TAG
អំពើពុករលួយ
ចៅក្រមសម្រេចឃុំខ្លួនឧកញ៉ា ឌួង ងៀប បន្ទាប់ពីលាតត្រដាងអំពើពុករលួយនៅតុលាការ
ចៅក្រមសាលាដំបូងរាជធានីភ្នំពេញ នៅថ្ងៃទី១៤ ខែកុម្ភៈ ឆ្នាំ២០២២ សម្រេចឃុំខ្លួនឧត្ដមសេនីយ៍ផ្កាយ៣ ឧកញ៉ា ឌួង ងៀប ដែលបានលាតត្រដាងអំពើពុករលួយនៅក្នុងតុលាការនាពេលថ្មីៗនេះនៅពន្ធនាគារព្រៃស ពាក់ព័ន្ធនឹងបទល្មើស «ឆបោក និងមិនបំពេញកាតព្វកិច្ចចំពោះឧបករណ៍ដែលអាចជួញដូរបាន»។
សេចក្ដីប្រកាសបន្តសំណុំរឿងលោក ឌួង ងៀប ធ្វើឡើងតែពីរថ្ងៃប៉ុណ្ណោះបន្ទាប់ពីឧត្ដមសេនីយ៍ផ្កាយ៣ លោក ឌួង ងៀប បានបង្ហោះវីដេអូលើបណ្ដាញសង្គម Facebook កាលពីថ្ងៃទី៧ និងទី៨ ខែកុម្ភៈ ឆ្នាំ២០២២...
តុលាការប្រកាសបន្តសំណុំរឿងឧកញ៉ា ឌួង ងៀប ក្រោយមានការលាតត្រដាងអំពើពុករលួយរបស់ចៅក្រម
ចៅក្រមសាលាដំបូងរាជធានីភ្នំពេញ ប្រកាសបន្តនីតិវិធីសំណុំរឿងឧត្ដមសេនីយ៍ផ្កាយ៣ និងជាឧកញ៉ា គឺលោក ឌួង ងៀប ដោយសំអាងថា ដើម្បីកុំឱ្យជនត្រូវចោទថាគេចវេះពីការទទួលខុសត្រូវចំពោះមុខច្បាប់។
ការចេញប្រកាសបន្តនីតិវិធីរបស់សាលាដំបូងរាជធានីភ្នំពេញ ធ្វើឡើងបន្ទាប់ពីលោក ឌួង ងៀប បានឡាយវីដេអូលើបណ្ដាញសង្គម Facebook ដោយលាតត្រដាងពីអំពើពុករលួយរបស់ចៅក្រមនៅសាលាដំបូងរាជធានីភ្នំពេញ ពាក់ព័ន្ធសំណុំរឿងចោទប្រកាន់លោកពីបទ «ឆបោកជនជាតិតៃវ៉ាន់» និងរឿងជម្លោះក្នុងគ្រួសារផងដែរ។
បើតាមវីដេអូបង្ហោះលើបណ្ដាញសង្គមកាលពីថ្ងៃទី៧ និងទី៨ ខែកុម្ភៈ ឆ្នាំ២០២២ បានរៀបរាប់ថា លោកសុខចិត្តដើរចូលពន្ធនាគារដោយខ្លួនឯង ដោយសារតែគ្មានលុយឱ្យចៅក្រមសាលាដំបូងរាជធានីភ្នំពេញទៀតឡើយ។ ករណីនេះ...
អ្នកឃ្លាំមើល៖ ការលាតត្រដាងរបស់លោក ឌួង ងៀប ឆ្លុះបញ្ចាំងអំពើពុករលួយចាក់ឫសក្នុងប្រព័ន្ធតុលាការ
អ្នកឃ្លាំមើលបញ្ហាសង្គមចាត់ទុកថា ការលាតត្រដាងពីភាពអយុត្តិធម៌របស់លោក ឌួង ងៀប ដែលជាឧត្ដមសេនីយ៍ឯកផ្កាយ៣ បានឆ្លុះបញ្ចាំងឱ្យឃើញពីអំពើពុករលួយចាក់ឫសជ្រៅក្នុងប្រព័ន្ធតុលាការ ដែលពលរដ្ឋខ្មែរច្រើនណាស់បានរងគ្រោះធ្លាក់ខ្លួនអស់ទ្រព្យដោយសារល្បែងពុករលួយរបស់ចៅក្រមនៅកម្ពុជា។
លោក ឌួង ងៀប ដែលមានតួនាទីជាឧត្ដមសេនីយ៍ឯកផ្កាយមាស៣ និងជាឧកញ៉ាផង បានចេញឡាយវីដេអូចំនួនពីរ កាលពីថ្ងៃទី៧ និងថ្ងៃទី៨ ខែកុម្ភៈ ដោយភ្ជាប់ជាមួយឯកសារមួយចំនួនផងនោះ បានបង្ហោះលើទំព័រ Facebook ដោយនិយាយថា រូបលោកត្រូវបានតុលាការកាត់ទោសពីបទ «ផិតក្បត់» ហើយបច្ចុប្បន្នកំពុងត្រូវបានកាត់ទោសពីបទ «ឆបោកជនជាតិតៃវ៉ាន់» មួយទៀត។
ការចេញឡាយវីដេអូនិយាយពីបញ្ហាជម្លោះជាមួយជនជាតិតៃវ៉ាន់...
មេគយខេត្តស្ទឹងត្រែងនិងមេគយច្រកទ្វារព្រំដែនឡាវរងការចោទថាឃុបឃិតគ្នាប្រព្រឹត្តអំពើពុករលួយ
មន្ត្រីគយខេត្តស្ទឹងត្រែង ចោទប្រកាន់មេគយខេត្តស្ទឹងត្រែង លោក សាយ សូផា និងមេគយច្រកទ្វារព្រំដែនកម្ពុជា-ឡាវ លោក ម៉ៅ សំអឿន ថាបានឃុបឃិតគ្នាប្រព្រឹត្តអំពើពុករលួយកិបកេងលុយបង់ពន្ធជាចំណូលថវិការដ្ឋជិត ៥ម៉ឺនដុល្លារអាមេរិកជាមួយថៅកែក្រុមហ៊ុននាំចូលសម្ភារៈសំណង់ពីប្រទេសឡាវ។
មន្ត្រីគយប្រចាំខេត្តស្ទឹងត្រែងជាច្រើនរូប បាននាំគ្នាសរសេរលិខិតមកកាន់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះនៅថ្ងៃទី៧ ខែកុម្ភៈ ឆ្នាំ២០២២ នេះថា មេគយខេត្តស្ទឹងត្រែង លោក សាយ សូផា និងមេគយច្រកទ្វារព្រំដែនកម្ពុជា-ឡាវ...
សង្គមស៊ីវិលចង់ឲ្យមន្ត្រីរដ្ឋាភិបាលប្រកាសទ្រព្យនិងបំណុលជាសាធារណៈ
ក្រុមមន្ត្រីសង្គមស៊ីវិលស្នើឱ្យមន្ត្រីរដ្ឋាភិបាលប្រកាសទ្រព្យ និងបំណុលរបស់មន្ត្រីតាមក្រសួង-ស្ថាប័នជាសាធារណៈ ដោយពុំចាំបាច់ប្រកាសនៅតែក្នុងអង្គភាពប្រឆាំងអំពើពុករលួយតែមួយនោះទេ បន្ទាប់ពីក្រសួងមួយចំនួនបានរកឃើញថា មានមន្ត្រីជាប់ពាក់ព័ន្ធនឹងអំពើពុករលួយ។
ប្រធានអង្គការសម្ព័ន្ធគណនេយ្យភាពសង្គមកម្ពុជា លោក សន ជ័យ ថ្លែងថា ការប្រកាសទ្រព្យ និងបំណុលរបស់ក្រសួង-ស្ថាប័នជាតិជាសាធារណៈ គឺជារឿងមួយល្អ ដើម្បីកាត់បន្ថយអំពើពុករលួយ ដោយសារផ្ទៀងផ្ទាត់ស្ថានភាពនៃការងារទៅនឹងប្រាក់ចំណូលរបស់បុគ្គលក្នុងស្ថាប័ន។
លោកថា លោកចង់ឱ្យព័ត៌មាននៃការមានទ្រព្យរបស់មន្ត្រីដែលត្រូវប្រកាស គឺត្រូវបានដឹងឮជាសាធារណៈ ហើយពលរដ្ឋគេអាចប៉ាន់ប្រមាណមើលថា ឋានៈរបស់មន្ត្រីទាំងនោះស័ក្តិសមនឹងមានទ្រព្យប៉ុណ្ណឹងដែរទេ។ បើមានទ្រព្យច្រើន ហើយមិនអាចពន្យល់បាន គឺជាទ្រព្យមួយដែលកើតពីអំពើពុករលួយ។ លោកថា ការប្រកាសបែបនេះ គឺប្រសើរជាងការប្រកាសដាក់ក្នុងស្រោមសំបុត្រ...
ក្រុមអ្នកឃ្លាំមើលរិះគន់ខ្លាំងៗនូវការជួលក្រុមហ៊ុនដើម្បីស្ដារទំនាក់ទំនងទ្វេភាគីកម្ពុជា-អាមេរិក
ក្រុមអ្នកឃ្លាំមើលសង្គមប្រតិកម្មថា នៅពេលដែលអ្នកនាំពាក្យគណបក្សកាន់អំណាចអះអាងថាការជួលក្រុមហ៊ុនឲ្យជួយបញ្ចុះបញ្ចូលរដ្ឋាភិបាលអាមេរិក ដើម្បីស្ដារទំនាក់ទំនងទ្វេភាគីកម្ពុជា និងអាមេរិកឡើងវិញ គឺជារឿងល្អ នោះមានន័យថា លុយគឺអាចធ្វើឱ្យអាក្រក់ទៅជាល្អ ដោយប្រាសចាកភាពត្រឹមត្រូវយ៉ាងពិតប្រាកដ។
អ្នកវិភាគនយោបាយ និងសង្គម បណ្ឌិត ឡៅ ម៉ុងហៃ បានសរសេរលើគណនី Facebook របស់លោកកាលពីថ្ងៃទី៣០ ខែមករា ឆ្នាំ២០២២ នេះថា នៅពេលដែលពួកគេផ្តល់តម្លៃទៅលើលុយ ជាជាងភាពត្រឹមត្រូវទៅហើយនោះ ពួកគេនឹងប្រើលុយធ្វើរឿងខ្មៅឲ្យទៅជាស កែប្រែរឿងអាក្រក់ទៅជាល្អ ធ្វើខុសឱ្យទៅជាត្រូវ ថោកទាបទៅជាថ្លៃថ្នូរ...
IDEA TALK៖ តើហេតុអ្វីកម្ពុជាបន្តទទួលបានពិន្ទុអាក្រក់ខាងបញ្ហាពុករលួយ?
កម្មវិធី Idea Talk សម្រាប់រាត្រីថ្ងៃទី២៨ ខែមករា ឆ្នាំ២០២២ ស្តីអំពី៖ «តើហេតុអ្វីកម្ពុជាបន្តទទួលបានពិន្ទុអាក្រក់ខាងបញ្ហាពុករលួយ?»។
ក្រោមការដឹកនាំរបស់លោក ហ៊ុន សែន កម្ពុជាបន្តជាប់ជាប្រទេសពុករលួយជាងគេបំផុតនៅអាស៊ាន
ប្រទេសកម្ពុជា ដែលដឹកនាំដោយបុរសខ្លាំងលោកនាយករដ្ឋមន្ត្រី ហ៊ុន សែន ប្រធានគណបក្សប្រជាជនកម្ពុជា នឹងមានឈ្មោះជាប្រទេសមិនល្អបន្តទៀត ដោយសារតែនៅជាប្រទេសពុករលួយជាងគេបំផុតនៅតំបន់អាស៊ាន ព្រោះមានអំពើពុករលួយចាក់ឫសទាំងក្នុងវិស័យសាធារណៈ និងវិស័យឯកជន។
យោងតាមលេខាធិការដ្ឋាននៃអង្គការតម្លាភាពអន្តរជាតិ ដែលមានការិយាល័យនៅទីក្រុងប៊ែរឡាំង ប្រទេសអាល្លឺម៉ង់ ចេញផ្សាយលទ្ធផលសន្ទស្សន៍នៃការយល់ឃើញពីអំពើពុករលួយ (CPI) ឆ្នាំ២០២១ ដែលត្រូវបានផ្សព្វផ្សាយជាសាធារណៈកាលពីថ្ងៃទី២៥ ខែមករា ឆ្នាំ២០២២ ដោយបានលើកឡើងថា កម្ពុជាជាប់ចំណាត់ថ្នាក់ទី១៥៧ ក្នុងចំណោម ១៨០ប្រទេស និងដែនដីដែលត្រូវបានដាក់បញ្ចូលក្នុងការសិក្សា។
របាយការណ៍បញ្ជាក់ថា ប្រទេសកម្ពុជាទទួលបានពិន្ទុ ២៣លើពិន្ទុអតិបរមា...
មន្ត្រីបក្សកាន់អំណាចក្នុងខេត្តសៀមរាបចោទមន្ត្រីបក្សខេត្តរបស់ខ្លួនថាប្រព្រឹត្តអំពើពុករលួយ
ប្រធានសាខាបក្សជាច្រើនភូមិរបស់គណបក្សកាន់អំណាច បានចោទមន្ត្រីគណបក្សខេត្តរបស់ខ្លួនថាបានប្រព្រឹត្តអំពើពុករលួយ ដោយការដកឈ្មោះចៅសង្កាត់ជ្រាវ ក្នុងខេត្តសៀមរាប លោក គង់ ប៊ឹប ទាំងអយុត្តិធម៌ចេញពីបេក្ខជនក្រុមប្រឹក្សាសង្កាត់ លែងឱ្យគាត់ឈរឈ្មោះជាបេក្ខជនក្នុងការបោះឆ្នោតក្រុមប្រឹក្សាឃុំ-សង្កាត់នៅអាណត្តិទី៥ ឆ្នាំ២០២២ ខាងមុខនេះ។
ប្រភពដដែលអះអាងថា មូលហេតុដែលប្រធានសាខាបក្សជាច្រើនភូមិរបស់គណបក្សកាន់អំណាច រួមជាមួយសមាជិកបក្សភូមិជាច្រើននាក់ទៀត នាំគ្នាមកតវ៉ាដល់កន្លែងប្រារព្ធសន្និបាតគណបក្សប្រជាជនកម្ពុជាកាលពីថ្ងៃទី២១ ខែមករា នេះ គឺដោយសារតែប្រធានគណបក្សខេត្តបានដកឈ្មោះលោក គង់ ប៊ឹប ចេញពីបញ្ជីបេក្ខជនចៅសង្កាត់របស់ពួកគេ។
ប្រភពដដែលបញ្ជាក់ថា មុនការប្រកាសឈ្មោះបេក្ខជនក្នុងសន្និបាតនេះ ពួកគេបានបោះឆ្នោតគាំទ្រឱ្យលោក គង់ ប៊ឹប...
មន្ត្រីសាលាខេត្តបាត់ដំបងម្នាក់សុំលាឈប់ដោយចោទថាមានបក្ខពួកនិយមខ្លាំងពេកក្នុងស្ថាប័ន
មន្ត្រីសាលាខេត្តបាត់ដំបង ម្នាក់ បានសរសេរលិខិតទៅលោក ស ខេង រដ្ឋមន្ត្រីក្រសួងមហាផ្ទៃ កាលពីថ្ងៃទី១៨ ខែមករា ដើម្បីសុំលាឈប់ពីក្របខ័ណ្ឌជាមន្ត្រីរាជការស៊ីវិលក្រសួងមហាផ្ទៃ ដោយបានសំអាងថា គាត់មិនពេញចិត្តនឹងការប្រកាន់បក្ខពួកនៅក្នុងសាលាខេត្តដែលខ្លួនកំពុងបម្រើការ។
លោក លី ឌីនូរី ដែលមានឋានន្តរសក្តិវរមន្ត្រីថ្នាក់លេខ២ នៃក្របខ័ណ្ឌមន្ត្រីរដ្ឋបាលជាន់ខ្ពស់ក្រសួងមហាផ្ទៃ បានលើកឡើងនៅក្នុងលិខិតនោះថា លោកបានចូលបំពេញភារកិច្ចជាមន្ត្រីរាជការក្របខ័ណ្ឌក្រសួងមហាផ្ទៃ ចាប់តាំងពីឆ្នាំ២០០៧ ហើយបច្ចុប្បន្នជាមន្ត្រីសាលាខេត្តបាត់ដំបង។
ប្រភពដដែលនេះបានបញ្ជាក់ពីមូលហេតុដែលលោកស្នើសុំលាឈប់ពីក្របខ័ណ្ឌមន្ត្រីរាជការ ដោយសារតែលោកមិនពេញចិត្តនឹងការបង្កើតបក្ខពួកគ្នាក្នុងសាលាខេត្តបាត់ដំបង។
ទាក់ទងនឹងករណីនេះ រដ្ឋបាលខេត្តបាត់ដំបង បានចេញសេចក្តីប្រកាសព័ត៌មាននៅថ្ងៃទី១៩ ខែមករា នេះថា...