TAG
រុស្ស៊ី-អ៊ុយក្រែន
លោក ហ៊ុន សែន៖ បើអាមេរិកផ្តល់ជំនួយគ្រាប់បែកចង្កោមដល់អ៊ុយក្រែន នោះអ្នករងគ្រោះជាប្រជាជនអ៊ុយក្រែន
នាយករដ្ឋមន្ត្រីកម្ពុជាលោក ហ៊ុន សែន ព្រមានថា ប្រសិនបើប្រធានាធិបតីសហរដ្ឋអាមេរិកពិតជាផ្តល់គ្រាប់បែកចង្កោមដល់ប្រទេសអ៊ុយក្រែន មែននោះ អ្នករងគ្រោះពិតប្រាកដគឺជាប្រជាជនអ៊ុយក្រែន ព្រោះរឿងនេះគឺជាដានប្រវត្តិសាស្ត្រដ៏ជូរចត់មួយរបស់ប្រទេសកម្ពុជាដែលបានកើតឡើងរួចមកហើយកាលពីជាង ៥០ឆ្នាំមុន។
បុរសខ្លាំងដែលអួតពីការបញ្ចប់សង្គ្រាមនៅកម្ពុជា លោក ហ៊ុន សែន បានសរសេរលើបណ្ដាញទំនាក់ទំនងតេឡេក្រាមកាលពីថ្ងៃទី៩ ខែកក្កដា ឆ្នាំ២០២៣ នេះថា ប៉ុន្មានថ្ងៃមកនេះមានការផ្សព្វផ្សាយថា សហរដ្ឋអាមេរិកនឹងផ្តល់គ្រាប់បែកចង្កោមឲ្យទៅអ៊ុយក្រែន ដើម្បីប្រយុទ្ធជាមួយកងទ័ពរុស្ស៊ី ដូច្នេះប្រសិនបើរឿងនេះជាការពិត វានឹងក្លាយទៅជាគ្រោះថ្នាក់ធំបំផុតសម្រាប់ប្រជាជនអ៊ុយក្រែនរាប់សិបឆ្នាំ ឬរហូតដល់រយឆ្នាំទៀតផង ប្រសិនបើគ្រាប់បែកចង្កោមនេះយកទៅប្រើប្រាស់ក្នុងតំបន់ដែលរុស្ស៊ីកាន់កាប់ក្នុងទឹកដីអ៊ុយក្រែន។
មេដឹកនាំខ្មែរដែលមានទំនោរទៅរកការដឹកនាំបែបកុម្មុយនីស្ត លោក...
អាមេរិកសម្រេចបញ្ជូនគ្រាប់បែកចង្កោមទៅឱ្យអ៊ុយក្រែន ខណៈបើកការវាយបករំដោះទឹកដីរុស្ស៊ីវិញជិតមួយខែហើយ
សហរដ្ឋអាមេរិកកំពុងរៀបចំកញ្ចប់ជំនួយយោធាថ្មីក្នុងទំហំទឹកប្រាក់ ៨០០លានដុល្លារបន្ថែមទៀតដល់អ៊ុយក្រែន ដែលក្នុងនោះមានគ្រាប់បែកចង្កោមដែលប្រទេសជាង ១២០ បានចុះកិច្ចព្រមព្រៀងរួមគ្នាបង្កើតជាច្បាប់អន្តរជាតិហាមប្រើប្រាស់អាវុធប្រភេទនេះ។
តាមសារព័ត៌មានអាមេរិក New York Times បានឲ្យដឹងថា ជំនួយយោធាថ្មីដែលអាមេរិកត្រៀមបញ្ជូនទៅឱ្យអ៊ុយក្រែននេះ គឺដើម្បីជួយបង្កើនប្រសិទ្ធភាពវាយបករបស់កងទ័ពអ៊ុយក្រែន ដែលចូលដល់ ២៦ថ្ងៃហើយនៃយុទ្ធនាការវាយបក។
គ្រាប់បែកចង្កោម គឺជាអាវុធដែលប្រទេសជាង ១២០ បានហាមឃាត់ការប្រើប្រាស់ ប៉ុន្តែសហរដ្ឋអាមេរិក និងអ៊ុយក្រែន ទាំងរុស្ស៊ី ពុំបានចុះហត្ថលេខាលើច្បាប់អន្តរជាតិនេះទេ។ គ្រាប់បែកចង្កោមដែលសហរដ្ឋអាមេរិកត្រៀមផ្តល់ដល់អ៊ុយក្រែន ត្រូវគេរំពឹងថានឹងប្រកាសនៅថ្ងៃសុក្រ ទី៧ ខែកក្កដា។
ជំនួយយោធាទាំងនេះនឹងត្រូវបញ្ចេញពីឃ្លាំងស្តុករបស់ក្រសួងការពារជាតិអាមេរិក។...
ពួកបស្ចិមប្រទេសថារុស្ស៊ីកំពុងធ្លាក់ក្នុងការបែកបាក់ជុំវិញយុទ្ធសាស្ត្រសង្គ្រាមរបស់លោក ពូទីន
អំពើចលាចលយោធារយៈពេល ២៤ម៉ោងកាលពីថ្ងៃសៅរ៍ ទី២៥ ខែមិថុនា ដែលក្រុមទាហានស៊ីឈ្នួល Wagner បង្កនៅក្នុងទឹកដីរុស្ស៊ី បាននាំទៅរកការបញ្ចេញមតិរបស់ក្រុមបស្ចិមប្រទេស និងអ្នកសង្កេតការណ៍ដែលថា យុទ្ធសាស្ត្រសង្គ្រាមឈ្លានពានប្រទេសអ៊ុយក្រែន របស់លោក ពូទីន ដើរដល់ចំណុចធាក់ថយក្រោយវិញហើយ ព្រោះតែអស់លទ្ធភាពវាយកាន់កាប់ទឹកដីអ៊ុយក្រែន។
កាលពីថ្ងៃទី២៥ មិថុនា ពិភពលោកមានការភ្ញាក់ផ្អើលជាខ្លាំងចំពោះក្រុមទាហានស៊ីឈ្នួលឱ្យរុស្ស៊ី ហៅថា Wagner group ដែលបានលើកទ័ពជាង ២ម៉ឺន ៥ពាន់នាក់ចូលក្នុងប្រទេសរុស្ស៊ី ដោយបើកការវាយប្រហារជាមួយទ័ពរុស្ស៊ី នៅក្នុងទីក្រុងចំនួនពីរនៅក្បែរព្រំដែនប្រទេសអ៊ុយក្រែន។
តាមការចុះផ្សាយរបស់សារព័ត៌មាន...
បច្ចុប្បន្នភាពទាក់ទងនឹងសង្គ្រាមរុស្ស៊ី-អ៊ុយក្រែនចូលដល់ ៤៨៤ថ្ងៃ
ក្រុមមន្ត្រីដែលរុស្ស៊ីលើកបន្តុបនៅក្នុងផ្នែកមួយនៃតំបន់ខឺសុន ភាគខាងត្បូងប្រទេសអ៊ុយក្រែន បាននិយាយនៅថ្ងៃព្រហស្បតិ៍នេះថា ការវាយប្រហារដោយមីស៊ីលរបស់អ៊ុយក្រែន បានត្រូវចំលើ Chongar ដែលតភ្ជាប់ជាមួយឧបទ្វីបគ្រីមៀរ។
លោក Vladimir Saldo មន្ត្រីលើកបន្តុបដោយរុស្ស៊ី នៅក្នុងតំបន់ខឺសុន និយាយថា ការវាយប្រហារនេះ អ៊ុយក្រែនបាញ់មីស៊ីល Storm Shadow។ មីស៊ីល Storm Shadow ជាជំនួយរបស់អង់គ្លេស។ មីស៊ីលនេះវាអាចរត់បានរយៈចម្ងាយ ៣០០គីឡូម៉ែត្រ។
ចំណែកអភិបាលតំបន់គ្រីមៀរ លោក Sergey...
ផែនការសន្តិភាពរបស់ចិនបរាជ័យ អាហ្រ្វិកខាងត្បូងហក់ចូលមកជំនួសដោយហ៊ានប្រាប់លោក ពូទីន ថាត្រូវបញ្ចប់សង្គ្រាម
នៅទីបំផុត ផែនការសន្តិភាពរបស់ចិន ១២ចំណុចដែលមិនបានលើកឡើងចំៗអំពីការដកទ័ពរុស្ស៊ី ចេញពីទឹកដីអ៊ុយក្រែន និងបង្ខំឱ្យរុស្ស៊ី គោរពអធិបតេយ្យភាពរបស់អ៊ុយក្រែន កំពុងតែបរាជ័យដែលពុំអាចរំកិលខ្លួនពីចំណុចសូន្យបាននោះទេ។
ឥឡូវនេះ អាហ្វ្រិកខាងត្បូងដែលជាសម្ព័ន្ធមិត្តរបស់រុស្ស៊ីដូចចិនដែរ បានតាំងខ្លួនចូលមកសម្របសម្រួលឱ្យមានសន្តិភាពសម្រាប់ប្រជាជនអ៊ុយក្រែន។ តែសម្រាប់មេដឹកនាំអាហ្វ្រិកខាងត្បូង ខុសពីមេដឹកនាំចិន ដោយហ៊ានប្រាប់ត្រង់ទៅលោក ពូទីន ថា ត្រូវបញ្ចប់សង្គ្រាម ព្រោះវាបង្កឱ្យមានផលវិបាកជាខ្លាំងដល់ពិភពលោក។
ជាមួយគ្នានេះ អាហ្វ្រិកខាងត្បូងបានបង្កើតក្រុមប្រតិភូនៃប្រទេសនៃទ្វីបអាហ្វ្រិកមាន ៧ប្រទេស ដើរតួនាទីជាអ្នកសម្របសម្រួលដែលមើលទៅដូចជាមានភាពរឹងមាំជាងចិន ហើយផែនការសន្តិភាពនេះមាន ១០ចំណុច។
ផែនការសន្តិភាព ១០ចំណុច ក្នុងនោះរួមមាន ការបន្ធូរបន្ថយភាពតានតឹង...
ប្រធានាធិបតីរុស្ស៊ីចង់បន្តធ្វើសង្គ្រាមផង ចង់ចរចាផង ខណៈអ៊ុយក្រែនវាយបកទ្រង់ទ្រាយធំ
លោក វ៉្លាឌីមៀរ ពូទីន ប្រធានាធិបតីរុស្ស៊ី បានចេញមុខតាមកញ្ចក់ទូរទស្សន៍កាលថ្ងៃទី១៣ មិថុនា នៅក្នុងកម្មវិធីជួបសំណេះសំណាលជាមួយអ្នកកាសែត ដើម្បីនិយាយអំពីដំណើរការនៅសមរភូមិក្នុងទឹកដីអ៊ុយក្រែន។
នៅក្នុងជំនួបនេះ មេដឹកនាំវិមានក្រឹមឡាំងរូបនេះមើលទៅដូចជាមានភាពជឿជាក់អំពីយុទ្ធសាស្ត្ររបស់ខ្លួនដែលលើកទ័ពទៅធ្វើសង្គ្រាមឈ្លានពានប្រទេសអ៊ុយក្រែន ថានឹងឈ្នះសង្គ្រាម តែជាមួយគ្នានេះ លោកពោលពាក្យថា លោកក៏ចង់ឱ្យមានការចរចាទៅរកសន្តិភាពរវាងប្រទេសទាំងពីរឡើងវិញផងដែរ។
ថ្លែងទៅកាន់អ្នកសារព័ត៌មាន លោក ពូទីន បានអះអាងថា កងទ័ពអ៊ុយក្រែនកំពុងតែចាញ់ខ្លាំងសម្បើមនៅក្នុងប្រតិបត្តិការវាយបក ដែលកងទ័ពអ៊ុយក្រែនព្យាយាមទម្លុះចូលមកខាងទឹកដីដែលរុស្ស៊ី កាន់កាប់ តែជួបរឿងបរាជ័យធ្ងន់ធ្ងរ ព្រោះតែកងទ័ពរុស្ស៊ីបានចាប់ជាប់ចំណុចខ្សោយទ័ពអ៊ុយក្រែន ហើយវាយរុញច្រានត្រឡប់ទៅវិញ។ លោក ពូទីន...
UN ប្រជុំគ្នាបន្ទាន់អំពីមហន្តរាយនៃការបាក់ទំនប់វារីអគ្គិសនី Kakhovka ប្រទេសអ៊ុយក្រែន
ក្រុមប្រឹក្សាសន្តិសុខអង្គការសហប្រជាជាតិដែលមាន ១៥ប្រទេស បានបើកប្រជុំបន្ទាន់មួយតាមសំណើប្រទេសអ៊ុយក្រែន ដើម្បីពិនិត្យមើលទំហំប៉ះពាល់ និងការបង្កវិនាសកម្មមនុស្សជាតិទៅលើប្រជាជនអ៊ុយក្រែន ដែលរងគ្រោះដោយសារទឹកជន់លិចស្រុកភូមិពីការបាក់ទំនប់វារីអគ្គិសនី Kakhovka នៅក្នុងតំបន់ Kherson នៃភាគខាងត្បូងនៃទឹកដីអ៊ុយក្រែន។
តាមសារព័ត៌មាននៃប្រទេសអ៊ុយក្រែន Kyiv Post បានឱ្យដឹងថា ក្រសួងការបរទេសអ៊ុយក្រែន បានបញ្ជូនសំណើរបស់លោក ហ្សេឡេនស្គី ដោយស្នើបើកកិច្ចប្រជុំជាបន្ទាន់របស់ក្រុមប្រឹក្សាសន្តិសុខអង្គការសហប្រជាជាតិ ដើម្បីថ្កោលទោសរុស្ស៊ី ដែលក្រុងគៀវ ចោទថាជាអ្នកបង្កឱ្យបាក់ទំនប់វារីអគ្គិសនី Kakhovka ដោយការវាយប្រហារកម្ទេចទំនប់ទប់ទឹកដ៏សំខាន់មួយនេះ។
ក្នុងសេចក្ដីថ្លែងការណ៍របស់ក្រសួងការបរទេសអ៊ុយក្រែន បានហៅរុស្ស៊ី ជារដ្ឋភេរវកម្មដែលបំផ្លាញទំនប់វារីអគ្គិសនីដ៏ធំមួយ...
សង្គ្រាមនៅអ៊ុយក្រែនប្រែប្រួលហើយខណៈអ៊ុយក្រែនចាប់ផ្ដើមវាយបកលើទីតាំងទ័ពរុស្ស៊ី
ការវាយបកដើម្បីរំដោះទឹកដីពីរុស្ស៊ី មកវិញចាប់ផ្ដើមហើយ ដោយអ៊ុយក្រែន ចាប់បើកទ្វារសង្គ្រាមវាយរំដោះទឹកដីរបស់ខ្លួនពីរុស្ស៊ី មកវិញនៅភាគខាងកើត និងខាងត្បូងប្រទេស ខណៈឧបទ្វីបគ្រីមៀរ ដែលធ្លាក់ក្នុងរុស្ស៊ី នៅឆ្នាំ២០១៤ ក៏នឹងក្លាយជាសមរភូមិចុងក្រោយផងដែរ។
នៅថ្ងៃទី៦ មិថុនា នេះ មានសេចក្ដីរាយការណ៍ជាច្រើន ដូចជាបណ្ដាញផ្សាយព័ត៌មានអង់គ្លេស BBC បណ្ដាញផ្សាយព័ត៌មានអាល្លឺម៉ង់ DW និងសារព័ត៌មានអ៊ុយក្រែន The Kyiv Post បានធ្វើសេចក្ដីរាយការណ៍មកថា អ៊ុយក្រែនបញ្ចេញរថពាសដែក ១៨០គ្រឿង...
មេក្រុមទាហានស៊ីឈ្នួលឱ្យរុស្ស៊ីថាទ័ពរបស់លោក ពូទីន ស្លាប់២ម៉ឺននាក់នៅសមរភូមិបាកមូត
មេក្រុមទាហានស៊ីឈ្នួល Wagner Group របស់រុស្ស៊ី លោក Yevgeny Prigozhin បាននិយាយថា ទាហានរបស់លោកប្រហែល ២ម៉ឺននាក់បានសម្លាប់នៅក្នុងការប្រយុទ្ធគ្នាក្នុងរយៈពេលជាច្រើនខែ ដើម្បីគ្រប់គ្រងទីក្រុងបាកមូត ដែលស្ថិតនៅភាគខាងកើតអ៊ុយក្រែន។ នេះបើយោងតាមការចុះផ្សាយដោយទីភ្នាក់ងារសារព័ត៌មាន AFP នៅថ្ងៃព្រហស្បតិ៍ ទី២៥ ខែឧសភា។
លោក Prigozhin បានឲ្យដឹងថា លោកបានជ្រើសរើសអ្នកទោសចំនួន ៥ម៉ឺននាក់ឲ្យចូលរួមប្រយុទ្ធជាមួយក្រុម Wagner នៅក្នុងសង្គ្រាមរបស់រុស្ស៊ី នៅអ៊ុយក្រែន...
លោក ហ្សេឡេនស្គី ទៅសួរសុខទុក្ខកងទ័ពនៅសមរភូមិជួរមុខក្រោយពីលោកវិលចូលប្រទេសវិញ
ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី នៅថ្ងៃអង្គារនេះបានធ្វើដំណើរទៅសួរសុខទុក្ខកងទ័ពអ៊ុយក្រែន នៅឯសមរភូមិជួរមុខក្នុងតំបន់ដូណេត ភាគខាងកើតប្រទេស ជាទីដែលកងកម្លាំងរបស់រុស្ស៊ី បើកការវាយប្រហារយ៉ាងខ្លាំងដើម្បីពង្រីកទឹកដីបន្ថែមទៀត ជាពិសេសនៅតំបន់បាកមូត។
ទីភ្នាក់ងារព័ត៌មាន AFP នៅថ្ងៃអង្គារ ទី២៣ ខែឧសភា នេះ បានរាយការណ៍មកថា ការិយាល័យប្រធានាធិបតីអ៊ុយក្រែន បានចេញសេចក្តីថ្លែងការណ៍ដែលបញ្ជាក់អំពីលោក ហ្សេឡេនស្គី ទៅសមរភូមិជួរមុខដើម្បីសួរសុខទុក្ខកងទ័ព។
សេចក្ដីថ្លែងការណ៍នោះបានឲ្យដឹងថា លោក ហ្សេឡេនស្គី បានធ្វើដំណើរទៅកាន់ទីតាំងសមរភូមិជួរមុខរបស់កងកម្លាំងប្រដាប់អាវុធអ៊ុយក្រែន ស្ថិតនៅខ្សែបន្ទាត់ការពារនៅតំបន់...