TAG
second2
ភ័ស្តុតាងរបស់ចៅក្រមអបយសត្រូវបានតម្កល់ទុកជាថ្មី
កាលពីថ្ងៃពុធ តុលាការក្រុងភ្នំពេញបានលុបចោលសំណើមួយទៀតពីពាណិជ្ជករអង់គ្លេសដែលជាប់រឿងក្តី គឺ លោក ហ្គ្រេក ហ្វ្រីយ៉េត (Gregg Fryett) សុំឲ្យស៊ើបអង្កេតឡើងវិញនូវភ័ស្តុតាងទាំងអស់ដែលប្រមូលបានដោយលោក អាំង មាលតី អតីតប្រធានតុលាការក្រុងភ្នំពេញអបយស ក្នុងរឿងក្តីឆបោកមួយ ដែលឃើញលោក ហ្វ្រីយ៉េត ជាប់ពន្ធនាគាររយៈពេលជាងបីឆ្នាំហើយ។
ក្នុងនីតិវិធីតុលាការបន្ត លោក ហ្វ្រីយ៉េត និងសហចុងចោទបួននាក់រងការចោទប្រកាន់ពីបទក្លែងឯកសារ ដើម្បីទទួលបានដីសម្រាប់ក្រុមហ៊ុនជីវឥន្ធនៈរបស់លោក គឺក្រុមហ៊ុន International Green Energy (IGE)។...
ក្រុមហ៊ុនរ៉ូយ៉ាល់ រេលវេ ពិចារណាគម្រោងខ្សែរថភ្លើងចេញពីកណ្តាលរាជធានីទៅអាកាសយានដ្ឋាន
យោងតាមនាយកប្រតិបត្តិក្រុមហ៊ុនរ៉ូយ៉ាល់ រេលវេ បានឲ្យដឹងកាលពីម្សិលមិញ ថា ក្រុមហ៊ុនរបស់ខ្លួនកំពុងធ្វើការសិក្សាពីសមិទ្ធលទ្ធភាពលើខ្សែរថភ្លើងដែលនឹងដឹកអ្នកដំណើរពីកណ្តាលរាជធានីភ្នំពេញទៅកាន់អាកាសយានដ្ឋានក្នុងរយៈពេលតិចជាង១៥នាទី។
ទោះបីជាគម្រោងនេះស្ថិតក្នុងដំណាក់កាលពិភាក្សាដំបូងនៅឡើយក៏ដោយ តែលោក John Guiry នាយកប្រតិបត្តិក្រុមហ៊ុន រ៉ូយ៉ាល់ រេលវេ បានលើកឡើងថា លោកសង្ឃឹមថា នឹងប្រើប្រាស់ខ្សែរថភ្លើងដែលមានស្រាប់ ដោយរត់ជាច្រើនជើង ហើយបើនិយាយក្្នុងន័យសុទិដ្ឋិនិយមវិញ នឹងមានរត់ភ្លើងរត់ក្នុងរយៈពេល១៨ខែទៀត។
លោកបានមានប្រសាសន៍ថា "លោកអ្នកនឹងចេញដំណើរ ហើយលោកអ្នកនឹងទៅអង្គុយនៅកន្លែង Burger King ក្នុងអាកាសយានដ្ឋានក្នុងរយៈពេលត្រឹមតែ១០នាទី ទៅ១៥នាទីប៉ុណ្ណោះ"។
ទោះបីជាលោក John Guiry បានសង្កត់ថា គម្រោងនេះ "ទើបតែស្ថិតក្នុងដំណាក់កាលពិភាក្សាត្រង់ចំណុចនេះ" ក៏ដោយ តែលោកបានព្យាករថា សេវានេះនឹងចាប់ផ្តើមដំណើរការក្នុងពេលឆាប់ៗ។លោកបានថ្លែងថា "វាមិនមែនជាផែនការរយៈពេល១០ឆ្នាំនោះទេ។ ខ្ញុំចង់ឲ្យវាដំណើរឆាប់ៗ"។
ប្រទេសកម្ពុជាកំពុងស្ថិតក្នុងដំណើរការប្រើប្រាស់ខ្សែរថភ្លើងដែលមានស្រាប់ឡើងវិញ។កាលពីខែមុនក្រុមហ៊ុន...
ឯកអគ្គរាជទូតប្រចាំប្រទេសអូស្ត្រាលីប្រឈមនឹងការចោទប្រកាន់ពាក់ព័ន្ធអំពើពុករលួយ
កាលពីម្សិលមិញ ក្រសួងការបរទេសបាន ប្រាប់ឲ្យឯកអគ្គរាជទូតកម្ពុជាប្រចាំប្រទេសអូស្ត្រាលីឆ្លើយតបចំពោះការចោទប្រកាន់ដែលថា គាត់ និងបុគ្គលិករបស់គាត់បាននិងកំពុងលក់គ្រឿងស្រវឹង និងបារីដោយរួចពន្ធក្នុងចំនួនយ៉ាងច្រើនដោយខុសច្បាប់ទៅឲ្យហាងមួយនៅក្នុងទីក្រុងមែលបឺន។
ប្រព័ន្ធផ្សព្វផ្សាយ Fairfax បានចុះផ្សាយកាលពីថ្ងៃអង្គារថា កងកម្លាំងការពារព្រំដែនអូស្ត្រាលីកំពុងតែសើុបអង្កេតស្ថានទូតកម្ពុជាប្រចាំទីក្រុងកង់បេរ៉ា និងហាងលក់ស្រា និងបារីរួចពន្ធនៅក្នុងទីក្រុងមែលបឺន អស់រយៈពេល៦ខែមកហើយជុំវិញការសង្ស័យដែលថា ទំនិញនាំចូលរួចពន្ធសម្រាប់សម្រាប់បុគ្គលិកស្ថានទូតត្រូវបានលក់ជូនសាធារណជន។
លោក ជុំ សុន្ទរី អ្នកនាំពាក្យក្រសួងការបរទេសនិងជាអតីតឯកអគ្គរាជទូតប្រចាំប្រទេសអូស្ត្រាលីបានលើកឡើងថា ក្រសួងបានប្រាប់លោក កុយ គួង ឲ្យឆ្លើយតបនឹងការចោទប្រកាន់នេះ។
លោកបានមានប្រសាសន៍ថា "ឥឡូវក្រសួងកំពុងតែរង់ចាំការបញ្ជាក់ពីឯកឧត្តមកុយ គួង ព្រោះយើងទើបតែទទួលបានព័ត៌មាននេះកាលពីព្រឹកមិញនេះ...ក្រសួងបានណែនាំឲ្យឯកទឧត្តម កុយ គួង ឆ្លើយតបនឹងព័ត៌មាននោះ"។ លោកបានបដិសេធមិនធ្វើអត្ថាធិប្បាយបន្ថែមលើប្រធានបទនេះឡើយ។
អត្ថបទរបស់ប្រព័ន្ធផ្សព្វផ្សាយ Fairfax បានអះអាងថា គ្រឿងស្រវឹង និងបារីក្នុងចំនួនយ៉ាងច្រើនដែលមន្ត្រីស្ថានទូតបានបញ្ជាទិញតាមរយៈហាង Unique International ជាហាងលក់ទំនិញរួចពន្ធមិនដែលត្រូវបានយកចេញពីហាងនេះទេ ហើយផ្ទុយទៅវិញត្រូវបានលក់សម្រាប់ផលចំណេញយ៉ាងច្រើន។
អត្ថបទនេះលើកឡើងថា "បានរក្សាទុកនៅហាងនេះ ហើយត្រូវបានលក់ក្នុងតម្លៃលក់រាយនៅក្នុងផែនការដែលគេប៉ាន់ប្រមាណថា ចំណេញបានរហូតដល់២០០.០០០ដុល្លារ"។
ស្ថានទូតនានាដែលកំពុងតែប្រតិបត្តិការនៅក្នុងប្រទេសអូស្ត្រាលីត្រូវបានកំណត់ឲ្យនាំចូលស្រា២៦០លីត្រ ស្រាបៀរ១.០០០លីត្រ និងបារី២០.០០០ដើម រៀងរាល់៦ខែម្តង នេះបើយោងតាមក្រសួងការបរទេសនិងគេហទំព័រពាណិជ្ជកម្មរបស់ប្រទេសនេះ។
គេហទំព័រនេះបានលើកឡើងបន្តថា បុគ្គលដែលជាប់ទណ្ឌកម្មជាក់លាក់ ដូចជាឯកអគ្គរាជទូត ឬឯកអគ្គរដ្ឋទូតជាដើមក៏អាចនាំចូលអ្វីៗទាំងអស់នោះបានពាក់កណ្តាលដែរសម្រាប់ការប្រើប្រាស់រាល់៦ខែម្តង។
លោក កុយ គួង ដែលត្រូវបានតែងតាំងឲ្យកាន់មុខតំណែងនេះកាលពីខែមិថុនា ឆ្នាំមុនមិនបានឆ្លើយតបនឹងសំណើសុំការអត្ថាធិប្បាយឡើយ ទោះជាយ៉ាងណាលោកបានប្រាប់គេហទំព័រព័ត៌មាន Fresh News ថា ការចោទប្រកាន់នេះ "គួរឲ្យអស់សំណើច"។ មន្ត្រីផ្សេងៗទៀតនៅស្ថានទូតនេះក៏មិនអាច ទាក់ទងបានដែរ។
តំណាងហាង Unique International មិនអាចទាក់ទងបានទេកាលពីម្សិលមិញ។
ការផ្សព្វផ្សាយពាណិជ្ជកម្មរយៈពេល១ម៉ោងលើគេហទំព័រយូធូបបានបង្ហាញឲ្យឃើញពីម្ចាស់ហាងនេះឈ្មោះ សេង តាំង និយាយរៀបរាប់ពីប្រវត្តិរបស់ខ្លួនជាពលករមកពីប្រទេសកម្ពុជា។ លោក សេង តាំង ក៏បានអះអាងផងដែរថា បានបរិច្ចាគប្រាក់ចំណេញមួយផ្នែកទៅឲ្យវត្តមួយក្នុងប្រទេសអូស្ត្រាលី និងអង្គការមនុស្សធម៌...
លោក កឹម សុខា មិនបង្ហាញខ្លួន តែបែរជាចោទសួរពីបំណងរបស់រដ្ឋាភិបាល
លោក កឹម សុខា អនុប្រធានគណបក្សប្រឆាំងមិនបានបង្ហាញខ្លួនសម្រាប់ការសាកសួរនៅតុលាការទេកាលពីម្សិលមិញ ផ្ទុយទៅវិញបានប្រើប្រាស់ជំនួបជាមួយយុវជននៅទីស្នាក់ការកណ្ដាលគណបក្សសួរពីមូលហេតុដែលរដ្ឋាភិបាលបន្តយ៉ាងសកម្មអំពី "រឿងផ្ទាល់ខ្លួន" ពាក់ព័ន្ធបញ្ហាថាតើ លោកមានស្រីកំណាន់ ឬក៏អត់។
ខ្សែអាត់សំឡេងដែលគេអះអាងថា ជាការសន្ទនាតាមទូរស័ព្ទរវាងលោក កឹម សុខា និងស្រីកំណាន់ត្រូវបានផ្សព្វផ្សាយតាមប្រព័ន្ធអុីនធឺណិតជាបន្តបន្ទាប់ក្នុងខែមីនា និងខែមេសា ដោយមេដឹកនាំគណបក្សប្រឆាំង រូបនេះបានប្រើគោលការណ៍មិនឆ្លើយតបចំពោះការបង្កហេតុនោះ។
នៅក្នុងខ្សែអាត់សំឡេងមួយ បុរសម្នាក់ដែលមានសំឡេងដូចលោក កឹម សុខា បានចោទសកម្មជន ធី សុវណ្ណថា ថាបានបោកប្រាស់អ្នកគាំទ្រគណបក្សសង្គ្រោះជាតិឲ្យបរិច្ចាគប្រាក់ដល់នាង បណ្តាលឱ្យសកម្ម ជនរូបនេះ ដែលបានចោទលោកថាបានជួញដូរផ្លូវភេទ ដោយបាននាំស្រីកំណាន់ម្នាក់ទៅប្រទេសថៃ ដាក់ពាក្យបណ្ដឹងបរិហារកេរ្តិ៍ទាមទារសំណង១លានដុល្លារ។
សាលាដំបូងរាជធានីភ្នំពេញបានកោះហៅលោក កឹម សុខា ដែលមានអភ័យឯក សិទ្ធិរួចផុតពីការចោទប្រកាន់ក្នុងនាមជាតំណាងរាស្ត្រ មកសាកសួរជុំវិញពាក្យបណ្ដឹងនេះកាលពីម្សិលមិញ ប៉ុន្តែផ្ទុយទៅវិញលោក បានចំណាយពេលនៅព្រឹកនោះរិះគន់ការវាយប្រហារគ្រប់ទិសកាលពីពេលថ្មីៗនេះ។
លោក...
នគរបាលសួរនាំប្រធានសមាគមពាក់ព័ន្ធនឹងការបោះពុម្ពអាវយឺតសម្រាប់យុទ្ធនាការ “ថ្ងៃច័ន្ទពណ៌ខ្មៅ”
កាលពីម្សិលមិញ នគរបាលបានសួរនាំប្រធានសមាគមមួយរូបជុំវិញការពាក់ព័ន្ធរបស់គាត់នៅក្នុងការបោះពុម្ពអាវយឺតខ្មៅសម្រាប់ប្រើប្រាស់ក្នុងការតវ៉ា "ថ្ងៃច័ន្ទពណ៌ខ្មៅ" ដែលគ្រោងធ្វើនៅសប្ដាហ៍ក្រោយ ខណៈមន្ត្រីមួយរូបនិយាយថា ឯកអគ្គរដ្ឋទូតសហរដ្ឋអាមេរិក បានច្រានចោលការអះអាងដែលលើកឡើងថា ស្ថានទូតជាអ្នកនៅពីក្រោយយុទ្ធនាការនេះអំឡុងជំនួបជាមួយរដ្ឋមន្ត្រីការបរទេសកម្ពុជា។
មន្ត្រីអង្គការសិទ្ធិមនុស្ស និងសកម្មជនប្រាំបីរូបត្រូវបានចាប់ខ្លួនអំឡុងពេលតវ៉ាថ្ងៃច័ន្ទពណ៌ខ្មៅលើកដំបូងកាលពីដើមសប្ដាហ៍នេះ ប៉ុន្តែបានប្ដេជ្ញាបន្តប្រមូលផ្ដុំប្រចាំសប្ដាហ៍នូវអ្នកតវ៉ាស្លៀកពាក់ខ្មៅដើម្បីអំពាវនាវសុំឲ្យដោះលែងសហសេវិកប្រាំរូបដែលត្រូវបានដាក់ពន្ធនាគារជុំវិញការជាប់ពាក់ព័ន្ធរបស់ពួកគេក្នុងរឿងអាស្រូវផ្លូវភេទ។
លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ដែលសមាជិកភាគច្រើនរបស់ខ្លួនជាអ្នករត់រ៉ឺម៉កម៉ូតូកង់បី ត្រូវនគរបាលសួរនាំកាលពីម្សិលមិញ បន្ទាប់ពីលោកនាយករដ្ឋមន្ត្រី ហ៊ុន សែន បានបង្កើនវោហារសាស្ត្រកាលពីថ្ងៃអង្គារប្រឆាំងយុទ្ធនាការនេះ ដោយព្រមានថា អ្នកដែលបោះពុម្ព ឬផ្តល់ប្រាក់សម្រាប់បោះពុម្ពអាវយឺតពណ៌ខ្មៅ "ត្រូវតែប្រយ័ត្នខ្លួន"។
លោកប្រាប់ថា លោកត្រូវបានសមត្ថកិច្ចកោះហៅទៅសួរនាំនៅប៉ុស្តិ៍នគរបាលរដ្ឋបាលសង្កាត់ទឹកថ្លា ក្នុងខណ្ឌសែនសុខ វេលាម៉ោងប្រហែល៩ព្រឹកពាក់ព័ន្ធការចោទប្រកាន់ថា សមាគមរបស់លោកជាអ្នកបោះពុម្ពអាវយឺតខ្មៅសម្រាប់អ្នកតវ៉ាពាក់ ជាការអះអាងដែលលោកបដិសេធ។
លោកលើកឡើងថា ការសង្ស័យរបស់នគរបាលបណ្ដាលមកពីរូបថតមួយសន្លឹកបង្ហោះតាមហ្វេសប៊ុកដែលបង្ហាញពីគំនរអាវពណ៌ខ្មៅនៅពីលើចំណងជើងអំពាវនាវឲ្យអ្នកតវ៉ាទៅយកអាវទាំងនោះពី Solidarity House ដែលជាទីធ្លាការិយាល័យរួមសម្រាប់អង្គការសិទ្ធិមនុស្សជាច្រើន រួមទាំងសមាគមរបស់លោកផង។
លោកមានប្រសាសន៍បន្ថែមទៀតថា "គេបានសួរនាំខ្ញុំថា តើ Solidarity House របស់យើងជាអ្នកបោះពុម្ពអាវយឺតខ្មៅទាំងនោះឬមិនមែន។...
បុរសម្នាក់អារកសម្លាប់មន្ត្រីឥណទានមីក្រូហិរញ្ញវត្ថុអម្រឹតម្នាក់នៅក្នុងស្រុកឈូក ខេត្តកំពត
បុរសម្នាក់ដែលបានអារកសម្លាប់មន្ត្រីឥណទានមីក្រូហិរញ្ញវត្ថុម្នាក់ ដែលបានទៅផ្ទះរបស់គាត់ក្នុងខេត្តកំពតនោះ ត្រូវបានចាប់ខ្លួនកាលពីម្សិលមិញ ក្នុងអ្វីដែលនគរបាលជឿថា ទំនងជាអំពើមនុស្សឃាតបង្កឡើងដោយជម្លោះជុំវិញគណនីដែលកូនរបស់ជនសង្ស័យបានបើកជាមួយគ្រឹះស្ថានមីក្រូហិរញ្ញវត្ថុរបស់ជនរងគ្រោះ។
លោក សំរិទ្ធ សិលាវិបុល អធិការនគរបាលស្រុកឈូកបានមានប្រសាសន៍ថា នគរបាលប្រហែល៣០នាក់បានឡោមព័ទ្ធផ្ទះរបស់បុរសឈ្មោះ ប្រុស វិត អាយុ៤៨ឆ្នាំ នៅក្នុងឃុំត្រមែង ស្រុកឈូក នៅម៉ោងប្រហែល១១ថ្ងៃត្រង់ បន្ទាប់ពីអ្នកជិតខាងរាយការណ៍ថា បុរសរូបនេះទើបតែបានសម្លាប់មនុស្ស។
ជនសង្ស័យរូបនេះបានឡើងលើដំបូលផ្ទះដោយទុកចោលសាកសព ជឹម បូរិន អាយុ២៤ឆ្នាំប្រឡាក់សុទ្ធតែឈាម ជាមន្ត្រីឥណទានមីក្រូហិរញ្ញវត្ថុអម្រឹតក្នុងមូលដ្ឋាននៅជាប់ជើងជណ្ដើរ។
លោក សិលាវិបុល បានមានប្រសាសន៍ថា នៅពេលនគរបាលរបស់យើងមកដល់ផ្ទះនោះ ជនដៃដល់បានឡើងលើដំបូលផ្ទះដោយមានកាន់ដាវមួយផង"។
លោកបាននិយាយថា "យើងបាននិយាយបញ្ចុះបញ្ចូលបុរសរូបនេះដោយការនិយាយថា...
ស្រ្តីសង្ស័យថាជាក្រុមជួញដូរមនុស្សត្រូវបានដោះលែង បន្ទាប់ពីមានការអះអាងថាមានអន្តរាគមន៍
កងរាជអាវុធហត្ថបានឲ្យដឹងកាលពីម្សិលមិញថា ស្ត្រីបីនាក់ដែលត្រូវបានចាប់ខ្លួនកាលពីខែមុននៅក្នុងរាជធានីភ្នំពេញដោយសារសង្ស័យថា មានជាប់ពាក់ព័ន្ធនៅក្នុងក្រុមជួញដូរមនុស្សមិនទាន់គ្រប់អាយុនោះ ត្រូវបានដោះលែងកាលពីសប្តាហ៍មុន ខណៈមេធាវីរបស់ស្ត្រីទាំងនេះបានអះអាងថា សំណុំរឿងដែលដាក់បន្ទុកលើពួកគេត្រូវបានលើកលែងរួមគ្នា។
ចំណាត់ការនេះកើតឡើងបន្ទាប់ពីអង្គការមិនមែនរដ្ឋាភិបាលមួយដែលសើុបអង្កេតលើករណីនេះបានអះអាងកាលពីសប្តាហ៍មុនថា មានមន្ត្រីមានអំណាចមួយរូបបានចេញមុខមកធ្វើអន្តរាគមន៍ជំនួសមុខឲ្យមេខ្លោងនៅក្នុងក្រុមនេះ។
ស្ត្រីទាំងនេះត្រូវបានឃាត់ខ្លួនកាលពីខែមេសា បន្ទាប់ពីកងរាជអាវុធហត្ថបានឆ្មក់ចូលភូមិគ្រឹះមួយក្នុងរាជធានីភ្នំពេញ ហើយបានរកឃើញក្មេងស្រីជំទង់១៣នាក់ដែលត្រូវបានល្បួងឲ្យចេញពីផ្ទះដោយជនសង្ស័យម្នាក់ដែលមានគោលបំណងជួញដូរពួកគេទៅ ប្រទេសថៃសម្រាប់ការងារបម្រើផ្លូវភេទ។
លោក សេន កូម៉ុន នាយការិយាល័យប្រឆាំងការជួញដូរមនុស្សនៃកងរាជអាវុធហត្ថរាជធានីបានលើកឡើងកាលពីម្សិលមិញថា ជនសង្ស័យទាំងបីនាក់នេះ ដែលជាមនុស្សពេញវ័យតែបីនាក់គត់នៅភូមិគ្រឹះនោះត្រូវបានសាកសួររយៈពេលពីរថ្ងៃនៅទីបញ្ជាការដ្ឋានកងរាជអាវុធហត្ថមុនពេលត្រូវបានអនុញ្ញាតឲ្យចាកចេញមកវិញនៅថ្ងៃទី៣ ខែឧសភា ។
លោកបានមានប្រសាសន៍ថា "ព្រះរាជអាជ្ញាអមសាលាដំបូងរាជធានីបានដោះលែងស្ត្រីទាំងបីនាក់នេះឲ្យនៅក្រៅឃុំមួយសប្តាហ៍មកហើយ ព្រោះមានមេធាវីមួយរូបធ្វើអន្តរាគមន៍ឲ្យពួកគេដោយសារពួកគេមិនត្រូវបានរកឃើញថា មានជាប់ពាក់ព័ន្ធក្នុងករណីនេះ"។
មិនយូរប៉ុន្មានមុនពេលមានការដោះលែងស្ត្រីទាំងនេះ លោក សេន កូម៉ុន បានមានប្រសាសន៍ថា លោកបានបញ្ជូនស្រ្តីទាំងបីនាក់នេះទៅសាលាដំបូងរាជធានីភ្មំពេញ ហើយបានផ្តល់យោបល់ឲ្យមានការដាក់ការចោទប្រកាន់មួយចំនួនតាមច្បាប់ប្រឆាំងការជួញដូរមនុស្ស ប៉ុន្តែ លោកមានការភ្ញាក់ផ្អើលដែលឃើញថា សាលាដំបូងបានច្រានចោលការផ្តល់យោបល់នេះ។
ដំបូងឡើយ កងរាជអាវុធហត្ថបានកំណត់ថា ស្ត្រីម្នាក់ដែលមានឈ្មោះ ចាន់ ម៉ាលីកា គឺជាមេខ្លោងនៃក្រុមជួញដូរមនុស្សទាំងនេះនិងជាអ្នកដែលជួលភូមិគ្រឹះនេះ។ ពួកគេបាននិយាយថា នាងគឺជាមនុស្សដែលសមត្ថកិច្ចតាមចាប់ខ្លួនដោយសារក្មេងស្រីជំទង់ៗនៅភូមិគ្រឹះនោះបានប្រាប់ថា នាងជាអ្នកចាប់បង្ខាំងពួកគេទុក។ ទោះជាយ៉ាងណាលោក សេន កូម៉ុន បានមានប្រសាសន៍ថា សមត្ថកិច្ចលែងតាមចាប់នាងយ៉ាងសកម្មទៀតហើយ។
លោកបានថ្លែងថា "យើងបានសើុបអង្កេត ហើយរកឃើញថា ចាន់ ម៉ាលីកា មិនជាប់ពាក់ព័ន្ធនៅក្នុងការជួញដូរមនុស្ស ឬមុខរបរណាមួយដែលជាប់ពាក់ព័ន្ធការជួញដូរមនុស្សឡើយ"។
ទោះបីជា លោក សេន កូម៉ុន បានថ្លែងថា សំណុំរឿងដាក់បន្ទុកលើស្ត្រីផ្សេងទៀតកំពុងស្ថិតក្រោមការសើុបអង្កេតនៅឡើយក៏ដោយ តែលោក...
លោក ហ៊ុន សែន ហាមឃាត់អ្នកដែលស្លៀកពាក់ពណ៌ដូចៗគ្នាមិនឲ្យប្រមូលផ្តុំជាសាធារណៈ
សក្ដានុពលដែលពណ៌អាចក្លាយជាការគាំទ្រសម្រាប់ការបះបោរខាងនយោបាយ មិនទាន់បាត់ទៅណាទេសម្រាប់លោកនាយករដ្ឋមន្ត្រី ហ៊ុន សែន ក្នុងរយៈពេលប៉ុន្មានឆ្នាំមកនេះ ដោយលោកបានរិះគន់ខ្លាំងៗម្ដងហើយម្ដងទៀតប្រឆាំង "បដិវត្តន៍ពណ៌" បែបអឺរ៉ុបខាងកើតនេះ។
ទោះជាយ៉ាងណា កាលពីម្សិលមិញលោកបានប្រកាសថា លោកនឹងហាមឃាត់រាល់ការតវ៉ានាថ្ងៃអនាគតដែលអ្នកចូលរួមសុទ្ធតែស្លៀកពាក់ពណ៌ដូចៗគ្នា។
លោក ហ៊ុន សែន បានមានប្រសាសន៍ក្នុងពិធីប្រគល់សញ្ញាបត្រនៅសកលវិទ្យាល័យមួយក្នុងរាជធានីភ្នំពេញថា “ទោះបីវាពណ៌អីក៏ដោយ ខ្ញុំបានប្រាប់ទៅសម្តេច ស ខេង ប្រាប់ទៅថ្នាក់ដឹកនាំដទៃទៀត កុំខ្វល់ពីរឿងពណ៌ ហ្អែងចង់ពណ៌អីក៏ដោយ ឱ្យតែធ្វើខុសច្បាប់ដាក់ ទាំងអស់ហ្នឹង”។
មន្ត្រីអង្គការសិទ្ធិមនុស្ស និងសកម្មជនប្រាំបីរូបត្រូវបានឃាត់ខ្លួនដោយសារការស្លៀកពាក់ពណ៌ខ្មៅកាលពីថ្ងៃច័ន្ទ បន្ទាប់ពីពួកគេបានពាក់ពណ៌នេះអំឡុងពេលតវ៉ាមួយដើម្បីកាន់ទុក្ខការដាក់ពន្ធនាគារសហសេវិកប្រាំរូបរបស់ខ្លួនកាលពីខែមុន។ លោក ហ៊ុន សែន បានមានប្រសាសន៍កាលពីម្សិលមិញថា...
ឈើខុសច្បាប់ដែលរឹបអូសបាននឹងត្រូវដាក់លក់ដេញថ្លៃជាថ្មីម្តងទៀត
កាលពីម្សិលមិញ មន្ត្រីជាន់ខ្ពស់មួយចំនួនបាននិយាយថា រដ្ឋាភិបាលនឹងដាក់លក់ដេញថ្លៃឈើចំនួន៧០.០០០ម៉ែត្រគូបដែលអាជ្ញាធររឹបអូសបានក្នុងរយៈពេលប៉ុន្មានខែថ្មីៗនេះ ដោយប្រែក្រឡាស់ការសន្យាកាលពីពេលថ្មីៗ ដែលលោក ហ៊ុន សែន បានបញ្ឈប់ការដាក់លក់នេះ។
ឈើក្នុងចំនួនយ៉ាងច្រើន ដែលទាល់តែកុងតឺន័រជាង២.០០០គ្រឿងទើបដឹកអស់នោះត្រូវបានរឹបអូសដោយក្រុមការងារពិសេសដែលលោកនាយករដ្ឋមន្ត្រី ហ៊ុន សែន បានបង្កើតឡើងកាលពីពាក់កណ្តាលខែមករាដើម្បីស្វែងរកការស្តុកឈើខុសច្បាប់នៅក្នុងបណ្តាខេត្តភាគបូព៌ា។
រយៈពេលច្រើនឆ្នាំមកហើយ រដ្ឋាភិបាលបានដាក់លក់ឈើដែលរឹបអូសបានទាំងអស់ក្នុងកិច្ចព្រមព្រៀងសម្ងាត់ដែលហាក់ដូចជាគាំទ្រឈ្មួញរកស៊ីឈើដែលជិតស្និទ្ធនឹងលោកនាយករដ្ឋមន្ត្រី ហើយរំលោភច្បាប់ព្រៃឈើដោយចៀសពីការលក់ដេញថ្លៃជាសាធារណៈ។
អង្គភាពប្រឆាំងអំពើពុករលួយចាប់ខ្លួនមន្ត្រីម្នាក់ទៀតដែលជាប់ចោទថាបានទទួលប្រាក់សំណូក
មន្ត្រីម្នាក់នៅក្រុមប្រឹក្សាអភិវឌ្ឍន៍កម្ពុជាត្រូវបានចោទប្រកាន់ពីបទស៊ីសំណូកកាលពីចុងសប្តាហ៍បន្ទាប់ពីត្រូវបានចាប់ខ្លួនដោយអង្គភាពប្រឆាំងអំពើពុករលួយ (ACU) តែប៉ុន្មានសប្តាហ៍ប៉ុណ្ណោះបន្ទាប់ពីស្ថាប័នប្រឆាំងអំពើពុករលួយនេះបានចាប់ខ្លួនមន្ត្រីក្រសួងការបរទេសម្នាក់ និងជាឯកអគ្គរាជទូតប្រចាំប្រទេសកូរ៉េខាងត្បូង។
លោក លី សុផាន់ណា អ្នកនាំពាក្យតុលាការមានប្រសាសន៍កាលពីម្សិលមិញថា លោក ឡាយ ថារ័ត្ន អាយុ៣៣ឆ្នាំត្រូវបានបញ្ជូនទៅសាលាដំបូងរាជធានីភ្នំពេញកាលពីថ្ងៃសៅរ៍ ហើយត្រូវបានចោទប្រកាន់ដោយលោក យិន សារឿន ចៅក្រមស៊ើបសួរ មុនពេលត្រូវបានបញ្ជូនទៅឃុំខ្លួនបណ្តោះអាសន្ន។
លោក ឱម យ៉ិនទៀង ប្រធានអង្គភាពប្រឆាំងអំពើពុករលួយបានមានប្រសាសន៍ថា លោក ថារ័ត្ន ត្រូវបានចាប់ខ្លួនកាលពីថ្ងៃសុក្រ ភ្លាមៗបន្ទាប់ពីទទួលបានប្រាក់សំណូក។
លោកបានមានប្រសាសន៍ថា "យើងបានចាប់ខ្លួនលោក ថារ័ត្ន...