TAG
tranlsate
ជនជាតិហ្វាំងឡង់ម្នាក់ និងជនជាតិកាណាដាម្នាក់រងរបួសក្នុងការវាយប្រហារដោយកាំបិតក្នុងក្រុងព្រះសីហនុ
នគរបាលខេត្តព្រះសីហនុ បាននិយាយថ្ងៃនេះថា មានជនជាតិហ្វាំងឡង់ម្នាក់ និងជនជាតិកាណាដាម្នាក់ បានទទួលរងរបួសជាទម្ងន់ពីការវាយប្រហារដោយកាំបិតកាលពីយប់ថ្ងៃព្រហស្បតិ៍នៅក្នុងក្រុងព្រះសីហនុ។
លោក ភុល ភស្តា អធិការក្រុងព្រះសីហនុ បានមានប្រសាសន៍ថា ការកាប់នឹងកាំបិតទៅលើជនរងគ្រោះទាំងពីរនាក់ បានកើតឡើងនៅម៉ោង១១.៣០នាទីយប់ថ្ងៃព្រហស្បតិ៍ក្នុងភូមិសុខសាន្ត សង្កាត់កោះរុ៉ង ក្រុងព្រះសីហនុ ក្នុងពេលដែលពួកគេកំពុងធ្វើការក្នុងហាង។
លោក ភស្តាបានមានប្រសាសន៍ថា "ជនរងគ្រោះត្រូវកាប់ចំក្បាល និងមុខ ធ្វើឲ្យរបួសយ៉ាងធ្ងន់ ហើយបញ្ជូនមកភ្នំពេញ។ យើងមិនទាន់សន្និដ្ឋានថា វាកើតឡើងដោយសារអីទេ"។
តុលាការចោទប្រកាន់កសិករម្នាក់ពីបទចាប់រំលោភក្មួយស្រីរបស់ខ្លួន
មន្ត្រីនគរបាលម្នាក់បាននិយាយកាលពីម្សិលមិញថា សាលាដំបូងខេត្តក្រចេះកាលពីថ្ងៃអង្គារ បានចោទប្រកាន់កសិករម្នាក់ពីបទចាប់រំលោភក្មួយស្រីអាយុ៨ឆ្នាំរបស់ខ្លួនជាច្រើនដងនៅផ្ទះរបស់ខ្លួនក្នុងស្រុកសំបូរ កាលពីខែមុន។
យោងតាមលោក ហួត លឹមហា៊ង នាយការិយាល័យនគរបាលព្រហ្មទណ្ឌកម្រិតធ្ងន់ខេត្តបានឲ្យដឹងថា បុរសឈ្មោះ សួន វួច អាយុ៤៩ឆ្នាំ ត្រូវបានចាប់ខ្លួនកាលពីថ្ងៃច័ន្ទ ពីបទចាប់រំលោភក្មួយស្រីរបស់ខ្លួនបីដងនៅផ្ទះរបស់ខ្លួនស្ថិតក្នុងឃុំកំពង់ចាម កាលពីដើមខែកុម្ភៈ។
លោក លឹមហា៊ង បានមានប្រសាសន៍ថា "តុលាការបានចោទប្រកាន់ជននេះពីបទរំលោភដោយមានស្ថានទម្ងន់ទោស"។ លោកបានបន្ថែមថា សួន វួច ត្រូវបានបញ្ជូនទៅពន្ធនាគារខេត្តកាលពីម្សិលមិញ។
លោក លឹមហា៊ង បានមានប្រសាសន៍ថា បើទោះណាជាជនសង្ស័យរូបនេះបដិសេធការចោទប្រកាន់ក៏ដោយ...