TAG
មិច ឆាយភីវ័យ
សមត្ថកិច្ចម្នាក់ស្លាប់អំឡុងពេលចុះបង្ក្រាបបទល្មើសគ្រឿងញៀន
សមត្ថកិច្ចម្នាក់បានស្លាប់អំឡុងពេលចុះបង្ក្រាបបទល្មើសគ្រឿងញៀន ដែលបានកើតឡើងនៅតាមបណ្តោយផ្លូវព្រៃស ខណ្ឌដង្កោ រាជធានីភ្នំពេញ ខណៈឧក្រិដ្ឋជនគ្រឿងញៀន ៣នាក់ត្រូវបានចាប់ខ្លួន។
បើតាមអគ្គលេខាធិការដ្ឋាននៃអាជ្ញាធរជាតិប្រយុទ្ធប្រឆាំងគ្រឿងញៀន ឲ្យដឹងថា សមត្ថកិច្ចដែលស្លាប់ឈ្មោះ ម៉ិច ឆាយភីវ័យ តួនាទីនាយរងការិយាល័យផ្សព្វផ្សាយអប់រំនៃមន្ទីរប្រឆាំងគ្រឿងញៀន។
ប្រភពដដែលថា ការស្លាប់នេះខណៈកម្លាំងមន្ទីរប្រឆាំងគ្រឿងញៀនបានបើកប្រតិបត្តិការបង្ក្រាបក្រុមឧក្រិដ្ឋជនគ្រឿងញៀន កាលពីយប់ថ្ងៃទី២៨ ខែធ្នូ ឆ្នាំ២០២២ នេះ ហើយត្រូវបានក្រុមឧក្រិដ្ឋជនបាញ់រះមកលើសមត្ថកិច្ចវិញ។
អាជ្ញាធរឲ្យដឹងថា ករណីនេះសមត្ថកិច្ចមន្ទីរប្រឆាំងគ្រឿងញៀនបានឡើងប្រកាសតាមវិទ្យុទាក់ទងឲ្យកម្លាំងសមត្ថកិច្ចពង្រាយកម្លាំងជួយឃាត់រថយន្តក្រុមជនសង្ស័យមួយក្រុមម៉ាកអាល់ហ្វាត ពណ៌ស ពាក់ស្លាកលេខ០៣៦៥ បន្ទាប់ពីក្រុមទាំងនោះមានការផ្ទុះអាវុធជាមួយសមត្ថកិច្ចពេលចុះបង្ក្រាប លុះចំណុចស្តុបផ្លូវ៦០ម៉ែត្រ កែង ៥០ម៉ែត្រ...