Monday, October 14, 2019
Home Authors Posts by Buth Kimsay

Buth Kimsay

118 POSTS 0 COMMENTS

លទ្ធផល​របស់​ Fresh News ​បង្ក​​ ​”ភាពមិន​ប្រក្រតី​​” ក្នុង​ដំណើរការ​ គ.ជ.ប

កាលពីម្សិលមិញ អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានព្រមានថា គេហទំព័រ Fresh News ដែលគាំទ្ររដ្ឋាភិបាលបានបង្កឱ្យមាន "ភាពមិនប្រក្រតី" តាមរយៈការផ្សាយលទ្ធផលបោះឆ្នោតក្រៅផ្លូវការមុនស្ថាប័នបោះឆ្នោតមួយនេះ។ នៅម៉ោងប្រហែល៩យប់ថ្ងៃអាទិត្យ Fresh News បានបង្ហោះរូបឯកសារមួយដែលអះអាងថា គណបក្សប្រជាជនកម្ពុជាឈ្នះបាន១.១៦៣ឃុំ សង្កាត់ គណបក្សសង្គ្រោះជាតិឈ្នះបាន៤៨២ឃុំ សង្កាត់ ហើយគណបក្សខ្មែររួបរួមជាតិឈ្នះបាន១ឃុំ សង្កាត់។ ក្នុងពេលជាមួយគ្នានេះ គ.ជ.ប បានផ្សាយលទ្ធផលមួយឃុំ សង្កាត់ម្ដងៗតាមកញ្ចក់ទូរទស្សន៍និងគេហទំព័ររបស់ខ្លួន ជាដំណើរការមួយដែលនៅមិនទាន់បញ្ចប់បានបីភាគបួននៅឡើយ បើគិតមកទល់នឹងម៉ោង៦ល្ងាចម្សិលមិញ។ លោក ហង្ស ពុទ្ធា...

គ្រឿងសម្អាង​​​ក្លែងក្លាយ​​​៣០​​​តោន​​​​​​ត្រូវ​​​បាន​​​រឹប​​​អូស​​​នៅ​​​ក្នុង​​​ការ​​​ឆ្មក់​​​បង្ក្រាប​​​​​​​​​ចុង​​​ក្រោយ​​​នៅ​​​ខណ្ឌចំការមន

មន្ត្រីមួយរូបបានលើកឡើងថា កាលពីម្សិលមិញអាជ្ញាធរបានឆ្មក់ចូលផ្ទះមួយផ្សេងទៀតដែលស្តុកសុទ្ធតែគ្រឿងសម្អាងក្លែងក្លាយនៅក្នុងរាជធានីភ្នំពេញ ដោយរឹបអូសបានផលិតផលជាង ៣០តោន ដែលនាំចូលពីប្រទេសជិតខាង ហើយវេចខ្ចប់ជាថ្មីដោយបិទយីហោប្រទេសក្រៅ ។ លោក ទូច យុទ្ធា លេខារងនៃគណៈកម្មា ធិការប្រឆាំងផលិតផលក្លែងក្លាយនៅក្រសួងមហាផ្ទៃបានលើកឡើងថា ផលិតផលគ្រឿងសម្អាង និងឡេទាំងនេះទំនងជានាំចូលពីប្រទេសថៃ និងវៀតណាម ហើយច្រកនៅក្នុងដបថ្មី និងបិទស្ទីកគ័រនាំចូលពីបរទេស ។ លោក ទូច យុទ្ធា បានថ្លែងថា "បន្ទាប់ពីយើងត្រួតពិនិត្យផលិតផលទាំងនេះ បើយើងរកឃើញថា ផលិតទាំងនេះសុទ្ធតែខុសច្បាប់យើងនឹងសរសេរលិខិតផ្ញើទៅតុលាការស្នើសុំបំផ្លាញផលិតផលទាំងនេះចោល" ។ លោកបានបន្ថែមថា "ឡេ និងគ្រឿងសម្អាងទាំងនេះ ផលប៉ះពាល់ធ្ងន់ធ្ងរដល់សុខភាព" ។ លោកឧត្តមសេនីយ៍ត្រី ទូច យុទ្ធា បានលើកឡើងទៀតថា ផលិតផលនៅក្នុងផ្ទះនេះដែលមានទីតាំងស្ថិតនៅក្នុងសង្កាត់ទួលស្វាយព្រៃ១ ខណ្ឌចំការមន គឺជាកម្មសិទ្ធិរបស់ ឈ្មោះ អីុង ទូច ជាបុរសដដែល ដែលឃ្លាំងរបស់គាត់ត្រូវបានឆ្មក់ចូលកាលពីថ្ងៃ...

នគរបាលចាប់​បាន​​​គ្រឿង​​​ញៀន​​​ទម្ងន​​​់​​​ជិត​​​៥០គីឡូក្រាម​​​​នៅ​ភ្នំពេញ​

មន្ត្រីម្នាក់បាននិយាយកាលពីម្សិលមិញថា នគរបាលប្រឆាំងគ្រឿងញៀនដកហូតបានថ្នាំញៀនហេរ៉ូអុីន ម៉ាទឹកកក មេតំហ្វេតាមីនម្សៅ និងគ្រាប់ទម្ងន់ជិត៥០គីឡូក្រាម អំឡុងការឆ្មក់ចាប់ជាច្រើនលើកក្នុងរាជធានីភ្នំពេញនៅសប្ដាហ៍នេះ ដែលតាមការអះអាងថាមានទំនាក់ទំនងទៅនឹងក្រុមជួញដូរគ្រឿងញៀនក្នុងតំបន់។ លោក មាស វិរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀនបានមានប្រសាសន៍ថា ប៉ុន្តែឥឡូវនេះ ក្រុមមេខ្លោងទំនងជាមិនទាន់ចាប់ខ្លួនបាននៅឡើយទេ ខណៈដែលព័ត៌មានអំពីការឆ្មក់ចាប់ទាំងនេះត្រូវបានបែកធ្លាយ ហើយចុះផ្សាយកាលពីម្សិលមិញ ក្នុងកាសែតកោះសន្តិភាព ជាកាសែតចេញផ្សាយប្រចាំថ្ងៃភាសាខ្មែរ។ លោក មាស វិរិទ្ធ បានថ្លែងថា ប្រភពនៃការបែកធ្លាយនេះមិនទាន់កំណត់បាននៅឡើយទេ។ លោកបានមានប្រសាសន៍ថា "យើងកំពុងបន្តស៊ើបអង្កេតនៅឡើយដែលតម្រូវឱ្យមានការសហការពីប្រជាពលរដ្ឋ"។ លោកបន្ថែមថា "គ្រាន់តែដឹងថា វាជាប់ពាក់ព័ន្ធជាមួយមនុស្សរស់នៅក្នុងប្រទេសឡាវ និងប្រទេសថៃ"។លោកបានប៉ាន់ប្រមាណថា ថ្នាំញៀនទាំងនេះអាចមានតម្លៃប្រហែល៥០០.០០០ដុល្លារ។ លោក មាស វិរិទ្ធ មានប្រសាសន៍ថា មន្ត្រីដែលបានចូលរួមនៅក្នុងប្រតិបត្តិការនេះត្រូវបានប្រាប់មិនឱ្យនិយាយទៅកាន់ប្រព័ន្ធផ្សព្វផ្សាយអំពីការឆ្មក់ចាប់នេះឡើយ ដោយសារការស៊ើបអង្កេតកំពុងតែបន្តពាក់ព័ន្ធនឹងក្រុមជួញដូរគ្រឿងញៀនអន្តរជាតិ។ បើទោះជាដូចនេះក្ដី អត្ថបទកាសែតនេះដែលបានចេញផ្សាយកាលពីម្សិលមិញ...

កម្មករ​​​រោងចក្រ​​​កាត់​​​ដេរ​​​ជាង​​​១.០០០នាក់​​​បិទផ្លូវ​​​ដើម្បី​តវ៉ា​​​ទាម​​​ទារ​​​រឿង​​​​បើក​ប្រាក់​​​ខែ​​​​យឺត​​​

មន្ត្រីសហជីពម្នាក់បាននិយាយថា កម្មករជាង១.០០០នាក់មកពីរោងចក្រកាត់ដេរមួយក្នុងក្រុងតាខ្មៅ ខេត្តកណ្ដាល បានបិទផ្លូវសាធារណៈមួយកាលពីម្សិលមិញ តវ៉ាចំពោះការបើកប្រាក់ខែយឺតយ៉ាវ ដែលធ្វើឱ្យពួកគាត់ជួបការលំបាកក្នុងការចំណាយលើម្ហូបអាហារ និងថ្លៃឈ្នួលផ្ទះ។ លោក រ៉ាន់ បូរ៉ា តំណាងសហជីពប្រជាធិបតេយ្យកម្មករកាត់ដេរកម្ពុជាបាននិយាយថា កម្មកររោងចក្រកាត់ដេរ ហ្គាវ័ន្ត មិនទាន់បានបើកប្រាក់ខែរបស់ខ្លួនកាលពីថ្ងៃទី១០ ខែឧសភាដែលជាថ្ងៃបើកប្រាក់ខែតាមទម្លាប់នៅឡើយទេ ហើយបានប្រមូលផ្ដុំគ្នានៅផ្លូវជាតិលេខ២១ក្បែរនោះ ស្ថិតក្នុងសង្កាត់តាខ្មៅ។ លោក រ៉ាន់ បូរ៉ា បាននិយាយថា កម្មករមួយចំនួនបានត្អូញត្អែរពីការគ្មានលទ្ធភាពបង់ប្រាក់កម្មីទៅឱ្យគ្រឹះស្ថានមីក្រូហិរញ្ញវត្ថុដែលមានការប្រាក់ខ្ពស់  និងធ្វើការផាកពិន័យចំពោះការបង់យឺតយ៉ាវ ហើយអ្នកផ្សេងទៀតមានបញ្ហាក្នុងការចំណាយលើរបស់ចាំបាច់សម្រាប់ប្រើប្រាស់ប្រចាំថ្ងៃ និងថ្លៃឈ្នួលផ្ទះជាដើម។ លោកបាននិយាយថា "កម្មករត្រូវការប្រាក់ដើម្បីបង់ថ្លៃឈ្នួលផ្ទះ និងចំណាយលើម្ហូបអាហារ នេះហើយជាមូលហេតុដែលពួកគាត់ចេញមកបិទផ្លូវ ដើម្បីទាមទារឱ្យថៅកែរោងចក្របើកប្រាក់ខែ"។ លោក រ៉ាន់ បូរ៉ា បាននិយាយថា កម្មករបានធ្វើការបិទផ្លូវចាប់ពីម៉ោងប្រហែល៧និង៣០នាទីព្រឹក ដើម្បីធ្វើឱ្យស្ថានភាពរបស់ពួកគាត់បានជ្រួតជ្រាបដល់អាជ្ញាធរ ដែលបន្ទាប់មកអាចដាក់សម្ពាធដល់ថៅកែរោងចក្រគឺអ្នកស្រី...

កសិករ​ចិញ្ចឹម​ជ្រូកនៅ​ក្នុង​ស្រុក​ស្នើ​​​សុំ​ឱ្យ​រដ្ឋាភិបាល​ជួយ​ទប់ស្កាត់​ការ​នាំចូល​ជ្រូក​ពី​បរទេស​

លោក ម៉ុង ឫទ្ធី ឧកញ៉ាផ្នែកកសិឧស្សាហកម្មបានជួបជាមួយរដ្ឋមន្ត្រីក្រសួងកសិកម្មកាលពីម្សិលមិញ ដើម្បីស្វែងរកជំនួយសម្រាប់កសិករចិញ្ចឹមជ្រូកដែលត្អូញត្អែរថា ពួកគាត់ពិបាកប្រកួតប្រជែងនឹងជ្រូកតម្លៃថោកដែលនាំចូលពីប្រទេសវៀតណាម និងប្រទេសថៃ។ លោក ម៉ុង ឫទ្ធី ស្ថាបនិកក្រុមហ៊ុន ម៉ុង ឫទ្ធី គ្រុប ដែលជាក្រុមហ៊ុនកសិឧស្សាហកម្មធំបំផុតនៅក្នុងប្រទេសកម្ពុជា បានជម្រាបប្រាប់លោក វេង សាខុន រដ្ឋមន្ត្រីក្រសួងកសិកម្មថា ជ្រូកលើសតម្រូវការធ្វើឱ្យកសិករចិញ្ចឹមជ្រូកនៅក្នុងប្រទេសកម្ពុជាខាតបង់យ៉ាងច្រើន ដោយធ្វើឱ្យអ្នកមួយចំនួនស្ទើរតែបិទរបរចិញ្ចឹមជ្រូកទៅហើយ។ លោកបានមានប្រសាសន៍ថា "ការជួបនោះនិយាយអំពីប្រជាពលរដ្ឋព្រួយបារម្ភអំពីជ្រូកនាំចូលច្រើនពេក។  អ្នកនាំចូលជ្រូកផ្គត់ផ្គង់ជ្រូកតម្លៃថោកដល់ទីផ្សារកម្ពុជា ហើយតម្លៃនេះធ្វើឱ្យប៉ះពាល់ដល់កសិករចិញ្ចឹមជ្រូកនៅក្នុងស្រុក"។ លោក មាស សុទ្ធ វ័យ៦៣ឆ្នាំ...

ក្រុម​​​តន្ត្រី​​​ជន​​​ពិការ​​​ត្រឡប់​​​ទៅ​​​​ប្រគំ​​​​តន្ត្រី​តាម​​​ផ្លូវ​​​​​​​វិញ​​​ ​ទោះជាមាន​​​បម្រាម

ដោយមិនគោរពតាមបទបញ្ជារបស់រដ្ឋាភិបាលហាមមិនឱ្យប្រគំតន្ត្រីនៅតាមផ្លូវនានាក្នុងរាជធានីភ្នំពេញ មាន ស្រីម៉ិច និងអ្នកចម្រៀងជនពិការមួយចំនួនទៀតនៅតែធ្វើើការប្រគំតាមមហាវិថីព្រះសីហនុកាលពីម្សិលមិញដោយអះអាងថា ពួកគេនៅតែបន្តប្រគំតន្ត្រីដដែល។ អាជ្ញាធរបានប្រឹងប្រែងយ៉ាងខ្លាំងធ្វើយ៉ាងណាហាមមិនឱ្យក្រុមតន្ត្រីជនពិការប្រគំនៅតាមទីសាធារណៈទៀត ដោយលើកឡើងថាគឺដើម្បីសុវត្ថិភាពរបស់ពួកគេ និងដោយសារពួកគេបង្កឱ្យមានការកកស្ទះចរាចរណ៍ ខណៈដែលពួកគេរៃអង្គាសប្រាក់បែបនេះ។ កាលពីដើមឆ្នាំនេះ សាលារាជធានីបានបញ្ជាឱ្យក្រុមតន្ត្រីដែលមានគ្នាប្រហែល២០០នាក់ បែងចែកជាប្រាំក្រុម ហើយកំណត់ឱ្យពួកគេប្រគំនៅតាមទីតាំងចំនួនបីតែប៉ុណ្ណោះ គឺវត្តភ្នំ ទីលានប្រជាធិបតេយ្យ និងសួនមុខវត្តបទុម។ នៅពេលដែលក្រុមតន្ត្រីទាំងនេះមិនយកចិត្តទុកដាក់នឹងបទបញ្ជា ហើយមិនព្រមមកប្រគំនៅតាមកន្លែងដែលបានកំណត់នោះ  កាលពីខែមុនក្រសួងសង្គមកិច្ចបានទិញឧបករណ៍តន្ត្រី និងឧបករណ៍សំឡេងគិតជាទឹកប្រាក់១៥០.០០០ដុល្លារផ្តល់ដល់ក្រុមតន្ត្រីទាំងនេះ។ ក្រសួងក៏បានសន្យាធ្វើការផ្សព្វផ្សាយអំពីការប្រគំរបស់ពួកគេនៅក្នុងទំព័រហ្វេសប៊ុករបស់លោកនាយករដ្ឋមន្ត្រីផងដែរ ប៉ុន្តែវីដេអូឃ្លីបមិនទាន់ចាប់ផ្ដើមផ្សព្វផ្សាយទេ។ លោក ហ៊ុន សែន ក៏បានមានប្រសាសន៍ផងដែរថា លោកនឹងផ្ដល់ប្រាក់ចំនួន១លានរៀល (ប្រហែល២៥០ដុល្លារ) ប្រចាំខែដល់ក្រុមតន្ត្រីទាំងប្រាំ ដើម្បីផ្គត់ផ្គង់សមាជិកក្រុមតន្ត្រីទាំងអស់សម្រាប់ឆ្នាំទី១នៃកម្មវិធីនេះ។ មាន ស្រីម៉ិច អាយុ១៨ឆ្នាំ និង បូ ពុទ្ធា...

ជន​​​រងគ្រោះ​​​ដោយសារ​​​គម្រោង​​​បោក​​​ប្រាស់ដាក់​​​ញត្តិ​​​សុំ​​​ឲ្យ​​​រដ្ឋាភិបាល​​​ជួយ​​​

ជនរងគ្រោះប្រហែល៣០០នាក់ដោយសារគម្រោងបោកប្រាស់បានដាក់ពាក្យបណ្តឹងមកកាន់សាលាដំបូងរាជធានីភ្នំពេញក្រសួងយុត្តិធម៌ និងរដ្ឋសភាកាលពីព្រឹកម្សិលមិញ ដោយស្នើឲ្យរដ្ឋាភិបាលជួយដោះស្រាយការខាតបង់របស់ពួកគេ។ ក្នុងចំណោមពួកគេគឺអ្នកស្រី គល់ គៀម អាយុ៤៦ជាប្រជាពលរដ្ឋមកពីខេត្តកំពង់ធំដែលលើកឡើងថា អ្នកស្រីបានខាតបង់ប្រាក់ប្រហែល២០.០០០ដុល្លារ បន្ទាប់វិនិយោគនៅក្នុងក្រុមហ៊ុន Empire Big Capital (EBC) ជាក្រុមហ៊ុនហិរញ្ញវត្ថុមានមូលដ្ឋាននៅក្នុងទីក្រុងហុងកុងដែលឥឡូវលែងមាន។ អ្នកស្រីបាននិយាយថា "យើងចង់រកយុត្តិធម៌ជូនប្រជាពលរដ្ឋតាមរយៈការយកលុយមកឲ្យពួកគាត់វិញ"។ មនុស្សចំនួន១៤នាក់ត្រូវបានចាប់ខ្លួនកាលពីខែមីថុនា ឆ្នាំ២០១៥ដោយសារមានជាប់ពាក់ព័ន្ធក្នុងការជួយសម្រួលការវិនិយោគរបស់ប្រជាពលរដ្ឋខ្មែរនៅក្នុងក្រុមហ៊ុន EBC មួយខែបន្ទាប់ពីគណៈកម្មាធិការមូលបត្រកម្ពុជាបានចោទប្រកាន់ពួកគេពីបទឆបោក និងដាស់តឿនសាធារណជនកុំឲ្យវិនិយោគនៅក្នុងក្រុមហ៊ុននេះ ឬក្រុមហ៊ុនដែលពាក់ព័ន្ធ។ អ្នកស្រី គល់ គៀម បានលើកឡើងកាលពីម្សិលមិញថា ជនរងគ្រោះមិនដែលបានឃើញប្រាក់ដែលពួកគាត់បានវិនិយោគម្តងទៀតនោះទេ ហើយឥឡូវនេះ អ្នកខ្លះបានបាត់បង់ផ្ទះសំបែង ឬរត់ទៅប្រទេសថៃទៀតផង។ អ្នកស្រីបាននិយាយថា "គ្រប់ៗគ្នាសុទ្ធតែបាត់បង់ដីធ្លី"។ អ្នកស្រីបានបន្តថា "ពួកគាត់ទាំងអស់សុទ្ធតែខ្ចីលុយពីធនាគារ។ឥឡូវនេះខ្ញុំសល់តែសម្បកខ្លួនទេ"។ លោក ឡេង ប៉េងឡុង អ្នកនាំពាក្យរដ្ឋសភាបានលើកឡើងកាលពីម្សិលមិញថា រដ្ឋសភាទទួលបានពាក្យបណ្តឹងហើយ ហើយនឹងស្វះស្វែងជួយជនរងគ្រោះ។ លោកបានមានប្រសាសន៍ថា "ជំហានបន្ទាប់ គឺរដ្ឋសភានឹងពិភាក្សាជាមួយក្រសួងពាក់ព័ន្ធ"។...

ក្រុមតន្ត្រី​​​ជន​​​ពិការ​​​នឹង​​​ទទួល​​​បាន​​​ឧបករណ៍តន្ត្រី​​​​​​ថ្មី​​​ ប៉ុន្តែ​​​បារម្ភពី​​​ទី​​​កន្លែង​​​ដែល​​​កំណត់​​​ឱ្យ​​​​​​

ក្រសួងសង្គមកិច្ចបានទិញឧបករណ៍តន្ត្រី និងឧបករណ៍សំឡេងតម្លៃ១៥០.០០០ដុល្លារសម្រាប់ក្រុមមន្ត្រីជនពិការក្នុងរាជធានីភ្នំពេញដើម្បីបញ្ចុះបញ្ចូលពួកគេឲ្យមកប្រគំនៅកន្លែងដែលបានកំណត់ឱ្យប៉ុន្តែ ពួកគេភាគច្រើនបារម្ភថា កន្លែងដែលបានកំណត់នេះនឹងធ្វើឲ្យការរកចំណូលរបស់ពួកគេមានកម្រិត។ លោក ឯម ច័ន្ទមករា អគ្គលេខាធិការក្រុមប្រឹក្សាសកម្មភាពជនពិការនៃក្រសួងសង្គមកិច្ចបានមានប្រសាសន៍ថា ក្រសួងបានធ្វើពិធីមួយកាលពីម្សិលមិញដើម្បីប្រគល់ឧបករណ៍តន្ត្រីដល់ក្រុមតន្ត្រីចំនួន៥រួមមានហ្គីតា ស្គរ អ័ក និងឧបករណ៍សំឡេងជាដើម ប៉ុន្តែក្រុមតន្ត្រីទាំងនេះមិនទាន់ទទួលបាននៅឡើយទេរហូតដល់ថ្ងៃសុក្រ ទើបទទួលបាន។ កាលពីដើមឆ្នាំនេះសាលារាជធានីបានហាមជនពិការចំនួន១៩៤នាក់់មិនឲ្យប្រគំតន្ត្រីនៅតាមផ្លូវនានាក្នុងរាជធានីភ្នំពេញ ដោយបែងចែកពួកគេជា៥ក្រុម ហើយអនុញ្ញាតឲ្យប្រគំក្នុងកន្លែងតែ៣ប៉ុណ្ណោះ គឺនៅវត្តភ្នំ ទីលានប្រជាធិបតេយ្យ និងសួនមុខវត្តបទុម។ បន្ទាប់ពីមានបម្រាម ក្រុមតន្ត្រីទាំងនេះមិនព្រមមកប្រគំនៅតាមកន្លែងដែលបានកំណត់នោះឡើយ។ លោក ឯម ច័ន្ទមករា បានមានប្រសាសន៍ថា ដើម្បីបំពេញចិត្តពួកគេ ក្រសួងមានគម្រោងថតជាវីដេអូឃ្លីបអំពីការប្រគំរបស់ពួកគេមួយដងក្នុងមួយសប្តាហ៍បង្ហោះក្នុងទំព័រហ្វេសប៊ុករបស់លោកនាយករដ្ឋមន្ត្រី ហ៊ុន សែន ហើយបង្កើតកន្លែងពិសេសសម្រាប់ពួកគេប្រគំនៅរាល់ចុងសប្តាហ៍។ លោក ទូច សារ៉ាត់ តន្ត្រីករជនពិការដែលមានអាយុ៣០ឆ្នាំបាននិយាយថា ក្រុមរបស់លោកនឹងត្រូវហាត់ជាមួយឧបករណ៍ទំនើបមុនពេលត្រឡប់មកប្រគំវិញ ហើយលោកនៅតែគ្មានជំនឿថា ក្រុមរបស់ខ្លួននឹងអាចរកចំណូលបានច្រើនឡើយ។ លោកបានថ្លែងថា "ប្រសិនបើយើងមិនអាចរកប្រាក់ដើម្បី ផ្គត់ផ្គង់ក្រុមរបស់យើងបានទេនោះ យើងនឹងរកដំណោះស្រាយថ្មី ប៉ុន្តែ ខ្ញុំមិនដឹងថា ដំណោះស្រាយនោះយ៉ាងណាឡើយ"។ សម្រាប់ឆ្នាំទី១នៃកម្មវិធីនេះ លោកនាយករដ្ឋមន្ត្រីនឹងផ្តល់ប្រាក់ចំនួន១លានរៀល (ប្រហែល ២៥០ដុល្លារ) ក្នុង១ខែៗដល់ក្រុមតន្ត្រីទាំង៥ដើម្បីឧបត្ថម្ភតន្ត្រីករ។ បន្ថែមពីលើនេះ ក្រសួងក៏នឹងស្វែងរកអ្នកសហការឧបត្ថម្ភដូចជាក្រុមហ៊ុនទូរស័ព្ទចល័តជាដើម។ លោក ឯម ច័ន្ទមករា បានមានប្រសាសន៍ថា "យើងចង់ឃើញពួកគេប្រគំតន្ត្រីដោយមានអ្នកឧបត្ថម្ភដូចជាការប្រគំតន្ត្រីធម្មតាទៀតអ៊ីចឹងដែរ។ យើងមិនចង់ឃើញពួកគេប្រគំរបៀបជាអ្នកសុំទានអ៊ីចឹងទេ ប៉ុន្តែ យើងចង់ឃើញពួកគេប្រគំដើម្បីបង្ហាញពីសមត្ថភាពរបស់ខ្លួន"។ លោក ឯម ច័ន្ទមករា បានមានប្រសាសន៍ថា តន្ត្រីករទាំងអស់ក៏អាចប្រើប្រាស់ឧបករណ៍ថ្មីទាំងនេះតាមវិធីរកកម្រៃ ដោយការជួលទៅឲ្យក្រុមតន្ត្រីផ្សេង ឬក៏ប្រគំក្នុងលក្ខណៈគេជួលផងដែរ៕ សារុន

ក្មេងស្រី​​​ម្នាក់ត្រូវ​​​គេ​​​ចាប់ពង្រត់ក្នុង​​​រាជធានី​​​​​​ តែមាន​​​របាយការណ៍​​​លើកឡើង​​​​​​ខុសគ្នា​​​​​ពី​​​ជន​​​សង្ស័យ​​​

ក្មេងស្រីជនជាតិវៀតណាមអាយុ៤ឆ្នាំម្នាក់ត្រូវបានចាប់ពង្រត់នៅខាងក្រៅផ្ទះរបស់ នាងស្ថិតនៅសង្កាត់ជ្រោយចង្វាររាជធានីភ្នំពេញកាលពីម្សិលមិញ ដោយឈានទៅដល់ការប្រកាសផ្តល់រង្វាន់ជាប្រាក់ចំនួន៥០០ដុល្លារចំពោះការនាំនាងត្រឡប់មកវិញដោយសុវត្ថិភាព និងមានរបាយការណ៍ខុសគ្នារវាងមន្ត្រីនគរបាល និងអង្គការមិនមែនរដ្ឋាភិបាលពាក់ព័ន្ធជនសង្ស័យចាប់ពង្រត់នេះ។ លោក Eric Meldrum  ប្រធានផ្នែកសើុបអង្កេតនៅអង្គការ Agape International Missions បានមានប្រសាសន៍ថា ស្ត្រីដើរសុំទានម្នាក់ដែលគេជឿថា ជាជនជាតិវៀតណាមដែរនោះបានចាប់ក្មេងស្រីនេះឈ្មោះ គង់ វណ្ណដា នៅម៉ោងប្រហែល១០ព្រឹកពីសង្កាត់ ស្វាយប៉ាកកន្លែងដែលធ្លាប់មានឈ្មោះមិនល្អខាងពេស្យាចារ។ លោក Meldrumបានសរសេរតាមអីុម៉េលផ្ញើទៅកាន់ប្រព័ន្ធផ្សព្វផ្សាយថា ជនសង្ស័យនេះបានដើរសុំខោអាវចាស់តាមផ្ទះ ហើយខណៈដែលជីដូនរបស់ក្មេងស្រី វណ្ណដា ទៅយកខោអាវឲ្យនាង ជនសង្ស័យរូបនេះបាននាំក្មេងស្រី វណ្ណដា ទៅបាត់ពីមុខផ្ទះតែម្តងនៅពេលនោះ"។ ទោះជាយ៉ាងណា លោក ហឹុម គឹមសាន្ត នាយប៉ុស្តិ៍សង្កាត់ស្វាយប៉ាក បានមានប្រសាសន៍ថា ឪពុកម្តាយក្មេងស្រីរូបនេះបានលែងលះគ្នា ហើយបុរសជាឪពុកប្រហែលជាប់ពាក់ព័ន្ធក្នុងការចាប់ពង្រត់នាង។ លោកបានមានប្រសាសន៍ថា "យើងសង្ស័យថា...

បុរស​​​ដែល​​​អ្នកភូមិ​​​ចោទថា ចេះ​​​អំពើ​​​អាប​​​ធ្មប់​​​​​​បានដាក់​​​ពាក្យ​​​បណ្តឹង​​​​​ប្តឹង​​​អ្នកភូមិ​​​ និង​​​ទាមទារ​​​សំណង

នគរបាលស្រុកបានបញ្ជាក់កាលពីម្សិលមិញថា បុរសម្នាក់ដែលត្រូវបានបណ្តេញឱ្យ ចេញពីផ្ទះរបស់ខ្លួនក្នុងខេត្តកំពង់ស្ពឺបន្ទាប់ពីអ្នកភូមិចោទថា គាត់ចេះអំពើអាបធ្មប់នោះ បានដាក់ពាក្យបណ្តឹងព្រហ្មទណ្ឌ ប្តឹងអ្នកភូមិ៨នាក់។ ពួកគេបានបន្ថែមថា ខ្លួនបានបង្វែរ ពាក្យបណ្តឹងនេះទៅសាលាដំបូងខេត្ត។ បើយោងលោក ទុយ ថេន អធិការនគរបាលស្រុកគងពិសីបានឱ្យដឹងថា ពាក្យបណ្តឹងនេះត្រូវបានប្តឹងកាលពីចុងសប្តាហ៍មុនដោយលោក និល សុខា អាយុ៤៥ឆ្នាំ ចោទអ្នកភូមិ៨នាក់ថា បានប៉ុនប៉ងសម្លាប់គាត់ និងក្រុមគ្រួសាររបស់គាត់ ព្រមទាំងបំផ្លាញផ្ទះសំបែងរបស់គាត់ និងធ្វើឲ្យបាត់ឯកសារគ្រួសារដ៏មានតម្លៃទៀតផង។ អ្នកភូមិប្រហែល១៥០នាក់បានព័ទ្ធផ្ទះលោក និល សុខា ស្ថិតក្នុងឃុំមហាឫស្សីស្រុកគងពិសីកាលពីថ្ងៃទី១៥ខែមេសា ក្នុងនោះ មានខ្លះប្រដាប់ដោយអាវុធ និងខ្លះទៀតបានគប់ដំុថ្មទាមទារឲ្យគាត់ចាកចេញពីភូមិនេះ ពីព្រោះពួកគេជឿថា គាត់ជាអ្នកចេះអំពើអាបធ្មប់។ លោក និល សុខា បាននិយាយកាលពីម្សិលមិញថា "ខ្ញុំចង់ឲ្យតុលាការរកយុត្តិធម៌ជូនខ្ញុំហើយបានទាមទារសំណងចំនួន៣០.០០០ដុល្លារចំពោះការបំផ្លាញទ្រព្យសម្បត្តិរបស់ខ្ញុំ"។ ស្រុកគងពិសីគេឃើញមានការចោទប្រកាន់ជាច្រើនទាក់ទងអ្នកចេះអំពើអាបធ្មប់ ដែល ឈានទៅដល់ការបណ្តេញដោយបង្ខំ ឬការសម្លាប់កាលពីឆ្នាំមុន រួមមានពីរករណីក្នុងខែមុនផងដែរ។មន្ត្រីស្រុកបានរៀបចំសិក្ខាសាលាក្នុងឃុំមួយចំនួនក្នុងស្រុកនេះដើម្បី អប់រំអ្នកភូមិ និងព្យាយាមទប់ស្កាត់បញ្ហានេះ។ យោងតាមលោក ទុយ ថេន បានឲ្យដឹងថា លោក និល សុខា បានទូរស័ព្ទទៅមន្ត្រីនគរបាលស្រុកកាលពីព្រឹកម្សិលមិញ ហើយបានសំណូមពរឲ្យមន្ត្រីទាំងនោះចាត់វិធានការឲ្យបានឆាប់។ លោកបានថ្លែងថា "គាត់ចង់ឲ្យតុលាការធ្វើការលើពាក្យបណ្តឹងនេះឲ្យបានឆាប់បំផុតព្រោះគាត់បារម្ភអំពីសុវត្ថិភាពរបស់គាត់"។ លោកបានបន្ថែមថា ក្រុមមន្ត្រីបានបញ្ជូនពាក្យ បណ្តឹងនេះទៅតុលាការកាលពីចុងសប្តាហ៍មុន នៅថ្ងៃតែមួយដែលលោក និល សុខា បានដាក់ពាក្យបណ្តឹង។ មន្ត្រីសាលាដំបូងខេត្តកំពង់ស្ពឺម្នាក់បានបដិសេធមិនធ្វើអត្ថាធិប្បាយថា...