TAG
topstory
សកម្មជនបក្សប្រឆាំងថាជាប់គុកព្រោះសង្គ្រាមនយោបាយរវាង សម រង្ស៊ី-ហ៊ុន សែន
សកម្មជនគណបក្សសង្គ្រោះជាតិ ចំនួន ៤នាក់ដែលកំពុងជាប់ពន្ធនាគាររយៈពេលជិត ២ឆ្នាំ បានប្រើប្រាស់ឱកាសចុងក្រោយសំណូមពរទៅចៅក្រមឱ្យផ្ដល់យុត្តិធម៌ដល់ខ្លួន ព្រោះពួកគេជាជនរងគ្រោះដោយសារសង្គ្រាមនយោបាយរវាងលោក សម រង្ស៊ី និងលោក ហ៊ុន សែន តែប៉ុណ្ណោះ។
ការសំណូមពររបស់សកម្មជនគណបក្សសង្គ្រោះជាតិ អំឡុងពេលចៅក្រមបានឱ្យមេធាវីជនជាប់ចោទ និងតំណាងអយ្យការ រួមទាំងជនជាប់ចោទធ្វើសេចក្ដីសន្និដ្ឋាន និងសំណូមពរចុងក្រោយ បន្ទាប់ពីសវនាការសួរដេញដោលចំនួន ២២ដងលើសំណុំរឿង «ញុះញង់ និងរួមគំនិតក្បត់»។
សកម្មជនបក្សសង្គ្រោះជាតិ លោក ទុំ ប៊ុនថត បានអះអាងក្នុងបន្ទប់សវនាការថា...
គណបក្សប្រជាជនកម្ពុជាអវត្តមាន ក្នុងពេលពលរដ្ឋទាមទារឲ្យមានរដ្ឋាភិបាលដែលមានសុភនិច្ឆ័យ
គណបក្សប្រជាជនកម្ពុជាបានវង្វេងផ្លូវ ដោយមិនអើពើនឹងពលរដ្ឋកម្ពុជា ក្នុងខណៈដែលមេដឹកនាំរបស់ខ្លួនដែលរស់នៅសុខស្រួលនឹងទ្រព្យធននិងអំណាច គឺបង្កើនជំងឺនិងក្អែលរបស់ក្រុមមន្ត្រីដែលប្រឈមនឹងការពិនិត្យពិច័យតិចតួចពីសាធារណជន។
សាររបស់លោកនាយករដ្ឋមន្ត្រី ហ៊ុន សែន ដែលធ្វើឡើងក្នុងសុន្ទរកថារយៈពេល៦ម៉ោងតាមទូរទស្សន៍ ក្រោយពីការស្ទើរតែចាញ់ឆ្នោតរបស់គណបក្សលោកក្នុងការបោះឆ្នោតនាឆ្នាំ២០១៣ គឺជាការអំពាវនាវឲ្យគណបក្សកាន់អំណាចត្រូវតម្រង់ទិសជាថ្មី។
ឥឡូវនេះ ប្រទេសកម្ពុជាមានគណបក្សប្រឆាំងដែលអាចសម្រេចបាននិងរួបរួមគ្នា ហើយគណបក្សកាន់អំណាចត្រូវកែប្រែ បើមិនដូច្នេះទេ គឺទុកឲ្យពលរដ្ឋងាកមកប្រឆាំងនឹងខ្លួនដោយមិនអាចបដិសេធបានទេ។
លោក ហ៊ុន សែន បានប្រាប់រដ្ឋមន្ត្រីរបស់លោកថា "ទីមួយ ត្រូវឆ្លុះកញ្ចក់មើលខ្លួនឯង"។
លោកនាយករដ្ឋមន្ត្រីបានមានប្រសាសន៍ថា "ទីពីរ ត្រូវងូតទឹករួចហើយត្រូវដុសក្អែល។ ដុសក្អែលដោយអ្នកដទៃជួយដុសក្អែល។ ឆ្លុះកញ្ចក់ហ្នឹងគឺប្រើវិធីច្រើន។ យើងត្រូវរៀនទទួលការពិត"។
ប៉ុន្តែស្ទើរតែរយៈពេល៣ឆ្នាំក្នុងអាណត្តិ៥ឆ្នាំ ផ្ទុយទៅវិញ គណបក្សរបស់លោក ហ៊ុន សែនចំណាយពេលវេលាច្រើនដោយវាយបំបែកកញ្ចក់ទាំងនោះ គឺហាក់ដូចជាពួកគេជាប្រភពនៃជំងឺដង្កាត់ផ្សេងៗទៅវិញ ដោយចាប់ដាក់ពន្ធនាគារលើតំណាងរាស្ត្រនិងអ្នកឃ្លាំមើលសិទ្ធិមនុស្សនិងតាមដានមន្ត្រីអង្គការសហប្រជាជាតិនិងអ្នកវិភាគនយោបាយ។
ទន្ទឹមនឹងនេះ វិស័យគាំពារសុខភាពខ្ទេចខ្ទាំកើតមានដោយមិនមានការជួសជុល អំពើពុករលួយបន្តញាំញីដល់វិស័យសាធារណៈ ហើយពលរដ្ឋវ័យក្មេងៗរាប់រយរាប់ពាន់នាក់នាំគ្នាពពាក់ពពូនចេញក្រៅប្រទេសដើម្បីរកការងារធ្វើ ដោយនាំឲ្យមានសំណួរថាតើគណបក្សប្រជាជនកម្ពុជាបានផ្លាស់ប្តូរអ្វីពិតប្រាកដនោះ។
កូនីកា កែវ អាយុ២៨ឆ្នាំដែលទើបតែបញ្ចប់ថ្នាក់បរិញ្ញាបត្រជាន់ខ្ពស់ពីសាលា លី គួន យូវនៃគោលនយោបាយសាធារណៈនៃសាកលវិទ្យាល័យជាតិសិង្ហបូរីបាននិយាយថា វានាំឲ្យមានអារម្មណ៍ខូចចិត្តកាន់តែខ្លាំងឡើងក្នុងចំណោមពលរដ្ឋវ័យក្មេងដែលឥឡូវនេះរំពឹងថាមានអ្វីប្រសើរជាងនេះ។
កញ្ញា កែវ បាននិយាយថា "ជាអកុសល ច្រើនណាស់ បើមិនទាំងអស់ទេ មេដឹកនាំដែលកម្ពុជាមានគឺគ្មានមេត្តា ហើយមិនសុខចិត្តរៀនពីអតីតកាលទេ។ គេគ្មានមេត្តា ហើយគ្រាន់តែចាប់អារម្មណ៍នឹងការដឹកនាំប្រទេសដើម្បីប្រយោជន៍ផ្ទាល់ខ្លួន ដោយមិនខ្វល់អំពីអ្នកដទៃឡើយ"។
កញ្ញា កែវ បាននិយាយថា "ដោយហេតុថាយើងមានគោលនយោបាយល្អខ្លះៗ មានវិធីជាច្រើនសម្រាប់ពុករលួយ ហើយក៏មានផលប្រយោជន៍ជាច្រើនដែលគេផ្តល់ឲ្យដែលគ្មានការងារអ្វីបានធ្វើរួចទេ"។ កញ្ញា កែវ បាននិយាយបន្ថែមថា រដ្ឋាភិបាលនៅតែមិនអាចបម្រើសេវាកម្មជាមូលដ្ឋានបានទេ។
កញ្ញា កែវ បាននិយាយថា "អ្នកចង់ទិញរបស់អ្វីមួយនៅបរទេស ហើយផ្ញើមកស្រុកខ្មែរឬ?ការិយាល័យប្រៃសណីយ៍គឺឥតបានការទេ។ ចង់នាំចេញរបស់របរទៅបរទេសឬ? ត្រូវបង់ពន្ធច្រើនណាស់ឲ្យមន្ត្រីគយ បើមិនដូច្នេះទេ ត្រូវឆ្លងកាត់តាមនីតិវិធីអូសបន្លាយ ព្រោះអ្នកមិនបានបង់សំណូក។ នេះជាកម្ពុជាដែលយើងស្គាល់និងរស់នៅ"។
ទន្ទឹមនឹងមានការអំពាវនាវឲ្យរដ្ឋផ្តល់នូវសេវាកម្មជាមូលដ្ឋាននិងការគាំទ្រដល់ពលរដ្ឋរបស់ខ្លួន គឺក្លាយជាជំងឺមន្ទិលសង្ស័យកាន់តែខ្លាំងឡើងពីសំណាក់ក្រុមមន្ត្រីដែលភ័យខ្លាច"បដិវត្តន៍ពណ៌"នោះ ក៏មានអ្នកតវ៉ាប្រាំនាក់ទៀតត្រូវឃាត់ខ្លួនកាលពីថ្ងៃច័ន្ទ ដោយសារតែពាក់អាវខ្មៅប្រមូលផ្តុំគ្នា។
លោក កែម ឡី អ្នកវិភាគនយោបាយដែលដឹកនាំក្រុមតស៊ូមតិខ្មែរដើម្បីខ្មែរ បានមានប្រសាសន៍ថា មន្ត្រីគណបក្សប្រជាជនកម្ពុជានៅតែជឿថា គេអាចរស់រានបានគឺដោយគ្រាន់តែអនុវត្តតាមសៀវភៅយុទ្ធសាស្ត្រចាស់ដែលគេថែរក្សាអំណាចរបស់ខ្លួន ចំណែកឯលោក ហ៊ុន សែនដែលមានឧបាយកល គឺកម្ទេចចោលអ្នកប្រឆាំង។
លោក ឡី បានមានប្រសាសន៍កាលពីថ្ងៃច័ន្ទថា "វាជាវប្បធម៌នយោបាយចាស់។ រដ្ឋាភិបាលមានអំណាចប្រមូលផ្តុំ គេត្រូវបើកចំហបន្ថែមទៀត ឲ្យមានតម្លាភាព និងគណនេយ្យភាព"។
អ្នកវិភាគរូបនេះបានមានប្រសាសន៍ថា "បើទោះបីជារដ្ឋាភិបាលកំពុងចាប់ផ្តើមធ្វើកំណែទម្រង់រដ្ឋបាលខ្លះៗក៏ដោយ ក៏គេនៅតែគិតអំពីហេតុផលនយោបាយនិងខ្លួនឯង។ គេគ្រាន់តែគិតអំពីគ្រួសារពួកគេ កូនប្រុសគេ កូនចៅគេ គេទុកចោលមនុស្សមានសមត្ថភាព ហើយមិនអាចកែទម្រង់បានទេ"។
អ្នកវិភាគរូបនេះបានមានប្រសាសន៍ថា"មានយុវជនមានសមត្ថភាពច្រើនមែនទែនដែលខ្ញុំស្គាល់នៅក្នុងប្រព័ន្ធរដ្ឋាភិបាល ប៉ុន្តែពួកគេកំពុងរត់ចេញពីប្រព័ន្ធនេះ។ មិនមានឱកាសសម្រាប់ពួកគេនៅទីនោះទៀតទេ"។
កង្វះឱកាសសម្រាប់និស្សិតរៀនចប់សាកលវិទ្យាល័យក្មេងៗនិងឆ្លាតៗដែលកើតក្រៅរង្វង់ក្រុមកាន់អំណាច គឺមិនមានការជួយជ្រោមជ្រែងអើពើពីរដ្ឋាភិបាលទេ។
កាលពីខែមុន មានការលាតត្រដាងថា លោក ឱម យ៉ិនទៀង ប្រធានអង្គភាពប្រឆាំងអំពើពុករលួយបានផ្តល់តំណែង"ជំនួយការ"ដល់កូនប្រុសពីរនាក់របស់លោកនៅក្នុងអង្គភាព ដោយបណ្តាលឲ្យសាធារណជនរិះគន់និងលើកឡើងអំពីបក្សពួកនិយមនៅក្នុងស្ថាប័នដែលមានភារកិច្ចប្រយុទ្ធប្រឆាំងការប្រព្រឹត្តបែបនេះ។
ប៉ុន្តែលោក យ៉ិនទៀង ដែលធ្វើសន្និសីទកាសែតពីរថ្ងៃក្រោយពីការតែងតាំងបានប្រកាសជាសាធារណៈនោះ គឺមិនសុំទោសឡើយ ដោយបបួលអ្នករិះគន់របស់លោកឲ្យបង្ហាញថា គេមានសមត្ថភាពជាងកូនប្រុសរបស់លោក។
លោក យ៉ិនទៀង បានមានប្រសាសន៍ថា "សូមប្រឡងជាមួយកូនខ្ញុំទៅ។ មុខវិជ្ជាទីមួយ ភាសាអង់គ្លេស ទីពីរ បាញ់និងអំពីរឿងអាវុធ វាយលុកចូលរំដោះចំណាប់ខ្មាំងពីភេរវករយ៉ាងម៉េច និងលោតពីយន្តហោះ"។
លោក យ៉ិនទៀង បានមានប្រសាសន៍ថា "បើឈ្នះកូនខ្ញុំ ខ្ញុំនឹងប្រគល់កៅអីហ្នឹងឲ្យ"។
កើតឡើងចំពេលដែលមានការផ្តន្ទាទោសដោយអង្គភាពប្រឆាំងអំពើពុករលួយលើអ្នកឃ្លាំមើលសិទ្ធិមនុស្ស មន្ត្រីគណៈកម្មាធិការជាតិរៀបចំការបោះឆ្នោតមួយរូប និងមន្ត្រីអង្គការសហប្រជាជាតិមួយរូបដោយសារប្រគល់ប្រាក់២០៤ដុល្លារអាមេរិក ដើម្បីឧបត្ថម្ភស្ត្រីម្នាក់ដែលគេចោទថាជាស្រីកំណាន់របស់មេដឹកនាំបក្សប្រឆាំងមួយរូបនោះ រឿងនេះគឺធ្វើបានតិចតួច ដើម្បីបញ្ជៀសសំណួរទាក់ទងនឹងគោលបំណងរបស់អង្គភាពប្រឆាំងអំពើពុករលួយ។
សំណួរស្រដៀងគ្នាត្រូវបានគេលើកឡើងអំពីថាតើពុករលួយពិតប្រាកដអ្វីខ្លះដែលអង្គភាពប្រឆាំងអំពើពុករលួយបានបង្ក្រាប ចាប់តាំងពីស្ថាប័ននេះបានបង្កើតឡើងក្នុងឆ្នាំ២០១០ដឹកនាំដោយលោក យ៉ិនទៀង ដែលនៅពេលនោះគឺជាទីប្រឹក្សាជំនិតបំផុតមួយរូបក្នុងបណ្តាទីប្រឹក្សាជំនិតទាំងអស់របស់លោក ហ៊ុន សែន។
កាលពីឆ្នាំមុន លោក យ៉ិនទៀង បានសម្រេចថា មន្ត្រីសុខាភិបាលជាន់ខ្ពស់មួយរូបដែលទទួលបានប្រាក់សំណូកជាង ៣៥១.០០០ដុល្លារអាមេរិក ក្នុងការផ្តល់កុងត្រាមានតម្លៃ១២លានដុល្លារអាមេរិក ដើម្បីចែកមុងដល់អ្នកភូមិ នឹងមិនត្រូវបានផ្តន្ទាទោសទេ។ ផ្ទុយទៅវិញ លោក យ៉ិនទៀងគ្រាន់តែបញ្ជាឲ្យមន្ត្រីរូបនោះសងប្រាក់មកវិញប៉ុណ្ណោះ។
ការស្ទង់មតិនាខែធ្នូឆ្នាំ២០១៤ដោយមូលនិធិអាស៊ីបានរកឃើញថា អំពើពុករលួយ ការអត់ការងារធ្វើនិងសេដ្ឋកិច្ច គឺជាការព្រួយបារម្ភចម្បងរបស់ពលរដ្ឋ ក្នុងពេលដែលពលរដ្ឋកម្ពុជាកាន់តែច្រើន"កំពុងតែមើលឃើញប្រទេសផ្សេងទៀតនិងស្តង់ដារសេវាល្អប្រសើរនៅក្នុងប្រទេសទាំងនោះ"។
លោក ចាន់សម្បត្តិ បុង ជានិស្សិតវ័យ២១ឆ្នាំនៅឆ្នាំទីបួននៃសញ្ញាបត្រទំនាក់ទំនងអន្តរជាតិនៅសាកលវិទ្យាល័យបញ្ញាសាស្ត្របានមានប្រសាសន៍ថា ជ័យជម្នះពីដំបូងខ្លះៗរបស់គណបក្សប្រជាជនកម្ពុជាក្នុងការបំបាត់ពុករលួយពីប្រព័ន្ធអប់រំក្នុងឆ្នាំ២០១៣គឺបានធ្វើឲ្យអ្នកមានមន្ទិលស្ងើចដែរ។
លោក បុង បាននិយាយថា "ទន្ទឹមនឹងនេះ ករណីពុករលួយប្រឆាំងនឹងមន្ត្រីរដ្ឋាភិបាល ដែលរួមទាំងឯកអគ្គរដ្ឋទូតខ្មែរប្រចាំប្រទេសកូរ៉េខាងត្បូង គឺនាំឲ្យមានការអបអរសាទរច្រើនពីសាធារណជន ទោះបីជាមជ្ឈដ្ឋានខ្លះជឿថា ករណីនេះជាហេតុផលនយោបាយក៏ដោយ"។
លោក បុង បាននិយាយថា "ម៉្យាងវិញទៀត ការជាប់ទាក់ទងរបស់ACU ទៅក្នុងរឿងស្នេហារ កឹម សុខា ជាមួយស្រីកំណាន់របស់លោក គឺបណ្តាលឲ្យមានការរិះគន់យ៉ាងច្រើនទាក់ទិននឹងភាពគួរឲ្យជឿទុកចិត្តនិងសមត្ថកិច្ចរបស់អង្គភាពប្រឆាំងអំពើពុករលួយ ដែលជាស្ថាប័នឯករាជ្យប្រឆាំងអំពើពុករលួយ"។
និស្សិតរូបនេះដែលបាននិយាយថាខ្លួនគឺនៅតែជាអ្នកបោះឆ្នោតមិនទាន់សម្រេចចិត្តបានបន្ថែមថា គឺមិនត្រឹមតែរឿងប៉ុណ្ណោះទេ ប៉ុន្តែមានពលរដ្ឋច្រើនណាស់ដែលខឹងនឹងប្រព័ន្ធគាំពារសុខភាពរបស់ប្រទេសនេះ។
លោក បុង បាននិយាយថា "មនុស្សមួយចំនួន រួមទាំងលោកនាយករដ្ឋមន្ត្រីនិងមន្ត្រីជាន់ខ្ពស់របស់លោក គឺតែងតែគេចទៅប្រទេសជិតខាង មានដូចជាប្រទេសថៃ វៀតណាម ឬសិង្ហបូរី ដើម្បីពិនិត្យសុខភាពនិងព្យាបាលជំងឺ"។
និស្សិតរូបនេះបាននិយាយបន្ថែមថា "ចំពោះអ្នកក្រីក្រ គេគ្មានជម្រើសណាក្រៅតែពីទ្រាំរស់នៅក្នុងប្រព័ន្ធខ្ទេចខ្ទាំសព្វថ្ងៃនេះទេ"។
ទោះជាយ៉ាងនេះក្តី លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីបានមានប្រសាសន៍ថា ការព្រួយបារម្ភបែបហ្នឹងគឺលើកឡើងជ្រុលពេកដោយអ្នករិះគន់រដ្ឋាភិបាល ហើយក៏មិនដែលលើកឡើងដោយអ្នកភូមិទេ នៅពេលដែលមន្ត្រីរដ្ឋាភិបាលចុះទៅជួបពួកគាត់។
លោក ស៊ីផានបាននិយាយអំពីការត្អូញត្អែរជាទូទៅអំពីសេវាថែទាំសុខភាពថា "ខ្ញុំមិនដែលឮពួកគេសួរអ៊ីចឹងទេ"។
លោក ស៊ីផានបានមានប្រសាសន៍ថា "គេសួរថា ហេតុអីគ្រូពេទ្យមិនមានវត្តមានរយៈពេល២៤ម៉ោង ឬហេតុអីគេមិនមានមធ្យោបាយដឹកជញ្ជូន អ៊ីចឹងយើងដោះស្រាយបញ្ហាហ្នឹង"។
អ្នកនាំពាក្យទីស្តីការគណៈរដ្ឋមន្ត្រីរូបនេះបាននិយាយថា "ពលរដ្ឋ ដូចជាខ្ញុំបានចែករំលែកជាមួយលោកហើយ គឺមិនដែលគិតថាទៅប្រទេសសិង្ហបូរី ថៃ ឬវៀតណាមទេ ដរាបណាគេជាអ្នកមាន ហើយមានជម្រើស។ ពលរដ្ឋធម្នតាពេញចិត្តនឹងអ្វីដែលគេមាន"។
អ្នកនាំពាក្យទីស្តីការគណៈរដ្ឋមន្ត្រីរូបនេះបាននិយាយថា មន្ត្រីរដ្ឋាភិបាលបានកំពុងតែដោះស្រាយយ៉ាងសកម្មចំពោះបញ្ហាទាំងឡាយដែលអ្នកភូមិតែងតែលើកឡើង នៅពេលដែលចុះទៅជួបពួកគាត់។
លោកបាននិយាយថា "ពលរដ្ឋពិតប្រាកដនិយាយអំពីការរំលោភដីធ្លី។ គេចង់បានដីសម្បទានសង្គមកិច្ចសម្រាប់ដាំដុះ ហើយយើងក៏មានគោលនយោបាយថ្នាក់មូលដ្ឋាន ដើម្បីឲ្យប្រាកដថាគេមានដីនោះ។ បន្ទាប់មក គេត្អូញត្អែរអំពីផ្លូវថ្នល់និងសាលារៀន ហើយយើងត្រូវប្រាកដថាសេវាបែបហ្នឹងត្រូវផ្តល់ជូន"។
ប៉ុន្តែក្នុងពេលដែលផ្លូវថ្នល់និងសាលារៀនគឺជាអាហាររបស់គណបក្សប្រជាជនកម្ពុជាក្នុងការបោះឆ្នោតកន្លងមកក៏ដោយ ក៏ដោយមានបញ្ហារំលោភយកដីធ្លីដែលលើកឡើងច្រើនក្នុងការបោះឆ្នោតនាឆ្នាំ២០១៣ ហើយដែលជួយគណបក្សសង្គ្រោះជាតិឲ្យដណ្តើមយកបានអតីតមណ្ឌលសំខាន់តាមជនបទដ៏ធំរបស់គណបក្សប្រជាជនកម្ពុជានោះ បញ្ហាជាច្រើនក៏បានប្រែប្រួលក្នុងរយៈពេលបីឆ្នាំមកនេះដែរ។
លោក សម រង្ស៊ី មេដឹកនាំគណបក្សប្រឆាំងបានមានប្រសាសន៍ក្នុងសារអ៊ីម៉េលកាលពីសប្តាហ៍មុនថា គណបក្សប្រជាជនកម្ពុជាគឺប្រឈមនឹងចាញ់ឆ្នោតក្នុងការបោះឆ្នោតជាតិនាឆ្នាំ២០១៨ ប្រសិនបើបក្សនេះមិនឈឺឆ្អាលនឹងការថ្នាក់ថ្នាំងកាន់តែច្រើនឡើងរបស់ពលរដ្ឋទេ ហើយជំរុញការចាប់ខ្លួនអ្នករិះគន់នោះ។
លោក រង្ស៊ី បាននិយាយថា "ពលរដ្ឋវ័យក្មេងៗនិងមានចំណេះដឹងជ្រៅជ្រះទំនងសម្លឹងមើលទៅមុខ ហើយមិនមើលទៅក្រោយឡើយ។ គេទំនងប្រៀបធៀបកម្ពុជានាពេលបច្ចុប្បន្នគឺមិនមែននៅជាមួយប្រទេសដែលស្ថិតក្រោមរបបខ្មែរក្រហមទេ ប៉ុន្តែស្ថិតនៅជាមួយប្រទេសជិតខាង"។
មេដឹកនាំបក្សប្រឆាំងរូបនេះបាននិយាយថា លោកបានទទួលស្គាល់ថា ជោគជ័យភាគច្រើនរបស់គណបក្សសង្គ្រោះជាតិកើតឡើង គឺមិនមែនមកពីលក្ខណៈធ្វើឲ្យគេចូលចិត្តពីកំណើតរបស់ខ្លួនទេ ប៉ុន្តែ ដោយសារតែបក្សនេះគឺជាជម្រើសផ្សេងទៀតពីគណបក្សប្រជាជនកម្ពុជា ដែលលោកបាននិយាយថាបានលែងដុសក្អែលខ្លួនឯងឲ្យស្អាតស្អំ។
មេដឹកនាំបក្សប្រឆាំងរូបនេះបាននិយាយថា "ទុកជា ហ៊ុន សែន អាចបំបែកគណបក្សសង្គ្រោះជាតិបានក៏ដោយ ក៏នឹងមានគណបក្សសង្គ្រោះជាតិមួយផ្សេងទៀតដែលនឹងច្របាច់បញ្ចូលគ្នា គឺមានន័យថាមានកម្លាំងប្រជាធិបតេយ្យរួបរួមមួយទៀតដែលត្រួសត្រាយផ្លូវសម្រាប់ផ្លាស់ប្តូរកម្ពុជាឆ្ពោះទៅរកសម័យថ្មី"៕
ការបំភិតបំភ័យយុទ្ធនាការថ្ងៃច័ន្ទពណ៌ដល់ក្រៅរាជធានីភ្នំពេញហើយ
ការបង្ក្រាបរបស់រដ្ឋាភិបាលទៅលើក្រុមសកម្មជនដែលអំពាវនាវឱ្យដោះលែងអ្នកទោសនយោបាយ បានរាលដាលដល់ក្រៅរាជធានីហើយ ខណៈដែលអាជ្ញាធរខេត្តព្រះវិហារ កាលពីម្សិលមិញបានព្រមានតំណាងអង្គការមិនមែនរដ្ឋាភិបាលចំនួន១០ឱ្យបញ្ឈប់ការរៀបចំការតវ៉ា "ថ្ងៃច័ន្ទពណ៌ខ្មៅ" បើមិនដូច្នោះទេ ប្រឈមនឹងការចាត់វិធានការ។
ការព្រមាននេះបានធ្វើឡើងបន្ទាប់ពីអ្នកភូមិ៤នាក់ត្រូវបានហៅមកសាកសួរនៅក្នុងខេត្តមណ្ឌលគិរីកាលពីសប្តាហ៍មុនបន្ទាប់ពីរូបថតមួយសន្លឹកត្រូវបានបង្ហោះក្នុងទំព័រហ្វេសប៊ុករបស់សហគមន៍បង្ហាញពីអ្នកភូមិមានកាន់បដាអំពាវនាវឲ្យដោះលែងសកម្មជនសិទ្ធិមនុស្ស៤នាក់និងមន្ត្រីរៀបចំការបោះឆ្នោត ម្នាក់ដែលជាប់ពន្ធនាគារកាលពីពេលថ្មីៗ ។
លោក អាង ជាតិឡោម នាយកប្រតិបត្តិអង្គការពន្លកខ្មែរជាអង្គការមិនមែនរដ្ឋាភិបាលដែលមានមូលដ្ឋានក្នុងខេត្តព្រះវិហារបានមានប្រសាសន៍ថា បុគ្គលិករបស់លោកត្រូវបានកោះហៅរួមជាមួយអង្គការមិនមែនរដ្ឋាភិបាលចំនួន៩ទៀត ហើយត្រូវបានព្រមានជាផ្លូវការដោយលោក សុខ ហៃ អភិបាលរងខេត្តកាលពីព្រឹកម្សិលមិញពាក់ព័ន្ធរូបថតដែលបានបង្ហោះក្នុងទំព័រហ្វេសប៊ុកបង្ហាញពីសកម្មជនសិទ្ធិដីធ្លីប្រហែល២០នាក់ចូលរួលរួមក្នុងយុទ្ធនាការ "ថ្ងៃច័ន្ទពណ៌ខ្មៅ" ដោយកាន់បដា ស្លៀកពាក់ពណ៌ខ្មៅ។
លោក អាង ជាតិឡោម បានមានប្រសាសន៍ ថា "បុគ្គលិករបស់ខ្ញុំបានចូលរួមកិច្ចប្រជុំនៅព្រឹកនេះ ហើយបានរាយការណ៍ប្រាប់ខ្ញុំថា អាជ្ញាធរខេត្តបានគំរាមថា ប្រសិនបើអង្គការមិនមែនរដ្ឋាភិបាលណាមួយនៅតែបន្តយុទ្ធនាការស្លៀកពាក់ខ្មៅទៀតនោះ ពួកគេនឹងចាត់វិធានការ...
តុលាការកំពូលច្រានចោលការសុំនៅក្រៅឃុំរបស់លោក មាជ សុវណ្ណារ៉ា
តុលាការកំពូលបានសម្រេចបន្តឃុំខ្លួនមន្ត្រីគណបក្សសង្គ្រោះជាតិ លោក មាជ សុវណ្ណារ៉ា ដែលត្រូវបានចាប់ខ្លួនពាក់ព័ន្ធនឹងហេតុការណ៍ប៉ះទង្គិចហិង្សាមួយនៅទីលានប្រជាធិបតេយ្យកាលពីថ្ងៃទី១៥ ខែកក្កដា។
លោក អឿង សៀង ចៅក្រមតុលាការកំពូល បានអានសាលដីកាថា "តុលាការកំពូលយល់ឃើញថា តុលាការរាជធានីភ្នំពេញដាក់ឲ្យជនជាប់ចោទនៅក្នុងឃុំ គឺជារឿងត្រឹមត្រូវ។ តុលាការកំពូលសម្រេចតម្កល់សាលដីការបស់សាលាឧទ្ធរណ៍ចុះថ្ងៃទី១២ ខែធ្នូ ឆ្នាំ ២០១៤ទុកជាបានការ"។
ពេលនេះខេត្តព្រះសីហនុ កំពុងស្ថិតនៅចំកណ្តាលនៃផែនការឧស្សាហកម្មថ្មី
កាលពីថ្ងៃសុក្រ ទីស្តីការគណៈរដ្ឋមន្ត្រីបានបញ្ចេញគោលនយោបាយថ្មីមួយក្នុងបំណងបង្កើនការអភិវឌ្ឍឧស្សាហកម្មរបស់កម្ពុជា ឲ្យហួសពីវិស័យកាត់ដេរ និងវិស័យស្បៀងអាហារ ដោយដាក់ខេត្តព្រះសីហនុ ឲ្យស្ថិតនៅចំកណ្តាលនៃផែនការធ្វើទំនើបកម្មសេដ្ឋកិច្ចរបស់ប្រទេស។
សេចក្តីព្រាងគោលនយោបាយដែលមានឈ្មោះថា "វិស័យឧស្សាហកម្មឆ្នាំ២០១៥-២០២៥" នេះបញ្ជាក់ថា កំណើនរបស់ឧស្សាហកម្មទ្រង់ទ្រាយធំនៅក្នុងប្រទេសបានបង្អង់ល្បឿនដោយសារតែខ្វះការដឹកនាំប្រកបដោយប្រសិទ្ធភាព ហេដ្ឋារចនាសម្ពន្ធអន់ និងធនធានមនុស្សខ្សោយ។
ផែនការនេះបញ្ជាក់ថា "ទស្សនវិស័យរបស់រដ្ឋាភិបាលគឺដើម្បីជំរុញ ផ្លាស់ប្តូរ ធ្វើទំនើបកម្មវិស័យឧស្សាហកម្មរបស់កម្ពុជា ពីឧស្សាហកម្មប្រើកម្លាំងបាយទៅជាឧស្សាហកម្មដែលផ្តោតលើជំនាញនៅឆ្នាំ២០២៥តាមរយៈការតភ្ជាប់ជាមួយសង្វាក់ផ្គត់ផ្គង់ពិភពលោក និងការធ្វើសមាហរណកម្មចូលក្នុងបណ្តាញផលិតកម្មតំបន់"។
ខេត្តព្រះសីហនុ ដែលមានកំពង់ផែធំបំផុតនៅកម្ពុជា មានផ្លូវហាយវ៉េឆ្ពោះមកកាន់រាជធានីភ្នំពេញ និងអាកាសយានដ្ឋានអន្តរជាតិមួយ នឹងត្រូវប្រែក្លាយទៅជាគោលដៅសំខាន់របស់កម្ពុជា សម្រាប់ការវិនិយោគអន្តរជាតិ នេះបើយោងតាមគោលនយោយថ្មីនេះ។
រដ្ឋាភិបាលនឹងត្រៀមរៀបចំ "ផែនការមេមួយសម្រាប់ការអភិវឌ្ឍ" ដែលនឹងប្រែក្លាយខេត្តជាប់មាត់សមុទ្រមួយនេះទៅជា "គំរូតំបន់សេដ្ឋកិច្ចពិសេសពហុគោលបំណង" ដោយប្រគល់ "សិទ្ធិពេលលេញ អំណាច និងយុត្តាធិការដល់គណៈគ្រប់គ្រងដើម្បីប្រមូលផ្តុំទាក់ទាញ និងប្រើប្រាស់ធនធានពាណិជ្ជកម្ម និងការវិនិយោគដើម្បីអភិវឌ្ឍខេត្តព្រះសីហនុ ឲ្យក្លាយជាសសរស្តម្ភសេដ្ឋកិច្ចដ៏សំខាន់មួួយ"។
លោក ឈិត សុខុម អភិបាលខេត្តនេះបានមានប្រសាសន៍ថា ទីភ្នាក់ងារសហប្រតិបត្តិការជប៉ុន (Jica) បានជួយនៅក្នុងការធ្វើសេចក្តីព្រាងផែនការមេនេះដែលនឹងបំបែកខេត្តនេះទៅជាមជ្ឈមណ្ឌលឧស្សាហកម្ម និងទេសចរណ៍។
លោកបានមានប្រសាសន៍ទៀតថា "រហូតមកទល់ពេលនេះ យើងកំពុងធ្វើសេចក្តីព្រាងផែនការមេដើម្បីឲ្យ ចាប់ពី ឆ្ពោះទៅភាគខាងជើង នឹងក្លាយជាតំបន់ឧស្សាហកម្ម ចំណែកឯចាប់ពីភាគខាងត្បូងនៃកំពង់ផែនេះទៅដល់ព្រំប្រគល់ខេត្តកំពត នឹងត្រូវបានជ្រើសរើសជាតំបន់ទេសចរណ៍"។
អភិបាលខេត្តរូបនេះបានមានប្រសាសន៍ថា លោកបានដឹងហើយថា អំពើហិង្សាកាលពីពេលថ្មីនៅក្នុងខេត្តនេះពាក់ព័ន្ធនឹងពាណិជ្ជករបរទេស គឺជាបញ្ហា ប៉ុន្តែ បានមានប្រសាសន៍ថា អាជ្ញាធរខេត្តកំពុងដោះស្រាយបញ្ហានេះ។
លោកបានមានបន្តថា "ថ្មីៗនេះ យើងទទួលបានបទពិសោធដែលវិនិយោគិនបរទេសមានជម្លោះនឹងគ្នា ដូច្នេះយើងក៏បានសិក្សាពីកំហុសទាំងនោះដើម្បីធ្វើការកែលម្អធានាថា
វិនិយោគិនក្នុងស្រុក និងបរទេសមានសុវត្ថិភាពក្នុងការរកស៊ីនៅទៅនេះ"។
លោក ហ្គ្រាន ណាក់ឃី (Grant Knuckey) នាយកប្រតិបត្តិធនាគារ ANZ Royal បានមានប្រសាសន៍ថា បញ្ហាសន្តិសុខនៅក្នុងខេត្តនេះមិនមែនជារឿងធំដុំទេបើប្រៀបធៀបទៅនឹងការស្វែងរកការវិនិយោគចាំបាច់ដើម្បីសាងសង់មជ្ឈមណ្ឌលពាណិជ្ជកម្មទំនើបមួយ។
លោកថ្លែងថា "ខ្ញុំគិតថា អ្នកអាចបំបែកទិដ្ឋភាពពាណិជ្ជកម្មរបស់ខេត្តព្រះសីហនុ ដែលជាមជ្ឈមណ្ឌលពាណិជ្ជកម្ម ចេញពីទិដ្ឋភាពដែលភាគច្រើនពាក់ព័ន្ធវិស័យទេសចរណ៍បាន"។
លោកបានបន្តថា ខណៈរដ្ឋាភិបាលសម្លឹងចង់បង្កើនឧស្សាហកម្ម ខេត្តព្រះសីហនុ "គឺជាកន្លែងដ៏ស័ក្តិសម ពីព្រោះវាជាច្រកចូលអន្តរជាតិសម្រាប់ចំណូលក្នុងប្រទេស"៕សុខុម (រាយការណ៍បន្ថែមដោយ Colin Meyn)
ស្ត្រីសន្តិសុខរោងចក្រម្នាក់ ត្រូវគេជះទឹកអាស៊ីតដាក់
ស្ត្រីសន្តិសុខរោងចក្រម្នាក់ ត្រូវបានគេជះទឹកអាស៊ីតដាក់នៅក្នុងខណ្ឌពោធិ៍សែនជ័យ ចំពោះអ្វីដែលនគរបាលនិយាយថាអាចបណ្តាលមកពីស្នេហាត្រីកោណ។
លោក សៅ សារិទ្ធ មេប៉ុស្ត៍រងសង្កាត់ចោមចៅ បានមានប្រសាសន៍ថ្ងៃនេះថា ស្ត្រីសន្តិសុខរោងចក្រកាត់ដេរហូស៊ីនតាយម្នាក់ ត្រូវបានស្ត្រីម្នាក់ទៀតជះទឹកអាស៊ីតដាក់ កាលពីម៉ោងប្រហែល៥កន្លះព្រឹកមិញនេះ ក្នុងពេលដែលនាង កំពុងដើរចេញពីផ្ទះជួលទៅរោងចក្រមួយកន្លែងនៅក្នុងសង្កាត់ចោមចៅ ខណ្ឌពោធិ៍សែនជ័យ។
លោក សារិទ្ធបាននិយាយថា នគរបាលបានឃាត់ខ្លួនស្ត្រីជាកម្មកររោងចក្រម្នាក់ ឈ្មោះស្រឿន ណាន់ អាយុ៣៨ឆ្នាំ ដែលមានការសង្ស័យថាទាក់ទិននឹងការជះទឹកអាស៊ីតនេះ។
លោក សារិទ្ធបាននិយាយថា “ក្រោយពីការសាកសួរ យើងឃើញថា ស្ត្រីជាប្រពន្ធអាចនឹងជាអ្នកជះទឹកអាស៊ីត ព្រោះប្រពន្ធខឹងនឹងប្តី ដែលតែងតែស្នាក់នៅជាមួយជនរងគ្រោះ”។
ស្ត្រីរងគ្រោះឈ្មោះ មាស វន្នី អាយុ២០ កំពុងតែទទួលការព្យាបាលនៅក្នុងបន្ទប់សង្គ្រោះបន្ទាន់នៅមន្ទីរពេទ្យកាល់ម៉ែត។ វេជ្ជបណ្ឌិតមន្ទីរពេទ្យកាល់ម៉ែតមួយរូប បានមានប្រសាសន៍ថា ពេទ្យកំពុងតាមដានសភាពរបួសរបស់ជនរងគ្រោះនៅឡើយ។ លោក វេជ្ជបណ្ឌិតរូបនេះ បានមានប្រសាសន៍ថា “ឥឡូវនេះ យើងកំពុងតាមដានបន្ថែម តែមិនអាចគ្រោះថ្នាក់ដល់ជីវិតទេ។ ត្រចៀកស្តាប់បាន តែភ្នែកមានភាពស្រវាំង”៕
លោក សម រង្ស៊ី និង លោក កឹម សុខា ជួបជាមួយសកម្មជននិងមន្ត្រីបក្សនៅសៀមរាប
សកម្មជននិងមន្ត្រីគណបក្សសង្គ្រោះជាតិប្រហែល៣០០នាក់ បានជួបជាមួយប្រធានគណបក្សសង្គ្រោះជាតិ លោក សម រង្ស៊ី និងអនុប្រធាន លោក កឹម សុខា ក្នុងខេត្តសៀមរាបដើម្បីដោះស្រាយបញ្ហាទាក់ទិននឹងការចោទប្រកាន់ លោកស្រី កែ សុវណ្ណរតន៍ ប្រធានក្រុមការងារបក្សខេត្តថា បក្ខពួកនិយម និងចាយវាយថវិកាមិនមានតម្លាភាព។
លោក ឈួន វិទ្យា សមាជិកក្រុមសម្របសម្រួលគណបក្សសង្គ្រោះជាតិស្រុកក្រឡាញ់ ដែលបានចូលរួមក្នុងកិច្ចប្រជុំរយៈពេល៣ម៉ោងនោះ បាននិយាយថា លោក រង្ស៊ីបានមានប្រសាសន៍នៅក្នុងអង្គប្រជុំថា លោកនឹងយកការអះអាងរបស់ក្រុមអ្នកគាំទ្រនិងអ្នកប្រឆាំងនឹងអ្នកស្រី សុវណ្ណរតន៍ ទៅពិចារណាជាមុនសិន មុននឹងធ្វើការសម្រេចចិត្តបែបណានោះ។
លោក វិទ្យា បាននិយាយដកស្រង់សំដីរបស់លោក រង្ស៊ីថា "ឯកឧត្តម រង្ស៊ីបានមានប្រសាសន៍ថា ភាគីទាំងសងខាងមានហេតុផលរៀងៗខ្លួន ដូច្នេះ គាត់នឹងយកហេតុផលទៅពិចារណា។ យើងនឹងជួបគ្នានៅលើកទីពីរទៀត"។
តុលាការចោទប្រកាន់អតីតព្រះសង្ឃដែលជាប់ពន្ធនាគារពីបទចូលរួម ក្នុងសមាគមជនទុច្ចរិត
អ្នកឃ្លាំមើលសិទ្ធិមនុស្សម្នាក់បានលើកឡើងថា ព្រះសង្ឃដែលត្រូវបានផ្សឹកមួយអង្គដែលត្រូវបានផ្តន្ទាទោសដាក់ពន្ធនាគារមួយឆ្នាំពីបទរារាំងក្រុមមន្ត្រីអំឡុងការចាប់ខ្លួនសកម្មជន និងឥស្សរជនគណបក្សប្រឆាំងក្នុងរាជធានី ភ្នំពេញកាលពីឆ្នាំមុននោះ កាលពីម្សិលមិញត្រូវបានធ្វើការសាកសួរជុំវិញការចោទប្រកាន់បន្ថែមពីបទ "ចូលរួមក្នុងសមាគមជនទុច្ចរិត"។
លោក សឹង ហៃ អាយុ ២៨ឆ្នាំ ត្រូវបានឃុំខ្លួននៅពន្ធនាគារព្រៃស ចាប់តាំងពីត្រូវបានផ្តន្ទាទោសកាលពីថ្ងៃទី១២ ខែវិច្ឆិកា មួយថ្ងៃបន្ទាប់ពីគាត់បានចូលរួមតវ៉ានៅមុខសាលាដំបូងរាជធានីភ្នំពេញប្រឆាំងនឹងការចាប់ខ្លួនសកម្មជនប្រឆាំងការបណ្តេញចេញពីដី៧នាក់ពីតំបន់បឹងកក់។
ព្រះសង្ឃពីរអង្គទៀតត្រូវបានចោទប្រកាន់នៅថ្ងៃបន្ទាប់ពីបទ "ចូលរួមក្នុងសមាគមជនទុច្ចរិត" ដោយបានដឹកបាវទង់ជាតិទៅកន្លែងតវ៉ា ហើយលោក សឹង ហៃ ត្រូវបានកោះហៅទៅតុលាការកាលពីម្សិលមិញដើម្បីធ្វើការសាកសួរជុំវិញការចោទប្រកាន់ថា គាត់ជាអ្នកផ្តល់ដងទង់ជាតិទាំងនោះ។
មុនពេលនគរបាលរុញចេញផុតពីក្រសែភ្នែក លោក សឹង ហៃ បានស្រែកសំដៅអ្នកយកព័ត៌មានខណៈពេលចេញពីបន្ទប់តុលាការថា "ខ្ញុំត្រូវបានកោះហៅមកសាកសួរទាក់ទងការចូលរួមក្នុងសមាគមជនទុច្ចរិត"។
លោក អំ សំអាត អ្នកគ្រប់គ្រងជាន់ខ្ពស់ផ្នែកបច្ចេកទេសនៅអង្គការលីកាដូបានមានប្រសាសន៍ថា លោក សឹង ហៃ ត្រូវបានចោទប្រកាន់ពីបទចូលរួមក្នុងសមាគមជនទុច្ចរិតកាលពីខែវិច្ឆិកា បន្តិចបន្ទាប់ពីព្រះសង្ឃពីរអង្គទៀតបានប្រាប់ថា គាត់ជាអ្នកផ្តល់ដងទង់ជាតិ ប៉ុន្តែថា ការចោទប្រកាន់លើគាត់ត្រូវបានបញ្ជាក់ជាសាធារណៈកាលពីម្សិលមិញ។
ក្រៅពីចោទប្រកាន់ពីបទរារាំងមន្ត្រីសាធារណៈ លោក សឹង ហៃ ក៏ត្រូវបានចោទប្រកាន់កាលពីឆ្នាំមុនថា បានគ្រងស្បង់ចីវរនិងប្រើឆាយាខុសច្បាប់ផងដែរ។ លោក សំអាត បាន
មានប្រសាសន៍ថា អង្គការលីកាដូបានតំណាងលោក សឹង ហៃ ជុំវិញការចោទប្រកាន់ទាំងពីរនេះ ហើយទំនងជាផ្តល់មេធាវីដល់គាត់សម្រាប់បទចោទប្រកាន់នេះ។
លោក សំអាត បានមានប្រសាសន៍ថា "ពេលនេះ ការចោទប្រកាន់ទី៣ គឺការចូលរួមក្នុងសមាគមជនទុច្ចរិត។ យើងនឹងជួបគាត់ដើម្បីពិចារណាផ្តល់មេធាវីដល់គាត់ ពីព្រោះនេះគឺជាបទល្មើសថ្មី និងជាការចោទប្រកាន់បន្ថែម"។
លោកបានបន្ថែមថា "យើងប្រហែលជាស្នើឲ្យមេធាវីដែលការពារគាត់ក្នុងករណីពីរមុនការពារគាត់ក្នុងករណីទី៣នេះដែរ"។
លោក សឹង ហៃ ដែលជាខ្មែរក្រោម កាលពីដើមឆ្នាំមុន បានដុតទង់ជាតិវៀតណាមអំឡុងការតវ៉ានៅខាងក្រៅស្ថានទូតរបស់ប្រទេសនេះក្នុងរាជធានីភ្នំពេញ ហើយបានចាត់ទុកប្រព័ន្ធតុលាការកម្ពុជាថា ជា "អាយ៉ង" របស់វៀតណាម៕សារុន
មាជ សុវណ្ណារ៉ា បន្តដាក់ពាក្យសុំនៅក្រៅឃុំនៅតុលាការកំពូល
តុលាការកំពូលនៅថ្ងៃនេះ បានបើកសវនាការសុំនៅក្រៅឃុំរបស់លោក មាជ សុវណ្ណារ៉ា មន្ត្រីគណបក្សសង្គ្រោះជាតិដែលត្រូវបានចាប់ខ្លួនពាក់ព័ន្ធនឹងហេតុការណ៍ប៉ះទង្គិចហិង្សាមួយនៅទីលានប្រជាធិបតេយ្យកាលពីថ្ងៃទី១៥ ខែកក្កដា។
លោក សុវណ្ណារ៉ា ដែលត្រូវបានចាប់ខ្លួននៅក្នុងក្រុងភ្នំពេញកាលពីខែវិច្ឆិកា បន្ទាប់ពីតុលាការចេញដីកាឃាត់ខ្លួនតាមការចោទប្រកាន់ពីបទ “ចូលរួមកុបកម្ម” និយាយថា "អ្វីដែលខ្ញុំសុំនៅក្រៅឃុំ ពីព្រោះខ្ញុំមិនជាប់ពាក់ព័ន្ធជាមួយអំពើហិង្សាទេ។ ខ្ញុំសុំនៅក្រៅឃុំ ពីព្រោះខ្ញុំមិនបានធ្វើអ្វីខុសទេ។ ខ្ញុំស្អប់ណាស់អំពើហិង្សា ខ្ញុំចង់មានសេរីភាព ដើម្បីមើលថែម្តាយចាស់ជរារបស់ខ្ញុំ"។
កាលពីខែធ្នូ តុលាការសាលាឧទ្ធរណ៍បានច្រានចោលសំណើសុំនៅក្រៅឃុំរបស់លោក សុវណ្ណារ៉ាផងដែរ។
លោក សុវណ្ណរ៉ា បាននិយាយថា លោកជឿថា លោកមិនអាចបាននៅក្រៅឃុំបានទេ ប្រសិនបើមិនមានការចរចាផ្នែ្កនយោបាយរវាងថ្នាក់ដឹកនាំគណបក្សកាន់អំណាចនិងគណបក្សសង្គ្រោះជាតិទេនោះ។
ឪពុកម្តាយលោក ថោង សារ៉ាត់ ត្រូវឃំុខ្លួនក្នុងពន្ធនាគារព្រៃសសាជាថ្មី
មេធាវីតំណាងឪពុកម្តាយរបស់ជនរត់គេចខ្លួន ថោង សារ៉ាត់ ដែលត្រូវប៉ូលិសតាមចាប់ខ្លួនពីបទផ្តើមគំនិតបាញ់សម្លាប់លោកឧកញ៉ាអ៊ឹង ម៉េងជឺ បានមានប្រសាសន៍ថ្ងៃនេះថា តុលាការក្រុងភ្នំពេញបានសម្រេចឃំុខ្លួនលោក ថោង ចំរើន និងអ្នកស្រី កែវ សាវី ក្នុងពន្ធនាគារព្រៃស បន្ទាប់ពីពួកគេបាននៅក្រៅឃំុអស់រយៈពេលមួយសប្តាហ៍។
លោកមេធាវី ស៊ី សត្យា បានមានប្រសាសន៍ថ្ងៃនេះថា តុលាការក្រុងភ្នំពេញបានសម្រេចឃំុខ្លួនកូនក្តីរបស់លោកគឺលោក ថោង ចំរើន និងអ្នកស្រី កែវ សាវី ក្នុងពន្ធនាគារព្រៃសវិញ ដោយសារតែពួកគេបំពានដីកាតុលាការ។
លោកសត្យាបានមានប្រសាសន៍ថា "តុលាការឃំុខ្លួន ដោយសារតុលាការចោទពួកគាត់ថាបំពានលើដីកាតុលាការ។ ពួកគាត់មិនមានចេតនាគេចវេះទេ"។
កាលពីយប់ថ្ងៃអាទិត្យ ប៉ូលិសបានឃាត់ខ្លួនលោក ថោង ចំរើន និងអ្នកស្រីកែវ សាវីនៅតាមផ្លូវជាតិលេខមួួយនៅក្នុងស្រុកពាមរក៍ក្នុងខេត្តព្រៃវែង ក្នុងពេលដែលពួកគេកំពុងធ្វើដំណើរតាមរថយន្តពេទ្យឆ្ពោះទៅកាន់ប្រទេសវៀតណាម។
មន្ត្រីតុលាការមិនអាចទាក់ទងសំុការអត្ថាធិប្បាយបានទេនៅថ្ងៃនេះ។
តុលាការក្រុងភ្នំពេញបានចោទលោក ថោង ចំរើន និងអ្នកស្រី កែវ សាវី ពីបទមានអាវុធខុសច្បាប់ហើយពួកគេត្រូវបានបញ្ជូនទៅពន្ធនាគារព្រៃសនៅថ្ងៃទី៧ខែធ្នូ បន្ទាប់ពីប៉ូលិសបានឆែកឆេរគេហដ្ឋានក្នុងក្រុងភ្នំពេញរបស់ពួកគេ ហើយបានរកឃើញអាវុធនិងគ្រាប់ជាច្រើន។ កាលពីថ្ងៃទី៧ខែកុម្ភៈកន្លងទៅនេះ តុលាការក៏បានដោះលែងពួកគេឲ្យនៅក្រៅឃំុ។ លោក ថោង សារ៉ាត់ កំពុងរត់គេចខ្លួននៅឡើយ។