TAG
second
តំណាងរាស្ត្រគណបក្សប្រជាជនច្រានចោលការអះអាងអំពីការចំណាយលើសខ្ទង់របស់រដ្ឋាភិបាល
កាលពីម្សិលមិញ លោក ជាម យៀប តំណាងរាស្ត្រជាន់ខ្ពស់មកពីគណបក្សប្រជាជនកម្ពុជា បានច្រានចោលការអះអាងរបស់តំណាងរាស្ត្រគណបក្សប្រឆាំងមួយរូប ដែលលើកឡើងថា ប្រធានរដ្ឋបាលនៃរដ្ឋសភា គឺជាអ្នកទទួលខុសត្រូវចំពោះការចំណាយលើសខ្ទង់នៅក្នុងថវិការបស់រដ្ឋសភា ដោយចាត់ទុកការចោទប្រកាន់ទាំងនេះថា "គ្មានមូលដ្ឋាន និងគ្មានប្រភពច្បាស់លាស់"។
លោក សុន ឆ័យ តំណាងរាស្ត្រមកពីគណបក្សសង្គ្រោះជាតិបានចោទប្រកាន់លោក ឡេង ប៉េងឡុង អគ្គលេខាធិការនៃរដ្ឋសភាថា ជាអ្នកទទួលខុសត្រូវលើការទិញសម្ភារបំប៉ោងតម្លៃ រួមមានទាំង២៥.០០០ដុល្លារសម្រាប់បង្គោលដងទង់ជាតិមួយដើមនៅឆ្នាំនេះ និង១១.៥លានដុល្លារលើ "សេវាកម្ម" កាលពីឆ្នាំមុនផងដែរ ហើយបានសុំឲ្យគណៈកម្មការធនាគារ និងហិរញ្ញវត្ថុនៃរដ្ឋសភា កោះហៅមកសាកសួរកាលពីថ្ងៃអង្គារ។
បុរសបាញ់៣៣គ្រាប់ដោយសារខឹងនឹងការពិន័យប្រគល់ខ្លួនឲ្យនគរបាល
បុរសម្នាក់ដែលនគរបាលតាមចាប់ខ្លួនពីបទដកកាំភ្លើងខ្លីបាញ់ឡើងលើ៣៣គ្រាប់ បន្ទាប់ពីត្រូវបានផាកពិន័យចំនួន៣ដុល្លារ ចំពោះការបើកបររថយន្តក្នុងល្បឿនលឿននោះ បានប្រគល់ខ្លួនឲ្យនគរបាលកាលពីព្រឹកម្សិលមិញនៅក្នុងរាជធានីភ្នំពេញ។
ពិរុទ្ធជនជាប់ចោទឈ្មោះ ជឹង ស៊ីណាត ជាអ្នកគួកជេររថយន្តនៅក្នុងរាជធានី បានគេចខ្លួនចាប់តាំងពីថ្ងៃទី២៨ ខែកុម្ភៈមកនៅពេលបុរសរូបនេះត្រូវនគរបាលចរាចរឃាត់ក្នុងខេត្តកំពង់ស្ពឺ ហើយបានពិន័យជាប្រាក់៣ដុល្លារចំពោះការបើកបរក្នុងល្បឿន៩៥គីឡូម៉ែត្រក្នុងមួយម៉ោងនៅក្នុងតំបន់ដែលល្បឿនកំណត់តែ៤០គីឡូម៉ែត្រក្នុងមួយម៉ោង។
គាត់បាននិយាយថា ការពិន័យនោះគ្មានការតវ៉ាទេ ប៉ុន្តែ បន្ទាប់មកគាត់បានបើករថយន្តម៉ាកសឺដេស ចេញពីនគរបាល ហើយបានដកកាំភ្លើងម៉ាកឡុកបាញ់ឡើងលើ៣៣គ្រាប់។
កាលពីសប្តាហ៍មុន លោក នេត សាវឿន អគ្គស្នងការនគរបាលជាតិបានបន្ទោសនគរបាលខេត្តកំពង់ស្ពឺចំពោះការបណ្តោយឲ្យឈ្មោះ ស៊ីណាត នេះគេចខ្លួន ហើយបានហៅការគ្រប់គ្រងកម្លាំងរបស់លោក កែវ ពិសី ស្នងការនគរបាលខេត្តថា "ខ្សោយណាស់"។
ប៉ុន្តែ នគរបាលមិនអាចតាមចាប់ឈ្មោះ ស៊ីណាត ដែលជាអ្នកខេត្តកំពង់ចាមបានទេ រហូតដល់បុរសរូបេនះបានប្រគល់ខ្លួននៅប៉ុស្តិ៍នគរបាលក្នុងរាជធានីភ្នំពេញកាលពីម្សិលមិញ។
លោក ជួន សុវណ្ណ ស្នងការនគរបាលរាជធានីបានមានប្រសាសន៍ថា យើងបានព្យាយាមស្វែងរកជននេះ ប៉ុន្តែ ជននេះបានគេចពីផ្ទះរបស់ខ្លួន បន្ទាប់ពីការបាញ់មក"។
លោកឧត្តមសេនីយ៍ឯក ជួន សុវណ្ណ បានមានប្រសាសន៍ថា ស៊ីណាត បានសារភាពចំពោះបទល្មើសនោះ។ លោកបានមានប្រសាសន៍ថា "ជនសង្ស័យរូបេនះបានប្រាប់យើងថា គាត់ស្រវឹងស្រា ហើយបានបាញ់ឡើងលើ៣៣គ្រាប់ពីព្រោះគាត់ខឹងពីការដែលនគរបាលពិន័យគាត់៣ដុល្លារ ចំពោះការបើកបរក្នុងល្បឿនលឿន"។
ទាំងឧត្តមសេនីយ៍ឯក ជួនសុវណ្ណ និងលោក ជួន ណារិន ស្នងការរងបានសង្កត់ធ្ងន់ថា
ពិរុទ្ធជននេះជា "មនុស្សធម្មតា" ដែលជាអ្នកគួកជេររថយន្ត មិនមែនជាមន្ត្រីរដ្ឋាភិបាល ឬយោធាអ្វីឡើយ។ លោកទាំងពីរបានលើកឡើងថា ពួកគាត់នឹងសើុបអង្កេតថា តើបុរសរូបេនះមានកាំភ្លើងឡុកដោយរបៀបណានោះ។
យោងតាមលោកព្រះរាជអាជ្ញា កែវ សុធា បានឲ្យដឹងថា បន្ទាប់ពីប្រគល់ខ្លួន បុរសឈ្មោះ ស៊ីណាត ត្រូវបានបញ្ជូនទៅខេត្តកំពង់ស្ពឺកន្លែងដែលគាត់ត្រូវបានសាលាដំបូងខេត្តចោទប្រកាន់ពីបទប្រើប្រាស់អាវុធខុសច្បាប់ ហើយបានបញ្ជូនទៅពន្ធនាគារខេត្ត៕សារុន
គណបក្សប្រជាជនកម្ពុជា និងគណបក្សសង្គ្រោះជាតិការពារច្បាប់បោះឆ្នោតថ្មី
ដោយមានអង្គការសង្គមស៊ីវិលជាច្រើនធ្វើពហិការច្បាប់បោះឆ្នោតថ្មី ក្រុមការងារធ្វើកំណែទម្រង់ច្បាប់បោះឆ្នោតមកពីគណបក្សប្រជាជនកម្ពុជា និងគណបក្សសង្គ្រោះជាតិបានរៀបចំសិក្ខាសាលាមួយនៅរដ្ឋសភា កាលពីម្សិលមិញ ដើម្បីការពារច្បាប់ថ្មីដ៏ចម្រូងចម្រាសនេះដែលពួកគេលើកឡើងថា នឹងធ្វើឲ្យគុណភាពនៃការបោះឆ្នោតនាពេលអនាគតប្រសើរឡើង។
កាលពីប្រាំពីរខែកន្លងមកនេះ លោកឧបនាយករដ្ឋមន្ត្រី ប៊ិន ឈិន និងលោក គួយ ប៊ុនរឿន មន្ត្រីរបស់គណបក្សសង្គ្រោះជាតិបានដឹកនាំក្រុមការងារតាក់តែងច្បាប់បោះឆ្នោតឡើងវិញក្រោយកិច្ចព្រមព្រៀងកាលពីថ្ងៃទី២២ ខែកក្កដា ដែលបញ្ចប់ការធ្វើពហិការមិនចូលសភារបស់គណបក្សប្រឆាំង ដែលអះអាងថា ការបោះឆ្នោតជាតិកាលពីឆ្នាំ២០១៣មានការលួចបន្លំ។
អតីតជាងថតរូបនៅគុកទួលស្លែងក្នុងសម័យខ្មែរក្រហម ត្រូវក្រសួងហាមមិនឲ្យលក់សៀវភៅនៅក្នុងនោះ
លោក ញ៉ែម អេន អតីតជាងថតរូបនៅពន្ធនាគារស-២១ ត្រូវបានក្រសួងវប្បធម៌ និងវិចិត្រសិល្បៈហាមមិនឲ្យលក់សៀវភៅថ្មីរបស់លោកនៅខាងក្នុងបរិវេណអតីតមន្ទីរសន្តិសុខដ៏ល្បីឈ្មោះក្នុងសម័យខ្មែរក្រហមមួយនេះឡើយ នេះបើយោងតាមលិខិតមួយច្បាប់ទទួលបានពីក្រសួងនេះកាលពីម្សិលមិញ។
នៅក្នុងលិខិតចុះថ្ងៃទី៣ ខែមីនា ផ្ញើជូនលោក ញ៉ែម អេន ដែលរូបថតជនរងគ្រោះប្រមាណ១២.០០០នាក់ដែលលោកបានថតនៅអតីតមន្ទីរស-២១ ត្រូវបានព្យួរជាជួរតាមជញ្ជាំងអតីតមន្ទីរសន្តិសុខដែលសព្វថ្ងៃក្លាយជាសារមន្ទីរប្រល័យពូជសាសន៍ទួលស្លែងនេះ ក្រសួងបានលើកឡើងថា ការអះអាងគួរឲ្យសង្ស័យរបស់ជាងថតរូបម្នាក់នេះថា ខ្លួនជាជនរងគ្រោះក្នុងរបបនេះ និងការដែលអាចប្រើប្រាស់រូបថតលួចពីគេយកមកបោះពុម្ពផ្សាយក្នុងសៀវភៅដែលមានចំណងជើងថា "កំណត់ប្រវត្តិផ្ទាល់ខ្លួនរបស់ ញ៉ែម អេន នៅមន្ទីរស-២១" (Nhem En's Personal...
គណបក្សប្រឆាំងមានសុទិដ្ឋិនិយមថា មន្ត្រីរបស់ខ្លួននឹងត្រូវដោះលែង
បន្ទាប់ពីសវនាការជំនុំជម្រះនៅក្រៅឃុំរបស់លោក មាជ សុវណ្ណារ៉ា ប្រធានផ្នែកព័ត៌មានគណបក្សសង្គ្រោះជាតិនៅតុលាការកំពូលកាលពីម្សិលមិញ អ្នកនាំពាក្យគណបក្សប្រឆាំងបានមានប្រសាសន៍ថា លោកមានសុទិដ្ឋិនិយមថា តុលាការនឹងសម្រេចដោះលែងមន្ត្រីរូបនេះនៅពេលតុលាការប្រកាសសាលដីកានៅថ្ងៃទី១១ ខែមីនា។
ពេលចេញពីសវនាការនៅក្រៅឃុំដែលមានរយៈពេល៣០នាទី លោក សុវណ្ណារ៉ា បានបដិសេធជាថ្មីម្ដងទៀតថា លោកមិនជាប់ពាក់ព័ន្ធនឹងអំពើហិង្សាអំឡុងការតវ៉ាកាលពីខែកក្កដា នៅទីលានប្រជាធិបតេយ្យឡើយ។
លោកបានមានប្រសាសន៍ថា "ខ្ញុំគិតថា មេដឹកនាំកំពូលនៃគណបក្សទាំងពីរនឹងពិភាក្សាអំពីបញ្ហានេះ។ ប្រសិនបើមិនមានការចរចា ខ្ញុំគ្មានសង្ឃឹមទេ ពីព្រោះនេះជាករណីនយោបាយ"។
លោកស្រី ឡាយ ហួង និយាយថា រដ្ឋមន្ត្រីក្រសួងពាណិជ្ជកម្មស្ថិតនៅពីក្រោយការចាប់ខ្លួនគាត់
ស្ត្រីអ្នកជំនួញម្នាក់ដែលត្រូវបានចាប់ខ្លួននៅក្នុងប្រទេសថៃកាលពីខែធ្នូ ហើយធ្វើបត្យាប័នមកកាន់កម្ពុជាវិញតាមការចោទប្រកាន់ពីបទរៀបគម្រោងរំលោភ ហើយសម្លាប់ភរិយា និងកូនស្រីរបស់រដ្ឋមន្ត្រីក្រសួងពាណិជ្ជកម្មរបស់កម្ពុជា បានអះអាងក្រោយពីសាលាឧទ្ធរណ៍បានច្រានចោលសំណើសុំនៅក្រៅឃុំរបស់លោកស្រីកាលពីម្សិលមិញថា រដ្ឋមន្ត្រីក្រសួងពាណិជ្ជកម្មពាក់ព័ន្ធនឹងការប្រឌិតករណីនេះប្រឆាំងលោកស្រី។
លោកស្រី ឡាយ ហួង អាយុ៤៩ឆ្នាំ ដែលជាប់ចោទពីបទ "ផ្ដើមគំនិតនៅក្នុងការប៉ុនប៉ងរំលោភ ហើយសម្លាប់ដែលមានការរៀបចំទុកជាមុន"។ បានឱបកូនស្រីរបស់ខ្លួននៅខាងក្រៅបន្ទប់សវនាការ ហើយបានអះអាងថា លោក ខូវ ផល្លាបុត្រ ដែលជាអតីតស្វាមីរបស់លោកស្រី បានសហការជាមួយលោក ស៊ុន ចាន់ថុល រដ្ឋមន្ត្រីក្រសួងពាណិជ្ជកម្ម ដើម្បីធ្វើឲ្យលោកស្រីជាប់ពន្ធនាគារ។
មន្ត្រីគណបក្សសង្គ្រោះជាតិតវ៉ាប្រឆាំងប្រធានគណបក្សខេត្តសៀមរាប
មន្ត្រីគណបក្សសង្គ្រោះជាតិជាង៥០នាក់ស្វះស្វែងឲ្យដកលោកស្រី កែ សុវណ្ណរតន៍ សមាជិកសភាពីប្រធានគណបក្សនេះក្នុងខេត្តសៀមរាបដែលបានធ្វើឡើងតាមរយៈការគំរាមកំហែងថា នឹងនាំយកករណីរបស់ខ្លួនមកកាន់រាជធានីភ្នំពេញ ដោយបានធ្វើការតវ៉ាកាលពីម្សិលមិញរយៈពេលពីរម៉ោងនៅខាងក្រៅទីស្នាក់ការកណ្តាលគណបក្សប្រឆាំងស្ថិតក្នុងខណ្ឌមានជ័យ។
ក្រុមអ្នកតវ៉ារួមមានមន្ត្រីដែលមានតួនាទីប្រតិបត្តិថ្នាក់ស្រុកនិងថ្នាក់ខេត្តរបស់គណបក្សសង្គ្រោះជាតិ ហើយបានចោទប្រកាន់លោកស្រី សុវណ្ណរតន៍ ដែលជាភរិយារបស់លោក យឹម សុវណ្ណ ប្រធានគណៈកម្មាធិការប្រតិបត្តិរបស់គណបក្សថា បក្ខពួកនិយម និងចាយវាយថវិកាខុសប្រក្រតី។
ធនាគារពិភពលោកច្រានចោលសំណើសុំឲ្យរៀបចំកិច្ចប្រជុំជាមួយគ្រួសារដែលត្រូវបានបណ្តេញចេញពីដីធ្លី
ធនាគារពិភពលោកបានច្រានចោលសំណើមួយដែលស្នើឲ្យខ្លួនរៀបចំកិច្ចប្រជុំនៅកន្លែងមួយក្រៅប្រទេសកម្ពុជាជាមួយតែគ្រួសារដែលត្រូវបានបណ្តេញចេញដោយបង្ខំពីដីធ្លីរបស់ខ្លួនមុនពេលធនាគារសម្រេចថា តើត្រូវលុបចោលឬមិនលុបចោលការផ្អាកការផ្តល់ប្រាក់កម្ចីថ្មីដល់ប្រទេសកម្ពុជា។
នាគារពិភពលោកបានប្រកាសផ្អាកផ្តល់ប្រាក់កម្ចីថ្មីនៅក្នុងខែសីហា ឆ្នាំ២០១១ ដើម្បីឆ្លើយតបទៅនឹងការបដិសេធរបស់រដ្ឋាភិបាលមិនព្រមចេញប័ណ្ណកម្មសិទ្ធិដីធ្លីដល់គ្រួសារដែលរស់នៅសហគមន៍បឹងកក់ក្នុងរាជធានីភ្នំពេញជាតំបន់ដែលអ្នកភូមិភាគច្រើនក្នុងចំណោមអ្នកភូមិប្រមាណ៣.០០០គ្រួសារ ត្រូវបានបណ្តេញដោយបង្ខំ ដើម្បីបើកផ្លូវសម្រាប់គម្រោងអចលនទ្រព្យឯកជនរបស់លោក ឡាវ ម៉េងឃិន សមាជិកព្រឹទ្ធសភាមកពីគណបក្សប្រជាជនកម្ពុជា។
ថ្មីៗនេះ ធនាគារនេះកំពុងពិចារណាគម្រោងថ្មីមួយនៅក្នុងប្រទេសកម្ពុជាដែលនឹងឈានដល់ការលុបចោលការផ្អាកការផ្តល់ប្រាក់កម្ចីថ្មីនេះ ហើយបានប្រកាសពីផែនការរៀបចំកិច្ចប្រជុំចំនួន១១នៅទូទាំងប្រទេសកម្ពុជាជាមួយភាគីពាក់ព័ន្ធសំខាន់ៗចំនួនប្រាំពីរ ប៉ុន្តែ ក្នុងចំណោមភាគីពាក់ព័ន្ធទាំងនេះមិនរួមបញ្ចូលគ្រួសារដែលត្រូវគេបណ្តេញចេញឡើយ។
រដ្ឋាភិបាលចាប់ខ្លួនសកម្មជនប្រឆាំងទំនប់វារីអគ្គិសនីដែលរិះគន់មិនសំចៃមាត់ និងបញ្ជូនចេញពីកម្ពុជា
មន្ត្រីអន្តោប្រវេសន៍បានបញ្ជូនលោក អាឡិចហ្សង់ដ្រូ ហ្គន់ហ្សាឡេស ដេវិតសឹន សកម្មជនការពារបរិស្ថានដែលរិះគន់មិនសំចៃមាត់ ឡើងជើងហោះហើរត្រឡប់ទៅកាន់ប្រទេសអេស្ប៉ាញវិញកាលពីយប់មិញ ពោលគឺតែប៉ុន្មានម៉ោងប៉ុណ្ណោះបន្ទាប់ពីលោកនាយករដ្ឋមន្ត្រី ហ៊ុន សែន បានអំពាវនាវជាសាធារណៈឲ្យអ្នកធ្វើយុទ្ធនាការប្រឆាំងទំនប់វារីអគ្គិសនីដែលមិនចេះនឿយហត់រូបនេះ ឲ្យចាកចេញពីប្រទេសកម្ពុជា។
ក្រុមហ៊ុនស៊ីនទ្រីនិយាយថាបញ្ហាសំរាមនៅក្នុងក្រុងភ្នំពេញធំជាងបញ្ហាក្រុមហ៊ុន
ក្រុមហ៊ុនប្រមូលសំរាមស៊ីនទ្រីបាននិយាយកាលពីម្សិលមិញថា ក្រុមហ៊ុនប្រមូលសំរាមនេះមិនទទួលការស្តីបន្ទោសចំពោះផ្លូវទាំងឡាយដែលមានសំរាមពាសពេញ ហើយថារដ្ឋាភិបាលបានប្រើលេសនេះ ជាការទម្លាក់កំហុសដើម្បីចៀសវាងការទទួលខុសត្រូវចំពោះបញ្ហាដែលកើតឡើង។
រថយន្តដឹកសំរាមចាស់ៗរបស់ក្រុមហ៊ុនស៊ីនទ្រីនៅរយៈពេលប៉ុន្មានឆ្នាំកន្លងមកនេះ បានក្លាយជាគោលដៅនៃកំហឹងរបស់សាលាក្រុង ដែលបង្កបញ្ហាដោយមានការធ្វើកូដកម្មរបស់អ្នកបើកឡាននិងកម្មករក្រុមហ៊ុន ដែលជាហេតុធ្វើឲ្យក្រុមហ៊ុនប្រមូលសំរាមមួយនេះមិនអាចប្រមូលសំរាមឲ្យអស់ពីតាមផ្លូវនានា។
ធុញទ្រាន់នឹងការត្អូញត្អែរពីប្រជាពលរដ្ឋនោះ គណៈរដ្ឋមន្ត្រីកាលពីថ្ងៃទី១០កុម្ភៈបានបញ្ជាឲ្យមានការសើរើកិច្ចសន្យានាឆ្នាំ២០០២របស់ក្រុមហ៊ុនស៊ីនទ្រី ដែលបានទទួលសិទ្ធិផ្តាច់មុខក្នុងការប្រមូលសំរាមនៅក្នុងទីក្រុងសម្រាប់រយៈពេល៤៩ឆ្នាំ។