second2

គ្រូបង្រៀន​​​ជន​​​ជាតិ​​​អូស្ត្រាលី ម្នាក់​​​ដែល​​​ជាប់​​​ចោទ​​​ពី​​​បទ​​​រំលោភ​​​បំពាន​​​ផ្លូវ​​​ភេទ​​​ក្មេង​​​ប្រុស​​​ប្រាំ​​​មួយ​​​នាក់​​​ បាន​​​អះអាង​​​អំឡុង​​​ថ្ងៃ​​​ទី​​​១នៃ​​​សវនាការ​​​ជំនុំ​​​ជម្រះ​​​ទោស​​​​​​របស់​​​ខ្លួ​​​ន​​​នៅ​​​សាលា​​​ដំបូង​​​រាជ​​​ធានី​​​ភ្នំពេញ​​​កាល​​​ពីម្សិលមិញ​​​ថា អង្គការ​​​មិន​​​មែន​​​រដ្ឋាភិបាល​​​មួយ​​​ដែល​​​ប្រឆាំង​​​នឹង​​​ជន​​​រួមភេទ​​​ជាមួយ​​​កុមារ​​ បាន​​​ទម្លាក់​​​កំហុស​​​លើ​​​ខ្លួន​​​។ បុរស​​​ឈ្មោះ​​​ ចច មូសាលី​​​ (George Moussallie) អាយុ​​​៥២​​​ឆ្នាំ ដែល​​​ជា​​​អតី​​​ត​​​គ្រូបង្រៀន​​​ភាសា​​​អង់គ្លេស​​​នៅ​​​សាលា​​​អាមេរិកាំង​​​ប៉ាស៊ីហ្វិក​​​ (American Pacific School) នៅ​​​ក្នុង​​​រាជ​​​ធានី​​​ភ្នំពេញ​​​ ត្រូវ​​​បាន​​​ចោទ​​​ប្រកាន់​​​កាល​​​ពី​​​ខែ​​​កញ្ញា​​​ពី​​​បទ​​​​​​បៀត​​​បៀន​​​កេរ្តិ៍ភេទ និង​​​រួម​​​ភេទ​​​ជាមួយ​​​កុមារ​​​អាយុ​​​ក្រោម​​​១៥​​​ឆ្នាំ​​​។ការ​​​រំលោភ​​​បំពាន​​​តាម​​​​​​ការ​​​ចោទ​​​ប្រកាន់​​​នេះ​​​បាន​​​កើត​​​ឡើង​​​នៅ​​​ផ្ទះ​​​ជួល​​​របស់​​​ជន​​​ជាប់​​​ចោទ​​​ក្នុង​​​ខណ្ឌ​​​ដូន​​​ពេញ។ អំឡុង​​​សវនាការ​​​កាល​​​ពីម្សិលមិញ ចៅក្រម​​​ជំនុំ​​​ជម្រះ កោ​​​ វណ្ឌី បាន​​​ប្រាប់​តុលាការ​​​ថា នគរ​​​បាល​​​បាន​​​ដក​​​ហូត​​​ហាដ​​​ដ្រាយ​​​ (Hard Drive) របស់​​​ឈ្មោះ​​​ ចច មូសាលី ហើយ​​​បាន​​​រក​​​ឃើញ​​​រូប​​​ថត​​​ជន​​​រង​​​គ្រោះ​​​អាក្រាត​​​កាយ​​​ដែលមាន​​​អាយុ​​​ចន្លោះ​​​ពី​​​៦​​​ឆ្នាំ​​​ ដល់​​​១២​​​ឆ្នាំ​​​។ លោក កោ វណ្ឌី បាន​​​មាន​​​ប្រសាសន៍​​​ថា នគ​​​របាល​​​ក៏​​​បាន​​​រក​​​ឃើញ​​​រូប​​​ថត​​​បុរស​​​ម្នាក់​​​ដែល​​​មើល​​​មិន​​​ឃើញ​​​មុខ​​​ រួម​​​ភេទ​​​ជាមួយ​​​ក្មេង​​​ប្រុស​​​ទាំង​​​នោះ​​​ផង​​​ដែរ។ ជន​​​រង​​​គ្រោះ​​​ម្នាក់​​​ក្នុង​​​ចំណោម​​​ជន​​​រង​​​គ្រោះ​​​ទាំង​​​នោះ ដែល​​​និយាយ​​​ទៅ​​​កាន់​​​បន្ទប់​​​សវនាការ​​​តាម​​​រយៈ​​​វីដេអូ​​​លីង ខណៈ​​​អង្គុយ​​​នៅ​​​ក្នុង​​​បន្ទប់​​​ដាច់​​​ដោយ​​​ឡែក​​​នៅ​​​ក្នុង​​​សាល​​​សវនាការ​​​​​​ បាន​​​និយាយ​​​ថា បុរស​​​ជន​​​ជាតិ​​​អូស្ត្រាលី​​​រូប​​​នេះ​​​បាន​​​រួម​​​ភេទ​​​ជាមួយ​​​ខ្លួន​​​ជា​​​ច្រើន​​​ដង​​​។ ក្មេង​​​ប្រុស​​​ដែល​​​បច្ចុប្បន្ន​​​មាន​​​អាយុ​​​១៣​​​​​​ឆ្នាំ​​​រូប​​​នេះ​​​និយាយ​​​ថា "គាត់​​​ឲ្យ​​​ខ្ញុំ​​​នៅ​​​លើ​​​គ្រែ ហើយ​​​ប្រាប់​​​ខ្ញុំ​​​ឲ្យ​​​ដោះខោអាវ​​​ចេញ។ គាត់​​​​​​​​​​​​​​​​​​​​​​​​​​​បាន​​​រួមភេទ​​​ជាមួយ​​​ខ្ញុំ​​​ប្រហែល​​​២០​​​ដង​​​"។ និយាយ​​​ទៅ​​​កាន់​​​តុលាការ​​​តាម​​​រយៈ​​​អ្នកបក​​​ប្រែ ឈ្មោះ ចច មូសាលី បាន​​​អះ​​​អាង​​​ថា ហាដ​​​ដ្រាយ​​​​​របស់​​​ខ្លួន​​​ត្រូវ​​​​​​គេ​​​លួច​​​ ហើយ​​​មាន​​​នរណា​​​ម្នាក់​​​ផ្ទេរ​​​រូ​​​ប​​​ភាព​​​ទាំង​​​អស់​​​នោះ​​​ចូល​​​ទៅ​​​ក្នុង​​​ហាដ​​​ដ្រាយ​​​នោះ​​​។ បុរស​​​រូប​​​នេះ​​​ក៏​​​បាន​​​ចោទ​​​ប្រកាន់​​​អង្គការ​​​សកម្មភាព​​​ដើម្បី​​​កុមារ​​​ ជា​​​អង្គការ​​​មិន​​​មែន​​​​​​រដ្ឋាភិបាល​​​ប្រឆាំ​​​ង​​​ជន​​​រួ​​​ម​​​ភេទ​​​ជាមួយ​​​កុមារ ដែល​​​បាន​​​ជួយ​​​នគរ​​​បាល​​​អំឡុង​​​ពេល​​​សើុប​​​អង្កេត​​​លើ​​​ខ្លួន​​​ថា បាន​​​ប្រឌិត​​​ភ័ស្តុតាង​​​។ លោក​​​ ខឹម វណ្ណដូ អនុ​​​ប្រធាន​​​ប្រតិបត្តិការ​​​ចុះ​​​ផ្ទាល់​​​នៃ​​​អង្គការ​​​សកម្មភាព​​​ដើម្បី​​​កុមារ បាន​​​មានប្រសាសន៍​​​ថា ការ​​​អះអាង​​​របស់​​​ ឈ្មោះ ចច មូសាលី គឺ​​​គ្មានមូល​​​ដ្ឋាន​​​បាន​​​​​​ទេ​​​។ លោក​​​មាន​​​ប្រសាសន៍​​​ថា "ជា​​​ធម្មតា​​​ជន​​​ជាប់​​​ចោទ​​​តែង​​​តែ​​​បន្ទោស​​​គេ​​​ដើម្បី​​​បាន​​​រួច​​​ខ្លួន​​​។ បើ​​​គាត់​​​ចោទ​​​ប្រកាន់​​​យើង​​​បែប​​​នោះ​​​សូម​​​​​​បង្ហាញ​​​ភ័ស្តុ​​​តាង​​​មក​​​ចុះ"។ អំឡុង​​​ពេល​​​តុលាការ​​​សាកសួរ​​​ ឈ្មោះ ចច​​​ មូសាលី បាន​​​បដិសេធ​​​ថា ខ្លួន​​​​​​មិន​​​បាន​​​រួម​​​ភេទ​​​ជាមួយ​​​អនីតិជន​​​ទេ ហើយ​​​ក៏​​​មិន​​​បាន​​​ផលិត​​​រូប​​​ភាព​​​អាសអាភាស​​​ដែរ។ បុរស​​​រូបនេះ​​​និយាយ​​​ថា "ខ្ញុំ​​​គ្រាន់​​​តែ​​​ងូ​​​ត​​​​​​ទឹក​​​ប៉ុណ្ណោះ​​​ ហើយ​​​ខ្ញុំ​​​មិន​​​បាន​​​ធ្វើ​​​អ្វី​​​ពួក​​​គេ​​​ទេ​​​។ ខ្ញុំ​​​មិន​​​បាន​​​ផលិត​​​រូប​​​ភាព​​​អាស​​​អាភាស​​​កុមារ​​​ទេ ខ្ញុំ​​​គ្រាន់​​​តែ​​​ថត​​​រូប​​​ពួក​​​គេ​​​ទុក​​​​​​​​​​​​ប៉ុណ្ណោះ​​​នៅ​​​ពេល​​​ពួក​​​គេ​​​ងូត​​​ទឹក"។ នៅ​​​ពេល​​​ ឈ្មោះ ចច មូសាលី ត្រូ​​​វ​​​បាន​​​ចោទ​​​ប្រកាន់​​​កាល​​​ពីខែ​​​កញ្ញា នគរ​​​បាល​​​បាន​​​លើក​​​ឡើង​​​ថា ជន​​​រង​​​គ្រោះ​​​ទាំង​​​នេះ​​​គឺ​​​ជា​​​ក្មេង​​​សុំទាន​​​នៅ​​​តាម​​​មាត់​​​ទន្លេ។ កាល​​​ពី​​​ម្សិលមិញ ចច មូសាលី បាន​​​និយាយ​​​ថា ខ្លួន​​​បាន​​​ជួប​​​ជាមួយ​​​​​​ក្មេង​​​ប្រុស​​​មួយ​​​ចំនួន​​​ក្នុង​​​ចំណោម​​​នេះ​​​​​​នៅ​​​ពេលខ្លួន​​​ធ្វើ​​​ដំណើរ​​​កម្សាន្ត​​​លើក​​​ដំបូង​​​មក​​​កាន់​​​រាជ​​​ធានី​​​ភ្នំពេញ​​​ក្នុង​​​ឆ្នាំ​​​២០០៩។ បុរស​​​នេះ​​​និយាយ​​​ថា "នៅ​​​ពេល​​​ខ្ញុំ​​​ឃើញ​​​ពួក​​​គេ​​​ ខ្ញុំ​​​មាន​​​អារម្មណ៍​​​អាណិត​​​ពួកគេ​​​ ហើយ​​​ចង់​​​ជួយ​​​ពួកគេ"។ សូម​​​បញ្ជាក់​​​ថា សវនាការ​​​ជំនុំ​​​ជម្រះ​​​បុរ​​​សរូប​​​នេះ​​​ គ្រោង​​​នឹង​​​បន្ត​​​ធ្វើ​​​ឡើង​​​នៅ​​ថ្ងៃ​​​ទី​​​៦ ខែ​​​មីនា​​​៕សុខុម​​​​​​  

អ្នក​កាសែត​អាមេរិក លោកស្រី អេលីហ្សាបេត ប៊ិកឃឺ កាលពី​ថ្ងៃ​ច័ន្ទ​បាន​រៀបរាប់​រឿងរ៉ាវ​ដ៏​រន្ធត់​ប្រាប់​សាលាក្តី​ខ្មែរ​ក្រហម​ អំពី​ការ​ជួប​ ប៉ុល ពត កាលពី​ឆ្នាំ​១៩៧៨ ក្នុង​ដំណើរ​មក​ប្រទេស​កម្ពុជា ហើយ​ក្រោយ​មក​ភ្ញាក់​ខ្លួន​ក្រញាង​ដោយសារ​ស្នូរ​បាញ់​កាំភ្លើង ​ដែល​នៅ​ពេល​នោះ សមាជិក​ម្នាក់​ក្នុង​ក្រុម​ធ្វើ​ដំណើរ​របស់​លោកស្រី​ត្រូវ​បាន​គេ​បាញ់​សម្លាប់។ លោក​ស្រី ប៊ិកឃឺ ជា​សាក្សី​ជំនាញ​ម្នាក់​ដែល​បាន​និពន្ធ​សៀវភៅ​មាន​ចំណង​ជើង​ថា "ពេល​សង្គ្រាម​ផុត​រលត់​ទៅ" និង​ដែល​បាន​រាយការណ៍​នៅ​ក្នុង​ប្រទេស​កម្ពុជា​មុន​របប​ ប៉ុល ពត ត្រូវ​បាន​អញ្ជើញ​ឲ្យ​មក​ទស្សនកិច្ច​របប​កម្ពុជា​ប្រជាធិបតេយ្យ​កាលពី​ខែ​ធ្នូ​ឆ្នាំ​១៩៧៨ និង​ទទួល​បាន​ការ​អនុញ្ញាត​ឲ្យ​ចូល​ជួប​សំដែង​ការ​គួរសម​ជាមួយ​មេដឹកនាំ​ខ្មែរក្រហម​ដ៏​សម្ងាត់​នេះ។ លោក​ស្រី ប៊ិកឃឺ បាន​និយាយ​ថា "ជា​ទិដ្ឋភាព​មួយ​រន្ធត់​ណាស់...។...

កាលពី​ម្សិលមិញ​ អង្គ​ការ​សង្គម​ស៊ីវិល​ចំនួន​ប្រាំបួនបាន​សម្ដែង​កង្វល់​ថា ច្បាប់ដែល​​ស្នើ​ឡើង​រារាំង​អង្គការ​មិន​មែន​រដ្ឋាភិបាល​​កុំ​ឲ្យ​ផ្ដល់​បទ​សម្ភាស​ឬចេញ​សេចក្ដី​ថ្លែង​ការណ៍​អំឡុង​យុទ្ធនាការ​ឃោសនា​បោះ​ឆ្នោត​ ដែល​ត្រូវ​បាន​ចាត់​ទុក​ថា ជា​ការ​ "ជេរ​ប្រមាថ​" នោះ នឹង​ត្រូវ​ប្រើ​ដើម្បី​បំបិទ​​សំឡេង​របស់​ខ្លួន​។ គណបក្ស​ប្រជាជន​កម្ពុជានិង​គណបក្ស​សង្គ្រោះ​ជាតិ​បច្ចុប្បន្ន​នេះ​កំពុង​ព្រាង​​ច្បាប់​បោះ​ឆ្នោត​ជាតិ​ដែលមានការ​កែប្រែ​ ហើយ​លើក​ឡើង​ថា ច្បាប់​នេះ​គឺ​ចាំបាច់​ដើម្បី​ធានា​ថា អង្គការ​មិន​មែន​រដ្ឋាភិបាល​ត្រូវ​នៅ​ជា​អព្យាក្រឹត​អំឡុង​រ​យៈពេលធ្វើ​យុទ្ធនាការ​ឃោសនា​បោះ​ឆ្នោត​ផ្លូវ​ការ​។ សេចក្ដី​ថ្លែងការណ៍​ដែល​ចេញ​កាលពី​ម្សិលមិញ ហើយ​ចុះ​ហត្ថលេខា​ដោយ​អង្គការ​សិទ្ធិ​មនុស្ស​ក្នុង​ស្រុក​រួម​មាន មជ្ឈមណ្ឌល​សិទ្ធិមនុស្ស​កម្ពុជា អង្គការ​លីកាដូ អង្គការ​អាដហុក អង្គការ​សមធម៌​កម្ពុជា និង​មជ្ឈមណ្ឌល​កម្ពុជា​ដើម្បី​ប្រព័ន្ធ​ផ្សព្វ​ផ្សាយ​ឯករាជ្យ បាន​លើក​ឡើង​ថា ការ​រារាំង​នេះ​នឹង​បង្ហាញ​ពី​គ្រោះ​ថ្នាក់​ ប្រសិន​បើ​ត្រូវ​បាន​អនុវត្ត​។ សេចក្ដី​ថ្លែងការណ៍​ដដែល​នេះ​លើក​ឡើង​ថា "ខណៈ​ដែល​សិទ្ធិ​ក្នុង​ការ​បញ្ចេញ​មតិ​មិន​ពេញលេញ​ ការ​រឹត​ត្បិត​អាច​ត្រូវអនុវត​្ត​នៅពេល​ចាំ​បាច់​ដើម្បី​បម្រើ​ដល់​គោល​បំណង​ស្រប​ច្បាប់ រីឯការ​រារាំង​មិន​ឲ្យ​ផ្ដល់​បទ​សម្ភាស​តាម​បណ្ដាញ​ផ្សព្វ​ផ្សាយ​ព័ត៌មាន​ទំនង​ជាមាន​បំណង​ការ​ពារ​រដ្ឋាភិបាល និង​សមាជិក​គណបក្ស​នយោបាយ​​ពីការ​រិះគន់​តែ​ប៉ុណ្ណោះ"។ សេចក្ដី​ថ្លែងការណ៍​នេះ​បន្ត​ថា...

ក្រុម​​​មន្ត្រី​​​បាន​​​ឲ្យ​​​ដឹង​​​ថា ច្រក​​​ព្រំ​​​ដែន​​​អាន​​​សេះ​​​ផ្នែក​​​ខាង​​​ប្រទេស​​​ថៃ​​​ដែល​​​ថៃ​​​បាន​​​បិទ​​​កាល​​​ពី​​​ចុង​​​ខែ​​​មុន​​​ ដើម្បីឆ្លើយ​​​តប​​​នឹង​​​ការ​​​ស្ថាបនា​​​ផ្លូវ​​​ក្នុង​​​ផ្នែក​​​ខាង​​​ប្រទេស​​​កម្ពុជា​​​​​​នឹង​​​បើក​​​ឡើង​​​វិញ​​​នៅ​​​ថ្ងៃ​​​នេះ​​​​​​ក្រោយ​​​ពេល​​​មាន​​​កិច្ច​​​ប្រជុំ​​​មួយ​​​រវាង​​​មន្ត្រី​​​កម្ពុជា និង​​​មន្ត្រី​​​ថៃ​​​កាល​​​ពី​​​ម្សិលមិញ។ លោក នួន​​​ នៅ​​​ មេបញ្ជាការ​​​រង​​​កង​​​ពល​​​ធំ​​​លេខ​​​៤ ដែល​​​ក៏​​​បាន​​​ចូល​​​រួម​​​នៅ​​​ក្នុង​​​កិច្ច​​​ប្រជុំ​​​ដែរ​​​នោះ​​​បាន​​​ឲ្យ​​​ដឹង​​​ថា កិច្ច​​​ប្រជុំ​​​នេះ​​​ត្រូវ​​​បាន​​​ធ្វើ​​​ឡើង​​​រវាង​​​លោក អ៊ុំ ម៉ារ៉ា អភិបាល​​​ខេត្ត​​​ព្រះ​​​វិហារ​​​ និង​​​លោក សឺម ឆៃណារ៉ុង (Serm Chainarong) អភិបាល​​​ខេត្ត​​​ អ៊ូប៊ុន​​​ រ៉ាតថានី ដែល​​​ស្ថិត​​​នៅ​​​ក្បែរ​​​ខេត្ត​​​ព្រះ​​​វិហារ​​​ ក៏​​​ដូច​​​ជា​​​តំណាង​​​កង​​​ទ័ព​​​មក​​​ពី​​​ភាគ​​​ី​​​ទាំង​​​ពីរ​​​ផង​​​ដែរ​​​។ លោក នួន​​​ នៅ បាន​​​លើក​​​ឡើង​​​បន្ត​​​ថា កិច្ច​​​ប្រជុំ​​​នេះ​​​ផ្តោត​​​លើ​​​ការ​​​ស្ថាបនា​​​ផ្លូវ​​​ ហើយ​​​ថា ភាគី​​​ខាង​​​ថៃ​​​បាន​​​យល់​​​ព្រម​​​បើក​​​ច្រក​​​ព្រំ​​​ដែន​​​ឡើង​​​វិញ​​​នៅ​​​ម៉ោង​​​៩​​​ព្រឹក​​ថ្ងៃ​​​នេះ​​​។ លោក​​​បាន​​​មាន​​​ប្រសាសន៍​​​ថា "​​​ភាគីខាង​​​ថៃ​​​បាន​​​និយាយ​​​ថា នៅ​​​ថ្ងៃ​​​ក្រោយ​​​ ប្រសិន​​​បើ​​​យើង​​​ចង់​​​ធ្វើ​​​ផ្លូវ​​​នៅ​​​ខាង​​​ផ្នែក​​​របស់​​​យើង​​​ យើង​​​ចាំ​​​បាច់​​​ត្រូវ​​​ជូន​​​ដំណឹង​​​ដល់​​​ប្រទេស​​​ថៃ​​​ជា​​​មុន​​​សិន​​​"។ លោក​​​បាន​​​បន្ថែម​​​ថា ​​​មន្ត្រី​​​កម្ពុជា​​​បាន​​​យល់​​​ព្រម​​ធ្វើ​​​ដូច្នោះ​​​។ ​​​​​​កាល​​​ពី​​​ថ្ងៃ​​​ទី​​​២៨ ខែ​​​ធ្នូ​​​ ទាហាន​​​ថៃ​​​បាន​​​ទៅ​​​ប្រាប់​​​ឲ្យ​​​កម្មករ​​​ស្ថាបនា​​​ផ្លូវ​​​កម្ពុជា​​​​​​បញ្ឈប់​​​ការងារ​​របស់​​​ខ្លួន​​​ ព្រោះ​​​ពួក​​​គេ​​​ស្ថិត​​​នៅ​​​ក្នុង​​​តំបន់​​​មាន​​​ជម្លោះ ហើយ​​​កំពុង​​​រំលោភ​​​លើ​​​អនុស្សរណៈ​​​នៃ​​​ការ​​​យោគ​​​យល់​​​គ្នា​​ដែល​​​មាន​​​ការ​​​ឯក​​​ភាព​​​គ្នា​​​​ថា មិន​​​អភិវឌ្ឍ​​​​​តំបន់នេះ​​​​​​ នេះ​​​បើ​​​យោង​​​តាម​​​លោក ជា គឹម​​​សេង អភិបាល​​​ស្រុក​​​ជាំ​​​ក្សាន្ត​​​បាន​​​លើក​​​ឡើង​​​នៅ​​​ពេល​​​នោះ​​​។ ​​​លោក គឹមសេង បាន​​​​​​លើក​​​ឡើង​​​បន្ថែម​​​នៅ​​​ពេល​​​នោះ​​​ថា នៅ​​​ពេល​​​ការ​​​ងារ​​​ស្ថាបនា​​​ផ្លូវ​​​​​​នៅ​​​តែ​​​បន្ត​​​ ទាហាន​​​ថៃ​​​បាន​​​បិទ​​​ច្រក​​​ព្រំ​​​ដែន​​​ខាង​​​​​​ផ្នែក​​​​​​របស់​​​ខ្លួន​​​ ​​​ហើយ​​​​​បន្ទាប់​​​មក​​​ពួក​​​គេ​​​បាន​​​បញ្ជូន​​​​​​ទាហាន​​​​​​​​​​​​ប្រមាណ​​​២០០នាក់​​​បន្ថែម​​​ទៀត​​​​​​​​​ចូល​​​មក​​​តំបន់​​​ព្រំ​​​ដែន​​​នេះ​​​។ ​​​​​​​​​​​​​​​លោក គឹមសេង​​​ បាន​​​​​​ឲ្យ​​​ដឹង​​​បន្ត​​​​​​កាល​​​ពី​​​ម្សិលមិញ​​​ថា មន្ត្រី​​​ដែល​​​ទៅ​​​ចូល​​​រួម​​​ក​​​ិច្ច​​​ប្រជុំ​​​បាន​​​សម្រេច​​​បើក​​​ច្រក​​​ព្រំ​​​ដែន​​​ឡើង​​​វិញ​​​ព្រោះ​​​វា​​​នឹង​​​ផ្តល់​​​ផល​​​ប្រយោជន៍​​​ដល់​​​សហគមន៍​​​នៃ​​​ប្រទេស​​​ទាំង​​​ពីរ​​​។ លោក​​​បាន​​​មាន​​​ប្រសាសន៍​​​ថា "កិច្ច​​​ប្រជុំ​​​គឺ​​​វា​​​មាន​​​ផ្លែផ្កា​​​សម្រាប់​​​ពល​​​រដ្ឋ​​​នៃ​​​ប្រទេស​​​ទាំង​​​ពីរ​​​​​​នៅ​​​តាម​​​​​​ព្រំដែន និង​​​ខេត្ត​​​ដែល​​​នៅ​​​ក្បែរ​​​ៗ​​​នោះ ព្រោះ​​​វា​​​​​​នឹង​​​មាន​​​​​​ការ​​​ដោះ​​​ដូរ​​​ទំនិញ​​​គ្នា​​​ឡើង​​​វិញ​​​"៕ស៊ុយ​​​ឈាង​​​​​​​​​  

​យោងតាម​តំណាង​រោងចក្រ​បាន​ឲ្យ​ដឹង​ថា កម្មករ​រោងចក្រ​កាត់​ដេរ​ជាង​៦០​នាក់​បាន​ដួល​សន្លប់​នៅ​រោងចក្រ​កាត់​ដេរ​ Sun Best ក្នុង​ស្រុក​អង្គស្នួល ខេត្ត​កណ្ដាល កាលពី​ព្រឹកម្សិលមិញ​។ លោក​ស្រី ង៉ែត សុភ័ក្ត្រ តំណាង​រោងចក្រ​បាន​មាន​ប្រសាសន៍​ថា លោកស្រី​ជឿ​ថា កម្មការិនី​៦៦​នាក់​​ បាន​ដួល​សន្លប់​ដោយការ​ភិត​ភ័យ​បន្ទាប់ពី​ការ​ទុស្សេ​ខ្សែភ្លើង​ពីរ​ដង​ បណ្តាលក​ឲ្យ​បែក​ផ្កាភ្លើង​នៅ​រោងចក្រ​នេះ​នាព្រឹក​នោះ។ ​លោកស្រី​បាន​មាន​ប្រសាសន៍​ថា នៅ​ពេល​ទុស្សេ​ខ្សែភ្លើង​ម្ដង​ទៀត​ កម្មការិនី​ម្នាក់​បាន​រត់​ចេញ​ ហើយ​បាន​ដួ​ល​សន្លប់​ដោយ​សារ​នាង​ភិត​ភ័យ​ពី​ការ​ទុស្សេ​ខ្សែ​ភ្លើង​នោះ ហើយ​កម្ម​ការិនី​ផ្សេង​ទៀត​ដែល​មក​​ចោម​រោម​មើល​នាង​ក៏​បាន​ដួល​សន្លប់​ផង​ដែរ ពីព្រោះ​ពួកគេ​បាន​ឃើញ​​ម្នាក់​ដួល​សន្លប់"។ លោក​ស្រី សុភ័ក្ត្រ ​បាន​មាន​ប្រសាសន៍​ថា ​កម្មការិនី​ទាំង៦៦​នាក់​ ត្រូវ​បាន​ដឹកទៅ​​ព្យាបាល​នៅ​មណ្ឌល​សុខ​ភាព​ស្រុក​ និង​គ្លីនិក​ឯកជន​...

វិស័យ​អគារ​ខុនដូ​ដែល​កំពុង​រីកចម្រើន​​នៅ​ក្នុង​ប្រទេស​កម្ពុជា មិន​បង្ហាញ​សញ្ញា​នៃ​ការ​​បង្អង់ល្បឿននោះ​ទេ ដោយ​ការ​សាងសង់​អគារ​ខុនដូ​ថ្មី​ចំនួន​ពីរ​គ្រោង​នឹង​ចាប់​ផ្ដើម​នៅ​ក្នុង​ត្រីមាស​ទី១​ដើម​ឆ្នាំ​នេះ។ យោង​តាម​របាយការណ៍​បូកសរុប​​លទ្ធផល​ទីផ្សារ​កាលពី​ខែធ្នូ​របស់​ក្រុម​ហ៊ុន​អចលនទ្រព្យ​ ស៊ីប៊ី រីឆាដ អេលីស (CB Richard Ellis) ដែល​បាន​ចេញ​ផ្សាយ​កាលពី​ថ្ងៃពុធ​បង្ហាញ​ថា ការ​សាងសង់​អគារ​​​​ភ្លោះ​ស្កាយ វីឡា ថៅវើ (Sky Villa Tower) ដែល​មាន​​២៥៤​បន្ទប់ (Unit) នៅ​ជិត​ពហុកីឡាដ្ឋាន​អូឡាំពិក និង​​អគារ​សុវណ្ណ ខុនដូ (Sovann Condominuim) ដែល​មាន​​១០៤​បន្ទប់...

នគរ​​​បាល​​​បាន​​​ឲ្យដ​​​ឹង​​​កាល​​​ពីម្សិលមិញ​​​ថា មនុស្ស​​​ជាង​​​៦០​​​នាក់​​​បាន​​​នាំ​​​គ្នា​​​បង្ក​​​អំពើ​​​ហិង្សា​​​នៅ​​​ខាង​​​មុខ​​​ផែ​​​ស្ងួត​​​របស់​​​ក្រុមហ៊ុន​​​ដឹក​​​ជញ្ជូន​​​មួយ​​​ក្នុង​​​ខណ្ឌ​​​ពោធិ៍​​​សែន​​​ជ័យ​​​កាល​​​ពី​​​យប់​​​ថ្ងៃ​​​ពុធ បន្ទាប់​​​ពី​​​រថយន្ត​​​កុងទឺន័រ​​​របស់​​​ក្រុមហ៊ុន​​​នេះ​​​មាន​​​ជាប់​​​ពាក់​​​ព័ន្ធ​​​នៅ​​​ក្នុង​​​ហេតុ​​​ការណ៍​​​គ្រោះថ្នាក់​​​ចរាចរណ៍ ដែល​​​បណ្តាល​​​ឲ្យ​​​មាន​​​មនុស្ស​​​ស្លាប់​​​។ ​​​លោក ហេង កុសល នាយ​​​ប៉ុស្តិ៍​​​នគរ​​​បាល​​​សង្កាត់​​​ចោម​​​ចៅ​​​ បាន​​​ឲ្យ​​​ដឹង​​​ថា នៅ​​​ម៉ោង​​​ប្រហែល​​​៥ល្ងាច​​​ កាល​​​ពី​​​ថ្ងៃ​​​ពុធ ក្បាល​​​កុង​​​ទឺន័រ​​​ដែល​​​បើក​​​បរ​​​ដោយ​​​បុគ្គលិក​​​ម្នាក់​​​របស់​​​ក្រុមហ៊ុន​​​ អាហរ័ណនីហរ័ណ​​​ តិច ស្រ៊ុន និង​​​ផែស្ងួត នៅ​​​ក្នុង​​​សង្កាត់​​​ចោម​​​ចៅ​​​បាន​​​បទ​​​ស្តាំ​​​សំដៅ​​​ចូល​​​ទៅ​​​ក្នុង​​​ផែ​​​ស្ងួតដែលស្ថិត​​​នៅ​​​​​​តាម​បណ្តោយ​​​​​ផ្លូវ​​​ជាតិ​​​លេខ​​​៤។ ​​​​​​​​​លោក​​​ ហេង កុសល បាន​​​មាន​​​ប្រសាសន៍​​​ថា "នៅ​​​ពេល​​​ក្បាល​​​កុងទឺន័រ​​​បត់​​​ស្តាំ​​​ ម៉ូតូ​​​មួយ​​​គ្រឿង​​​បាន​​​បុក​​​ទៅ​​​នឹង​​​ផ្នែក​​​ខាង​​​ស្តាំ​​​របស់​​​ក្បាល​​​កុងទឺន័រ​​​នេះ​​​"។ អ្នកស្រី ទឹម សុលក្ខិណា អា​​យុ​​​២០​​​ឆ្នាំ ជា​​​អ្នក​​​បើក​​​បរ​​​ម៉ូត​​ូ​​​បាន​​​ខ្ទាត​​​ទៅ​​​ចិញ្ចើម​​​ផ្លូវ​​​ ហើយ​​​បោក​​​ក្បាល​​​នឹង​​​ថ្ម​​​រួច​​​ស្លាប់​​​ភ្លាមៗ។ លោក ហេង កុសល បាន​​​លើក​​​ឡើង​​​បន្ត​​​ថា កូន​​​ប្រុស​​​អាយុ​​​២​​​ឆ្នាំ​​​របស់​​​អ្នកស្រី សុលក្ខិណា និង​​​​​​ស្ត្រី​​​អ្នក​​​ដំណើរ​​​ម្នាក់​​​ទៀត​​​អាយុ​​​២០​​​ឆ្នាំ ដែល​​​គេ​​​មិន​​​ស្គាល់​​​អត្ត​​​សញ្ញាណ ក៏​​​រង​​​របួស​​​ដែរ​​​។ លោក​​​បាន​​​បន្ថែម​​​ថា ស្ត្រី​​​ទាំង​​​ពីរ​​​នាក់​​​នេះ​​​សុទ្ធ​​​តែ​​​ជា​​​កម្មការិនី​​​កាត់​​​ដេរ​​​នៅ​​​ក្នុង​​​ខណ្ឌ​​​ពោធិ៍​​​សែន​​​ជ័យ​​​​​​។ បន្ទាប់​​​មក​​​ អ្នក​​​បើក​​​បរ​​​កុងទឺន័រ​​​បាន​​​ចត​​​ក្បាល​​​កុង​​​ទឺន័រ​​​នេះ​​​នៅ​​​ក្នុង​​​បរិវេណ​​​ផែ​​​ស្ងួត​​​ រួច​​​គេច​​​ខ្លួន​​​បាត់​​​។ លោក​​​​​​បាន​​​លើក​​​ឡើង​​​បន្ថែម​​​ទៀត​​​ថា នៅ​​​ម៉ោង​​​ប្រហែល​​​៧ល្ងាច​​​ មនុស្ស​​​ជាង​​​៦០​​​នាក់​​​បាន​​​នាំ​​​គ្នាយក​​​សព្វ​​​របស់​​​អ្នក​​​ស្រី សុលក្ខិណា ដាក់​​​នៅ​​​ខាង​​​មុខ​​​ខ្លោង​​​ទ្វារ​​​ចូល​​​​​​​​​ផែ​​​ស្ងួត​​​ដើម្បី​​​ទាម​​​ទារ​​​ឲ្យ​​​តំណាង​​​ក្រុមហ៊ុន​​​ទទួល​​​ខុស​​​ត្រូវ​​​ចំពោះ​​​ហេតុ​​​ការ​​​ណ៍​​​គ្រោះ​​​ថ្នាក់​​​ចរាចរណ៍​​​នេះ ខណៈ​​​ក្មេង​​​ប្រុស​​​ និង​​​ស្ត្រី​​​ដែល​​​រង​​​របួស​​​ត្រូវ​​​បាន​​បញ្ជូន​​​ទៅ​​​មន្ទីរ​​​ពេទ្យ​​​ព្រះ​​​កុសមៈ។ នៅ​​​ពេល​​​គ្មាន​​​នរណា​​​ចេញ​​​មក​​​ ក្រុម​​​មនុស្ស​​​ទាំង​​​នេះ​​​បាន​​​ចាប់​​​ផ្តើម​​​គប់​​​ដុំ​​​​​​ថ្ម ហើយ​​​មន្ត្រី​​​​​​នគរ​​​បាល​​​ត្រូវ​​​បាន​​​​​​ហៅ​​​ឲ្យ​​​មក​​​កន្លែង​​​កើត​​​ហេតុ​​​នេះ​​​។ លោក​​​បាន​​​មាន​​​ប្រសាសន៍​​​ថា "មាន​​​មន្ត្រី​​​នគរ​​​បាល​​​ពីរ​​​បី​​​នាក់​​​មក​​​ ប៉ុន្តែ ក្រុម​​​មនុស្ស​​​ពោរ​​​ពេញ​​​ទៅ​​​ដោយ​​​កំហឹង​​​មាន​​​ដល់​​​ទៅ​​​៦០​​​នាក់​​​ឯណោះ​​​ ហេតុ​​​ដូច្នេះ​​​យើង​​​មិន​​​អាច​​​រារាំង​​​ពួក​​​គេ​​​កុំ ឲ្យ​​​ប្រើ​​​​​​អំពើ​​​ហិង្សា​​​បាន​​​នោះ​​​​​​ទេ​​​​​​"។ លោក តាំង​​​ អាន នាយការិយាល័យ​​​នគរ​​​បាល​​​ចរាចរ​​​រាជធានី​​​ដែល​​​បាន​​​មក​​​ដល់​​​កន្លែង​​​កើត​​​ហេតុ​​​ដើម្បី ត្រួត​​​ពិនិត្យ​​ហេតុការណ៍​​​គ្រោះ​​​​​​ថ្នាក់​​​ចរាចរណ៍​​​​​​នេះ​​​បាន​​​លើក​​​ឡើង​​​ថា មន្ត្រី​​​នគរ​​​បាល​​​ខណ្ឌ​​​ម្នាក់​​​បាន​​​រង​​​របួសស្រាល​​​ ហើយ​​​ថា​​​ រថយន្ត​​​នគរ​​​បាល​​​ចំនួន​​​ពីរ​​​គ្រឿង​​​បាន​​​រង​​​ការ​​​ខូច​​​ខាត​​​ដោយសារ​​​ការ​​​គប់ដុំ​​​ថ្ម។ លោក​​​បាន​​​មាន​​​ប្រសាសន៍​​​ថា "អំពើ​​​ហិង្សា​​​កើត​​​ឡើង​​​ព្រោះ​​​​​​គ្មាន​​​នរណា​​​ស្តាប់​​​យើង​​​"។ លោក​​​បាន​​​បន្ថែម​​​ថា គ្មាន​​​ការ​​​ចាប់ខ្លួន​​​នរណា​​​ម្នាក់​​​ឡើយ​​​។ លោក តាំង អាន បាន​​​លើក​​​ឡើង​​​ទៀត​​​ថា នគរ​​​បាល​​​នៅ​​​តែ​​​ព្យាយាម​​​​​​ដើម្បី​​​កំណត់​​​ថា តើ​​​នរណា​​​ត្រូវ​​​ទទួល​​​ខុស​​​ត្រូវ​​​ចំពោះ​​​ហេតុការណ៍​​​គ្រោះ​​​ថ្នាក់​​​ចរាចរណ៍​​​នេះ​​​។ លោក​​​បាន​​​មានប្រសាសន៍​​​ថា "យើង​​​មិន​​​ច្បាស់​​​ទេ​​​ថា តើ​​​នរណា​​​ខុស​​​ នរណា​​​ត្រូវ​​​"។ លោក​​​ ប៊ុន សុធា អ្នក​​​គ្រប់​​​គ្រង​​​ផែ​​​ស្ងួត​​​នេះ​​​បាន​​​លើក​​​ឡើង​​​ថា ក្រុមហ៊ុន​​​យល់​​​ព្រម​​​ផ្តល់​​​ប្រាក់​​​សំណង​​​ដល់​​​គ្រួសារ​​​របស់​​​អ្នកស្រី សុលក្ខិណា។ លោក​​​បាន​​​មាន​​​ប្រសាសន៍​​​ថា ​​​​​​"យើង​​​នឹង​​​ទទួល​​​ខុស​​​ត្រូវ​​​ចំពោះ​​​ហេតុ​​​ការណ៍​​​នេះ។ ក្រុមហ៊ុន​​​ធានា​​​រ៉ាប់រង​​​កំពុង​​​ចរចា​​​ប្រាក់​​​សំណង​​​ជាមួយ​​​គ្រួសារ​​​ជន​​​រង​​​គ្រោះ​​​​​​ហើយ​​​"។ ទោះ​​​ជា​​​យ៉ាង​​​ណា លោក សុធា បាន​​​បដិសេធ​​​មិន​​​ប្រាប់​​​ពីអត្តសញ្ញាណ​​​របស់​​​អ្នក​​​បើក​​​បរ​​​កុងទឺន័រ​​​នោះ​​​ឡើយ​​​។ លោក​​​បាន​​​មាន​​​ប្រសាសន៍​​​បន្ថែម​​​ថា "បន្ទាប់​​​ពី​​​កើត​​​ហេតុ​​​រួច​​​ គាត់​​​បាន​​​បើក​​​រថយន្ត​​​ចូល​​​ក្នុង​​​ផែ​​​ស្ងួត​​​មុន​​​ពេល​​​រត់​​​គេ​​ច​​​ខ្លួន​​​បាត់​​​។ ខ្ញុំ​​​មិន​​​ដឹង​​​ថា គាត់​​​រត់​​​ទៅ​​​ទី​​​ណា​​​នោះ​​​ទេ​​​"។ លោក សុធា បាន​​​លើក​​​​​​ឡើង​​​ទៀត​​​ថា ក្រុម​​​មនុស្ស​​​នៅ​​​ខាង​​​ក្រៅ​​​ផែ​​​ស្ងួត​​​បាន​​​បំផ្លិច​​​បំផ្លាញ​​​ទ្រព្យ​​​សម្បត្តិក្រុម​​​ហ៊ុន​​​ដោយ​​​គប់​​​ដុំ​​​ថ្ម និង​​​យក​​​សាំង​​​ដុត​​​។ លោក​​​បាន​​​មាន​​​ប្រសាសន៍​​​ថា "អ្នក​​​តវ៉ា​​​បាន​​​ដុត​​​ប៉ុស្តិ៍​​​យាម​​​របស់​​​យើង​​​ ហើយ​​​បាន​​​បំផ្លាញ​​​ប្រអប់​​​ភ្លើង​​​ដោយ​​​ធ្វើ​​​ឲ្យ​​​ក្រុមហ៊ុន​​​របស់​​​យើង​​​ងងឹត​​​ពេញ​​​មួយ​​​យប់។ យើង​​​នឹង​​​មិន​​​ដាក់​​​ពាក្យ​​​ប្តឹង​​​ពួកគេ​​​ឡើយ​​​ ព្រោះ​​​យើង​​​មិន​​​ចង់​​​មាន​​​​​​បញ្ហា​​​ណា​​​មួយ​​​បន្ថែម​​​ទៀត​​​​​​ឡើយ​​​"៕ស៊ុយ​​​ឈាង​​​ ​​​  

មានព័ត៌​​មាន​ចុះ​ផ្សាយ​ជាហូរហែ​អំពី​ចលាចល​ក្នុង​សង្គម​​ពាក់ព័ន្ធ​នឹង​ការ​ចាប់​យក​ដីធ្លី​នៅ​ក្នុង​ខេត្តព្រះវិហារភាគ​ខាង​ជើង ដោយ​ប្រជាជន​នៅ​ទីនោះ​រួម​មានទាំង​ជនជាតិ​ដើម​ភាគ​តិច​គួយ ​ផង​ដែរ​។ ជនជាតិ​ដើមភាគ​តិច​គួយ ​បាន​និង​កំពុង​ធ្វើ​ការ​តវ៉ា​ស្រប​ច្បាប់​ប្រឆាំង​​ក្រុម​ហ៊ុនឯកជន ដែល​​ទទួល​បាន​ដីសម្បទាន​​ពី​រដ្ឋាភិបាល​ក្នុង​ពេល​ថ្មីៗនេះ និង​ដែល​កំពុង​រឹប​អូស​ និង​ឈូស​ឆាយ​ដីស្រែ​ចម្ការ​ដូន​តា​របស់ពួកគាត់ ដើម្បី​ធ្វើ​ចម្ការ​​បែប​ឧស្សាហកម្ម​។ កាលពី​ថ្ងៃទី​១២ ខែធ្នូ ខ្ញុំ​បាន​ជួប​ជាមួយ​អ្នកភូមិ​ជន​ជាតិគួយ​ មួយ​ក្រុមដែល​តំណាង​ឲ្យ​សហគមន៍​របស់ពួកគាត់​នៅ​ក្នុង​ខេត្ត​ព្រះវិហារ ស្ថិតក្នុង​ស្រុក​​ (ត្បែង​មាន​ជ័យ) ដែល​ពួកគាត់កំពុង​​​តស៊ូការ​ពារ​ដី​ធ្លី​ដែល​ពួកគាត់​បាន​ធ្វើ​​​ស្រែចម្ការ​ជាច្រើន​ជំនាន់​មក​ហើយ។ ដី​របស់​ពួកគាត់​ភាគច្រើន​ជា​ដីស្រែ ដែល​មាន​ទម្រង់មូលដ្ឋាន​ជា​​កសិកម្ម​បែប​ប្រពៃណី​ដែល​គ្រប់​គ្រាន់​សម្រាប់​តែ​ចិញ្ចឹម​ជីវិត។ ដើម្បី​ដោះស្រាយ​វិវាទ​ដីធ្លី​​​ឲ្យ​បាន​ត្រឹម​ត្រូវ​ យុត្តិធម៌ និង​ប្រកប​ដោយ​មនុស្សធម៌​ពាក់​ព័ន្ធ​នឹង​ជនជាតិ​ដើម​ភាគ​តិចដូច​ជា​ជនជាតិ​គួយ នៅ​ភាគ​ខាង​ជើង​ជា​ដើម​ ក៏ដូច​ជា​ជនជាតិ​ភាគតិច​កុលសម្ព័ន្ធ​ភ្នំ ឬជនជាតិ​​ម៉ុងតាញ៉ា​នៅ​ភាគ​ឦសាន រដ្ឋាភិបាល​ត្រូវ​តែ​ពិចារណា​ឲ្យ​បាន​ដិត​ដល់​អំពី​កត្តាមួយ​ចំនួនដូច​ខាង​ក្រោ​ម​​ ៖ ១. ជនជាតិដើម​ភាគ​តិច​ទាំង​នោះគ្មានគំនិត​ចង់​បាន​កម្មសិទ្ធិ​ផ្ទាល់​ខ្លួន​ដូច​ប្រជា​ពលរដ្ឋ​ផ្សេង​ទៀត​ទេ។...