ប៉ូលិស Interpol

អាជ្ញាធរមានសមត្ថកិច្ចសិង្ហបុរី កំពុងតាមចាប់មេបណ្តាញឧក្រិដ្ឋកម្មឆបោកពីប្រទេសកម្ពុជា សមត្ថកិច្ច​សិង្ហបុរី កំពុង​តាម​ចាប់​ខ្លួន​បណ្ដាញ​ក្រុម​ឧក្រិដ្ឋជន​ឆបោក​អនឡាញ​ជនជាតិ​សិង្ហបុរី និង​ជនជាតិ​ម៉ាឡេស៊ី ចំនួន ៣៤​នាក់ ដែល​មាន​បណ្ដាញ​ឆបោក​អនឡាញ​ចេញពី​ប្រទេស​កម្ពុជា បន្ទាប់ពី​បាន​ឆបោក​យក​ប្រាក់​ពី​ជនរងគ្រោះ​ជា​ជនជាតិ​សិង្ហបុរី ប្រមាណ ៣១​លាន​ដុល្លារ​សហរដ្ឋ​អាមេរិក តាមរយៈ​ការ​ក្លែង​បន្លំ​ធ្វើ​ជា​មន្ត្រី​រដ្ឋាភិបាល​សិង្ហបុរី។ យោង​តាម​ការ​ផ្សាយ​ក្នុង​ទូរទស្សន៍​សិង្ហបុរី CNA កាលពី​ថ្ងៃទី​២៩ ខែ​តុលា ឆ្នាំ​២០២៥ ក្រុម​ជនសង្ស័យ​ទាំង ៣៤​នាក់​ដែល​សមត្ថកិច្ច​សិង្ហបុរី កំពុង​តាម​ចាប់​ខ្លួន បច្ចុប្បន្ន​ពុំ​មាន​វត្តមាន​ក្នុង​ប្រទេស​សិង្ហបុរី នោះ​ទេ ខណៈ​ពួកគេ​មាន​បណ្ដាញ​ឆបោក​អនឡាញ​ចេញពី​ប្រទេស​កម្ពុជា។ ជនសង្ស័យ​ទាំង ៣៤​នាក់ មាន​ជនជាតិ​សិង្ហបុរី ចំនួន...

នាយក​ខុទ្ទកាល័យ​ប្រធាន​បក្ស​ប្រឆាំង ព្រមាន​ថា បើ​អគ្គព្រះរាជអាជ្ញា​ថៃ សម្រេច​ចោទប្រកាន់​មេដឹកនាំ​បក្ស​កាន់​អំណាច លោក ហ៊ុន សែន នោះ​ប៉ូលិស​ថៃ ក៏​នឹង​ស្នើ​ប៉ូលិស​អន្តរជាតិ​អាំងទែរប៉ូល ឱ្យ​ចេញ​និវេទន៍​ក្រហម​តាម​ចាប់​ខ្លួន​មេដឹកនាំ​បក្ស​កាន់​អំណាច​ខ្មែរ​រូប​នេះ​ដែរ។ មន្ត្រី​ជាន់ខ្ពស់​គណបក្ស​សង្គ្រោះ​ជាតិ លោក មុត ចន្ថា សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​១៥ កក្កដា នេះ​ថា ប៉ូលិស​ប្រឆាំង​បទឧក្រិដ្ឋ​បច្ចេកវិទ្យា​នៃ​ប្រទេស​ថៃ បាន​បើក​ការ​ស៊ើបអង្កេត​លើ​បណ្តឹង​ពាក់ព័ន្ធ​នឹង​ការ​បែកធ្លាយ​ខ្សែអាត់​សំឡេង​រវាង​នាយករដ្ឋមន្ត្រី​ថៃ ដែល​ត្រូវ​បាន​ព្យួរ​តំណែង គឺ​អ្នកស្រី ផែថងថាន ស៊ីណាវ៉ាត់ បន្ទាប់ពី​មាន​ពាក្យ​ប្តឹង​ពី​គណបក្ស​ភឿថៃ។ លោក មុត...

អតីត​អ្នកឧកញ៉ា ហេង សិទ្ធី ដែល​ត្រូវ​បាន​ចាប់​ខ្លួន​នៅ​ប្រទេស​រុស្ស៊ី កន្លង​មក ត្រូវ​បាន​បញ្ជូន​មក​ដល់​កម្ពុជា​ហើយ​នៅ​យប់​ថ្ងៃទី​២៤ ខែ​ឧសភា ឆ្នាំ​២០២៥ ក្រោម​ការ​ធ្វើ​បត្យាប័ន​រវាង​រដ្ឋាភិបាល​ប្រទេស​ទាំង​ពីរ ដែល​ជា​ការ​អនុវត្ត​តាម​ដីកា​បង្គាប់​ឱ្យ​ចាប់​ខ្លួន​របស់​ចៅក្រម​ស៊ើបសួរ​សាលាដំបូង​រាជធានី​ភ្នំពេញ ពី​បទ «គំរាមកំហែង​ហែក​កេរ្តិ៍​មាន​ស្ថាន​ទម្ងន់​ទោស»។ អគ្គស្នងការ​រង និង​ជា​អ្នក​នាំពាក្យ​អគ្គស្នងការដ្ឋាន​នគរបាល​ជាតិ លោក ឆាយ គឹមខឿន បាន​ប្រាប់​អ្នក​សារព័ត៌មាន​ឱ្យ​ដឹង​ថា អតីត​អ្នកឧកញ៉ា ហេង សិទ្ធី ត្រូវ​បាន​បញ្ជូន​មក​កម្ពុជា គឺ​អនុវត្ត​តាម​ដីកា​បង្គាប់​ឱ្យ​ចាប់​ខ្លួន​របស់​ចៅក្រម​ស៊ើបសួរ​សាលាដំបូង​រាជធានី​ភ្នំពេញ ដែល​បាន​ចោទប្រកាន់​ពី​បទ «គំរាមកំហែង​ហែក​កេរ្តិ៍​មាន​ស្ថាន​ទម្ងន់​ទោស»...

អតីត​មេដឹកនាំ​បក្ស​ប្រឆាំង​លោក សម រង្ស៊ី លើកឡើង​ថា ផ្អែក​តាម​ការ​លើកឡើង​របស់​មន្ត្រី​ជាន់ខ្ពស់​ប៉ូលិស​អន្តរជាតិ Interpol ដែល​ថា​កម្ពុជា​ជាប់​ឈ្មោះ​ជា​ប្រទេស​ដែល​មាន​ការ​ជួញដូរ​មនុស្ស​ដ៏​ធំ​ប្រចាំ​តំបន់​អាស៊ី​អាគ្នេយ៍​សព្វថ្ងៃ​នេះ បាន​បង្ហាញ​យ៉ាង​ច្បាស់​ថា មុខមាត់ និង​កិត្តិយស​របស់​ប្រទេស​កម្ពុជា​បាន​ធ្លាក់​ចូល​ទៅ​ក្នុង​ភាព​កខ្វក់ ដោយសារ​ការ​ដឹកនាំ​របស់​គ្រួសារ​ត្រកូល ហ៊ុន ទាំងស្រុង។ អតីត​មេដឹកនាំ​បក្ស​ប្រឆាំង​លោក សម រង្ស៊ី សរសេរ​លើ​ទំព័រ​ហ្វេសប៊ុក​របស់​លោក​កាលពី​ថ្ងៃទី​២៨ មីនា នេះ​ថា ត្រកូល ហ៊ុន កំពុង​គប់គិត​ជាមួយ​ក្រុម​ម៉ាហ្វីយ៉ា​ពេញ​ទំហឹង ដែល​អនុញ្ញាត​ឱ្យ​ក្រុម​ឧក្រិដ្ឋជន​ទាំងនោះ​ប្រើប្រាស់​ប្រទេស​កម្ពុជា​ជា​មជ្ឈមណ្ឌល​ប្រព្រឹត្ត​អំពើ​ឧក្រិដ្ឋកម្ម​ផ្សេង ដូចជា ប្រព្រឹត្ត​អំពើ​ជួញដូរ​មនុស្ស...