នាយករដ្ឋមន្រ្តីខ្មែរនិងនាយករដ្ឋមន្រ្តីថៃ គ្រាន់តែជួបចាប់ដៃក្នុងកិច្ចប្រជុំអាស៊ាននៅក្រុងហាណូយ

នាយករដ្ឋមន្ត្រី ប្រទេសកម្ពុជា លោក ហ៊ុន ម៉ាណែត បានឱ្យដឹងថា លោកបានជួបពិភាក្សាក្រៅផ្លូវការនឹង នាយករដ្ឋមន្ត្រីថៃ លោក អនុធីន ឆានវីរគុណ (Anutin Charnvirakul) នៅទីក្រុងហាណូយ ប្រទេសយៀក ណាម មុនពិធីបើក វេទិកាអនាគតអាស៊ាន (AFF) លើកទី៣ កាលពីព្រឹកថ្ងៃទី៩ ខែមិថុនា។

លោក ហ៊ុន ម៉ាណែត បានផ្សាយដំណឹងតាមរយៈទំព័រហ្វេសប៊ុកផ្លូវការរបស់លោកថា លោកបាន «ឆ្លៀតជួបពិភាក្សាក្រៅផ្លូវការ» ជាមួយលោក អនុធីន មុនពេលចូលរួមកម្មវិធីផ្លូវការ២ថ្ងៃ នៃ វេទិកាអនាគតអាស៊ាននៅប្រទេសយៀកណាម។ រូបភាពផ្សាយដោយសារព័ត៌មានយៀកណាមផ្លឹស VietnamPlus នាយករដ្ឋមន្រ្តីប្រទេសទាំងពីរ គ្រាន់តែជួបចាប់ដៃគ្នាក្រៅអង្គប្រជុំតែប៉ុណ្ណោះ។

អគ្គលេខាធិការ នៃរាជបណ្ឌិតសភាកម្ពុជា និងជាអ្នកវិភាគនយោបាយ លោក យង់ ពៅ ថ្លែងថា ការបង្ហាញព័ត៌មានអំពីជំនួបនេះបង្ហាញថា ភាគីខ្មែរនៅតែបន្តប្រើប្រាស់យន្តការការទូត និងការសន្ទនាជាមួយភាគីថៃ ទោះបីជាបញ្ហាព្រំដែនមិនទាន់បានដោះស្រាយហើយក៏ដោយ។

យ៉ាងណាមិញ សារព័ត៌មានថៃ Khaosod បានដកស្រង់សម្តីអ្នកនាំពាក្យរដ្ឋាភិបាលថៃ លោកស្រី Ratchada Thanadirek ដែលបានបញ្ជាក់ថា មិនមានជំនួបទ្វេភាគីផ្លូវការណាមួយរវាងមេដឹកនាំទាំងពីរនោះទេ។ តាមការបញ្ជាក់របស់លោកស្រី មេដឹកនាំទាំងពីរគ្រាន់តែបានស្វាគមន៍ និងជជែកគ្នាជាធម្មតា ខណៈកំពុងរង់ចាំការចាប់ផ្តើមកម្មវិធី។

គួកត់សម្គាល់ថា វេទិកាអនាគតអាស៊ាន (AFF) លើកទី៣ នារដ្ឋធានីហាណូយ សាធារណរដ្ឋ សង្គមនិយម យៀកណាម ជាកិច្ចប្រជុំពិភាក្សារួមគ្នារវាងមេដឹកនាំសហគមន៍អាស៊ាន ដើម្បីស្វែងរកវិធីសាស្រ្តអភិវឌ្ឍរួម គ្នា រីកចម្រើនព្រមៗគ្នា ជាប្រយោជន៍ដល់ពលរដ្ឋនៃប្រជាជាតិអាស៊ីអគ្នេយ៍ទាំងអស់។ អ្នកដឹកនាំយៀកណាម មាននាយករដ្ឋមន្រ្តី ឡេ មិញហ៊ុង ប្រធានាធិបតី និង លេខាបក្ស តូ ឡឹម ជាដើម បានសង្កត់ធ្ងន់លើការប្រឹងប្រែងបោះជំហានឲ្យទាន់ស្ថានការណ៍ផ្លាស់ប្តូរក្នុងពិភពលោក ពោលគឺមិនអាចប្រកាន់តាមរបៀបចាស់ដដែលៗនោះទេ។

សារព័ត៌មាន បាវ យៀកណាមណិត (Bao VietnamNet) បានស្រង់ខ្លឹមសារពីសេចក្តីថ្លែងសារបើកកម្មវិធី ដោយប្រធាន តូ ឡឹម រំឭកគណៈប្រតិភូរដ្ឋាភិបាលជាសមាជិកអាស៊ាន ដែលយើងសូមផ្សាយដោយសង្ខេបថា៖

ពិភពលោកដែលកំពុងប្រែប្រួល មិនត្រឹមតែនាំមកនូវការប្រឈមឲ្យប្រឹងប្រែងនោះទេ ប៉ុន្តែវាជាការអញ្ជើញយើងឲ្យខិតខំខ្លួនឯង គឺដើរចេញពីការប្រកាន់ឥរិយាបទធម្មតាផងដែរ។ ជាការអញ្ជើញប្រទេសអា ស៊ាន គិតឲ្យហួសពីសម័យបោះឆ្នោតវិលដូចកងចក្រផង ហួសពីព្រំដែនខ្លួនផង និង ហួសពីផលប្រ យោជន៍ខ្លីៗ នោះផង។ ជាការអញ្ជើញ ឲ្យយើងដាក់ពង្រាយយុវជនសម្រាប់អនាគតកាលឲ្យចំកន្លែង ដែលជាមណ្ឌល អភិវឌ្ឍន៍ជាយុទ្ធសាស្រ្ត។ បើអាស៊ានឈរលើគ្រឹះនេះ អាស៊ាននឹងមិនព្រួយបារម្ភអំពីពិភពលោកប្រែប្រួលនោះឡើយ៕

នាយករដ្ឋមន្រ្តីខ្មែរនិងនាយករដ្ឋមន្រ្តីថៃ គ្រាន់តែជួបចាប់ដៃក្នុងកិច្ចប្រជុំអាស៊ាននៅក្រុងហាណូយ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរកម្ពុជារកឃើញសាច់បង្កកនាំចូលពីថៃជាង ២២០ តោន ខណៈរដ្ឋាភិបាលបង្កើនការបង្ក្រាបការរត់ពន្ធទំនិញ

កម្ពុជាបណ្ដេញជនជាតិចិន ១៥៦ នាក់ពាក់ព័ន្ធឆបោកអនឡាញ ខណៈ Amnesty ចោទសួរប្រសិទ្ធភាពយុទ្ធនាការបង្ក្រាប

អ្នកវិភាគនិយាយថា ការទទួលស្គាល់កំហុសនៃមេដឹកនាំ ជាការទទួលខុសត្រូវ

ក្រុមភ្នាក់ងារ ធនាគារពិភពលោក រាយការណ៍ថា ចំណូលធ្លាក់ចុះ GDP ទាបដោយប្រការមួយចំនួន

អង្គការសិទ្ធិមនុស្ស រាយការណ៍ថា របរ វញ្ចកម្ម ឬ បោកប្រាស់ scams នៅគង់អត្ថិភាព មិនទៅណា

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន