Wednesday, September 18, 2019
Home Authors Posts by Hang Sokunthea

Hang Sokunthea

10 POSTS 0 COMMENTS

ក្រសួង​​​មហាផ្ទៃ​​​លើក​​​ឡើង​​​ថា NGOs  ​​​ភាគ​​​ច្រើន​​​ធ្វើ​​​ព្រងើយ​​​កន្តើយ​​​ចំពោះ​​​ការ​​​​តម្រូវ​ឲ្យ​ដាក់​ជូន​ព៏ត៌មាន​គណនីធនាគារ​​​​

ក្នុងចំណោមអង្គការមិនមែនរដ្ឋាភិបាលក្នុងស្រុកប្រមាណ៥.០០០ មានតែ២០០ប៉ុណ្ណោះដែលបានដាក់ជូនព័ត៌មានលម្អិតស្តីពីគណនីធនាគារទៅកាន់ក្រសួងមហាផ្ទៃ តាមការតម្រូវ នេះបើយោងតាមការលើកឡើងរបស់អ្នកនាំពាក្យក្រសួងនេះកាលពីម្សិលមិញ ខណៈរដ្ឋាភិបាលបង្កើនការអនុវត្តច្បាប់តម្រូវឲ្យអង្គការនានាបង់ពន្ធ ដោយប្រហែលជាប្រមូលបានពន្ធដែលមិនទាន់បង់ក្នុងចំនួនយ៉ាងច្រើន។ ភាពមិនច្បាស់លាស់នៃបទប្បញ្ញត្តិក្នុងច្បាប់ដ៏ចម្រូងចម្រាសស្តីពីសមាគម និងអង្គការមិនមែនរដ្ឋាភិបាល ឬហៅថា Lango ប្រហែលជាកត្តាដែលនាំឲ្យកើតមានបញ្ហាយ៉ាងដូច្នេះ។ ការស្ទាបស្ទង់មតិអង្គការមិនមែនរដ្ឋាភិបាលជាង១៤០ដោយគណៈកម្មាធិការសហប្រតិបត្តិការដើម្បីកម្ពុជា (CCC) កាលពីខែមុនបានរកឃើញថា អង្គការមិនមែនរដ្ឋាភិបាលទាំងនេះខ្វះការបញ្ជាក់ថា តើពួកគេគួរតែអនុវត្តតាមច្បាប់នេះដោយរបៀបណានិងថា តើពួកគេដាក់ជូនព័ត៌មានលម្អិតស្តីពីការបង់ពន្ធលើប្រាក់បៀវត្សរ៍ដោយវិធីណា និងចង់បានការណែនាំបន្ថែមពីរដ្ឋាភិបាលដែលអនុវត្តច្បាប់នោះមិនទៀងទាត់ នេះបើយោងតាមលោក សឿង សារឿន ដែលជានាយកប្រតិបត្តិនៃគណៈកម្មាធិការនេះ។ លោកបានថ្លែងថា "សមាជិកសង្គមស៊ីវិលនៅមិនទាន់យល់ដឹងទាំងស្រុងអំពីច្បាប់នេះនៅឡើយទេ ហើយក៏នៅមិនទាន់រៀបចំរួចរាល់ទាំងស្រុងនៅឡើយដែរ"។ លោកបានថ្លែងបន្ថែមថា "បទប្បញត្តិ និងការអនុវត្តច្បាប់នេះមិនទៀងទាត់ទេ "។ នៅក្នុងសុន្ទរកថាមួយកាលពីខែមុន លោក ស ខេង រដ្ឋមន្ត្រីក្រសួងមហាផ្ទៃបានលើកឡើងថា សង្គមស៊ីវិលកំពុងបំពានលើការតម្រូវដែលមានចែងនៅក្នុងច្បាប់ស្តីពីសមាគម និងអង្គការមិនមែនរដ្ឋាភិបាលនេះហើយបានចេញបទបញ្ជាឲ្យអង្គការមិនមែនរដ្ឋាភិបាលដាក់ជូនព័ត៌មានគណនីធនាគារឲ្យបានត្រឹមដំណាច់ខែកញ្ញា បើពុំដូច្នោះទេនឹងប្រឈមនឹងការចាត់វិធានការផ្លូវច្បាប់។ហើយនៅថ្ងៃសុក្រ លោកនាយករដ្ឋមន្ត្រី ហ៊ុន សែន បានស្នើឲ្យក្រសួងមួយចំនួនសើុបអង្កេតថា តើអង្គការមិនមែនរដ្ឋាភិបាលបានដាក់ជូនព័ត៌មានស្តីពីការបង់ពន្ធលើប្រាក់បៀវត្សរ៍ត្រឹមត្រូវដែរ ឬក៏អត់។ ពេលទាក់ទងកាលពីម្សិលមិញ លោក ខៀវ សុភ័គ អ្នកនាំពាក្យក្រសួងមហាផ្ទៃបានលើកឡើងថា មានតែអង្គការមិនមែនរដ្ឋាភិបាលចំនួន២០០ប៉ុណ្ណោះដែលបានដាក់ជូនព័ត៌មានស្តីពីគណនីធានាគាររបស់ខ្លួន។ លោកបានមានប្រសាសន៍ថា "ក្រសួងក៏បានធ្វើលិខិតទៅទៀត ដើម្បីឲ្យអង្គការទាំងអស់អនុវត្តច្បាប់ឲ្យបានត្រឹមត្រូវ ហើយយើងបានពន្យារពេលរហូតដល់ខែកញ្ញា ដែលជាកំហិតឲ្យអង្គការទាំងអស់ផ្ញើតែលេខគណនីមកក្រសួងទេ"។ លោកបានលើកឡើងទៀតថា ក្រុមអង្គការមិនមែនរដ្ឋាភិបាលត្រូវបំពេញតាមលក្ខខណ្ឌដែលតម្រូវនៅក្នុងច្បាប់ស្តីពីសមាគម និងអង្គការមិនមែនរដ្ឋាភិបាលសម្រាប់ដាក់ជូនរបាយការណ៍ហិរញ្ញវត្ថុឲ្យបាននៅត្រឹមដំណាច់ខែកុម្ភៈ។ លោក គឹម សុភ័ក្រ្ត អ្នកនាំពាក្យក្រសួងសេដ្ឋកិច្ច និងហិរញ្ញវត្ថុបានលើកឡើងថា រដ្ឋាភិបាលកំពុងប្រមូលព័ត៌មានស្តីពីការអនុវត្តច្បាប់បង់ពន្ធលើប្រាក់បៀវត្សរ៍របស់អង្គការមិនមែនរដ្ឋាភិបាលនៅឡើយ ហើយបានបដិសេធមិនផ្តល់តួលេខដល់អ្នកយកព័ត៌មានទេ។ លោក ប៊ូ សុភ័ណ ភិរម្យ ជាដៃគូនិងជាប្រធានផ្នែកគណនីពន្ធដារនៅក្រុមហ៊ុនច្បាប់ BNG...

លោក ហ៊ុន សែន ស្ដីបន្ទោស​រដ្ឋមន្ត្រី​​ខ្លាំងៗ​​ពាក់ព័ន្ធ​ការ​តែង​​​តាំង​អគ្គ​នាយក​ទូរទស្សន៍​ជាតិ

កាលពីម្សិលមិញ លោកនាយករដ្ឋមន្ត្រី ហ៊ុន សែន បានស្ដីបន្ទោសលោក ខៀវ កាញារីទ្ធ រដ្ឋមន្ត្រីក្រសួងព័ត៌មានខ្លាំងៗចំពោះការចោទជាសំណួរជាសាធារណៈអំពីការតែងតាំងរបស់លោកនូវអគ្គនាយកថ្មីនៃស្ថានីយទូរទស្សន៍រដ្ឋមួយនេះ ដោយលោកមានប្រសាសន៍ថា លោកមានសិទ្ធិគ្រប់យ៉ាងក្នុងការតែងតាំងមុខតំណែងនេះ និងបានស្តីបន្ទោសលោក ខៀវ កាញារីទ្ធ ដែលមិនលើកទូរស័ព្ទរបស់លោក។ ការខ្វែងគំនិតគ្នាជាសាធារណៈគួរឱ្យភ្ញាក់ផ្អើលរវាងមន្ត្រីជាន់ខ្ពស់នៃគណបក្សកាន់អំណាចនេះ បានចាប់ផ្ដើមកើតមានឡើងបន្ទាប់ពីព្រះមហាក្សត្រ នរោត្តម សីហមុនី បានចេញព្រះរាជក្រឹត្យមួយកាលពីថ្ងៃ សៅរ៍ ប្រកាសតែងតាំងលោក ឃឹម វុទ្ធី អគ្គនាយករងនៃស្ថានីយទូរទស្សន៍ជាតិកម្ពុជា (ទទក) ឱ្យជំនួសតំណែងលោក...

ការ​​​ចុះផ្សាយជ្រើសរើសកម្មករ​​​ជំនាញ​​​ទាប​​​តាម​​​អីុនធឺណិតមិន​​​សូវ​​​មាន​​​

អ្នកជំនាញខាងវិស័យការងារបានលើកឡើងថា ទោះបីជាការចុះផ្សាយជ្រើសរើសបុគ្គលិកតាមអីុនធឺណិតមានការកើនឡើងក្នុងពេលថ្មីៗក៏ដោយ តែកម្មករជំនាញទាបនៅកម្ពុជាភាគច្រើនមិនត្រូវបានចុះផ្សាយជ្រើសរើសនៅក្នុងទីផ្សារដែលកំពុងវិវឌ្ឍទៅមុខនេះឡើយ ដែលធ្វើឲ្យពួកគេមានលទ្ធភាពតិចតួចក្នុងការស្វែងរកឱកាសការងារនៅទូទាំងប្រទេស ។ លោក Niels van Klooster នាយកប្រចាំប្រទេសផ្នែកជ្រើសរើសបុគ្គលិកនៃគេហទំព័រ Everjobs បានលើកយកឧទាហរណ៍មួយមកបង្ហាញ គឺថា អ្នកស្វែងរកឱកាសការងារជាអ្នកបើកបរមាន១៣,៣៥ភាគរយ ឬក្រោម ១ក្នុង៧នៃអ្នកស្វែងរកការងារទាំងអស់តាមគេហទំព័រនេះកាលពីឆ្នាំមុន ដោយធ្វើឲ្យការងារនេះក្លាយជាការងារ Top5 ក្នុងចំណោមអ្នកស្វែងរកការងារធ្វើ ។ ប៉ុន្តែលោកលើកឡើងថា បច្ចុប្បន្ននៅលើគេហទំព័រនេះ មានការចុះផ្សាយជ្រើសរើសអ្នកបើកបរត្រឹមតែ ២៤ កន្លែង ប៉ុណ្ណោះ ពោលគឺប្រហែល ១,២ ភាគរយ នៃការងារសរុបចំនួន ២.០០៣...

អាជ្ញាធរ​ឆ្មក់ចូល​ឆែ​កឆេរ​រោង​​​ចក្រ​​​​ ផលិត​​​​គ្រឿងសម្អាង​​ ​ស្រប​ពេល​មាន​​​ការ​បង្ក្រាប​លើ​ផលិត​ផល​ក្លែង​ក្លាយ​​

ផលិតផលគ្រឿងសម្អាងក្លែងក្លាយជិត៣០តោនត្រូវបានរឹបអូសពីរោងចក្រមួយដែលបិទយីហោបរទេសលើផលិតផលក្នុងស្រុករបស់ខ្លួននៅក្នុងអ្វីដែលមន្ត្រីក្រសួងមហាផ្ទៃមួយរូបបានលើកឡើងថា ជាផ្នែកនៃការបង្ក្រាបរាប់ខែលើទីផ្សារដែលពោរពេញទៅដោយផលិតផលក្លែងក្លាយ។ លោក មាជ សុផាន់ណា អនុរដ្ឋលេខាធិការ និងជាប្រធានគណៈកម្មាធិការជាតិប្រយុទ្ធប្រឆាំងផលិតផលក្លែងក្លាយនៃក្រសួង មហាផ្ទៃបានមានប្រសាសន៍ថា "ផលិតផលក្លែងក្លាយមានគ្រប់ទីកន្លែង" ។លោកបានបន្តថា " គ្រាន់តែបើកភ្នែកឡើងភ្លាម ហើយដើរ ផ្សារ ឃើញផលិតទាំងនោះទៅហើយ"។ ការឆ្មក់ចូលក្នុងពេលថ្មីៗនេះ ដែលលោក មាជ សុផាន់ណា បានលើកឡើងថា ត្រូវបានធ្វើឡើងក្នុងរយៈពេលពីរសប្តាហ៍កន្លងមកនេះនោះ បានឈានទៅដល់ការបិទរោងចក្រមួយកន្លែង និងកន្លែងស្តុកទំនិញចំនួន២កន្លែងនៅក្នុងរាជធានីភ្នំពេញ និងក្រុងតាខ្មៅ ខេត្តកណ្តាល។ លោក មាជ សុផាន់ណា បានលើកឡើងទៀតថា រោងចក្រនេះផលិតផលិតផលថែរក្សាស្បែក ផលិតផលថែរក្សាសក់ និងផលិតផលសម្រាប់លាប...

អត្ថប្រយោជ​ន៍​​​​នៃ​​​ការ​​​បន្ទាប​​​អត្រាការប្រាក់​​​របស់​​​មីក្រូ​​​ហិរញ្ញ​​​ វត្ថុ​​ ​ស្ថិត​​​ក្នុង​​​ភាព​​​មិនច្បាស់​លាស់​

កាលពីម្សិលមិញ គណបក្សប្រជាជនកម្ពុជាកំពុងកាន់អំណាចបានគាំទ្រសេចក្តី សម្រេចរបស់ខ្លួននៅក្នុងការកំណត់ពិដានអត្រាការប្រាក់ឥណទានលើកម្ចីគ្រឹះស្ថានមីក្រូហិរញ្ញវត្ថុ ដើម្បីជាមធ្យោបាយជួយអ្នកក្រីក្រកុំឲ្យជាប់បំណុលវ័ណ្ឌក ខណៈក្រុមអ្នកវិភាគបានចាត់ទុកការសម្រេចនេះថា ជាចំណាត់ការនយោបាយដែលនឹងមានផលប៉ះពាល់អវិជ្ជមានក្នុងរយៈពេលយូរលើសេដ្ឋកិច្ចនៅទីជនបទ។ ស្របពេលមានគោលនយោបាយថ្មីនេះលោក សុខ ឥសាន អ្នកនាំពាក្យគណបក្សប្រជាជនកម្ពុជាបានលើកឡើងថា គណបក្សកាន់អំណាច និងរដ្ឋាភិបាលគិតគូរអំពីជីវភាពរបស់ប្រជាពលរដ្ឋធំជាងប្រាក់ចំណេញរបស់គ្រឹះស្ថានមីក្រូហិរញ្ញវត្ថុ។ លោកបានមានប្រសាសន៍ថា "នៅពេលដែលយើងអនុវត្តកាតព្វកិច្ចក្នុងកិច្ចសន្យាបំណុលមិនបានទេ វាឈានទៅដល់ការអនុវត្តកិច្ចសន្យាថា សងមិនគ្រប់ទេ វាចេះតែកើនឡើងជាការប្រាក់ និងវាទៅជារឿងគេរឹបអូសផ្ទះ និងដីធ្លីដែលប៉ះពាល់ដល់ជីវភាពប្រជាជន"។ ទោះជាយ៉ាងណាអ្នកផ្សេងទៀតបានលើកឡើងថា ចំណាត់ការនេះគឺដើម្បីចំណេញ សន្លឹកឆ្នោត នៅប៉ុន្មានខែមុនការបោះឆ្នោតឃុំសង្កាត់នាថ្ងៃទី៤ខែមិថុនា ហើយថាវាមិនទំនងជាជួយកាត់បន្ថយភាពក្រីក្រទេ ហើយវាអាចធ្វើឲ្យប្រព័ន្ធគ្រឹះស្ថានមីក្រូហិរញ្ញវត្ថុនៅក្នុងប្រទេសធ្លាក់ចូលក្នុងស្ថានភាពច្របូកច្របល់។ ធនាគារជាតិនៃកម្ពុជាបានប្រកាសកាលពីថ្ងៃច័ន្ទថាខ្លួនសម្រេចកំណត់អត្រាការប្រាក់ប្រចាំឆ្នាំលើកម្ចីថ្មីទាំងអស់ ឬកម្ចីរៀបចំឡើងវិញរបស់គ្រឹះស្ថានមីក្រូហិរញ្ញវត្ថុត្រឹម១៨% ដោយនឹងអនុវត្ត ចាប់ពីថ្ងៃទី១ ខែមេសាទៅ។ ទោះជាយ៉ាងណា ធនាគារជាតិនៃកម្ពុជាបានលើកឡើងនៅក្នុងរបាយការណ៍របស់ខ្លួនកាលពីខែវិច្ឆិកាថា គោលនយោបាយបែបនេះអាចធ្វើឲ្យអ្នកផ្តល់កម្ចី "បដិសេធមិនផ្តល់ឥណទានដល់អ្នកក្រីក្រ"។ លោក សុខ ឥសាន បានលើកឡើងថា គណបក្សប្រជាជនកម្ពុជា និងរដ្ឋាភិបាលបានពិនិត្យបញ្ហានេះ និងបានពិភាក្សាពិគ្រោះយោបល់ជាមួយធនាគារជាតិដែលបន្ទាប់បានពិភាក្សាជាមួយគ្រឹះស្ថានមីក្រូហិរញ្ញវត្ថុដើម្បីពិចារណាលើគ្រប់ចំណុចទាំងអស់ពាក់ព័ន្ធមីក្រូឥណទាននៅក្នុងការបង្កើតគោលនយោបាយរបស់ខ្លួន។ ទោះជាយ៉ាងណា លោក ហួត អៀងតុង ប្រធានអគ្គនាយកគ្រឹះស្ថានមីក្រូហិរញ្ញវត្ថុហត្ថាកសិករ លីមីតធីត និងជាប្រធានសមាគមមីក្រូហិរញ្ញវត្ថុកម្ពុជាបានលើកឡើងថា រដ្ឋាភិបាលមិនបានពិភាក្សាជាមួយគ្រឹះស្ថានមីក្រូហិរញ្ញវត្ថុទេ...

ធានាគារជាតិ​នៃ​កម្ពុជា​កំណត់​ពិដាន​អត្រា​ការ​ប្រាក់​​ឥណទាន​១៨% ដោយ​បង្ក​ឲ្យ​មាន​ការ​​​ព្រួយបារម្ភ​​​​​​យ៉ាង​​​ខ្លាំង​​​

ធនាគារជាតិនៃកម្ពុជាបានប្រកាសកាលពីម្សិលមិញថា ខ្លួនសម្រេចកំណត់ពិដានអត្រាការប្រាក់ឥណទាន១៨ភាគរយសម្រាប់ គ្រឹះស្ថានមីក្រូហិរញ្ញវត្ថុទាំងអស់ ដោយធ្វើឲ្យមានការព្រួយបារម្ភថា អ្នកផ្តល់កម្ចីនឹងឈប់ផ្តល់កម្ចីតូចៗ ដែលជារឿយៗតែងតែជួយដល់អ្នកភូមិក្រីក្របំផុតនោះ។ វិធានការនេះដែលនឹងដាក់ឲ្យអនុវត្តចាប់ពីថ្ងៃទី១ខែមេសា ឆ្នាំ២០១៧នេះជាកំហិតនោះ ផ្ទុយពីការសន្និដ្ឋានរបស់អ្នកស្រាវជ្រាវសេដ្ឋកិច្ចម្នាក់នៅធនាគារជាតិនៃកម្ពុជានេះនៅក្នុងរបាយការណ៍មួយចេញកាលពីឆ្នាំមុនដែលផ្តល់មតិជំទាស់នឹងការបង្កើតពិដានអត្រាការប្រាក់ឥណទាន ដោយ លើកឡើងពីផលប៉ះពាល់លើអ្នកខ្ចីប្រាក់តូចតាច។ ធនាគារជាតិនៃកម្ពុជាបានប្រកាសកាលពីម្សិលមិញនៅក្នុងសេចក្តីប្រកាសព័ត៌មានរបស់ខ្លួនថា ដោយអត្រាការប្រាក់ប្រចាំឆ្នាំជាមធ្យមមានហានិភ័យខ្ពស់ កម្ចីតូចៗដែលបច្ចុប្បន្នយកការប្រាក់ពី២០ទៅ៣០ភាគរយនោះ ពិដានការប្រាក់ថ្មីនេះនឹង "ទប់ស្កាត់បំណុលវ័ណ្ឌក និងកាត់បន្ថយភាពក្រីក្រ ការពារអតិថិជនពីការគិតការប្រាក់ក្នុងអត្រាខ្ពស់ពេកពីគ្រឹះស្ថានមីក្រូហិរញ្ញវត្ថុ និងជំរុញការប្រើប្រាស់ឥណទានឲ្យកាន់តែមានប្រសិទ្ធភាព"។ សេចក្តីប្រកាសព័ត៌មានទី២ដែលចេញដោយធនាគារជាតិនៃកម្ពុជាដដែលនេះបានលើកឡើងថា វិធានថ្មីនេះមានប្រសិទ្ធភាពអនុវត្តចំពោះកិច្ចសន្យាឥណទានថ្មីរួមទាំងឥណទានរៀបចំឡើងវិញ (Restructured Loan)។មន្ត្រីធនាគារជាតិនៃកម្ពុជាមិនអាចទាក់ទងដើម្បីសុំធ្វើការអត្ថាធិប្បាយបានទេ។ យោងតាមរបាយការណ៍របស់ធនាគារជាតិនៃកម្ពុជាដែលសិក្សាស្រាវជ្រាវដោយលោក ឡេង សុខឡុង អគ្គទេសាភិបាលរងនៃធនាគារជាតិនេះនៅពេលនោះ និងដែលចេញកាលពីខែវិច្ឆិកានោះ ការដាក់ចេញនូវពិដានការប្រាក់ឥណទាននេះប្រហែលជាធ្វើឲ្យ "ធនាគារនានាបដិសេធមិនផ្តល់ឥណទានដល់អ្នកក្រីក្រ"។ របាយការណ៍នេះបានលើកឡើងថា ការកំណត់អត្រាការប្រាក់ប្រហែលជាបង្កើនអត្រាការប្រាក់ក្រៅផ្លូវការដល់អ្នកខ្ចី ធ្វើឲ្យការទទួលបានកម្ចីតូចៗធ្លាក់ចុះ និងទីបំផុតពង្រីកទីផ្សារដល់អ្នករកស៊ីចងការប្រាក់។ ក្រុមអ្នកវិភាគកាលពីម្សិលមិញ បានបន្ទរតាមក្តីព្រួយបារម្ភជាច្រើនដែលបានលើកឡើងក្នុងរបាយការណ៍នេះ ដោយមានអ្នកខ្លះលើកឡើងថា...

ទី​​​ផ្សារ​​​រថយន្ត​​​ជជុះ​​​បន្ត​​​ធ្វើ​​​ឲ្យរាំង​​​ស្ទះ​​​ដល់​​​សក្តានុពល​​​នៃ​​​ការ​​​វិនិយោគក្នុង​​​ប្រទេស​​​កម្ពុជា​​​

ក្រុមហ៊ុនផលិតរថយន្តរបស់អាល្លឺម៉ង់កំពុងព្រួយបារម្ភចំពោះការត្រៀមដើរចេញពីសហភាពអឺរ៉ុបរបស់ចក្រភពអង់គ្លេសដែលជាអ្នកនាំចូលលេខមួយរបស់ខ្លួន។ ហើយទោះបីជា ការពង្រីកមកកាន់ទីផ្សារកម្ពុជាទំនងជាមិនអាចជួយធ្វើឲ្យក្តីព្រួយបារម្ភនេះបានធូរស្រាលក៏ដោយ ក៏វិនិយោគិនអាល្លឺម៉ង់ ដែលប្រមូលផ្តុំគ្នាកាលពីម្សិលមិញនៅក្នុងរាជធានីភ្នំពេញ បានលើកឡើងថា អ្វីដែលនឹងអាចមាននៅទីនេះ កំពុងត្រូវបានធ្វើឲ្យមានការលំបាកដោយសារនៅតែមានរថយន្តជជុះយ៉ាងច្រើននៅតាមដងផ្លូវនានា។ លោក Antoine Jeanson ប្រធានគណៈកម្មាធិការទទួលបន្ទុកផ្នែកគ្រប់គ្រងរថយន្តរបស់សភាពាណិជ្ជកម្មសហភាពអឺរ៉ុប បាននិយាយមួយសន្ទុះទៅកាន់វិនិយោគិនអាល្លឺម៉ង់នៅក្រៅជំនួបកំពូលស្តីពីពាណិជ្ជកម្មអន្តរជាតិ(International Business Summit)។ អ្នកចូលរួមហាក់បីដូចជាមានភាពស្ទាក់ស្ទើរ។ លោកបានមានប្រសាសន៍បន្ទាប់ពីកិច្ចប្រជុំថា "វិនិយោគិនថ្មីៗប្រហែលជាមិនសូវចាប់អារម្មណ៍លើការវិនិយោគក្នុងទីផ្សារបែបនេះទេ"។ លោកបានបន្តថា "អ្វីដែលអស់លោកអ្នកបានឃើញពីជំនួបកំពូលទាំងមូលនេះ គឺថាកម្ពុជាពិតជាមានផ្នែកខ្លះល្អ។ អ្វីៗដែលពិតជាធ្វើឲ្យកម្ពុជា ជាប្រទេសដែល ល្អសម្រាប់ការវិនិយោគ ប៉ុន្តែវានៅមិនទាន់ល្អនៅឡើយទេ សម្រាប់អ្វីៗគ្រប់យ៉ាង"។ បញ្ហាមួយក្នុងចំណោមបញ្ហាទាំងនោះ គឺរថយន្ត ជាពិសេស រថយន្តថ្មីរបស់ក្រុមហ៊ុនចែកចាយដែលទទួលបានអាជ្ញាប័ណ្ណផ្លូវការ។ លោក Antoine Jeanson  ដែលក៏ជានាយកគ្រប់គ្រងក្រុមហ៊ុន Audi Cambodia ដែរនោះបានលើកឡើងថា...

អង្គការ​​​ក្រៅ​​​រដ្ឋាភិបាល​​​ស្នើ​​​ឲ្យ​​​រដ្ឋាភិបាល​​​ផ្អាក​​​ការ​​​បូម​​​ខ្សាច់​​​ទាំង​​​អស់​​​

អង្គការក្រៅរដ្ឋាភិបាលមួយក្រុមបាននិយាយកាលពីថ្ងៃសុក្រនៅក្នុងកិច្ចប្រជុំមួយជាមួយក្រសួងរ៉ែនិងថាមពលថា ប្រទេសកម្ពុជាគួរតែផ្អាករាល់ការបូមខ្សាច់ទាំងអស់នៅក្នុងខេត្តកោះកុង រហូតទាល់តែរដ្ឋាភិបាលជជីករកឲ្យឃើញតួលេខទាបគួរឲ្យសង្ស័យក្នុងការនាំខ្សាច់ចេញក្រៅប្រទេសជាមុនសិន។ លោក សន ជ័យ នាយកអង្គការបណ្តាញរួបរួមដើម្បីគណនេយ្យភាពសង្គមបាននិយាយថា រដ្ឋាភិបាលត្រូវតែពង្រឹងប្រព័ន្ធគ្រប់គ្រងជំនួញខ្សាច់ឲ្យល្អប្រសើរ "ព្រោះយើងមានឈ្មោះអាក្រក់ទៅលើការនាំចេញខ្សាច់ពេលនេះ"។ លោកបាននិយាយថា "គ្មានការឆ្លើយតបពីក្រសួងទាក់ទងនឹងសំណើនេះនៅឡើយទេ ព្រោះរដ្ឋាភិបាលបាននិយាយថា ខ្លួនកំពុងរង់ចាំឯកសារពិស្តារពីកោះកុងសិន" ដែលជាខេត្តមានការបូមខ្សាច់។ រដ្ឋាភិបាលរងសម្ពាធយ៉ាងខ្លាំងឲ្យពន្យល់ថា ហេតុអ្វីបានជាក្រសួងពាណិជ្ជកម្មបានរាប់បានចំនួនតែ១៤,៣លានតោននៃខ្សាច់នាំចេញពីឆ្នាំ២០០៥រហូតដល់ឆ្នាំមុន ចំណែកឯប្រទេសផ្សេងទៀតដែលដឹកនាំដោយប្រទេសសិង្ហបូរី បានកត់ត្រាថាមានការនាំចេញខ្សាច់ច្រើនជាង៧៥លានតោនក្នុងអំឡុងពេលនោះ។ ឆ្លើយតបនឹងលិខិតមួយច្បាប់ពីក្រុមអង្គការសង្គមស៊ីវិលចំនួន៤១ដែលទាមទារឲ្យផ្តល់ចម្លើយនិងតម្លាភាពនោះ ក្រសួងបានចេញលិខិតចំហមួយ ដោយអញ្ជើញក្រុមអង្គការឲ្យមកចូលរួមប្រជុំបិទទ្វាររយៈពេលបីម៉ោងក្នុងក្រុងភ្នំពេញកាលពីថ្ងៃសុក្រ។ និយាយក្រោយពីកិច្ចប្រជុំចប់ លោក ជ័យ បាននិយាយថា តំណាង១០នាក់មកពីសង្គមស៊ីវិលដែលបានចូលរួមប្រជុំ នៅតែចង់បានចម្លើយទាក់ទងនឹងគម្លាតការនាំចេញ និងការនាំចូល។ លោកបាននិយាយថា "យើងត្រូវការព័ត៌មានច្រើនថែមទៀតលើបញ្ហានេះ ព្រោះវានៅមានមន្ទិលច្រើន"។ លោក ជ័យ បាននិយាយបន្ថែមថា អង្គការក្រៅរដ្ឋាភិបាលមានការព្រួយបារម្ភអំពីភាពស្របច្បាប់នៃប្រតិបត្តិការបូមខ្សាច់នៅពេលនេះ និងសក្តានុពលដែលបង្កឲ្យខូចខាតដល់ប្រព័ន្ធបរិស្ថាន។ លោកបាននិយាយថា "យើងក៏បានស្នើឲ្យគេចេញផ្សាយឯកសារទាំងអស់ដែរ រួមទាំងឈ្មោះក្រុមហ៊ុនដែលមានអាជ្ញាបណ្ណ...នៅលើវិបសាយ  ប៉ុន្តែរដ្ឋាភិបាលមិនយល់ព្រមទេ។ គេបាននិយាយថា ប្រសិនបើយើងចង់មើលឯកសារទាំងនោះ សូមមកក្រសួងដើម្បីពិនិត្យមើលចុះ"។ លោក ឌិត ទីណា អ្នកនាំពាក្យក្រសួងមិនបានឆ្លើតតបនឹងសំណើសុំការអត្ថាធិប្បាយទេ។ លោក សាន ម៉ាឡា សហស្ថាបនិកនៃអង្គការមាតាធម្មជាតិបាននិយាយថា លោក ទីណា បានលើកឡើងថា គម្លាតជំនួញក្នុងការនាំចូលនិងការនាំចេញតែងតែកើតមានឡើងនៅក្នុងប្រព័ន្ធទិន្នន័យស្ថិតិជំនួញរបស់ប្រើប្រាស់សហប្រជាជាតិ ដែលមានតួលេខត្រូវរក្សាទុក។ លោក ម៉ាឡា បាននិយាយថា លោក ទីណា មិនអាចពន្យល់ថា"ហេតុអ្វីបានជាមានគម្លាតខុសគ្នាដូច្នេះទេ"។ អត្ថបទវិភាគរបស់កាសែត ខេមបូឌា ដេលី ទៅលើការនាំចេញឈើបានរកឃើញគម្លាតរាយការណ៍ក្នុងទិន្នន័យរបស់ប្រើប្រាស់ដែលមានទឹកប្រាក់ប្រហែល១ពាន់លានដុល្លារ ដែលអ្នកសេដ្ឋកិច្ចនិងសកម្មជនបាននិយាយថា ក៏ត្រូវតែមានការស៊ើបអង្កេតដែរ។ លោក ផ្ល័ររៀន អែប៊ឺត ជាមន្ត្រីស្ថិតិនៅអង្គការពាណិជ្ជកម្មពិភពលោកបានបញ្ជាក់កាលពីសប្តាហ៍មុនថា "វាតែងតែមានភាពមិនស៊ីគ្នាដោយអន្លើ"ក្នុងការប្រៀបធៀបទិន្នន័យនាំចូលនិងនាំចេញ។ លោកបាននិយាយថា ប៉ុន្តែអសមប្បមាណនៅក្នុងករណីនេះ "ហាក់ដូចជាធំមែនទែន"៕

អតិថិ​​​ជន​​​​​​ស្ទាក់​​​ស្ទើរ​​​​​​​​​ក​​​្នុង​​​​​​ការ​​​យក​​​​​ទូរ​ស័ព្ទ​​​ ​​​Note7 ​​​មក​​​ដូរ​​​ ​​​បន្ទាប់ពី​​​មានព័ត៌មានផ្ទុះថ្ម​

ពេលដើរចូលទៅក្នុងកន្លែងផ្តល់ជំនួយ សម្រាប់អតិថិជនរបស់ក្រុមហ៊ុន Samsung (Samsung Service Center) នៅតាមបណ្តាយមហាវិថីព្រះមុនីវង្សកាលពីម្សិលមិញ លោកឡុង ពិសាស អាយុ២២ឆ្នាំចេះតែសង្ស័យចំពោះការប្រមូលចូលវិញនូវទូរស័ព្ទ Galaxy Note7  ដែលគាត់ប្រើបាន១ខែមកហើយ។ លោកបាននិយាយពេលកំពុងលេងហ្វេសប៊ុកនៅក្នុងទូរស័ព្ទសេ៊រីនេះថា "ខ្ញុំគិតថាទូរស័ព្ទទាំងនេះពិតជាគ្មានបញ្ហាអ្វីឡើយ។ ខ្ញុំបានប្រើវាតាំងពីថ្ងៃទី២៤ខែសីហាមកម្លេ៉ះ។ វាអត់មានផ្ទុះនោះទេ"។ កាលពីថ្ងៃច័ន្ទក្រុមហ៊ុន Thai Samsung Electronics ដែលជាក្រុមហ៊ុនបុត្រសម្ព័ន្ធក្នុងតំបន់របស់ក្រុមហ៊ុន Samsung បានឆ្លើយតបចំពោះសេចក្តីរាយការណ៍ព័ត៌មានជាច្រើនស្តីអំពីការផ្ទុះទូរស័ព្ទស៊េរីនេះ ដោយអំពាវនាវឲ្យអតិថិជនបិទ Note 7 របស់ខ្លួនភ្លាមៗ ហើយយកវាមកដូរនៅកន្លែង Service Centerរបស់ក្រុមហ៊ុនក្នុងរាជធានីភ្នំពេញ។ នៅក្នុងវិធានការបណ្តោះអាសន្នមួយទៀត ក្រុមហ៊ុន Samsung បានលើកឡើងថា ខ្លួននឹងផ្តល់ប្រព័ន្ធថ្មីសម្រាប់អាប់ដេត (Update) នៅសប្តាហ៍ក្រោយ ដែលនឹងការពារថ្មរបស់ Note...

លោកនាយករដ្ឋមន្ត្រីផ្តល់ដីឲ្យប្រជាជន​​​និង​​​ឲ្យបញ្ចប់ការជួលដីឲ្យវៀតណាម

កាលពីថ្ងៃពុធ លោកនាយករដ្ឋមន្ត្រី ហ៊ុន សែន បានប្រកាសថា លោកបានបញ្ជាឲ្យអាជ្ញាធរចេញប័ណ្ណកម្មសិទ្ធិឲ្យប្រជាពលរដ្ឋ៣១គ្រួសារដែលរស់នៅលើដីរដ្ឋ ជាចំណាត់ការមួយដែលបានលើកទឹកចិត្តក្រុមផ្សេងទៀតដែលរស់នៅលើដីរដ្ឋអង្វរករតាមហ្វេសប៊ុកសុំឲ្យមានការយកចិត្តទុកដាក់ដូចគ្នា។ បញ្ជានេះបានធ្វើឡើងបន្ទាប់ពីសុន្ទរកថាថ្ងៃទី៤ខែសីហា ដែលក្នុងសុន្ទរកថានោះ លោក ហ៊ុន សែន ដែលកំពុងធ្វើដំណើរចុះតាមខេត្តនានា បានបញ្ជាឲ្យអាជ្ញាធរផ្តល់ប័ណ្ណកម្មសិទ្ធិដល់គ្រួសារប្រជាជនដែលបានរស់នៅយូរលើដីរដ្ឋ ដែលត្រូវបានចុះបញ្ជីសារពើភណ្ឌដោយរដ្ឋាភិបាលរួចទៅហើយ។ លោកបានមានប្រសាសន៍នៅពេលនោះថា "ពលរដ្ឋដែលបាននឹងកំពុងរស់នៅតាមកន្លែងនានាដែលចុះបញ្ជីសារពើភណ្ឌរបស់រដ្ឋរយៈពេលជាច្រើនឆ្នាំ នឹងទទួលបានប័ណ្ណស្របច្បាប់"។ លោកបានមានប្រសាសន៍ថា ដីនឹង "ត្រូវដកចេញពីបញ្ជីសារពើភណ្ឌរបស់រដ្ឋ ដូច្នេះនឹងទទួលបានភាពជាម្ចាស់ និងឱកាសសាងសង់ផ្ទះត្រឹមត្រូវ"។ កាលពីថ្ងៃពុធ លោកនាយករដ្ឋមន្ត្រីបានចូលទំព័រហ្វេសប៊ុករបស់លោកប្រកាសថា លោកបានយល់ព្រមតាមសំណើរបស់គ្រួសារប្រជាជនមួយក្រុមដែលរយៈពេល៣០ឆ្នាំមកហើយបាននឹងកំពុងរស់នៅលើដីរបស់មន្ទីរពាណិជ្ជកម្មខេត្តតាកែវ។ លោកបានសរសេរ ដោយសំដៅខ្លួនលោកជាភាគីទី៣ថា...