TAG
គ្រឿងញៀន
សមត្ថកិច្ចឃាត់ខ្លួនជនសង្ស័យ ១០៧នាក់នៅហាងខារ៉ាអូខេ SKY KTV ពាក់ព័ន្ធនឹងគ្រឿងញៀន
សមត្ថកិច្ចក្រុងប៉ោយប៉ែត បើកប្រតិបត្តិការឆ្មក់ចូលបង្ក្រាបទីតាំងខារ៉ាអូខេ SKY KTV នៅភូមិអូរជ្រៅ សង្កាត់អូរជ្រៅ ក្រុងប៉ោយប៉ែត ដោយឃាត់ខ្លួនជនសង្ស័យ ១០៧នាក់ដោយសង្ស័យមានករណីលក់ ឬចែកចាយ និងប្រើប្រាស់ថ្នាំញៀននៅក្នុងខារ៉ាអូខេនោះ។
អធិការនគរបាលក្រុងប៉ោយប៉ែត លោក សៅ សារឿន បានឲ្យដឹងថា កាលពីយប់ថ្ងៃទី៤ វិច្ឆិកា សមត្ថកិច្ចបានចុះឆែកឆេរហាងខារ៉ាអូខេ SKY ដោយសង្ស័យថាមានករណីលក់ ឬចែកចាយ និងប្រើប្រាស់ថ្នាំញៀន។ លោកថា ការចុះបង្ក្រាបនេះ...
អ្នកឃ្លាំមើល៖ ករណីប្រើនិងជួញដូរគ្រឿងញៀនក្នុងជួរនគរបាលបង្ហាញពីការរីករាលដាលវិបត្តិសង្គមធ្ងន់ធ្ងរ
ក្រុមអ្នកឃ្លាំមើលព្រមានថា ការលេចឡើងនូវករណីប្រើប្រាស់ និងជួញដូរគ្រឿងញៀនក្នុងជួរកងកម្លាំងនគរបាល គឺបង្ហាញពីការរីករាលដាលនៃវិបត្តិសង្គមធ្ងន់ធ្ងរ ដែលបានធ្វើឱ្យកើតមាននូវអសន្តិសុខសង្គមនៅមូលដ្ឋានរហូតមក។
អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវលោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី៣ វិច្ឆិកា នេះថា ការរកឃើញនូវការប្រើប្រាស់ និងការជួញដូរគ្រឿងញៀនលើមន្ត្រីនគរបាលកម្ពុជា គឺជាឧទាហរណ៍ជាក់ស្តែងមួយដែលក្រសួងមហាផ្ទៃត្រូវតែរកឱ្យឃើញដល់ឫសគល់ ថាតើការប្រើប្រាស់ និងការជួញដូរនេះមានពាក់ព័ន្ធ ឬការសហការគ្នាជាប្រព័ន្ធដែរឬក៏អត់ បានជាទង្វើរបស់ពួកគេកន្លងមកត្រូវបានលាក់បាំងយ៉ាងមានសុវត្ថិភាព។
លោក សេក សុជាតិ...
កងរាជអាវុធហត្ថ ៦នាក់ត្រូវចាប់ខ្លួនដោយសង្ស័យពាក់ព័ន្ធការជួញដូរគ្រឿងញៀន
មន្ត្រីកងរាជអាវុធហត្ថខេត្តកំពង់ស្ពឺ ចំនួន ៦នាក់ ត្រូវបានចាប់ខ្លួន ដោយសង្ស័យថាពាក់ព័ន្ធករណីជួញដូរគ្រឿងញៀន ស្របពេលដែលប្រមាណ ៦ឆ្នាំមកនេះ រដ្ឋាភិបាលបានបរាជ័យក្នុងការទប់ស្កាត់បទល្មើសគ្រឿងញៀននៅកម្ពុជា។
សេចក្តីប្រកាសព័ត៌មានរបស់កងរាជអាវុធហត្ថលើផ្ទៃប្រទេស ចេញផ្សាយកាលពីថ្ងៃទី២៩ ខែតុលា ឆ្នាំ២០២៣ ឲ្យដឹងថា កម្លាំងជំនាញកងរាជអាវុធហត្ថខេត្តព្រះសីហនុ កាលពីថ្ងៃទី២៦ ខែតុលា បានចុះបង្ក្រាបបទល្មើសគ្រឿងញៀន និងបានធ្វើការស្រាវជ្រាវបន្តរកឃើញបុគ្គលពាក់ព័ន្ធមួយចំនួន រួមទាំងនាយទាហាននៃកងរាជអាវុធហត្ថខេត្តកំពង់ស្ពឺ។
ប្រភពដដែលឲ្យដឹងថា ទោះបីលទ្ធផលនៃការធ្វើតេស្ដរកសារធាតុញៀនលើបុគ្គលសង្ស័យទាំង ៦នាក់នេះពុំឃើញមានផ្ទុកសារធាតុញៀនក៏ដោយ ប៉ុន្តែបើចម្លើយសារភាពនៅថ្ងៃទី២៧ ដល់ថ្ងៃទី២៩ ខែតុលា ពួកគេទាំង...
លោក ហ៊ុន ម៉ាណែត ប្ដេជ្ញាទប់ស្កាត់បទល្មើសគ្រឿងញៀនឱ្យអស់ពីកម្ពុជា
នាយករដ្ឋមន្ត្រីតពូជលោក ហ៊ុន ម៉ាណែត ប្ដេជ្ញាទប់ស្កាត់គ្រឿងញៀនឲ្យអស់ពីកម្ពុជា តាមរយៈកំណែទម្រង់អាជ្ញាធរប្រយុទ្ធប្រឆាំងគ្រឿងញៀន ខណៈគ្រួសាររបស់លោកត្រូវគេរកឃើញថាជាអ្នកនៅពីក្រោយនៃការចរាចរគ្រឿងញៀនដ៏ធំនៅតាមក្លឹបរាត្រីក្នុងប្រទេសកម្ពុជា។
ការប្ដេជ្ញាចិត្តនេះ បន្ទាប់ពីលោក ហ៊ុន ម៉ាណែត បានតែងតាំងលោក នេត សាវឿន អតីតអគ្គស្នងការនគរបាលជាតិ និងជាក្មួយប្រសាអតីតនាយករដ្ឋមន្ត្រីលោក ហ៊ុន សែន ជាប្រធានអាជ្ញាធរប្រយុទ្ធប្រឆាំងគ្រឿងញៀនជំនួសលោក កែ គឹមយ៉ាន កាលពីថ្ងៃទី១២ ខែកញ្ញា ឆ្នាំ២០២៣។
ក្នុងពិធីសម្ពោធអគាររដ្ឋបាលថ្មី និងសមិទ្ធផលនៅខេត្តកំពង់ស្ពឺ និងប្រកាសជាខេត្តអស់មីននាថ្ងៃទី៣០...
មន្ត្រីរដ្ឋាភិបាលម្នាក់ថាការជួញដូរផ្លូវភេទនិងឧក្រិដ្ឋកម្មផ្សេងៗកើតឡើងពីអំពើពុករលួយដែលប្រព្រឹត្តដោយមន្ត្រីរដ្ឋាភិបាល
មន្ត្រីជាន់ខ្ពស់រដ្ឋាភិបាលកម្ពុជា អះអាងថា ប្រសិនបើសមត្ថកិច្ចរបស់លោក ហ៊ុន ម៉ាណែត នៅតែអនុវត្តច្បាប់ដោយធូររលុងក្រោមអំពើពុករលួយ ដែលបង្កឱ្យមានអំពើឧក្រិដ្ឋផ្សេងៗ ដូចជា ការជួញដូរផ្លូវភេទ និងការចរាចរល្បែងអនឡាញខុសច្បាប់ពីសំណាក់ជនជាតិចិន ដូចសព្វថ្ងៃនេះ គឺជាទង្វើបំផ្លាញទាំងកេរ្តិ៍ឈ្មោះរបស់កម្ពុជាផង និងកំពុងបំផ្លាញសេដ្ឋកិច្ចរបស់កម្ពុជាផងដែរ។
មន្ត្រីជាន់ខ្ពស់នៃរដ្ឋាភិបាលថ្មីមួយរូប បានទម្លាយប្រាប់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះដើម្បីសុវត្ថិភាពផ្ទាល់ខ្លួននៅថ្ងៃទី២៦ តុលា នេះថា រដ្ឋាភិបាលកម្ពុជាដែលកំពុងដឹកនាំដោយគណបក្សប្រជាជនកម្ពុជា គឺជាអ្នកដែលត្រូវទទួលខុសត្រូវទាំងស្រុងលើកេរ្តិ៍ឈ្មោះរបស់កម្ពុជាដែលបានខូចខាត ដោយសារការលេចឡើងនូវអំពើឧក្រិដ្ឋកម្មនានា ដូចជាការជួញដូរផ្លូវភេទ...
អ្នកឃ្លាំមើល៖ តាំងពីឪពុកដល់កូនដឹកនាំ សុទ្ធតែប្ដេជ្ញាកម្ចាត់គ្រឿងញៀន តែក្រុមឧក្រិដ្ឋជនរកស៊ីគ្រឿងញៀនកាន់តែកើនឡើង
អ្នកឃ្លាំមើលមិនមានជំនឿទៅលើវិធានការទប់ស្កាត់គ្រឿងញៀនរបស់លោក នេត សាវឿន ដោយថាតាំងពីលោក ហ៊ុន សែន រហូតដល់លោក ហ៊ុន ម៉ាណែត សុទ្ធតែបានប្ដូរផ្ដាច់កម្ចាត់គ្រឿងញៀន តែពួកមេឈ្មួញគ្រឿងញៀនកាន់តែរីកមុខមាត់មានឥទ្ធិពលហូរហៀរទៅវិញ។
ការលើកឡើងរបស់អ្នកវិភាគនេះ បន្ទាប់ពីក្មួយថ្លៃរបស់លោក ហ៊ុន សែន គឺលោក នេត សាវឿន ឧបនាយករដ្ឋមន្ត្រី និងជាប្រធានអាជ្ញាធរប្រយុទ្ធប្រឆាំងគ្រឿងញៀន ចេញគោលការណ៍មួយដោយឲ្យមន្ត្រីតាមក្រសួងស្ថាប័នថ្នាក់ជាតិ និងក្រោមជាតិទាំងអស់ រួមគ្នាទប់ស្កាត់គ្រឿងញៀន ជាពិសេសការនាំចូលសារធាតុគីមី។
លោកបង្ហាញការព្រួយបារម្ភចំពោះពលរដ្ឋតាមមូលដ្ឋាន និងសង្គម...
អ្នកឃ្លាំមើលជំរុញឱ្យមានការស៊ើបអង្កេតរកអ្នកនៅពីក្រោយការជួញដូរគ្រឿងញៀន ជាជាងគ្រាន់តែលុបឈ្មោះទាហានចេញពីក្របខ័ណ្ឌ
អ្នកឃ្លាំមើលចាត់ទុកការលុបឈ្មោះទាហានចេញពីក្របខ័ណ្ឌ ដោយមិនស៊ើបអង្កេតរកអ្នកពាក់ព័ន្ធនឹងបញ្ហាគ្រឿងញៀននោះ ថាជាការបំបាត់ភស្តុតាងក្នុងការស្វែងរកចាប់ខ្លួនមេខ្លោងជួញដូរគ្រឿងញៀនធំ ដែលជំរុញឲ្យបញ្ហានេះបន្តកើតឡើងដដែលៗ។
ក្នុងសេចក្ដីប្រកាសចំនួនពីរដាច់ដោយឡែកពីគ្នារបស់រដ្ឋមន្ត្រីក្រសួងការពារជាតិ លោក ទៀ សីហា បានសម្រេចលុបឈ្មោះនាយទាហានចំនួន ៣នាក់ចេញពីក្របខ័ណ្ឌនៃកងយោធពលខេមរភូមិន្ទចាប់ពីថ្ងៃចុះហត្ថលេខាតទៅ។
នាយទាហានដែលត្រូវបានក្រសួងការពារជាតិលុបឈ្មោះចេញពីក្របខ័ណ្ឌនៃកងយោធពលខេមរភូមិន្ទ ជាគ្រូបច្ចេកទេសថ្មើរជើងនៃសាលានាយទាហានសកម្ម ដោយសារពួកគេពាក់ព័ន្ធនឹងការប្រើប្រាស់គ្រឿងញៀន។
នាយទាហានទាំង ៣នាក់ ក្នុងនោះមានឈ្មោះ ពោន ធា និងឈ្មោះ សាន្ត គឹមសៀង រួមទាំងឈ្មោះ យ៉ែន ច័ន្ទវិសាល។
ការលុបឈ្មោះនាយទាហានទាំង ៣នាក់នេះ ធ្វើឡើងបន្ទាប់ពីលោក ទៀ...
ក្រសួងមហាផ្ទៃដាក់វិធានការតេស្ដសារធាតុញៀនលើមន្ត្រីពន្ធនាគារគ្រប់ជាន់ថ្នាក់ទូទាំងប្រទេស
អគ្គនាយកដ្ឋានពន្ធនាគារនៃក្រសួងមហាផ្ទៃ ដាក់ចេញវិធានការធ្វើតេស្ដរកសារធាតុញៀនលើមន្ត្រីពន្ធនាគារគ្រប់ជាន់ថ្នាក់ និងជនជាប់ឃុំដែលមានការសង្ស័យប្រើប្រាស់គ្រឿងញៀននៅទូទាំងប្រទេស ហើយបើរកឃើញថាមន្ត្រីពន្ធនាគារណាម្នាក់មានចេតនាគេចវេះ នឹងត្រូវអនុវត្តតាមវិធានការច្បាប់ដោយគ្មានករណីលើកលែងដាច់ខាត។
អគ្គនាយកនៃអគ្គនាយកដ្ឋានពន្ធនាគាររបស់ក្រសួងមហាផ្ទៃ លោក ឈន សាណាត បានចេញសេចក្តីណែនាំស្ដីពីការចុះប្រតិបត្តិការធ្វើតេស្ដទឹកនោមរកសារធាតុញៀនលើមន្ត្រីពន្ធនាគារទូទាំងប្រទេស និងជនជាប់ឃុំដែលមានការសង្ស័យប្រើប្រាស់សារធាតុញៀន កាលពីថ្ងៃទី២៧ ខែកញ្ញា ឆ្នាំ២០២៣ នេះថា ដើម្បីធានាប្រសិទ្ធភាពនៃការអនុវត្តការងាររបស់មន្ត្រីពន្ធនាគារនៅតាមមណ្ឌលអប់រំកែប្រែ និងពន្ធនាគាររាជធានី-ខេត្តឲ្យកាន់តែមានប្រសិទ្ធភាព និងទទួលបានការជឿទុកចិត្តពីមជ្ឈដ្ឋានទូទៅ អគ្គនាយកដ្ឋានពន្ធនាគារត្រូវតែអនុវត្តវិធានការនេះជាកំហិត។
លោក ឈន សាណាត អះអាងថា សម្រាប់ការចុះប្រតិបត្តិការធ្វើតេស្ដរកសារធាតុញៀនជាក់ស្ដែងនោះ គឺត្រូវសហការជាមួយមន្ត្រីពេទ្យ ឬពន្ធនាគារតាមគោលដៅនីមួយៗ...
អ្នកឃ្លាំមើលហៅវិធានការរដ្ឋមន្ត្រីការពារជាតិប្រកាសចាត់ការទាហានពាក់ព័ន្ធគ្រឿងញៀនថាមិនមានប្រសិទ្ធភាព
អ្នកឃ្លាំមើលហៅវិធានការរបស់រដ្ឋមន្ត្រីក្រសួងការពារជាតិ ដែលប្រកាសចាត់ការទាហានដែលពាក់ព័ន្ធគ្រឿងញៀន ថាមិនមានប្រសិទ្ធភាពឡើយ ដោយសារពួកអ្នកជួញដូរ និងចែកចាយគ្រឿងញៀនមិនមែនជាកូនទាហាន ឬមន្ត្រីតូចតាចនោះទេ។
ការលើកឡើងនេះ បន្ទាប់ពីរដ្ឋមន្ត្រីក្រសួងការពារជាតិ លោក ទៀ សីហា កាលពីថ្ងៃទី២៣ ខែកញ្ញា ឆ្នាំ២០២៣ បានព្រមានចាត់វិធានការច្បាប់ចំពោះទាហានណាដែលជាប់ពាក់ព័ន្ធ និងប្រើប្រាស់គ្រឿងញៀន។ ក្រៅពីប្រកាសដូច្នេះ លោកថាអ្នកដែលប្រឡងចូលក្របខ័ណ្ឌកងទ័ព ក៏ត្រូវតែធ្វើតេស្ដគ្រឿងញៀនយ៉ាងតិចចំនួនបួនដងផងដែរ។
អនុប្រធានវេទិកាពលរដ្ឋ លោក ម៉ែន ណាត បានប្រាប់សារព័ត៌មាន The Cambodia...
អ្នកឃ្លាំមើលជំរុញឱ្យលោក នេត សាវឿន ស៊ើបអង្កេតលើសាច់ញាតិនិងមន្ត្រីធំៗដើម្បីទប់ស្កាត់បទល្មើសគ្រឿងញៀន
អ្នកឃ្លាំមើលជំរុញឲ្យអាជ្ញាធរគ្រឿងញៀន លោក នេត សាវឿន បើកការស៊ើបអង្កេតវះកាត់សាច់ញាតិ និងមន្ត្រីធំៗដូចជាឧកញ៉ា ហ៊ុន តូ ឧកញ៉ា ហ៊ុន ជា និងឧកញ៉ា ម៉ុង ឫទ្ធី ទើបអាចទប់ស្កាត់បទល្មើសនេះមានប្រសិទ្ធភាព។
ការជំរុញនេះ ធ្វើឡើងបន្ទាប់ពីអាជ្ញាធរជាតិប្រយុទ្ធប្រឆាំងគ្រឿងញៀនបង្ហាញរបាយការណ៍នៃការបង្ក្រាបបទល្មើសគ្រឿងញៀនចាប់ពីដើមឆ្នាំ២០២៣ រហូតមកដល់បច្ចុប្បន្នបានជាង ៤ពាន់ករណី ក្នុងនោះមានសារធាតុញៀនជាង ២តោន និងសារធាតុគីមីផ្សំប្រមាណ ៩០០គីឡូក្រាម ដោយឃាត់ខ្លួនមនុស្សចំនួនជាង ១ម៉ឺននាក់...