TAG
ទស្សនៈ
ទស្សនៈ៖ រូបភាពនៃមហាសន្និបាតបក្សកុម្មុយនីស្តចិនបង្ហាញពីការបែកបាក់ផ្ទៃក្នុងបក្ស
មហាសន្និបាតបក្សកុម្មុយនីស្តចិនលើកទី២០ ដែលបានបិទបញ្ចប់កាលពីថ្ងៃទី២២ តុលា បានបន្សល់ទុកនូវរូបភាពអាក្រក់មួយក្នុងទំព័រប្រវត្តិសាស្ត្រនៃប្រទេសមហាអំណាចកុម្មុយនីស្តនៅអាស៊ី គឺការបែកបាក់ក្នុងចំណោមមេដឹកនាំកំពូលៗរបស់គណបក្ស។
អ្នកសង្កេតការណ៍ជាច្រើនបានមើលឃើញរូបភាពនៃការបែកបាក់មេដឹកនាំកំពូលៗក្នុងបក្សកុម្មុយនីស្តចិន នៅថ្ងៃដែលមហាសន្និបាតបក្សឈានទៅដល់ការបោះឆ្នោតតែងតាំងមេដឹកនាំមួយចំនួនឱ្យឡើងដល់កម្រិតកំពូលបំផុតក្នុងបក្ស តែបែរជាមេដឹកនាំកំពូលៗបក្សស្រាប់ទៅហើយ គឺយ៉ាងតិចចំនួន ៣រូបត្រូវបានទម្លាក់ឋានៈ និងមុខនាទី ដែលក្នុងនោះមាននាយករដ្ឋមន្ត្រី លី ឃឺជាំង ដែលបុរសនេះត្រូវមជ្ឈដ្ឋានជាច្រើនគិតថាអាចនឹងស្នងតំណែងជាប្រធានាធិបតី និងជាអគ្គលេខាធិការបក្សកុម្មុយនីស្តពីលោក ស៊ី ជីនពីង។
រឿងដែលគួរឱ្យភ្ញាក់ផ្អើលមួយទៀតនោះ គឺការទម្លាយរូបភាពវីដេអូមួយបានឃើញក្រុមមន្ត្រីមហាសន្និបាតក្រៀកស្មាអតីតប្រធានាធិបតី លោក ហ៊ូ ជិនតាវ ដែលជាប្រធានាធិបតីមុនអាណត្តិលោក ស៊ី ជីនពីង...
ទស្សនៈ៖ យុវជនស្រីលង្កាថាជិត២០ឆ្នាំហើយត្រកូល រ៉ាចាប៉ាកសា ពង្វក់ឱ្យល្ងង់ក្រោមវប្បធម៌បក្សពួកនិយម និងពុករលួយ
រជ្ជកាលនៃសន្តតិវង្ស រ៉ាចាប៉ាកសា បានបិទបញ្ចប់ហើយនៅលើទឹកដីដ៏ក្រីក្រមួយនៅអាស៊ីខាងត្បូង គឺប្រទេសស្រីលង្កា។
ត្រកូល រ៉ាចាប៉ាកសា កាន់អំណាចពីបងទៅប្អូនពីប្អូនទៅបង។ បងកាន់តំណែងប្រធានាធិបតី ប្អូនឡើងកាន់តំណែងរដ្ឋមន្ត្រីការពារជាតិ។ ប្អូនកាន់តំណែងប្រធានាធិបតី បងកាន់តំណែងនាយករដ្ឋមន្ត្រី។
សាច់ញាតិបងប្អូនបង្កើតរហូតដល់ជីដូនមួយសុទ្ធតែកាន់តំណែងធំៗនៃថ្នាក់រដ្ឋមន្ត្រីនៅស្ថាប័នរបស់ជាតិ។ ក្នុងដំណាក់កាលចុងក្រោយនេះ ប្អូនកាន់តំណែងប្រធានាធិបតី បងកាន់តំណែងនាយករដ្ឋមន្ត្រី ប្អូនបន្ទាប់កាន់តំណែងរដ្ឋមន្ត្រីហិរញ្ញវត្ថុ ហើយបងប្អូនជីដូនមួយសុទ្ធតែកាន់តំណែងធំៗនៅស្ថាប័នរបស់រដ្ឋ។
ថវិការបស់ជាតិទាំងមូលត្រូវបានត្រកូលមួយនេះគ្រប់គ្រងទាំងស្រុង។ ប្រាក់កម្ចីទាំងថ្មីទាំងចាស់ គឺស្ថិតនៅក្នុងកណ្ដាប់ដៃរបស់គ្រួសារ រ៉ាចាប៉ាកសា ជាអ្នកគ្រប់គ្រង ជាពិសេសប្រាក់កម្ចីពីប្រទេសចិន។
វប្បធម៌នៃការសាបព្រោះអំណាច និងការចងស្ពានមេត្រីផ្សារភ្ជាប់សាច់ឈាមក្នុងអំណាចនៃរដ្ឋាភិបាលនៃត្រកូល រ៉ាចាប៉ាកសា កើតជាប្រព័ន្ធ។ ការផ្សារភ្ជាប់សាច់ឈាមនឹងគ្នា...