topstory Archives - Page 4 of 89 - The Cambodia Daily Khmer

អាជ្ញាធររារាំងអតីតអ្នកភូមិដីក្រហមមិនឲ្យចាក់បញ្ចាំងខ្សែវីដេអូដើម្បីរំឭកខួបនៃការបណ្ដេញចេញ

- January 26, 2015

អតីតសមាជិកសហគមន៍ដីក្រហមប្រហែល១០០នាក់ បានវិលត្រឡប់ទៅកន្លែងដែលមានការបណ្ដេញចេញយ៉ាងព្រៃផ្សៃរបស់ខ្លួននៅកណ្ដាលរាជធានីភ្នំពេញកាលពីរសៀលថ្ងៃសៅរ៍ ដើម្បីរំឭកខួប៦ឆ្នាំចាប់តាំងពីពួកគេត្រូវបានបណ្ដេញចេញពីដីធ្លីរបស់ខ្លួនមក ប៉ុន្តែពួកគេត្រូវបានអាជ្ញាធររារាំងមិនឲ្យចាក់បញ្ចាំងវីដេអូនានាជុំវិញការបណ្ដេញចេញ។ លោក ចាន់ វិចិត្រ អាយុ៣៦ឆ្នាំ អតីតអ្នកភូមិសហគមន៍ដីក្រហមម្នាក់ដែលរៀបចំគម្រោងចាក់បញ្ចាំងខ្សែវីដេអូនេះបានលើកឡើងថា នគរបាលបានល្បាតតាមផ្លូវក្បែរកន្លែងជួបជុំគ្នា ដែលត្រូវបានធ្វើឡើងនៅក្បែរកន្លែងមានការបណ្ដេញចេញក្នុងខណ្ឌចំការមន នៅម៉ោងប្រហ្រហែល៤រសៀល។ លោកបាននិយាយថា "យើងរៀបចំចាក់បញ្ចាំងខ្សែវីដេអូស្ដីពីការបណ្ដេញចេញ ប៉ុន្តែនគរបាលជាង១០នាក់ជិះរថយន្តមួយគ្រឿងបានព្រមានពួកយើងតាមរយៈឧគ្ឃោសនសព្ទថា ពួកគេនឹងចាត់វិធានការ ប្រសិនបើយើងចាក់បញ្ចាំងខ្សែវីដេអូ។ ខ្ញុំគិតថា អាជ្ញាធររំលោភសិទ្ធិមនុស្ស ព្រោះពួកគេរារាំងមិនឲ្យយើងបញ្ចេញមតិយោបល់"។ លោក សុខ សំអ៊ុត នាយប៉ុស្តិ៍សង្កាត់ទន្លេបាសាក់ ជាកន្លែងដែលសហគមន៍ដីក្រហមស្ថិតនៅបានលើកឡើងថា លោកបានបញ្ជូនមន្ត្រីរបស់លោកដើម្បីទៅហាមឃាត់ការចាក់បញ្ចាំងខ្សែវីដេអូ បន្ទាប់ពីទទួលបានបទបញ្ជាមួយពីលោកអភិបាលខណ្ឌ...

ប័ណ្ណសារ

គ្រូសូត្រស្ដាំមួយអង្គត្រូវគេធ្វើគតអំឡុងពិធីបុណ្យមួយ

- January 26, 2015

ក្រុមមន្ត្រីបានឲ្យដឹងថា កាលពីម្សិលមិញនគរបាលកំពង់ស្ពឺបានចាប់ខ្លួនបុរសម្នាក់ ដែលត្រូវបានសង្ស័យពីបទបាញ់សម្លាប់ព្រះសង្ឃមួយអង្គព្រះជន្ម៧៦ព្រះវស្សា ខណៈព្រះអង្គកំពុងសម្ដែងធម៌ទេសនានៅក្នុងពិធីបុណ្យមួយកាលពីយប់ថ្ងៃសៅរ៍។ លោក ឃុត សុផល អធិការនគរបាលស្រុកសំរោងទង បានឲ្យដឹងថា ព្រះតេជគុណ ម៉ឹង អ៊ុំ គ្រូសូត្រស្ដាំនៅវត្តអង្គស្នៀត ក្នុងស្រុកសំរោងទង ត្រូវអ្នកភូមិនៅក្នុងឃុំតាំងក្រូចនិមន្តទៅសម្ដែងធម៌ទេសនានៅក្នុងពិធីបុណ្យខួប១ឆ្នាំរបស់បងប្អូនប្រុសពីរនាក់ដែលស្លាប់នៅក្នុងគ្រោះថ្នាក់ចរាចរណ៍មួយ។ លោក សុផល បានលើកឡើងថា ព្រះតេជគុណ ម៉ឹង អ៊ុំ ត្រូវគេធ្វើគតនៅម៉ោងប្រហែល៨និង៣០នាទីយប់ មិនយូរប៉ុន្មានបន្ទាប់ពីព្រះអង្គចាប់ផ្ដើមសម្ដែងធម៌ទេសនា និងខណៈព្រះអង្គកំពុងគង់នៅលើគ្រែទេសនានៅចំពោះមុខពុទ្ធបរិស័ទប្រមាណ១០០នាក់។ លោកបានមានប្រសាសន៍ថា "ក្រោយមកប្រហែល៥នាទី មានស្នូរកាំភ្លើងចេញពីក្រោយព្រះតេជគុណ។...

ប័ណ្ណសារ

រដ្ឋមន្ត្រីក្រសួងមហាផ្ទៃស្រងាកចិត្តចំពោះកង្វះកម្លាំងនគរបាលជាស្ត្រី

- January 24, 2015

អង្គភាពនគរបាលនៅក្នុងប្រទេសកម្ពុជាបានបន្ថែមកម្លាំងនគរបាលថ្មីដែលទើបបញ្ចប់ការសិក្សាចំនួន១.២០៧នាក់កាលពីថ្ងៃសុក្រ នៅឯសាលាបណ្ឌិត្យសភានគរបាលកម្ពុជា ក្នុងខេត្តកណ្តាល។ លោក ស ខេង រដ្ឋមន្ត្រីក្រសួងមហាផ្ទៃដែលចូលរួមជាអធិបតីភាពក្នុងពិធីបិទវគ្គបញ្ចប់ការសិក្សានេះ បានប្រាប់ឲ្យសិក្ខាកាមនគរបាលជាស្ត្រីនៅក្នុងថ្នាក់ក្រោកឈរឡើង។ ពួកគេគឺមានតែគ្នា៦៥នាក់ប៉ុណ្ណោះ។ យោងតាមលោក គៀត ច័ន្ទថារិទ្ធ អ្នកនាំពាក្យនគរបាលជាតិបានឲ្យដឹងថា នៅក្នុងកម្លាំងនគរបាលទាំងមូលក្នុងប្រទេសកម្ពុជា ដែលមាននគរបាលសរុបជាង៥៨.០០០នាក់ នគរបាលជាស្ត្រីមានប្រហែល៥ភាគរយប៉ុណ្ណោះ។ លោក ស ខេង បានថ្លែងទៅកាន់សិក្ខាកាមនគរបាលដែលទើបនឹងបញ្ចប់ការសិក្សាកាលពីថ្ងៃសុក្រថា លោកនឹងខិតខំធ្វើយ៉ាងណាមិនឲ្យបញ្ហានេះស្ថិតក្នុងស្ថានភាពបែបនេះទៀតឡើយ។ ដោយគូសបញ្ជាក់ថា មន្ត្រីនគរបាលប្រមាណ២.០០០នាក់បានចូលនិវត្តកាលពីឆ្នាំ២០១៤និងចាំបាច់ត្រូវជ្រើសរើសនគរបាលថ្មីចូលជំនួសនោះ លោកបានមានប្រសាសន៍ថា "ខ្ញុំនឹងពិនិត្យមើលបញ្ហានេះឡើងវិញ ពីព្រោះចំនួននេះមិនគ្រប់គ្រាន់ទេ។ យើងចង់បានយ៉ាងហោចណាស់ពី៣០ទៅ ៤០ភាគរយ ។ យើងនឹងបណ្តុះបណ្តាលពួកគេឲ្យមានជំនាញ នគរបាលអន្តោប្រវេសន៍ត្រូវការពួកគេ នគរបាលចរាចរក៏ត្រូវការនគរបាលជាស្ត្រី ហើយនគរបាលព្រហ្មទណ្ឌក៏ត្រូវការពួកគេដោយសារពួកគេត្រូវពិនិត្យមើលស្ត្រី"។ លោកបានលើកឡើងទៀតថា មន្ត្រីនគរបាលជាស្ត្រីមានប្រយោជន៍ច្រើននៅក្នុងជួរនគរបាលចរាចរ ពីព្រោះជាទូទៅពួកគេចិត្តត្រជាក់ជាងនគរបាលជាបុរស។ លោកបានបន្តថា "បើមានស្ត្រីច្រើនបម្រើការងារនៅក្នុងជួរនគរបាលចរាចរ វាអាចកាត់បន្ថយគ្រោះថ្នាក់ចរាចរណ៍បាន ហើយក៏អាចជួយរំឭកដាស់តឿនអ្នកបើកបរឲ្យគោរពច្បាប់ផងដែរ ពីព្រោះស្ត្រីគ្មានបញ្ហាជាមួយបុរស និងជាមួយស្ត្រីគ្នាឯង"។ ឧត្តមសេនីយ៍ឯក គៀត ច័ន្ទថារិទ្ធ បានមានប្រសាសន៍ថា នគរបាលបានព្យាយាមប្រើវិធីផ្សេងៗ ដើម្បីទាក់ទាញស្ត្រីឲ្យចូលបម្រើការងារក្នុងជួរនគរបាល ប៉ុន្តែ ទទួលបានជោគជ័យតិចតួចប៉ុណ្ណោះ។ លោកបានបញ្ជាក់ថា "មានហេតុផលជាច្រើន ។ ស្ត្រីខ្លះ នៅពេលគាត់សម្រាលកូន ពួកគាត់ចង់នៅផ្ទះ ហើយពួកគាត់មិនចង់ទៅណាទេ ពីព្រោះពួកគាត់ចង់មើលថែកូនដោយខ្លួនឯង។ ដូច្នេះវាខុសពីប្រទេសផ្សេងៗ ដែលនៅពេលពួកគាត់សម្រាលកូន ពួកគាត់បញ្ជូនកូនឲ្យទៅឈ្នួលជាអ្នកមើលថែ។ ហេតុផលផ្សេងៗទៀត កើតចេញពីសង្គម និងប្រពៃណីខ្មែរ។ រាងកាយរបស់ស្ត្រីយើងហាក់ដូចជាទន់ខ្សោយជាងស្ត្រីនៅបរទេស ដែលពួកគេមានថាមពលខ្លាំងដូចបុរស"។ ទោះជាយ៉ាងណា លោកស្រី ធីតា ឃឹស នាយិកាអង្គការបណ្តុះបណ្តាលសីលកា ជាអង្គការមិនមែនរដ្ឋាភិបាលដែលតែងតែធ្វើការជាមួយនគរបាល បានមានប្រសាសន៍ថា រដ្ឋាភិបាលគួរតែ ព្យាយាមបន្ថែមទៀតដើម្បីបញ្ចុះបញ្ចូលស្ត្រីដែលចូលបម្រើការងារនៅក្នុងជួរនគរបាលឲ្យយល់ថា វាជាជម្រើសការងារល្អ។ លោកស្រីមានប្រសាសន៍ទៀតថា "ពេលនេះចំនួនបុរសមានច្រើនលើសលប់ចាប់ពីថ្នាក់កំពូលដល់ថ្នាក់ក្រោម។ ស្ត្រីដែលបម្រើការងារនៅទីនោះមិនអាចចូលរួម និងមិនទទួលបានការពិចារណាត្រឹមត្រូវសម្រាប់ការចាត់តាំង និងការដំឡើងតំណែងទេ។ ពួកគេសាំុនឹងការធ្វើការតែនៅការិយាល័យ និងរក្សាទុកឯកសារប៉ុណ្ណោះ ហើយមិនទទួលបានការចាត់តាំងឲ្យចេញទៅក្រៅ និងធ្វើការងារនគរបាលពិតប្រាកដឡើយ"។ លោកស្រីបានមានប្រសាសន៍បន្តថា ប្រសិនបើនគរបាលជាតិគិតគូរហ្មតចត់ចំពោះការបន្ថែមកម្លាំងនគរបាលជាស្ត្រីបន្ថែមទៀត នគរបាលជាតិគួរតែផ្តួចផ្តើមដំណើរការជ្រើសរើសមួយដែលមានតម្លាភាព ចាប់ដៃគូជាមួយសាកលវិទ្យាល័យនានា និងដាក់ពង្រាយនគរបាលជាស្ត្រីបន្ថែមទៀតនៅតាមផ្លូវដើម្បីកែប្រែទស្សនយល់ខុសរបស់មជ្ឈដ្ឋានទូទៅ។ លោកស្រីបានមានប្រសាសន៍បន្ថែមថា "ពួកគេនិយាយថា គ្មានអ្នកដាក់ពាក្យធ្វើការងារនេះទេ ប៉ុន្តែ ខ្ញុំគិតថា រដ្ឋមានការទទួលខុសត្រូវក្នុងការអប់រំសាធារណជន និងដាក់ស្ត្រីឲ្យស្ថិតក្នុងក្រសែភ្នែកសាធារណជន។ដូចនគរបាលចរាចរជាដើម ស្ត្រីអាចធ្វើការងារនោះបាន"។ លោកស្រី ពេជ្រ សុ៊នណារី អនុប្រធានរដ្ឋបាលនៅបណ្ឌិត្យសភានគរបាលកម្ពុជា បានមានប្រសាសន៍ថា លោកស្រីបានចូលបម្រើការងារក្នុងជួរនគរបាលក្នុងឆ្នាំ១៩៨៩ "ពីព្រោះខ្ញុំស្រឡាញ់អាជីពនេះ ហើយខ្ញុំគិតថាអាជីពនេះអាចអប់រំកូនៗ និងចៅៗឲ្យធ្វើរឿងល្អៗ"។ លោកស្រីបានអំពាវនាវឲ្យលោក ស ខេង ធ្វើតាមការប្តេជ្ញាចិត្តរបស់លោកក្នុងការជ្រើសរើសស្ត្រីបន្ថែមទៀតឲ្យចូលបម្រើការងារក្នុងជួរនគរបាល ប៉ុន្តែ បានមានប្រសាសន៍ថា លោកស្រីក៏ដឹងដែរថា មានការកំហិតផ្នែកវប្បធម៌ដែលរារាំងស្ត្រីមិនឲ្យដើរតាមគន្លងរបស់លោកស្រី។ លោកស្រីលើកឡើងថា "មានហេតុផលជាច្រើនដែលស្ត្រីខ្មែរមិនចូលធ្វើការជានគរបាល ដូចជាប្រពៃណីខ្មែរ និងកម្រិតអប់រំទាបជាដើម។ ស្ត្រីខ្លះមានកម្លាំងខ្សោយជាងបុរស ហើយស្ត្រីធ្វើជាមេផ្ទះច្រើនជាងបុរស"៕សុខុម (រាយការណ៍បន្ថែមដោយ Colin Meyn)

ប័ណ្ណសារ

សហភាពអឺរ៉ុបចូលរួមនៅក្នុងការចារកំណែទម្រង់បោះឆ្នោត ប៉ុន្តែ គណបក្សទាំងពីរនៅតែខ្វែងគំនិតគ្នាជុំវិញប័ណ្ណសម្គាល់ខ្លួនអ្នកបោះឆ្នោត

- January 24, 2015

អ្នកជំនាញខាងបោះឆ្នោតពីររូបមកពីសហភាពអឺរ៉ុប បានចូលរួមជាមួយគណបក្សសង្គ្រោះជាតិ និងគណបក្សប្រជាជនកម្ពុជាកាលពីថ្ងៃសុក្រ នៅជនួបប្រជុំដាច់ដោយឡែកដែលត្រូវបានរៀបចំឡើងដើម្បីពិភាក្សាអំពីវិធីគ្រប់គ្រងការចុះឈ្មោះបោះឆ្នោតនៅក្នុងការបោះឆ្នោតនាពេលអនាគត ដោយផ្តល់នូវជម្រើសដែលអាចទៅរួចចំនួនបួន។ ប៉ុន្តែ ទោះបីជាគណបក្សទាំងពីរបានព្រមព្រៀងលើជម្រើសណាមួយដែលខ្លួនពេញចិត្ត ពោលគឺបញ្ជីឈ្មោះបោះឆ្នោតថ្មីដែលប្រើប្រាស់ទិន្នន័យប្រមូលផ្តុំស្តីពីពលរដ្ឋ បានពីក្រសួងមហាផ្ទៃ និងគណៈកម្មាធិការជាតិរៀបចំការបោះឆ្នោត (គ.ជ.ប.)ក្តី ក៏ពួកគេមិនបានជិតឈានដល់ការដោះស្រាយការខ្វែងគំនិតគ្នារបស់ខ្លួនជុំវិញវិធីបញ្ជាក់អត្តសញ្ញាណអ្នកបោះឆ្នោតនៅពេលការបោះឆ្នោតមកដល់ឡើយ។ ក្រោយជំនួបរបស់ពួកគេជាមួយក្រុមអ្នកជំនាញរបស់សហភាពអឺរ៉ុបដែលត្រូវបានរៀបចំឡើងដាច់ដោយឡែកពីគ្នាតាមសំណើរបស់គណបក្សកាន់អំណាច ប្រធានក្រុមការងារនៃគណបក្សនីមួយៗបានលើកឡើងថា ខ្លួននៅតែខ្វែងគំនិតគ្នាជុំវិញវិធីកំណត់អត្តសញ្ញាណអ្នកមានសិទ្ធិបោះឆ្នោតសម្រាប់បញ្ជីឈ្មោះបោះឆ្នោតថ្មី។ ឧបនាយករដ្ឋមន្ត្រី ប៊ិន ឈិន ដែលបានជាប្រធានក្រុមការងាររបស់គណបក្សប្រជាជនកម្ពុជានៅក្នុងការចរចាជាមួយគណបក្សសង្គ្រោះជាតិជុំវិញច្បាប់បោះឆ្នោតថ្មី បានមានប្រសាសន៍ថា "សហភាពអឺរ៉ុបគ្រាន់តែធ្វើបទបង្ហាញអំពីជម្រើសចំនួនបួនប៉ុណ្ណោះ ប៉ុន្តែ វាអាស្រ័យលើគណបក្សនយោបាយក្នុងការសម្រេចយកជម្រើសណាមួយដែលខ្លួនចូលចិត្ត។ វាគឺជាការពិភាក្សា ប៉ុន្តែ មិនទាន់មានការព្រមព្រៀងគ្នាទេ។ ជម្រើសទី៤ គឺជាជម្រើសដែលគណបក្សទាំងពីរបានពិភាក្សា។ ហើយជម្រើសទី៤ គឺយើងប្រើប្រាស់អត្តសញ្ញាណប័ណ្ណដែលមានស្គែនក្រយៅដៃហាក់ដូចជាច្បាប់បោះឆ្នោតដែលយើងបានព្រាងអ៊ីចឹងដែរ"។ ទោះជាយ៉ាងណា លោកបានមានប្រសាសន៍ថា គណបក្សប្រជាជនកម្ពុជានៅតែចង់ប្រើប្រាស់អត្តសញ្ញាណប័ណ្ណ ដែលចេញដោយក្រសួងមហាផ្ទៃ ដើម្បីពិនិត្យផ្ទៀងផ្ទាត់ឈ្មោះអ្នកបោះឆ្នោតនៅតាមការិយាល័យបោះឆ្នោត។ លោក គួយ ប៊ុនរឿន មន្ត្រីជាន់ខ្ពស់របស់គណបក្សសង្គ្រោះជាតិ ដែលបានដឹកនាំក្រុមការងាររបស់គណបក្សប្រឆាំងនៅក្នុងដំណើរការចរចានេះ បានមានប្រសាសន៍ថា គណបក្សរបស់លោកកំពុងបន្តជំរុញឲ្យប្រើប័ណ្ណបោះឆ្នោតដែលចេញដោយ គ.ជ.ប.។ លោកបានមានប្រសាសន៍ទៀតថា "គ.ជ.ប. គួរតែពិនិត្យផ្ទៀងផ្ទាត់ទិន្នន័យដែលផ្តល់ដោយក្រសួងមហាផ្ទៃ និងថា តើវាមានតម្លាភាព ឬអត់ក្នុងការបញ្ជាក់អ្នកដែលមានសិទ្ធិចុះឈ្មោះបោះឆ្នោត"។ ក្រុមការងារនៃគណបក្សទាំងពីរដែលបានរៀបចំការចរចាជាប្រចាំពីរដងក្នុងមួយសប្តាហ៍ ចាប់តាំងពីគណបក្សសង្គ្រោះជាតិបានបញ្ចប់ការធ្វើពហិការមិនចូលសភារបស់ខ្លួនកាលពីខែសីហា មកនោះ នឹងផ្អាកជំនួបចរចានៅសប្តាហ៍ក្រោយ៕សុខុម

ប័ណ្ណសារ

ប្រេសិតពិសេសអង្គការសហប្រជាជាតិចូលរួមស្តាប់សវនាការជំនុំជម្រះសកម្មជនទាំង១១រូប

- January 23, 2015

កាលពីម្សិលមិញ សកម្មជន១១រូបដែលត្រូវបានតុលាការចោទប្រកាន់កាលពីខែវិច្ឆិកា ពីបទបិទចរាចរណ៍ និងរារាំងមន្ត្រីសាធារណៈនោះសុទ្ធតែបានអះអាងថា ខ្លួនគ្មានកំហុសក្នុងសវនាការនៅសាលាឧទ្ធរណ៍ដែលមានការចូលរួមស្ដាប់ពីសំណាក់លោក សុរិយា ស៊ូបេឌី ប្រសិតសិទ្ធិមនុស្សអង្គការសហប្រជាជាតិប្រចាំកម្ពុជា និងគណៈប្រតិភូបរទេសមួយចំនួនទៀត។ ប្រាំពីររូបក្នុងចំណោមសកម្មជនទាំងនេះ ដែលរួមមានអ្នកស្រី ទេព វន្នី ជាអ្នកតវ៉ាប្រឆាំងការបណ្ដេញចេញដ៏ល្បីឈ្មោះផងនោះ ត្រូវបានចាប់ខ្លួនអំឡុងបាតុកម្មមួយនៅខាងមុខសាលារាជធានីភ្នំពេញកាលពីខែវិច្ឆិកា បន្ទាប់ពីបានលើកគ្រែមួយដាក់នៅចំកណ្ដាលមហាវិថីព្រះមុនីវង្ស។ ចំណែកឯសកម្មជនបួនរូបទៀត ដែលរួមមានអតីតព្រះសង្ឃព្រះនាម សឹង ហៃ ផង ត្រូវបានចាប់ខ្លួននៅថ្ងៃបន្ទាប់អំឡុងការតវ៉ាមួយនៅខាងក្រៅសាលាដំបូងរាជធានីភ្នំពេញ ប្រឆាំងនឹងការចាប់ខ្លួនសកម្មជនទាំងប្រាំពីររូបខាងលើ។ បន្ទាប់ពីកាត់ក្ដីយ៉ាងប្រញាប់ប្រញាល់ ដែលជាទូទៅគេមើលឃើញថា ជាហេតុផលនយោបាយនោះ...

ប័ណ្ណសារ

សង្គមស៊ីវិលស្នើឲ្យលោក ហ៊ុន សែន បញ្ឈប់ និងបដិសេធលើការលើកឡើងអំពីអីុត្លែរ

- January 23, 2015

សមាជិកសង្គមស៊ីវិលចំនួន១៦បានចេញសេចក្តីថ្លែងការណ៍រួមមួយកាលពីម្សិលមិញ ដោយស្នើឲ្យលោកនាយករដ្ឋមន្ត្រី ហ៊ុន សែន បញ្ឈប់ ឬបដិសេធលើសេចក្តីថ្លែងការណ៍កាលពីថ្ងៃទី១៥ ខែមករា របស់លោក សៅ សុខា មេបញ្ជាការកងរាជអាវុធហត្ថលើផ្ទៃប្រទេស ដែលបានលើកឡើងថា លោកបានរៀនសូត្រពី អាឌុល អីុត្លែរ។ សមាជិកសង្គមស៊ីវិលដែលរួមមានដូចជាអង្គការសិទ្ធិមនុស្សអាដហុក គណៈកម្មាធិការប្រព្រឹត្តិកម្មនៃអង្គការ-សមាគម ការពារសិទ្ធិមនុស្សកម្ពុជា និងក្រុមការងារពិសេសសិទ្ធិលំនៅដ្ឋានជាដើមនោះក៏បានស្នើឲ្យរដ្ឋសភាកោះហៅនាយឧត្តមសេនីយ៍ សៅ សុខា មកសភាដើម្បីសាកសួរចំពោះការលើកឡើងទាំងនេះផងដែរ។ សេចក្តីថ្លែងការណ៍នេះមានខ្លឹមសារដូច្នេះថា "អាឌុល អីុត្លែរ គឺជាមេដឹកនាំផ្តាច់ការណាស៊ី នៅប្រទេសអាល្លឺម៉ង់ ដែលត្រូវបានពិភពលោកទាំងមូលចាត់ទុកថា ជាមេដឹកនាំអាក្រក់បំផុតដោយបង្កជាសង្គ្រាមលោកលើកទី២ និងបានសម្លាប់មនុស្សយ៉ាងព្រៃផ្សៃ និងបានសម្លាប់រង្គាលជនជាតិជ្វីហ្វនៅទូទាំងទ្វីបអឺរ៉ុប"។ សេចក្តីថ្លែងការណ៍នេះមានខ្លឹមសារបន្តថា "សម្រាប់សេចក្តីថ្លែងការណ៍របស់មេបញ្ជាការកងរាជអាវុធហត្ថលើផ្ទៃប្រទេសនេះបានធ្វើឲ្យប៉ះពាល់ដល់កងកម្លាំងប្រដាប់អាវុធជាតិ ដែលជាស្ថាប័នឯករាជ្យ និងជាអ្នកការពារសន្តិសុខ សន្តិភាពដល់ប្រជាពលរដ្ឋដោយទាំងប្រមាថដល់ក្រុមបាតុកម្មអហិង្សា សម្លុតគំរាម និងចាត់ទុកប្រជាពលរដ្ឋជាសត្រូវ"។ នៅពេលទាក់ទងកាលពីម្សិលមិញ នាយឧត្តមសេនីយ៍ សៅ សុខា បានបដិសេធមិននិយាយអំពីការលើកឡើងរបស់លោកដោយចំៗនោះឡើយ។ លោកបានមានប្រសាសន៍ថា "ខ្ញុំនឹងមិននិយាយអ្វីបន្ថែមទៀតឡើយ ព្រោះខ្ញុំបានឆ្លើយតបរួចហើយ។ កាសែតក៏បានចុះផ្សាយរួចហើយដែរ។ ខ្ញុំមិនគិតដូចដែលកាសែត ខេមបូឌា ដេលី បានចុះផ្សាយដែលធ្វើឲ្យគេឯងភ្ញាក់ផ្អើលនោះទេ។ខ្ញុំសូមអរគុណហើយ។ខ្ញុំមិនដឹងថា ខ្ញុំជាមនុស្សដែលគេចាប់អារម្មណ៍បែបនេះឡើយ។ ខ្ញុំមិនដឹងថា ខ្លួនខ្ញុំពិសេសដូច្នេះទេ"។ លោក សៅ សុខា ក៏បានលើកឡើងផងដែរថា ប្រសិនបើកាសែតចិត្តសឿងនោះ សូមចុះផ្សាយការលើកឡើងរបស់លោកទាំងមូលតែម្តងទៅ៕ស៊ុយឈាង

ប័ណ្ណសារ

មេដឹកនាំគណបក្សសង្គ្រោះជាតិចូលរួមជាមួយសមាជិកសហជីពក្នុងពិធីរំឭកខួប នៃការបាញ់សម្លាប់លោក ជា វិជ្ជា

- January 23, 2015

សមាជិកសហជីពជាង១០០នាក់ និងអ្នកនយោបាយប្រឆាំង កាលពីម្សិលមិញ បានទៅមើលតូបកាសែត កន្លែងដែលលោក ជា វិជ្ជា មេដឹកនាំសហជីពដ៏ឆ្នើមត្រូវបានឃាតករបាញ់សម្លាប់ក្នុងរាជធានីភ្នំពេញកាលពីឆ្នាំ២០០៤ ដើម្បីរំឭកដល់ខួប១១ឆ្នាំ ពីព្រោះការសម្លាប់នេះបានធ្វើឲ្យប៉ះពាល់ដល់ចលនាកម្មករក្នុងប្រទេសយ៉ាងខ្លាំង។ នៅក្នុងអ្វីដែលបានក្លាយជាប្រពៃណីប្រចាំឆ្នាំនោះ លោក ជា មុនី ដែលបានកាន់តួនាទីជំនួសបងប្រុសរបស់លោកក្នុងនាមជាប្រធានសហជីពសេរីកម្ម បានអំពាវនាវឲ្យរដ្ឋាភិបាលរកយុត្តិធម៌ជូនលោក ជា វិជ្ជា ដែលអំពើឃាតកម្មនេះមិនត្រូវបានដោះស្រាយនៅឡើយ។ លោក ជា មុនី បានមានប្រសាសន៍ថា "ករណីសម្លាប់លោក ជា វិជ្ជា...

ប័ណ្ណសារ

នៅពេលតម្លៃប្រេងធ្លាក់ចុះ ការឃុបឃិតក្នុងចំណោមក្រុមហ៊ុនផ្គត់ផ្គង់ គឺជាក្តីកង្វល់

- January 22, 2015

រដ្ឋាភិបាលបានជំរុញក្រុមហ៊ុនប្រេងនានាឲ្យចែករំលែកផលប្រយោជន៍ពេញលេញដែលទទួលបានពីការធ្លាក់ចុះតម្លៃប្រេងលើសាកលលោកដល់អ្នកប្រើប្រាស់ ហើយចៀសវាងការកេងបន្លំតម្លៃ ដោយសារតែតម្លៃប្រេងជាមធ្យមក្នុងប្រទេសនេះធ្លាក់ចុះ៦,៥ភាគរយក្នុងរយៈពេល១០ថ្ងៃកន្លងមកនេះ។ យោងតាមទិន្នន័យក្រសួងពាណិជ្ជកម្ម តម្លៃប្រេងធម្មតា ដែលមានតម្លៃរវាង៣.៣០០រៀលទៅ៤.១០០រៀលក្នុងមួយលីត្រកាលពីថ្ងៃពុធ បានធ្លាក់ចុះរវាង៣,៥ទៅ១៣,២ភាគរយចាប់តាំងពីថ្ងៃទី១១ខែមករាមក។ តម្លៃប្រេងម៉ាហ៊្សូតបានធ្លាក់ចុះពី២,៥ទៅ១៧,៧ភាគរយ។ លោក ម៉ៅ ថូរ៉ា រដ្ឋលេខាធិការក្រសួងពាណិជ្ជកម្មបានមានប្រសាសន៍កាលពីថ្ងៃពុធថា រដ្ឋាភិបាលបានជួបចរចាជាមួយក្រុមហ៊ុនប្រេងកាលពីថ្ងៃអង្គារ ដែលជាជំនួបលើកទី៣ចាប់តាំងពីខែវិច្ឆិកាមក ក្នុងផែនការជំនួបរៀងរាល់១០ថ្ងៃម្តងដើម្បីធានាថា ការសន្សំប្រាក់ពីប្រេងចុះថោកកំពុងបង្ហាញឲ្យឃើញនៅតាមស្ថានីយប្រេង ហើយមិនធ្វើឲ្យក្រុមហ៊ុនខាត។ លោក ម៉ៅ ថូរ៉ា បានមានប្រសាសន៍ថា "បើទោះជាយើងមិនអាចមើលឃើញកម្រិតចំណេញរបស់ក្រុមហ៊ុនប្រេង ក៏យើងជឿថា នឹងទទួលបានចំណេញច្រើនពីតម្លៃប្រេងធ្លាក់ចុះនេះ ប្រសិនបើពួកគេមិនបញ្ចុះទេនោះ"។ តម្លៃប្រេងឆៅលើទីផ្សារពិភពលោកបានធ្លាក់ចុះប្រហែល៥០ភាគរយអំឡុងពេលឆ្នាំមុន ភាគច្រើនដោយសារតម្រូវការតិចពីប្រទេសនានាដែលមានការលំបាកខាងសេដ្ឋកិច្ច និងកំណើនផលិតកម្មប្រេងឆៅនៅអាមេរិក។ ប្រេងឆៅ...

ប័ណ្ណសារ

មន្ត្រីខេត្តព្រះសីហនុគំរាមធ្វើកូដកម្ម ប្រសិនបើក្រសួងមហាផ្ទៃមិនស៊ើបអង្កេតអភិបាលខេត្តនេះ

- January 22, 2015

មន្ត្រីនៅក្នុងខេត្តព្រះសីហនុកំពុងគំរាមធ្វើកូដកម្ម ប្រសិនបើក្រសួងមហាផ្ទៃមិនធ្វើការស៊ើបអង្កេតលើការអះអាងរបស់ពួកគេអំពីបក្ខពួកនិយម និងការអសមត្ថភាពរបស់លោក ឈិត សុខុន អភិបាលខេត្តនេះទេនោះ។ លិខិតចុះថ្ងៃទី១៦ ខែមករា ផ្ញើជូនលោក ស ខេង រដ្ឋមន្ត្រីក្រសួងមហាផ្ទៃដែលទទួលបានកាលពីម្សិលមិញ មន្ត្រីថ្នាក់ខេត្តចំនួន៣៥រូបបានចោទប្រកាន់លោក ឈិត សុខុន ថាព្យាយាមដំឡើងតំណែងកូនប្រុសរបស់លោក គឺលោក ឈិត រតនៈ ទៅជាប្រធានរដ្ឋបាលខេត្ត និងមិត្តភក្ដិរបស់លោកឈ្មោះ ស កក្កដា ទៅជាអភិបាលរងខណ្ឌព្រៃនប់ ដោយរំលងយោបល់ថ្នាក់លើ។ ពួកគេក៏បានចោទប្រកាន់អភិបាលខេត្តរូបនេះពីបទពន្យារពេលលិខិតស្នាម...

ប័ណ្ណសារ

រដ្ឋាភិបាលលុបចោលដីសម្បទានបន្ថែមទៀតនៅពេលមានការបាត់បង់ ព្រៃឈើកាន់តែច្រើន

- January 22, 2015

កាលពីម្សិលមិញ ក្រសួងកសិកម្មបានប្រកាសថា ចាប់តាំងពីការបោះឆ្នោតជាតិឆ្នាំ២០១៣មក ក្រសួងបានលុបចោលដីសម្បទានសេដ្ឋកិច្ចចំនួនប្រាំបី ដែលគ្របដណ្តប់លើផ្ទៃដីទំហំ ៥០.០០០ហិកតាជាកម្មសិទ្ធិរបស់ក្រុមហ៊ុនមួយចំនួនដែលមិនបានគោរពតាមកិច្ចសន្យារបស់ខ្លួនជាមួយរដ្ឋាភិបាល ហើយបានកាត់ដីទំហំជិត១០០.០០០ហិកតាចេញពីសម្បទានបួនផ្សេងទៀត។ សេចក្តីប្រកាសនេះធ្វើឡើងបន្ទាប់ពីមានការចេញផ្សាយទិន្នន័យពីផ្កាយរណបថ្មីកាលពីសប្តាហ៍មុនពីសាកសវិទ្យាល័យម៉ារីលែន (University of Maryland) បង្ហាញថា ដីសម្បទានសេដ្ឋកិច្ចបន្តជាបញ្ហាដ៏ធំនៃការកាប់បំផ្លាញព្រៃឈើដ៏រាលដាលទូទាំងប្រទេសអំឡុងឆ្នាំនៃការបោះឆ្នោត។ លោក អៀង សុផាល្លែត អនុរដ្ឋលេខាធិការក្រសួងកសិកម្ម និងជាប្រធានខុទ្ទកាល័យរបស់់លោករដ្ឋមន្ត្រីបានចេញផ្សាយតួលេខថ្មីស្តីពីដីសម្បទានសេដ្ឋកិច្ចដែលបានលុបចោល និងបានកាត់បន្ថយទំហំនៅសនិ្នសីទកាសែតមួយកាលពីព្រឹកម្សិលមិញ។ ដីសម្បទានសេដ្ឋកិច្ចទាំងនេះស្ថិតនៅក្នុងខេត្តក្រចេះ សៀមរាប ឬខេត្តស្ទឹងត្រែង។ លោក សុផាល្លែត បានមានប្រសាសន៍ថា ក្រសួងបានពិនិត្យមើលដីសម្បទានសេដ្ឋកិច្ចនៅក្នុងខេត្តផ្សេងៗទៀតជាផ្នែកមួយនៃការពិនិត្យមើលទូទាំងប្រទេសដែលបញ្ជាដោយលោកនាយករដ្ឋមន្ត្រី ហ៊ុន សែន កាលពីឆ្នាំ២០១២រកឃើញក្រុមហ៊ុនដែលមិនបានអភិវឌ្ឍដីដែលពួកគេទទួលបាន ឬបើមិនដូច្នោះទេ បានរំលោភកិច្ចសន្យារបស់ខ្លួន។ លោកបានមានប្រសាសន៍ថា "ក្រសួងកសិកម្មកំពុងបន្តពិនិត្យក្រុមហ៊ុនទាំងអស់ទូទាំងប្រទេស។ យើងត្រូវដកហូតដីពីក្រុមហ៊ុនទាំងនោះវិញ ពីព្រោះ ក្រុមហ៊ុនទាំងនេះមិនគោរពកិច្ចសន្យារបស់ខ្លួន ហើយយើងមិនអាចបណ្តោយឲ្យពួកគេធ្វើផ្ទុយនឹងច្បាប់ឡើយ"។ ដីដែលដកហូតមានចំនួន១២៧.០០០ហិកតា ដែលក្រសួងបរិស្ថានបានប្រកាសកាលពីដើមខែនេះថា ក្រសួងបានដកហូតកាលពីឆ្នាំ២០១៤តាមរយៈការលុបចោល ឬការបង្រួមដីសម្បទានសេដ្ឋកិច្ចនៅក្នុងយុត្តាធិការរបស់ខ្លួនដែលគ្របដណ្តប់លើតំបន់ការពារដូចជាដែនជម្រកសត្វព្រៃ និង ព្រៃរបស់រដ្ឋ។ បើទោះជារដ្ឋាភិបាលបានដាក់សម្បទានដែលកាប់ឈើឲ្យនៅក្រៅច្បាប់កាលពីប៉ុន្មានឆ្នាំកន្លងមកក៏ដោយ ក៏សកម្មជនបរិស្ថានលើកឡើងថា រដ្ឋាភិបាលបានបណ្តោយឲ្យក្រុមហ៊ុនមួយចំនួនបន្តប្រើប្រាស់ដីសម្បទានសេដ្ឋកិច្ច ជាប្រតិបត្តិការកាប់ឈើដោយមិនបានប្រែក្លាយដីទាំងនេះទៅជាចម្ការអ្វីឡើយ។ ពួកគេក៏បានចោទប្រកាន់ម្ចាស់ដីសម្បទានសេដ្ឋកិច្ចពីបទបណ្តេញប្រជាជនចេញពីដីធ្លីរបស់ខ្លួនរាប់ពាន់គ្រួសារ។ ការចេញផ្សាយផែនទីស្តីពីការប្រែប្រួលគម្របព្រៃឈើថ្មីដោយសាកលវិទ្យាល័យម៉ារីលែន បានបង្ហាញថា ប្រទេសកម្ពុជាបានបាត់បង់គម្របព្រៃឈើទំហំជាង២០០.០០០ហិកតាក្នុងឆ្នាំ២០១៣ និងភាគច្រើនចាប់តាំងពីឆ្នាំ២០០១ មក លើកលែងតែឆ្នាំ២០១០។ យោងតាមការវិភាគទិន្នន័យរបស់អង្គការសិទ្ធិមនុស្សលីកាដូ បានឲ្យដឹងថា គម្របព្រៃឈើជាងពាក់កណ្តាលបានបាត់បង់ក្នុងឆ្នាំ២០១៣កើតឡើងនៅក្នុងដីសម្បទានសេដ្ឋកិច្ច ដែលមានការរានព្រៃត្រូវហាមឃាត់។ នៅពេលជាមួយគ្នាដែលលោក ហ៊ុន សែន បានបញ្ជាឲ្យពិនិត្យមើលដីសម្បទានសេដ្ឋកិច្ចទូទាំងប្រទេសកាលពីពាក់កណ្តាលឆ្នាំ២០១២ ហើយលោកក៏បានបញ្ជាឲ្យផ្អាកការផ្តល់សម្បទានថ្មីផងដែរ។ កាលពីម្សិលមិញ លោក សុផាល្លែត បានមានប្រសាសន៍ថា រដ្ឋាភិបាលមិនមានផែនការបន្តការអនុវត្តនៅពេលអនាគតខាងមុខទេ៕សារុន

topstory

Latest news

កម្ពុជាបន្តបាត់បង់ព្រៃឈើជាង ១សែនហិកតាក្នុងឆ្នាំ២០២៣ ស្មើទំហំទីក្រុង Los Angeles របស់អាមេរិក ដោយសារអំពើពុករលួយ

គណបក្សកម្លាំងជាតិនៅតែប្ដេជ្ញាសម្ដែងមតិដោយសន្តិវិធីនៅទីលានប្រជាធិបតេយ្យទាមទារឱ្យដោះលែងសមាជិក

កម្ពុជាបញ្ជូនជនជាតិចិនសង្ស័យជាឧក្រិដ្ឋជនអនឡាញចំនួន ១៣០នាក់ទៅប្រទេសកំណើតវិញ

តុលាការបង្កកគណនីធនាគារពាក់ព័ន្ធអ្នកស្រី ឡេង ចាន់ណា ជិត២០០គណនី និងឱ្យនាំខ្លួនអ្នកពាក់ព័ន្ធ២៤នាក់បន្ថែម

សូមមេត្តាជួយគាំទ្រសារព័ត៌មានឯករាជ្យនៅកម្ពុជា។