មនុស្សចំនួន១៨៩នាក់ក្នុងយន្តហោះឥណ្ឌូនេស៊ី Lion Airដែលធ្លាក់ចូលសមុទ្រអាចស្លាប់ទាំងអស់

មនុស្សចំនួន១៨៩នាក់ក្នុងយន្តហោះឥណ្ឌូនេស៊ី Lion Airដែលធ្លាក់ចូលសមុទ្រអាចស្លាប់ទាំងអស់ ភ្នាក់ងារជួយសង្រ្គោះរបស់ប្រទេសឥណ្ឌូនេស៊ីឲ្យដឹងថា មនុស្សទាំង១៨៩នាក់ដែលធ្វើដំណើរក្នុងយន្តហោះរបស់ក្រុមហ៊ុនអាកាសចរណ៍ Lion Air ដែលបានធ្លាក់ចូលទៅក្នុងសមុទ្រកាលពីថ្ងៃច័ន្ទ អាចបាត់បង់ជីវិតទាំងអស់។

រហូតមកទល់ពេលនេះ អាជ្ញាធរឥណ្ឌូនេស៊ីបានកំណត់ទីតាំងប្រអប់ខ្មៅទាំងពីររបស់យន្ដហោះធន់ Boeing 737 MAX 8នៃអាកាសចរណ៍ Lion Air នោះហើយខណៈការស្វែងរកសាកសព និងតួយន្តហោះ អាចនឹងត្រូវចំណាយពេលយូរថ្ងៃ។

យន្តហោះនេះបានធ្វើដំណើរពីទីក្រុងហ្សាការតា ទៅកាន់ទីក្រុងPangkal Pinangនៃប្រជុំកោះស៊ូម៉ាត្រា ហើយបានបាត់ចេញពីប្រព័ន្ធរ៉ាដា ហើយត្រូវគេដឹងថា បានធ្លាក់ចូលក្នុងសមុទ្រ។

យន្តហោះប្រភេទBoeing 737ដែលអាចដឹកអ្នកដំណើរដល់ទៅ ២០១នាក់របស់ក្រុមហ៊ុន Lion Air នេះ ទើបតែដឹកចេញពីរោងចក្រផលិតយន្តហោះ នៅទីក្រុង Seatle រដ្ឋ Washington សហរដ្ឋអាមេរិកបាន២ខែប៉ុណ្ណោះ។

យន្តហោះនេះមានតម្លៃ១១៧លានដុល្លារ៕