សត្វស្វា

អាជ្ញាធរ​ជាតិ​អប្សរា អំពាវនាវ​ឲ្យ​សាធារណជន​ទាំងអស់​បញ្ឈប់​ការ​ផ្តល់​ចំណី ចៀសវាង​ប៉ះពាល់ ឬ​លេង​ជាមួយ​សត្វ​ស្វា​នៅ​ក្នុង​តំបន់​អង្គរ ដោយសារតែ​ស្វា​មាន​ចរិត​កាច និង​បង្ក​ជា​របួស​ស្នាម​ទៅ​ដល់​ភ្ញៀវ​ទេសចរ។ យោង​តាម​សេចក្ដី​ប្រកាស​ព័ត៌មាន​ចេញ​ផ្សាយ​នៅ​ថ្ងៃទី​៤ ខែ​កុម្ភៈ នេះ អាជ្ញាធរ​ជាតិ​អប្សរា ឲ្យ​ដឹង​ថា រយៈកាល​ថ្មីៗ​នេះ ចំនួន​សត្វ​ស្វា​នៅ​ក្នុង​តំបន់​រមណីយដ្ឋាន​អង្គរ​មាន​ការ​កើន​ឡើង​គួរ​ឱ្យ​កត់សម្គាល់។ បច្ចុប្បន្ន តាមរយៈ​ការ​ផ្តល់​ចំណី​ជា​ប្រចាំ​ពី​ក្រុម​បុគ្គល​មួយ​ចំនួន​តូច​ក្នុង​គោលបំណង​ផលិត​មាតិកា​ជា​ប្រយោជន៍​ផ្ទាល់ខ្លួន បាន​ផ្លាស់ប្ដូរ​ទម្លាប់​រស់នៅ​បែប​ធម្មជាតិ​នៃ​សត្វ​ស្វា ពី​សត្វ​ព្រៃ ទៅ​ជា​សត្វ​ស្រុក ដែល​មាន​ចរិត​កាច ចេះ​ដណ្ដើម​ចំណី និង​ឈាន​រហូត​ដល់​ការ​បង្ក​ជា​របួស​ស្នាម​ទៅ​លើ​មនុស្ស ជាដើម។ អាជ្ញាធរ​ជាតិ​អប្សរា បាន​ទទូច​ដល់​សាធារណជន ភ្ញៀវ​ទេសចរ​ជាតិ-អន្តរជាតិ មគ្គុទ្ទេសក៍​ទេសចរណ៍...