paywall

នគរ​បាល កង​រាជ​អាវុធ​ហត្ថ​ និង​​មន្ត្រី​សាលា​រាជ​ធានី​រាប់​រយ​នាក់ បាន​​ជួបជុំ​គ្នា​កាល​ពី​ម្សិល​មិញ​ដើម្បី​ចូល​រួម​​កិច្ច​ប្រជុំ​ប្រចាំ​ឆ្នាំ​​របស់​សាលា​រាជធានី​ភ្នំ​ពេញ​ ដែល​​នៅ​ក្នុង​កិច្ច​ប្រជុំ​​នេះ​ មាន​ការ​សន្យា​​កែ​លម្អ​​មុខ​មាត់​របស់​រាជធានី​រួម​ទាំង​​ការ​កែ​លម្អ​ប្រព័ន្ធ​​គ្រប់​គ្រង​សំរាម​​​​​​ និង​ការ​​​ពិនិត្យ​ឡើង​វិញ​នូវ​​សិទ្ធិ​​ប្រមូល​សំរាម​ផ្តាច់​មុខ​របស់​ក្រុម​ហ៊ុន​សីុន​ទ្រី​ផងដែរ។ សុន្ទរក​ថា​​បើក​​កិច្ច​ប្រជុំ​ដោយ​​លោក ប៉ា សុជាតិ​វង្ស ​អភិបាល​រាជ​ធានីភ្នំ​ពេញ និង​សុន្ទរកថា​បិទកិច្ច​ប្រជុំ​ដោយលោក​ ស ខេង រដ្ឋ​មន្ត្រី​ក្រសួង​មហា​ផ្ទៃ បាន​ឆ្លុះ​បញ្ចាំង​​ពី​ការ​​ខក​ខាន​របស់​ក្រុម​ហ៊ុន​​នេះ​ក្នុង​ការ​ំពេញ​ភារកិច្ច​របស់​ខ្លួន ហើយ​បាន​លើក​ឡើង​ថា រដ្ឋាភិបាល​​បាន​ទទួល​រង​ការ​​​​ស្តី​បន្ទោស​​ដោយ​សារតែ​អសមត្ថ​ភាព​របស់​ក្រុម​ហ៊ុន​សីុន​ទ្រី។ លោក ស ខេង បាន​ព្រមាន​ថា ​កេរ្តិ៍​ឈ្មោះ​របស់​ប្រទេស​កម្ពុជា ​កំពុង​ប្រឈម​​នឹង​ហានិភ័យ​​បាត់​បង់ ​ខណៈ​​ភ្ញៀវ​​​ទេស​មក​កាន់​រាជ​ធានី​ ត្រូវ​ប្រឈម​​នឹង​ផ្លូវ​ដែល​​មានសំរាម​​រាយ​ប៉ាយ​ពាស​ពេញ។ ​លោក​បាន​​​​មាន​ប្រសាសន៍​ថា...

ក្រុម​​​មន្ត្រី​បាន​​​និយាយ​​​កាល​​​ពី​​​ម្សិលមិញ​​​ថា អ្នក​​​យក​​​ព័ត៌​​​មាន​​​របស់​​​ទីភ្នាក់​​​ងារ​​​ព័ត​​​៌មាន​​​រដ្ឋ​​​អាកាប៉េ (AKP) ត្រូវ​​​បាន​​​ចោទ​​​ប្រកាន់​​​ពី​​​ថ្ងៃ​​ពុធ តាម​ចោទ​ពីបទ​​​ជំរិត​​​ទារ​​​ប្រាក់​​​អ្នក​​​បើក​​​បរ​​​រថយន្ត​​​​​​ម្នាក់​​​ក្នុង​​​ខេត្ត​​​ព្រះ​​​វិហារ​​​ជុំវិញ​ករណី​ដឹក​ឈើ​​​ប្រណីត​​​​​​។ លោក ខាត់ ហ៊ុន នាយ​​​នគរ​​​បាល​​​ព្រហ្មទណ្ឌ​​​ខេត្ត​​​បាន​​​មានប្រសាសន៍​​​ថា លោក ទិត្យ​​​ ស្រូ អាយុ​​​៤៣​​​ឆ្នាំ​​​ បាន​​​គំរាម​​​​​​ថា នឹង​រាយការណ៍​​​ពី​​​អ្នក​​​បើក​​​បររថយន្ត​​​ឈ្មោះ ឈាង ម៉ៅ ប្រាប់​​​អាជ្ញាធរ​​​ជុំវិញ​ការ​​​ដឹក​​​ឈើ​​​ផ្ចឹក​​​​​​ជា​​​ប្រភេទ​​​ឈើ​​​លេខ​​​១​​​ កាល​​​ពី​​​ថ្ងៃ​​​ទី​​​៦​​​ខែ​​​កុម្ភៈ ទាល់​​​តែ​​​គាត់​​​បាន​​​បង់​​​ប្រាក់​​​ចំនួន​៤០០ដ​​​ុល្លារ​​​។ លោក​​​ ខាត់ ហ៊ុន បាន​​​មាន​​​ប្រសាសន៍​​​ថា "យើង​​​បាន​​​ចាប់​​​ខ្លួន​​​លោក ទិត្យ​​​ ស្រូ ពី​​​ព្រោះ​​​​​​គាត់​​​បាន​​​ប៉ុនប៉ង​​​គំរាមទារ​​​ប្រាក់​​​ពីរ​​​លើក​​​ពី​​​លោក​​​ ឈាង​​​ ម៉ៅ ហើយ​​​គាត់​​​សារភាព​​​ថា គាត់​​​​​​បាន​​​ប្រព្រឹត្ត​​​បទ​​​ឧក្រិដ្ឋ​​​នេះ​​​មែន​​​"។ លោក​​​បាន​​​​​​មាន​​​ប្រសាសន៍​​​ថា អ្នក​​​កាសែត​​​រូប​​​នេះ​​​ត្រូវ​​​បាន​​​ចាប់​​​ខ្លួន​​​ បន្ទាប់​​​ពី​​​អ្នក​​​កាប់​​​ឈើ​​​រូប​​​នេះ​​​បាន​​​ណាត់​​​ជួប​​​ដើម្បី​​​ប្រគល់​​​ប្រាក់​​​ចំនួន​​​២៥០​​​ដុល្លារ។ លោក ឈាង​​​ ម៉ៅ បាន​​​និយាយ​​​ថា ដំបូង​​​លោក​​​សុខចិត្ត​​​បង់​​​ប្រាក់​​​២០០​​​ដុល្លារ ប៉ុន្តែ បាន​​​ងាក​ទៅ​​​រក​​​នគរ​​​បាល​​​នៅ​​​ពេល​​​អ្នក​​​យក​​​ព័ត៌មាន​​​រូប​​​នេះ​​​បាន​​​ទាម​​​ទារ​​​ប្រាក់​​​បន្ថែម​​​។ លោក ឈាង​​​ ម៉ៅ បាន​​​និយាយ​​​ថា "ខ្ញុំ​​​ព្រម​​​បង់​​​ប្រាក់​​​ឲ្យ​​​គាត់​​​២០០​​​ដុល្លារ ប៉ុន្តែ​​​ គាត់​​​មិន​​​ព្រម​​​ នោះ​​​ជា​​​មូល​​​ហេតុ​​​ដែល​​​ខ្ញុំ​​​បាន​​​សម្រេច​​​ដាក់​​​ពាក្យ​​​បណ្ដឹង​​​ទៅ​​​នគរ​​​បាល​​​។ មុន​នោះ ​​គាត់​​​បាន​​​ទូរស័ព្ទ​​​មក​​​ខ្ញុំ​​​ជា​​​ច្រើន​​​ដង​​​ ហើយ​​​បាន​​​គំរាមកំហែង​ខ្ញុំ​​​ដោយ​​​និយាយ​​​ថា ប្រសិន​​​បើ​​​ខ្ញុំមិន​​​ផ្តល់​​​ប្រាក់​​​ឲ្យ​​​គាត់​​​៤០០​​​ដុល្លារ​​​ទេ​​​នោះ ខ្ញុំ​​​នឹង​​​មិន​​​​​​អាច​​​ដឹក​​​ឈើ​​​នៅ​​​ពេល​​​អនាគត​​​បាន​ឡើយ​​​"។ អ្នក​​​កាសែត​​​ម្នាក់​​​ទៀត​​​ឈ្មោះ ឈឿង ចាន់ អាយុ​​​៤៥​​​ឆ្នាំ ជា​​​អ្នក​​​យក​​​ព័ត៌​​​មាន​​​ប្រចាំ​​​ទូរ​ទស្សន៍​​​អប្សរា​​​ដំណឹងពេល​​​ព្រឹក​​​បាន​​​ទទួល​​​ស្គាល់​​​ថា បាន​​​ឃាត់​​​អ្នក​​​បើក​​​រថយន្ត​​​​​​នេះ​​​ជា​​​មួយ​​​លោក ទិត្យ​​​ ស្រូ ហើយ​​​ទទួល​​​បាន​​​ប្រាក់​​​២៥​​​ដុល្លារ ប៉ុន្តែ បាន​​​បដិសេធ​​​ការ​​​អះអាង​​​ដែល​​​​​​ថា គាត់​​​បាន​​​គំរាម​​​ទារ​​​ប្រាក់​​​។ លោក​​​បាន​​​និយាយ​​​ថា "ខ្ញុំ​​​នឹង​​​មិន​​​គេច​​​ពី​​​ការ​​​ចូល​​​​​​​​ផ្តល់​​​សក្ខីកម្ម​​​ក្នុង​​​តុលាការ​​​ឡើយ​​​ ពីព្រោះ​​​ខ្ញុំ​​​មិន​​​បាន​​​ប៉ុនប៉ុង​​​គំរាម​​​ទារ​​​ប្រាក់​​​ពីអ្នក​​​បើក​​​បរ​​​រថយន្ត​​​រូប​​​នោះ​​​ឡើយ​​​...ប៉ុន្តែ លោក​​​ទិត្យ ស្រូ បាន​​​សុំ​​​ប្រាក់​​​ពី​​​គាត់​​​ចំនួន​​​៤០០​​​ដុល្លារ​​​។ នគរ​​​បាល​​​បាន​​​លើក​​​ឡើង​​​ថា អ្នក​​​កាសែត​​​ទី​​​៣​​​ម្នាក់​ ក៏បាន​​​​ជាប់​​​ពាក់​​​ព័ន្ធ​​​ផង​​​ដែរ ប៉ុន្តែ ពួក​​​គេ​​​មិន​​​ទាន់​​​ស្គាល់​​​អត្តសញ្ញាណ​​​ជន​​​នោះ​​​នៅ​​​ឡើយ​​​ទេ​​​។ លោក ឡុង​​​ ស៊ីថា ព្រះ​​​រាជ​​​អាជ្ញា​​​អម​​សាលាដំបូង​ខេត្ត​​​បាន​​​អះ​​​អាង​​​ថា លោក ទិត្យ ស្រូ​​​ ត្រូវ​​​បាន​​​ចោទ​​​ប្រកាន់​​​ពី​​​បទ​​​គំរាម​​​ទារ​​​ប្រាក់​​​។ លោកស្រី សុខ​​​ មុំនិមល អគ្គ​​​នាយិកា​​ទីភ្នាក់ងារ​ព័ត៌​​​មាន​​​អាកាប៉េ បាន​​​មាន​​​ប្រសាសន៍​​​ថា លោក ទិត្យ​​​ ស្រូ ត្រូវ​​​បាន​​​​​​សារព័ត៌មាន​​​AKPជួល​​​មក​​​បម្រើ​​​​ការ​​​ងារ​​​​​​ក្នុង​​​ខេត្ត​​​ព្រះ​​​វិហារ​​​ ប៉ុន្តែ បាន​​​បដិ សេធ​​​មិន​​​ធ្វើ​​​អត្ថាធិប្បាយ​​​បន្ថែម​​​ឡើយ​​​។ លោក​ស្រី​​​បាន​​​មាន​​​ប្រសាសន៍​​​ថា "ខ្ញុំ​​​ទទួល​​​បាន​​​ព័ត៌​​​មាន​​​ពី​​​ការ​​​ចាប់​​​ខ្លួន​​​លោក ទិត្យ ស្រូ ហើយ​​​យើង​​​កំពុង​​​ធ្វើ​​​ការ​​​លើ​​​ករណី​​​នេះ​​​"៕សារុន​​​  

មន្ត្រី​​​នគរ​​​បាល​​​ជាន់​​​ខ្ពស់​​​មួយ​​​រូប​​​បាន​​​លើក​​​ឡើង​​​កាល​​​ពីម្សិលមិញ​​​ថា ការ​​​ធ្វើ​​​សេចក្តី​​​ព្រាង​​​ច្បាប់​​​មួយ​​​ដើម្បី​​​ការ​​​ពារ​​​ព័ត​​​៌​​​មាន​​​សម្ងាត់​​​របស់​​​រដ្ឋ បាន​​​ដំណើរ​​​ការ​​​រយៈ​​​ពេល​​​ជាង​​​ពីរ​​​ឆ្នាំ​​​មក​​​ហើយ ហើយ​​​អាច​​​នឹង​​​ដាក់​​​ជូន​​​​​​ទៅ​​​ឲ្យ​ទីស្តីការ​​​គណៈ​​​រដ្ឋ​​​មន្ត្រី​​​ពិនិត្យ​​​ក្នុង​​​រយៈ​​​ពេល​​​ពីរ​​​ខែ​​​​​​​​​ទៀត​។ សេចក្តី​​​ព្រាង​​​ច្បាប់​​​នេះ​​​ត្រូវ​​​បាន​​​គេ​​​ដឹង​​​ឮជា​​លើក​​​ដំបូង​​​នៅ​​​ថ្ងៃ​​​ទី​​​២៨​​​ ខែ​​​មករា​​​ នៅ​​​ពេល​​​នគរ​​​បាល​​​ជាតិ​​​បាន​​​ប្រកាស​​​នៅ​​​លើ​​​គេហទំព័រ​​​របស់​​​ខ្លួន​​​ថា ក្រសួង​​​មហាផ្ទៃ​​​កំពុង​​​ស្ថិត​​​ក្នុង​​​ដំណើរ​​​ការ​​​ព្រាង​​​ច្បាប់​​​នេះ​​​។ ព័ត​​​៌មាន​​​បង្ហោះ​​​លើ​​​គេ​​​ហទំព័​​​រនេះ​​​បាន​​​បញ្ជាក់​​​ថា ច្បាប់​​​នេះ​​​មាន​​​បំណង​​​ការ​​​ពារ​​​ "ព័ត​​​៌មាន​​​សម្ងាត់​​​របស់​​​រដ្ឋ​​​ដើម្បី​​​ធានា​​​ថា ភាព​​​សម្ងាត់​​​របស់​​​ជាតិ​​​​​​ត្រូវ​​​បាន​​​ការ​​​ពារ​​​យ៉ាង​​​តឹង​​​រឹុង​​​"។ ឧត្តម​​​សេនីយ៍ឯក គៀត​​​ ច័ន្ទ​​​ថារិទ្ធ អ្នកនាំពាក្យ​​​នគរ​​​បាល​​​ជាតិ​​​បាន​​​មាន​​​ប្រសាសន៍​​​កាល​​​ពី​​​ម្សិល​​​មិញ​​​ថា ​​​​​​ក្រសួង​​​បាន​​​ដំណើរ​​​ការ​​​ព្រាង​​​ច្បាប់​​​នេះ​​​ជាង​​​ពីរ​​​ឆ្នាំ​​​មក​​​ហើយ​​​។លោក​​​បាន​​​មានប្រសាសន៍​​​ទៀត​​​ថា "ខ្ញុំ​​​សង្ឃឹម​​​ថា មួយ​​​ខែ​​​ពី​​​រ​​​ខែ​​​ទៀត​​​ សេចក្តី​​​ព្រាង​​​ច្បាប់​​​នេះ​​​នឹង​​ត្រូវ​​​អនុម័ត​​​ដោយ​​​ក្រសួង ​​​រួច​​​បញ្ជូន​​​ទៅ​​​ទី​​​ស្តី​​​ការ​​​គណៈ​​​រដ្ឋ​​​មន្ត្រី​​​"។ លោក​​​បាន​​​លើក​​​ឡើង​​​ទៀត​​​ថា ច្បាប់​​​នេះ​​​ត្រូវ​​​បាន​​​តាក់​​​តែង​​​ឡើង​​​ដើម្បី​​​ការ​​​ពារ​​​ "ព័ត​​​៌មាន​​​សម្ងាត់​​​" របស់​​​រដ្ឋាភិបាល​​​។ លោក​​​បាន​​​បន្ត​​​ថា "វា​​​ពាក់​​​ព័ន្ធ​​​នឹង​​​ព័ត៌មាន​​​ដែល​​​មិន​​​ត្រូវ​​​បាន​​​ផ្សព្វ​​​ផ្សាយ​​​ជា​​​សាធារណៈ​​​។ ឧទាហរណ៍​ដូច​ជា​ព័ត​​​៌មាន​​​សម្ងាត់​​​ពាក់​​​ព័ន្ធ​​​នឹង​​​សន្តិសុខ ការ​ការ​​​ពារ​​​ជាតិ សេដ្ឋកិច្ច​​​ បរិស្ថាន​​​ជា​ដើម​"។ អ្នកនាំ​​​ពាក្យ​​​រូប​​​នេះបាន​​​ពន្យល់​​​ថា ច្បាប់​​​នេះ​​​រួម​​​មាន​​​ បទប្បញ្ញត្តិ​​​​​​អនុ​​​ញ្ញាត​​​ឲ្យ​​​រដ្ឋាភិបាល​​​ផ្តន្ទាទោស​​​ជន​​​ណា​​​ដែល​​​លាត​​​ត្រដាង​​​ព័ត​​​៌មាន​​​ដែល​​​ត្រូវ​​​បាន​​​ចាត់​​​ទុក​​​​​​ថា​​​ជា​​​ព័ត៌​​​មាន​​​សម្ងាត់ ប៉ុន្តែ បាន​​​មានប្រសាសន៍​​​ថា លោក​​​មិន​​​ចាំ​​​សេចក្តី​​​លម្អិត​​​ទេ​​​។ ទោះ​​​ជា​​​យ៉ាង​​​ណា លោក ខៀវ សុភ័គ អ្នកនាំ​​​ពាក្យ​​​ក្រសួង​​​មហាផ្ទៃ​​​ បាន​​​​​​មាន​​​ប្រសាសន៍​​​កាល​​​ពី​​​ម្សិលមិញ​​​ថា ក្រសួង​​​របស់​​​លោក​​​មិន​​​ទាន់​​​បាន​​​ចាប់​​​ផ្តើម​​​ព្រាង​​​ច្បាប់​​​នេះ​​​នៅ​​​ឡើយ​​​ទេ​​​ សូម្បី​​​តែ​​​នៅ​​​លើ​​​ក្រដាស​​​ក៏​​​មិនទាន់​​​ដែរ​​​។ លោក​​​មាន​​​ប្រសាសន៍​​​ថា "ការងារ​​​នេះ​​​​​​មិនទាន់​​​ចាប់​​​ផ្តើម​​​នៅ​​​ឡើយ​​​ទេ​​​​​​​​​​​​ យើង​​​គ្រាន់​​​តែ​​​គិត​​​ទុក​​​ប៉ុណ្ណោះ​​​"។ លោក​​​មាន​​​ប្រសាសន៍​​​ទៀត​​​ថា គណៈកម្មការ​​​ធ្វើ​​​សេចក្តី​​​ព្រាង​​​ច្បាប់​​​នេះ​​​ក៏​​​មិន​​​ទាន់​​​បាន​​​បង្កើត​​​ឡើង​​​ដែរ​​​។ លោក​​​បាន​​​មាន​​​ប្រសាសន៍​​​ថា "យើង​​​គ្មាន​​​វិធាន​​​ការ​​​ជាក់​​​លាក់​​​ទេ​​​។ យើង​​​គ្រាន់​​​តែ​​​គិត​​​ទុក​​​ក្នុង​​​​​​ចិត្ត​​​ប៉ុណ្ណោះ​ថា យើង​​​គួរ​​​តែ​​​មាន​​​ច្បាប់​​​នេះ​​​នៅ​ពេល​​​អនាគត​​​"។ ដោយ​​​បន្ទរ​​​តាម​​​​​​ការ​​​លើក​​​ឡើង​​​របស់​​​ឧត្តម​​​សេនីយ៍​​​ឯក​​​ គៀត ច័ន្ទថារិទ្ធ លោក​​​បាន​​​មានប្រសាសន៍​​​ថា ច្បាប់​​​នេះ​​​មាន​​​បំណង​​​ការ​​​ពាររាល់​​​ "ព័ត​​​៌​​​មាន​​​សម្ងាត់​​​របស់​​​រដ្ឋ" ប៉ុន្តែ ​​​លោក​​​បាន​​​បដិសេធ​​​មិន​​​បញ្ជាក់​​​លម្អិត​​​ទេ។ លោក​​​បាន​​​លើក​​​ឡើង​​​ថា "ប្រទេស​​​ជា​​​ច្រើន​​​មាន​​​ច្បាប់​​​នេះ ដូច្នេះ​​​កម្ពុជា​គួរ​​​តែ​​​មាន​​​ច្បាប់​​​នេះ​​​ដើម្បី​​​ការ​​​ពារ​​​ផល​ប្រយោជន៍​​​របស់​​​ជាតិ​​​"។ ព័ត​​​៌មាន​​​ដែល​​​បង្ហោះ​​​នៅ​​​លើ​​​គេហទំព័រ​​​របស់​​​នគរ​​​បាល​​​ជាតិ​​​កាល​​​ពី​​​ខែ​​​មុន​​​ លើក​​​ឡើង​​​ថា មន្ត្រី​​​រដ្ឋាភិបាល​​​ជាន់​​​ខ្ពស់​​​​​​បាន​​​ធ្វើ​​​ដំណើរ​​​ទៅ​​​កាន់​​​ប្រទេស​​​វៀត​​​ណាម​​​ដើម្បី​​​ធ្វើ​​​វិធី​​​ព្រាង​​​ច្បាប់​​​នេះ​​​។ អស់​​​រយៈ​​​ពេល​​​ជា​​​យូរ​​​មក​​​ហើយដែល​​​ប្រទេស​​​វៀតណាម​​​បាន​​​រង​​​ការ​​​រិះ​​​គន់​​​ចំពោះ​​​ការ​​​បែង​​​ចែក​​​ព័ត​​​៌​​​មាន​​​យ៉ាង​​​ទូលំទូលាយ​​​ថាជា​​​ព័ត៌មាន​​​សម្ងាត់ និង​​​ ចំពោះ​ការ​​​ប្រើ​​​ប្រាស់​​​ច្បាប់​​​ស្តី​​​ពី​​​ព័ត៌មាន​​​សម្ងាត់​​​របស់​​​រដ្ឋ​​​ដើម្បី​​​ចាប់​​​អ្នកប្រឆាំង​​​ដាក់​​​ពន្ធនាគារ។ កាល​​​ពី​​​ថ្ងៃ​​​សុក្រ អាជ្ញាធរ​​​វៀតណាម​​​​​​បាន​​​បិទ​​​គេហទំព័រ​​​របស់​​​កាសែត Nguoi Cao Tuoi ដែល​​​មាន​​​ឈ្មោះ​​​ល្បី​​​ល្បាញ​​​ដោយ​​​សារ​​​ការ​​​បោះ​​​ពុម្ព​​​ផ្សាយ​​​រឿង​​​រ៉ាវ​​​ស្តី​​​ពី​​​អំពើ​​​ពុក​​​រលួយ នេះ​​​បើ​​​យោង​​​តាម​​​អត្ថបទ​​​មួយ​​​បង្ហោះ​​​លើ​​​គេហទំព័រ​​​ជា​ភាសា​​​អង់គ្លេស​​​របស់​​​ Thanh Nien ដែល​​​ជា​​​កាសែត​​​មួយទៀត​​​របស់​​​វៀតណាម​​​។ ​​​​​​​​​​​​ ​​​អត្ថបទ​​​នេះ​​​បាន​​​ចុះ​ផ្សាយ​ថា ពួក​គេ​ក៏​បាន​ដក​ហូត​សារតាំង​របស់​ព័ត៌មានរបស់​និពន្ធនាយក​នៃកាសែត​នេះ​ដែរ។ យោង​​​តាម​​​កាសែត​​​វៀតណាម​​​មួយទៀត​​​ឈ្មោះ​​​ថា Tuoi Tre បាន​​​ឲ្យ​​​ដឹង​​​ថា កាសែត​​​ Nguoi Cao Tuoi ត្រូវ​​​បាន​​​ពិន័យ​​​ចំពោះ​​​ការ​​​ចុះ​​​ផ្សាយ​​​អត្ថបទ​​​ "លាត​​​ត្រដាង​​​ព័ត៌មាន​​​សម្ងាត់​​​របស់​​​រដ្ឋ"។ លោក ព្រាប កុល​​​ នាយក​​​ប្រតិបត្តិ​​​អង្គការ​​​តម្លាភាព​​​កម្ពុជា បាន​​​ចាត់​​​ទុក​​​ការ​​​ពាក់​​​ព័ន្ធ​​​របស់​​​វៀត​​ណាម​​​នៅ​​​ក្នុង​​​ច្បាប់​​​ស្តី​​​ពី​​​ព័ត៌មាន​​​សម្ងាត់​​​​​​របស់​​​រដ្ឋ​​​ក្នុង​​​ប្រទេស​​​កម្ពុជា ថា​គួរ​​​ឲ្យ​​​ព្រួយ​​​បារម្ភ។ លោក​​​លើក​​​ឡើង​​​ថា អង្គការ​​​របស់​​​លោក​​​គ្មាន​​​សេចក្តី​​​លម្អិត​​​អំពី​​​សេចក្តី​​​ព្រាង​​​ច្បាប់​​​នេះ​​​ទេ ហើយ​​​ថា លោក​​​កំពុង​​​សហការ​​​ជា​​​មួយ​​​អង្គការ​​​សង្គម​​​ផ្សេង​​​ៗ​​​ទៀត​​​ដើម្បី​​​ស្វែង​​​រក​​​ព័ត៌មាន​​​បន្ថែម​​​ស្តី​​​ពី​​​ច្បាប់​នេះ​។ លោក​​​បាន​​​មានប្រសាសន៍​​​ទៀត​​​ថា "ក្តី​​​បារម្ភ​​​ទី​១​គឺ​​​ថា យើង​​​ចាំ​​​បាច់​​​ត្រូវ​​​ដឹង​​​ថា វិស័យ​​​ណា​​​ខ្លះ​​​ដែល​​​រដ្ឋាភិបាល​​​កំណត់​​​ថា​ជា​​​ព័ត៌មាន​​​សម្ងាត់​​​"។ លោក ព្រាប​​​ កុល​​​ បាន​​​បន្ត​​​ថា ខណៈ​​​លោក​​​មិន​​​ជំទាស់​​​នឹង​​​ច្បាប់​​​ស្តី​​​ពី​​​ព័ត៌មាន​​​សម្ងាត់​​​របស់​​​រដ្ឋ​​​​​​​​​ដាច់​ខាត​ដំណើរ​​​ការ​​​ធ្វើ​​​សេចក្តី​​​ព្រាង​គួរ​​​តែ​​​ចំហ និង​​​មាន​​​​​​តម្លាភាព​​​។ លោក​​​លើក​​​ឡើង​​​ថា "ប្រជា​​​ពល​​​រដ្ឋ​​​យល់​​​ពី​​​តម្រូវ​​​ការ​​​ច្បាប់​​​ដែល​​​អាច​​​​​​ការ​​​ពារ​​​ផល​​​ប្រយោជន៍​​​របស់​​​ប្រទេស​​​បាន​​​។ ប៉ុន្តែ យើង​​​ចង់​​​ធ្វើ​​​ឲ្យ​​​ប្រាកដ​​​ថា ច្បាប់​​​ស្តី​​​ពី​​​ព័ត៌មាន​​​សម្ងាត់​​​​​​របស់​​​រដ្ឋ មិន​​​​​​ធ្វើ​​​ឲ្យ​​​ប៉ះពាល់​​​ដល់​​​សិទ្ធិ​​​របស់​​​ពល​​​រដ្ឋ​​​ក្នុង​​​ការ​​​ទទួល​​​បាន​​​សេរីភាព​​​ព័ត៌មាន​​​"។ ចំណែកឯ​លោក ផៃ ស៊ីផាន អ្នកនាំពាក្យ​​​ទី​​​ស្តី​​​ការ​​​គណៈ​​​រដ្ឋមន្ត្រី​​​ បាន​​​មាន​​​ប្រសាសន៍​​​ថា លោក​​​មិន​​​ដឹង​​​ទេ​​​ពាក់​​​ព័ន្ធ​​​នឹង​​​សេចក្តី​​​ព្រាង​​​ច្បាប់​​​នេះ​​​៕សុខុម​​​    

យោងតាម​ច្បាប់​ចម្លង​នៃ​សេចក្តី​សម្រេច​របស់​តុលាការ​ដែល​ទទួល​បាន​កាលពី​ថ្ងៃ​អង្គារ​បាន​ឲ្យ​ដឹង​ថា​ តុលាការ​ខេត្ត​កោះកុង​បាន​បង្គាប់​ឲ្យ​ប្រជាពលរដ្ឋ​៤៧​គ្រួសារ​ដែលជាប់​ពាក់ព័ន្ធ​ក្នុង​ជម្លោះ​ដី​ជាមួយ​ក្រុមហ៊ុន​អភិវឌ្ឍន៍ China's Union Development Group (UDG) ចេញ​ពី​ផ្ទះ​របស់​ខ្លួន​ជាបន្ទាន់។ ក្រុមហ៊ុន យូឌីជី បាន​បណ្តេញ​ប្រជាពលរដ្ឋ​ប្រហែល១.០០០​គ្រួសារ​រួចហើយ​ចេញពី​ដី​ទំហំ​៤៥.០០០​ហិកតា​នៅ​ខាង​ក្នុង​ឧទ្យាន​ជាតិ​បទុម​សាគរ ដែល​ខ្លួន​បាន​និង​កំពុង​អភិវឌ្ឍ​ឲ្យ​ទៅជា​កន្លែង​ទេសចរណ៍​អស់​ទឹក​ប្រាក់​៣,៨​ពាន់​លាន​ដុល្លារ​តាំងពី​ឆ្នាំ​២០១០​មក។ ប្រជា​ពលរដ្ឋ​៤៧​គ្រួសារ​នេះ​ដែល​មាន​ឈ្មោះ​ក្នុង​សេចក្តី​សម្រេច​របស់​តុលាការ បាន​បន្ត​ការពារ​ខ្លួន ដោយ​អះអាង​ថា បាន​និង​កំពុង​រស់នៅ​និង​ធ្វើ​ស្រែ​ចម្ការ​លើ​ដី​នោះ​រយៈ​ពេល​ជាច្រើន​ទសវត្សរ៍​មកហើយ។ សេចក្តី​សម្រេច​ថ្ងៃទី​២​ខែ​កុម្ភៈ ដែល​ចុះ​ហត្ថលេខា​ដោយ​អនុ​ប្រធាន​តុលាការ​ខេត្ត លោក ឆេង ប៊ុនលី បាន​ចេញ​តែ​មួយ​ថ្ងៃ​បន្ទាប់ពី​ក្រុមហ៊ុន យូឌីជី ប្តឹង​គ្រួសារ​ទាំង​នោះ។ តុលាការ​បង្គាប់​ឲ្យ​គ្រួសារ​ប្រជាពលរដ្ឋ​ទាំង​នោះ​ "រើ​ផ្ទះ​សំបែង​និង​របង​របស់​អ្នក និង​យក​សម្ភារ​ទាំងអស់​ចេញ​ពី​ដី​របស់​ក្រុមហ៊ុន​អភិវឌ្ឍន៍...

កាល​​​ពី​​​ម្សិលមិញ លោក អ៊ុក​​​ រ៉ាប៊ុន រដ្ឋ​​​មន្ត្រី​​​ក្រសួង​​​កសិកម្ម រុក្ខា​​​ប្រមាញ់ និង​​​នេសាទ​​​បាន​​​ច្រាន​​​ចោល​​​លទ្ធផល​​​នៃ​​​របាយការណ៍​​​ថ្មី​​​របស់​​​អង្គការ​​​ក្លូបល​​​វីតណេស ដែល​​​ភ្ជាប់​​​រដ្ឋាភិបាល​​​​​​​​ក្នុង​​​ប្រតិបត្តិការ​​​កាប់​​​ឈើ​​​ខុស​​​ច្បាប់​​​ដែល​​​គ្រប់​​​គ្រង​​​ដោយ​​​លោក ទ្រី ភាព ដោយ​​​អះ​​​អាង​​​ថា អង្គ​ការ​​​សិទ្ធិ​​​បរិស្ថាន​​​អង់គ្លេស​នេះ​​​​ដឹង​​​តិច​​​តួច​​​ពី​​​ច្បាប់​​​នាំ​​​ចេញ​​​របស់​​​ប្រទេស​​​កម្ពុជា​​​តែ​​​ប៉ុណ្ណោះ ។ នៅ​​​ក្នុង​​​របាយការណ៍​​​ដែល​​​បាន​​​ចេញ​​​ផ្សាយ​​​កាល​​​ពី​​​សប្តាហ៍​​​មុន ការ​​​សើុប​​​អង្កេត​​​រយៈ​​​ពេល​​​ប្រាំ​​​បី​​​ខែ​​​ ស៊ីជម្រៅ​​​ និង​​​សម្ងាត់​​​ផ្អែក​​​លើ​​​ការ​​​សម្ភាស​​​ និង​​​ការ​​​រៀប​​​រាប់​​​របស់​​​សាក្សី​​​ជា​​​ច្រើន​​​​​​  អង្គការ​​​ក្លូបល​​​វីតណេស​​​បាន​​​លើក​​​ឡើ​​​ងពី​​​ច្បាប់​​​របស់​​​ប្រទេស​​​កម្ពុជា​​​ស្តី​​​ពី​​​ការ​​​កាប់​​​ឈើ​​​ និង​​​ការ​​​នាំចេញ​​​ ហើយ​​​បាន​​​ពន្យល់​​​ពីវិធី​​​ជា​​​ច្រើន​​​ដែល​​​ខ្លួន​​​បាន​​​ឃើញ​​​ក្រុមហ៊ុន​​​របស់​​​លោក ទ្រី​​​ ភាព រំលោភ​​​ច្បាប់ជាមួយនឹង​និទណ្ឌភាព​។ ថ្លែង​​​ទៅ​​​កាន់​​​អ្នក​​​យក​​​ព័ត៌​​​មាន​​​បន្ទាប់​​​ពី​​​ជំនួប​​​បិទ​​​​​​ទ្វារ​​​រយៈ​​​ពេល​​​បី​​​ម៉ោង​​​ជា​​​មួយ​​​គណៈ​​​កម្មការ​​កសិកម្ម​​​រដ្ឋសភា​​​ លោក អ៊ុក រ៉ា​​​ប៊ុន បាន​​​មាន​​​ប្រសាសន៍​​​ថា ក្រុម​​​នេះ មិន​​​អើ​​​ពើនឹង​ច្បាប់​​​ដែល​​​កំណត់​ពីអ្វី​​​ប្រទេស​​​កម្ពុជា​​​អាច​​​ ឬ​​​មិន​​​អាច​​​បញ្ជូន​​​ទៅ​​​ក្រៅ​​​ប្រទេស​​​។ ដោយ​​​មិន​​​បក​​​ស្រាយ​​​លម្អិត​​​ លោក​​​រដ្ឋ​​​មន្ត្រី​​​បាន​​​មានប្រសាសន៍​​​ថា រដ្ឋាភិបាល​​​របស់​​​យើង​​​មាន​នីតិវិធីច្បាស់​​​លាស់​​​ក្នុង​​​ការ​​​នាំ​​​ឈើ​​​ចេញ ប៉ុន្តែ  អង្គការ​​​ក្លូបល​​​វីតណេស​​​មិន​​​ដឹង​​​អំពី​​​នីតិវិធី​​​នេះ​​​ឡើយ​​​"។ លោក​​​បាន​​​បន្ថែម​​​ថា "យើង​​​មិន​​​បាន​​​ឃុប​​​ឃិត​​​ជា​​​មួ​​យ​​​ក្រុមហ៊ុន​​​របស់​​​លោក ទ្រី ភាព ដើម្បី​​​នាំ​​​ឈើ​​​ចេញ​​​ឡើយ។ យើង​​​មាន​​​នីតិ​​​វិធី​​​ច្បាស់​​​លាស់​​​។ ប្រសិនបើ​​​យើង​​​ឃុប​​​ឃិតមែន​​​ ពួក​​​គេ​​​នឹង​​​មិន​​​អាច​​​​​​​​​​​​​​​​​​ថត​​​រូប​​​រថយន្ត​​​នៅ​​​កំពង់​​​ផែ ឬ​​​រថយន្ត​​​ដឹក​​​ឈើ​​​បាន​​​ឡើយ​​​"។ របាយការណ៍​​​របស់​​​អង្គការ​​​ក្លូបល​​​វីតណេស​​​អម​​​ដោយ​​​រូប​​​ថត​​​ដែល​​អ្នកស្រាវ​​​ជ្រាវ​​​របស់​​​ខ្លួន​​​បាន​​​ថត​​​នៅ​​​ដេប៉ូ​​​របស់​​​លោក ទ្រី ភាព និង​​​កុងតឺន័រ​​​របស់់គាត់នៅ​​​កំពង់​​​ផែ​​​ស្វយ័ត​​​ក្រុង​​​ព្រះ​​​សីហនុ ពេញដោយ​​​ឈើ​​​គ្រញូង​​​​​​។ ការ​ប្រមូល​ឈើ​​​គ្រញូង​​នៅ​​​ក្នុង​​​ព្រៃ​​​ធម្មជាតិ​​​ត្រូវ​​​បាន​​​ហាម​​​ឃាត់​​​ក្នុង​​​ប្រទេស​​​កម្ពុជា ហើយ​​​ចាប់​​​តាំង​​​ពី​​​ឆ្នាំ​​​២០១៣​​​មក​​​ រដ្ឋាភិបាល​​​បាន​​​តម្រូវ​​​ឲ្យ​​​មាន​​​អាជ្ញាប័ណ្ណ​​​ពិសេស​​​សម្រាប់​​​ការ​​​នាំ​​​ចេញ​​​ក្នុង​​​ទម្រង់​​​បែប​​​បទ​​​ដែល​​​មិនមែន​​​ជា​​​នីតិវិធី​​​។ បើ​​​ទោះ​​​ណា​​​ជា​​​មាន​​​ភ័ស្តុ​​​តាង​​​ថ្មី​​​ពី​​​របាយ​ការណ៍​​​ឈើ​​​គ្រញូង​​​​​​ត្រៀម​​​ដឹកចេញ​ពីក្រុង​​​ព្រះ​​​សីហនុ​​​ក៏​​​ដោយ​​​ ក៏​​​រដ្ឋាភិបាល​​​មិន​​​បាន​​​ចេញ​​​អាជ្ញាប័ណ្ណ​​​សម្រាប់​​​ការ​​​នាំ​​​ចេញ​​​ឡើយ​​​ចាប់​​​តាំង​​​ពី​​​ឆ្នាំ​​​២០១៣​​​មក​​​។ អ្នក​​​ស្រាវ​​​ជ្រាវ​​​របស់​​​អង្គការ​​​ក្លូបល​​​វីតណេស​​​ក៏​​​បាន​​​ឃើញ​​​ក្រុមហ៊ុន​​​របស់​​​លោក​​​ ទ្រី ភាព នាំ​ឈើចេញ​​ ទទឹង​​ជាង​​​២៥សង់ទីម៉ែត្រ​​​ ជា​​​ការ​​​រំលោភ​​​ច្បាប់​​​នាំ​​​ចេញ​​​របស់​​​កម្ពុជាដែរ​​​​។ លោក អេង ឆៃអ៊ាង សមាជិក​​​សភា​​​គណបក្ស​​​ប្រឆាំង​​​ដែល​​​ជា​​​ប្រធាន​​​គណៈកម្មការ​​​កសិកម្ម​​​នៃ​​​រដ្ឋ​​​សភា​​​បាន​​​ប្រាប់​​​អ្នក​​​យក​​​ព័ត៌​​​មាន​​​កាល​​​ពី​​​ម្សិលមិញ​​​ថា លោក អ៊ុក​​​ រ៉ាប៊ុន ត្រូវ​​​បាន​​​គណៈកម្មការ​​​របស់​​​លោក​​​សុំ​​​ឲ្យ​​​ជួយ​​​ដល់​​​គ្រួសារ​​​អ្នក​​​ភូមិ​​​ដែល​​​ជាប់​​​ពាក់​​​ព័ន្ធ​​​ក្នុង​​​វិវាទ​​​ដី​​​ធ្លី​​​ជា​​​មួយ​​​ក្រុមហ៊ុន​​​ឯកជន​​​ ដើម្បី​​​ដោះ​​​ស្រាយ​​​ករណី​​​រឿង​​​ក្តី របស់​​​គាត់​​​នៅ​​​ក្រៅ​​​ប្រព័ន្ធ​​​តុលាការ​​​។ លោក អ៊ុក រ៉ាប៊ុន បាន​​​មាន​​​ប្រសាសន៍​​​ថា លោក​​​បាន​​​ណែនាំ​​​ឲ្យ​​​ក្រុម​​​ជន​​​ជាតិ​​​ដើម​ភាគ​​​តិច​​​ដាក់​​​ពាក្យ​​​សុំ​​​ប័ណ្ណ​​​កម្មសិទ្ធិ​​​ដី​​​សហគមន៍​​​ ដែល​​​កំណត់​​​ជា​​​ពិសេស​​​ដើម្បីការ​​​ពារ​​​ដី​​​ដូន​​​តា​​​របស់​​​ខ្លួន​​​ពី​​​ក្រុមហ៊ុន​​​ឯកជន ហើយ​​​ថា រដ្ឋាភិបាល​​​បាន​​​រំឭក​​​​ក្រុមហ៊ុន​​​អភិវឌ្ឍន៍​​​ជាប់​​​មិន​​​ដាច់​​​កុំ​​​ឲ្យ​​​រាន​​​ដី​​​ដែល​​​មាន​​​វិវាទ​​​។ ទោះជាយ៉ាងណា រដ្ឋាភិបាល​​​បាន​​​ផ្តល់​​​ប័ណ្ណ​​​កម្ម​​​សិទ្ធិ​​​ដី​​​សហគមន៍​​​​​មួយ​​​ចំនួន​​​តូច​​​តែ​​​ប៉ុណ្ណោះ​​​ចាប់​​​តាំង​​​ពី​​​មាន​ជម្រើស​​​នេះ​​​ជាង​១២​​​ឆ្នាំ​​​មក​​​ហើយ​​​នោះ ហើយ​​​ក្រុមហ៊ុន​​​អភិវឌ្ឍន៍​​​ឯកជន​​​តែង​​​តែ​​​រាន​​​ដី​​​ដែល​​​អះ​​​អាង​​​សិទ្ធិ​​​កាន់​​​កាប់​​​ដោយ​​​អ្នក​​​ភូមិ​​​​​​ក្នុង​​​មូល​​​ដ្ឋាន៕សារុន​​​​​​​​​  

​កាល​ពី​​​​ម្សិល​មិញ​ សាលា​រាជធានី​ភ្នំពេញ​បាន​សម្រេច​បែងចែក​ដី​មាន​វិវាទ​ទំហំ​​​ ៣៨៧​ហិកតា​​​​នៅ​ជ្រោយ​ចង្វា​ដែល​រដ្ឋាភិបាល​ជួល​ឲ្យ​ក្រុម​ហ៊ុន​វិនិយោគទុន​អាណិក​ជន​កម្ពុជា​​​(OCIC) ដោយ​​​ផ្ដល់​១០​​​​ភាគ​រយ​សម្រាប់​​អ្នក​​ភូមិ​ដែល​អះអាង​​សិទ្ធ​កាន់កាប់​ដី​មាន​វិវាទ​នេះ។​ រដ្ឋាភិបាល​បាន​ជួល​ដី​មាន​​វិវាទ​នេះ​រយៈពេល​​៩៩​ឆ្នាំ​ទៅ​​​​ឲ្យ​ក្រុមហ៊ុន OCIC ក្នុង​ចំនួន​ទឹក​ប្រាក់​​ដែល​មិន​​ត្រូវ​បាន​បង្ហាញ​​កាលពី​ឆ្នាំ​​២០១១​​ដើម្បី​​អភិវឌ្ឍ​ដី​នេះ​ឲ្យ​ក្លាយ​ទៅជា​ក្រុង​​ជ្រោយ​​ចង្វា​​នៅ​ថ្ងៃ​អនាគត។ អ្នក​ភូមិ​ដែល​មាន​អ្នក​ខ្លះ​រស់​នៅ​លើ​ដី​ផ្នែក​តូច​ចន្លោះ​ដី​សម្បទាន​និង​ទន្លេសាប​ បាន​អះអាង​សិទ្ធិ​កាន់​កាប់​​ដី​មួយ​ផ្នែក​ធំ​នៅ​ក្នុង​ដី​សម្បទាន​នេះ ដែល​​​ក្រុម​ហ៊ុន​​​បាន​​បូម​​​ខ្សាច់​​ចាក់​បំពេញ​​​សម្រាប់​​ការ​អភិវឌ្ឍ។ លោក​ ឃ្លាំង​ ហួត​ អភិបាល​ខណ្ឌ​ជ្រោយ​ចង្វា​ ដែល​​បាន​ជួប​​ជាមួយ​​ភូមិ​ប្រហែល​​៥០​គ្រួសារ​បាន​​លើក​ឡើង​ថា​ សាលា​រាជ​ធានី​ធ្វើ​ការ​សម្រេច​ដូច្នេះ​ បន្ទាប់​ពី​បាន​ពិចារណា​​​លើ​ពាក្យ​​បណ្ដឹង​​របស់​​ភាគី​ទាំងពីរ។ លោក បាន​​មាន​​ប្រសាសន៍​ថា​"យើង​​បាន​​សម្រេច​​កាត់​ដី​មាន​​វិវាទ​នេះ​ ១០​​ភាគរយ​​ទៅ​ឲ្យ​អ្នក​ភូមិ​​និង​៤០​ភាគ​រយ​​ទៅ​ឲ្យ​ក្រុម​ហ៊ុន"។ អភិបាល​​ខណ្ឌ​រូប​នេះ​បាន​លើក​ឡើង​បន្ត​ថា ចំណែក​ដី​មាន​វិវាទ​​នៅ​សេស​សល់់​​៥០​ភាគរយ​ ដែល​ទាំង​លោក​​និង​​មន្ត្រី​​មិន​អាច​​បញ្ជាក់​ថា តើ​មាន​​​ទំហំ​​​ប៉ុន្មាននោះ​ នឹង​ទុក​សម្រាប់​សាលា​រាជ​ធានី​​ក្នុង​​ការ​សាង​សង់​ ​​សាលារៀន​ វត្តអារាម​ ផ្លូវថ្នល់​និង​ការិយាល័យ​រដ្ឋាភិបាល​នៅ​ក្នុង​​ខណ្ឌ​របស់​លោក។​ លោក​ ឃ្លាំង​...

យោង​​​តាម​​​នគរ​​​បាល​​​បាន​​​ឲ្យដឹង​​​ថា ក្មេង​​​ជំទង់​​​ម្នាក់​​​ត្រូវ​​​បាន​​​ចាប់​​​ខ្លួន​​​កាល​​​ពី​​​ថ្ងៃ​​​អាទិត្យ​​​ពី​​​បទ​​​រំលោភ​​​ក្មេង​​​ស្រី​​​អាយុ​​​១១​​​ឆ្នាំ ដែល​​​កំពុង​​​ដេក​​​តែ​​​ម្នាក់​​​ឯង​​​នៅ​​​ក្រោម​​​ផ្ទះ​​​របស់​​​​យាយ​​​តា​​​នាង​​​ក្នុង​​​ខេត្ត​​​កណ្ដាល​​​កាល​​​ពី​​​យប់​​​​​ថ្ងៃ​​​សុក្រ ក្រោយ​​​ពិធីបុណ្យ​​​មួយ​​​។ យោង​​​តាម​​​លោក សេង សុជាតិ អធិការ​​​នគរ​​​បាល​​​ស្រុក​​​ស្អាង​​​បាន​​​ឲ្យ​​​ដឹង​​​ថា  នូ សុភាត អាយុ​​​១៨​​​ឆ្នាំ​​​ បាន​​​ទៅ​​​ចូល​​​រួម​​​ពិធី​​​បុណ្យ​​​ចម្រើន​​​ព្រះ​​​ជន្ម​​​របស់​​​ជីតា​​​ក្មេង​​​ស្រី​​​រង​​​គ្រោះ​​​នៅ​​​ផ្ទះ​​​​​​របស់​​​ពួកគាត់​​​ ក្នុង​​​ឃុំ​​​ស្អាង​​​ភ្នំ ស្រុក​​​ស្អាង រហូត​​​ដល់​​​ពាក់​​​កណ្តាល​​​អាធ្រាត្រ​​​ ហើយ​​​បាន​​​ត្រឡប់​​​មក​​​វិញ​​​នៅ​​​ប្រហែល​​​៣ម៉ោង​​​ក្រោយ​​​ បន្ទាប់​​​ពី​​​គ្រួសារ​​​របស់​​ក្មេង​​​ស្រី​​​រង​​​គ្រោះ​​​បាន​​​ចូល​​​ទៅ​​​ដេក​​​អស់​​​។​​​​​ លោក​​​បាន​​​មានប្រសាសន៍​​​ថា "នៅ​​​ម៉ោង​​​ប្រហែល​​​៣​​​ទៀប​​​ភ្លឺ​​​ឈាន​​​ចូល​​​ព្រឹក​​​ថ្ងៃសៅរ៍​​​ ខណៈ​​​ក្មេង​​​ស្រី​​​រង​​​គ្រោះ​​​កំពុង​​​ដេក​​​នៅ​​​លើ​​​គ្រែ​​​ក្រោម​​​ផ្ទះ ជន​​​សង្ស័យ​​​បាន​​​ទៅ​​​រំលោភ​​​នាង​​​។ ជន​​​សង្ស័យ​​​បាន​​​សារភាព​​​ថា បាន​​​រំលោភ​​​អនីតិជន​​​រូប​​​នេះ​​​ ព្រោះ​​​គ្មាន​​​នរណា​​​នៅ​​​ទី​​​​​​នោះ​​​ឡើយ​​​​​​ពេល​​​នោះ"។ លោក សុជាតិ បាន​​​លើក​​​ឡើ​​​ងទៀត​​​ថា​​​ ក្មេង​​​ស្រី​​​រង​​​គ្រោះ​​​ស្គាល់​​​ជន​​​សង្ស័យ​​​នេះ​​​ ហើយ​​​ឪពុក​​​ម្តាយ​​​របស់​​​នាង​​​បាន​​​ដាក់​​​ពាក្យ​​​ប្តឹង​​​ទៅ​​​កាន់​​​​​​ប៉ុស្តិ៍​​​នគរ​​​បាល​​​ឃុំ​​​កាល​​​ពី​​​ព្រឹក​​​ថ្ងៃ​​​អាទិត្យ​​​។ នគរ​​​បាល​​​ឃុំ​​​ និង​​​ស្រុក​​​បាន​​​ចាប​​់​​​ខ្លួន​​​ សុភាត តាម​​​ក្រោយ​​​នៅ​​​ថ្ងៃ​​​ដដែល​​​នោះ​​​ ហើយ​​​បាន​​​បញ្ជូន​​​ជន​​សង្ស័យ​​​រូប​​​នេះ​​​ទៅ​​​ស្នង​​​ការ​​​ដ្ឋាន​​​នគរ​​​បាល​​​ខេត្ត​​​ ដើម្បី​​​សាក​​​សួរ​​​កាល​​​ពីម្សិលមិញ។ លោក​​​បាន​​​មានប្រសាសន៍​​​បន្ថែម​​​ថា "​​​​​​ ជន​​​សង្ស័យ​​​នឹង​​​ត្រូវ​​​បញ្ជូន​​​ទៅ​​​សាលា​​​ដំបូង​​​ខេត្ត​​​ដើម្បី​​​ប្រឈម​​​នឹង​​​ការ​​​ចោទ​​​ប្រកាន់​​​"៕ស៊ុយឈាង​​​​​​  

អង្គរក្ស​​​ម្នាក់​​​ដែល​​​ជាប់​​​ចោទ​​​ពី​​​បទ​​​សម្លាប់​​​ឧកញ៉ា អឹុង ម៉េងជឺ កាល​​​ពី​​​ឆ្នាំ​​​មុន​​​តាម​​​បញ្ជា​​​របស់​​​ ថោង សារ៉ាត់ មន្ត្រី​​​យោធា​​​ជាន់ខ្ពស់​​​នៅ​​​ក្រសួង​​​ការ​​​ពារ​​​ជាតិ​​​ដែល​​​ជា​​​ចៅ​​​ហ្វាយ​​​​​​របស់​​​ខ្លួន ត្រូវ​​​បាន​​​សាលា​​​ដំបូង​​​រាជ​​​ធានី​​​ភ្នំពេញ​​​សាក​​​សួរ​​​កាល​​​ពី​​​ម្សិលមិញ​​​ នេះ​​​បើ​​​តាម​​​ការ​​​លើក​​​ឡើង​​​ពី​​​​​​មេធាវី​​​ការ​​​ពារ​​​ចុង​​​ចោទ​​​រូប​​​នេះ​​​។ លោក អឹុង ម៉េង​​​ជឺ ប្រធាន​​​ក្រុមហ៊ុន ស៊ីមិុច​​​ គ្រុប ត្រូវ​​​បាន​​​ខ្មាន់​​​កាំភ្លើង​​​បាញ់​​​សម្លាប់​​​នៅ​​​ខាង​​​ក្រៅ​​​ហាង​​​លក់​​​ផ្លែ​​​ឈើ​​​មួយ​​​កន្លែង​​​ក្នុង​​​ខណ្ឌ​​​ចំការ​​​មន កាល​​​ពី​​​ថ្ងៃ​​​ទី​​​២២ ខែ​​​វិច្ឆិកា។ ឧត្តម​​​សេនីយ៍​​​ទោ​​​ ថោង សារ៉ាត់ បាន​​​រត់​​​គេច​​​ខ្លួន​​​ចាប់​​​តាំង​​​ពី​​​គេច​​​ពី​​​ការ​​​ឡោម​​​ព័ទ្ធ​​​របស់​​​នគរ​​​បាល​​​នៅ​​​ភូមិ​​​គ្រឹះ​​​របស់​​​ខ្លួន​​​​​​​​​​​​​​​​​​ចាប់​​​តាំង​​​ពី​​​ថ្ងៃ​​​ទី​​​៣ ខែ​​​ធ្នូ​​​មក។​​​​​​​​​សៀង វាសនា អាយុ​​​៤៥​​​ឆ្នាំ​​​ដែល​​​ជាប់​​​ចោទ​​​ពី​​​បទ​​​មនុស្ស​​​ឃាត​​គិត​​​ទុក​​​ជា​​​មុន​​​នៅ​​​ក្នុង​​​ការ​​​បាញ់​​​សម្លាប់​​​លោក អឹុ​​​ង​​​ ម៉េង​​​ជឺ និង​​​ដែល​​​​​​អង្គរក្ស​​​បី​​​នាក់​​​ទៀត​​​របស់​​​ ថោង​​​ សារ៉ាត់ ជា​​​បក្ខ​​​ពួក​​​សម​​​គំនិត​​​នោះ​​​​​​ ត្រូវ​​​បាន​​​ចៅ​​​ក្រម​​​សើុប​​​សួរ​​​ លី សុខឡេង​​​ សាក​​​សួរ​​​រយៈ​​​ពេល​​​២ម៉ោង​​​ នេះ​​​យោង​​​តាម​​​លោក គា អ៊ាវ មេធាវី​​​ការ​​​ពារ​​​ចុង​​​ចោទ​​​។ ដោយ​​​បញ្ជាក់​​​ពី​​​ភាព​​​គ្មាន​​​ទោស​​​របស់​​​កូន​​​ក្តី​​​លោក​​​ លោក គា អ៊ាវ បាន​​​​​​មាន​​​ប្រសាសន៍​​​ថា "​​​ចៅ​​​ក្រម​​​សាក​​​សួរ​​​គាត់​​​ម្តង​​​ទៀត​​​ ពី​​​ព្រោះ​​​គាត់​​​នៅ​​​ជា​​​ជន​​​សង្ស័យ​​​នៅ​​​ឡើយ​​​។ គាត់​​​មិន​​​បាន​​​សារភាព​​​ទេ​​​ ពី​​​ព្រោះ​​​នៅ​​​ថ្ងៃ​​​កើត​​​ហេតុ​​​ គាត់​​​កំពុង​​​ធ្វើ​​​ដំណើរ​​​ជា​​​មួយ​​​គ្រួសារ​​​គាត់​​​ពី​​​កំពង់​​​ឆ្នាំង​​​ឆ្ពោះ​​​មក​​​​​​រាជ​​​ធានី​​​ភ្នំពេញ​​​"។ និយាយ​​​ទៅ​​​​​​កាន​​​់អ្នក​​​យក​​​ព័ត៌​​​មាន​​​ម្នាក់​​​មុន​​​ពេល​​​ចូល​​​ទៅ​​​ក្នុង​​​ការិយាល័យ​​​ចៅ​​​ក្រម​​​កាល​​​ពីម្សិលមិញ សៀង វាសនា បាន​​​ស្នើ​​​សុំ​​​ឲ្យ​​​ប្រព័ន្ធ​​​ផ្សព្វ​​​ផ្សាយ​​​បន្ត​​​តាម​​​ដាន​​​រឿង​​​ក្តី​​​របស់​​​ខ្លួន​​​។ គាត់​​​និយាយ​​​ថា "យើង​​​មិន​​​បាន​​​ធ្វើ​​​ទង្វើ​​​ស្មោកគ្រោក​​​ទេ។ សូម​​​អ្នក​​​កាសែត​​​ជួយ​​​រក​​​យុត្តិធម៌​​​ឲ្យ​​​ខ្ញុំ​​​ផង។ តុលាការ​​​មិន​​​យុត្តិធម៌​​​ទេ"។ ពាក់​​​ព័ន្ធ​​​នឹង​​​បញ្ហា​​​នេះ ចៅ​​​ក្រម​​​ លី សុខឡេង​​​ ​​​បាន​​​បដិសេធ​​​មិន​​​ឆ្លើយ​​​បំភ្លឺ​​​ទេ​​​៕សុខុម​​​​​​​​​  

មន្ត្រី​ក្រសួង​ការពារ​ជាតិ​ម្នាក់​បាន​ស្នើ​សុំ​ឲ្យ​រថយន្ត​ដែល​ពាក់​ស្លាក​លេខ​កង​ខេមរភូមិន្ទ​ទទួល​បាន​ការ​អនុគ្រោះ​ពន្ធ​ផ្លូវ ដោយ​លើក​ឡើង​ថា ការ​ដំឡើង​ពន្ធ​នាពេល​ថ្មីៗ​នេះ​ដោយ​មន្ត្រី​ពន្ធ អាច​ប៉ះពាល់ "អារម្មណ៍​របស់​មន្ត្រី​យោធា"។ ឧត្តមសេនីយ៍​ឯក ចៅ ភិរុណ អគ្គនាយក​នៃ​អគ្គនាយកដ្ឋាន​សម្ភារៈ​បច្ចេក​ទេស​ក្រសួង​ការពារ​ជាតិ ដែល​បាន​សរសេរ​ទៅ​ក្រសួង​ហិរញ្ញវត្ថុ​កាលពី​ថ្ងៃ​សៅរ៍ បាន​និយាយ​ថា ការ​ពិនិត្យ​រថយន្ត​មាន​ស្លាក​លេខ​កង​ខេមរភូមិន្ទ​គួរ​បញ្ឈប់ ក្នុង​ពេល​ដែល​ក្រុម​មន្ត្រី​មកពី​ក្រសួង​ទាំងពីរ​ពិភាក្សា​គ្នា​អំពី​ការ​អនុគ្រោះ​ពន្ធ។ លោក​បាន​និយាយ​កាលពី​ថ្ងៃ​អាទិត្យ​ថា "ការ​ពិនិត្យ​រថយន្ត​ធុនតូច​ត្រូវតែ​ផ្អាក​ដើម្បី​ដោះស្រាយ​បញ្ហា​ទាំង​នេះ។ ខ្ញុំ​គិត​ថា ពន្ធ​ផ្លូវ​មិន​គួរ​ដាក់​ទេ ប្រសិនបើ​យើង​គិត​អំពី​ផល​ប្រយោជន៍​ជាតិ"។ ឧត្តមសេនីយ៍​ឯក ភិរុណ បាន​និយាយ​ថា យោធា​តាម​ធម្មតា​មិន​អាច​ទិញ​រថយន្ត​សម្រាប់​មន្ត្រី ដែល​ត្រូវ​បង្ខំ​ចិត្ត​ចេញ​ប្រាក់​របស់​ខ្លួន​ផ្ទាល់​ដើម្បី​ទិញ​រថយន្ត​ធ្វើ​ការ​ទេ។ លោក​បាន​និយាយ​ថា ដោយសារតែ​ពន្ធ​ផ្លូវ​ប្រចាំ​ឆ្នាំ​ប្រហែល​៥០០​ដុល្លារ​មិន​បង់​ចំពោះ​រថយន្ត​យោធា​ផ្លូវការ​នោះ មន្ត្រី​ទាំង​នោះ​ក៏​គួរ​ទទួល​បាន​ការ​រួច​ពន្ធដែរ។ លោក​បាន​និយាយ​ថា "ប្រសិនបើ​តម្រូវ​ឲ្យ​បង់​ពន្ធ​ផ្លូវមែន...

មន្ត្រី​បាន​និយាយ​កាលពី​ថ្ងៃ​អាទិត្យ​ថា តុលាការ​ខេត្ត​ស្វាយរៀង​បាន​ចោទ​បុរស​បី​នាក់​ពី​បទ​រំលោភ​និង​ជួញ​ដូរ​មនុស្ស បន្ទាប់ពី​បាន​ចាប់​ខ្លួន​ពួកគេ​កាលពី​សប្តាហ៍​មុន ពី​បទ​ចាប់​ពង្រត់​កម្មករ​កាត់ដេរ​ជំទង់​ពីរ​នាក់ និង​បង្ខំ​ឲ្យ​ធ្វើជា​ស្រី​ពេស្យា​នៅ​បៀរហ្គាឌិន​មួយ​កន្លែង។ លោក ហ៊ឹង ប៊ុនជា ព្រះរាជ​អាជ្ញា​អម​សាលា​ដំបូង​ខេត្ត​ស្វាយ​រៀង​បាន​មាន​ប្រសាសន៍​ថា ព្រះរាជអាជ្ញា​រង កៀង សុន្ទរោ បាន​ចោទ​ពួកគេ​កាលពី​ថ្ងៃ​សៅរ៍។ ដោយ​មិន​អធិប្បាយ​ច្រើន លោក ប៊ុនជា បាន​និយាយ​ថា "យើង​កំពុង​ស៊ើប​អង្កេត​ករណី​នេះ​នៅ​ឡើយ" ។ លោក នាត សារឿន ប្រធាន​ការិយាល័យ​នគរបាល​ប្រឆាំង​ការ​ជួញដូរ​មនុស្ស​ខេត្ត បាន​មាន​ប្រសាសន៍​ថា យើង​បាន​ទទួល​បណ្តឹង​អំពី​មនុស្ស​បាត់​ខ្លួន​កាលពី​ថ្ងៃ​អង្គារ​ពី​គ្រួសារ​របស់​ក្មេង​ស្រី​អាយុ​១៧​ឆ្នាំ​និង​គ្រួសារ​របស់​ក្មេង​ស្រី​អាយុ​១៨​ឆ្នាំ អ្នក​ទាំងពីរ​ធ្វើ​ការ​នៅ​រោងចក្រ​កាត់ដេរ​ក្នុង​តំបន់​សេដ្ឋកិច្ច​ពិសេស​ម៉ានហាថាន​ក្រុង​បាវិត។ លោកបាន​ឲ្យ​ដឹង​ទៀត​ថា...