TAG
ហ៊ុន សែន
លោក ហ៊ុន សែន៖ កម្ពុជានាំមុខគេក្នុងបេសកកម្មលក្ខណៈអន្តរជាតិក្នុងក្របខ័ណ្ឌអង្គការសហប្រជាជាតិ
បុរសខ្លាំងនៅកម្ពុជា លោក ហ៊ុន សែន អះអាងថា កម្ពុជាបានជាប់ជាប្រទេសនាំមុខគេដែលផ្តល់ឱកាសឲ្យកងទ័ពនារីមួកខៀវចូលរួមបេសកកម្មជាលក្ខណៈអន្តរជាតិ ក្នុងក្របខ័ណ្ឌអង្គការសហប្រជាជាតិទៅក្រៅប្រទេសជាច្រើនឆ្នាំមកនេះ។
មេដឹកនាំកម្ពុជាដែលប្ដេជ្ញាកាន់អំណាចមួយជីវិត លោក ហ៊ុន សែន បានសរសេរលើទំព័រ Facebook របស់លោក ដើម្បីអបអរសាទរខួប ៦៦ឆ្នាំ ដែលកម្ពុជាចូលជាសមាជិកអង្គការសហប្រជាជាតិ (UN) នៅថ្ងៃទី១៤ ខែធ្នូ ឆ្នាំ២០២១ នេះថា កងទ័ពមួកខៀវកម្ពុជាជាកម្លាំងជំនាញផ្នែកវិស្វកម្ម កម្លាំងពេទ្យ កម្លាំងបោសសម្អាតមីន...
បទវិភាគ៖ តើលោក ហ៊ុន សែន ចង់ឃើញប្រទេសកម្ពុជាបែបណាក្រោយសម័យកាលរបស់គាត់?
លោក ហ៊ុន សែន តែងតែអួតអំពីការកាន់អំណាចក្នុងរយៈពេលដ៏យូររបស់លោក ប៉ុន្តែលោកមិនដែលខ្វល់អំពីភាពក្រីក្ររបស់ពលរដ្ឋខ្មែរ និងប្រទេសជាតិនោះឡើយ។ លើសពីនេះទៀត លោកក៏មិនដែលលើកឡើងអំពីភាពទុច្ចរិតរបស់លោកក្នុងការដណ្តើមអំណាចអំពីលោក ប៉ែន សុវណ្ណ អតីតមេរបស់លោក ការកម្ចាត់ក្រុមគណបក្សប្រឆាំង និងសហការីរបស់លោកក្នុងជួរបក្សនោះឡើយ។
ការកាន់អំណាចយូរជាមោទកភាពរបស់លោក ហ៊ុន សែន តែប្រហែលមិនមែនជាមោទកភាពរបស់ជាតិនោះឡើយ ស្របពេលដែលពលរដ្ឋនឹងកាន់តែក្រ ហើយសេដ្ឋកិច្ចរបស់ប្រទេសចុះទន់ខ្សោយជាលំដាប់។
ទោះបីការគ្រប់គ្រងអំណាចដ៏យូររបស់លោកបន្សល់ទុកនូវផលលំបាកយ៉ាងធ្ងន់ធ្ងរសម្រាប់ជាតិដូចបច្ចុប្បន្ននេះក្តី លោក ហ៊ុន សែន តែងប្រកាសថា លោកនៅតែអាចបន្តកាន់អំណាច ១០ឆ្នាំទៅមុខទៀតបាន...
ក្រុមតស៊ូមតិនៅឯនាយសមុទ្រថាកម្ពុជាមិនត្រូវឲ្យតម្លៃមេយោធាផ្ដាច់ការភូមានោះទេ
បញ្ញវន្តខ្មែរនៅក្រៅស្រុក ព្រមានថា បើមេដឹកនាំបក្សកាន់អំណាច លោក ហ៊ុន សែន ប្ដេជ្ញាយកមេយោធាផ្ដាច់ការភូមា មីន អ៊ុងឡាំង មកចូលក្នុងកិច្ចប្រជុំអាស៊ានឱ្យបាន គឺមានន័យថា ឋានៈរដ្ឋាភិបាលឯកបក្សលោក ហ៊ុន សែន មានកម្រិតស្មើត្រឹមតែឋានៈជាមេដឹកនាំផ្ដាច់ការភូមាប៉ុណ្ណោះ ដែលមិនមានតម្លៃធ្វើជារដ្ឋាភិបាលគំរូក្នុងការដឹកនាំអាស៊ាននោះទេ។
ប្រធានក្រុមប្រឹក្សាភិបាលនៃចលនាពលរដ្ឋដើម្បីប្រជាធិបតេយ្យ លោក ម៉ែន ណាត បានលើកឡើងក្នុងកម្មវិធី Idea Talk នៃសារព័ត៌មាន The...
លោក ហ៊ុន សែន ជំរុញឲ្យអ្នកសារព័ត៌មាននៅកម្ពុជាគោរពវិជ្ជាជីវៈនិងសុចរិតភាពពេលបំពេញភារកិច្ច
មេដឹកនាំខ្មែរដែលក្រាញអំណាចយូរជាងគេក្នុងពិភពលោក ចោទស្ថាប័នសារព័ត៌មាន និងអ្នកសារព័ត៌មានមួយចំនួននៅកម្ពុជា ថាបានប្រើឧបាយកលបំផុសបំផុលពលរដ្ឋ ដោយការផ្សព្វផ្សាយនូវព័ត៌មានមិនពិតក្នុងពេលផ្ទុះឡើងនៃ Covid-19 ប៉ុន្តែត្រូវរដ្ឋាភិបាលកម្ពុជាទប់ស្កាត់ទាន់ពេលវេលា ដែលបានធ្វើឱ្យផែនការរបស់ពួកគេត្រូវបរាជ័យទាំងស្រុង។
លោក ហ៊ុន សែន បានចេញលិខិតក្នុងឱកាសវេទិកានិពន្ធនាយកសារព័ត៌មានកម្ពុជា ស្ដីពី Covid-19 កាលពីចុងសប្តាហ៍កន្លងទៅនេះថា រដ្ឋាភិបាលកម្ពុជាសូមចូលរួមអបអរសាទរវេទិកានិពន្ធនាយកសារព័ត៌មាន ដើម្បីលើកគុណភាព និងកិត្យានុភាពស្ថាប័នសារព័ត៌មាន និងសេរីភាពសារព័ត៌មានដែលបានធានាដោយរដ្ឋធម្មនុញ្ញ និងច្បាប់ស្ដីពីរបបសារព័ត៌មានរបស់កម្ពុជា។
លោកនាយករដ្ឋមន្ត្រីអំពាវនាវឱ្យស្ថាប័ន និងអ្នកសារព័ត៌មានទាំងអស់ ត្រូវតែប្រកាន់ខ្ជាប់នូវក្រមសីលធម៌វិជ្ជាជីវៈសារព័ត៌មាន និងសុចរិតភាពក្នុងការបំពេញភារកិច្ច ចៀសវាងការបំពានច្បាប់ និងវិជ្ជាជីវៈដោយគិតតែប្រយោជន៍ផ្ទាល់ខ្លួន...
លោក កឹម សុខា៖ ការការពារសិទ្ធិមនុស្សមិនអាចចាត់ទុកថាជាការលូកដៃចូលកិច្ចការផ្ទៃក្នុងនៃប្រទេសណាមួយនោះទេ
មេដឹកនាំបក្សប្រឆាំងដែលមិនទាន់មានសេរីភាពពេញលេញ លោក កឹម សុខា លើកឡើងថា ការចូលរួមលើកកម្ពស់ និងការការពារសិទ្ធិមនុស្ស មិនអាចចាត់ទុកថាជាការលូកដៃចូលកិច្ចការផ្ទៃក្នុង ឬជាការរំលោភលើអធិបតេយ្យភាពនៃប្រទេសណាមួយនោះទេ។
ប្រធានគណបក្សសង្គ្រោះជាតិ ដែលកំពុងរងការរឹតត្បិតសេរីភាព លោក កឹម សុខា បានសរសេរលើទំព័រ Facebook របស់លោកនៅថ្ងៃទី១០ ខែធ្នូ ថា ការមិនឲ្យតម្លៃសិទ្ធិមនុស្ស ការមិនគោរពសិទ្ធិគ្នាទៅវិញទៅមក ជាពិសេសការរំលោភសិទ្ធិមនុស្ស គឺជាដើមចមនៃជម្លោះទាំងឡាយដែលអាចរីករាលដាលរហូតដល់មានសង្គ្រាម នាំឲ្យពលរដ្ឋទទួលរងនូវការឈឺចាប់ វិនាសកម្ម...
លោក ហ៊ុន សែន៖ បើចង់មានឯករាជភាពលើវិស័យការពារជាតិ សូមកុំប្រើអាវុធអាមេរិក
មេដឹកនាំបក្សកាន់អំណាច លោក ហ៊ុន សែន ចេញបញ្ជាឱ្យអង្គភាពប្រដាប់អាវុធរបស់កម្ពុជា យកអាវុធ និងសម្ភារៈយោធាដែលជាផលិតផលរបស់អាមេរិក យកទៅកម្ទេចចោលទាំងអស់។ លោក ហ៊ុន សែន ក៏បានព្រមានអ្នកជំនាន់ក្រោយថា បើចង់មានឯករាជភាពលើវិស័យការពារជាតិ សូមកុំប្រើប្រាស់អាវុធរបស់អាមេរិកឱ្យសោះ។
មេដឹកនាំខ្មែរដែលក្រាញអំណាចតត្រកូលរូបនេះ បានសរសេរលើទំព័រ Facebook របស់លោកនៅថ្ងៃសុក្រ ទី១០ ធ្នូ នេះថា អ្នកដែលធ្លាប់ប្រើប្រាស់អាវុធរបស់សហរដ្ឋអាមេរិក ច្រើនតែបានចាញ់សង្គ្រាម ដូចជាក្នុងរបបសាធារណរដ្ឋខ្មែរ លន់...
អាមេរិកបន្ថែមទណ្ឌកម្មមួយទៀតលើកម្ពុជាចំពេលកម្ពុជាជាប្រធានអាស៊ាននៅឆ្នាំ២០២២
សហរដ្ឋអាមេរិកសម្រេចដាក់ទណ្ឌកម្មបន្ថែមទៀតលើកម្ពុជា និងទៅលើមន្ត្រីជាន់ខ្ពស់របស់រដ្ឋាភិបាលកម្ពុជា ដែលក្នុងនោះមានទាំងមន្ត្រីយោធា និងទណ្ឌកម្មលើការជួញដូរអាវុធពីអាមេរិកទៅកម្ពុជាថែមទៀត កាលពីថ្ងៃពុធ ទី៨ ធ្នូ។
ទណ្ឌកម្មនេះ ដើម្បីជំរុញឲ្យកម្ពុជាដែលត្រូវបានគេចោទថាស្ថិតនៅក្រោមឥទ្ធិពលកងទ័ពចិននោះ ត្រូវប្រកាន់ជំហរឯករាជ្យ និងអព្យាក្រឹត្យនៅពេលកម្ពុជាជាប្រធាននៃសមាគមអាស៊ានសម្រាប់ឆ្នាំ២០២២។
ក្រសួងពាណិជ្ជកម្មសហរដ្ឋអាមេរិក បានពន្យល់នៅក្នុងសេចក្ដីប្រកាសព័ត៌មានរបស់ខ្លួនថា ទណ្ឌកម្មនេះនឹងរឹតត្បិតទៅលើការលំហូរអាវុធ និងគ្រឿងបរិក្ខារយោធាពីអាមេរិក នៅក្រោមការត្រួតពិនិត្យរបស់ក្រសួងពាណិជ្ជកម្ម និងវិធានការពារជាតិរបស់សហរដ្ឋអាមេរិកទៅលើប្រទេសកម្ពុជា និងមន្ត្រីកម្ពុជាដែលពាក់ព័ន្ធនឹងបញ្ហារំលោភសិទ្ធិមនុស្ស។
អ្នកស្រី Gina Raimondo រដ្ឋមន្ត្រីក្រសួងពាណិជ្ជកម្មអាមេរិក បញ្ជាក់ថា អាមេរិកនៅតែបន្តការប្ដេជ្ញាចិត្តគោរពចំពោះឯករាជភាព និងអធិបតេយ្យភាពរបស់កម្ពុជា។ តែអ្នកស្រីទទូចថា អាមេរិកជំរុញឲ្យកម្ពុជាធ្វើឱ្យរីកចម្រើនចំពោះការប្រយុទ្ធប្រឆាំងអំពើពុករលួយ...
គណបក្សប្រជាជនកម្ពុជានឹងបើកសន្និបាតបក្សថ្នាក់ជាតិដើម្បីអនុម័តសម្រេចបេក្ខភាពអ្នកបន្តវេននៅចុងខែធ្នូ
មេដឹកនាំខ្មែរដែលយោធាវៀតណាមលើកបន្តុប និងក្រាញអំណាចតត្រកូល លោក ហ៊ុន សែន អះអាងថា គណបក្សប្រជាជនកម្ពុជានឹងបើកសន្និបាតគណបក្សថ្នាក់ជាតិ ដើម្បីអនុម័តសម្រេចលើបេក្ខភាពបន្តវេនរបស់គណបក្ស និងក្បាលម៉ាស៊ីនគណៈរដ្ឋមន្ត្រីរបស់ខ្លួននៅចុងខែធ្នូ ឆ្នាំ២០២១ ខាងមុខនេះ។
អតីតកម្មាភិបាលខ្មែរក្រហមរូបនេះអះអាងក្នុងពិធីត្រួតពិនិត្យការដ្ឋានសាងសង់អាកាសយានដ្ឋានអន្តរជាតិភ្នំពេញថ្មី នៅថ្ងៃទី០៩ ខែធ្នូ ឆ្នាំ២០២១ នេះថា សមាជិកគណៈកម្មាធិការកណ្តាលគណបក្សកាន់អំណាច ត្រូវត្រៀមខ្លួនចូលរួមសន្និបាតគណៈកម្មាធិការកណ្តាល ដើម្បីអនុម័តសម្រេចកិច្ចការធំៗរបស់គណបក្ស ក្នុងនោះក៏នឹងត្រូវសម្រេចបេក្ខភាពនាយករដ្ឋមន្ត្រីបន្តវេនបន្ទាប់ពីរូបលោកផងដែរ នៅថ្ងៃទី២៤ ខែធ្នូ ឆ្នាំ២០២១ ខាងមុខនេះ។
កាលពីថ្ងៃទី២ ខែធ្នូ...
លោក ហ៊ុន សែន ឌឺដងទៅអាមេរិកថា លោកមិនខ្វល់នឹងការដាក់ទណ្ឌកម្មរបស់មហាអំណាចមួយនេះទេ
មេដឹកនាំបក្សកាន់អំណាច លោក ហ៊ុន សែន និយាយផ្លែផ្កាឌឺដងទៅកាន់មហាអំណាចសហរដ្ឋអាមេរិក ថាលោកមិនខ្វល់នឹងការដាក់ទណ្ឌកម្មរបស់មហាអំណាចនេះនោះទេ ហើយទណ្ឌកម្មនេះគ្រាន់តែជាលេសនយោបាយប៉ុណ្ណោះ។
បុរសខ្លាំងនៅកម្ពុជាដែលកំពុងដឹកនាំរដ្ឋាភិបាលឯកបក្ស លោក ហ៊ុន សែន បានអះអាងក្នុងពិធីត្រួតពិនិត្យការដ្ឋានសាងសង់អាកាសយានដ្ឋានអន្តរជាតិភ្នំពេញថ្មី នៅថ្ងៃទី០៩ ខែធ្នូ ឆ្នាំ២០២១ ថា លោកនឹងទៅចូលរួមធ្វើជាសហប្រធានដឹកនាំអង្គប្រជុំជាមួយលោក ចូ បៃដិន នៅសហរដ្ឋអាមេរិក ក្នុងអំឡុងខែកុម្ភៈ ឆ្នាំ២០២២ ខាងមុខនេះ ក្នុងនាមកម្ពុជាជាប្រធានអាស៊ាននៅពេលនោះ។
មេដឹកនាំដែលក្រាញអំណាចជិត ៤០ឆ្នាំនៅកម្ពុជារូបនេះ...
លោក ហ៊ុន សែន៖ ការសោយទិវង្គតរបស់សម្ដេចក្រុមព្រះគឺជាការបាត់បង់ព្រះរាជឥស្សរជនដ៏ឆ្នើម
មេដឹកនាំបក្សកាន់អំណាច លោក ហ៊ុន សែន អះអាងថា ការសោយទិវង្គតរបស់សម្ដេចក្រុមព្រះ នរោត្តម រណឫទ្ធិ គឺជាការបាត់បង់ព្រះរាជឥស្សរជនក្នុងព្រះរាជវង្សដ៏ឆ្នើមមួយព្រះអង្គ ដែលទ្រង់ពេញព្រះហឫទ័យស្នេហាជាតិ សាសនា ព្រះមហាក្សត្រ ប្រកបដោយព្រះឆន្ទៈមនសិការមោះមុត និងវាងវៃជាអតិបរមា។
លោក ហ៊ុន សែន បានសរសេរលើទំព័រហ្វេសប៊ុករបស់ខ្លួននៅថ្ងៃទី៨ ធ្នូ នេះថា លោកពិតជាមានភាពក្តុកក្តួល និងសោកស្ដាយជាទីបំផុតចំពោះការបាត់បង់សម្តេចក្រុមព្រះ នរោត្តម រណឫទ្ធិ ប្រធានគណបក្សហ៊្វុនស៊ិនប៉ិច...