TAG
paywal
លោក ហោ ណាំហុង នឹងធ្វើជាប្រធានគណៈកម្មាធិការអន្តររដ្ឋាភិបាលថ្មីជាមួយរដ្ឋាភិបាលចិន
លោក ហោ ណាំហុង រដ្ឋមន្ត្រីក្រសួងការបរទេស និងលោក យ៉ាង ជេឈី (Yang Jiechi)
អតីតរដ្ឋមន្ត្រីការបរទេសចិន ត្រូវបានជ្រើសរើសឲ្យធ្វើជាសហប្រធានគណៈកម្មាធិការអន្តររដ្ឋាភិបាលដែលទើបបង្កើតថ្មីរវាងប្រទេសចិននិងកម្ពុជា ក្នុងសប្តាហ៍នេះ ដើម្បីពង្រឹងកិច្ចសហប្រតិបត្តិការនៅក្នុងវិស័យមួយចំនួនដូចជាកាអនុវត្តច្បាប់ និងវិស័យ
ការពារជាតិជាដើម។
នៅក្នុងសេចក្តីប្រកាសព័ត៌មានរួមមួយ ដែលចេញកាលពីថ្ងៃអង្គារ នៅពេលលោកហ៊ុន សែន បានអញ្ជើញទៅទីក្រុងប៉េកាំង ដើម្បីចូលរួមកិច្ចប្រជុំមួយចំនួន ជាមួយមេដឹកនាំជាន់ខ្ពស់របស់គណបក្សកុម្មុយនីស្តចិននោះ ប្រទេសចិន និងប្រទេសកម្ពុជាក៏បានលើកឡើងដែរថា ប្រទេសទាំងពីរនឹងជួយគ្នាទៅវិញទៅមកដើម្បីលើកកម្ពស់សន្តិសុខជាតិរបស់ខ្លួន ព្រមទាំងការសហការនៅក្នុងការលើកកម្ពស់សន្តិភាពនិងស្ថិរភាពក្នុងតំបន់ផងដែរ។
ថ្លែងទៅកាន់អ្នកកាសែត បន្ទាប់ពីគណៈប្រតិភូកម្ពុជា ត្រឡប់មកដល់រាជធានីភ្នំពេញវិញកាលពីម្សិលមិញ លោក ចម ប្រសិទ្ធ រដ្ឋមន្ត្រីក្រសួងពាណិជ្ជកម្ម បានផ្តល់ព័ត៌មានលម្អិតមួយចំនួនស្តីពីគណៈកម្មាធិការថ្មីនេះ ដែលជាការពង្រឹងទំនាក់ទំនងថ្មីបំផុតរវាងប្រទេសទាំងពីរ។
លោកបានថ្លែងនៅក្នុងសន្និសីទមួយនៅឯអាកាសយានដ្ឋានអន្តរជាតិភ្នំពេញថា “ គណៈ
កម្មាធិការអន្តររដ្ឋាភិបាលនេះ នឹងដឹកនាំដោយលោក ហោ ណាំហុង...
របាំព្រះរាជទ្រព្យកម្ពុជា និងក្រុមតន្ត្រីស៊ីហ្វូនីភូមា នឹងសម្ដែងរួមគ្នានៅអង្គរវត្តនាសប្ដាហ៍ក្រោយ
របាំព្រះរាជទ្រព្យរបស់កម្ពុជា និងក្រុមតន្ត្រីស៊ីហ្វូនីជាតិរបស់ប្រទេសភូមា នឹងសម្ដែងរួមគ្នាជាលើកដំបូងនៅសប្ដាហ៍ក្រោយនេះសម្រាប់ការប្រគំតន្ត្រីពីរយប់នៅប្រាសាទអង្គរវត្ត។
ស្ថានទូតបារំាង និងអាជ្ញាធរជាតិអប្សរាដែលគ្រប់គ្រងឧទ្យានបុរាណអង្គរ នឹងរៀបចំព្រឹត្តិការណ៍ដែលមានឈ្មោះថា Fondamentus, Dream Event 2013” នៅឯប្រាសាទអង្គរវត្តនៅថ្ងៃទី៥ និងទី៦ ខែធ្នូ ដោយមានការឧបត្ថម្ភគាំទ្រពីអង្គការយូណេស្កូ វិទ្យាស្ថានបារាំង និងម្ចាស់ជំនួយជាច្រើនផ្សេងទៀត នេះបើតាមអ្នករៀបចំព្រឹត្តិការណ៍នេះបានលើកឡើងកាលពីម្សិលមិញនៅក្នុងសន្និសីទកាសែត។
រៀបចំឡើងដើម្បីអបអរខួបលើកទី៣នៃសន្និសីទអន្តររដ្ឋាភិបាលស្ដីពីអង្គរ ដែលធ្វើឡើងនៅថ្ងៃទី៥ ខែធ្នូ ក្នុងក្រុងសៀមរាប ការប្រគំតន្ត្រីដឹកនាំដោយអង្គការរបស់បារាំងឈ្មោះថា Khloros Concert នឹងធ្វើឡើងនៅប្រាសាទអង្គរប៉ែកពាយព្យ។ អ្នកនាំពាក្យអាជ្ញាធរអប្សរាបានលើកឡើងថា តំបន់នេះមិនធ្លាប់ប្រើប្រាស់សម្រាប់ការប្រគំតន្ត្រីពីមុនមកទេ។ អ្នកនាំពាក្យរូបនេះបានបន្តថា “ អ្នកបញ្ជាភ្លេងជនជាតិបារាំងឈ្មោះ Odile Perceau បានកំណត់ទីតាំងនេះថា មានអំណោយផលល្អសម្រាប់អាគូស្ទិច”។
លោកស្រី Odile Perceau បានពន្យល់ថា ក្រុមតន្ត្រីករភូមាដែលមកសម្ដែងនៅក្នុងប្រទេសកម្ពុជាជាលើកដំបូងនឹងឈរនៅលើជណ្ដើរប្រាសាទអង្គរវត្ត អំឡុងការប្រគំតន្ត្រីនេះ។...
ក្រុមហ៊ុនស្ករសថៃចំនួនពីរមិនព្រមមកជួបអ្នកភូមិដែលត្រូវបានបណ្តេញចេញពីដីចម្ការអំពៅ
ក្រុមហ៊ុនស្ករសថៃចំនួនពីរបានច្រានចោលសំណើស្នើសុំឲ្យពួកគេមកជួបប្រជុំជាមួយអង្គការមិនមែនរដ្ឋាភិបាល និងតំណាងសហគមន៍ដែលបានចោទប្រកាន់ក្រុមហ៊ុនទាំងពីរនេះថា បានបណ្តេញអ្នកភូមិរាប់រយគ្រួសារដោយខុសច្បាប់ និងជួនកាលដោយហិង្សាចេញពីដីធ្លីរបស់ពួកគាត់នៅកម្ពុជា។
ក្រុមហ៊ុនស្ករស Mitr Phol Sugar និងក្រុមហ៊ុន Khon Kaen Sugar កំពុងប្រឈមនឹងបណ្តឹងដែលគេបានប្តឹងទៅគណៈកម្មាធិការសិទ្ធិមនុស្សជាតិរបស់ប្រទេសថៃថា ចម្ការរបស់ពួកគេនៅក្នុងខេត្តឧត្តរមានជ័យ និងខេត្តកោះកុងបានបង្ខំឲ្យអ្នកភូមិរាប់រយគ្រួសារចេញពីដីរបស់ពួកគាត់។
តំណាងមកពីសហគមន៍ចំនួនពីរ និងអង្គការមិនមែនរដ្ឋាភិបាលដែលជួយពួកគាត់កំពុងស្ថិតក្នុងប្រទេសថៃនៅសប្តាហ៍នេះ ដើម្បីស្នើសុំឲ្យបញ្ចេញរបាយការណ៍ស្តីពីការចោទប្រកាន់មកលើក្រុមហ៊ុនទាំងពីរនេះឡើងវិញ ហើយកាលពីសប្តាហ៍មុនបានសុំជួបជាមួយក្រុមហ៊ុនមួយក្នុងចំណោមក្រុមហ៊ុនទាំងពីរនៅថ្ងៃនេះ ឬថ្ងៃសៅរ៍។ តំណាងក្រុមហ៊ុន KSL បានលើកឡើងនៅក្នុងអ៊ីម៉េលថា “យើងសោកស្តាយណាស់ដែលប្រាប់លោកអ្នកថា យើងមិនអាចចូលរួមប្រជុំបាន ដោយសារមានការងារមមាញឹកពេក”។
តំណាងរូបនេះបាននិយាយទៀតថា...
បុរសកម្ពុជាមិនភ្ញាក់ផ្អើលចំពោះស្ថិតិថ្មីស្ដីពីការចាប់រំលោភស្ត្រី
នៅទូទាំងរាជធានីភ្នំពេញកាលពីម្សិលមិញ បុរសៗកម្ពុជាបាននិយាយថា ខ្លួនមិនភ្ញាក់ផ្អើលចំពោះស្ថិតិថ្មីគួរឲ្យតក់ស្លុត ដែលបង្ហាញថា ក្នុងចំណោមបុរសកម្ពុជាប្រាំនាក់មានម្នាក់ធ្លាប់ចាប់រំលោភយ៉ាងហោចណាស់ម្ដងនៅក្នុងជីវិតរបស់ពួកគេ ដោយបុរសជាច្រើននិយាយថា បញ្ហានេះច្រើនតែកើតមាននៅតាមបណ្ដាខេត្ត។
ការស្ទង់មតិមួយដឹកនាំដោយអង្គការសហប្រជាជាតិពាក់ព័ន្ធនឹងអំពើហិង្សាលើរាងកាយ និងផ្លូវភេទនៅក្នុងតំបន់អាស៊ីប៉ាស៊ីហ្វិកបានរកឃើញថា នៅក្នុងប្រទេសកម្ពុជា បុរស២០,៨ភាគរយបានសារភាពថា ធ្លាប់បានចាប់រំលោភ ដោយពាក់កណ្ដាលក្នុងចំណោមនោះធ្លាប់បានចាប់រំលោភលើកដំបូងនៅក្រោមអាយុ២០ឆ្នាំ រីឯការរំលោភបូកកើតមានញឹកញាប់ជាងគេនៅក្នុងប្រទេសកម្ពុជា និងញឹកញាប់ជាងគេបំផុតក្នុងចំណោមប្រទេសភាគច្រើនផ្សេងទៀតក្នុងតំបន់។
នៅពេលស្ដាប់ឮស្ថិតិនេះ លោក ស៊ីនួន សុភ័ណ អាយុ៤២ឆ្នាំ ជាអ្នករត់រ៉ឺម៉កម៉ូតូកង់បី ដែលមានស្រុកកំណើតនៅខេត្តកណ្ដាល បានចង្អុលទៅមិត្តភក្ដិរបស់គាត់គ្រប់គ្នានៅខាងក្រៅសណ្ឋាគារមួយក្នុងខណ្ឌដូនពេញកាលពីម្សិលមិញ ហើយបានរាប់ពីមួយដល់ប្រាំ ពេលនោះពួកគេទាំងអស់ក៏សើច។
គាត់បាននិយាយថា “ខ្ញុំគិតថា ចំនួននេះមិនអាចទៅរួចឡើយនៅក្នុងក្រុង ប៉ុន្តែនៅតាមជនបទវាខុសគ្នាព្រោះពួកគេគ្មានការអប់រំ។ ប្រទេសកម្ពុជា កំពុងអភិវឌ្ឍយ៉ាងសន្សឹមៗនៅតាមបណ្ដាខេត្ត។ នៅស្រុករបស់ខ្ញុំ ពេលប្រុសៗផឹកស៊ី ពួកគេប្រើហិង្សា ហើយក្មេងៗធំដឹងក្ដីឃើញប្រុសៗប្រើអំពើហិង្សាលើប្រពន្ធ និងកូនរបស់ខ្លួន ដូច្នេះពួកគេក៏រៀនតាម”។
កម្ពុជា និងស្រីលង្កា ជាប្រទេសតែពីរគត់នៅក្នុងការស្ទង់មតិនេះ ដែលលទ្ធផលបង្ហាញជាទ្រង់ទ្រាយទូទាំងប្រទេស។ ហើយមានការលើកឡើងថា គ្រឿងស្រវឹងជាមូលហេតុតិចជាងគេបំផុតដែលនាំឲ្យមានការចាប់រំលោភ ពោលគឺមានត្រឹមតែ១៤ភាគរយប៉ុណ្ណោះបើប្រៀបធៀបទៅនឹង២៧ភាគរយ ដែលបានឆ្លើយថា ការសប្បាយ ឬភាពអផ្សុកជាមូលហេតុធ្វើឲ្យពួកគេចាប់រំលោភ។
លោក លី សុខហេង អាយុ៣០ឆ្នាំ ដែលជាគណនេយ្យករនិយាយថា គាត់មិនភ្ញាក់ផ្ដើលទេពេលដឹងថា បុរសកម្ពុជា៦៧ភាគរយគិតថា ស្ត្រីគួរតែស៊ូទ្រាំនឹងអំពើហិង្សា ដើម្បីឲ្យគ្រួសារបាននៅជួបជុំគ្នា ហើយបាននិយាយថា ស្ត្រីរៀបការរួចចំាបាច់ត្រូវទទួលបានការបណ្តុះបណ្តាលជាពិសេសឲ្យយល់ដឹងពីសិទ្ធិរបស់ខ្លួន។
លោកបាននិយាយថា “ ស្ត្រីចំាចាច់ត្រូវដឹងថា បុរសមិនអាចបង្ខំពួកគាត់រួមភេទបានឡើយ ហើយប្រសិនបើប្តីធ្វើបែបនោះ ពួកគាត់អាចលែងលះបាន។ ជាការពិតណាស់នៅតាមតំបន់ជនបទ ប្រសិនបើពួកគាត់ត្រូវបានចាប់បង្ខំឲ្យរៀបការដើម្បីប្រាក់ វានឹងពិបាក ពីព្រោះបុរសជាប្ដីប្រហែលជាខឹង បើប្រពន្ធរបស់ខ្លួនមិនចង់រួមភេទជាមួយខ្លួន”។
យុវជន មីង ចាន់ អាយុ១៧ឆ្នាំជាសិស្សរៀននៅមជ្ឈមណ្ឌលអូស្ត្រាលី សម្រាប់ការបណ្ដុះបណ្ដាល (ACE) បាននិយាយថា មានកត្តាជាច្រើនដែលជំរុញឲ្យបុរសកម្ពុជា ចាប់រំលោភ ឬប្រើអំពើហិង្សាលើស្ត្រី ដែលធ្វើឲ្យវាក្លាយជាបញ្ហាមួយពិបាកនឹងយល់ឲ្យស៊ីជម្រៅ។
យុវជនរូបនេះនិយាយទៀតថា “ខ្ញុំជឿថា ស្ថិតិនេះអាចពិត ប៉ុន្តែខ្ញុំគិតថា ភាគច្រើនវាកើតមាននៅតាមតំបន់ក្រីក្រក្នុងប្រទេស នៅក្នុងរាជធានីភ្នំពេញវាខុសគ្នា ដោយសារតែការអប់រំ”។
ពាក់ព័ន្ធនឹងអាយុតិចនៅពេលជនល្មើសធ្វើសកម្មភាពរំលោភជាលើកដំបូង និងនិន្នាការនាំឲ្យមានការចាប់រំលោភបូក យុវជន មីង ចាន់ បាននិយាយថា មានក្មេងទំនើងជាច្រើននៅតាមតំបន់ជនបទដែលបង្កអំពើហិង្សា ប៉ុន្តែបើនិយាយតែពីក្មេងទំនើងនោះវាមិនអាចឆ្លុះបញ្ចាំងពីវប្បធម៌នៃការចាប់រំលោភបានទេ។
យុវជនរូបនេះបានបន្ដទៀតថា “វីដេអូអាសអាភាសក៏ជាបញ្ហាដែរ ក្មេងខ្លះមានវ័យទើបតែ១០ឆ្នាំប៉ុណ្ណោះញៀននឹងវីដេអូអាសអាភាសទៅហើយ ហើយបន្ទាប់ពីពួកគេមើលវីដេអូអាសអាភាសរួច ពួកគេមើលឃើញពិភពលោកខុសប្លែកពីមុន ពោលគឺពួកគេគិតថា សិច សំខាន់ជាងអ្វីៗទាំងអស់”៕
ប្រែសម្រួលដោយ តែម សុខុម
នៅទីណាបក្ស សម រង្ស៊ី ឈ្នះឆ្នោត ទីនោះវេទិកាសាធារណៈស្តីពីសិទ្ធិដីធ្លី និងច្បាប់ភូមិបាលត្រូវអាជ្ញាធរមូលដ្ឋានរឹតបន្តឹង
រយៈពេលពីរខែ បន្ទាប់ពីការបោះឆ្នោតក្រុមប្រឹក្សាឃុំ-សង្កាត់ រួចមក ក្រុមអង្គការសិទិ្ធមនុស្សប្រចាំខេត្តរតនគិរីបានកត់សម្គាល់ឃើញថា មានការខុសប្លែកពីធម្មតា។ នៅក្នុងខេត្តនេះ ឃុំណាមានបញ្ហាជម្លោះដីធ្លីខ្លាំង គឺអាជ្ញាធរមូលដ្ឋានលែងអនុញ្ញាតឲ្យមានការអប់រំស្តីពីសិទិ្ធដីធ្លីទៀតហើយ។
លោកប៉ែនបុ៊ណ្ណារ៍អ្នកសម្របសម្រួលអង្គការអាដហុកប្រចាំខេត្តរតនគិរីបានមានប្រសាសន៍ថា “ យើងបានឃើញមានការរឹតបន្តឹងកាន់តែខ្លាំងឡើង ហើយកម្មវិធីអប់រំទាក់ទងនឹងសិទ្ធិដីធ្លីរបស់យើងមួយចំនួន ត្រូវនគរបាលប្រដាប់អាវុធមករំខាន”។
កាលពីថ្ងៃសុក្រ អាជ្ញាធរមូលដ្ឋានជាច្រើន រួមទាំងមន្ត្រីនគរបាលស្រុកប្រដាប់ដោយអាវុធ និងប្រធានភូមិរបស់គណបក្សប្រជាជនបានបិទកម្មវិធី អប់រំស្តីពីសិទិ្ធដីធ្លីនៅក្នុងឃុំបាតាង ស្រុកលំផាត់។ កាលពីខែមិថុនា គណបក្សសម រង្ស៊ីបានឈ្នះការបោះឆ្នោត ជាលើកដំបូងនៅក្នុងឃុំនេះ ដោយទទួលបានតំណែងជំទប់ថែមទៀត។
ពេលមិនសូវមានរបាយការណ៍ និយាយអំពីករណីបែបនេះ សកម្មជនសិទិ្ធមនុស្សកាលពីម្សិលមិញ បានលើកឡើងថា ការរឹតបន្ដឹងនេះបានកើតឡើងស្របពេលគណបក្សសមរង្ស៊ី បានទទួលសន្លឹកឆ្នោតថែមទៀតនៅតាមតំបន់នោះ។
លោក ប៉ែន បុ៊ណ្ណារ៍បានបន្តថា “ ខ្ញុំបានសង្កេតឃើញថា មានការរឹតបន្តឹងកាន់តែខ្លាំងនៅកន្លែងណា ដែលទ្ធផលបោះឆ្នោតបង្ហាញថាគណបក្សប្រឆាំងបានឈ្នះតំណែងមេឃុំ ឬក៏ក្រុមប្រឹក្សាឃុំ”។ លោកបានបន្ថែមថា ក្រុមអង្គការសិទិ្ធមនុស្សធ្លាប់បានរៀបចំវេទិកាសាធារណៈបែបនេះជាច្រើនឆ្នាំមកហើយដោយមិនមានបញ្ហាអ្វីឡើយ។
លោក ឈឹម សាវុធ មន្ត្រីសម្របសម្រួលគម្រោងរបស់មជ្ឈមណ្ឌលសិទិ្ធមនុស្សកម្ពុជាបានយល់ស្របតាមទស្សនៈរបស់លោកបុ៊ណ្ណារ៍ ដោយលោកបន្ថែមថា “ ការពិត គឺមានការរឹតបន្តឹងកាន់តែខ្លាំងមកលើពួកយើងនៅក្នុងការជួបប្រជុំជាមួយអ្នកភូមិនៅក្នុងឃុំណា ដែលគណបក្សសមរង្ស៊ីទទួលបានសំឡេងឆ្នោតកាន់តែច្រើន។
លោកបានបន្តថាមេឃុំ និងប្រធានភូមិរបស់គណបក្សប្រជាជនកម្ពុជា ដែលក្រុមអង្គការសិទិ្ធមនុស្សបានចោទប្រកាន់ថា លែងអនុញ្ញាតឲ្យពួកគេរៀបចំវគ្គបណ្តុះបណ្តាល ឬកម្មវិធីអប់រំស្តីពីសិទិ្ធដីធ្លីទៀតទេ ពីព្រោះពួកគេជឿថាអង្គការសិទិ្ធមនុស្សបានញុះញង់អ្នកភូមិមិនឲ្យគោរពអាជ្ញាធរមូលដ្ឋាន”។
មជ្ឈមណ្ឌលសិទិ្ធមនុស្សកម្ពុជាបានរៀបចំវេទិកាសាធារណៈមួយ កាលពីម្សិលមិញ នៅក្នុងឃុំសេដា ស្រុកលំផាត់ស្តីអំពី “ សិទិ្ធមនុស្សនិងការអភិវឌ្ឍន៍ “ ប៉ុន្តែ មិនមានការលំបាកទេ។
លោកសាវុធ បានមានប្រសាសន៍បន្តថា“ ទោះបីវេទិការបស់យើងថ្ងៃនេះ មិនមានការរំខានពីនគរបាល ឬអាជ្ញាធរមូលដ្ឋានក៏ដោយ ក៏អ្នកភូមិត្រូវបានប្រធានភូមិដើរពីផ្ទះមួយទៅផ្ទះមួយដោយបញ្ជាពួកគាត់មិនឲ្យទៅចូលរួមវេទិកានៅថ្ងៃនេះទេ”។
នៅក្នុងឃុំសេដាដែលជាឃុំគណបក្សសមរង្ស៊ីបានឈ្នះតំណែងជំទប់ថ្មីម្នាក់ថែមទៀតគឺជាឃុំដែលអ្នកភូមិជនជាតិភាគតិចមានជម្លោះដីធ្លីជាមួយក្រុមហ៊ុន ឌីអឹមគ្រុប អស់រយៈពេលជាងមួយទសវត្សរ៍មកហើយ ។ ក្នុងខេត្តរតនគិរីគណបក្សសមរង្ស៊ីបានឈ្នះអាសនៈ៣០ គឺកើនឡើង២១អាសនៈដែលពួកគេទទួលបានកាលពីឆ្នាំ២០០៧។
ប៉ុន្តែ ទោះជាគណបក្សប្រឆាំងបានកើនសំឡេងក្នុងខេត្តនេះក៏ដោយ បញ្ហាជម្លោះដីធ្លីជាមួយងនឹងក្រុមហ៊ុនដីសម្បទានសេដ្ឋកិច្ចដែលបានកែប្រែដីព្រៃទៅជាចម្ការដ៏ធំល្វឹងល្វើយ។ គណបក្សសមរង្ស៊ីបានលើក ឡើងថា ខ្លួនកំពុងព្យាយាមជួបជាមួយអ្នកភូមិ ដែលមានបញ្ហាដីធ្លី។
លោករិនកញ្ញា ប្រធានក្រុមប្រឹក្សាថ្នាក់ខេត្តរបស់គណបក្សសមរង្ស៊ីបានថ្លែងថា “ការរឹតបន្តឹងបែបនេះ ក៏បានកើតឡើងចំពោះគណបក្សប្រឆាំងផងដែរ។នៅពេលក្រុមប្រឹក្សាឃុំថ្មីៗ ទៅផ្សព្វផ្សាយព័ត៌មានអំពីសិទិ្ធដីធ្លី និងសិទិ្ធបញ្ចេញមតិ ពួកគេត្រូវបានអាជ្ញាធរមូលដ្ឋាន ដែលគាំទ្រគណបក្សកាន់អំណាចមករារាំាង”។ លោកបានថ្លែងបន្តថា “អ្នកភូមិកំពុងទទួលរងការបំភិតបំភ័យពីអាជ្ញាធរកាន់អំណាចនៅពេលពួកគេមកចូលរួមប្រជុំជាមួយពួកយើង”។
មេឃុំមកពីគណបក្សប្រជាជនកម្ពុជាមានមេឃុុំភ្នំកុក បាតាង និងឃុំសេដាបានច្រានចោល ចំពោះការចោទប្រកាន់នេះ...
មជ្ឈមណ្ឌលជាតិលើកឡើងថា កុមារ៦០នាក់ស្លាប់ដោយសារជំងឺគ្រុនឈាមតាំងពីខែមករាមក
យោងតាមតួលេខពីមជ្ឈមណ្ឌលជាតិ ប្រយុទ្ធប្រឆាំងនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ បានឲ្យដឹងថា ការឆ្លងជំងឺគ្រុនឈាមបានកើនឡើងជាង២០០ភាគរយនៅពាក់កណ្ដាលឆ្នាំដំបូងនៃឆ្នាំនេះ ដោយមានមនុស្សជាង១៥.០០០នាក់ បានធ្លាក់ខ្លួនឈឺ និងកុមារចំនួន៦០នាក់ បានស្លាប់ដោយសារជំងឺនេះ នាពេលកន្លងមក។
ក្រសួងសុខាភិបាល បានបង្ហាញថា ជំងឺគ្រុនឈាមឆ្នាំនេះមានការកើនឡើងជាច្រើនករណីក្នុងរង្វង់ប្រាំឆ្នាំ ដែលការឆ្លងនៃជំងឺគ្រុនឈាមនេះភាគច្រើនកើតឡើងនៅក្នុងចំណោមមនុស្សដែលមិនមានភាពស៊ាំ ដូចជាកុមារ ដែលទើបកើត បន្ទាប់ពីជំងឺនេះបានផ្ទុះឡើងយ៉ាងខ្លាំង នៅពេលចុងក្រោយនោះ។ ការឆ្លងជំងឺគ្រុនឈាមចុងក្រោយ បានកើតឡើងនៅប្រទេសកម្ពុជា កាលពីឆ្នាំ២០០៧។
អំឡុង២៧សប្តាហ៍ដំបូង កាលពីឆ្នាំមុន របាយការណ៍បានចេញផ្សាយថា ការឆ្លងជំងឺគ្រុនឈាមមានចំនួន៤.៦០៤ករណី និងមានមនុស្ស២៣នាក់បានស្លាប់។ ក្រសួងក៏បានលើកឡើងដែរថា ការធ្លាក់ភ្លៀងឆាប់ពេកក្នុងឆ្នាំនេះ ការកើនឡើងនៃដង្កូវទឹក និងឪពុកម្តាយបាននាំកូនៗរបស់ខ្លួនទៅកាន់មន្ទីរពេទ្យ ដើម្បីព្យាបាលនោះ ក៏ជាកត្តាបង្ហាញថា មានករណីជំងឺគ្រុនឈាមបានកើនឡើងដែរ។
ខេត្តបន្ទាយមានជ័យ ឧត្តរមានជ័យ សៀមរាប និងខេត្តកំពង់ស្ពឺ គឺជាខេត្តដែលកើតមានជំងឺគ្រុនឈាមខ្លាំងជាងគេ។ ដោយសារតែមានវិធីសាស្រ្តការពារបានល្អ និងការយល់ដឹងពីជំងឺនេះនៅទូទាំងប្រទេស លោក ច ម៉េងជួ ប្រធានមជ្ឈមណ្ឌលជាតិ ប្រយុទ្ធប្រឆាំងនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ បានលើកឡើងថា ការស្លាប់ដោយសារជំងឺគ្រុនឈាមឆ្នាំនេះ ទំនងជាមិនដូចការស្លាប់ កាលពីឆ្នាំ២០០៧ ដែលមានរបាយការណ៍ចេញផ្សាយថា មានជំងឺចំនួន៤០.០០០ករណី និងមានមនុស្សចំនួន៤០៧ បានស្លាប់នោះទេ។
លោកវេជ្ជបណ្ឌិត ម៉េងជួ បានលើកឡើងថា “ក្រសួងបានជួយផ្តល់ថ្នាំអាបែត ដើម្បីសម្លាប់ដង្កូវទឹក និងជួយអប់រំអំពីជំងឺគ្រុនឈាម ហើយឪពុកម្តាយត្រូវតែយកចិត្តទុកដាក់ពីសុខភាពកូនៗរបស់ខ្លួន”។
លោក ភាតធឺ វ៉ាន ម៉ារ៉ែន (Pieter Van Maaren) តំណាងប្រចាំប្រទេសនៃអង្គការសុខភាពពិភពលោក បានលើកឡើងថា ការកើនឡើងនៃការស្លាប់បានធ្វើឲ្យមានការព្រួយរម្ភយ៉ាងខ្លាំង ប៉ុន្តែ លោកបានព្រមានថា ការឆ្លងនិងការស្លាប់ឆ្នាំនេះអាចឈានដល់កម្រិតមួយដូចកាលពីឆ្នាំ២០០៧។
លោក វេជ្ជបណ្ឌិត វ៉ាន ម៉ារ៉ែន បានលើកឡើងថា “ ច្បាស់ណាស់ យើងរំពឹងថា ករណីមួយចំនួននឹងកើនឡើងនៅរដូវវស្សា ប៉ុន្តែ ថា
តើវាអាចឈានដល់កម្រិតមួយដូចកាលពីឆ្នាំ២០០៧នោះ គឺយើងមិនអាចនិយាយបាននៅឡើយទេ”។ លោកបន្ថែមថា ការឆ្លងនេះ ក៏អាចកើតឡើងដូចការកើតឡើងនៃជំងឺ ជីគុនគុនីយ៉ា (Chikungunya) ដែលជាជំងឺមួយកើតចេញពីមូសខ្លា ដោយវាមានរោគសញ្ញាស្ទើរតែដូចជំងឺគ្រុនឈាមអ៊ីចឹងដែរ។ លោកបានបន្តថា “ សម្រាប់ពេទ្យ វាងាយស្រួលទេ ក្នុងការសម្គាល់ជំងឺនេះ ប៉ុន្តែ សម្រាប់ មនុស្សធម្មតាវិញ វាមិនងាយស្រួលឡើយ។ ហេតុដូច្នេះហើយ បញ្ហានោះ គឺយើងអាចច្រឡំនឹងករណីជំងឺជីគុនគុនីយ៉ា”៕
ប្រែសម្រួលដោយ ស៊ា ស៊ុយឈាង
គម្រោងអភិវឌ្ឍន៍តំបន់បឹងកក់ត្រូវបានផ្អាក ហើយមិនដឹងថា ចាប់ផ្តើមឡើងវិញនៅពេលណាទេ
នៅក្នុងខណ្ឌដូនពេញ រាជធានីភ្នំពេញមានពំនូកខ្សាច់ទំហំ១៣៣ហិកតា ដែលកាលពីមុនគឺជាបឹងដ៏ធំមួយ។ គម្រោងមួយបានប្រើពេលវេលាអស់ជិតបួនឆ្នាំ ដើម្បីចាក់ដីខ្សាច់ទាំងនេះបំពេញបឹងកក់។
គេបានបំពាក់ផ្ទាំងប៉ាណូធំចំនួនពីរផ្ទាំងនៅបរិវេណភាគខាងជើងបឹង ដែលត្រូវបានចាក់បំពេញដោយខ្សាច់យ៉ាងច្រើននោះ។ នៅលើផ្ទាំងប៉ាណូទាំងពីរផ្ទាំងនោះ មានទស្សនវិស័យរបស់លោក ឡៅ ម៉េងឃិន សមាជិកព្រឹទ្ធសភាមកពីគណបក្សប្រជាជនកម្ពុជា។នៅក្នុងទស្សនវិស័យនេះ វាជាគម្រោងអចលនទ្រព្យដែលមានរយៈពេលវែងមួយ មានអគារខ្ពស់ពីរសាងសង់ពីកញ្ចក់និងដែក កន្លែងទឹកផុសដ៏ធំមួយកន្លែង និងអគារលំនៅដ្ឋានរាប់រយខ្នង នៅជុំវិញផ្ទៃទឹក។
រហូតមកទល់ពេលនេះ ទស្សនវិស័យនេះបានក្លាយជាការពិតខ្លះហើយ ដូចជាផ្ទៃបឹងត្រូវបានចាក់ដីបំពេញ ហើយប្រជាជនរាប់ពាន់នាក់ ដែលធ្លាប់បានរស់នៅក្នុងតំបន់នេះ ត្រូវបានបណ្តេញចេញ និងផ្លាស់ទៅតំបន់ផ្សេង ជាដើម។ ក៏ប៉ុន្តែ អ្វីដែលកំពុងតែកើតមានឡើងចំពោះតំបន់នេះគឺមានការប៉ាន់ស្មានថា ទីស្នាក់ការរបស់ក្រុមហ៊ុននៅក្នុងរាជធានីភ្នំពេញទំនងជាបិទទ្វារហើយ។ ភ្នាក់ងារអចលនទ្រព្យ នៅក្នុងរាជធានីភ្នំពេញនិយាយថា បរិមាណផ្គត់ ផ្គង់អចលនទ្រព្យមានច្រើនលើសលប់ ដូច្នេះការអនុវត្តគម្រោងសាងសង់អចលនទ្រព្យនៅឯតំបន់បឹងកក់បង្កឲ្យមានបញ្ហាហិរញ្ញវត្ថុ។ ចំណែកឯមន្ត្រីរដ្ឋាភិបាលទំនងជាមិនដឹងថា នឹងមានអ្វីកើតកើតឡើងទេ ហើយបើសិនជាមន្ត្រីទាំងនោះដឹង ក៏នឹងប្រហែលជាបដិសេធមិនធ្វើសេចក្តីអត្ថាធិប្បាយដែរ។
អ្នកស្រី ឆាយ ស៊ីណា ដែលបានបាត់បង់ការងាររបស់ខ្លួនកាលពីខែកុម្ភៈជាប្រធានផ្នែកលក់នៅក្រុមហ៊ុនអភិវឌ្ឍន៍អចលនទ្រព្យស៊ូកាគូ អឺដូស ហុងជុន (Shukaku Erdos Hongjun Pproperty Development Co,.) ដែលជាក្រុមហ៊ុន បង្កើតរួមគ្នារវាងវិនិយោគិនកម្ពុជា និងវិនិយោគិនចិន ដើម្បីកាន់កាប់តំបន់បឹងកក់នេះបាននិយាយថា “ ពួកគេបានត្រឡប់ទៅប្រទេសចិនវិញអស់ហើយ”។
អ្នកស្រី ស៊ីណា បាននិយាយថា រូបអ្នកស្រីផ្ទាល់ ព្រមទាំងបុគ្គលិក១០នាក់ទៀតត្រូវបញ្ឈប់ពីការងាររបស់ខ្លួនកាលពីដើមឆ្នាំនេះ ហើយមានតែប្រធានគ្រប់គ្រងគម្រោងទេដែលនៅធ្វើការឯទីស្នាក់ការក្រុមហ៊ុនក្នុងខណ្ឌទួលគោក រាជធានីភ្នំពេញ ប៉ុន្តែ បន្ទាប់ពីអ្នកស្រីបានទៅដល់ទីស្នាក់ការក្រុមហ៊ុនកាលពីសប្តាហ៍មុន បុគ្គលិកក្រុមហ៊ុនអឺដូសមួយរូបដែលធ្វើការលើគម្រោងដោយឡែកមួយទៀត បានប្រាប់ថា ប្រធានគ្រប់គ្រងគម្រោងរូបនោះបានចាកចេញទៅប្រទេសចិនកាលពីខែមុន ហើយមិនដឹងថាពេលណាទើបគាត់ត្រឡប់មកវិញ ឬមិនត្រឡប់មកវិញទេ។
ក្រុមហ៊ុន ស៊ូកាគូ និងក្រុមហ៊ុន អឺដូសហុងជុន បោះទុនរួមគ្នា កាលពីដំណាច់ឆ្នាំ២០១០ ដោយក្រុមហ៊ុនអឺដូសកាន់កាប់ភាគហ៊ុន៤៩ភាគរយនៅក្នុងក្រុមហ៊ុនបង្កើតរួមគ្នានេះ។
ប៉ុន្មានខែក្រោយមក ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងបឹងកក់ ដែលត្រូវចំណាយប្រាក់ក្នុងគម្រោងវិនិយោគនេះអស់២,២ពាន់លានដុល្លារ។ ក្រុមហ៊ុនបានរៀបចំពិធីបញ្ចុះបឋមសិលា សម្រាប់គម្រោងនេះ កាលពីខែកក្កដា ឆ្នាំមុន ដោយមានវត្តមានរបស់លោក កែប ជុតិមាអភិបាលរាជធានីភ្នំពេញ និងលោក ឡៅម៉េងឃិន ជាអធិបតី។
អ្នកស្រី ស៊ីណា អតីតប្រធានផ្នែកលក់បាននិយាយថា “គម្រោងអភិវឌ្ឍន៍នេះមិនដែលបានចាប់ផ្ដើមសកម្មភាពសាងសង់ទេ គ្រាន់តែបានបើកដំណើរការប៉ុណ្ណោះ”។អ្នកស្រី បានឲ្យដឹងទៀតថា កាលពីដំបូងការដ្ឋានសាងសង់នៅតំបន់បឹងកក់គ្រោងចាប់ផ្ដើមក្នុងខែធ្នូ ឆ្នាំនេះ។
លោក បេង ហុង សុជាតិ ខេមរ៉ូ អ្នកនាំពាក្យក្រសួងរៀបចំដែនដី នគរូបនីយកម្ម និងសំណង់ ព្រមទាំងលោក ឆាយធីរិទ្ធចៅសង្កាត់ស្រះចកខណ្ឌដូនពេញ ជាកន្លែងអភិវឌ្ឍន៍គម្រោងនេះស្ថិតនៅ បានបដិសេធមិនធ្វើសេចក្តីអត្ថាធិប្បាយ ដោយបង្វែរសំណួរទៅសាលារាជធានីភ្នំពេញវិញ។ មិនមាននរណាម្នាក់នៅសាលារាជធានី ឬ ក្រុមហ៊ុនស៊ូកាគូ អាចទាក់ទងដើម្បីសុំសេចក្តីអត្ថាធិប្បាយបានទេ។ក្រុមជំនាញការផ្នែកអចលនទ្រព្យបាន
និយាយថា ទោះបីជាបច្ចុប្បន្នមានកន្លែងសម្រាប់សាង់សង់អគារការិយាល័យនៅក្នុងរាជធានីភ្នំពេញក៏ដោយ ក៏បរិមាណផ្គត់ផ្គង់ឡើងហួសកម្រិតទៅហើយ។ហើយដោយសារតែមានគម្រោងសាងសង់អចលនទ្រព្យមួយចំនួនដូចជាគម្រោងសាងសង់អគារខ្ពស់វឌ្ឍនៈ កម្ពស់៣៨ជាន់ជាដើម ដែលត្រូវបានគេគ្រោងដាក់លក់នៅលើគេហទំព័រក្នុងអុិនធើណិតនៅដំណាច់ឆ្នាំនេះ ទើបស្ថានភាពនេះគ្រាន់តែទំនងជានឹងមានភាពរីកចម្រើនប៉ុណ្ណោះ។
ស្របពេលដែលទីផ្សារអចលនទ្រព្យនៅប្រទេសកម្ពុជា ដែលធ្លាប់នៅទ្រឹងអស់រយៈពេលជាច្រើនឆ្នាំ...