TAG
ថុង ហួច
តំណាងពលករខ្មែរនៅកូរ៉េស្នើលោក ហ៊ុន ម៉ាណែត លុបឈ្មោះនិងរូបប្រាសាទអង្គរវត្តពីក្រុមហ៊ុនស្រាបៀរ
តំណាងពលករខ្មែរជាច្រើននាក់រស់នៅក្នុងប្រទេសកូរ៉េខាងត្បូង ស្នើឱ្យលោក ហ៊ុន ម៉ាណែត លុបឈ្មោះ និងរូបប្រាសាទអង្គរវត្តដែលប្រើជាស្លាកសញ្ញាស្រាបៀរ ចេញពីក្រុមហ៊ុនស្រាបៀរអង្គរ ដើម្បីលើកមុខមាត់ និងកិត្តិយសសម្បត្តិបេតិកភណ្ឌជាតិរបស់ខ្មែរ ស្របពេលដែលកម្ពុជាធ្វើពិធីប្រារព្ធខួបលើកទី៣១ឆ្នាំនៃប្រាសាទអង្គរវត្ត ដែលត្រូវបានអង្គការយូណេស្កូយល់ព្រមចុះបញ្ជីជាសម្បត្តិបេតិកភណ្ឌពិភពលោកកាលពីចុងឆ្នាំ១៩៩២ កន្លងទៅនោះ។
លោក ថុង ហួច ហៅ មយោរា ទឹកកក ជាពលករខ្មែរក្នុងប្រទេសកូរ៉េខាងត្បូង បានចេញលិខិតចំហមួយនៅថ្ងៃទី១៤ ខែធ្នូ ឆ្នាំ២០២៣ ដែលត្រូវជាខួបលើកទី៣១ឆ្នាំនៃការចុះបញ្ជីតំបន់រមណីយដ្ឋានអង្គរវត្តជាសម្បត្តិបេតិកភណ្ឌពិភពលោក ថា ក្នុងនាមជាពលរដ្ឋខ្មែរម្នាក់ដែលតែងឈឺឆ្អាលក្នុងរឿងសង្គមជាតិ...