីប្រើប្រាស់ និងជួញដូរគ្រឿងញៀនបានជិត ៧ពាន់ករណី (៦៨៤៧ករណី) ក្នុងនោះក៏បានឃាត់ខ្លួនអ្នកពាក់ព័ន្ធ ទាំងអ្នកប្រើប្រាស់ និងអ្នកជួញដូរគ្រឿងញៀនបានជិត ១ម៉ឺន ៧ពាន់នាក់ផងដែរ (១៦៩៦៣នាក់) ដែលមានស្ត្រីរហូតដល់ជាង ១ពាន់នាក់ឯណោះ (ស្រី ១០៩០នាក់)។
រដ្ឋាភិបាលកម្ពុជា បានបង្ហាញនៅថ្ងៃទី៧ វិច្ឆិកា នេះថា រយៈពេលត្រឹមតែមួយថ្ងៃ គឺនៅថ្ងៃទី៦...