32 C
Phnom Penh

TAG

Naga World

ស្ថាន​បេសកកម្ម​អចិន្ត្រៃយ៍​កម្ពុជា​ប្រចាំ​នៅ UN ថា​កូដកម្ម​របស់​បុគ្គលិក​ណាហ្គា​មិន​ស្រប​ច្បាប់

ស្ថាន​បេសកកម្ម​អចិន្ត្រៃយ៍​កម្ពុជា ប្រចាំ​អង្គការ​សហប្រជាជាតិ ចោទ​ថា បាតុកម្ម​ខុស​ច្បាប់​របស់​ក្រុម​សហជីព​នៃ​ក្រុមហ៊ុន​ណាហ្គា​វើលដ៍ មិនមែន​ជា​ការ​អនុវត្ត​សេរីភាព​ប្រមូល​ផ្តុំ​ដោយ​សន្តិវិធី​ដែល​ស្រប​ច្បាប់​នោះ​ឡើយ ប៉ុន្តែ​ជា​ចេតនា​រំខាន​ដល់​សណ្ដាប់ធ្នាប់​សាធារណៈ​សង្គម និង​ធ្វើ​ឱ្យ​មាន​ភាព​វឹកវរ​ធ្ងន់ធ្ងរ​ទៅវិញ។ ស្ថាន​បេសកកម្ម​អចិន្ត្រៃយ៍​កម្ពុជា ប្រចាំ​អង្គការ​សហប្រជាជាតិ បាន​ចេញ​សេចក្តី​ថ្លែងការណ៍​កាលពី​ថ្ងៃ​ទី​៦ ខែ​មករា ឆ្នាំ​២០២២ នេះ​ថា ការ​ចោទប្រកាន់​របស់​អាជ្ញាធរ​កម្ពុជា បាន​ធ្វើឡើង​ដោយ​ផ្អែក​លើ​មូលដ្ឋាន​ភស្តុតាង​រឹងមាំ​គ្រប់គ្រាន់ ដោយ​យោង​តាម​មាត្រា​នៃ​ក្រមព្រហ្មទណ្ឌ​៤៩៤ និង ៤៩៥។ ចំពោះ​ប្រភព​ដែល​បាន​រិះគន់​ការ​អនុវត្ត​ច្បាប់​របស់​កម្ពុជា ថា​ជា​ការ​គាបសង្កត់​សិទ្ធិ​សេរីភាព​នោះ គឺជា​ការ​ប្រមាថ​ចំពោះ​នីតិរដ្ឋ​យ៉ាង​ធ្ងន់ធ្ងរ​ដែល​ត្រូវ​ធានា​ដោយ​រដ្ឋធម្មនុញ្ញ។ ប្រភព​ដដែល​បន្ត​ថា ការ​អនុវត្ត​ច្បាប់ គឺជា​ការ​ចាំបាច់​ណាស់​សម្រាប់​កម្ពុជា ដើម្បី​ការពារ​ផលប្រយោជន៍​ពលរដ្ឋ​ដែល​គោរព​ច្បាប់ និង​រារាំង​នូវ​របៀបវារៈ​លាក់​ពុត​របស់​បាតុករ​ដែល​ជ្រក​ក្រោម​ស្លាក​បាតុកម្ម​ដោយ​សន្តិវិធី​ផង​ដែរ។ ការ​អះអាង​នេះ...

បុគ្គលិក​ណាហ្គា​បន្ត​ធ្វើ​កូដកម្ម​ដោយ​មិន​ចូល​ចរចា បើ​អាជ្ញាធរ​មិន​ដោះលែង​តំណាង​ពួកគេ

បុគ្គលិក​ក្រុមហ៊ុន​កាស៊ីណូ ណាហ្គា​វើលដ៍ (Naga World) បាន​ប្រកាស​ជំហរ​ថា ពួកគេ​មិនព្រម​ចូល​ចរចា​ជាមួយ​ក្រសួង និង​ក្រុមហ៊ុន​ឡើយ បើ​សិន​អាជ្ញាធរ និង​ក្រុមហ៊ុន​មិនព្រម​ដោះលែង​តំណាង​ពួកគេ​ទាំង ៨​នាក់​ដែល​ត្រូវ​បាន​ចាប់​ខ្លួន​ដោយសារ​ចូលរួម​ធ្វើ​កូដកម្ម​ទាមទារ​លក្ខខណ្ឌ​ការងារ​នោះ។ ការ​ប្រកាស​ជំហរ​នេះ ធ្វើឡើង​បន្ទាប់​ពី​ក្រសួង​ការងារ បាន​ចេញ​សេចក្ដី​ប្រកាស​មួយ​កាលពី​ថ្ងៃ​ទី​៦ ខែ​មករា ឆ្នាំ​២០២២ ដោយ​ហៅ​បុគ្គលិក ណាហ្គា​វើលដ៍ ដែល​កំពុង​ធ្វើ​កូដកម្ម​ឱ្យ​ចូលរួម​ប្រជុំ​នា​ថ្ងៃ​ទី​៧ ខែ​មករា ឆ្នាំ​២០២២ នៅ​អគ្គលេខាធិការដ្ឋាន​នៃ​គណៈកម្មការ​ដើម្បី​ពិនិត្យ​ផ្ទៀងផ្ទាត់​ឡើងវិញ​នូវ​ការ​ទូទាត់​ប្រាក់បំណាច់​បញ្ចប់​កិច្ចសន្យា​ការងារ ហើយ​ឈាន​ទៅ​បញ្ចប់​ករណី​វិវាទ​ការងារ។ ក្រៅពី​ចេញ​សេចក្ដី​ប្រកាស​ហើយ មន្ត្រី​ក្រសួង​ការងារ​បាន​យក​លិខិត​នោះ​ទៅ​អាន​នៅ​ចំពោះ​កូដករ​ដែល​កំពុង​បន្ត​ធ្វើ​កូដកម្ម​នៅ​ថ្ងៃ​សុក្រ នេះ។ អំឡុង​ពេល​ធ្វើ​កូដកម្ម...

អ្នកជំនាញ​សិទ្ធិមនុស្ស​អន្តរជាតិ​ទាមទារ​ឱ្យ​កម្ពុជា​ពន្យល់​ពី​ចាប់​និង​ចោទ​មេ​សហជីព​ណាហ្គា​វើលដ៍

ក្រុម​អ្នកជំនាញ​សិទ្ធិមនុស្ស​នៃ​អង្គការ​សហប្រជាជាតិ ទាមទារ​ឱ្យ​អាជ្ញាធរ​កម្ពុជា​ពន្យល់​អំពី​ការ​ចាប់​ខ្លួន និង​ចោទប្រកាន់​មេដឹកនាំ​សហជីព​នៃ​ក្រុមហ៊ុន ណាហ្គា​វើលដ៍ (Naga World) ដោយ​ចាត់ទុក​វិធានការ​របស់​អាជ្ញាធរ​កម្ពុជា ថា​ជា​ការ​រំលោភបំពាន​លើ​ច្បាប់​សិទ្ធិមនុស្ស​ដែល​ធានា​ដោយ​ច្បាប់​ជាតិ និង​អន្តរជាតិ។ អ្នកជំនាញ​សិទ្ធិមនុស្ស ៤​រូប​មាន​លោក​សាស្ត្រាចារ្យ វិទិត មុនតាប៊ន (Vitit Muntarbhorn) អ្នក​រាយការណ៍​ពិសេស​ស្ដីពី​ស្ថានភាព​សិទ្ធិមនុស្ស​នៅ​កម្ពុជា លោកស្រី អាយរីន ខាន់ (Irene Khan) អ្នក​រាយការណ៍​ពិសេស​ស្ដីពី​ការ​លើក​កម្ពស់ និង​ការ​ការពារ​សិទ្ធិ​សេរីភាព​នៃ​ការ​បញ្ចេញ​គំនិត និង​មតិ​យោបល់ លោកស្រី...

បក្ស​ប្រឆាំង​ថ្កោលទោស​អាជ្ញាធរ​ដែល​ចាប់​ខ្លួន​ថ្នាក់​ដឹកនាំ​សហជីព​ការពារ​សិទ្ធិ​កម្មករ​ខ្មែរ​នៃ​ក្រុមហ៊ុន​ណាហ្គា​វើលដ៍

គណបក្ស​សង្គ្រោះ​ជាតិ ថ្កោលទោស​ដាច់អហង្ការ​ចំពោះ​អាជ្ញាធរ​នៃ​រដ្ឋាភិបាល​ឯក​បក្ស​របស់​លោក ហ៊ុន សែន ដែល​បាន​ចាប់ និង​ឃុំ​ខ្លួន​ថ្នាក់​ដឹកនាំ​សហជីព​ទ្រទ្រង់​សិទ្ធិ​ការងារ​កម្មករ​ខ្មែរ​នៃ​ក្រុមហ៊ុន ណាហ្គា​វើលដ៍ ជាង ២០​នាក់ ជាពិសេស​ការ​ចាប់​ខ្លួន​ប្រធាន​សហជីព កញ្ញា ឈឹម ស៊ីថរ កាលពី​ថ្ងៃ​អង្គារ កន្លងទៅ​នេះ។ គណបក្ស​សង្គ្រោះ​ជាតិ បាន​ចេញ​សេចក្តី​ថ្លែងការណ៍ នៅ​ថ្ងៃ​ទី​៥ ខែ​មករា ឆ្នាំ​២០២២ នេះ​ថា ការ​ចាប់​ចង និង​ឃុំ​ខ្លួន​ថ្នាក់​ដឹកនាំ​សហជីព​កាលពី​ពេល​ថ្មីៗ​នេះ គឺជា​ទង្វើ​រំលោភ​បំពាន​លើ​សិទ្ធិ​បុគ្គល និង​សិទ្ធិ​សេរីភាព​នៃ​ការ​សម្ដែង​មតិ​យ៉ាង​ធ្ងន់ធ្ងរ​ដែល​បាន​ធានា​ដោយ​ច្បាប់...

តុលាការ​ឃុំ​ខ្លួន​កញ្ញា ឈឹម ស៊ីថរ និង​មនុស្ស​ម្នាក់​ទៀត​ក្រោយ​ធ្វើ​កូដកម្ម​អហិង្សា​រក​ដំណោះស្រាយ​វិវាទ​ការងារ

តុលាការ​ក្រុង​ភ្នំពេញ សម្រេច​ឃុំ​ខ្លួន​កញ្ញា ឈឹម ស៊ីថរ និង​លោក សុខ ណារិទ្ធិ នៅ​ពន្ធនាគារ​ព្រៃស​ជា​បណ្ដោះអាសន្ន ខណៈ​លោក សុខ គង្គា ត្រូវ​បាន​ដាក់​ឱ្យ​នៅ​ក្រោម​ការ​ត្រួតពិនិត្យ​របស់​តុលាការ ដោយសារតែ​ពួកគេ​ធ្វើ​កូដកម្ម​ដោយ​អហិង្សា​ដើម្បី​ទាមទារ​ឱ្យ​ក្រុមហ៊ុន ណាហ្គា​វើលដ៍ ដោះស្រាយ​វិវាទ​ការងារ​ជូន​បុគ្គលិក​កម្មករ។ សមត្ថកិច្ច​រាជធានី​ភ្នំពេញ បាន​ចាប់​ខ្លួន​កញ្ញា ឈឹម ស៊ីថរ ប្រធាន​សហជីព​ទ្រទ្រង់​សិទ្ធិ​ការងារ​បុគ្គលិក​កម្មករ​ខ្មែរ និង​សហការី ២​នាក់​ទៀត​នៅ​ល្ងាច​ថ្ងៃ​ទី​៤ ខែ​មករា ឆ្នាំ​២០២២ ដោយ​ចោទប្រកាន់​ថា​បាន​ញុះញង់...

អ្នក​ឃ្លាំមើល​ជំរុញ​ឱ្យ​មាន​ការ​ស៊ើប​អង្កេត​ប្រតិបត្តិការ​សាច់ប្រាក់​ក្រុមហ៊ុន​ណាហ្គា​វើលដ៍​និង​អ្នក​កាង​ពីក្រោយ

ក្រុម​អ្នក​ឃ្លាំមើល​សង្គម ជំរុញ​ឱ្យ​មាន​ការ​ស៊ើបអង្កេត​លើ​ប្រតិបត្តិការ​សាច់ប្រាក់​របស់​ក្រុមហ៊ុន ណាហ្គា​វើលដ៍ (Naga World) ថា​តើ​ក្រុមហ៊ុន​មួយ​នេះ​ទទួល​បាន​ប្រាក់ចំណេញ​ច្រើន​ប៉ុនណា ហើយ​សាច់ប្រាក់​នោះ​ត្រូវ​បាន​ដាក់​តម្កល់​នៅ​ធនាគារ​មួយ​ណា? ពួកគេ​ចោទ​ជា​សំណួរ​ថា តើ​ប្រាក់ចំណេញ​សុទ្ធ​របស់​ក្រុមហ៊ុន NAGA WORLD ត្រូវ​បាន​ដាក់​ក្នុង​ធនាគារ​នៅ​កម្ពុជា ឬ​ដឹក​តាម​យន្តហោះ​ឯកជន​ទៅ​ក្រៅ​ប្រទេស? តើ​ក្រុមហ៊ុន​មួយ​នេះ​មាន​ការ​បង់​ពន្ធ​ជូន​រដ្ឋ​ត្រឹមត្រូវ​តាម​ច្បាប់​ដែរ​ឬ​ទេ? ហើយ​ត្រូវ​ស៊ើបអង្កេត​រក​ឲ្យ​ឃើញ​ថា តើ​មន្ត្រី​រូប​ណា​ជា​អ្នក​កាង​ពីក្រោយ​ខ្នង​ក្រុមហ៊ុន​ល្បែង​ស៊ីសង​ដ៏​ធំ​មួយ​នេះ? អ្នក​តាមដាន​ស្ថានការណ៍​នយោបាយ​នៅ​កម្ពុជា លោក សុខ សុគន្ធ បាន​លើកឡើង​ក្នុង​កម្មវិធី Idea Talk នៃ​សារព័ត៌មាន The Cambodia...

សមត្ថកិច្ច​ចោទ​តំណាង​កម្មករ​និយោជិត​ណាហ្គា​វើលដ៍ ៩​នាក់​ថា​ជា​មេដឹកនាំ​ចលនា​ខុស​ច្បាប់

សមត្ថកិច្ច​បាន​ចោទ​តំណាង​កម្មករ​និយោជិត​ក្រុមហ៊ុន ណាហ្គា​វើលដ៍ (Naga World) ចំនួន ៩​នាក់​ដែល​បាន​ចូលរួម​ធ្វើ​កូដកម្ម​តវ៉ា​នឹង​ក្រុមហ៊ុន​កាស៊ីណូ ថា​ជា​មេដឹកនាំ​ចលនា​ខុស​ច្បាប់​ដែល​មាន​ចេតនា​បង្ក​ភាព​វឹកវរ​ដល់​សន្តិសុខ​សង្គម ក្រោម​ការ​បណ្តុះបណ្តាល និង​ទទួល​ជំនួយ​ខុស​ច្បាប់​ពី​ក្រៅ​ប្រទេស។ ស្នងការ​រង​នៃ​ស្នងការដ្ឋាន​នគរបាល​ក្រុង​ភ្នំពេញ លោក ប៊ុន សុសិក្ខា បាន​ថ្លែង​នៅ​ក្នុង​សន្និសីទ​សារព័ត៌មាន​នៅ​ថ្ងៃ​ទី​៤ ខែ​មករា ឆ្នាំ​២០២២ នេះ​ថា មេដឹកនាំ​កម្មករ​ទាំងនោះ​បាន​ព្យាយាម​បំផុស​បំផុល​ចលនា​ខុស​ច្បាប់​តាម​ផែនការ​របស់​បរទេស។ ចំណែក​ព្រះរាជអាជ្ញា​រង លោក សេង ហៀង បាន​ថ្លែង​នៅ​ក្នុង​សន្និសីទ​សារព័ត៌មាន​នោះ​ដែរ ដោយ​ចោទ​ថា តំណាង​កម្មករ​និយោជិត ៣​រូប​ជា​មេខ្លោង​ចលនា​ខុស​ច្បាប់...

IDEA TALK៖ តើ​វិធានការ​របស់​រដ្ឋាភិបាល​ទៅ​លើ​ក្រុម​បាតុករ​កាស៊ីណូ​ណាហ្គា​វើលដ៍ ជា​ដំណោះស្រាយ​ដ៏​សមស្រប​ដែរ​ឬ​ទេ?

កម្មវិធី Idea Talk សម្រាប់​រាត្រី​ថ្ងៃ​ទី​០៤ ខែ​មករា ឆ្នាំ​២០២២ ស្តីអំពី៖ «តើ​វិធានការ​របស់​រដ្ឋាភិបាល​ទៅ​លើ​ក្រុម​បាតុករ​កាស៊ីណូ​ណាហ្គា​វើលដ៍ ជា​ដំណោះស្រាយ​ដ៏​សមស្រប​ដែរ​ឬ​ទេ?»។

ស្ត្រី​មាន​ផ្ទៃពោះ​ម្នាក់​និង​បុគ្គលិក​ណាហ្គា​១៥​នាក់​ទៀត​ត្រូវ​បាន​ចាប់​ខ្លួន​ពេល​ធ្វើ​កូដកម្ម​ដោយ​សន្តិវិធី​ទាមទារ​លក្ខខណ្ឌ​ការងារ

ស្ត្រី​មាន​ផ្ទៃពោះ​ម្នាក់ និង​មនុស្ស ១៥​នាក់​ទៀត ត្រូវ​បាន​សមត្ថកិច្ច​ចាប់​ខ្លួន​អំឡុង​ពេល​ពួកគេ​បន្ត​ធ្វើ​កូដកម្ម​ដោយ​សន្តិវិធី ដើម្បី​ទាមទារ​លក្ខខណ្ឌ​ការងារ និង​ទាមទារ​ឱ្យ​ដោះលែង​ថ្នាក់​ដឹកនាំ រួម​ទាំង​សកម្មជន​សហជីព​ក្រុមហ៊ុន​កាស៊ីណូ ណាហ្គា​វើលដ៍ (Naga world) ចំនួន ៦​នាក់ ដែល​ត្រូវ​ចាប់​ខ្លួន​នៅ​យប់​ឆ្លង​ឆ្នាំ​សកល​កន្លងមក​ថ្មីៗ​នេះ។ ក្រុម​បុគ្គលិក​ក្រុមហ៊ុន​កាស៊ីណូ ណាហ្គា​វើលដ៍ នៅ​រសៀល​ថ្ងៃ​ចន្ទ ទី​៣ មករា នេះ បាន​នាំគ្នា​បន្ត​ធ្វើ​កូដកម្ម​ដោយ​សន្តិវិធី​ជា​ថ្មី​ម្តង​ទៀត​នៅ​ក្បែរ​ក្រុមហ៊ុន ដើម្បី​ទាមទារ​លក្ខខណ្ឌ​ការងារ​ចំនួន ៩​ចំណុច និង​ទទួល​យក​បុគ្គលិក ៣៦៥​នាក់​ឱ្យ​ចូល​ធ្វើ​ការងារ​ឡើងវិញ។ ការ​តវ៉ា​នេះ​ត្រូវ​បាន​កងកម្លាំង​សមត្ថកិច្ច​ជាច្រើន​រារាំង​មិន​ឱ្យ​ទៅ​ជិត​ក្រុមហ៊ុន...

IDEA TALK៖ តើ​ការ​រក​យុត្តិធម៌​សម្រាប់​បុគ្គលិក​កាស៊ីណូ ណាហ្គា​វើលដ៍ (NAGA World) ដោយ​ការ​ចាប់​ខ្លួន​ពួកគេ​ជា​ដំណោះស្រាយ​សមរម្យ​របស់​អាជ្ញាធរ​ដែរ​ឬ​ទេ?

កម្មវិធី Idea Talk សម្រាប់​រាត្រី​ថ្ងៃ​ទី​០៣ ខែ​មករា ឆ្នាំ​២០២២ ស្តីអំពី៖ «តើ​ការ​រក​យុត្តិធម៌​សម្រាប់​បុគ្គលិក​កាស៊ីណូ ណាហ្គា​វើលដ៍ (NAGA World) ដោយ​ការ​ចាប់​ខ្លួន​ពួកគេ​ជា​ដំណោះស្រាយ​សមរម្យ​របស់​អាជ្ញាធរ​ដែរ​ឬ​ទេ?»។

Latest news