សួស្តីមិត្តអ្នកអាន និងទស្សនា
គិតមកទល់ពេលនេះមានរយៈពេល ៧ឆ្នាំហើយ ចាប់តាំងពីកាសែត ឌឹ ខេមបូឌា ដេលី បានបិទការិយាល័យរបស់ខ្លួននៅក្នុងទីក្រុងភ្នំពេញ និងបញ្ឈប់ការបោះពុម្ពផ្សាយអត្ថបទជាភាសាអង់គ្លេស ប៉ុន្តែក្នុងរយៈពេលជាង៦ឆ្នាំមកនេះ យើងក៏បានចាប់ផ្តើមផ្សព្វផ្សាយ ឌឹ ខេមបូឌា ដេលី ជាវេទិកា អនឡាញ ដែលផ្ដល់់ឳកាសដល់វាគ្មិនជាភាសាខ្មែរ។ លោកអ្នកនាងបានជ្រាបស្រាប់ហើយថា ស្ទើរតែទាំងអស់នៃសេចក្តីរាយការណ៍ ដ៏ឯករាជ្យរបស់យើង គឺជាភាសាខ្មែរ។
សំឡេងឯករាជ្យរបស់ពលរដ្ឋខ្មែរក្នុងពេលនេះសំខាន់ជាងពេលណាៗទាំងអស់ ស្របពេលដែលរដ្ឋាភិបាលកំពុងបើកយុទ្ធនាការជាទ្រង់ទ្រាយធំមួយ ដើម្បីរាំងខ្ទប់សារព័ត៌មានសេរី និងសារព័ត៌មានឯករាជ្យដែលនៅសេសសល់បន្តិចបន្តួច ក្នុងព្រះរាជាណាចក្រកម្ពុជា។ ពួកគេកំពុងចាប់ខ្លួន អ្នកកាសែត និងប្រើច្បាប់យ៉ាងឃោឃៅដើម្បីបំភិតបំភ័យ ប្រព័ន្ធ ផ្សព្វផ្សាយឯករាជ្យផ្សេងៗទៀត។
ដើម្បីបានព័ត៌មានល្អៗ ដូចជាព័ត៌មានទាន់ហេតុការណ៍ និងសេចក្តីរាយ ការណ៍បែបស៊ីជម្រៅ សេចក្តីរាយការណ៍បែបស៊ើបអង្កេត និងព័ត៌មានបែប វិភាគពីប្រទេសកម្ពុជា គឺយើងត្រូវការកិច្ចខិតខំប្រឹងប្រែង និងធនធានយ៉ាង ច្រើនទៀត។ ដូច្នេះនៅពេលនេះ សារព័ត៌មាន ឌឹ ខេមបូឌា ដេលី ត្រូវការថវិកាប្រចាំឆ្នាំចំនួន ១សែន ដុល្លារ ដើម្បីចំណាយទៅលើការប្រតិបត្តិការផ្នែកផ្សាយព័ត៌មាន ដូចជាអ្នកផ្សព្វផ្សាយព័ត៌មាន អ្នកអានព័ត៌មាន អ្នកយកព័ត៌មាន ការីនិពន្ធ អ្នកថតរូប អ្នកថតវីដេអូ អ្នកកាត់តវីដេអូ និង ថ្លៃគេហទំព័រ។
ប្រឈមមុខនឹងការខ្វះខាតប្រចាំឆ្នាំយ៉ាងច្រើននៅពេលខាងមុខនេះ យើង នៅមានជម្រើសតិចតួចណាស់ក្នុងការផ្តល់ព័ត៌មាន ហេតុដូច្នេះហើយយើងសូមអំពាវនាវដល់បងប្អូនជនរួមជាតិ អ្នកអាន អ្នកទស្សនា និងអ្នកគាំទ្ររបស់យើងមេត្តាជួយបរិចាកសម្រាប់ការបន្តដំណើរទៅមុខនៃការផ្សាយរបស់យើងផង។ សារព័ត៌មាន ឌឹ ខេមបូឌា ដេលី មានអ្នកចូលអាន និងទស្សនាជាង ២លាន ២សែននាក់ ជារៀង រាល់ខែ។
ការបរិច្ចាគត្រឹមតែពីរបីដុល្លាររបស់លោកអ្នក នឹងជួយឲ្យដង្ហើមនៃការផ្សព្វផ្សាយរបស់យើងអាចបន្តទៅមុខ សម្រាប់បុព្វហេតុនៃការបំភ្លឺនូវសច្ចធម៌សង្គម៕