Monday, September 16, 2019
Home Authors Posts by Chris Mueller

Chris Mueller

69 POSTS 0 COMMENTS

បន្ទាប់​ពី​ការ​ចាប់​ខ្លួន អង្គការ​បរិស្ថាន​ការពារវីធីសាស្ត្រ​​របស់​ខ្លួន

នៅពេល​កូន​ប្រុស​របស់​អ្នក​ស្រី សម សំណាង បាន​សម្រេច​ចិត្ត​ចូលរួម​ក្នុង​ជួរ​អង្គការ​ក្រៅ​រដ្ឋាភិបាល ជា​អង្គការ​បរិស្ថាន​ឈ្មោះ​ថា មាតា​ធម្មជាតិ អ្នក​ស្រី​ដឹង​រួច​ហើយ​ថា កូន​ប្រុស​នឹង​មាន​បញ្ហា​ជា​មិន​ខាន។ អ្នក​ស្រី​សំណាង បាន​និយាយ​កាលពី​ថ្ងៃ​អង្គារ​ថា "ខ្ញុំតែងតែ​ព្រួយ​បារម្ភ​អំពី​សុវត្ថិភាព​របស់​កូន​ប្រុស​របស់​ខ្ញុំ នៅ​ពេល​វា​ធ្វើការ​ឲ្យ​អង្គការ​មាតា​ធម្មជាតិ ពីព្រោះ​ខ្ញុំ​គិត​ថា វា​អាច​ត្រូវ​គេ​ចាប់​ខ្លួន​នៅ​ថ្ងៃ​ណាមួយ​ជា​មិន​ខាន"។ “អាជ្ញាធរ​មិន​សប្បាយ​ចិត្ត​នឹង​អង្គការ​នេះ​ទេ ពីព្រោះ​ពួកគេ​កំពុង​ព្យាយាម​រារាំង​ពលរដ្ឋ​ពី​ការ​រក​ប្រាក់​ចំណូល​ពី​ធនធាន​ធម្មជាតិ"។ ការ​ព្រួយ​បារម្ភ​របស់​អ្នក​ស្រី​សំណាង បង្ហាញ​ឲ្យ​ឃើញ​ថា មាន​ហេតុផល​ច្បាស់​លាស់។ កូនប្រុស​របស់​អ្នក​ស្រី​ឈ្មោះ ទ្រី សុវិគា អាយុ​២៥​ឆ្នាំ ត្រូវ​បាន​ចាប់​ខ្លួន​កាលពី​សប្តាហ៍​មុន​រួម​ជាមួយ​នឹង​សកម្មជន​មាតា​ ធម្មជាតិ​ពីរ​នាក់​ផ្សេង​ទៀត គឺ ស៊ុន ម៉ាឡា...

នាយក​​​ដ្ឋាន​​​ជន​​​ភៀស​​​ខ្លួន​​​ប្រកាស​​ថា​មិន​ដឹង​ ខណៈ​​​ចំនួន​​​ជន​​​ជាតិ​​​ភាគ​​​តិច​​​ម៉ុង​​​តាញ៉ា​​​កើន​​​ឡើង​​​ទ្វេ​ដង​​​

ចំនួន​​​អ្នក​​​ស្វែង​​​រក​​​សិទ្ធិ​​​ជ្រក​​​កោន​​​ជន​​​ជាតិ​​​ភាគ​​​តិច​​​ម៉ុង​​​តាញ៉ា​​​នៅ​ក្នុង​​​រាជធានី​​​ភ្នំពេញ​​​​​​បាន​​​កើន​​​ឡើង​​​ទ្វេ​​​ដង​​​ក្នុង​​​រយៈ​​​ពេល​​​ពីរ​​​ខែ​​កន្លង​​​​មក​​​នេះ​​​​​​ ដោយ​​​អង្គការ​​​សហប្រជា​​​ជាតិ​​​បាន​​​លើក​​​ឡើង​​​កាល​​​ពីម្សិលមិញ​​​ថា ឥឡូវ​​​នេះ​​​​​​មាន​​​ជន​​​ជាតិ​​​ភាគ​​​តិច​​​ម៉ុង​​​តាញ៉ា​​​​​​ជាង​​​២០០​​​​​​នាក់​​​ហើយ​​​នៅ​​​ក្នុង​​​រាជធានី​​​ ប៉ុន្តែ​​​នាយក​​​ដ្ឋាន​​​ជន​​​ភៀស​​​ខ្លួន​​​​​​បាន​​​បដិសេធ​ជា​ថ្មី​ម្ដង​ទៀត​​​​​ថា ខ្លួន​មិន​ដឹង​ទេ​ចំពោះ​​​​​​​ក្រុម​​​នេះ​​​។ លោក​​​ស្រី វ៉ានហៀ លី​​​ តំណាង​​​ប្រចាំ​​​ប្រទេស ​​​នៃ​​​ការិយាល័យ​​​ឧត្តម​​​ស្នង​​​ការ​​​អង្គការ​​​​​​សហប្រជា​​​ជាតិ​​​ទទួល​​​បន្ទុក​​​ជន​​​ភៀស​​​ខ្លួន ​​​(UNHCR) បាន​​​លើក​​​ឡើង​​​នៅ​​​ក្នុង​​​អីុ​​​ម៉េល​​​មួយ​​​ថា នាយក​​​ដ្ឋាន​​​ជន​​​ភៀស​​​ខ្លួន​​​នៃ​​​ក្រសួង​​​មហាផ្ទៃ​​​នៅ​​​​មិន​​ទាន់​​​​ចុះ​​​ឈ្មោះ​​​​​​អ្នក​​​ស្វែង​​​រក​​​សិទ្ធិជ្រក​​​​​​កោន​​​ជនជាតិភាគតិច​ម៉ុង​​​តាញ៉ា​​​ចំនួន​​​២១៩​​​នាក់​​​នៅ​​​ឡើយ​​​ទេ​​​។ ទោះ​​​បី​​​ជា​​​ចំនួន​​​ជន​​​ជាតិ​​​ភាគ​​​តិច​​​ម៉ុង​​​តាញ៉ា​​​​​​​​​ជា​​​ជ​​​ន​​​ជាតិ​​​ដើម​​​ភាគ​​​តិច​​​មក​​​ពី​​​ប្រទេស​​​វៀត​​​ណាម​​​​​​ដែល​​​សមាជិក​​​នៃ​​​ក្រុម​​​នេះ​​​អះ​​​អាង​​​ថា ខ្លួន​​​គេច​​​ខ្លួន​​​ពី​​​ការ​​ធ្វើ​​​ទុក្ខ​​​បុក​​​ម្នេញ​​​ផ្នែក​​​សាសនា​​​ ​​​និង​​​នយោបាយ​​​ពី​​​សំណាក់​​​រដ្ឋាភិបាល​​​ក្រុង​​​ហាណូយ​​​ បាន​​​​​​កើន​​​ឡើង​​​ជា​​​បន្ត​​​បន្ទាប់​​​ក្តី​​​ តែ​​​កាល​​​ពី​​​ម្សិលមិញ​​​នាយក​​​ដ្ឋាន​​​ជន​​​ភៀស​​​ខ្លួន​​​បាន​​​លើក​​​ឡើង​​​ម្តង​​​ទៀត​​​ដូចអ្វីដែលខ្លួន​​​ធ្លាប​​់​​​បាន​លើកឡើងជាច្រើន​ខែមកនេះ​​​​ថា ខ្លួន​​​មិន​​​ដឹង​​​អំពី​​​វត្ត​​​មាន​​​របស់​​​ក្រុម​​​នេះ​​​នៅ​​​ក្នុង​​​រាជធានី​​​ឡើយ​​​​​​។ លោក​​​ តាន់ សុវិជ្ជា ប្រធាន​​​នាយក​​​ដ្ឋាន​​​ជន​​​ភៀស​​​ខ្លួន​​​ដែល​​​ទើប​​​តែ​​​តែង​​​តាំង​​​ថ្មី​​​​​​បាន​​​មាន​​​ប្រសាសន៍​​​​នៅ​​​ពេល​​​ត្រូវ​​​បាន​​​សាក​​​សួរ​​​អំពី​​​ជន​​​ជាតិ​​​ភាគ​​​តិច​​​ម៉ុង​​​តាញ៉ា​​​ចំនួន​​​២១៩​​​នាក់​​​​​ថា "ខ្ញុំ​​​មិន​​​ដឹង​​​ទេ​​​​​​"។ លោក​​​ក៏​​​បាន​​​អះ​​​អាង​​​ផង​​​ដែរ​​​ថា  UNHCR ​​​​​មិន​​បាន​​​​ទាក់​​​ទង​​​នាយក​​​ដ្ឋាន​​​របស់​​​លោក​​​អំពី​​​ការ​​​ចុះឈ្មោះ​​​អ្នក​​​ស្វែង​​​រក​​​ឯកសារ​​​ឡើយ​​​។ បុគ្គលិក​​​ UNHCR មួយ​​​រូប​​​ប្រចាំ​​​រាជ​​​ធានី​​​ភ្នំពេញ​​​ ដែល​ស្នើ​​​សុំ​​​មិន​​​បញ្ចេញ​​​​​​ឈ្មោះ​​​ព្រោះ​​​​​​ខ្លួន​​​មិន​​​ត្រូវ​​​បាន​​​អនុញ្ញាត​​​ឲ្យ​​​និយាយ​​​ជាមួយ​​​ប្រព័ន្ធ​​​ផ្សព្វ​​​ផ្សាយ​​​បាន​​​លើក​​​ឡើង​​​ថា អង្គការ​​​សហប្រជា​​​ជាតិ​​​ព្យាយាម​​​​​​ចុះ​​​ឈ្មោះ​​​ក្រុម​​​អ្នក​​​ស្វែង​​​រក​​​សិទ្ធិ​​​ជ្រក​​​កោន​​​នី​​​មួយ​​​ៗ​​​ ខ​​ណៈ​​​ពួក​​​គេ​​​មក​​​ដល់​​​រាជ​​​ធានី​ ​​​រួម​​​ទាំង​​​អ្នក​​​ស្វែង​​​រក​​​សិទ្ធិ​​​ជ្រក​​​កោនពីរនាក់​​​​ ដែល​​​ធ្វើ​​​ដំណើរ​​​ពី​​​ខេត្ត​​​រតនគិរី​​​មក​​​ដល់​​​ភ្នំពេញ​​​កាល​​​ពី​​​ព្រឹក​​​ម្សិលមិញ​​​ផង​​​ដែរ​​​។ លោក​​​បាន​​​មាន​​​ប្រសាសន៍​​​ថា " UNHCR ​​​បាន​​​ស្នើ​​​ឲ្យ​​​នាយក​​​ដ្ឋាន​​​ជន​​​ភៀស​​​ខ្លួន​​​ចុះ​​​បញ្ជី​​​អ្នក​​​ទាំង​​​នោះ​​​ដើម្បី​​​ទទួល​​​បាន​​​សិទ្ធិ​​​ជ្រក​​​កោន​​​នៅ​​​ក្នុង​​​ប្រទេស​​​ទី​​​៣​​​ជា​​​ច្រើន​​​លើក​​​ច្រើន​​​សា​​​មក​​​ហើយ​​​ ប៉ុន្តែ ពួក​​​គេ​​​បាន​​​បដិសេធ​​​"។ លោក ­ខៀវ​​​ សុភ័គ...

សមាជិក​សភានិង​ NGO ​ចង់​ឲ្យ​រដ្ឋាភិបាល​ស៊ើប​អង្កេត​​ការ​បូម​ខ្សាច់

ខណៈ​​​ដែល​​​អង្គការមិនមែន​​​រដ្ឋាភិបាល​​​ការ​​​ពារ​​​បរិស្ថាន​​​បាន​​​ធ្វើ​​​សន្និសីទ​​​កាសែត​​​មួយ​​​ក្នុង​​​រាជ​​​ធានីភ្នំពេញ​​​កាល​​​ពីម្សិលមិញ ដើម្បី​​​បង្ហាញភ័ស្តុ​​​តាង​​​ប្រឆាំង​​​ក្រុមហ៊ុន ដែល​​​ខ្លួន​​​​​​ចោទ​​​ថា បាន​​​បូម​​​ខ្សាច់​​​ដោយ​​​ខុស​​​ច្បាប់​​​ពីពាម​​​មួយ​​​ក្នុង​​​ខេត្ត​​​កោះ​​​កុង​​​នោះ​​​ លោក ​​​សុន ឆ័យ ​​​សមាជិក​​​​​​សភា​​​គណ​បក្ស​​​ប្រឆាំង​​​បាន​​​អំពាវ​​​នាវ​​​ឲ្យ​​​លោក​​​នាយក​​​រដ្ឋ​​​មន្ត្រី  ហ៊ុន ​​​សែន ​​​ចេញ​​​​​​បញ្ជា​​​ឲ្យ​​​មាន​​​ការ​​​សើុប​​​អង្កេត​​​អំពី​​​របាយ​​​ការណ៍​​​​​​បូម​​​ខ្សាច់​​​ដែល​​​មិន​​​មាន​​​ការ​​​ត្រួត​​​ពិនិត្យ​​​។ រយៈ​​​ពេល​​​ជាង​​​ពីរ​​​ខែមកហើយ​​​ អង្គ​​​ការ​​​មាតា​​​ធម្មជាតិ​​​ជា​​​អង្គការ​​​មិន​​​មែន​​​រដ្ឋាភិបាល​​​បាន​​​និង​កំពុង​សហការ​​​ជា​​​មួយ​​​សហគមន៍​​​ដែល​​​ភាគ​​​ច្រើន​​​ជា​​​អ្នក​​​នេសាទ​​​នៅ​​​ក្នុង​​​ស្រុក​​​បទុម​​​​​​សាគរ​​​ខេត្ត​​​កោះ​​​កុង ​​​ដើម្បី​​​បណ្តេញ​​​សាឡង់​​​បូម​​​ខ្សាច់​​​ជា​​​ច្រើន​​​គ្រឿង​​​ដែល​​​ប្រតិ​​​បត្តិ​​​​​​​​​ ដោយ​​​ក្រុម​​​ហ៊ុន Rainbow International និង ​​​ក្រុម​ហ៊ុន​​​ Direct Access ។ ក្រុមហ៊ុនទាំង​​​ពី​​​រនេះ​​​ត្រូវ​​​បាន​​​ចោទ​​​ប្រកាន់​​​ ថា បាន​​​ធ្វើឲ្យ​កខ្វក់​ទឹក​​​​ពាម​​​​​​​អណ្តូង​​​ទឹកចាប់​​​តាំង​​​ពី​​​ឆ្នាំ​​​២០០៩​​​ បណ្តាល​​​ឲ្យ​​​បាក់​​​ច្រាំង​​​ទន្លេ​​​និង​​​បំផ្លា​​​ញ​​​ចំនួន​​​​ត្រី និង​​​ក្តាម​​​ ដែល​​​អ្នក​​​ភូមិ​​​​​​អាស្រ័យផល​​​​។ អំឡុង​​​សន្និសីទ​​​កាសែត​​​កាល​​​ពីម្សិល​​​មិញ ​​​លោក ស៊ុន ម៉ាឡា សហស្ថាបនិក​​​អង្គការ​​​មាតា​​​​​​ធម្មជាតិ​​​បាន​​​មាន​​​ប្រសាសន៍​​​ថា ក្រុម​​​ហ៊ុន​ ​​Rainbow...

ប្រទេស​​​កម្ពុជា​ ស្នើ​ឲ្យ​នគរ​បាល​អន្តរ​​​ជាតិ​​​អាំងទែប៉ូល​ជួយតាម​​ប្រមាញ់​​​​មេខ្លោង​​គ្រឿង​ញៀនដ៏ធំ

មន្ត្រី​​បាន​ឲ្យ​ដឹង​កាលពី​ម្សិលមិញ​ថា បុរស​ជនជាតិ​ខ្មែរ​​ម្នាក់​​ត្រូវ​បាន​កត់​ត្រា​ចូល​ក្នុង​បញ្ជី​​ឈ្មោះ​ឧក្រិដ្ឋជន​​ដែល​សមត្ថកិច្ច​ចង់​​ចាប់​ខ្លួន​បំផុត​របស់​នគរ​បាល​អាំងទែប៉ូល ហើយ​គេ​គិត​ថា ​ជន​នេះ​កំពុង​លាក់​ខ្លួន​នៅ​ក្នុង​ប្រទេស​ឡាវ ឬភូមា​ បន្ទាប់ពី​​គេច​ពី​នគរ​បាល​​កាលពី​ខែ​មុន នៅ​ពេល​នគរ​បាល​ព្យាយាម​តាម​ចាប់​ខ្លួន​​ពីបទ​ដឹកនាំ​ក្រុម​ជួញដូរ​ថ្នាំញៀន​​អន្តរ​ជាតិ​​មួយ​ដែល​​មាន​ទឹក​ប្រាក់​​ជា​ច្រើន​​លាន​ដុល្លារ​។ ​លោក លឹម សុខារស្មី ប្រធាន​ស្ដីទី​នៃ​ការិយា​ល័យ​នគរ​បាល​អាំងទែប៉ូល​កម្ពុជា ​លើក​ឡើង​​​ថា នគរ​បាល​អាំងទែប៉ូល​​​​បាន​ចេញ​និវេទន៍​​ក្រហម​​តាម​ចាប់​ខ្លួន​បុរស​ឈ្មោះ ដាំ ញ៉ា អាយុ​​​៥៣​ឆ្នាំ ​កាលពី​ពីរ​សប្ដាហ៍មុន​ ប៉ុន្តែ​​មិន​ចាំ​​ច្បាស់​​​ថា​ពេល​ណា​ឲ្យ​ប្រាកដ​ទេ​។ លោក​បាន​មាន​ប្រសាសន៍​ថា "​ជន​នេះ​​ ​ នៅ​ក្នុង​​ករណី​​​​ជួញដូរ​ថ្នាំ​មេតំ​ហ្វេតាមីន​ទម្ងន់​៥៥​គីឡូក្រាម​ ដែលនគរ​បាល​​​បាន​រឹបអូស​នៅ​ក្នុង​រាជធានី​ភ្នំពេញ"។ សាលា​ដំបូង​រាជធានី​ភ្នំពេញ​បាន​ចេញ​ដីកា​​​​តាម​​ចាប់​ខ្លួន​ជន​នេះ​​កាលពី​ចុង​ខែ​មិថុនា ដើម្បី​​​​នាំខ្លួន​មក​សាកសួរ​អំពី​ក្រុម​ជួញដូរ​គ្រឿង​ញៀន​ ដែល​នគរ​បាល​បាន​បង្ក្រាប​ប៉ុន្មាន​ថ្ងៃ​មុន​ពេល​ចេញ​ដីកា​។ ប៉ុន្តែ​នៅ​ពេល​នគរ​បាល​​​​​ឆ្មក់ចូល​ផ្ទះ​របស់​​បុរស​រូប​នេះ​​​ក្នុង​ខេត្ត​ស្ទឹង​ត្រែង បុរស​រូប​នេះ​បាន​គេច​ខ្លួន​​បាត់ ហើយ​បាន​​បាត់​ខ្លួន​តាំង​ពី​ពេល​នោះ​មក​។ លោក ម៉ក់ ជីតូ អគ្គស្នង​ការ​រង​នគរ​បាល​ជាតិ​​បាន​លើក​ឡើង​កាលពី​ម្សិលមិញ​ថា នគរ​បាល​ជឿជាក់​ថា...

ចុង​បញ្ចប់​នៃ​ផ្លូវ

ស្រុក​ឧត្តុង្គ, ខេត្ត​កំពង់ស្ពឺ-បណ្តាំ​ចុង​ក្រោយ ជា​អក្សរ​ខ្មែរ​តែ​ប្រាំ​បន្ទាត់​សរសេរ​ច្រងាច់​ច្រងូវ​ជា​ទឹក​ថ្នាំ​ពណ៌​មាស​លើ​សន្លឹក​សៀវភៅ​កត់ត្រា។ ការ​សរសេរ​នោះ​មាន​ន័យ​ថា "បណ្តាំ​ចុង​ក្រោយ ១ ឡាន​លក់​ឲ្យ​ថ្លៃ​បេតុង។ ២ យក​លុយ​ពី​ លី អូន ​[ផ្សារ]​ព្រៃ​ផ្តៅ​១.០០០​ដុល្លារ ឲ្យ​លោក​គ្រូ​ចំរើន​ថ្លៃ​ថ្ម"។ បណ្តាំ​នេះ​បាន​បញ្ចប់​ដោយ​ពាក្យ "លា​ហើយ​ៗៗៗៗ"។ កាលពី ​ថ្ងៃ​ទី​២៩​ខែ​មិថុនា ប៉ូលិស​បាន​រក​ឃើញ​សារ​នេះ​នៅ​ជិត​ដប​ថ្នាំ​សម្លាប់​សត្វ​ល្អិត​ទទេ​មួយ​ ក្នុង​បន្ទប់​ព្រះតេជគុណ ពូន វ៉ាន់អាត ចៅ​អធិការ​វត្ត​ដែល​ពុទ្ធ​បរិស័ទ​ចូលចិត្ត នៅ​វត្ត​ស្រះ​ឃ្លាំង ក្នុង​ឃុំ​ពាំង​ល្វា។

រដ្ឋា​​​ភិបាល​​​ថៃ​​​ពន្យារ​​​​​​ពេល​​​កំណត់​​​សម្រាប់​​​ប័ណ្ណ​​​ការ​​​ងារ​​​

ក្រសួង​​​ការ​​​បរទេស​​​កម្ពុជា​​​បាន​​​និយាយ​​​នៅ​​​ក្នុង​​​សេចក្តី​​​ថ្លែង​​​ការណ៍​​​​​​កាលពី​​​ថ្ងៃ​​​ចន្ទ​​​ថា រដ្ឋា​​​ភិបាល​​​​​​ថៃ​​​​​​បាន​​​ផ្តល់​​​រយៈ​​​ពេល​​​ពន្យា​​​រ​​​​​​៩​​​ខែ​​​​​​ដល់​​​កម្មករ​​​ចំណាក​​​ស្រុក​​​​​​ខ្មែរ​​​​​​​​​នៅ​​​ក្នុង​​​ប្រទេស​​​ថៃ​​​ ដែល​​​មិន​​​ទាន់​​​បាន​​​​​​បន្ត​​​ប័ណ្ណ​​​ការងារ​​​បណ្តោះ​​​អា​​​សន្ន​​​​​​របស់​​​ខ្លួន​​​នៅ​​​ឡើយ។ សេចក្តី​​​ថ្លែង​​​ការណ៍​​​បាន​​​និយាយ​​​ថា ជា​​​ផ្នែក​​​នៃ​​​បេសកកម្ម​​​ផ្នែក​​​ការ​​​ទូត​​​ទៅ​​​កាន់​​​ប្រទេស​​​ថៃ​​​កាល​​​ពី​​​សប្តាហ៍​​​មុន រដ្ឋ​​​មន្ត្រី​​​ក្រសួង​​​ការ​​​បរទេស​​​ លោក ហោ ណាំហុង​​​ បាន​​​ជួប​​​​​​កាល​​​ពី​​​ថ្ងៃ​​​សៅរ៍​​​ជា​​​មួយ​​​សមភាគី​​​ថៃ​​​ ដែល​​​បាន​​​យល់​​​ព្រម​​​ពន្យារ​​​​​រយៈ​​​ពេល​​​ស្នាក់​​​នៅ​​​បណ្តោះ​​​អាសន្ន​​​របស់​​​កម្ម​​​ករ​​​ខ្មែរ​។​​​ លោក ជុំ សុន្ទរី​​​ អ្នក​​​នាំ​​​ពាក្យ​​​ក្រ​​​សួង​​​ការ​​​បរទេស​​​បាន​​​និយាយ​​​ថា កម្មករ​​​ខ្មែរ​​​ប្រ​​​មាណ​​​៥០.០០០​​​នាក់​​​ ដែល​​​ប្រឈម​​​នឹង​​​ការ​​​បណ្តេញ​​​ចេញ​​​ពី​​​ប្រ​​​ទេស​​​ថៃ បន្ទាប់​​​ពី​​​កំណត់​​​ពេល​​​ពី​​​មុន​​​បាន​​​​​​បាន​​​កន្លង​​​ផុត​​​ទៅ​​​​​​កាល​​​ពី​​​ថ្ងៃ​​​ទី​​​៣០ ខែ​​​មិថុនា​​​ ឥឡូវ​​​នេះ​​​​​​បាន​​​​​​ពន្យារ​​​​​​​​​រហូត​​​ដល់​​​ថ្ងៃ​​​ទី​​​៣១ ខែ​​​មីនា ឆ្នាំ​​​២០១៦។​​​​​​ លោក សុន្ទរី​​​ បាន​​​និយាយថា "មាន​​​មនុស្ស​​​​​​ប្រ​​​ហែល​​​៥០.០០០​​​នាក់​​​មិន​​​ទាន់​​​បាន​​​បន្ត​​​ប័ណ្ណ​​​ស្នាក់​​​នៅ​​​បណ្តោះ​​​អា​​​សន្ន​​​​​​នៅ​​​ក្នុង​​​ប្រទេស​​​ថៃ​​​នៅ​​​ឡើយ"។​​​​​​ លោក ជៀម ឡាម៉ាទីន ទី​​​ប្រឹក្សា​​​ទទួល​​​បន្ទុក​​​ពលករ​​​ទេសន្ត​​​ប្រវេសន៍​​​​​​នៅ​​​ឯ​​​ស្ថាន​​​ទូត​​​កម្ពុជា​​​ក្នុង​​​ក្រុង​​​បាង​​​កក បាន​​​និយាយ​​​ថា មាន​​​ពលករ​​​ទេសន្ត​​​ប្រវេសន៍​​​​​​ខ្មែរ​​​ប្រ​​​ហែល ៧៣០.០០០​​​នាក់​​​បាន​​​ចុះ​​​ឈ្មោះ​​​នៅ​​​ក្នុង​​​ប្រទេស​​​ថៃ។​​​ លោក ឡាម៉ាទីន បាន​​​និយាយ​​​សំដៅ​​​លើ​​​ប័ណ្ណ​​​ការងារ​​​បណ្តោះ​​​អាសន្ន​​​ថា "ក្នុង​​​ចំណោម​​​នោះ មាន​​​៥០០.០០០​​​នាក​​់​​​​​​មាន​​​ប័ណ្ណ​​​ពណ៌ផ្កា​​​ឈូក​​​ដែល​​​ពន្យារ​​​ពេល​​​រួច​​​ហើយ"។​​​​​​ លោក ឡាម៉ាទីន បាន​​​និយាយ​​​ថា រដ្ឋា​​​ភិបាល​​​ថៃ​​​បាន​​​ប៉ាន់​​​ប្រ​​​មាណ​​​ថា មានកម្មករ​​​​​​ចំនួន​​​១០០.០០០​​​នាក​​់​​​ក្នុង​​​ចំណោម ២៣០.០០០​​​នាក់​​​​​​បាន​​​ចាក​​​ចេញ​​​ពី​​​ប្រទេស​​​ថៃ​​​រួច​​​ហើយ និង​​​ថា​​​កម្មករ​​​ផ្សេង​​​ទៀត​​​​​​អាច​​​ចុះ​​​ឈ្មោះ​​​​​​ច្រើន​​​ដង​​​ ដោយ​​​លោក​​​បាន​​​បញ្ជាក់​​​ថា វា​​​ពិបាក​​​នឹង​​​​​​ដឹង​​​ប្រាកដ​​​​​​ប្រជា​​​ចំពោះ​​​ការ​​​បា៉ន់​​​ប្រមាណ​​​បែបហ្នឹង។​​​​​​ លោក ឡាម៉ាទីន បាន​​​និយាយ​​​ថា "គ្មាន​​​នរណា​​​ដឹង​​​អំពី​​​ចំនួន​​​នេះ​​​ទេ។​​​ កម្មករ​​​ទេសន្ត​​​ប្រវសន៍​​​​​​ចូល​​​មក​​​តាម​​​ច្រក​​​របៀង​​​នានា​​​ ហើយ​​​ក៏​​​មិន​​​​​​ចូ​​​ល​​​តាម​​​ច្រក​​​ព្រំដែន​​​អន្ត​​​រ​​​ជាតិ​​​ដែរ"។ លោក ឡាម៉ាទីន បាន​​​និយាយ​​​ថា អ្នក​​​កាន់​​​ប័ណ្ណ​​​ពណ៌ផ្កា​​​ឈូក​​​ទាំង​​​អស់​​​ត្រូវ​​​តែ​​​មាន​​​ប័ណ្ណ​​​ការងារ​​​ផ្លូវ​​​ការ​​​​​​ត្រឹម​​​ថ្ងៃ​​​ទី​​​៣១ ខែ​​​មី​​​នា ហើយ​​​​​​លោក​​​មិន​​​ដឹង​​​ថាតើ​​​នឹង​​​មាន​​​រឿង​​​អ្វី​​​កើត​​​ឡើង​​​ទេ​​​ចំពោះ​​​​​​កម្មករ​​​ចំណាក​​​ស្រុក​​​​​​ដែល​​​មិន​​​មាន​​​ប័ណ្ណ​​​ការ​​​ងារ​​​ផ្លូវ​​​ការ​​​នោះ។​​​​​​ លោក ឡាម៉ាទីន បាន​​​និយាយ​​​ថា "យើង​​​​​​​​​ស្នើ​​​​​​ក្រសួង​​​ការ​​​ងារ​​​ថៃ​​​​​​ឲ្យ​​​ពន្យារ​​​ពេល​​​កំណត់​​​។ ប៉ុន្តែ​​​​​​អាជ្ញា​​​ធរ​​​ថៃ​​​​​​បាន​​​និយាយ​​​ថា 'ចូរ​​​ទុក​​​ពេល​​​កំណត់​​​នៅ​​​ដដែល ពី​​​ព្រោះ​​​ប្រ​​​សិន​​​បើ​​​​​​យើង​​​នៅ​​​តែ​​​ពន្យារ​​​ពេល​​​ ក៏​​​គ្មាន​​​នរណា​​​គោរព​​​ច្បាប់​​​ដែរ​​​'"។​​​​​​ លោក​​​ អានឌី ហល សកម្ម​​​ជន​​​សិទ្ធិ​​​កម្ម​​​ករ​​​ទេសន្ត​​​ប្រវេសន៍​​​នៅ​​​ក្នុង​​​ប្រទេស​​​ថៃ បាន​​​និយាយ​​​នៅ​​​ក្នុង​​​សារ​​​​​​អ៊ីម៉ែល​​​កាល​​​ពី​​​ថ្ងៃ​​​អាទិត្យ​​​​​​ថា យោង​​​តាម​​​តួលេខ​​​​​​ពី​​​ក្រសួង​​​ការងារ​​​ថៃ​​​ឲ្យ​​​ដឹង​​​ថា មាន​​​កម្មករ​​​ទេសន្ត​​​ប្រវសន៍​​​​​​ខ្មែរ​​​ប្រហែល​​​​​​១៧១.០០០​​​នាក់​​​ បាន​​​បញ្ចប់​​​ដំណើរ​​​ការ​​​ផ្ទៀង​​​ផ្ទាត់​​​សញ្ជាតិ​​​របស់​​​ប្រ​​​ទេស​​​ថៃ ដែល​​​តម្រូវ​​​ឲ្យ​​​ទទួល​​​បាន​​​ប័ណ្ណការងារ។​​​  រើន (រាយការណ៍​​​បន្ថែម​​​ដោយ អ៊ូច សូនី)    

មេខ្លោង​​​ក្រុម​​​ជួញ​​​ដូរ​​​គ្រឿង​​​ញៀន​​​រត់​​​គេច​​​ខ្លួន បន្ទាប់​​​ពី​​​គេ​​​សង្ស័យ​​​​​​ថា ​​មាន​​​ការ​​​លេច​​​ធ្លាយ​​​ព័ត៌​​​មាន​​​​

បន្ទាប់​​​ពី​​​មេខ្លោង​​​មួួ​​​យ​​​រូប​​​​​​ក្នុង​​​ចំណោម​​​មេខ្លោង​​​នៃ​​​ក្រុម​​​ជួញ​​​ដូរ​​​គ្រឿង​​​ញៀន​​​អន្តរ​​​ជាតិ​​​ដែល​​​មាន​​​​​​ទឹក​​​ប្រាក់​​​រាប់​​​លាន​​​ដុល្លារ​​​​​​ និង​​​ដែល​​​ទើប​​​តែ​​​ត្រូវ​​​នគ​​​របាល​​​បង្ក្រាប​​ក្នុង​​​រយៈ​​​ពេល​​​ថ្មី​​​ៗ​​​បាន​​​រួច​​​ផុត​​​ពី​​​សំណាញ់​​​របស់​​​នគរ​​​បាល​​​ក្នុង​​​​ខេត្ត​​​ស្ទឹង​​​ត្រែង​​​កាល​​​ពី​​​ម្សិលមិញ មន្ត្រី​​​នគ​​​របាល​​​ប្រឆាំង​​​គ្រឿង​​​ញៀនមួួយ​​​រូប​​​បាន​​​លើក​​​ឡើង​​​​​​ថា ខ្លួន​​​សង្ស័យ​​​ថា ការ​​​លេច​​​ធ្លាយ​​​ព័ត៌​​​មាន​​​បាន​​​ជួយ​​​ឲ្យ​​​មេខ្លោង​​​រូប​​​េនះ​​​អាច​​​រត់​​​គេច​​​ខ្លួន​​​រួច​​​។ លោក ម៉ក់ ជីតូ អគ្គស្នង​​​ការ​​​រង​​​នគរ​​​បាល​​​ជាតិ​​​បាន​​​លើក​​​ឡើង​​​ថា នគ​​​របាល​​​បាន​​​ឡោម​​​ព័ទ្ធ​​​ផ្ទះ​​​របស់​​​អ្នក​​​ជំនួញ​​​​​​ម្នាក់ ឈ្មោះ ដាំ ញ៉ា អាយុ​​​៥២​​​ឆ្នាំ នៅ​​​ក្នុង​​​សង្កាត់​​​ស្ទឹង​​​ត្រែង​​​​​​ ក្រុង​​​ស្ទឹង​​​ត្រែង​​​ ប៉ុន្តែ ថា អ្នក​​​ជំនួញ​​​រូប​​​នេះ​​​បាន​​​រត់​​​គេច​​​ខ្លួន​​​បាត់​​​មុន​​​ពេល​​​នគរ​​​បាល​​​​​​អាច​​​ចាប់​​​ខ្លួន​​​បាន​​​។ ឧត្តម​​​សេនីយ៍​​​ឯក ម៉ក់ ជីតូ បាន​​​មាន​​​ប្រសាសន៍​​​ថា "យើង​​​បាន​​​ចូល​​​ឆែក​​​ឆេរ​​​​​​ហាង​​​​​​លក់ទំនិញ​​​​​​ ហាង​​​ខារ៉ា​​​អូខេ​​​ និង​​​ផ្ទះ​​​ចំនួន​​​ពីរ​​​របស់​​​ជន​​​សង្ស័យ។ យើង​​​មិន​​​​​​រក​​​ឃើញ​​​ថ្នាំ​​​​​​ញៀន​​​ណា​​​មួយ​​​ឡើយ​​​"។ ឧត្ត​​​មសេនីយ៍​​​ឯក​​​រូប​​​នេះ​​​បាន​​​លើក​​​ឡើង​​​ទៀត​​​ថា សាលា​​​ដំបូង​​​រាជ​​​ធានី​​​ភ្នំពេញ​​​ចង់​​​ចាប់​​​ខ្លួន​​​លោក ដាំ ញ៉ា ដើម្បី​​​នាំ​​​យក​​​មក​​​សាក​​​សួរ​​​ជុំ​​​វិញ​​​ការ​​​រឹប​​​អូស​​​បាន​​​ថ្នាំ​​​ញៀន​​​មេតំហ្វេ​​​តាមីន​​​ដែល​​​មាន​​​ទឹក​​​ប្រាក់​​​ប្រហែល​​​៣​​​លាន​​​ដុល្លារ​​​កាល​​​ពី​​​ថ្ងៃ​​​ទី​​​១៨ និង​​​១៩​​​ ខែមិថុនា​​​ ក្នុង​​​រាជ​​​ធានីភ្នំពេញ​​​។ លោក មាស វីរិទ្ធ អគ្គលេខាធិការ​​​អាជ្ញាធរ​​​ជាតិ​​ប្រយុទ្ធ​​​​ប្រឆាំង​​​គ្រឿង​​​ញៀន​​​បាន​​​លើក​​​ឡើង​​​ថា លោក​​​ជឿ​​​ជាក់​​​ថា លោក ដាំ​​​ ញ៉ា គឺ​​​ជា​​​មនុស្ស​​​ម្នាក់​​​ក្នុង​​​ចំណោម​​​មនុស្ស​​​ពីរ​​​នាក់​​​ដែល​​​ដឹក​​​នាំ​​​ក្រុម​​​ជួញ​​​ដូរ​​​គ្រឿង​​​ញៀន​​​។ លោក​​​បាន​​​មាន​​​ប្រសាសន៍​​​ថា " ព័ត៌​​​មាន​​​របស់​​​យើង ​​​ជន​​​នេះ​​​គឺ​​​ជា​​​មេ​​​ខ្លោង​​​មួយ​​​រូប​​​ក្នុង​​​ចំណោម​​​មេខ្លោង​​​នៃ​​​ក្រុម​​​ជួញ​​​ដូរ​​​គ្រឿង​​​ញៀន"។ ​​​ឧត្តមសេនីយ៍​​​ឯក មាស វីរិទ្ធ បាន​​​បន្ថែម​​​ថា នគរ​​​បាល​​​បាន​​​ឃ្លាំ​​​មើល​​​លោក ដាំ ញ៉ា ហើយ​​​ឃើញ​​​ជន​​​នេះ​​​បើក​​​រថយន្ត​​​ចូល​​​ផ្ទះ​​​របស់​​​ខ្លួន​​​កាល​​​ពី​​​ម្សិល​​​មិញ​​​។ លោក​​​បាន​​​មាន​​​ប្រសាសន៍​​​ថា "នគរ​​​បាល​​​របស់​​​យើង​​​និយាយ​​​ថា ជន​​​នេះ​​​នៅ​​​ផ្ទះ​​​ ប៉ុន្តែ តាម​​​ពិត​​​ជន​​​នេះ​​​បាន​​​ទៅ​​​ផ្ទះ​​​ហើយ​​​  បាន​​​រត់​​​គេ​​​ច​​​ខ្លួន​​​ភ្លាម​​​ៗ​​​។ ខ្ញុំ​​​គិត​​​ថា ជន​​​នេះ​​​បាន​​​ចាក​​​ចេញ​​​ពី​​​ប្រទេស​​​កម្ពុជា​​​ទៅ​​​កន្លែង​​​មួយ​​​ផ្សេង​​​ហើយ​​​"។ ឧត្តមសេនីយ៍​​​ឯក មាស វីរិទ្ធ បាន​​​ឲ្យ​​​ដឹង​​​ទៀត​​​ថា លោក​​​ជឿ​​​ជាក់​​​ថា ប្រាកដ​​​ជា​​​មាន​​​នរណា​​​ម្នាក់​​​ជូន​​​ដំណឹង​​​ដល់​​​លោក ដាំ ញ៉ា កាល​​​ពីម្សិលមិញ អំពី​​​ការ​​​ឆ្មក់​​​ចូល​​​របស់​​​នគរ​​​បាល​​​។ ដោយ​​​បដិសេធ​​​មិន​​​និយាយ​​​ថា តើ​​​ព័ត​​​៌​​​មាន​​​នេះ​​​លេច​​​ធ្លាយ​​​ពី​​​ណា​​​មក​​​នោះ​​​ លោក​​​បាន​​​មាន​​​ប្រសាសន៍​​ថា "ខ្ញុំ​​​គិត​​​ថា ប្រាកដ​​​ជា​​​មាន​​​ការ​​​លេច​​​ធ្លាយ​​​ព័ត៌​​​មាន​​​"។ យោង​​​តាម​​​លោក សុន និមល ប្រធាន​​​មន្ទីរ​​​នគរបាល​​​ប្រឆាំង​​​គ្រឿង​​​ញៀន​​​​​​ខេត្ត​​​ស្ទឹង​​​ត្រែង​​​បាន​​​ឲ្យ​​​ដឹង​​​ថា លោក ដាំ ញ៉ា គឺ​​​អ្នក​​​ជំនួញ​​​ម្នាក់​​​ដែល​​​បើក​​​ភោជនីយដ្ឋាន និង​​​លក់​​​សម្ភារ​​​កសិកម្ម​​​។ នៅ​​​ពេល​​​នគរ​​​បាល​​​បាន​​​បង្ក្រាប​​​ក្រុម​​​ជួញ​​​ដូរ​​​គ្រឿង​​​ញៀន​​​ក្នុង​​​រាជធានី​​​ភ្នំពេញ​​​កាល​​​ពី​​​ដើម​​​ខែ​​​នេះ​​​ ពួក​​​គេ​​​បាន​​​រក​​​ឃើញ​​​ថ្នាំ​​​ញៀន​​​មេតំហ្វេតាមីន​​​ជិត​​​៥៥​​​គីឡូក្រាម​​​ជា​​​​​​​​​ប្រភេទ​​​ថ្នាំ​​​ញៀន​​​​​​ដែល​​​ត្រូវ​​​បាន​​​រឹប​​​អូស​​​ក្នុង​​​ចំនួន​​​យ៉ាង​​​ច្រើន​​​បំផុត​​​មិន​​​ដែល​​​ធ្លាប់​​​មាន​​​ពីមុន​​​មក​​​​​​នៅកម្ពុជា​​​។ នគរ​​​បាល​​​ក៏​​​បាន​​​ចាប់​​​ខ្លួន​​​ស្ត្រី​​​ជន​​​ជាតិ​​​ខ្មែរ​​​ម្នាក់​​​ និង​​​បុរស​​​ជន​​​ជាតិ​​​ចិន​​​​​​ពីរ​​​នាក់​​​​​​ផង​​​ដែរ។ បុរស​​​ទី​​​៤​​​ឈ្មោះ លីវ សឺុ អាយុ​​​៥០​​​ឆ្នាំ​​​ដែល​​​នគរ​​​បាល​​​និយាយ​​​ថា គឺ​​​ជា​​​​​​​​​មេខ្លោង​​​ទី​​​២​​​​​​នៅ​​​ក្រោម​​​បង្គាប់​​​របស់​​​លោក ដាំ ញ៉ា ​​​​​​ធ្លាប់​​​ត្រូវ​​​បានផ្តន្ទាទោស​​​ឲ្យ​​​​​​ជាប់​​​ពន្ធនាគារ​​​​​​ក្នុង​​​ខេត្ត​​​ស្ទឹង​​​ត្រែង​​​រួច​​​ហើយ​​​ក្រោម​​​ការ​​​ចោទ​​​ប្រកាន់​​​ពី​​​បទ​​​មាន​​​អាវុធ​​​ ហើយ​​​ត្រូវ​​​បាន​​​បញ្ជូន​​​មក​​​រាជ​​​ធានី​​​ភ្នំពេញ​​​ចាប់​​​តាំង​​​ពី​​​មាន​​​ការ​​​បង្ក្រាប​​​នេះ​​​រួច​​​មក​​​៕ស៊ុយឈាង​​​  

នគរ​បាល​រឹបអូស​បាន​ថ្នាំញៀន​ប្រភេទ​មេតំហ្វេតាមីន​ក្នុង​ចំនួន​ច្រើន​បំផុត​មិន​ដែល​ធ្លាប់​មាន​

មន្ត្រី​មួយ​រូប​​បាន​ឲ្យ​ដឹង​កាលពី​​ថ្ងៃ​សៅរ៍​ថា នគរ​បាល​រាជធានី​ភ្នំពេញ​រឹបអូស​បាន​ថ្នាំ​ញៀន​​មេតំហ្វេមីន​ក្នុង​ចំនួន​ច្រើន​បំផុត​មិន​ដែល​ធ្លាប់​មាន​នៅ​កម្ពុជា​​កាលពី​ចុង​សប្ដាហ៍​មុន បន្ទាប់ពី​ការ​ចាប់​ខ្លួន​សមាជិក​បី​នាក់​នៅ​ក្នុង​ក្រុម​ជួញដូរ​គ្រឿង​ញៀន​ ដែល​ត្រូវ​បាន​រក​ឃើញ​​ថ្នាំ​ញៀន​ជិត​៥៥​គីឡូក្រាម​មាន​តម្លៃ​ប្រហែល​៣លាន​ដុល្លារ​នៅ​ជាប់​​​ជាមួយ​​។ នៅ​ក្នុង​​សន្និសីទ​កាសែត​​​នៅ​ឯ​​​អគ្គស្នងការដ្ឋាន​​នគរ​បាល​ជាតិ​ លោក ម៉ក់ ជីតូ អគ្គស្នងការ​រង​នគរ​បាល​ជាតិ​បាន​​ឲ្យ​ដឹង​ថា មន្ត្រី​នគរ​បាល​បាន​​ធ្វើ​ការ​ចាប់​ខ្លួន​បន្ទាប់ពី​មាន​ការ​ជូន​ដំណឹង​ពី​អ្នក​យក​ការណ៍​​ដែល​ធ្វើ​ការ​ស៊ើបអង្កេត​អស់​រយៈ​ពេល​៣ខែ​នៅ​ក្នុង​រាជធានី​ភ្នំពេញ និង​ខេត្ត​ស្ទឹង​ត្រែង។ លោក​បាន​មាន​ប្រសាសន៍​ថា "​យើង​បាន​​បើក​ប្រតិបត្តិការ​ស៊ើបអង្កេត​ក្រុម​ជួញដូរ​គ្រឿង​ញៀន​ទ្រង់ទ្រាយ​ធំ​​ទាំង​នៅ​ក្នុង​ប្រទេស​ និង​ក្រៅ​ប្រទេស​។ យើង​បាន​ចាប់​ខ្លួន​មនុស្ស​បី​នាក់​នៅ​គោលដៅ​ចំនួន​ប្រាំ​ ហើយ​យើង​រឹបអូស​បាន​ថ្នាំញៀន​ និង​ឧបករណ៍​ផ្សេងៗ"។ ឧត្ដម​សេនីយ៍ឯក ម៉ក់​ ជីតូ បាន​លើក​ឡើង​ថា កាលពី​ថ្ងៃ​ព្រហស្បតិ៍ និង​ថ្ងៃ​សុក្រ នគរ​បាល​នៅ​ក្នុង​រាជធានី​ភ្នំពេញ​បាន​ចាប់​ខ្លួន​ស្ត្រី​ជនជាតិ​ខ្មែរ​ម្នាក់​ឈ្មោះ ផល រ៉ានី អាយុ​២២​ឆ្នាំ...

នគរ​​​បាល​​​លើក​​​ឡើង​​​ថា នៅ​​​មិន​​​ទាន់​​​មាន​​​តម្រុយ​​​ក្នុង​​​ករណី​​​ធ្វើ​​​ឃាត​​​បុរ​​​សម្នាក់​​​ក្នុង​​​ហាង​​​គុយទាវ​​​នៅ​​​ឡើយ​​​ទេ​​​

កាល​​​ពី​​​ម្សិលមិញ នគរ​​​បាល​​​បាន​​​លើក​​​ឡើង​​​ថា ខ្លួន​​​នៅ​​​មិន​​​ទាន់​​​មាន​​​តម្រុយ​​​នៅ​​​ក្នុង​​​ករណី​​​ធ្វើ​​​ឃាត​​​បុរស​​​ម្នាក់​​​កាល​​​ពី​​​យប់​​​ថ្ងៃ​​​អាទិត្យដែល​​​ត្រូវ​​​បាន​​​គេ​​​វាយ​​​ឲ្យ​​​ដួល​​​មុន​​​ពេល​​​​​​ត្រូវ​​​បាន​​​បាញ់ចំ​​​​​​​​​ក្បាល​​​ពី​​​ក្រោយ​​​នៅ​​​ក្នុង​​​ហាង​​​គុយទាវ​​​មួយ​​​កន្លែង​​​​​​ក្នុង​​​សង្កាត់​​​បឹង​​​កេង​​​កង​​​១​​​​​​ក្នុង​​​រាជ​​​ធានី​​​ភ្នំពេញ​​​​​​នៅ​​​ឡើយ​​​ទេ​​​។ លោក អេង សោភា នាយ​​​ការិយាល័យ​​​ព្រហ្មទណ្ឌ​​​កម្រិត​​​ធ្ងន់​​​រាជ​​​ធានី​​​ភ្នំពេញ​​​បាន​​​ឲ្យ​​​ដឹង​​​ថា នៅ​​​ម៉ោង​​​ប្រហែល​​​៧ និង​​​៣០នាទី​​​យប់​​​ថ្ងៃ​​​អាទិត្យ​​​​​​​​​ បុរស​​​ពី​​​រនាក់​​​បាន​​​ដេញ​​​តាម​​​​​​លោក ឡោ សុភាព​​​ អាយុ​​​៣២​​​ឆ្នាំ​​​ចូល​​​ទៅ​​​ដល់​​​ក្នុង​​​ហាង​​​គុយទាវ​​​សឹង​​​ហឺុ នៅ​​​ត្រង់​​​ចំណុចប្រសព្វ​​​នៃ​​​ផ្លូវ​​​លេខ​​​៦៣ និង​​​៣៩២ ។​​​​​​ លោក​​​បាន​​​មាន​​​ប្រសាសន៍​​​ថា "ជន​​​សង្ស័យ​​​ចំនួន​​​ពីរ​​​នាក់​​​បាន​​​​​​វាយ​​​​​​ជន​​​រងគ្រោះ​​​​​​ ខណៈ​​​​​នៅ​​​ក្បែរ​​​​ភោជនីយដ្ឋាន​​​ ហើយ​​​នៅ​​​ផ្នែក​​​ម្ខាង​​​ទៀត​​​នៃ​​​ផ្លូវ ប៉ុន្តែ ជន​​​រង​​​គ្រោះ​​​បាន​​​រត់​​​ចូល​​​​​​ក្នុង​​​ភោជនីយដ្ឋាន​​​​​​ ព្រោះ​​​គាត់​​​ចង់​​​ឲ្យ​​​គេ​​​ជួយ​​​។ តែ​​​ទោះ​​​ជា​​​យ៉ាង​​​ណា ជន​​​សង្ស័យ​​​បាន​​​ដេញ​​​តាម​​​ជន​​​រងគ្រោះ​​​រហូត​​​ដល់​​​ខាង​​​ក្នុង​​​"។ លោក​​​បាន​​​មាន​​​ប្រសាសន៍​​​បន្ថែម​​​ថា "បន្ទាប់មក ​​​ជន​​​សង្ស័យ​​​បាន​​​វាយ​​​ក្បាល​​​ជន​​​រង​​​គ្រោះ​​​ពី​​​ក្រោយ​​​​​​នៅ​​​ពេល​​​ជន​​​រង​​​គ្រោះ​​​ដួល​​​លើ​​​ឥដ្ឋ​​​ ហើយ​​​ជន​​​សង្ស័យ​​​ម្នាក់​​​បាន​​​បាញ់​​​ក្បាល​​​ជ​​​ន​​​រង​​​គ្រោះ​​​​​​ពី​​​ក្រោយ​​​​​​ បាញ់​​​ដៃ​​​ខាង​​​ស្តាំ និង​​​បាញ់​​​ខ្នង​​​ជន​​​រងគ្រោះ​​​ តែ​​​គ្រាប់​​​កាំភ្លើង​​​ទី​​​៤​​​បាញ់​​​ខុស​​​"។ លោក សោភា បាន​​​លើក​​​ឡើង​​​បន្ត​​​ទៀត​​​ថា នគរ​​​បាល​​​មិន​​​ដឹង​​​ថា កាំភ្លើង​​​ប្រភេទ​​​អ្វី​​​ដែល​​​ត្រូវ​​​បាន​​​ប្រើ​​​ប្រាស់​​​នៅ​​​ក្នុង​​​ការ​​​បាញ់​​​ប្រហារ​​​នេះ​​​ឡើយ​​​ ហើយ​​​មក​​​ទល់​​​នឹង​​​ពេល​​​នេះ​​​នៅ​​​មិន​​​ទាន់​​​មាន​​​តម្រុយ​​​ពី​​​ជន​​​សង្ស័យ​​​នៅ​​​ឡើយ​​​ទេ។ លោក​​​បាន​​​មាន​​​ប្រសាសន៍​​​បន្ថែម​​​ទៀត​​​ថា "យើង​​​នៅ​​​មិន​​​ទាន់​​​កំណត់​​​អត្ត​​​សញ្ញាណ​​​ជន​​​សង្ស័យ​​​​​​ណា​​​ម្នាក់​​​បាន​​​នៅឡើយ​​​ទេ​​​ព្រោះ​​​យើង​​​ទើប​​​តែ​​​ស៊ើុប​​អង្កេត​​​បាន​​​តែ​​​មួយ​​​ថ្ងៃ​​​ប៉ុណ្ណោះ​​​"។ តែ​​​ទោះ​​​ជាយ៉ាង​​​ណា​​​ នគរ​​​បាល​​​បាន​​​សម្រេច​​​ថា ហេតុការណ៍​​​នេះ​​​ទំនង​​​ជា​​​​​​​​មិន​​​មែន​​​​ជា​​​អំពើ​​​ប្លន់​​​​​​ទេ ព្រោះ​​​ថា គ្មាន​​​អ្វី​​​បាន​​​បាត់​​​នោះ​​​ឡើយ​​​​​​រួម​​​ទាំង​​​ម៉ូតូ​​​របស់​​​ជន​​​រងគ្រោះ​​​ ឡោ សុភាព ដែល​​​​​​នៅ​​​ទល់​​​មុខ​​​ហាង​​​គុយទាវ​​​ផង​​​ដែរ​​​។ បន្ទាប់​​​ពី​​​ពិធី​​​បុណ្យ​​​សព​​​របស់​​​ប្តី​​​ខ្លួន​​​កាល​​​ពី​​​ម្សិលមិញ នៅ​​​វត្ត​​​សន្សំ​​​កុសល​​​ ក្នុង​​​ខណ្ឌ​​​មាន​​​ជ័យ អ្នកស្រី​​​ ស្រី​​​នាង​​​ អាយុ​​​២៦​​​ឆ្នាំ​​​បាន​​​និយាយ​​​ថា អ្នក​​​ស្រី​​​បាន​​​និយាយ​​​លើក​​​ចុង​​​ក្រោយ​​​ជាមួយ​​​ប្តី​​​របស់​​​ខ្លួន​​​​​​ប្រហែល​​​៣០​​​នាទី​​​មុន​​​​​​ជន​​​រងគ្រោះ​​​ស្លាប់។ អ្នក​​​ស្រី​​​បាន​​​និយាយ​​​ថា "នៅ​​​ម៉ោង​​​ប្រហែល​​​៧យប់​​​ប្តី​​​របស់​​​ខ្ញុំ​​​បានតេ​​​ទូរស័ព្ទ​​​មកហៅ​​​​​​ខ្ញុំ​​​ញាំ​​​អាហារ​​​ពេល​​​ល្ងាច​​​  ហើយ​​​ខ្ញុំ​​​បាន​​​រង​​​់​​​ចាំ​​​គាត់​​​មក​​​ទទួល​​​រហូត​​​ដល់​​​ជិត​​​ម៉ោង​​​៨​​"។ អ្នក​​​ស្រី​​​បាន​​​បន្ថែម​​​ថា ប្តី​​​របស់​​​ខ្លួន​​​កំពុង​​​ធ្វើ​​​ដំណើរ​​​មក​​​ផ្ទះ​​​ពី​​​រោង​​​ចក្រ​​​កាត់​​​ដេរ​​​ Sigma Textiles ជា​​​ទី​​​ដែល​​​ជន​​​រង​​​គ្រោះ​​​ធ្វើ​​​ការ​​​ជា​​​ប្រធាន​​​រដ្ឋបាល​​​ និង​​​បក​​​ប្រែ​​​ភាសាចិន​​​។ អ្នកស្រី​​​ ស្រី​​​នាង​​​ បាន​​​លើក​​​ឡើង​​​ទៀត​​​ថា អ្នក​​​ស្រី​​​​​​ហើយ​​​នឹង​​​ប្តី​​​របស់​​​ខ្លួន​​​ទើប​​​តែ​​​រៀប​​​ការ​​​បានប្រហែល​​​​​​ប្រាំ​​​មួយ​​​ខែ​​​ប៉ុណ្ណោះ​​​​​​។ អ្នក​​​ស្រី​​​បាន​​​និយាយ​​​ទៀត​​​ថា "គាត់​​​មិន​​​ដែល​​​ឈ្លោះ ឬ​​​មាន​​​បញ្ហា​​​ជាមួយ​​​នរណា​​​ម្នាក់​​​ឡើយ​​​។ខ្ញុំ​​​មិន​​​ដឹង​​​ថា តើ​​​មូល​​​ហេតុ​​​អ្វី​​​ដែល​​​ធ្វើ​​​ឲ្យ​​​គេ​​​សម្លាប់​​​គាត់​​​ឡើយ"។ អ្នកស្រី​​​បាន​​​លើក​​​ឡើង​​​បន្ថែម​​​ទៀត​​​ថា សេចក្តី​​​រាយការណ៍​​​ព័ត៌​​​មាន​​​របស់​​​ប្រ​​​ព័ន្ធ​​​ផ្សព្វ​​​ផ្សាយ​​​ក្នុង​​​ស្រុក​​​​​​ដែល​​​ថា​​​ ហេតុការណ៍​​​បាញ់​​​ប្រហារ​​​នេះមាន​​​ជាប់​​​ពាក់​​​ព័ន្ធ​​​នឹង​​​បំណុល​​​ គឺ​​​មិន​​​​​​​ដូច្នោះ​​​ឡើយ​​​។ អ្នកស្រី​​​បាន​​​និយាយ​​​ថា "គ្រួសារ​​​យើង​​​មិន​​​ត្រូវ​​​ការ​​​ខ្ចី​​​លុយ​​​គេ​​​ទេ​​​"។ អ្នក​​​ស្រី​​​បាន​​​បន្ថែម​​​ថា អ្នកស្រី​​គ្រប់​​​គ្រង​​​​​​ហាង​​​មួយ​​​ក្នុង​​​ខណ្ឌ​​​មាន​​​ជ័យ។ អ្នកស្រី ឡោ លីគុន អាយុ​​​៣៥​​​ឆ្នាំ​​​ជា​​​បង​​​ស្រី​​​របស់​​​ជន​​​រងគ្រោះ ឡោ សុភាព បាន​​​លើក​​​ឡើង​​​ថា នៅពេល​​​ប្អូន​​​ប្រុស​​​របស់​​​ខ្លួន​​​ឈប់​​​សម្រាក​​​ពី​​​ការ​​​ងារ​​​ គាត់​​​ឆ្លៀត​​​ទៅ​​​សិក្សា​​​ផ្នែក​​​​​​រចនា​​​តុបតែង​​​ប្លង​​​់​​​​​​នៅ​​​វិទ្យាស្ថាន​​​Setec ។ ​​​អ្នកស្រី​​​បាន​​​និយាយ​​​ថា "គាត់​​​មិន​​​មែន​​​ជា​​​មនុស្ស​​​ដែល​​​ចេញ​​​ទៅ​​​ក្រៅ​​​ពេល​​​យប់​​​ដើម្បី​​​ជួប​​​អ្នក​​​នេះ​​​ ឬអ្ន​​​ក​​​នោះឡើយ ព្រោះ​​​គាត់​​​តែង​​​តែ​​​មក​​​ផ្ទះ​​​វិញ​​​​​​ បន្ទាប់​​​ពី​​​ចេញ​​​ពីរៀន"។ អ្នកស្រី លីគុន បាន​​​បន្ថែម​​​ថា ថៅកែ​​​របស់​​​ប្អូនប្រុស​​​ខ្លួន​​​នៅ​​​រោង​​​ចក្រក៏​​​មាន​​​ទំនុក​​​ចិត្ត​​​យ៉ាង​​​ខ្លាំង​​​លើ​​​ជន​​​គ្រោះ​​​ដែរ​​​។ អ្នកស្រីបាន​​​និយាយ​​​ទៀត​​​ថា "ជូន​​​កាល​​​ម្ចាស់​​​រោង​​​ចក្រ​​​បាន​​​ឲ្យ​​​ប្រាក់​​​គាត់​​​កាន់​​​ប្រហែល​​​២០០.០០០ដុល្លារ​​​ទៅ​​​បើក​​​ប្រាក់​​​ខែ​​​ឲ្យ​​​កម្មករ​​​​​​ក៏​​​មាន​​​ដែរ​​​។ នេះមាន​​​ន័យ​​​ថា ថៅ​​​កែ​​​ជឿ​​​ជាក់​​​ថា គាត់​​​គឺ​​​ជា​​​មនុស្ស​​​ស្មោះ​​​ត្រង់​​​"៕ ស៊ុយឈាង​​​​​​  

ក្រសួង​មហាផ្ទៃ​ចង់​ហាមឃាត់​នាយក​អង្គការ​សិទ្ធិ​មនុស្ស​មិន​ឲ្យ​ចូល​ប្រទេស​កម្ពុជា

លោក ខៀវ សុភ័គ អ្នក​នាំ​ពាក្យ​ក្រសួង​មហាផ្ទៃ បាន​មាន​ប្រសាសន៍​កាលពី​ថ្ងៃ​អាទិត្យ​ថា លោក ប្រេដ អាដាម​ (Brad Adams) អ្នក​ធ្វើ​យុទ្ធនាការ​សិទ្ធិ​មនុស្ស​លេច​ធ្លោ នឹង​ត្រូវ​ហាម​ឃាត់​មិន​ឲ្យ​ចូល​ប្រទេស​កម្ពុជា ប្រសិនបើ​លោក​មិន​សុំ​អភ័យ​ទោស​ចំពោះ​ការ​ថ្លែង​របស់​លោក​កាលពី​សប្តាហ៍​មុន ដែល​ក្នុង​ការ​ថ្លែង​នោះ​លោក​បាន​លើក​ឡើង​ថា លោក ជា ស៊ីម ប្រធាន​គណបក្ស​ប្រជាជន​កម្ពុជា គួរ​ត្រូវ​បាន​ស៊ើប​អង្កេត​ចំពោះ​ឧក្រិដ្ឋកម្ម ដែល​គេ​សង្ស័យ​ថា គាត់​បាន​ប្រព្រឹត្ត​ក្នុង​នាម​ជា​មន្ត្រី​ខ្មែរ​ក្រហម​ម្នាក់។ ក្នុង​លិខិត​ចំហ​មួយ​ច្បាប់​ផ្ញើ​ជូន​លោក អាដាម នាយក​​ប្រតិបត្តិ​អង្គការ​ឃ្លាំមើល​សិទ្ធិ​មនុស្ស​ប្រចាំ​តំបន់​អាស៊ី​កាលពី​ថ្ងៃ​សៅរ៍ ឧត្តមសេនីយ...