27 C
Phnom Penh

TAG

features3

លោក​ ហ៊ុន សាន មិន​អើពើ​នឹង​បទ​បញ្ជា​ឱ្យ​បិទសង្វៀន​ជល់មាន់​

ស្រុកល្វាឯម, ខេត្តកណ្ដាល- បើទោះជាត្រូវបានបញ្ជាឲ្យបិទសង្វៀនជល់មាន់ខុសច្បាប់កាលពីដើមខែនេះក៏ដោយ ក៏លោក ហ៊ុន សាន បងប្រុសរបស់លោកនាយករដ្ឋមន្ត្រី ហ៊ុន សែន ទំនងនៅតែបើកសង្វៀនជល់មាន់នៅខាងក្រៅបរិវេណផ្ទះរបស់លោកនៅទីនេះដដែល។ កាលពីម្សិលមិញ មនុស្សជាច្រើននាក់បានចូលតាមទ្វាររបងដែលមានអ្នកយាមទៅកាន់ផ្ទះរបស់លោក ហ៊ុន សាន ដែលស្ថិតក្នុងឃុំអរិយក្សត្រ ដោយនិយាយថា ពួកគេទៅទីនោះដើម្បីភ្នាល់ការជល់មាន់ខុសច្បាប់ ហើយមួយចំនួនទៀតមានកាន់មាន់ដែលបម្រះចុះឡើងនៅក្នុងទ្រុង និងក្នុងកន្ត្រកយួរ។ អ្នកយកព័ត៌មានអាចចូលទៅក្នុងបរិវេណ ផ្ទះរបស់លោក ហ៊ុន សាន បានជាមួយអ្នកភ្នាល់ជាច្រើនទៀត ដែលបានដើរចូលប៉ប៉្រុយតាមទ្វាររបងពណ៌ខៀវនៅម៉ោងប្រហែល៩និង៣០នាទីព្រឹក ប៉ុន្តែសន្តិសុខបានហាមពួកគេមិនឲ្យចូលទៅជិតសង្វៀនជល់មាន់ទេ ទីដែលមនុស្សមួយក្រុមធំបានប្រមូលផ្ដុំគ្នា ដោយនិយាយថា ពួកគេមិនចង់ឲ្យមានការបង្ក "បញ្ហា"ដល់លោក ហ៊ុន សាន។ នៅពេលទាក់ទងក្រោយមកតាមទូរស័ព្ទ...

កម្មករ​ប្រហែល​​​២.០០០​​​នាក់​ហែក្បួន​​​ក្នុង​ទិវា​​​ពលកម្ម​​​អន្តរជាតិ

កាលពី​ម្សិលមិញ កម្មករ​​​ប្រហែល​​​២.០០០​​​​​នាក់​​​នៅ​​​ក្នុង​​​​រាជធានី​​​ភ្នំពេញ​បាន​ផ្គើន​បម្រាប​​​រដ្ឋាភិបាល​​​​ដែល​ហាម​មិន​ឲ្យ​​​​ប្រារព្ធ​​​ទិវា​​​ពល​កម្ម​​​​​អន្តរជាតិឡើយ​ ដោយ​បាន​នាំ​គ្នា​​ធ្វើ​​​​ការ​​​ហែ​​​ក្បួន​​​មួយ​​​អាច​​​ទៅ​​​ជិត​​​ដល់​​​រដ្ឋសភា ​​កន្លែង​​​ដែល​​​ពួកគេ​​​បាន​​​អំពាវនាវ​​​សុំ​​​​​​ដំឡើង​​​ប្រាក់​​​ខែ និង​​​ឲ្យ​​​មាន​​​ការ​​​កែប្រែ​​​ច្បាប់​​​សហជីព​​​ដែល​​​ទើប​​​តែ​​​អនុម័ត​​​នា​​​ពេល​​​ថ្មីៗ​​​នេះ។ ដូច​​​ដែល​​​បាន​​​ធ្វើ​​​មុន​​​ទិវា​​​ពលកម្ម​​​អន្តរជាតិ​​​កន្លង​​​មក សាលា​​​រាជធានី​ភ្នំពេញ​​​កាលពី​​​សប្តាហ៍​​​​មុន​​​បាន​​​បដិសេធ​​​សំណើ​​​របស់​​​សហជីព​​​សុំ​​​ហែ​​​ក្បួន​​​នៅ​​​​រាជធានី​​​​ភ្នំពេញ ដោយ​​​សំអាង​​​មូលហេតុ​​​ថា ពួកគេ​​​នឹង​​​បង្ក​​​ឲ្យ​​​មាន​​​បញ្ហា​​​ច្រើន​​​​​ដល់​​​អ្នក​​​បើកបរ​​​នៅ​​​ចុង​​​សប្ដាហ៍។ ប៉ុន្តែ​​​ដូច​​​ពី​​​មុន​​​អ៊ីចឹង សហជីព​​​មួយ​​​ចំនួន​​​មិន​​​ធ្វើ​​​តាម​​​ការ​​​ព្រមាន​​​ទេ ដោយ​​​ធ្វើ​​​តាម​​​ការ​​​គ្រោង​​​ទុក​​​របស់​​​ខ្លួន គ្រាន់តែ​​កែច្នៃ​​​បន្តិច​​​បន្តួច។ ជំនួស​​​ការ​​​ដើរ​​​ហែ​​​ពី​​​វត្តភ្នំ លោក អាត់ ធន់ ប្រធាន​​​សហភាព​​​ការងារ​​​កម្ពុជា បាន​​​ដឹកនាំ​​​កម្មករ​​ប្រមាណ​​​២.៥០០​​​នាក់​​​ពី​​​ខាង​​​ក្រៅ​​​ស្ថានទូត​​​រុស្ស៊ី​​​នៅ​​​ម៉ោង​​​ប្រហែល​​​៨​​​ព្រឹក។ ​ដោយ​​​ត្រូវ​រារាំង​​​ដោយ​​​នគរបាល​​​ប្រហែល​​​១០០​​​នាក់​​​មិន​​​ឲ្យ​​​ដើរ​​​តាម​​​ផ្លូវ​​​សុធារស ក្រុម​​​កម្មករ​​​បាន​​​ប្តូរ​​​ផ្លូវ​​ជិត​​​ក្រសួង​​​ការបរទេស​និង​​​កាស៊ីណូ​​ ណាហ្គាវើល មុន​​​ពេល​​​ត្រូវ​​​រាំង​​​ផ្លូវ​​​ជា​​​ថ្មី​​​ទៀត​​​នៅ​​​តីរ​វិធី​​​ស៊ីសុវត្ថិ តែ​​​ប៉ុន្មាន​​​រយ​​​ម៉ែត្រ​​​ពី​​​សភា ជា​​​កន្លែង​​​ដែល​​​ពួកគេ​​​ជួបជុំ​​​គ្នា​​​រហូត​​​ដល់​​​ម៉ោង​​​១១​​​ព្រឹក។ ទីបំផុត​តំណាង​​​៨​​​រូប​​​ត្រូវ​​​បាន​​​អនុញ្ញាត​​​ឲ្យ​​​ចូល​​​សភា​​​ដើម្បី​​​ប្រគល់​​​ញត្តិ​​​របស់​​​ខ្លួន​​​ទៅ​​​គណៈកម្មការ​​​សិទ្ធិ​​​មនុស្ស។ ក្នុង​​​ចំណោម​​​ការ​​​ទាមទារ​​​សំខាន់ៗ​​​របស់​​​ពួកគេ​​​គឺ​​​ការ​​​សុំ​​​ដំឡើង​​​ប្រាក់​​​ខែ​​អប្បបរមា​​​បច្ចុប្បន្ន​​​១៤៥​​​ដុល្លារ​​​របស់​​​កម្មករ​​​កាត់​​​ដេរ​​​ដល់​​​២០៧​​​ដុល្លារ។ អ្នក​​​ស្រី រស់ គា កម្មករ​​​កាត់​​​ដេរ​​​ដែល​​​មក​​​ពី​​​ខេត្ត​​​កណ្តាល​​​ដើម្បី​​​ចូលរួម​​​ការ​​​ហែ​​​ក្បួន​​​នេះ ​បាន​​​និយាយ​​​ថា "ខ្ញុំ​​​រីករាយ ដែល​​​ខ្ញុំ​​​មាន​​​ឱកាស​​​នេះ​ដើរ​​​ហែ​​​នៅ​​​ទិវា​​​ពលកម្ម​​​អន្តរជាតិ ដើម្បី​​​ទាមទារ​​​ឲ្យ​​​មាន​​​ការ​​​ដំឡើង​​​ប្រាក់​​​ខែ​​​របស់​​​យើង។ ប៉ុន្តែ​​​ខ្ញុំ​​​មិន​​​សង្ឃឹម​​​ថា គេ​​​នឹង​​​ដំឡើង​​​ដល់​​​២០៧​​​ដុល្លារ​​​ទេ ពីព្រោះ​​​យើង​​​ធ្លាប់​​​ទាម​ទារ​​​១៦០​​​ដុល្លារ ប៉ុន្តែ​​​បាន​​​ត្រឹម​​​តែ​​​១៤៥​​​ដុល្លារ​​​​​​ប៉ុណ្ណោះ"។ អ្នក​​​ស្រី រស់ គា បាន​​​និយាយ​បន្ថែម​​​​ថា អ្នក​​​ស្រី​និង​​​ប្តី​របស់​​​អ្នក​​​ស្រី​ខំ​​​ប្រឹង​​​ទាំង​​​លំបាក​​​ដើម្បី​​​ចិញ្ចឹម​​​កូន​​​៦​​​នាក់​​​របស់​​​ខ្លួន​​​ផ្អែក​​​លើ​​​ប្រាក់​​​ដែល​​​រក​​​បាន។ អ្នក​​​ស្រី​​​បាន​​​និយាយ​​​ថា "ខ្ញុំ​​ចង់​​​បាន​​​៣០០​​​ដុល្លារ​​​មួយ​​​ខែ​​​ដើម្បី​​​រស់ ពីព្រោះ​​​ខ្ញុំ​​​ចំណាយ​​​៥០​​​ដុល្លារ​​​គ្រាន់តែ​​​ថ្លៃ​​​ជួល​​​ផ្ទះ ដូច្នេះ​​​ខ្ញុំ​​​ត្រូវ​​​រក​​​ប្រាក់​​​ពី​​​ការងារ​​​ផ្សេង​​​ទៀត​​​ដើម្បី​​​ទ្រទ្រង់​​​ការ​​​ចំណាយ​​​ប្រចាំ​​​ខែ​​​របស់​​​យើង"។ ប៉ុន្តែ កាលពី​​​ម្សិលមិញ​​​មិន​​​មែន​​​សហជីព​​​ទាំង​​​អស់​​​បន្ត​​​ការ​​​ហែ​​​ក្បួន​​​របស់​​​ខ្លួន​​​នោះ​​​ទេ។ សហជីព​​​ប្រហែល​​​១០​​​និង​​​អង្គការ​​​ក្រៅ​​​រដ្ឋាភិបាល​​​បាន​​​បោះ​​​បង់​​​ផែនការ​​​របស់​​​ខ្លួន​​​ដែល​គ្រោង​ហែ​​​ក្បួន​ចេញពី​ពហុកីឡដ្ឋាន​​​​អូឡាំពិក​​​ទៅ​​​ក្រសួង​​​ការងារ ហើយ​​​បាន​​​ទុក​​កម្មករ​​​ប្រហែល​​​៤០០​នាក់​​ដែល​​​បាន​​​ចូលរួម​ជាមួយ​​​​នឹង​​​ពួកគេ​​​​ឲ្យ​នៅ​កន្លែង​នេះ​ បើ​​​ទោះ​​ជា​​​ពួកគេ​​​មិន​​​ទទួល​​​រង​​​បម្រាម​​​របស់​​​សាលា​​​រាជធានី​​​ក៏ដោយ។ សំដៅ​​​ដល់​​​​បណ្ដឹង​​ដែល​ចេះ​តែ​កើត​ឡើង​​​​​របស់​​​រដ្ឋាភិបាល​​​ប្រឆាំង​​​គណបក្ស​​​សង្គ្រោះ​​​ជាតិ​​​និង​​​អ្នក​​​គាំទ្រ​​​សិទ្ធិ​​​មនុស្ស​នោះ​ មេដឹកនាំ​​​កម្មករ លោក វន់ ពៅ បាន​​​និយាយ​​​ថា​​​"ធាតុ​​​អាកាស​​​ថ្ងៃ​​​នេះ​​​ក្តៅ ហើយ​​​​ស្ថានការណ៍​​​នយោ​​បាយ​​​ក៏​​​​​ក្តៅ​​​ដែរ"។ លោក​​​បាន​​​និយាយ​​​ថា "សិទ្ធិ​​​របស់​​​យើង​​​កាន់តែ​​​តិច​​​ទៅៗ។ ដូច្នេះ​​​ហើយ ទើប​យើង​​រំឭក​ទិវា​នេះ​​​នៅ​​​ពហុកីឡាដ្ឋាន"។ លោក ទេស រុក្ខាផល សមាជិក​​​គណៈ​កម្មា​ធិការ​​​របស់​​​ក្រសួង​​​ការងារ​​​ទទួល​​​បន្ទុក​​​ដោះ​ស្រាយ​​​បញ្ហា​​​កូដកម្ម បាន​​​ចេញ​មក​ទទួល​​​ញត្តិ​​​ពី​​​ក្រុម​​​ទាំង​​​នោះ។ ខណៈ​​​ដែល​​​សហជីព​​​បាន​​​ជួបជុំ​​​គ្នា​​​នៅ​​​ជិត​​​រដ្ឋសភា ពួកគេ​​​បាន​​​ទាមទារ​​​ឲ្យ​​​មាន​​​ការ​​​កែ​ប្រែ​​​​ច្បាប់​​​សហជីព​​​ស្រប​​​តាម​​​អនុសញ្ញា​​​អង្គការ​​​ពលកម្ម​​​អន្តរជាតិ ដែល​​​ប្រទេស​​​កម្ពុជា​​​បាន​​​ចុះ​​​ហត្ថលេខា។ មុន​​​មាន​​​ការ​​​អនុម័ត​​​ដោយ​​​សភា​​​កាលពី​​​ខែ​​​មុន សហជីព​​​មួយ​​​ចំនួន​​​បាន​​​តវ៉ា​​​ថា ច្បាប់​​​ថ្មី​​​នេះ​​​រឹតត្បិត​​​ណាស់។ ឧស្សាហ​កម្ម​​​កាត់​​​ដេរ​​​បាន​​​លើក​​​ហេតុផល​​​ថា ច្បាប់​​​ថ្មី​​​នេះ​​​ត្រូវការ​​​​ជា​​ចាំបាច់​​​ដើម្បី​​​ដាក់​​​បទ​​​បញ្ជា​​​ថែម​​​ទៀត​​​លើ​​​កម្លាំង​​​ការងារ​​​ដែល​​​មិន​​​ស្តាប់​​​បង្គាប់៕និត​

ម៉ាណែត​​​វិល​​​ត្រឡប់​​​មក​​​ពី​​​សហរដ្ឋ​​​អាមេរិក ហើយ​​​​​​បដិសេធ​​​ពាក្យ​​​បណ្តឹង​​​

កូន​​​ប្រុស​​​ច្បង​​​លោក​​​នាយក​​​រដ្ឋ​​​មន្ត្រី​​​ ហ៊ុន សែន គឺ​​​លោក ហ៊ុន ម៉ាណែត ​​​​​​បាន​​​វិល​​​មក​​​ដល់​​​​​​ក្រុង​​​ភ្នំពេញ​​​វិញ​​​​​​កាល​​​ពី​​​ថ្ងៃ​​​ច័ន្ទ បន្ទាប់​​​ពី​​​ចំណាយ​​​ពេល​​​ពីរ​​​សប្តាហ៍​​​​​​នៅ​​​ក្នុង​​​សហរដ្ឋ​​​អាមេរិក​​​និង​​​ប្រទេស​​​កាណាដា ដោយទាត់​​​ចោល​​​​​​បណ្តឹង​​​ប្រឆាំង​​​នឹង​​​រូប​​​លោក​​​ក្នុង​​​ក្រុង​​​ឡូស អានជេឡេស​​​ពី​​​បទ​​​ការ​​​ចាប់​​​ដាក់​​​គុក​​​ដោយ​​​ខុស​​​ច្បាប់​​​​​​រួម​​​ទាំង​​​ភេរវកម្ម​​​អន្តរជាតិ។​​​​​​ ឧត្តម​​​សេនីយ៍​​​ឯក ម៉ាណែត ដែល​​​ជា​​​ប្រធាន​​​​​​នាយក​​​ដ្ឋាន​​​ប្រឆាំង​​​ភេរវកម្ម​​​នៃ​​​ក្រសួង​​​ការ​​​ពារ​​​ជាតិ​​​ត្រូវ​​​គេ​​​តាម​​​រំខាន​​​ម្តង​​​ហើយ​​​ម្តង​​​ទៀត​​​​​​ក្នុង​​​អំឡុង​​​ពេល​​​​​​ដំណើរ​​​​​​​​​ទស្សកិច្ច​​​នា​​​បុណ្យ​​​​​​​​​ចូល​​​ឆ្នាំ​​​ខ្មែរ ដោយ​​​​​​មាន​​​ការ​​​តវ៉ា​​​ "​​​គឺ​​​គ្មាន​​​ម៉ាណែត" ដែល​​​រៀប​​​ចំ​​​ឡើង​​​​​​ដោយ​​​សហ​​​​​​គមន៍​​​​​​ខ្មែរ​​​​​​ដែល​​​ជឿ​​​ថា​​​ លោក​​​គឺ​​​ជា​​​អ្នកស្នង​​​តំណែង​​​ឪពុក​​​របស់​​​លោក។​​​​​​ នៅ​​​ឯ​​​សន្និសីទ​​​កាសែត​​​​​​នៅ​​​អាកាស​​​យាន​​​ដ្ឋាន​​​អន្តរ​​​ជាតិ​​​ភ្នំពេញ លោក​​​បាន​​​មាន​​​ប្រសាសន៍​​​ថា លោក​​​មិន​​​ទាន់​​​​​​បាន​​​ពិនិត្យ​​​មើល​​​រឿង​​​ក្តី​​​នោះ​​​ទេ ដែល​​​បាន​​​ប្តឹង​​​ក្នុង​​​នាម​​​ជា​​​​​​មន្ត្រី​​​គណបក្ស​​​សង្គ្រោះ​​​ជាតិ​​​​​​និង​​​​​​ពល​​​រដ្ឋ​​​អាមេរិកាំង​​​គឺ​​​ មាជ សុវណ្ណារ៉ា។​​​ ពាក្យ​​​បណ្តឹង​​​អះ​​​អាង​​​ថា លោក សុវណ្ណារ៉ា ត្រូវ​​​បាន​​​គេ​​​ចាប់​​​ដាក់​​​​​​ពន្ធនាគារ​​​ដោយ​​​ខុស​​​ច្បាប់​​​​​​​​​ក្នុង​​​ក្រុង​​​ភ្នំពេញ​​​ដោយ​​​គណបក្ស​​​ប្រ​​​ជា​​​ជន​​​កម្ពុជា។ លោក​​​បាន​​​មាន​​​ប្រសាសន៍​​​ថា "​​​​​​​​​ករណី​​​ មាជ សុវណ្ណារ៉ា ខ្ញុំ​​​​​​មិន​​​បាន​​​ឃើញ​​​ដីកា​​​ហ្នឹង​​​ទេ។ ប៉ុន្តែ​​​​​​ខ្ញុំ​​​​​​គ្រាន់​​​តែ​​​បាន​​​ឮ​​​​​​តាម​​​​​​ព័ត៌មាន​​​​​​ថា​​​មាន​​​ការ​​​ប្តឹង​​​​​​ខ្ញុំ​​​​​​ប៉ុន្មាន​​​ចំណុច​​​ រួម​​​ទាំង​​​​​​ភេរវកម្ម​​​អន្តរជាតិ ហើយ​​​ខ្ញុំ​​​កប់​​​យោបល់​​​​​​រឿង​​​ហ្នឹង"។​​​ លោក​​​បាន​​​និយាយ​​​បន្ថែម​​​ថា "​​​ព្រោះ​​​បើ​​​ថា​​​ជ្រុល​​​ជា​​​ប្តឹង​​ ដាក់​​​រឿង​​​​​​សម​​​ហេតុ​​​ផល​​​តិច​​​ទៅ​​​។ ឥឡូវ​​​ ប្រជាជន​​​​​​ខ្មែរ​​​រាប់​​​លាន​​​នាក់​​​​​​​​​នៅ​​​ក្នុង​​​ស្រុក​​​​​​ដែល​​​ស្គាល់​​​​​​ ហ៊ុន ម៉ាណែត ហើយ​​​​​​តាមដាន​​​សកម្ម​​​​​​ភាព​​​ខ្ញុំ ហើយ​​​ប្រហែល​​​​​​ជា​​​គាត់​​​​​​​​​​​​កប់​​​យោបល់​​​​​​ដែរ​​​ហើយ​​​ នៅ​​​ពេល​​​គេ​​​ឮ​​​ថា ​​​ខ្ញុំ​​​ត្រូវ​​​គេ​​​ប្តឹង​​​ពី​​​បទ​​​ភេរវកម្ម​​​​​​អន្តរ​​​ជាតិ"។​​​​​​​​​ លោក​​​បាន​​​មាន​​​ប្រសាសន៍​​​មុន​​​នឹង​​​គូស​​​បញ្ជាក់​​​ថា ​​​លោក​​​នឹង​​​​​​ឆ្លើយ​​​តប​​​នឹង​​​​​​ការ​​​អះ​​​អាង​​​ដែល​​​ប្តឹង​​​ទៅ​​​​​​តុលាការ​​​​​​សហរដ្ឋ​​​អាមេរិក នៅ​​​ពេល​​​ដែល​​​លោក​​​មាន​​​ពេល​​​វេលាថា "ខ្ញុំ​​​គិត​​​ថា គេ​​​ប្តឹង​​​ខ្ញុំ​​​​​​ដែល​​​​​​គ្មាន​​​​​​មូលដ្ឋាន​​​ច្បាស់​​​លាស់​​​គឺ​​​គ្រាន់​​​តែ​​​ជា​​​​​​ការ​​​ចង់​​​រៀប​​​ចំ​​​កេង​​​ចំណេញ​​​​​​​​​​​​​​​ផ្នែក​​​នយោបាយ​​​តែ​​​​​​ប៉ុណ្ណោះ​​​​​​"។​​​ លោក​​​បាន​​​មាន​​​ប្រសាសន៍​​​ថា "​​​នៅ​​​ពេល​​​គេ​​​ដំណើរ​​​ការ​​​ករណី​​​នេះ ខ្ញុំ​​​នឹង​​​ឆ្លើយ​​​តប ព្រោះ​​​​​​មាន​​​បញ្ហា​​​ច្រើន​​​ដទៃ​​​ទៀត​​​​​​ដែល​​​គេ​​​បង្កើត​​​ឡើង​​​ ពេល​​​ខ្ញុំ​​​នៅ​​​ក្រៅ​​​ប្រទេស"។ លោក សុវណ្ណារ៉ា ត្រូវ​​​បាន​​​តុលាការ​​​​​​កាត់​​​ទោស​​​​​​ឲ្យ​​​ជាប់​​​ពន្ធនាគារ​​​​​​រយៈ​​​ពេល​​​២០​​​ឆ្នាំ​​​ពី​​​បទ​​​ដឹក​​​នាំ​​​កុបកម្ម​​​ ដោយ​​​សារ​​​តែ​​​លោក​​​មាន​​​វត្តមាន​​​​​​នៅ​​​ឯ​​​​​​ការ​​​តវ៉ា​​​​​​នា​​​ខែ​​​កក្កដា ឆ្នាំ​​​២០១៤​​​ក្នុង​​​ក្រុង​​​ភ្នំពេញ​​​​​​ដែល​​​បាន​​​ក្លាយ​​​ជា​​​ហិង្សា។​​​ លោក សុវណ្ណារ៉ា បាន​​​ផ្តល់​​​ទឡ្ហីករណ៍​​​ថា ​​​ការ​​​ចាប់​​​ខ្លួន​​​លោក​​​ដាក់​​​គុក​​​គឺ​​​ធ្វើ​​​ស្រេច​​​តែ​​​អំពើ​​​ចិត្ត​​​ ហើយ​​​មេធាវី​​​របស់​​​លោក​​​អះអាង​​​ថា ​​​ករណី​​​នេះ​​​ក៏​​​អាច​​​បកស្រាយ​​​​​​ថា​​​ជា​​​​​​ទង្វើ​​​ភេរ​​​វកម្ម​​​​​​ស្ថិត​​​ក្រោម​​​​​​ច្បាប់​​​សហរដ្ឋ​​​អាមេ​​​រិក​​​ដែរ។​​​​​​ មេធាវី​​​ដែល​​​​​​កាន់​​​រឿង​​​ក្តី​​​នេះ​​​​​​បាន​​​មាន​​​ប្រសាសន៍​​​ថា លោក​​​ជឿ​​​ថា​​​អ្នក​​​កាន់​​​ដីកា​​​ឈ្មោះ ផូល ហេ បាន​​​កោះ​​​ហៅ​​​ឧត្តម​​​សេនីយ៍​​​ឯក ម៉ាណែត​​​​​​ កាល​​​ពី​​​ថ្ងៃ​​​ទី​​​៩ ខែ​​​​​​មេសា។ មេធាវី​​​រូប​​​នេះ​​​និយាយ​​​ថា លោក ហេ ​​​បាន​​​ចូល​​​ទៅ​​​ជិត​​​ឧត្តម​​​សេនីយ៍​​​រូប​​​នោះ​​​ ហើយ​​​​​​ជា​​​បច្ចេក​​​ទេស​​​ក៏​​​ប្រគល់​​​ដីកា ក្នុង​​​ពេល​​​ដែល​​​​​​គេ​​​វាយ​​​​​​តប់​​​លោក គឺ​​​មាន​​​ន័យ​​​ថា​​​ឧត្តម​​​សេនីយ៍​​​ឯក​​​ ម៉ាណែត មាន​​​រយៈ​​​ពេល​​​៣០​​​ថ្ងៃ ដើម្បី​​​ឆ្លើយ​​​តប។​​​​​​​​​​​​ លោក ម័រតុន សក្លា ជា​​​មេធាវី​​​មិន​​​បាន​​​ឆ្លើយ​​​តប​​​សំណើ​​​សុំ​​​ការ​​​ធ្វើ​​​អត្ថាធិប្បាយ​​​ទេ។ ទោះ​​​ជា​​​យ៉ាង​​​នេះ​​​ក្តី​​​ លោក ហេ បាន​​​និយាយ​​​ថា លោក​​​​​​រង​​​របួស​​​ជាំ​​​ឆ្អឹង​​​ខ្នង ហើយ​​​ត្រូវ​​​គេ​​​បញ្ជូន​​​ទៅ​​​សង្គ្រោះ​​​បន្ទាន់​​​​​​ជិត​​​មួយ​​​សប្តាហ៍​​​ ក្រោយ​​​ពី​​​​​​ត្រូវ​​​វាយ​​​ដោយ​​​​​​អង្គរក្ស​​​របស់ឧត្តម​​​សេនីយ៍​​​ឯក ម៉ាណែត​​​ ក្នុង​​​ពេល​​​ប្រគល់​​​ដីកា ហើយ​​​ថា​​​លោក​​​​​​ជំរុញ​​​ឲ្យ​​​មាន​​​ការ​​​ចោទ​​​ប្រកាន់។ លោក ហេ ក៏​​​បាន​​​ច្រាន​​​ចោល​​​​​​ថា​​​គ្មាន​​​ន័យ​​​ទាល់​​​តែ​​​សោះ​​​​​​ចំពោះ​​​ការ​​​អះអាង​​​​​​របស់​​​ឧត្តម​​​សេនីយ៍​​​​​​រូប​​​នេះ​​​ដែល​​​ថា លោក​​​គ្រាន់​​​តែ​​​​​​ដួល​​​ទៅ​​​លើ​​​ដី​​​នោះ។​​​ ប៉ុន្តែ​​​កូន​​​​​​របស់​​​លោក​​​នាយក​​​រដ្ឋ​​​មន្ត្រី​​​​​​លើក​​​ឡើង​​​ម្តង​​​ទៀត​​​​​កាល​​​ពី​​​ថ្ងៃ​​​ច័ន្ទ​​​​ថា ​​​អង្គ​​​រក្ស​​​របស់​​​លោក​​​​​​មិន​​​ដែល​​​បាន​​​ប៉ះ​​​បុរស​​​នោះ​​​ទេ។​​​​​​ លោក​​​បាន​​​មាន​​​ប្រសាសន៍​​​ថា "​​​មនុស្ស​​​ប្របូក​​​ច្របល់​​​​​​ព្យាយាម​​​​​​ចូល​​​ទៅ​​​ខាង​​​ក្នុង ​​​ អ៊ីចឹង​​​គាត់​​​ប្រហែល​​​ជា​​​ដួល​​​ពេល​​​នោះ។ ដូច្នេះ ខ្ញុំ​​​​​​សូម​​​សោក​​​ស្តាយ​​​ការ​​​ដួល​​​នេះ​​​​​​"៕    

ការប្រើអង្គភាពនគរបាល​​​​នៅក្នុងករណី​ស្រីកំណាន់គឺ​គួរ​ឲ្យ​អស់សំណើច​​

ពេល​​​ខ្សែ​​​អាត់​​​សំឡេង​​​ដែល​​​គេ​​​អះអាង​​​ថា លោក កឹម សុខា អនុប្រធាន​​​គណបក្ស​​​ប្រឆាំង ​​​សន្ទនា​​​ជាមួយ​​​ស្រី​​​កំណាន់​​​ផ្សេង​​​ៗ​​​​​​លេច​​​ឡើង​​​តាម​​​​​​អីុន​​​ធឺណិត​​​កាល​​​ពី​​​ពីរ​​​ខែ​​​កន្លង​​​មក​​​ នោះ​​​ខ្សែ​​​អាត់​​​សំឡេង​​​​​​ទាំង​​​នេះ​​​ត្រូវ​​​បាន​​​ច្រាន​​​ចោល​​​​​​ដោយ​​​គណបក្ស​​​សង្គ្រោះ​​​ជាតិ​​​​​​ដែល​​​ថា វា​​​ជា​​​ការ​​​និយាយ​​​អេច​​​អូច​​​កំបិុក​​​កំប៉ុក​​​គ្មាន​​​តម្លៃ​​​នឹង​​​ឆ្លើយ​​​តប​​​។ ប៉ុន្តែបន្ទាប់​​​មក​​​មាន​​​សកម្ម​​​នជនយោបាយ​​​វ័យ​​​ក្មេង​​​ម្នាក់​​​ដែល​​​​គេបាន​លើក​​​ឡើង​​​នៅ​​​ក្នុង​​​ខ្សែ​​​អាត់​​​សំឡេង​​​ទាំង​​​នោះ​​​ បាន​​​ដាក់​​​ពាក្យ​​​បណ្តឹង​​​ ពី​​​បទ​​​បរិហារកេរ្តិ៍​​​ទៅ​​​កាន់​​​សាលា​​​ដំបូង​​​រាជ​​​ធានីភ្នំពេញ​​​ ហើយ​​​ករណី​​​នេះ​​​ត្រូវ​​​បាន​​​យក​​​ចិត្ត​​​ទុក​​​ដាក់​​​យ៉ាង​​​ខ្លាំង​​​ដោយ​​​ស្ថាប័ន​​​ផ្សេង​​​ៗ​​​របស់​​​រដ្ឋាភិបាល​​​ដឹក​​​នាំ​​​ដោយ​​​គណបក្ស​​​ប្រជា​​​ជន​​​កម្ពុជា​​​ ជា​​​ពិសេស​​​នោះ​​​គឺ​​​នាយក​​​ដ្ឋាន​​​នគរ​​​បាល​​​ប្រឆាំង​​​ភេរវកម្ម​​​នៃ​​​ក្រសួង​​​មហាផ្ទៃ​​​។ ខុម ចាន់តារាទី អាយុ​​​២៥​​​ឆ្នាំ​​​​​​ជា​​​ស្រី​​​កំណាន់​​​ ដែល​​​រង​​​ការ​​​ចោទ​​​ប្រកាន់​​​ម្នាក់​​​​​​បាន​​​ក្លាយ​​​ជា​​​ចំណុច​​​ស្នូល​​​នៃ​​​ការ​​​សើុប​​​អង្កេត​​​ដែល​​​ចេះ​​​តែ​​​មាន​​​សភាព​​​កើន​​​ឡើង​​​​​​​​​ខ្លាំង​ ដោយ​​ព្រះ​​​រាជ​​​អាជ្ញា​​​បាន​​​សាក​​​សួរ​​​នាង​​​អស់​​​រយៈ​​​ពេល​​​៤​​​ម៉ោង​​​កាល​​​ពី​​​ថ្ងៃ​​​អង្គារ​​​ មុន​​​ពេល​​​ប្រកាស​​​ជា​​​សាធារណៈ​​​ថា នាង​​​ទី​​​បំផុត​​​បាន​​​សារភាព​​​ចំពោះ​​​​​​រឿង​​​សហាយ​​​ស្មន់​​​នេះ​​​។ ទោះជាយ៉ាង​ណា នាង​​​មិន​​​ត្រូវ​​​បាន​​​សាក​​​សួរ​​​ជុំ​​​វិញ​​​បណ្តឹង​​​បរិហារ​​​កេរ្តិ៍​​​ទេ។ នគរ​​​បាល​​​ប្រឆាំង​​​ភេរវកម្ម​​​ដែល​​​តួនាទី​​​របស់​​​ខ្លួន​​​ក្នុង​​​ការ​​​សើុប​អង្កេត​​​មិន​​​ទាន់​​​ត្រូវ​​​បាន​​​ពន្យល់​​​នោះ​​​បាន​​​ដាក់​​​ការ​​​ចោទ​​​ប្រកាន់​​​ពី​​​បទ​​​ពេស្យាចារ​​​និង​​​​​​ផ្តល់​​​សក្ខី​​​កម្ម​​​មិន​​​ពិត​​​ បន្ទាប់​​​ពី​​​ជជីក​​​សួរ​​​​​​កញ្ញា ចាន់​​​តារាទី​​​ ពាក់​​​ព័ន្ធ​​​ខ្សែ​​​អាត់​​​សំឡេង​​​នៅ​​​​​​​​​ស្នង​​​ការ​​​ដ្ឋាន​​​ក្នុង​​​រាជធានីភ្នំពេញ​​​កាល​​​ពី​​​ខែ​​​មុន​​​ ជា​​​ពេល​​​ដែល​​​នាង​​​បាន​​​បដិសេធ​​​ថា ​​​នៅ​​​ក្នុង​​​ខ្សែ​​​អាត់​​​សំឡេង​​​នោះ​​​​មិន​​​មែន​​​ជា​​​​​​សំឡេង​​​របស់​​​នាង​​​ទេ​​​។ លោក អីុ សុខឃី នាយ​​​នគរ​​​បាល​​​ប្រឆាំង​​​ភេរវកម្ម​​​​​​បាន​​​លើក​​​ឡើង​​​​​​កាល​​​ពី​​​ខែ​​​មុន​​​ថា ​​​នាយកដ្ឋាន​​​របស់​​​លោក​​​​​​ត្រូវ​​​បាន​​​ចាត់​​​តាំង​​​ឲ្យ​​​ទទួល​​​បន្ទុក​​​ករណី​​​នេះ​​​ដោយ​​​អគ្គស្នង​​​ការ​​​ដ្ឋាន​​​នគរ​​​បាល​​​ជាតិ​​​ដែល​​​ធ្វើ​​​តាម​​​បង្គាប់​​​របស់​​​សា​​​លា​​​ ដំបូង​​​រាជ​​​ធានី​​​ឲ្យ​​​សើុប​​​អង្កេត​​​ករណី​​​នេះ​​​។ ​​​តុលាការ​​​កំពុង​​​សើុប​​​អង្កេត​​​យ៉ាង​​​យក​​​ចិត្ត​​​ទុក​​​ដាក់​​​លើ​​​បណ្តឹង​​​ពី​​​បទ​​​បរិហារកេរ្តិ៍​​​ប្តឹង​​​ដោយ​​​សកម្ម​​​ជន​​​នយោបាយ​​​ ឈ្មោះ​​​ ធី សុវណ្ណថា ។ ការ​​​ពន្យល់​​​ចុះ​​​ឡើង​​​ៗ​​​ធ្វើ​​​ឲ្យ​​​មនុស្ស​​​ជា​​​ច្រើន​​​​​​មិន​​​ពេញ​​​ចិត្ត​​​ឡើយ​​​។ លោក អំ...

តុលាការ​សម្រេច​​​ផ្តន្ទាទោស​លោក​​​ ស៊ុត ឌីណា ដាក់ពន្ធនាគារ​ពី​​​បទ​ពុក​រលួយ និង​​​រំលោភ​​​អំណាច​​​

​លោក ស៊ុត ឌីណា ​ដែលទទួល​​​បាន​​​​តំណែង​​​ពី​​​មួយ​​​ទៅ​​​មួយ​​​​នៅ​ក្រសួង​​​​ការ​បរទេស​​​រហូត​​​ដល់​​​​​បាន​ក្លាយ​ជា​អ្នក​ការទូត​ជាន់​ខ្ពស់​​របស់​កម្ពុជា​​​​ប្រចាំ​ប្រទេស​​កូរ៉េ​ខាង​ត្បូង​នៅ​​​ក្នុង​ឆ្នាំ​២០១៤ ​​​បាន​​ធ្លាក់​ខ្លួន​អស់បុណ្យស័ក្តិ​​កាល​​​ពី​ម្សិល​មិញ​​​ ខណៈ​លោក​ត្រូវ​បាន​ផ្ដន្ទាទោស​ដាក់​ពន្ធនាគារ​តាម​ការ​ចោទ​ប្រកាន់​ពីបទ​​ពុក​រលួយ​ និង​រំលោភ​អំណាច នេះ​បើ​យោង​តាម​ការ​លើកឡើង​​របស់មេធាវី​របស់​លោក​ និង​អង្គភាព​ប្រឆាំង​អំពើ​ពុករលួយ (ACU)​។ ​លោក ស៊ុត ឌីណា ត្រូវ​បាន​ចាប់​ខ្លួន​កាល​​​ពី​រសៀល​ថ្ងៃ​ច័ន្ទ បន្ទាប់ពី​ត្រូវ​បាន​កោះហៅ​​ទៅ​កាន់​ទីស្តីការ​អង្គភាព​ប្រឆាំង​អំពើ​ពុក​​​រលួយ​​​ ហើយ​​ស្ថិត​នៅ​ក្នុង​ការ​ឃុំខ្លួន​​របស់​អង្គភាព​នេះ​រហូត​ដល់​ព្រឹក​ម្សិលមិញ នៅ​ពេល​​​​លោក​ត្រូវ​បាន​បញ្ជូន​ទៅ​សាលា​ដំបូង​រាជធានី​ភ្នំពេញ​។ ដោយស្ថិត​ក្នុ​ងសម្លៀក​បំពាក់​អាវពណ៌​ផ្កាឈូក​​​ និង​ខោ​​​​ឆ្នូត​ លោក ស៊ុត ឌីណា បាន​ស្រែក​ទៅកាន់​អ្នក​យក​ព័ត៌មាន​ខណៈ​ដែល​លោក​​​ត្រូវ​បាន​នាំ​ទៅ​កាន់​បន្ទប់​សវនាការ​ថា "អយុត្តិធម៌! ​រឿ​ងនេះ​អយុត្តិធម៌​ណាស់​ចំពោះ​ខ្ញុំ!។ បន្ទាប់ពី​ត្រូវ​បាន​ចោទ​ប្រកាន់​នៅពេល​​​ល្ងាច​...

ឯកអគ្គរាជទូត​ប្រចាំ​ប្រទេស​កូរ៉េ​ខាង​ត្បូង​រង​ការ​ឈ្លេច​សួរ​រឿង​ពុករលួយ

ប្រធាន​អង្គភាព​ប្រឆាំង​អំពើ​ពុករលួយ​បាន​និយាយ​ថា ឯកអគ្គរាជទូត​កម្ពុជា​ប្រចាំ​ប្រទេស​កូរ៉េ​ខាង​ត្បូង​ត្រូវ​បាន​កោះ​ហៅ​ឲ្យ​ចូល​ខ្លួន​នៅ​អង្គភាព​ប្រឆាំង​អំពើ​ពុក​រលួយ​កាលពី​ព្រឹក​ថ្ងៃ​ច័ន្ទ ដើម្បី​សាកសួរ​ទាក់ទិន​នឹង​ការ​ចោទ​រឿង​ពុករលួយ ហើយ​រំពឹង​ថា​នឹង​ត្រូវ​ឃាត់​ខ្លួន​នៅ​ថ្ងៃ​ដដែល​នោះ។ យោង​តាម​លោក ឱម យ៉ិនទៀង ប្រធាន​អង្គភាព​ប្រឆាំង​អំពើ​ពុករលួយ​ឲ្យ​ដឹង​ថា លោក​ឯកអគ្គរាជទូត ស៊ុត ឌីណា ត្រូវ​បាន​ហៅ​ពី​ក្រសួង​ការបរទេស​មក​អង្គភាព​ប្រឆាំង​អំពើ​ពុករលួយ​ក្នុង​ក្រុង​ភ្នំពេញ បន្ទាប់ពី​មាន​ការ​ស៊ើបអង្កេត​ល្អិតល្អន់​លើ​ការ​ចោទ​ប្រកាន់​ប្រព្រឹត្ត​មិន​ត្រឹមត្រូវ ដែល​ឆ្លើយតប​ទៅ​នឹង​បណ្តឹង​ទាក់ទិន​នឹង​លោក​ពី​ក្រុម​មន្ត្រី​ក្រសួង​និង​អ្នក​ប្រើ​ហ្វេសប៊ុក។ លោក យ៉ិនទៀង បាន​និយាយ​នៅ​ពេល​ថ្ងៃ​ត្រង់​ថ្ងៃ​ច័ន្ទ​ថា "យើង​បាន​អញ្ជើញ​គាត់​ពី​ក្រសួង​ការបរទេស​នៅ​ម៉ោង​ប្រហែល​៨​ព្រឹក​នេះ។ យើង​មិន​ទាន់​ឃាត់​ខ្លួន​គាត់​នៅ​ឡើយ​ទេ យើង​នៅ​ស្តាប់​ចម្លើយ​របស់​គាត់​សិន ប៉ុន្តែ​ពេល​ប៉ុន្មាន​ម៉ោង​ទៀត គាត់​នឹង​ត្រូវ​ឃាត់​ខ្លួន"។ លោក​បាន​និយាយ​បន្ថែម​ថា "ខ្ញុំ​អាច​និយាយ​បាន​ថា គាត់​នឹង​មិន​អាច​គេច​ផុត​ពី​ការ​ឃាត់​ខ្លួន​ទេ"។ លោក យ៉ិនទៀង បាន​និយាយ​ថា...

ប្រេសិត​​​ UN ​​​មើល​​​ឃើញ​​​ថា សិទ្ធិ​​​មនុស្ស​ចុះ​​​ដុន​​​ដាប​​​​ពេល​​​គ្មាន​វត្ត​មានរបស់​​​ខ្លួន​​​​៦​​​ខែ​​​​​

ប្រេសិត​​​សិទ្ធិ​​​មនុស្ស​​​របស់​​​អង្គការ​​​សហ ប្រជាជាតិ​​​ប្រចាំ​​​ប្រទេស​​​កម្ពុជា​​​បាន​​​លើក​​​ឡើង​​​ថា បរិយាកាស​​​នយោបាយ​​​​​ចុះដុនដាប​មែន​ទែន​នៅ​​​ក្នុង​​​រយៈ​​​ពេល​​​៦​​​ខែ​​​ ចាប់​​​តាំង​​​ពី​​​បេសកកម្ម​​​ស្វែង​​​រក​​​ការ​​​ពិត​​​លើក​ដំបូង​របស់​​​លោក​​​ស្រីមក​​​​ ហើយ​​​ថា​ប្រទេស​​​នេះ​​​ស្ថិត​​​ក្នុង​​​ "ដំណាក់​​​កាល​​​ដ៏​​​គ្រោះថ្នាក់​​​" នៅ​មុន​​​ការ​​​បោះ​​​ឆ្នោត​​​ឃុំ-សង្កាត់ និង​​​ការ​​​បោះ​​​ឆ្នោត​​​ជាតិ​​​។ ចាប់​​​តាំង​​​ពី​​​ដំណើរ​​​បំពេញទស្សនកិច្ច​​​លើក​​​ដំបូង​​​របស​​​់​​​លោក​​​ស្រី រ៉ូណា ស្មីត  (Rhona Smith) ក្នុង​នាម​ជា​​​អ្នក​​​ធ្វើ​​​របាយការណ៍​​​​​​ពិសេស​​​ នៅ​​​ក្នុង​​​ខែ​​​កញ្ញា​​​មក​​​ លោក​​​ សម រង្ស៊ី មេដឹក​​​នាំ​​​​​​គណ​​​បក្ស​​​ប្រឆាំង​​​ដែល​​​បាន​និរទេស​​​ខ្លួន​​​ឯង​​​ទៅ​​​រស់​នៅ​​​ក្រៅ​​​ប្រទេស​​​នោះ​ ត្រូវ​​​តុលាការ​​​​​​​ចេញ​​​ដីកា​​​ចាប់​​​ខ្លួន​​​ទាក់​​​ទិន​​​ការ​​​ផ្តន្ទាទោស​​​ពី​​​បទ​​​បរិហារកេរ្តិ៍​​​ដែលមាន​រាប់​​​ឆ្នាំ​​​មក​​​ហើយនិង​ដែល​​​គេ​​​ដឹង​​​ជា​​​ទូទៅ​​​ថា មាន​​​​​​ពាក់​​​ព័ន្ធ​​​នឹង​​​រឿង​​​នយោបាយ​​​នោះ​​​។ តំណាង​​​រាស្ត្រ​​​គណ​​​បក្ស​​​សង្គ្រោះ​​​ជាតិ​​​ពីរ​​​រូប​​​ត្រូវ​​​បាន​​​វាយ​​​ដំ​​​យ៉ាង​​​ព្រៃ​​​ផ្សៃ​​​នៅ​​​ខាង​​​ក្រៅ​​​រដ្ឋ​​​សភា​​​អំឡុង​​​ការ​​​តវ៉ា​​​មួយ​ប្រឆាំង​​​គណបក្ស​​​នេះ​។ លោក​​​ កឹម ​​​សុខា អនុប្រធាន​​​គណបក្ស​​​សង្គ្រោះ​​​​​​ជាតិ​​​កំពុង​​​ប្រឈម​​​​​​នឹង​​​ការ​​​សើុប​​​អង្កេត​​​ពី​​​បទ​​​ពុក​​​រលួយ​​​ទាក់​​​ទិន​​​ខ្សែ​​​អាត់​​​សំឡេង​​​​​​​​​បែក​​​ធ្លាយ​​​ដ៏អាថ៌​​​កំបាំង​​​ស្តី​​​ពី​​​ការ​​​សន្ទនា​​​តាម​​​ទូរស័ព្ទ​​​លក្ខណៈ​​​ឯកជន​​​រវាង​​​រូប​​​លោក និង​​​ស្រី​​​កំណាន់​​​យ៉ាង​​​តិច​​​២​​​នាក់​។ ហើយ​​​និស្សិត​​​សាកល​​​វិទ្យាល័យ​​​ម្នាក់​​​ត្រូវ​​​បាន​​​ចោទ​​​ប្រកាន់​​​ពី​​​បទ​​​ញុះញង់​និង​ត្រូវបាន​ផ្តន្ទាទោស​​​ឲ្យជាប់​​​ពន្ធនាគារ​​​១ឆ្នាំ​​​កន្លះ​​​ពាក់ព័ន្ធ​ការ​បង្ហោះ​​​សារ​​​តាម​​​ហ្វេស​​​ប៊ុក​​​អំពាវ​​​​​​នាវ​​​ឲ្យ​​​ធ្វើ​​​ "បដិវត្តន៍​​​ពណ៌​" ជា​​​ពាក្យ​​​ដែល ​​​គេ​​​ដឹង​​​ជា​​​ទូទៅ​​​ថា សំដៅ​​​ដល់​​​ការ​​​ផ្លាស់​​​ប្តូរ​​​របប​​​​​​តា​​​ម​​​រយៈ​​​ការ​​​តវ៉ា​​​ដោយ​​​សន្តិវិធី​​​។ លោក​​​ស្រី រ៉ូណា ស្មីត បាន​​​មានប្រសាសន៍​​​កាល​​​ពី​​​ម្សិលមិញ​ អំឡុង​​​សន្និសីទ​​​កាសែត​​​មួយ​​​​​​ក្នុង​​​រាជ​​​ធានី​​​ភ្នំពេញ​​​ដើម្ប​​ី​​​បញ្ចប់​​​បេសកកម្ម​​​រយៈពីរ​​​សប្តាហ៍​​​នៅ​​​ក្នុង​​​ប្រទេស​​​កម្ពុជា​​​ថា "ខ្ញុំ​​គិត​​​ថា មាន​​​ភាព​​​ខុស​​គ្នា​​​ស្រឡះ​រវាង​​​បេសក​​​កម្ម​​​របស់​​​ខ្ញុំ​​​នៅ​​​ខែ​​​កញ្ញា​​​ និង​​​ពេល​ឥឡូវ​​​"។ លោក​​​ស្រី​​​បាន​​​បន្ថែម​​​ថា "មាន​​​ឧទា​​​ហរណ៍​​​​​​មួយ​​​ចំនួន​​​ ដែលបង្ក​ឲ្យ​មាន​ក្តី​​​កង្វល់ និង​​​ការ​ព្រួយ​​​បារម្ភ​​​។ ហេតុដ​​​ូច្នេះ​​​ខ្ញុំ​​​គិត​​​ថា គ្មាន​​​​​​អ្វី​​​ត្រូវ​​សង្ស័យ​​​​​​ទេ​​​ចំពោះការ​ដែល​ថា មាន​​​ភាព​​​តាន​​​តឹង​​​កាន់​​​តែ​​​ខ្លាំង​​​ និង​​​មាន​​​ការ​​​រំលោភ​​​បំពាន​​​សិទ្ធិ​​​មនុស្ស​​​ពាក់​​​ព័ន្ធ​​​រឿង​​​នយោបាយកាន់​​​តែ​​​ច្រើន​​​​​​...

ស្រប​ពេល​​​លោក កឹម សុខា ​មាន​​​​​រឿង​អាស្រូវ​ផ្លូវ​ភេទ​ ​​​មជ្ឈដ្ឋាន​ជាច្រើន​រំឭកករណី​ី ពិសិដ្ឋ ពិលីកា​​

អ្នក​ស្រី ពិសិដ្ឋ ពិលីកា ​គឺ​ជា​អ្នក​របាំ​​ប្រពៃ​ណី​ និង​ជា​តារា​ភាព​យន្ត​ស្រី​ល្បីល្បាញ​បំផុត​នៅ​ប្រទេស​កម្ពុជា​​។ ​ជា​តារាភាពយន្ត​​ស្រី​វ័យ​ក្មេង​​​​ក្នុង​ទសវត្សរ៍​ឆ្នាំ​១៩៨០ ​ភាព​ល្បី​ល្បាញ​របស់​អ្នកស្រី​​​​បាន​​​​​ឈាន​ដល់​កម្រិត​ថ្មី​មួយ​ទៀត​ក្នុង​​​ទសវត្សរ៍​ឆ្នាំ​១៩៩០ ខណៈ​​​អ្នកស្រី​​បង្ហាញ​​​​​​​​​​​​មុខ​​​​​ក្នុង​ឧស្សាហកម្ម​​វីដេអូ​​តន្ត្រី​ខារា៉អូខេ​​​​​ដ៏​​​កាក់​​​កប​​​។ ហេតុ​​​​​​ដូច្នេះ​​​ហើយ​​​ទើប​​​បាន​​​ជា​​​​​​ករណី​ឃាត​កម្ម​​ដ៏​រន្ធត់​​លើ​​អ្នកស្រី​នៅ​ព្រឹក​ថ្ងៃទី​៦ ​ខែ​កក្កដា ​​ឆ្នាំ​១៩៩៩ ដែល​ត្រូវ​​​​ខ្មាន់​​​​​​កាំភ្លើង​​​​បាញ់​សម្លាប់​​​​​​​​​នៅ​​​​​ខាង​មុខ​ផ្សារ​អូរឫស្សី​ ក្នុង​រាជធានី​ភ្នំពេញ ជិត​ក្មួយ​ស្រី​វ័យ​៧​ឆ្នាំ​របស់​ខ្លួន ​បាន​​​បង្ក​​​ការ​​​តក់​ស្លុត​​​ទូទាំង​ប្រទេស​ នោះ​គឺ​ដោយ​សារ​តែ​គ្មាន​​​​​​​​​​​​ជន​​​ល្មើស​​​​​​ណា​​​​ម្នាក់​ត្រូវ​បាន​ចាប់​ខ្លួន​។ ពាក្យ​ចចាមអារ៉ាម​បាន​លេច​ឮ​សុះសាយ​​​នៅ​​​​​​​​​រយៈ​ពេល​ប៉ុន្មាន​ខែ​​​​ក្រោយ​​​មក​​​តារា​រូប​នេះ​ត្រូវភរិយា​របស់​មន្ត្រី​ជាន់​ខ្ពស់​មួយ​រូប​​បញ្ជា​ឲ្យ​សម្លាប់​​​​​​ចោល​​​​​​​​​​​​ដោយ​​​​​​សារ​​​​​ផ្ទុះ​កំហឹង​​​ខ្លាំង​បន្ទាប់ពី​ដឹង​​​​​​ថា អ្នកស្រី​មាន​ស្នេហា​​​លួច​លាក់​ជាមួយ​ប្ដី​របស់​ខ្លួន​។ បន្ទាប់​មក​ទស្សនាវដ្ដី​​ L' Express ​ចេញ​​​​​​ផ្សាយ​​​​​​​​ប្រចាំ​សប្ដាហ៍​ដ៏​ពេញ​និយម​របស់​បារាំង បាន​ចុះ​​​​ផ្សាយ​​​​អត្ថបទ​មួយ​​​ដែល​​​​​​​​​​​​ដក​​​​​​​​​​​​​​​​​ស្រង់​​​​​​សៀវ​ភៅ​​​​កំណត់​ហេតុ​កត់​ត្រា​ដោយ​អ្នកស្រី ពិសិដ្ឋ ពិលីកា ដែល​ទំនង​ជារៀបរាប់​ពី​ការ​លួច​ជួប​គ្នា​​រាប់​ឆ្នាំ​របស់​អ្នកស្រី​ជាមួយ​លោក​​នាយក​រដ្ឋមន្ត្រី ហ៊ុន សែន និង​ការ​បែក​ធ្លាយ​រឿង​ស្នេហា​លួច​លាក់​​​​​​​​​​​នេះ​​​​​​ដល់​លោកស្រី ប៊ុន រា៉នី ភរិយា​របស់​លោក​។ ​អត្ថបទ​នោះ​បាន​ដក​ស្រង់​​កំណាព្យដែល​​​​​​លោក ហ៊ុន សែន សរសេរ​​​ផ្ញើ​​​​ទៅ​​​អ្នកស្រី​...

រដ្ឋាភិបាល​ថា ​Like ទំព័រ​​​​​​ហ្វេសប៊ុក​ផ្លុវ​ការ​​របស់លោក​ ហ៊ុន សែន​​ គឺ​ជា​ Like ពិត​​ប្រាកដ

គណៈកម្មាធិការ​ជាតិ​ប្រឆាំង​ភេរវកម្ម​​របស់​រដ្ឋាភិបាល​ បាន​ធ្វើ​ការ​សន្និដ្ឋាន​​​​​​ក្នុង​របាយ​ការណ៍​មួយ​កម្រាស់​៥ទំព័រ​​ចេញ​ផ្សាយ​កាលពី​ម្សិលមិញ​ថា ការ​អះអាង​​​​​​​ថា ​​​ការ​​​​​​​​​​​​​​​​​កើន​​ឡើង​​​​​​​​​ប្រជាប្រិយភាព​​​របស់​​​​លោក​​​​នាយក​រដ្ឋមន្ត្រី ហ៊ុន សែន ​​​តាម​ហ្វេសប៊ុក​កាលពី​ពេល​ថ្មីៗ​នេះ​បាន​ពី​ការ​ទិញ​ “Like” (ចូល​ចិត្ត)​ ​​​ពី​បរទេស​នោះ "មិន​មែន​ជា​ការ​ពិត​ឡើយ ​ហើយ​វា​ជា​ការ​ប្រឌិត​"។ ចាប់​តាំង​ពី​ចុង​ខែ​មករា​មក ចំនួន​គណនី​ហ្វេសប៊ុក​​ដែល​ចុច​ Like ​ទំព័រ​ហ្វេសប៊ុក​ផ្លូវ​ការ​​​​របស់​លោក​នាយករដ្ឋមន្ត្រី​​ បាន​កើន​ឡើង​​​​​យ៉ាង​​​​ឆាប់​រហ័ស​ ​ដោយរាប់​សែន​​​នៃ​​​​អ្នក​ប្រើ​ប្រាស់​​គណនី​​​​​​ទាំង​​​នោះ ​មាន​មូលដ្ឋាន​នៅ​បរទេស​ នេះ​បើ​យោង​តាម​ស្ថិតិ​​ប្រមូល​បានពី ​Socialbakers ដែល​​ជា​គេហទំព័រ​​វិភាគ​​​​​​បណ្ដាញ​ទំនាក់ទំនង​សង្គម​។ ចាប់​តាំង​ពីចំនួន Like កើន​​​​​​ឡើង​​​លើស​២លាន​កាលពី​​ពាក់​កណ្ដាល​ខែ​មករា ទំព័រ​​​​ហ្វេស​​​ប៊ុក​​​របស់​លោក ហ៊ុន សែន ​ប្រមូល​បាន​ Like យ៉ាង​ឆាប់​រហ័ស​ពី​ជុំវិញ​ពិភព​លោក​ ដោយ​​ចំនួន​ Like សរុប​របស់​លោក​នាពេល​បច្ចុប្បន្ន​មាន​ជាង​៣,៣៧​លាន​ ពោល​​​​​​គឺ​ច្រើន​ជាង​ចំនួន​ Like សរុប​របស់​លោក សម រង្ស៊ី ប្រធាន​គណបក្ស​ប្រឆាំង ​ដែល​បច្ចុប្បន្ន​មាន​ចំនួន​ប្រហែល​២,៣លាន​។ យោង​តាម​គេហទំព័រ​​វិភាគ​​​​​​​ខាង​​​​​​លើ​​​​​​​​​​​ឲ្យ​ដឹង​ថា...

សាលា​​​ដំបូង​​​រាជធានី​​​​​​ផ្តន្ទាទោស​​​​​​និស្សិត​​​ គង់ រ៉ាយ៉ា ឲ្យជាប់​​​ពន្ធនាគារ​​​១៨​​​ខែ

និស្សិត​​​សាកល​​​វិទ្យាល័យ​​​ម្នាក់​​​ដែល​​​បាន​​​អំពាវ​​​នាវ​​​ឲ្យ​​ធ្វើ " បដិវត្ត​​​ន៍ពណ៌" តាម​​​រយៈ​​​សារ​​​ក្នុង​​​ ហ្វេស​​​ប៊ុក​​​កាល​​​ពី​​​ឆ្នាំ​​​មុន​​​​​​ត្រូវ​​​បាន​​​​សាលា​​​ដំបូង​​​រាជធានីភ្នំពេញ​​​​​ផ្តន្ទាទោស​​​​​​កាល​​​ពី​​​ម្សិលមិញ​​​ឲ្យ​​​ជាប់​​​ពន្ធនាគារ​​​រយៈ​​​ពេល​​​១៨​​​ខែ​​​ ជា​​​សេចក្តី​​​សម្រេច​​​មួួយ​​​ដែល​​​ក្រុម​​​អ្នក​​​រិះ​​​គន់​​​បាន​​​ចាត់​​​ទុក​​​ភ្លាមៗ​​​ថា ជា​​​ការ​​​ប៉ុនប៉ង​​​ដើម្បី​​​បំបិទ​​​សេរីភាព​​​បញ្ចេញ​​​មតិ​​​។ ចៅ​​​ក្រម​​​ប្រធាន​​​ក្រុម​​​ប្រឹក្សា​​​ជំនុំ​​​ជម្រះ​​​ហេង សុខ​ណា បាន​​​ប្រកាស​​​នៅ​​​ក្នុង​​​បន្ទប់​​​សវនាការ​​​ដែល​​​មាន​​​មនុស្ស​​​ចូល​​​រួម​​​យ៉ាង​​​ច្រើនមុន​​​​​​ម៉ោង​​​៣​​​រសៀល​​​បន្តិច​​​ថា "តុលាការ​​​បាន​​​សម្រេច​​​ផ្តន្ទាទោស​​​ គង់ រ៉ាយ៉ា ឲ្យ​​​ជាប់​​​ពន្ធនាគារ​​​១ឆ្នាំ​​​៦ខែ​ ពី​​​បទ​​​ញុះ​​​ញង់​​​ឲ្យ​​​ប្រព្រឹត្ត​​​បទ​​​ល្មើស​​​ជា​​​អាទិ៍​ ប្រព្រឹត្ត​​​នៅ​​​ក្នុង​​​រាជធានី​​​ភ្នំពេញ"​​​។ គង់ រា៉យ៉ា ត្រូវ​​​បាន​​​ចាប់​​​ខ្លួន​​​ដោយ​​​នគរ​​​បាល​​​មក​​​ពី​​​​​​នាយក​​​ដ្ឋាន​​​កណ្តាល​​​សន្តិសុខ​​​នៃ​​​ក្រសួង​​​មហាផ្ទៃ​​​ ពេល​​​កំពុង​​​ដើរ​​​ទៅ​​​ថ្នាក់​​​រៀន​​​​​​​​នៅ​​​សាកល​​​វិទ្យាល័យ​​​ខេមរៈ​​​ ក្នុង​​​រាជធានី​​​ភ្នំ​​​ពេញ​​​កាល​​​ពី​រសៀល​​​ថ្ងៃ​​​ទី​​​២១​​​ ខែ​​​សីហា។​​​ក្រោយ​​​មក​​​ ​និស្សិត​​​ផ្នែក​​​វិទ្យាសាស្ត្រ​​​នយោបាយ​​​​​​​​​អាយុ​​​២៥​​​ឆ្នាំ​​​រូប​​​នេះ​​​ត្រូវ​​​បាន​​​ចោទ​​​ប្រកាន់​​​ពី​​​បទ​​​ញុះញង់​​​ពាក់​​​ព័ន្ធ​​​ការ​​​សរសេរ​នៅ​​​ក្នុង​​​សារ​​​បង្ហោះ​​​តាម​​​ហ្វេស​​​ប៊ុក​​​ពីរ​​​សប្តាហ៍​​​មុនមាន​​​​ការ​​​ចាប់​​​ខ្លួន​​​ថា តើ​​​មាន​​​អ្នក​ណា​​​ម្នាក់​​​​​​ "ហ៊ាន​​​ធ្វើ​​​បដិវត្ត​​​ន៍ពណ៌​​​ជាមួយ​​​ខ្ញុំ​​​ទេ​​​?"។ លោក​ សម សុគង់ មេធាវី​​​របស់​​​និស្សិត​​​រូប​​​នេះ​​​ បាន​​​ជំទាស់​​​នឹង​​​សេចក្តី​​​សម្រេច​​​ផ្តន្ទាទោស​​​ឲ្យ​​​កូន​​​ក្តី​របស់​​​ខ្លួន​​​ជាប់​​​ពន្ធនាគារ​​​រយៈ​​​ពេល​​​១៨​​​ ខែ​​​កាល​​​ពីម្សិល​​​មិញ ដោយ​​​ចាត់​​​ទុក​​​ថា​​​​ជា​​​ការ​​​ផ្តន្ទាទោស​​​មិនសម​​​ហេតុ​​​ផល​​​​ឲ្យ​​​​យុវ​​​ជន​​​​​​​​វ័យ​​​ក្មេង​​​ម្នាក់​​មាន​​​ពិរុទ្ធភាព​​​​គ្រាន់​​​តែ​​​បញ្ចេញ​​​មតិ​​​យោបល់​​​តាម​​​អីុនធឺណិត​​​​​​ប៉ុណ្ណោះ​​​នោះ​​​​។ លោក​​​...

Latest news